عيييييك .. مكى إبراهيم مكى .. ول جدى السلطان على دينار .. البشارة جاتك!

ما ح أقول حتى يأتى مكى ..

بريمة

فى منبر مجاور .. كتب شقيق مكى .. الدكتور أبراهيم .. مبتدءاً حديثه قائلاً: لقد صرح مكى إبراهيم مكى قائلاً ...

.....

دى زى رواية عرس الزين .. ألحقوا يا ناس الزين عرس .. !!

مكى بقى يطلق التصريحات تلو الأخرى .. هلا هلا ول جدى السلطان.

بريمة

طبعاً مكى هو سليل العمدة إبراهيم .. وأنا البقارى بريمة جدى على دينار سليل سليمان سولونج (سليمان العربى) ..
وكما ذكر مكى فى روايته الرائعة عن جدى على دينار قائلاً أن جده لوالده .. جد مكى .. تزوج والدة السلطان على دينار بعد وفاة والد على دينار .. وترعرع على دينار فى داخل أسرتهم .. وقد أحسنوا تربيته.


صدقونى دا ما الموضوع .. لكن خفشات ساكت ..

بريمة

أتذكر تماماً قبل رمضان العام الماضى .. ليس رمضان المضى .. صرح مكى بأنه سوف يقوم على رأس قافلة لإغاثة أطفال دارفور فى المعسكرات .. وقد حملت القافلة كونتينارات ملئية بملابس ملة إبراهيمية معروفة .. ولعبهم .. هدية لأطفال دارفور ..

سافر مكى مع القافلة وقد مضى عليه أكثر من شهرين حتى عاد .. أو ربما يكون أختفى مكى وظهر ..

لم يقل مكى أى شيئ عن سير الرحلة وما قدمت .. يعنى تصريح القافلة راح شمار فى مرقة.


وبرضوا دا ما الموضوع ..

بريمة

حقيقة مع أن مكى دواسنى أكثر من أىّ إنسان أخر هنا فى المنبر بخصوص قضية دارفور .. على خلفية إنقسامنا إلى متمردين وغير متمردين .. وما شابهها من المترادفات .. ووصل به حتى وصفنى بالمهووس والمريض النفسى بوهم العروبة .. إلا إننى لا أخفى أعجابى بمكى فى مواقع كثيرة ..

على أقلها معافرته لحاجات هو لا يقدر عليها بعامل سنه ..

بريمة

أها يا مكى البشارة جاتك ..

بكرى سوى ليك مكتبه .. وإن شاء الله تملاها دراب ولا تراب .. المهم لازم ترمى فيها حاجة.



وتهانيا ..

العقبة لأخووووى ود الطالب .. القوقلى .. الما عندو ضهر.

بريمة

ولا أخفى عليك سراً .. أنا مكتبتك دى حاقص ليها من حسى .. وأنا دائماً متابع مكاتب الدفارات .. وناس الدراب .. وما شابههم .. لأنهم بفكوا حاجات لا تخرج من حكيم .. !

دى تسمى ضربة إستباقية .. عشان ما تردم لينا فى المكتبة .. هوووووا ذى بتاع تراجى مصطفى .. ويجى إنسان يقول مكى صرح .. أنت بقيت مسئول .

بريمة

والأهم من دا كله بينى وبين مكى نزاع .. أشبه بالورثة .. أو قل نزاع ملكية .. ومع بشارتى لك أرجو أن تصرف النظر عن الموضوع الأهم .. أو تجد لى الحق معاك فيه ..

وهنا رأس الخيط لمن فاته المولد:

Quote: وأنا البقارى بريمة جدى على دينار سليل سليمان سولونج (سليمان العربى) ..

وأنا منتظرك ..

بريمة

Quote: وأنا دائماً متابع مكاتب الدفارات .. وناس الدراب .. وما شابههم .. لأنهم بفكوا حاجات لا تخرج من حكيم .. !

والله يا بريمة مافي زول بتاع درّاب اكتر منك !

الما معروف سند

Quote: والله يا بريمة مافي زول بتاع درّاب اكتر منك !

ما فاهم حاجة من درابك دا ..

أفصح يا أخ العرب.

بريمة

بالواضح .. لن يكن على دينار سليل سليمان سولونج غير عربى بعد اليوم .. وسوف يعاد كتابة تأريخيه .. وكتابة تأريخ سلطنات دارفور ..


وهلم إلىّ يا جعفر التجانى .. ومكى كمان ..

بريمة

بريمة محمد آدم

ياخ ما تتضايق

كلامي واضح ,

انت رب الدراب,

ما فتحت خشمك الاّ وتساقط علينا درر من الدرّاب

وما عليناالاّ الانطراب

انت تجسيد حي للتعبير السوداني الشهير

(راميهو جمل)

أنت راميك جمل أعلى قامة من المعتاد

معروف

Quote: بريمة محمد آدم ياخ ما تتضايق كلامي واضح , انت رب الدراب, ما فتحت خشمك الاّ وتساقط علينا درر من الدرّاب وما عليناالاّ الانطراب

لا قدر الله .. أنت برضو مدعى أنو على دينار جدك ولا شنو؟

كدى نورنا .. عشان نحسم أمرك قبل الجماعة ما يجو .. ناس الوجعة.


بريمة

Quote: لا قدر الله .. أنت برضو مدعى أنو على دينار جدك ولا شنو؟ كدى نورنا .. عشان نحسم أمرك قبل الجماعة ما يجو .. ناس الوجعة.

مش قلت ليك انت واقع من جمل يصفه أقرانه بالطول!

انت واقع من جمل وصادفك قالب طوب سناري

معروف
ذاكر البوست التالى جيداً من مكتبتى العامرة بإذن ربها .. ثم تعال .. للعصر ..

الفور عرب: دراسة علمية تقول أن الفور يحملون الجينات العروبة

بريمة

معروف

Quote: انت واقع من جمل وصادفك قالب طوب سناري

أنا شبكتى فى جدى على دينار لو جات الدنيا كلها مافى زول يحلنى إلا دكتور طراوة .. وبرضو عندى معه صراع جامد.

بريمة

يا معروف
هل يعقل فى الدنيا كلها أن الجمل يقوده من ضنبه !!!!!!!!!!!!!!!!!
الراجل جده عربى .. البخلى الفور يقلعوه مننا شنو؟ .. يعنى ول أختهم يتبنوه ويصير حقهم ..

لا يمكن .. والأسلام قال أنسبوهم إلى أباءهم ..

على دينار وأجداده فى الأصل عرب ..

بريمة

بريمة.

عبابير نص الاسبوع دي ح تجيب أجلك.

دينق

Quote: بريمة. عبابير نص الاسبوع دي ح تجيب أجلك.

أنت طبعاً حريف فى الشغلة .. تخليها نهاية الأسبوع .. يا جدع (كلى) أمشى صحى صحبك الكرمبا .. شوف حالتو كيف!


بريمة

****

بريمة

يعني أنت عشان تبقى عربي لازم تحول قبيلة كاملة لقبيلة عربية!



طيب خلاص
الفور يمانية/ جهينية

خلاص يلا أرجعوا بلدكم

يسعى مسلوبى الهوية دائما الى تبنى هوية اسيادهم و لاسباب غالبا ما تكون محزنة جدا. المشكلة انهم يحاولوا إتساخ الجميع بمرضهم اللعين.

Quote: وكتابة تأريخ سلطنات دارفور

انت اتخرجت من الاساس ولا متوسظة

واحد من الاثنين بحدد تاريخ السودان

Quote: المهم لازم ترمى فيها حاجة.

رميت ليك شري قندول وقتاب

Quote: على أقلها معافرته لحاجات هو لا يقدر عليها بعامل سنه ..

العيب فينا يابريمة

نحكي مشاكل البيت للعامة

ومن الافضل ننادي باسم السودان ودارفور خاصة

او كما قال الشاعر:
نعيب زماننا والعيب فينا*** وما لزماننا عيبُُ سوانا

Quote: صرح مكى بأنه سوف يقوم على رأس قافلة لإغاثة أطفال دارفور فى المعسكرات .. وقد حملت القافلة كونتينارات ملئية بملابس ملة إبراهيمية معروفة .. ولعبهم .. هدية لأطفال دارفور ..

كويس المكي صرح بانه سوف يسير قافلة لإغاثة

طيب انت حقتك وين

وليس دفاعا عن مكي لكن الخقيقة نقولوا

وانت معترف بتحميل القافلة كونتينارات

بس ملة ابراهيم ما مفهومة (وضح......)

Quote: سليمان سولونج

يا بريمة ما تعلب بالنار

سليمان سولونج :ما من البقارة

الاصل تونسي

وجاء اتزوج من كيرا

عشان لسان اهلنا الفور رطانة
بدل ما يقولوا خيرا قالوا(كيرا)

يعني بدل خين كاف

نواصل
فى بوست مخصص من هو سليمان سولونج ؟

Quote: مكى بقى يطلق التصريحات تلو الأخرى .. هلا هلا ول جدى السلطان.

من انت يابريمة

عرفنا مكي جدو السلطان

انت جدك منو

والدليل العندك شنؤ

ذواليد
يا أخى قول بسم الله .. أنا وأنت مش أصحاب ..

الموضوع دخل ليك فى اللحم الحى ولا شنو .. هون على نفسك شوية.

ما سمعت الهبانية يقولون .. عن برام الكلكة .. الحديبة أم الديار .. قالوا البلاد تلاته هى مكة وتونس الخضراء والكلكة أم الديار العزاها الله ..

فسر لى إقتران إسم الكلكة بتونس ..

معروف أن البقارة تعود جذورهم إلى بنى هلال فى تونس ..

وهنا أحد هدايين المسيرية يقول:

أنا بمثل ليكم من زمن ساداتى ..
من زمن أبو زيد الهلالى ..
سبعة يوم بحشى حشى .. (يقصد الخريف)
وسبعة يوم يدقدق ما بجى
وسبعة يوم السخو يلبد الجداده ويرقد الجدى ..

هى قال لى دلاهن كردفان بدرى .. (يقصد البقر)
وسبق ليهن من الحمى والجقيل والطاعون والجدرى ..
وخلاهن ينكسن من المضمون والحولى والجدع والتنى .. (من سنون الأبقار)


لماذا يذكر هداى المسيرية أبوزيد الهلالى .. ويقول عنه إنه إحد ساداته .. الذين يفتخر بهم.


ذو اليد .. أنا قلت إلا دكتور طراوة يصارعنى فى الموضوع دا ..

أبعد يا زول ..

بريمة

خليك من أجدانا العرب الذين أسسوا السلطنة والقبائل الأفريقية سرقت الشرف ..

نأتى ليك أنتم الزغاوة من تكونون؟

الزغاوة أنتم ذاتكم عرب .. ومعروف أنكم عرب حمير .. أصل العروبة

وكانت ديانتكم اليهودية .. يعنى أهل توحيد قبل عرب كنعان ..
ولذلك حينما نزل الأسلام على ملة إسماعيل .. قلتم إنكم أهل كتاب ..

وخرجتم من جزيرة العرب إلى فلسطين ثم إلى شمال أفريقيا فى القرن الأول الميلادى ..

فتش لى عن أجداد الزغاوة قبل القرن الأول الميلادى فى أفريقيا ..

أنا قلت الكلام دا من قبل ومازلت مصر من يأتى بمصادر تثبت أفريقية الزغاوة قبل القرن الأول الميلادى .. له منى هدية معتبرة.


أها تقول شنو ..

نحن قاعدين ناس بشاشا عايزين يسرقوا أهلنا لكى يكشفوا ظهرنا ..

من هنا فصاعداً نحن ظهير للفور وللزغاوة العرب.

بريمة

كوستا
ماتغلط ..

Quote: يعني أنت عشان تبقى عربي لازم تحول قبيلة كاملة لقبيلة عربية!

.. هم عرب من الأساس ...
ما قرأت البوست الذى أرفقته .. أن الدماء العربية فى الفور أكثر من الدماء العربية فينا نحن الحوازمة والمسيرية.


بريمة

Quote: يا أخى قول بسم الله

قلت بسم الله والحمدلله رب العالمين

Quote: أنا وأنت مش أصحاب ..

نعم اصحاب واخوان واصدقاء

لكن الاحترام اولا

Quote: ما سمعت الهبانية يقولون .. عن برام الكلكة

ديار العمدة الفيها الرز والقدح الكبير الما بنز والنقارة البقول دس
مرحب بالهبانية

Quote: ذو اليد .. أنا قلت إلا دكتور طراوة يصارعنى فى الموضوع دا

نعم:
لكن دكتور طراوة بطلع منو

هل هو شخصية بهلوانية ام اسفيرية؟

اذا كان الاثنين معا فالتاريخ فى السودان حزين

والجغرافية ايضا حزينة

اما خروجي من الموضوع دا

مافي طريقة

فالاهداف عندي واحدة

والرؤئة واضحة

اما يصارعك طرواة دي اكبر مشكلة

او بكون درس ثامنة اساس

وزي ما قلت ليك

حافظ على تاريخك بدون تزيف

ومكي اكيد ليه الحق

ونسأل من الله لك الهداية

امييييييييييييييييين

******

بريمة