Post: #1
Title: سؤال قبل التسجيل : البشير وسلفاكير في الإنتخابات بي الـزي العسكري ؟؟
Author: Hisham Ibrahim
Date: 10-26-2009, 12:02 PM
دا سؤال ردوا لينا عليهو
يعني الناس ديل لمن تجي الإنتخابات حا يكونوا في مواقعهم العسكرية دي والا حا يتنازلوا منها ؟
عشان نعرف من هـسع نحنا أصواتنا نوديها وين !
ما أظن يتم التخلي عنها -
ديل مفطومين على الكاكي !
والا تبقى الديمقراطية بي الكاكي ! السودان دا كل حاجه جايزة وممكن تكون
أنا عاوز أســجــل !!
هشام
|
Post: #2
Title: Re: سؤال قبل التسجيل : البشير وسلفاكير في الإنتخابات بي الـزي العسكري ؟؟
Author: Hisham Ibrahim
Date: 10-26-2009, 12:06 PM
Parent: #1
مع العلم
دي اول مره حا أسجل في إنتخابات
أعمل شنو حظي كدا
64 أنا مافي
85 أنا عمري دون الـ 18
هسع عندي الحق والحمد لله
بس وشكلوا كدا دا آخر صوت لي في الدنيا دي
والله بعدين بسألني منو
هو نحنا الله يقدرنا على سؤال ( الصلاة) خلى سؤال ( صوت الناخب ) !
ولو ما سجلت الله بحاسبني ؟ ( سؤال ديني )
هشام
|
|