Post: #1
Title: باركو لي فشلي في التعامل مع مصلحة الاراضي بتفوق!
Author: سامى عبد الوهاب مكى
Date: 10-14-2009, 11:19 AM
باركو لي فقد فشلت في التعامل مع مصالح الحكومة بتفوق!
اليوم توجهت من الصباح بعد الاستئذان من مديري في العمل لإجراء بسيط وهو استخراج شهادة بحث بغرض التأكد من مكتب يتبع لأراضي الخرطوم مجاور لوزارة الزراعة في شارع الجامعة!
كالعادة وعلى حسب التعود سألت قبل الذهاب من الإجراءات فعلمت إني احتاج فقط لإثبات شخصية ورقم القطعة ومبلغ أربعة عشر جنيه!
صورت أثبات الشخصية وأخذت عقد الأرض من باب الاحتياط ومن المكتب (كداري) لحدي مكتب الأراضي!
سألت عن كيفية بدأ الإجراء وفعلاً سحبت ورقة صغيرة يتم ملأها (كطلب) استخراج شهادة بحث بغرض التأكد!
قدمتها بعد ذلك (لموظف الخزنة) وهو محور الموضوع!
قدمت الطلب مع صورة من إثبات الشخصية ومبلغ 15 جنيه ، ارجع لي الموظف مبلغ الـ 10 جنيه وقال المطلوب فقط أربعة جنيهات!
يا سيد معليش قالوا مفروض ادفع 14 جنيه!!
قال لي بكل حزم أربعة جنيهات فقط!
أربعة جنيهات أربعة جنيهات اها وبعدين؟؟
قال لي: بعد ساعة تستلم!!
جلست ومرت ساعة وأثنين وثلاثة الحكاية طولت!
مشيت ثاني للراجل: يا أخينا الحكاية شنو الناس دي كلها ندهوها وفيهم الجو بعدي!!
قال لي انتظر!
ثاني بعد شوي مشيت ليه: يا سيد يا أخي أظن في غلط!!
قال لي أصبر!
والمكتب داير يقفل وصاحبنا يلملم في شنطتو وأوراقه قال لي إنت رسومك ناقصة تعال بكرة!
غلبني استغرب وغلبني أتكلم وحسيت إني يا هبيل يا في شي أنا ما قادر افهمه في طريقة التعامل مع نوع الموظفين ديل!!
الفاهم يفهمني!
ملحوظة:
الموظف الرجع لي القروش هو نفس الموظف الطالبني اجي بكرة ادفع باقي القروش!!
|
Post: #2
Title: Re: باركو لي فشلي في التعامل مع مصلحة الاراضي بتفوق!
Author: Hussein Mallasi
Date: 10-14-2009, 11:23 AM
Parent: #1
عرف إنك مريخابي.
|
Post: #4
Title: Re: باركو لي فشلي في التعامل مع مصلحة الاراضي بتفوق!
Author: سامى عبد الوهاب مكى
Date: 10-14-2009, 11:29 AM
Parent: #2
كنت لابس فنيلة حمراء يا ملاسي!
|
Post: #3
Title: Re: باركو لي فشلي في التعامل مع مصلحة الاراضي بتفوق!
Author: سامى عبد الوهاب مكى
Date: 10-14-2009, 11:23 AM
Parent: #1
للأمانة رجع لي الجنيه برضو
|
Post: #5
Title: Re: باركو لي فشلي في التعامل مع مصلحة الاراضي بتفوق!
Author: سامى عبد الوهاب مكى
Date: 10-14-2009, 11:45 AM
Parent: #3
عندي تجربة سابقة مع سوداتل ...تحويل خط من حي لاخر في نفس المقسم!
قالو أن الامر سيتم في 48 ساعة بعد ملء إستمارة!
بعدها مليت خرتمية استمارة وعدت سنة كاملة وبعدها تم التحويل بحمد الله!
في خلال السنة يا سلام انا بقيت معرفة للناس دي ويا سلاااام عُشرة جميلة!
هههههههههه
|
Post: #6
Title: Re: باركو لي فشلي في التعامل مع مصلحة الاراضي بتفوق!
Author: حمد فتح الرحمن
Date: 10-14-2009, 01:16 PM
Parent: #5
سامي تحياتي
غايتو انا لو محل الموظف دا و شفتا صورة بروفايلك دي بكرة برضو بعمل فيك نفس العملية
الجاتك في يومك سامحتك :)
|
Post: #7
Title: Re: باركو لي فشلي في التعامل مع مصلحة الاراضي بتفوق!
Author: سامى عبد الوهاب مكى
Date: 10-14-2009, 01:44 PM
Parent: #6
Quote: سامي تحياتي
غايتو انا لو محل الموظف دا و شفتا صورة بروفايلك دي بكرة برضو بعمل فيك نفس العملية
الجاتك في يومك سامحتك :) |
بكرة بلبس ليه فنيلة مازمبي وامشي!
نشوف!
شكرا يا حبيب!
|
Post: #8
Title: Re: باركو لي فشلي في التعامل مع مصلحة الاراضي بتفوق!
Author: يسرى معتصم
Date: 10-14-2009, 01:51 PM
Parent: #7
أنا منك أدى كف لمن يعرف ربو
|
Post: #9
Title: Re: باركو لي فشلي في التعامل مع مصلحة الاراضي بتفوق!
Author: سامى عبد الوهاب مكى
Date: 10-14-2009, 02:29 PM
Parent: #8
| Quote: أنا منك أدى كف لمن يعرف ربو |
يا يسري يا فردة!
كف شنو!
طالما صاحبنا رشاشة حامشي ليه بكرة اقول ليه في عالم روحاني قال إني حا استخرج الشهادة يوم 15/10/2009 ولو ما صدقني بقول ليه حا اجيب ليك الفكي ابو كدايس!
:D
|
Post: #10
Title: Re: باركو لي فشلي في التعامل مع مصلحة الاراضي بتفوق!
Author: على محمد على بشير
Date: 10-14-2009, 06:06 PM
Parent: #9
|
Post: #11
Title: Re: باركو لي فشلي في التعامل مع مصلحة الاراضي بتفوق!
Author: حيدر بشير
Date: 10-14-2009, 06:22 PM
Parent: #10
عارف يا سامى انا عندى قصة زى قصتك دى
مشيت استخرج شهادة بحث بغرض التأكد لقطعة فى بحرى
مشيت اليوم الاول و ملات الاورنيك و لكن الموظف المفروض يستلم الطلب وهو جالس خارج المكاتب رفض وطلب الجنسية
قلت ليه انا مغترب وعندى جواز فيه رقم الجنسية و الجواز دا ما بيطلع الا الواحد يكون عنده جنسية لكنه رفض و قال لى ما تضيع وقتك الجنسية او بطاقة شخصية الجواز غير معتمد
رجعت و جيت اليوم التانى ومعى بطاقة شخصية و الجواز وقدمت وانتظرت و بنفس الصورة تأخر الطلب وبعد السؤال و الحجة جاء طالع الطلب و قال لى ياخى انت كنت عامل توكيل لشخص هنا لاكمال اجراءات التسليم وين التوكيل الاصل
ذهلت حقيقة وقلت ليه التوكيل دا انا عملت لغرض معين و الغرض انتهى بانتهاء اجراءات الارض ثانيآ العمل التوكيل دا هو انا ودا اثبات انه انا الشخص المعنى بالبطاقة و الجواز واذا عاوز خط كتابى انك تلغى هذا التوكيل ساكتبه لك برضو أصر و قال لازم التوكيل الاصلى او الشخص الموكل يجى هنا
ورجعت مرة ثانية لاحضر فى اليوم الثالث ومعى الشخص و التوكيل
يعنى انت يوم واحد ما مشكلة
|
Post: #12
Title: Re: باركو لي فشلي في التعامل مع مصلحة الاراضي بتفوق!
Author: سامى عبد الوهاب مكى
Date: 10-15-2009, 09:49 AM
Parent: #11
لا لا لا الناس دي الليلة ما براها!
لا لا لا في شي غريب!
مشيت اليوم من الصباح..ما شاء الله المزاج عالي وقفت قدامي نفرين في الصف!
قبل ما أوضح عاوز شنو الراجل فهم تمام وبكل بشاشة قال لي امشي للزول داك إتأكد اوراقك جات ولا ما جات..مشيت للزول المابيغباني التلتلني امبارح لقيتو مبتسم(الله) في شنو؟؟
فتش شوية وقال لي لا ما جات ..ارجع ليه تاني.. رجعت للمظف الأول قال لي ..اتفضل املأ طلب تاني!
علق على الطلب وكتب حاجات كدا بالقلم الاحمر(الأنيق) ونادي ياااا تاج الدين..تاج الدين..امشي جيب الاوراق دي!
تاج الدين مافي (5) دقائق جاب الاوراق ونادوني..سامي عبد الوهاب مكي...نعم!
اتفضل ادفع باقي القروش!
دفعتها..الموظفة بكل تهذيب ..ممكن يا أستاذ سامي تجي تستلم الشهادة يوم الأحد!
شكراً!
كرب ..مرقت ورجعت المكتب!
كنت متخيل يقولو لي معاك الكاميرا الخفية ولا طمشة ونمشة ولا اي شي!
في شنو؟؟
|
Post: #13
Title: Re: باركو لي فشلي في التعامل مع مصلحة الاراضي بتفوق!
Author: عاطف عمر
Date: 10-15-2009, 10:19 AM
Parent: #12
Quote: لا لا لا الناس دي الليلة ما براها!
لا لا لا في شي غريب!
مشيت اليوم من الصباح..ما شاء الله المزاج عالي وقفت قدامي نفرين في الصف!
قبل ما أوضح عاوز شنو الراجل فهم تمام وبكل بشاشة قال لي امشي للزول داك إتأكد اوراقك جات ولا ما جات..مشيت للزول المابيغباني التلتلني امبارح لقيتو مبتسم(الله) في شنو؟؟
فتش شوية وقال لي لا ما جات ..ارجع ليه تاني.. رجعت للمظف الأول قال لي ..اتفضل املأ طلب تاني!
علق على الطلب وكتب حاجات كدا بالقلم الاحمر(الأنيق) ونادي ياااا تاج الدين..تاج الدين..امشي جيب الاوراق دي!
تاج الدين مافي (5) دقائق جاب الاوراق ونادوني..سامي عبد الوهاب مكي...نعم!
اتفضل ادفع باقي القروش!
دفعتها..الموظفة بكل تهذيب ..ممكن يا أستاذ سامي تجي تستلم الشهادة يوم الأحد!
شكراً!
كرب ..مرقت ورجعت المكتب!
كنت متخيل يقولو لي معاك الكاميرا الخفية ولا طمشة ونمشة ولا اي شي!
في شنو؟؟ |
ربما يكونوا إطلعوا على هذا البوست
_______________________
بالجد يا سامي
ورغم إنني مصدق قصتك
لكن مصلحة الأراضي من المصالح القليلة التي تشعرك أنها تتبع نظاماً متقدماً في تعاملها مع المراجعين
صالات إنتظار مريحة
كل المعاملات بالحاسوب
الموظفين لحد كبير يتبعون أسلوباً حضارياً مع المراجعين إختفت فيه ( النهزرة ) التي تسم أداء موظفي مصالح أخرى
راجعت مكتب أراضي الخرطوم قبل حوالي شهر
|
Post: #14
Title: Re: باركو لي فشلي في التعامل مع مصلحة الاراضي بتفوق!
Author: سامى عبد الوهاب مكى
Date: 10-15-2009, 11:20 AM
Parent: #13
Quote: ربما يكونوا إطلعوا على هذا البوست
_______________________
بالجد يا سامي
ورغم إنني مصدق قصتك
لكن مصلحة الأراضي من المصالح القليلة التي تشعرك أنها تتبع نظاماً متقدماً في تعاملها مع المراجعين
صالات إنتظار مريحة
كل المعاملات بالحاسوب
الموظفين لحد كبير يتبعون أسلوباً حضارياً مع المراجعين إختفت فيه ( النهزرة ) التي تسم أداء موظفي مصالح أخرى
راجعت مكتب أراضي الخرطوم قبل حوالي شهر |
نشوف يوم الأحد يا صاحبي!
يا ادوني الشهادة وقلت بسسسسسسم الله!
يا رجعوا لي عادتهم وجيت كلمتكم!
|
Post: #15
Title: Re: باركو لي فشلي في التعامل مع مصلحة الاراضي بتفوق!
Author: نيازي عبدالله مرحوم احمد
Date: 10-15-2009, 12:46 PM
Parent: #14
| Quote: قدمت الطلب مع صورة من إثبات الشخصية ومبلغ 15 جنيه ، ارجع لي الموظف مبلغ الـ 10 جنيه وقال المطلوب فقط أربعة جنيهات! |
هو قاصد ليك 5/2 بس انته ما فهمته صاح ما كان تشيل الجنيه الباقي
|
|