Post: #19 Title: Re: قلبي الأسروووه ... Author: عبد الناصر الخطيب Date: 10-24-2009, 11:49 AM Parent: #18
يا سسسسسسسسسسسلام شكرا ليك كتير يا أنعام
سبت وعّصرت شغل ما عادية قطعته غنية, ليها في الخاطر كتير من الذكريات
وأصحاب الزمن الجميل اللسه ملْ الخاطر والخواطر وما حصل لمتنا قعدة ( عود ) أمدرمانية
إلا وكانت مالو قلبي الاسروهو , وما بنمشي لناس ما بجونا وما هو عارف قدموا المفارق, عيوني هم السبب في أذى وهم العيوني وكمية من الأغاني والطرب الاصيل الى هسه يانع في الخاطر بجمالوا المابغادر ولا يغيب
في البال التحية كميات لصاحب عمرى / نادر عوض الجزولي _أبو البنيات حاليا_ ورفيق الغربة
وحتى لو فارق عودوا فراق الطريفي لجملوا برضوا بيظل في الخاطر بإختيارتو الراقية للغنى البغني لى كتير التحايا
Post: #23 Title: Re: قلبي الأسروووه ... Author: هاشم محمد الحسن عبدالله Date: 10-24-2009, 07:43 PM Parent: #20
المبدعة الراقية انعام لك نواضر التحية وشكرا على هذه الأغنية لفنان متفرد من الزمن الجميل كلمات متميزة ولحن بديع وأداء رائع لاحدود له من الامتاع والجمال، شكرا فلقد أعدت ذكريات الوطن الحبيب، فلك الود مع خالص امنياتى لك بدوام الصحة والعافية والسعادة .
انا خايف عليك من النكيت البسوى فيهو دهـ تقرصك عقرب ولا دابي
دهـ اختيار وسمع مدعوم
باقى الكلام فى الماc نجرررررررررررررررر
لينك الحفظ يحفظك الله
Post: #31 Title: Re: قلبي الأسروووه ... Author: انعام حيمورة Date: 10-25-2009, 08:36 AM Parent: #25
Quote: لينك الحفظ يحفظك الله
بي حرفنتي دي اتخيل ما بعرف اعمله ..
لكن اذا عندك الريل بلير الجديد (الاخير) بحفظ ليك ..
والدابايب جاية وراء استعدوا بس
Post: #32 Title: Re: قلبي الأسروووه ... Author: وليد عبد اللطيف Date: 10-25-2009, 08:57 AM Parent: #31
اختي انعام حيمورة هل تذكري عندما اتصلت عليك من السعودية وزي ماقلت ليك الابداع بالجميل ليس شي جديد عندكم عمر حيمورة صديقي فنان وكم اطربنا بصوته وعزفه الجميل في السودان والسعودية
----------------------- تحياتي لى عمر وخالد حيمورة وليك ياجميلة الزمن الجميل
Post: #33 Title: Re: قلبي الأسروووه ... Author: انعام حيمورة Date: 10-25-2009, 09:27 AM Parent: #32
وليد عبد اللطيف ..
Quote: عمر حيمورة صديقي فنان وكم اطربنا بصوته وعزفه الجميل
انا وعمر دا اتعلمنا العود في وقت واحد لكن طلع اشطر مني واكتسحني لوووول
ياخ أيام وذكريات جميلة جدا ..
Post: #34 Title: Re: قلبي الأسروووه ... Author: حمد إبراهيم محمد Date: 10-25-2009, 09:47 PM Parent: #33
الأستاذة إنعام - سلام
تذكرى عند مرورك على بوست بعنوان: "الشباب السودانيون يفتقرون لروح المبادأة في العمل الطوعي" قلت هناك قلة من الشباب/ت السودانيين وهم إستثناء، يتحركون ويجتهدون كل في مجاله في العمل الطوعي. وهنا في هذا البوست، البيان بالعمل كما يقول حماة الوطن - محجوب عثمان "وقلبي الآسروه" أكيدأسعدتي كثير من الأحباب وأعدتي لهم ذكريات جميلة عدت، بدون قطع تذاكر لشذى مسرحك المتلألي الأضواء، عدا الدعوات الصالحات لكي بالعافية والمعافاة من كل طارق بالليل والنهار من أهل الأرض. أماحبيب البورداب العجيب الدكتور طارق جبريل، يطل علينا بالروائع، كلمات وسيمفونيات سودانية أصيلة؛ فيجلي الاصداء التي رانت على قلوبنا - وحسب وصفته - نتناولها تلاتة مرات في اليوم. ربنا يديك يا ود جبرين, العافية وطول العمر في خدمة عبادة وإسعادهم.
بس لو تعملي ياأستاذة إنعام، تنسيق شوية إنتي وود جبرين، عشان ما ننقز من مسرحك لي مسرحه طوال الليل زي بوليس السواري، هههه أذنك إزدادت رهافة وشفافية بعد الوعكة – دقر - عيني باردة.
يعطيك العافية
Post: #35 Title: Re: قلبي الأسروووه ... Author: سيف الدولة كامل Date: 10-25-2009, 11:22 PM Parent: #34
