Post: #1 Title: الـلـوتـري 2011 ... مـرحـبـا بالـجـمـيـع Author: الخير محمد عوض Date: 10-02-2009, 01:07 AM Parent: #0
تحـياتي
وكـامـل الامنيات للجـمـيع اعـضـاء وقـراء
Quote: The online entry registration period for the DV-2011 Diversity Visa lottery is between noon, Eastern Daylight Time (EDT) (GMT-4), Friday, October 2, 2009, and noon, Eastern Standard Time (EST) (GMT-5), Monday, November 30, 2009. Review the DV-2011 Instructions and this webpage
.
ظـهـيرة الجـمـعـة الثـاني من اكـتوبـر لهـذا العـام سـتنـطلـق صـافـرة البـدايــة
Post: #2 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 10-02-2009, 01:23 AM Parent: #1
طبعا منتظر البوست ده لي سنة السنة الفاتت اتداخلت في البوست وانتظرت طريقة التقديم حتي انتهت المدة. المرة دي عاوز ابداء من الليلة ويني المطلوب شنو وانا جاهز علما بان الاسرة مقيمة معي بالدوحة وكلهم في جواز امهم..... هل الشهادات الدراسية والخبرات مطلوبة عشان اعمل ليها اسكانر......؟ هل مطلوب صور للابناء ......؟ هل اقدم طلب باسمي واخر باسم زوجتي ام الاتنين في واحد.....؟ اسئلة كثيرة تحتاج اجابة ارجو التوضيح
لك ودي
Post: #9 Title: Re: الـلـوتـري 2011 ... مـرحـبـا بالـجـمـيـع Author: ناذر محمد الخليفة Date: 10-02-2009, 08:29 AM Parent: #8
اخيييييييييرا ظهرت ياالخير !! أنا قلت الزول دا ما من عوايدو ..!!
أها ... الشروط بتاعت التقديم هي نفسها الفاتت ولا إتغيرت ؟!!
Post: #10 Title: Re: الـلـوتـري 2011 ... مـرحـبـا بالـجـمـيـع Author: احمد التجانى احمد Date: 10-02-2009, 09:37 AM Parent: #9
الخير يا وجه الخير السنة دى نحن ناسك تب تاريخى مع التقديم للوترى قديييييم ودايما عامل زول مفتح وبعرف للحاجات دى لكن خلاص نو مور ح نتابع معاك
Post: #11 Title: Re: الـلـوتـري 2011 ... مـرحـبـا بالـجـمـيـع Author: جعفر محي الدين Date: 10-02-2009, 09:47 AM Parent: #10
سلام يا الخير عايزين يا جماعة الخير الرابط الرسمي حق الحكومة
Post: #12 Title: Re: الـلـوتـري 2011 ... مـرحـبـا بالـجـمـيـع Author: انعام حيمورة Date: 10-02-2009, 10:12 AM Parent: #11
الخير الخير
كل سنة وانت طيب
اها انا المرة دي عايزة اقدم ..
ياربي بطلع محظووظة
Post: #13 Title: Re: الـلـوتـري 2011 ... مـرحـبـا بالـجـمـيـع Author: محمد حيدر Date: 10-02-2009, 11:28 AM Parent: #12
أنا والله رجعت من أمريكا لي 4 يوم والله البلد فاضية وصقيعه وتشيل ملايين وما تتملي..
يازول أمانا ما بيوتكم كبيره حدادي مدادي .. وناسكم حلوين وطيبين يبتسموا ويضحكوا سااااااااي وكان شافوك ضاحك الكل يشاغلك..
انا ناوي أسيب بيت الكبريت القاعد فيه ده ومن دربي ده معاك!! لوتري لوتري .. غرامه غرامه ومحل رهيفه التنقد..
كل الامنيات للمقدمين وأولهم ناذر عشان يسمع الغنى الهابط في مربط الهيب هوب
مودتي عبدالعزيز خطاب
Post: #16 Title: Re: الـلـوتـري 2011 ... مـرحـبـا بالـجـمـيـع Author: نوفل عبد الرحيم حسن Date: 10-02-2009, 12:49 PM Parent: #14
Quote: أدينا النجيضة يا عمكـ طريقة التقديم بصورة مملة عاوزين نهاجر نسيب البورد دا!
كلنا ود الصائم لكن النجيضه كده لو ربنا سهل من امريكا بنزود العيار علي البورد قال نسيبو قال نحن هسي في فك الاسد ولسانا طويل كان مشينا بلد الحريه ديك لسانا ببقي طول شنو ؟
شكرا الخير
Post: #26 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 10-03-2009, 03:29 AM Parent: #14
ود الصـايم حـبابك ومشـرف البوست والله
تعرف يا ود الصايم كلامك دا ذكرني حوار كدا كان بين د. نجاة وميادة كمال ميادة كانت مسافرة لماليزيا واظنهـا ضـيعت باسويرديهـا هههههههه... نجاة قالت ليهـا فيمـا معناه ( يا بتي اخـير ليك تنجضـي مـوضوع باسويرديك دا مع بكري, قبل ما تجي البلد دي... البلد دي يا بتي بدون باسويرد ما بتنقعـد ههههههههههههههههه.... وانت يا ود الصـايم تجي تقـول لي
Quote: عاوزين نهاجر نسيب البورد دا
اهـا يا ود الصـايم اخـوي النكلمك....البلد دي يااخـوي بدون بورد بكري دا ماااااا بتنقعـد.. ههههههههه
سلمت يا حـبوب
Post: #25 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 10-03-2009, 03:09 AM Parent: #11
Quote: عايزين يا جماعة الخير الرابط الرسمي حق الحكومة
Post: #24 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 10-03-2009, 03:01 AM Parent: #10
Quote: الخير يا وجه الخير السنة دى نحن ناسك تب تاريخى مع التقديم للوترى قديييييم ودايما عامل زول مفتح وبعرف للحاجات دى لكن خلاص نو مور ح نتابع معاك
الاخ الكريم احـمـد التجاني
ارجـو ان يعينني الله لخـدمة الجـميع...ابشـر يا زول
واحترامي
Post: #23 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 10-03-2009, 02:13 AM Parent: #9
Quote: اخيييييييييرا ظهرت ياالخير !! أنا قلت الزول دا ما من عوايدو ..!!
أها ... الشروط بتاعت التقديم هي نفسها الفاتت ولا إتغيرت ؟!!
ابو النـذر يا حـبوب... عساك والاسـرة الكـريمـة بالف خـير
الشـروط يا ابا النذر هـي كما هـي ... لم تتغـير
كـل شي بتغـير يا ناذر.
ديل اصـلو ما بتغـيروا هههههههههههه
سلامي وودي يا صـاحـب
Post: #22 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 10-03-2009, 00:53 AM Parent: #8
هـارون يا دياب كيفنك يا رجـل مـريخابي وجـمـيل الغريبة ياهـارون مـا بفوزوا معاي الا الرشاشات ههههههه ( مواسـم الرضـى الالهـية) . اهـو ربنا وادي حـكمتـو هههههه ولطالما انني - قهـرا- في هـذه الايام الغابرة في مـسيرة مـريخنا العظـيم, قد اضـطررت لتشـجيعـه من وراء حـجـاب وددت العـودة لسـؤالك القائل:
Quote: ويني المطلوب شنو وانا جاهز
المـطلوب يا صـديقي هـو:
المعلومات المطلوبة لكل من يرغب ان اقوم بملئ فورم تقديمه وارساله هي: 1/الاسم: اذا كان رباعي ارجو كتابته كاملا. 2/تاريخ الميلاد: ودا لانه بيحدث فيه كثير من الخلط ارجو ارساله بهذه الطريقة اذا افترضنا انه المتقدم مولود يوم 7 شهر 10 سنة 1975 يقوم يكتبوا لي كدا 7/اكتوبر/1975 ( مهم جدا تكتب الشهر كتابة وليس رقم). 3/ المدينة التي ولد بها مقدم الطلب 4/ البلد التي ولد بها مقدم الطلب 5/الصورة: يجب مراعاة كل ما كتبناه فيما يتعلق بامر الصورة. ( يمكنني ضبط مقاسات الصورة اذا كانت باقي الموصفات صحيحة. 6/العنوان: اذا كان المتقدم بيعرف ليه زول في امريكا فمن الاحسن اخذ عنوان ذلك الشخص واذا كان ما عنده عنوان زول ممكن اقدم ليه عبر عنواني واذا كان يرغب في عنوانه الشخصي برضو ممكن بس لازم يتاكد انه الخدمات البريدية جيدة في المنطقة التي يسكن بها. 7/رقم التلفون 8/عنوان بريده الاليكتروني 9/المؤهل الاكاديمي. 10/حالته الاجتماعية: اذا كان متزوج وله اطفال عليه كتابة بينات زوجته واطفاله ايضا كاملة مثل معلوماته.
هـــــــــــــــــــــــــــــــــــــام
ارجو كتابة هذه البيانات باللغة الانجليزية مثل ما هي موجودة بجوازات السفر او اي مستندات رسمية اخرى. وددت التنبيه لهذه النقطة لاهميتها...مثلا... مقدم الطلب اسمة (محمد) بنلقي انه هذا الاسم يمكن ان يكتب بعدة استهجاءات (Mohamed, Mohammed, Mohamad, Mohammad, Muhamed, Muhammed Mouhamed, Muhammad.......الخ) عشان كدا ضروري بيناتك تكون مطابقة لمستنداتك الرسمية
Post: #27 Title: Re: الـلـوتـري 2011 ... مـرحـبـا بالـجـمـيـع Author: الفاتح سليمان Date: 10-03-2009, 03:35 AM Parent: #22
الاخ الخير شكرا علي التوضيح الضافي نقطة مهمة ذكرتها وواجهت السودانيين السنة دي وهي عندها علاقة بالاسم بالانجليزي
لدي قريبي تعب شديد جدا عشان يحل مشكلة الجواز السوداني الجديد وبعد ما قلنا قصة انو ما مقبول في السفارة الامريكية اشاعة واجهتنا مشكلة كبيرة جدا فيها
وقرب خلاص يفقد الفرصة والسبب انو الجواز الجديد ما مكتوب فيه الاسم بالانجليزي رباعي ظاهريا .
ورفضت السفارة السودانية انها تعمل الافادة وحتي انو السفارة الامريكية قالت انو تطلعوا جواز قديم وخلاس
نتمني انو الناس ما تواجه المشكلة دي لانو في كتير منهم ح يخش في مقابلات السنة 2009 الح تبداء قريب .
الفاتح
Quote: ارجو كتابة هذه البيانات باللغة الانجليزية مثل ما هي موجودة بجوازات السفر او اي مستندات رسمية اخرى. وددت التنبيه لهذه النقطة لاهميتها...مثلا... مقدم الطلب اسمة (محمد) بنلقي انه هذا الاسم يمكن ان يكتب بعدة استهجاءات (Mohamed, Mohammed, Mohamad, Mohammad, Muhamed, Muhammed Mouhamed, Muhammad.......الخ) عشان كدا ضروري بيناتك تكون مطابقة لمستنداتك الرسمية
Post: #33 Title: Re: الـلـوتـري 2011 ... مـرحـبـا بالـجـمـيـع Author: خالد احمد محمد Date: 10-03-2009, 10:57 AM Parent: #32
اخونا الخير .... سلامات السنين الفاتت دى كل مااجى اقدم لللوترى يحصل عارض .... لكن المرة دى شجعتنا بالمعلومات المهمة دى ... وربنا يسهل ونكون من المحظوظين ... بس ياريت لو تدينا فكرة حقيقية عن الوضع اللى بيعيشوه الناس اللى هاجرو لامريكا السنين اللى راحت ....
Post: #34 Title: Re: الـلـوتـري 2011 ... مـرحـبـا بالـجـمـيـع Author: طارق أحمد عثمان Date: 10-03-2009, 11:05 AM Parent: #33
شكرا اخ الخير محمد عوض وكتر خيرك
هل الفئة العمرية عامل مهم من عوامل الفوز باللوتري؟
ولو أختلف العمر بين الجواز وشهادة التسنين كيف الحل؟
هل الفئة العمرية عامل مهم من عوامل الفوز باللوتري؟
اذا كان لديك اطفال دون الواحدة والعشرين فيجب عليك تضمينهم في فورم التقديم وغير ذلك يجب ان يقدم في طلب منفصل...ولا توجد اي مشكلة تتعلق بالفئة العمرية...اي انسان ممكن يقدم, بغض النظر عن كم هـو عمره. اما بالنسبة لسؤالك عن
Quote: ولو أختلف العمر بين الجواز وشهادة التسنين كيف الحل؟
فقد اجبت عليه في احدى المداخلات السابقة ارجو العودة اليها بتمهـل وستجد فيها الافادة.
Quote: السنين الفاتت دى كل مااجى اقدم لللوترى يحصل عارض .... لكن المرة دى شجعتنا بالمعلومات المهمة دى ... وربنا يسهل ونكون من المحظوظين
الاخ خالد احمد محمد
اتمنى ان يحالفك الحظ في هذه المرة واتمنى ان تقوم بمراجعة هذا الخيط جيدا عله يعينك على ايضاح بعض الامور الهامة التى لا نوليها كثير اهتمام وغالبا ما تكون سببا في رفض طلب التقديم.
تقريبا تم اختيار 102800 من جملة 13.6 مليون طلب تم تقديمها, و تبلغ جملة الفرص 55 الف فرصة تم تقليصها الى 50 الف بعد قرار الكونقرس فى نوفمبر لعام 1997. و تمنح 5 الاف لبرنامج NACARA لمواطنى نيكاراجوا.
يسعـدني يا انعام ان اقدم لك اي مساعدة قد تحتاجينها في موضـوع التقديم للوتري هذا العام....فقط عليك بارسال البيانات المطلوبة مشفوعة ببشريات من الحظ وفيرة.
اخونا محمد حيدر تشكراتي يارجل لجلبك هذا الرابط الاكثر اهمية...سلمت.
العزيز عبدالعزيز خطاب سلامات يا حبوب
Quote: انا ناوي أسيب بيت الكبريت القاعد فيه ده ومن دربي ده معاك!! لوتري لوتري .. غرامه غرامه ومحل رهيفه التنقد..
كل الامنيات للمقدمين وأولهم ناذر عشان يسمع الغنى الهابط في مربط الهيب هوب
يشرفني ان امد لك يد العون في هذا الشأن... اما اخانا ناذرو هو بس الليفوز لنشندفن
اذانه باجود ما جادت به قريحة ( اسنوبي دوق ) ولكونن به من المحتفين ..ههههههه. ودي.
الاخ نوفل عبد الرحيم....تشكر يا حبوب علي المرور.
الاخ الفاتح سليمان تشكراتي يا اخي للفت نظري لهـذه الجزئية الهامـة وهي مسـألة عدم مطابقة الاسم للكيفية التي كتب بهـا في الجواز.....وهنا يا اخي بالاضافة لهذه المعلومة :
Quote: ارجو كتابة هذه البيانات باللغة الانجليزية مثل ما هي موجودة بجوازات السفر او اي مستندات رسمية اخرى. وددت التنبيه لهذه النقطة لاهميتها...مثلا... مقدم الطلب اسمة (محمد) بنلقي انه هذا الاسم يمكن ان يكتب بعدة استهجاءات (Mohamed, Mohammed, Mohamad, Mohammad, Muhamed, Muhammed Mouhamed, Muhammad.......الخ) عشان كدا ضروري بيناتك تكون مطابقة لمستنداتك الرسمية
اود ايضـا اضافة معلومة اخرى وهـي:
نجد انه بعض المتقدمين لديهم اختلافات في الطريقة التي كتبت بهـا اسمائهم او تواريخ ميلادهم في الجواز عن الطريقة التي كتبت بها في شهـادات الميلاد. في الحالة انصح بان يقوم المتقدم اولا وقبل كل شيئ بان يحاول من التأكد من معالجة الامر قبل الشروع في التقديم حتى لا تحدث له كثير من التعقيدات لاحقا والتي قد تكون سببا قويا لرفض طلب القبول بعد الفوز... وهذا لعمري مصاب جلل..ههههههههههههه.
Post: #41 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 10-04-2009, 01:21 AM Parent: #40
الســــؤال رقم واحـــــد
وهو (الاسم) وبتقسم لتلاتة اقسام A, B, C
الاسم الاخير او اسم العائلة الاسم الاول الاسم الاوسط هذا السؤال يبدو بسيطا ولكن كثير من المتقدمين بيقعوا في خطا عن طريق الاستعجال فيكتب اسمه بالطريقة التي درجنا علي استعمالها في اللغة العربية وهي ان يبدا الاسم باسم المتقدم ثم اسم والده ثم اسم جده ثم اسم ابو جده ...وهكذا....ارجو ان ينتبه المتقدم ان يبدا باسمـه الاخير(اسم العائلة)في الخانة A ثم يقوم بتعبئة اسمه في الخانة B ثم بعد ذلك اسم والده في الخانة C.
تعقيب هام بالنسبة لينا كسودانيين يجب ان ننتبه لمسالة هامة وهي دايما الاسم بكون رباعي في جوازاتنا عليه يجب ان يكون اسم العائلة هو الاسم الاخير واسمك الاول كما هو كما يمكنك ان تعبي في خانة اسمك الاوسط اسم والدك وجدك سويا.... مثلا زول اسمه ( احمد عبدالله خالد عمر) بيكتب في خانة الاسم الاخير او اسم العائلة: عـمـر الاسم الاول : احمد الاسم الاوسط : عبد الله خالد
نقطة اخيرة
يجب ان ينتبه المتقدم لضرورة كتابة اسمه( بالاسبيلنق) الصحيح وعدم الاستعجال في ذلك ويفضل ان تملا جميع البيانات بالحروف الكبيرة في اللغة الانجليزية( كابيتال ليترز)
Post: #42 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 10-04-2009, 01:45 AM Parent: #41
.. . سلام يا الخير المره دى جبت معلومه جديدة يا شباب كدا بغالطونا فى النقطة دى ..
Quote: تعقيب هام بالنسبة لينا كسودانيين يجب ان ننتبه لمسالة هامة وهي دايما الاسم بكون رباعي في جوازاتنا عليه يجب ان يكون اسم العائلة هو الاسم الاخير واسمك الاول كما هو كما يمكنك ان تعبي في خانة اسمك الاوسط اسم والدك وجدك سويا.... مثلا زول اسمه ( احمد عبدالله خالد عمر) بيكتب في خانة الاسم الاخير او اسم العائلة: عـمـر الاسم الاول : احمد الاسم الاوسط : عبد الله خالد
ريحتنى شديد والله دى بنتغالط لينا فيها سنتين !!
_________
يا دانيا تعالى بهنا انا IP بتاع السودان زاتوو بقت ما بثق فيهو .. الواحد لازم يقدم من داخل الحدود
غايتو 2011 ما يزبط دينق دا الا امشى ليهو فى الكويت
في محاضرة عن ال self esteem قدمها نائب الرئيس الأمريكي الأسبق السيد آل جور في أريزونا عام 2006 ذكر فيها بعض الحقائق الهامة تمس الدراسات السكانية و الموارد الطبيعية الأمريكية :
- إن مساحة أميركا الكلية بالنسبة ألى السكان تسع إلى بليون و مئتي مليون نسمة .. عدد سكان إميركا الحالي هو 280 مليون نسمة حسب إحصاء عام 2004. - بالرغم من ذلك فإن المساحات الخالية تعتبر مساحات إستراتيجية تملأ بناءآ على خطط محددة تراعي نسبة النمو الداخلى للسكان و سياسات الهجرة و التنوع. - بالرغم من مرور 230 عامآ على قيام الولايات المتحدة ألى أن المستغل من المساحة و الموارد الطبيعية لا يتجاوز أل 25% من جملة الإقتصاد الكلي وقال أن المخزون ترك لمواجهة التوسع للأجيال القادمة لأن المنتوج لحالي يكفي و بإحتياطي مالي كبير للمئة عام القادمة. - يقول بأن أميركا ستظل القوة الإقتصادية الأولى في العالم و على مدى المئتين عام القادمة .. أمسكوا الخشب .. - قال أنه يتحدى كل دول العالم أن يكون لديها مخزون إستراتيجي من الموارد الطبيعية و المالية. - كل المياه و الأنهار و المحيطات و الموارد الطبيعية في أميركا تتبع لوزارة الدفاع البانتجون. مافي هظار .. يعني تهبش إي خور جارية فيهو موية حيكون عندك مشكلة مع الجيش و الأمن و المخابرات وال إف بي آي.
Post: #54 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 10-07-2009, 00:08 AM Parent: #53
الاخـوات والاخـوان زوار البوسـت
اشـكر لكـم طيب كلمـاتكم وحسـن ظـنكـم في شـخصي
وعذري ان لم اتمـكن من الرد لكل متداخـل على حدة
وذلك مرجعـه عدم امتلاكـي لكيبورد عـربي ... عليه
ستكـون ردودي ( كسولة) بعض الشيئ ..ارجـو قبول
اعتـذاري لحـين ايجـاد حـل اتوقعـه في اتون الايام
القادمـة باذن الله... ولأنه توجـد كثير من التسـاؤلات
الهـامـة والتي تحـتاج الي ايضـاحات, اتمنـي ان اوفق
في اجلائهـا بصـورة واضـحة...
ودمتم
Post: #55 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 10-07-2009, 02:18 AM Parent: #54
الـســؤال رقم سـبـعة (7)
الـصـورة
الصـورة كما ذكرنا انفا هي من اكثر الاشياء التي تتسبب في قبول او رفض طلب التقديم بل هي السبب الرئيسـي في ذلك, لذلك قررنا ان نفرد لها مجال اكبر في كيفية ضبط مقاساتها والتاكد من جودتها قبل القيام بعملية ارسال الفورم. يلا نبدأ خطوة خطوة
في البدء كدي الندخل هنا ونتعاين الصور الموجودة في الرابط دا:
بنلقى انه موجود العديد من النماذج لكيفية الصور الجيدة وبعض النماذج للصور الغير جيدة طيب اول حاجة ممكن نفكر فيها هي المقاسات.... المقاسات المطلوبة للصورة هي 600 بكسل في 600 بكسل ودي نقطة هامة هامة هامة شديد لانه السنين الفاتت المقاسات كانت 300 بكسل في 300 بكسل والسنة دي اتغيرت عليه يجب ان ينتبه الناس لهذا....الشيئ التاني المفروض الناس تنتبه ليه هو انه في موقع التقديم في ايقونة مخصـصـة لاختبار صلاحية الصور, هذه الايقونة بتختبر المقاسات فقط المقاسات فقط ولا تختبر الاشـياء الاخرى مثل ( خلفية الصورة-درجة الوضوح في الصورة-الضلال-....الخ) عليه لا يجب الاعتماد علي هذه الايقونة كليا لمراجعة صلاحية الصور لانها زي ما قلنا بتراجع المقاسات فقط....طيب في حتة تانية مهمة كنت اتكلمت عنها في بوست سابق سانقلها لكم كما هي وهي:
دائما ما تكون الصورة سبب للرفض وبما اننا فتحنا باب الصورة فحا ابدأ بشيئ بسيط جـدا والشرط دا خاتنو وما ظاهر لكتير من الناس او الناس بتمر عليهو باعتبار انو ما شرط مهم وهو يجب ان تكون ملامحك طبيعية في الصورة ( اي ابتسامـة بتقوم قطرك) يعني ما تبتسم خالص ولا تظهر سنونك... دي حاجة الحاجة التانية طبعا زي ما هو معروف انو لازم لون الخلفية يكون لون محايد ويفضل اللون الابيض بس كمان ما ممكن الخلفية يكون لونها ابيض وتكون انت لابس ابيض كمان- دا طبعا بيخفي ملامح الكتف ودي حاجة ما دايرنها. ديل نقطتين هامتين يجب علي المتقدم مراعاتهما
Post: #56 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 10-07-2009, 07:32 AM Parent: #55
الـســؤال رقـم اثنين (2) وهو تاريخ الميلاد.... كثير من المتقدمين بيتسائلوا عن ماهية كتابة تواريخ ميلادهم وفقا لشهادات تسنينهم. وديل طبعا اصلا ما بكون عندهم شهادات ميلاد..الشيئ الدايرين ناكد عليهو هو انو شهادات التسنين دي شهادات مقبولة تماما لدي السلطات الامريكية طالما انها طالعة من جهة حكومية ورسمية بها الختم والتوقيع... عليه مافي زول يشيل هم اذا كان عنده شهادة تسنين ممكن يكتب في طلب القبول نفس تاريخ تسنينو دا وما بتجيهو عوجة..بس.. لازم كمان يكون تاريخ التسنين متطابق مع ماهو مكتوب في جواز سفره.
معلومة هامة
لاحظت ان بعض الجوازات السودانية ما بكونوا كاتبين فيها تاريخ الميلاد كاملا... يعني ما بيكتبوا اليوم والشهر والسنة...تلقاهم كاتبين سنة الميلاد بس. طيب في الحالة دي المتقدم لازم يكتب في طلب التقديم تاريخ ميلاده وفقا لشهادة ميلادوه عشان لو فاز في المعاينة حا يطلبوا منه احضار شهادة ميلاده...دي نقطة هامة لازم ننتبه ليها.
الـســؤال الـثـامــن (8) كتابة الـعنوان...اهمية السؤال دا بتتمثل في انه العنوان البتكتبوا هنا دا, هو العنوان الحا يرسلوا ليك بيه اذا فزت... عشان كدا لازم يكون مظبوط وسليم مية المية.. للاسف في ناس كتار بيتعبو ويعملوا بيناتهم كلها صحيحية وصورهم تمام التمام وتقديمهم بكون صحيح ويفوزوا كمان, بس لان عنوانهم ما كان سليم, بيضع علي نفسوا الفرصة بل برضوا بيضيعها علي غيره..لانه فرصته دي كان ممكن تمشي لغيره.... العنوان دا مهم شديد جدا.
طيب...نجي للشرح المفصل في كيفية ملئ بيانات العنوان. ننتبه لانه السؤال الثامن دا بينقسم الي:
8a. In Care Of 8b. Adress Line 1 8c. Adress Line 2 8d. City/Tow 8e.District/county/Province/State 8f. Postal Code/Zip Code 8g.Country الجز الاول: ودا بيلجأ ليه معظم من لا يثق في الخدمات البريدية في المنطقة التي يسكن بها او ليس لديه عنوان ثابت...معظم الناس بيقوموا بستعملوا عناوين ناس تانيين لهم بهم معرفة, وانا انصح دايما بان يستخدم المتقدم عنوان شخص بيعرفه في امريكا لانه الخدمات البريدية هنا ممتازة وخطاب فوزك اذا يسر لك ان تفوز لن يضيع ابدا....اها هنا في الجزء دا بتكتب اسم هذا الشخص الذي ستستعمل عنوانه. واذا كنت لا تريد ان تستخدم عنوان اي شخص ولديك ثقة في الخدمات البريدية في المكان الذي تسكن فيه فيمكنك كتابة اسمك انت وتكملة بيانات عنوانك. اما اذا استعملت عنوان غيرك فلازم تكتب عنوان الزول الغيرك دا كاملا الجزء الثاني والثالث: ودا اسم الشارع ورقمه ورقم المنزل الجزء الرابع: اسم المدينة الجزء الخامس:اسم المحافظة اوالمقاطعة او المديرية او الولاية الجزء السادس: الرقم او الرمز البريدي الجزء التاسع:اسم البلد
اود ان انصح بان يستخدم المتقدم عنوان شخص بيعرفة بامريكا فهي الاكثر ضمانا حتى لا يضيع مظروف فوزك اذا قدر لك الفوز.
Thank God, eventually i will be abe to respond to all of you, i have just received my new Arabi Keyboard. all what i need to do is to install it and hence,continue what i have started
هانت بحمده اخيرا... وها هو اخانا الكيبورد العربي يختال زهوا في حديقة حضوركم الانيق ممتنا لكم صبركم الجميل علي تاخر حضوره.... الكتابة من غير كيبورد عربي بتخلي الزول يكتب زي المخنوق... وبتخلق شح في المعلومة عشان كدا كنت منذ البداية اعتكف عن الردود لبعض من سأل حتي لا اتركهم حيري في انصاف الردود التي ربما تخلق لهم بعض من اللبس ... وحتى لا اطيل عليكم نبدأ في الردود مباشرة. هدى عبد المنعم سلامات يا قريبتي وعساك طيبة
Quote: الاخ المحترم هارون دياب
يشرفنا ان تكتب عنوانا فى طلبك goodluck
استلمت عنوانك علي الماسنجر خاصتي وساستعمله لاخانا المريخابي الاصيل هارون دياب حين التقديم له .. لك ولة كل التحايا. اختنا الكريمة انتصار محمد صالح بشير الف تحية ليك يا خية وانا يشرفني ويسعدني ان اقدم لك يد العون والتقديم لك في قرعة هذا العام بس رسلي معلوماتك وباذن الله ما بنقصر فرح بمرورك. اخانا شرفي... تسلم يا رجل لمرورك الكريم... تقبل خالص امنياتي الاخ خالد احمد محمد
Quote: اخونا الخير .... سلامات السنين الفاتت دى كل مااجى اقدم لللوترى يحصل عارض .... لكن المرة دى شجعتنا بالمعلومات المهمة دى ... وربنا يسهل ونكون من المحظوظين ... بس ياريت لو تدينا فكرة حقيقية عن الوضع اللى بيعيشوه الناس اللى هاجرو لامريكا السنين اللى راحت ....
يا ا اخي الكريم تتفاوت نسب العيش والتعايش هنا من شخص لاخر وهذا يقتضيه الماهية التي يوضعها اي شخص للطريقة التي خطط بها كيفية سير حياته هنا. الشيئ الذي افهمه تماما ان الابواب جميعها مشرعة لاي مهاجر لا يحولك دونها الا مدي الاستعداد للدخول... يعني مدي ايمانك بالهدف الرئيسي الذي تود تحقيقه. الكلام يا اخي يطول حول هذا الموضوع اتمني ان يتسع لي وللاخوة المهاجرين الوقت الكافي للحضور هنا والتوثيق لتجاربنا في هذه الاصقاع..... ختاما لك التحيات الطيبات
الصورة ادناه نموذج لصورة ( كانت جيدة) ... لكن هسي غير جيدة الكلام دا كيييييف . طيب الصورة دي انا جبتها من الموقع الرسمي بتاع الهجرة الامريكي وخاتنها كنمذج لصورة جيدة..لكن... الصورة دي قاعدة ليها كم سنة فس موقع الهجرة دا ولما ختوها زمااااان كانت مقاساتها 300 بكسل في 300 بكسل. طيب هسي الحصل شنو؟ الحصل انو هم طالبين في السنة دي انو مقاس الصورة يكون 600 بكسل في 600 بكسل اوكي... قمت انا شلت الصورة وكبرتها من 300 بكسل في 300 بكسل وعملتها 600 بكسل في 600 بكسل ... اهااااااا... الحصل انو الصورة بعدما كبرناها مستوي الوضوح فيها انخفض وبقت الملامح ما واضحة فيها بشكل جيد ودا طبعا سبب من الاسباب البرفضو بيها الصور.. انها تكون نسبة وضوحها منخفضة.
الكلام دا انا قلتو ليه؟ طيب الكلام دا انا قلتو عشان اوضح للناس نقطة هامة وهي انو صورتك الاصلية البتمشي تتصورها في الاستديو دي لو كانت صغيرة وجيت تكبرها عندك في جهازك بتاع الكمبيوتر حا تبوظ وما بتبقى نافعة تاني عشان كدا يا اخوانا لازم الزول لما يمشي الاستديو يكلم المصور انه يعمل ليه صورة تكون كبيرة شوية ( يعني ما حجم صورنا البنقدم ليها للجواز ديك) يعني صورة كدا زمااااان في السودان كان بقولوا ليها صورة بوستال ههههههههه... طيب طيب طيب ... ايواااا صورة كدا في حجم الصور البتصوروها العرسان ديك هههههههه بعد كدا الزول ممكن يظبط المقاسات بسهولة في الكمبيوتر والصورة ما حا تبوظ عليهو, نسبة الوضوح فيها بتكون تمام التمام
اول شي لازم نعرفو انو لو عندك اطفال لازم لازم يكون عندهم صور برضو يعني ما ممكن تقدم للوتري وما تخت صور اطفالك دا ما ممكن... اها الاطفال الصغار ديل عمر شهر وشهرين وسنة ديل يصوروهم كيف؟؟؟ بقى دي مسالة يتحرفن فيها المصور ولازم تنبه المصور انو الخلفية تكون بلون محايد ويفضل الابيض ووجه الطفل يكون مواجه للكاميرا ويحاول ما يخلي الوجه ياخد النسبة الاكبر من حجم الصورة... يعني لو اتعملت الاساسيات دي الباقي هين هههههه
اطفالك لغاية سن 21 سنة ممكن يكونوا معاك في طلب التقديم واكبر من 21 ممكن يقدموا في طلبات منفصلة.
شكرا جميلا لاخي ابو بكر علي الذي رفد البوست بمعلومات قيمة كامل ودي يا رجل.
Quote: تقريبا تم اختيار 102800 من جملة 13.6 مليون طلب تم تقديمها, و تبلغ جملة الفرص 55 الف فرصة تم تقليصها الى 50 الف بعد قرار الكونقرس فى نوفمبر لعام 1997. و تمنح 5 الاف لبرنامج NACARA لمواطنى نيكاراجوا
و
Quote: بلغت حصة السودان 1084 طلب , و بالطبع ليست هى النتيجة النهائية, لانه سيتم اختيار 50 الف من جملة 102800 طلب
معاوية المدير شكرا يا اخانا في الاسافير للمرور والملاطفة مع اخانا ود الصايم.. تسلم يا حبوب
ابو النسب... ابا قصي... كيفك يا رجل تزدان بوجوده الامكنة
Quote: الخير نسيبي الداتا بطرفكم المره دي ماتزبط بقدوم أحمد مع قصي!! النسب تك ياصاحب بعد ده إلا فيزا عديك من أبو النسب
يا ابو قصي لم ترسل لي جميع الصور... سأكون في انتظار بقية الصور ويفضل ان ترسل لي صور جديدة غير التي استعملتها سابقا في التقديم بتاع السنة الفاتت... هو يا ابو قصي انت صورة السنة الفاتت الما جابت مريسة تام زين دي داير بيها شنو ياخ هههههههههه... جدد جدد يا ابو قصي ... التجديد سمح ههههه ودي الذي تعلم. و اخونا المسافر حبابو الف ارجو يا صديقي مراجعة البوست مرة ثانية وستجدني اجبت عن اسئلتك التي سألت .. اما فيما يتعلق ب :
Quote: سوف نرسل لك المعلومات والصور
فيسعدني ان اساعدك في الامر.... تقبل تحياتي
عبد الرحمن الحلاوي سلامات يا رجل
Quote: إن شاء الله من المقدمين للهجرة لتلك الأصقاع يا أيها الخير وعلى يديك مقدم الخير إن شاء الله
سالكون في انتظار بياناتك وعوجة مافي يا الحبوب ... سلمت. وساكون ايضا في انتظار بياناتك يا معتصم الامين وستجد ايضا الاجابة عن سؤالك بصورة مفصلة في احد ردودي..... تمنياتي صادقة.
سلامات يا يوسف ابو سنينة
Quote: كتر خيرك كتير اهل العوض كلهم ناوين وانا اولهم
بس تعرف اخوى شد حيلك وكبر الصيلون هههههههههههه
تسلم اخي الكريم وصالونا فااااتح للاحباب دايما بس انت ابقى داخل ببياناتك علي باب ايميلي وستجدني باذن الله من عباده غير المقصرين ههههههههه.... حبابك وحباب اهل العوض
الأخ الخير التحية والسلام أرجو شأكراً أن تخبرنا على طبيعة البلد وكيفية المعيشة والعمل والمجتمع وتربية الأطفال وكل الأمور التي تهم الانسان (السوداني) تحديداً زي ما انت عارفها.
Quote: الخير .. خلاص ضمنا اللوتري وفزنا .. أها .. السؤال : ماهو المستقبل المنظور الذي ينتظرنا ؟؟؟ خليك كريم في الإجابة يا الخير عشان الناس ما تنخدع بحمى اللوتري وبعدين يهاجروا و يقبضوا الريح .. تشكر ..
كما أرجو منك أخي الكريم أن تشتمل إجاباتك على الإجراءات المطلوبة
Post: #83 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 10-19-2009, 06:47 AM Parent: #82
دكتور ابراهيم قناوي .. سلامات يا رجل وعذري ان تأخرت في الرد علي مكتوبك. ارجو ان ترسل لي بيانات وصور الاسرة الكريمة وحتى انت لم ترسل لي صورة شخصية ليك... كل الذي بطرفي الان هو معلوماتك فقط ( احتاج لصورة لك وللزوجة والابناء) وساقوم باكمال اجراء التقديم لك فور استلامي لكامل البينات باذن الله ...ودي
الفاضلة دلال عز الدين تشكري اختي الكريمة لطيب الدعاء وندعوه التوفيق
Quote: ممكن تديني موقع لتعديل مقاس الصور .. بس يكون استخدامه مبسط
تسلم من التهميش انت يابا. يا حبوب والله ما فهمت شيئ. اعمل لي اضافة في الماسنجر او رسل لي في ماسنجر البورد وبتم الباقي هناك او حيثما اتفق..هههههههههه... حبي الكثيف.
تسلم يا اخي الكريم علي المرور وطيب الدعاء... ومن هنا التحية نبعثها خالصة لابو صلعة الذي لولاه لما اتيحت لنا فرصة تلاق بها نمد يد عوننا لاحباب ما جمعنا بهم غير هذا الاسفير... سلمت يا سنجاوي
اخانا الامين عثمان تسلم يا سيدي وربنا يقدرني علي (الخير)..ههههه
بابكر التوم ( برلومنا) الذي رحل... كيفك يا طيب وعساك بخير
Quote: سمعنا جيت الدوحة مرورا ولم نسعد بلقياك
قرابة الاسبوعين قضيتها في الدوحة في رحلة ذهابي وايابي من الخرطوم لم اسعد بمقابلة كثير من البورداب. لكن الجايات اكثر وباذنه ستكون اجمل. ستصلك رسالة مني بخصوص ايميلك الذي ارسلته لي.. لحينها تقبل امنياتي الخالصة.
Quote: ممكن نقدم بي صورة السنة الفاتت ولا جماعتك ديل ح يعرفوا الصورة مدتها منتهية ويودوك الخور طوالي
لا اشجع-اطلاقا- اي شخص بان يقدم بصور استعملها في التقديم السابق وذلك لسببين 1 ادارة الهجرة طالبة صور حديثة 2 حا يعرفوا مدة انتهاء الصورة في سبب تالت ودا ( من اندنا) هههههه وهو يا رجل صورة ما جابت حقها السنة او السنين الفاتت. اخير تختاها... ربما بها بعض من ( كج) ههههههه... تحياتي يا الزوووووول.
اخونا الصادق ابو فتحية سلامات يا حبوب
Quote: أرجو شأكراً أن تخبرنا على طبيعة البلد وكيفية المعيشة والعمل والمجتمع وتربية الأطفال وكل الأمور التي تهم الانسان (السوداني) تحديداً زي ما انت عارفها.
اتمنى يا الصادق ان يفرد بوست منفصل يقوم به الاعضاء في بلاد العم سام بتوثيق تجاربهم التي لا اشك في انها ستكون تجارب ثرة ومفيدة لكثير من الاخوة الذين يرغبون في الاقامة هنا...اما اخانا هذا البوست قصدت فيه التركيز علي توضيح والاجابة عن بعض الاسئلة التي يمكن ان تفيد المتقدم وتساعده علي ملئ فورم التقديم بصورة صحيحة... ووعدي لك ان ابدى مقيمي دولة العم سام رغبتهم في المساعدة بهذا الامر, سنفرد له خيطا منفصلا في مقبل الايام.....ودي واحترامي
محمد ابراهيم قرض... شكرا للمرور والتحية... اجابتي عن سؤالك هي نفس اجابتي لسؤال الاخ ابو فتحية... لك وله من الامنيات اطيبها.
Post: #87 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 10-20-2009, 06:22 AM Parent: #85
المعلومات المطلوبة لكل من يرغب ان اقوم بملئ فورم تقديمه وارساله هي: 1/الاسم: اذا كان رباعي ارجو كتابته كاملا. 2/تاريخ الميلاد: ودا لانه بيحدث فيه كثير من الخلط ارجو ارساله بهذه الطريقة اذا افترضنا انه المتقدم مولود يوم 7 شهر 10 سنة 1975 يقوم يكتبوا لي كدا 7/اكتوبر/1975 ( مهم جدا تكتب الشهر كتابة وليس رقم). 3/ المدينة التي ولد بها مقدم الطلب 4/ البلد التي ولد بها مقدم الطلب 5/الصورة: يجب مراعاة كل ما كتبناه فيما يتعلق بامر الصورة. ( يمكنني ضبط مقاسات الصورة اذا كانت باقي الموصفات صحيحة. 6/العنوان: اذا كان المتقدم بيعرف ليه زول في امريكا فمن الاحسن اخذ عنوان ذلك الشخص واذا كان ما عنده عنوان زول ممكن اقدم ليه عبر عنواني واذا كان يرغب في عنوانه الشخصي برضو ممكن بس لازم يتاكد انه الخدمات البريدية جيدة في المنطقة التي يسكن بها. 7/رقم التلفون 8/عنوان بريده الاليكتروني 9/المؤهل الاكاديمي. 10/حالته الاجتماعية: اذا كان متزوج وله اطفال عليه كتابة بينات زوجته واطفاله ايضا كاملة مثل معلوماته.
Post: #88 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 10-20-2009, 07:39 AM Parent: #87
ارجو ممن يرغب من بورداب امريكا ان يمدني بعنوانه ان يقوم بارساله لي في ماسنجر البورد او علي ايميلي للمساهمة في كتابته في طلبات بعض المتقدمين
Quote: لو تقدم سوداني يقيم في قبرص للهجرة وكتب في النموذج أنه مقيم في قبرص
ثم بعد ذلك غير مكان إقامته إلى تونس وجاءته أوراق القبول مكتوباً فيها انه مقيم في قبرص
فماذا سيفعل ؟
الاخ هاني
في خطاب الفوز برسلوا للفاتز فورم لازم يملاه ويوقعو ويرسلو تاني لمكتب الهجرة بكنتاكي الفورم دا يقوم يكتب المكان العايش فيه الان وهو علي حساب كلامك تونس بقوموا هم برسلوا ليه رد في عنوانو الكتبوا في تونس . الرد دا بحددوا ليهو فيهو مواعيد مقابلة القنصل ولما يمشي للمقابلة دي لازم يكون شايل معاه ما يثبت انو كان مقيم في قبرص في وقت التقديم للوتري وبرضو لازم يشيل معاهو ما يثبت انو هو الان مقيم بتونس وعلي كدا بكون في السليم
وددت التنبيه لبعض الاخطاء والاجابة عن بعض التساؤلات التي يوردها لي كثير ممن راسلني عبر بريدي الاليكتروني وكنت قد اجبت عنها هنا قبلا لكن يبدو ان بعض القراء قد مر عليها سريعا ودون ان يوليها الاهتمام الكافي. من ضمن هذه الاخطاء 1/ كثير من القراء ارسلوا لي صورهم وهي غير سليمة علي الاطلاق ( خلفية بيضاء والمتقدم لابس ابيض) ودي حاجة غلط نوهت لها كثيرا في هذا البوست وفي بوستات السنين الماضية ولا زال كثير من المتقدمين لا يوليها الاهتمام الكافي. 2/في كتير من الذين ينون التقديم بيسالني عن ما اذا كنت موافق للتقديم لهم ام لا وانا اصلا لا امانع في التقديم لاي شخص عضو في المنتدى او قارئ بس كل البطلبو انو الزول قبل ما يرسل لي في الايميل يقرا البوست دا براحة كدا واكيد بلقا الاجابة عن كل الاسئلة الداير يعرف اجاباتها بعد كدا يقوم يرسل لي بياناتو بنفس الطريقة القلناها قبل كدا ولو كانت كل البيانات + الصورة صحيحة. تاكد من اني حا اقدم ليك وباسرع فرصة 3/ في ناس كتاااااار بقول لي انو تاريخ ميلادو في الجواز بختلف عن تاريخ ميلادو في الجنسية وبقوم يكلب مني اقوم اتصرف ليهو في القصة دي ههههههه وبصراحة انا ما عندي اي تصرف للحالة دي. عشان كدا برجو من المتقدم يرسل لي تاريخ واحد فقط عشلن استعملو ليهو في طلب التقديم. هذا ما لزم التنبيه له
I tried with different operating systems, different computers, different browsers and different ISP but I failed to validate my photos through http://dvlottery.state.gov/photo.aspx What can I do to check my photos for DV2011
What shall I do???? Please review your internal inbox in this board
Post: #95 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 10-27-2009, 08:12 AM Parent: #94
Quote: I tried with different operating systems, different computers, different browsers and different ISP but I failed to validate my photos
اخونا الامين موسى البشاري كيفك يا حبوب... يا رجل باذن الله امرك محلول. بس جرب الرابط دا
Post: #96 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 10-27-2009, 08:33 AM Parent: #93
Quote: غايتو ما خلينا بلد عربي .. ياربي نجرب الجماعه ديل كمان .. اصلو بقينا ذي الارانب .. حقل تجارب بس .. من دوله لي دوله .. يدك معانا يا أخوي .. ونشوف أخرته شنو؟ .. وسايقانا وين ؟ مودتي
..
اختنا الكريمة عفاف الصادق
مراحب ... قبل ما يزيد عن عقد من الزمان, جئت انا ايضا لهذه البلاد مارا عبر محطة بلد عربي اخر قضيت فيه بعض من سنين... ولا ندري باي ارض ستختم فيها مراكبنا المطاف.. المهم في الامر اننا هنا نملأ رئتينا بعليل نسائم للحرية ابت الديار ان تمنحنا لها وهي رغم كل هذا وذاك, تحتل في الفؤاد مكانا عظيما. وتاكدي باني سوف لن ابخل عن مد يد عوني لكم وقتما تشاؤون.
ومرحب بيك يا عفاف
Post: #97 Title: Re: الـلـوتـري 2011 ... مـرحـبـا بالـجـمـيـع Author: الامين موسى البشاري Date: 10-27-2009, 08:47 AM Parent: #96
الاخ الفاضل الخير
Quote: اها الرابط دا بتاع سوفت وير ( ابن لذينا جدا) ممكن تقدر فيه تظبط الصور بتاعتك بكل يسر اما اذا استصعب عليك الامر تقوم طوالي تلز لي الصور دي في ايميلي
مشكووووووووور يا زول يا نيـــل وياها المحرية فيك ولكن قصدي الرابط ده ما شغال عشان تتأكد من صلاحية الصورة بعد تظبيطها والرابط : http://dvlottery.state.gov/photo.aspx يعني لما أجي اعمل Validator عندنا غايتو ما شغال في السعودية ولاحظت في النت الكثيرين يشكون من عدم عمل الرابط لأداء اختبار الصورة
وشكلنا كده بنرسلها ليك في حالة عدم عمل الرابط
تحاياي يا ملك
Post: #99 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 10-27-2009, 09:47 AM Parent: #97
Quote: يعني لما أجي اعمل Validator عندنا غايتو ما شغال في السعودية ولاحظت في النت الكثيرين يشكون من عدم عمل الرابط لأداء اختبار الصورة
ما لااااازم يكون بطيئ يا الامين اخوي. عندي احساس انو الملك عبد الله ذاتو داير يقدم للوتري دا .... السعودية دي ياربي مالا ناسا ما بدروها كدي ( وش مبتسم ابسامة نصف خبيثة) ههههههههههه
الاخ الخير تحياتي: اتابع ماتكتب ومن زمان بدقة واشكر لك تعاونك الجميل ومساعدتك المجانية ، اما بعد فلي تساؤل يتعلق بتقديمي لهذا العام بعد ان فشلت في التقديم العام السابق لان الموقع عاكسني في الفتح ربما بسبب الزحام او بسبب بطء النت عندنا فهل ارسل لك البيانات لتقوم بالتقديم نيابة عنا؟؟؟؟؟ ثانيا هل الصور التي اخذت العام السابق ستكون سارية ؟؟؟؟؟؟؟ ولك شكري وتقديري
Post: #103 Title: Re: الـلـوتـري 2011 ... مـرحـبـا بالـجـمـيـع Author: naeem ali Date: 10-29-2009, 07:33 AM Parent: #102
يمه (الخير) بريده...
Post: #104 Title: Re: الـلـوتـري 2011 ... مـرحـبـا بالـجـمـيـع Author: Tragie Mustafa Date: 10-30-2009, 06:58 AM Parent: #100
أنا غايتو قدمت عبر الموقع الرسمي.. ومستف شنطي من هسع وجهزت ورقي ولميت حبوبي، واتفقت مع بتاع الأمجاد الحيوصلني المطار.. منتظر بس التلفون وقاعد على الرنة!!
ناذر يا أخوي تقعد جنبي في الطيارة كان متذكرني، وكان طول غيبتي عنكم نستك لي تقعد جنب ود الصايم
Quote: أرسلت لكم عدة رسائل بالبريد الإلكتروني أرجو تأكيد التقديم.
و لكم الشكر مسبقا...
يا اخي وليد انا متاكد بانك لو قريت البوست دا كويس كان حا ترسل لي الشي المطلوب بالضبط ولكن يبدو يا اخي الفاضل ان هناك بعض العجلة في قراءة البوست... اشرت لانو اي زول متزوج مفروض يقدم لاولاده معاه الا اذا كان رافض انو يستقدم اولاده معاه وانت لم تراعي هذه المسالة. الشي التاني انت مرسل لي صورة غير صحيحة لان الوجه مغطي النسبة الاكبر من حجم الصورة ارجو العودة لهذا الرابط
تجد فيهو كل الصور الجيدة والغير جيدة... الرابط دا بتاع مكتب الهجرة الامريكي ارجو يا اخي وليد الاسراع بالتصحيح وساكون في انتظار مكتوبك.
مؤيد ايدك الله بحب من عنده يجمل عليك ايامك ... تسلم يا رجل
Quote: أشكر لك حسن استقبالك ومساعدتك في التقديم للاصدقاء
الاخ ابراهيم النعيمة سلامات يا رجل
Quote: اتابع ماتكتب ومن زمان بدقة واشكر لك تعاونك الجميل ومساعدتك المجانية ، اما بعد فلي تساؤل يتعلق بتقديمي لهذا العام بعد ان فشلت في التقديم العام السابق لان الموقع عاكسني في الفتح ربما بسبب الزحام او بسبب بطء النت عندنا فهل ارسل لك البيانات لتقوم بالتقديم نيابة عنا؟؟؟؟؟ ثانيا هل الصور التي اخذت العام السابق ستكون سارية ؟؟؟؟؟؟؟ ولك شكري وتقديري
معذرة يا اخي الكريم .. لا يبدو لي انك تتابع و( بدقة)- مثلما اوردت في مداخلتك عاليه- ما كتبته هنا وفي هذا البوست علي وجه التحديد... والدليل انك بتسأل عن امكانية التقديم لك ولاسرتك الكريمة بينما انا كررت في هذا البوست في اكثر من موضوع باني لا امانع في التقديم لاي شخص وهنا تحديدا ستجد ما كتبته
Quote: في كتير من الذين ينون التقديم بيسالني عن ما اذا كنت موافق للتقديم لهم ام لا وانا اصلا لا امانع في التقديم لاي شخص عضو في المنتدى او قارئ بس كل البطلبو انو الزول قبل ما يرسل لي في الايميل يقرا البوست دا براحة كدا واكيد بلقا الاجابة عن كل الاسئلة الداير يعرف اجاباتها بعد كدا يقوم يرسل لي بياناتو بنفس الطريقة القلناها قبل كدا ولو كانت كل البيانات + الصورة صحيحة. تاكد من اني حا اقدم ليك وباسرع فرصة
وسؤالك الثاني كان عن ماهية سلامة استعمال صور العام السابق ... وانا ايضا اشرت لهذا في هذا الخيط وذكرت الاتي:
Quote: لا اشجع-اطلاقا- اي شخص بان يقدم بصور استعملها في التقديم السابق وذلك لسببين 1 ادارة الهجرة طالبة صور حديثة 2 حا يعرفوا مدة انتهاء الصورة في سبب تالت ودا ( من اندنا) هههههه وهو يا رجل صورة ما جابت حقها السنة او السنين الفاتت. اخير تختاها... ربما بها بعض من ( كج) ههههههه
فيا اخي الكريم ارجو ان تقرأ البوست مرة ثانية بقليل من التروي والـ ( دقة ) ان احببت وستجدني ماد يد عوني لك ما امكنني ذلك.... لك خالص الود.
Quote: فشلت محاولاتنا للتقديم من هنا، لذلك اتحملنا وراجع بريدك. جعل الله ما تقوم به في موازين حسناتك.
في انتظار مكتوبك
ودكتورنا محمد الطاهر منورنا ودعاباتك اللطيفة مع الاخوين ناذر وود الصايم اضفت علي دارنا كثير من البهجةززز امنياتي ليك يا دكتور بكل التوفيق والعاقبة معانا باذن الله.
اخونا الكريم عبد الرحمن الحلاوي .. تحياتي... راجعت بريدك وارسلت لك الافادة تسلم يا حبوب.
ارجو ان تنصح هذا الصاحب بان ياتي بكل اسرته لامريكا, ذلك لان اجراء استلام القرين كارد اللهو الاقامة الدائمة ما قاعد يتاخر ( ما بين اسبوعين لشهـر) وبستلم القرين كارد اللهو الاقامة الدائمة بالولايات المتحدة الامريكية... وخلال اول شهر من دخولهم لامريكا ممكن برضو يستخرج اهم مستند امريكي اللهو ( كارد التامين الاجتماعي) social security card وبعد كدا ممكن اولادو يرجعوا الخليج تاني ويخلوه هو يكمل استعداداتو وباقي تجهيزات اقامتهم من ( اسئجار منزل + اثاث + سيارة + الاستقرار في عمل .... الخ )....هذه نصيحتي لصديقك اتمنى ان يتيسر له امر العمل بها....لك وله الامنيات.
Post: #122 Title: Re: الـلـوتـري 2011 ... مـرحـبـا بالـجـمـيـع Author: Ahmed Alim Date: 11-09-2009, 02:03 AM Parent: #121
Quote: يا احمد يا امين
حتى أنت يا أبوالخيرات!!
أيوا دي شكلها عباراتها ماااكنة
مقبولة منك يا صاح عشان خاطر روان بس قررقررقررر
Post: #123 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 11-09-2009, 05:02 AM Parent: #122
Quote: حتى أنت يا أبوالخيرات!!
يا سليل بني هامشير المفدى, عذرا.. فقد بدى لي اسمك وهو يحمل تمويهات السنين... وانت ادرانا باي اسم نحب ان نناديك. ارجو ان لا يعلم بهذا الامر اخانا الذي في رود ايلاند لئلا يظن بنا الظنون فما يفصلنا من الجنون هو شعرة اوهى مما يتخيل وتتخيلون.....
Post: #125 Title: Re: الـلـوتـري 2011 ... مـرحـبـا بالـجـمـيـع Author: Ahmed Alim Date: 11-09-2009, 07:44 AM Parent: #124
Quote: ارجو ان لا يعلم بهذا الامر اخانا الذي في رود ايلاند لئلا يظن بنا الظنون فما يفصلنا من الجنون هو شعرة اوهى مما يتخيل وتتخيلون
بحاول بس ربنا يقدرنا نمسك خشمنا علينا..
Post: #126 Title: Re: الـلـوتـري 2011 ... مـرحـبـا بالـجـمـيـع Author: وليد محمد المبارك Date: 11-09-2009, 07:49 AM Parent: #125
يا جماعة ما تشوفوا لينا معاكم فرقة ان شاء لله حقت زيارة
Post: #127 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 11-10-2009, 04:10 AM Parent: #126
اعزائ بورداب وقراء... اود ان انبه الى انني ساقوم بقبول كل الطلبات التي تاتيني في بريدي الي يوم 20/ نوفمبر/ 2009 وهـذا سيكون اخر يوم اقبل فيه الطلبات حتى تتسني لي التقديم لكل من راسلني.
Post: #129 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 11-19-2009, 09:03 AM Parent: #128
يا جماعة ما تشوفوا لينا معاكم فرقة ان شاء لله حقت زيارة
ولي يا ولي كيفك يا حبوب والله يا وليد يسعدني جدا اني اشوف ليك فرقة بس انت ادينا فرقة واجدع بياناتك وباذن الله ستجدني لك من المقدمين ههههههه... بس اسرع لانو التقديم بابو بقى متاكا وقرب يقفل.
Post: #130 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 11-19-2009, 09:11 AM Parent: #129
احبابي وددت تذكيركم بانه
ونسبة للعدد المهول من الطلبات التي تنتظرني وحتى اتمكن من الارسال لجميع
من كاتبني ببريدي بانني ساظل مشرعا باب ايميلي للرسائل الواردة لفترة لا
تتجاوز الاربعة وعشرين ساعة من الان اي تنتهي بنهاية يوم 20 من هذا الشهر..
بعدها اتفرغ لاكمال ما تبقى لي من رسائل
ودي للجميع
Post: #131 Title: Re: الـلـوتـري 2011 ... مـرحـبـا بالـجـمـيـع Author: bob Date: 11-19-2009, 09:47 AM Parent: #130
الخير
والله انتا زول رائع ربنا اجازيك كل خير
بالمناسبه لو مزحوم فى التقديم ممكن اساعد من المتقدمين لتخفيف العبى عليك
Post: #133 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 11-23-2009, 05:17 AM Parent: #132
Quote: The online entry registration period for the DV-2011 Diversity Visa lottery is between noon, Eastern Daylight Time (EDT) (GMT-4), Friday, October 2, 2009, and noon, Eastern Standard Time (EST) (GMT-5), Monday, November 30, 2009. Review the DV-2011 Instructions and this webpage
ثمانية ايام هي كل ما تبقى من فترة التقديم لهذا العام. كنت قد اشرت الى ان السيرفر بكون مذدحم في اخر ايام التقديم عليه يجب ان يراعي المتقدم لنقطة هامة جدا وهي: لما تنتهي من ملئ بياناتك ووضع صورتك تاكد من انك ضغطت مرة واحدة فقط علي ذر الارسال لانو لو ضغطت اكتر من مرة على هذا الذر بتكون اوتوماتكلي قدمت لي روحك مرتين ودا طبعا بسقط حقك في الاقتراع. يعني تعبك دل كلو بضيع بسبب هذه الضغطة الثانية علي ذر التقديم. السبب الخلاني انبه للنقطة دي هو انه كما ذكرت انفا بانو السيرفر بكون مذدحم جدا وعملية التحميل بتكون بطيئة فيظن الراسل بانه طلبه ما مشى ويقوم يستعجل ويضغط علي ذر التقديم مرة اخرى وبكدا الابليكيشن بتاعوا بكون تسسسسسسسسسس نفس ( بتشديد الفاء) ههههههه ______________________________________________________
اخانا الحبيب بوب
ارجو ان تبعث لي بايميلك للتشاور في بعض الامور... تشكر كتير يا صاحب على مد يد العون غايتو ارجى الراجيك ههههههههههههههه. _______________________________________________________
هارون الحبيب ( النجيضة) بديك ليها الليلة بذن الله
ودي للجميع
.
Post: #134 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 11-25-2009, 09:35 AM Parent: #133
كنت قد اشرت الى ان السيرفر بكون مذدحم في اخر ايام التقديم عليه يجب ان يراعي المتقدم لنقطة هامة جدا وهي: لما تنتهي من ملئ بياناتك ووضع صورتك تاكد من انك ضغطت مرة واحدة فقط علي ذر الارسال لانو لو ضغطت اكتر من مرة على هذا الذر بتكون اوتوماتكلي قدمت لي روحك مرتين ودا طبعا بسقط حقك في الاقتراع. يعني تعبك دل كلو بضيع بسبب هذه الضغطة الثانية علي ذر التقديم. السبب الخلاني انبه للنقطة دي هو انه كما ذكرت انفا بانو السيرفر بكون مذدحم جدا وعملية التحميل بتكون بطيئة فيظن الراسل بانه طلبه ما مشى ويقوم يستعجل ويضغط علي ذر التقديم مرة اخرى وبكدا الابليكيشن بتاعوا بكون تسسسسسسسسسس نفس ( بتشديد الفاء) ههههههه
Post: #137 Title: Re: الـلـوتـري 2011 ... مـرحـبـا بالـجـمـيـع Author: أيمن مبارك أبو الحسن Date: 11-25-2009, 10:25 PM Parent: #136
الخير ... يا وش الخير ... كل عام وإنت بخير ،،، رسلنا الايميل في حينه ولم نشأ إزعاجك والإلحاح عليك... أرجو أن تكون الأمور مشت على خير. لك وافر التحية والمودة ،،،،
زغللة اجتماعية ههههههههه واهو غايتو الناس لبعضيها والكل لرب
العالمين.
Quote: نرفع البوست خيرا للجميع
ترفعك عافيتك يا ملك.
______________________________________
عبد الله عيدروس
تسلم يا ا خي وعيدك سعيد والعاقبة زي ما داير
والناس القيافة الذايدين بوسطيني لطافة, باقي ليكم سويعات قليلات
وينتهي موسم التقديم لهذا العام .... امنياتي كيمان كيمان.
Post: #145 Title: Re: الـلـوتـري 2011 ... مـرحـبـا بالـجـمـيـع Author: محمد الفاتح خالد حسون Date: 11-30-2009, 06:03 AM Parent: #144
السلام الخير
و الدنيا قبايل عيد دعوت نهار ما ليل آمين يا رب
اخوك حا يقدم ي ايدو اليمين و جاهز و مجهز العدة و انتا قوول عـــــــــــــــــــــــــــــــــــــــــــــوك
ب التوفيف انشاء الله مروتك ما تَقٍل يا رب محمد الفاتح
Post: #146 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 11-30-2009, 07:09 AM Parent: #145
لمن يرغب في استخدام عنواني
اود التنبيه للاتي:
ساضع عنواني البريدي في هذه المداخلة الى ان تنتهي فترة التقديم ساقوم بعدها بسحبه من البوســت .... ارجو ان يقوم من يرغب من المتقدمين في استعماله ان يقوم بكتابته في فورم التقديم بنفس الترتيب ادناه:
( التعديل لحذف العنوان) وانتهاء فترة التقديم.
Post: #147 Title: Re: الـلـوتـري 2011 ... مـرحـبـا بالـجـمـيـع Author: الخير محمد عوض Date: 11-30-2009, 11:22 AM Parent: #146
هذا ما اعلنه مكتب الهجرة الامريكية في الدقايق الفائتة
Quote: ELECTRONIC DIVERSITY VISA ENTRY FORM OMB Control Number: 1405-0153 Form: DS-5501 Expires: 05/31/2010 Estimated Burden: 30 minutes System Closed We're sorry, but the deadline for the online Electronic Diversity Visa Entry Form has passed.
قد تم غلق السيستم قبل قليل واعلن عن انتهاء فترة التقديم لهذا العام
شكرا شكرا شكرا.اشكر للجميع حسن تعاونهم معي على مر الشهرين المنصرمين كما واشكر لكم طيب الدعوات التي حففتموني بها والاسرة كما وادعوا الله ان لا اكون قد اغفلت ارسال اي منكم وادعوه ايضا ان يوفق الجميع ويجعل الحظ حليفا لكل متني الاقامة ببلاد العم سام
