عمود مزمل أبو القاسم

مع شكرنا للأخوة الصهاينة في كورة سودانية ..

وصل
مع الشكر للأخوة في منتديات كوورة ..

مزمل ده نسي السبعات ولا شنو ؟

Quote: مزمل ده نسي السبعات ولا شنو ؟

خلاص البنج فكه

Quote: مزمل ده نسي السبعات ولا شنو ؟

خلاص البنج فكه

الصهاينة دي كتيرة

نحن ما قاعدين نتعاطي مهدئات يا عمكـ ..




_
خالد العطا ..
حقكـ علينا .. و أمسحها في صلعة علي ده ..

Quote: مزمل ده نسي السبعات ولا شنو ؟

لا .. ما نسى يا نوبى
بس سبعتنا كانت برد ومطر وطين وخارج بلدنا وبرضو جبنا فيهم اربعه قصاد السبعه
انتوا امبارح خمستكم دى عزركم شنو فيها ؟

ولا حرف واحد مكتوب عن المريخ ماف !



_
خمسة (مازيمبي) ما عندنا عذر فيها يا علي ..
أخطاء بالجملة سوف نناقشها لاحقاً ..

..

الطريف في الموضوع إنه كاتب الموضوع كتب العنوان بالطريقة دي

Quote: &&&&& جريدة الصدي عدد الاثنين 5-9-2009&&&&

_
مستعجل جداً للشماتة ..

الحبيب نوبي
كيف اخبارك..
ياخ ما تزعل
والهلال ما ال فريق ينغلب على ارضه
وعمود مزمل شايف فيهو كلام معقول (مع شماتة مغلفة)
لكن عايز الصراحة..
من قبل اسبوع الزول البتابع صحف الهلال والاذاعة الرياضية يعتقد ان مباراة مازيمبي هي مباراة شرفية فقط او اداء واجب.. وان الهلال شال الكأس بمجرد وصوله الى دوري الاربعة..!
لكن الحقيقة الهلال اثبت ان ليس له فريق كرة وخروج المريخ جاء في مصلحة الهلال حتى تقف جماهيره على حقيقة مستوى فريقهم..
ما حدث في مباراة مازيمبي نسخة مكررة من مباراة بشلونة مع مانشستر يونايتد في نهائي ابطال اوربا(مع الفارق طبعا) والقاسم المشترك ان برشلونة فعل بالكرة ما يريد بينما عجز المان - بكل تاريخه - عن فهم ما كان يجري داخل الملعب بسبب الفارق المهاري الكبير بين الفريقين..
عموما اللاعب السوداني لا يزال يعلب بعقلية الحواري وكرة الشراب في زمن التنظيم الدقيق والخطط الصارمة..
اما اعلام الجهل فلن ينصلح حاله حتى لو انصلح حال الكرة لأنه ببساطة أسس لنفسه مؤسسات اقتصادية قوية مسورة بشبكة علاقات اخطبوطية مع القطاعات الفاعلة في الدولة والمجتمع..وليس من مصلحته اشعاة التنوير او رفع الوعي وسط العامة طالما المستهلك (المشجع الكروي) ارتضى لنفسه الانقياد الاعمى وفق سياسة القطيع..وطبعا اذا تفرقت الغنم قادتها العنز الجرباء..
وكل سنة وانت بخير.

بس يا نوبى توقيعك ما حلو ,, يا ريت تغيرو
وفعلا فى مناكفات وشماته لكن ما للدرجه دى يا حبيب
وما اظن تلقى مريخابى فى البورد دا يقول ليك الهلال تحت الجزمه

ـــــــــــــــــــــــــ

راى شخصى جدا ..
ولو ما كنت بحترمك ماكان قلتو

سلامات يا علي
يشهد الله أحبكـ في الله ..
بالنسبة للشعار فهي شبيهة بتمثيلكم بسيدا ( لسيد اللبن )


و لا تعدو سوي المناكفة ..
إن إستجبتم إستجبنا ..

Quote: سلامات يا علي يشهد الله أحبكـ في الله ..

ياخ ربنا يحبب فيك خلقو ..

Quote: بالنسبة للشعار فهي شبيهة بتمثيلكم بسيدا ( لسيد اللبن )

يا نوبى ما تشيلك الهاشميه ساى
فرق كبير بين سيد اللبن وبين النجمه تحت الجزمه
مالك يا صاحب .. بوصلتك ما مستعدله

Quote: و لا تعدو سوي المناكفة .. إن إستجبتم إستجبنا ..

كمان جابت ليها ابتزاز !!

ما عندنا عذر فعلا يانوبي

لكن مزمز دا بنقول ليه النكتة البايخة ديك

الجعلي قالوا عمل .............
الجماعة قالوا ليه ياراااااااجل؟؟؟؟
الجعلي قال ليهم : والله وتاللله دا كان شايقي كان .................،،،


هسة ياخوي الحمد لله خارجناكم بالتلاتة ماتلاقو الفهود دي كان للسنة الجاية شكلة قائمة وأكرم جاري،،


خلونا بالله،،

كيفك يا نوبي ..
وهاردلك الخسارة ..

هذا المشجع الصحفي أكثر من يبيع الوهم ..
أخصائي التخدير مزمل أبوالقاسم آخر من يتكلم عن الواقعية ..
هذا المزمت آخر من يتكلم عن اعلام الهلال المضلل فهو الضلال بعينه ..
مزمل هذا الذي بشر جماهير المريخ بفريق الدريم تيم وفريق يهز الأرض والفوز بأول بطولة خارجية ..
مزمل يبيع الوهم في بلد يعيش فيه 99% في حالة بؤس ..
مزمل لا يهمه أن ينتصر فريقه ولكن يهمه أن ينهزم الهلال ليبيع الكلام للناس المساكين ..
أها بعد ما تفك السكرة ماذا سيكتب مزمل عن المريخ والكرة السودانية ..
بكره ح يجي يكتب لينا عن الشغيل جمل الشيل والعجب الذي تعدى عمره الأربعين ..

نعم نختلف هنا في المنبر ونناكف بعضنا البعض ولكن لا يصل كل هذا لمرحلة العداء السافر ..
بل بينا المحبة والسلام ..
ولكن ماذا نقول عن اعلامنا الذي إستعدى الجمهور وخلقّ ناديين في جزيرتين معزولتين ..
نعم ياها دي كورتنا وياهو دا حالنا اليوم نخسر وبكره ننتصر ..
لكن ما يجينا زي هذا الدعي ويتكلم لينا عن الكورة ..

أذهبوا فأنتم الطلقاء ..

بالمناسبة السعيدة جدا , يسعدني ويشرفني ان انبهكم لما تريدون تفويته وهو ان الهلال هزم من فريق مازمبي وان مزمل ابو القاسم لم يشارك في وضع خطة المباراة ولم يكن لاعبا بالهلال ولم يكن اداري وانما كاتب عمود رياضي فانظروا من تحملوا جريرة فضائحكم فشماعة مزمل ابو القاسم اوهن من ان تتحمل فضيحتكم الكبرى

التحية لمزمل ابو القاسم وهو يهديكم عيوبكم
والتحية لمزمل ابو القاسم وهو يوجعكم تقريظه
شوفوا حنك غير دا ادرعوا فيهو الخمسة

Quote: نعم نختلف هنا في المنبر ونناكف بعضنا البعض ولكن لا يصل كل هذا لمرحلة العداء السافر .. بل بينا المحبة والسلام ..

طيب يا معتصم يا صاحب
بعد العباره الجميله دى ما تنصح نوبى صاحبك دا ياخ
والا ما شايف صورة بروفايله

عمود كامل عن الهلال و يتكلم عن بيع الةهم وهو أحد صناعه و أول من أسس له

تعيش كتير تشوف كتير

Quote: مزمل هذا الذي بشر جماهير المريخ بفريق الدريم تيم وفريق يهز الأرض والفوز بأول بطولة خارجية ..

معتصم يا خي معليش انت لسع تحت تأثير الصدمة
حقو في الحالة دي ولمدة خمسة يوم ما تسوق عربية ولا تقرب الكي بورد
ياخي دا كلام شنو
طبعا مع ودي وتقديري(بعد مرور 5 يوم)

عزيزنا فيصل
جيب لينا عمود رمضان السيد برضو عشان نعرف علاقة فريق المريخ شنو بالخماسية
اهو عرفنا علاقة مزمل بهزيمة الهلال امس

Quote: معتصم يا خي معليش انت لسع تحت تأثير الصدمة حقو في الحالة دي ولمدة خمسة يوم ما تسوق عربية ولا تقرب الكي بورد ياخي دا كلام شنو طبعا مع ودي وتقديري(بعد مرور 5 يوم)

كيفك محمد أخوي ..
ياخي صدمة شنو أنا عشرين سنة بلعب كورة ..
الصدمة دي بتجينا لما ناس زي المشجع الصحفي دا يكتب لينا عن الكورة ..
بالله عليك وانت مريخابي الزول دا قدر يقنعك بي كتابتوا ..
هل إستفاد المريخ من ما يكتبه أخصائي التخدير هذا ..
وهل إستفادت الكرة السودانية من ما يكتبه ..
والله البشوفكم كدا يقول لاعبين النهائي الأفريقي ..
ح أظل أكرر أمثال هؤلاء المطبلاتية وحارقي البخور هم سبب بلاء الكرة السودانية ..

ولا عزاء لأهلنا المساكين البشتروا الوهم كل يوم بإسم الصحافة الرياضية ..

علي يا حبيب ..
كيفك وكيف أيامك ..

عارف أكثر ما يزعلني تداول مثل هذه الصور ووضعها كبروفائل ..
للأسف الشديد كل المنابر وحتى اعلامنا اصبح يتادول مثل هذه الصور ..
وحتى جوالاتنا لا تخلو منها ..
يا ريت نوبي وأنت كمان تشيلو الصور دي وتخلونا نتكاوي هنا لما الواحد تجيهو ( قبضة ) ..
زي الحصلت لي يوم أمس
وليك علي أنا ما أخليكم وأول ما تحصل ليكم نكبة تلقوني ردمت ليكم المنبر دا بوستات ..

يديك العافية يا حبيب ..

فيصل نوبي
سلام


هذا ماكتبه رمضان احمد السيد
قبل المباراة امس.....

Quote: * رأيت ان ابدأ في يوم الملحمة بهذه الابيات الحماسية التي تمجد الهلال وابطاله وتظهر قوته وماهو مطلوب منه ، وهي أكبر وابلغ من مليون مقال ومقال.. * معاً وعاشق الهلال وقوون الاخ الاستاذ محمد عثمان عباس.. ابطال الهلال يوم النزال يومك يا الهلال في البقعة في ام درمان يا رمز الصمود الما بتخاف نيران فريق الكنغو ايه؟ لازم يعود خسران فرسان الهلال يا اشجع الفرسان في صدوركم هلال هيبة وفخار وامان فولاذ يادفاعنا ويا وسط فنان ياهجومنا الخطير اسعدنا بالأقوان يا العامر سلاحك ركز النيشان في لقاء كل يوم نفذ شعار رمضان سجل يا هجوم سجل كمان وكمان ياقائدنا هيثم اعزف الالحان لازم فرقتك تتسيد الميدان عازين الوطن يصبح سعيد نشوان جمهورك يريدك يا عظيم الشأن العب يا هلالنا وشرف السودان * واليوم حقاً هو يوم الهلال وكل الأهلة في ملحمة السودان ضد الكنغو وفي ملحمة كل العرب الذين يقفون مع الهلال بعد ان اصبح ممثلهم الوحيد في البطولة. * الهلال ومازيمبي وما ادراك ما مازيمبي ، لقاء صعب في مرحلة التنافس والاقتراب من النهائي. * ولقاء سهل بحكم جندلة الهلال للعديد من الفرق الافريقية الاقوى والأشرس والأكثر بطولات وترشيحات ، هل نعيد الحديث ونذكركم بثلاثية الهلال في الاهلي القاهري ، وثلاثيته في الترجي وفي ناساروا وفوزه على النجم الساحلي وفوزه على اسيك وعلى الزمالك وعلى إينمبا وبطل جزيرة ريونيون، والاول من اغسطس وزيسكو وكانو وحتى المريخ والثلاثية ، إنه الهلال الذي لايعرف (اللعب) والهظار علي مقبرة الخصوم. * هلال عنيد داخل ملعبه . وهلال الان شهير تتغزل في مستواه، ولاعبيه كل المواقع والقنوات هلال لا يجارى. * ومع ثقة الجماهير وحرصها نقف عند بعض الابيات المؤكدة لقوة الهلال وفوز الهلال والشاعر الهلالي خالد النذير فماذا يقول:- المقبرة على عهدها ما بتكون فرحة لخصومك انت سيد افريقيا والكأس ما بتفوت نجومك من هنا اعبر فرحنا يا هلال باقوان هجومك خلي الكل اعرف انك بطل من يومك غلاوتك سر العشق وسيادتك افتخار لجمهورك * حقاً يدرك كامبوس ماذا يريد.. وكلنا يعلم من خلال النتائج الإيجابية وقيادة الهلال لهذه المرحلة انه قدم جديداً.. وندرك ان لاعبي الهلال استفادوا منه.. وتطوروا أكثر.. * في ظل افضل قيادة لكابتن في السودان هيثم مصطفى البرنس عرف لاعبو الهلال الانضباط ومعنى الطاعة وتنفيذ التعليمات والتقيد بما هو مطلوب. * قيادة وشخصية تطمئن لذلك تسير الأمور الهلالية دائماً في السليم، والعكس من ذلك في المعسكر الأحمر ، مشاكل لا عد لها ولا نهاية وتصرفات من اللاعبين.. لاتتوقف ولا احد يحسم.. * هكذا نطمئن دائماً على الهلال في ظل البرنس وقيادته. * وفي ظل الجماهير الواعية وتفهمها للمرحلة والموقف والخطوات التي تقودنا للانجاز العالمي والتاريخي.. * وبالمناسبة كم وكم من ناصح يطالبنا بالتنبية لما يمكن ان يحدث ويبدر من بعض الفئات والجماعات حتى ولو كانت قليلة، عديمة الوطنية والتي يمكن ان تندس وسط الجماهير الهلالية وتثير الفوضى والمشاكل وهكذا ، هؤلاء يطالبون الإدارة والمنظمين وكل مشجع هلالي قوي وغيور للكشف عن اي تفلتات وايقافها عند حدها.. * الهلال عودنا على الفوز في ملعبه. * والنتائج الأخيرة حتى في حالة الخسارة بالخارج اكدت ترجيح كفة الهلال منذ الإنطلاقة في دور الـ ٢٣ ثم المجموعات ، المريخ فارق نقاط. كانو فارق أهداف ، وامام زيسكو لاتحسب وكانت اداء واجب. من هنا نتوقع الفوز الكاسح بالمقبرة ، وهناك نتوقع تأهل الهلال ، وبالتالي اعود لما بدأته لابد من ان نحافظ على النظام حتى نحافظ على قيام النهائي بارضنا وملعبنا وتشريف رئيسنا المشير البشير بمشيئة الله. * وللقراء وجماهير الهلال وعشاقه دائما الملاحظة وها هو غزالي محمد احمد ينبه لحالات الاسترخاء والشرود الذهني أثناء سير المباراة * إنه يوم الجمهور الهلالي. ليقوم بدوره حتى تكتمل افراحه وسعادته. * انه يوم لاعبي الهلال الذين يسعون للمجد الذي يهمهم في المقام الاول. * استثمار الفرص كما نقول دائماً عنوان النصر والتفوق.. * تنويع اللعب. * الاهتمام بالخصم ومفاتيح لعبه. .. وهمتك يا فييرا صاحب المهام الصعبة والخاصة في شل حركة مابوتو. .. شباكك نظيفة يا حارس يا امين يا معز يا محجوب.. وكذلك الساتر الدفاعي امامك. .. آمالنا واحلامنا في الدفاع تتخطي المهام الاساسية الدفاعية للمساندة الهجومية وهز شباك الخصم. كورنراتك يا سيدا وشبالاتك يا حمودة وديمبا. صواريخك يا مهند ومراوغاتك يا ايفوسا. .. انطلاقاتك يا سادومبا واهدافك يا امبيلي. .. العرضيات تربك الدفاعات. .. التسديدات ترعب الحراس. .. المهارات سيدة الموقف في الكثير من الحالات. .. المخالفات لابد من استثمارها. .. انه يوم السودان يوم الهلال. وكم كانت لفتة بارعة من ادارة المريخ بقيادة الفريق عبدالله حسن عيسي وهذه المؤازرة ، واليوم كلنا هلال وكلنا نلعب باسم السودان. وتحية لعشاق الأحمر المشجع الكبير تمساح والمشجع كارلوس وهما يتوشحان بالازرق وشعار الهلال وعلى الخلف شعار المريخ في يوم التشجيع. .. باختصار شديد اليوم افريقيا والعرب وكل العالم يتحدث هلال. تواصل * أحمد النور ـ اللدية جبل اولياء .. سيدا يا فنان جهز الأقوان مهند بشمالو وحمودة بشبالو سادومبا وامبيلي صالو وجالو هلالنا منتصر بمشيئة الله يفرح السودان صغار وكبار .. * عباس أحمد من القضارف يدعو الله ان يوفق الهلال ويفوز بثلاثية .. * الجيلي التوم يتمناها للهلال .. * وليد حامد الفتيحاب يتمناها للهلال بمشيئة الله .. * هياب .. هلال الفن هلال اسطورة فيك المتعة حلاة الكورة زعيم عظيم ادارة رشيدة جيب طباشير وجيب سبورة فينا سفير وفينا وزير وفينا وفينا العالم وفينا الكاتب كان اعلامنا ماهو السالب يقول الحق مغلوب غالب تدريب عالي سيدا مهاري وديمبا السد العالي لا تطبيل لا زيف لا خداع لا ألقاب تضيع في الفاضي ولا حتى شكاوى .. وجمهور واعي .. * قيس كمال عوض السيد الامام ـ قرية محمد عبد الله .. منو الغيرك يا هلال نفديه عاد بالدم نحن في حبك مازلنا نتعلم يا ماهزمت عتاولة ياما كم فيك سيدا صانع الفرص من عدم وديمبا الجسور الأصم ود بخيت كم للفرح رسم كاريكا خطير للدفاع ما رحم وعلاء كم لي عمالقة كتم يا مازيمبي في المقبرة أجلك تم مهزوم باذن الله على روحك اترحم واثقين منك يا هلال وماشايلين هم * معاوية أحمد ـ ود عتقي .. قوون صدارة ورمضان جدارة والهلال سيادة وصدارة * حسن هلالي .. سنار المدينة .. اتمنى النصر لسيد البلد بالمقبرة .. واتمنى ان يكون كامبوس قد شاهد مازيمبي بتونس امام النجم الساحلي .. القمر بليل هلالنا يا القمر بليل ونور ضاوي يسر العين وشليل وقت البدر نورين وفي صدر عريسنا العديل والزين هلالنا يا الاسد مغوار وفي الميدان يسد التار يقابل عدونا يواجهو نهار بسيفو السنين بتار يحارب في الوغى دواس من دون النصر نموت ابطال هلال العزة في الميدان والكأس يمين نجيبوا حلال ولعازة نقدمو مهر وللعشاق هلالنا هلال هيا نشجع هلالنا العظيم الفي ليل الدجى اسد نتار لا يجفل في ساعة الحارة يشوفو عدونا مليون امتار يغيث المناجي في الادغال وينقذ التائه في الاسفار وللسودان ارواحنا تهون وعند الجد ما كلامنا هظار نقاتل عدونا لو هبشو شبر وننزع بالقوة أي غبار تراب وطنا اعز تراب نفديك بدمانا صغار وكبار ما اجمل بإسمك يا وطن يمثلك هلالنا في كل انتصار ويهتف باسمك سودانا فوق ويرفرف علمنا فوق اعلى بحار * الصادق أحمد محمد بخيت ـ موبايل ٣٦٢٧١٠٥١٩٠ لحن الختام .. الكل ادى ماعليه وما النصر الا من عند الله.. *ومع قيام لقاء الهلال نتمنى الفوز حتى تكون الفرحة فرحتين لعاشق الهلال بالحرس الرئاسي ابراهيم عبدالقادر ابراهيم وهو يعلن خطبته بالامس.. والتهاني تتواصل من صديقه وزميله نضال الدين عبدالرازق. * لفتة رائعة من هلال جبرة وهو يعد حوالي الاثنين ألف علم دعماً للهلال في ملحمة اليوم.. وتحريك الحافلات من امام النادي. * وموقع قوون العالمي المميز وماتقدمه الصحيفة من حوارات مميزة ولما نالته من شهرة وجوائز خارجية فها هي وكالة الانباء العالمية تشير لحوار قوون الذي اجراه الزميل ابراهيم الجيلي مع هداف الهلال الكنغولي امبيلي. .. والحديث بالطبع حول الملحمة المتوقعة والآمال المعلقة عليه. * أخبار برلين الألمانية أفادت بأن القنصل هناك والجالية بذلت جهوداً مقدرة وأخذت اذناً وعبر شاشة بوابة برلين الشهيرة تقديم لقاء الهلال ومازيمبي للسودانيين وكل العرب ، وستتاح الشاشة عبر مدن اوربية أخرى كما أفادنا الأخ احمد حسن واشرف فاروق حسن أحمد .. وياهو ده الهلال .. نتمنى ان تكتمل اللوحة بفوز هلالي كبير .. * وافادت الأخبار بوصول اثنين من كشافي نادي شلسي الانجليزي وكشيف من مانشيستر سيتي فجر اليوم لمتابعة لقاء الهلال ومازيمبي في ابطال افريقيا .. وياهو ده الهلال نتمنى أن تكتمل اللوحة .. * وصدى الملاعب افردت فقرة كاملة لممثل العرب هلال السودان وعبر استطلاعات لمراسله في السودان عبد الحفيظ عكود .. ٠٠ الكل اليوم مع الهلال نتمنى التوفيق والنصر لابطال الهلال .. * ونعود اليوم ونذكر من جديد بالشعارات في ملحمة الحسم. * تشريف الوطن والعالم العربي .. ٠٠ اعتبار المباراة نهائي قائم بذاته .. ٠٠ لابد من الفوز وبفارق كبير من الأهداف .. ٠٠ لابد من الاحتفاظ بالشباك نظيفة ومنع الخصم من التسجيل على أرضنا . ٠٠ وأخيراً تحاشي الحصول على كروت صفراء أو حمراء .. ٠٠ الناحية المعنوية والتأهل لنهائي كأس الأندية العالمية مع الكبار امثال برشلونة وبطل الارجنتين والمكسيك .. ٠٠ لقاء السوبر مع بطل الكونفدرالية ٠٠ ظهور اسماء ابطال الهلال كلاعبين كبار على مستوى العالم . ٠٠ الناحية المادية وما لا يقل عن 10 مليارات جنيه يمكن ان تدخل خزينة الهلال من حافز الكاف وحافز الفيفا ، ودخل المباريات ، والرعاية القادمة ، والدعم والتبرعات ، وهكذا ..

بدون تعليق

وهذه عموده اليوم بعد المباراة
وبرضو.....
لاتعليق
ويامعتصم دفع الله
بعد حمد الله علي السلامة
وحاتك...
احمد زي حاج احمد

Quote: * وتاتي الرياح بما لاتشتهى السفن * اسوأ مباراة للهلال على ارضه .. * وأول خسارة .. * وأكبر هزيمة .. * الهلال أطاح بنفسه من أولها .. * تقدمنا مرتين وفشل الدفاع في المحافظة .. * هدف الخصم المبكر بداية الربكة .. * اصابة سامي عبد الله هزت الدفاع وأربكت كامبوس .. * تواضع اسامة وكابوندي في الطرف الايسر اسهل الطرق لشباكنا .. * وكأن كامبوس لم يشاهد مازيمبي!! * لماذا تركوا مفاتيح مازيمبي تلعب على كيفها؟!! * ولماذا يا مساوي ، الجهد الكبير والجهجهة ما بين الطرف الشمال ومتوسط الدفاع والطرف الايمن ، اطاح به .. * في الهلال كان هناك ثلاثة فقط ديمبا ، عمر بخيت والبرنس .. وأحياناً علاء الدين يوسف .. والبقية زيرو عريض ادى للخماسية .. * خسرنا على أرضنا على طريقة المريخ في ذهاب الكونفدرالية وودعنا اكلينكياً لو صحت العبارة ولم يتبق حتى نجاري المريخ فيما حدث له سوى الخسارة بسباعية واللعب في الامطار والطين والبرد .. * معقولة .. * اكثر المتشائمين لم يتوقعها كتلك .. * احباط لكل العرب .. * والثالثة وقعت وطرنا .. * قلنا رأينا في كابوندي من مدة فاصبح مشاركاً في اخطر المراحل .. * ومشكلة العقم الهجومي تواصلت على المستوى الافريقي حتى من المحترفين .. * أهدرنا السوانح في الشوط الاول .. * والخط الهجومي كان متباعداً .. * أين العرضيات؟! * أين التمريرات ؟! * اين التسديدات؟! * بل اين المهاجمين؟! * كم كان ينتظر الدفاع من الهجوم ليسجل حتى نفوز؟! * كان يوم الاربعات والخمسات ، حتى يتأهل كانو الذي خسر من هارت لاند ٤/صفر عليه الفوز بخماسية .. * وحتى يعوض الهلال خسارته ٢/٥ عليه الفوز برباعية نظيفة خارة ارضه ولكن هل ذلك ممكن؟! * أكد مازيمبي انه فريق قوي ومتمرس ، ويعرف خصمه ويضع له حساباً وحتى بعد التقدم الهلالي الأول والثاني عليه عاد باسرع ما يمكن . * اشتغل مدرب مازيمبي ، صنف دفاع الهلال خاصة الطرف الشمال والذي جاءت منه معظم الاهداف وسجل ، وفشل كامبوس مع الاخطاء الدفاعية وسلبية البعض في عمل شئ يحافظ به على تقدمه أو يضاعفه او يزيده .. * نعم تأتي الرياح بما لا تشتهي السفن .. ليس كل شئ بالتمنيات وانما بالعمل .. * كانت فرصة الهلال التاريخية وطالبنا باستغلالها ، ولكن الثالثة وقعت وفشل الهلال في الوصول للنهائي واحراز الكأس . * سادومبا وكابوندي لم يكونا بحجم الضجة التي صاحبتهما .. * نتائج او نتيجتا الأمس تقول وكأن التحذير للهلال قبل هذه المرحلة يقول العدو امامكم والبحر خلفكم .. * هارت لاند والذي لو تصدر الهلال فاز على كانو برباعية نظيفة فهل كانت ستصيبنا؟! * ومازيمبي الذي قلنا نلعب على ارضنا لنتخطاه فاز علينا وبنتيجة لا يمكن لعاقل ان يقول انها يمكن ان تعوض .. * إنها كرة القدم السودانية .. * وانه اللاعب السوداني .. * وانه الغرور .. * وانها الأخطاء .. * أخطاء لاعبين وجهاز فني .. * ماذا كان يجري في التمارين المقفولة؟! * هل ما قدمه لاعبو الهلال هو الأفضل الذي يمكن ان يقدموه؟! * ماذا جري؟! * وماذا حدث وماذا هناك؟! * للهزيمة آثارها وضحاياها .. * ولحق الهلال بالمريخ والمنتخب .. * لم يبق سوى اداء الواجب .. * فرح المريخاب وسخروا ، وما احلاه من مثل هذا ، ابوسن يضحك على ابو سنين!! * كامبوس اثناء المباراة هل فشل في قراءتها .. * هل فشل في معرفة قدرات لاعبيه ومدى امكانية المحافظة وعدم الانهيار .. لحن الختام * شئ غير طبيعي .. * مساوي صنع الهدف الاول لديمبا من الكرة التي ارتطمت بسادومبا ولكنه عاد وساعد في ايلاج هدف لمازيمبي وتسبب في ركلة جزاء خصمت من رصيده وما حققه .. هو الاخر تأثر باللعب كطرف وتارة في متوسط الدفاع .. * ديمبا سجل وتوقعنا ذلك ، لكن هل كانت ادواره الدفاعية في المستوى؟! * مازيمبي من الواضح انه حفظ الهلال عن ظهر قلب .. * سيكافا اطاحت بالمريخ وأهلت مازيمبي للنهائي واصبح الأقرب للكأس .. * اذا كان حمودة سليماً ويتمرن ويسخن لماذا لم يشارك؟! * هل شارك بعض لاعبي الهلال تحت تأثير الاصابة مثل اسامة؟! * أحمد الفاضل بعد تألقه لماذا انخفضت اسهمه عند كامبوس؟! * هزيمة الهلال أعادت الروح للمريخ .. ومصائب قوم عند قوم قوائد .. وعلى الأهلة ان ينتبهوا للممتاز وعدم التفريط ليعودوا اكثر قوة .. * الهلال الذي نعرفه ليس بهلال الأمس .. * هاردلك جمهور الهلال الوفي والذي تدافع بكثافة واقترب الدخل من نصف المليار بالفئات العادية .. ولكن خيرها في غيرها .. * نعم كلنا مسئولين كما قال كامبوس ، لكنه يتحمل المسئولية الأكبر وبعده اللاعبين .. *٠٠ ومدرب مازيمبي له مليون حق وهو يقول لم اتوقعها بهذا العدد!! * اين هلال الاهلي القاهري والزمالك واسيك والترجي والنجم واينمبا وغيرها؟! * انجاز في متناول اليد ، اضاعه اللاعبون بأنفسهم .. * انه حال كرة القدم .. * يوم لك ويوم عليك .. * وغداً يعود الهلال مارداً قوياً .. * وللشامتين من المريخاب الذين سيروا المسيرات ، واطلقوا الألعاب النارية ووزعوا الحلوى ، نقول لهم كما قال البعض .. ويظل الهلال ملك السماء ولو أطلت مليون نجمة ..



عذرا......
روابط المقالين.....

http://goansport.net/article/id/23868

http://goansport.net/article/id/23821

Quote: هزيمة مذلة للهلال على أرضه بدورى أبطال إفريقيا الخرطوم: فى مفاجأة مدوية، تلقى فريق الهلال السودانى هزيمة مذلة على أرضه ووسط جماهيره أمام ضيفه مازيمبى الكونغولى بخمسة أهداف مقابل هدفين فى المباراة التى أقيمت بينهما فى ذهاب الدور نصف النهائى ضمن منافسات بطولة دورى أبطال إفريقيا لكرة القدم. تقدم الهلال عن طريق ديمبا با في الدقيقة الثانية من زمن اللقاء، لكن لوساديسو باسيسيلا تعادل لمازيمبى بعدها بثلاث دقائق فقط ثم تقدم أصحاب الأرض من جديد عن طريق هيثم مصطفى في الدقيقة 25 من ركلة جزاء، ليتمكن الفريق الكونغولى سرعان ما تعادل مجددا ولكن هذه المرة عن طريق مولونا كابانجو في الدقيقة 30. وفى الشوط الثانى واصل مازيمبى مفاجأته ودك الشباك السودانية بثلاثية متتالية فى الدقائق 62، 80 من ركلة جزاء، 90. وفي المباراة الثانية بالدور نفسه، اكتسح فريق هارتيلاند النيجيري مواطنه كانو بيلارز برباعية نظيفة ليقترب بشدة مع مازيمبى من الوصول للدور النهائى. يشار إلى أن مباريات الإياب سوف تقام يوم الأحد الثامن عشر من الشهر الجاري.

منقول من سبكة محيط وهذا هو الرابط: http://www.moheet.com/show_news.aspx?nid=305716&pg=1

برغم الخمسة الفضيحة لا زال رمضان أحمد السيد يحمل المسؤلية للمريخ فكتب في عموده اليوم بعد المباراة :

Quote: سيكافا اطاحت بالمريخ وأهلت مازيمبي للنهائي واصبح الأقرب للكأس ..

المقبرة على عهدها
ما بتكون فرحة لخصومك
انت سيد افريقيا والكأس ما بتفوت نجومك
من هنا اعبر فرحنا يا هلال باقوان هجومك
خلي الكل اعرف انك بطل من يومك
غلاوتك سر العشق وسيادتك افتخار لجمهورك

Quote: المقبرة على عهدها ما بتكون فرحة لخصومك انت سيد افريقيا والكأس ما بتفوت نجومك من هنا اعبر فرحنا يا هلال باقوان هجومك خلي الكل اعرف انك بطل من يومك غلاوتك سر العشق وسيادتك افتخار لجمهورك

أهو جنس الكلام دا...المخلينا نشيل الفاتحة علي الكرة
السودانية...بهلاريخها...

ياخ يمين الله...هنا...الفريق يهز ويرز...وينافس
الآن علي الصعود لكأس العالم...ولم نسمع صوت
طبلة واحدة...

لو فريقنا وصل للمباراة الختامية المؤهلة لكأس العالم
لحملوه كأس العالم قبل انطلاقة صفارة الافتتاح...

تاني اي زول يكتب كلام زي دا حقو يحاكموه بالجلد...والغرامة..
وما يدفعها تيتاوي!!!

انتو قايلين مافي كلام فاضح!!!!!...(الحكاية ما لبس بس)

مزمل قال في أول سطرين ( خروج الهلال من نصف النهائي )
يعني مزمل ده بيعلم بالغيب ؟ ولا خلاس ضامن إنه الهلال مغلوب في مباراة الرد ؟
الفرة لو كانت 0.0000000000000000000000005%
موجودة لكن الحقد الأعمي المغلف في عبارات جميلة
و دس السم في الدسم ..

لا تتجمل يا مزمل ..
يعني طوالي كده لحست كلامك الكتبته أمس وما فعلته بالهلال ..
لن يرضى عنك جمهور الهلال ..
ولن تغفر لك الكرة السودانية ..

Quote: فانظروا من تحملوا جريرة فضائحكم

نتاج ما زرعه مزمل معتصم يظهر في الشارع الرياضي السوداني وهنا في هذا المنبر..

1- مقال جميل وواقعي لحدٍ ما فيما يخص واقع الكرة السودانية وجهاد الهلال والمريخ.

2- تأكيد خروج الهلال من قبل مزمل أبو القاسم يعد أمراً غريباً لصحفي في شهرته.

3- المعركة بين إعلام الهلال والمريخ واضحة من خلال سطور مزمل.


ولكم ودي ،،،

* اكثر المتشائمين لم يتوقعها كتلك ..
* احباط لكل العرب ..
* والثالثة وقعت وطرنا .

الكلام ده كتبوا رمضان احمد السيد
في العمود الفوق ده

بس انته جاريين لي مزمل
العامل ليكم زغلله في العيون

وتركزوا في كتاباته اكثر من صحفي الهلال