"محمد أحمد" ياسيلفاكير مواطن درجه أولي ؟؟؟

سيدي النائب الأول لرئيس جمهوريتنا الموحده حتي الان ..
كنت أحسب أن قاطني معمورتنا ذات المليون ميل من اللاشئ المربع مواطنون مطحونون من الدرجات القصوي تحت الصفر,
حتي فاجأتني تصريحاتكم ذات صباح غير بهي أن "محمد أحمد" مواطن درجه أولي (أو ما معناه) ..!!!



فطفقت أسترجع وأستذكر ما أعلمه عن "محمد أحمد" !!! ..





يتبع,,

محمد أحمد ياسيدي سيلفا (وقد كنت أحسب أنك تعلم) أوصافه كالاتي:
أسمر اللون (وان ظن غير ذلك) يعلو وجهه غبر ..
مكفهر يغتصب الابتسام اغتصابا, مهموم, سارح ديما ..
يحلم بغذاء وكساء ودواء ..

تغرّب أخاه الأكبر عن البلاد لعقود طويله من الزمان ..وترك له الحمل الكبير ..
خرج من بلاده وهو يدندن "من قمت من بيتنا ومشيت .. ولدا متين ........ والدردره",
حمل هموم قريه بحالها وشق المطارات حاملا جوازا وحقيبه وهموم تنأي عن حملها الجبال ..
أفني سنوات الشباب مابين غرفه كئيبه وعمل مضني ليوفر القوت والمأوي لمن تركهم خلفه ..
وهناك فاته قطار الحياه ..
لم يدرك زواج الأخت الكبري ولا الصغري,
ولم يشهد العيد في البلاد سنين عددا ..
وظل يحمل الوطن صورا وحكايات وجبايات !!


يتبع ..

محمد أحمد ياسيدي سيلفا مواطن مطحون !!
يسدد ايجار سكن متهالك, وفواتير الكهرباء والمياه,
ولاينام !!
يقضي نهارات طويله علي أعتاب المستشفيات,
فقر دم وملاريا وذلك المريض اللعين الاخر الذي أهلك جمعا من أقاربه وليس في دولة المطحونين هذه له دواء أو منه شفاء,
ليس لمحمد أحمد Health insurance دائما ما يعجز عن شراء الدواء,
وقد يخرج محمد أحمد من المستشفي ذات نهار غائظ وهو لايملك مايسد رمقه,


محمد أحمد سيدي سيلفا يخشي الله, والذئب علي ال بيته, والجوع, والفقر, والمرض, والخدمة الوطنيه, ويبيت جائع وجاره جائع وهو يعلم !!


يتبع ..

محمد أحمد سيدي سيلفا عجز عن سداد تكاليف تعليم اخوته الصغار..
محمد احمد اقتاد العسكر أخاه الأصغر ليلقي حتفه في مناطق العمليات فمات أبوه حزنا عليه..
محمد أحمد قضي لفيفا من أقاربه نحبهم بحادث مشئوم في طريق للموت يحصد الأرواح ..
محمد أحمد أحيل عمه الي الصالح العام وتشردت أسرته من بعده ..
محمد أحمد انهار منزل جاره علي الأسره بكاملها لتلقي حتفها جراء سوء التصريف ابان خريف اعتيادي زار البلاد ..
محمد أحمد قضي سنوات طوال يزرع ولا يحصد ..
..............................................................
محمد أحمد كان يرجو الله ثم الانتخابات لينعم بالسلام والاستقرار في ظل دوله توفر المواطنيه بناءا علي الجنسيه السودانيه ..
ففوجئ بتصريحاتكم ذات صباح أنه من المنعمين بمواطنه حقه من الدرجة الأولي !!

أسفي عليك يا محمد أحمد ,,, لك الله ..

ـــ
فطفقت أسترجع وأستذكر ما أعلمه عن "محمد أحمد" !!! ..

تحياتي وسلامي يا أماني :

محمد أحمد هو رمز (للدين +العروبة) في السودان

فلم يحكمنا رئيس إلي تاريخ اليوم غير مسلم , والحياة الثقافية والعلمية والإجتماعية والسياسية يستطير عليها العنصر العربويسودان ,



فمحمد أحمد مواطن من الدرجة الأولي وصدق سلفاكير .




تقديري ..

الأخ عماد الطيب:
صباح الخير

Quote: محمد أحمد هو رمز (للدين +العروبة) في السودان

هو يرمز للدين نعم, ولكن العروبه هذه فلا علم لي عنها,
فقد كنت أحسب أن العروبه في شبه الجزيره العربيه, أما وقد نسبتها الي محمد أحمد فكتر خيرك ..
غير أن محمد أحمد لم يختر نسبه ولا الا أي القبائل ينتمي,

Quote: فلم يحكمنا رئيس إلي تاريخ اليوم غير مسلم , والحياة الثقافية والعلمية والإجتماعية والسياسية يستطير عليها العنصر العربويسودان ,

اللهم لا تحاسبنا بما فعل الساسة منا ..
فمحمد أحمد يا أخي لا ناقه له فيهم ولاجمل ..

Quote: فمحمد أحمد مواطن من الدرجة الأولي وصدق سلفاكير .

محمد أحمد لا يجد أبسط مقومات الحياه,
فأنّي له ما ذكرت وذكر ..
ثم هل الدوله النقيه عرقيا لها وجود ؟
أغلب الدول مختلطة الأعراق والفيصل هو المواطنه وما يتلقاه المواطن من خدمات,
أما وقد واتتنا الفرصه لنختار عبر صناديق الاقتراع,
فلماذا التسرع وتزيين الانفصال ؟

Quote: محمد أحمد هو رمز (للدين +العروبة) في السودان فلم يحكمنا رئيس إلي تاريخ اليوم غير مسلم , والحياة الثقافية والعلمية والإجتماعية والسياسية يستطير عليها العنصر العربويسودان , فمحمد أحمد مواطن من الدرجة الأولي وصدق سلفاكير

أمانى الأمين تحياتى .....

عماد الطيب كلام صاح مية مية

لكن المسكوت عنه ما بنقدر نتكلم بيهو زى ما قالت أمانى هى ما عارفة دة

مش ما عارفة لكن لانه مسكوت عنه وغير قابل للنقاش وبقى زى التابو عندنا

يعنى ما بتقدرى تقنعى لى سلفاكير أو جون أو دينق أنو محمد أحمد دة يعبر عنه

فى كل ما ذكرتى فى شكل المأساة الذى يعيشه المواطن السودانى ...!!!

كل الود
محمد كابيلا

توضيح حول ما نسب الى القائد سلفا كير دعوته للجنوبين بالتصويت للانفصال

Quote: محمد أحمد انهار منزل جاره علي الأسره بكاملها لتلقي حتفها جراء سوء التصريف ابان خريف اعتيادي زار البلاد ..

برضو محمد واحمد وجارهم مواطنين من الدرجه الاولى لانه عندهم مسكن
حتى لو انهار على رؤسهم.

شول ومجاك وجون وسلفا لا مساكن لهم لليوم !!
لذا هم مواطنين من الدرجه الثانيه.

ينوبك ثاواب يا اماني لميهم في منزل بس وهم راضين ينهار فوق رؤسهم
بس على الاقل يقولوا كان لنا منزل يوما ما!




التحيه للقائد سلفاكير وهو ينطق بالحق
اما حياة بكرامه واما لا!

Quote: التحيه للقائد سلفاكير وهو ينطق بالحق اما حياة بكرامه واما لا!

تراجي
اين تذهب مليارات حصة الجنوب من النفط ؟
اين التنمية التي يفترض ان تتم هناك؟
اين ذهبت اموال قرن الستون مليون دولار التي كانت معه ؟
الي اين كانت ذاهبه اموال التوابيت التي قبض عليها هناك ؟
لماذا لم ينشئ هذا السلفا طريقا واحدا في الجنوب حتي الان وهو الذي يشيد قصره في نيو سايد مهندسون ايطاليون
اين المنح الاوربية التي قدمت وتقدم للجنوب؟
اين المدارس اين المستشفيات اين المساكن بل اين الطعام والماء؟

كوني منصفة واجيبي

الأخت تراجي:

Quote: برضو محمد واحمد وجارهم مواطنين من الدرجه الاولى لانه عندهم مسكن حتى لو انهار على رؤسهم.

محمد أحمد جعلته لك هنا خرطومي حتي أعكس أقصي ما يمكن أن يتمتع به محمد أحمد, وهو اللاشئ,
ولكن محمد أحمد هذا قد يكون من مواطني الشمال ولايملك الّا "ضروه" من سعف النخيل,
أو يسكن جهة الشرق ولايملك سوي "قطيه" واحده لاغير , كما هم في الجنوب,
وقد لايملك شيئا فيستأجر سكنا في ضواحي الخرطوم يدفع مقابله كل ما يملك ولا يأكل,
وقد يفترش الأرض ويلتحف السماء في نواحي السوق العربي, يسأل الله والناس الحافا !!

Quote: التحيه للقائد سلفاكير وهو ينطق بالحق اما حياة بكرامه واما لا!

أنّي تكون لمواطن بلادي المطحون كرامه وهو لم يشارك بعد في صنع القرار,
فلنجعل القرار مبني علي الخدمات والمواطنه المتساويه,
وليس للعرق بيننا شأن ..

نهال كرار :
بعد السلام ..

دوت مجاك فسّر الماء بالماء ..

أو بمعني أدق " لحّنها " ..

شكرا ,,

فيصل الرشيد
دعوي المؤتمر الوطني....معروفه:

Quote: تراجي اين تذهب مليارات حصة الجنوب من النفط ؟ اين التنمية التي يفترض ان تتم هناك؟ اين ذهبت اموال قرن الستون مليون دولار التي كانت معه ؟ الي اين كانت ذاهبه اموال التوابيت التي قبض عليها هناك ؟ لماذا لم ينشئ هذا السلفا طريقا واحدا في الجنوب حتي الان و هو الذي يشيد قصره في نيو سايد مهندسون ايطاليون اين المنح الاوربية التي قدمت وتقدم للجنوب؟ اين المدارس اين المستشفيات اين المساكن بل اين الطعام والماء؟ كوني منصفة واجيبي

انت قبلها اجبني...من الذين اشتروا فوق ال 40 فيلا بمدينة النخيل بدبي؟؟؟

من الذين لهم أرصده معروفه ببنوك سويسرا...وتحايلوا اكثر بوضعها في بنوك ماليزا؟؟

من الذين لهم حي كامل بماليزا اسمه الحي السوداني؟؟؟؟

من الذين بنوا القلاع بالخرطوم؟؟؟

ومن الذين يستوردون الراقصات لليخت الرئاسي
ويرجعوا الرقصات بفكرة ان امراء النفط السوداني
اكرم من امراء النفط الخليجي؟؟!!!



لم يسلتم الجنوب اي منح اوربيه ايها المسكين
ومن تجربه اقولها لك...وقع عطاء لتأهيل الخدمه المدنيه
بالجنوب لكندا...وللآن قرابة ال 3 سنوات وهو مجمد؟؟؟؟


شغو وقعت على الجنوبين كشركاء في الحكم ان اصر كل المتبرعين
انه مالم تحل مشكلة دارفور فانهم لن يعطوا مليما!!


يبقى محاولة الدجل وتمرير فكرة...انه في منح وانضربت لا كذب بين.


وكمل انت الاسئله
من الذي يبعث بالموت للجنوبين

من الذي يفتن بينهم؟؟؟

من الذي يسلح الملشيات ضد بعضها؟؟

من يصدر القبليه؟؟كما فعلوا بدارفور؟؟؟؟



كله المؤتمر الوطني.

انتى ياتراجى دايرة وحدة ولا انفصال؟

البلد دى ياهو حالها كان جابو ليها نبى مابتتصلح عشان كدة نحن مرميين فى الغربة لينا 30 سنة عشان بس اهلنا بى هناك ياكلو ويلبسوا ويتعالجوا والغربة فيها مافيها من البهدلة للانسان ..

الفساد فى كل مكان اذا كان الجماعة اشتروا فلل فى دبى فأنا متأكد برضو الجنوبيين بى نسبة الفساد الموجودة عندهم يكونوا اشتروا قصور من التسعة مليار اللى وصلتهم من نصيبهم من كعكة البترول ..

أماني.

هل أنتي من دعاة تطبيق الريعة الاسلامية في السودان أم لا؟

دينق:

Quote: أماني, هل أنتي من دعاة تطبيق الريعة الاسلامية في السودان أم لا؟

أو لم تقطع نيفاشا قول كل خطيب ؟,
وأصبحت الكلمه لصناديق الاقتراع والاستفتاء ؟

هب أنّ الاستفتاء كان في صالح الوحده,
وأن الانتخابات أناخت حمولها علي أختيار الأغلبيه لرئيس سيقوم بتطبيق الشريعه,
أليس من الديموقراطيه قبول رأي الأغلبيه؟

أو هب أن الأغلبيه صوتت علي السيد سيلفا رئيسا للسودان,
هل لأماني الأمين الداعيه للشريعه مخرج سوي القبول برأي الجماعه؟

يادينق نيفاشا قطعت قول كل خطيب,
فلماذا نعود الي الوراء بدلا عن المسير قدما نحو الأمام؟

تصريح السيد سيلفا تصريح تعبوي ليحشد الاخوه الجنوبيين ويثير غبينتهم علي مرارت ذقناها في الشمال
ولاننكرها عليهم في الجنوب,
كلنا في الهوان سيان ..
كلنا مواطنون درجه ميه يادينق ..والمسئوليه علي السياسيين دون فرز !!

كنت أسمع عن شعارات رنانه مثل "سيلفاكير: مرشح واحد لوطن واحد" ..
واليوم علمت أن السيد سيلفا لايحمل هم كل السودانيين :( ..

أحسن حاجة إنو سلفاكير قطع قول كل خطيب و خطيبة ... من قبيلة نعام الجلابة ..
خلاص مولد و غنتهي ..
و الصيوان حيفتقوه بعد 14 شهر ( يناير 2011 )

و دوت مجاك الآن أصبح فكي التفسيرات و شرح الكلمات ..
الغريبة كلام سلفا وااااضح ما داير تفسير أو توضيح ...
و ليس هو الناطق الرسمي لسلفاكير أو مستشاره الصحفي ..


الجلابة و المتجولبين من الهامش يهرولون في كل الإتجاهات زي فراريج قطعوا رؤوسها ... دايرين زول يطنهم .. بالذات من الإقليم الجنوبي .. إنو سلفا ده ما قاصد كده .. و هو بس خانو التعبير ...
و أسخف الكلام عن إنو ناس الفتنة و أعداء السلام فسروا أخطأوا تفسير كلامو ...
سلفاكير كلامو وااااضح .... إنه يريد الحرية لشعبه .... مواطنين أحرار في دولة مستقلة ....
و قديما قال أحد طلاب الحرية: أعطني الحرية أو أعطني الموت
Give liberty or give me death
.

.


.

بالله ما تمشوا لأخونا دوت مجاك و تسألوه: يعني شنو الحرية؟؟!!

Quote: الجلابة و المتجولبين من الهامش يهرولون في كل الإتجاهات زي فراريج قطعوا رؤوسها ... دايرين زول يطنهم .. بالذات من الإقليم الجنوبي .. إنو سلفا ده ما قاصد كده .. و هو بس خانو التعبير ...

ارضية خصبة جدا لي تراجي التي أحبت الزغاوي ايـاه .. ولي استيف الشهير بي محمد سليمان ..
أرضيه خصبة لهم أن يتحركوا بسهولة متضرعين النوايـا ..
نواياهم كتلك التي ظهرت ابان موت القائد جون قرنق .. واشتعال الفوضى في الخرطوم ..
استيف الشهير بمحمد سليمان .. يحلم باي بيت ناصية من أي جلابي .. استيف الشهير بي محمد سليمان متخصص بيوت ناصية .. وبوتيكات وحوانيت وبقالات .. كما جا في افادة قديمة في أحدى تجلياته .. عن أن كيف لأهل الشمال أن يسكنو في بيوت من طين وأهلو قاعدين في بيوت صفيح في الهامش ..
طيب إنت باني بي صفيح ليييه .. عليك الله عييب لي الحصير والخشب .. تراب الله دا مالو عيبو لي ..
استيف الشهير بي محمد سليمان يحلم بي اي بيت ناصية يقلعو قلع كما افاد من أي شمالي جلابي .. ولا ضير أن يشيل منو حق العفش الداخلي من المحاميد وحق الستاير .. في هذا المقام سبق وأن تبرعت لاستيف الما جلابي والما معروف لحدت الآن زغاوي .. مكسيكي .. تركي .. إلخ .. سبق وأن تبرعت له بعمارتي الناصية المشطبة لحدت الطابق التاني في انتظار تقفيل الطابق التالت .. وعربة كامري موديل الفين وعشرة قال .. لا هو عايز عربية ليكزوس ..
تراجي .. مشت بريطانيا قالت شينه ووسخانه ومعفنه وضييقة .. مشت لندن اجازة صيفية واحتمال كبير تكون اشترت ليها تي شيرتات من كريستيان ديور يا طقم بتاع صفرة من محلات اديداس يا بوما يا اي محلات تبديل عدة في لندن .. قاعده متكله في كندا وشابكانا والله شلالات نياجارا مويته ساقطـة .. وجايبه بكري ابوبكر كعنصر اكشن عشان الانتخابات ..
استيف ... وتراجي يمكنكم رصدهم خلال الأيام القادمة وقراءة لغتهم التي تعبر عنهم جيدا ..

يا استيف .. تراجي دي لوووووو جات من الترطيبة القاعده فيها دي .. ممكن عادي جدا تعيش في الثورة بالنص .. يا في الصحافة يا في الحاج يوسف بعدما نعمل ليها كرت بتاع حصر اجانب وندفعه جزية بي فرق العملة والأوراق الثبوتية.. ونعمل ليها تطعيم ضد انفلونزا الخنازير ..
اها إنت يا العشا بي لبـن .. والله قاعة الصداقة تاني تشمها قدحة.. وترسم ليك ماسورة وسمكة في الاوضة حقتك .. وطبعا بي هناك الجالدونات والمكوك بيكونو مقطعنها ليك في راسك ..
يعني بي اختصار الجلابة واشباه الجلابة والمتجولبة كان شكوها بيلقو ليهم يد .. يدين .. لكن إنت يا مسكين إلا تترشح نائباً للرئيس المكسيكي .. تيتووو منو كدا ما عارف ..
إنت الرئيس المكسيكي مش إسمو تيتو برضو واللا انا مسطح ساااي ..؟

يا اماني الامين كيفك .. الجوز الفوق ديل ما تشتغلي بيهم شديد .. ديل عندهم مداخلات محددة في اوكات محددة لاغراض محددة .. كلامك ما نفع معاهم .. بعد شوية ممكن يشتموك عاادي .. لانو عندهم الحصانة الدبلوماسية لانو استيف دا أمريكي .. وتراجي كندية .. وبكري بيحب الاكشن ..

Quote: من الذين اشتروا فوق ال 40 فيلا بمدينة النخيل بدبي؟؟؟ من الذين لهم أرصده معروفه ببنوك سويسرا...وتحايلوا اكثر بوضعها في بنوك ماليزا؟؟ من الذين لهم حي كامل بماليزا اسمه الحي السوداني؟؟؟؟ من الذين بنوا القلاع بالخرطوم؟؟؟ ومن الذين يستوردون الراقصات لليخت الرئاسي ويرجعوا الرقصات بفكرة ان امراء النفط السوداني اكرم من امراء النفط الخليجي؟؟!!!

لووووووووول ياخ ..!
ومن التي هربت لقطر ومعها (مليارات الدولارات)
بس ما تكوني قاصدة نفس الإنسانة دي ..!
كدي مسؤولة من الخير يا تراجي إنت القاعد يجيب ليكم الأخبار دي منو ؟؟
بتجيبو الكلام ده من وين ؟
الواحد يكون قاعد بالله في سلقط ملقط يحك راسو كددددددده ويجي يفتري ويألف في القصص
الما لذيذة دي ..
مصداقيتك على المحك .. أو
لا زالت على المحك لحدي ما تثبتي أو تعتذري عن القصة
الشهيرة بتاعت الهروب لدولة قطر بمليارات الدولارات
ـــــــــ
القصة دي متذكراها ؟!!



ست البوست آسف جدا والله
لكن روحي (محـــرّقة)

الأخ محمد سليمان:
من اسمك أكيد مسلم,
أها جبت ليك الحديث ده أقراهو ينوبك ثواب,

Quote: جاء في البخاري أن رجلان من المهاجرين والأنصار تشاجرا فَقَالَ الأَنْصَارِىُّيَا لَلأَنْصَارِ. وَقَالَ الْمُهَاجِرِىُّيَا لَلْمُهَاجِرِينَ فَسَمِعَ ذَاكَ رَسُولُ اللَّه صلى الله عليه وسلم فَقَالَ مَابَالُ دَعْوَى جَاهِلِيَّةٍ قَالُوا يَا رَسُولَ اللَّهِ كَسَعَ رَجُلٌ مِنَ الْمُهَاجِرِينَ رَجُلاً مِنَ الأَنْصَارِ . فَقَالَ دَعُوهَا فَإِنَّهَا مُنْتِنَةٌ

تحياتي واحترامي,,

الأخ تمبس:
ازيك وصباح الخير,

أنا كوبسه الحمد لله, بس لسه ما بعرف أمسك روحي لما الكلام يحرقني ,
بقوم أفتح بوست وأرصه وزي ما تجي تجي,
أدعي لي ربنا يقدرني وأبطل العاده السيئه دي ..

شكرا كتير علي مرورك ..

حركة العدل والمساواة تبدي قلقها وحزنها من دعوة سلفاكير للتصويت لخيار استقلال جنوب السودان

الاثنين, 02 نوفمبر 2009 09:29

حركة العدل والمساواة السودانية

بيان حول تصريحات النائب الاول لرئيس الجمهورية

خاص سودانايل:

استقبلنا بقلق وحزن تصريحات السيد النائب الاول لرئيس الجمهورية ورئيس حكومة جنوب السودان الفريق سلفاكير ميارديت, والتي دعي فيها اهلنا في جنوب السودان للتصويت لخيار استقلال جنوب السودان في 2011 تاريخ اجراء الاستفتاء حول تقرير مصير الجنوب الحبيب

علل السيد النائب الاول دعوته هذه حتي لايكون اهلنا في الجنوب مواطنيين من الدرجة الثانية في ظل السودان القديم القائم علي الوحدة الظالمة.

تصريحات النائب الاول تاتي في منعطف خطير من تاريخ وطننا الحبيب كما تاتي في ظل الازمة السياسية الكبري والتردي الشامل الذي يحيق بالبلاد من جراء فشل نظام الامر الواقع (نظام المؤتمر الوطني) في ادارة البلاد.

في ظل هذا الظرف التاريخي والازمة الشاملة في البلاد تعلن الحركة المواقف والرؤي التالية:

1الحركة تقدر وتتفهم تصريحات النائب الاول ورئيس حكومة الجنوب ,اذ انها تاتي نتيجة للاحباط واليأس من تكتيكات واحابيل المؤتمر الوطني الفاقد للمسؤلية الوطنية, فالمؤتمر الوطني في الاصل لم يوقع اتفاقية السلام الشامل2005, بناءا علي قناعته وارادته السياسية الحرة ولكن وقعها نتيجة للضغوط التي مورست عليه اذا كان ذلك من وقع نتائج الفعل الثوري للحركة الشعبية او نتيجة الظروف الاقليمية والدولية التي سادت عقب الهجمات الارهابية المجرمة في 11 سبتمبر2001. لذلك كانت خطة المؤتمر الوطني هي التوقيع ثم التنصل من تنفيذ بنود الاتفاقية ودفع استحقاق السلام الشامل,وهاهو يكنث علي عقبية وينقض عهد الاتفاق برفضه تنفيذ اهم بنوده و الخاصة بقانون الاستفتاء والغاء القوانيين القمعية التي تتعارض مع الدستور الانتقالي وتقف عقبة كأداء امام التحول الديمقراطي والحريات اضافة لقانون المشورة الشعبية لمنطقتي جبال النوبة والنيل الازرق .

2ان حركة العدل والمساواة السودانية تدعم وتساند الحركة الشعبية والقوي السياسية المعارضة في معركتها الوطنية من اجل السلام الشامل وتقرير المصير والتحول الديمقراطي , كما ان حركة العدل والمساواة تحمل المؤتمر الوطني المسؤلية كاملة ازاء ازمة البلاد الماحقة والتردي الشامل والذي يدفع وطننا الي المجهول لا قدر الله, لذلك نحذر المؤتمر الوطني من مغبة المضي علي هذا النهج المدمر وعليه ان يرجع الي جادة الحق وتسليم الامر للقوي الوطنية لخلاص الوطن.

3حركة العدل والمساواة تؤكد موقفها الثابت من دعم ومساندة اهلنا في جنوب السودان لنيل حقوقهم كاملة غير منقوصة وفقا لبنود اتفاقية السلام الشامل وخاصة حق تقرير المصير. والحركة تعلن استعدادها للاسهام في اي جهد وطني مخلص لتحقيق هذا الهدف.

4الحركة ومع تاييدها ومساندتها علي حق تقرير المصير الا ان موقفها الثابت هو مع خيار وحدة السودان علي اسس جديدة لذلك تناشد الحركة اهلنا في الجنوب بان يختاروا خيار الوحدة الطوعية والتي يتساوي في ظلها كل ابناء الوطن , بغض النظر عن انتماءاتهم الدينية او العرقية او الثقافية او الاجتماعية او القبلية او الجهوية.

5 الحركة تتوجه بنداء وطني مخلص وعاجل لكل ابناء شعبنا: ان الوطن في مفترق طرق وآن الاوان لنتحمل جمعينا المسؤلية التاريخية لخلاصه من هذه المجموعة المتسلطة والتي لاتريد ان تعترف بأزمة الوطن بل وتحاول جاهدة لسد افاق الحل وايجاد مخرج استراتيجي للمازق التاريخي الذي يعيشه وطننا .

ان ساعة الحقيقة قد ازفت وعلينا جميعا ان نتحد وان نتصدي لهذه المجموعة الحاكمة , فامامها خياران فاما ان تتواضع مع الجميع علي صيغة حل شاملة واما ان تذهب غير ماسوف عليها فمسؤليتنا الوطنية تقتضي ان لانترك الوطن مختطفا لهذه المجموعة الخارجة عن الاجماع الوطني .

6وحفاظا علي وحدة كيان وطننا واملا في وحدة طوعية تمهد لمستقبل مشرق, الحركة تجدد مبادرتها المتمثلة في ان يتولي رئاسة البلاد احد ابناء جنوب السودان وذلك تطمينا لاهلنا في الجنوب واشاعة الثقة في نفوسهم في مستقبل السودان وكذلك بداية لخطوة جادة لمفارقة تاريخية لمأسي الماضي وواقع الظلم التاريخي في السودان.

اخيرا,تؤكد الحركة انها علي وعي تام باستراتيجية المؤتمر الوطني , وهي استراتجية انفصالية قذرة هدفها تييئس وتزهيد اهل الجنوب في خيار الوحدة.فهاهو المؤتمر الوطني يواصل انفاذ استراتيجيته الانفصاليه فهو قد اسس كيان الشمال الانفصالي الذي يقوده خال رئيس النظام (صاحب الانتباهة) , والمؤتمر الوطني كذالك يعمل ليل نهار لافشال خيار الوحدة الجاذبة بالتنكر لاستحقاقات السلام الشامل ومحاولات تقسيم الحركة الشعبية وتفجير الجنوب من الداخل باذكاء الصراع القبلي ,لذلك نناشد الاخوة في الحركة الشعبية وفي الجنوب بان لايساعدوا المؤتمر الوطني في تنفيذ استراتجيته الانفصالية فالمؤتمر الوطني لاتهمه وحدة الوطن فهو قد اصبح مهوسا ومفتونا بالسلطة و لو علي دولة حدودها في جزيرة توتي.



الناطق الرسمي وامين الاعلام

احمد حسين ادم



لندن

2009-11-01

أماني الأمين:

Quote: الأخ محمد سليمان: من اسمك أكيد مسلم,

أيوة مسلم و من دارفور .... Does it ring a bell??!!x
.
.

بالمناسبة ..... عمر البشير برضو من إسمو مسلم .. و معاهو علي عثمان طه و نافع و صلاح قوش و عبدالرحيم محمد حسين ... و كل حكومة الجلابة و الطيارين و قادة الجنجويد .....
دايرة تستغبي الدين هنا يا ... جلابية ؟؟؟

الأخ محمد سليمان:

عبارة مسلم كانت تمهيد لايراد حديث نبوي لسعادتك ما كان ممكن أستدل بيهو لغير المسلم زي دينق ..
يعني زي استئذان ..
أما الحديث فهو عن نبذ العصبيه والتعصب (يبدو انك ما قرأته) ..

دي كل المسأله ..
عذرا لكن يبدو انك تكتب قبل أن تقرأ ..!!

ــــ

Quote: هو يرمز للدين نعم, ولكن العروبه هذه فلا علم لي عنها, فقد كنت أحسب أن العروبه في شبه الجزيره العربيه, أما وقد نسبتها الي محمد أحمد فكتر خيرك .. غير أن محمد أحمد لم يختر نسبه ولا الا أي القبائل ينتمي,

وصباحك أيضاً كل خير يا أماني :

يا أماني والعروبة آي والله والعروبة .. وإن كان لا علم لك بها فهذا لا يعني عدم وجودها وحموضيتها,
قلنا رمز للعروبة وليست عروبة بالمعني الإثني بمعني (محمد أحمد) هذا أخذ الطابع الرمزي للعرب , ومنذ تحالف (القوامسة والفونج )وتأسيس ما يسمي بالسلطنة السنارية كانت القبلية العروبوية هي السلطة المركزية فالتحالف مع الفونج كان يرعي مصالح (معينة) الإشراف علي القبائل بين مجموعة القبائل العروبوية والفونح أما القبيلة العروبوية , فالسلطة كانت بيد القبيلة سواء أن كانت حاكمة أو محكومة فهي دائماً لسيدها والولاء أو العداء يعني الولاء أو العداء لسيدها , تطورت نفس النظرة القبلية في فترة المهدية فأصبحت الدولة تعري القبائل العربية لانها هي عضدها وهي تقوم أساساً علي فكرة (لدين والعروبة) , وقامت الأحزاب التقليدية (ختمية وأنصار) علي نفس الفكرة , وللأسف المستنيرين والأحزاب التقدمية إهتمو بالإيدلوجية والصراعات الأخري ولم يهتموا بالتنوير والوعي للشعب , وظهور الإسلام السياسي (المركز) علي السلطة ماهو إلا إختزال لكل التجارب السابقة , فالنتيجة الحتمية هو (الإنفجار) والإهتزاز لربوع الوطن بكاملة بيد أنه السودان , لان خضوع الأفراد والجماعات للحاكم إنما يرجع لأمرين بكل بساطة , فأما أن يكون هؤلا القوم الخاضعون من قبيلته وعشيرته ودينه , وخضوعهم مشروط بما يتوفر فيه من صفات شخصية تمكنه من لعب هذا الدور الشجاعة والكرم وعراقة النسب والخدمات التي يقدمها لهم من تسهيلات ومناصب ... بآي شكل من الأشكال الإستفادة من تلك السلطة ,


فلم تكن هنالك مساحة للقانون والعدالة والمساواة والحرية ..

Quote: فلماذا التسرع وتزيين الانفصال ؟

لا أبداً والله لست بمتسرع ولا إنفصالي , ولم يكن بيدي خيار أن أصوت لوحدة أو إنفصال

ولكن هي نظرة لذواتنا بالمرآة ففي العتمة لا نري ..

وتحياتي ياأماني

أماني.

أنا وجهت لك هذا السؤال لأنني عارف أنك من دعاة تطبيق الشريعة الاسلامية في السودان، وقوانين الشريعة كما تلمين فأنها تضع المواطنين الغير المسلمين في درجة أقل من المسلمين. للك أن أستغرب هنا!! في ما كتبتيه.

Quote: وقوانين الشريعة كما تلمين فأنها تضع المواطنين الغير المسلمين في درجة أقل من المسلمين.

كيف دي يادينق ؟!!!

الأخ عاطف مكاوي:
مرحب بيك وشكرا علي نقل بيان حركة العدل والمساواه حول تصريحات السيد سيلفاكير الأخيره ..

أثارت دهشتي هذه النقطه :

Quote: وحفاظا علي وحدة كيان وطننا واملا في وحدة طوعية تمهد لمستقبل مشرق, الحركة تجدد مبادرتها المتمثلة في ان يتولي رئاسة البلاد احد ابناء جنوب السودان وذلك تطمينا لاهلنا في الجنوب واشاعة الثقة في نفوسهم في مستقبل السودان وكذلك بداية لخطوة جادة لمفارقة تاريخية لمأسي الماضي وواقع الظلم التاريخي في السودان.

منصب رئيس الجمهوريه ألا يتم تحديد من يتولاه عبر صناديق الاقتراع؟
ومن الذي يحدده؟ أليس المواطنون؟
ماذا تعني هذه المبادره اذا؟ الغاء للانتخابات مثلا؟

دينق:

Quote: أنا وجهت لك هذا السؤال لأنني عارف أنك من دعاة تطبيق الشريعة الاسلامية في السودان، وقوانين الشريعة كما تلمين فأنها تضع المواطنين الغير المسلمين في درجة أقل من المسلمين. للك أن أستغرب هنا!! في ما كتبتيه.

بافتراض صحة مازعمت ..
هل يتم الان تطبيق الشريعه الاسلاميه في السودان؟
الان تعني اليوم ومنذ توقيع اتفاق نيفشا تحديدا يادينق ..

وهل من بنود نيفاشا تطبيق الشريعه الاسلاميه عنوه في السودان؟
دينق يا أخوي الكلام ده اتجاوزناهو وده ما مكانو ..
اليوم الانتخابات هي المفروض تحدد خيار الشعب شنو,
مش ممكن الشعب يختار سيلفا كير؟

رجاءا راجع ردي أعلاه مره أخري ..

مرحب بيك أخي عماد الطيب:
عبارة "لاعلم لي بالعروبه" لو قرأتها في سياقها لعلمت أني استنكر وجود عروبه نقيه في بلادنا..
انما هي اختلاطات لدماء افريقيه بعربيه أحيانا, وفي الجنسيه الجميع سوداني ..

أنا أتحدث عن المواطن السوداني ولايعنيني الساسه ..
هل محمد أحمد مواطن سوداني له الأفضليه في صفوف البنزين وفي مقاعد المواصلات وفي فصول التعليم ؟
هل محمد أحمد مواطن سوداني مسئول عن الحروب وافرازاتها أم هو ضحيه لها ودفع ثمنها من قوته وابنائه مثله مثل أبناء الجنوب؟
هل محمد أحمد مواطن سوداني يتمتع بخدمات مميزه خاصه أم هو مهمش في الشمال والشرق والغرب مثل رصفاءه في الجنوب؟

الان يا أخ عماد المستقبل أمامنا وبايدينا صناعته عبر الانتخابات أخيرا ..
هل خير ومصلحة الطرفين في الانفصال؟
هل عجز المواطن السوداني محمد أحمد عن التعايش مع رصيفه الجنوبي؟
أم هي ارادة الساسه وعلي المواطنين تنفيذها كارهين؟

***

Quote: دايرة تستغبي الدين هنا يا ... جلابية ؟؟؟

.. يحليلك يا استيف .. والهل زي ما قال المناضل واصل .. آثار السن بدت تظهر عليك زيك وزي محمد حسني مبارك واحد ..
بلاي زمانك كنت بتجي داخل البوست زي دا وتمسك ليك في اي جلابية حايمه وهاك يا ارهـاب وهاك يا وعيد وهاك يا تهديد .. عملته زلعة لي بنات الناس .. وجهجهت الجلابيات ..
حسع دي بلاي بعدما اتفرمطته وبقيت تمشي في العجين وما تلخبطو .. بقيت تكتفي ليك بي جلابية واحدة من بين مئات الجلابيات .. تتكل المداخله بتاعتك وتكون شايل يدك في قلبك ..
اها ديل الجلابيات والكلاليب العايز تقلع منهم بيوتم .. شفته لقيتم موية نار كيف ..؟

معليش يا اماني الأمين .. اصلو اليومين دي استيف متأزم شوية وأنا شغال ليهو علاج بلدي .. شان كدا بهضرب كتير