Post: #1
Title: حدثني من أثق في كلامه
Author: طلحة عبدالله
Date: 10-15-2009, 10:19 PM
قال :
الهلال في مباراة الرد أمام (ما ذنبي) ح يستعين بساحر أمريكي زي الزول البقطعك نصين داك ..( الأسم راح لي )
وانو خمسة صفر دي مضمونة في جيب الأرباب ..
انا الكلام دا غايتو ما صدقتو ..
يتبع ..
|
Post: #2
Title: Re: حدثني من أثق في كلامه
Author: Magdi Ahmed Elsheikh
Date: 10-15-2009, 10:23 PM
Parent: #1
| Quote: وانو خمسة صفر دي مضمونة في جيب الأرباب |
جيبو ده اوعا تكون شبكتو !!!
|
Post: #3
Title: Re: حدثني من أثق في كلامه
Author: أمين محمد سليمان
Date: 10-15-2009, 10:25 PM
Parent: #2
الهلال يا طلحه إغتال فينا الإنسان ، باقي ليك كان غلبنا خمسه الإنسان ده بيحيا تاني ؟!
|
Post: #5
Title: Re: حدثني من أثق في كلامه
Author: طلحة عبدالله
Date: 10-15-2009, 10:32 PM
Parent: #3
Quote: الهلال يا طلحه إغتال فينا الإنسان ، باقي ليك كان غلبنا خمسه الإنسان ده بيحيا تاني ؟!
|
كيفن الكلام دا يا أمين ..؟
عليك الطلاق تغلبو خمسة بكرة البورد دا كلو يتحول لي ملائكة خليك من الانسان العفين دا ..
لكن بالجد أنا المحيرني حكاية ساحر (أمريكي ) ..
لشنو ما يكون الساحر دا من أدغال افريقيا بحكم القرب الجغرافي والخبرة وكدا ..؟
السؤال دا لو غلبك يا أمين حولو للوحش كيكي بلاي .
|
Post: #4
Title: Re: حدثني من أثق في كلامه
Author: طلحة عبدالله
Date: 10-15-2009, 10:26 PM
Parent: #2
سلامات يا مجديQuote: جيبو ده اوعا تكون شبكتو !!!
|
للامانة كدا الكلام دا قالوا لي بالتلفون وكان بتخ تخ
وإحتمال يكون الزول دا قال شبكتو وأنا سمعتها جيبو
المهم قلت ليهو الله يكضب الشينة .
|
Post: #6
Title: Re: حدثني من أثق في كلامه
Author: محمد البشرى الخضر
Date: 10-15-2009, 10:45 PM
Parent: #4
| Quote: لهلال يا طلحه إغتال فينا الإنسان |
لا حولا يا أمين
أنا والله من يوم الكورة المشؤومة ماقادر اعبر لمن قريت كلامك دا لقيتو بس يا هو زاتو
حتى لما سمعت بي حنك الساحر الأمريكي بيني وبين نفسي قلت حتى لو شلنا الكاس الدخلت فينا تاني يستحيل تمرق بالساهل
تنظير...
بوست مكرر و ممجوج وقيل من قبل كعادتك من يوم السباعية
|
Post: #7
Title: Re: حدثني من أثق في كلامه
Author: طلحة عبدالله
Date: 10-15-2009, 10:56 PM
Parent: #6
Quote: بوست مكرر و ممجوج وقيل من قبل كعادتك من يوم السباعية
|
لا تعليق أنما
التجاهل
التجاهل
التجاهل
|
Post: #8
Title: Re: حدثني من أثق في كلامه
Author: طلحة عبدالله
Date: 10-16-2009, 09:05 AM
Parent: #7
.
|
Post: #9
Title: Re: حدثني من أثق في كلامه
Author: الطاهر ساتي
Date: 10-16-2009, 10:39 AM
Parent: #8
بوست غير موفق ينم عن جهل صاحبه بعزيمة الهلال على تخطى الصعاب
........
الاخ بكري يجب اضافة مادة فى اللائحة تمنع نشر الدجل والشعوذة
|
Post: #10
Title: Re: حدثني من أثق في كلامه
Author: طلحة عبدالله
Date: 10-16-2009, 10:51 AM
Parent: #9
الطاهر خماسي قال :
هي الصعاب دي ياالطاهر اخوي قايلا حفرة دخان عشان يتخطاها أبو الهل بتاعكم دا ؟؟
الصعاب دي لا قبل لكم بها حتى ولو إستعنتوا بكل سحرة الأمازون وسيبيريا وجزر الباهاما
والنيام نيام والفضاء الخارجي .
قال تخطي صعاب قال
يا خالق الأرباب .
لإضافة المزيد من السحرة
|
Post: #12
Title: Re: حدثني من أثق في كلامه
Author: سفيان بشير نابرى
Date: 10-16-2009, 11:01 AM
Parent: #9
حواءء قومى صلي ..
- ما بصلي .
- جيبو الصوت ...
Quote: ياهلالاب قبيل قلتو الكفر اسيادو
قلتولنا الهلال مابينهزم في بلادو
قلتولنا الفريق في كامل استعدادو
فريق مازيمبي يتضرع تقول في بلادو
القلتولنا معروف مقبرة ابطال
دفنكم فيهو مازيمبي ورقادكم طال
لو كان عندكم للكاس بصيص امال
مباراة الذهاب ابقولنا فيها رجال
كلامكم في الجرائد كلو ما كان صاح
وحقو يكتبوكم فيهو ايستيضاح
فريق مازمبي في كل الخطوط مرتاح
وانتو معاهو في الميدان تقول اشباح
الراجيك تجيبلو الخمسة جات معكوسه
في ليلة الأحد مازمبي كان كابوسه
تجاربو الخاضه كلها ما استفاد بدروسه
ما فادوهو لا امبيلي لا ايفوسا
قلتولنا الهلال بدر اكتمل متجلي
وفي ليلة التمام ظهر الخسوف الكُلِي
الكنقولي للقون شوتو ما بتجلي
خمسه اقون تقول اكنتو لاعبين بلي
بعد عشرين دقيقة بدأ الهلال ينهار
لقي شوية هبوب بي قطعة التيار
انبهط المدرب وفي البقت محتار
سيد الدار بقي ضيف وضيفو سيد الدار
ليلتك يا الاحد للهلالنا اسود ليلة
مطر مازمبي غلبو دفاعه وكتر السيله
التوفيق بعيد ماجانا بي التشكيلة
صحيح احرزتو قونين إلا ماخدين كيلة
زغاريدنا وكروت افراحنا ماليا الديرة
دلاليك الكسمبر هابكا لاحقه السيرة
هلالنا مجرتقنو هلال وسوط وضريرة
ذنبي عليك يا مازمبي خمسه كتيره
الليلة الهلال في استادو مقطوع ريحة
وفيهو عشمنا كان يحرز نتيجه مريحه
غرقت مركبو من اول التلقيحة
لا تنغشو يا الاخوان نتيجتو فضيحة
ما كان عندو كورة نزلت عديل في مكانا
اول قون فرحنا إلا العشم غشانا
ما لقينا الولد من القلب فشانا
ياااا امبيلي معاهم انت والا معانا؟
الأسماء القبييييل متل الدهب لمعانا
ما قايلنها بتغيب قبُل آوانا
لا ايفوسا لا مساوى نالو رضانا
بعد ها الحاله نرجي الفي الذهاب راجيانا
ــــــــــــــــــــــ
الشعر لجبر الله وهو شاب من منطقة سلوى. |
كيفك يا طلحه ؟
ياخ ده بكون كلام تلفونات سااااكت.
اعفص هنا :-لا تنغشو يا الأخوان أو دفن الليلة ابكراعن برة أو قطع ال...ر في" اللهم لا شماتة
|
Post: #13
Title: Re: حدثني من أثق في كلامه
Author: طلحة عبدالله
Date: 10-16-2009, 11:08 AM
Parent: #12
سلامات يا سفيان
ياخ شكرا على المرور والإضافة الثرة
علا أنا بس محيراني حكاية ساحر (أمريكي ) دي ..؟؟؟؟؟؟؟؟؟؟
لشنو يعني (أمريكي ) بالتحديد ..
يعني عشان امريكا بتحارب ( الارهاب ) واللا كيف ..؟؟؟؟؟؟؟؟؟؟؟؟؟؟
|
Post: #14
Title: Re: حدثني من أثق في كلامه
Author: haroon diyab
Date: 10-16-2009, 01:16 PM
Parent: #13
طلحه ياصاحب
سلام
Quote: علا أنا بس محيراني حكاية ساحر (أمريكي ) دي ..؟؟؟؟؟؟؟؟؟؟
لشنو يعني (أمريكي ) بالتحديد ..
يعني عشان امريكا بتحارب ( الارهاب ) واللا كيف ..؟؟؟؟؟؟؟؟؟؟؟؟؟؟ |
اها ....الجماعة بكون فهموا غلط
امريكا تحارب الارهاب
وفجغت مصنع الشفاء
اها يقومو يعرفو القاسم المشترك بين اخوانا ومصنع الشفاء
يتموا الناقصة......!!!!
طبعا الناس ديل مابفهمو بي سرعة
لكن اكان فهمو ....عينك ماتشوف الا النور
رشهم .....
|
Post: #15
Title: Re: حدثني من أثق في كلامه
Author: عبدالكريم الامين احمد
Date: 10-16-2009, 01:28 PM
Parent: #14
اختيار الساحر الامريكي اختيار موفق من الارباب..
وبعكس وعي عالي بصراع السحرة القاري وده موضوع تاني..
ولكن الدراسات الاركلوجية عقب هزيمة الخمسة اثبتت بان 0مازيمبي في كورتو مع الهلال استخدم احسن تقنيات السحر الافريقي ودي شغلة اقل نتيجة في المباراة لازم تكون خمسة وضروري يكون فيها قوون جاي من القضارف..
بورصة السحر العالمية بتقول انو السحر الافريقي لن يهزمه الا السحر الامريكاني الذي يتفوق عليه في التكتيك والتكنيك...
وعليه الكورة 4 صفر
وخم وصر يا طلحة
فالهلالاب عائدون عبر الطلس ملص الامريكي وسطوة الدولار
|
Post: #16
Title: Re: حدثني من أثق في كلامه
Author: keiga2000
Date: 10-16-2009, 01:43 PM
Parent: #15
ياطلحه
هاك الهديـة ومعاً لنصـرة ناس لعبت وراسي لافي وزي ماقل مزمل (الكـون كلـو بيـدور نحن وياه وبندور)
معاً من اجل وصيفنا ان لا تتجاوز الهزيمة 7 أهداف لانو دا اهدار لكرامة الشعب السوداني
واضحك يامان
ابومصطفى
|
Post: #17
Title: Re: حدثني من أثق في كلامه
Author: حامد محمد حامد
Date: 10-16-2009, 03:29 PM
Parent: #16
وحدثنى من اثق فى كلامه من القوم السحرة بان حدثا فريداسوف يحدث فى تلك المباراة عجز السحرة الامريكان عن توقيته مما اربك زعيمهم صاحب مصنع الشفاء سابقاوالذى يفكر فى استبدال السحر الامريكى .
طلحة الصفوى نسيت اسلم عليك وامل ان تكون بخير
كيكى قد ينقلب السحر على الساحر
ود البشرى ...كل شى جايز انت نسيت زكن الاناطين
فى الختام اتمنى الهزيمة للهلال ولكن برفق
|
Post: #18
Title: Re: حدثني من أثق في كلامه
Author: Mohamed Foto7li
Date: 10-16-2009, 03:47 PM
Parent: #17
طلحه سلام
اها رفعتا ليك بوست الشماته ده
|
Post: #20
Title: Re: حدثني من أثق في كلامه
Author: طلحة عبدالله
Date: 10-16-2009, 05:42 PM
Parent: #15
هلا بالوحش كيكي Quote: اختيار الساحر الامريكي اختيار موفق من الارباب..
وبعكس وعي عالي بصراع السحرة القاري وده موضوع تاني..
|
غابتو توفيق الأرباب في اختيار الساحر الأمريكي دا إلا يكون مؤسس على
أنو الساحر الأمريكي بحمل جينات مناهضة للإرهاب باعتبار أنو الشىء العملوه
ناس مازمبي في المقبرة هو في الحقيقة إرهاب أستعملت فيهو المتفجرات والصواريخ
بانواعا والونا ، وعليه فلا سبيل لإيقاف الإرهاب الكنغولي في بلاد مازمبي إلا بالإستعانة
بمن أشتهر بمحاربة هذا الإرهاب .
أو :
ربما يريد الأرباب ان يجرب البخرات الدولارية بعد ان فشلت العملات الأفريقية .
عموما وأي كان السبب في إختبار من بلاد العم سام فيقيني أنو الفضيحة على باب
أبو الهل تطلب الإذن بالدخول وعلى الهلاليين ان يفتحوا أبوابم تجنبا للإقتحام العنيف .
|
Post: #19
Title: Re: حدثني من أثق في كلامه
Author: طلحة عبدالله
Date: 10-16-2009, 05:23 PM
Parent: #14
هلا يا هارون دياب
غايتو أخوان موبيتو الشفناهم ديل السحر الوحيد الممكن يكتفم شوية انو
الجماعة ديل هنا يلعبوا باك بس ومع كدا الله يستر .
|
|