Post: #1 Title: خــدر في واشنطن ,,, Author: عليش Date: 10-12-2009, 04:42 AM
جـد جـد مفاجأة كبيرة وسعيده .. غادرنا الغيم منذ 12 عام ولم نلتقيه حتي الان.. أوصـافه كالأتي,, مرهف,, فنـان,, متميز,, خلــوق,, إتلاقينـا في ندوة المرأة اليوم انا والأستـاذ إبراهيم علي إبراهيم,,وأجمل ماكان في الندوة,,عندما قال ابراهيم بصوت خافت,,طارق ابوعبيدة جاي واشنطن فرحت.. وكبرت كراعي من الفرح,, وطوالي شريط ذكريات حنين مر قدامي,, اخر لقاء بينا كان عيد ميلاد عوض شكسبير في الثورة امدرمان,, بتذكر وجود الفنان الشاب خوجلي هاشم من فناني عطبرة المتميزين,, وكانت مبارة فنيه رفيعة المستوي والحس,, ذكريات كتيرة جاءت ومضت وعـطرتها صور طارق لما غني الذكريات,, ماكنت عارف انو دي اخر اغنيه اسمعها بصوت صديقي خدر,, المهم,, يايوم بكرة ماتسرع,, خدر,, بعد كرت الحمي الصفراء سبب بأخرك ماف,, ودي فرصه لبورداب واشنطن,,عسي ان تكون نادرة وقيمه,, ودي
Post: #2 Title: Re: خــدر في واشنطن ,,, Author: عليش Date: 10-12-2009, 04:50 AM Parent: #1
خدر,, وصلت وين ياخوي ماشايفك,, طبعا,, والأهم في الموضوع,, إنـو خدر حيمتعنا بي قفشاتو وغناهو,,
Post: #3 Title: Re: خــدر في واشنطن ,,, Author: صلاح شعيب Date: 10-12-2009, 04:52 AM Parent: #1
مرحبا بالاستاذ طارق أبو عبيدة في واشنطن وأنا مثلك يا عليش كان عهدي بخدر ذلك (الغيم) والذي شاركه فيه الدكتور وجدي كامل والدكتور الفاتح حسين وأتذكر ندوة أدرتها بشركة حصاد عند صدور إلبوم الغيم وكان حوارا جادا وعاصفابمشاركة إخوة موسيقيين وشعراء وفنانيين. وسنسعد حتما بملاقاة خدر ويا حبذا لو أكرمنا الزميل ابراهيم علي ابراهيم بجلسة حوار مع خدر في ذلك البيت الجميل الأنيق لنحتفي به ولنرى آخر إبداعاته.
Quote: مرحبا بالاستاذ طارق أبو عبيدة في واشنطن وأنا مثلك يا عليش كان عهدي بخدر ذلك (الغيم) والذي شاركه فيه الدكتور وجدي كامل والدكتور الفاتح حسين وأتذكر ندوة أدرتها بشركة حصاد عند صدور إلبوم الغيم وكان حوارا جادا وعاصفابمشاركة إخوة موسيقيين وشعراء وفنانيين. وسنسعد حتما بملاقاة خدر ويا حبذا لو أكرمنا الزميل ابراهيم علي ابراهيم بجلسة حوار مع خدر في ذلك البيت الجميل الأنيق لنحتفي به ولنرى آخر إبداعاته.
Post: #17 Title: Re: خــدر في واشنطن ,,, Author: خدر Date: 10-13-2009, 08:49 AM Parent: #3
يا شعيب يشهد الله مشتهيكـ و طارئ ونستكـ السمحة ياخي والله خبر جميل انو نتلاقي تاني شفت الدنيا دي يا شعيب بتشتت و تجمع فينا كيف ؟
Quote: وكان حوارا جادا وعاصفابمشاركة إخوة موسيقيين وشعراء وفنانيين.
تعرف يا صلاح بعد الحوار العاصف ده , غادرت السودان لاغني لشعوب ترطن بلسان و ترقص بقلب الان و بعد سنوات اعود بعد ان قضيت وطري منهم لتخبرني يا شاهدا من اهلها.. ماذا فعلت بي الايام
الشوق الشوق يا صاحب
Post: #4 Title: Re: خــدر في واشنطن ,,, Author: خدر Date: 10-12-2009, 09:55 AM Parent: #1
Quote: اخر لقاء بينا كان عيد ميلاد عوض شكسبير في الثورة امدرمان,, بتذكر وجود الفنان الشاب خوجلي هاشم من فناني عطبرة المتميزين,, وكانت مبارة فنيه رفيعة المستوي والحس,, ذكريات كتيرة جاءت ومضت وعـطرتها صور طارق لما غني الذكريات,, ماكنت عارف انو دي اخر اغنيه اسمعها بصوت صديقي خدر,,
يا سلام يا سلام يا سلام علي الكتابة المشجونة و ذكريات الاصدقاء يا مُشخصاتي .. شكرا يا حلو علي البوست و علي الترحيب الحار و علي الذكريات الهيجتها .. ياخي في ذمتكـ شكسبير ده موش كارثة !؟ يحتفل بي عيد ميلادو !؟ نحن طبعا خير من يورط الاصدقاء و يدعم المشاريع الما جادة خليهو يحتفل بيهو اسه لو يلقي ليهو شمع . فعلا سأحضر في نهاية نوفمبر إنشاء الله و سنغني في عيد الاضحي ما شاء لنا يا صديقي
Quote: بعد كرت الحمي الصفراء سبب بأخرك ماف,,
كرت الحمي الصفراء هين .. الكلام علي عبور الاطلطني علي مَتن حَديدة سواقها ما مضمون المأخرني يا عليش حفل في لندن في 21 نوفمبر .. غالبا من هناكـ اجي عليكم طوالي.
شكرا يا علوش .. شكرا علي الشجن اعلاة
Post: #5 Title: Re: خــدر في واشنطن ,,, Author: وليد محمد المبارك Date: 10-12-2009, 09:58 AM Parent: #4
Quote: اخر لقاء بينا كان عيد ميلاد عوض شكسبير في الثورة امدرمان,,
عليش و بورداب واشنطون سلامي و تحياتي لكم جميعا" و السودان بسلم عليكم كلكم .. غايتو جد جد بختكم بي زيارة خدر الفنان الرائع و ياريت تقدروا تمسكوهو لغاية ما نرجع من الاجازة
هدية ليكـ يا عليش و لي ضيوف بوستكـ و لاهل واشنطون لحدي ما ألاقيهم
___ مجهول مصير كلمات و الحان التجاني الحاج موسي غناء كمال ترباس الاداء بالتسجيل لـ طارق ابوعبيدة
Post: #28 Title: Re: خــدر في واشنطن ,,, Author: محمد زكريا Date: 10-13-2009, 09:31 PM Parent: #27
لا حولا ياخ والله ما عافي منك لو ما جيتنااول لا حولا ياخ هوفففففففف
Post: #29 Title: Re: خــدر في واشنطن ,,, Author: خدر Date: 10-14-2009, 10:53 AM Parent: #28
Quote: خدر,, وصلت وين ياخوي ماشايفك,, طبعا,, والأهم في الموضوع,, إنـو خدر حيمتعنا بي قفشاتو وغناهو,,
سلامات عليش و ضيوفو شكري الكتير و الكبير جدا لكل من هاتفني او راسلني علي الايميل بخصوص رحلة امريكا القامة انا لسه في امستردام و لدي إرتباط سابق بحفل في لندن بتاريخ 21 نوفمبر و ده السبب المأخرني لحدي اسه عنكم .. سوف اصل واشنطون كان الله هون في 22- 23 نوفمبر
التوضيح ده عشان بعض الاصدقاء اتهمومني اني موجود في واشنطون لكن لابد ياخي والله انا ذاتي مشتهيكم زي امكم/ن .. عاوز الاقيكم/ن و اشمكم زاتو . المامصدقني لسه يتصل علي في موبايلي في امستردام 0031.618317525
___ اصدقاء اوغاد علموني الاعتذارات علي كُبر
Post: #30 Title: Re: خــدر في واشنطن ,,, Author: Asma Ali Date: 10-14-2009, 11:44 AM Parent: #29
يا سلام عليكم والله صديقي الاثيري خدر موضوع البوست وصديقي (العديل) عليش صاحب البوست واشنطن مكان الناس الحلوين بختهم بيك يا خدر وبختك بيهم
ياخدر شنو يعني مطنشني كده ما رسلت ليك ماسنجر وايميل نموت يعني علشان دايرين غناك
Post: #31 Title: Re: خــدر في واشنطن ,,, Author: داليا الكباشى Date: 10-14-2009, 11:47 AM Parent: #30
والله والله والله ... خدر الشهير بي طارق ابو عبيده دا عمري لا لاقيتو لا اتداخلت معاهو على قوله ناس البورد ...
Post: #35 Title: Re: خــدر في واشنطن ,,, Author: حسن الطيب يس Date: 10-14-2009, 04:58 PM Parent: #32
انا طبعا ما مصدق إنه خدر يصل الي بلاد لبعم سام مش لانه ........ لانه ما طلب إذن دخول من والده و إذا عاوز يحضر الي بلاد العم أو إبن العم أوباما أول حته يخت رجله فيها هي مدينة كولمبس بالله ورونا الفردة ده وصل ولا وين؟
نصيحه يا عليش ظبطو الصاله و اكرمو الضيوف و خلوهم يبتهجو بالحفله لكن لو عاوزين جد تسمعو غنا ... غنا جد ما هظار سوقو الملعون ده دكاكينى بالعود بس ... و اتخارجو من اى ضهب و وهم , لمو ناس بتعرف غنا و بتعرف تختار و تسمع و تتكلم في الغنا الزول فاخورتو مدغمسه لكن فيها غنا نضيف و الحلقوم رهيب , و اعصروهو يقشطكم بي غناهو الخاص ... في تحريشات تانيه لكن ما بتتكتب هنا , رسل في الخاص و معاها شيك اتعاب الكونسلتانسي او...... تذكره طياره للأستيتس
Post: #63 Title: Re: خــدر في واشنطن ,,, Author: نصار Date: 10-17-2009, 01:22 AM Parent: #62
لا كان كدي خدر قرب علينا المسافة كلها محيط اطلنط و حلف الناتو تصل تاخ واشنطون اصلنا نحنا بعدين منه خلاص كراع في المانيا و كراع في بلجيكا علي ان قرب الدار ليس بنافع علي نافع
يا خدر بطريقتك دي بنحرش ناس الحلة الحذر امريكا للمرة التانية نخليم ينفذوا عليها الحظر الجوي الا تمشي بمركب
Post: #66 Title: Re: خــدر في واشنطن ,,, Author: Ash Date: 10-18-2009, 08:24 AM Parent: #64
سلام...
يا "النبي خدر";
ماعنو موفر "العود" و تعلمه, مشروع معاش!
لكن... مايغلي عليك Sharing
عليش, جبرالله, و إزابيلا;
العود بـ كم?!
Post: #67 Title: Re: خــدر في واشنطن ,,, Author: خدر Date: 10-18-2009, 10:12 AM Parent: #66
حبيبنا ASHـــرف
انتو الما يغلي عليكم 1/تعب عِتالة عود و 2/ طّن خوف من الطيران عودي بجيبو معاي انتو لو عاوزين تعملوا شيرنق !! اعملوا لي شيرنق شجاعة عشان استحمل عبور الاطلنطي بدون فاليوم تعرف يا شوش سنة 2005 و انا راجع من اطلانطا لي امستردام .. قبل الاقلاع بي دقائق انوار الطيارة طفت كلها و الطيار قدم اعتذار و قال حا يعالجوا العطل .. استمر العلاج لي اكتر من 45 دقيقة .. متخيل منظري كيف الوكت داكـ ؟ لحدي اسه قلبي مقطوع طبعاَ
عليش, جبرالله, و إزابيلا; ساعدونا بإرشادات السلامة و صالح الدعوات
Post: #68 Title: Re: خــدر في واشنطن ,,, Author: سفيان بشير نابرى Date: 10-18-2009, 10:20 AM Parent: #67
يا عليش طلعنا مطالبين الخيش
كيفك ياخ ؟ بلاي زبطو الملعب والبلي وكل شي حتستمتعو شديد .
ياخدر كيف حالك واهوالك في هذه المدة التي لم نراك فيها . بالمناسبة ارجع امستردام قبل يوم 5 لانو في صاحب وزول عجيب جائيكم هناك . حووووووول
قلبك بس الانقطع ولا انفاسك كمان... المهم انحنا الهنا ياعليش قلبنا انقطع من مشوار خدر البعيد ده .. الله يوصلك سالم وبعافيتك... اجمل حاجة قالوا في الطيران انو الطياره لو وقعت من النادر بتلقى ليك واحد من الركاب عشان يحكي ليك وقعت كيف..
Post: #70 Title: Re: خــدر في واشنطن ,,, Author: ابراهيم على ابراهيم المحامى Date: 10-19-2009, 03:21 AM Parent: #69
يوم 28 نوفمبر ثاني ايام العيد
اولى الحفلات
Post: #71 Title: Re: خــدر في واشنطن ,,, Author: Khalid Kodi Date: 10-19-2009, 03:27 AM Parent: #70
أخونا طارق، تحياتى. مرحب بيك فى بلاد العم سام... وناس واشنطن مايخموك... ديل ناس "ضهارى" وحلال ساكت. أدينا خبر نزورك قباب الشيوخ الواصلين فى نيويورك وكمان لو عايز البركه الجد تصل بوسطن.
و اعذروني علي الغياب القسري .. الاقدار تأتينا من حيث لا نحتسب .. صاحب الصورة اعلاه .. صديقي خالد طارق ابوعبيدة تم ختانه في عامين , دون زمر و رقص قبل 3 ايام , لذاكـ كان الغياب و لذاكـ ايضاَ لزم التنويه .. عذراَ و نواصل
Post: #86 Title: Re: خــدر في واشنطن ,,, Author: خدر Date: 10-22-2009, 10:31 AM Parent: #83
إيزابيلا البلد استقبلتكـ كيف ؟ يبدو ان مزاجكـ و مزاج فيرجينيا متفقين فرحان ليكـ و لي فرجينيا والله جاييكـ و عودي معاي جهزوا المزاج انتو
عاين ياطارق طلب عماد براكه...رواية عطر نسائي ..ماعندي منها نسخه..تخيل قمت بطباعتها لكن نسختي ضاعت مع السفر الكتير.. جيب لي واحده معاك لو وزنك ماكتير......ههه طبعا هنا لو زول مسافر السودان وجيت تودعو ...اول مالسلام بنتهي يبدا الحوار الاتي: الوزن المحدد كم?> والله ماعندي فكره ليه? والله انا خايف يدفعوني كتير.. شايل كم شنطه? واحده لكن جمرة//
Post: #89 Title: Re: خــدر في واشنطن ,,, Author: ابراهيم على ابراهيم المحامى Date: 10-23-2009, 10:03 PM Parent: #88
عليش اديني سلك عشان الترتيبات 2023901352
Post: #90 Title: Re: خــدر في واشنطن ,,, Author: Ash Date: 10-24-2009, 07:06 AM Parent: #89
سلام...
خدر; يازول ماتخاف. و بدون ضمانات!!! المهم; إتكل علي فكرة: لو مت! "الدنيا" تلقي زيك وين, تعذبو!? ... إزابيلا, VA لم تجامل أحدآ, غير نانسي! مثلك. و كنت قدرها, من غير عود! لذا, واجب علي "الكاحل" منها, ألا يراودك... فإطمئني ... حضورآ. هنا أو هناك! ... إبراهيم "المحامي"; نسق كما تشاء ... و عليش! فقط, خليهو"Available" ما تقدر. ... تاني منو ...!
Post: #91 Title: Re: خــدر في واشنطن ,,, Author: أسامة عبد الجليل Date: 10-24-2009, 07:22 AM Parent: #90
يا خدر المرة دي كان ما جيتنا في أيوا،
نحن بنزعل عديل كدا.
مبروك على خالد وإن شاء الله تفرح بي جديده.
أعذرني أنا راسي في المخلاية الأيام دي (ابراهيم بيكون عارف )
