Post: #1
Title: صحي يا جماعة كورة الهلال حاكمنها كل حكم فردة من بلد ؟!!!!
Author: وليد محمد المبارك
Date: 10-01-2009, 08:17 AM
يكون ليه يا جماعة !!!!!
دي قالوا سابقة ما حصلت قريب
دايما الحكام بكونوا ست واحد
|
Post: #2
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: Giwey
Date: 10-01-2009, 08:22 AM
Parent: #1
بلحيل يا وليد ... كل فردة
من بلد بعييييد .... تفتكر ليه
عملوا كده المرة دى ؟؟؟؟؟؟؟؟
|
Post: #3
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: وليد محمد المبارك
Date: 10-01-2009, 08:38 AM
Parent: #2
والله يا قوي انا زول دايش ياااااااااااااااكت
قلت اسال يمكن القى جواب
انت ما عارف يا قوي ؟
|
Post: #4
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: حمزاوي
Date: 10-01-2009, 09:27 AM
Parent: #3
صحيح
يا وليد اخوي
من كل بلد مختارين حكم
ذي المريض جايبين ليه كنستلو اطباء
الهلال مريض السودان
وطبعاً مرض الهلال معروف
شراء الحكام
والتزوير
اللهم أشفي الهلال
|
Post: #5
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: وليد محمد المبارك
Date: 10-01-2009, 09:34 AM
Parent: #4
قالوا يا حمزاوي دي سابقة ما حصلت في بطولة الشامبيونس
|
Post: #6
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: abuguta
Date: 10-01-2009, 11:14 AM
Parent: #5
عموما امرهم انحسم
يعنى كل فردة من بلد خلاص,,,
الارباب ذاتو هو صاحب الفكرة دى
عشان ما تجو بكرة تقولو لينا دفعت للحكام
هم كلهم اربعة,,,2 عرب واتنين افارقة
ونازلين فى فندق واحد
ومعروفين ,,بدل القوال مع واحد بقى كل زول براه
يعنى اربعة ظروف
نشوفكم فى دبى
|
Post: #7
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: فايزودالقاضي
Date: 10-01-2009, 11:20 AM
Parent: #6
الهلال قدها وقدود ... يقدر يشتريهم كلهم ...
الهلال بإذن الله غالب في الخرطوم وبإذن الله مغلوب في مباراة الذهاب وبفارق الاهداف حايطلع ..
|
Post: #8
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: khaleel
Date: 10-01-2009, 11:40 AM
Parent: #7
لاننا نخشي من حكام افريقيا
وصار لنا نفوذ داخل الاتحاد الافريقي
قبل الاتحاد الافريقي خيارنا
واسمح لي يا شفت ان ارسل تحية لولدنا
المتنفذ داخل الاتحاد الافريقي عبد المنعم قرن شطة
|
Post: #10
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: وليد محمد المبارك
Date: 10-01-2009, 11:54 AM
Parent: #8
Quote: لاننا نخشي من حكام افريقيا
وصار لنا نفوذ داخل الاتحاد الافريقي
قبل الاتحاد الافريقي خيارنا |
|
Post: #11
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: عبود عبد الرحيم
Date: 10-01-2009, 11:57 AM
Parent: #8
نحن بنغلب في الميدان
حكام من 4 دول
او
حكام من 10 دول
الهلال غالب غالب في الميدان باذن الله
اخوان البرنس بيعرفوا طريق الفوز داخل المستطيل الاخضر
حتي اسألوا
كل ضحايا المقبرة من اندية الداخل والخارج
منصورين باذن الله
اللهم انصر هلال الملايين
واكتب الفرح لكل اهل السودان
الا من (ابي)
سلااااام يا وليد ولكل ضيوف البوست
|
Post: #13
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: طارق الكوتش
Date: 10-01-2009, 12:09 PM
Parent: #7
وليد و كل المتداخلين كل سنه وانتم طيبين
و
مشتاقين يا وليد
_________
الاخ وليد دعنى اخاطب من خلالك كل المتداخلين مع احترامى لهم :
للاسف يا وليد ده فعلا حاصل وبسبب الاعلام الاحمر و الازرق
وايضا نحن هلالاب او مريخاب ساهنا فيه من خلال هذا المنبر >
اشانة سمعه السودان ككل ، والاتحاد الافريقى قراراه
علا ما اعتقد سوف يشمل كل فرق و اندية السودان
ومباراة السودان القادمه برضو كل حكم من بلد .
فارجو من الجميع ومن خلال هذا الموقع العمل بعيدا
عن التعصب الذى لا يفيد فى شئ ... وانت تعلم عزيزى وليد
بصفتك لاعب سابق احسن الحكام هو الذى اقل اخطاء ... ويجب فى هذه
الحاله التطرق لاداء الحكام فقط دون الجوء لاتهام الناس بالباطل
و الرشوه بدون ادله فعيون الاتحاد مفتوحه ومتربصه بالاضافه ان
الله يغفر كل الذنوب الا حق الناس .... نتمنى ان لا تنسينا اختلافاتنا
الرياضيه > سودانيتنا ولوننا الذى نتمتع به وسمعتنا التى تملا الدنيا،
ولا نساهم بدون قصد فى اسائتها .
وفى الختام نتمنى ان تكون هذه تجربه لنا جميعا و نساهم فى اصلاح ما
فسد ونبتعد تماما عن تجريح الآخرين واتهامهم بالرشوه او خلافه
بدون ادله وان نعمل سويا من اجل رفعة مستوى و سمعة الكره السودانيه
ويصب نقدنا فى الكره مع تناول القضايا الرياضيه دون تجريح احد
مع المناكفات فى الحدود المقبوله والمشاغلات الذيذه .....
لا تحلو الحياة الرياضيه السودانيه بدون هلال مريخ معا.
ولكم الشكر
|
Post: #15
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: وليد محمد المبارك
Date: 10-01-2009, 12:25 PM
Parent: #7
| Quote: الهلال قدها وقدود ... يقدر يشتريهم كلهم ... |
|
Post: #9
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: وليد محمد المبارك
Date: 10-01-2009, 11:54 AM
Parent: #6
| Quote: الارباب ذاتو هو صاحب الفكرة دى |
|
Post: #12
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: وليد محمد المبارك
Date: 10-01-2009, 12:05 PM
Parent: #9
Quote: نحن بنغلب في الميدان
حكام من 4 دول
او
حكام من 10 دول |
برضو ما جاوبتو
السبب شنو ؟
|
Post: #14
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: محمد عبد الماجد الصايم
Date: 10-01-2009, 12:11 PM
Parent: #12
بركات صحبكـ مزمز!
|
Post: #16
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: عمران حسن صالح
Date: 10-01-2009, 12:49 PM
Parent: #14
انتو خليكم يا ولي في جنس ده !!
|
Post: #17
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: وليد محمد المبارك
Date: 10-01-2009, 01:09 PM
Parent: #16
مزمل تطير عيشتو
لو صلاح ادريس جاتتو ملاريا حا يقولوا مزمل حرش الباعوضة تعضيه
|
Post: #18
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: وليد عبد اللطيف
Date: 10-01-2009, 01:24 PM
Parent: #17
كابتن وليد
ياخي ثقافة شراء الحكام دي جديده علينا
ياخي سمعت قصة غريبة ولنادي من اندية فرق القمة
وكما تعلم احتكاكنا مع هذه الشريحة
بالجد حاجه تخجل
______________________
ياوليد في بوست شول قلنا رسل التلفون بتاعك في الخاص
وما شفنا شي يظهر قلت ده واحد من العجبين وعمل ليك ازعاج
|
Post: #19
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: صبري طه
Date: 10-01-2009, 01:35 PM
Parent: #18
لك التحية أخي وليد ... وكل عام وأنتم بخير ...
وسيكون الأمر مضحكاً إذا كان الغرض من ذلك ضمان نزاهة التحكيم ...
لأن الرشوة يمكن أن تقدّم لحكم واحد فقط حتى ولو كان أحد مساعدي الحكم الرئيسي (حامل الراية) ...
ولو تذكر قضية الدوري الإيطالي ومعاقبة يوفنتوس وميلان ...
فقد تحدث أحد مسئولي الناديين إلى مسئول داخل الاتحاد الإيطالي محتجاً على تكليف الحكم كولينا لإحدى مباريات فريقه واصفاً إياه بالنزاهة فما كان من المسئول المرتشي إلاّ وأن قال له لا تخف يا عزيزي فقد كلّفنا معه مساعدين (حاملي راية) على مزاجك ...
ورغم ذلك أتمنى فوزاً نزيهاً للهلال ...
وسؤال باللفة: لو كان الحكم وليد المبارك بتهدي الهلال كم ركلة جزاء ؟؟؟!!!
دمت بود ،،،
|
Post: #20
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: جلال جبريل
Date: 10-01-2009, 01:45 PM
Parent: #19
مافي مشكلة جوة الجكــــ ياهندسة
إجيبو كومان كوليبالي ومعاهو كل حكام مالي والقرى المجاورة
برضو غالبين ولي قدام ..... بس الرشاشات ديل حللن شنو؟
|
Post: #21
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: أحمد ابراهيم عثمان
Date: 10-01-2009, 02:02 PM
Parent: #17
ما فوكا شيء يا جماعه....
اصلو ده طريق الكاسات في افريقيا
باقيلك الاهلي ده بقي نادي القرن كيفن
|
Post: #22
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: كمال حسن
Date: 10-01-2009, 03:01 PM
Parent: #9
والله ياوليد يا خوي أنا ماعارف الناس والله الزول العمل علي نشر موضوع التحكيم في مباراة الهلال القادمه وإنهم من بلاد متفرقه قصدو شنو، يعني داير يقول إنو إتهام الهلال بشراء ذمم الحكام لمن يكونوا من بلد واحد أسهل يعني والله شنو
ياخي أنا عندي قناعه يمكن الناس تختلف أو تتفق حولها إنو الشعب السوداني ده مابيقدر يعمل كده يعني يشتري ليه حكم، موش لأمانتنا والله نحن من أنصار اللعب (الفير) وكده، لكن كونك تشتري حكم دي في ثقافتنا ماظنها في، عكس بعض الإخوة (في شمال أفريقيا) بيقدروا يعملوها وكمان بي (فهلوه)، نحن في إعتقادي شعب لسه بيحاول إنو يتعلم (اللحلحه) (والفهلوه) ودابنا بدينا نحس بي إنو هناك أهمية (لمجهودات خارج الميدان) والتي ليس بالضرورة إنها تكون not fair بل على العكس يمكن لدعم خروج المباراة بصورة أكثر نزاهة ونظافة
عموما نرجع لي موضوع الهلال
لو الهلال مثلا كان داير يشتري حكم هل بالضروره (وإنت لاعب كوره سابق، وحارس مرمى علي وجه الخصوص) هل بالضرورة أن يشتري الحكّام ثلاثتهم؟؟ ؟؟
ياخي رجل خط ساكت ممكن ينوم في (أوف سايد) أو يدّعي إنو الكوره لمست يد واحد ويرفع الشاره ويحسبها ليهو الحكم بلنتي
أو حكم الوسط يستطيع إنو يدعي إنو كان في وضع أفضل من رجل الخط ويحتسب هدف رغم إنو رجل الخط رأيو عكس ذلك
والفاس يقع في الراس خاصة إنو الدوري ده في أفريقيا يادوب كمرتين والله تلاته بس ومافي أوروبا الحاجه يجيبوها ليك من جميع الجهات بي عشره كمرات لامن تآمن زاتوو
بي بساطه كده حكم واحد من التلاته لو بقى مرتشي ممكن يؤثر علي نتيجة المباراه
عشان كده ياوليد ياخوي قضية تلاته حكام من بلد والله من بلدان مختلفه ما حايكون المانع من ممارسة ال corruption، المانع هو (شوية جديه كده) مجموعه من القيم والمبادئ يجب إنها تتوفر في الحكام المختارين من قبل الإتحاد الإفريقي للكرة.
يعني ياحبيب علي الأقل تخلي موضوع التحكيم ده وتمسك زي بقية (الصفوه) في تشجيع مازمبي يمكن- ووارد جدا - إنو يطقطنا ونرجع لي صفرنا القديم
|
Post: #23
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: على محمد على بشير
Date: 10-01-2009, 03:26 PM
Parent: #22
خليك من دا يا الشفت ..
قبل كم يوم كدا الاتحاد الافريقى قام غير واحد من رجال الخطوط ديل
صحيفة قوون الهلاليه تانى يوم وبالبنط العريض كتبت
الاتحاد الافريقى يفاجئ الهلال ويغير رجل الخط
|
Post: #24
Title: Re: صحي يا جماعة كورة الهلال حاكمنها كل حكم فردة من بلد ؟!!!!
Author: Magdi Algorashi
Date: 10-01-2009, 07:29 PM
Parent: #23
الاخ وليد
تحياتي
الاجابة بسيطة جدا
كل واحد فيهم بقبض بعملة مختلفة
|
|