Post: #1
Title: اقتراح لسودانيز اونلاين (مشاركة رمزية او عيينية لكل عضو ) لاجل تقديم كسوة العيد لنازحي دارفور
Author: احمد الدسكو
Date: 10-20-2009, 05:33 PM
(قالو الكحة ولا صمت الخشم )
من غير كلام كتير ومن غير عبارات فضفاضة ورنانه
رايكم شنو يقوم منتدى سودانيز اون لاين بتبني برنامج ممنهج
دوري يستهدف الاقليات والمهمشين في السودان من نازحين وغيرهم
وذلك بتقديم المساعده الملموسه والمحسوسه للمحتاجين في الوطن الحبيب
كلنا عارفين حال المواطن البعيد من السنتر وكلنا عارفين صعوبة المعيشة
وعارفين وعارفين وما محتاجين نكتب ونوضح ... لذلك اقترح ان يتبني المنتدى
عمل ملموس ومحسوس ظاهر للعيان نحسه نحن قبل الاخرين بتقديم ما امكن
لكل محتاج فالحوجة لله اولا واخرا ولكن ما نستطيع فعله اعتقد سيكون له
الاثر عند كل متضرر او نازح او كذا .. لانه والله يا شباب ما شاء الله الناس
هنا مليانه حب للبلد وللمواطن الغلبان وفينا المفكرين والمؤثرين في المجتمع
فليه ما تكون لسودانيز اونلاين بصمة في عيد الاضحى المبارك القادم كلها شهر وحاجة
يمكن او بالكتير شهرين ... اذا قمنا بعمل مؤسس يستهدف كل الشرائح المهمشه في السودان
حا نكون ضغطتنا على الوتر الحساس وكسبنا قضية ( قضية الهامش في السودان )
مجرد تصور من المفكرين هنا يكون مبسط
زائد خطوات عملية ممنهجة في كيفية ادارة هذا المقترح
والبدأ فورا
واكيد في ناس بتقدر تعمل حاجة زي دي وليها القدرة في ذلك
البقدر يبادر والباقدر ربنا عالم وسمحه النية
100 جنية في مصر بتجيب دستة بتاعت فنايل شتاء
وياريت ما ننتظر الاخرين ونقدم انفسنا للسودان بصورة عملية كاعضاء لسودانيزاونلاين
|
Post: #2
Title: Re: اقتراح لسودانيز اونلاين (مشاركة رمزية او عيينية لكل عضو ) لاجل تقديم كسوة العيد لنازحي دارف
Author: احمد الدسكو
Date: 10-20-2009, 05:34 PM
Parent: #1
زي دي في البرد كيف حا يكون حالها ونحنا نايمين
|
Post: #3
Title: Re: اقتراح لسودانيز اونلاين (مشاركة رمزية او عيينية لكل عضو ) لاجل تقديم كسوة العيد لنازحي دارف
Author: احمد الدسكو
Date: 10-20-2009, 05:37 PM
Parent: #2
المبكي في زمن الهشاش والقدرة على الطناش
|
Post: #4
Title: Re: اقتراح لسودانيز اونلاين (مشاركة رمزية او عيينية لكل عضو ) لاجل تقديم كسوة العيد لنازحي دارف
Author: احمد الدسكو
Date: 10-20-2009, 05:44 PM
Parent: #3
واحد جميل كده يقتبس عبد العزيز العميري في الدواخل
ويضع لينا تصور لهذا المقترح ..
|
Post: #5
Title: Re: اقتراح لسودانيز اونلاين (مشاركة رمزية او عيينية لكل عضو ) لاجل تقديم كسوة العيد لنازحي دارف
Author: احمد الدسكو
Date: 10-20-2009, 05:46 PM
Parent: #4
100 $ عن نفسي
وايد على ايد تجدع بعيد من اجل
عيد سعيد لاطفال دارفور باسم سودانيزاونلاين
|
Post: #6
Title: Re: اقتراح لسودانيز اونلاين (مشاركة رمزية او عيينية لكل عضو ) لاجل تقديم كسوة العيد لنازحي دارف
Author: احمد الدسكو
Date: 10-20-2009, 06:04 PM
Parent: #4
فيكم الخير
|
Post: #7
Title: Re: اقتراح لسودانيز اونلاين (مشاركة رمزية او عيينية لكل عضو ) لاجل تقديم كسوة العيد لنازحي دارف
Author: Mohammed Ibrahim Othman
Date: 10-20-2009, 06:12 PM
Parent: #6
ياريت أخوي احمد ..
فلنكن مفيدين ..
|
Post: #8
Title: Re: اقتراح لسودانيز اونلاين (مشاركة رمزية او عيينية لكل عضو ) لاجل تقديم كسوة العيد لنازحي دارف
Author: احمد الدسكو
Date: 10-20-2009, 06:23 PM
Parent: #7
اي والله يا محمد .. المنتدى سمعته تخطت القاصي والداني
الكل يعرف سودانيز اونلاين وما ان يذكر الانترنت والمواقع في السودان
الا وتبادر للذهن سودانيزاونلاين
ولكن للاسف لاوجود لسودانيز اون لاين في السودان الا عبر الكتابة
وهذا لا يشبه هذه التخمة من العقول ذات المعرفه والدراية بانسان السودان البسيط
الذي يحتاج لنا ان نصله بصورة ملموسة اكثر من ان نتحدث عنه في المنابر
فهو لا يحتاج للكلام بقدر ما يحتاج للنظرة العملية منا
والله انه مشروع ضخم اذا وجد القبول
لتكن البداية فقط ( بكسوة العيد ) تخيل معي وفد سودانيز اون لاين
جيش جرار من المقتدرين يحملون الهدايا لكل كرنك ولكل راكوبة ولكل قطية ولكل
شخص يتكئ على ظل صريف في عز الهجير
او متكرفس تحت راكوبة يتوشح الهموم ويتدثر الجوع يتوسدالفرج البعيد
والله هناك من يحتاج لسودانيز اون لاين في كل السودان حتى في الخرطوم فكم من
شخص يحتاج في اقاصي امدرمان واقاصي الخرطوم بحري الكل يحتاج لسودانيز اون لاين
ولكن عمليا لا خطبا وعبارات فضفاضة
لتكن البداية بدارفور
ومنثم ستتسع الفكرة وتصل سودانيزاون لاين لكل بيت محتاج في السودان
|
Post: #9
Title: Re: اقتراح لسودانيز اونلاين (مشاركة رمزية او عيينية لكل عضو ) لاجل تقديم كسوة العيد لنازحي دارف
Author: احمد الدسكو
Date: 10-20-2009, 06:34 PM
Parent: #8
هل يبحث هؤلاء عن سلطة أو ثروة ؟
هل هؤلاء يعرفون سلطة أو ثروة؟
ماذا يريد هؤلاء غير الأمن والصحة والغذاء
من المسول عن وضعهم هذا؟
ألا تتفقوا معي أن طلاب السلطة والثروة هم السبب في بلاء أهلينا؟
كيف لنا أن نكون حضارة تنعم بالرخاء والأمن والاستقرار؟
متى تكون لنا نحن القارة السمرا حضارة نسود بها الدنيا؟
|
Post: #10
Title: Re: اقتراح لسودانيز اونلاين (مشاركة رمزية او عيينية لكل عضو ) لاجل تقديم كسوة العيد لنازحي دارف
Author: احمد الدسكو
Date: 10-20-2009, 06:41 PM
Parent: #9
حتى الجنوب الحبيب يحتاج لنا
لا تتعشمو في ساسة يتذكرون الهامش هؤلاء لا خير فيهم
فالنكن عمليين
وكذا الشرق حتى الشمال به من يحتاج لسودانيز اون لاين
فهل تعلمون ان غالبية سكان الخرطوم غذائهم وجبتين فقط
اكثر من 95 %
وجبتين فقط
|
Post: #11
Title: Re: اقتراح لسودانيز اونلاين (مشاركة رمزية او عيينية لكل عضو ) لاجل تقديم كسوة العيد لنازحي دارف
Author: احمد الدسكو
Date: 10-20-2009, 06:46 PM
Parent: #1
حكمة
لا يستطيع أحد ركوب ظهرك إلا إذا كنت منحنيا
أولا يتجاهلونك ثم يسخرون منك ثم يقاتلونك ثم تفوز أنت
|
Post: #12
Title: Re: اقتراح لسودانيز اونلاين (مشاركة رمزية او عيينية لكل عضو ) لاجل تقديم كسوة العيد لنازحي دارف
Author: ابراهيم بقال سراج
Date: 10-20-2009, 06:58 PM
Parent: #11
الاخ احمد الدسكو
لك التحية والاحترام والتقدير
شاكرين جداً علي هذا البوست والمبادرة الطيبة
ونتمني من الله سبحانه وتعالي ان يكلل اقتراحك هذا النجاح
كما علمت من مداخلتك انت تقيم بمصر
هناك عدد لا بأس به من ابناء دارفور وغيرهم من ابناء السودان يقيمون بمصر
عليك بالاتصال بهم وجمع التبرعات منهم
عن نفسي متبرع 25 ثوب و25 جلباب
وانا اقيم بالخرطوم والان بولاية جنوب دارفور سأعود منه بعد اسبوع لو في لجنة
لاستلام تبرعات ناس الخرطوم عليهم الاتصال بي علي الرقم 0912637776 او الرقم 0121259777
مع خالص شكري
ربنا يجعله في ميزان حسناتك يارب
|
Post: #13
Title: Re: اقتراح لسودانيز اونلاين (مشاركة رمزية او عيينية لكل عضو ) لاجل تقديم كسوة العيد لنازحي دارف
Author: soma
Date: 10-20-2009, 07:11 PM
Parent: #12
الاخ احمد .. اولا مرحب بك فى منتدى بكرى الوسيع
وشكرا لك وانت تتطرق لقضية انسانية حساسة
فيك الخير والله وربنا يقدرك على عمل الخير ويكتر من امثالك
معك اخى العزيز قلبا وقالبا .. وهيا يا اصحاب عمل الخير فيه الخير
والصدقة الجاريه تمسح الخطايا وتروى الظمأ فى يوم لا ينفع مال ولا بنون
|
Post: #15
Title: Re: اقتراح لسودانيز اونلاين (مشاركة رمزية او عيينية لكل عضو ) لاجل تقديم كسوة العيد لنازحي دارف
Author: احمد الدسكو
Date: 10-20-2009, 07:25 PM
Parent: #13
شكرا الرائع سوما على الترحيب
وياريت نكون اضافة مميزة لسودانيزاون لاين المنتدى المحبوب لكل سوداني
ووالله الراغبين في الانضمام لسودانيز اون لاين اعتقد اكثر من الاعضاء الحاليين
وهذه كله جهد يحسب لبكري وما يقوم به من عمل ممتاز اتمنى ان يكلل بان
يكون واقعا للعيان في ارض المعاناة ارض الشرفاء من سوداننا الجميل
فتخيلوا معاي 50 دولار بتعمل كم جنية مصري
تقريبا 290 جنية
يعني الشتاء داخل على السودان وكم من المشردين والمعذورين والنازحين يحتاجون
لهذه الملابس التي تقيهم شدة البرد وقسوة الطبيعة...
يا شباب الكحة ولا صمت الخشم ايد على ايد تجدع بعيد بس نكون مرتبين في هذا المقترح
حتى يسير بخطى حثيثة وما يقيف يمتد من دارفور الى غيرها
ولنحصر مقترحنا في الكسوة فقط كسوة وخلاص
الناس والله تعبانه هناك ما تسمعو امم متحدة وتصريحات لحكومة الحال
بطال .. الحال بطال .. الحال بطال ويغنى عن السؤال
|
Post: #14
Title: Re: اقتراح لسودانيز اونلاين (مشاركة رمزية او عيينية لكل عضو ) لاجل تقديم كسوة العيد لنازحي دارف
Author: احمد الدسكو
Date: 10-20-2009, 07:12 PM
Parent: #12
العزيز ابراهيم سراج لك التحية
والفكرة كبيرة وعظيمة والله خاصة وانها حا تكون من سودانيز اون لاين
متاكد والله اذا الناس تفاعلت وادت الموضوع حجمة حا نوصل للمراد
عن نفسي ذكرت ان الكحة ولا صمت الخشم من الامثال المعبره
لذك تجدنى ميال لان تكون الفكرة من سودانيز اون لاين او تتباناها
بقيادة العزيز بكري لما يتمتع به من حضور واحترام من الجميع
وبدورة يمكن ان يضع المقترح في ايدي امينه نكون شاكرين لها
بمعرفته هو حتى نصل للهدف المنشود
فقط اتمنى ان يتبناها الاخ بكري ويوكل المهمه لمن يراه هو اقدر واجدر
حسب الظروف الخاصة لمن تؤول له المهمه
لذلك اتمنى ان يتفاعل الجميع بكتابة المقترحات لتنمية الفكرة وتطويرها
عبر هذا البوست حتى نكون سباقين من اجل الشرفاء والكرماء في بلادي
|
|