الإنتخابات تنطلق و البداية السجل الإنتخابي

يعتقد الكثير من الناس خطأ أن الإنتخابات تعني صناديق الإقتراع و لكن الواقع يقول أن الإنتخابات بدأت بالفعل منذ أن شُكِلت المفوضية القومية للإنتخابات و بدأت أعمالها، و إن كان البعض يربط الإنتخابات بمراحل أسبق و تحديداً بالتعداد السكاني حيث يترتب عليه توزيع الدوائر الجغرافية و يبدأه آخرون بإجازة قانون الإنتخابات حيث يترتب عليه تنظيم العملية الفنية و السياسية و لكن الواقع أنني أشرت إلى بداية الإنتخابات هنا بالسجل الإنتخابي، لماذا؟
لأهمية السجل الإنتخابي حيث يترتب على تسجيلك ضمان لمشاركتك في الإنتخابات القادمة، أما غياب إسمك عن السجل الإنتخابي فيعني ضياع حقك في العملية الإنتخابية، مما يستوجب قيام حملة تنتظم كافة القطاعات الإجتماعية و الثقافية و السياسية لتوعية الناس بأهمية التسجيل في السجل الإنتخابي.

أعلنت المفوضية القومية للإنتخابات أن يوم الأحد القادم الموافق الأول من نوفمبر سوف يكون ضربة البداية للتسجيل في السجل الإنتخابي و سوف تستمر لمدة ثلاثين يوماً، قالت المفوضية أن عدد مراكز التسجيل يبلغ 15000 مركزاً تستهدف من خلالها تسجيل تسعة عشر مليون سوداني المستوفين لشروط السجل الإنتخابي

سجل إسمك و أحفظ حقك
حتى تتمكن من المشاركة في الإنتخابات القادمة
- أن تكون سوداني الجنسية.
- أن لايقل عمرك عن 18 سنة.
- أن تكون مقيماً بالدائرة الجغرافية قبل أكثر من ثلاثة أشهر

قامت المفوضية القومية للإنتخابات بإصدار دليل تسجيل الناخبين و نشرته على موقعها على الرابط التالي:
دليل تسجيل الناخبين
و لكن بما أن الرابط ثقيل و يحتاج تحميله لزمن فقد قمت بتحويل الملف إلى صور و رفعها هنا حتى تسهل عملية التصفح

التسجيل للإنتخابات هو الخطوة الأولى التي يبدأ المواطنين فيها المشاركة الفعلية و المباشرة في العملية الإنتخابية، وسط هذا الصمت الكبير و قد تبقت لعملية التسجيل 5 أيام هل كم سيكون عدد المسجلين؟
جهود التثقيف بأهمية عملية التسجيل الإنتخابي ليست جهود خاصة بالمفوضية القومية للإنتخابات فقط، إنها عملية لا بد أن تتضافر فيها جهود الجميع:
المجتمع المدني، الأحزاب السياسية، الأندية الرياضية و مراكز الشباب و الثقافة، كل الجهود الشعبية يجب أن تنصب نحو تثقيف أكبر مجموعة من حولنا بأهمية التسجيل

well done ya Sami

بوركت ابن أخى ، لقد قدمت عملا رائعا و مفيدا .

مجهود مقدر جدا يا سامي..

للتسهيل:

Ar Abic Manual

إيمان خليفة..

حسين يا صديقي الصدوق
شكراً على المرور
نحتاج لتكريس جهود عظيمة جدا من أجل أن تصل الرسالة لأكبر عدد ممكن من الناس

الأستاذ أسعد الريفي شكراً على المرور

عمو أنور
شكراً على المرور
من بحر علمكم و خبراتكم و تجاربكم ننهل، و مع تجربتك الضخمة و تجربة جيلك و الأجيال التي سبقتكم في العمل الديمقراطي أرجو أن تفيدونا بهذه التجارب و الخبرات لتكون لنا معيناً في الفترة القادمة

العزيزرة إيمان
تشكري على المرور و على الرابط المفيد و العملي جدا
أرجو أن نواصل يا إيمان لأن المسئولية الملقاة على عاتقنا كبيرة جدا
من أجل غيصال الرسالة لأهلنا البسطاء و الغبش الذين لم يسمعوا بالإنتخابات و لا بالسجل الإنتخابي

الماجد سامي صلاح
سلامات وشكرا على المجهود الكبير والتنوير، فالموضوع يحتاج لعمل كبير وحملات توعية
لتبصير المواطن بحقه في الترشيح والانتخاب وهذا ما يفترض ان تتبناه الاحزاب
ومنظمات المجتمع المدني. فقانون الانتخابات جاء مفصلا علي عصبة الحزب الحاكم وهذا
يحتاج الى مضاعفة الجهد، ولكن في النهاية ستتسع ثلة الضوء وستنتصر ارادة الجماهير.

لك التحايا والشكر مجددا

أستاذي عماد خليفة
شرفي الكبير بمرورك من هنا، المسئولية جد كبيرة و المشكلة أنه تبقت حوالي أربعة أيام على بدايةالتسجيل و لكن لا حياة لمن تنادي.
هنا على الأرض لا توجد أي حركة للأحزاب السياسية أو منظمات المجتمع المدني بشكل ملموس
بل حتى هنا على مستوى البورد هذا الموضوع نشر منذ أربعة أيام مضت و لكن كما ترى شح الدخول و المداخلات و كأنني أتحدث عن إنتخابات واق الواق و ليس الإنتخابات التي وصفها المراقبون و الخبراء السياسيون بأنها ستكون أخطر إنتخابات في تاريخ السودان منذ غنتخابات 1953 التي تمخضت عن البرلمان الذي أعلن الإستقلال و حقق السودنة، بل أنت لا ترى مجهودا ملموساً لبقية الأصدقاء من أعضاء سودانيزأونلاين يتحدث عن التسجيل بإعتباره أخطر مرحلة في الإنتخابات المقبلة.
عموماً:
سنظل نحفر في الجدار
حتى تنهال علينا ثلة الضوء و تغمر ربوع الوطن الحبيب

السجل الانتخابي
فوووووووق

رابط بوست الماجد نزار عن التسجيل للانتخابات للسودانيين بالخارج:

أتصلوا على السفارات السودانية للسؤال عن كيف ومتى يتم التسجيل للانتخابات ؟

الماجد عماد خليفة
شكراً مرة أخرى على المرور و على رفدنا بهذا البوست المهم
قراءة أولى و مداخلات لاحقة

الماجد سامي ...

جهد مقدر وهذا واجبكم/نا
ونحتاج الكثير لتوصيل الرسالة لأكبر قدر من السودانيين وبطبيعة الحال نسبة العندهم علاقة مع سودانيز أونلاين نسبة ضئيلة مقارنة بالمستهدفين لذلك لا بد من تضافر الجهود لآخرين لا علاقة لهم بهذا الفضاء

الناشط سامي صلاح تشكركتير علي الجهدالتنويري الواضح
ولاسيما مجهوداتكم العمليه في تنوير الجماهيروالناس العاديين وتبصيرهم
بماكان وما يجب ان يكون

الصديق بشرى الطيب
شكراً للمرور، أتفق معك بلا شك أن واجبكم/نا لا بد أن يصل لأكبر مجموعة ممكنة من الناس
عملية التسجيل التي ستنطلق بعد 48 ساعة كما ترى و لا وجود لأي إعلانات أو إرشادات للناس العاديين في القرى و النجوع بل حتى و المدن الكبرى بعاصمتها تريهم ما نرى هنا أعلاه
لا بد من التوعية و تبصير الناس بحقوقهم و أهمية التسجيل

العزيز ود الحاج
شكراً يا عزيزي
يسعدني جداً أن تكون مادخلتك الأولى في هذا البوست
و تسعدني كلماتك هنا، فلنداوم يا صديقي على تبصير الناس و تنويرهم

شكراً يا ريس رفع البوست إلى أعلى
من أجل إطلاع مزيد من الناس عليه

نشرت المفوضية أيضاً مواقع تسجيل السودانيين خارج السودان على الرابط الآتي:

مراكز التسجيل خارج السودان لانتخابات رئيس الجمهورية

و هي حسب موقع المفوضية كالآتي:
بسم الله الرحمن الرحيم
المفوضية القومية للانتخابات
مراآز التسجيل خارج السودان لانتخابات رئيس الجمهورية
1. السعودية:
جدة ، المدينة ، الرياض ، الدمام ، القصيم
2. الأمارات :
ابوظبي ، دبي
3. قطر:
الدوحة
4. البحرين:
المنامة
5. سلطنة عمان :
مسقط
6. الكويت:
الكويت
7. مصر:
القاهرة ، الإسكندرية
8. أوروبا:
بروآسل ، لندن
9. الولايات المتحدة:
واشنطن ، نيويورك ، لوس أنجلوس

قامت المفوضية بالإعلان عن مراكز التسجيل في بعض الولايات و لم تعلن في أغلبيتها حسب اللحظة، على الرابط التالي:

مراكز التسجيل

المراكز المعلن عنها هي في الولايات التالية و عددها 12 ولاية (يمكن الضغط على إسم الولاية الرابط هو عبارة عن ملفات pdf):

الولاية الشمالية

ولاية القضارف
عند الضغط على الرابط الصفحة غير موجود

ولاية الخرطوم

ولاية نهر النيل

ولاية شمال دارفور

ولاية شمال بحر الغزال

ولاية سنار

ولاية جنوب دارفور

ولاية الوحدة

ولاية أعالي النيل

ولاية غرب دارفور

ولاية غرب بحر الغزال
و أيضا عند الضغط على الرابط نجد أن الصفحة غير موجودة

أما الولايات التي لم يعلن عن مراكز التسجيل بها حتى الآن فهي:

ولاية النيل الازرق

ولاية الاستوائية الوسطي

ولاية شرق الاستوائية

ولاية الجزيرة

ولاية جونقلي

ولاية كسلا

ولاية البحيرات

ولاية شمال كردفان

ولاية شمال بحر الغزال

ولاية البحر الاحمر

ولاية جنوب كردفان

ولاية واراب

ولاية غرب الاستوائية

ولاية النيل الابيض

و كانت المفوضية قد أعلنت في وقت سابق عن قواعد السجل الإنتخابي العام و الدوائر الجغرافي، تجدونها أيضاً على الرابط التالي:

قواعد السجل الإنتخابي العام و الدوائر الجغرافية لسنة 2009م

أخي سامي هذا جهد عظيم وهام جدا
التسجيل هو المحك الحقيقي للعملية لإنتخابية وهو اهم مرحلة من مراحلها


البوست أدناه محاولة مني لتفادي بعض الإشكالات المتوقعة في عمليتي التسجيل والتصويت
إنذار مبكر: الصناديق المتحركة.. الجدوى وإحتمالات التزوير

الأستاذ إسماعيل وراق
شكراً على المرور و على المادة القيمة التي رفدتنا بها، فعلاً نحن نحتاج إلى تحليل و تقييم و مراقبة العملية الإنتخابية و بشكل حيادي، و ما أحب أن أراه هنا في هذا البورد هو مزيد من البوستات التي تعنى بهذا التقييم، و لكن خصصت هذا البوست لمسألة التثقيف الإنتخابي أو ما يعرف في أضابير المنظمات بالـ(Voter education) دون الغرق في تفاصيل التحليل و التقييم همي هنا هو أن يكون هذا البوست كـ(بنك للبيانات) (Data bank) و التي يمكن إستخدامها في مسألة التثقيف و التوعية، كما يمكن للمختصين و الخبراء و حتى العاديين من الناس إستخدامها للتحليل و المراقبة و هذا هم آخر و مستوى أكبر من المسئولية.
شكراً و دمت

بوست هام

وشكرا للمجهود المقدر

نعم فلنقتطع من وقتنا ومالنا ولنقل كلمتنا ولنختار من يمثلنا من أجل مستقبل الوطن

ونرجو أن يعمل الجميع على نشر الوعي بالعملية الإنتخابية

ونشر رابط المفوضية، وهذا البوست في جميع المنتديات والمواقع.

وكذلك طباعة هذا البوست للأصدقاء والمعارف وتجمعات السودانيين في المهجر.

الأخ: سامي صلاح محمد

سلامات

جهد عظيم و عمل مقدر، سلمت يداك

Quote: نعم فلنقتطع من وقتنا ومالنا ولنقل كلمتنا و لنختار من يمثلنا من أجل مستقبل الوطن

كلام في الصميم

*
**

الأستاذ العوض الطيب
سلامات و شكراً على المرور

Quote: ونرجو أن يعمل الجميع على نشر الوعي بالعملية الإنتخابية ونشر رابط المفوضية، وهذا البوست في جميع المنتديات والمواقع.

المسئولية جد خطيرة و كبيرة، أرجو أن يعمل الجميع من أجل التوعية بهذه العملية المهمة، عدم تسجيلك يعني فقدانك لصوتك و بالضرورة عدم مشاركتك في إختيار من يحكمك أو من ينوب عنك، على الجميع أن تتضافر جهودهم للتوعية و دفع العرق و المال و الوقت لأجلها كما تفضلت مشكوراً.

أستاذ عبدالرحيم منصور
تسلم يا أخي على المرور و على الكلمات الطيبة. لا بد من عمل جاد لإشراك أكبر عدد ممكن من الناس في التسجيل الإنتخابي.

Quote: السجل الإنتخابي:- هو عباره عن سجل دائم تجري له مراجعة متصلة وذلك للآتي:- 1. يشطب من توفي. 2. يضاف إليه من بلغ سن الإنتخاب. 3. يعدل فيه موقع السكن. ويكون لكل ناخب رقم محدد تصدر بموجبه بطاقة إنتخابية يحوزها الناخب ولا يسمح بالتصويت إلا لحاملها وويوضح في البطاقة مكان التصويت ولا يجوز أن يمنع حامل البطاقة من التصويت وتقوم المفوضية باعداد السجل ومراجعته سنويا للاغراض المذكورة أعلاه وتقوم ايضا بالإجراءات الاتية: 1. نشر السجل الانتخابي. 2. تمنح فترة للطعون وتصحيح الاخطاء. 3. اعتماد السجل.

نقلاً عن الدليل التثقيف المدني حول الإنتخابات، مبادرة تثقيف الناخب

الاخ الكريم / سامي
عمل جميل ورائع وموفق ان شاء الله
تشكر على هذا البوست الرائع
والذي إن دل على شئ
فإنما يدل على الجهد الذي بذل
والعرق الذي سكب
والخبرة التى استفيد منها
والحكومة الجادة والعملية والنزيخة
من اجل انتخابات نزيهة وعادلة
فقط نسيت ماليزيا ضمن الناس الفي الخارج
ناس الإنتخابات رئاسية فقط

Thank you Sami ,and I will add to that
====================
VERY URGENT APPEAL
2nd. November 2009


To the National Election commission

C/O Dr M Hassan Zaroug
Sudan Embassy
3 Cleveland Row
London SW1A 1DD
We the Sudanese in the Diaspora find it really difficult to understand how the voting arrangements are the way they are. These is arrangements are anything but detrimental to exercising our right to vote. The blow is evident in that:

1/ Many Sudanese may not have a Sudanese identity document of those, the most likely not have that document are the Southern Sudanese. This begs the question of how are those Sudanese-and they are numerous- going to register? Accordingly how will they be able to vote at all?
2/ only two registration centres for Europe and 3 for USA and almost none for the whole of the African continent borders on the unthinkable. This is a most unreasonable arrangement. Are the Sudan Government and /or the Election commission serious?

3/ Time are not enough for people to register. On the light of the above and other issue, Registration time has to be extended.

4-Embassies have to consult with the Sudanese communities in the Diaspora on that and other issues.
This is an urgent appeal to all concerned to seriously consider this very serous matter. We appeal to the president of the Sudan to urgently look into this petition. Otherwise the whole democratic exercise is reduced to a mere contradiction in terms of the very essence of democracy.
Even if voting for the president, the exercise as it stands makes it impossible for millions of Sudanese in the Diaspora to vote.

On behalf of the Sudanese in the Diaspora
http://sudanese-diaspora.com

Dr. Khadiga Safwat

Nazar Yousif Eltahir

نرجو الإنتباه من الجميع

إنتبه التسجيل للإنتخابات ليس شهراً ... مراكز وتواريخ التسجيل


هل يعلم أحدكم أين ومتى يكون التسجيل في مدينة الرياض بالسعودية. راجعت موقع المفوضية ولا توجد هذه المعلومة!!!!

يقال أن هناك مركزين، فإذا افترضنا أن السفارة هي المركز الأول، فما هو المركز الثاني؟

وما هي تواريخ ومواقيت التسجيل؟

الأستاذ سيف الدين
سلامات يا أخي و شكراً على المرور و على الكلمات الطيبة
قط لي ملاحظة على مفردة (الحكومة) التي ذكرتها في مداخلتك، إن كنت تعني بالحكومة أنا، فأنا و الحمد لله خارج نطاق أي سلطة تنفيذية بل أنا فقط ناشط (إن صحت التسمية) في التثقيف الإنتخابي في سياق المجتمع المدني و المعلوم عنه بالضرورة أنه منظمات غير حكومية.
و إن كنت تعني المفوضية فالمفوضية أيضاً بنص القانون جهة مستقلة عن الأجهزة التنفيذية و التي هي بالضرورة الحكومة، و هنالك طبعاً خلط ما بين مفهوم الحكومة عندنا و ما بين مفهوم الدولة فالمفوضية تتبع للدولة نعم و لكن للحكومة لا.
أما عن ماليزيا فهي غير مذكورة في جدول المفوضية الموضح أعلاه، و ليس لي علم هل يوجد بها مركز تسجيل أم لا
و دمت يا عزيزي

الماجد نزار يوسف
مرحبا بك على المرور و مشكور على المذكرة التي وضعتها هنا، و التي بالإضافة إليها وصلتني عدة ملاحظات من عدد من الأصدقاء سواءاً عبر الايميل أو الفيس بوك أو الهاتف أو وجهاً لوجه
فإحدى الصديقات بأستراليا مثلاً ذكرت لي أنه لا توجد مراكز للسودانيين بأستراليا و هم مجموعات كبيرة جداً. و أن أقرب مركز تسجيل لديهم هو في ماليزيا، فلو سافر كل السودانيين من أستراليا إلى ماليزيا و هذا حل غير عملي للتسجيل فلن يكون بمقدورهم العودة للتصويت و حتى لو قدر لبعضهم هذا فلن يحق لهم التصويت لأن القانون ينص صراحة على الإقامة السارية في البلد التي يصوتون بها لأن إقامتهم في أستراليا، هي تناشد من أجل الضغط على المفوضية لأجل إدراج استراليا في التسجيل الإنتخابي.
ملاحظات أخرى عن وجود مركزين فقط في مصر و بها ملايين السودانيين، أما ليبيا فعلى حجم السودانيين بها فلا يوجد بها أي مركز.

الأستاذ العوض
المعلومات عن التواريخ هي موجودة فقط للمواقع المحلية داخل السودان أما خارج السودان فلم تذكر أي تواريخ أو أماكن للتسجيل

الأعز بالله سامى
فى زحمة الأحداث نكاد ننسى قيم الفزع والنفير .. المد الشعبى الواعى بأهدافه كفيل بتغيير الواقع
عليه يجب أن لا نسى أن العمل الجماعى الممنهج أنجع وسيلة لانتزاع الحقوق .. ولنعمل جميعا من أجل حقوقنا .

الأعز نزار يوسف
ليكن همنا الشاغل و رسالتنا الدؤوبة لأهلنا


لا يوجد بديل لغير قيم النفير العبي لإيصال الرسالة لأكبر عدد ممكن
يمكنني القول و بكل ثقة و قد انقضت يومان على التسجيل بأن التكوينات الحديثة غائبة تماماً عن الساحة، لم أرى أي حزب حتى الآن بما فيها المؤتمر الوطني الحالكم يستحث الناس على المشاركة في التسجيل
و كذلك يصدق الحال على منظمات المجتمع المدني

فوق

Quote: سيداتي آنساتي سادتي لن أنزل الى مستوى الخطاب العلاء/او بالاحرى الدناء لست ملزمل بالهبوط لانني احفظ لنفسي حقها و للتاريخ سيرته و للذات احترامها لن ارد عليك لا الآن و لا فيما بعد استمر في تراهاتك يا حشرة القرون البدائية سوف اعطيك راحتك تماما دون رد عليك و دونما استجابة لاي استفزاز منك ريثما تثبت الامور الى اين نؤول هل سودانيزاونلاين منبر حر بفهم الحرية الحقيقي ام هو ساحة الهملة و الانطلاقة و حتى ذلك الحين فانني لن انسحب لان الانسحاب انتصار لقوة الظلام و العنصرية

الحرية لا تعني الهملة و الانطلاقة يا بكري ابو بكر، اضغط...يسحب هؤلاء من المنبر





لو عايز تبدا خلينا ا نبدا مِن ورا

شكرا لرفع البوست يا علاء
من أجل تنوير جماهير شعبنا بحقوقهم الإنتخابية

بالمناسبة البوست الجايبو دا، دحين كان سببو شنو؟
ذكرني السنين طالت

بس عايزك تِتذكّر الذي مضى
مُش على كيفي؟

مافي كااااااااااااااااااك تاني بباقي الليل دة؟

على كيفك؟
انت الخصم و الحكم، ما تكتر المحلبية
يا جري يا طيران
و برضو كاااااااااااااك

غايتو أنا من جيت المِنبر دة لا جريت لا طِرتة
و ممكن نوريك بيان بالعمل
قول واحد فوق

Quote: غايتو أنا من جيت المِنبر دة لا جريت لا طِرتة

ياخي لا
ما عرفتك

بالمناسبة طرت مش طرتة
شكلك عايز اوستاز عربي

لمن نكتِب بالفُصحى
فذاك شأنٌ آخر
دة درِب لو تابعتني فيهو بِطير ليك (الباء ما مفتوحة)

لو كان بالعامية كان تكتب هاء مش تاء مربوطة يا فصيح

دربك هوان

Quote: بالعامية

و دي مالك ما هوهوتها


أها البوست دة عدّيتو ليك
فيهو كم و ستين مُداخلة
ضربتة فيهو رقم قياسي
حوالي 40 مُداخلة بالظبط حتى جاتك أول رمية
وتقول لي مستواك ليق كيف؟

بالمناسبة ما رديت لي على سؤالي لِسّع!!

Quote: حوالي 40 مُداخلة بالظبط حتى جاتك أول رمية وتقول لي مستواك ليق كيف؟

لأنو يا شاطر نزلتو سريع ورا بعض عشان مافي زول يقطع تسلسل الدليل بتاع المفوضية

Quote: بالمناسبة ما رديت لي على سؤالي لِسّع!!

أمشي بي غادي تلقى ردي محل سؤالك

Quote: و دي مالك ما هوهوتها

منتظرك تهوهو انت

Quote: منتظرك تهوهو انت

كدي أوّل شغِّل الفاخورة دي و ما تكرِّر الكلام
كُرهتي في الدنيا التِكرار لأنو إنت عارفو حق مِنو
فما تخلِّينا نِعتبرك زيُّو
أها بمناسبة نزّلتو سُرعة دي أصلو النت بتاعك بالقيقا شان تنزِّل ليك 40 مداخلة ورا بعض ما ينُط ليك فيها زول واحد
إنت قايل نفسك في سامي أونلاين؟
دي سودانيز أون لاين
قبل ما تعمل رفرش بتلقى عشرة خشُّوا ليك
فالمكنات دي ما علينا
أها بعد الـكم و ستين مُداخلة القيِّمة دي و الدليل القاطِع الجابوا الولد الختيييييييييييير سامي البوست القيِّم المتعوب عليهو دة ليهو كم لابِت لو ما مرقناهو ليك من أسفل سافلين
أنا بس عايزك ما تزعل لمن نقول ليك مُستوى ليق
لأنّك ليق فعلاً

Quote: البوست القيِّم المتعوب عليهو دة ليهو كم لابِت لو ما مرقناهو ليك من أسفل سافلين

سافلين دا اسم الدلع بتاع تايتنك؟
انا ما زعلان لأني لسة

Quote: منتظرك تهوهو انت

إنت
و هي للمُذكّر
و مُذكّر الهوهوة لا يهوهو إلاّ إذا هوهوت له من تُنادى بأنتِ



ما قُلتة لي الليلة شدّة ولاّ واير لس طايش

Quote: و مُذكّر الهوهوة لا يهوهو إلاّ إذا هوهوت له من تُنادى بأنتِ

إذاً ما دمت اعترفت ضمنياً، فانتظرها تهوهو، انشاء الله يجيها تيتانوس
كااااااااااااااااااك

قصدك سِمسِمة؟

Quote: قصدك سِمسِمة؟

يا ولد عيب

مافي كاااااااااااااك

كااااااااااااااك يا كييييييييييييييييييييك

كيك ولاّ جاتوه

الحقيقة تنفع طماطم

موز ما كويس معاك

Quote: موز ما كويس معاك

جيبو معاك لمن تنزل من شجرتك دي

تعال شيلو براك



أبسِط أهو عملنا فيك حسنة و بوستيك الباير عمل صفحة تانية بختك

Quote: بوستيك

بالله بكتبوها كدا؟ من زمان قايل بكتبوها بوستك

زي

Quote: اوستاذ

كنت قايلة كِدة
أوستاز

طيبا ياخي انت ما اهو بتفهم
ليه بيقولو عليك كوز؟

Quote: ليه بيقولو عليك كوز؟

أغبياء



بيقولوها من 20 سنة
وحيقولوها تاني 20
شكلها حتبقى زي :
قِفا نبكي من ذكرى كوزٍ مُكوّزٍ
بكاء على الكيزان
أقصد على الأطلال

بشكل جادي يا علاء
شكرا على لحظة الصفاء الاخيرة دي

منو القال ليك أنا جادي معاك

Quote: أغبياء

و يمكن كلمتني العصفورة على قول اللبنانيين
او الهدهد على قول الاسلاميين
او انا بفتكر كدا على قول المثقفين

إنت لِسّع من زمن الصورة بالنضّارة و السمّاعة؟

النضارة نظر
و السماعة سقطت سهوا

و الفي الشعر دة كركار؟
ولاّ جَلْ

Quote: و الفي الشعر دة كركار؟ ولاّ جَلْ

ما في خيارات تانية؟
لو قلت كركار حبيبتي بتاخد موقف
و لو قلت جل حبوبتي بتزعل

Quote: لو قلت كركار حبيبتي بتاخد موقف

لو موقِف حبيبتك مِنّك حيكون زي موقِفك من الحكومة دي
العوجة ما بتجيك
إتكركر ساي
أصلكم غير بالكركرة ما بتجو

Quote: لو موقِف حبيبتك مِنّك حيكون زي موقِفك من الحكومة دي العوجة ما بتجيك إتكركر ساي أصلكم غير بالكركرة ما بتجو

هي الحكومة العوجة تجيها اكتر من كدا كيف ياخ؟
الراجل يصل شط اسكندرية شط الهواء
و يغلبو يقطع البحر

و إنت القااااااااااااااعد جوة البحر دة
ما تورينا عومك كيف ياخ
قال تاريخ سياسي
و جيفارا و تروتسكي و بتاع
الرّجُل من يقول هأنذا

Quote: ما تورينا عومك كيف ياخ

تراه بعيدا و أراه قريبا
الحكم السوفييتي الديكتاتوري عمر اكتر من كدا

Quote: تراه بعيدا و أراه قريبا

أحلام زلّوط

الإنتخابات بعد بكرة وهو برنامِج ما عِندو
و فهم ما عِندو
يقول ليك قريب
قريب السماء يا جيفار إنت

هو منو القال ليك انا اصلا مراهن على انتخابات؟
دي مجرد تمرين صغير في معركة الحرية و الديمقراطية

تمرين ليهو 20 سنة!!!؟
ياخ قوم لِف
بلا معركة بلا حُرِّية معاك
الكلام بِتاعك دة
دُرّاب لا علاقة له بأرض الواقع
يا ولد أمشي نوم أحسن ليك
دة ضياع زمن البِتعمل فيهو دة
حِب حُبّك و سيب السياسة لي ناسة
زي ود الجبل قال للموهوم بالثقافة البيصلِّحو في كلمة كريسيدا
إنتو قولوها و نِحن نركبه

قول كاااااااااااااااااك

الاستعمار التركي قعد كم سنة؟
و الانجليزي كم سنة؟
ديل كلهم حكمو البلد بالحديد و النار
زي باقي العسكر
المسالة ما مسألة زمن
مسألة بتاعة نضوج بتاع ظروف موضوعية

Quote: مسألة بتاعة نضوج بتاع ظروف موضوعية

الكلام دة يُخيّل لي من الكُتُب صاح؟
دة ما كلام واقِع يا حبيبي
عليك الله أمشي نوم
أمشي ياخ
حاسس بإشمئزاز شديد من جِنِس التنظير العبيط دة
عشرين سنة و تقول لي نضوج

الفهم قسم
راهن رهانك
و ان حكم الشعب لقريب لو كنت تعلم

Quote: و ان حكم الشعب لقريب لو كنت تعلم

شكلك من البيت لأصحابك الجي فارات
و شيءٌ من الحب
ثم يا البطانية جاك زول
أصحى يا تعلمجي أصحى

Quote: أصحى يا تعلمجي أصحى

اعمل حسابك دربي زلق يا نعسان

دربك زلق دي
تنفع عجز بيت في نوع شِعرك الخارِم بارِم داك
قال شان تعرِف انا مِنو

أها يا جي فارا
مادام زُغتة كدي تكون نِعِستة
أمشي نوم و أحلم و أقطع ليك قصيدة نوع حركة في شكل وهمة ديك شان تتحاوم بيها قدام جكس الجامعة في الشكل القلتو ليك داك زي البيرمي ليهو عيش في حوض زراعة
لو كمان ما نعسان قول أنا صاحي ليك

يا أخ سامي
شوف يا اخينا
أنا زول ما بعَرفَك ولا أي حاجة.. مظبوط؟
ولا عُمري هظّرتَ معاك ولا حصَل إتداخَلتَ معاك في بوست.. حلو؟
طيّب، عامِل ليْ برِنت اسكرين لمُداخلتي ليه؟
وجايب سيرتي على لسانَك ليه؟
أنا عايز أفهَم النُقطة دي

لو في حاجة خافية عليك عن عِلاقتي السابِقة بالحِزب الشيوعي
مُمكِن تسألني بصورة مُحترمة وبطريقة أحسن من كِدة
وأنا مُمكِن أرُد على أي استفسار منّّك ما عِندي مُشكلة
على كُل حال راجع مُداخلتي التِحِت دي عشان تستوعب شوية

فيا إبن الحلال، أُسلوبك الإتّبعتو معاي دة أنا بعتبرو غلط كبير في حقّي
إنتَ لِسّة في بداية طريقَك وأتمنّى إنّك تِتعلّم تحاورني بأسلوب غير كِدة
لاحِظ إنّي أنا ما ردّيت عليك مع إنَّك غِلِطتَ في حقّي
لكن جيتَك بى هِنا كزول أكبر منّك جاي يدّيك نصيحة
عِندَك خِلاف مع علاء يوسِف دي ما مُشكِلتي
لكن أنا ما بعَرفك وعُمري ما دخَلتَ معاك في حوار عشان تعمل لكلامي برنت اسكرين
عموماً أنا بتمنّى ليك التوفيق