Post: #1 Title: ياراحلين الي مني بغيابي...السماني احمد عالم Author: مطر قادم Date: 10-12-2009, 05:07 PM
Post: #2 Title: Re: ياراحلين الي مني بغيابي...السماني احمد عالم Author: ناصر البهدير Date: 10-12-2009, 10:05 PM Parent: #1
يا الله عليك وتسلم لهذه الروائع .. تصدق كان عندي شريط كاست لهذا العالم الرائع .. فقدته في زحمة الايام والجري من هنا لى هناك .. سنة في ربك وسنوات في حلفا وسنتين في الابيض والدلنج وسنة في كريمة وسنوات في الخرطوم وسنة في عسلاية لحدي ما الحاجات كلها راحت وما تبقي ستغرقه الغربة في طياتها يا الله مرة اخرى .. تحية للارض الطيبة التي انجبته(الدونييب) ولي فيها ذكريات عزيزة مع الاخ العزيز .. الخواض محمدالامين محمد نور ( لا ادري اين هو الان) تصدق وانا ماشي المدرسة الثانوية الصباح بدري زى وقت الصلاة تقريبا لحدي ما البص يجي بكون بسمع في السماني احمد عالم وصحي عالم ...يكاد المديح الوحيد الذي اسمعه بحب وشغف عكس المديح البكيل الشكر لتجار الزرائب والمصائب .. لك كل الود والشكر
Post: #3 Title: Re: ياراحلين الي مني بغيابي...السماني احمد عالم Author: ناصر البهدير Date: 10-12-2009, 10:08 PM Parent: #2
هيجت شوقنا وجا مارق من الميزاب تساب ... ذكرتنا ايام عظيمة قضيناها جوار الحرم المكي والمدني ووادي منى ومزدلفة وارض عرفة الطيبة .. اه من تلك الايام
Post: #4 Title: Re: ياراحلين الي مني بغيابي...السماني احمد عالم Author: Sidgi mattar Date: 10-13-2009, 00:11 AM Parent: #3
الاخ مطر
اللهم يوعدنا واياك
بوركت
مودتى
Post: #5 Title: Re: ياراحلين الي مني بغيابي...السماني احمد عالم Author: على محمد على بشير Date: 10-13-2009, 08:13 AM Parent: #4
شكرا جميلا مطر قادم على الاختيار الرائع ..
Post: #9 Title: Re: ياراحلين الي مني بغيابي...السماني احمد عالم Author: مطر قادم Date: 10-16-2009, 03:15 PM Parent: #5
علي محمد شكرا لحضورك وتحياتي
Post: #8 Title: Re: ياراحلين الي مني بغيابي...السماني احمد عالم Author: مطر قادم Date: 10-13-2009, 10:35 PM Parent: #4
العزيز Sidgi mattar كل التحايا
Quote: اللهم يوعدنا واياك
اولا آميييييييييييين لكن ذهبت مرة للعمرة قادما من بغداد العام90وبعد نهاية الشعائر والفرحة قيل لي انك احرمت من جدة فدي مامحسوبة آعد لان القادمون من العراق واهل العراق عليهم الاحرام من الميقات المكاني ذات عرق فكررتها فواحدة معتمدة والتانية احتياطي وبالنية وشكري لحضورك وتشنيف اذانك بهذه المدحة الخالده
Post: #6 Title: Re: ياراحلين الي مني بغيابي...السماني احمد عالم Author: مطر قادم Date: 10-13-2009, 10:13 AM Parent: #2
الاخ العزيز ناصر البهدير عاطر التحايا السماني احمد عالم وياراحلين الي مني بغيابي تسمعها في الصباح وفي ذي الحجة ويكون لك اقرباء هناك في الديار المقدسة فلاتقاربها الا مدحة قالوا الحجيج قطع شكرا لمداخلتك العامرة بالذكريات
Post: #7 Title: Re: ياراحلين الي مني بغيابي...السماني احمد عالم Author: ناصر البهدير Date: 10-13-2009, 10:00 PM Parent: #6
شوف شارات الرضا دي كيف بيضاء وخلق الله دي كلها واحد وما بتفرز ابيض من اسود... دي ايام عظيمة وصحي بتشبه يوم الحشر .. اروع حاجة انك في بلاد الله الطيبة يا مطر تلاقي حقائق الدين والتاريخ الاسلامي ممدودة قدامك .. وما محتاجه لى واحد من فقهاء الحيض والنفاس عشان يفسر ليك .. تصدق في وادي ستارة حسيت بانو الحياة دي رحلة قصيرة شديدة وماياتي لن يكون بقدر ما مضى .. في هذا الوادي لقيت مديح سعودي من عمق بادية الحجاز فيهو تراتيل وترانيم جميلة تملا القلب ايمان .. وادي ستارة بقع بين مكة والمدينة .. في اللحظات ديك اتخيلت القافلة النبوية .. قافلة الهجرة مارة بى هنا ... وبديت اقارن نحن بالبص المكندش وتعبانين ما بالك برسول الله صلى الله عليه وسلم وصحبه الميامين يغامرون في هذه الاودية وسط عصبة قريش وزعمائها... يا الله لهذه الرسالة العظيمة ... لك خالص الود مطر قادم
Post: #10 Title: Re: ياراحلين الي مني بغيابي...السماني احمد عالم Author: مطر قادم Date: 10-17-2009, 12:35 PM Parent: #7
العزيز ناصر البهدير اشكر دوام وجودك واهتمامك بهكذا مدحة عزيزة ولطيفه
Post: #11 Title: Re: ياراحلين الي مني بغيابي...السماني احمد عالم Author: ناصر البهدير Date: 10-17-2009, 02:24 PM Parent: #10
وعلام الشكر يا مطر وانت الذي ذكرنا بعالم .. ما احبه في شعره عدم تعرضه للاشخاص وهذا نعم المديح الذي يعظم القيم والاخلاق الانسانية الفاضلة .. ودائما البجي للناس كلها فيهو خير عظيم للبشرية.. ذات مرة من مواسم الحج وانا حينها بسواكن جاءني رجل من بادية كردفان بدأ يحكي لي عن تاخر استلام وثيقته من السفارة .. حاولت معه لاخر لحظات مغادرة الحجيج لجدة عبر اخر عبارة وادخلني هذا الرجل في قتامة ونكد كل يوم وما ان يحضر الا وهو في حالة بكأ ونشيج وحزن ويقول الناس يقولو على شنو اصل سواكن وارجع زما اشوف منى ولا عرفة ولا قبر المصطفى .. جد ما خلت حتة الا وطرقتها ولكن ما حدث كان فوق طاقة احتمالي رغم انه لا تربطني بالرجل الا الانسنانية وما حصل له كان نتاج فوضى تضري بكل قطاعات الحج السوداني كل عام ولا معين ولا مغيث ..
Post: #12 Title: Re: ياراحلين الي مني بغيابي...السماني احمد عالم Author: مطر قادم Date: 10-30-2009, 03:03 PM Parent: #1
.
Post: #13 Title: Re: ياراحلين الي مني بغيابي...السماني احمد عالم Author: قيقراوي Date: 10-30-2009, 10:09 PM Parent: #12
Quote: السماني احمد عالم وياراحلين الي مني بغيابي تسمعها في الصباح وفي ذي الحجة ويكون لك اقرباء هناك في الديار المقدسة فلاتقاربها الا مدحة قالوا الحجيج قطع
سلام يا مطر قادم
انا في جدة و لي تلاتة سنة ود الرابعة ان شاء الله بكون في المشاعر المقدسة - شغل تبع البنك الاسلامي للتنمية - و عندي شريط السماني احمدعالم نسخة اصلية . جبت معاي من السودان نفس المدحة بصوت حنان اليل و ضاعت ، بالدصفة مشيت اجدد الجواز في جدة ، لقيت التسجيل الاصلي عند واحد قدام السفارة ! شفت كيف ؟
اها جهز الدعوات الدايرا
---------------
بالمناسبة في قول انو لو كان اقمت في جدة ثلاث ايام في عمرتك الاولى ؟ - الجايي فيها من العراق - ما عليك حاجة ، حتى لو ما كان كدا بكون عليك فدية بس ، و دي انا بريحك منها - ياها دي شغلتنا ذاتا.
بسأل ليك و بجيك بالنجيضة
شكراً ليك على القصيدة
Post: #14 Title: Re: ياراحلين الي مني بغيابي...السماني احمد عالم Author: مطر قادم Date: 11-01-2009, 01:30 PM Parent: #13
العزيز قيقراوي
Quote: اها جهز الدعوات الدايرا
ان تدعوا لي بالصحة والعافية واشكرك وكل الباقي هين
Quote: بالمناسبة في قول انو لو كان اقمت في جدة ثلاث ايام في عمرتك الاولى
؟ ماعندي صبر...وشكرا لمداخلتك الضافية
Post: #15 Title: Re: ياراحلين الي مني بغيابي...السماني احمد عالم Author: قيقراوي Date: 11-01-2009, 09:36 PM Parent: #14
سلام يا مطر
الجمرات - منى
----------
الفاتو اللحم يلحق المرق
Post: #16 Title: Re: ياراحلين الي مني بغيابي...السماني احمد عالم Author: مطر قادم Date: 11-07-2009, 06:11 PM Parent: #15
شكرا قيقراوي ومزيدا من الصور وعاطر التحايا
Post: #17 Title: Re: ياراحلين الي مني بغيابي...السماني احمد عالم Author: الرفاعي عبدالعاطي حجر Date: 11-07-2009, 06:21 PM Parent: #16
يااخي والله انت مطر قادم فعلا بالخير
وذكريات جميلة وكتيرة تعرف في وجدان
قديم وذاكرة طفولية الناس ماشة الحج
ودعوات وامنيات وعودا حميدا وحج مبرور
وجير ابيض وكتابة بالاسود او الازرق يااخي
زمن من نور مبروووك وعمرة مقبولة بحول الله
من اي فجِ جئت تقصدها بخالص للنية ...!!!
.......................................حجر.
Post: #18 Title: Re: ياراحلين الي مني بغيابي...السماني احمد عالم Author: الفاتح سليمان Date: 11-07-2009, 06:47 PM Parent: #16
مطر لعلك طيب والحجاج طيبين وين اراضيك يا اخينا
القاهرة ولا وين
والله حاجة جميلة شديد
الجمعة نصت نهارية والواطة صانة وتلفزيون الصوت بجيك منو من بعيد صوت المديح دا وانت تكون تحت الضل مارق او جاي
غايتو حاجة عجيبة ادينا رابط غير الهنا عشان دا ما بفتح مع اي براوسر .
Post: #19 Title: Re: ياراحلين الي مني بغيابي...السماني احمد عالم Author: مطر قادم Date: 11-08-2009, 09:13 AM Parent: #18
الاعزاء الرفاعي والفاتح شكرا للمرور ويادكتور لو انت في القاهرة فهذه المدحة يمكنك سماعها مباشرة وايضا موجوده بوضوح في موقع الاذاعة السودانية
Post: #20 Title: Re: ياراحلين الي مني بغيابي...السماني احمد عالم Author: Saifelyazal Elmaki Date: 11-08-2009, 09:39 AM Parent: #19
الأخ مطر لك التحية عيشتنا معاك في جو روحاني ورجعتنا كم سنة بهذه المدحة التي تأخذك بعيداً قبل قليل تذكرت المادح الراحل طيب الله ثراه الشيخ الورع علي المبارك بصوته صلاة الله باعثنا
صلاة الله الباعثنا على محمد ريسنا كريم يا بارى خلصنا من ابليس لايدنسنا من الخير لا يفرزنا عليه التقوى فارسنا بقهر الفوقوا كرسنا حتى لايبقى حارسنا تكون التقوى هاجسنا كريم الخير يجالسنا يطيع من كان عايزنا وتحمل ليه مجالسنا تكون حرزن تؤسسنا وتارث من يؤارثنا وقوم يازين حسسنا واقعد بينا جلسنا بقول الحالى انسنا بفتح الماهو ارثنا كريم بيهو خصصنا اذا مسوهو فرزنا على مصباحنا ريسنا خطابا ليه خصصنا اذا ما الدر ميسنا وكل احبابى تارسنا نهيم ونقاهى هجسنا طرابا وبيهو عرسنا محمد زاد الحسنى وطابت بيهو انفسنا شفيعنا وباقى ريسنا فى يوم البعث مهندسنا من النيران مخلصنا وفى الجنات مورثنا رسولنا الجاهو اسسنا على الاقوم فرزنا وطاف بى مسو اورثنا بقول الله حدثنا حلفنا يمين لاما حننساه رسولا غيرو ما كسنا عظيمه اخلاقه الحسنى له البارى كريم اثنا بمدحه تهنا غوصنا عشر ناهو وسدسنا ربعناهو وخمسنا عشرنا شالو ما قسنا فلاح برق هارسنا غرامو وحبوا دارسنا عبيرو و روحو غارسنا كريم يا بارى ثلثنا بزور السوحو خصصنا كساهو وقبره مسسنا وقيع ياقابنا وريسنا بشير محبوبنا يجالسنا مقاما عالى بأنسنا التاج والحله لبسنا معاك فى الروضة اجلسنا خطابا بيهو اريثنا عدد ما صاح دارسنا ومانطقت احاديثنا وحسا ونام ناعسنا ابن سليمان تؤسسنا صلاة على الله الباعثنا على محمد ريسنا
Post: #21 Title: Re: ياراحلين الي مني بغيابي...السماني احمد عالم Author: مطر قادم Date: 11-12-2009, 06:45 PM Parent: #20
Saifelyazal Elmaki العزيز تحياتي وشكرا علي المدحة التي ذكرتنا بها
Post: #22 Title: Re: ياراحلين الي مني بغيابي...السماني احمد عالم Author: Osman Musa Date: 11-12-2009, 09:36 PM Parent: #21
اوعدنا يا رب
Post: #23 Title: Re: ياراحلين الي مني بغيابي...السماني احمد عالم Author: مطر قادم Date: 11-13-2009, 12:26 PM Parent: #22
العزيز عثمان موسي عاطر التحايا
Quote: اوعدنا يا رب
آمين...وقدمك لابو ابراهيم
Post: #24 Title: Re: ياراحلين الي مني بغيابي...السماني احمد عالم Author: مطر قادم Date: 11-22-2009, 10:29 AM Parent: #1
,
Post: #25 Title: Re: ياراحلين الي مني بغيابي...السماني احمد عالم Author: احمد محمد بشير Date: 11-22-2009, 10:33 AM Parent: #24
يديك العافية يا مطر قادم,,, وربنا يزورك بيت النبي مرات ومرات انت وكل من تحب.
لك كل التقدير يا اخي الكريم.
Post: #26 Title: Re: ياراحلين الي مني بغيابي...السماني احمد عالم Author: مطر قادم Date: 11-22-2009, 08:49 PM Parent: #25
الاخ العزيزاحمد محمد بشير
التحايا والسلام
Quote: يديك العافية يا مطر قادم,,, وربنا يزورك بيت النبي مرات ومرات انت وكل من تحب
. أمين وانت ايضا لك كل ذلك واكتر بكتير وشكري وتقديري
Post: #27 Title: Re: ياراحلين الي مني بغيابي...السماني احمد عالم Author: مطر قادم Date: 11-28-2009, 09:58 AM Parent: #26
.
Post: #28 Title: Re: ياراحلين الي مني بغيابي...السماني احمد عالم Author: ايهاب الطيب بله Date: 11-28-2009, 10:13 AM Parent: #27
