رباطابي عسكري مرور .. بلغوه أنو في باص إنقلب .. مشى مكان الحادث لقى الناس كلها ميتين ماعدا واحد .. قال ليهو : أها يالصـــــندوق الأســـــود .. الحادث حصل كيف ..
حاجة كبيرة مشت المركز الصحي وقابلت الدكتور والدكتور رباطابي قالت ليه حوّلني المستشفى قال ليها ليه؟؟ قالت ليه عشان هناك بكشفو عليّ بالسماعة قال ليها و الدارعا انا في رقبتي دي باقي لك نبلة؟؟
Post: #4 Title: Re: نكات ...... من بلدنا .. ( توجد مساخة وسرعة بديهه ) Author: ياسر بيناوي Date: 10-20-2009, 08:02 AM Parent: #3
(3 )
رباطابى شنبو كبير ومسطح فى القطر قبضو العسكرى قالو بي شنبك دة ومسطح قال ليهو نان دايرني اشحنو
Post: #5 Title: Re: نكات ...... من بلدنا .. ( توجد مساخة وسرعة بديهه ) Author: naeem ali Date: 10-20-2009, 08:08 AM Parent: #4
مالك مع (أهلي) يا بناوي ياخ..
Post: #6 Title: Re: نكات ...... من بلدنا .. ( توجد مساخة وسرعة بديهه ) Author: ياسر بيناوي Date: 10-20-2009, 08:30 AM Parent: #5
نعيم الدنيا مرحبتين
Quote: مالك مع (أهلي) يا بناوي ياخ..
قلنا نوثق لاهلنا الدنيا ما معروفة ياخ
خالص الود
Post: #7 Title: Re: نكات ...... من بلدنا .. ( توجد مساخة وسرعة بديهه ) Author: كمال عكود Date: 10-20-2009, 08:34 AM Parent: #4
Quote: أها يالصـــــندوق الأســـــود .. الحادث حصل كيف ..
اها يا ياسر أول نكتة ليك قطعت مصاريني بالضحك
والله بعض المرات تسغرب كيف الناس دي بطلع منها زي الكلام دا وبالطريقة دي وبسرعة البديهة دي؟؟؟؟؟؟؟
Post: #8 Title: Re: نكات ...... من بلدنا .. ( توجد مساخة وسرعة بديهه ) Author: شول اشوانق دينق Date: 10-20-2009, 08:50 AM Parent: #7
Post: #14 Title: Re: نكات ...... من بلدنا .. ( توجد مساخة وسرعة بديهه ) Author: نوفل عبد الرحيم حسن Date: 10-21-2009, 03:50 AM Parent: #8
Quote: رباطابي عسكري مرور .. بلغوه أنو في باص إنقلب .. مشى مكان الحادث لقى الناس كلها ميتين ماعدا واحد .. قال ليهو : أها يالصـــــندوق الأســـــود .. الحادث حصل كيف ..
Quote: اها يا ياسر أول نكتة ليك قطعت مصاريني بالضحك
تسلم
خالص الود
Post: #10 Title: Re: نكات ...... من بلدنا .. ( توجد مساخة وسرعة بديهه ) Author: Dr. Ahmed Amin Date: 10-20-2009, 03:00 PM Parent: #9
بيناوي سلااااام
واحد بتكلم مع صاحبه الرباطابي قال ليه:
تعرف الدبيب لمن يعضي ليه زول بخلي سنونه فيه وبمشي عشان يلقى
ليه زول تاني يعضيه... الرباطابي سأله: لكن هو ما خلى سنونه في الزول
العضاه أول ... صحبه قال ليه ما ربنا بقوم ليه سنون تاني
الرباطابي قال ليه ياخي الشي أصله دبيب ولا دباسه...
تحياتي لأهلي الرباطاب
Post: #11 Title: Re: نكات ...... من بلدنا .. ( توجد مساخة وسرعة بديهه ) Author: nazar hussien Date: 10-20-2009, 03:19 PM Parent: #10
رباطابي فارش جنازير للبيع جاهو واحد قال ليه الجنازير ديل للبيع قال ليه لا...شاريهن ييبسن
رباطابي تاني غير سيد الجنازير الفوق دا...قالوا ليه ابو حمد وين ...قال ليهم ياهو داك مخلف فوق حمارتو ...
قالوا ليه لا نحن قاصدين المدينة...قال ليهم نان وينو احرامكم؟
Post: #13 Title: Re: نكات ...... من بلدنا .. ( توجد مساخة وسرعة بديهه ) Author: MOHAMMED ELSHEIKH Date: 10-20-2009, 08:05 PM Parent: #11
العمة: بتقري وين يا علا علا: في روضة القلم العمة: الغنم؟ لا يا عمتو القلمممممممممممم العمة: الغنم؟(العمة عاوزة تغيظ علا) علا: آآآي الغنم العمة: بدوكم شنو يا علا في روضة الغنم دي؟ علا: بدونا قش.
علا ابنة اختي ربنا يخليها و يديها العافية وهي شبه رباطابية
Post: #15 Title: Re: نكات ...... من بلدنا .. ( توجد مساخة وسرعة بديهه ) Author: ياسر بيناوي Date: 10-21-2009, 07:15 AM Parent: #13
واحد عندو تلفون كان بيضرب مابيستقبل قام الرباطابى قال ليهوانت تلفونك دا مالو زى فصيلة او نكتف o+nev
Post: #16 Title: Re: نكات ...... من بلدنا .. ( توجد مساخة وسرعة بديهه ) Author: nazar hussien Date: 10-21-2009, 07:44 AM Parent: #15
الرباطابي سأل سيد المكتبة : عندك قاموس...؟؟؟ سيد المكتبة قال ليه الديكشنري!
قال ليه اقول ليك قاموس تقول لي اديك شنري؟
طيب الشنري زاتو بي كم ؟
دا كلو نجر ساكت يا ياسر...ومشكلتي لا احفظ النكات.... لكن كل مرة بنجر ليك واحدة بايخة...وانت انجر لينا السمحات عشان البوست دا ما يحتل وكده
Post: #17 Title: Re: نكات ...... من بلدنا .. ( توجد مساخة وسرعة بديهه ) Author: هويدا شرف الدين Date: 10-21-2009, 07:46 AM Parent: #15
رباطابى جمع قروش ومشى السعوديه يشتغل ولملم ليهو ريالات ولمو فوقو ناس الكشه وقبضو ومنتظر الترحيل سألو عسكرى سعودى الفرق بينكم وبين البهائم شنو قال ليهو البحر بس
Post: #18 Title: Re: نكات ...... من بلدنا .. ( توجد مساخة وسرعة بديهه ) Author: محمد عمر جبريل Date: 10-21-2009, 08:22 AM Parent: #17
رباطابي بتوحم على كوارع .. مشى الجزارة إشترى 2 كيلو عضام .. في الرجعة لاقاهو واحد شايقي وشاف كيس العضام في يدو .. قال ليهو دا شنو دا يااااا.. عازم لك كلاب إنت ؟؟؟! الرباطابي قاليهو آآآآآآي عازم لي كلاب .. الكرت ما وصلك؟
Post: #23 Title: Re: نكات ...... من بلدنا .. ( توجد مساخة وسرعة بديهه ) Author: هشام حسن Date: 10-21-2009, 07:47 PM Parent: #22
ياسر بيناوي كيف حالك..
شباب قاعدين يلعبو حريق.. واحد عايز يرمي بايظ سأل جارو الرباطابي: قافل؟ الرباطابي قال ليهو لأ.. قام رمى البايظ بتاعو الرباطابي جراهو خمسين.. فقال للرباطابي: ليه تكضب علي؟.. الرباطابي قال ليهو: بكضب ياخ.. أصلو نحن لاعبين في جامع..؟
Post: #24 Title: Re: نكات ...... من بلدنا .. ( توجد مساخة وسرعة بديهه ) Author: احمد محمد بشير Date: 10-21-2009, 09:40 PM Parent: #23
يديك العافية يا ياسر... نكات أكثر من رائعة.
Post: #26 Title: Re: نكات ...... من بلدنا .. ( توجد مساخة وسرعة بديهه ) Author: Abdlaziz Eisa Date: 10-22-2009, 10:36 AM Parent: #24
* واحد من أهل العوض اشترى ليهو ساعة سألوه: الساعة كم؟ قال: أها خلاص دايرين تكملوا الحجر.
* واحد مزاجي قالوا ليه اكتب لينا امتحان انشاء من 10 صفحات, كتب في الصفحة الاولى: ركب الرجل الحصان وفي الصفحة الاخيرة كتب: نزل الرجل من الحصان. وبين الصفحات كتب كبجك كبجك كبجك كبجك.
* استاذ سال تلميذ مسطول ما معنى كلمة سبيل؟ رد التلميذ: طريق.. المعلم :وسلسبيل؟ قال ليهو ... طر.. طريق.
* كلب جاتو نفسيات لانو اكتشف انه بينبح على حرامي اطرش!
* واحد خيالي سألوهو اذا خروف عرس نملة بيولدوا شنو؟.. قال يا خروف منمل يا نملة مخرفه.
** واحد مسطول ضرب تلفون لموظفة استعلامات جديدة في سودانير سألها كم المسافة بين السودان والسعودية عاوزة تسأل زميلتها قالت ليهو دقيقة. قال ليها شكراً وقفل السماعة.
** قرد شاف نفسه في المرايا قال: الله لا يبلانا..
** بت بلدياتنا خطيبها رسل ليها خطاب عاطفي وبين كل فقرة والثانية كتب ليها آه.. آه.. ردت ليهو: كلامك حلو لكن واحد وخمسين دي ماعرفتها؟ مصاريف ولا شنو؟
** بلدياتنا شين راكب حمار شاف بت رباطابية حلوة شديد قال ليها: أول مرة اشوف رباطابية حلوة كده.. قالت ليهو: اول مرة اشوف حمار طابقين..
** رباطابي دخل المستشفى سألوه: زيارة؟ رد: لا عمره.
Post: #27 Title: Re: نكات ...... من بلدنا .. ( توجد مساخة وسرعة بديهه ) Author: ابو تميم Date: 10-22-2009, 10:55 AM Parent: #26
مسطول سألوهو في امتحان ... ما الفرق بين الفيل والنملة ....... كتب :
1. الفيل رجله بتنمل ... لكن النملة رجله ما بتفيل
2. ممكن نخت النملة في النملية ... لكن الفيل ما بتقدر تختو في فيلية
3. you can feel ..... but you can not namla
Post: #28 Title: Re: نكات ...... من بلدنا .. ( توجد مساخة وسرعة بديهه ) Author: الشفيع وراق عبد الرحمن Date: 10-22-2009, 04:23 PM Parent: #27
مشكور ياسر على البوست فرقت علينا والله هاكم دي قالو رباطاب قاعدين يحفروا في قبر .. جاء واحد ماشي قال ليهم خير مالكم ، قالو ليهو عندنا واحد مات ، قال ليهم مات هنا و لا خبر ، قالو ليهو خبر ، قال ليهم سمح بتحفروا لي شنو ، قالو ليهو دايرين ندفن التلغراف .
Post: #29 Title: Re: نكات ...... من بلدنا .. ( توجد مساخة وسرعة بديهه ) Author: الشفيع وراق عبد الرحمن Date: 10-22-2009, 04:32 PM Parent: #28
رباطابي راكب حافلة ولمن وصل لي محطتو طقطق للكمساري بي أصابعو الكمساري قال ليهو نازل هنا قال ليهو لا لا عايز أجاوب
Post: #30 Title: Re: نكات ...... من بلدنا .. ( توجد مساخة وسرعة بديهه ) Author: الشفيع وراق عبد الرحمن Date: 10-22-2009, 04:38 PM
معليش يا ياسر احتلينا البوست حقك
سألوهو: ما أصعب موقف مر بيك؟ قال: لمن كنت بحلق وآكل في لبانة
*** مسطول سألوه عن الفرق بين الشهد والشهيد؟ قال: الإتنين بيتلحْسـو! *** *** واحد مسطول سألوه عن الفرق بين الركشة والكارو قال في الكارو الحماره بره *** مسطول مرتو قالت ليهو ياخي قول لي كلمة تحسسني بالدفء والحنان .. قال ليها: بطانية ***
مسطول عينوه مدير دار الايتام اول يوم طلب اجتماع مجلس اباء *** مسطول وقع في حفرة، حاول يطلع ثلاث مرات، قال دي آخر مرة اذا ما طلعت بمشي *** في مسابقة أسرع رسم، واحد مسطول رسم نقطة، سألوه ده شنو قال: فيل جاي من بعيد *** مسطول نايم في الحوش امو بتصحي فوقو قوم الشمس جات
قاليها قوليها خشي واقفلي الباب *** سواق أمجاد راكب جنبو واحد سمــين لدرجة انو ما قادر يسوق، في واحد مسطول في الكنبة الخلفية قال للسواق: يا ابن العم شيل دركسونك وتعال معانا بي وراء *** *** مسطول سأل صاحبو قال ليهو: الشيء البقول ناووو وبطير ده شنو؟
قال: كديسة وشايتنها شلوت *** مساطيل قالوا دايرين يعملوا مظاهرة ضد امريكا لبسوا واحد صورة بوش وحرقوا*** *** مسطول سأل التاني: الطحنية دي بصنعوها من شنو؟ قال ليهو: من النشاره *** مسطول عمل عملية تجميل جاء داخل لاهلو بعد العملية قال ليهم على القسم ما عرفتكم *** مسطول في المدرسة سمع الاستاذ بقول المثابرة تولّد النجاح قال لى زميلوا: مــــــــتين هي المثابرة بقت دايه؟*** مسطول مشي للدكتور بشتكي من ضرسو، الدكتور قاليهو: احشي ليك؟
قاليهو لا .. لا .. اديني في صحن! • مسطول بيشرب الدواء قبل مواعيدو سالوه ليه قال ليهم: عشان افاجئ الجراثيم! • مسطول نام متأخر لقي الحلم بادي! • مسطول ابوه مات جا واحد سالو: الحاصل شنو؟ المسطول رد: والله الوالد شوية كدة متوفي! • مسطول لقى كنز... وقال: الحمد لله. بس باقي الخريطة
تحياتي
Post: #32 Title: Re: نكات ...... من بلدنا .. ( توجد مساخة وسرعة بديهه ) Author: ياسر بيناوي Date: 10-24-2009, 10:48 AM Parent: #31
التحية لكل المداخلين معليش بجيكم برواقة
اصلو انا اليومين ديل في البلد قلنا نمشي نجيب النكات طازجة من امها
Post: #34 Title: Re: نكات ...... من بلدنا .. ( توجد مساخة وسرعة بديهه ) Author: الشفيع وراق عبد الرحمن Date: 10-24-2009, 07:23 PM Parent: #33
ياسر صورة البروفايل حقتك دي عاجباني يا تسلفني ليها يا تجيب لي واحدة معاك من البلد تحياتي لأهلنا الطيبين وترجع بالسلامة
Post: #35 Title: Re: نكات ...... من بلدنا .. ( توجد مساخة وسرعة بديهه ) Author: Abdlaziz Eisa Date: 10-25-2009, 04:28 AM Parent: #34
شرطي مرور يسأل محشش كويتي مخالف و ين الإجازة :
رد عليه : السنة بيروت إنشاء الله !!
************ ********* ********
سألوا مصري : ليش الشعب المصري بيحلف كثير
قال : والنبي دي إشاعة
************ ********* ********
سعودي قالوا له خلاص بتدخل الجنة
قال Ok بس عندي شرط خميس و جمعة أنا في البحرين !!!!
************ ********* ********
بدوي يطلق زوجته سألوه ليش تطلقها ؟
قال : بنت الكلب ربحت إقامة في فندق مع شخص !!
************ ********* ********
إيراني راح مصر اتصل في أمه قال لها أنا في الهرم
قالت له :
سلي ركعتين و ادعي لي !!
************ ********* ********
بدوية سوت حادث في مصر في المستشفى عطوها ملوخية و خبز
كلت الخبز و تحنت بالمولوخية !!
************ ********* ***
سألوا صعيدي : مصر بتنتج حليب
قال له : إمال إيه ! دي مصر كلها بهايم
************ ********* ********
هنود صار لهم بلنتي آخر دقيقة يوم واحد منهم شاتها بره قالوا له ليييييييييييييش:
قال : يا أخي التعادل من صالحنا !!!!
************ ********* ********* *
واحد شافته زوجته يقراء كتاب
(الرجل سيد المنزل)
قالت له ... يا حبك للقصص الخيالية
************ ********* ********* *
مغازلنجي اشترى خروف ..
أبوه قال له : الخروف شكله زين بس كتير ضعيف !
قال له : يابا خل عنك الجسم .. شوف العيون !!!
************ ********* ********* *
بدوي طلب عشاء
قال له الجرسون : تيك أويى أو طاولة
قال : شكل من هذا و هذا
************ ********* ********* *
هندي راكب باص ،، شاف وحده و عجبته
يوم نزل أخذ رقم الباص !!!!!
************ ********* ********* *
سألوا شيخ لو جاك أسد و أنت تصلي بتكمل ؟
قال : لو ما بطل وضوئي أكمل !!
************ ********* ********* *
جمع حسني مبارك القيادات العليا وفيهم البابا شنودة وشيخ الأزهر وقال في كلمته: سيكون إبني جمال رئيس جمهورية مصر في عام 2011 فقام البابا شنودة وقال: اللهم صلي على النبي. تعجب شيخ الأزهر!! وقال: إنت أسلمت؟؟؟ فرد عليه البابا: ماهي حاجه تخلي الواحد يكفر ياجدع!!!
Post: #36 Title: Re: نكات ...... من بلدنا .. ( توجد مساخة وسرعة بديهه ) Author: ياسر بيناوي Date: 10-25-2009, 09:53 AM Parent: #35
*
Post: #37 Title: Re: نكات ...... من بلدنا .. ( توجد مساخة وسرعة بديهه ) Author: Abdlaziz Eisa Date: 10-25-2009, 10:29 AM Parent: #36
بيناوي
سلامات
Post: #38 Title: Re: نكات ...... من بلدنا .. ( توجد مساخة وسرعة بديهه ) Author: ياسر بيناوي Date: 10-25-2009, 10:36 AM Parent: #37
Quote: بيناوي
سلامات
يا مراحب يا استاذ
خالص الود
Post: #39 Title: Re: نكات ...... من بلدنا .. ( توجد مساخة وسرعة بديهه ) Author: خالد احمد محمد Date: 10-25-2009, 10:40 AM Parent: #37
سلام ياياسر ويسعد نهارك ... الرباطابية قالو ماشى فى الشارع وبتها الصغيرى ماشى جمبها وتفرفر زهجانى ...يمة شيلينى ... يمة شيلينى ... الام زهجانة منها صاقعالها انا صايمى يابتى صايمى .... البت نطت وقالت لى امها انا كل مرة اقولك شيلينى تقولى لى صايمى صايمى انتى دايرى تشيلينى ولا تضوقينى !!!
Post: #46 Title: Re: نكات ...... من بلدنا .. ( توجد مساخة وسرعة بديهه ) Author: رغيم عثمان رغيم الحسن Date: 10-30-2009, 08:08 PM Parent: #35
Quote: جمع حسني مبارك القيادات العليا وفيهم البابا شنودة وشيخ الأزهر وقال في كلمته: سيكون إبني جمال رئيس جمهورية مصر في عام 2011 فقام البابا شنودة وقال: اللهم صلي على النبي. تعجب شيخ الأزهر!! وقال: إنت أسلمت؟؟؟ فرد عليه البابا: ماهي حاجه تخلي الواحد يكفر ياجدع!!!
سالوه الفرق بين ذمان وهسي شنو قال ليهم ذمان لما يجيبو الاكل الناس تقول بسم الله وتبدا وفي النهايه تقول الحمد لله هسي لما يجيبو الاكل الناس تقول الحمد لله الاكل جا ولما تنتهي تقول بسم الله كمل
Post: #44 Title: Re: نكات ...... من بلدنا .. ( توجد مساخة وسرعة بديهه ) Author: ياسر بيناوي Date: 10-29-2009, 11:50 AM Parent: #10
