Post: #1
Title: لندن ترحب بالزميلين كمال إدريس وأحمد القرشي..
Author: Muna Khugali
Date: 10-24-2009, 02:31 PM
Parent: #0
حمدلله علي السلامة..
لندن منورة..
|
Post: #2
Title: Re: لندن ترحب بالزميلين كمال إدريس وأحمد القرشي..
Author: مريم عبد الله
Date: 10-24-2009, 02:33 PM
Parent: #1
حمد الله على السلامه واقامه طيبة
|
Post: #3
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-24-2009, 02:45 PM
Parent: #2
حمد الله على السلامه واقامه طيبة
تسلمي يا مريم..
ليس هناك أجمل من لقاء اعزاء طللنا نعرفهم عن طريق الحرف فقط..
وعلي الرغم من أن الحرف وتشبيكه يعلمنا الكثير ..
الا أن اللقاء وجها لوجه يكمل الصورة ويفرحنا أكثر..
ليتك يا مريم كنت معنا في لندن..
مرحبا بكما..
|
Post: #4
Title: Re: لندن ترحب بالزميلين كمال إدريس وأحمد القرشي..
Author: Dr Salah Al Bander
Date: 10-24-2009, 03:00 PM
Parent: #3
حمد الله على السلامه واقامه طيبة
ومرحباً بهما أضافة الى مجتمع لندن
الودود .... الرحيم ....
|
Post: #5
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-24-2009, 11:33 PM
Parent: #4
Quote: ومرحباً بهما أضافة الى مجتمع لندن
الودود .... الرحيم .... |
باذن الله يا دكتور صلاح البندر..
دكتور أحمد القرشي سيغادرنا قريبا الي مقره..
بينما يستقر بيننا الاستاذ كمال إدريس..
لذلك ولضيق وقت الدكتور أحمد القرشي..
وحتي لا يضيع زمن الترحيب بالاستاذ كمال..
فاننا نلتقي غدا الساعة السادسة مساءا بالهوايت ليز
وهذه بمثابة اعلام لبورداب لندن الذين لم نتمكن من الاتصال بهم..
جميل ان نجتمع جميعا علي الالفة والمودة..
|
Post: #6
Title: Re: لندن ترحب بالزميلين كمال إدريس وأحمد القرشي..
Author: تاج السر محمد حامد
Date: 10-25-2009, 00:09 AM
Parent: #5
بالرغم من فقدنا الكبير والكبير جدا لحبيبنا كمال إدريس إلا أننا سعدنا أكثر حينما علمنا بأنه فى أيدى أمينه تحرسه وتخاف عليه .. لكما التحية والتقدير والاحترام بنات خوجلى ولكل الاحباب والزملاء بمدينة لندن ..
تاج السر
|
Post: #7
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-25-2009, 00:15 AM
Parent: #6
| Quote: بالرغم من فقدنا الكبير والكبير جدا لحبيبنا كمال إدريس إلا أننا سعدنا أكثر حينما علمنا بأنه فى أيدى أمينه تحرسه وتخاف عليه .. لكما التحية والتقدير والاحترام بنات خوجلى ولكل الاحباب والزملاء بمدينة لندن .. |
تاج السر
مرحب أخي تاج السر..
باذن الله سيكون في أمان دائم..وهو قطعا أخانا الذي نهتم به كما نهتم ببعضنا..
تحياتي ومودتي..
|
Post: #8
Title: Re: لندن ترحب بالزميلين كمال إدريس وأحمد القرشي..
Author: تاج السر محمد حامد
Date: 10-25-2009, 01:07 AM
Parent: #7
Quote: باذن الله سيكون في أمان دائم..وهو قطعا أخانا الذي نهتم به كما نهتم ببعضنا..
|
وهذا مايجعل القلب يطمئن .. تسلمى أختى منى
تاج السر
|
Post: #9
Title: Re: لندن ترحب بالزميلين كمال إدريس وأحمد القرشي..
Author: محمد المرتضى حامد
Date: 10-25-2009, 08:57 AM
Parent: #8
أدام الله التواصل والود،
تحايا لأحمد وكمال ومنى.
|
Post: #10
Title: Re: لندن ترحب بالزميلين كمال إدريس وأحمد القرشي..
Author: خالد حامد الجزولي
Date: 10-25-2009, 09:32 AM
Parent: #9
الأخ والزميل كمال إدريس
تجمعني به صداقة خاصة
وتوادد عجيب، ارتاح لطلته
والجلوس معه ومسامرته ،
آخر لقاء معه كانت بمنتزةالمطار
القديم عندما أولم لنجاح وتفوق
ابنه في امتحان الدخو ل للجامعة
واخبرني عن ابنه ومثابرته وتفوقه
ووو....
سوف تفتقده جده
أكيييييد
ومكتب الشرق الأوسط بها بالطبببببع
ولكنه مكسب للإخوة بالمملكة التحدة
ومدينة لندن خصوص
اختي منى خوجلى
هنيئاً لكم بالكسب الكبير أخونا كمال إدريس (كملي)
نتمنى له إقامة طيبة بينكم
وهو أمان
فأبقوا عليه 100
تحياتي
أبو الجزل
حقيقة علمت بقصة سفره مؤخراً جداً
|
Post: #11
Title: Re: لندن ترحب بالزميلين كمال إدريس وأحمد القرشي..
Author: الطيب شيقوق
Date: 10-25-2009, 10:16 AM
Parent: #10
حمد الله بالسلامة يا منى
برجعوا بمطار هثرو؟
عيييييييييييييييييك
|
Post: #16
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-25-2009, 04:45 PM
Parent: #11
Quote: حمد الله بالسلامة يا منى
برجعوا بمطار هثرو؟
عيييييييييييييييييك |
مطار هيثرو بقي عند 5 تيومينال..
كل تيرمينال قدر مطار الخرطوم كم مرة..
اه انت ما زهجت من مطاركم لمطار الخرطوم معظلم الوقت..
تعال لهيثرو..ونوعدكم ذلك اليوم أو أي يوم بعده.. لن تكون هناك متفجرات تخيفكم او تقتلكم..
ولا اجهزة تفتشكم غصبا عنكم
انت مسنوح يعني شنو يا ود شيقوق؟؟
|
Post: #14
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-25-2009, 03:55 PM
Parent: #10
Quote: الأخ والزميل كمال إدريس
تجمعني به صداقة خاصة
وتوادد عجيب، ارتاح لطلته
والجلوس معه ومسامرته ،
آخر لقاء معه كانت بمنتزةالمطار
القديم عندما أولم لنجاح وتفوق
ابنه في امتحان الدخو ل للجامعة
واخبرني عن ابنه ومثابرته وتفوقه
ووو....
سوف تفتقده جده
أكيييييد
ومكتب الشرق الأوسط بها بالطبببببع
ولكنه مكسب للإخوة بالمملكة التحدة
ومدينة لندن خصوص
اختي منى خوجلى
هنيئاً لكم بالكسب الكبير أخونا كمال إدريس (كملي)
نتمنى له إقامة طيبة بينكم
وهو أمان
فأبقوا عليه 100
تحياتي
أبو الجزل
حقيقة علمت بقصة سفره مؤخراً جداً |
مرحب بك أخي خالد..
هو في أمان بإذن الله..
ده علي أساس انه المقالب في لندن جزء من الامان..
مش في الضحك احساس بالأمان؟؟
أعتقد انه حفظ الشوارع الواقعة بجانب عمله في منطقة هولبورن..
واتعود يحوم براهو في أوكسفورد ستريت وبيكاديللي ودي كلها شوارع جنب بعضها..
بس قال عنده مشكله واحده..
ما بيقدر يمشي بيته بالبص..بس بالقطر!
كمال فعلا انسان ودود..لم يقصر في حضور افتتاح مطبخ ماما جارة..ربنا يحفظه..
تحياتي يا خالد..
|
Post: #12
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-25-2009, 03:19 PM
Parent: #9
Quote: أدام الله التواصل والود،
تحايا لأحمد وكمال ومنى. |
اللهم آمين..
وانت يا اخي وصديقي الغالي..
متي تمر علينا هنا؟؟
|
Post: #13
Title: Re: لندن ترحب بالزميلين كمال إدريس وأحمد القرشي..
Author: Elsanosi Badr
Date: 10-25-2009, 03:26 PM
Parent: #12
نتمني للاخوه اقامه سعيده وطيبه ...
وشكرا اختي مني بت خوجلي
|
Post: #15
Title: Re: لندن ترحب بالزميلين كمال إدريس وأحمد القرشي..
Author: Osman Musa
Date: 10-25-2009, 04:11 PM
Parent: #13
بت خوجلى
سلامات
اها .. الجنوب الجنوب هناك
جهات برايتن هناك البحر الأبيض المتوسط ضيق شديد .
ودالقرشى اليعوم يعوم بس يتخارج .. والعفش شحن CARGO .
دا كلام يا ناس .. التنقليز ديل جاهن جنون البقر ؟؟
تحياتى
|
Post: #17
Title: Re: لندن ترحب بالزميلين كمال إدريس وأحمد القرشي..
Author: الطيب شيقوق
Date: 10-25-2009, 05:00 PM
Parent: #15
بت العوض
عارفك نجيضة بالحيل وعشاء البايتات ومقنع الكاشفات البجيك كلو بتمشهديهو لحدى يعود لعولو
Quote: تعال لهيثرو..ونوعدكم ذلك اليوم أو أي يوم بعده.. لن تكون هناك متفجرات تخيفكم او تقتلكم..
ولا اجهزة تفتشكم غصبا عنكم |
افو افو افو ابوك آآآآآآآ عبد الله اجي لكاميراتكم يا بت العوض ؟ يسمعن بنات اعمي
| Quote: انت مسنوح يعني شنو يا ود شيقوق؟؟ |
مشوطن يا مسنوحة
|
Post: #21
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-26-2009, 00:49 AM
Parent: #17
عولو ده منو؟؟
|
Post: #18
Title: Re: لندن ترحب بالزميلين كمال إدريس وأحمد القرشي..
Author: Mohammed Haroun
Date: 10-25-2009, 05:14 PM
Parent: #15
ألف مرحب وإلى أن نلتقي مساء اليوم في شارع الملكة.
تشكري ياالخوجلية على المجهودات الطيبة.
تحياتي
|
Post: #27
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-26-2009, 12:12 PM
Parent: #18
Quote: ألف مرحب وإلى أن نلتقي مساء اليوم في شارع الملكة.
تشكري ياالخوجلية على المجهودات الطيبة.
تحياتي |
محمد هارون قال في الاول بيجي يسلم ويقعد ساعو ويمشي علشان عنده شغل مهم لازم يخلصه..
وانتهي الامر بأن كان آخر المغادرين وعلي وجهه ابتسامة طيبة تشبه قلبه..
ودعوة منه السبت القادم في مطعم معروف عن أهله الحضارة العريقة..
ويحبون الغناء والرقص حبا جما..
بختنا غايتو..
محمد اتذكرت حجزت؟؟
|
Post: #23
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-26-2009, 11:20 AM
Parent: #15
Quote: بت خوجلى
سلامات
اها .. الجنوب الجنوب هناك
جهات برايتن هناك البحر الأبيض المتوسط ضيق شديد .
ودالقرشى اليعوم يعوم بس يتخارج .. والعفش شحن CARGO .
دا كلام يا ناس .. التنقليز ديل جاهن جنون البقر ؟؟
تحياتى |
يا عثمان لمتنا امس كانت حلوة شديد..
وأحمد القرشي وآسيا اتبادلوا في حضورنا الونسه الفنية عن أغاني الحقيبة ومناسبات أشعارها..
وكان لأهل بت ربيع نسبة عظيمة في المناسبات والاسباب التي قيلت فيها تلك الاشعار..
ثم كانت مداخلات صلاح البندر قيمة اذ انها وعدت القرشي باتصالات مع آخرين لهم باع في المجال..
ياسلام علينا واحنا بنسمع في الاشعار وقدرتها علي التوصيف..
ثم اعجاب من كمال ومشاركة في بعضها و"دورابات" كبيرة من مني خوجلي وكوجان الفنان..
كنا نود زيارة برايتون ومقابلة العزيز زميلنا أسامة..
لكن تحديد الوقت صعب واسامة مشغول بالبنية الجديده والجامعة والعمل..والجو ذلك غير مضمون
نمشي الصيف باذن الله لو الجنوب هو الجنوب وتم ايصاله بأنبوبة حتي بالبحر المتوسط حتي خرج لنا سمكه الطاعم
لنأكله بالهنا والشفا...
انا بالنسبة لجنون البقر فان آخر النظريات والبحوث العلمية قد كشفت ان جنون البقر اساسا سببه الانسان..
واصبح الاصح في دعوتهم..ان يبعدوا البقر من الانسان حتي لا يمرض البقر أكثر..
وهذا من باب العلم والثقافة كما قيل..
اها انت جاي لندن متين؟؟
|
Post: #19
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-25-2009, 11:55 PM
Parent: #13
Quote: نتمني للاخوه اقامه سعيده وطيبه ...
وشكرا اختي مني بت خوجلي |
السنوسي كيف حالك..
ياريتك كنت معانا الليلة..
لقاء جميل في كل لحظاته..
حكينا وناقشنا وضحكنا كما نود وكما تمنينا,,
وفي كل لحظه..
كنا نشكر بكري علي اعطائنا الفرصة لنتعارف ونتحابب ونتقارب..
الونسة كانت كتيرة..أكيد بنحكيها ليكم..
|
Post: #20
Title: Re: لندن ترحب بالزميلين كمال إدريس وأحمد القرشي..
Author: نبيل عبد الرحيم
Date: 10-26-2009, 00:32 AM
Parent: #19
الأخت منى
تحياتى لضيوف عاصمة الضيوف
|
Post: #22
Title: Re: لندن ترحب بالزميلين كمال إدريس وأحمد القرشي..
Author: Magdi Ahmed Elsheikh
Date: 10-26-2009, 01:01 AM
Parent: #20
اختي الغالية مني ,,
لك التحية وكيف عاملة الدنيا معاك,,
وشكرا لاكرامك ضيوف لندن ,,
وارقدي عافية,,
وهبوب الليل ده ماتابعي كلامو ,,
اصلو هو كدة مسنوح ومسيخيت من ما قام ,,
وود القرشي الفيك انعرفت !!
|
Post: #24
Title: Re: لندن ترحب بالزميلين كمال إدريس وأحمد القرشي..
Author: محمد ابراهيم قرض
Date: 10-26-2009, 11:53 AM
Parent: #22
منى ..
التحية لضيوفك ..
بس أحمد ده ما يرجع
إلا طابق فردته ...
تكون زيارة موفقة
شدييييد ...
|
Post: #25
Title: Re: لندن ترحب بالزميلين كمال إدريس وأحمد القرشي..
Author: الطيب شيقوق
Date: 10-26-2009, 12:00 PM
Parent: #24
ناس شيقا
|
Post: #26
Title: Re: لندن ترحب بالزميلين كمال إدريس وأحمد القرشي..
Author: Magdi Ahmed Elsheikh
Date: 10-26-2009, 12:07 PM
وشيقا ده شنو؟؟!!
|
Post: #28
Title: Re: لندن ترحب بالزميلين كمال إدريس وأحمد القرشي..
Author: كمال ادريس
Date: 10-26-2009, 05:39 PM
Parent: #26
ياسلام يازعيمة
كان لقاءكم ادفأ من صيف جدة
وكما في جدة
وكما في الخرطوم
هؤلاء هم البورداب
احباب وأهل
يلتقون كانهم يعرفون بعضهم من زمن
رغم ان بينهم الشاشة فقط ... الا ان البشاشة هي الرابط الجامع عندما يتلقى اهل هذا الحوش العالمي
اما انتم : بورداب لندن فاكيد لي عودة لايضاح سماحة نفوسكم.
|
Post: #37
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-28-2009, 00:24 AM
Parent: #28
أخونا الطيب الضاحك كمال..
والله انا اسعد زول بمعرفتك وأحمد القرشي..
اخوان مهذبين يسعد بلقائهم اي انسان..
ربنا يحفظطم لاسركم ولينا..
وفعلا اي واحد كان زي كأنه بيعرف التاني من سنين..
ربنا يديم الاخوة بيننا..
تكون الضحكة والكلمة الطيبة نور طريقنا..
تسلم أخوي
الجميلة آسيا وطرف الصديقة الدكتورة عايده..
|
Post: #36
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-27-2009, 10:24 PM
Parent: #24
Quote: منى ..
التحية لضيوفك ..
بس أحمد ده ما يرجع
إلا طابق فردته ...
تكون زيارة موفقة
شدييييد ... |
مرحب يا قرض..
ضيوف حلوين وبورداب حلوين..ربنا يحفظهم كلهم..
موضوع طابق الفرده ده صعب نسعي فيه..
لأننا نتذكر القول..
"امشي في جنازة ولا تمشي في جوازة"
وبعدين زي أحمد ده..العروسة هي التجي تفتشه
زول مهذب ومثقف وفنان وابن اصول..
هي العروسه يعني عايزة شنو أكتر من كده؟؟
حتي لو عايزه تنهب ما بتنهب قدر أحمد..
ربنا يوفقه باذن الله ويبعد عنه اللي معرفش ايه..
انت ملاحظ انا دخلت طوالي في دور الام ولا الزول المسئول؟؟
يعلم الله دخل قلبي بطيبته وأخلاقه الكريمة..
اها بنقابلك انت في لندن متين؟؟
|
Post: #29
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-27-2009, 08:51 AM
Parent: #22
Quote: اختي الغالية مني ,,
لك التحية وكيف عاملة الدنيا معاك,,
وشكرا لاكرامك ضيوف لندن ,,
وارقدي عافية,,
وهبوب الليل ده ماتابعي كلامو ,,
اصلو هو كدة مسنوح ومسيخيت من ما قام ,,
وود القرشي الفيك انعرفت !! |
مرحب مجدي أخوي..
الدنيا حلوه مادمنا نصر فيها علي مواصلة الانسانية زاد الحياة..
ولقاء لندن ماكان يمكن ان يكون جميلا الا بهم..الضيوف من البورداب والمشاركون في الاحتفال بهم..
جلستنا ضمت..
كمال إدريس..
أحمد القرشي..
آسيا ربيع..
صلاح بندر..
ابراهيم كوجان..
محمد هارون..
مني خوجلي..
وأصدقاء البورداب..
أمينة..
عايده..
وطفل جميل..
واعتذر السنوسي..
واشرف مصطفي..
ولم تتمكن ماجده من الحضور..
كانت أمسية مفرحة..
سنكررها بإذن الله أقبل سفر العزيز زميلنا ود القرشي..
|
Post: #30
Title: Re: لندن ترحب بالزميلين كمال إدريس وأحمد القرشي..
Author: الطيب شيقوق
Date: 10-27-2009, 08:54 AM
Parent: #29
من الحلفاية يا مسنوح
انت وين مختفي؟ والله مشتاقون اليك
|
Post: #31
Title: Re: لندن ترحب بالزميلين كمال إدريس وأحمد القرشي..
Author: Mohammed Haroun
Date: 10-27-2009, 11:43 AM
Parent: #30
(الدنيا حلوه مادمنا نصر فيها علي مواصلة الانسانية زاد الحياة..
ولقاء لندن ماكان يمكن ان يكون جميلا الا بهم..الضيوف من البورداب والمشاركون في الاحتفال بهم..)
الدنيا حلوة وجلستنا أحلى يا زعيمة ... ألحقي جيبي الصور من الإيميل بتاعك.
ودشيقوق كيفنك ... يا أخي حسدناكم عديل في ود القرشي السمح الأريب ... لكن بندرع ليهو الحبل في رقبتو ..
تحياتي
|
Post: #32
Title: Re: لندن ترحب بالزميلين كمال إدريس وأحمد القرشي..
Author: انعام حيمورة
Date: 10-27-2009, 02:22 PM
Parent: #31
Quote: جلستنا ضمت..
كمال إدريس..
أحمد القرشي..
آسيا ربيع..
صلاح بندر..
ابراهيم كوجان..
محمد هارون..
مني خوجلي..
وأصدقاء البورداب..
أمينة..
عايده..
وطفل جميل..
واعتذر السنوسي..
واشرف مصطفي..
ولم تتمكن ماجده من الحضور..
كانت أمسية مفرحة.. |
ذكرتيني يامنى احتفالنا لمن يجونا ناس من برة .. شفتي بنكون سعدين كيف وفرحانين كيف ..
كمال ادريس واحمد القرشي اتمنى ليكم اقامة طيبة وجو حلو ورفقة طيبة مع ناس لندن ..
شهر 12 على الابواب فمرحب باصحابنا ديللك عشان نهيص نحن كمان زيكم يامنى ..
|
Post: #39
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-28-2009, 01:38 AM
Parent: #32
Quote: ذكرتيني يامنى احتفالنا لمن يجونا ناس من برة .. شفتي بنكون سعدين كيف وفرحانين كيف ..
كمال ادريس واحمد القرشي اتمنى ليكم اقامة طيبة وجو حلو ورفقة طيبة مع ناس لندن ..
شهر 12 على الابواب فمرحب باصحابنا ديللك عشان نهيص نحن كمان زيكم يامنى .. |
فعلا يا نعومتي الضيوف بيفرحونا بجيتهم..
كأنهم جابو السودان معاهم وجونا..
احنا ذاتنا بنكون محتاجين نطلع ونتفسح معاهم..
لكن انا دايما بقول للجايين فسحة لانجلترا..
اعملوا تأشيرات الدول المجاورة..بيكون السفر ليها رخيص وفرصة يشوفوا عدة دول اوروبيه
لما تجينا تعمليها..
نسافر سوا..
وربنا يسهل يا نعومي..شهر 12 فعلا قرب شديد..
|
Post: #33
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-27-2009, 03:05 PM
Parent: #20
Quote: الأخت منى
تحياتى لضيوف عاصمة الضيوف |
مرحب يا نبيل..
كل من يأتي للندن من زملاء البورد هم أهل وأحباب يسعدنا مقابلتهم..
نهديك احدي الصور..
في الصوره كمال..آسيا..احمد القرشي..الصديقة أمينة وابنها ثم صلاح بندر في باب الهوايت ليز
|
Post: #34
Title: Re: لندن ترحب بالزميلين كمال إدريس وأحمد القرشي..
Author: أحمد الشايقي
Date: 10-27-2009, 04:06 PM
Parent: #33
منى يا ملكة
مساء الخير
وشكرا للترحاب الوافر بالاصدقاء د, أحمد القرشي والاخ كمال ادريـس
البوست حقي متين ؟
أحمـد
|
Post: #35
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-27-2009, 04:56 PM
Parent: #34
Quote: منى يا ملكة
مساء الخير
وشكرا للترحاب الوافر بالاصدقاء د, أحمد القرشي والاخ كمال ادريـس
البوست حقي متين ؟
أحمـد |
قريب يا سيد الناس..
انت بس تعال..
حمدلله علي السلامة..
صلح بندر..كمال ادريس..وأمينة
نعال وتلقي الناس الحلوة دي منتظراك..
|
Post: #38
Title: Re: لندن ترحب بالزميلين كمال إدريس وأحمد القرشي..
Author: حمزه بابكر الكوبي
Date: 10-28-2009, 00:31 AM
Parent: #35
التحيه لبورداب لندن علي استضافة العمالقه
|
Post: #40
Title: Re: لندن ترحب بالزميلين كمال إدريس وأحمد القرشي..
Author: Moneim Malik
Date: 10-28-2009, 02:08 AM
Parent: #38
سلامات يامنى كيف اخباركم والحاجة وزمن طويل غبنا عنكم
شوفى يابنت الخال د قرشى دا ودعمتى وود خالتى اتعرفى بية
وماتقصروا معاهو وسلامات يا د وماتخربها وتجينا
|
Post: #41
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-28-2009, 02:26 AM
Parent: #40
Quote: سلامات يامنى كيف اخباركم والحاجة وزمن طويل غبنا عنكم
شوفى يابنت الخال د قرشى دا ودعمتى وود خالتى اتعرفى بية
وماتقصروا معاهو وسلامات يا د وماتخربها وتجينا |
اها دا بس يقولوا عليه شنو بس؟؟
اخوي وفي صلة الدم ود عمتي..
يجي يقول لي أحمد القرشي ود عمتي وود خالتي؟؟
أماني الدنيا دي ماهي صغيري!
انت ذاتك غايب وين؟؟
وما شايفاك في اعراس امريكا الكتيرة..
اطنك مالحقت تسافر..
كيفك انت وكيف أحوالك وكيف الاهل في الخرطوم وبارة..
عليك الله ماتغيب..
كل ماتكون في بحس بالخليفة موجود وبيسمع ونستنا..
|
Post: #42
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-28-2009, 10:15 AM
Parent: #38
| Quote: التحيه لبورداب لندن علي استضافة العمالقه |
مرحب يا حمزة ومبروك لولدك..
فعلا ضيوفنا ماهم هينين..
شرفونا وشرفوا جلساتنا..
عقبال ما نشوفك ونشوف أي بوردابي وبوردابية..
ونزين اوقاتنا بمعرفتهم..
سلم علي ابو بتي كابتن عبدالرحمن الزين وقول ليه مشتاقين
احيي معك بورداب لندن وحرصهم علي التواصل..
أحمد القرشي..مني..كوجان
|
Post: #43
Title: Re: لندن ترحب بالزميلين كمال إدريس وأحمد القرشي..
Author: الطيب شيقوق
Date: 10-28-2009, 10:21 AM
Parent: #42
محمد هارون
| Quote: ودشيقوق كيفنك ... يا أخي حسدناكم عديل في ود القرشي السمح الأريب ... لكن بندرع ليهو الحبل في رقبتو .. |
يا اخي انا ذاتي حاسد ود القرشي على جلستو دى
التحية عبركم للاخ الدكتور كوجان
|
Post: #44
Title: Re: لندن ترحب بالزميلين كمال إدريس وأحمد القرشي..
Author: Mohammed Haroun
Date: 10-29-2009, 12:17 PM
Parent: #43
(يا اخي انا ذاتي حاسد ود القرشي على جلستو دى )
ود شيقوق حبابك .... أها يوم السبت حا نودي ود القرشي لأهلك الحنان ... غايتو حا يجيك بي سماح الوصف.
تحياتي
|
Post: #45
Title: Re: لندن ترحب بالزميلين كمال إدريس وأحمد القرشي..
Author: حمزه بابكر الكوبي
Date: 10-29-2009, 08:00 PM
Parent: #44
| Quote: مرحب يا حمزة ومبروك لولدك.. |
الله يبارك فيك يامني وعقبال اولاد اولادك انشاءالله
Quote: فعلا ضيوفنا ماهم هينين..
شرفونا وشرفوا جلساتنا..
عقبال ما نشوفك ونشوف أي بوردابي وبوردابية..
ونزين اوقاتنا بمعرفتهم..
|
والله شرفتونا يابورداب لندن ورفعتوا راسنا ...في اتصال هاتفي مع الدكتور احمد
القرشي بشكر فيكم شكر ماعادي وحا يقطع فيكم كم بيت بتاع دوبيت .....
| Quote: سلم علي ابو بتي كابتن عبدالرحمن الزين وقول ليه مشتاقين |
يبلغ انشاءالله ....بس الم فيه !!!! باقي كابتن عبدالرحمن الزين ده زي ود المويه ....مابتقبض اصله
تحياتي مجددا لك ولكل شباب لندن
|
Post: #46
Title: Re: لندن ترحب بالزميلين كمال إدريس وأحمد القرشي..
Author: عبدالحافظ عثمان
Date: 10-30-2009, 01:32 AM
Parent: #45
وايضا مدينة كاردف ترحب بالاخ كمال والاخ احمد ونتمنى لهم اقامه واستقرار سريع.
وفى كاردف الجاليه السودانيه التى تحس بان كل سودانى كاردف اهل بالمواصله والاهنمام بالاخريين حتى تخال نفسك بانك فى حى من احى السودان .
(زمن جوز الحمام كان اريعه مش ذى هسع)
احتفال الجالية السودانيه باسبوع السودان الثقافى عام 2008
مرحبا بكم ونتمنى ان نتواصل وتزورا مدينة كاردف.
وقلبى قبل بابى لكم مفتوح....
لكم الود
عبد الحافظ
|
Post: #47
Title: Re: لندن ترحب بالزميلين كمال إدريس وأحمد القرشي..
Author: كمال ادريس
Date: 10-30-2009, 04:03 AM
Parent: #46
اسمحوا لي ياخوانا بفاصل كسير تلج... ليس لغرضه الاساسي ... بل لاضيفه الى كاسات العصير لهذه الكوكبة التي اشعرتنا بدفء اذهب عنا برد لندن.
بدأ اللقاء في مقهى انيق بمبنى هوايت ليز وانتهي في مطعم الخان الافغاني.
هنا كانت قامات لم التقيهم قبلا الا من خلال البورد ... عند لقياهم يأسرونك بحديثهم فكلهم عالم في مجاله:
الدكتور ابراهيم كوجان ظل يقدم استشارته الطبية الى الفنانة اسيا ربيع في "النيو لوك" وابدع بالحديث مع النادلة.
الاخت أمينة: لفت نظرها الدجاج المشوي على طريقة الـ full makeup
الاستاذ محمد هارون قاد الحديث عن ظرافة ود شيقوق... ووعد ببرنامج كبير يوم السبت!!!
الفنانة اسيا ربيع تدفقت في الحديث مع الدكتور احمد القرشي وكشفت عن سر "رق" سرور القابع في منزل خالتها في امدرمان... واندهش عاشق الحقيبة من سر انطلاق عدد من اغنيات الزمن الجميل من داخل حوش اسرة ربيع.
الدكتور صلاح البندر: كنت قد كونت عنه رايا مسبقا من خلال متابعة عدد من البوستات هنا... لكن حقيقة اندهشت من هذا الرجل الموسوعة الذي يحمل قلب طفل وعقل عالم ... لم اسنكف سؤاله عن قصة المسبحة... وقصص البحرين... تحدث عن رسالة الفن في وحدة الشعب السوداني... وكيف ان معظم تاريخنا كتبه غيرنا... وتحدث عن رحلته في بلاد المهجر.
اما الزعيمة منى خوجلي فكانت مع محمد هارون اياد تجمل ذلك اللقاء.. وطرحت ضرورة قيام كيان لبورداب لندن مايدل على رسوخ الكرم والإلفة مع ابناء هذا الحوش الكبير... ويكفي انها استقبلتني بمقلب لن انساه ... في بوست (افتتاح مطبخ امكم جارة).
العزيز د. احمد القرشي... يتدفق جمالا والقا وعلما ... واطمأن الجميع عندما علموا ان هذا الجمال سيحتضنه سفر قادم يعكف الدكتور على اعداده مستصحبا كل المعلومات والاشارات التي ترد باضطراد لحفظ تراثنا في حقيبة الفن.
شكرا لكم جميعا على حرارة الاستقبال
وموصول للاخوة/ات المتداخلين
|
Post: #54
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 11-01-2009, 01:28 PM
Parent: #47
Quote: اسمحوا لي ياخوانا بفاصل كسير تلج... ليس لغرضه الاساسي ... بل لاضيفه الى كاسات العصير لهذه الكوكبة التي اشعرتنا بدفء اذهب عنا برد لندن.
بدأ اللقاء في مقهى انيق بمبنى هوايت ليز وانتهي في مطعم الخان الافغاني.
هنا كانت قامات لم التقيهم قبلا الا من خلال البورد ... عند لقياهم يأسرونك بحديثهم فكلهم عالم في مجاله:
الدكتور ابراهيم كوجان ظل يقدم استشارته الطبية الى الفنانة اسيا ربيع في "النيو لوك" وابدع بالحديث مع النادلة.
الاخت أمينة: لفت نظرها الدجاج المشوي على طريقة الـ full makeup
الاستاذ محمد هارون قاد الحديث عن ظرافة ود شيقوق... ووعد ببرنامج كبير يوم السبت!!!
الفنانة اسيا ربيع تدفقت في الحديث مع الدكتور احمد القرشي وكشفت عن سر "رق" سرور القابع في منزل خالتها في امدرمان... واندهش عاشق الحقيبة من سر انطلاق عدد من اغنيات الزمن الجميل من داخل حوش اسرة ربيع.
الدكتور صلاح البندر: كنت قد كونت عنه رايا مسبقا من خلال متابعة عدد من البوستات هنا... لكن حقيقة اندهشت من هذا الرجل الموسوعة الذي يحمل قلب طفل وعقل عالم ... لم اسنكف سؤاله عن قصة المسبحة... وقصص البحرين... تحدث عن رسالة الفن في وحدة الشعب السوداني... وكيف ان معظم تاريخنا كتبه غيرنا... وتحدث عن رحلته في بلاد المهجر.
اما الزعيمة منى خوجلي فكانت مع محمد هارون اياد تجمل ذلك اللقاء.. وطرحت ضرورة قيام كيان لبورداب لندن مايدل على رسوخ الكرم والإلفة مع ابناء هذا الحوش الكبير... ويكفي انها استقبلتني بمقلب لن انساه ... في بوست (افتتاح مطبخ امكم جارة).
العزيز د. احمد القرشي... يتدفق جمالا والقا وعلما ... واطمأن الجميع عندما علموا ان هذا الجمال سيحتضنه سفر قادم يعكف الدكتور على اعداده مستصحبا كل المعلومات والاشارات التي ترد باضطراد لحفظ تراثنا في حقيبة الفن.
شكرا لكم جميعا على حرارة الاستقبال
وموصول للاخوة/ات المتداخلين
(عدل بواسطة كمال ادريس on 30-10-2009, 03:22 ص) |
هي فعلا مجموعه طيبة.. تسعد برفقتها ورقيها ووعيها..
في مجال الفن كانت جلسة لم نشبع فيها من المعلومات والحوار الدائر بينكم جميعا وآسيا وأحمد يبهرونا بما يخزنون
من المعلومات..ثم لا حظ كيف تنساب المعلومة بلطف حين يصاحبها الأداء الممتع..
أنت ايضا مكسب لبورداب لندن..وباذن الله يكبر تجمعنا ويصير أجمل.. ا
|
Post: #48
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-30-2009, 03:29 PM
Parent: #46
Quote: وايضا مدينة كاردف ترحب بالاخ كمال والاخ احمد ونتمنى لهم اقامه واستقرار سريع.
وفى كاردف الجاليه السودانيه التى تحس بان كل سودانى كاردف اهل بالمواصله والاهنمام بالاخريين حتى تخال نفسك بانك فى حى من احى السودان . |
اخي وزميلي عبد الحافظ..
تحية لندنية سودانية..
سعدت جدا بمداخلتك المقدرة واللطيفه..وسعدت بترابطكم في مدينة كارديف والتي زرتها منذ شهور طويل ووجب علي أن اعاودها..
كنت اتمني لو كان هناك وقتا متوفر لأحمد القرشي حتي يزوركم..كان قطعا سيسعد بكم والتعرف عليكم وجها لوجه..الا انه
سيغادرنا بعد يومين فقط..
لكن أخونا كمال موجود..وباذن الله ننسق كبورداب للحضور والتعرف عليكم وعلي الجالية هناك..وكذلك نضع برنامج بحيث تزورونا
انتم ايضا حين يسمح وقتكم...
تحياتي لك ولابن عمي عماد عثمان والعزيزة الغاليه تماضر الخنساء وكل سودانيين بكارديف..
|
Post: #49
Title: Re: لندن ترحب بالزميلين كمال إدريس وأحمد القرشي..
Author: محمد المرتضى حامد
Date: 10-30-2009, 08:22 PM
Parent: #48
يا أحمد،
ناس المطعم الأثيوبي عندهم سي ديز ل Yared جيب منهم واحد،
فيهو صولو بالساكس لايقل بأي حال من الأحوال عن الزغني النووي ،
كان ما لقيتو بلبس قميص مقاس 16 .
|
Post: #50
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 10-30-2009, 10:55 PM
Parent: #49
Quote: يا أحمد،
ناس المطعم الأثيوبي عندهم سي ديز ل Yared جيب منهم واحد،
فيهو صولو بالساكس لايقل بأي حال من الأحوال عن الزغني النووي ،
كان ما لقيتو بلبس قميص مقاس 16 |
.
أحمد طاشي في المتاحف والمكتبات القديمة..لكنه قطعا لن يفوت يوم غد..
بكره يوم جميل آخر باذن الله 
أهلنا من شرق افريقيا يحبونا ونحبهم..لازم نلقي عندهم سي دي ليك باذن الله..
آسيا ومني ونقاش مع كمال وأحمد عن القدرة علي حفظ الشعر والاغاني..
|
Post: #51
Title: Re: لندن ترحب بالزميلين كمال إدريس وأحمد القرشي..
Author: محمد خليل ساني
Date: 10-31-2009, 08:46 AM
Parent: #50
أجمل إثنين فى أجمل بلد
وكيف لا تكون جميله وأنتي فيها
إليك أيتها الملكة منى خوجلي
|
Post: #52
Title: Re: لندن ترحب بالزميلين كمال إدريس وأحمد القرشي..
Author: الطيب شيقوق
Date: 10-31-2009, 09:17 AM
Parent: #51
محمد هارون السمح كيفك؟
| Quote: أها يوم السبت حا نودي ود القرشي لأهلك الحنان ... غايتو حا يجيك بي سماح الوصف. |
ما اظنك لقيت فيهو فرقة عشان توديهو .
|
Post: #53
Title: Re: لندن ترحب بالزميلين كمال إدريس وأحمد القرشي..
Author: Mohammed Haroun
Date: 10-31-2009, 03:19 PM
Parent: #52
| Quote: ما اظنك لقيت فيهو فرقة عشان توديهو |
شيقا شيخ العروب حبابك
الفنانة الإثيوبية (ميلات) قالت حا تغني لينا أغنية عزاز علينا شالو نوم عينينا ... دي حا تفوتك يا شيخ العرب لكن يا أخوي الجايات أكتر من الرايحات.
تخريمه:
واحد صاحبنا عمل حادث وسيارتو إتلجنت ... جينا نسلم عليهو وقلنا ليهو الجاتك في مالك سامحتك.
صاحبنا رد علينا وقال والله أبداً ما سامحتني .. كان سامحتني كان ما تجيني خالص... يا سلام هو على كيفك يا بيه!!!
تحياتي
|
Post: #55
Title: Re: لندن ترحب بالزميلين كمال إدريس وأحمد القرشي..
Author: Mohammed Haroun
Date: 11-02-2009, 08:10 PM
Parent: #53
يا سلام كانت لمه حلوة لكن يا حسرة ما عرفت أظبط فلاش الكمرة والصور طلعت مضلمة يا الخوجلية.
وداعاً صديقنا الجميل د. احمد القرشي ... على فكرة إتصلت عليه وكان في طريقه إلى المطار وقلت له رافقتك السلامة.
تحياتي
|
Post: #57
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 11-03-2009, 03:45 PM
Parent: #53
| Quote: الفنانة الإثيوبية (ميلات) قالت حا تغني لينا أغنية عزاز علينا شالو نوم عينينا ... دي حا تفوتك يا شيخ العرب لكن يا أخوي الجايات أكتر من الرايحات. |
والله المرة الفاتت غنتها..
لكن قعدنا كده مسافه طويلة حتي عرفنا انها قاصدة الاغنية دي!
طبعا ده زعل لانها مرضت يوم دعوة البورداب لاحمد القرشي وكمال وإعتذرت في آخر وقت من الحضور..
|
Post: #56
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 11-03-2009, 12:52 PM
Parent: #51
Quote: أجمل إثنين فى أجمل بلد
وكيف لا تكون جميله وأنتي فيها
إليك أيتها الملكة منى خوجلي |
يا ساني انجلترا دي بلد عريقه..
عريقه ببرلمانها وعلمها ومؤسساتها وجمالها..
عريقه في احترامها للانسان وفي استقبالها له..
ياخ دول في حجم القارات مازالت تحت لوائها وتحلف بالملكة دستوريا..
ماما كوين ربنا يخليها لينا..
لندن مدينة الجمال بكل مقاييسه والاتفاق عليه..
أما بعد:D :D
نتمني في المرات الجايات تجينا زياره انت وزوجتك..
وتحتفل بيكم لندن..
يعني اتخيل سودانيين سمحين بمقاييس محمد المرتضي السمحين والسمحات..
يكونوا في مجينة سمحة زي لندن!
شكرا علي مشاركتنا بوست الاحتفال بزملاءنا الحلوين..
تسلم أخوي..
|
Post: #58
Title: Re: لندن ترحب بالزميلين كمال إدريس وأحمد القرشي..
Author: كمال ادريس
Date: 11-03-2009, 08:19 PM
Parent: #56
جلسة المطعم الاثيوبي زينها اخوة كرام منهم عدد من الاطباء من زملاء الدكتور احمد القرشي، وفاجأ الحضور البوردابي الكوماندر هاشم بدر الدين، وبعيدا عن السياسة دار حوار حول صحن "الزقني" واختلافه بين المطبخ الاثيوبي والاريتري... وابدع الكوماندر في تفاصيل صحن البامية وانها تطبخ بطريقة افضل لدى اليوغنديين وان لحم الرقبة أطعم من فخذ الخروف في طبخها، وشاركه في لوصفات ابن خالته الدكتور صلاح البندر الذي دعا بورداب لندن الى اتخاذ ديوان السودان في مطعمه نون في شبردبوش مكانا دائما لملتقايتهم.
البوردابية الفنانة آسيا ربيع حدثتني عن عملها السابق ـ منذ حوالي خمس سنوات ـ كسائقة في باصات لندن وانداحت في الحكايات العريبة والعجيبة ثم ختمتها بالحادثة المؤسفة التي كانت قد تعرضت لها حيث قام احدهم باطلاق الرصاص عليها وهي داخل الباص، وتحولت الى سابقة في دخول سودانية لهذا المجال في بريطانيا.
الجميع كان يرقب المسرح على مدخل المطعم والمايكات مجهزة لصعود المطربة الا ان الزميل احمد هارون قدم اعتذار الفنانة الاثيوبية عن الحضور بسبب المرض، ووعد بالتعويض في جلسة قادمة.
|
Post: #59
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 11-03-2009, 11:58 PM
Parent: #58
Quote:
جلسة المطعم الاثيوبي زينها اخوة كرام منهم عدد من الاطباء من زملاء الدكتور احمد القرشي، وفاجأ الحضور البوردابي الكوماندر هاشم بدر الدين، وبعيدا عن السياسة دار حوار حول صحن "الزقني" واختلافه بين المطبخ الاثيوبي والاريتري... وابدع الكوماندر في تفاصيل صحن البامية وانها تطبخ بطريقة افضل لدى اليوغنديين وان لحم الرقبة أطعم من فخذ الخروف في طبخها، وشاركه في لوصفات ابن خالته الدكتور صلاح البندر الذي دعا بورداب لندن الى اتخاذ ديوان السودان في مطعمه نون في شبردبوش مكانا دائما لملتقايتهم.
البوردابية الفنانة آسيا ربيع حدثتني عن عملها السابق ـ منذ حوالي خمس سنوات ـ كسائقة في باصات لندن وانداحت في الحكايات العريبة والعجيبة ثم ختمتها بالحادثة المؤسفة التي كانت قد تعرضت لها حيث قام احدهم باطلاق الرصاص عليها وهي داخل الباص، وتحولت الى سابقة في دخول سودانية لهذا المجال في بريطانيا.
الجميع كان يرقب المسرح على مدخل المطعم والمايكات مجهزة لصعود المطربة الا ان الزميل احمد هارون قدم اعتذار الفنانة الاثيوبية عن الحضور بسبب المرض، ووعد بالتعويض في جلسة قادمة. |
مش إحنا الما محظوظين يا كمال برانا..الفنانه دي ذاتها ما محظوظة..
لانها لو جات كان لقت دكاترة كتار معانا من تخصصات مختلفة ولتم علاجها بواسطتهم في متشفيات البلد المختلفة!
وبعدين ليه ما حكيت عن دكتورنا زول اوكسفورد صديق دكتور حسان واحمد القرشي وعن معرفته لكل بوردابي
حتي وعلي الرغم من انه ليس عضوا؟؟
الحمدلله مع البورداب يوجد اصدقاء البورداب الذين يتابعون الموقع ربما اكثر من بورداب كثيرين..
ويتحفون بتعليقاتهم ويشاركونا نقاش القضايا المختلفة..
|
Post: #60
Title: Re: لندن ترحب بالزميلين كمال إدريس وأحمد القرشي..
Author: ماجدة عوض خوجلى
Date: 11-04-2009, 01:59 AM
Parent: #1
|
Post: #61
Title: Re: لندن ترحب بالزميلين كمال إدريس وأحمد القرشي..
Author: مجدي عبدالرحيم فضل
Date: 11-05-2009, 08:49 AM
Parent: #60
ماجدة صفحة بيضاء
ود القرشي
يطبب كل المجالس
كمال يأخذ مقال ويحوره سياسي (أسياس)
تاني مابتجينا ياكيمو !
مني بت الخليفة جامعة الأحباب
أسيا ربيع زوله مبالغه بس
،،،،أبوقصي،،،،
|
Post: #62
Title: Re: لندن ترحب بالزميلين كمال إدريس وأحمد القرشي..
Author: Osman Musa
Date: 11-05-2009, 03:33 PM
Parent: #61
د / أحمد القرشى
سلامات
جد جد . جماعتك فى ايرلندا منتظرين .
تحياتى
|
Post: #63
Title: Re: لندن ترحب بالزميلين كمال إدريس وأحمد القرشي..
Author: Mohammed Haroun
Date: 11-05-2009, 03:48 PM
Parent: #62
(الجميع كان يرقب المسرح على مدخل المطعم والمايكات مجهزة لصعود المطربة الا ان الزميل احمد هارون قدم اعتذار الفنانة الاثيوبية عن الحضور بسبب المرض، ووعد بالتعويض في جلسة قادمة. )
يا كيمو الزميل محمد هارون وليس أحمد هارون .... عاوز تودينا في داهية ولا ايه؟
تحياتي
|
Post: #64
Title: Re: لندن ترحب بالزميلين كمال إدريس وأحمد القرشي..
Author: ماجدة عوض خوجلى
Date: 11-05-2009, 04:40 PM
Parent: #63
| Quote: يا كيمو الزميل محمد هارون وليس أحمد هارون .... عاوز تودينا في داهية ولا ايه؟ |
دى دخلتى فى الحين والتو من فوكسال كروس مقر M16 وشفت صورتك معلقه اصلهم كان عندهم الشكك لكن بعد كلام كمال
بيكونو تاكدو ... غايتو النكران بيضر موقفك اكتر اعترف ...
|
Post: #65
Title: Re: لندن ترحب بالزميلين كمال إدريس وأحمد القرشي..
Author: كمال ادريس
Date: 11-05-2009, 05:48 PM
Parent: #64
Quote: يا كيمو الزميل محمد هارون وليس أحمد هارون .... عاوز تودينا في داهية ولا ايه؟
|
خلاص انا بعتذر من الخطأ المطبعي... بس انت اعترف، فالنكران بضرك على رأي ماجدة.
|
Post: #67
Title: Re: لندن ترحب بالزميلين كمال إدريس وأحمد القرشي..
Author: Mohammed Haroun
Date: 11-05-2009, 07:02 PM
Parent: #65
في الحقيقة يخلف من الشبه أربعين .... لا خلوها تمانين ... يا ماجدة دا أنا غلبان أوي ... تقولي لي هسع جاية من وين وبتاع ....
تحياتي
|
Post: #66
Title: Re: لندن ترحب بالزميلين كمال إدريس وأحمد القرشي..
Author: Muna Khugali
Date: 11-05-2009, 06:29 PM
Parent: #62
Quote: د / أحمد القرشى
سلامات
جد جد . جماعتك فى ايرلندا منتظرين .
تحياتى |
يا سلام عليك يا عثمان يا رايق..
انت وين يا راجل من زمان
أحمد سافر السلطنة زمااااان
وأسه احنا بنستعد نستقبل أحمد تاني (أحمد الشايقي)..
ينقع نرسله ايرلندا بدل أحمد القرشي؟؟
|
Post: #68
Title: Re: لندن ترحب بالزميلين كمال إدريس وأحمد القرشي..
Author: Ahmed al Qurashi
Date: 11-13-2009, 07:45 PM
Parent: #66
الاخت العزيزة / منى خوجلى
اشكرك كثيرا على هذا الترحيب الاسفيرى والذى لا تقل كلماته عن احتفاءكم الحار
وتكريمكم لى فى لندن ، سعدت جدا بكم
واشكر كل المتداخلين والذين رحبوا بى فى هذا البوست
لم افتح النت كثيرا فى لندن ، لاننى كنت سعيدا جدا بكم
ولا اريد ان افسد هذه الفرحة ببعض الاخبار المؤلمة التى تأتى تباعا من السودان من خلال النت
التحية والتقدير لك ولكل الاخوان والاخوات ...
اسيا ربيع
د. صلاح بندر
د. ابراهيم كوجان
محمد هارون
كمال ادريس
على عبدالرحمن
امينة محمد
هاشم عبدالدين
والرائع الهادى
ولك ايضا عزيزتى منى
|
|