يعني الواحد كان نزل السودان يجي نازل بـ طبنجتو ؟!!!

ـــ
قبل فترة لم تكن طويلة نزل إلي السودان أخاً وصديق .

..
.
وبعدين ..!!؟؟
شنو اسلوب القطاعى الابتدعتوهو دا

________

تعال من الاخر وما تقسط الحروف ..

غايتو عندكم حركات :)

ــــ
قد وصل إلي مدني بعد صلاة المغرب .

ووجد الكثير من بكاسي القرية موجودة .

عماد الطيب

كيفك ليك وحشه والله مشتاقين

..
.
يا هويدا ياخى والله برضو مشتاقين
ياخى ما احترمتى الود البينا عديل كدا ..

عايزك فى مصلحة ..

_________

عماد عشان القطاعى دا بوستيك دا
يروح ونسه ساااى ..

ــــ
هويدا شرف الدين سلامات يأختي


والله أنا أتحداك عدييل كدا في الشوق


إنت الما ظاهرة والله وين الحيّ بيك ؟!


تسلمي إن شاء الله ..

ــــ
رفعوا معه الشباب جميع أغراضه في إحدي البكاسي والسائق من أقربائه

وتحركا حتي أن وصلا إلي (بركات)

وإذا به تعترضهم عربية أخري بها أربعة من الشباب .

و كان في واحد من الشباب اسمه حسن ..

Quote: و كان في واحد من الشباب اسمه حسن ..

حسنين يا حميدة حسنييييييييييين
مالك ياخ اسمع القصة كويس

..
.
وقاموا قالو ليهم نزلو الشنط
وطلعو الفى جيوبكم

____________

انت بكرى دا قريبك ولا حاجة

ـــ
أجبروا السائق علي التوقف ,

فتوقف ونزل ومعه صاحب الأغراض

وبإسلوب الشفته وحمرة العين والهنبتة قالوا عاوزين العندكم


الخفيف وثقيل


الدهب والقروش

..
.
والجماعة ديل كانو جايبين معاهم حصاد الغربة
شقى عمرهم فى الشنيطات دى ..
وقروشهم التعبو فيها ..

__________

ان شاء الله بس كان معاهم طبنجة ولو فاضية :)

ـــ
تبلدينا يا صديق سلامات


الموضوع ما قطاعي ولا إجمالي ولكن اكثر ما أكتب أكون في وقت العمل , عشان كدا تحملنا يأخي

بعدين ولدنا ما شايل معاه (طبنجة) ولا كان واضع في حساباته وتوقعاته يحدث مثل ذلك , وعشان كدا أنا قلت في العنوان (يعني الواحد كان نزل السودان يجي نازل بـ طبنجتو ؟!!!) وكل هذا للدهشة لما يحدث في السودان من إنفلاتات أمنية , وبالرغم من ذلك ففي فترة الديمقراطية لم تشهدها منطقتنا أقل ما يكون .


بعدين إنت ما عارف بكري قريبي ياخي نص حياتك رايح ههههههه انا بتلصق عي بكري ساي هههههههه


وحقيقة ما يحدث وما نسمع به يا تبلدينا مقلق وغير مطمن أبداً في السودان فواجب علينا الحيطة والحذر , فما عادت الدولة تحمها إنسانها ,

والشيء الموسف حقاً حتي وفي الخرطوم تحدث أكثر من ذلك وما حدث إلي زميلتنا وأختنا وصال عالم هو الذي دفعني لكتابة هذا البوست ..

وتحياتي ..

ـــــ
أخونا وصديقنا تحدث مع صاحب البكس أن لا يتحدث وإن لا يتدخل إلا في الوقت المناسب


وقال لهم


الدهب والقروش أبشركم موجودات


بس عيونكم ما بتشوفهم إلا وأنا عيني فيها التراب .

ــــ
وأثناء النقاش وإصرار أخونا وصديقنا علي الموت في حقه .

توقف عندهم بكس من نفس القرية ومن بعيد سائقه , قال في نفسه


هذا بكس (معتز) ولربما تعطل .

وين يا صالح والله برضو ليك وحشه ، ما مشكله خلي البوست بتاع عماد يروح ساي كدا ، المهم طوالي نخدمك بي عيونا بس انت تعال

ــــ
وبسرعة خرافيه

ركبواالشباب الهنباته عربتهم , وفكوا البريك


مستغلين حديث أخونا وسائق البكس , مع زميلهم وركابه


فجميعاً منتدهشون , ولم يألفوا مثل هذه التصرفات


ولكن ..

ــــ
أخونا وصديقنا حفظ جيّداً نمرة العربية


وقال للسائق نرجع مدني وأفتح بلاغ والأن


قبل أن أصل إلي أهلي


وهذا هو الذي حدث

يا زول طبنجة شنو
القصة زي الطحنية بس!




الطبنجة دي داير أقابل بيها تبلديكم دا!

ــــ

Quote: الطبنجة دي داير أقابل بيها تبلديكم دا!

حمود العسل ههههههه

عليك بخرطوش الشيشة هههه أقهر بيها تبلدينا


الطبنجة خليها للهنباته بلاش منها لي تبلدينا أقل ما يكون الان

عماد الموضوع زى ما شايف ما محتاج طبنجه
بس تتحزم وتتلزم وتعديها جرجره الى ان يعينك صديق

Quote: وهذا هو الذي حدث

والبلاغ الحصل عليهو شنو بعداك

..
.

Quote: الطبنجة دي داير أقابل بيها تبلديكم دا!

عشان تضربنى رصاص ..
كان ليك ..
والله افك البريك وادس فى برادو المسلمى ..

حمدلله على السلامة ..

___________

والله يا عمده قصتك عصير قصب ..

ـــ

Quote: والله يا عمده قصتك عصير قصب ..

عصير أو رماد لم يمهمني كثيراً ,


يا تبلدينا أنا ما طارح نفسي قاص وأنت تعرف هذا جيّداً ؟!


بل هي واقعة وحقيقة , والفكرة هي ماتهمني وهو ما يحدث من إنفلاتات أمنية في مناطق مختلفة ,



في علي الكل الحيطة والحذر ..

..
.
يا عمدة عصيرالقصب والله وصف طيب _ حسب نيتى _
وهو لذيذ ومنعش ..

ياخى حسيت بيك اتحسست شديدلمن قلب القصة رماد
وانا عارف انت زول عاادى ما قاص ..
وهى قصة واقعية ..

العفو

__________

كلو بسبب القطاعى بتاعك دا

اها انا واخد الباب وراى .. سمح

ــــ
العفو


هسّه تعبنا والقطاعي بتاعنا والطبنجة كلو عشان شنو ؟!



عشان تعيش متعافين


يلا خلي الباب فاتح كويس .)

ـــ

Quote: عماد الموضوع زى ما شايف ما محتاج طبنجه بس تتحزم وتتلزم وتعديها جرجره الى ان يعينك صديق

هلا يا منتصر ,,,

طيب وكان ما جاء صديق وقت الضيق ؟!

مش الطنبجة أقل ما يكون بيهددر العاوزيقلع منك عيني عينك

Quote: والبلاغ الحصل عليهو شنو بعداك

في الإتصالات الأولي كانت تهمنا سلامته وقلنا حمداً علي السلامة

ماعرفته عن فتح البلاغ فقد تم القبض عليهم .

ولكن يأخي منتصر ليس كل الناس تحدث معهم نفس الظروف التي حدثت قبل , فتوقع دائماً السيء .

هذا هو الإشكال ومنبع القلق ..