إنتو حسبتوها واللا كاورتوهـــا..

والله فعلا الواحد بقى قاعد ساكت في البورد دا .. يغيب يومين يكون ما عارف حاجة .. يجي بعد اسبوع برضو ما يعرف حاجة ..
الواحد بقى ما ناقش ابو النوم ..

إنتو بكري بجيب الناس دي من وين ..؟
خليك من جيبان بكري .. إنتو الناس دي جاادة..؟

اووووووووووووووووووووووو سيد الناس جاء

نعم

الناس دى جاده لمن غلط .. انتا رايك شنو ؟

عارف ياتمبس الليلة بدينا قطيعة الصباح بيك...


او كيف بالله وكدة....................




ست البنيــــــــــــــات

Quote: عارف ياتمبس الليلة بدينا قطيعة الصباح بيك...

والله يا (ميموز) من ما جيت لقيتم ليك حارسين الكورة .. قعدت معاهم شوية واعتذرت ليهم عن المشاركة
طبعا قاليك في معرب القطيعة مش كدا ..

بعدين شنو البت زينة دي مضيقاها كدا دا ..؟

والله مشتاقين كميات .. والقدم ليهو رافع ..

Quote: والله يا (ميموز) من ما جيت لقيتم ليك حارسين الكورة .. قعدت معاهم شوية واعتذرت ليهم عن المشاركة طبعا قاليك في معرب القطيعة مش كدا ..

اكيد طبعا، فتاها فتّ، انا ما قلت ليك الرجال الجلاكين ديل ابعد منهم...

Quote: بعدين شنو البت زينة دي مضيقاها كدا دا ..؟

زينة طبعا لازم تضيقها، ماك عارف ابوها!!!

Quote: والله مشتاقين كميات .. والقدم ليهو رافع ..

كان البكان بقى ليك بعيد اعزمني غدا انشالله كان في سكاليني، مابقول لأ...



مسعول من الخير، داش وين...
قول ليهو ميادة قالت ليك، ما القهوة دي، خلاص بطلناها...





ست البنيــــــــــات

الظاهر لي الوشوش التلاتة دي كويسة معاك بتريحك ..
بس قصة الحمر دي ابعدني منها .. خليني انقز منتدى المريخ .. احتمال كبير اجازف ليك كلب ميت .. يا غطاية حله اجيبه ليك للرد ..

بالمناسبة إنت بعدما ربنا فتح عليك بي نعمة الظهور والرد والكتابة بي طلاقة فيما يتعلق بي امر الكورة وما يخص الهلال .. تقدر توريني مسحته شنو..؟
اوووعكم تكتبو وتمسحو ثم تمسحو تكتبو ..
الواحد خايف بعد داك تطالبوهو بي قزازة فاضية شان تكبو ليهو (محاية) .. اصلو بقيتو جنكم حجابات وديوك وحمير

سيد الناس جاء الولد البشيل حملي والبفش ضيمي
تعال كاور لي البطيخاب ديل بالجمله حلاقه نضيفه بموس ميته
بالذات الكباشي البكري وهارون دياب والود بقال

نحن مازمببناها

Quote: نحن مازمببناها

قول وحات مزمبل ابوالقاسم

Quote: سيد الناس جاء الولد البشيل حملي والبفش ضيمي تعال كاور لي البطيخاب ديل بالجمله حلاقه نضيفه بموس ميته بالذات الكباشي البكري وهارون دياب والود بقال

.. والله كدا يا مامتو .. بتخليني اغلب ليكم مازنبي براي بي مشجعنو وكشافاتو..
هارون والكباشي ديل (اولادنـا) .. بس زعلانين شوية ... .. لكن يخربني بقال دا ما عارفو شايت على وين .. أوعــه كمان يكون كتب في الكورة .. دي تبقى كارثة .. الزول دا قال ناشط سياسي وقلنا معليش .. لكن كمان جابت ليها كورة ..؟
كورة وسياسة ..؟ والله ياها الحلاقة زاته

وينك يا مامتو .. يا ست الكل ..
قلتي لي الجماعة ضابحين .. وداقين نقارتم ..؟
ديل ناسي يا مامتو .. حسسع انا قطعت شغلي عديل كدا ..
ديل يا مامتو كان خلوهم احتمال كبير يفتكرو نفسم هم الغالبين


هوووي يا .. إنتو البلد دي ما فيها هلالاب زعلانين واللا شنـــو..؟

Quote: قلتي لي الجماعة ضابحين .. وداقين نقارتم ..؟ ديل ناسي يا مامتو .. حسسع انا قطعت شغلي عديل كدا ..

تخيل حتي الود بقال يا تمبس!!!
بالله كعبرهم لي خليهم عبره لمن يعتبر
الي ان يفر اخر جربوع الي جحره حيث يجب ان يكون

Quote: قول وحات مزمبل ابوالقاسم

وحاة ضنب التمساح النكتو ليه المقبره ودفنتوا وما جاب حقو



بالمناسبة التمساح ده اصبروا عليه ما زي الحمار بسخن شويه شوية

يا فيران
تمبس في الميدان

Quote: اوووعكم تكتبو وتمسحو ثم تمسحو تكتبو ..

كاااااااااااااااااااااك

لا والله يا تامبا .. فى الاول الوشوش ابت تظهر كلو كلو
قمت عملت اعادة توطين ليها وكدا ..

ما تتحسس ابوى ..
سردب بس ..

Quote: لا والله يا تامبا .. فى الاول الوشوش ابت تظهر كلو كلو

..ابت تظهر ليييه .. مغلوبة تلاتة واحد اصلو ..؟
حتى الوشوش علمتوها حركاتكم دي يا علي ..؟

Quote: ما تتحسس ابوى .. سردب بس ..

نحن مسردبين ممتعنكم .. ومضروبين ممتعنكم .. حكاية الرش ليكم دي .. اعفيني منها احتمال تمشي تاني ما تجيني راجع ..

انت قايله تمبس ده موبوتو ؟

تمبس اسه بضايركم
وبجيب لي نعلاتكم لوووووووووووووول
الكبير كبير في النصر والهزيمه
الازرق سيد البلد هلالنا فووووق
و من بعد الهزيمه انا لمنتصرون
باذن واحد احد

قلنا ليك سيد اللبن
سيد اللللللببببببببن

Quote: الكبير كبير في النصر والهزيمه الازرق سيد البلد هلالنا فووووق

الكبير كبير






--------------
بركة الجيتي يمة . . و تمبس ربنا يغز فيهو كل البركة

Quote: بركة الجيتي يمة . . و تمبس ربنا يغز فيهو كل البركة

قيقا الحريف ..
سلامات يا مواطن .. وهاردلك .. وبالتأكيد وجودك ضمن الكتيبة الزرقاء بالاحساس والاعتقاد بيثبت فرضية عظمة الهلال ..
(يمـة) دي يا قيقا .. بتزعل .. وتمشي بالسنين .. وبتخلينا نشتاق ليها .. لكن الشئ الثابت في الحاجة دي إنها ما بتقدر على بعادنـا .. ولا نحن كمان ..
علشان كدا لما تمشي قاعد احتفل بيها بي طريقتي الخاصة .. ولما ترجع قاعد احتفل بيها برضو بي طريقتي الخاصة ..
والله يا (مامتو) .. بنحبك شديد جدا

والغريبة كمان ..
في واحدين كانو عاملين ليك فيها سياسيين .. وشابكننا ليك .. الوطن .. الثورة .. اكتوبر .. حداشر سبتمبر
وشعارات .. والواحد تتكلم معاهو يشبكك تعال وقع لي هنـا ..
امبارح القريبه دي فكو سياسة .. وقلبوها دافوري ..
والله النجيضة كدا ..
اخير ليهم يكوجنو في سياستم دي ..
الكورة دي ما عندهم ليها لياقة .. الواحد كان جات ماشه بي جمبو .. يفقد سوايل ..

يا وليد انت...ناس مازمبي ديل ...اتنازلوا ليكم من قونين والله شنو؟

نحن يتريقوا علينا ناس مازمبي وناس مبوتو وناس الامل عطبرة...
الا انتو !!!

وبالجد كده قوة العين دي جايبنها من وين؟؟؟؟

لابد لنا أن ندخل هنا
هلالاب العالم - الملايين - الذين لا يفقدون الأمل
الهلال هلال يا وليد والمزعوط بالثلاثة مظعوط حتى لو انتصر مازمبي على الهلال

ما بعيد على الله أبداً أن ينتشل هلالنا ونتزع النصر هلالنا من براثن الدجالين
والمسحورجية المازمبيين ومن شابههم في لوممباشي.

ودائماً هلالنا قاعد يجيبها من بعيد زي ما كانت ناساورا ومع اهلي مصر
قد تكون مع مازمبي.

أبوفتحية

Quote: الهلال هلال يا وليد والمزعوط بالثلاثة مظعوط حتى لو انتصر مازمبي على الهلال

ما كلمناكم قلنا ليكم اول ما غيروا الحكام طيرارتكم حرقت

تامنها موية

ياخ كل ما اشوف فرحة ( المازيخاب ) دي يجيني مثل سري خالص كدا ادور اكتبو ليهم تاني اقول الله يلعنك يا شيطان ماف داعي ليهو نحنا الكبار برضو .
اسة غايتو دا تالت يوم لو الاقواس دي استمرت اكتر من تلاتة يوم ياني الفاكيهو فاكيهو

سلام تمبس ، وهاردلك ولينا ،،،

اجمل ما فينا اننا لا نبحث عن شماعات حول الهزيمة ,,, انهزمنا لا شكل في ذلك ....

المهم ،،،

اعتقد ان قمة الانهزامية ان تنتظر الآخر ان ينتصر لك ، فهذا قبل كل شئ اعتراف

بضألتك وقلة حيلتك ، وهذا في رأي اكبر انتصار لنا ...... ونهاية لما يسمي ب (الندية )

بين الناديين ،،،،،

ارفع رأسك انت هلالي ....(عظيم انت رغم مرارة الهزيمة)


سيظل الهلال انتماءنا ، دون شرط ....

سلاموعليكو
الود تامباشتا
والله جيت بس أخمس معاكم البوست دة
و أهتف بملأ صوتي
من أين أتي هؤلاء!
أكيد جايين من كوكب منزه في علوك
لو خمسوك
أو في الزريبةِ بشتنوك
وبقدرِ مامرض الهلال هم جندلوك
يا دوما الخمسوك

طبعاً يا تامباشتا
دايرة أحكي ليك حاجة كدة
خليك معاي خمسة كدة
أنا طول عمري بسمع بقولوا ليك وتنفست الجماهير الصعداء
وانا من شدة غباي
ما كنت عارف الصعداء دي بتعني شنو!
لكن يا تامباشتا
ودوما المصنقرة في عنقريب الحسرة بتسلّي روحا بتمشيط ضفائر المغس
أتنفست ليك جنس صعداء
والله ما ببالغ لو قلت ليك أستنفدت المخزون الإستراتيجي من الصعداء
الله لا يحرمنا من الصعداء ياخ!

يوم الهلال المات الليلة يا حليلو
غلبوهو بي الخمسات الليلة يا حليلو
فرّحتوا للشمات
الليلة يا حليلو
يا ناس فكيكم مات الليلة يا حليلو
والغنية دي حصرية
وعلي فكرة فيها كمية من الصعداء ما تخلص
ممكن تخمس معانا شوية!!

بقدر الصعداء دي اقواس تقطع نفسك يا بين القوسين
اول مره اعرف ان كل البورد دا عقارب
العميان شايل المكسح
حتي انت يا حبيب نوره ما كان العشم

ما تزعلي يا ماما
اها يا زولة
ختيت الخمسة في الإتنين!

حمد فتح الرحمن يا خوي فكوا ليهم فكوا
يفكفك ضروسهم ناس حبيب نوره ورهطه

Quote: اعتقد ان قمة الانهزامية ان تنتظر الآخر ان ينتصر لك ، فهذا قبل كل شئ اعتراف بضألتك وقلة حيلتك ، وهذا في رأي اكبر انتصار لنا ...... ونهاية لما يسمي ب (الندية ) بين الناديين ،،،،،

من ناحية الندية يا معتصم ونهايته دي مسالة منتهية من بدري ..
كدي امسك لي بس .. البطولة دي .. وشوف الهلال ومستواهو .. عامل كيفن ..
شوف الناس الدخلت البطولة دي وكانت مصنفه على راس قايمة هي وين ..؟
المضحك المبكي إنو الجماعة ديل لما انتابتهم حمى (النقطتين) قاموا روجو لي امكانية الندية .. وقفو الهلال في نقاطو التمنية .. وجابو ليهم جدول لوغريثمات وحسبوها إنهم ح يعملوا كدا .. ولو طلعوا بي الواحد ح يختو الخمسة وح يغلبو الهلال كم كدا ما عارف .. بعداك انتقلنا لي مرحلة ما بعد الاحلام الظ########ة .. لي ملاحلة الأحلام الوردية ومحاولة الندية بي جهالة .. (ما بنطير برانـا) .. وطبعا نحن بنعاين ليهم ساااكت كدا دا ..
بعد ما بنطير برانـا .. طارو والله براهم جنس بريـه ..
انتقلنـا للمرحلة الحساسة .. مرحلة ، أغلب لي يا مازيمبي .. والثابت في المسالة دي إنو قبل الماتش يبتدي الجماعة قالو الروووب .. وحمى المباراة والتبريرات ظهرت ..
واحدين قالو .. معاكم في خندق واحد ..
واحدين جابو... ليهم عروق محبة ولبان بخـور .. وديوك رومية .. وفرشو عديل ..
واحدين نامو... من أول امبارح قبل المباراة .
واحدين جابو .. كمية بنج خياليه .. شان يقاموا بيها السخانة ..
واحدين قاليك .. لما شافو القمر في سماء الخرطوم .. كانو (بيستذأبو) يعني الواحد بتقوم ليهو اضافرين وانياب عديل كدا .. وببقى (مرفعين)
عفواً .. أعلاه بس توضيح لي محاولات النديه البفتشو عنها .. وماظنيتم يلمو فيها قريبات دي ..
دا طبعا بالإضافة لي إنو .. والحاجة المدهشة في المسالة دي .. إنو نحن بي خمستنا دي .. لحدت الآن عندنا مباراة رد .. ودي حساباته بترجع لينا نحن ديل .. مفترض الناس دي كان تأجل (الكيتة) حقته دي وتصبر شوية .. لانو دخلو نفسم في حتة ضيقة شديده خلاص ..
غايتو أنا ما عارف .. عندي صاحبي كدا .. والله (شنبو) في المصيدة عديل كدا ..
أنا خايف (وقتئذ) الموقع دا ما يفتح إلا لما تعمل (دبل كلك) من موقع هيثم مصطفى الرسمي .. يا بالميت .. يدوك الفاتحة من منتدى الهلال ..
هي الناس دي قايله الهلال دا ساااهل كدا دا ..؟
الناس دي ما بتعرف كورة واللا شنــو..؟

Quote: انت قايله تمبس ده موبوتو ؟

لا قايلاني (الحسن الســابع) ..

Quote: تخيل حتي الود بقال يا تمبس!!! بالله كعبرهم لي خليهم عبره لمن يعتبر الي ان يفر اخر جربوع الي جحره حيث يجب ان يكون

.. غايتو من الله خلقني في البورد دا .. بقال دا ما شايفو شايل ليهو كفر بضقل بيهو هنا دا ..
غايتو ..
هي اصلها خربانة خربانة .. واحد يجي يفسح ليك في كلامك وحايم بيهو .. وبقال يكتب في شأن الهلال .. اوعه يكون مريخابي بس .. ؟

Quote: حمد فتح الرحمن يا خوي فكوا ليهم فكوا

مفروض يكون اسة عرفو براهم و اضايروا و خجلو لكن نقول شنو مع قوة العين و عدم الخجلة

Quote: بعدين إنت يا ابو الشباب القاعد تفسح في كلامي دا .. لو عاجبك بالطريقة دي .. تعال محلات لقيت الكلام دا اتفسح هناك .. يعني في داعي تتلتني كدا معاك .. وانا مغلوب خمسة اتنين ؟؟

تعرف .. يشهد الله ... قبل ما أرد ليك في بوست أساسي كتبت ليك كلام كتيييييييير بي جاي
وبعد ما خلاص .. عايز أعمل أضف رد .. قلت ياخ أنسى .. مافي داعي .. الراجل ده الغلب حارقو شديد
وإحتمال كبير جدا يقوم يفهمني غلط .. ودي نقطة مافي صالحي .. إنت بالذات ..!
يعني لو أي واحد من الرشاشات ديل كان فلقتو فوق راسو لمن عرف حاجة ..
لكن ذكرياتي لمن كنت بتاوق ليكم من بره البورد ده فرضت علي أحترامك , وإحترامك أهم لي (حاليا)
من مكاواة بتاعة كورة .. حاليا دي أنا قاصد أختها بين قوسين .. (وجه لسه ما عرفت بجيبوه من وين)
فـــــــا .. دي القصة





ما يجي واحد ناطي هسي يقول ده كسير تلج وبتاع ..

Quote: مفروض يكون اسة عرفو براهم و اضايروا و خجلو لكن نقول شنو مع قوة العين و عدم الخجلة

يا حمد عليك دينك ما تقولو .. عايز تودينـا اللقيط واللا شنـو ..؟ نحن نضاير فيهم بي جاي وبي جاي الجماعة ديل ما يقومو يفكو ناس مازيمبي يمسكو فيك إنت دا ..
حاجة دومه دي ما تدردقك .. اصلو الخمسة دي عامله ليها نفسيات ليها يومين ..
..

Quote: من مكاواة بتاعة كورة .. حاليا دي أنا قاصد أختها بين قوسين .. (وجه لسه ما عرفت بجيبوه من وين) فـــــــا .. دي القصة

يازول دي قصة تمام .. وأنا لو اصلو ما وقعت لي في جرح .. قايلني كان بشتغل بيك ..؟
المسالة يا محمد عمر كورة وكربنة .. في ناس بتقدر تبلع كلامم وفي ناس بتنطهم ..
المسالة ما كسير تلج .. والاحترام والله قايم إلى يوم الدين ..
حسع انا جعان .. وبخاري اتخارج بدري شايفو ليهو يومين بقى يزوغ بدري التقول هلالابي ..
ح اكسح البيت وبكره بنجي نتم الحنك دا ...

هوووي يــا ناس السبعات بتاعت الأردن .. خليكم من بكري أبوبكر دا ..
إنتو قاعدين تجيبو لينا الناس دي من وين ..؟
اي واحد جاي جديد جاي يتشربك ويتلولو مع اسياد البلد ..

تمبس ســـلامات

قلت لى غبت يومين ... الحمد لله ما غبت ( خمسة ) ايام.


إنتو حسبتوها واللا كاورتوهـــا..

تعرف بمناسبة الحساب :

ذكرتنى نكتة:

واحـــد جاء من المقبرة ...عفواً المدرســــــة زعلان وإشتكى لأبوه قال ليهو الأستاذ- دى مالا تشبه الأستاد- جلدنى.


ابوه : جلـــدوك كـــم يا ولــــد؟


قال ليهو: ما عـــارف يا أبـــوى ... أنا أبكـــى ولا أحســــــــــــب.


دحين السؤال: إنت حسبت كم قبل الكُوار؟


زمااااااان قلنا ليكم الأيام دول.

Quote: هوووي يا .. إنتو البلد دي ما فيها هلالاب زعلانين واللا شنـــو..؟

زعلانين الهينة دي , يمين دايرين نطق عديل كدا
والله لولا ذكريات حداشر سبتمبر و شوتة عمر بخيت أظن كان جاني سكر عديل كدا

حمد ابوي ..
اديني ليه بالمسنجر طيب

تامبا
لكن والله رشوكم رشة السرور
قطع رحض عديييييييييييل
في مقبرتكم كمان
كااااااااااااااااااااااااااااك

Quote: اديني ليه بالمسنجر طيب

استلم يا حبيب استلم





و الله يا تمس انا خايف المثل دا لو فكويتو خالتي دوما ذاته تقلب علي

الاخ تمبس

لك تحية عطرة

الجماعة ديل يفرحوا نيابة عن غيرهم عارفين انه فريقهم ما فيه رجاء و ما فى امل يجيب ليهم فرح

في الحالتين هـم ضايعين!

يا علي اللبن الشايلة في التمنة ده من عصر 11 سبتمبر ما خلص؟


طلتك ترد الروح يا تمبس ,,, أ ديلهم في التقيل ,اعصرهم خليهم


ينقطوا زيت

والله ما كنت ناوى أشارك فى بوست فيهو كورة ممغوص مغصة شينة....بقيت لابقرأ جرايد ولا بفتح تلفزيون..حالتى بقت صعبه...اليوم المشؤوم كنت فى السودان..الكهرباء قطعوها..هدير ألأستاد سامعو فى أذنى..

جبنا القون ألأول فرحت ويافرحة ماتمت...تعادلوا الله يغيظهم..والكهرباء برضو ماجات..بصبر فى ناس البيت كلهم هلالاب..واحمد ولدى شغل ألأذاعة من الجوال.... والله مازمبى لما جابو القون بتاع التعادل أنا قلت الهلال جاب الثانى..أتارى ديل المريخاب..حاجة غريبة..التشجيع فى السودان بقى غيظنى وأغيظك زى أعلامنا بدون رؤية وهدف...

الله يبارك فيك يا أختنا دومه والله شجعتينى ادخل.. واقول الفى قلبى عشان ارتاح..فى ناس فى الدنيا دى وهم...ما بعرفوا يشجعوا حتى...

يالله ياتمبس البقدرك على الله سوى....تسلم وتحياتى لكل من مره من هنا...........................إسماعيل محمد احمد عباس....

والله ما كنت ناوى أشارك فى بوست فيهو كورة ممغوص مغصة شينة....بقيت لابقرأ جرايد ولا بفتح تلفزيون..حالتى بقت صعبه...اليوم المشؤوم كنت فى السودان..الكهرباء قطعوها..هدير ألأستاد سامعو فى أذنى..

جبنا القون ألأول فرحت ويافرحة ماتمت...تعادلوا الله يغيظهم..والكهرباء برضو ماجات..بصبر فى ناس البيت كلهم هلالاب..واحمد ولدى شغل ألأذاعة من الجوال.... والله مازمبى لما جابو القون بتاع التعادل أنا قلت الهلال جاب الثانى..أتارى ديل المريخاب..حاجة غريبة..التشجيع فى السودان بقى غيظنى وأغيظك زى أعلامنا بدون رؤية وهدف...

الله يبارك فيك يا أختنا دومه والله شجعتينى ادخل.. واقول الفى قلبى عشان ارتاح..فى ناس فى الدنيا دى وهم...ما بعرفوا يشجعوا حتى...

يالله ياتمبس البقدرك على الله سوى....تسلم وتحياتى لكل من مره من هنا...........................إسماعيل محمد احمد عباس....