إنتوا آمنة مختار لسة فى القاهرة ؟؟

Post: #1
Title: إنتوا آمنة مختار لسة فى القاهرة ؟؟
Author: رأفت ميلاد
Date: 10-20-2009, 11:46 AM
Parent: #0

غايتو لى خمسة يوم هنا .. باقى لى خمسة تانية ..
بالشايفه ده ورتم الحياة السريع لامن مشاتر ده .. ما ظنيت فى زول فاضى لى زول

غايتو تاج السر وعبد الغفار والمصيبة محسن الفكى .. تلفونى 0183889373

وكان الزول لقى ليه كحلة فى ندوية وقابل بهاء بديكم خبر

زول يلمنى فى أمونة كان قاعدة هنا .. عشان ننزل ليكم صور

غايتو بلد قصة ودايرة ليهاحصة ..

كان فى نكتة زمن ناس تور الجر ..

قالوا العربى وصل الخرطوم لقى الناس جارية .. ركب البص التانى رجع الحلة .. لقى ليه زول راجى .. سأله ماش وين .. قال الخرتوم .. قال ليه حرم ما تلقى زول كلهم شاردين ..

غايتو كترة خلق جارية !!!

Post: #2
Title: Re: إنتوا آمنة مختار لسة فى القاهرة ؟؟
Author: abubakr
Date: 10-20-2009, 01:12 PM
Parent: #1

Quote: غايتو كترة خلق جارية !!!

ياقريبي دي غلوتية عدييل .. هو في بكان يجرو فيهو ؟؟؟

انا غايتو من كام وتلاتيين سنة مكجنا عدييل ولكن اهلي المشو ليها قريب قال الناس بتشرب شيشة وجايبين كراسي وشماسي وقاعديين فوق الكباري واها العربات تستاذنم بشان تمر ويمكن ما يسمحو ليها ؟؟؟ مسكين النيل .....قالو بقي ملطشة يسوو فيهو العجايب ....

Post: #3
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-20-2009, 01:48 PM
Parent: #2

سلام يا قريبى
Quote: انا غايتو من كام وتلاتيين سنة مكجنا عدييل ولكن اهلي المشو ليها قريب قال الناس بتشرب شيشة وجايبين كراسي وشماسي وقاعديين فوق الكباري واها العربات تستاذنم بشان تمر ويمكن ما يسمحو ليها ؟؟؟ مسكين النيل .....قالو بقي ملطشة يسوو فيهو العجايب ....
والله القهوة تفتشا بالفتاشة .. والعربات زى هجمة سرب الأفيال .. تفرط يطعوا دابرك .. أنا جاى من مدينة سكانا كم ألف تتجدع فيها بى عجلة .. ومرات تحوم نص ساعة ما تلقى ليك زول تسأله من عنوان .. متخيل خلعتى قدر شنو ..

تحياتى

Post: #4
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-20-2009, 02:01 PM
Parent: #3

عدلنا التلفون

0183889373

Post: #5
Title: Re: إنتوا آمنة مختار لسة فى القاهرة ؟؟
Author: Muna Khugali
Date: 10-20-2009, 02:17 PM
Parent: #4

Quote: انا غايتو من كام وتلاتيين سنة مكجنا عدييل ولكن اهلي المشو ليها قريب قال الناس بتشرب شيشة وجايبين كراسي وشماسي وقاعديين فوق الكباري واها العربات تستاذنم بشان تمر ويمكن ما يسمحو ليها ؟؟؟ مسكين النيل .....قالو بقي ملطشة يسوو فيهو العجايب ....

Quote: والله القهوة تفتشا بالفتاشة .. والعربات زى هجمة سرب الأفيال .. تفرط يطعوا دابرك .. أنا جاى من مدينة سكانا كم ألف تتجدع فيها بى عجلة .. ومرات تحوم نص ساعة ما تلقى ليك زول تسأله من عنوان .. متخيل خلعتى قدر شنو

اها اسحروهم!

انت ساكن في الحسين ولا شنو؟؟
سلم علي مصر ام الدنيا..

Post: #6
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-20-2009, 02:22 PM
Parent: #5

Quote: اها اسحروهم!

انت ساكن في الحسين ولا شنو؟؟
سلم علي مصر ام الدنيا..
لا ما ساكن هناك .. بس مشيت مرتين وتانى ما ماشى .. هى الدنيا فعلاً كلها هنا .. بس لامحروسة ولا حاجة رغم نص البلد عساكر ..

الله يسلمك يا منى

Post: #7
Title: Re: إنتوا آمنة مختار لسة فى القاهرة ؟؟
Author: abubakr
Date: 10-20-2009, 02:29 PM
Parent: #5

Quote: اها اسحروهم!

يالملكة سيدنا موسي بس السحرم بشان كدة ما في زولا بعدو بيقدر يسحرم دييل يسحرو البعاتي ذاتو

Post: #9
Title: Re: إنتوا آمنة مختار لسة فى القاهرة ؟؟
Author: abubakr
Date: 10-20-2009, 02:35 PM
Parent: #4

Quote: دلنا التلفون
0183889373

يازول لم تلفونك دة بعدين يلهفوك ذاتك مع الخط ؟؟

Post: #8
Title: Re: إنتوا آمنة مختار لسة فى القاهرة ؟؟
Author: abubakr
Date: 10-20-2009, 02:32 PM
Parent: #3

Quote: أنا جاى من مدينة سكانا كم ألف تتجدع فيها بى عجلة

انا بس داير لي بكان زي دة اقضي فيهو باقي "الفضل" .. بتقبلو لاجئيين ؟؟ اصلو خلاص لاعبيين في الوكت الضائع مع الاعراب وما عارفيين نقبل وين بعد دة ؟؟

Post: #10
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-20-2009, 03:11 PM
Parent: #8

Quote: انا بس داير لي بكان زي دة اقضي فيهو باقي "الفضل" .. بتقبلو لاجئيين ؟؟ اصلو خلاص لاعبيين في الوكت الضائع مع الاعراب وما عارفيين نقبل وين بعد دة ؟؟
طولة العمر ليك يا قريبى .. وتبرا وتستبرا من الرمية بتاعتنا .. أسبوعين راحة وإستجمام تمام .. لكن تعيش فيها.. حاجة تقصر العمر ..

يوم بت عمتى جاتنى إجازة من لندن .. جبتها من المطار .. بدل أخش بالنفق عملت حريف شقيت بيها البلد وكان سبت .. قعدت أعمل ليها سياحة .. ده مقر الحكومة .. وى نص البلد .. والمعرض الدولى .. قالت لى طيب الناس وينم ..

Post: #11
Title: Re: إنتوا آمنة مختار لسة فى القاهرة ؟؟
Author: abubakr
Date: 10-20-2009, 03:23 PM
Parent: #10

Quote: طولة العمر ليك يا قريبى .. وتبرا وتستبرا من الرمية بتاعتنا .. أسبوعين راحة وإستجمام تمام .. لكن تعيش فيها.. حاجة تقصر العمر ..

اتناشر سنة في بناية واحدة ولا اعرف من هو جاري؟؟؟ ما الفرق ؟؟ االواحد بقي زي حمار الموية (زمانك كنا بنجيب الموية من النيل في "خرج" يوضع علي ظهر حمار والحمار بيعرف الدرب ماشي جاي ) اطلع الي مكان عملي الصباح الباكر واعود بنفس الطريق المساء ونادرا ما اقابل احد خارج مجتمع العمل وربما "نادر" دي تاخد شهور ؟؟؟

برة البلد ياهو لا بلد والامر واحد اكان في بكينج والا برلين وانا اهو مما طلعونا من حلفا ضارب الجرسة والاغتراب

Post: #12
Title: Re: إنتوا آمنة مختار لسة فى القاهرة ؟؟
Author: doma
Date: 10-20-2009, 03:36 PM
Parent: #11

Quote: برة البلد ياهو لا بلد والامر واحد اكان في بكينج والا برلين وانا اهو مما طلعونا من حلفا ضارب الجرسة والاغتراب

صدقت يا عزيزي يا اها الجرسه المخلينا حارسين بورد بكري وصداقات الاسافير

Post: #13
Title: Re: إنتوا آمنة مختار لسة فى القاهرة ؟؟
Author: abubakr
Date: 10-20-2009, 04:12 PM
Parent: #12

Quote: صدقت يا عزيزي يا اها الجرسه المخلينا حارسين بورد بكري وصداقات الاسافير

انا وكت جبت سيرة بكيينج وبرلين ياكي في الخاطر ...

Post: #14
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-20-2009, 08:23 PM
Parent: #13

Quote: برة البلد ياهو لا بلد والامر واحد اكان في بكينج والا برلين وانا اهو مما طلعونا من حلفا ضارب الجرسة والاغتراب
إنت دومة دى من أندينا

Post: #15
Title: Re: إنتوا آمنة مختار لسة فى القاهرة ؟؟
Author: haroon diyab
Date: 10-20-2009, 08:45 PM
Parent: #14

رافت ياميلاد

سلامات
واجازة سعيدة باذن الله

Quote: غايتو لى خمسة يوم هنا .. باقى لى خمسة تانية ..
بالشايفه ده ورتم الحياة السريع لامن مشاتر ده .. ما ظنيت فى زول فاضى لى زول

وياريت خمسة لينا في الدوحة
وينوبك ثواب....نحنا فاضيييين
ومشتاقييييييييييييييييييييين

Post: #20
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-21-2009, 06:51 AM
Parent: #15

صباح الخير يا هارون
Quote: واجازة سعيدة باذن الله
والله يا هارون نطة سريعة .. شقيقتى عيانة .. بس هسة الحمدلله .. عشان كده جات الفكرة وقلت فى الخمسة يوم نعملا إجازة وكان فى طريقة نشوف الأحباب ..
Quote: وياريت خمسة لينا في الدوحة
فى 2010 كان الله سهل عندى جية الأمارات وبنط الدوحة .. رطوبة رطوبة زى الهادانى هسة دى ..
مشتاقين كتير

Post: #16
Title: Re: إنتوا آمنة مختار لسة فى القاهرة ؟؟
Author: Ridhaa
Date: 10-20-2009, 08:55 PM
Parent: #14

الأخ رأفت
حقو تعرف البريزة =10 قروش
والريال = 20 قرش
بالله كتر من شراب عصير القصب ...وماتقرب العرقسوس ( شراب ذي الحنضل )
وأمشي اسنكدرية ... وماتركب القشاش ..
وماتنسي البقشيش ...

تحياتي لك وللأسرة ومع تمنياتي لكم باجازة ممتعة.

Post: #17
Title: Re: إنتوا آمنة مختار لسة فى القاهرة ؟؟
Author: baha eassa
Date: 10-20-2009, 09:02 PM
Parent: #16

رافت ميلاد وناذر الخليفة في القاهرة؟ مرحب بيكم لحد ما نتقابل

Post: #18
Title: Re: إنتوا آمنة مختار لسة فى القاهرة ؟؟
Author: Manal Mohamed Ali
Date: 10-20-2009, 09:44 PM
Parent: #17

ماتجوا مصر الا بعد ما اسافر منها يعني؟؟؟

امنة ...مشتاقين

Post: #23
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-21-2009, 07:08 AM
Parent: #18

Quote: ماتجوا مصر الا بعد ما اسافر منها يعني؟؟؟
يعنى جينا فى الوكت الغلط ..
مشتاقين ومتلومين يا منال

Post: #22
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-21-2009, 07:06 AM
Parent: #17

Quote: رافت ميلاد وناذر الخليفة في القاهرة؟ مرحب بيكم لحد ما نتقابل
كيفك يا بهاء
بالله ناذر زاته هنا؟؟

ياخ كان عارف عنوانه أدينى ليه .. ده بكون فاضى لى ومقدده .. أنت ما بنقدر نضغط عليك بجريكم ده .. غايتو كان لقيت فرقة تلفونى فوق .. ويا ريت تدينى عناوين والتكسى الأبيض راقد

تحياتى

Post: #21
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-21-2009, 07:00 AM
Parent: #16

سلامات يا رضا ومشتاقين
Quote:
حقو تعرف البريزة =10 قروش
والريال = 20 قرش
بالله كتر من شراب عصير القصب ...وماتقرب العرقسوس ( شراب ذي الحنضل )
وأمشي اسنكدرية ... وماتركب القشاش ..
وماتنسي البقشيش ...
البقشيش شغال من المطار .. تتصور مفكر فى إسكندرية بس ما لاقى دليل .. والناس ديل ما لاقى ليهم خرط ولا عارف راسى من كرعينى .. لكن بلقى لى طريقة ..
وحاتك لا قصب ولا عرق سوس .. والموية كان ما مصمتة ما بشربا .. الناس دى اليومين دى هنا يخوفوا .. عندهم هلع حمى الخنازير ولابسين كمامات .. أضرب فى الفول والسمك من ناره ..

رسل لى فكرة بى خريطة شكلك مقددة

تحياتى

Post: #19
Title: Re: إنتوا آمنة مختار لسة فى القاهرة ؟؟
Author: abubakr
Date: 10-21-2009, 03:37 AM
Parent: #14

Quote: إنت دومة دى من أندينا

انت قريت بكينج تركينج ؟؟؟ عموما بترطن ...

Post: #24
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-21-2009, 07:12 AM
Parent: #19

Quote: انت قريت بكينج تركينج ؟؟؟
يعنى هى بكين .. يا باش نحن من من ود النعيم
Quote: عموما بترطن ...
يعنى من أندينا .. وأن بقول الدم بحن .. وبرلين بكين وكل جحر فى الأرض بلدا

Post: #25
Title: Re: إنتوا آمنة مختار لسة فى القاهرة ؟؟
Author: فيصل عثمان الحسن
Date: 10-21-2009, 08:14 AM
Parent: #24

العزيز ميلاد شغلك كلو بقى أم قمتى , رحلة سعيدة ان شاء الله
وألف سلامة لشقيقتك , شايفك مبارى محلات السمك , عليك
بمحلات أضورة (قدورة ) ديل عندهم كل أنواع الأسماك , كما
لديهم طباخين أشك فى سلوكهم جميعا , ياخ أياديهم طاعمة بشكل
ما بتقدر تصدقو . أكل سمكك وبطل الفضول ومحاولة اكتشاف
كل شئ .
أنصحك بزيارة الاسكندرية المشى على الكورنيش فيه راحة كبيرة
وتستطيع أن تمشى عشر كيلومترات دونما تحس بالتعب .

Post: #27
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-21-2009, 09:44 AM
Parent: #25

يا فيصل يا هادم الملذات
قلت لى محل طاعم والمعلمين طاعمين .. كدى أدينى العنوان والله يستر .. عندى منهم حساسية .. آخر مرة دخلت الحراسة شكلة فى سان جيمس ..

ما عندك عنوان أحسن من الكورنيش ده .. أنا براى ياخ

شوف ليك كرت وأدينى تلفون

تحياتى للأولاد وأمهم وأبقوا عشرة

Post: #26
Title: Re: إنتوا آمنة مختار لسة فى القاهرة ؟؟
Author: abubakr
Date: 10-21-2009, 09:43 AM
Parent: #24

Quote: يعنى من أندينا .. وأن بقول الدم بحن .. وبرلين بكين وكل جحر فى الأرض بلدا

بترطن الماني وصيني وانكليزي ونضم شوايقة سااااااي

Post: #28
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-21-2009, 09:50 AM
Parent: #26

Quote: بترطن الماني وصيني وانكليزي ونضم شوايقة سااااااي
شوايقة ؟؟ يعنى من ناس الله يدينى خيرم ويكفينى شرهم ..
يعنى ناس ربابة .. وغربة وجرسة .. ما صالدين زى أهلنا ..

هنا العنصرية طافحة يا قريبى .. ومعصورين عديل على بلدياتنا

Post: #29
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-21-2009, 04:52 PM
Parent: #28

*

لميت فى تاج السر .. ناذر .. وضرب لى عبدالغفار

يا أبو بكر الليلة إشتغلت ليك نجيب محفوظ .. من باب الشعرية للعتبة للدقى .. وبحكى ليك بالتفصيل

Post: #30
Title: Re: إنتوا آمنة مختار لسة فى القاهرة ؟؟
Author: ابوعسل السيد احمد
Date: 10-21-2009, 05:14 PM
Parent: #29

أتابع هذا الخيط بتشوق إذ أجدني في جزء آخر من شرق الله الأوسط بشعوبه التي يأكلها الزحار و
عبث الجبابرة و التلوث و المجاعات و الضجيج و رجال الشرطة المدججين بالسواد و السلاح..

.. سلامي لك في ( المدن القاهرة ) يا رأفت .. و محبتي لكم جميعا هناك و بالخصوص لآمنة مختار
أينما تكون..

بوعسل أبوعسل - الكويت

Post: #31
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-21-2009, 06:31 PM
Parent: #30

Quote: أتابع هذا الخيط بتشوق إذ أجدني في جزء آخر من شرق الله الأوسط بشعوبه التي يأكلها الزحار و
عبث الجبابرة و التلوث و المجاعات و الضجيج و رجال الشرطة المدججين بالسواد و السلاح..

كيفك يا أبو عسل

الملاحظة يا أبو عسل الشرطة كمية كأنهم شعب تانى .. والدولة فعلآ تؤول للسلطة .. المبانى الحكومية ماهلة وكبيرة ومسورة .. سكن الشعب ومقرات الشركات جحور جحور .. وشعب جارى على رزقه .. بالعديل وبالفهلوة .. لكن بدون طمع وتهويل ..

غايتو بتابع معاك مغامرات .. هسة الناس ديل مواعدنى عشرة بالليل .. يعنى مواعيد نومى .. الجماعة ديل قايلنى صغير خلى بالك

Post: #32
Title: Re: إنتوا آمنة مختار لسة فى القاهرة ؟؟
Author: الطيب شيقوق
Date: 10-21-2009, 07:05 PM
Parent: #31

يا اخي انت ذاتك وين كتلتنا بالشوق ليك يا مسنوح

Post: #33
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-22-2009, 08:09 AM
Parent: #32

ود شيقوق المطرة أم رعد
صباح الخير

ألبارح زى اليادوبك وصلت القاهرة .. دخلت البيت 4 صباحاً .. وبحكى ليك ..

مشاتقين ياخ .. ولسة ما جبت لى عنوان سهام وياسر

Post: #34
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-22-2009, 09:54 PM
Parent: #33

قبال أبدأ بيوم أمبارح الصحيت منه يادوبك ..
أحكى عن أول أمبارح عشان ما أنسى

مشيت مصر الجديدة حاجة إسمها سوق العصر تخصص كمبيوترات
رجعت اللاب توب للمرة الثالثة .. بدون تذمر أو ضيق .. بل بإستحياء لأدب وأخلاق الشاب صاحب الورشة .. معه فى المحل شاب جميل من نيالا .. إحتفى بوجودى بكرم كل السودان .. ذلك الصباح وجدت الشاب المصرى وحيداً .. قررت أن "أطمعه" ليبزل جهده مضاعفاً علماً بأنه أخذ أجره كاملاً .. قلت له مستعد لأى مصروفات إضافية إذا إستدعت الحالة .. وذلك لأن الضمان يكون إنتهى لفتح الكمبيوتر بدون علم الشركة المتعاقد معها .. وغالباً مصاريف الصيانة فى البلد الذى أعيش فيه باهظة .. إبتسم الشاب وأمن على كلامى .. عندما عدت وجدتهم أصلحوا الأعطال .. ورفض أى فلوس بل إعتذر على تعطيل عطلتى ..

بعد أن تركت معه الجهاز تجولت فى سوق العصر .. وجدت به منتجات العصر .. والذين يعملون هناك جلهم من الشباب الملم بمهنته ..

خرجت أبحث عن "قهوة" ولم أجدها فى ذلك المكان الراقى .. لم يكن لى أى رغبة فى "كفتيريا" حديثة بل "قهوة بلدى" .. وقفت على الطريق أبحث عن تاكسي لأعود للحلمية .. توقف أمامى "ميكروبص" وصاح الكمسارى "عباسية عباسية" .. إنحشرت بدو تردد .. وبدأت رحلة القيادة المجنونة التى أشبة بالزحام أمام مسجد الخرطوم الكبير .. "وتتزاوغ" السيارات بين بعضها البعض مثل تلاطم الأكتاف فى ذلك الزحام .. بعد قيادة نصف ساعة سألت جارى "هل وصلنا العباسية؟" .. وكعادتهم جاوبنى بسؤال "أنت عايز تروح فين؟" .. قلت له بدون تردد "العتبة" .. وهى مقرى الرسمى .. أو الوحيد الذى أعرفه .. أتوه داخل المكتبات القديمة .. وأتصفح الكتب وصحف ومجلات بتاريخ "كم وخمسين وكم وستين" ..
عندها أصبحت إهتمام الجميع وإقتراحاتهم أين أحول سفريتى الى العتبة .. وتم الإتفاق على المحطة القادمة .. نزلت فى محطة بشوارع عريضة يطير فوقها جسر ..
لفت إنتباهى منظر الشرطى المتكرر بكامل هيئته العسكرية بملابس "سمنية" يقف مدججاً كأنه لوحة مقاتل فى خندق .. حسبته مثل "الديدبان" لدينا أو أحد حراس القصر الجمهورى .. ولكنه على قارعة الطريق .. لا يحفل المارة بوقفته المتحفذة كأنه فى ميدان حرب .. تذكرت أوبامو وهو يصافح حرس بيت الرئاسة الإنجليزى التى أتى بها محمد المرتضى حامد .. ذهبت له مصافحاً وأنا أبتسم من نفسى .. صافحنى وسألنى "أأمر" .. سألته عن كيفية الذهاب الى العتبة .. دلنى على المكان خلف "النافورة" تحت الجسر .. وعاد الى وضعه .. لا أدرى كانت مخالفة أو مسموح بها ..
ذهبت خلف الجسر فوجدت كل أنواع المركبات تتصايح بشتى الأسماء .. سألت أحدهم عن مواصلات العتبة .. لم يعرن إنتباه كاملاً .. تركته باحثاً عن "تاكسى" .. لحقنى وقبضنى من كتفى وهو يصيح " رايح فين .. إركب هنا يا بيه إركب" .. رأيت بص كأنه من الحرب العالمية مثل بصات بري إمتداد ناصر ومتحركاً .. عدوت وركبته بخفة عام 1980 .. وجدت نفسى فى لجة بشر فتذكرت أفلام النشل وعادل إمام وإمرأة تصفع رجل إلتصق بها .. صاح الكمسارى "الجالس" على مكتب بجانب الباب بتوتر يطالب بالتذكرة .. دسست يدى فى جيبى أعطيته مبلغ عشرة جنيهات تفادياً للسؤال عن ثمن التذكرة .. فكانت خمسون قرش .. إستمرت رحلة عنيفة تشبثت فيها "بماسورة" البص .. أمنع نفسى السقوط على من حولى .. بعد عشر دقائق أستعدت توازنى كأنى فى رحلة داخل "أبو رجيلة" .. من الخرطوم لأمدرمان ..
فجأة أرتفع صياح "باب الشعرية .. باب الشعرية" .. تقافذ الى ذهنى الإسم .. وكأنى معلقاً "بين القصرين" .. قفذت خارج البص .. تجولت بين حوارى وأذقة كأنى أبحث عن عشيقة "سي السيد" .. إستوقفتنى إمرأة تعدت الستين من عمرها .. جسدها أرهقه الزمن وتعلو وجهها مسحة من الجمال تنبئ بجمال فاتن فى زمن آخر .. سألتنى عن مواصلات العتبة .. قبل أن أجاوب صاحت "هى دى" .. هرولت معها بخطوتها وإستغلينا البص .. هذه المرة أخلى لنا إثنين مقعدين بأدب بإعتبارنا رفيقين .. أعطينا الفلوس للواقفين للدفع مع تصايح الكمسارى وهى تصيح معه فى نفس الوقت "إيه مفيش صبر" .. ونزلت علىّ بسيل من التذمر والمقارنة بين زمان وجمال زمان وسهولة زمان وناس زمان .. لم تنتبه أننى أجنبى .. وحرصت على ذلك بتلغرافات صغيرة مثل (آه .. مفيهاش .. معاك حأ) .. وهى لم تكن محتاجة كل هذا لتواصل .. عرفت مهنتها تصنع صابون الغسيل فى المنزل .. تسكن الجيزة .. أتت لشراء المواد بالقرب منها .. ولم تجدها فلم يكن هناك بد إلا أن تأتى باب الشعرية .. ولطريق العودة إنتظرت ساعتين للعودة للجيزة ولم تجد يص .. قررت الذهاب الى العتبة حيث تكثر وسائل المواصلات .. وحكت لى عن إمرأة أخرى مع إبنها عانت ما عانت للذهاب الى إتجاه آخر أكثر من ساعتين .. وكيف ساعدتها للحاق بالبص ..

وصلنا العتبة وتاهت منى فى الزحام .. دخلت الى (قهوة) صغيرة .. طلبت قهوة مظبوطة .. دخل ثلاثة شبان فى مقتبل العمر .. حيونى وطلبوا شاى .. سألتهم من أين هم .. فنظر أحدهم فى إستنكار .. تداركت وأعدت سؤالى من أين أنتم فى السودان .. فإنبرى أحدهم بثقة "أنا من مدنى وديل من الخرطوم" .. إبتسمت فلا يزال أهل مدنى من مدنى

Post: #35
Title: Re: إنتوا آمنة مختار لسة فى القاهرة ؟؟
Author: فيصل عثمان الحسن
Date: 10-22-2009, 11:12 PM
Parent: #34

Quote: عدوت وركبته بخفة عام 1980 .

دل يا رأفت .
والله يا ود الزينة لو عدوت الا كان يجيبوك كارقو .
ياخ والله مشتاقين . بعدين تلفونك ده ما برد حاولت ليك
عدة مرات , ما دام لميت فى الزول الأرباب عبدالغفار المهدى
ما بتجيك عوجة , انت عارف الشباب ديل مشغولين شديد , حتى
عبد الغفار قابلتو بالصدفة خلال ندوة أقيمت بمقر نقابة الصحفيين
المصريين , وقابلت أيضا العزيز نابرى فكان اللقاء عابرا وسريعا
حاول استمتع بأيامك يا عزيزى , وفى انتظار تكملة انطباعاتك عن
قاهرة المعز , لك ولكل من حولك أطيب التحايا .

Post: #36
Title: Re: إنتوا آمنة مختار لسة فى القاهرة ؟؟
Author: ابوعسل السيد احمد
Date: 10-22-2009, 11:36 PM
Parent: #35

يا رأفت ...

ما زلت أصغي لهذا الحكي.. أو قل هي مغامرات رأفت ميلاد في "المدن القاهرة".. القاهرة هي عدة مدن في
مدينة واحدة كبيرة.. أحيانا تلك المدن لا تمت إلى التي تجاورها مباشرة باية صلة.. هم المصريون و
طريقتهم الفريدة في التشبث بالحياة في بلد فقير جدا في موارده..

لكن الله ما يشوفك شكلة مصرية في حي شعبي.. اسكت بس! و لعل ما يصك السمع هو سهولة تلفظهم بالشتائم
المقذعة و بالخصوص في حق الأمهات! أما علاقاتهم فتحكمها تراتبية طبقية مادية.. و يبررون لذلك بأنه
" أكل عيش ".. و أكيد سمعت " يا باشا" و " يا بيه" تريليون مرة بحقك .. عينهم نافذة يعرفون أنك
حديث الوفود إلى بلدهم..

المهم يا صديقي، ما زلت أنتظر انطباعاتك الجميلة هذه، و يحدوني أمل أن تطل آمنة مختار بروحها
هنا...

محبتي أكيدة
بوعسل ابوعسل ـ الكويت

Post: #38
Title: Re: إنتوا آمنة مختار لسة فى القاهرة ؟؟
Author: انتصار محمد صالخ بشير
Date: 10-23-2009, 00:00 AM
Parent: #36

الاخ رافت

سلام عليكم

اعمل حسابك ما ينشلوك يعلم الله ديل بشيلو الكحلة من العين

اه للان عاوزة اعرف اخبار امنة مختار

اجازة سعيدة وسلام لامونة

انتصار

Post: #53
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-29-2009, 10:21 AM
Parent: #38

Quote: اعمل حسابك ما ينشلوك يعلم الله ديل بشيلو الكحلة من العين
سلام يا إنتصار
عملت إحياطات النشل كويس .. لكن "القلع" ما قدرت عليه .. يشيلوا حقك عينى عينك ..
Quote: اه للان عاوزة اعرف اخبار امنة مختار

اجازة سعيدة وسلام لامونة
أمنة مختار لاقيتها وما قصرت معاى .. هى عيانة شوية ودعواتكم معاها ..

وبحكى ليكم عن أمونة .. الزوق .. الثقافة .. اللباقة .. السماحة

Post: #52
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-29-2009, 10:12 AM
Parent: #36

صباحك خير يا أبو عسل
وصلت الى قواعدى .. غير متأكد من سالماً .. لا زالت "بالأضان صنة" .. وبالدمغ رنة .. وبالعيون "زغلله ..
Quote: ما زلت أصغي لهذا الحكي.. أو قل هي مغامرات رأفت ميلاد في "المدن القاهرة".. القاهرة هي عدة مدن في
مدينة واحدة كبيرة..
الحكى فى "الختفة" دى ممكن يصل مجلدات .. يتدافع بس بدون بداية وما ليه نهاية .. الله يقدرنى
Quote: لكن الله ما يشوفك شكلة مصرية في حي شعبي.. اسكت بس! و لعل ما يصك السمع هو سهولة تلفظهم بالشتائم
المقذعة و بالخصوص في حق الأمهات!
شفت عينة وبجيها .. لكن ياخ اللفظ فى أفواه النساء أفظع من الرجال .. خاصة عندما يكون فى حق الأمهات ..
Quote: و يحدوني أمل أن تطل آمنة مختار بروحها
هنا...
ولميت ليك فيها .. حاجة تفرح .. وماشى أفرد ليها باب منفصل .. أكبر من باب عثمان دقنة فى وصف الأمراء عند ضرار صالح ضرار ..

تابع معاى

Post: #37
Title: Re: إنتوا آمنة مختار لسة فى القاهرة ؟؟
Author: ماضي ابو العزائم
Date: 10-22-2009, 11:50 PM
Parent: #35

Quote: .. رأيت بص كأنه من الحرب العالمية مثل بصات بري إمتداد ناصر ومتحركاً .. عدوت وركبته بخفة عام 1980 ..

بنسحب الكفالة

Post: #54
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-29-2009, 10:25 AM
Parent: #37

Quote: بنسحب الكفالة
تاااانى .. ماكفاية عمك البشير .. الواحد بقى يصل القاهرة ويرجع .. كان بقى موسى ونط فى النيل .. يخموه من المقرن .. يعنى برى ما يصلا ..

مشتاقين يا ماضى

Post: #42
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-23-2009, 10:26 PM
Parent: #35

Quote: دل يا رأفت .
والله يا ود الزينة لو عدوت الا كان يجيبوك كارقو .
عالم حاقدة .. هسة لما أحكى ليك قصة أربعة صباحاً تقول شنو ..

Post: #39
Title: Re: إنتوا آمنة مختار لسة فى القاهرة ؟؟
Author: بكري الصايغ
Date: 10-23-2009, 00:34 AM
Parent: #1

الأخ الـحـبـيـب الـحـبـوب،

رأفـت،

تـحياتي ومـودتي لك .... من مـوسكو الباردة زي ... بيـرة حـلايـب!!!

*** - وسـلامي لأسـرتك الكـريـمة.

Post: #40
Title: Re: إنتوا آمنة مختار لسة فى القاهرة ؟؟
Author: نادر الفضلى
Date: 10-23-2009, 03:01 AM
Parent: #39

عزيزى رأفت
تحياتى

الجو كيف فى القاهرة .. شتاها بارد شديد
باين لسة ما شتت مدام البوليس لسة ما لبس الزى الأسود

إسكندرية كان فيها مطعم فول إسمه محمد أحمد .. خطرى
وقدورة بتاع السمك .. تختار سمكك و يطبخ أمامك

مشيت الإهرامات وأبو الهول .. لو داير تشوف جمالهم
أسأل عن البرنامج الليلى الضؤ والصوت .. لو لسة مستمر

مكتبة متبولى وسط البلد شارع طلعت حرب برضو تستاهل الشوفة

أجمل ما فى ليالى القاهرة مسارحها ... مسرحياتهم كيف الأيام دى

العتبة دى إتخارج منها .. وأهو لميت فى الشباب بجيهوك

مع أمنياتى لك بقضاء وقت سعيد

Post: #41
Title: Re: إنتوا آمنة مختار لسة فى القاهرة ؟؟
Author: عبدالكريم الامين احمد
Date: 10-23-2009, 11:57 AM
Parent: #40

رافت تشهي الزول مشية القاهرة يعلم الله..

بحكيك الطاعم طعامة يد الطباخين الوصف ليك محلهم فيصل
وواصل اصلك ما تقيف ..

وربنا يكتب لشقيقتكم بالصحة والعافية

Post: #43
Title: Re: إنتوا آمنة مختار لسة فى القاهرة ؟؟
Author: Muhib
Date: 10-23-2009, 10:56 PM
Parent: #41

Quote: وأتصفح الكتب وصحف ومجلات بتاريخ "كم وخمسين وكم وستين"
...

يا سلام مكتبه مدبولي العريقه
وماتنسي تمشكي كشري ابوطارق ...وسلم علي الجماعه
ها اتصل عليك لما ترجع ..محب

Post: #44
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-24-2009, 07:59 AM
Parent: #43

يا جماعة القصة إحلوت وعشان فتحت ليكم وما نسيتكم

دخلت فى العد التنازلى وداير أكبر "لهطة" ممكنة

قصة رجوع البيت وش الفجر برجع ليكم ليها..

تشيوقاً كده .. ياأبو بكر ما قعدت ليك مع الزول المصنقر .. حبيب نورة زاااتو .. ودى باب براه ..

وناذر الخليفة لقطة الموسم وكل المواسم ..

والعمدة تاج السر حاجة تحير .. زول وسيم ودود صاحب قفشة .. ما تقول تج السر أبو عكاز دااك

بجيكم راجع بحكى كامل وبمزاج

Post: #45
Title: Re: إنتوا آمنة مختار لسة فى القاهرة ؟؟
Author: حامد محمد حامد
Date: 10-24-2009, 08:47 AM

الاخ رافت

اولا ربنا يكتب السلامة لاختك ولو عزت اى مساعدة ليها بخصوص الدكاترة فنحن مستعدون

ثانيا اذا عندك وقت لسع هناك اماكن لابد ان تزورها

بالنسبة للسمك انا افضل البرج وكاستن عن قدورة وان كان قدورة ارخصهم
ساقية عبد المنعم الصاوى فيها تقام الندوات ويعزف فيها عمر خيرت اجمل الالحان
هناك كافيه فى فندق شيراتون الجزيرة داخل البحر مكان تجد فيه نفسك افضل ان ترتادة عند المغيب
السير قدما على كوبرى الجيزة بعد منتصف الليل
طبعا اكيد جلست فى الفيشاوى واكلت فى نجيب محفوظ
واذا كنت من محبى الحمام المحشى والكباب فلا تنسى تاكل من محلات فرحات وله فروع عدة
هناك مكتبة فى القاهرة الكبرى فى الزمالك ...مكان يحسسك بقيمة الادب والفنون
ومن باب الفضول والمعرفة عليك بزيارة الى شارع الهرم وسوق معاك ناذر الخليفة واخرين

وكن بخير

Post: #46
Title: Re: إنتوا آمنة مختار لسة فى القاهرة ؟؟
Author: ناذر محمد الخليفة
Date: 10-24-2009, 12:58 PM
Parent: #45

!!!

Quote: ومن باب الفضول والمعرفة عليك بزيارة الى شارع الهرم وسوق معاك ناذر الخليفة واخرين

نسأل الله السلامة ...!!

في دي غايتو إلا يمشي براهو يا حامد ..!

ما تدقس الراجل تشيكو فضول ومعرفة يقوم يصدق

Post: #47
Title: Re: إنتوا آمنة مختار لسة فى القاهرة ؟؟
Author: حامد محمد حامد
Date: 10-24-2009, 01:16 PM
Parent: #46

Quote: في دي غايتو إلا يمشي براهو يا حامد ..!

يا راجل ....على حد قول المصريين

طيب يا ناذر امشى معاه وانتظره قدام الباب

طبعا والمعلومة لرأفت ....الدخول بعد منتصف الليل

كده كفاية ما يجونا ويقولوا خدشت حيائنا...وكدة

Post: #48
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-25-2009, 00:12 AM
Parent: #47

غايتو القصة كبرت

جابت ليها أحمد عبدالله وصلاح المليح و وعمار عوض .. ديل للمرة التانية

مفاجأة حياتى الزول النقشنى فى ثانية من دون الناس طلال عفيفى يشحمه ولحمه ..

ومفاجأة المفاجأت عادل عبد العاطى

وبعدين أميمة اللطيفة قصة تانى .. ده غير البورداب .. الصور كوسوا بوست بهاء ( ناذر الخليفة .. رافت ميلاد .. وعادل عبد العاطي .. في ال...مساء اليوم(اكيد صور) )
بس للأسف تلفون راوية العباسى ما بظهر فى الصور

حبيب نورة مجتهد فى يوم ختامى عالمى ..

ووراكى وراكى يا أمونة .. لميتى لينا الخير .. والخير كله يوم ألم فيك .. فضل يومين يتيمين

Post: #49
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-26-2009, 00:21 AM
Parent: #48

وقابلت أمنة مختار أخيراً
جلسة فى قلب الحسين فى مقهى الفيشاوى نفسة فى خان الخليلى

جلسة ولا الأحلام فى حضرة أم كلثوم وجلالة الملك فاروق ..
جدران المقهى الخشبية المنحوتة طل منها عز الفاطميين وعراقة المصريين .. وهناك توارى محمد الوهاب خجلاً .. وهذه قصة أخرى ..

أمونة رائعة .. لباقة وكياسة وعصرية .. لفتت نظرى بلهجتها السودانية الغير مترددة مع المصريين .. عكس أغلب السودانيين الذين "يلون" لسانهم تمصراً .. وهى التى يمكن أن تكون أقدم المقيمين ., من أيام الدراسة ..

والحكى له شجون

Post: #50
Title: Re: إنتوا آمنة مختار لسة فى القاهرة ؟؟
Author: انعام عبد الحفيظ
Date: 10-26-2009, 00:27 AM
Parent: #49

يعني ما جاي الخرطوم؟؟؟

Post: #51
Title: Re: إنتوا آمنة مختار لسة فى القاهرة ؟؟
Author: اسامه خليفه
Date: 10-26-2009, 04:48 AM
Parent: #50

رافت ميلاد يااصيل .. امنه مختار فعلا تستحق ان يبحث عنها ..

لك التحايا وعبرك للاخت امنه مختار مع تمنياتي لك باقامه طيبه بالقاهره..

Post: #61
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-29-2009, 11:20 AM
Parent: #51

Quote: رافت ميلاد يااصيل .. امنه مختار فعلا تستحق ان يبحث عنها ..

لك التحايا وعبرك للاخت امنه مختار مع تمنياتي لك باقامه طيبه بالقاهره..
مرحب بيك يا أسامة
سعدت والله بمكالمتك فى حضرة أمونة .. وفعلاً مقابلتها مكسب أعتز به ..

مودتى

Post: #60
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-29-2009, 11:17 AM
Parent: #50

Quote: يعني ما جاي الخرطوم؟؟؟
يا ريت يا نعومة ..
دعواتك معانا يمكن الله يسهل

مشتاقين

Post: #59
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-29-2009, 11:15 AM
Parent: #45

حامد محمد حامد سلام
وصفك ده كله ما شفته .. سألت عليه وأمن الجميع عليه .. بس البرنامج بقى مليان والكت ضاق .. ولمة الناس بقت الأفضلية .. لكن فى البال كان الله أدى العمر .. بى شوارع أهراماتا .. المقابر لازم الزول يشقها ولا شنو .. غايتو ناذر إتخرت ..

أدينى خبر كان الله رفع القدم

Post: #58
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-29-2009, 10:49 AM
Parent: #43

Quote: يا سلام مكتبه مدبولي العريقه
وماتنسي تمشكي كشري ابوطارق ...وسلم علي الجماعه
ها اتصل عليك لما ترجع ..محب
وين يا محب شوق شديد ياخ
مدبولى وصلتها .. لكن خفت من الكشرى والناس لابسين كمامات ..

لكن القاهرة غادرها المعز وحل محمد عبد الوهاب وده حكى تانى

مستني إتصالك

Post: #57
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-29-2009, 10:43 AM
Parent: #41

Quote: رافت تشهي الزول مشية القاهرة يعلم الله..

بحكيك الطاعم طعامة يد الطباخين الوصف ليك محلهم فيصل
وواصل اصلك ما تقيف ..

وربنا يكتب لشقيقتكم بالصحة والعافية
الله يخليك ياكيكى
والقاهرة أحلى ببوردابا .. مواصل معاك الحكى الطاعم بطعامة أهلها

مشتاقين

Post: #56
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-29-2009, 10:43 AM
Parent: #40

Quote: الجو كيف فى القاهرة .. شتاها بارد شديد
باين لسة ما شتت مدام البوليس لسة ما لبس الزى الأسود

إسكندرية كان فيها مطعم فول إسمه محمد أحمد .. خطرى
وقدورة بتاع السمك .. تختار سمكك و يطبخ أمامك

مشيت الإهرامات وأبو الهول .. لو داير تشوف جمالهم
أسأل عن البرنامج الليلى الضؤ والصوت .. لو لسة مستمر

مكتبة متبولى وسط البلد شارع طلعت حرب برضو تستاهل الشوفة

أجمل ما فى ليالى القاهرة مسارحها ... مسرحياتهم كيف الأيام دى

العتبة دى إتخارج منها .. وأهو لميت فى الشباب بجيهوك

مع أمنياتى لك بقضاء وقت سعيد
نادر سلام وليك وحشة
وباين عليك خبير أجنبى ..
العتبة ياخ لزيزة .. ومكتباتها برنامج من لا برنامج له .. فتحت ليها بعد ما لميت فى الشباب .. صيفت ليك فى البورصة التوفيقية .. وزرت مدبولى والجمهورية .. واللقطة السندباد .. أكلت فى فلفلة وجلسة هلامية فى خان الخليلى بركات الشيخة أمونة ..

وبجيك بالتفاصيل

Post: #55
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-29-2009, 10:32 AM
Parent: #39

سلام يا بكرى ومشتاقين
Quote: تـحياتي ومـودتي لك .... من مـوسكو الباردة زي ... بيـرة حـلايـب!!!
أقول القاهرة تقول لى موسكو .. سليمان أخوى الله يرحمه طلعت ليه بعثة هندسة موسكو فبل الكلية .. زاغ من المطار .. يا زول مالك ؟ .. قال "حد يسيب مدنى ويمشى موسكو"

لكن ياهو الشديد القوى الرماك ورمانا ..

Post: #62
Title: Re: إنتوا آمنة مختار لسة فى القاهرة ؟؟
Author: ناذر محمد الخليفة
Date: 10-29-2009, 03:08 PM
Parent: #55

ليه كدة يا أمونة ؟!!

طيب ما كنتي قولي لي رأفت بشوفك لمن ناذر يتخارج ..!!

Post: #63
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-29-2009, 06:08 PM
Parent: #62

Quote: ليه كدة يا أمونة ؟!!

طيب ما كنتي قولي لي رأفت بشوفك لمن ناذر يتخارج ..!!
على الإطلاق الموضوع ما كدة يا ناذر .. آمنة قطعت من وكتها .. والبوست ما شافته ولا متابعة النت .. وصلت ليها بواسطة تراجى .. وكتر خيرها جبرت بخاطرى رغم وعكتها الصحية ..

دعواتنا ليها وقد تخضع لعملية قريباً ..

حمدلله على سلامة الوصول .. عندنا صورة لسة ما قادر أطلعا من الموبايل ..

تحياتى

Post: #64
Title: Re: إنتوا آمنة مختار لسة فى القاهرة ؟؟
Author: حبيب نورة
Date: 10-29-2009, 06:15 PM
Parent: #63

ميلاد

ياخي الدنيا فاقداك
عندنا يوم ح يكون جميل
و المفروض انك تاخد شهادة تقديرية
لكن عشان مشيت
خلي تلج سويسرا ينفعك
ح تشوف الكلام دة في التصاوير
معانا كمية مصوراتية
من ضمنهم قريبك بهاء
وعفيفي

خليك قريب

Post: #65
Title: Re: إنتوا آمنة مختار لسة فى القاهرة ؟؟
Author: Tragie Mustafa
Date: 10-30-2009, 05:44 AM
Parent: #64

يا رافت يا غالي
ولانك غالي قابلتك آمونه
Quote: أمونه دي غاليه عندنا وزمنها نفسه غالي
على الإطلاق الموضوع ما كدة يا ناذر .. آمنة قطعت من وكتها .. والبوست ما شافته ولا متابعة النت .. وصلت ليها بواسطة تراجى .. وكتر خيرها جبرت بخاطرى رغم وعكتها الصحية ..

دعواتنا ليها وقد تخضع لعملية قريباً ..

حمدلله على سلامة الوصول .. عندنا صورة لسة ما قادر أطلعا من الموبايل ..

تحياتى
عاد فعلا يا ناذر لو اتصالي بها هي ما متابعه للبورد نهائي
حاليا.

رافت اوع تكون صور آمونه
غايتو كان ما استأذنتها الله قال بقولك.(وجه ضاحك)

Post: #66
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-30-2009, 09:06 AM
Parent: #65

أخيراً يا تراجى

ألف حمدلله بالسلامة
كانت لحظات جميلة .. قابلت آمنة مرتين .. أول يوم جلسة جميلة فى خان الخليلي .. وتانى يوم مع عادل عبدالعاطى فى جروبى .. ما شبعنا منها ولكنها بهرتنا بكياستها وزوقا ولطفها
Quote: رافت اوع تكون صور آمونه
غايتو كان ما استأذنتها الله قال بقولك.(وجه ضاحك)
الصورة أنا وناذر .. مع أمونة ما إتصورنا والله ..

سعيدين بوجودك يا تراجى

كفاية مجاملات لحدى هنا .. وأبدى لينا الشغل التقيل .. الناس دقست وجنس محن ..

تعالى لى هنا نعم للإنفصال .. نعم للشريعة .. لا للإنفصال .. لا للشريعة

أقرى كله .. وورينا رأيك .. بوست عام ومتابع أكثر من مشارك

Post: #67
Title: Re: إنتوا آمنة مختار لسة فى القاهرة ؟؟
Author: رأفت ميلاد
Date: 10-30-2009, 05:00 PM
Parent: #66

أنا وناذر بلا نيل ولا قمر

Post: #68
Title: Re: إنتوا آمنة مختار لسة فى القاهرة ؟؟
Author: Amin Mahmoud Zorba
Date: 10-31-2009, 06:50 AM
Parent: #67

يا حبيبنا
كم في الشوق من مغسة
لو لاقي فرصة اعضيك مافي صنقورك التلاتة جبنة واحد فول ده
لكن في كبيدتك
واعتبرني هند بنت ابي سفيان

تعرفي ليه انا ممكون منك
ده كلام تاني
رسل تلفونك في الخاص
والبينا شكلة لرب السماء

Post: #69
Title: Re: إنتوا آمنة مختار لسة فى القاهرة ؟؟
Author: Abdel Aati
Date: 11-03-2009, 00:04 AM
Parent: #68

آمنة مختار

أبهى وارقي وأجمل وأعقل
من كل ما تظنون ...

لاقيتها مرتين فلاقيت فكرا راقيا متقدما
وذوقا رفيعا وروحا انسانية رحبة .

لها التحية والاحترام .

Post: #70
Title: Re: إنتوا آمنة مختار لسة فى القاهرة ؟؟
Author: Tragie Mustafa
Date: 11-03-2009, 00:26 AM
Parent: #69

عادل سلامات

عليك الله انا مشتاقه ليها شديد

صورها لي صور حديثه وواعدها

انك ترسلها لي في الايميل لي انا بس!

آمنه انسانه اكثر من رائعه

كويس الالتقيتوا كلكم.

Post: #71
Title: Re: إنتوا آمنة مختار لسة فى القاهرة ؟؟
Author: محمد عبد الماجد الصايم
Date: 11-03-2009, 09:25 AM
Parent: #70

ناذر ورأفت
القزازة تحت الكرسي دي فيها شنو؟

Post: #72
Title: Re: إنتوا آمنة مختار لسة فى القاهرة ؟؟
Author: AMNA MUKHTAR
Date: 12-13-2009, 04:19 PM
Parent: #71

سلام للجميع من بعد غيبة..

سعدت أيما سعادة بلقاء الأعزاء رأفت وعبد العاطى ، وسعدت أكثر بتناغمنا الفكرى والانسانى .

شكرا يا رأفت على البوست . وعذرا على تأخر الرد .

Post: #73
Title: Re: إنتوا آمنة مختار لسة فى القاهرة ؟؟
Author: Abdel Aati
Date: 12-13-2009, 05:53 PM
Parent: #72

تحية للعزيزة آمنة مختار
والف مرحب بعودة قلمك المصادم .