Post: #1 Title: الفنانة رشا شيخ الدين ..قربت ترفدني من الشغل . Author: salah elamin Date: 10-23-2009, 03:55 PM Parent: #0
استير لوبيز ..انثى ضحوك ..تشبه لحد كبير شخصيات ..عمنا غابريال غارسيا ماركيز. اصولها من بلاد لوركا ..وسلفادور دالي
استير ...كانت حتى قبل عدة شهور رئيستي المباشرة في العمل .. مايميزها ..انها ببراعة وانسجام وتناغم فريد تستطيع ان تدير عملها وهي ضاحكة دون ان تفقد وقار المديرة المتمرسة .
استير كما قلت اسبانية . في عينيها عطف مسيحي....تشبه ايضا ايزابيلا سيمور . تلك الكم واربعينية التى التقاها مصطفى سعيد مند زمن بعيد دات امسية صيفية في ركن الخطباء في الهايد بارك وهي تستمع لخطيب من جزر الهند الغربية يتحدث عن مشكلة الملونين.... وببراعته المعهودة تلك قادها مستر سعيد الى الانتحار.
وبمناسبة مصطفى سعيد ، حاولت مرة ونجن نتجادب اطراف الحديث بعيدا عن العمل ان انظر الى شعر رسغيها لا ارى ما ادا كان مثل شعر تلك الايزابيلا سيمور .....والدي عندما نظر اليه مستر سعيد قاده خياله الى شعر اخر
فظنه غزيرا مثل تبات السعدة على حافة الجدول .
ولعلها في تلك اللحظة قرأت ما يدور في دهني فقادت الحديث بمهارة لفترة عملها بالخرطوم فقالت انتم شعب متباين في كل شيء حتى في حبكم لبلادكم
لكنى اظن ان موسيقاكم كسودانيين متشابهة وقد اهدتني صديقة اسبانية بالسودان متزوجة من فنان تشكيلي سوداني مشهور
CD للفنانة الاسبانية راشا واعجبت بموسيقاها رغم انها تغنى بلغتكم السودانية .
هكدا في لمحة بصر تحولت السودانية بت الشخ شيخ الدين وشقيقة تماضر والمقداد والوافر وتبارك الى فنانة اسبانية تغنى بلغتنا السودانية .
فنظرت لتلك الخواجية متناسيا نبات السعدة وحافة الجدول
وقلت لها بسودانية قحة حاولت ان اجعلها بقدرما سودانية قحة مخففة تناسب الموسيقى الكلاسكية الانيقة المنسابة من حولنا ونحن نجلس في ال French Club
يا خواجية انتي ببتكلمي جد ؟ اسبانية شنو ..الزولة دي سودانية جدا وطبعا قلتها لها بالانجليزية She is very Sudanese
لكن صوتي السوداني القح كان قد سبقني
فنظرت الي مندهشة واظنها لعنتني في سرها بالاربعة لغات التي تجيدها .
Post: #2 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-23-2009, 04:02 PM Parent: #1
Post: #3 Title: Re: الفنانة رشا شيخ الدين ..قربت ترفدني من الشغل . Author: humida Date: 10-23-2009, 04:12 PM Parent: #2
Post: #4 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-23-2009, 04:24 PM Parent: #3
شكرا استاد humida على الرابط
ولي عودة.
Post: #5 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-23-2009, 04:32 PM Parent: #4
<
center>
Post: #6 Title: Re: الفنانة رشا شيخ الدين ..قربت ترفدني من الشغل . Author: عبدالكريم الامين احمد Date: 10-23-2009, 04:34 PM Parent: #5
Post: #7 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-23-2009, 04:54 PM Parent: #6
سلام عبدالكريم
..اول مرة اسمع عن رشا شيخ الدين ..كان دلك في النصف الثاني من تسعينات القرن الماضي عندما جاءنا الزول الضكران دكتور حسن ابوزيد يحمل معدات للمستشفى الميداني وقطع من ال Chocolates دات مداق غريب ، على الاقل لمثلنا في داك الزمان والمكان
كانت يد حسن ابوزيد اليسرى تحمل شريط للفنان محمد الامين بالعود ومن اغنيات داك الشريط و التى ادكرها الان بوضوح يا بدور القلعة وجوهرها
كانت اليد اليسرى لدكتور حسن تحمل ايضا شريط للفنانة رشا شيخ الدين وعرفها دكتور حسن لنا بانها شقيقة تماضر شيخ الدين
اظن ان الشريط كان اسمه سودانيات او شيء قريب من دلك .
كان الشريط به اغنيات مثل حاجة كولن كولي واغنية الهدهدة الشهيرة التى تغنى للطفل الصغير حتى ينام
كانت الموسيقى جميلة وناعمة ..تسللت الى اعماقنا صافية .
Post: #8 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-24-2009, 03:04 AM Parent: #7
لكن المرة الاولى التى شاهدت فيها الفنانة رشا وليس راشا كما نطقتها صديقتي استير ايوه .. ...المرة التى شاهدت فيها الفنانة رشا شيخ الدين واستمعت اليها وهي تغني Live كان دلك بعد ما يقارب العشرة اعوام من استماعي لشريط د.حسن.. . ففي القاهرة ..و.بحديقة الازهر حأءت لتغنى بدعوة من السفارة الاسبانية بالقاهرة وكان صيف القاهرة في نهاياته كانت رشا تغني بصحبة شقيقها الوافر ..يعزف على الاوكورديون احيانا واحيانا كثيرة كان يعزف على العود والرق كان يصاحبها ايضا عازف سكسفون كوبي يعزف بصوفية عميقة واخر مغربي يعزف على الدرمز بجنون . وعزف معها على الكيبورد محمد المجتبى ابن ابوعركي البخيت
Post: #9 Title: Re: الفنانة رشا شيخ الدين ..قربت ترفدني من الشغل . Author: محمد سنى دفع الله Date: 10-24-2009, 08:22 AM Parent: #8
لك التحية والمحبة ولرشا الأشواق ومتعنا بالذكريات الحلوة صلاح مودتي
Post: #10 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-24-2009, 02:15 PM Parent: #9
تحية حارة لصديقنا محمد السني دفع الله .
Post: #11 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-24-2009, 03:47 PM Parent: #10
قدمهم في بداية الحفل مسؤول من السفارة الاسبانية برفقة مترجمة وادكر من ما قال واضحك الناس وقتها انه يعرف هده الاسرة ويقصد رشا والوافر مند زمن طويل وانهم اسرة يجدهم قد ازدادوا جنونا كلما التقاهم واضاف انها فعلا اسرة من المجانين .
.........................................
نسيت ان اضيف ان الدي دعاني للحفل هو المجنون الاخر صديقنا طلال عفيفي فدهبت الحفل برفقة الصديدقة الشاعرة نجلاء التوم.
Post: #12 Title: Re: الفنانة رشا شيخ الدين ..قربت ترفدني من الشغل . Author: Ishraga Mustafa Date: 10-24-2009, 03:53 PM Parent: #11
كتابة عذبة
واصل يا ابو سامر
Post: #13 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-24-2009, 04:31 PM Parent: #12
بل انتي هي العدبة يا صاحبة ,
تحيات لمرافيء وواصل .
Post: #14 Title: Re: الفنانة رشا شيخ الدين ..قربت ترفدني من الشغل . Author: الرشيد بابكر Date: 10-24-2009, 05:24 PM Parent: #13
صلاح الأمين يا جميل
اشتقنالك...
Post: #15 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-24-2009, 05:32 PM Parent: #14
صديقي ابو مهند وامنية تحيات لك وللاسرة
....في بداية تلك الامسية صعدت رشا الى المسرح وحدها دون الفرقة الموسيقية وجلست على كرسي في المسرح قالت ...السلام عليكم
وبدات تغني ..لمحسن خالد ...
يا رحام ..علينا
فتسلل صوتها ..هامسا في بداياته ثم ارتفع رويدا رويدا فتسلق جدار المباني العريقة المحيطة بالمكان تسلق سور الازهر والحسين
وتسلق اسوار القلعة الحصينة منسابا برقة تشبه بنات السودان ....
Post: #16 Title: Re: الفنانة رشا شيخ الدين ..قربت ترفدني من الشغل . Author: مريم عبد الله Date: 10-24-2009, 05:39 PM Parent: #15
الفنانه رشا صوت جميل وفن راقي
شكرا ليك ومنتظرين بقيه كلامك عن الراقيه رشا
وباشكر الاستاذ حميدة على الرابط
Post: #17 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-24-2009, 06:01 PM Parent: #16
اهلا مريم عبدالله
Post: #18 Title: Re: الفنانة رشا شيخ الدين ..قربت ترفدني من الشغل . Author: زينب التجاني Date: 10-24-2009, 07:11 PM Parent: #17
صديقى بطعم الثورة مليون سلام حيث ما كنت كان الابداع رشا حقيقى صوت جميل لمل تسمعة بيدخل جوه الجوه للاسف لقيت طريقها مؤخرا عن طريق المبدع زهير
وليك كل الود
رسل سلامى لى سامر
Post: #19 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-24-2009, 07:23 PM Parent: #18
الصديقة التاريخية زنوبة
سلام لكي وللشباب والشابات الحلوين وابوهم
فعلا رشا شيخ الدين صوت يستحق ان نحتفي به. وانت طبعا كزولة كورالية سابقة
بل كنتي ليدر في الكورال
خير من يفهم في الاصوات الجميلة .
تحيات
Post: #20 Title: Re: الفنانة رشا شيخ الدين ..قربت ترفدني من الشغل . Author: عفاف ابوكشوه Date: 10-24-2009, 07:46 PM Parent: #19
الصديق الوفي صلاح الامين
تحياتي افتقدناك في كتير من المناسبات
ودائما في سيرتك العطرة مع زيناتي
رشا شيخ الدين فنانة ومبدعة وصوت شجئ
ودافئ يختزق المسام ويتوغل داخل الاعماق
انتمي الي رابطة معجبي رشا
مزيد من التقدم لتحتل رشا مكانة مرموقة
في خارطة الغناء السوداني
Post: #21 Title: Re: الفنانة رشا شيخ الدين ..قربت ترفدني من الشغل . Author: طارق جبريل Date: 10-24-2009, 07:58 PM Parent: #20
واصل يا شبكش ياخي نضميك سمح بالحيل
Post: #22 Title: Re: الفنانة رشا شيخ الدين ..قربت ترفدني من الشغل . Author: Adam Omer Date: 10-24-2009, 09:40 PM Parent: #21
الاخ صلاح الامين ســــــــــــلام.
رشـا شيخ الدين أول مرة ألتقى بيها اليوم فى جنيف.
فى دكان الاخ عثمان رضوان بصحبة الاخ العزيز البهجة معتصم الاقرع
و على الرقم من القاءكان صدفة كانت هناك جلسة غدا مع الانســــــــانة.
الفـنانة رشـــــــــــــا شيخ الين
Post: #23 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-25-2009, 04:03 AM Parent: #22
الصديقة الجميلة عفاف ابو كشوة
تحيات
بالتاكيد زولة دواقة مثلك لازم تكون في رابطة معجبي رشا.
تحياتي للاسرة
...........
كل ما اشوف صورة بروفايلك بسمع زغرودتك الصادقة .
Post: #24 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-25-2009, 04:40 AM Parent: #23
سلام لصديقنا طارق جبريل
رسلت ليك رقم تلفوني في الايميل بتاع.
Post: #25 Title: Re: الفنانة رشا شيخ الدين ..قربت ترفدني من الشغل . Author: عبدالكريم الامين احمد Date: 10-25-2009, 06:41 AM Parent: #24
والله يا ابو صلاح نضميك سمح بالحيل كما قال طارق جبريل واصل ياخي
Post: #26 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-25-2009, 07:15 AM
الاستاد ادم عمر تحية محل عثمان الفي شارع لوزان بجنيف لي فيه دكريات جميلة ايضا.
شكرا عبدالكريم
Post: #27 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-25-2009, 12:18 PM Parent: #26
.....بعدها صعدت الفرقة الموسيقية فكانت رشا قد بدأت تغني لحسن عطية نعم غنت لحسن عطية ......
ناري ناري انا الليلة يا الله المهندس رسم البناء فرع البانة الماح وانتني النهيد الما رضع جنا البدور الموت يجي عندنا البدور الفن يجي عندي عندنا ...
ومن ثم تبعته باغنية لسيدي عبدالعزيز محمد داؤد
Post: #28 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-25-2009, 04:47 PM Parent: #27
وعندما تخابطت المزازيك كانت رشا قد بدأت تغني الليلة الليلة دار ام بادر يا حليلا بريد زولي وغنت رشا
يا سودن معليش ...حكموك الجيش .
والزغاريد انطلقت من حناجر الفتيات السودانيات الجميلات حاضرات الحفل واختلط الحابل بالنابل وسط دهشة الخواجات . والكل يغني مع رشا وطبعا الوافر والكوبي والمغربي وود ابوعركي ما قصروا .
Post: #29 Title: Re: الفنانة رشا شيخ الدين ..قربت ترفدني من الشغل . Author: تبارك شيخ الدين جبريل Date: 10-25-2009, 06:28 PM Parent: #28
صلاح الامين ...
سأخاطبك على أنك صلاح الامين الذى عرفت من كلية الفنون (رغم أن ملفك الشخصى لا يقول الكثير) وأتمنى أن تكون هو ... وإن كان تطابق أو تشابه فى الأسماء ... فعذرى لك أننى أخلطك بشخص محترم ...
وإن كنت هو ... فمشتاقين جداً ... وتحيات شديدة لك ولسامر ولشقيقك محمد الامين ... وأعتقد أننى قمت بهذا الخلط فى السابق ...
بمناسبة الخلط فى الأسماء ... أنت تقول:
Quote: كانت رشا تغني بصحبة شقيقها الوافر ..يعزف على الاوكورديون احيانا واحيانا كثيرة كان يعزف على العود والرق كان يصاحبها ايضا عازف سكسفون كوبي يعزف بصوفية عميقة واخر مغربي يعزف على الدرمز بجنون . وعزف معها على الكيبورد محمد المجتبى ابن ابوعركي البخيت
ولتصحيح الخلط فإن ابن الفنان أبوعركى الذى عزف معها أسمه "محمد المرتجى" وليس "محمد المجتبى" ...
بوست يحوى سلاسة لطيفة فى السرد ... واصل ..
.. المهم ...
Post: #30 Title: Re: الفنانة رشا شيخ الدين ..قربت ترفدني من الشغل . Author: الفاتح ميرغني Date: 10-26-2009, 03:51 AM Parent: #29
الأخ صلاح الامين تحياتي شكرا لك وعلى هذا السرد البديع وأنت تسلط الضوء على الفنانة رشا سليلة اسرة شيخ الدين المبدعة. تعرفت على الوافر شيخ الدين حينما كان طالبا بمعهد الموسيقى وعملناسويامع الفنان عمر بانقا في رحلة لمدينة الدمازين. أتاحت لي تلك الرحلة معرفة الوافر عن كثب، فهو بجانب موهبته الفذة في العزف على آلة الاوكورديون يتحلى بأدب يخجل أهل التصوف كما يقولون! التحية له ولأسرته الكريمة.
وافر تقديري وإحترامي
Post: #31 Title: Re: الفنانة رشا شيخ الدين ..قربت ترفدني من الشغل . Author: doma Date: 10-26-2009, 05:15 AM Parent: #30
حبيبه قلبي رشا بحبها بجنون البت دي مشتاقه ليك يا رشويه شكرا لعائله شيخ الدين التي اهدتنا رشا وتماضر والوافر وقصي همرور وتبارك المهم شكرا صلاح الامين
Post: #32 Title: Re: الفنانة رشا شيخ الدين ..قربت ترفدني من الشغل . Author: doma Date: 10-26-2009, 05:18 AM Parent: #29
تبارك
المهم دقست دا اخو كيكي
Post: #33 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-26-2009, 01:40 PM Parent: #32
تبارك شيخ الدين تحية
انا لست صلاح الامين التي تقصده ويبدو ان اسم صلاح الامين منتشر كثيرا وقد حدثت لي بعض المواقف الطريفة و المحرجة .
واسف جدا اذا كنت قد كتبت اسم محمد ود ابوعركي خطأ..وشكرا لك للتصحيح
وبخصوص موضوع الاسمماء ...بعد حفلة الفنانة رشا بالقاهرة اتونست مع اخوك الوافر وعلقت على اسماءكم وقد رد علي الوافر ,لكني ما متدكروا قال شنو
لكن الحاجة المتدكرها انه حكى لي نكتة ظريفة حاحكيها ليك لما الاقيك براك . حأوصل سلامك لابني سامر ...بالمناسبة قال امنيته ان يكون موسيقار
وقادي جيبي بشراء الالات الموسيقية .
ايوه... نسيت اقول ليك شكرا على تعليقك الجميل عن البوست .
وتحياتي للوافر ورشا .
,,
Post: #34 Title: Re: الفنانة رشا شيخ الدين ..قربت ترفدني من الشغل . Author: يازولyazoalيازول Date: 10-26-2009, 02:33 PM Parent: #33
الأخ صلاح الأمين
شكرا جزيلا على السرد اللطيف وأنا من المعجبين جدا برشا وفى الوقت نفسه أكون شقيقها الأكبر (البكر يعنى) وشقيق ذلك المهم وآخرين رغم أن الحاجة دوما لم تذكرنى من ضمن هداياها (مش قلت ليك بكر)
تحياتى وتقديرى لك ولزوارك فى هذا الخيط
هشام شيخ الدين
Post: #35 Title: Re: الفنانة رشا شيخ الدين ..قربت ترفدني من الشغل . Author: يازولyazoalيازول Date: 10-26-2009, 02:38 PM Parent: #34
Post: #36 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-26-2009, 03:12 PM Parent: #35
تحية الفاتح ميرغني
وتحية لاستادة دوما
ويا دومة انا فعلا اخو كيكي لكن لاني انا الاكبر فكيكي هو الاخوي
تحيات وشكرا للتشجيع .
Post: #37 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-26-2009, 03:26 PM Parent: #36
البكر هشام شيخ الدين
شكرا على الرابط ومعليش ...البكر دايما حقوا بيكون رايح .
Post: #38 Title: Re: الفنانة رشا شيخ الدين ..قربت ترفدني من الشغل . Author: يازولyazoalيازول Date: 10-26-2009, 03:34 PM Parent: #37
الله كريم علينا يا صلاح ، أهو نصيبنا كده.
بعدين تعال نقول ليك:
Quote: ويا دومة انا فعلا اخو كيكي لكن لاني انا الاكبر فكيكي هو الاخوي
أوع تكون إنت بكر؟؟؟؟؟
لووووووووووووول
Post: #39 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-26-2009, 03:36 PM Parent: #38
تخيل انا نائب البكر.
Post: #40 Title: Re: الفنانة رشا شيخ الدين ..قربت ترفدني من الشغل . Author: يازولyazoalيازول Date: 10-26-2009, 03:42 PM Parent: #39
يعنى ،
مرقت منها بى بونط
تسلم يا صلاح
ربنا يحفظك
Post: #41 Title: Re: الفنانة رشا شيخ الدين ..قربت ترفدني من الشغل . Author: doma Date: 10-26-2009, 05:07 PM Parent: #40
هي ياهشام النبي كان تزعل من خالتك دومه الكبار جضوما خفت عليكم من العين يا ولاد علويه انت اجمل الناس يعلم بي الله بريدك وبريد البريدك لانو نيتك بيضا ء وحبوب . وانت قايل روحك براك البكر؟؟؟ انا ذاتي بكر .
Post: #42 Title: Re: الفنانة رشا شيخ الدين ..قربت ترفدني من الشغل . Author: يازولyazoalيازول Date: 10-26-2009, 05:36 PM Parent: #41
لووووووووووووووووول يا حاجة دوما ،
ياخ معقول أنا أزعل منك؟ ، والله يا دوما ليك مكانة خاصة فى قلوب كل الشخديناب زى ما بسمونا البورداب
إنتى واحدة مننا
وبعدين بكر لاقى بكر
زى حديد لاقى حديد
لووووووووووووووووووووول
أخوك هشام
Post: #43 Title: Re: الفنانة رشا شيخ الدين ..قربت ترفدني من الشغل . Author: doma Date: 10-26-2009, 05:49 PM Parent: #42
يا هشام القلوب شواهد وبكدا يكون اتقابلو البكرين ( يا رب محمد اي سليمان ما يمر بجاي رفع المثني وكسر الواو الضكر ) وبقينا رغم البين روح واحده في جسدين --------------------------- فالغرس الطيب لا ينتج الا ثمرا طيب رحم الله والديكما .
Post: #44 Title: Re: الفنانة رشا شيخ الدين ..قربت ترفدني من الشغل . Author: يازولyazoalيازول Date: 10-26-2009, 06:40 PM Parent: #43
تسلمى تسلمى يا دوما يا أحلى إمرأة نايرات جضوما (بلاش كبار جضوما)
والله نبادلك نفس الشعور يا ملكة وكتر خيرك كتير على جبر الخواطر يا مهذبة شديد
أخوك هشام
Post: #45 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-27-2009, 01:44 PM Parent: #44
في تلك الحفل ايضا التقيت بابن ود مدني اشرف عازف العود وكان وقتها يتتلمد على يد عازف العود العراقي العالمي نصير شمة في بيت العود. كان اشرف يرفقة والده ووالدته وعلمت فيما بعد ان والده المهندس عوض واحد من احسن كم زول بيعزفوا اغنيات احمد المصطفى على العود .
Post: #46 Title: Re: الفنانة رشا شيخ الدين ..قربت ترفدني من الشغل . Author: salah elamin Date: 10-28-2009, 01:05 PM Parent: #45
