Post: #1
Title: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 10:53 AM
مغص أنهضني قبيل الفجر
ظننته نداء الطبيعة
في غير موعده
حكم انا مبرمج خالص في الحاجات دي
النداء الملح أرغمني على الذهاب
وكان ( سهل البقاع )
|
Post: #2
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 11:05 AM
Parent: #1
نصف ساعة فيها ( فقت الوسخ )
ورجعت إلى السرير مكدودآ مضعضعآ
أشعثآ أغبر
و أنين مكتوم
او حاولت جعله مكتومآ من أجل التي كانت تشخر بجواري
وهي مغمضة سألتني : مالك ؟
أجبتها بانه مغص و إسهال حاد
وسرعان ما قالت في محاولة أولى لنفي التهمة عنها وعن مساعدتعا الحبشية
( أكلت شنو ، إتعشيت وين ؟ )
تناومت متجاهلآ اجوبة الحماية الذاتية
نوم متقطع مصحوب بالكوابيس
ولقاء مع بعض الأصدقاء والصديقات الموتى
وظننت ان هده إشارة بدنو البتاع
|
Post: #3
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 11:08 AM
Parent: #2
أي خطأ لا تدعوه يفوت عن فطنتكم
صححوا براكم
فالحمى قد بلغت الذبى
والسخونية طالت عنان السماء
مثلآ الدال الناقصة في ( فقت الوسخ )
هي دفقته
|
Post: #4
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 11:14 AM
Parent: #3
قضيت اليوم كله ، تقريبآ
منذ آذان الفجر ونداء الطبية ذاك وحتى التاسعة مساء
حين كانت البنات يعدن وينتهن ويخترن مفتخر الثياب
وكانت امهن منهمكة في ستر آثار السنون
قضيت اليوم محمومآ والآم في المفاصل كالتي يعاني منها أصدقاء الملاريا
وشهية منعدمة وإرهاق شديد ورغبة في عدم مغادرة السرير
والنوم خزاز والدقائق المتقطعة التي أحصل فيها على النوم
تكون كفيلم رعب وكوابيس
اعترف ان بعضها كان جميلآ و ممتعآ
|
Post: #5
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 11:19 AM
Parent: #4
فاتني أن اذكر بعض الأعراض
إلى جانب الإسهال ( لمرة واحدة فقط ، لكنها كافية لأنها لاتبقي ولاتذر )
فهناك حمى مستمرة وتصاعدة
وفتور عام وآلآم في المفاصل
والشهية المنعدمة
فن هناك بلغم كثيف وحلق مقفول وصوت مبحوح
|
Post: #6
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 11:26 AM
Parent: #5
في التاسعة مساء
وبينا البنات كن منهمكات في اعداد زينتهن واختيار مفتخر وغالي الثياب
مرت بقربي وانا مقعي ككلب بائس ، البنت سارا
التي نناديها أحيانآ ب ( صارة ) لأنها كذلك معظم الوقت مع إنها بتملك احلى إبتسامة في الدنيا
إبتسامها برق خلاب
مرت بقربي ولفت نظرها منظري الكئيب
فأبدت إهتمام
ووضعت يدها على جبهتي
وصرخت : بابا عندو حمى شديدة
|
Post: #7
Title: Re: حمى و 7 ايام من العزلة ... في بيتنا ( خنازير )
Author: عمار عبدالله عبدالرحمن
Date: 10-18-2009, 11:32 AM
Parent: #6
يا خي بعد الشر عليك
وحمد الله على السلامة
طبعا من وراء الكمامة ,,,,,,,,,,,
|
Post: #8
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 11:33 AM
Parent: #6
| Quote: وصرخت : بابا عندو حمى شديدة |
صرخة سارا تلك
ايقظت الضمائر النائمة في بيتنا
|
Post: #9
Title: Re: حمى و 7 ايام من العزلة ... في بيتنا ( خنازير )
Author: مدثر محمد ادم
Date: 10-18-2009, 11:42 AM
Parent: #8
الف بعد الشر عليك وتسلم من كل مرض يارائع
|
Post: #10
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 11:47 AM
Parent: #8
Quote: صرخة سارا تلك
ايقظت الضمائر النائمة في بيتنا |
في الحقيقة الضمائر التي معنا ليسن نائمة
ولكنها كامنة فوق رأي ( كامنالا فوق رأي )
الحاصل أنه صارت علي حكاية ( محمود والنمر )
الشاهد ، الأسبوع الماضي حدث لي مايشبه سريان تيار كهربايئ وراء الركبة
في تلك الحتة المنبعجة ( اقروها صاح ) التي تقفز للامام بفعل ذل التيار المؤلم
تكررت الحركة مرات عديدة ثم حدث مايشبه المغص في منطقة الصدر وفي القلب تحديدآ
ظننت انها مؤشرات دبحة
فطلبت من البنات اخذي إلى الطواريء على الفور
وفعلن
واول ما وصلت النقطة الأولى في الحوادث أخبرت السستر بأنها
مؤشرات دبحة
فإهتم كل القسم وهرع طبيب ثم أخر وثالثة أحلى من النيل والقمر
أظن ان دكين الذي كان معانا قد وقع في غرامها
وإن لم يكن ، فإنه مجرد وغد داقس
بالمناسبة الطبيبة تلك لم نعرف انها سودانية إلا بعد ماتكلمت
وفغر دكين فاه
و إنشغل قلبي عن آلآمه
فاتت كل الفحوصات نظيفة
ومؤكدة ان القلب معافى
وشاب وخللي
البنات ودكين وطارق المكي والست بعلتنا أخذن يتهكمن طيلة الأسبوع
وأسموني خلاله
عبدالرحمن مؤشرات
|
Post: #11
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 11:54 AM
Parent: #10
عمار و مدثر
شكرآ جزيلآ ولا اراكم الله مكروهآ ف حبيب لديكم
وتابعوا الشريط الأخباري لقناة الجزيرة قد ينقل لكم خبر إصابة جديدة
بالمناسبة ، لم كانت القنوات في شريطها الإخباري الجاري
بتنقل عن وفاة جديدة لسيدة فلبينية
او وفاة مصرية في الحجاز
وثلاث بحارة في بانكوك
بسبب المرض الوباء
كنت بعلق أن جميعهم قد دقسوا
متسائلآ بتهكم ( إنفلونزا شنو بالتكتل ليها زول )
لغاية ما جربتها
و
آمنت
|
Post: #12
Title: Re: حمى و 7 ايام من العزلة ... في بيتنا ( خنازير )
Author: عفاف الصادق بابكر
Date: 10-18-2009, 11:54 AM
Parent: #10
الف الف لا بأس عليك ابوساندرا (عبدالرحمن)
واصل .. واصل في انتظار البقية ..
تحياتي لام البنات ..
حلاة الزول فى الطول والعلا ..
كلما أسمعها بتذكرها ..
بت الصادق
صاحبة الزمن الجميل
|
Post: #13
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 12:04 PM
Parent: #12
| Quote: البنات ودكين وطارق المكي والست بعلتنا أخذن يتهكمن طيلة الأسبوع |
وطارق المكي
ده تحديدآ الذي أطلق علي ( مؤشرات ) ورفع من وتيرة التهكم لدى البنات ( ماهيتاب و سارا )
وكان أثر ذلك ، كدن ان يدقسن ويتعاملن مع حالتي كتعامل أهل القرية مع محمود الكذاب
حتى القى وجه الله وانا منزولا مدحورآ ، مخنزرا
طارق هذا لقى كيده في نحره
فإقتضت العدالة حقي
وحق فلانة
و دكين بات ملومآ مغبونآ منذ إصابة الصمرقع القاتلة
اما تينك فأسال الله أن يقيض لهن زوجين من نفس فصيلتي
هن قايلات ان تلك الفصيلة قد إنقرضت
|
Post: #14
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 12:10 PM
Parent: #13
Quote: تحياتي لام البنات ..
حلاة الزول فى الطول والعلا ..
كلما أسمعها بتذكرها |
عفاف الصادق ، شمسيآ ؟
والله نورتي
هنا ، واليوم داك ،
داك داك دلوكة
لكن ما كشفناك يا نيومن
أتاريك بكاية في الزراف
انت مسمعتي ان الزراف ركوب الجن
ز سورافتنا الظريفة قد ترى تعليقك هذا بعد ما تنجح في إخراج اللاب توب من الغرفة
حيث محبسي المعزول
|
Post: #16
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 12:15 PM
Parent: #14
دي كلها يا عفاف زرافتنا
والعتب على الحمى
في كل الأحوال
|
Post: #110
Title: Re: حمى و 7 ايام من العزلة ... في بيتنا ( خنازير )
Author: عمر عبد العزيز كيلاني
Date: 10-26-2009, 06:06 PM
Parent: #14
ألف سلامةأبوساندرا
كذلك أنا تعبت جداً الأسبوع الماضي بذات الأعراض
والمؤشرات لكن كانت بحمى شديدة وبردأشد
ورفضت الذهاب للطوارئ لأنه مليون في المية حيقولوا دا ياهو المرض داك ذاتو
والحمد الله ربنا ستر ولطف.
|
Post: #15
Title: Re: حمى و 7 ايام من العزلة ... في بيتنا ( خنازير )
Author: abdalla osman
Date: 10-18-2009, 12:15 PM
Parent: #13
الف لا بأس عليك ابوساندرا
|
Post: #17
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 12:28 PM
Parent: #15
أخذني ، لا يلوين ، على المركز الصحي الأقرب لبيتنا
وعلى الوجوه قلق مشوب بالندم
راقبتهن وانا في سري متفشي أقول ( عشان تاني )
وكدت ان أسمع همسهن ( كلو من طارق )
الظرافة الزريفة نزلت حتى قبل أن تتوقف السيارة ووسعت خطاويها
تجاه كاونتر الإستقبال لتأخذ بطاقة مقابلة الطبيب المرقمة
ومتوكئآ على سارا حجلت نحو المدخل
وماهي تخب لتلحقنا
ودخلنا ثلاثتنا على غرفة القياسات
كانت الممرضة ، التي تضع كمامة على أنفها وفمها وركت عيونها طليقة سرح وتمر
وتقتل ( هو انا ناقص كمان )
كانت منهمكة في محادث مع الماما التي تلح عليها ان ترجع من العمل على البيت مباشرة
وهي تحاول أن تقنعها لتسمح لها ببعض التأخير نسبة لمشوار
نظرت إلى البنات وكأني اقول لهن أحفظن لي حقي في مساحة الحرية والحركة الواسعة
التي ترفلن تحت راياتها
أدخلت اداة القياس
وقرأت
وإبتعدت قليلآ و تأكدت من وضع كمامتها ( تابع معانا يا عمار )
|
Post: #18
Title: Re: حمى و 7 ايام من العزلة ... في بيتنا ( خنازير )
Author: Masoud
Date: 10-18-2009, 12:32 PM
Parent: #17
ابننا السيد عبدالرحمن بركات ( الأنصاري الذي انسخط يساراً)
كفارة يا زول ما تشوف شر.
|
Post: #19
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 12:32 PM
Parent: #17
تشكر يا عبدالله عثمان
ماتشوف شر
أكثر من صالح الدعاء
وبلوغ الشفاء
وينوبك خير
انت وعمار ومدثر وعفاف
|
Post: #20
Title: Re: حمى و 7 ايام من العزلة ... في بيتنا ( خنازير )
Author: مريم بنت الحسين
Date: 10-18-2009, 12:32 PM
Parent: #15
العم ابوساندرا.. والله ألف بعد الشر عليك.. وانا منتظره اسمع تجربتك كاملة، وكيف اكتشفته المرض.. انا فتحته بوست اعترافات قبل فترة، سألته الناس هل جاهم المرض ولا لأ.. أكيد وقتها كنت في عز التعب.. ربنا يواليك بالعافية.. ويتمم عليك الصحة
|
Post: #21
Title: Re: حمى و 7 ايام من العزلة ... في بيتنا ( خنازير )
Author: البشير دفع الله
Date: 10-18-2009, 12:47 PM
Parent: #20
الجميل أبو ساندرا
تحية وتقدير
ألف لا بأس عليك
وأنا أقرأ لك المقاطع أعلاه , أتخيل نفسي مكانك وبناتي يكثرن من الاهتمام بي وأنا أستمري هذا الشئ
وأزيد في الدلع كمان وكمان ,,,
( باقي أبات البنيات حنان )
ما تشوف شر وان شاء الله آخر الآلام
|
Post: #23
Title: Re: حمى و 7 ايام من العزلة ... في بيتنا ( خنازير )
Author: Giwey
Date: 10-18-2009, 12:54 PM
Parent: #21
أبو ساندرا ....
يعنى الواحد إلا (ينزنق) زنقة زى دى
حتى يكتب ليهو ( عرضحال) سمح زى ده؟؟؟؟؟
كان كدى (إنزنق) بوشك.....
والف سلامة ليك يا صاحب
|
Post: #22
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 12:49 PM
Parent: #20
دخلت على الطبيب
تابعته يطالع
ومن نظرته عرفت مآل حالتي
ولم يتركني أغرق في التقدير
لأنه هب واقفآ وخرج وطلب مني أن اتبعه للغرفة الأخرى حيث الطبيب المختص
بهذه الحالات
لم يجد الطبيب المختص فإضطر هو لنظر حالتي
سألني عن الأعراض
بديت بالحمى المرتفعة
قال هذه عرفتها
وتاني
شرحت بالتفاصيل الدقيقة وهو يسمع بإهتمام
وفتح فمي وعاين حلقي
وسألني : بتشتغل ايه
أجبته : مستشار قانوني في وزارة
أول ما فعل وقبل أن يكتب لي دواء
جهز ورقة ألاذونات الطبية و كتب في الخانة المحصصة
راحة لمدة 7 ايام
وكتب بالإنجليزي : إتش1 إن1
ثم أصدر كثير من التوجيهات وجوهرها
أن اكون في حجرة معزولة وتهويتها جيدة بفتح الشبابيك
وأن اخلد للراحة التامة مع إستعمال العلاج وهو :
1- كبسولة تامي فلو حبة كل 10 ساعات
2-حبة يازال قبل النوم
3-حبة بروفين عند اللزوم
4- مصاص برتقالي الطعم واللون
|
Post: #24
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 12:57 PM
Parent: #22
كتب الخال مسعود
| Quote: ابننا السيد عبدالرحمن بركات ( الأنصاري الذي انسخط يساراً) |
يا خال شكرآ على الزيارة
الأنصاري الذي يصير يساريآ فإنه تطور ، وهذا امر طبيعي ومتسق مع سنة التطور
اما اليساري الذي ينتكس ويرجع انصاريآ أو متصوفآ فهو الذي إنسخط
أو هي الردة بعينها
فرقتك مازالت فاغرة ومكانك شاغر ف الدوحة
|
Post: #25
Title: Re: حمى و 7 ايام من العزلة ... في بيتنا ( خنازير )
Author: محمد سنى دفع الله
Date: 10-18-2009, 12:59 PM
Parent: #22
زي ما قالت احلام
امس لي الجماعة بتوعك
الف حمدالله على السلامة
لكن ما تعشم نزورك
لانو سهل البقاع
اكبر مؤشر
للحنازير
يازول الكتابة زاتا
ممكن تعادينا
البوست ده
ممكن ودينا للعزلة
|
Post: #26
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 01:20 PM
Parent: #25
معليش يا مريم
كتبت ليك مداخلة طويلة وازعم انها مفيدة
لكنها للأسف طارت
والحمى ترتفع
والتعب
برجع بعدين
|
Post: #27
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 01:45 PM
Parent: #26
عفوآ ح أفرد حيز للأحلام
لكن هسع هاكم دي
رأيت فيما يرى النائم المحموم
أن الهلال منتصر ب4 أهداف نظيفة
ورأيت عمر بوب متشحآ بالرمز الأزرق
وكذلك رأيت زهير زناتي
مرة بشوفهم بيجروا والناس وراهم كتاااار في كورنيش الخليج
ومرات بشوف نفس المنظر بنقس الشخوص في شارع النيل
بعاين للوحة النتيجة
برى الهلال ثابت
لكن الخصم المنازل بتغير
مرات بشوف مازيمبي
ومرات بشوف المحلة
|
Post: #28
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 01:51 PM
Parent: #27
الحبشية معاونة رشيدة سخية
خاصة في ملح الطعام
زادته ورشيدة زعلت
وقالت ليها : يا كتلتك يا أنا إنتحرت
وجابتها لي في الغرفة
قالت ليها : ياللا بوسي بركوتة عشان تموتي شهيدة
او ابوسو انا وأموت منتحرة وأخش النار
|
Post: #29
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-18-2009, 10:01 PM
Parent: #28
كتبت مريم بت الحسين:
Quote: العم ابوساندرا.. والله ألف بعد الشر عليك..
وانا منتظره اسمع تجربتك كاملة، وكيف اكتشفته المرض..
انا فتحته بوست اعترافات قبل فترة، سألته الناس
هل جاهم المرض ولا لأ.. أكيد وقتها كنت في عز التعب..
ربنا يواليك بالعافية.. ويتمم عليك الصحة |
أهلآ مريم
أظنني أول بوردابي يصيبه المرض فسجلي السبق المكلف
مشكلة المرض أن أعراضه بتشبه أعراض الإنفلونزا العادية
وكذلك بتشبه الملاريا ، وأي مرض بيسبب إرتفاع الحرارة
خطورة المرض أنه لايوحي ليك بالخطورة في البداية
عشان كده الواحد يؤجل الذهاب للطبيب حتى يتمكن المرض منه
وبعد داك القصة بتصير صعبة
المرض بيعمل فتور عام ورغبة في عدم مغادرة الفراش
ويجب أن لايستهان به لأنه إذا تحول لإلتهاب رئوي حاد
وهذا ممكن الحدوث مع الإهمال ، بيكون مرض قاتل
أيوة هو مرض قاتل إذا تحول لإلتهاب رئوي
|
Post: #30
Title: Re: حمى و 7 ايام من العزلة ... في بيتنا ( خنازير )
Author: محمد عمر الفكي
Date: 10-18-2009, 10:13 PM
Parent: #29
الف الف لاباس عليك وسلامتك وماتشوف شر، صغير وجاهل وما تستاهل.
الله يسامحك يا مريم اها قولي واحد لكن مافي عوجة وقعت في البيحملها.
|
Post: #31
Title: Re: حمى و 7 ايام من العزلة ... في بيتنا ( خنازير )
Author: haroon diyab
Date: 10-18-2009, 10:31 PM
Parent: #30
اها انا يادوب عرفت السبب.....!!!!!!
| Quote: و دكين بات ملومآ مغبونآ منذ إصابة الصمرقع القاتلة |
انا لله.....
واحد صمرقع.....!!!!
والتاني خنازير......!!!
والتالت قاطع رقبتو بي صحن الصيني .....!!!!
احذر الجميع وانا جاد
بعدم زيارة ابو ساندرا في البيت
واولهم انا ....لاجاي ولا حاازورك
وياريت اذا ام البنيات ساقت بنياته
وشافو ليهم سكن اليومين ديل.
ولا مانع من بقاء ( طارق المكي ودكين )
لمعاودته والاهتمام به وقياس درجات الحرارة
واللازي منو.....!!!!
اللازي منو دي تفسيراته كتييييييييييييره .
|
Post: #32
Title: Re: حمى و 7 ايام من العزلة ... في بيتنا ( خنازير )
Author: haroon diyab
Date: 10-19-2009, 05:35 AM
Parent: #31
ياعجوز
كيف اصبحت.....؟
قلنا نطمئن عليك
بس الرجاء الرد عبر البوست
يعني تلفونات ...رسائل ...
سلام باليد مافينا....!!!
|
Post: #33
Title: Re: حمى و 7 ايام من العزلة ... في بيتنا ( خنازير )
Author: Giwey
Date: 10-19-2009, 06:20 AM
Parent: #32
أبو ساندرا ....
إنفلونزا الخنازير .. إنت جادى يازول؟؟؟
يعنى بقيت (لاعب دولى) .... ياخى أنا
والله قايله مجرد (طه القرشى) بس ....
الف سلامة عليك يا راجل ... وما تشوف شر
|
Post: #34
Title: Re: حمى و 7 ايام من العزلة ... في بيتنا ( خنازير )
Author: محمد مكى محمد
Date: 10-19-2009, 06:29 AM
Parent: #33
سلامتك يا بركه..وماتشوف شر
|
Post: #35
Title: Re: حمى و 7 ايام من العزلة ... في بيتنا ( خنازير )
Author: ودقاسم
Date: 10-19-2009, 06:44 AM
Parent: #33
بختك أبوساندرا ، أنت الآن في كتاب قينيس للأرقام القياسية ... أول بوردابي يصاب بالإتش ون ان ون .. والحمد لله البنات ما أخدوا العدوى .. تعرف لو واحدة منهم أو صاحبتي رشيدة أخدت عدوى ، كنت سأقاضيك .. أصلك بتكون لمّيت البلاوي دي من بلاويك الكتيرة ديك ..
والله ألف سلامة ليك أبوساندرا وربنا يبلغك الصحة ..
|
Post: #36
Title: Re: حمى و 7 ايام من العزلة ... في بيتنا ( خنازير )
Author: عادل التجانى
Date: 10-19-2009, 08:04 AM
Parent: #35
يا ساتر من الدعاتر
أبو ساندرا (صديق الخنازير)
واحد زميل قالوا ليهو أبو ساندرا جاتو أنفلونزا الخنازير
أجاب وبتلقائية (ما أصلها بتمشي للخنازير)
ما بوريك ليهو لو كسرت رقبتك
بالله وأنا أقول الزول ده مالو غايب وما مشكل حضور
وسالي لسانوا في البروف أحمد عبدالله
أتاريها الحمى طالعه في الراس
عموماً سلامتك ، وما تزورني إلا بعد شهرين
وسلامتك يا أبو ساندرا (أرجل بت)
ومن جانبنا إجازة من منتدى الحروف والمجموعة السودانية وصالون أبنوسة لمدة 6 اشهر
وتفضلوا بقبول فائق الاحترام
رشيده أعذرينا يا أختي
ده مرض ما بزورو سيدو
إتبالي بيهو براك
ومؤكد إنو ما جلاك
وقالوا الإتبلبل يعوم
عادل
|
Post: #37
Title: Re: حمى و 7 ايام من العزلة ... في بيتنا ( خنازير )
Author: منتصر الامين
Date: 10-19-2009, 08:25 AM
Parent: #36
ابو ماهى
سلامتك يا خال وما تشوف شر
H1N1 حته واحده يا بركوته
والله الحكى دا كلو كدا شكلو تبع (المؤشرات)
الظاهر ما جابت حقها مع خالتى رشيده
قلت تجى (تأشر) لينا هنا
عموما دخلنا البوست دا دون احتياطات
وحتى دون استعانه بكمامه ربنا يستر
ويجيب عواقبنا سليمه كما كانت معك سليمه
ـــــــــــــــــــــــــــــ
اها الاسبوع انتهى وتمت عملية التعقيم ولا لسه
|
Post: #38
Title: Re: حمى و 7 ايام من العزلة ... في بيتنا ( خنازير )
Author: SHIBKA
Date: 10-19-2009, 08:36 AM
Parent: #37
الف سلامة وبعد الشر
|
Post: #39
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-19-2009, 08:47 AM
Parent: #37
Quote: وأنا أقرأ لك المقاطع أعلاه , أتخيل نفسي مكانك
وبناتي يكثرن من الاهتمام بي وأنا أستمري هذا الشئ
وأزيد في الدلع كمان وكمان ,,,
( باقي أبات البنيات حنان )[/QUOTE
يا ود دفع الله
الما ولد بنات ماولد تب
بيجعلنك عايش في العسل طول عمرك وايامك باسطة
هسع لو في محلهن ولد ، كان قفل الباب وفات لأصحابه بأسمآ
يقول ( الجلك فاقد حنان عامل فيها عيان )
وده لو أصلآ انت كنت وجدته في البيت ، مش صائع
ياخ تدلل وتدلع ما شاء لك الدلال والدلع
في حد والدهن معانا
بعدين الحنان ده يمشن يكبنوا لولد بس أمو داعيالو
وحظو واقع من السماء
ربنا يخليهن ليك ويسعدك بيهن ويخليك ليهن
|
Post: #41
Title: Re: حمى و 7 ايام من العزلة ... في بيتنا ( خنازير )
Author: ضحيه ابراهيم
Date: 10-19-2009, 08:54 AM
Parent: #39
نسال الله السلامه
يازول الكبر حصل والمكنه خفت
ما اظنك السنه تجتاز الفحص الفنى
الا بعد(عمره وسمكره وصبغ)
معذور فى هضربتك اتاريك بى سببك وانا
اقول الزول ده ياربى جاهو الزهايمر؟
مسكينة رشيده الله يكون فى عونها هى والبنيات.
|
Post: #40
Title: Re: حمى و 7 ايام من العزلة ... في بيتنا ( خنازير )
Author: Abdelgadir Galal Ahmed
Date: 10-19-2009, 08:53 AM
Parent: #37
سلامات ابوساندرا
الحمد لله علي السلامة
وان شاء الله ما تشوف شر
|
Post: #42
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-19-2009, 09:27 AM
Parent: #40
كتب الظريف اللذيذ عبدالرحمن حمدالنيل
| Quote: كان كدى (إنزنق) بوشك..... |
يا قوي ، زنقار ديك كانت لمرة واحدة فقط
مرة واحدة لكنها مؤلمة و ملهمة
دائمآ تقراني / تقرأ لي بعيون المحب المعجب
غايتو يوم بتجيب لينا غيرة مع سمرية ، هبة الله للدنيا
تشكر يا حبيب ، ومداخلتك أعجبتني وإستلت مني ضحكة
خرجت من بين آلآم وتعب
وإعتذارك لاحقآ عنها غير مقبول لأنها كانت مفيدة
بالنظر للحالة التي كنت عليها ومازالت بعض الترسبات
أي انها كانت نسمة في درجة حرارة وحمى غائظة وغياظة
|
Post: #43
Title: Re: حمى و 7 ايام من العزلة ... في بيتنا ( خنازير )
Author: Alsa7afa_30
Date: 10-19-2009, 10:16 AM
Parent: #42
حمد لله على السلامة يا زعيم ..
H1N1 ؟؟
|
Post: #44
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-19-2009, 10:17 AM
Parent: #42
عدد القرآء
3 ستات
وعدد المشرفات على العناية المركزة
برضو 3 ستات
يا للهناء
كل ستات والدنيا بخير
|
Post: #45
Title: Re: حمى و 7 ايام من العزلة ... في بيتنا ( خنازير )
Author: أميرة فاروق عبد العال
Date: 10-19-2009, 10:53 AM
Parent: #40
كر.. بريه سلامتك ألف سلامة..
إن شاء الله عدوينك يارب..
|
Post: #46
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-19-2009, 12:30 PM
Parent: #45
الحاجات البايخة في المرض ده
هي اعراضه كلها وخاصة كسير المفاصل والبلغم
لكن الحاجة الأبيخ
هي العزلة هسع 3 ايام من العزلة الخانقة
أسمع صوتهن ولا أراهن
الطعام يوضع على طاولة قرب باب الغرفة ثم يطرق على الباب
طرقآ مركز تتلوه خطوات مسرعة
أفتح وآخذ تعييني من طعام وهو للحق طعام عالي المستوى وشهي جدآ
وما قدرت أفرز ، هل سبب ذلك محاولة لرفع شهيتي ومن ثم مستوى تغذيتي
لمقاومة المرض ، أم السبب إعتذار مبطن للمعاملة القاسية
غايتو ، رب ضارة نافعة
وفي المصائب بعد الفوائد
مثل حالة الهدوء في الغرفة وعدم وجود شخص يرقد بجوارك ويشخر
وفائدة أخرى هي إستعادتي لإنتباهي ومعرفة صاحب الخطوات
رجعت اطالع الكتب والآن أستعيد للمرة الثالثة قراءة ( الفجر الكاذب )
وفي نفس الوقت تقريبآ أطالع ( جنوب السودان في المخيلة العربية )
وكلاهما ل منصور خالد
التلفون يلعب دور مهم لوصلي بخارج الغرفة وبخارج البيت وبخارج قطر
فشكرآ للذين تكبدوا مشاق تكلفة الإتصال من الخارج
وشكرآ لنادر إبراهيم ولد آمال سالم ( آمال أختي )
الذي زارني وقبلني وكأنه يقول للمرض ( ْX أمك )
|
Post: #47
Title: Re: حمى و 7 ايام من العزلة ... في بيتنا ( خنازير )
Author: محمد فضل الله المكى
Date: 10-19-2009, 03:07 PM
Parent: #46
ولأن همي أن لا( يطرشق)منتدى الخميس في سوق واقف كما طرشق صاحب الفكرة،
سارعت في الإتصال بأحد المفتين،لينجدنا بفتوى من شاكلة فتوى(إرضاع الزميل)
قال إن الموضوع (عين)
ويحتاج لي كرامة
بشرط الكرامة خنزير، و (الذبح إسلامي) !
|
Post: #48
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-19-2009, 03:59 PM
Parent: #47
كتب الفنان السني دفع الله
Quote: زي ما قالت احلام
امس لي الجماعة بتوعك
الف حمدالله على السلامة
لكن ما تعشم نزورك
لانو سهل البقاع
اكبر مؤشر
للحنازير
يازول الكتابة زاتا
ممكن تعادينا
البوست ده
ممكن ودينا للعزلة |
يا سنسنة انا كنت معتمد عليك تحرس الحروم
تقوم الست حلوم تحرضهن على الرقص والحتحتة
وانت قااااعد
يا شماتة ابلة ظاظا فينا
يازول هيي انا كاسح
سهل البقاع انفتح تاني
|
Post: #49
Title: Re: حمى و 7 ايام من العزلة ... في بيتنا ( خنازير )
Author: Abureesh
Date: 10-19-2009, 09:43 PM
Parent: #48
الف سلامتك يا عبد الرحمن، وإن شاء الله تبلغ الصحـة بسرعـة.
وفعلا قبيل لاحظت حاجتين لما إتكلمنا فى التلفون.. أولا صوتك كان متغيـر، بعدين ما عرفت سبب
تغيير محل الإجتماع بتاعنا نحن التلاتة الكان مقرر اليوم فى بيتكم.. القلتو لى ما فهمتو وما
حبيت أظهر زى الأطرش.
|
Post: #50
Title: Re: حمى و 7 ايام من العزلة ... في بيتنا ( خنازير )
Author: فيصل عثمان الحسن
Date: 10-19-2009, 10:37 PM
Parent: #49
ألف سلامة ليك يا صديق وما تشوف شر , أجر وعافية ان شاء الله .
|
Post: #51
Title: Re: حمى و 7 ايام من العزلة ... في بيتنا ( خنازير )
Author: مامون أحمد إبراهيم
Date: 10-19-2009, 10:51 PM
Parent: #50
ألف سلامة ليك ياأبوساندرا
وماتشوف شر ياخي ،،
شدة وتزول وترجع بركاتك يابركة .
|
Post: #52
Title: Re: حمى و 7 ايام من العزلة ... في بيتنا ( خنازير )
Author: انتصار محمد صالخ بشير
Date: 10-19-2009, 11:02 PM
Parent: #50
سلامتك اخى وما تشوف شر
يخليك ويغطيك لبنياتك الحلوات وامهم
انتصار
|
Post: #53
Title: Re: حمى و 7 ايام من العزلة ... في بيتنا ( خنازير )
Author: عاطف مكاوى
Date: 10-20-2009, 02:20 AM
Parent: #52
والله يا أبا ساندرا في الأول كنت مفتكر البوست جزء من حركاتك التي أعرفها
ولكن اتضح أن الأمر جاد وحقيقة , ولكن الجميل انك اكتشفتها أو اكتشفوها بسرعة
لذلك اعتبرها انفلونزا عادية في هذه الحالة .... وقلل من الاكسات
وما تشوف شر يا صديقي العزيز .
|
Post: #54
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-20-2009, 03:52 AM
Parent: #53
كتب محمد عمر الفكي :
| Quote: صغير وجاهل وما تستاهل |
آآي وحاتك ،، لسع ننو
المرض الأهبل ده ما شاف شهادة الميلاد
عايز يرفعنا بسرعة قبل ان نكمل الحاجات
والبرج لسع عايز شغل
انت اقعد لولي فيني كده لغاية ما تشتلني في بلاد الغربة
بحبك والله في الله و لله
بس انت شوف لينا تجديد للموضوع داك
قبل ما نلحق امات طه ، عشان هو الوحيد البيمد ليك في ايامك
اوعك تكون ماسمعت ( أيامك ) أمشي فتش البوست ده
|
Post: #55
Title: Re: حمى و 7 ايام من العزلة ... في بيتنا ( خنازير )
Author: khaleel
Date: 10-20-2009, 03:54 AM
Parent: #54
ابو ساندرا
انت مصفح ضد انفلونزا الخنازير
كل من ضرب (ابو حمار ) لا تصيبه الانفلونزا
قوم امشي شغلك وسيب الدلع
|
Post: #56
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-20-2009, 05:38 AM
Parent: #55
كتب هارون دياب :
Quote: احذر الجميع وانا جاد
بعدم زيارة ابو ساندرا في البيت
واولهم انا ....لاجاي ولا حاازورك
وياريت اذا ام البنيات ساقت بنياته
وشافو ليهم سكن اليومين ديل |
عالم جبانات بشكل
برغم تحذيرك ، وانا مدروخ والحلق شبه مقفول
إذا بجماعة تقف حولي
رفعت رأسي ، وجدت كمال سالم هو الأقرب من رأسي
أصلو كمال بايعها
وتلاه القائد بهاء وده برضو ما فارقة معاهو
وهنااااك قرب الباب ، باب الغرفة يا جماعة
كان معاوية محمد الحسن وبعده صلاح عبدالله
وملامحهما ممزوجة بين الفزع والشفقة
( إنتو ما خفتو من الكهرباء تخافو من مكروب صغير وحقير ؟ )
مكثوا مسافة ، لكن صلاح عبدالل برغم الشنب القوقازي
كان مفزوع حتى أنه عندما حس بحركة من خلفه عمل ساتر
ظن ان أحدهم يوشك أن يدفعه نحايتي ، وتنفس الصعداء
لما لحظ انها المعاونة الحبشية ، ولم يتركها ، لاحقها
بالأسئلة ليطمئن ، لكن هيهات
الراجل معذور ، أبو بنات
الزيارة الفدائية الكريمة فكت طوق العزلة من حولي قليلآ
واسعدتني ، وأيضآ كنت حذرآ لكي لا أصيب أي منهم بعدوى
|
Post: #57
Title: Re: حمى و 7 ايام من العزلة ... في بيتنا ( خنازير )
Author: haroon diyab
Date: 10-20-2009, 05:48 AM
Parent: #56
قلته لي ديل زاروك.....؟
كمال سالم مركزه الاجتماعي لايسمح ليه بعدم الزيارة
بهاء بكري جاي شماته سااااكت ...عاوز يحضر النهاية
معاوية ....مريخابي جاي يشمت في خماسية مازيمبي .
صلاح عبد الله ....عاوز يقنع البنيات وامهم انو يخلو ليك البيت
عالم فارات....!!!!
|
Post: #58
Title: Re: حمى و 7 ايام من العزلة ... في بيتنا ( خنازير )
Author: Huda AbdelMoniem
Date: 10-20-2009, 06:17 AM
Parent: #57
ابوالبنات وامهــم
لسة عندك فرصـة
حصـل الوترى
الف سلامة ليك
|
Post: #59
Title: Re: حمى و 7 ايام من العزلة ... في بيتنا ( خنازير )
Author: عبدالأله زمراوي
Date: 10-20-2009, 06:28 AM
Parent: #58
والله قايلك بتهظر يا أبوساندرا حتى وقفت صبيحة
اليوم بنفسي من سياق البوست.
المهم أنا جاري للمستشفى لأنو أنا
قالدتك بصورة عجيبة في ليلة بشير عباس بمركز
البيئة، لا حولا يمكن عندي الشى دة؟
أبوساندرا ألف حمداً لله على السلامة
وما تشوف شر يأأأخي وشكرا على البوح
لتعلمنا كيف يكون هذا المرض وكيف
يمكن علاجه....
|
Post: #60
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-20-2009, 06:34 AM
Parent: #58
كتبت لهارون دياب في بوست أخر
بشأن البوستات الفارغة و مقدودة
وهو صنف هذا البوست ضمنها
مايلي :
Quote: ونعم ، حمى و7 ايام من العزلة يندرج ضمن البوستات الإجتماعية
ولكنه لايخلو من لمسة عامة تتعلق بأهمية أن يعرف الناس شييء
عن الوباء من خلال تجربة حية لمصاب أو مشتبه بأنه مصاب |
وفي الحقيقة ، انا شخصيآ ما كنت قادر ، رغم المعلومات الوافرة
أفرق بين انفلونزا الخنازير وغيرها من الإنفلونزا الموسمية والحميات
وحدثت في محاضرة عن المرض في مركز أصدقاء البيئة ، سئلت عن كيف أميز
المرض عن غيره إذا ما أصابتني حمى وأعراض ، حيث أن كل الأعراض متشابهة
في كثير من الأمراض ؟ ولم اجد إجابة مقنعة
ومن زاوية أخرى ، مازال الناس حتى هذا الصباح يتجادلون
حول حقيقة المرض وعدد كبير يدرجون المرض وأخباره ضمن نظرية المؤامرة
شاهدت ذلك في قناة الجزيرة هذا الصباح وقد يعرض التعليق مرة أخرى
وأعاني من ذيول تلك النظرية في بيتي حيث ان رشيدة مقتنعة بنظرية المؤامرة
لذلك تتعامل مع حالتي بإعتبارها نزلة برد موسمية
وانا أظن أن ظنها هذا سوف يكون سببآ لإصابتها لأنها لاتتوخى الحذر
وهسع بتكح وعندها حمى و إسهال
حاولت في كم مداخلة ان أعكس صورة تقريبية للمرض من واقع إصابتي
وهي مدرجة في خانة الإشتباه لأنه من الصعب القطع بالإصابة أو عدمها
وعلى حسب رأي الطبيب ان الذي يحدد ذلك درجة الحرارة عندما تتجاوز الأربعين
|
Post: #61
Title: Re: حمى و 7 ايام من العزلة ... في بيتنا ( خنازير )
Author: عثمان دغيس
Date: 10-20-2009, 06:50 AM
Parent: #58
أبو خنزير ..
سلامتك ألف سلامة والله ...
أوع تقول لي يوم حفلة عبد المنعم الفكي كنت في الحالة دي ....!؟
يعني سهيل العبدول جاك متين ؟؟؟
أو الوكت داك كان صديق منزول معاك ولا لسه ؟؟
غايتو أنا مما لاقيتك اليوم داك وأنا طريح الفراش ب (شوية ) نزلة ..
يعني بدون سهيل العبدول ولا زنقار ولا فريد الأطرش ..!
الله يكضب الشينة
|
Post: #62
Title: Re: حمى و 7 ايام من العزلة ... في بيتنا ( خنازير )
Author: dardiri satti
Date: 10-20-2009, 07:21 AM
Parent: #61
أبو ساندرا ،
ياخي ألف كفارة
وشرك مقسم على الدقشم؛
وشكراً على التنبيه ...اليقظة... الحذر... الاستعداد.
| Quote: , أتخيل نفسي مكانك وبناتي يكثرن من الاهتمام بي وأنا أستمري هذا الشئ |
والماعنده غير واحدة،
وحتى الواحدة ما معاه ، يطير وين؟؟
تحياتي
|
Post: #63
Title: Re: حمى و 7 ايام من العزلة ... في بيتنا ( خنازير )
Author: على محمد على بشير
Date: 10-20-2009, 08:08 AM
Parent: #62
حمد الله على السلامه يا بركوته
وما تشوف شر انشاء الله .. وربنا يخليك لى بنياتك ..
بس سؤال صغنتوتى لو سمحت
القصه دى حصلت قبل مباراة مازمبى والا بعدها ؟؟؟؟
|
Post: #64
Title: Re: حمى و 7 ايام من العزلة ... في بيتنا ( خنازير )
Author: naeem ali
Date: 10-20-2009, 08:16 AM
Parent: #63
اصابتكم (العين الدوليه) يا اهل (الدوحه)..
الف لا باس عليك يا حبيب
وحمدالله الف علي سلامتك
_____________
سائلين منك
|
Post: #65
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-20-2009, 08:24 AM
Parent: #62
| Quote: والله قايله مجرد (طه القرشى) بس |
أيوة يا قوي
هو بالأول بدأ كده ، ( الحسن ابو سهل }
ثم ( علي الكسار ) في المفاصل وكل الجسم
لمن يجيك إنعدام شهية وتعمل ( الهادي صيام)
تتأكد ان الحكاية فيها ( صديق منزول )
اليوم كلو ( متعب الهزال )
ويجيك إحساس بأنك ( هيلموت كول )
وتقعد تتخيل في ( البيك اب بتاعك )
لغاية ما الواحد يرفع شتات
المهم ، هسع الحالة مستقرة
لكن ( العدو / الحليف الإسترايجي ) بتاعنا
داقي جرس وحرارتو في السما
شكلها كده ح تدفع ثمن تصديقها لنظرية المؤامرة
|
Post: #66
Title: Re: حمى و 7 ايام من العزلة ... في بيتنا ( خنازير )
Author: محمد عمر الفكي
Date: 10-20-2009, 01:18 PM
Parent: #65
والله انا كمان يا أبو الشباب بحبك لله في لله.
اقول لك حاجة ما حتصدقها وما كنت عايز اكلمك بيها الا في وقت مناسب وكنت اتوقع انك تجي السعودية واكلمك لكن عشان الناس دي هنا تعرف قدرك وامشي كلم بيهاهارون المريخابي وكمال وبهاء .
بعد ما جيت انت ورشيدة العمرة العام الماضي بعدها بفترة رزقت بولد( في صورة البروفايل تحلمه اخته) ، تخيل سميته منو؟
ربنا يستر عليك وعلى ام البنات وعلى البنات ويحفظكم من كل شر.
اصغر اعضاء البورد اثنين
صديق الموج وبركوتة.
معليش كتبت صديق قدامك لانك الكبير يقدم على الصغير
|
Post: #67
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-20-2009, 04:34 PM
Parent: #66
صديقي مجمد مكي ،، لك كل الود
وشكرآ جزيلآ على المرور والتحية
|
Post: #68
Title: Re: حمى و 7 ايام من العزلة ... في بيتنا ( خنازير )
Author: Elawad
Date: 10-20-2009, 05:21 PM
Parent: #67
أجر و عافية يا أبو ساندرا. دعواني لك بعاجل الشفاء.
|
Post: #69
Title: Re: حمى و 7 ايام من العزلة ... في بيتنا ( خنازير )
Author: لؤى
Date: 10-20-2009, 05:34 PM
Parent: #1
| Quote: في بيتنا ( خنازير ) |
العزيز أبو ساندرا
تحيّة ووُد
ألف سلامة ليك
وربّنا يقوّيك
وفي بيتكم ملائكة
|
Post: #70
Title: Re: حمى و 7 ايام من العزلة ... في بيتنا ( خنازير )
Author: حمد عبد الغفار عمر
Date: 10-21-2009, 08:38 AM
Parent: #69
ابو ساندرا
الف سلامة وما تشوف شر
تعرف معانا واحد خنزرت معاه زيك كدا المهم وصفو ليهو علاج بلدي بقي كويس بتمثل في الاتي
تجيب حبتين مرقة دجاج ماجي مع بصلة وفص توم اعمل منهم شوربة( بدون ملح طبعا)
بحيث تكون الخلاصة كباية عصير
وتحلب فيهم ليمونة مرتين في اليوم الى ان تشفي
|
Post: #71
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-21-2009, 04:15 PM
Parent: #70
كتب العزيز الحبيب ودقاسم
Quote: بختك أبوساندرا ، أنت الآن في كتاب قينيس للأرقام القياسية
أول بوردابي يصاب بالإتش ون ان ون
والحمد لله البنات ما أخدوا العدوى
تعرف لو واحدة منهم أو صاحبتي رشيدة أخدت عدوى ، كنت سأقاضيك
أصلك بتكون لمّيت البلاوي دي من بلاويك الكتيرة ديك .. |
أهلآ يا ودقاسم وطلتك تفرحنا
انا بكون أول من اعلن ، لكن بيكون في بورداب كتار دخلوا التجربة وناموا بيها
البنات هن ماهيتاب وموجودة معظم الوقت في العمل وسارا معظم الوقت
تقضيه فوق مع الكمبيوتر ومابتنزل لينا تحت إلا عند الوجبات
وفي الوجبات انا معزول عنهن
رشيدة ممكن ينتقل ليها المرض عشان هي ما حذرة وشايفة ان واجبها ان تشرف على العلاج
بالجبر مشت المستشفى وطلعت فحوصاتها نظيفة ، وهي رحلت مني وطلعت مع البنات فوق
اها ، البلاوي دي لي هسع ما قدرت أعرف المتسببة منهن في المرض
وأكبر بلوة عندنا كان قاطع وشو عننا قبل الإصابة وهو دكين
مشتاقين ياخ وعليك الله رش لي تلفونك الجوال هنا
|
Post: #72
Title: Re: حمى و 7 ايام من العزلة ... في بيتنا ( خنازير )
Author: حنين للبلد
Date: 10-21-2009, 04:26 PM
Parent: #71
عفوا
مسحت المداخلة غير المرحب بها..
|
Post: #73
Title: Re: حمى و 7 ايام من العزلة ... في بيتنا ( خنازير )
Author: مريم عبد الله
Date: 10-21-2009, 05:02 PM
Parent: #72
كفارة وجعلها الله زكاه بدن ما تشوف شر يا استاذنا
اتمنى لك وافر الصحة
|
Post: #74
Title: Re: حمى و 7 ايام من العزلة ... في بيتنا ( خنازير )
Author: حسن طه محمد
Date: 10-21-2009, 05:33 PM
Parent: #73
في الصباح اتصلت بالهاتف
والجرس يرن ويرن ويرن ويرن
واخيرا ... : والله عبد الرحمن نايم
الليل كله ما نام
ان شاء الله ما شر
... مالو
والله بالليل جاتو شوية حمي ومغص وحساسية جيوب انفية
سلامتو وقولي ليه نمن يصحي انا اتصلت.
لم يتصل ..... فاتصلت مرة اخري
صوت ابو ساندرا الجهوري اختفي
سلامات يا زول مالك
والله الدكتور قال في اشتباه لمرض الساعة
ولازمك انقطاع عن العالمين لمدة اسبوع
في اليوم التالي عاد الصوت الجهوري..
في المساء وفي مناسبة مركز اصدقاء البيئة
قابلت العائلة المالكة وطمنوني علي الباشا
اتفقنا... وما زال موضوع موقع القانونيين بندينق!!
سلامتك ابا ساندرا ..... وان شاء الله كفارة البيك يا زول
الباقي كم من ال 7 أيام؟؟؟؟؟
|
Post: #75
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-22-2009, 06:09 AM
Parent: #74
أهلآ ب عادل التيجاني
تحاياك وجرستك وصلن في ذات الوقت
والرجال المابتهاب الموت جات
وانت اقعد حافظ على رويحة الطين دي
يا داقس ، قايل نفسك ح تمط فيها ؟
محدودة ومحددة
اكان إتضارفت ولو لاوزت ياكا يومآ ما مشتول في مسيمير
قلت :Quote: ومن جانبنا إجازة من منتدى الحروف والمجموعة
السودانية وصالون أبنوسة لمدة 6 اشهر |
بركة الجات منك يا بيت الله
كنت تتأسى برجالة البنت ساندرا وتجيب كيسك وتجيي
بالمناسبة هي الآن تتدرب في التيجاني الماحي
ف شكرآ
أهو طلعت ( عادل التيجاني الماحي )
|
Post: #76
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-22-2009, 06:53 AM
Parent: #75
كتب منتصر الأمين :
| Quote: اها الاسبوع انتهى وتمت عملية التعقيم ولا لسه |
ال بيشوف دي يظنك جافل زي بعض الفارات الجبانات
بعضهم إكتفى بتلفون خجول
أو مداخلة باردة ، هنا
والبعض بخل علينا بهذه وتلك
أعني المداخلة الخجولة والتلفون البارد
و إت سا سمح العشيات
جيتنا ومعاك زوجتك وبدون كمامات
قبل أن يتم الأسبوع وتتأكد من التعقيم
جيت مطمئنآ لأنك زول ماهل
وما ساهل
|
Post: #77
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-22-2009, 09:40 AM
Parent: #76
بنتنا شبكة وبت حلتنا
شكرآ جزيلآ على المرور وصالح الدعاء
فيك الخير
مش زي صاحبتك
غايتو الختتا رقدت
انا ساكت كنت بغالط
وبدافع
|
Post: #78
Title: Re: حمى و 7 ايام من العزلة ... في بيتنا ( خنازير )
Author: حسن طه محمد
Date: 10-22-2009, 10:27 AM
Parent: #77
Quote: ال بيشوف دي يظنك جافل زي بعض الفارات الجبانات
بعضهم إكتفى بتلفون خجول
أو مداخلة باردة ، هنا
|
ياخي الدكاترة اتهموك
وعلي قلمك مش واحد بل تخصصات
وبعد دا تحتج
الاسبوع خلص ولا لسه
|
Post: #79
Title: Re: حمى و 7 ايام من العزلة ... في بيتنا ( خنازير )
Author: محمد أبوالعزائم أبوالريش
Date: 10-22-2009, 12:58 PM
Parent: #78
أووووووو .... أبو خنزير ...
ده شنو كمان الجبتو دة؟
Quote: قالت ليها : ياللا بوسي بركوتة عشان تموتي شهيدة
او ابوسو انا وأموت منتحرة وأخش النار |
طبعاً منتشي من الحوار ده يا جبان.
دقيقة واحدة:
أرجعت شريط الذكريات قليلاً ... ولقيتك يوم بشير عباس في أصدقاء البيئة عملت فيها صاحبي و(الكرسي لصق الكرسي)، وكمان عامل فيها بتغني ومليت وشي بـ(الرزاز) .. لذا .. وجب عليّ مقاضاتك.
أي إشارات لـ (سهل البقاع) أو (فريد الأطرش) أو(صدّيق منزول) أو (فتريتة في الجسم) تشيل شيلتك معانا.
____
كامل التضامن مع رشيدة والخنازير
|
Post: #80
Title: Re: حمى و 7 ايام من العزلة ... في بيتنا ( خنازير )
Author: عصام علي أحمد
Date: 10-22-2009, 02:20 PM
Parent: #79
سلامتك يامؤشرات
الجاتك ابدا ما سامحتك
شده (وكبك) وتزول
|
Post: #81
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-22-2009, 03:26 PM
Parent: #80
كتب الزعيم القبايلي ضحية إبراهيم
Quote: يازول الكبر حصل والمكنه خفت
ما اظنك السنه تجتاز الفحص الفنى
الا بعد(عمره وسمكره وصبغ) |
الكبر كبر المقام
والمكنة أريتها مكنة حبيبك
مكنة ماكنة وبنغير ليها الزيت
وبنملاها هواء نقي كل يوم و هوى
ولو مغالط
تعال الكورنيش
وحدد انت سرعة السباق
وشوف لو ما لسانك بقى لسان كلب
بعدين الكبر عيبو لي
الكبر ما تعدد خبرات عميقة
وتجارب مجرب مفيدة
وإتقان فنيات جديدة ولذيذة
شوف كمان!
|
Post: #82
Title: Re: حمى و 7 ايام من العزلة ... في بيتنا ( خنازير )
Author: عماد الشبلي
Date: 10-22-2009, 03:38 PM
Parent: #81
ابوساندرا
الجاتك في ( الخنزيرة ) سامحتك
الف سلامة لك ..
|
Post: #84
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-22-2009, 04:50 PM
Parent: #82
الله يحفظك يا عبدالقادر جلالوماتنسانا من صالح الدعاء
والباقيات الصالحات
مع الشكر الجزيل
|
Post: #83
Title: Re: حمى و 7 ايام من العزلة ... في بيتنا ( خنازير )
Author: haroon diyab
Date: 10-22-2009, 04:49 PM
Parent: #81
Quote: بعدين الكبر عيبو لي
الكبر ما تعدد خبرات عميقة
وتجارب مجرب مفيدة
وإتقان فنيات جديدة ولذيذة |
طبعا ضحية صديقي
لكن ياضاحي الناس مقامات
الكبير كبير
وعمك ده كبيرنا وتاج راسنا
البرشو بالدم.....
نرشو بالصمرقع....
وبالعدم.....
بالخنزير
ودغرب هووووووووووي
ارعي بي قيدكـ.
ياحنين....
ده زاااااااااااتو رشو ....!!!!
|
Post: #85
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-22-2009, 05:13 PM
Parent: #83
شكرآ جزيلآ ولدنا حسام صحافة_30
ونبارك ليك الوظيفة
ونبارك للوظيفة لأنها كسبت زول زيك
|
Post: #86
Title: Re: حمى و 7 ايام من العزلة ... في بيتنا ( خنازير )
Author: محمد خليل ساني
Date: 10-22-2009, 08:37 PM
Parent: #1
ألف كفارة عليك يا صاحب
ربنا يواليك بالعافية
مطالبننا زيارة فى بيتكم العامر
وإنشاء الله راح تكون قريب
كن بخير وعافية وربنا يكمّل ليك الشفاء
|
Post: #87
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-23-2009, 12:24 PM
Parent: #86
كتبت اميرة فاروق
كر.. بريه سلامتك ألف سلامة..
إن شاء الله عدوينك يارب..
----------------------------
اميرتنا المتوجة مرورك اسعدني جد
ورفع المعنويات فارتفعت المناعة
وتماثلت للشفاء
وتمرجح مزاجي نحو الاحسن
اريتك طيبة والبنات الجميلات
|
Post: #88
Title: Re: حمى و 7 ايام من العزلة ... في بيتنا ( خنازير )
Author: nadus2000
Date: 10-23-2009, 01:14 PM
Parent: #87
كفارة وسلامتك
طبعا أنا لغاية أمس كنت فاكر المسألة هي الحمى الموسمية تلك، والتي تلجأ اليها كلما شح الحنان، وقل الاهتمام، فان نجحت حين بدأت بالعيون وها هي تنتهي بانفلونزا الخنازير، وأخشى عليك من سوء الظن وساعة هجوم النمر لن تجد ماهي واخواتها والاولاد دكين وطارق المكي، وان وجدتهم لن يعيروك انتباهة، الا بربع عين، حيث ان العينين الا ربع تتركزان على MBC2 وحسناء هوليودية تنزلق هابطة من فارهة وفستانها ينزلق الا اعلى ضد قوانين الطبيعة...ودكين ساعتها يحدث نفسه أو طارق، هو نفسه أيهما يحادث...ياأخ العجوز دا كلو بقى خردة...وشوية كدة حيحتاج انو يولفوا ليهو ....
يا اخي والله دا هو أحسن مخرطة ما تظبط ليهو شنبر، قالها طارق دون الأن يتزحزح نظره عن ذلك الوجه الذي ملأ الشاشة في كلوس آب، ربما صمم مخصوص لعذاب بركوتة وتشتيت كورة طارق ودكين خاصة فيما يختص في موضوع الواجب والهمة التي هي في الاصل من اختصاص طارق المكي، لكن!!!!
خلييك من الجلك دا، هو ذاتو عارف اانو المسألة مجرد فقدان حنان.
أحد خبثاء المدينة (واحد فقري وبنوم بدري)، قال أنو السبب هو مبادرة حق، "وطن واحد..مرشح واحد"، التي بركوته يزعم انهم كانو هم اولى بهكذا مبادرة...ومن يومها لم يأته نوم....
يا زول كرامتك، وأنا سايق الأبنوسة والعيال بعيد عن مرمى نار فايروس H1N1.
الدفنة دي زاتها مخليها لييييك.
|
Post: #89
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-23-2009, 11:27 PM
Parent: #88
كتب سعادة اللواء الركن محمد فضل الله المكي
Quote: ولأن همي أن لا( يطرشق)منتدى الخميس في سوق واقف كما طرشق صاحب الفكرة،
سارعت في الإتصال بأحد المفتين،لينجدنا بفتوى من شاكلة فتوى(إرضاع الزميل)
قال إن الموضوع (عين)
ويحتاج لي كرامة
بشرط الكرامة خنزير، و (الذبح إسلامي) ! |
هلا بسعادة اللواء
وهو ينعم بالرفقة الحسنة في سوق واقف بعد عودة حرمه المصون
الزميلة ناجية مصطفى من الخرطوم ، وكذلك ينعم بصحبة كريمته
رانية وبناتها
وبعد
يا صاحب لازم المفتي بتاعك ده يقرن فتواه بالعمل ويدلنا على
حوش بقرات سمينات ونعاج وبضعة نوق عشان نعدد مصادر الإرضاع
علمآ بأن الرضعات تحتاج لإسناد من شوربة الكوارع التي تبرع
في طبخها ونرجو تزويدنا بها قبل الخميس القادم موسم عودة الطيور
العين كان صابت العين لكن البنات جلسن وقرن يسن سبعة مرات
في اليوم ولمدة سبعة ايام ووحاتك على الفور إنقشع الدم عنها
وكف النزيف وتركت الدكتور العراقي فاغر فاهه
جرب الطريقة دي لطارق وممكن نسلفكم قارئات يتحدن عبدالباسط
عبدالصمد
متشكر ياسعادتك
|
Post: #90
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-23-2009, 11:50 PM
Parent: #89
كتبت الأخت إنتصار محمد صالح
Quote: سلامتك اخى وما تشوف شر
يخليك ويغطيك لبنياتك الحلوات وامهم
انتصار |
كتر خيرك يا انتصار
حسيت ، وكأني سمعت نبرة صوتك ، بصدق دعائك
واضح انه صادر عن قلب يخفق إنسانية وحب
وعن روح يغمرها الرضا والجمال
ليس هنا فقط ولكن رأيت مداخلة لك تؤكد ذلك
عن عالي إهتمامك بالطلاب السودانيين في مالطا
أعانك الله في مهمتك السامية
وحفظهو واياك
|
Post: #91
Title: Re: حمى و 7 ايام من العزلة ... في بيتنا ( خنازير )
Author: مصدق مصطفى حسين
Date: 10-24-2009, 00:12 AM
Parent: #90
أجر و عافيةأخى أبو ساندرا،
عاجل الشفاء و ما تشوف شر إن شاءالله .
|
Post: #92
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-24-2009, 11:52 AM
Parent: #91
كتب الصديق الودود محمد عثمان ابوريش
Quote: وفعلا قبيل لاحظت حاجتين لما إتكلمنا فى التلفون
أولا صوتك كان متغيـر، بعدين ما عرفت سبب
تغيير محل الإجتماع بتاعنا نحن التلاتة الكان مقرر اليوم فى بيتكم
القلتو لى ما فهمتو وما
حبيت أظهر زى الأطرش. |
نبدأ بالأخيرة وهي عدم فهمك لما قلته لك
الذي قلته ما بيتفهم لأنه كان هضربة محموم
فالمشكلة لم تكن في فهمك
أتمنى أن تنجزوا المهمة التي طرشق اجتماعها المرض
عليك بالتنسيق مع الأستاذ حسن طه والمهندس عمر بوب
|
Post: #93
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-24-2009, 04:12 PM
Parent: #92
الأصدقاء
فيصل عثمان الحسن
مامون احمد إبراهيم
شكرآ جزيلآ على المرور وتقبل الله دعائكم
ويا مامون بنتنا مهاد ما شاء الله عليها
ذاكرت في حالتي بإجادة الشيء الذي يؤكد
اننا على موعد مع طبيبة شاطرة
|
Post: #94
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-24-2009, 04:38 PM
Parent: #93
عاطف مكاوي قال :
| Quote: والله يا أبا ساندرا في الأول كنت مفتكر البوست جزء من حركاتك التي أعرفها |
ماهو المشكلة الواحد يوريكم حركات فتظنوه بتاع حركات
لغاية ما الظن ده يوم يرفع ليهو زول
ويلحقو امات طه زي ما عمل مع محمود
أيوة التعامل الجاد المبكر من جانبي بصرف النظر عن ظنون رشيدة
هو الذي وضعني في طريق الشفاء
بس لابد من إدراك ان هذه الأنفلونزا بتختلف عن الزكام الموسمي
يعني انا ما حصل لي رشح غير مرتين ولم يكن هناك سيلان في الأنف
هي حاجة غير بتحط من قوتك وفعاليتك وبتخليك اسير السرير
لإحساسك الدائم بالإرهاق
مرحبتين يا صديقنا البعيد
|
Post: #95
Title: Re: حمى و 7 ايام من العزلة ... في بيتنا ( خنازير )
Author: المسافر
Date: 10-25-2009, 11:15 AM
Parent: #94
Quote:
الطعام يوضع على طاولة قرب باب الغرفة ثم يطرق على الباب
طرقآ مركز تتلوه خطوات مسرعة
|
سلامة وعافية...
وشدة وتزول...
بس تكون كحتك طلقات داوية ...
وعاوية...
وحتى تعاود إطلالاتك خارج الأسوار نهدي لك أغنية الكاشف:
عدت يا عيدي بدون زهور
وين قمرنا وين البدور غابو عني..
سجنونا في داخل قصور
وقالو عيان للشافك نزور
وبي يمر العيد جوة سور
وهم في بهجة وهم في حبور..
تلفونك بيك ما خبور
أقوم أناديك أفشل أثور
نحن أهل الوفي والشعور
لي جزانا يكون صد وجور
يلا غنيها لأصحاب الخطوات المسرعة
|
Post: #96
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-25-2009, 02:31 PM
Parent: #95
خليل يا خليل خليلك وين
يا خل كيكي الوفي
نظريتك طلعت فشنك
والدليل آلولو
أبو حمار سبب من اسباب إنحطاط الطاقة
وبالتالي فرصة المرض فيك
|
Post: #97
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-25-2009, 04:38 PM
Parent: #96
كتبت الصديقة الشقيقة هدى عبدالمنعم
Quote: لسة عندك فرصـة
حصـل الوترى |
شكرآ ياشقيقة ومقدر حرصك على التحاقنا بكم في خواتيم عمرنا هنا
وأصلآ كان سمعة قد زين لي الأمر برفقته
ولكن نسبة لتجاهله أمر مرضي هذا ولو بتلفون بارد
فقد اعدت النظر في مشروعي معه
لكن انت تشرفي أكان هنا او هناك
الموضوع فتح معاي مرة ثم رفض أرجو تجديد ارساله
حتى اقوم باللازم
|
Post: #98
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-25-2009, 04:50 PM
Parent: #97
كتب الصديق العزيز الشاعر المجيد
والقانوني الضليع
والمناضل العتيد
عبدالإله زمراوي
Quote: المهم أنا جاري للمستشفى لأنو أنا
قالدتك بصورة عجيبة في ليلة بشير عباس بمركز
البيئة، لا حولا يمكن عندي الشى دة؟
أبوساندرا ألف حمداً لله على السلامة
وما تشوف شر يأأأخي وشكرا على البوح
لتعلمنا كيف يكون هذا المرض وكيف
يمكن علاجه.... |
أيوة ، قالدتني بصورة عجيبة حتى انا إستغربت
وظنيت في نفسي الظنون
ياخ اليوم داك ماكان عندي أي عرض من المرض
وإلا كان إنعزلت
أرجو ان تكون تابعت ماكتبته عن المرض
بس عندي إضافة هي أن الإرهاق بيلازمك فترة طويلة
انا اليوم عدت من العمل باكرآ عشان كنت تعبان
كما بيحصل ليك تشويش وعدم تركيز
وإنحطاط في الطاقة
أتمنى ان أكون قد عكست شكل المرض جيدآ
وقربته لأذهان الناس ومعرفتهم
|
Post: #99
Title: Re: حمى و 7 ايام من العزلة ... في بيتنا ( خنازير )
Author: كمبورة
Date: 10-25-2009, 06:00 PM
Parent: #98
الف الف سلامة وما تشوف شر
ابوساندرا عين واصابتك
كفارة وسلامتك وانشا الله عدوينك
نسال الله ترجع لينا سليما معافى
|
Post: #100
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-25-2009, 08:09 PM
Parent: #99
كتب المستهبل عثمان دغيس :
Quote: أوع تقول لي يوم حفلة عبد المنعم الفكي كنت في الحالة دي ....!؟
يعني سهيل العبدول جاك متين ؟؟؟
أو الوكت داك كان صديق منزول معاك ولا لسه ؟؟
غايتو أنا مما لاقيتك اليوم داك وأنا طريح الفراش ب (شوية ) نزلة ..
يعني بدون سهيل العبدول ولا زنقار ولا فريد الأطرش ..!
الله يكضب الشينة |
يكضب الشينة شنو يا الكضيضيب
يوم حفلة عبدالمنعم الفكي ان كنت في عز الحمى
تلاقيك لاقيت رشيدة وبناتها هناك فظننتني معاهن
لا يا فردة انا كنت راقد في البيت
رموني وطيران على اصدقاء البيئة متجنبات العدوى
أو تكون تشابهت عليك الفعاليات في اصدقاء البيئة
حيث التقينا في الإحتفالية القبل يوم منعم
ويوميها ما كان في خنازير ولا كان في قرود
إلا وليد القرود
|
Post: #101
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-25-2009, 08:19 PM
Parent: #100
كتب درديري ساتي
Quote: والماعنده غير واحدة،
وحتى الواحدة ما معاه ، يطير وين؟؟ |
صديقي درديري حاسدني في بناتي
الا ترونه متجرس ، ماعندو غير بت واحدة وبعيدة عنه
يا صديقي عليك بالصحبة
فقد تمونك بالحنان المفتقد
دور على صحبة
وأنصحك بالتطوانيات
فإنهن يقدسن الصحبة
ولا يطمعن في مالك و إستغلالك
كل الذي يرومونه حسن العشرة وصدق المشاعر
والبذل والعطاء
طبعآ شايفك بتطالع وانت ممغوص ومحرج
نسبة لأدبك و إنضباطك
لكن حبيت اجهجهك شوية
أهلآ
|
Post: #102
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-25-2009, 08:55 PM
Parent: #101
كتب صديقنا علي محمد علي بشير :
Quote: بس سؤال صغنتوتى لو سمحت
القصه دى حصلت قبل مباراة مازمبى والا بعدها ؟؟؟؟ |
حصلت فجر السبت يا علي
يا داقس كان تسألني عما حدث لي عقب الخماسية القاصمة
كانت ح تكون إجابة مابعدها
بس راحت عليك
أقصد ماحصل مباشرة بعد الخامس
|
Post: #103
Title: Re: حمى و 7 ايام من العزلة ... في بيتنا ( خنازير )
Author: خالد حامد الجزولي
Date: 10-26-2009, 10:01 AM
Parent: #100
أخي أبو ساندرا ماهيتاب وصارة ديل البعرفهم
في غيرهم ولا خلاص كدة- وزوج اختنا رشيدة
يا خي سلامات وكفارة وسلامتك وألف عزيز كرامتك
يا الحافظ كرامتك
وحقيقي المرض ما بشوف
وشرك مقسم فوق الدقشم (طبعاإنت عارف الدقشم ديل منو)
Quote: يكضب الشينة شنو يا الكضيضيب
يوم حفلة عبدالمنعم الفكي ان كنت في عز الحمى
تلاقيك لاقيت رشيدة وبناتها هناك فظننتني معاهن
لا يا فردة انا كنت راقد في البيت
رموني وطيران على اصدقاء البيئة متجنبات العدوى
أو تكون تشابهت عليك الفعاليات في اصدقاء البيئة
حيث التقينا في الإحتفالية القبل يوم منعم
ويوميها ما كان في خنازير ولا كان في قرود
إلا وليد القرود
|
ظريف في سقمك وعافيتك
ربنا يوافيك بتمام العافية
حتى تعود للجكس تبعك وأنت أكثر حيوية
ولأختنا رشيدة أنت أكثر شباباً
تخريمة
وين أخونا عمر سعد ما شايفو زارك
لا بالمشفى ولا في البوست
خالد الجزولي - جدة
|
Post: #104
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-26-2009, 01:08 PM
Parent: #100
والعجب انا يا نعيم علي
يا أيها الإنسان الحقيقي
شاكر لك إحتفائك الحميم وكرمك الفياض
عسى ان نلتقي في يناير
لو ما نفسي راودتني على تطوان
او جبال الأنديز
فيني حراية عايز اطفيها بشتاء قارص
|
Post: #105
Title: Re: حمى و 7 ايام من العزلة ... في بيتنا ( خنازير )
Author: rosemen osman
Date: 10-26-2009, 01:38 PM
Parent: #100
الف سلامة الزول الحبوب أبو ساندرا
وربنا يواليك بتمام العافية
ويحفظك والبنيات وأمهن
|
Post: #106
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-26-2009, 01:49 PM
Parent: #105
كتب محمد عمر الفكي:
Quote: بعد ما جيت انت ورشيدة العمرة العام الماضي
بعدها بفترة رزقت بولد( في صورة البروفايل تحلمه اخته)
تخيل سميته منو؟ |
أكيد سميتو صديق الموج
غايتو الولد بعد ما يبلغ الحلم
ح يرفع عليك قضية رد شرف
وعدم مراعاة الله في تسميتو
والعجب كان طلع ليك شايل الإسم
إلا تشلخو شايقي
|
Post: #107
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-26-2009, 02:14 PM
Parent: #106
Elawad
لك جزيل الشكر يا عزيزي
وأرجو أن تكون من أصحاب الدعاء المستجاب
وبالطبع ح تنال مثل ما دعوت
عامر الإخاء الجميل
|
Post: #108
Title: Re: حمى و 7 ايام من العزلة ... في بيتنا ( خنازير )
Author: wadalzain
Date: 10-26-2009, 03:30 PM
Parent: #100
العزيز ابو ساندرا
عافاك الله وشفاك
اقول لهذا المرض كما قال المتنبى ( كيف وصل من هذا الزحام )
مثلما قال لك استاذنا عبدالاله زمراوى والاستاذ عاطف مكاوى كنت أمر بهذا البوست سريعا فى زحمة العمل وكنت احسبه احدى تقاليع طرائفك ومفاكهتك التى لا تنتهى ولا يعرف القارىء من أين تأتيه المرة القادمة وبأى موضوع وأى وسيلة وهو ضرب من ضروب الكتابة اتقنته ولا غرابة فى ذلك فقد قال سيدنا على كرم الله وجهه روحوا القلوب واطلبوا لها طرف الحكمة فانها تمل كما تمل الابدان وقال ابو الدرداء ( انى لأستجم نفسى ببعض الباطل كراهية أن أحمل عليها من الحق ما يكلها ) وقال ابن اسحاق ( كان الزهرى يقول هاتوا من ظرفكم هاتوا من اشعاركم افيضوا فى بعض ما يخفف عليكم وتأنس به طباعكم فأن الاذن مجاجة والقلب ذو تقلب ) وقال الرشيد ( النوادر تشحذ ألاذهان وتفتق الآذان ) على الرغم من انك كتبت اخيرا موضوع تبحث فيه عن المواضيع الجادة فى هذا المنبر .
كما أنك تعرف ، ان الزيارة لك فى مثل هذه الحالات غير مستحبة خاصة وانه قد تم الحجر عليك طبيا ، على الرغم من انه قد صدرت دعوات هنا كثيرة لبناتك للحجر عليك واعطاءك حجرة علوية وقفلها عليك بالضبة والمفتاح خاصة بعد كتابات هنا كتبتها انت أ اما عند بلوغك من الشيخوخة مبلغا عتيا وحين ينفك عن لسانك باقى عقاله فهنا الحجر واجب وفرض ، عليه ارجو المعذرة اذا لقيناك اليوم فى ندوة دكتورة ناهد بأصدقاء البيئة وتحاشيناك فقد نصحنا الاطباء بعدم السلام باليد ولبس الكمامات وغسل اليدين بالصابون والمطهر واستعمال المناديل الورقية .ولا تأسين على قلة عوادك فقد كان المتنبى قبلك قليل عواده عندما زارته بنت الدهر فقال :
قَليـلٌ عائِـدي سَقِـمٌ فُــؤادي " " كَثيرٌ حاسِـدي صَعـبٌ مَرامـي
عَليـلُ الجِسـمِ مُمتَنِـعُ القِـيـامِ " " شَديدُ السُكرِ مِـن غَيـرِ المُـدامِ
ومثلما قالت لك رشيدة وهى شبه نائمة عندما داهمك سهل البقاع فى ما معنى كلامها ( رمرمت شنو ) ايضا الطبيب قال للمتنبى ذلك :
يَقولُ لي الطَبيـبُ أَكَلـتَ شَيئًـا " " وَداؤُكَ فـي شَرابِـكَ وَالطَعـامِ
وَمـا فـي طِبِّـهِ أَنّـي جَـوادٌ " " أَضَـرَّ بِجِسمِـهِ طـولُ الجِمـامِ
لكن المتنبى كان جلدا وصبورا ولم يجذع من المرض فقال
فَإِن أَمرَض فَما مَرِضَ اِصطِباري " " وَإِن أُحمَمْ فَمـا حُـمَّ اِعتِزامـي
وَإِن أَسلَـم فَمـا أَبقـى وَلَكِـن " " سَلِمتُ مِنَ الحِمامِ إِلـى الحِمـامِ
لذا يا عزيزى ندعوا لك بالشفاء العاجل و الرجوع لزحام الدنياوشكرا على نقل تجربتك علنا نتعلم ونتعظ وأول العلم والعظه عدم مصافحة المصاب ستة أشهر كاملة .
مع التحية
|
Post: #109
Title: Re: حمى و 7 ايام من العزلة ... في بيتنا ( خنازير )
Author: Egbal Elmardi
Date: 10-26-2009, 05:28 PM
Parent: #108
أبو ساندرا
سلآلآلآلآلآلآلآلآآلآلآلآمتك
وقبلك وححّدك....
ما كنت دايره أخش من الأول كنت خابفه يكون فيها باقى....
أنا أصلى بت نديهه....ههههههه
بالجد... سلامتك وبركه الطلعته منها قوى ومعافى
لسه المعارك كثيره ومحتاجنك
كل الود
إقبال
|
Post: #111
Title: Re: حمى و 7 ايام من العزلة ... في بيتنا ( خنازير )
Author: مصطفى عكر
Date: 10-26-2009, 06:35 PM
Parent: #109
سلامتك يازعيم .. خنازيرررررررررررر ياشافى
|
Post: #112
Title: Re: حمى و 7 ايام من العزلة ... في بيتنا ( خنازير )
Author: حسن طه محمد
Date: 10-27-2009, 06:31 AM
Parent: #111
طرق الاستئذان الجديدة من الدوام:
1- أعطس ثلاث مرات
2- كح مرتين
وفي دقيقتين ستكون بالبيت بإذن اللهـ
انفلونزا الخنازير
أنشر تؤجر
|
Post: #113
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-27-2009, 05:28 PM
Parent: #112
كتاب الفنان الراقي لؤي
لغاية هسع انا العشت معاهن أقل حاجة 25 سنة
ما قدرت أعرف متى يكن ملائكة
ومتى يكن عفاريت
ماعرفت متين بيبقن المطر
ومتين بيبقن حريق
دي حرفنة منك إنك عرفتهن من الوهلة الأولى
أو حرفنة منهن ، دقسوك
أهلآ بك
|
Post: #114
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-27-2009, 05:37 PM
Parent: #113
كتب حمد عبدالغفار عمر
Quote: تعرف معانا واحد خنزرت معاه زيك كدا
المهم وصفو ليهو علاج بلدي بقي كويس بتمثل في الاتي
تجيب حبتين مرقة دجاج ماجي مع بصلة وفص توم اعمل منهم شوربة( بدون ملح طبعا)
بحيث تكون الخلاصة كباية عصير
وتحلب فيهم ليمونة مرتين في اليوم الى ان تشفي |
يا حمد والله انا شاكر ليك مداخلتك هذه
انت رجل كريم ومابتلخبط الحاجات
انا ما بحب المرقة وبخاف من البصل عشان بيلهب القولون
وبيعمل لي مشاكل تانية زي البلغم والنكهة
لكن برغم ذلك لمدة ثلاث ايام بيعملوا لي صحب بصل وثوم
بالشطة بلونيها حمرة وخضرة زي الوان بكري الفوق ديل ، وليمون
الهط لامن أعرق وبالليل أتوجع لكن أفاد ذلك في سرعة الشفاء
أكرر شكري وتقديري
وأرجو أن تغفر لي تقصيري
|
Post: #115
Title: Re: حمى و 7 ايام من العزلة ... في بيتنا ( خنازير )
Author: خالد حامد الجزولي
Date: 10-27-2009, 05:39 PM
Parent: #114
وصلني هذا على إيميلي الخاص
اللهم يكفينا شر هالمرض ويحفظنا بحفظه
بسم الله الرحمن الرحيم
كلنا شايفين كيف انفلونزا الخنازير قاعد يتفشى في العالم و خاصة هنا في المملكه و للآن ما حصلوا له
دواء شافي .. كل الأدوية الموجودة و اللي يتادولها الناس لا تشفي شفاء كامل بل تقضي على الفيروس
حسب كلام منظمة الصحة العالمية ، القصه الي بقولها هي قصه حقيقيه 100% و أنا بنفسي متأكد من
صحتها عن طريق شخص قريب جدا للفتاة المصابه أنا ما أعرف تفاصيل القصه بالضبط لكن متأكد من
أنها حقيقه :
فتاة تبلغ من العمر 16 سنة أحست قبل أيام بأعراض الأنفلونزا و الحرارة " اللي هي أعراض أنفلونزا
الخنازير " ذهبوا اهلها للمستشفى . و هو من أكبر المستشفيات الحكومية بالرياض " أتحفظ عن ذكر
أسمه " و قاموا المستشفى بعمل التحاليل و الفحوصات اللازمة لأنهم أشتبهوا بأنها تكون مصابه بالمرض
و بالفعل أكتشفوا وجود المرض معها و بدؤا الدكاتره و الممرضات ينحاشون منها و حذروا أهلها من
الأقتراب منها و طلبوا منهم يعزلونها في غرفه في البيت رجعوا اهلها للبيت و معهم البنت و لما ساءت
حالتها أكثر رجعوها مره ثانيه للمستشفى عصبوا عليهم الدكاتره و قالوا لهم لا تجيبونها مره ثانيه و لازم تعزلونها في غرفة في البيت .. رجعوا مره أخرى للبيت و قررت أمها أنها تعالجها بأيش تتوقعون لا تامفلو ولا غيره .. فقط بالثوم و العسل ،، كانت تدق فصوص الثوم و تخلطها مع عسل و تعطيها البنت " الثوم يدق كل مره بمره يعني ما ندق ثوم كثير و نخلطه مع عسل كثير و نحطه في علبه لا كل مره ثوم جديد " أستمرت الأم في أعطاء بنتها هالثوم لمدة 10 أيام حتى شفيت من المرض تماماً .. يمكن يكون في القصة نواقص بس هذا اللي انا عرفته و أعيد و أكرر أني متأكد من القصه 10000% ..
|
Post: #116
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-27-2009, 06:06 PM
Parent: #115
كتبت حنين للبلد
Quote: عفوا
مسحت المداخلة غير المرحب بها..
(عدل بواسطة حنين للبلد on 22-10-2009, 07:41 |
عرفتي كيف يا صفية إني غير مرحب بمداخلتك
أوع يكون عشان تأخرت في الرد !
لأنك ما ممكن تقولي : عشان فطيتني في الرد
لأن هذا لم يحدث ، لم أفط لكني تقيدت بالدور حسب أسبقية
التداخل ولم أفط أو أقدم مداخلة على سابقتها
عشان كده المرجح ان سبب حنقك التأخير في الرد
وانا معاك ده بيغيظ شوية خاصة للناس البتهتم ترجع تاني
تشوف عملوا ليها شنو في مداخلتها ، وانا منهم بالمناسبة
بعود عشان بتوقع ان في الرد علي قد يبدأ حوار وتواصل
ومرات بيفطوني عديل ، يعني بيردوا على مداخلات كانت بعد مداخلتي
ولو ح تصدقيني ، ما بزعل
لسبب بسيط بقول إمكن مداخلتي ماعجبت صاحب البوست
وأقدر له انه فطني ونطاني بدل ما يسبني ويحط من مقداري
ومرات بكون مؤقن ان مداخلتي المفطوطة كانت رزينة وذكية
وفي عمق الموضوع وأضافت شييء ، في هذه الحالة قد أرجع تاني
برغم التجاهل وقد يكون التجاهل التجاهل أي مرتين ، برجع تاني
وبواصل في الموضوع وبنسى صاحب الموضوع وتجاهله ، أي بتجاهله
وبركز على الموضوع ، ده في الموضوعات البتقع لي في جرح عشان اهميتها
وجديتها وعلاقتها بالذي أهتم به في البورد بالنسبة للقضايا العامة
ومرات عشان بس الموضوع لذيذ وعاجبني بواصل فيه كيتآ على صاحبه
وتجاهله
ولو فعل صاحب البوست نفس فعلته في بوست أخر بفهم انه مقاطعني
لكن ده ما بيجعلني اقاطع البوست لو نافع معاي
تأخرت ، نعم ... لكن لما سحبتي مداخلتك قمت بعد اللذين قبلك
وجدتهم 15 مداخلة ، توجست ، قلت هسع ال 15 ديل ومن بعدك وهم كثر
كلهم سحبوا مداخلاتهم أنا ح أعمل شنو ؟
خفت ، مش عشان هي فقط مداخلات سحبت
لا ، وكمان سحبت أو سحب دعاء كان يمكن أن يصادف القبول وأشفى
أيوة الذي تم سحبه ليس مجرد مداخلة لكنه دعاء وأمنيات بالشفاء
حرمتيني منها ، وكذلك حرمتي نفسك حيث أن قبول الدعاء بيشمل
صاحب الدعاء ذاته بخيراته وليس الموجه الدعاء من أجله فقط
بالمناسبة وجدت هارون دياب وحسن طه وخالد حامد الجزولي
عملوا كم مداخلة وواصلوا وانا ما رديت عليهم لغاية هسع
وفاتني أن أقول أن ردودي عمومآ كانت بطيئة
وقد نبهتني ماهيتاب وإنتقدتني ، ايوة عادي بناتي بينتقدوني
لكن انا كنت مرهق معظم الوقت كما ان اللاب توب يبدو فيه فايروس
ومزعج جدآ وبطييء جدآ
على كل شكرآ على المداخلة
المداخلة دي عجبتني وقد أفتح بها بوست
|
Post: #117
Title: Re: حمى و 7 ايام من العزلة ... في بيتنا ( خنازير )
Author: حنين للبلد
Date: 10-27-2009, 06:18 PM
Parent: #116
شكرا ابو ساندرا
وعذرا ا للعجلة، لكني متحفظة جدا في تداخلاتي مع الآخرين هذه الأيام في المنبر واقتصرتها على مطايبات ومعايدات " لانه فجاة الزول لا ايده لا كراعه في المنبر ده بلقى روحو مدخلنه في محن" وده ماتجاهي انا بس العاقل من اتعظ بغيره حسب اجواء المشاحنات والتهاتر المالية البورد الأيام دي.
احسست انه امكن مداخلتي القعدت اسبوع تقريبا ومارديت عليها غير مرحب بها عشان كدة سحبتها، فعذرا لسوء الفهم.
غير كدة انا بدخل هنا طوالي لمتابعة حالتك الصحية لاهتمامي بمرض انفلونزا الخنازير الجاتنا فجاة دي واعراضها، غير الاهتمام بردك لتأكيد وصول رسالة حسن النوايا التي ارسلتها من خلال معاودتي لك اسفيريا في مرضك.
عموما دعوات الكل تحفك بطلب الشفاء العاجل لك وربنا يغمرك بالعافية والصحة... كله الباقي مابستاهل في الدنيا الرايحة دي المهم الصحة والعافية والسلامة.
وسلامي للبنات الغاليات وامهم..
ربنا يواليك بالعافية...
|
Post: #118
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-27-2009, 06:26 PM
Parent: #117
عفوآ يا شباب انا ح اضطر للفط وارد على المداخلة الأخيرة
وأعرف أن في ذلك تجاوزآ للصف وأسبقيتكم وهذه أحرص عليها جدآ
لكن بس عايز الفت نظر حنين للبلد لبوست فتحته
وأزعم انه قد يشهد حوار مفيد في جدوى الردود والمداخلات ومتابعتها
تعالي هناك و وسعي الموضوع
|
Post: #119
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-27-2009, 06:42 PM
Parent: #118
كتبت مريم عبد الله
Quote: كفارة وجعلها الله زكاه بدن ما تشوف شر يا استاذنا
اتمنى لك وافر الصحة |
آمين يارب
دعائك هذا أقدر انه مستجاب
وأظن تماثل حالتي للشفاء سببه دعائك والأخرين
فشكرآ مضاعفآ لك ، لإهتمامك
وكذلك لعكس تجربتك الباهرة
|
Post: #120
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-27-2009, 09:45 PM
Parent: #119
كتب صديقنا الودود حسن طه
الباقي كم من ال 7 أيام؟؟؟؟؟
--------------------------
يا افكاتو شكلك حاسدني على المرض وعلى الإجازة
زنقة شغلك اليومين ديل شهتك الإجازات حتى ولو بإدعاء المرض
حقو الواحد لم يلقاك تاني يروح عامل ليك حيدر العطاس طوالي
|
Post: #121
Title: Re: حمى و 7 ايام من العزلة ... في بيتنا ( خنازير )
Author: Ashraf el-Halabi
Date: 10-28-2009, 05:43 AM
Parent: #120
ألف لا بأس عليك يا خال
|
Post: #122
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-28-2009, 12:47 PM
Parent: #121
Quote: طبعاً منتشي من الحوار ده يا جبان.
دقيقة واحدة:
أرجعت شريط الذكريات قليلاً ... ولقيتك يوم بشير عباس في أصدقاء البيئة
عملت فيها صاحبي و(الكرسي لصق الكرسي)، وكمان عامل فيها بتغني
ومليت وشي بـ(الرزاز) .. لذا .. وجب عليّ مقاضاتك.
أي إشارات لـ (سهل البقاع) أو (فريد الأطرش) أو(صدّيق منزول)
أو (فتريتة في الجسم) تشيل شيلتك معانا. |
دقيقة أنت
دقة الحلب
الجا لصق كرسيهو مع التاني منو ؟
براك قمت وجيت لقدرك فتحمل زي الرجال وبطل الولولة ( صالح ولولي )
واللولوة
اتاريك الرزاز جاك زي رشة الرفدور فطاب لك المقام
وقمت منتشيآ وذهبت إلى بيتك تتمطى وتتمطق ذلك الغناء المدهش
الذي تسرب من حنجرة مصقولة
حنجرة لم تكن حينها مجنترة
و الناس يسألوني : من وين جبتها ؟
أقول : غايتو انا الخميس كنت في المستشفى
والجمعة في الجامع
اتاري الإتنين برآءة
السبب ، هسع عرفتو
إفتقدتك يوم دكتورة ناهد
مالك ، لعلك رقدت
|
Post: #123
Title: Re: حمى و 7 ايام من العزلة ... في بيتنا ( خنازير )
Author: Raja
Date: 10-28-2009, 01:06 PM
Parent: #122
ألف لا بأس عليك أبو ساندرا وأخواتها..
إن شا الله الآن بخير..؟ تحياتي لبنياتك ورشيدة
|
Post: #124
Title: Re: حمى و 7 ايام من العزلة ... في بيتنا ( خنازير )
Author: Tabaldina
Date: 10-28-2009, 01:08 PM
Parent: #122
..
.
غايتو يا ابوساندرا
انا لى 10 ايام بقراء البوست دا
ولسه عندى احساس انك بتهزر ..
يا زول انفلونزا خنازير شنو البتلصقها فيك
بطل حركات والله لو كلامك دا صحى يكون البت كلو فى الحجر الصحى ..
_________
بالله خليك جادى ماتخليها نضرب تلفونات ساااى
|
Post: #125
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-28-2009, 04:45 PM
Parent: #124
صديقي العتيد عصام علي أحمد قال :
Quote: سلامتك يامؤشرات
الجاتك ابدا ما سامحتك
شده (وكبك) وتزول |
كويس ، براااك هيئت رقبتك للذبح
أول من قال مؤشرات متكمآ
إنزلق وتدحرج في عتبات السلم
وصحن مكسر نحر عنقه
الا وهو ابننا الحبيب طاقش المكي
غايتو أعمل حسابك
|
Post: #126
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-30-2009, 10:43 PM
Parent: #125
Quote: ألف كفارة عليك يا صاحب
ربنا يواليك بالعافية
مطالبننا زيارة فى بيتكم العامر
وإنشاء الله راح تكون قريب
كن بخير وعافية وربنا يكمّل ليك الشفاء |
عزيزي محمد ساني
شاكر ومقدر لك مواجبتك اللطيفة الصادقة
ونتطلع ليوم زيارتك حتى ترفع عنا بعض الحرج والتقصير
شككرآ جزيلآ
|
Post: #127
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-30-2009, 11:17 PM
Parent: #99
كتب نادوس 2000
Quote: كفارة وسلامتك
طبعا أنا لغاية أمس كنت فاكر المسألة هي الحمى الموسمية تلك
والتي تلجأ اليها كلما شح الحنان، وقل الاهتمام
فان نجحت حين بدأت بالعيون وها هي تنتهي بانفلونزا الخنازير
وأخشى عليك من سوء الظن وساعة هجوم النمر
لن تجد ماهي واخواتها والاولاد دكين وطارق المكي، |
طبعآ لازم تفكر هكذا ، فنظرية المؤامرة صارت منتجة
وصارت متفشية خاصة ان مروجها الأعظم بهاء
قلت لي ( شح الحنان وقل الإهتمام ) ؟
غايتو فيك الخير ، طالما ظنيت ان ( الحنان ) ده نهر
تغذيه امطار تنهمر كل الموسم
والله فيك الخير
الحنان بتلك الطريقة التقليدية والرومانسية
قد ولى من زمن ، إن اردته فلابد ان تسدد كل الفواتير
الحنان صار سلعة في يد محتكر حصري
وهذا بيدفع إجباريآ نحو السوق الأسود وقوانين العرض والطلبة
امس إستحلبت طعم رومانسية مطعمة بالحنان
فإذا بالفواتير تنتصب بيني والضرع
وحالت دون اكتمال دورة حليب الحنان في الدم
فأنسى حكاية الشح والقلة هذه
وكن عملي ، حتى في إعتناقك لنظرية المؤامرة ،
ثم ، برضو فيك الخير
لأنك في سعيك لإثبات عوز الحنان
أكدت تمام صحتي
بحسب قولك ، انا سليم ومعافى لكن ينقصني بعض الحنان وقليل من الإهتمام
موافق على هذا
هذه تسوية مرضية جدآ
تفسح للأمل حيز واسع وتؤكد خلو جسدي من المرض والتعب
والعجز المبكر
حسب تروجيات البهاء
|
Post: #128
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-31-2009, 10:22 AM
Parent: #127
Quote: أحد خبثاء المدينة (واحد فقري وبنوم بدري)
قال أنو السبب هو مبادرة حق، "وطن واحد..مرشح واحد"
التي بركوته يزعم انهم كانو هم اولى بهكذا مبادرة
ومن يومها لم يأته نوم.... |
يقولون
لكنك لو رجعت لمكتبتنا حا تكتشف ان هذا الكلام بالضبط
قلته قبل مايقارب ال 3 سنوات في بوستات متتالية
وحينها كان حال القوم هنا أفضل من العك المتبادل السائد
|
Post: #129
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-31-2009, 11:12 AM
Parent: #128
Quote: أجر و عافيةأخى أبو ساندرا،
عاجل الشفاء و ما تشوف شر إن شاءالله |
شكرآ جزيلآ أخي مصدق مصطفى حسين
أسعدتني زيارتك
|
Post: #130
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-31-2009, 11:30 AM
Parent: #129
| Quote: يلا غنيها لأصحاب الخطوات المسرعة |
إزيك يا المسافر
وشكرآ على الأغنية الرائعة والمداخلة الظريفة
صاحبات الخطاوي المسرعة
قبل أن يعتقلنني في معزلي
جهزنه بالشرائط والسيديهات وانتخبن لي اغنياتي المفضلة
ورفعن الصوت لكي تكون لهن حجة في عدم تلبية نداءاتي المتكررة لهن
حتى بح صوتي المبحوص أصلآ
غايتو العزاء ان إختيارهن للأغاني كان موفق جدآ
ومونت تلك الأغاني كوابيسي ببعض الإشراقات
شكرآ لك
وشكرآ لهن
فقد اعادتني تلك الأغنيات لشبابي الباكر
مما مكنني من مقاومة المرض والإنتصار عليه
|
Post: #131
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 10-31-2009, 08:22 PM
Parent: #130
كمبورة
أن تأتي متأخرآ خير من الغياب
بعدين ليست الدنيا كلها هي المدرسة السودانية
نعم هي واجب مقدم عشان مستقبل الأجيال
وعشان أولادنا تتعلم
بس كمان في حاجات تانية مهمة
بعدين مشغولياتك التي اتت بك متأخرآ
لم تمنعك من كسير التلج لمن تحب و تهوى
آل زعيم آل
قوم لف
|
Post: #132
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 11-01-2009, 04:57 PM
Parent: #131
كتب الكابتن خالد حامد الجزولي
Quote: ظريف في سقمك وعافيتك
ربنا يوافيك بتمام العافية
حتى تعود للجكس تبعك وأنت أكثر حيوية
ولأختنا رشيدة أنت أكثر شباباً
تخريمة
وين أخونا عمر سعد ما شايفو زارك
لا بالمشفى ولا في البوست
خالد الجزولي - جدة |
كتر خيرك ، تداخلت مرة وأخرى وما جقلبت
والظرافة بعض من ما عندك طبعآ عبدالباقي شايفنا نحن الديامة
اسبيرات ساكت لأولاد الموردة
شكرآ جزيلآ على الدعوات الصالحات
وحرصك على مصالح الجكس تبعنا
صاحبك الجعلي عمر سعد وصل لغاية البيت وسلم بالأحضان
بعد يومين عرفت انه كان اخد مصل التحصين ضد المرض
|
Post: #133
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 11-01-2009, 05:13 PM
Parent: #132
كتبت الشاعرة الفنانة روزمين عثمان
Quote: الف سلامة الزول الحبوب أبو ساندرا
وربنا يواليك بتمام العافية
ويحفظك والبنيات وأمهن |
شكرآ جزيلآ يا روزمين
و آآمييين
|
Post: #134
Title: Re: حمى و 7 ايام من العزلة ... في بيتنا ( خنازير )
Author: أبو ساندرا
Date: 11-04-2009, 05:20 PM
Parent: #133
العزيزات :
إقبال المرضي : شكرآ يا بت دائرتنا وما نجيك في شين
مقدر زيارتك اللطيفة
و زي ماقلتي : لسع قدامنا معارك
وعلينا إدارة المعركة الإنتخابية هنا بكفاءة
ونجعل بوستاتها في الصدارة
رجاء : شكرآ يا رجاء ومازلنا نتطلع ليوم جيتك
تزوري أختك و تزورينا
الأعزاء :
ود الزين : شكرآ يا زوين على المداخلة الطويلة والأنيقة واللذيذة
وبطل الجرسة المكتوب في الجبين بتشوفو العين
مصطفى عكر : شكرآ يا عزيزنا ، شايف مشغولياتك كل ثلاثاء
بس طور الصفحة وخلصنا من الأسماء المتكررة
التي نطالعها كل ثلاثاء في مجتمع الجالية
أشرف الحلبي : شكرآ يا ود أختي وعساك طيب
خالد الجزولي : تسلم يا صاحب وشاكر ومقدر لك تواجدك الحميم والمفيد هنا
تبلدينا : انت ح تكوش القروش دي لمتين ، أضرب ياخ
وكل الشكر لكل من خط حرف هنا
رفع به دعاء مستجاب بأذن الله
وحمل الآمال بالشفاء وعدل من المزاج وخفف من الحمى
وفك به حصار العزلة
وشكرآ لكل من بادر وإتصل وكان لصوته فعل السحر
شكرآ جزيلآ
متمنيآ للجميع التمتع بدوام الصحة والعافية
|
Post: #135
Title: Re: حمى و 7 ايام من العزلة ... في بيتنا ( خنازير )
Author: مصطفى عكر
Date: 11-04-2009, 07:48 PM
Parent: #134
Quote: مصطفى عكر : شكرآ يا عزيزنا ، شايف مشغولياتك كل ثلاثاء
بس طور الصفحة وخلصنا من الأسماء المتكررة
التي نطالعها كل ثلاثاء في مجتمع الجالية |
تسلم ياوجيه ...الدلال فى الردود دليل عافية
اطمئن بعض الاسماء طارت الى غير رجعة
ضفرة:
بالمناسبة احتاج "بشدة" لاقتراحات تطوير ,,وانا جاهز لاى فكرة.. فالصفحة محضورة بيكم ..
ورونى المطلوب وانا جاهز .. وايد على ايد تجدع بعيد
كن كما نتمنى
|
|
|