لكل الهلالاب .. مبــروك كأس الدوري الممتاز 2008 - 2009 ( تحت شعار رجعنالك يا الوصيف ) ..

اجروا هليكوبتر وارفعوا فيها ونزلوا في رفوف كؤسكم , فقط ليقال ان الكاس قد حمل جوا

ان شاء الله تأجروا صافات صناعة وطنية وزيتنا في بيتنا , خاصة وانه سودانيز ما مضمونة لا طائرات شحن ولا ركاب

او كمان ممكن تضيفوا كلمة مع عبارة ( كاس الدوري الممتاز ) تضيفوا كلمة الخارجي

سريع سريع مفعول الخمسه راح

Quote: وانه سودانيز ما مضمونة لا طائرات شحن ولا ركاب

ســـودانيز ساوند .. و لا سودانيز اونلاين .. اعصابك يا جوكي .. الشارع دا دقداق ..

Quote: اجروا هليكوبتر وارفعوا فيها ونزلوا في رفوف كؤسكم , فقط ليقال ان الكاس قد حمل جوا

لا حنمشي بيهو بيت سماية ونقول كاس الممتاز الذهبي

نديهم فرصة يا حميدة ونسميها ليهم رد الإعتبار.. مش بيحاكو الهلال
في كل شي, خلي يحاكونا في رد الاعتبار دي , زي ما لفحنا منهم الكاس
بعد ما اتقدمو بسبع نقاط بالعزيمة , وبالعزيمة زاتا غلبنا مازمبي, خليهم
يحاولو ياخ بباقي العزيمة الفضلت ..

Quote: سريع سريع مفعول الخمسه راح

فكت السكرة .. و جات الفكرة ..

قالوا اتنين مساطيل ضربو سيجاره وماشين على مباراة المريخ ..
واحد قال للتانى ياخى السيجاره دى ما شديده ! ..
دخلوا الاستاد لقو مازدا قاعد فى المقصوره والباشا واقف فى القون والوالى قاعد فى دكة البدلاء !
قالو المسطول قال لصاحبه والله دى تجنن عديل تقول لى ما شديده !

بالمنتجات الوطنية .. بورسـودان تصــرع المريخ ..


..
..

بســكويت بركة .. حلويات ســــــــــــعد ..

و لا ننســـــــــــي الـ 7up ..




الشامبيون دا مالو عيبوهو لي ..

انا بقتــــــــــرح تغيير اسم المريخ ..

..
..

ســــــــــــــموه ..
بقالة الانفال للمـــــــــــــواد الغذائية ..

عمـــــــــــــــــــــــــــود مزمل

حميدة سلامات

الجماعة ديل قطعوا العشم في فريقهم، وبقوا يفرحوا لما ينغلب الهلال

Quote: فقد المريخ نظريا فرصة المحافظة على لقب بطولة الدوري الممتاز بعد لقاءه مع حي العرب بورتسودان امس بهدف لكل وبالنتيجة وسع المريخ الفارق مع الهلال المتصدر الى ثمانية نقاط وقدم المريخ مباراة جيدة في شوطها الاول وسيئة للغاية في شوطها الثاني عندما ادرك العرباوي التعادل عن طريق احمد سعد وكان مصعب قد بكر للمريخ في الحصة الاولى.

دا خبر جريدة المريخ عدد اليوم السبت ، يعني المريخاب متفقين معاك ، بس نظرياً

تحياتي

يا سيف..

Quote: الجماعة ديل قطعوا العشم في فريقهم، وبقوا يفرحوا لما ينغلب الهلال

يا هو حالهم من ما الله خلق الكورة في البلد..

حميدة..

يا سيد البوست و البلد.. مبارك الفوز مقدما إن شاء الله..
قلنالهم فريقهم كعب عديل لكن المكابرة ما بتخليهم.. واحد
صحبي منهم لما تذيل المريخ المجموعات الأربعة للبطولات
الأفريقية بأقل رصيد خلال الخمس سنوات الأخيرة، صحبي قال:
برضو المريخ أحسن فريق.. ثم استدرك: .. في القروش.. هاك
الورقنة دي..

محبتي

Quote: حميدة.. يا سيد البوست و البلد.. مبارك الفوز مقدما إن شاء الله.. قلنالهم فريقهم كعب عديل لكن المكابرة ما بتخليهم.. واحد صحبي منهم لما تذيل المريخ المجموعات الأربعة للبطولات الأفريقية بأقل رصيد خلال الخمس سنوات الأخيرة، صحبي قال: برضو المريخ أحسن فريق.. ثم استدرك: .. في القروش.. هاك الورقنة دي..

ابوعسل
مبروك الكاس , لكن عليك الله غير عمتك دي
كده حيقولو بتشجع هلال جزر القمر

أخونا حميد

هذا هو الوضع الطبيعى فكاس الممتازماركة مسجلة باسم الهلال و لولا أمر الاتحاد و تعاون لجنة سيحة لما بارح دولاب ابو الهل فى العام المنصرم

أما فى هذا العام فقد جاء طائعآ مختارآ و تحسب الأهلة لملاعب لجنة سيحة فوسعوا الفارق منذ البداية
مبروك لكل الاهلة هذا الإنجاز و نفول لى الرشاشات نتقابل فى الكاس القادم ان شاء الله

Quote: قالوا اتنين مساطيل ضربو سيجاره وماشين على مباراة المريخ .. واحد قال للتانى ياخى السيجاره دى ما شديده ! .. دخلوا الاستاد لقو مازدا قاعد فى المقصوره والباشا واقف فى القون والوالى قاعد فى دكة البدلاء ! قالو المسطول قال لصاحبه والله دى تجنن عديل تقول لى ما شديده !

فوق فوق هلالنا فوق ..

يا حميدة ياخ

مالك على المريخاب

ديل كل ما ياخدو دقة

بيرجعوا للصفر الدولى و الكاسات المحمولة جوا

بفتش ليها فى التاريخ

كاس من سنة 89 مصدعين بيهو راسنا لغاية الآن

الهلال فى المواسم الاخيرة سيطر على كرة القدم فى السودان تماما و رغم انحنا برضو ما راضين و دايرنو اكبر من كده و دايرين كرتنا تغلب و تمتع وو صيفنا يتغلب و يجدع و يتفاصح

عليك الله يا حميدة لمن ناس المريخ سرقو كلاتشى و سجل وارغو مش افتكرو انهم حيشيلو الدورى من غير لعب .. حسع عاين ليهم وين

العرجا لى مراحا

انتو المريخ دا بهظر .. او كما قال اساسي ..

Quote: قال المدير الفنى للمريخ البرازيلى كاربونى عقب مباراة فريقه امام الخرطوم امس ، راضى عن الاداء وقد كنا الافضل وتقدمنا بهدفين ولكن لم نفلح فى المحافظة على تقدمنا حتى ادرك الخصم التعادل وهو بالتاكيد خسارة بالنسبة للمريخ من واقع مجريات المباراة التى كانت تسير لصالحنا ، وعن التبديلات التى اجراها قال كاربونى فضلت ان يكون وسط المريخ به كثافة من اللاعبين لذلك دفعت بعنتر ولاسانا وطلبت من عنتر التقدم ومساعدة الهجوم لحظة الاستحواذ على الكرة والرجوع الى الخلف لحظة فقدانها وفريق الخرطوم ادرك التعادل فى وقت لم ننجح فيه بالمحافظة على تقدمنا نتيجة لاخطاء دفاعية ورفض كاربونى الاجابة على سؤال قوون حول عدم تصحيح الاخطاء التى تكررت فى مباراة الخرطوم وهو كان قد وعد من قبل بتصحيح هذه الاخطاء متعللا بان الوقت لايسمح بالحديث وان الجميع غادر الاستاد ورجال الشرطة يطالبون الجماهير بمغادرة الاستاد

حميدة

لو سمحت نزل عمود كبد الحقيقة اليوم 30/10/2009

بعد تعادل الخرطوم وثلاث ضربات جزاء

شكرا يا حميدة