نواب الله ...

قال تعالي : (واذن في الناس بالحج ياتوك رجالا وعلى كل ضامر ياتين من كل فج عميق)

وقال النبي صلى الله عليه وآله وسلم: (إن الله فرض عليكم الحج فحجوا)

يهل علينا في مقبل الايام الحج الاكبر وهو من اعظم الفرائض في الدين الاسلامي ، نسأل الله التوفيق لحج هذا العام وكل عام وكذلك نسأله القبول لضيوفه الكرام .

ولكن نواب الله في الارض تأبي انفسهم ان تمرر مثل هذا التجمع دون توزيع لبطاقات التعريف وتذاكر الدخول والخروج لجنان الله تعالي ؟ متناسين مدي الوعي والعلم الذي وصلت اليه البشرية في فهم تعاليم الله .



قل للذين يوزعون الظلم - باسم الله - فى الطرقات

إن الله في نار الدموع

وفى صفوف الخبز

والعربات

والأسواق

والغرف الدمار

الله حيٌ لا يموت

فعذرا حضرات النواب

نحن نعفي سماحتكم من التوسط بيننا وبين الله

وليد التلب

ياخ مشتاق ليك كتير، وجادعني ساي، لا بتسأل ولا بتزور! مالك يا زول؟ حسي إنتا ناوي تمشي الحج 1300كيلو وزولك على بعد خطوتين ما داير تجي ليهو؟ ده كلااام يا عبد المُعطي؟ :) مش قالوا الناوي الحج لازم يرد الأمانات ويصالح الناس، وأنا ما عافي ليك لو مشيت الحج من غير ما تزورني، وعزومة رمضان بتاعتك الطلعت فشنك دي برضو ما عافيها ليك، شوف بقا كان الله بيقبل ليك حجتك دي وله لا :)

بالجد مشتاق ليك

وليد / هشام

سلامات يا ناس يا طيبيين
كيف حالكم

حمد الله بي سلامة العودة

الأستاذ: جمال المنصوري
كيفك يا حبيب

ياخ أنا بشهّدك على الزول ده. في رمضان دقّ صدرو وقال عازمني فطور وصوّمتَ نفسي بالعافية، وراجيهو يتصل أو يجي يسوقني ولي يومك ده ما شفتَ خلقتو تاني. أها ده زول يمشي الحج عليك الله؟ بي ياتو وش زاتو؟ :) عندي حق ولا ما عندي حق أزعل منو؟

وليد التلب

نواب الله في هذا الزمان كثر ,,,
احترنا من نوسط فيهم ,, انت ما دخلت بوست داعية خلف الغضبان ,,,,

(امشي ولا يهمك من نواب الله )

يا داخل هذا الدار صلى على النبي المختار
حج مبرور وسعي مشكور
وذنب مغفور ,,,

طبعا بعد ان تعوض هاشم احمد ادم ,, الفطور بي عشاء كارب ,,,