Post: #1
Title: ماهو الأسم المقترح لـ( دولة جنوب السودان ) وهل يحق للشماليين حق المواطنة فى حالة الرغبة ؟؟؟؟
Author: معروف حمدين
Date: 11-02-2009, 07:32 AM
Parent: #0
* يعني لو عاوز جواز سفر هل يحق لي ؟؟؟
* لو عاوز أدخل للجنوب وأنا من الشمال أدخل بتأشيرة زيارة !!!!
* هل يحق لأخوتنافى الجنوب التمتع بالمواطنة فى الشمال فى حالة رغبتهم ؟؟؟
* وهل يحق لدولة الجنوب أستعمال الميناء البحري للشمال ؟؟؟
*أسئلة كثيرة ماأعتقد أنو الأتفاقية ناقشتها !!!
ونتابع ...
|
Post: #2
Title: Re: ماهو الأسم المقترح لـ( دولة جنوب السودان ) وهل يحق للشماليين حق المواطنة فى حالة الرغبة ؟؟؟
Author: اسامه خليفه
Date: 11-02-2009, 07:41 AM
الصديق معروف حمدين.. حمدلله علي السلامه
سيكون اسم الدوله للجنوب اذا تم الانفصال لاقدر الله .. سيكون اسمه ... السودان .. السودان يامعروف...
فماهو الاسم المقترح لشقه الشمالي ؟؟
دمت بخير
|
Post: #3
Title: Re: ماهو الأسم المقترح لـ( دولة جنوب السودان ) وهل يحق للشماليين حق المواطنة فى حالة الرغبة ؟؟؟
Author: معروف حمدين
Date: 11-02-2009, 07:52 AM
Parent: #2
Quote: فماهو الاسم المقترح لشقه الشمالي ؟؟
|
( NEW SUDAN)
|
Post: #4
Title: Re: ماهو الأسم المقترح لـ( دولة جنوب السودان ) وهل يحق للشماليين حق المواطنة فى حالة الرغبة ؟؟؟
Author: عصام دهب
Date: 11-02-2009, 07:55 AM
Parent: #3
بعد ما ينفصلوا إن شاء الله يسموه ( سلفا دقس ) ما شغلتنا !!
|
Post: #5
Title: Re: ماهو الأسم المقترح لـ( دولة جنوب السودان ) وهل يحق للشماليين حق المواطنة فى حالة الرغبة ؟؟؟
Author: الصادق صديق سلمان
Date: 11-02-2009, 07:58 AM
Quote: * يعني لو عاوز جواز سفر هل يحق لي ؟؟؟
* لو عاوز أدخل للجنوب وأنا من الشمال أدخل بتأشيرة زيارة !!!! |
هو هسي والبلد واحدة الشماليين يموتون موت الضان وهم لا يموتون في الشمال
وينعمون بكل اسباب الحرية بل وتعدون ببنادقهم على الشرطة ويقتلونهم في وضح
النهار.
والله تمشي هناك بعد الانفصال كرعينك ما يمرقنك يا معروف.
أبوفتحية
|
Post: #6
Title: Re: ماهو الأسم المقترح لـ( دولة جنوب السودان ) وهل يحق للشماليين حق المواطنة فى حالة الرغبة ؟؟؟
Author: معروف حمدين
Date: 11-02-2009, 08:10 AM
Parent: #5
Quote: بعد ما ينفصلوا إن شاء الله يسموه ( سلفا دقس ) ما شغلتنا !!
|
عصام دهب سلامات
والحكومة برضو دقست !!!!
وتمزق السودان ونحن نشهد مصرع وطن !!!
|
Post: #7
Title: Re: ماهو الأسم المقترح لـ( دولة جنوب السودان ) وهل يحق للشماليين حق المواطنة فى حالة الرغبة ؟؟؟
Author: مجدى محمد مصطفى
Date: 11-02-2009, 08:23 AM
Parent: #6
| Quote: بعد ما ينفصلوا إن شاء الله يسموه ( سلفا دقس ) ما شغلتنا !! |
يخوانا عصام دهب ده مالوا زعلان كده .
فتح ليهو بوست بي هناك يمارس فيه المثل السوداني جداده الخلا الطردت جداده البيت .
--------------------------------
المشكله في أنو المثقف السوداني الشمالي مفتكر أنو أفهم من المثقف السوداني الجنوبي وبيعرف أكتر منو , وبيمارس نوع من الوصايه حتى على أفكارو .
الزول ده قال بالوضع السابق و الحالي حننفصل يجي مثقف سوداني شمالي يقول ليهو والله تكون دقسته , يعني أنت بتعرف مصلحتو أكثر منو !!! .
والله ياهو ده ذاتوا البيخلي الزول يفكر في الأنفصال .
بس ما في زول لي غايه الأن تطرق الى جنوبنا الجديد بعد ما السيد سلفا يذهب بالجنوب الحالي , الجنوب الجديد حيكون وين وشكلوا كيف , وهل يا تري حنخلي شغل طعن الفيل في ضله ولا حيكون عندنا أستعداد نخلي الجنوب الجديد ذاتوا يمشي !!!
دي في تقديري مواضيع جديره بالمناقشه بدل البوستات بتاعه جدادةالخلا دي .
|
Post: #9
Title: Re: ماهو الأسم المقترح لـ( دولة جنوب السودان ) وهل يحق للشماليين حق المواطنة فى حالة الرغبة ؟؟؟
Author: عصام دهب
Date: 11-02-2009, 08:48 AM
Parent: #7
شوف يأ اخونا بتاع الجداد إنتا
| Quote: عصام دهب ده مالوا زعلان كده .فتح ليهو بوست بي هناك يمارس فيه المثل السوداني جداده الخلا الطردت جداده البيت . |
لست أنت من يحدد من هو صاحب الحق و من هو الدخيل و الحمد لله أنا جذوري ضاربة في هذه الأرض و حضارتي فيها راسخة منذ أن خلق الله الدنيا ..
Quote: المشكله في أنو المثقف السوداني الشمالي مفتكر أنو أفهم من المثقف السوداني الجنوبي وبيعرف أكتر منو , وبيمارس نوع من الوصايه حتى على أفكارو .
الزول ده قال بالوضع السابق و الحالي حننفصل يجي مثقف سوداني شمالي يقول ليهو والله تكون دقسته , يعني أنت بتعرف مصلحتو أكثر منو !!! .
والله ياهو ده ذاتوا البيخلي الزول يفكر في الأنفصال . |
المجاملات الزائفة و النفاق الأجوف هو الذي أوصلنا لهذا الدرك السحيق ، و كلامك هذا هو الذي يكرس للعنصرية .. حينما تأتي و تقول لي أن الجنوبي هو الأصل و أنت الدخيل هل تريدني أن أوافقك على رأيك ..
قلت أنا كلاماً واضحاً و غير مغتغت أراد الجنوبيون الوحدة فهم مواطنون لهم ما لنا و عليهم ما علينا ..
أختار الجنوبيون الإنفصال فعليهم أن يذهبوا حيثما أرادوا ..
أما مسألة ( الدقسة ) فهذا رأيي و لن تغيره أنت و لا سلفا .. و محاولة تراجع سلفا عن تصريحاته بالأمس يؤكد أنه فعلاً دقس ..
|
Post: #8
Title: Re: ماهو الأسم المقترح لـ( دولة جنوب السودان ) وهل يحق للشماليين حق المواطنة فى حالة الرغبة ؟؟؟
Author: عبدالله كع
Date: 11-02-2009, 08:47 AM
Parent: #6
سلام
الوضع بقي زي الزفت - الفقر كاتل السودان والسودانين - ويجي سلفا يقول ليك مواطن درجه كم ومواطن درجه 17
دايما الناس الراكبه الفقر عالمين لخمه ومواضيع للقنوات الفضائيه - بالله شوف غير الدول التعبانه والحكومات الفقير ة
المشغل الاعلام والقنوات منو ؟؟
اليمن - افغانستان - السودان - الصومال - ............... الخ
بدل الحكومات تقعد تحلحل مشاكل مواطنيها يجيك واحد يقول ليك مواطن درجه الف - قرف -
السودان ده دوله واااااااااااااحده واسمو ( جمهورية السودان ) وبس
بلا يخم الحكومات القاعدين علي راسها !!
|
Post: #10
Title: Re: ماهو الأسم المقترح لـ( دولة جنوب السودان ) وهل يحق للشماليين حق المواطنة فى حالة الرغبة ؟؟؟
Author: اساسي
Date: 11-02-2009, 09:05 AM
Parent: #8
Quote: * يعني لو عاوز جواز سفر هل يحق لي ؟؟؟
* لو عاوز أدخل للجنوب وأنا من الشمال أدخل بتأشيرة زيارة !!!!
* هل يحق لأخوتنافى الجنوب التمتع بالمواطنة فى الشمال فى حالة رغبتهم ؟؟؟
* وهل يحق لدولة الجنوب أستعمال الميناء البحري للشمال ؟؟؟ |
هذا شأن جنوبي داخلي تحدده دولة الجنوب حال انفصالها
ولكن الا تري معي ان حتى اسئلتك هذه في حال انفصال الجنوب نوع من انواع الوصاية ؟
الخيارات تبقي متاحة لحكومة الجنوب
|
Post: #11
Title: Re: ماهو الأسم المقترح لـ( دولة جنوب السودان ) وهل يحق للشماليين حق المواطنة فى حالة الرغبة ؟؟؟
Author: معروف حمدين
Date: 11-03-2009, 11:56 AM
Parent: #10
| Quote: ولكن الا تري معي ان حتى اسئلتك هذه في حال انفصال الجنوب نوع من انواع الوصاية ؟ |
أساسي
لا أري
|
|