Post: #1
Title: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-30-2009, 06:28 AM
Parent: #0
شناة لندن خلوها ساي.
وضيقها اديته العدو.
والعجب مترو انفاقها المصارينه طالعه في السهله!
غايتو البجي من نورث امريكا مافي شيء بيدهشه في لندن ولا كل اوربا.
ويا ناس كندا بالذات احمدوا ربكم
بالبرد و الجليد المردومين فيه نصف العام
لكن كندا اتاريها كندو الهنا و السرور.
البراح و الجمال والمهله..اهم شيء المهله...الفي كندا
في باقي العالم ده اتاريها مافي.
اها امريكا المتجدعه دي عامله وبلاد الكنج سايز
بالله كندا امهل منها.....
غايتو اجمل مافي الاجازة دي
انه عرفنا انه كندا
بقت بلدنا وما بنرضى فيها.
Home sweet home
الانجليز الشعورهم مجلطه من قلة الغسيل مدهنه.
و الكندنين شعورهم مهففه ونظيفه وتفوح منهم اجمل العطور.
اسنان الانلجيز المعفنه
التقول ما عندهم تامين صحي للاسنان
واسنان الكندين اللامعه وناصعة البياض.
الكندين اجمل في سحناتهم لانهم مختلطين
يعني حتى البيض فهم
المان بانجليز بفرنسين بهولندين بشيك...الخ.
بينما الانلجليز ياهم انجليز بس!
غايتو يا ناس انجلترا...بالله اطلعوا وتعالوا كندا
وخليكم من الآثار العايشين فيها دي.
واوع تقولوا لي نحن الحضاره و التاريخ.....
حنقول لكم نحن الحداثه....و المستقبل!
|
Post: #2
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-30-2009, 06:34 AM
Parent: #1
التقيت بالبنت الحديقه
ثروت همت
وما اجملها من انسانه
ثورت ما اكثر عشان ما يدوك عين شايفه بوستات
كسر الثلج قبال ما ارجع
لو حكيت عنك حيقرضوك هنا.
اها امشي اتبخري يختي بكمون اسود بعدين نكمل.
مشتاقه لك.
وشكرا لكرم الضيفه واللحظات الحلوه القضيتناها معاكم.
استمتع بمحاورتك وشوفتك
ربنا يحفظك لشبابك
ويديك الشاب البعرف قيمتك ايتها الكنز.
|
Post: #3
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-30-2009, 06:40 AM
Parent: #2
والتقيت بقيادات واعيه كثيره
والاحلى دماء شابه وصدور تمور بالثوره
وعرفت ان الغد المشرق لشباب الهامش في بلادنا.
احزاب السودان القديمه لاحظت رغم الكفآت ولكنها تشكوا
من قلة الدماء الشابه بها.
بينما احزاب وحركات اهل الهامش كلها دماء جديده وواعده!
وقدرات رهيبه ولا تنقصهم لا ثقافه ولا علم ولا كاريزما
فقط معرفه للشارع السوداني العريض.
انطلقوا يا شباب الهامش فان المجد لكم.
|
Post: #4
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-30-2009, 06:49 AM
Parent: #3
التقيت بشخصيات مهمه جدا وفخوره بلقائهم
وبالتعرف اليهم
د.فاطمه بابكر
وزوجها د.محمد سليمان
ويالها من جلسه ويالها من متعه الحديث اليهما.
واعظم الهدايا كانت كتابنا للدكتوره فاطمه بابكر
لازلت استمتع بقرأتهم بنهم...وحملوا لي..الحل النظري
لكثير من تعقيدات قضايا الجندر بين الهامش و المركز
رغم انه د.فاكمه تناولتهم كمقارنه بين الغرب وغيره
من دول العالم النامي ولكني وجدت النموذج يمكن ان
ينطبق على السودان.
ولو طبقناهو على نموذج بسيط
نجد ان موضوع لبنى احتل اهتمام قطاع كبير من مثقفي الصفوة.
بينما اهل الهامش يصارعون من اجل حياة نهلة بشير!!
يبقى بينما تحديات جندريات الهامش كانت تصل لحد انهاء حياتهن!!
فان تحديات اهل الصفوة كانت تصل لحد الجلد نتيجة ارتداء بنطلون!!
وكون نهله بشير المهمشه يمكن ان تعتقل لمدة تقارب العام
نجد بانه لم تتعرض اي سياسيه من اهل الصفوة لمدة اعتقال
مثل هذه بتاريخ السودان!!
يبقى طبيعي ان تختلف هموم الجندريات المهمشات عن الجندريات الصفويات!!
وللحديث بقيه!
شكرا د.فاطمه بابكر شكرا د.محمد سليمان.
شكرا اخي ابراهيم احمد ابراهيم الذي شرفني بالتعرف اليكم.
|
Post: #5
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-30-2009, 07:40 AM
Parent: #4
التقيت بالارباب محسن خالد
وهو رجل نشمى وكريم ومقدام واهم شي عضلات تبش.(وجه ضاحك)
الظريف محسن تحمل الكثير يومها بحمل كرسي حازم المتحرك
وهو كرسي ثقيل جدا وزنه
في محطات لندن المتخلفه...لما ننزل وتطلع المحطه بلا (مصعد)
بعض المحطات مجهزة للمعاقين وبعضها لا!!
اها محسن ده كان بشيل قرابة ال 25 كيلو ولا احتمال اكثر وزن الكرسي
ويطلع بيه السلالم...بكل طيبه ومحبه....وهو مصر يفرج ابنائي
حازم وسند في لندن!
غايتو يا محسن سامحنا....
قطارتكم الحاره ديك
اها نحن يا اخوي قطارتنا كلها مكيفه
وحر زي ده من فارقنا السودان ما شفناهو
وبصاتنا العاديه مكيفه ورغم كندا بلد بارده
لكن شهرين الصيف ما بيستحملوهم هنا بلا تكييف.
واتناقشنا واتناقرنا وضحكنا وكله كان عن البورد وافلامه.
وطبعا كالعاده محسن طيب زي ما لقى تراجي ما غوله (وجه ضاحك)
طبعا محسن كان عارفني ما غوله لانه بيناتنا معرفه هاتفيه.
شكرا يا محسن
وصغاري ينتظرون زيارتك لكندا عشان يفسحوك فيها
برضو زي ما فسحتهم وما قصرته.
يا الجعلي يا ود المسيتكاب
تقوم بالسلامه باذن الله وتصلنا بجاي.
|
Post: #6
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-30-2009, 07:46 AM
Parent: #5
الغالي محمد هارون
فرحت بلقائك وطبعا برضو بعرفك من زمان لذا لا
اعتقد انت اتفجأت بشيء
كما لم اتفجأ انا....كريم واصيل وود ناس.
وما بيحب السياسيه(وش مقهور)!!
تعال زرونا في كندا يا محمد عشان تعرف بلدكم مهببه لاي درجه.
|
Post: #7
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-30-2009, 07:53 AM
Parent: #6
الشرتاي (كردفاني)
وسميته شرتاي دي القابنا نحن ناس ام كداده!
اها قطب حزب الامه المعروف و الراجل الكريم واصيل ومثقف
وصامد وصلب على مبادئه..اخجلني بكرمه واخوته الحقه.
ضبح خروفه ومقاضيه وجابه لينا!!
يا ود الناس..نودي الحاجات دي وين بلدك ضيقه وثلاجاتكم
ذاتها ضيقه(وجه ضاحك)...وزوج اختي الضابح برضو قبلك...
قال حرم....تودها محل ما تودها.....ووقتها لا تمل الا تقول سبحان الله
وا سجمي لو ماكنته سوداني...وناس الحاره ديل اهلي....
سعدت بمعرفتك ولقائك اخي كردفاني
وانت زخرا للوطن.
كن بخير وربنا يحفظك.
|
Post: #8
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: saif massad ali
Date: 10-30-2009, 08:06 AM
Parent: #7
تراجي
ههههههههههه
ياحقو انا بقيت كسلان من الفرشة والمعجون اتسوك كلو اسبوعين
قرف
|
Post: #9
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: soma
Date: 10-30-2009, 08:11 AM
Parent: #8
الاخت تراجى حمد الله على السلامه
وكل سنة وانتى واسرتك بالف خير
فى كل الاعياد الفاتت الما لاقيناك فيها.. والجاية..
وبركة الرجعتى طيبة
تحياتى لك واسرتك..
|
Post: #69
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-31-2009, 06:46 AM
Parent: #8
سيف مساعد سلامات
Quote: تراجي
ههههههههههه
ياحقو انا بقيت كسلان من الفرشة والمعجون اتسوك كلو اسبوعين
قرف |
تبرأ يابا مالك بقيت مصري ولا انجليزي ؟؟؟
|
Post: #10
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-30-2009, 08:14 AM
Parent: #7
اها طبعا لندن دي يا شباب اكيد زي كل مدن العالم مش
فيها هامش وفيها مركز مش!!
اها في ناس هنا هاريننا التقول لندن دي ملك مسجل لهم
اها اكيد حيحاولوا يدعوا انها فيها قمائر وفيها عمارت
وهم سكان العمارت طبعا...ومترددي المسارح و الابوبرا
وحركات مدعي الثقافه...اها انا كلها ما عجبتني.....
انا جني وجن الضيق...وكندا دي كنت شايفها ضيقه
مقارنه بالسودان طبعا....و الاردن رفم ضيقها
لكن نحن كنا ساكنين في مزرعه طويله عريضه يملكها اهل زوجي
لذا لم اعرف الضيق...ولا زحمة المدن....
وجني وجن الزحمه...درست في الاسكندريه لاني لا اطيق القاهره
وفعلا تورنتو زحمه اكثر من هاملتون مدينتي....لكن بري تورنتو فيها رحمه
والعجب عاصمتنا السياسه آتو ما انظفها واجملها...واوسعها....
افتقدت الصيف بكندا وازهاره الرائعه...
كندا تتحول لمهرجان من اللوان صيفا....
حدائقها ما اجملها بيوت سكنيها..شوارعها
كم الاموال التي تصرف سنويا على الزهور ربما تعادل
ميزانية السودان 4 مرات.
زهور....زهور...زهور مبالغ فيها
زهور عملاقه...ومقزمه...دائمه وموسميه....
ناس تحب الجمال وتعرف كيف تصنعه...كندا ما اجملها....من بلاد.
وشعبها شعب مهذب وراقي
ومهاجريها انفسهم..اعتقد تتم فلترتهم قبل الوصول لهنا.
نيجرينا ما بيشبهوا نيجرين لندن
ولا صومالينا..ولا سودانينا ايضا!
الاهتمام المبالغ فيه بالمظهر هو ما يميز الكندين
ونظفه حقيقيه مش خارجيه بس زي حقت المصريين ديك.
الحقيقه بنقولها.....
اها الانجليز ارشق من الكندين.....لكن رشاقتهم ذاتها تكرهك...
نوع النوسان الما بتعرف قفاها من شويها.....
بؤي يا يمه حلاة الكنديات
اغلبهن هريرات.....(طبعا وجوه ضاحكه كثير)
ناس ودع هريرة ان الركب مرتحلا...وهل تطيق فراق ايها الرجل
غراء فرعاء مصقولا عوارضها...تمشي الهوينا كما يمشي الوحل الوجل
كأن مشيتها من بيت جارتها..مر السحاب لا ريث ولا عجل....
نحن هنا ناس ضاربين الفراخ المهرمن ده وحامدين ربنا
(وجوه ميته على روحها من الضحك)
وبلدنا رخيصه...وهديه ورضيه.
|
Post: #11
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: khaleel
Date: 10-30-2009, 08:18 AM
Parent: #10
حباب ست الكل تراجي
شهورا طويلة ومكانك شاغر
هل هناك مهمشين في لندن
|
Post: #12
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-30-2009, 08:22 AM
Parent: #11
خليل منور
كيفيك يابا
| Quote: هل هناك مهمشين في لندن |
وكيف مافي مهمشين؟؟
المهاجرين كلهم مشهمين يعني قايلهم جلابه
هناك؟؟!!(وش ميت من الضحك)
اها مهمشين السودان وحاتك حالهم حال السرور
اصلا عارفهم مجتهدين
ولما يمشوا لنظم عادله في توزيع الفرص فهم انجح الناس
كبار الاخصائين في مجالات مختلفه طب وعلوم وهندسه وسياسه
كثار جدا من ناس الهامش السوداني......
كن بخير يا اخي.
|
Post: #13
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-30-2009, 08:46 AM
Parent: #12
سوما شاعرتنا الرقيقه
كيفك وكيف ناس مسقط الحلوين
وبالذات ناس البطانه؟؟؟
Quote: الاخت تراجى حمد الله على السلامه
وكل سنة وانتى واسرتك بالف خير
فى كل الاعياد الفاتت الما لاقيناك فيها.. والجاية..
وبركة الرجعتى طيبة
تحياتى لك واسرتك.. |
شكرا لك ووكذلك مباركه لكل كل الاعياد.
كوني بخير انت واسرتك.
|
Post: #14
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-30-2009, 08:51 AM
Parent: #13
طبعا احلى حاجه في الرحله دي
اتيقنت انه بلدنا رخيه جدا بالنسبه للندن السجم دي
وبنزينا رخيص وكوفيراتنا رخيصه ومحلاتنا رخيصه
اي شيء رخيص ومعقول هنا.
بلدهم ديك مولعه نار جهنم بس وعلى شنو ما عارفه.
لا حاجتم احلى لا طريقة عرضهم احلى...
اها للسيدات تعال نوشوشكم
مستحضراتهم التجميليه اجود!
منتجات العنايه بالبشره افضل!
الرقابه العلميه عليها ادق!
الا انها نار حمراء!
|
Post: #15
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: اسماعيل عمر ابراهيم
Date: 10-30-2009, 09:05 AM
Parent: #14
العزيزة الغالية تراجي هنا ؟؟؟ يا الف مليار مراحب ... حقيقة يوم سعيد الشفنا طلتك البهية هنا من جديد ليكي وحشة و مكانك شاغر .... و عوداً حميد 
|
Post: #17
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: ثروت همت
Date: 10-30-2009, 09:27 AM
Parent: #14
العزيزة تراجي.
حمد لله على السلامة مرة تانية.
لكن لندن دي ما انتهيتي لينا منها عديل كدة :) ياخ ما للدرجة دي، بعدين مكان من مكان بيفرق، ياخي في زول بيجي لندن زيارة ويقعد في الفنت & كاسل، لوول :).
بالجد أتشرفتَ جداً بمعرفتك ولقياك وأولادك الحلوين حازم وسند، كيف هم بالله، كنا متفقين أنو نتواصل ، بس الجري والمشغوليات، توقعي تلفون قريب.
الجميل سند وكل امْرِئٍ له من أسمه نصيب تراجي، الله يحفظو ليك يارب.
__
دي الصورة الوحيدة الطلعتَ بيها اليوم داك.
تحياتي وتقديري.
|
Post: #70
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-31-2009, 06:57 AM
Parent: #17
ثروت كيفينك؟؟
وعساك بخير ومشتاقين
ومنتظره تواصلك.....
اها عايزه تطلعيني كنت قاعده في عشش لندن!!
يا سلام بلدكم كلها كوشه وحياتك.
وانا كنت واضحه وقلت كلم بحب الحداثه وجني وجن
الوهم الاسمه تاريخ ده.
وبعدين ما تفتكريني ما حمتها.....حمتها كويس
بس انا زوله عيني دقيقه لما قلت لكم (قطارتكم المصارينها طالعه دي)
متأكده مافي زول منكم بيكون انتبه لكلم الاسلاك الما مقطيه وظاهره
بشكل قبيح
في محطاطات لندن.
Quote: العزيزة تراجي.
حمد لله على السلامة مرة تانية.
لكن لندن دي ما انتهيتي لينا منها عديل كدة :)
ياخ ما للدرجة دي، بعدين مكان من مكان بيفرق،
ياخي في زول بيجي لندن زيارة ويقعد في الفنت & كاسل، لوول!
|
يا حبيها خلينا بلا اوهام معاكم
بلد فيها 75% من بيوتها (بيوت كانسل) ودي ما شتيمه
لكن بتوضح شكل الانظام الاقتصادي السائد!
بلدكم متخلفه!
ممكن تحبوها وممكن يجبوها ناس كثار
كلن بنحكي هنا عن فروق في نمط الحداثه
انا يختي جاياكم من بلد حديثه مالي ومال الكرور ده!
ومن حكي اوضح انها ما قدر اسمه ووهم كبير خلاص!
هذا لا يمنع انها محطه مهمه في مسيرتنا السياسه كسودانين
وما بيمنع انه فيها شباب زي الورد وحيقودوا التغيير باذن الله!
لكن سماحه النصيحه ما سمحه.
|
Post: #16
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: doma
Date: 10-30-2009, 09:21 AM
Parent: #10
كلامك عن لندن صاح وكندا سمحه ونظيفه لكين بالله كدي شوفي لينا تعداد سكان تورنتو مقارنه بلندن كم
ما تسلي لسانك شديد
في الصيف البشوف الشريحه ما فوق التلاتين من نساءكم ياخد جفله
وكمان بقوه عين لابسات شورتات وتي شيرتات
|
Post: #18
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: ALazhary2
Date: 10-30-2009, 09:47 AM
Parent: #16
.
.
الأخت الكريمة تراجي
البورد نور
مرحباً بك بعد غياب طويل .
.
.
|
Post: #19
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: مدثر قرجاج
Date: 10-30-2009, 10:05 AM
Parent: #18
تراجى
مرحب بيك بعد طول غياب
|
Post: #20
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Nazik Eltayeb
Date: 10-30-2009, 10:05 AM
Parent: #18
بعودة تراجي عادت لسودانيز اونلاين بعض من نكهته القديمة الرائعة
|
Post: #21
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Adam Mousa
Date: 10-30-2009, 10:09 AM
Parent: #18
عزيزتنا تراجى ..الف مراحب ..عودا حميدا مستطاب..
وبعودتك سيعود الق البورد..وتعود الكتابات الساخنه والمناقشات القويه..
|
Post: #22
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: azhary awad elkareem
Date: 10-30-2009, 10:20 AM
Parent: #21
حمداً لله على السلامة
|
Post: #23
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: حيدر حسن ميرغني
Date: 10-30-2009, 10:27 AM
Parent: #21
يا زولة تكفيك شوفة محسن ومن شاهدتيهم
البلاد كلها لاتسوي شيئ دون وجود ناس حلوين فيها
وممكن تكون جميلة لكن قبح ساكنيها يمسخ كل شيئ فيها
عشان كده المبدعين يشبهونها بالنساء
|
Post: #24
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: كمال ادريس
Date: 10-30-2009, 10:59 AM
Parent: #23
تراجي ايتنينا
لسه ماكملنا شهر في لندن وقلتلتي الدهشة في زول جاي من العالم التالت....نرجع يعني؟
|
Post: #25
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: بابكر التوم
Date: 10-30-2009, 11:12 AM
حمد الله على السلامة ياأم حازم
عودا حميدا مستطاب ...
| Quote: غايتو(لندن) شينه وقديمه ووسخانه.....بس فيها كوكبه جيده من السودانين! |
الله لا جابك الخليج 
مالاقيتى مصطفى سرى ؟
|
Post: #26
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-30-2009, 12:48 PM
Parent: #25
ضحكوتني لكن
واكثر طول دوما عرافين ليه؟؟؟
لانها ساكنه في قلب زحمة العالم
عاد يا دوما (الصين) دي انا من صورها ساي بتخنق.
مش تقولي لي منظمين يا زوله كله الا الزحمه.
اها نسوانا التريانات وروينات مالك بيهم؟؟؟
ما شايفه العينه اختك ذاتها هنا نموذج للرخاء
الكندي(وجوه ميته من الضحك)!
|
Post: #27
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: نبيل عبد الرحيم
Date: 10-30-2009, 01:24 PM
Parent: #26
المحترمة تراجى
سلامات كنا نتمنى لقائك
ولكن حرام عليك لندن من أجمل بلاد العالم وشعبها ماعنصرى ولكن زحمة.
من ناحية قديمة فالإنجليز يردون الحفاظ على تاريخهم وحضارتهم و شكل لندن القديم يعنى للأن شكل التاكسى القديم (رغم أن التاكسى جديد) المبانى الجديدة تبنى على شكل التراز القديم,
وبعدين كندا تحت التاج البريطانى مع إستراليا يعنى أنتم تحت الإحتلال البريطانى
إذا كيف تقارنى بين لندن وكندا ممكن من ناحية المساحة قفط
والناس التى قابلتهم الشنين أصحاب الأسنان المعفنه ما إنجليز لأن الإنجليز إنتقلوا للإقامة خارج العاصمة وتركوا لندن للأجانب وهى الميزة التى يستغلهاالحزب العنصرى فى حملته .
ولعلك لاحظتى كميةالسودانيين المهاجرين من كل أورباوبالأخص هولندا إنحشروا فى لندن ولو وصفك صحيح كان الأجدر مايتركوا أوربا ويهاجروا للندن .
فى مدينة برمنجهام شهدت هجهرة صومالية كبيرة.
يظهر إنك ماتفسحتى كويس.
لك الود
|
Post: #28
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: نبيل عبد الرحيم
Date: 10-30-2009, 01:34 PM
Parent: #27
|
Post: #29
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: نبيل عبد الرحيم
Date: 10-30-2009, 01:39 PM
Parent: #28
زحمة لندن وكمية الأجانب فى الصورة
|
Post: #31
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: انتصار محمد صالخ بشير
Date: 10-30-2009, 01:57 PM
Parent: #29
تراجى سلام
الاجازة الجاية انت والوليدات تعالى قضيها معاى بلد فاضية تجدعى لما تقولى كفا
دمتى بخير
|
Post: #30
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: doma
Date: 10-30-2009, 01:49 PM
Parent: #26
| Quote: اها نسوانا التريانات وروينات مالك بيهم؟؟؟ |
يا زوله انت من زمن الترلات ؟!ي بقت موضه قديمه
وعن الصين بحدثك
احدث مطار بها واكبر الفنادق واكبر المتاجر وافسح المطاعم والشوارع هنا اي شئ قراند بالجد
يا تراجي ما في شئ ضيق غير الشقه الساكنه فيها انا دي وهي مبني قديم
اريتها بلدك والشعب الصيني اريتو شعبك المنتج المنظم
كل زول بيقوم بدوره ما فيش لعلعه وهتافات فاضيه العمل العمل ولا شئ غير العمل .
شعب قدر ينهض من بين رماد الماويه
ويثبت انه مارد اقتصادي جبار
اقلبي اي شئ في الامريكتين ومعظم بلدان العالم
بتلقيه صنع في الصين .
حتي الطلبه المبرزون في المدرسه الالمانيه صينيون خالصون .
|
Post: #32
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Dr. Ahmed Amin
Date: 10-30-2009, 02:45 PM
Parent: #30
الف حمد الله على السلامة ..
وان شاءالله قضيتو اجازة سعيدة ....
اها كلامك عن لندن ده هسي بتجي نوسة تبلعك ليه ...
هههههههه .... اها شدي حيلك مع الجليد الجاييكم
الأيام الجاية ... تحياتي لسند وحازم ...
_______________________________________________
وخلينا ندعو بثقة أن يعود السودان لأهله .. وطنا
للجمال والحرية والمساواة ... وطن خير ديمقراطي
وتعود كل الطيور التي أجبرت على الخروج من وطنها
" والحقول إمتلات قمحا .. ووعدا .. وتمني "
|
Post: #33
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-30-2009, 05:55 PM
Parent: #32
كدي اليقعد فوق لما اجيكم بالمهل.
قال لندن قال!!
|
Post: #34
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Hani Arabi Mohamed
Date: 10-30-2009, 06:04 PM
Parent: #33
تراجي مصطفى .... تعالي هنا ....
حمد الله على السلامة يا تراجي
|
Post: #35
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-30-2009, 07:39 PM
Parent: #34
امشي يا دوما بلا فلسفه معاك
تكوني من حزب(ناس خشب الله عبد الناشف
بري قبلكم وقبالكم)
| Quote: يا زوله انت من زمن الترلات ؟!ي بقت موضه قديمه |
يا دانيا المالكي تعالي لي بجاي....محتاجه دعمك(وش ضاحك)
دوما مالك علينا ما نصلح معنوياتنا يعني؟؟؟
تكوني انضميتي للنموذج الصيني الما بتعرف مرتهم من راجلهم؟؟
|
Post: #36
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Faisal Elrasheed
Date: 10-30-2009, 07:46 PM
Parent: #35
|
Post: #37
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Hassan Makkawi
Date: 10-30-2009, 08:54 PM
Parent: #36
Quote: شناة لندن خلوها ساي.
وضيقها اديته العدو.
والعجب مترو انفاقها المصارينه طالعه في السهله!
غايتو اجمل مافي الاجازة دي
انه عرفنا انه كندا
بقت بلدنا وما بنرضى فيها.
ها نحن يا اخوي قطارتنا كلها مكيفه
وحر زي ده من فارقنا السودان ما شفناهو
وبصاتنا العاديه مكيفه ورغم كندا بلد بارده
تعال زرونا في كندا يا محمد عشان تعرف بلدكم مهببه لاي درجه.
والعجب عاصمتنا السياسه آتو ما انظفها واجملها...واوسعها....
طبعا اجل حاجه في الرحله دي
اتيقنت انه بلدنا رخيه جدا بالنسبه للندن السجم دي
وبنزينا رخيص وكوفيراتنا رخيصه ومحلاتنا رخيصه
اي شيء رخيص ومعقول هنا.
اها للسيدات تعال نوشوشكم
مستحضراتهم التجميليه اجود!
منتجات العنايه بالبشره افضل!
الرقابه العلميه عليها ادق!
|
دارفور....طوكر...بورتسودان..الخرطوم....القاهرة
( سبحان الذى يسرى بعبيدة من أماكن إلى أماكن )
تراجى جاى أسلم وامشى
|
Post: #38
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: حذيفه ابراهيم الكباشي
Date: 10-30-2009, 09:22 PM
Parent: #37
ماشالله تبارك الله ربنا يحفظك يا تراجي ويحفظ اولادك ويجعلم ذخر ليك ولي الوطن
لكين مسؤلة من الخير
دي خلقة مهمشين؟؟؟!!!!
|
Post: #39
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Faisal Elrasheed
Date: 10-30-2009, 09:27 PM
Parent: #37
Quote: دارفور....طوكر...بورتسودان..الخرطوم....القاهرة
( سبحان الذى يسرى بعبيدة من أماكن إلى أماكن )
تراجى جاى أسلم وامشى |
حسن مكاوي ازييييك يا رجل
دي يا حسن اسمها الاسراء والشتات
|
Post: #40
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-30-2009, 09:37 PM
Parent: #39
كندتنا الجميله النظيفه الماهله
|
Post: #41
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-30-2009, 09:41 PM
Parent: #40
ضمن من التقيت بهم
الكاتب العملاق المهتم بالشأن السوداني و الافريقي
ود كسلا الاخ عبد الماجد موسى
وسعدت بمناقشاته المثمره وبعلمه الغزير
وبالتعرف على اسرته الرائعه.
اخي عبد المجد كان لكرمكم الفياض وشماعركم الطيبه
عميق الاثر بفائدة التواصل
وان منابر الحوار هذه اعطتنا اخوة كثر لم تلدهم لنا امهاتنا.
انتظر تواصلك....واتمنى عودتك بالسلامه من سفرتك الاخيره.
تحياتي لمدام الرائعه ولصغارك الازكياء.
|
Post: #42
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: نبيل عبد الرحيم
Date: 10-30-2009, 11:41 PM
Parent: #41
London underground
|
Post: #43
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: نبيل عبد الرحيم
Date: 10-31-2009, 00:33 AM
Parent: #42
Millennium Dome
Piccadilly Circus, London, England
Trafalgar Square, London, England
Lake, St James's Park, London
|
Post: #44
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-31-2009, 00:35 AM
Parent: #42
نستأذنكم في الرد على نبيل
نبيل مشتاقين
وفعلا لو كنت عارفاك من سكانها كان فتشت عليك اولا:
ثانيا يا حبيب ما تهرينا صور
امرق بس وزورنا هنا قبل ما العمر يمشي
وعلى فكره دي ما فكرتي براي
اي زول من ناس نورث امريكا جاءكم لقيته بقول نفس الكلام.
وناسكم الجونا لقيتهم بقولوا نفس الكلام!!
اها ارجاني بالصور
|
Post: #45
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: نبيل عبد الرحيم
Date: 10-31-2009, 01:04 AM
Parent: #44
Quote: نستأذنكم في الرد على نبيل
نبيل مشتاقين
وفعلا لو كنت عارفاك من سكانها كان فتشت عليك اولا:
ثانيا يا حبيب ما تهرينا صور
امرق بس وزورنا هنا قبل ما العمر يمشي
وعلى فكره دي ما فكرتي براي
اي زول من ناس نورث امريكا جاءكم لقيته بقول نفس الكلام.
وناسكم الجونا لقيتهم بقولوا نفس الكلام!!
اها ارجاني بالصور |
أولا أرحب بعودتك مره ثانية للمنبر بعد غيبة طويلة
وإنشاء الله المره القادمة تزورينا ونفسحك ونوريك الأماكن السمحة إحتمال ولدك (ربنا يحفظه) له رأى أخر ,لكن تعتبر من أغلى بلدان العالم مع طوكيو.
وطبعا مسألة حب المكان نسبية لأن كثيرين يقولون إن إنجلترا من أجمل البلدان التى بيرتاح فيها الزائر.
وكثيرين أيضا عندهم رأى فى كندا وأستراليا مثل عدم توافر المواصلات و....
وبعدين كندا تحت حماية التاج البريطانى.
على العموم لكى منى كل ود وإحترام
|
Post: #46
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-31-2009, 01:47 AM
Parent: #45
نبيل انا بتقول امريكا ام الحضاره حاليا او قل الحداثه
اها نحن الامريكان ذاتهم بينبهروا عندنا ايه رايك؟؟؟؟
|
Post: #47
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-31-2009, 01:54 AM
Parent: #46
يكفينا يا اخي عندنا احد عجائب الدنيا السبعه
شلالات نياجرا.....
استمتع يلا بنياجرا
نياجرا ايام كانت بتتجمد
وعلى فكره نياجرا تقع بيننا وبين امريكا
والغريبه السواح الامريكان اكبر عدد بيزور نياجرا الكنديه لانها اجمل
وكندا اهتمت بتطويرها كمنطقه سياحيه اكثر من امريكا.
|
Post: #48
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: نبيل عبد الرحيم
Date: 10-31-2009, 02:26 AM
Parent: #47
Quote: يكفينا يا اخي عندنا احد عجائب الدنيا السبعه
شلالات نياجرا.....
استمتع يلا بنياجرا |
وعندنا أيضا ساعة بيج بن أحد عجائب الدنيا .
منتظر مزيد من الصور
لكى إحترامى
|
Post: #49
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Osman Musa
Date: 10-31-2009, 03:02 AM
Parent: #48
عزيزتنا بنت مصطفى
سلامات .. ومرحبتين بعودتك .
لندن ؟
دى البلد الصنعت الصابون وعلمت العالمين شر الهدوم فى السلك .
لو لا لندن ما كانت أمريكا فى .
لا شمال لا جنوب . ولا هند ولا استراليا . ولا كفر الدوار .
لندن دى عسل .
وسخانه ؟
كدى تعالى يوم أفرجك فى شرق بروكلن
حتات كدى لا فيها METRO ولا BUS بعد تجى
بتعرفى لندن .
تحياتى
|
Post: #50
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: doma
Date: 10-31-2009, 03:29 AM
Parent: #49
والله يا شباب كندا غايتوا جمال طبيعتها مبالغ فيه خاصه برتش كولومبيا looks like Switzerland on a grand scale
لكين كمان يا تراجي لندن مدينه عريقه وجميله
Europe
عامه مهد الحضاره وبتحسي فيها بالتاريخ مجسم قدامك في مدن كروما لندن باريس .
لو زرتي باريس بكل عظمتها وجمالها وعراقتها بتمشي اماكن بتلقي سو ق ام دفسو
وهي ضريبه استعمارهم لبلدان لا علاقه لها بالحضاره الاوربيه .
|
Post: #51
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-31-2009, 03:33 AM
Parent: #49
جكسنا الكندي التريان ورويان
توليبنا تريان ورويان مش زي توليبكم العطشان وعامل رجيم برضو(وجه ضاحك)
مهرجاناتنا وتعدد الثقافات البقى حقيقيه تمشي على رجلين مش شعارات....
غابتنا الملونه.....اها جيبوا لي غابات ملونه قدر ده عندكم!
مزيد من المهرجانات...وشعبنا المضيف و المحب للحياه وللآخر....
شفت الربيع ده كيف يا نبيل
و النظافه.....
|
Post: #52
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-31-2009, 03:51 AM
Parent: #49
عثمان موسى
سلامات
ومشتاقين
يا زول مالك عامل زي الفلسطنين للاردنين
آوهم وبتفاصحوا...يقولوا لهم علمناكم لبس اللباس!
Quote: عزيزتنا بنت مصطفى
سلامات .. ومرحبتين بعودتك .
لندن ؟
دى البلد الصنعت الصابون وعلمت العالمين شر الهدوم فى السلك .
لو لا لندن ما كانت أمريكا فى .
لا شمال لا جنوب . ولا هند ولا استراليا . ولا كفر الدوار .
لندن دى عسل .
وسخانه ؟
كدى تعالى يوم أفرجك فى شرق بروكلن
حتات كدى لا فيها METRO ولا BUS بعد تجى
بتعرفى لندن .
تحياتى |
اول شيء
نينيورك عبرت بيها وصدمتني من وساختها(بعض اجزاء بروكلين)
لحد ما شفت مانهاتن حتى صدقته دي امريكا!
ذبابكم وباعوضتكم تقول في الجزيره في الخريف ولا بورتسودان صيفا!!
كونه كندا وامريكا بلاد صنعها اصلا المهاجرين من لندن وغيرها
هذا اكبر دليل انهم طبقوا هنا افضل ما عندهم هنالك وطوروا فيه.
يعني انت سوداني بنكهة امريكيه
يفترض تكون سوداني محسن
يفترض القى فيك اصالة السوداني وحضارة الامريكي
يعني كرمك يفترض لا يتعارض مع دقة مواعيدك ولا اهتمامك بمظهرك ولا ما كده!!
اها كندتنا دي يا اخوي تحمد ربها اولا انظف من امريكتكم
لانه نظامها السياسي ما راسمالي بحت زيكم
وفيها نظام اجتماعي انت عارفه ومساكن شعبيه راقيه ونظيفه
ودوله متلزمه بتدفئة ومواطنيها ورعايتهم الصحيه.
اها انتو اوباما كثر خيره يادوب عايز يوصلكم للحته النحن فيها من دشليون سنه!
لندن عفنه ووسخانه ونظام موروره متخلف كمان.
الا رعايتها الصحيه افضل من عندنا.
من حيث كرمها في غرف الطواريء.
نظام ضمانها الاجتماعي افضل
وفرص العمل بها افضل
طقسها رغم صيفها الماطر دائم الا
انه اكيد ارحم من الشتاء الكندي.
ربما مشكتلها كثرة المهاجرين ....طمسوا هويتها وتميزها....
لوم ينجحوا في خلق خليط انجليزي محسن قاعدين كنتونات بشريه
غير محسنه!
هنودها اشنى من الهنود في بلدهم!
وقس على ذلك......
لا كندا....الاختلاط جاب حاجات رائعه
وبعدين الرخاء جاب قامات فارعه.....
وكله كوم وجبر الانجليز كوم وأثره على المهاجرين كوم ثاني!
الكندين كرماء جدا مقارنه بالانجليز!
وكله كوم
ومافي محل توقف عربيتك مجاننا
لا ليل لا نهار لا عطله لا دوام..دفع طوالي!!
حال السواد...بالله نحن اي مجمع سكني طوالي( موقف مخصص للزوار)
(VISITERS PARKING) تلقاها مكتوبه كبيره فوق الارض....!!
اظن هناك كلمة الزوار دي اصلا لا توجد في الثقافه الانجليزيه!!
|
Post: #53
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-31-2009, 03:55 AM
Parent: #52
تورنتو الكبرى ليلا.....
|
Post: #59
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: غباشي
Date: 10-31-2009, 04:30 AM
Parent: #53
سلامات يا تراجي
غايتو لو كنت لسة في اوروبا كان قلت ليك تعالي شوفي استوكهولم او اي مدينة تانية في السويد عشان تآمني ...
لكن جيتي اوروبا بعد ما قطرنا صفَّر
على حس لندن انا بقيت تبع الكمونويلث يعني طرف السوط واصلني لكن اقول ليك شنو بالجد الله يرحم ايام السويد
سبحان الله حتى في الكمونويلث في تمييز 
|
Post: #54
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: doma
Date: 10-31-2009, 04:11 AM
Parent: #10
Quote: زهور....زهور...زهور مبالغ فيها
زهور عملاقه...ومقزمه...دائمه وموسميه....
ناس تحب الجمال وتعرف كيف تصنعه...كندا ما اجملها....من بلاد.
وشعبها شعب مهذب وراقي
ومهاجريها انفسهم..اعتقد تتم فلترتهم قبل الوصول لهنا.
نيجرينا ما بيشبهوا نيجرين لندن
ولا صومالينا..ولا سودانينا ايضا! |
غايتوا بالغتي في موضوع الفلتره دا يا مناضله تراجي
يعني في ناس رفيوز ودوه لندن
والمفلتر متلك كدا اخدتو كندا ؟؟؟!!
|
Post: #55
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-31-2009, 04:21 AM
Parent: #54
دوما ما ملاحظه انك كثرتي النقه
وانك واضح ما طايقه رجعتي للبورد؟؟؟
ومستلمه بوستاتي؟؟!! وظاهر الامر ما محبه!!
Quote: غايتوا بالغتي في موضوع الفلتره دا يا مناضله تراجي
يعني في ناس رفيوز ودوه لندن
والمفلتر متلك كدا اخدتو كندا ؟؟؟!! |
اي الناس مفلتره وانا بالذات اها شن قولك؟؟؟
اذا كان انا بدأت عنواني ب:
| Quote: بس فيها كوكبه جيده من السودانين! |
ممكن افهم الحاشرك شنو؟؟؟
ولا امور جلابه بس!!
|
Post: #56
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: doma
Date: 10-31-2009, 04:25 AM
Parent: #55
لووووووووووووووول حلوه موضوع مستلمه بوستاتي دي
|
Post: #57
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: doma
Date: 10-31-2009, 04:27 AM
Parent: #56
بعدين لي ما اطيق رجعتك ؟؟؟؟!!
مشاركاني في شنو يا ختي ومضايقاني في شنو يا بت امي ؟ ؟؟!!
|
Post: #58
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: doma
Date: 10-31-2009, 04:28 AM
Parent: #57
تراجي الحبيبه الشوق غلب
لوووووووووووووووول
|
Post: #60
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: doma
Date: 10-31-2009, 04:34 AM
Parent: #58
Quote: ممكن افهم الحاشرك شنو؟؟؟
ولا امور جلابه بس!! |
اجي من متين المشاركه في البوستات والتعليق بقي تحشر ؟؟!!
وثاني جابت سيره البحر . لووووووووووول
|
Post: #65
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-31-2009, 04:46 AM
Parent: #60
دوما كان قلنا المانيا ولا الصين مفهومه(مدخلاتك)
لكن معقوله بوست فارغ وبتاع ونسه ومكاواة
وممازحه تقعدي تستلمي وتحاسبينا بالشوله و النقطه,
لنجن دي ما شتمها وليد المبارك
وشتمتها سودانيه
ما شفتك استملتي بوستاتهم الا تراجي دي يتنط ليها في الحلق طوالي!!
اها يختي انا بكتب لناسي ولقارئي ومش يمكن عندي سواح كندين بيهموني
وبيثقوا في ذوقي...اها انا ده راي ليهم......
وبعدين لعلمك حكاية ناس كندا مفلتين ده تعبير استعرته
من ناس لندن قالوهوا لي(اها الجميل انهن نساء) عشان بنثق
انه مافي غرض وراء الامر....اها كنت صادقه ولعلمك قلت لهم
ومنو قال لكم ناس كندا كلهم (تراجي) وطبعا كان الثناء على
المواقف و الصدام و القدارت...مش القيافه و الرشاقه والنضاره!
اها قلت لهم عندنا الفايقين برضو بالكوم و الردوم و الجو
لاجئين وبفتكروا روحهم مغتربين!
اها يختي هديء اللعب لما اصل لالمانيا و الصين اظنك تجينا ساله موسك!
|
Post: #61
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-31-2009, 04:34 AM
Parent: #58
غباشي سلامات
ومشتاقين و الله
Quote: سلامات يا تراجي
غايتو لو كنت لسة في اوروبا كان قلت ليك تعالي شوفي استوكهولم
او اي مدينة تانية في السويد عشان تآمني ...
لكن جيتي اوروبا بعد ما قطرنا صفَّر
على حس لندن انا بقيت تبع الكمونويلث يعني طرف السوط
واصلني لكن اقول ليك شنو بالجد الله يرحم ايام السويد
سبحان الله حتى في الكمونويلث في تمييز |
والسويد يا اخوي قبال ما شاوفها عارفها ماها هينه ولا لينه
بزور فيها خالد الطيب قريب باذن الله وشوقي بدري.
السويد زاتها ما مفلتره زي كندا الا كان اتكلمنا اتقلمنا(وجه غامز لدوما)
|
Post: #62
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: doma
Date: 10-31-2009, 04:40 AM
Parent: #61
| Quote: السويد زاتها ما مفلتره زي كندا الا كان اتكلمنا اتقلمنا(وجه غامز لدوما) |
قال مفلتره قال لووووووووووووووول
يا اختي دا بقولوا عليه الله شاف ولمه .
|
Post: #63
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: غباشي
Date: 10-31-2009, 04:42 AM
Parent: #61
| Quote: والسويد يا اخوي قبال ما شاوفها عارفها ماها هينه ولا لينه |
ما قلت ليك الله يرحم ايامها [/ B]
| Quote: بزور فيها خالد الطيب قريب باذن الله وشوقي بدري |
يا سلام ....
سلمي لي عليهم لما تمشي باذن الله
|
Post: #64
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: doma
Date: 10-31-2009, 04:43 AM
Parent: #55
Quote: دوما ما ملاحظه انك كثرتي النقه
وانك واضح ما طايقه رجعتي للبورد؟؟؟
ومستلمه بوستاتي؟؟!! وظاهر الامر ما محبه!! |
لووووووووووول والله بس مشتاقه ليك ولي هضربتك .
|
Post: #66
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: doma
Date: 10-31-2009, 05:28 AM
Parent: #64
Quote: لندن الجن دي ما شتمها وليد المبارك
وشتمتها سودانيه
ما شفتك استملتي بوستاتهم الا تراجي دي يتنط ليها في الحلق طوالي!!
|
لوووول لوووووووووووول بس مزاج كدي
النبي ما قرمانه للجلابه ؟؟
وبعدين يل ا اختي ما تشتميها المانيا والصين بلدي ولا قلدي ما بلد اسيادها .
|
Post: #67
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-31-2009, 06:44 AM
Parent: #66
سنه يا ولد
حسه بقت بلد اسيادها
Quote: وبعدين يل ا اختي ما تشتميها
المانيا والصين بلدي ولا قلدي ما بلد اسيادها . |
اجييييييي ما وقفتي مره في البورد ده وقلتي يا اخواني انا
المانيا وما سودانيه!
اظنك نسيتي!!
ولا تكوني فاكره عايزه تتطاعنين انه كندا دي ما حقتك؟؟؟
كان اولى تمشي تكلمي جلابتك شايقية لندن العامل فيها عمدها
التقول بنيات بق بن؟؟؟
اها نحن كندا دي بقت بلدنا
واوفياء للبتكبر في وليداتنا ولحم اكتفانا من خيرها
لاننا اوفياء مش زي بعض الجلابه برطعوا في دارفور
ونشأوا فيها...ولحم اكتفهم من خيرها لما مشوا الجامعات
قال كاسوا روابط مروي وروابط شندي وعلموا فيها هم من هناك!!
مع انه معروف انه الروابط الجامعيه عملها الصيفي في مواطنها الاصليه
وهم بيرجعوا يسافروا لدارفور النكروها وخيرها عليهم!!
| Quote: النبي ما قرمانه للجلابه ؟؟ |
قلتي لي الجلابه ما قرمانه لهم؟؟
اقرم لمنو؟؟وهم طاروا وين عشان يقرموا ليهم ؟؟
ما قاعدين معاي في كل مكان
ولا تكوني فاكراني بعرف جلابة البورد بس!!
|
Post: #72
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: doma
Date: 10-31-2009, 07:09 AM
Parent: #67
Quote: اجييييييي ما وقفتي مره في البورد ده وقلتي يا اخواني انا
المانيا وما سودانيه!
اظنك نسيتي!!
ولا تكوني فاكره عايزه تتطاعنين انه كندا دي ما حقتك؟؟؟
كان اولى تمشي تكلمي جلابتك شايقية لندن العامل فيها عمدها
التقول بنيات بق بن؟؟؟
اها نحن كندا دي بقت بلدنا
واوفياء للبتكبر في وليداتنا ولحم اكتفانا من خيرها
لاننا اوفياء مش زي بعض الجلابه برطعوا في دارفور
ونشأوا فيها...ولحم اكتفهم من خيرها لما مشوا الجامعات
قال كاسوا روابط مروي وروابط شندي وعلموا فيها هم من هناك!!
مع انه معروف انه الروابط الجامعيه عملها الصيفي في مواطنها الاصليه
وهم بيرجعوا يسافروا لدارفور النكروها وخيرها عليهم!!
Quote: النبي ما قرمانه للجلابه ؟؟
قلتي لي الجلابه ما قرمانه لهم؟؟
اقرم لمنو؟؟وهم طاروا وين عشان يقرموا ليهم ؟؟
ما قاعدين معاي في كل مكان
ولا تكوني فاكراني بعرف جلابة البورد بس!! |
لوووووووول ما نسيت لا شئ
انت ما سمعتي العريجا لي مراحا ؟؟
طلعت لي جواز سوداني يا ستي ورجعت لقواعدي سالمه .
اسه البطاعن منو انا ولا انت ؟؟!!
بس ياهو حكايه
رمتني بدائها وانسلت لووووووووووووووولين
اسه شوايقه لندن دا مش مطاعنه وهمز ولمز .
|
Post: #68
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: عبدالله كع
Date: 10-31-2009, 06:45 AM
Parent: #66
| Quote: بقت بلدنا وما بنرضى فيها. |
يعني كندا ..خلاس السودان راح في غضب الله ...!! وين حا تلقي ناس طيبين زي اهلنا في السودان ؟؟
احترامات
|
Post: #71
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: الطيب رحمه قريمان
Date: 10-31-2009, 07:03 AM
Parent: #66
الاسناذة تراجى
لك التحية و حبابك الف
و الله صدقتى يا تراجى فى كلامك عن لندن و اتفق معك تماما
أنا لم ارى لندن سوى مدينة بائسة للغاية و ناسها فيهم شئ غلط "شنو ما عارف"
و نحمد الله ان كندا بلدا حدادى مدادى و ناسها فى منتهى الطيبة
و حقوق الاقليات محفوظة
حتى برد كندا الشديد ده بيوعوض بحلاوة الربيع و الصيف و الخريف
و صدقينى يا تراجى أنا شخصيا استمتع بشتاء كندا الى أقصى درجة
و خاصة الهواء النقى جدا فى الشتاء
لك الود وشكرا....................... الطيب رحمه
|
Post: #73
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: بت قضيم
Date: 10-31-2009, 07:40 AM
Parent: #71
ذكرتوني النكتة التي تقول (المرحوم مات كيف؟؟) فرد القوم (والله بس بعد ما سافر لندن..) وقبل أن تتم الجملة ترد إحداهن (أيششششش)
يا جماعة راعو شعورنا شوية
نحن ناس ام الصفق ((نطير يعني واللا شنو؟؟))
اريتو (تهميش السرور)
أريتو (سجال الهنا والمنا)
سلامات للجميع
وحمد لله على سلامة الكل
|
Post: #74
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Hussein Mallasi
Date: 10-31-2009, 08:33 AM
Parent: #73
بقدر ما كرهتينا النضال .. شهيتينا كندا 
_____
حمد الله على السلامة.
|
Post: #75
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: اسعد صلاح البدري
Date: 10-31-2009, 09:24 AM
Parent: #74
اهلاااااااا
حمد الله على السلامة
نورتي
|
Post: #76
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 10-31-2009, 09:31 AM
Parent: #74
معليش يا جماعه
ارد على ملاسي اولا (حق الزماله..زملانه اسكندرانيه مش بوردابيه)
Quote: بقدر ما كرهتينا النضال .. شهيتينا كندا
_____
حمد الله على السلامة. |
عراف رغم انك ظلامي ومتهم بامنجي بوردابيا(وش عامز)
كلن بالله حاول تأشر لكندا لو عندك فرصه....والله لن تندم يا حسين
لك علي افسحه فسحه لما آخليك تستنير وتسنى ظلاميتك ذاتها.
يا اخي كندا ارخص من السودان
يعني البقعدك في السودان في شهر بقعدك شهرين في كندا!
وشهرين..شهرين.....مش شهرين اي كلام.....
(طالما ما بتدخن..وما بتسكر....ماعندك عوجه..دي اغلى حاجتين في كندا)
الا لندن اجارك الله تبقى كوز وتنهب الواطه كلها وما تقدر
تقعد شهر زي الناس فيها!
نسيت اقول لك
كندا ممنوع الناس تحمل السكر بشكل واضح في ايديهم في الشارع
وامريكا كمان...لكن في امريكا الناس لافين حوله ورقه وشايلنه!!
لندن لندن السواد الناس سكارنه في البصات وشايلين سكرهم معاهم كمان
في البص!!
وعادي تلقى نسوان ورجال بيترتعوا و الشمس صاحيه
كندت الهنا دي يوم ما شفت لي زول بيترتع لي 9 سنين فيها!!
ومشا فت لي سكران في بص!!
بسمع قصص السكارى من سواقين التكاسي السودانين
لكن نحن نشوفهم في الشوارع عادي لا.
يازول يوم حضرت لك يوم الجمعه الساعه 5 مساء انا لسه في الاسواق
والله يا حسين البارات التقول فيها مظاهرات...لقيت لك امواج بشريه
وانا واولادي نتلفت عايزين نسأل القصه شنو؟؟؟؟اكشتفنا انه دي البارات
وانهم يوم الجمعه من المكاتب راسا.....وبعدين كل مكتب بكون على بعد
خطوتين منه بار!
يعني الزول ممكن يطلع من مكتبه الساعه 5.... الساعه 5 و5 يكون جوه البار!!
بعدين في نكته حكاهي لي اخوي دارفوري عن ظاهرة الحشود امام البارات
قال عنده ولده صغير علموا يسوقوا معاهو المظاهرات....
والولد عمره حوالي ال 4 سنوات وبيهتف طوالي البشير to ICC
اها يوم ابوه سايقه لك وجاءوا جوار بار الشافع قايلها مظاهره
طوالي بقى يهتف البشير to ICC تخيل !!!
اها رغم حضارتنا
بالله طلعنا ناس نورث امريكا اتارين كيزان بالنسبه للندن ومحنها!
وما لندن براها اروبا كلها جنها طشمي بشكل مبالغ فيه!!!
بري الكندين و الامريكان ما قدر ده هم صحيح الغالب بيشرب
بس في فرق بين البيشربوا بالمناسبات وبين العالم العايزه
تشلع يوميا دي!قروشهم كثيره اظنهم!وضمانهم الاجتماعي منقنقهم!
|
Post: #77
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Mohammed Haroun
Date: 10-31-2009, 01:57 PM
Parent: #76
Quote: الغالي محمد هارون
فرحت بلقائك وطبعا برضو بعرفك من زمان لذا لا
اعتقد انت اتفجأت بشيء
كما لم اتفجأ انا....كريم واصيل وود ناس.
وما بيحب السياسيه(وش مقهور)!!
تعال زرونا في كندا يا محمد عشان تعرف بلدكم مهببه لاي درجه. |
أختنا الحلوة تراجي
حمد لله على سلامة الوصول لي بلدكم الفي آخر الدنيا دي .... نحن قاعدين في نص الدنيا ... الغاشي والماشي عينو في راسو لازم يمر بينا ويقول لينا هالو ويشوف قصر بكينقهام وحديقة الهايد بارك. السياسة دي ما حا توصلكم لي أي محطة ... وحا تظلوا لا فين في الفاضي عشان كدا أنا زاهد فيها وما شغال بيها.
عشان خاطرك وخاطر حازم وسند ممكن نزور كندا ... غير كدا يفتح الله.
أعذرينا يا أم حازم ... المشغوليات ما سمحت بلقائك اكثر من مرتين (وجه مدمع)
تحياتي
|
Post: #78
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: مريم عبد الله
Date: 10-31-2009, 02:07 PM
Parent: #77
الغاليه تراجي مصطفى
الف حمد الله على سلامتك ولندن نورت بي زيارتك
|
Post: #79
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: نبيل عبد الرحيم
Date: 10-31-2009, 05:23 PM
Parent: #78
Quote: الاسناذة تراجى
لك التحية و حبابك الف
و الله صدقتى يا تراجى فى كلامك عن لندن و اتفق معك تماما
أنا لم ارى لندن سوى مدينة بائسة للغاية و ناسها فيهم شئ غلط "شنو ما عارف"
و نحمد الله ان كندا بلدا حدادى مدادى و ناسها فى منتهى الطيبة
و حقوق الاقليات محفوظة
حتى برد كندا الشديد ده بيوعوض بحلاوة الربيع و الصيف و الخريف
و صدقينى يا تراجى أنا شخصيا استمتع بشتاء كندا الى أقصى درجة
و خاصة الهواء النقى جدا فى الشتاء
لك الود وشكرا....................... الطيب رحمه |
الطيب رحمه
بريطانيا العظمى إحتلت العالم كله بما فيهاالولايات المتحدة الأمريكية
وكانت فى الماضى ترسل المساجين الإنجليز إلى أستراليا وكندا لتعميرها.
أخترعت بريطانيا كرة القدم والكراكيت ونشروها فى مستعمارتهم.
الشعب الإنجليزى شعب له حضارة وتاريخ وجذور يمتاز بها عن أى شعب
فى الفترة الأخيرة هاجر الإنجليز من لندن إلى خارج العاصمة للغلاء الشديد وإرتفاع الأسعار
وأصبحت لندن عاصمة الأجانب ولعلك لاحظت إنك فى الشارع والموصلات العامة لا تسمع اللغة الإنجليزية
وإرتفعت نسبة الأجانب خاصة بعد إنضمام بولندا ورمانيا للإتحادالأوربى (3 مليون)من بولندا ورمانيا فقط ده غير أفريقيا وجامايكا الهند وباكستان وبجلاديش والعرب .
والغريب إن جميع الدول الأعضاء فى الإتحاد الأوربى قاموا بتقيد هجرتهم عدا بريطانيا وإيرلندا
وإستفاد الحزب العنصرى اليمينى فى الإنتخابات الأخيرة وأستغلها فى حملته وهاجم سياسة الحكومة الضعيفة مع هجرة الأجانب وذكر زعيم الحزب جريفين هذا عندما قوبل بمظاهرة ضده لإعتراضهم على إستضافة BBC له قال لندن لم تصبح عاصمة إنجليزية.
بريطانيا هى بلد الديمقراطية فى الهايد بارك كل أحد أى شخص ممكن أن يعمل ندوة وممكن أن يهاجم ويشتم المملكة ورئيس الوزراء .
|
Post: #81
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: نبيل عبد الرحيم
Date: 10-31-2009, 05:54 PM
Parent: #79
Hyde Park
|
Post: #80
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Hassan Makkawi
Date: 10-31-2009, 05:33 PM
Parent: #78
Quote: حسن مكاوي ازييييك يا رجل
دي يا حسن اسمها الاسراء والشتات |
حبيبنا فيصل الرشيد سلام
لندن هجرها أهلها بسبب اللاجئين والنازحين وطالبى الحرية ..... وابناء السبيل
مع ذلك لم يسلموا من طول السنتهم .....وقلة حيائهم
( لندن شينة وقديمة ووسخانة )
وإحنا نغنى : بورسودان يا جنة وحياتك محنة
البوست دة وقع لى طقمى....وشتت أسنانى
.
.
.
.
.
.
.
وتانى ما جاييهو
|
Post: #83
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 11-01-2009, 01:20 AM
Parent: #82
فوق.....لحين عوده.
|
Post: #84
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: ارصد محمد جلال
Date: 11-01-2009, 09:09 AM
Parent: #83
اها والانجليزي كيف ؟
اخدتي كورسات ولا كنتي شغالة اشارات بسس ؟؟
الف حمد الله على السلامة
ونورتي البورد
اها الصورة دي من الخُبر - السعودية
فاكيد احلى من لندن واحلى من كل مدن كندا
تحياتي
|
Post: #85
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 11-01-2009, 10:31 AM
Parent: #84
ود المايقوما سلامات
ووين الحي بيك؟؟؟؟
Quote: اها والانجليزي كيف ؟
اخدتي كورسات ولا كنتي شغالة اشارات بسس ؟؟ |
اشارات ساي وحاتك لغة الصم بس !
و عايشه بيها هنا برضو ما تنسى ولا انت فاكر
كندا دي الناس بتكلم عربي؟؟!!
Quote: اها الصورة دي من الخُبر - السعودية
فاكيد احلى من لندن واحلى من كل مدن كندا
تحياتي |
طبعا الخبر احلى لانها احدث كمان
بس ربنا يكفيكم شر سرعتهم في السواقه ثاني ما عندها عوجه.
كن بخير.
|
Post: #86
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: الجندرية
Date: 11-01-2009, 11:04 AM
Parent: #85
ازيك يا تراجي وحمد لله على السلامة
قلت لي الانجليز وسخانين وشعرهم مجلط من الوسخ
والكنديين نضاف؟
التنميط ما عندك لكن
بركة بالشوفة يا امي
|
Post: #87
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: وليد محمد المبارك
Date: 11-01-2009, 11:09 AM
Parent: #86
يا زولة كلامك صاح
لندن بتشبه شارع الجمهورية لا اكتر ولا اقل
|
Post: #93
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: ihsan fagiri
Date: 11-01-2009, 12:22 PM
Parent: #10
ولينا زمن نفتش ليك وجيتنا الليله كايسنا
والله مشتاقين
والف مرحب بيك في بيتك
قلتي لندن مالها ؟؟
يختي دا كلو حاصل لكن بصراحه انا بحي انجلترا --الضيق بعتبرو محنه وقرب
لكي الود
|
Post: #88
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: صلاح حمد
Date: 11-01-2009, 11:31 AM
Parent: #1
الأخت / Tragie Mustafa
الأخ / نبيل عبدالســلام
وجميع الإخوة والأخوات الكرام
تحية طيبة،
بوست جميل وكندا ولندن أجمل،
هذا البوست ذكرني بأيام المرحلة المتوسطة عندما كان أستاذ الإنجليزي متفائلا كثيرا وكان قد بشرنا بأننا سوف نكون أسعد جيل لأننا سوف نشهد عصر إستخراج وتصدير النفط السوداني والذهب وتزدهر الزراعة ووووو ...................... بمعنى آخر أن السودان سوف يكون أجمل من كندا ولندن في عصرهما الحالي، وما بين أماني وبشريات أستاذ الإنجليزي وتاريخ اليوم قد مرت على السودان عدة عقود وأنظمة حكم مختلفة منها العسكري والديمقراطي وقد هاجر جيلنا المبشر بالسعادة في أرضه غربا وشرقا ما بين لندن وكندا ودول الخليج وماليزيا والصين وغيرها
سؤالي للجميع :
كيف يمكن للسودان أن يكون مثل كندا ولندن أو أفضل منهما ومتى؟
ولكم تحياتي،
صلاح حمد
|
Post: #89
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: tmbis
Date: 11-01-2009, 11:57 AM
Parent: #88
Quote: والولد عمره حوالي ال 4 سنوات وبيهتف طوالي البشير to ICC
اها يوم ابوه سايقه لك وجاءوا جوار بار الشافع قايلها مظاهره
طوالي بقى يهتف البشير to ICC تخيل !!! |
.. مسكين الشافع طبعا .. (هتف بالريحـة بس) .. دا لما يكبر شوية .. وعمرو يبقى طمنطاشر سنة احتمال كبير (يهتف بالنية) بس.
والله اكان فهمتي كلامي الكاتبو فوق دا... عبداللطيف يكون شيوعي جد جد ..
يازولة هوي كندت شنو ولندن شنو؟؟ .. حسع الله بسالك اكان امريكا أو كندا بعد الشفناهو هنا دا من الأمريكان والكنديين الهنا ديل .. حسع عليك الله كان جابوها لي في (خنشليلة) دي بمشي ليهـا ..؟
استيف .. بشاشا .. مصطفى محمود .. الباقر جكس .. عبد الماجد تربيع .. واصل .. مين كدا ما عارف الزين القال قاعد وخالف رجليو جمب البيت الأبيض .. خدر الطيب .. ثم تراجي مصطفى ..
والله انا امشي اقطع لي (مرقوعـة) واتدردق في تراب ابونا الشيخ حمد النيل ود الريح ذات جمعة بالعصر أخير لي من نياجارا حقتكم دي ..
ما عارف البوست بتاعك دا ليه ذكرني بي زيكو بتاع المريخ الله يطراهو بالخير..
قالو ليهو الجو كيف في المانيـا ..؟
قاليهم الجو أوروبي ..
|
Post: #90
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Faisal Elrasheed
Date: 11-01-2009, 12:01 PM
Parent: #89
Quote: ما عارف البوست بتاعك دا ليه ذكرني بي زيكو بتاع المريخ الله يطراهو بالخير..
قالو ليهو الجو كيف في المانيـا ..؟
قاليهم الجو أوروبي .. |
|
Post: #91
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: وليد محمد المبارك
Date: 11-01-2009, 12:14 PM
Parent: #90
| Quote: ما عارف البوست بتاعك دا ليه ذكرني بي زيكو بتاع المريخ |
يا تمبس ما تلخبت
ده ما زيكو
ده عادل عطا او عاكف عطا
|
Post: #92
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: tmbis
Date: 11-01-2009, 12:20 PM
Parent: #91
يازول دا زيكــو ..
كان ما زيكو برررضو زيكو 
|
Post: #94
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: وليد محمد المبارك
Date: 11-01-2009, 12:25 PM
Parent: #92
هاهاهاهاهاهاهاهاهاها
يا زول خلاس
زيكو
|
Post: #95
Title: Re: غايتو(لندن) شينه وقديمه ووسخانه.....بس فيها كوكبه جيده من السودانين!
Author: Tragie Mustafa
Date: 11-01-2009, 05:32 PM
Parent: #94
منورين كلكم...يا شباب.....
طبعا سودانا...بيظل مافي زيه بعيونا
يكفي المهله و البراح الزرعهم جونا....
يمين نحن الضيق مطلع ايمانا ذاته.
اها لندن شينه و الاعجب صيفها السماهو بشرشر طول اليوم.
والغريبه انه غالبية السودانين طلعوا لا يعرفوا فن الحياه ولا يرون الا اجانب الفارغ للكوب.
حس نصف البوست بدل يخلوني اتمنه ناطين لي في حلقي.
غايتو شلقا البورد الله يدينا خيرهم.
|
|
