95.7% من السودانيين مقرّشين .. تقرير وزيرة الرعاية الاجتماعية!!!

اعلنت وزيرة الرعاية الاجتماعية وشؤون المرأة والطفل سامية احمد محمد أن نسبة الفقر فى السودان قدرت بـ 4.3% من مجموع السكان ، واعتمد التقرير الذى قدمته الوزيرة امس والمتعلق بالجهود المبذولة لمكافحة الفقر خلال الفترة 2005 - 2008 على الحد الادنى فى كل من المأكل الاساسى ، الملبس ، الماوى ، المياه الصالحة للشرب ، المواصلات العامة ، العلاج والدواء والامن كمؤشرات لقياسة ، وأشارت - حسب الناطق الرسمى باسم المجلس عمر محمد صالح - انه تم قياس الفقر وفقا للآنفاق ، خاصة وان الدراسات اوضحت أن متوسط انفاق الفرد من الحضر يبلغ 4.4 دولار فى اليوم مقابل 2.8 دولار فى الريف .

واضافت ان الاشخاص الذين يقل انفاقهم اليومى عن دولار واحد هم الذين يعانون من الفقر والجوع الشديد ، ونسبة هؤلاء فى السودان تقدر بـ 4.3% من مجموع السكان .


** اها يا جماعة باقى ليكم فى السودان كل زول مصروفاتو اليومية بتكون حوالى 10 جنيهات (4.4 دولار)؟؟ وهل ممكن كل بيت مكون من 4 افراد بيصرفو 40 جنيه فى اليوم (خليك من الاسبوع) ؟؟!! يعنى ما يساوى 1200 فى (الشهر) فى سودان الفقر داااا ؟؟
** وبنفس المنطق فى الريف حوالى 7 جنيهات للفرد × 4 افراد =28 جنية يومياً × 30 يوم= 840 جنيه؟؟ معقوله!!

** انتو يا ناس الرعاية ما تدوهم الدولار الويحيد دا عليكم الله .. والشعب السودانى بكون كويس وعايش الِسطة(زيما بقولو المصريين).. مُش!!

** تقرير التنمية البشرية الصادر عن البرنامج الانمائى للامم المتحدة لعام 2009 يضع السودان فى المرتبة الـ 150 من دول العالم وخلف كل الدول العربية .. بس ورانا موريتانيا وجيبوتى !!

149 Haiti ..
150 Sudan ..
151 Tanzania (United Republic of) ..
152 Ghana ..
153 Cameroon ..
154 Mauritania ..
155 Djibouti
http://hdrstats.undp.org/en/indicators/112.html

Quote: Sudan is categorized by the UN as a low-income, food-deficit country and ranks as number 147 out of 177 countries and territories on the 2007/8 Human Development Index. According to the report, among Sudan ’s 36.9 million people, life expectancy at birth is 58.9 years for women and 56 for men. Almost half of Sudan ’s women, 48%, are illiterate, as are 29% of the men. The Sudan Household Health Survey in 2006 found 31% of children under five were moderately underweight. Of Greater Darfur's estimated population of 6 million people, more than half are directly or indirectly affected by a conflict that has destroyed the region's infrastructure. The conflict intensified in the second half of 2006, despite the signing of the Darfur Peace Agreement in May of that year. In 2008, up to 3.6 million people a month are expected to need food assistance

.
وهذا جزء من تقرير برنامج الاغذية العالمى بالامم المتحدة .
Global hunger index - value 20.5


http://www.wfp.org/countries/sudan?gclid=CJ3O9YWrxp0CFeFM5QodwVaMrQ

الـ 4.3% ديل مالم كُتار كده؟ محل ما تقبّل تلاقيهم!

سلامات يا بشرى سليمان,,

Quote: نسبة الفقر فى السودان قدرت بـ 4.3%

Quote: 95.7% من السودانيين مقرّشين .. تقرير وزيرة الرعاية الاجتماعية!!!

أكيد التقرير دا إنعكست فيه الأرقام كالعادة والصحيح هو أن نسبة الفقر هى 95.7% ونسبة الناس المقرشين هى 4.3% وكدا المعادلة بتظبط!!

تحياتى

يا جماعـة التقرير هـذا صحيح

لو صرف زيد من الناس مليون دولار فى زواج بنته أو ولده، وصرف 99 عبيـد 10 دولارات، يبقى متوسط الصرف كم؟

ما أدوكم حسـاب؟

Quote: 4.3%

يا ودخالتي انت شاطر في الجغرافيا والتاريخ والطبيعة وشوية في العربي عشان كدة بقيت شاعر اما في الحساب فانت الطيش ..انت ما بتعرف الحساب زي ما قال صاحبي ابوريش....؟؟ كل واحد مسئول عن حسابو وانت ما عندك حساب في البنك ولا تحت المخدة .. وما بتعرف دولارات يعني شنو ....
انت ما سمعت بالاطفال الاكلو لحمة الكديسة لانهم كانو مقرشييين ...؟؟

بالله دي وزيرة ... كذب وتدليس ونفاق

Quote: بالله دي وزيرة ... كذب وتدليس ونفاق

البلد كلها ماشة بي كدا .....

السد السد الرد الرد

وقبلها ناكل مما نزرع ونقود العالم اجمع

و شهداء الجنوب الطلعو فطايس
.
.
.
.

نحسب شنو و نخلي شنو

Quote: بالله دي وزيرة ... كذب وتدليس ونفاق

عااااااااااااادى يا انور ..
هم اصلاً منافقين وشغلتهم الكذب والتدليس!!!

Quote: يا جماعـة التقرير هـذا صحيح لو صرف زيد من الناس مليون دولار فى زواج بنته أو ولده، وصرف 99 عبيـد 10 دولارات، يبقى متوسط الصرف كم؟ ما أدوكم حسـاب؟

غايتو يا ابوالريش الحساب ما بنعرفو ..
لاكين الفقر ظاهر وواضح ، والدرداقات على قفا من يشيل ..
ومرتبات الحيكومة ومعاشاتها واضحة وظاهرة للعيان
وكيلو الطماطم بى 15 جنية .

الغريبة يا ايمن لو حلوها شوية وقالو 24.3% او 34.3% كانت حتكون مبلوعة ..
لاكين 4 ومعاها فاصلة 3 دى بقى الما بتنبلع .
شكيتكم على الله يا ناس .. الرعاية

يا ود ابو العزائم .. سلامات
الـ 4.3% دى من باب اكذبو كثيراً .. لـ تتجملو ويقتنع الجمهور!!

هذه الوزيرة دائماً ما نراها ترسم صورة مزيفة للمجتمع

كلما طلت علينا تبشرنا بأن المجتمع مترابط وأن فريضة الزكاة

كفلت حق الفقراء فى العيشة الهنية وأن كل شئ عندنا لبن على عسل

وأن حقوق المرأة فى السودان مصانة وتبوأت المرأة أعلى المناصب

ولحال أنها وزيرة لأكثر من عقدين من الزمان ظنت أن لا مشكلة لبنات جنسها

والحال تمام التمام

ما أتعسها من بطانة تلك التى تزيف الواقع وتغمض عينها وأذنيها

عن صيحات الجياع فى المعسكرات والخيام بغرب السودان

وما زالت تصريحات رئيس الوزراء السابق المغلوب على أمره بأننا

مقدمون الى مجاعة عديل كده نتيجة لفشل موسم الأمطار فى مناطق الزراعة

.
.
.


الوزيره صاح
والحكومه برضه صاح

الناس ديل ما بعرفوا يكضبوا ولا حاجه

طالما إنه نسبة الناس التحت حد الفقر ب 4.3 %

يبقى إنتوا الكضابين ، والشعب السودانى كله كضاب

البقولولو سمين يقول آمين !!!!!

حاجه تغيظ !!!!!!!!!!!!!!!!!!!!!!!!!!!!!!!!!!!!!


تحياتى أستاذ / بشرى

.
.
.

Quote: يا ودخالتي انت شاطر في الجغرافيا والتاريخ والطبيعة وشوية في العربي عشان كدة بقيت شاعر اما في الحساب فانت الطيش ..انت ما بتعرف الحساب زي ما قال صاحبي ابوريش....؟؟ كل واحد مسئول عن حسابو وانت ما عندك حساب في البنك ولا تحت المخدة .. وما بتعرف دولارات يعني شنو .... انت ما سمعت بالاطفال الاكلو لحمة الكديسة لانهم كانو مقرشييين ...؟؟

سلامات ياابن الخاله يا باشمهندس ..
قبل كم يوم مشيت السوق سالت ولد صغير بتاع درداقة (طبعاً ما بتعرف درداقة) عشان طولت فى الغربة .. قلت ليهو انت الدرداقة دى حقتك ، قال لى حقتى بتاع فنيلتك!! انا بأجرها باليومية من مسئول فى البلدية؟؟ واها بتأجرها بى كم فى اليوم؟؟ قال لى 8 جنيه!! وبتشتغل كم ساعة ؟؟ قال لى من الصباح لى نص الليل!! (لو افترضنا من الساعة 8 صباحاً لى الساعة 10 بالليل يعنى 14 ساعة) .. ماتقول لى قوانين العمل ، وتشغيل الاطفال ..
اها بتطلع بى كم فى اليوم ؟؟ من 10 لى 20 جنيه!! وادفع منها ايجار الدرداقة واكل منها ومرات يكون فى رزق ومرات مافى ؟ هسى الولد دا مش مفروض يمشى مدرسة بدل مسئول البلدية يأجر ليهو الدرداقه ؟؟

تعرف يوم وانا ماشى فى السوق فى ليدز/انجلترا لقيتك ليك ناس البلدية مزرزرين ليك واحدة خواجية معاها ولدها ، كيف الولد مامشى المدرسة!! وهل عندو اذن بالخروج للسوق اثناء الدراسة!! وجيبى نمرة الناظر عشان نتصل بيهو ونتأكد من انو عندو اذن!! عشان خروج الاولاد والبنات الى السوق اثناء ساعات الدراسة مخالف للقوانين ، وقد يؤدى ذلك الى تقديم ولى الامر للمحاكمة بتهمة الاهمال!

وتقول لى الكديسة اكلوها!!

Quote: درداقة (طبعاً ما بتعرف درداقة

)

ياود خالتي دة المترو بتاع البلدية هناك ؟؟؟

غايتو انا مقرش .. شوف الباقيين .........



صلاح غريبة - الرياض

المشكلة ليس ان الكذب عند هؤلاء الناس حلال
وان العكس هو الصحيح كما تأكد كل التقارير
فدولة تطعم الامم المتحده اكثر من 5 ملايين من سكانهاشهريا
برضو نسبة الفقر 4%
http://www.wfp.org/countries/Sudan

يبدو أن الوزيره لا تنظر الى جيوش الشحادين واصحاب المهن الهامشيه من خلال زجاجة سيارتها المظلله

فالفقراء يبدو انه لا يمكن رؤيتهم من خلال الزجاج المظلل

العزيز بشرى

انا مابقول شى لكن حتى لو كان فى صفر كبير منسى او سقط سهوا فى الطباعة التقرير ما بكون صاح

وما عندى فيكم شغلة بلاقى صلاح قريبة وبطلب منة تحسين مستوى او اى مسمى اخر وبدخل مع جماعة 95 % وانتو شيلو شيلتكم مع تقرير الوزيرة مادام مشكلتى اتحلت بس ادعو لى صلاح ما يعمل فيها فوائد وما ادارك ما الفوائد ويرجعنى لناس 4%

خلاص فاضل شوية ونحصل مرحلة الحنون !!!!!!!!!!

يوسف ابو سنينه

Quote: ما أتعسها من بطانة تلك التى تزيف الواقع وتغمض عينها وأذنيها عن صيحات الجياع فى المعسكرات والخيام بغرب السودان

صدقت يا حسن حماد ..
واضيف فى الشرق والجنوب والشمال ايضاً.

Quote: اعلنت وزيرة الرعاية الاجتماعية وشؤون المرأة والطفل سامية احمد محمد أن نسبة الفقر فى السودان قدرت بـ 4.3% من مجموع السكان ،

الأستاذ بشرى سليمان
يا أخوانا ما تكذبوا الوزيرة فلعلها أخذت أحصائياتها أعلاه من الخرطوم وسط (بحدود تحصينات غردون باشا أبان حصار المهدي له) يعني كدة من شاطيء النيل حتى السكة حديد، .....

حكمة والله وحكاية!!!!!

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

هذا جزء من مقال الأستاذ فتحي الضو المنشور هنا بصفحة المقالات وله خيط في المواضيع المثبتة أعلى الصفحة، وله علاقة وثيقة بموضوع سعادة الوزيرة:

Quote: القصة الثالثة نشرت في اليوم التالي للقصة السابقة (7/10/2009) وجاءت وقائعها المثيرة في صحيفة أجراس الحرية، وهي عبارة عن دراسة قامت بها ثلاثة جهات تتمتع بوضع تخصصي مرموق (معهد البحوث والدراسات الانمائية بجامعة الخرطوم بالتعاون مع المجلس القومى للطفولة ومكتب اليونسيف بالسودان) واستهلتها الصحيفة بالتالي (قدرت دراسة حديثة مجموع أطفال الشوارع في ولاية الخرطوم بحوالي 13 ألف طفل يعيشون في الشوارع بشكل كلي أو جزئي، وتؤكد نتائج الحصر أن الأطفال يلتحقون بالشارع في سن مبكرة (العاشرة أو ما دونها) وتبلغ نسبتهم حوالي 51% من مجموع الأطفال الذين شملهم الحصر بمتوسط عمر يبلغ 8 سنوات عند الالتحاق بالشارع للذكور و10 سنوات فما فوق متوسط الإناث، وأكدت نتائج الحصر أن غالبية أطفال الشوارع ينتمون إلى أسر مسلمة ويشكلون نسبة 62.8% مقارنة بنسبة 37.1% من المسيحيين و0.4% من اللادينين، كما أن غالبية الأطفال الإناث من أسر مسلمة بنسبة 89% مقارنة 20% من أسر مسيحية) وكشفت الدراسة التي شملت مجموع 7474 طفلا من أطفال الشوارع وغالبيتهم من الذكور بنسبة 87.2% ونسبة 12.8% من الإناث أنّ نسبة المتزوجين على طريقة أطفال الشوارع 15.9% منهم وهناك 13% من المتزوجين لديهم أطفال. وأوضحت الدراسة تدني المستوى التعليمي وأن نسبة 96% منهم تعليمهم ما دون الأساس ويبلغ الأميون في وسطهم نسبة 32.3% من الذكور، والإناث غالباً أقل حظاً في فرص التعليم بنسبة 46.7% مقارنة بالذكور. وتحدثت الدراسة بإسهاب عن إفرازات هذه الظاهرة التي قالت إنها نتاج طبيعي للفقر المستشري وسط الطبقات الدنيا من المجتمع وتفشي وانتشار الأمراض النفسية والأسرية وإنهيار منظومة القيم الأخلاقية، مما أدى إلى تزايد حالات إدمان الخمر وتعاطي المخدرات وممارسة السرقات والتسول ولعب الميسر وكافة انواع الجرائم!

فهل إحصائيات الوزيرة شملت هؤلاء الأطفال....



الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: البلد كلها ماشة بي كدا ..... السد السد الرد الرد وقبلها ناكل مما نزرع ونقود العالم اجمع و شهداء الجنوب الطلعو فطايس. . . . نحسب شنو و نخلي شنو

زول واحد
سلامات ياحبيب
ما ياهو زاتو نقود العالم اجمع دى يكون دخلوها فى الحسبة!!

بشرى شاعرنا الفنان
حسابك ده فيهو
حاجة غلط
طيب وقت هم مقرشين
ليه لمن نمشي البلد بنلقى ناس كتار من اهلنا بقولو
ما عنهم قروش
وفي الفين واحد يشحدوك حق المشوار مش حق الفطور ؟؟
في حاجة غلط

Quote: طيب وقت هم مقرشين

يافنانا العظيم بشري ودخالتي شفوقة بيقول هم في "الجراجات" بلغة الاعراب بس عندنا بعد التعرية بقت "قراشات" فلذا فهم مقرشيين
اما القروش الانت بتقول عنها فهم ما سمعو بيها تب ....قال قروش قال...

Quote: وان الدراسات اوضحت أن متوسط انفاق الفرد من الحضر يبلغ 4.4 دولار فى اليوم

الأستاذ الفاضل بشرى
ما ذكرته الوزيرة يساوي فقط حق الرغيف لأسرة متوسطة..

كنت في السودان (الواحد) دا قبل أسبوعين فقط.

الكريم بشرى
نوع آخر من الإستفزاز الذي درج عليه الوزراء
وما تصريح مصطفى عثمان إسماعيل ببعيد.

مناظير

زهير السراج

التضليل .. إلى متى ؟!

* لا أشك أن السادة أعضاء مجلس الوزراء الموقر قد كتموا الضحكات عندما سمعوا التقرير الذى قدمته وزيرة الرعاية الاجتماعية للمجلس بأن عدد الفقراء والجوعى فى السودان لا يتجاوز نسبة (4.3 %) من السكان اعتمادا على مؤشرات البنك الدولى التى تعتبر أن الأشخاص الذين يقل إنفاقهم عن (دولار أمريكى واحد) فى اليوم يعانون من الفقر والجوع الشديد، بينما تزعم الوزارة أن معدل الانفاق اليومى للمواطن السودانى فى الحضر يبلغ (4.2 دولار) مقابل ( 2.8 دولار) فى الريف .. أى أكثر من المبلغ الذى حددته مؤشرات البنك الدولى !!

* والقصد واضح بالطبع من زيادة المبلغ وهو إخراج المواطن السودانى ( بأى شكل) من دائرة الفقر المدقع الذى تحدده مؤشرات البنك الدولى بين دولار واحد ودولارين .. وبالتالى يكون المواطن السودانى فى مأمن عن الفقر الشديد حسب تقرير السيدة الوزيرة مادام ينفق على نفسه أكثر من 4 دولار يوميا فى الحضر (10 جنيه سودانى) و3 دولار فى الريف (7.5 جنيه) ..!!

* لا أريد أن أشغل القارئ بأرقام لا توجد وسيلة للتأكد منها، ولكن بذمتكم هل يصل (متوسط) المبلغ الذى تنفقه الاسرة السودانية على نفسها (بافتراض أنها تتكون من خمسة أشخاص) إلى خمسين ألف جنيه (قديم) يوميا فى الحضر وثلاثين ألف جنيه فى الريف، حسب تقديرات السيدة الوزيرة؟! هل يعقل ذلك، وهل فى مقدور غالبية الأسر السودانية توفير نصف هذا المبلغ فى الأسبوع دعك من اليوم الواحد؟! وأتوجه هنا بسؤال مباشر للسيدة الوزيرة.. ( كم يبلغ متوسط مرتبات العاملين بوزارتك، وكم يبلغ عدد العاطلين عن العمل من خريجى الجامعات فى السودان دعك من بقية الفئات) !!

* ثم إن البنك الدولى ومؤسساته الشقيقة فى العالم مثل صندوق النقد الدولى أيتها الوزيرة الكريمة لا يعتد بتقاريرها الكاذبة التى تخفى سوءاتها لأنها هى من تسببت بشكل مباشر فى انتشار الفقر فى العالم بسبب وصفاتها التعسفية التى أفقرت كل من أخذ بها مثل بلادنا، بينما تقدمت الى الأمام من رفضت تطبيقها مثل الهند والصين اللتين إليهما يرجع الفضل فى تراجع عدد الفقراء فى العالم من الفئة التى تنفق ( أقل من دولار واحد فى اليوم على الشخص) حسب تقارير التنمية البشرية لاعوام ( 2000، 2004 ، 2008 ) !!

* وللعلم فإن تقرير التمنية البشرية لعام 2009 الصادر عن البرنامج الإنمائى للأمم المتحدة يضع السودان فى المرتبة (150 ) بين دول العالم خلف كل الدول العربية ما عدا العراق والصومال اللتين لم تتوفر منهما معلومات، بينما تزعم وزارة الرعاية الاجتماعية أن السودان أفضل من هذه الدول بكثير من حيث معدلات الفقر الذى هو النقيض الأول للتنمية البشرية، فإلى متى هذا التضليل وبماذا يفيد؟!
[email protected]
جريدة السودانى، 17 أكتوبر، 2009

Quote: غايتو انا مقرش .. شوف الباقيين ......... صلاح غريبة - الرياض

مقرش وين؟؟

المقالات- ساخر سبيل


10/18/2009
ما بيناتنا

يعرف الفقر بأنه ( حالة من الحرمان المادي التي تتجلى أهم مظاهرها في انخفاض استهلاك الغذاء كماً ونـوعاً ، وتدني الحالة الصحية والمستوى التعليمي والوضع السكني ، والحرمان من السلع الضـرورية والأصول المادية الأخرى ، وفقدان الاحتياطي أو الضمان لمواجهة الحـالات الصعبة كالمرض والإعاقة والبطالة والكوارث والأزمات)

طيب شنو الجاب سيرة (الفقر وسنينو) أقول ليكم :

يقول الخبر الذى طالعته فى صحف الأمس : كَشَف تقرير قَدّمته وزارة الرعاية الاجتماعية لمجلس الوزراء أمس في اجتماعه برئاسة النائب الأول علي عثمان محمد طه، أنّ (4.3%) من سكان السودان يُعانون من الفقر والجوع. وأشار التقرير إلى أنّ النسبة تمّ اعتمادها وفقاً للمؤشرات المعتمدة في البنك الدولي، التي تعتبر الأشخاص الذين يقل أنفاقهم عن دولار واحد في اليوم يُعانون من الفقر والجوع الشديد .

بعد أن أنهيت قراءة الخبر أحضرت (آلة حاسبة) وقمت بقسمة عدد سكان السودان حسب ما جاء فى التعداد الأخير وهو 39 مليون و154 ألف و 490 مواطن و(ضربت الرقم) فى الـ 4.3 و(قسمت الحاصل) على 100 لتأتينى الإجابه وهى أن هذه الـ 4.3% تساوى (بالضبط) 1683643 يعنى حوالى (مليون ونص المليون ) مواطن !

أقسم لك أيها القارئ الكريم أننى قمت بإجراء (التضريبة) – الما عاوزه ليها تضريب دى- على الآلة الحاسبة عدة مرات وفى كل مرة كان يأتينى أحساس بأن (الجواب) غلط وأن (الآلة الحاسبة) لابد أن تكون بطارياتا (ضاربه) أو (ناسيه ليها صفر صفرين) إذ لا يمكن أن يكون هذا العدد صحيحاً حتى بمعايير المؤشرات المعتمده من البنك الدولى وذلك لسبب بدهى وبسيط وهو أن نسبة البطالة (والناس الما عندها شغل) وما عندهم (إنفاق ذاااتو) أعلى من هذه النسبة بكثير هذا غير بعض الفئات الأخرى كأطفال الشوارع ومتأثرى (الحرب) و(النازحين) والمعاشيين الذين يقل معاشهم عن (100 ألف) جنيه فى الشهر (بالقديم) !

إن هذه النسبة التى أوردتها وزارة الرعايا الإجتماعية (الما عارفين جابتا من وين) توضح بجلاء تام إفتقار أجهزتنا الحكومية (للمعلومات) على الرغم من الطفرة التقنية التى يشهدها العالم ؟ ومسألة إفتقار أجهزتنا الحكومية (للمعلومات) دى بلا شك هى واحدة من أسباب تخلفنا فى كافة المرافق والخدمات فلا أظن مثلاً أن (والى الخرطوم) يعرف كم (رغيفة) أو (لتراً من اللبن) أو متوسط حجم الغذاء الذى يستهلكه سكان ولايته فى اليوم وإلا لتوصل إلى أن ولايته تحتاج إلى عدد لا بأس به من (المراحيض العامة) التى تستقبل مخرجات هذا الغذاء !

كما أظن وليس كل الظن إثم أن المسئول عن الكهرباء (القديم أو الجاى) لا يعرف أيضاً كمية الإستهلاك اليومى للعاصمة القومية من الكهرباء وذلك لسبب بسيط وهو أن العاصمة لم يحدث (فى حياتها) أن كانت (مولعة كوولها) دون (قطوعات)!!

لا أدرى ما هى الحكمة فى أن تكون المؤشرات المعتمدة في البنك الدولي مقتصرة على إعتبار الأشخاص الذين يقل أنفاقهم عن دولار واحد في اليوم هم فقط الذين يعانون من الفقر والجوع الشديد دون أن يكون ذلك مرتبطاً بأسعار الضروريات كالغذاء فكيف يتساوى مواطنان فى الفقر أحدهما سعر كيلو الطماطم فى بلاده (ربع دولار) والآخر يصل سعر الكيلو فى بلاده (8 دولار) – عشرين ألف جنيه – ذى حلاتنا !

ولأنو فى البلد دى بقينا ما عارفين أنحنا نصدق (منو وإلا منو) فأمامى تقرير لمركز الدراسات الاستراتيجية يفيد بان نسبة الفقر في السودان هى حوالى 80% ولقد ذكرنى هذا الفرق بين هذه النسبة التى أوردها التقرير ونسبة الـ 4.3% التى أوردتها (وزارة الرعاية الإجتماعية) تلك النكتة التى تقول بأن أحدهم كانت لديه مناسبة بمنزلهم وقد خذله الفنان الكبير الذى تعاقد معه لإحيائها فى الدقائق الأخيرة ولم يحضر فأشار إليه البعض بالذهاب لأحد (أولاد الحى) (القاعدين يغنوا) والذى وافق على أحياء الحفل وعند سؤاله (ح ياخد كم عداد) أخبرهم بأنو عشان (الجيره وكده) ح ياخد (مليون جنيه) إلا أن صاحب المناسبه قال ليهو : ح نديك (100 ألف بس) فقال لهم الشاب (ما مشكلة الـ 900 ألف ما بيناتنا) !!

كسره :

هسه الـ 75.7 % ما بيناتنا !!



كسرة تانية :

حقوق نشر (الطرفة) التى وردت بالمقال محفوظة لحبيبنا الدكتور عزت !

نقلاً عن موقع الاستاذ الفاتح جبرا
http://www.alfatihgabra.net

Quote: فكيف يتساوى مواطنان فى الفقر أحدهما سعر كيلو الطماطم فى بلاده (ربع دولار) والآخر يصل سعر الكيلو فى بلاده (8 دولار) – عشرين ألف جنيه – ذى حلاتنا !

ممكن جدا واحد يستخدم الطماطم ملاح .. و التانى .. فاكهة
بعدين إحنا حنفهم احسن من الحكومة ..

Quote: الوزيره صاح والحكومه برضه صاح الناس ديل ما بعرفوا يكضبوا ولا حاجه طالما إنه نسبة الناس التحت حد الفقر ب 4.3 % يبقى إنتوا الكضابين ، والشعب السودانى كله كضاب البقولولو سمين يقول آمين !!!!! حاجه تغيظ !!!!!!!!!!!!!!!!!!!!!!!!!!!!!!!!!!!!! تحياتى أستاذ / بشرى

المصيبه انهم اتعودو على الكضب جهاراً نهاراً .. يابشير
وطبعاً الزمارين وماسحى الجوخ وراهم.
حاجه محزنه.

البلد فيها 10 مليون شحاد


يعني عادي في زيارتي الاخيرة يجيني واحد طالب حق الدواء والاخر حق العشاء والاخر حق السفر

والاخر قسط البت

ده غير الشحاديين الفي الشوارع


يالتاكيد الزولة دي قرات التقرير بالاحول يعني بالقلبة 4.3 اغنياء والبقية فقراء

الزولة دي بتلبس نظارة قراية ويومها داك نستها لبست غيرها

جميع المتداخلين مُغرضين .. ولا فيهم واحد بيفهم أكتر من الوزيرة

- دي وزيرة يآآآخ فاهم يعني شنو وزيرة ..؟!

الحمد لله نبلغ جميع من لا يعرفون السودان إنه النعمة باااسطة ( باسطة يعني راقدة هبطرش مش حلويات سلا)

ونبلغهم إنه المطر نزلت - ولا كسرت البيوت - في الخلا والناس زرعت العيش والفيتريتة

ونبلغهم إنه مافينا من بات شبعان وجاره جيعان - اقلاها العشاء فطير بلبن وكم قطعة فواكه -

ونبلغهم البنزين رخييييص اوي - ارخص من الموية المتوفرة في كل بيت وصااافية زي سلسبيل وما بتقطع

ونبلغهم إنه اطفالنا محميين ورايقين في مدارسهم ومتوفرة وجباتهم وتعليمهم على اكمل وجه وبوفيه المدرسة خاضع لكل متطلبات وزارة الصحة الما قاعدة تقصر معانا موفرة الادوية بتراب الفلوس وفاتحة المستشفيات باطباء مهرة مؤهلين وجميع الاجهزة تحت ايديهم وبيغسلوا الكلي مرات للناس النصيحين ساي خلك من المرض ..

ونبلغهم انه الامن مستتب وتعيش خمسة شهور ما تسمع بزول مسروق والا مقتول والا مضبوح وان حصلت سرقة تلقاها من ولد فاسد مدلل ساي شال من جُزلان ابوهو المنتفخ بالعملات مجرد شلن بس يشتري بيهو شوكلاتة من سوبر ماركت الحلة المتوفرة فيهو اي شئ بتراب الفلوس والسيدو حتي شدة ما دخلو ممتاز موظف ليهو خمسة بنغالة للنظافة والترتيب لانه وزارة الصحة والبلدية بتجي تراجع اول بأول تواريخ صلاحية المواد ونظافة الرفوف والسلامة ..

ونبلغكم انه العاوز يطلع زكاة وصدقة فيكم اليمشي يفتش ليهو بلد تانية يصرفها فيها فهنا مافي زول حاياخدها منكم فالناس قرّشت لمن كرّشتك ..

ولكم معزّات ( بالفتح الميم وليس كسرها )

أخوك حلمان بن سهيان في وطن آخر

Quote: يقل انفاقهم اليومى عن دولار واحد هم الذين يعانون من الفقر والجوع الشديد

يا بشرى الدولار عندكم بكم ؟؟؟؟؟؟



الحمدلله على ما اراد الله