ست الناس... دوما

ست الناس... دوما


11-01-2009, 05:26 AM


  » http://sudaneseonline.com/cgi-bin/sdb/2bb.cgi?seq=msg&board=250&msg=1257049618&rn=32

Post: #1
Title: ست الناس... دوما
Author: smart_ana2001
Date: 11-01-2009, 05:26 AM
Parent: #0

اول مره افتح لى بوست بتاع شكر فى زول.....اها...نجرب. خاصة ان دوما -و الله- تستاهل.

كتار هنا بيقولوا ليها الخالة دوما...لكن انا بعد ما شفت صورها ..ما ح اقدر اقو ليها خالة دوما.
صراحة... ما قاعده تغلط فى زول ...ربنا يديها العافيه.
و شكرا لاختنا اللى اوحت لى بعنوان البوست.
اها يا جماعة اى زول عنو كلمة طيبه فى حق -ست الناس- دوما يجي يقولها
Post: #3
Title: Re: ست الناس... دوما
Author: smart_ana2001
Date: 11-01-2009, 05:36 AM
Parent: #1

Tragie Mustaf
شكرا على المرور و رفع البوست.
Post: #4
Title: Re: ست الناس... دوما
Author: smart_ana2001
Date: 11-01-2009, 05:58 AM
Parent: #3

مع ان -ست الناس- دومامستنيره جدا (على زوقى) لكن حقيقة انا بتكيف لكتابتها جدا
Post: #5
Title: Re: ست الناس... دوما
Author: Amany Elamin
Date: 11-01-2009, 06:12 AM
Parent: #3

سمارت العسل صباح الخير بتوقيتنا:

من كترت البوستات البتتغزل في ماما دوما وتمنحها الحب بقيت نادرا ما أشارك فيها ..
عشان حب ماما دوما ما حكر علي انسان الكل هنا شريك فيهو,
لكن بوستك ده ما قدرت لأنو فيهو اتنين بحبهم وبحترمهم:

الأولي ماما دوما اللي هي والله يا سمارت أم تانيه لي,
كل معاني الأمومه شفتها فيها, أدتني محبه وموده ورعايه أمي بس اللي ممكن أشوفهم عندها,
وكمان صداقه وتفهم و مشاركه ..
بحبها بصدق من كل قلبي, حب انسانه لاقيتها واحتوتني بأمومتها,
بالرغم من اني بختلف معاها فكريا في حاجات كتيره شديد,
لكن حتي الاختلاف عندها بمحبه وذوق,
ماما دوما مدرسه في الانسانيه والرقي والفهم والعلم وكمان خفة الدم والجمال (جمال الروح والخلقه) ..

التانيه انتي طبعا ياسمارت..
كتير بتعجبني مواقفك قويه لكن بلطف وذوق,
بحاول أتعلم منك المواقف الثابته بدون حده ..

شكرا لأنك أديتيني الفرصه تاني أعبر لماما دوما عن امتناني علي انسانيتها اللي غمرتني بيها ..
Post: #6
Title: Re: ست الناس... دوما
Author: مريم بنت الحسين
Date: 11-01-2009, 06:14 AM
Parent: #3

خالتي دوما دي، كان عمرها 15 سنة، انا بتحسسني بدفء وحنية الخالات، بريدها كده من جوه نخاشيش القلب..

Smart_ana صاحبتي، تحيات كتار
Post: #7
Title: Re: ست الناس... دوما
Author: smart_ana2001
Date: 11-01-2009, 06:53 AM
Parent: #6

الغاليه امانى الامين....
ح تصدقى اذا قلت ليك انك اول زول كان فى بالى لما فحت البوست؟؟؟ صدقى..
لانى متزكره انك قلتى كيف دوما كانت لطيفه و حنينه و متفهمة معاك لما لاقتك فى الصين!
ادام الله المحبة بينكم و ان شاء الله نتلاقى كلنا فى ساعة خير...
_________________________________________
شكرا على كلماتك الطيبه عنى....الناس البيعرفونى فى الدنيا-ما الانترنت- ح يقولوا ليك انى ما لطيفه خالص.
Post: #8
Title: Re: ست الناس... دوما
Author: smart_ana2001
Date: 11-01-2009, 07:01 AM
Parent: #7

صحبتى -شديد- مريم....
عجبتنى "نخاشيش" دى ...معبرة.
لكن دومه -ست الناس- فعلا تستحق المحبة
___________________________________________________________
عارفه يا مريم ان بتحسس من موضوع عم و خال و خاله وكده. احدى عمات امى ..زوله قيافه جدا و حقيقة هى بتكون اكبر من امى بحوال 10 ل 15 سنة ...لكن تتشاف فى عمر الوالده. امى بتقول ليها يا حاجه "......". انا موضوع حاجه ده ما عاجبنى ....فبقيت اقول ليها يا عمتى "....". بس يوم شاكلتنى ليك..."يا بنت ..انا عمة امك...انتى تقول لى حبوبه". الكلام ده ليه ذى 10 سنوات كده...و لحدى الان ما قادره اقول ليها حبوبه.
Post: #9
Title: Re: ست الناس... دوما
Author: azhary awad elkareem
Date: 11-01-2009, 07:09 AM
Parent: #8

فوق..
كناية عن المحبة..
Post: #10
Title: Re: ست الناس... دوما
Author: smart_ana2001
Date: 11-01-2009, 07:20 AM
Parent: #9

azhary awad elkareem شكرا...
عارف احنا بنقول انها ست الناس لانها (حتى و الناس بيشتموا فيها -الان- بدون سبب) مطوله بالها شديد.و ما شغاله بالموضوع. فى احترام اكتر من كده؟؟؟
Post: #11
Title: Re: ست الناس... دوما
Author: doma
Date: 11-01-2009, 07:31 AM
Parent: #10

يا بنات يا مشرقات انتن
والله لو ما فتحتوا البوست دا انا عارفه محبتكم لي لانه القلوب شواهد واختلافنا في الر ؤي والتفكير لا يفسد ودا
وتراجي تشتمني لي يوم الدين ما برد عليها
بس ما تتهمني بي شئ انا ما فكرت فيه ولا بمر بخيالي انا
والحمد لله اتربيت تربيه قويمه وعلاقتي بالرجل من طفولتي نديه
واصدقائي من الرجال اكثر من النساء
وصداقات اعتز بيها واحفظها واحافظ عليها .
شكرا ليكم كثيرا
Post: #13
Title: Re: ست الناس... دوما
Author: مجدي عبدالرحيم فضل
Date: 11-01-2009, 07:41 AM
Parent: #11

دوما

تكفي أنها

أستاذة زينب الفحل

احتفظ بتلفونها وهي البعيدة في حد الأرض (الصين)



،،،،أبوقصي،،،،
Post: #12
Title: Re: ست الناس... دوما
Author: doma
Date: 11-01-2009, 07:33 AM
Parent: #10

Quote: عارف احنا بنقول انها ست الناس لانها (حتى و الناس بيشتموا فيها -الان- بدون سبب) مطوله بالها شديد.و ما شغاله بالموضوع. فى احترام اكتر من كده؟؟؟

عارفه يا اسمارت يا بتي انا ما بعرف اغضب لنفسي كثير
اغضب وانتقم اذا ظلم اانسان اخر غيري
لكين ما بعرف انتقم لنفسي .
Post: #14
Title: Re: ست الناس... دوما
Author: doma
Date: 11-01-2009, 07:41 AM
Parent: #3

Quote: بس بالله لموها لينا من البوستات المهم لانها بقت لا تطاق....قمة في الفارغه

لووووووووووووووووولز
استغفرتك يا مالك روحي
Post: #16
Title: Re: ست الناس... دوما
Author: فادية اليمني
Date: 11-01-2009, 07:53 AM
Parent: #14

سمارت يا انتى

سلامات وتحيات

وحقا ما تقولين ست الناس وكفي

فى اكتر من السيادة فى كل شئ

وهى كذلك فى كل شئ (الذوق، الرقى فى المعاملة، قمة الانسانية، جمال فى الخلقة)

يعنى خلقة واخلاق يا ستهم

و يخليييييييييييييييك لينا يا مامتى

ولكِ حبي
Post: #17
Title: Re: ست الناس... دوما
Author: عفاف الصادق بابكر
Date: 11-01-2009, 08:43 AM
Parent: #16

ماما دومه .. تدخل كل المسامات ..
تحياتى .. واحتراماتى .. ومودتي ..
في كل وقت وحين .. ربنا يطول عمرها ..

سمارت يا أصيله .. سلام يغشاك وفى نعمه يلقاك
Post: #18
Title: Re: ست الناس... دوما
Author: azhary awad elkareem
Date: 11-01-2009, 09:01 AM
Parent: #17

Quote: فى احترام اكتر من كده؟؟؟



والله مافى..
Post: #19
Title: Re: ست الناس... دوما
Author: Muna Khugali
Date: 11-01-2009, 11:53 AM
Parent: #18



أختي دوما زولة راقية جدا..
لانها متعلمة جدا..
مثقفة جدا..
لطيفة جدا..
كريمة في تعاملها مع الجميع..
حاسة العدل عندها عالية جدا..
واختلافاتها قائمة علي اسس حتي لو اختلف معها الغير..
ولا تخرج الكلمة الغير "موزونة" منها..

مش محظوظين انها هنا؟؟

قطعا هي اخت الكل وأم من يرغب وصديقة الكلمة الواعيه..

وزي مافي كل مكان زول "كبير" بتصرفاته ووعيه..
مكانا هنا بيكبر اكتر بدوما..

شكرا يا سمارت..
فجميل ان نتفق في الجمال ونتقارب حتي يسود..

تحياتي..
Post: #20
Title: Re: ست الناس... دوما
Author: عزاز شامي
Date: 11-01-2009, 11:59 AM
Parent: #1

Quote: أختي دوما زولة راقية جدا..
لانها متعلمة جدا..
مثقفة جدا..
لطيفة جدا..
كريمة في تعاملها مع الجميع..
حاسة العدل عندها عالية جدا..
واختلافاتها قائمة علي اسس حتي لو اختلف معها الغير..
ولا تخرج الكلمة الغير "موزونة" منها..

مش محظوظين انها هنا؟؟

قطعا هي اخت الكل وأم من يرغب وصديقة الكلمة الواعيه..

وزي مافي كل مكان زول "كبير" بتصرفاته ووعيه..
مكانا هنا بيكبر اكتر بدوما..

شكرا يا سمارت..
فجميل ان نتفق في الجمال ونتقارب حتي يسود..

تحياتي..


شكرا يا أم آية .. ولك و لسمارت اجمل التحايا
ولماما دومة المحبة البتستاهلها ...

who angers you, conquers you … so, choose whom to honor
Post: #21
Title: Re: ست الناس... دوما
Author: Rihab Khalifa
Date: 11-01-2009, 12:02 PM
Parent: #20

كل الحب و الاحترام يا سمارت ليها و ليك
Post: #22
Title: Re: ست الناس... دوما
Author: ALZOLZATOO
Date: 11-01-2009, 12:03 PM
Parent: #20

Quote: who angers you, conquers you … so, choose whom honor .


سنة يا انا

ازيك ياعزاز

تحياتي لي دوما

زاتوووو
Post: #23
Title: Re: ست الناس... دوما
Author: د.نجاة محمود
Date: 11-01-2009, 12:14 PM
Parent: #22

دومة دي اضافة انسانية عظيمة


نختلف ونتناقر بانتظام في حاجات كثيرة
وتبقة المحبة بينا
دومة دي اختي عديل كدا

وهي انسانة مثقفة قارئة ممتازة وذكية

وتعرف 3 لغات اجادة تامة

وعندها وعي لو قسم على نساء السودان لحاقهن
وفضل وتفضلنا بيه على الدول المجاورة
ليرفع وعي نسائهن

وهي من النساء القليلات جدا الاكسبهن نعليمهن وعي حضاري
دومة مدرسة


مودتي ليهاواحترامي لها لا يحده حد

وبحب جد سمارت انا دي لانها جدعة
Post: #24
Title: Re: ست الناس... دوما
Author: عزاز شامي
Date: 11-01-2009, 12:17 PM
Parent: #22

Quote: سنة يا انا
ازيك ياعزاز
تحياتي لي دوما
زاتوووو


انا طيبة و هلا بيك يا زاتووو وشكرا للاقتباس لانو انتبهت انو في حرف جر ناقص
Post: #25
Title: Re: ست الناس... دوما
Author: ALZOLZATOO
Date: 11-01-2009, 12:36 PM
Parent: #24

ياعزاز

ربنا يجعلك طيبة دائما

تصدقي الكلام عجبني عشان كده عملت ليهو سور ( اقتبستو) ماكان في داعي للتعديل كلامك مفهوم بدون ماتجريهو لووووووووووووووولز قبل كم يوم واحد رسل لي نكته واحده مقدمة لي وظيفة والكتابة بتاعتها كلها غلط اها في نهاية السيرة الذاتيه كاتبه انو بتعتذر لانو الاسبلينج بتاعها تعبان و خاته صورة فيها خدش للحياء العام والخاص .
اها المدير بتاع الاتش آر اظنو من النوع البيحب الخدش قال ليها تم قبولك للوظيفة وبالنسبة للاخطاء الكتابية WE HAVE SPELLING CHECKER.

اها اسع انتي في كامل زينتك بنقول ليك كلامك مفهوم حروف الجر تطير

تحياتي

زاتوووو
Post: #26
Title: Re: ست الناس... دوما
Author: سمية الحسن طلحة
Date: 11-01-2009, 02:30 PM
Parent: #24

أنا أطالب بحق الملكية القلبية
يادوما... ولا تشغلوني في مراكز رصد الزلازل والتنبوء بالأحوال الجوية
كيف قلبي قال لي قولي وصرحي بالكلام الفوق دا القالوا الناس ديل كلللهم
في بوست ود الأمير بتاع الشيخ حسن إياه
مخير الله والله بقيت الكشيف عديييل عشان تعرفي يادوما الناس البحبوك ديل
مابنافقوا ولا بجاملوا

smart_ana2001
سمارت و بس يابت انتي سمارتين
تحياتي
Post: #27
Title: Re: ست الناس... دوما
Author: Shayma
Date: 11-01-2009, 03:03 PM
Parent: #26

سلام وتحية يا سمارت
وما خليتو لينا زاتو شي نقولو، لكن والله الا كان اسجل صوت في محبة ماما دومة دي
والله بحب كتابتها ووعيها وبعد كدة قلبها ابيض ومتواضعة ودمها خفيف واضحة في مواقفها وصادقة مع نفسها لو حست انها غلطت في حق زول بتجي تعتذر بسرعة وبكل وضوح
وبعد دة مجننة الانجليزي جن،، وكمان وجيييييهة والله محتفظة ليها بصورة في كمبيوتري دة زي الليل (وش مبسوط شديد) -ما تخافي يا ماما دومة أها ماشاء الله تبارك الله عليك والله يحفظك ويزيدك من نعمه
Post: #28
Title: Re: ست الناس... دوما
Author: مريم عبد الله
Date: 11-01-2009, 03:50 PM
Parent: #27

سمارت

وكل المتداخلين وكل احباب الست دوما

ازيكم وبدايه شهر سعيدة عليكم وين ما تكونوا

الست الرائعة دوما

بالرغم من اني ما حصل لي الشرف اني اتكلم معاك بصورة مباشرة او ان اتعرف عليك لكن من خلال ردودك وافكارك البتطرجيها

اقدر اقول انك انسانه جدا وباحس انو عندك تضخم وارتفاع في معدلات الطيبه والخير وانك ام لكل من في المنبر خليكي على كدة وربنا يديكي كل الخير

لانك بتستحقيهو بجدارة ربنا يذيد من محبه الناس ليكي
Post: #29
Title: Re: ست الناس... دوما
Author: doma
Date: 11-01-2009, 05:09 PM
Parent: #28

والله خجلتوني معقول الناس السمحين ديل كلهم هنا
مريم عبد الله ,شيماء ,عزاز , نجاه , مني , بت طلحه , مريومه , موووني فدويه رحوبه وعفه الحنينه حبيبات ليلي الطويل
وحباني ازهري , مجدي والزول زاتووووووووووو تسلموا من كل شر
والما عند و محبه ما عندو الحبه
والله ما زعلانه من ام سند وحازم ربنا يديها العافيه ليهم ويفرحها بيهم .
شكرا يا اسمارت حبيبيتي لانك لميتي لي الناس الجميليين ديل كلهم هنا .
Post: #30
Title: Re: ست الناس... دوما
Author: smart_ana2001
Date: 11-02-2009, 05:31 AM
Parent: #29

دوما...
Quote: وتراجي تشتمني لي يوم الدين ما برد عليها

عشان كده قلنا ست الناس.

Quote: عارفه يا اسمارت يا بتي انا ما بعرف اغضب لنفسي كثير

يا ريت كلنا نتعلم نعمل كده...تسلمى
Post: #31
Title: Re: ست الناس... دوما
Author: smart_ana2001
Date: 11-02-2009, 05:34 AM
Parent: #30

سلامات فادية اليمني ...
كلامك صحيح ..دوما فعلا خلقة و اخلاق.
ربنا يديمها علينا فى البورد.
Post: #32
Title: Re: ست الناس... دوما
Author: smart_ana2001
Date: 11-02-2009, 05:36 AM
Parent: #31

تسلمى يا عفاف...
و تشكرى على الدعوات الطيبات
Post: #33
Title: Re: ست الناس... دوما
Author: smart_ana2001
Date: 11-02-2009, 05:39 AM

Quote: أختي دوما زولة راقية جدا..
لانها متعلمة جدا..
مثقفة جدا..
لطيفة جدا..
كريمة في تعاملها مع الجميع..
حاسة العدل عندها عالية جدا..
واختلافاتها قائمة علي اسس حتي لو اختلف معها الغير..
ولا تخرج الكلمة الغير "موزونة" منها..

مش محظوظين انها هنا؟؟



شكرا منى خوجلى. احنا فعلا محظوظين بوجودها هنا.خاصة ان الفجور فى الخصومة اللى شفته فى سودانيزاولاين دى ما شوفتوا فى الدنيا ابدا ابدا.
Post: #34
Title: Re: ست الناس... دوما
Author: smart_ana2001
Date: 11-02-2009, 05:45 AM
Parent: #33

شكرا عزاز.....تسلمى.
البورد مع انو فيه (عبر الدنيا) لكن و الله فى ناس يستاهلوا الزول يستحمل كل الحجات التانيه عشانهم. انت و دوما و امانى و مريم و نجاة من الناس اللى بلجد نفسى اعرفهم و الاقيهم.
Post: #35
Title: Re: ست الناس... دوما
Author: smart_ana2001
Date: 11-02-2009, 05:47 AM
Parent: #34

سلامات رحاب خليفة
و شكرا على الحب و الاحترام..حقيقى لو فكرت فيهم.بتلقى انهم اقيم حاجتين ممن زول يقدمهم لزول.
ليكى برضو كل الحب و الاحترام.
Post: #36
Title: Re: ست الناس... دوما
Author: smart_ana2001
Date: 11-02-2009, 05:49 AM
Parent: #35

ALZOLZATOO شكرا على المرور ...
Post: #37
Title: Re: ست الناس... دوما
Author: smart_ana2001
Date: 11-02-2009, 05:56 AM
Parent: #36

سلامات د.نجاة

Quote: وهي انسانة مثقفة قارئة ممتازة وذكية
وتعرف 3 لغات اجادة تامة
وعندها وعي لو قسم على نساء السودان لحاقهن
وفضل وتفضلنا بيه على الدول المجاورة
ليرفع وعي نسائهن
وهي من النساء القليلات جدا الاكسبهن نعليمهن وعي حضاري
دومة مدرسة
مودتي ليهاواحترامي لها لا يحده حد
وبحب جد سمارت انا دي لانها جدعة


3 لغات؟؟ ماشاء الله ...ما شاء الله. ربنا يزيدها علم و معرفه و وعى.
حقيقة انا ما عندى بيها معرفة خارج البورد..لكن اتعلمت منها كتير بس بقرايه كتاباتها هنا.
_______________________________________________________________
شكرا د.نجاة على كلمات الطيبة...اكيد انتى عارفه ان بعزك قدر شنو!
Post: #38
Title: Re: ست الناس... دوما
Author: smart_ana2001
Date: 11-02-2009, 06:00 AM
Parent: #37

سمية الحسن....اكيد دوما عااارفه انو الناس بيحبوها بالجد وما بينافقوا ..على الاقل انا (وجه غاامز).
شكرا سمية
Post: #39
Title: Re: ست الناس... دوما
Author: smart_ana2001
Date: 11-02-2009, 06:04 AM
Parent: #38

سلامات يا شيماء....
كلنا هنا عشان نسجل صوتنا فى محبة دوما...و تقديرها و احترامها.
Post: #40
Title: Re: ست الناس... دوما
Author: smart_ana2001
Date: 11-02-2009, 06:09 AM
Parent: #39

سلامات مريم عبد الله....
Quote: اقدر اقول انك انسانه جدا وباحس انو عندك تضخم وارتفاع في معدلات الطيبه والخير وانك ام لكل من في المنبر خليكي على
كدة وربنا يديكي كل الخير

ان شاء الله التضخم و ارتفاع معدلات الطيبه و الخير ديل يكونوا معديات و نعادى كلنا ...قولى امييين
Post: #41
Title: Re: ست الناس... دوما
Author: smart_ana2001
Date: 11-02-2009, 06:17 AM
Parent: #40

Quote: شكرا يا اسمارت حبيبيتي لانك لميتي لي الناس الجميليين ديل كلهم هنا

تسلمى دوما...يا ريت لو كنت ممكن اللمهم فى بيتى...و نلاقيكو نتونس معاك.




طبعا كلكم بما فيكم دوما عارفين ان فتحت البوست ده ليه...
مع انى ما فى معرفه -فى الدنيا - بينى و بين دوما..لكن انا شايفه فى البورد ده انها زوله محترمة جدا ..ما قريت ليها كلمة ما كويسه فى حق زول. مثقفةو طيبة القلب (ما قاعدين يتلموا كتير ..العلم و الثقافة و طيبة القلب). زعلنى جدا البوست اللى نزل فى حقها ...و قلت فى نفسى امكن لو فتحت البوست ده اخليها تتاكد من انها ما فى المحل الخطأ...و انه لسه فى ناس كتار جدا جدا هنا ما بيرضيها البوست اياه.
Post: #42
Title: Re: ست الناس... دوما
Author: Khalid Kodi
Date: 11-02-2009, 06:26 AM
Parent: #41

تحياتنا للعزيزه دومه،
أمنياتى لها بالخير والصحه.
.
Post: #43
Title: Re: ست الناس... دوما
Author: doma
Date: 11-02-2009, 07:02 AM
Parent: #42

كودي الجميل ليك والاسره حبي الاكيد