Post: #1
Title: إني أكثر إيماناً..... فوق الأرض صراع الطبقة...!!!
Author: محمد غلامابي
Date: 10-31-2009, 08:47 AM
الواحد في السودان يلاقيك يقول ليك
(البلد دي بقت بس ناس فوق وناس تحت ... مافي حاجة تاني)
قولو (واحد)
|
Post: #2
Title: Re: إني أكثر إيماناً..... فوق الأرض صراع الطبقة...!!!
Author: محمد غلامابي
Date: 10-31-2009, 04:22 PM
Parent: #1
وواحد يقول ليك
الناس في البلد دي بقوا يافقرا يا أغنياء
الحاصل شنو؟
قولو (2)
|
Post: #3
Title: Re: إني أكثر إيماناً..... فوق الأرض صراع الطبقة...!!!
Author: GeerTor Tong
Date: 10-31-2009, 04:40 PM
Parent: #1
غــلامابي ازيك..وان شاء الله بخير وعافية.
المشكلة ما في الناس اللي فوق أو الأغنياء
المشكلة في الناس اللي هم بيظنو انفسهم اغنياء وفوق وما هم كذلك
الحمد لله على ما نحن فيه والا ما عرفنا ما معنى الحاجة
تسلم
قير تور
|
Post: #4
Title: Re: إني أكثر إيماناً..... فوق الأرض صراع الطبقة...!!!
Author: محمد غلامابي
Date: 10-31-2009, 06:57 PM
Parent: #3
مرحباً بالزميل الصحفي والديبلوماسي قير تور
شكراً للمرور والتعليق...
تابع معنا...
تلقي برضو الناس يقولو ليك
بالله صحفي قريب أو معرفة رئيس التحرير وموصنو عليهو فجأة كده يبقي الآمر الناهي في الصحيفة..
قول وقولو (3)
|
Post: #5
Title: Re: إني أكثر إيماناً..... فوق الأرض صراع الطبقة...!!!
Author: عبداللطيف خليل محمد على
Date: 10-31-2009, 07:19 PM
Parent: #4
غلامابي :
كيف حالك ؟
صديق جا من السودان فجر اليوم ؛ كان من المفترض أن يصل على ( الناقل الوطني ) الساعة 12 متصف الليل ؛ لكن بحكم أن ( الناقل وطني ) وصل الساعة 4:20 ص .
حكى لي أن والده مرض و تدهورت حالته حوالي الساعة الثالثة فجر أحد أيام سبتمبر الماضي ؛ و لم يكن بالبيت سوى أمه و أخواته ؛ خرجت الأم و احدى بناتها للبحث عن وسيلة مواصلات للمستشفى .
صدفة مر صاحب حافلة آت من مكان بعيد ..
شاهد الحاجة و بنتها على الطريق العام - و المنطقة خلا - و خالية الا منهن ..
توقف ؛ دون ان تطلبان منه ذلك - بحكم ان ( العربية كبيرة ) ..
مالكم آ ناس ؟ خير ؟؟؟ سألهن ..
حكين له الظرف و الحال ..
:
دون ان يحسبن ؛ فتح الرجل باب الحافلة و طلب منهن الصعود ؛
دق سدرو .. و سره يقول : أنا لها ..
ذهب الرجل الى البيت ؛ و البيت مشواره بعيد من (الظلط) و حمل الأب الى الحافلة ..
و الى المستشفي ..
و بقى مع الرجل حتى أفاق عند الساعة التاسعة صباحا ..
حملهم مرة أخرى الى البيت ( البعيد جدا من المستشفى) ..
و شال الرجل من الحافلة الى السرير ..
جلس مع الأب و حمد له السلامه ..
و ذهب الى سبيله .. دون ان يعرفوا من هو .. ؟
.. هذه هي أخلاق شعبنا .. التي حاول ان يستأصلها هؤلاء .. و ما فلحوا ..
رغم التفاوت الحاصل و المقصود .. الا ان مرؤة شعبنا لن تموت ابدا ..
نعم؛ تشوهت فينا كثير من الأشياء .. بفعل فاعل ..
لكن تبقت أشياء و أشياء ..
|
Post: #6
Title: Re: إني أكثر إيماناً..... فوق الأرض صراع الطبقة...!!!
Author: محمد غلامابي
Date: 11-01-2009, 08:37 PM
Parent: #5
شكراً عبد اللطيف علي الحديث عن قيم ومروة السودانيين
وبرضو في ناس عندها كل شي .. وماعارفا تعمل بيهو شي
وناس ماعندها أي شي، وماعارفا تعمل أي شي
خد عندك..
وقولو (4)
|
Post: #7
Title: Re: إني أكثر إيماناً..... فوق الأرض صراع الطبقة...!!!
Author: GeerTor Tong
Date: 11-03-2009, 04:30 PM
Parent: #6
| Quote: وبرضو في ناس عندها كل شي .. وماعارفا تعمل بيهو شي |
لا.في النقطة دي ما متفق معاك يا غلامابي.
الناس دي لو عندها المعرفة على الاقل ما كانت عجزت عن كيفية فعل شئ بالتي تمتلكها..
وهؤلاء هم الذين لا يملكون اي شئ حقيقة حتى لو بدوا لنا اصحاب جاه ومال!!!.
أها وقفت مالك..؟ كمل... الدرب طويل والصراع لن ينتهي..
تحياتي
قيـــر.
|
Post: #8
Title: Re: إني أكثر إيماناً..... فوق الأرض صراع الطبقة...!!!
Author: محمد غلامابي
Date: 11-03-2009, 07:29 PM
Parent: #7
الناس العندها كل شئ وماعارفا تعمل شئ موجودة أستاذ قير
وبعدين انا أتحدث عن الملكية...
في البلد دي يمكن عادي تكون في السكون فجأة تصبح في العاصفة
يعني تكون ماعندك تعريفة... تباري الجماعة إياهم تصبح رب المعرفة والمال...
شفتا كيف.؟
بعدين ياأستاذ خذ عندك
في مايو في نفس المحطة ....
ناس تركب هايس طوالي... وناس تنتظر الحافلات الكبيرة عشان (تندفس) فيها..
ناس في البلد لافوق.... وناس لاتحت
قولو (5)
|
Post: #9
Title: Re: إني أكثر إيماناً..... فوق الأرض صراع الطبقة...!!!
Author: محمد غلامابي
Date: 11-04-2009, 05:38 PM
Parent: #8
الدين لباري الدين
|
|