Post: #1
Title: بيت الفنون و الشعر بالقروش
Author: Hussein Mallasi
Date: 10-29-2009, 07:42 AM
من الله خلقني ما شفت لي شعر بيسمعوهو بالقروش.
|
Post: #2
Title: Re: بيت الفنون و الشعر بالقروش
Author: Tabaldina
Date: 10-29-2009, 08:30 AM
Parent: #1
..
.
القروش دى .. ما لقاسم ابوزيد ويحيي فضل لله
دى لزوم جلسة الإستماع للهادى حامد _ ومتعة الشوربة_
_________
بقترح تخفيض رسوم الدخول الحالية ..
واصدار بطاقات عضوية شهرية/سنوية للراغبين
البحث عن راعى دائم للنشاط الثقافى
تنوع البرنامج بدلا عن الغناء .. تكون هناك ندوات ثقافية
او سياسية او اجتماعية ..
جلسة مفاكرة مع القائمين ..
|
Post: #3
Title: Re: بيت الفنون و الشعر بالقروش
Author: Nadia Elsir
Date: 10-29-2009, 08:56 AM
Parent: #2
| Quote: من الله خلقني ما شفت لي شعر بيسمعوهو بالقروش |
و الغنامش شعر ملحن و الا شنو؟
التحية لاهل بيت الفنون و مزيد من الاماسى ذات القوافى و الالحان.
ملاسى سلامات!
|
Post: #4
Title: Re: بيت الفنون و الشعر بالقروش
Author: عبدالوهاب علي الحاج
Date: 10-29-2009, 10:56 AM
Parent: #3
| Quote: و الغنامش شعر ملحن و الا شنو؟ |
ناس الكورة الاغلبهم فاقد تربوي
وناس الغنا والناس البجروا سااااي زي ناس كاكي
والناس البقلبو الهوبة والبرقصو القرد
كل هذه الفئات المذكورة اعلاه يتعيشون على مواهبهم
المانع شنو الشعراء ياكلوا عيش من مواهبهم
_________
ان لم يكن هذا البوست موجه لمتوسطى الذكاء فما فوق
فهو بوست خالى تماماً من اي موضوعية كما عودنا كاتبه
|
Post: #5
Title: Re: بيت الفنون و الشعر بالقروش
Author: وليد محمد المبارك
Date: 10-29-2009, 11:19 AM
Parent: #4
يا عبد الوهاب
شايفك بعد ملاسي هبش حمور
قلبت عليه جد
ما كده
ملاسي موضوعي وموضوعي جدا
بالنسبة لموضوع القروش
عادي وما فيها شي
جميع سبل الفنون تتمتع بيها بقيمه
المتاحف المسارح السينمات وبعض المعارض واشياء اخرى
لا ضير من قيمة رمزية تذهب في تطوير بيت الفنون
|
Post: #7
Title: Re: بيت الفنون و الشعر بالقروش
Author: عبدالوهاب علي الحاج
Date: 10-29-2009, 11:35 AM
Parent: #5
نفى صديقي وليد
عدم موضوعية المدعو ملاسي
ثم عاد واكدها بماورد في الاقتباس ادناه| Quote: لا ضير من قيمة رمزية تذهب في تطوير بيت الفنون |
____
يا وليد ملاسي هبشني انا ذاتي
ملاسي زي نار القصب بمسك في القريب منو
اعمل حسابك انت ذاتك الدور عليك
|
Post: #8
Title: Re: بيت الفنون و الشعر بالقروش
Author: وليد محمد المبارك
Date: 10-29-2009, 01:23 PM
Parent: #7
حبيبنا وهبة
كون اني متبنى موقفك ده ما باكد عدم موضوعية ملاسي
ده اختلاف في وجهات النظر
هو عاوزها جاني لاسباب قد تكون منطقية
ونحن ما عندما ما نع انها تكون بقروش لاسباب نحسبها منطقية
________
بهبشني بهبشو 
|
Post: #6
Title: Re: بيت الفنون و الشعر بالقروش
Author: محي الدين جبريل
Date: 10-29-2009, 11:24 AM
Parent: #4
ملاسى طابت أوقاتك ...
أعتقد أن الرسوم المقررة لحضور الليلة المشار إليها منطقية بغض النظر عن قيمتها باهظة أم قليلة ..
ربما تعلم أن بيت الفنون يوجد بعقار قطعا مؤجر ، وهناك نفقات على الكهرباء والنظافة وجميع الخدمات التى تقدم بالدار
ولاتنس رسوم التصاديق وحقوق الفريق الفنى من صوت وديكور وغيره ...
لا أعتقد أن هناك ضيرا فى الأمر ...
إذا دعانا طارق الأمين إلى جلسة شعرية فى بيته الذى تقيم فى أسرته وطلب منا رسوما ، فلنقل ذلك ... لكن هذه دارا لها ما للدور من
منصرفات وعليها ما على مؤسسات المجتمع المدنى من نفقات وتكاليف ...
محبتى
محي الدين جبريل
|
Post: #9
Title: Re: بيت الفنون و الشعر بالقروش
Author: عبدالوهاب علي الحاج
Date: 10-29-2009, 01:35 PM
Parent: #6
بوست غير موفق
|
Post: #15
Title: Re: بيت الفنون و الشعر بالقروش
Author: Ahmed musa
Date: 10-29-2009, 06:20 PM
Parent: #3
(الغنامش) دي شنو يا نادية ؟؟؟
|
Post: #10
Title: Re: بيت الفنون و الشعر بالقروش
Author: Hussein Mallasi
Date: 10-29-2009, 01:43 PM
Parent: #2
Quote: القروش دى .. ما لقاسم ابوزيد ويحيي فضل لله
دى لزوم جلسة الإستماع للهادى حامد _ ومتعة الشوربة_ |
وكت هو كدا قاسموا الهادي الجبل في زمن غناهو ليه؟!
|
Post: #11
Title: Re: بيت الفنون و الشعر بالقروش
Author: دينا خالد
Date: 10-29-2009, 02:12 PM
Parent: #10
حسين !! صورتك دى جاده شديد خوفتنى من اى مداخله ..
ـــــــــــــــــ
اقول ليك كلام هسه مع الحاصل فى سودانيز دا
كنت بفكر اقترح عليك نعمل بوستاتنا بالقروش !
انا غايتو ح اعمل لى كم زول كدا فى راسى مجانا منهم وهبه
اها انت من هسه شوف ناسك ..
|
Post: #12
Title: Re: بيت الفنون و الشعر بالقروش
Author: عمار محمد ادم
Date: 10-29-2009, 05:42 PM
Parent: #11
انا كنت باجر بوستى كنت مترزق والحمد لله!!
|
Post: #13
Title: Re: بيت الفنون و الشعر بالقروش
Author: سلمى الشيخ سلامة
Date: 10-29-2009, 05:58 PM
Parent: #12
الصديق العزيز حسين
تحياتى
اول مرة طلعت قريت شعر "هنا فى امريكا"
لم اكن اتوقع ان يكون ذلك الشعر المقروء على الناس "بقروش"
بعد نهاية الجلسة
كل زول مشى بيتهم
بعد يومين جانى شيك ليهو ضل
اتصلت على زميلتى الكانت معاى فى الجلسة
فقالت
هذا حقك عن الليلة الشعرية التى قرانا فيها سويا، انا زاتى رسلو لى شيك
فالشاعر كما المغنى يا سيدى
والشاعر كما الملحن
له حقه الكامل فى ان يتعاطى حقه واجره عن الكتابة
فلماذا لا نتساءل حين تكون الحفلة بمغنى ؟ ونتساءل حين يكون ثمة شاعر ؟
ترى كيف نتعاطى مع الفنان وهو يغنى لنفس الشاعر ؟ولماذا ؟
|
Post: #14
Title: Re: بيت الفنون و الشعر بالقروش
Author: حيدر حسن ميرغني
Date: 10-29-2009, 06:12 PM
Parent: #13
سلامات ياحسين
ما الذي يمنع من ذلك?
|
Post: #16
Title: Re: بيت الفنون و الشعر بالقروش
Author: عبدالوهاب علي الحاج
Date: 10-29-2009, 06:37 PM
Parent: #14
Quote: فالشاعر كما المغنى يا سيدى
والشاعر كما الملحن
له حقه الكامل فى ان يتعاطى حقه واجره عن الكتابة |
هاهاهااهااهاهاهاهاهاهااها
لا اعتقد ان المتقزز حسين ملاسي
سيجرؤ على العودة الى هنا مرة اخرى
وانصحه بترك الحديث عن الثقافة والفنون
دا شعر ما عندك ليهو رقبة
|
Post: #17
Title: Re: بيت الفنون و الشعر بالقروش
Author: عبدالكريم الامين احمد
Date: 10-29-2009, 06:42 PM
Parent: #16
الكلام ده يا وهبة قلناهو زمااان ان اخونا حسين ده
الحاجات دي لقاها مع الشيب الذي ضرب راسه واشتعل عشان
كده القصة دي عاملة ليهو رجة فكرية شديدة وحادة...!!!
داير شعر ملح يا ملاسي
طيب ياخي ما تكتبو انت ياخي
او خلي واحد من الاباريق يكتبو ليك وانت املح
|
Post: #18
Title: Re: بيت الفنون و الشعر بالقروش
Author: Yassir Tayfour
Date: 10-29-2009, 06:54 PM
Parent: #17
ملس يا صاحب!
فتِح عيونّك كويس، وهبة وكيكي ديل بقو يأكلو من نُصَك، فيستحسّن يا صاحب توقفهم عند نصهم..
____
لكن تعال هنا يا ملس، إنت الإشتكى ليك منو؟
|
Post: #19
Title: Re: بيت الفنون و الشعر بالقروش
Author: khaleel
Date: 10-29-2009, 06:59 PM
Parent: #18
ملاسي
اعتقد في زمن الملكية الفكرية والراسمالية
كل الاشياء يحركها المال
لجعل المقاربات ممكنة
|
Post: #20
Title: Re: بيت الفنون و الشعر بالقروش
Author: عبدالكريم الامين احمد
Date: 10-29-2009, 07:14 PM
Parent: #18
| Quote: فتِح عيونّك كويس، وهبة وكيكي ديل بقو يأكلو من نُصَك، فيستحسّن يا صاحب توقفهم عند نصهم.. |
هلا ياابو اليسر
انا وصحبي وهبة ده لو اشتغلنا ون تو في سحس ده
تاني الا يكتب في بوستات بكري المثبتها فووق دي
عشان كده قلنا نخليهو يتونس
الراجل بعد مرات بجيب شمارات عوضية شرقرق ما بتقدر تجيبها..
وقاعد يثري الوعي الارجافي في سودانيز
|
Post: #21
Title: Re: بيت الفنون و الشعر بالقروش
Author: عبدالوهاب علي الحاج
Date: 10-29-2009, 07:18 PM
Parent: #17
Quote: الكلام ده يا وهبة قلناهو زمااان ان اخونا حسين ده
الحاجات دي لقاها مع الشيب الذي ضرب راسه واشتعل عشان
كده القصة دي عاملة ليهو رجة فكرية شديدة وحادة...!!! |
هلا يا رهط
ومشتاقين والله
صحبك دا بقى يكتب في اي حاجة
تعرف لو ما لقى ناس يتصدو ليهو
ممكن يوم تطلع في راسو يقوم يفتح عيادة
عشان يجنن د.سيف النصر مرة واحدة
|
Post: #22
Title: Re: بيت الفنون و الشعر بالقروش
Author: عبدالكريم الامين احمد
Date: 10-29-2009, 07:25 PM
Parent: #21
| Quote: صحبك دا بقى يكتب في اي حاجة |
الصحيح يا وهبة هو ان تقول
صحبك دا بقي يقابض في اي حاجة..
يمشي بيت الفنون ويلقي شعر بقروش يجينا جاري ويعمل لينا فيها اكتشف الذرة.
هو الزول ده مالو مخلوع كدا ياوهبة
|
Post: #23
Title: Re: بيت الفنون و الشعر بالقروش
Author: عبدالوهاب علي الحاج
Date: 10-29-2009, 07:59 PM
Parent: #22
| Quote: هو الزول ده مالو مخلوع كدا ياوهبة |
هلا يارهط
تعرف يا عمك زولك دا فشلو في الصحافة
خلاهو يكره اي زول بيكتب في الجرايد لو ملاحظ
لا خلا لبنى ولا البوني ولا صلاح عووضة ولا حمور
انا خايف لو عندو قرايبو ساكنين الصحافة ما يزورهم الا يجيبوهم ليهو في الديم
____
يا كيكي ياخ مسئول من الخير
وين اخونا احمد المرضي
|
Post: #24
Title: Re: بيت الفنون و الشعر بالقروش
Author: عبدالكريم الامين احمد
Date: 10-29-2009, 08:10 PM
Parent: #23
| Quote: انا خايف لو عندو قرايبو ساكنين الصحافة ما يزورهم الا يجيبوهم ليهو في الديم |
زمان بذكر في المنبر ده ادقت كيتا كبيرة خلاص وقالوا زولنا ده عمل ليهو عمود صحفي في الراي العام..
اها دخلنا الخنادق دي يا عمك وعملنا الساتر وانتظرنا يجيبو لينا العمود.
ياخ داك عمود اتذكر اني وصفتو بالميري بتاع (جيش كابيلا) لمن دخلو الكنغو من كثرة البرقعة الفيهو
لاتعرفو عمود ولا تعرفعو جلابية درويش يضرب الارجاف ضربا حتي يئن ويرن..
المهم قلنا ليهو يا زول القصة دي لا قدرك ولا لحم سدرك فقام(واها من ديك ختاها لينا وبقي زول معقد خلاسس)...
غايتو انا بقترح ليهو يحاول مرة اخري ولكن في مجالات الاعلانات الصحفية(الاعلان الصحفي اربعة كلمات بكرت لا بتغلط عليك ولا بتوسخ يديك)..
ولو ما لفقت معاهو ممكن يتشغل مع ناس النيل الازرق ويعلن علي طريقة (اني بنجو مع العفش)
المهم يعمل حاجة ياخي...
,,,,,,,,,,,,,,,,
احمد المرضي مشتاقين ليهو والله
وبالله يارهط ما تجيب سيرتو تخلع لينا سحس ده زيادة
الزول ده عاوزين نتونس معاه ونشوف الخلعة دي شنوووو ولييييييه ياخي
|
Post: #25
Title: Re: بيت الفنون و الشعر بالقروش
Author: عبدالوهاب علي الحاج
Date: 10-29-2009, 08:34 PM
Parent: #24
| Quote: (اني بنجو مع العفش) |
كاااااااااااااااااكـ
يا رهط الليلة مزاجك عالي
تعرف صحبك دا لو اشتغل في مجال الاعلان
ما ممكن ينجح قول لي كيف ؟
الزول دا ما بقدر يقول كلام كويس في زول او عن اي شي
لكن ممكن يبتكر وسيلة جديدة للاعلان بانو يشتم ليك المنافسين لووووووووووووووووووووووووووول
|
Post: #26
Title: Re: بيت الفنون و الشعر بالقروش
Author: Siham Elmugammar
Date: 10-29-2009, 08:58 PM
Parent: #25
ملاسى حفر ايدك قاعد يغرق ليك
|
Post: #27
Title: Re: بيت الفنون و الشعر بالقروش
Author: عبدالكريم الامين احمد
Date: 10-30-2009, 06:44 AM
Parent: #25
Quote: تعرف صحبك دا لو اشتغل في مجال الاعلان
ما ممكن ينجح قول لي كيف ؟
الزول دا ما بقدر يقول كلام كويس في زول او عن اي شي
لكن ممكن يبتكر وسيلة جديدة للاعلان بانو يشتم ليك المنافسين |
مشكلتو دي بسيطة ومقدور عليها ياعمك..
ينتظر هارموني ترجع الملاعب . ويعمل فيها دعاية مضادة لعفش المحاميد ده
ويقول
(اني لا بنجو مع العفش لاحاجة) لوووووووووول
|
Post: #28
Title: Re: بيت الفنون و الشعر بالقروش
Author: Tragie Mustafa
Date: 10-30-2009, 06:53 AM
Parent: #27
ملاسي مشتاقين.
عساك و الاسره بخير.
|
Post: #29
Title: Re: بيت الفنون و الشعر بالقروش
Author: محمد سنى دفع الله
Date: 10-30-2009, 07:01 AM
Parent: #28
با جماعة ملاسي
ده والله بجي ضارب خط
بيتم بعيد
وساكي الثقافة
فدحين يا ملاسي
ثني اقتراح تبدينا
مفروض يكون في اعضاء عندهم اشتراك سنوي
وبيدخلوا اي حفل بي سعر رمزي
وفي جمهور الليلة يدخل بي سعر التذكرة
ايه رايك؟؟
انا مع الانتاج الصاح
اي حاجة تدخله بي قروش
|
Post: #30
Title: Re: بيت الفنون و الشعر بالقروش
Author: عبدالوهاب علي الحاج
Date: 10-30-2009, 07:31 AM
Parent: #27
| Quote: (اني لا بنجو مع العفش لاحاجة) |
لوووووووووووووووووول
|
Post: #31
Title: Re: بيت الفنون و الشعر بالقروش
Author: محمد إبراهيم علي
Date: 10-30-2009, 09:06 AM
Parent: #30
وهبة وكيكي
قوات غير صديقة تحتل البوست
حسين ده زمن التحرير الاقتصادي ما في حاجة ببلاش الا بورد بكري ده ومثل هذه الاخبار بتفتح عيون ابصلعة ده وبكرة يعمل لينا الاشتراك بعدد الكلمات وطبعا انت حتكون اكتر واحد مرتاح كلها كلمتين وتكون طلعت الفي نفسك اما ناس كيكي ديل والله الا نعمل ليهو شيرنج عشان نقرا ليهو تاني
وطبعا انت ما حتدفع معانا في الشيرنج ده
|
Post: #32
Title: Re: بيت الفنون و الشعر بالقروش
Author: Hussein Mallasi
Date: 10-31-2009, 07:49 AM
Parent: #31
Quote: هذا حقك عن الليلة الشعرية التى
قرانا فيها سويا، انا زاتى رسلو لى شيك |
لا بأس .. و لكن يبقى السؤال: هل دفع أحد من الحضور فلساً مقابل الاستماع – و ربما الاستمتاع – لشعرك؟!!
|
Post: #33
Title: Re: بيت الفنون و الشعر بالقروش
Author: Hussein Mallasi
Date: 10-31-2009, 11:04 AM
Parent: #32
Quote: ربما تعلم أن بيت الفنون يوجد بعقار قطعا مؤجر ، وهناك نفقات على
الكهرباء والنظافة وجميع الخدمات التى تقدم بالدار ولاتنس رسوم التصاديق
وحقوق الفريق الفنى من صوت وديكور وغيره ... لا أعتقد أن هناك ضيرا فى الأمر |
أعلم يا محي الدين .. و لكنها تظل المرة الأولى التي يتم فيها الاستماع للشعر بمقابل مادي.
|
Post: #34
Title: Re: بيت الفنون و الشعر بالقروش
Author: ALZOLZATOO
Date: 10-31-2009, 03:11 PM
Parent: #33
ياملاسي
ادفع بالتي هي احسن
مش حنان بلوبلو زمااان كان بتغني الكلام بي قروش والدهب منقوش اها اسع كراماتها اتحققت وبقى الشعر بي قروش والدهب مغشوش
بتخيل لي مافيها حاجة وبتكون دائما مبالغ رمزية
لمن تكون مفلس خلي اي زول يحكي ليك الحصل شنو لووووووووووولز
ارقد عافية
زاتوووو
|
Post: #35
Title: Re: بيت الفنون و الشعر بالقروش
Author: محمد زكريا
Date: 10-31-2009, 10:44 PM
Parent: #34
المفروض يكون الدخول مجانا لانه بمثابه مركز ثقافي
والفنانين مفروض يتبرعوا لمن يقدموا حاجه, لكن ممكن يحفزوا بشيء رمزي
كذلك اي شخص اسمه بيكون عنوان الندوه او الليله
العازفين والفنيين والعاملين هم الوحيدين المفروض يتدفع ليهم
لو محتاجين دعم ممكن تتعمل بتسجيل العضويه ودفع اشتراك سنوي
وتكون بي كده مؤسسه ثقافيه تستحق الدعم من الدوله والمنظمات او جهات غيرها
بس مفروض برضو يتكون مجلس اداره
|
Post: #36
Title: Re: بيت الفنون و الشعر بالقروش
Author: سلمى الشيخ سلامة
Date: 10-31-2009, 11:25 PM
Parent: #32
| Quote: هل دفع أحد من الحضور فلساً مقابل الاستماع – و ربما الاستمتاع – لشعرك؟!! |
سؤال يا اخى العزيز
حين يطبع الشاعر ديوانا ويدفع فى المقابل اجر الطباعة للناشر او حتى حين يطبعه لمصلحته
هل يفرشه للسابلة ومجانا ؟
الا يبيعه بمقابل ؟
|
Post: #37
Title: Re: بيت الفنون و الشعر بالقروش
Author: عبدالوهاب علي الحاج
Date: 11-01-2009, 08:26 AM
Parent: #36
Quote: حين يطبع الشاعر ديوانا ويدفع فى المقابل اجر الطباعة للناشر او حتى حين يطبعه لمصلحته
هل يفرشه للسابلة ومجانا ؟
الا يبيعه بمقابل ؟ |
هاهاهاهاهاهاهاهاههاهاهاهااهاهاهاي
كلمتو ونصحتو يا سلمى الشيخ
قلت ليهو احسن ليك تكبر اللفة من المواضيع الثقافية دي
مصر يحرج نفسو بملاحظاتو التي لا تخلو من سطحية
____
هسه يجي يقول ليك كان قاصد الاستماع
علما بانو حفلات الاستماع لشعر محمود درويش
تذكرتها تفوق الـ 200 يورو ودا للمعلومية
|
Post: #38
Title: Re: بيت الفنون و الشعر بالقروش
Author: عبدالكريم الامين احمد
Date: 11-01-2009, 09:12 AM
Parent: #37
Quote: حين يطبع الشاعر ديوانا ويدفع فى المقابل اجر الطباعة للناشر او حتى حين يطبعه لمصلحته
هل يفرشه للسابلة ومجانا ؟
الا يبيعه بمقابل ؟ |
اقول ليها تذاكر تباع امام الشباك فتحدثني عن ديوان شعر
فتامل..!!
فالج لا توالج..!!
(او كما قال سحس)
....................................................
كيكي مركب مكنة ملاسي
________________________
طبعا يا وهبة وسلمي رد ملاسي لسلمي لو طلع بره الشبكة الفووق الاشار ليها وهبة
وركبت ليها انا مكنة ملاسي علي مضض تعالو احلقوني صلعة
وبالذات فالج والج دي حيقولها حيقولها
|
Post: #39
Title: Re: بيت الفنون و الشعر بالقروش
Author: Hussein Mallasi
Date: 11-01-2009, 09:48 AM
Parent: #38
Quote: حين يطبع الشاعر ديوانا ويدفع فى المقابل اجر الطباعة للناشر
او حتى حين يطبعه لمصلحته هل يفرشه للسابلة ومجانا ؟ الا يبيعه بمقابل ؟ |
بمقابل طبعاً .. و لكن ..| Quote: من الله خلقني ما شفت لي شعر بيسمعوهو بالقروش. |
|
Post: #40
Title: Re: بيت الفنون و الشعر بالقروش
Author: Hussein Mallasi
Date: 11-01-2009, 10:16 AM
Parent: #39
Quote:
علما بانو حفلات الاستماع لشعر محمود درويش
تذكرتها تفوق الـ 200 يورو ودا للمعلومية |
نحو العام 2006 استضاف مركز حيدر إبراهيم
الشاعر درويش و كان الاستماع إليه مجاناً.
_____
لا 200 يورو و لا من يحزنون.
|
Post: #41
Title: Re: بيت الفنون و الشعر بالقروش
Author: Hussein Mallasi
Date: 11-01-2009, 10:17 AM
Parent: #40
لماذا مركز حيدر إبراهيم و ليس مركز الدراسات السودانية؛
لانو ببساطة لو حيدر مافي مركز الدراسات السودانية مافي.
|
Post: #42
Title: Re: بيت الفنون و الشعر بالقروش
Author: عبد اللطيف بكري أحمد
Date: 11-01-2009, 10:44 AM
Parent: #41
إهداء إلى ملاسي ،، (بس كان ختيت الهلال ماعندك عوجة)،،
شوف الفرق بين شعراء وشعراء
واحدين يدفعوا عشان يسمعو الناس، وواحدين يقبضوا لذات الغاية:
Quote: سوق (إلكتروني) يكتب قصائد في الشعر الشعبي على حسب الطلب، من قِبل (10) شعراء معروفين في الساحة الشعبية والمسابقات الشعرية، وتم التعاقد معهم بعد أخذ القسم (اليمين) على كل شاعر بعدم الإفصاح لأي شخص بتواجده في السوق. ومن المفارقات المتداعية للضحك أن جميع الشعراء الذين يكتبون القصائد لا يعرف بعضهم الآخر إلا مدير (الموقع) فقط. على حد تصريح الإدارة لنا بذلك، من باب:’’الحرص على الخصوصية التامة للجميع’’. مؤكداً مدير السوق بأنه لا يكتب القصائد المخالفة لتعاليم الدين الحنيف أو التي تثير النعرات القبلية أو السياسية. بفكرة أن:’’الأجمل أن يكتب الشعر شعراء لهم تجربتهم القوية في الساحة الشعرية قادرين على تطويع المفردة في جميع أغراض الشعر ليكون بشكل ولون آخر من الجمال’’. وذلك بكتابة قصيدة بعد طلبها من الشخص، حسب النقاط والأفكار المطلوبة بسرية تامة وترسل للطالب ولا تعطى لغيره نهائياً. كما بينت إدارة (السوق) لجميع المشترين بأنه يحق لطالب القصيدة بعد أن تصبح تحت ملكيته أن:’’يتصرف فيها كما يشاء، من خلال: المشاركة بها في أي مسابقة شعرية أو مناسبة، كما يحق له نشرها باسمه في المجلات والصحف والمنتديات، أو بيعها للغير أو إهدائها لمن يحب. وإليكم ننقل تفاصيل الجولة السرية التي قمنا بها، كما وضحتها وبيّنتها لنا إدارة السوق الشعبي لكتابة وبيع القصائد النبطية في الشعر الشعبي:
|
هاك الرابط عشان تشوف أسعار القصائد ،،
http://www.al-madina.com/node/167237
|
Post: #43
Title: Re: بيت الفنون و الشعر بالقروش
Author: عمر الفاروق
Date: 11-01-2009, 10:44 AM
Parent: #41
يا سحس ياخ في بيت الفنون كباية الشاي السادة الصغيرووووونة دي(خالي قرنفل) بي 3 ألف جنيه ..
|
Post: #44
Title: Re: بيت الفنون و الشعر بالقروش
Author: عبدالوهاب علي الحاج
Date: 11-01-2009, 10:56 AM
Parent: #43
Quote: نحو العام 2006 استضاف مركز حيدر إبراهيم
الشاعر درويش و كان الاستماع إليه مجاناً. |
د. حيدر دائما ما يدفع عن انصاف المثقفين
والجايبهم الشمار ساي انت ياتو في ديل ؟
|
Post: #45
Title: Re: بيت الفنون و الشعر بالقروش
Author: طلحة عبدالله
Date: 11-01-2009, 11:33 AM
Parent: #44
في زمن التكنولوجياوالتقنيات والحبيبات الإلكترونية والعالم بقي غرفة والغرفة بقت كبسولة
في حجم نملة تشيلا في جيبك وتقوم مفحط فلم نعد بحاجة لان نتحسس جيوبنا من أجل
الشعر والغنا والكورة والذي منو .
وعليه :
ربما ملاسي كلامو موفق ..
نقطة سطر جديد :
العم العزيز وهبة
انت (رهط ) القاعد تقولا للوحش كيكي قاصدا واللا متغابي فيها العرفة
هذا والسلامو عليكو .
|
Post: #46
Title: Re: بيت الفنون و الشعر بالقروش
Author: عبدالوهاب علي الحاج
Date: 11-01-2009, 11:59 AM
Parent: #45
| Quote: ربما ملاسي كلامو موفق .. |
_____
اخترت بين ان اعلق على كلامك الفوق دا يا طلحة
بوش ضاحك او مستغرب لانو كلامك ضحكني وسغربني
|
Post: #47
Title: Re: بيت الفنون و الشعر بالقروش
Author: ود العجمى
Date: 11-01-2009, 12:04 PM
Parent: #46
| Quote: من الله خلقني ما شفت لي شعر بيسمعوهو بالقروش |
ملاسى .. انت الله خلقك متين ؟؟
ومع ذلك كلامى صاح
|
Post: #48
Title: Re: بيت الفنون و الشعر بالقروش
Author: عمر الفاروق
Date: 11-01-2009, 12:16 PM
Parent: #47
اها يا سحس ما عرفت لينا الشاعر اتفوقا معاهو كيف؟
وحاسبوهو كيف؟
بي القصيدة ولا بي عدد الأبيات ؟
بي الزمن ومن 9-11 ولا اوفر نايت وتقول كل شعرك بس يدوك ليها بكدج؟
|
Post: #49
Title: Re: بيت الفنون و الشعر بالقروش
Author: Hassan Makkawi
Date: 11-01-2009, 06:34 PM
Parent: #48
| Quote: من الله خلقني ما شفت لي شعر بيسمعوهو بالقروش |
( خلع علية مستحسناً ابياتة)
(ثم رتب لة الجرايات والجوامك )
هذا قبل قرون طويلة و (سنينة)
فما بالك باليوم
_____________________________
إنتوا أولمة دة ما جاكم؟؟
|
Post: #50
Title: Re: بيت الفنون و الشعر بالقروش
Author: Tabaldina
Date: 11-02-2009, 02:11 PM
Parent: #49
..
.
| Quote: انا غايتو ح اعمل لى كم زول كدا فى راسى مجانا منهم وهبه |
مش قلت ليك الله يدينا خير الزوله دى
_________
شنو موضوع حمد والديبة ولا ثنائى الدبيبة الهنا ديل
|
Post: #51
Title: Re: بيت الفنون و الشعر بالقروش
Author: humida
Date: 11-02-2009, 02:28 PM
Parent: #50
المشكلة ما في فرض رسـوم علي الاستماع للشعر .. المشكلة في العوير البدفع ..
علي ما اعتقد ان ( لعبة ثقافة ثقافة ) لقت رواجا في السودان .. و الناس دي فكرت تستثمرها ..
..
..
وهبة ..
كلامك كلامك .. لكن تلب لينا حمور دا من ركشة حديثك .. حشره بين كل مقطع و مقطع .. مشاتر للحن ..
|
Post: #52
Title: Re: بيت الفنون و الشعر بالقروش
Author: Tabaldina
Date: 11-02-2009, 03:27 PM
Parent: #51
..
.
| Quote: المشكلة في العوير البدفع .. |
لا لا
مافى داعى لدا يا فردة
_________
والله خدشت حيائى وجرحت شعور ملاسي
واثرت فينانزعة التمرد والامتناع عن حضور المنتديات
|
Post: #53
Title: Re: بيت الفنون و الشعر بالقروش
Author: دينا خالد
Date: 11-02-2009, 09:37 PM
Parent: #52
| Quote: يا سحس ياخ في بيت الفنون كباية الشاي السادة الصغيرووووونة دي(خالي قرنفل) بي 3 ألف جنيه .. |
وووووووووووووول يا عمر .
هسه كان بطلت الشتايم وطولة اللسان والنوته الموسيقية
ويا السراى يا السراى وما عارف والغلات !
مش كان قدرت مشيت لى طارق وعرفتو بنفسك وسلمت عليه
وشربت كباية شاى كبيييييييييييييره مجانا ؟؟
ــــــــــــــــــــ
لوووول اضبط عمر فى بيت الفنون
الحق يا طاررررررررررق .. شركك قبض
|
|