Post: #1
Title: كهربــــاء سـد مــروي.......(((جـــنى النديــهة)))
Author: شمائل النور
Date: 10-05-2009, 01:00 PM
|
Post: #2
Title: Re: كهربــــاء سـد مــروي.......(((جـــنى النديــهة)))
Author: عبد الواحد أبراهيم
Date: 10-05-2009, 03:25 PM
Parent: #1
منتظرين معاك يا استاذة شمائل وين ناس الرد الرد كهرباء وسد
وين ناس مشروع القرن ,,,,,,,,,,,, وين ناس المشروع الحضارى زاتو
لقد تراجعوا من المشروع الحضارى الى الدفاع عن الانقاذ ثم تراجعوا عن
الدفاع عن الانقاذ الى الدفاع عن الحركة الاسلاموية ومن ثم تراجعوا فى مسيرة
تراجعهم الباينة للدفاع عن حزب الموتمر الوطنى لينتهوا مؤخرا الى هيئة
صغيرة للدفاع عن عمر البشير .
|
Post: #3
Title: Re: كهربــــاء سـد مــروي.......(((جـــنى النديــهة)))
Author: السيد المسلمي
Date: 10-05-2009, 04:00 PM
Parent: #2
شمائل ،،
إتخيل لي الكهربي دي لسة ماوصلت مرحلة إنها تكون جني
ياستي إحتمال تكون نطفة أو علقة .
ــ
إلعن أبو السد زاتو ،
حاجة مطممة جداً .
|
Post: #6
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-05-2009, 04:11 PM
Parent: #3
Quote: إتخيل لي الكهربي دي لسة ماوصلت مرحلة إنها تكون جني
ياستي إحتمال تكون نطفة أو علقة |
السيد المسلمي
تحياتي
أ كــــــــــــــــــــل هذه الاحتفالات والتهليل والتكبير والتطبيل واوكامبوا .... تطلع ما جنى؟؟؟؟؟
طيب اذا النطفة ماقادرين يوظفوها .. يبقى كيف حال الجنى
|
Post: #4
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-05-2009, 04:06 PM
Parent: #1
حالنا قبل السد
.
..
...
حالنا بعد السد 
|
Post: #5
Title: Re: كهربــــاء سـد مــروي.......(((جـــنى النديــهة)))
Author: عمران حسن صالح
Date: 10-05-2009, 04:11 PM
Parent: #4
أطلعوا اهتفوا " زي ما قالت ماجدة خوجلي "ما دايرين سد ما دايرين سد ...
خليهم يسدوا فرقة الكهرباء دي بي بابورات زمان ..
أرحم من الحالة الكانت فيها الخرطوم أمس ..
نحن حالتنا وصفوها لينا بس !! لامن الواحد سخَن
وما تقولي سخانة الغلب كانت كاتلانه أصلاً..
...
.
.
التعديل في الدارجي .. ( إتلخبط)
التعديل التاني كنا ( حردانين ) رجعونا ...
_____________________________________________
عماد قال أجدعوها ( يقصد البلد بي صمة خشمه )
!!!!
|
Post: #7
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-05-2009, 04:26 PM
Parent: #5
تصريحات الهيئة القومية: ان نسبة استغلال كهرباء السد 91% وتصل احيانا الي 100%
تصريحات السد: ان نسبة الكهرباء المستغلة في الشبكة القومية 58%
يعني المسعلة فارقة زي 42% ،، اها دي بقا رايحة في الطريق من مروي للخرطوم
نصدق من؟؟؟؟؟
|
Post: #8
Title: Re: كهربــــاء سـد مــروي.......(((جـــنى النديــهة)))
Author: عبد الواحد أبراهيم
Date: 10-05-2009, 04:36 PM
Parent: #5
زمان شن قلنا
ماصرف على اعمال الدعاية لهذا السد الاكذوبة يمكنه اضاءة كل قرى المناصير
اكبر المجموعات التى ترغب ادارة السدود فى تهجيرها ومصادارة ارضها .
لست اى منطق وراء جعل اهلنا يعيشون لاف ذلك الظلام الدامس وهم من فقدوا ارضهم
وبيوتهم ونخيلهم وجروفهم لاجل قيام هذا السد ؟!!!!!
|
Post: #9
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-06-2009, 07:18 AM
Parent: #8
عبد الواحد
سلامي،،
السؤال الذي يبحث عن اجابة:
هل السد يولد كهرباء ، ام يولد اشياء اخرى؟؟؟؟
|
Post: #10
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-06-2009, 03:58 PM
Parent: #5
عمران
شكرا للمداخلة ، ورجاء ارجع تعال
انا مسالة الرد عندي والله زمن....
صرراحة من يوم قالوا السد.... نحن ما ضقنا طعم العافية
حكاية ما مصدقة نهائي ، تضارب التصريحات يدعو الي الشكـ في قدرات الطرفين الفنية...
والغريب التصريح الاخير...
راجعة
|
Post: #11
Title: Re: كهربــــاء سـد مــروي.......(((جـــنى النديــهة)))
Author: اناهيد كمال
Date: 10-06-2009, 04:08 PM
Parent: #10
تحياتى ليك شمائل
فوق اشان خاطر عبد الواحد
|
Post: #12
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-07-2009, 07:14 AM
Parent: #11
Quote: وقال مصدرٌ مسؤولٌ بالهيئة القومية للكهرباء لـ «الرأي العام» أمس، إنّ الطريقة التشغيلية لسد مروي لا تحفظ استقرار الشبكة القومية للكهرباء، وأردف: (لا ضمان لاستقرارالكهرباء في حال اعتماد الهيئة على كهرباء سد مروي، خَاصةً في ظل عدم استقرار التوليد بالسد).وأضاف المصدر: حَدَثَ ظلامٌ دامسٌ وانقطاع للكهرباء أمس الأول نتيجةً لخروج (7) وحدات من سد مروي من الخدمة، المقدرة بـ (750) ميقاواط. وعَزَت مصادر مُطّلعة بإدارة سد مروي انقطاع التّيّار الكهربائي أمس الأول إلى دخول التوربينة الـسابعة من سد مروي ما أدّى لخروج كل الوحدات أو التوربينات العَاملة بالسد دفعة واحدة.
سنهوري عيسى - نبيل صالح :الراي العام |
؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #13
Title: Re: كهربــــاء سـد مــروي.......(((جـــنى النديــهة)))
Author: عثمان دغيس
Date: 10-07-2009, 07:40 AM
Parent: #12
شمايل والمتداخلين
مافي زول يا أخوانا عندو معلومات أكيدة تفشنا شوية ....
طبعاً ده كلام زول ما مصدق إنو مافي كهرباء بعد الجعجعة دي كلها ...!
|
Post: #14
Title: Re: كهربــــاء سـد مــروي.......(((جـــنى النديــهة)))
Author: طلال جبير جابر
Date: 10-07-2009, 10:50 AM
Parent: #13
الغريب في الامر يا شمائل انو التصريحات حول الموضوع
اصبحت معركة تصفية حسابات بين السد والطاقة والكهرباء
يعني عبارة عن رد لتصريح الاخر وليس فيه اي معلومة مفيدة
توضح سبب انقطاع الكهرباء للمواطنين !!!!!
زمان يا شمايل مش كان عندكم الفة في الفصل ؟؟؟
الالفة وين هسي؟؟؟؟؟
|
Post: #15
Title: Re: كهربــــاء سـد مــروي.......(((جـــنى النديــهة)))
Author: jini
Date: 10-07-2009, 11:07 AM
Parent: #14
Quote: نتظرين معاك يا استاذة شمائل وين ناس الرد الرد كهرباء وسد
وين ناس مشروع القرن ,,,,,,,,,,,, وين ناس المشروع الحضارى زاتو
لقد تراجعوا من المشروع الحضارى الى الدفاع عن الانقاذ ثم تراجعوا عن
الدفاع عن الانقاذ الى الدفاع عن الحركة الاسلاموية ومن ثم تراجعوا فى مسيرة
تراجعهم الباينة للدفاع عن حزب الموتمر الوطنى لينتهوا مؤخرا الى هيئة
صغيرة للدفاع عن عمر البشير . |
جبت النجيضة
جنى
|
Post: #16
Title: Re: كهربــــاء سـد مــروي.......(((جـــنى النديــهة)))
Author: Hisham Ibrahim
Date: 10-07-2009, 11:36 AM
Parent: #15
كدي شوفوا كلامي دا
امس كلمني واحد من الجماعه
قال مدير هيئة الكهرباء القومية شقيق أسامه عبد الله
ـــــــــــــــــــ
كدى العارف يورينا
عشان نقدر نلقى سبب للحاصل دا
وهو الصراع الأسري !!
انشاء الله الكلمني دا يكون كضـاب كبير ما صغير !
وبرضو حكاية سرحوا 100 بي شهادات مذورة دي انشاء الله يكون في تأكيد ليها !
غايتو أس البلاء والمودينا وراء ( الفســـــاد والفساد الممهور بي الحقاره ) !!
هشام
|
Post: #17
Title: Re: كهربــــاء سـد مــروي.......(((جـــنى النديــهة)))
Author: كمال علي الزين
Date: 10-07-2009, 11:46 AM
Parent: #16
(*)
خلاص أتلميتوا يا أعداء الله والوطن والمشروع الحضاري
من مناضلي الكيبورد ؟
أها والله العظيم (وبي حليفتا) وبحلف صادق , أنا في السنة دي
وفي بيتي ده الكهربا ماقطعت إلا دقايق معدودة قبل كم شهر بغرض الصيانة
وقبليها أخطروني كمان ..
شنو ليكم ؟
أسي جايين تقولوا السد ماجاب كهربا ؟
عالم ماعندها وطنية ..
سير .. سير يابشير
السد .. السد
الرد .. الرد
والله أكبر ولا نامت أعين الجبناء ..
وشكراً
|
Post: #18
Title: Re: كهربــــاء سـد مــروي.......(((جـــنى النديــهة)))
Author: محمد عبدالقادر سبيل
Date: 10-07-2009, 12:08 PM
Parent: #17
شمايل بالله خلينا اول حاجة في الصورة كاملة
وبعدين التعليقات
نحن برة البلد وناوين نرجع بعد نتايج الانتخابات
مرقتنا الموية والكهربة والمواصلات
كان ما جن ما بنجي
الموية صحي لسع ملكلة : بصراحة بالله وبدون دعاية سياسية
ثم الكهربا مالها هسع؟
يعني قاطعة من متين ووين وبتقطع كم مرة في اليوم ولمدة كم كدا ( كلامي عن العاصمة المثلثة)
الله يجزيك خير
_________________
رب اشرح لي صدري
|
Post: #19
Title: Re: كهربــــاء سـد مــروي.......(((جـــنى النديــهة)))
Author: عبدالله احيمر
Date: 10-07-2009, 12:49 PM
Parent: #18
Quote: أها والله العظيم (وبي حليفتا) وبحلف صادق , أنا في السنة دي
وفي بيتي ده الكهربا ماقطعت إلا دقايق معدودة قبل كم شهر بغرض الصيانة
وقبليها أخطروني كمان .. |
الأخ كمال , بيتك دا وين ؟ لو كنت سـاكن جـوة السـد الكهرباء بتقطع
وما عاوز اقول ليك جـوة توربينة
1 / الحاصل أن التوربينات العامله في السـد خرجت وبالتالي أحدثت ربكة
كبيرة جـدا في الشـبكة القومية وحدث انطفاء كامل , وبعـد إعادة
التوربينات للعمـل بعد كم سـاعة كدا , كانت المشـكلة في إدخال هذه
الكهرباء في الشـبكة ( ودي عملية ما صعبة , بس عاوزة خبرة , لأنو لازم
يحدث توافق أو تزامن synchronization ودي شــغلة ناس التحكم ) , طبعا
الخبرات ارسـلت من زمن بعيد للصالح العام والناس القاعدين في التحكم
قعـدوا سـاعات علشـان يقدروا يدخلوا كهرباء السـد الراجعة في الشـبكة
وكانوا كلما يدخلوا خطأ تضرب في مكان , واخيرا نجحـوا .
لذلك كلام زول الكهرباء يا شـمايل صاح ولو اعتمدوا اعتماد كلي على كهرباء
السـد تكون واطاتنا اصبحت , لأن التوليد في السـد حتى الآن غير مســتقر
ولن يسـتتقر قريبا , بل ح يظل متذبذب والتوربينات تطلع وتعاد للخدمة
طوال الفترة القادمة .
2 / يا أخونا علينـا أن نعي أن كهربة السـد وضعفها لن يحـل المشـكلة
الحالية في الســودان , ناهيييييك عن التوســع في المســتقبل القريب .
وما يقال عن أن كهربة السـد بتحل المشـكلة دا كلام بتاع مزايدة وتكسـب سياسي
واقول لكم صادقا دخول توليد الســد إحتمال كبير يقدر يحل مشــكلة العاصمـة
وضواحيها فقــط مع الأخذ في الاعتبار الفاقـد في عملية النقل من السـد للخرطوم
يعني التيار الواصل يغطي الحوجة الفعليـة
الحالية للإسـتهلاك بما في ذلك المصانع القائمـه حاليا
|
Post: #20
Title: Re: كهربــــاء سـد مــروي.......(((جـــنى النديــهة)))
Author: عبدالله احيمر
Date: 10-07-2009, 01:09 PM
Parent: #19
| Quote: وعَزَت مصادر مُطّلعة بإدارة سد مروي انقطاع التّيّار الكهربائي أمس الأول إلى دخول التوربينة الـسابعة من سد مروي ما أدّى لخروج كل الوحدات أو التوربينات العَاملة بالسد دفعة واحدة. |
الأخت شـمايل
لك السـلام
وعلى التصريح الفوق دا , ليه تطلع الـ 6 توربينات بدخول التوربينة السـابعة
فـدا خلللللللل فتي واضح جـدا
وبالطريقة دي أحســبي , لما تدخل الثامنة يطلع السـبعة توربينات
ولما تدخل التاسـعة يطلع الثمانية و..........................
ودا كلو ســوء إدراة وســوء تخطيـط وإبعـاد الخبرات
الأخ محمد سـبيل
كدي اصبر شــوية , لأن الخـريف السـنة دي كان ســيء جدا ( ما تشوف
المطرتين الكسـرن بيـوت الناس ) , فالخريف في اثيوبيا وارتريا
وحتى في السـودان ما مطمئن
يعني جميـع الســدود حتكون فيهـا مشـكلة في مخزون الماء اللازم للري والتوليد
بس ربنـا يهـون
|
Post: #24
Title: Re: كهربــــاء سـد مــروي.......(((جـــنى النديــهة)))
Author: كمال علي الزين
Date: 10-07-2009, 01:58 PM
Parent: #19
Quote: الأخ كمال , بيتك دا وين ؟ لو كنت سـاكن جـوة السـد الكهرباء بتقطع
وما عاوز اقول ليك جـوة توربينة
|
مابوريك ياحاسد ..
):
يعني إنتا ماعارف قصة المسطول القال للجماعة إنو الكهربا بقت تقطع كتير
بعد السد ليه؟
قال ليهم الكهربا القديمة شغلوا بيها السد زاتو .....
____________________________________
وبيتي المابوريك مكانو ده أدوه الكهربا الفضلت ..
تاني ... سير يا البشير
والسد الرد ..
والله أكبر كمان ..
|
Post: #28
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-07-2009, 02:43 PM
Parent: #24
Quote: يعني إنتا ماعارف قصة المسطول القال للجماعة إنو الكهربا بقت تقطع كتير
بعد السد ليه؟
قال ليهم الكهربا القديمة شغلوا بيها السد زاتو .....
|
عليكـ الله حاقدين نحن ولا انت ولا المسطول؟؟؟
اوعى مسطول لاقاني ،، نشجع التسطيل من هذا النوع
شكرا كمال الزين
|
Post: #29
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-07-2009, 03:06 PM
Parent: #19
عبد الله احيمر
سلامي،واشكرك على الاضافة
Quote: لذلك كلام زول الكهرباء يا شـمايل صاح ولو اعتمدوا اعتماد كلي على كهرباء
السـد تكون واطاتنا اصبحت , لأن التوليد في السـد حتى الآن غير مســتقر
ولن يسـتتقر قريبا , بل ح يظل متذبذب والتوربينات تطلع وتعاد للخدمة
طوال الفترة القادمة |
في الحقيقة يا احيمر الـ 2 ما بتصدقوا
لكن بنصدق الهيئة في هذه الحالة،،لانو حالنا قبل السد كان افضل مما نحن عليه الآن، والتصريح بتاع نائب مكاوي دا اخطر من قطوعات الكهرباء نفسها....
دي التوربينة 7 لحد الآن............... الله يكفينا شركـ يا التوربينة 10
|
Post: #23
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-07-2009, 01:50 PM
Parent: #18
محمد سبيل
تحيات وود،،
| Quote: الموية صحي لسع ملكلة |
اقوليكـ كلام؟؟؟ أخير السد
الموية لا تزور الا في الظلام واكيد ليس بها حياء كحمى المتنبئ...بعض مناطق امدرمان وصل برميل المويه لـ 24 جنيه ، يعني حوالي 10$ يعني نحن ضقنا عشر اواخر الا يسامح الحكومة ،،التهجد مع موتورات المياه،، التهجد علينا والحساب على ناس الحكومة
لكن ميادة كمال قالت مويتهم شغالة تش
Quote: ثم الكهربا مالها هسع؟
يعني قاطعة من متين ووين وبتقطع كم مرة في اليوم ولمدة كم كدا ( كلامي عن العاصمة المثلثة) |
والله معاناة شديدة عامة العاصمة المثلثة مع مراعاة ان هناك احياء تشهد قطوعات اكثر من غيرها ، اما رمضان فكان شهر القطوعات غير المحتملة ومازالت.
نسبة القطع ، تقريبا يوميا ولساعات طويلة ،، قبل 3 يوم كان السودان كلو قاطع ، عشان حضرة التوربينة 7 دخلت الشبكة
...................الخ
|
Post: #26
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-07-2009, 02:23 PM
Parent: #16
هشام ابراهيم
ازيكـ
ياخ مدير الهيئة م/مكاوي محمد عوض ، يمكن اخوان في الرضاعة ،لوووول،
Quote: وبرضو حكاية سرحوا 100 بي شهادات مذورة دي انشاء الله يكون في تأكيد ليها !
|
نعم وفي ذلك اليوم حصل خلل كبير في سستم المبيعات
|
Post: #41
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-08-2009, 12:47 PM
Parent: #15
جني
شكرا ع المرور
|
Post: #25
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-07-2009, 02:03 PM
Parent: #14
| Quote: الالفة وين هسي؟؟؟؟؟ |
لا والله نحن مدرستنا ماشية على حل شعرها
ــــــــ شفت كيف ـــــــــــ
|
Post: #21
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-07-2009, 01:29 PM
Parent: #13
عثمان دغيس
ازيكـ
والله كل البنعرفو انو في حرب بتاعة ارقام بين الهيئة والسد ووزارة الطاقة
في زي 42% فارقة في الحساب بعيد عنك ،، اما الكهرباء على ارض الواقع بتقطع يوميا او يوم بعد يوم لساعات طويلة،،ماتسالني من متين ، لاني ح اقولك من بعد دخول السد الشبكة ،،
على قول صاحبنا:
سد مروي .. دخل القش ما قال كش
|
Post: #22
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-07-2009, 01:33 PM
Parent: #11
اناهيد كمال
شكرا ع المرور
.
..
...
اها وشــــــــــان خاطر عبد الواحد
|
Post: #27
Title: Re: كهربــــاء سـد مــروي.......(((جـــنى النديــهة)))
Author: dardiri satti
Date: 10-07-2009, 02:39 PM
Parent: #22
الأخ كمال،
Quote: السد .. السد
الرد .. الرد
|
السد .. السد ؟؟؟
دي الناس زمان غيروها
بِقَت :
القد .. القد
تحياتي
|
Post: #30
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-07-2009, 03:55 PM
Parent: #5
Quote: خليهم يسدوا فرقة الكهرباء دي بي بابورات زمان ..
أرحم من الحالة الكانت فيها الخرطوم أمس ..
|
والله ارحم
|
Post: #31
Title: Re: كهربــــاء سـد مــروي.......(((جـــنى النديــهة)))
Author: احمد محمد بشير
Date: 10-07-2009, 03:59 PM
Parent: #30
سلامات يا شمائل..
اتحيرنا مع السد دا ما عارفوا بينتج شنوا..!!
|
Post: #32
Title: Re: كهربــــاء سـد مــروي.......(((جـــنى النديــهة)))
Author: كمال علي الزين
Date: 10-08-2009, 00:19 AM
Parent: #31
Quote: اتحيرنا مع السد دا ما عارفوا بينتج شنوا..!!
|
سمك كبااااااااار
|
Post: #33
Title: Re: كهربــــاء سـد مــروي.......(((جـــنى النديــهة)))
Author: المسافر
Date: 10-08-2009, 05:28 AM
Parent: #32
Quote:
وفي بيتي ده الكهربا ماقطعت إلا دقايق معدودة قبل كم شهر بغرض الصيانة
وقبليها أخطروني كمان ..
|
كملي يا شين
بيتك دا يا في النعيجة يا في المعيذر
وإن طولت الحكاية قول الريان
شن بيجيبك للسد ؟؟
|
Post: #34
Title: Re: كهربــــاء سـد مــروي.......(((جـــنى النديــهة)))
Author: كمال علي الزين
Date: 10-08-2009, 05:32 AM
Parent: #33
Quote: كملي يا شين
بيتك دا يا في النعيجة يا في المعيذر
وإن طولت الحكاية قول الريان
شن بيجيبك للسد ؟؟ |
والله كل يوم بمشي السد ..
وكمان لما يكون لاعب مع القرافة بجري جري أشجعوا ..
والكهربا عمرها ماقطعت , لكن (شمائل) ومن لف لفها
من مناضلي (الكيبورد) وأعداء الله والوطن والتوجه الحضاري
ديل نعمل معاهم شنو؟
تاني ..
السد .. السد
الرد .. الرد
سير سير يابشير ..
|
Post: #35
Title: Re: كهربــــاء سـد مــروي.......(((جـــنى النديــهة)))
Author: جعفر محي الدين
Date: 10-08-2009, 07:04 AM
Parent: #34
| Quote: غايتو أس البلاء والمودينا وراء ( الفســـــاد والفساد الممهور بي الحقاره ) !! |
أضف إلى ذلك أننا نعيش في ظل كذبة كبيرة منذ الثلاثين من يونيو تسعة وتمانين وتسعمية وألف
|
Post: #42
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-08-2009, 02:31 PM
Parent: #35
جعفر محي الدين
شكرا ع المداخلة ،، نسأل الله ان يرفع عن هذه الامة البلاء والابتلاء
|
Post: #40
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-08-2009, 12:31 PM
Parent: #34
Quote: تاني ..
السد .. السد
الرد .. الرد |
يا كمال قالوا ليكـ غيـــــــــــــــــــــروها
درديري ساتي ،شكرا ع المرور وبالله:::
علم كمال الزين المنهج الجديد
|
Post: #47
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-13-2009, 09:07 AM
Parent: #34
كمال الزين
بعد اقالة مكاوي ،،،،
انت مع جناح الهيئة ولا جناح الســــــــــــــــد؟؟؟؟؟؟
|
Post: #39
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-08-2009, 12:27 PM
Parent: #33
المسافر وناسى هواكـ
والله كمال دا على قول احيمر الا يكون ساكن في توربينة
|
Post: #36
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-08-2009, 07:41 AM
Parent: #31
احمد بشير
والله ارجح احتمال كمال الزين،هو الاقرب الي الحقيقة
|
Post: #37
Title: Re: كهربــــاء سـد مــروي.......(((جـــنى النديــهة)))
Author: على بدرى حاج
Date: 10-08-2009, 08:34 AM
Parent: #36
والله يا جماعة انا بستغرب كلامكم ده...هل ناس الانقاذ ديل عملو حاجة افادت الانسان البسيط فى السودان. حسع مش عندنا بترول سعر جالون البزين اعلى سعر فى العالم..مش عندنا كم مصنع سكر سعر شوال السكر اعلى سعر فى العالم...مش عندنا اا نهر وامطار بالهبل وساكنين على بعد خطوات من النيل وبنموت بالعطش...مش المواطن عليهو يدفع للتعليم والعلاج والنفايات والعتب بعد ان رفعت الحكومة يدها من كل الخدمات...مش الطرق العملوها فى الخرطوم كلها فيها اخطاء هندسية..مش التعليم عندنا دق الدلجة..واصبحت شهاداتنا الجامعية غير معترف بها فى كثير من انحاء العالم...مش اطباء زمن الانقاذ عبارة عن جزارين لجيوب واجساد المرضى. مش الاموال العامة تنهب وياتى المراجع العام ليضع يده على مواطن الخلل ويرفع تقرير وراء تقرير وتذهب هذه التقارير الى الذبلةلان السارق هو الحاكم او من ينوب عنه فى السرق!
وتقولوا لى سد..ما يقوم به هؤلاء على عجل ومن دون تخطيط ما هو الا دعاية سياسية[/B]
|
Post: #38
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-08-2009, 11:37 AM
Parent: #37
علي بدري
شكرا ع المرور
و
كلماتك ليست كالكلمات
|
Post: #43
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-08-2009, 04:21 PM
Parent: #38
شكراً لكل المتداخلين ،،،
شكرا اكثر لادارة السد والهيئة لو تعاملت معنا بوضوح ونورتنا، انشاء الله تنورنا بطاقة شمسية موافقين
خلاص نحن ح نسقف على التوربينة السابعة وكفى الله المواطنين شر التوربينة العاشرة
تحياتي،،
|
Post: #44
Title: Re: كهربــــاء سـد مــروي.......(((جـــنى النديــهة)))
Author: طلال جبير جابر
Date: 10-09-2009, 02:40 PM
Parent: #43
Quote: شكراً لكل المتداخلين ،،،
شكرا اكثر لادارة السد والهيئة لو تعاملت معنا بوضوح ونورتنا، انشاء الله تنورنا بطاقة شمسية موافقين |
|
Post: #45
Title: Re: كهربــــاء سـد مــروي.......(((جـــنى النديــهة)))
Author: طلال جبير جابر
Date: 10-13-2009, 07:25 AM
Parent: #44
شمايل نجهتي الراجل لمن عفو.....
الالفة تمام حفظ النظام ..............
لكن كدي وريني نقدر نقول انو الصراع بقي ماخد شكل الصراع ال.........
|
Post: #46
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-13-2009, 08:01 AM
Parent: #45
يا طلال
بعد ما سقفنا على التوربينة 7 مالكـ جايب البوست دا في التوربينة 8 ،لووووووول،
| Quote: الالفة تمام حفظ النظام .............. |
طبنجة وراء والقاش قدام
| Quote: لكن كدي وريني نقدر نقول انو الصراع بقي ماخد شكل الصراع ال......... |
والله ع قو ناس الجرايد ، يدور همس جهير في المجالس حول اسباب هذا الصراع
|
Post: #48
Title: Re: كهربــــاء سـد مــروي.......(((جـــنى النديــهة)))
Author: حافظ حسن ابراهيم
Date: 10-13-2009, 09:38 AM
Parent: #46
شمايل سلامات و كل ضيوفك
انتو عارفين انا مشكلتي بقت ما مع قطوع الكهرباء (جني النديهة), انا مشكلتي مع جيرانا ما عارف جني مين ديل كمان ... ياخي ديل الكهرباء تقطع بجاي يشغلوا البابور يملونا هبايب و أزعاج ....
هسي ممكن اشتكي الجيران ديل لناس الكهرباء بتهمة الازعاج العام؟
|
Post: #49
Title: Re: كهربــــاء سـد مــروي.......(((جـــنى النديــهة)))
Author: طلال جبير جابر
Date: 10-14-2009, 06:17 AM
Parent: #48
| Quote: هسي ممكن اشتكي الجيران ديل لناس الكهرباء بتهمة الازعاج العام؟ |
هسي يا حافظ الجيران مالم عينك في الفيل وتطعن ضلو !!!!!!
الخلاهم يدورو البابور شنو
يااخوي كان شكية اشكي ناس الكهربا ساااااااااكت
|
Post: #50
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-14-2009, 03:51 PM
Parent: #48
حافظ يا كتيبة الجنقو
ازيكـ
| Quote: هسي ممكن اشتكي الجيران ديل لناس الكهرباء بتهمة الازعاج العام؟ |
لا طبعا في الحالة دي تتوجه صوب البرلمان
ـــــ شفت كيف ـــــــــــــ
|
Post: #51
Title: Re: كهربــــاء سـد مــروي.......(((جـــنى النديــهة)))
Author: naeem ali
Date: 10-17-2009, 11:54 AM
Parent: #50
كهربائيات..
شمائل نهارك زين
|
Post: #52
Title: Re: كهربــــاء سـد مــروي.......(((جـــنى النديــهة)))
Author: فتحي الصديق
Date: 10-17-2009, 12:06 PM
Parent: #51
كلهم كذابين يا شمائل..ولا أحد سيصرح بحقيقة ما يجري في السد...
هنا بالمنبر معانا واحد شغال في وحدة اعلام السد اسمه ناصر أحمد المصطفى..بح صوتنا ونحن نناشده بالحضور فقط ليقول لنا حقيقة ما يجري هناك..
|
Post: #53
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-18-2009, 02:11 PM
Parent: #52
فتحي الصديق
اعتذر للرد المتاخر
ناصر في النهاية موظف وممكن يكون لا علم له يعني زينا بالضبط،لذلك يجي يقول شنو؟؟؟؟
على اي ، ننتظر بعد اقالة مكاوي البيحصل شنو
نعيم علي
شكرا ع الكاريكاتير المعبر ، وشكلو كدا المكان ضيق ما بشيل الوحدات مع مكاوي
|
Post: #55
Title: Re: كهربــــاء سـد مــروي.......(((جـــنى النديــهة)))
Author: عبد الواحد أبراهيم
Date: 10-28-2009, 01:42 PM
Parent: #54
شمائل هذه بعض من فضائح ادارة السدود سبق وان نشرت وهى تحلى عن عقلية هذه الادارة وتصرفاتها العنجهية
وتعبر عن مدى استهتارها بالمواطنيين خاصة جمهور المتاثرين بقيام السد " المعجزة "
Quote: فضيحة إدارة السد: 9 الف منزل في الصحراء تبحث عن من يأجرها
باغراقها المتعمد لمجتمع المناصير تحاول إدارة سد مروي تغطية فضيحة 9 الف منزل بنتهم في الصحرا باموال الشعب السوداني دون أن تستشير المناصير. اصبحت هذه المنازل تقبع خاليه في الصحراء لا تعرف إدارة السد ماذا تفعل بها.
تقع هذه المنازل في مشروعين:
1) مشروع المكابراب
2) مشروع الفداء الصحرواي
1) مشروع المكابراب
يقع المشروع شرق مدينة الدامر في صحراء البطانه حوالي 40 كيلو من نهر النيل. التربه عقيمه وكانت احدي مؤسسات الاستثمار العربي في السودان قد درسته في عام 1978 وقررت بأن ارضه مجدبه ولا تصلح لانتاج اي محصول ومن ثم صرفت النظر عنه. ارض المشروع كانت مكانا لدفن مخلفات الصرف الصحي الي وقت قريب. ولذلك يتكاثر الذباب بالمنطقه بصوره غير عاديه.
مياه الشرب مالحه ولا تصلح للاستهلاك الادمي وتختلط ايضا ببقايا مياه الصرف الصحي، وبلغ من تفاقم هذه المشكله انها تأثر حتي علي المياه في مدينة الدامر وقد طرح هذا الموضوع في الصحف اكثر من مره.
الارض مكان المنازل بالمشروع موضع نزاع بين إدارة السد وولاية نهر النيل من جهه وبين ملاك الارض من الجعليين الشعديناب... لم يتم التوصل لحل حتي الان
شيدت إدارة سد مروي اكثر من 6 الف وحده سكنيه تتفاوت مساحاتها . هاجر للمشروع حوالي 700 اسره فقط. هنالك حوالي 5300 منزل فارغه.
تقول إدارة سد مروي إن المشروع كلف حوالي 40 مليون دولار... ويبدوا ان الرقم غير منطقيا بالنظر الي عدد المنازل (6 الف) بجانب استصلاح 60 الف فدان كما يقول موقع إدارة السد. ويبدوا ان الرقم مقصود به فقط تكلفة المشروع الزراعي ولم تعلن إدارة السد كم كلف تشييد 6 الف منزل. إلا انه من المعلوم ان إدارة سد مروي تحسب تكاليف المنازل في امري الجديده و الحماداب الجديده بحوالي 35 مليون جنيه ( 5ر17) الف دولار.. وللحصول علي تكلفه تقريبيه لهذه المنازل فتصبح ( 5ر17 مضروبه في 6000) تساوي 105 مليون دولار يضاف الي ذلك تكلفة المشروع الزراعي تصبح التكلفه حوالي 145 مليون دولار، هذا بالطبع بجانب تكاليف المباني الاداريه والخدمات ( مدارس وخلافها) والاشراف وغيره ( غير معلنه).. ولكننا نقتصر هنا فقط علي التلكفه المشار اليها. وكنتيجه مباشره لعدم استشارة المواطنيين.. كلف اعادة توطين 750 اسره مبلغ 145 مليون دولار بواقع 193333 دولار مقابل الاسره... كل ذلك وإلاعلام الرسمي يتحدث عن النجاح الغير مسبوق لادارة سد مروي. وليت الامر ينتهي هنا... هنالك مشروع اخر فضيحته اكبر وهو مشروع الفداء الصحراوي او ما تسميه إدارة السد بمشروع ( الكحيله شرق).
2) مشروع الفداء
شيدت إدارة سد مروي حوالي اربعه الف منزل في صحراء النوبه حوالي اربعين كيلومتر شمال مدينة أبوحمد. تم حتي الان تهجير حوالي 130 اسره فقط وتظل باقي المنازل فارغه. سبق وان اعلنت إدارة السد ان المشروع يكلف حوالي 135 مليون دولار.
عليه تصبح تكاليف اعادة توطين 130 اسره 135 مليون دولار. وكان الاتفاق بين المناصير وحكومة ولايه نهر النيل قد نص علي عدم بدء العمل في المشروع الي حين التأكد من عدد الراغبين في الهجره له. إلا أن ادارة سد مروي ضربت بالاتفاق عرض الحائط ومضت في تنفيذ المشروع.
عليه يصبح متوسط تكلفة اعادة توطين الاسره حوالي مليون دولار641ر038ر1).
يحدث هذا المستوي من تبديد للمال العام في الصحاري.. ولا احد ييهتم ولا احد حاسب، تري من هو المسؤل عن كل هذا والاحزاب والفعاليات السياسيه تغط في نوم عميق وكأن الديون التي تتراكم علي البلاد لا تهمها.
يبقي الان ان هنالك حوالي 9 الف منزل بمساحات مختلفه في الصحراء تقول بعض المصادر المقربه من إدارة السد أنها تفكر في ايجارها لمن يرغب.
|
|
Post: #56
Title: Re: كهربــــاء سـد مــروي.......(((جـــنى النديــهة)))
Author: عمار محمد ادم
Date: 10-28-2009, 01:45 PM
Parent: #55
جنى النجيهة مش النديهة اى والله نجهوا ينجهم الله.
|
Post: #57
Title: Re: كهربــــاء سـد مــروي.......(((جـــنى النديــهة)))
Author: شمائل النور
Date: 10-28-2009, 03:06 PM
Parent: #55
عبد الواحد
شكرا ع المعلومات المهمة ،
| Quote: يبقي الان ان هنالك حوالي 9 الف منزل بمساحات مختلفه في الصحراء تقول بعض المصادر المقربه من إدارة السد أنها تفكر في ايجارها لمن يرغب. |
|
|