Post: #1 Title: رحلة ايام الخريف في بلادي....(توجد صور) Author: خالد المحرب Date: 10-01-2009, 00:10 AM
الاخوة القراء زملائي البورداب.... كل سنه وانتو طيبين جميعاً.... دي كانت رحلة استمتعنا بها في البادية بعيدا عن اجواء الخرطوم التي يحكمها كل مايدور من احزان وافراح في بلادي عندما تتواجد في البادية ... نستشعر بجمال احاسيسنا الخاصه بعيدا عن تعقيدات السياسه والمكان
Post: #2 Title: Re: رحلة ايام الخريف في بلادي....(توجد صور) Author: خالد المحرب Date: 10-01-2009, 00:19 AM Parent: #1
وصلنا المقر وضبحنا و استانسنا
من البورداب احمد يوسف ابوحريرة وعلي النعيم وبعض الضيوف
Post: #3 Title: Re: رحلة ايام الخريف في بلادي....(توجد صور) Author: خالد المحرب Date: 10-01-2009, 00:27 AM Parent: #2
Post: #4 Title: Re: رحلة ايام الخريف في بلادي....(توجد صور) Author: خالد المحرب Date: 10-01-2009, 00:35 AM Parent: #3
بعد ما شدينا اللحم.. خالد ود كيقه ود عمران حفيد طه الضرير يقطع لنا في البصل للمرارة
Post: #5 Title: Re: رحلة ايام الخريف في بلادي....(توجد صور) Author: خالد المحرب Date: 10-01-2009, 00:42 AM Parent: #4
Post: #6 Title: Re: رحلة ايام الخريف في بلادي....(توجد صور) Author: خالد المحرب Date: 10-01-2009, 00:51 AM Parent: #5
Post: #7 Title: Re: رحلة ايام الخريف في بلادي....(توجد صور) Author: خالد المحرب Date: 10-01-2009, 00:57 AM Parent: #6
Post: #8 Title: Re: رحلة ايام الخريف في بلادي....(توجد صور) Author: خالد المحرب Date: 10-01-2009, 01:02 AM Parent: #7
وللرحلة بقية فيها ما فيها من الدوبيت... وكثير من الصور
Post: #9 Title: Re: رحلة ايام الخريف في بلادي....(توجد صور) Author: حمزه بابكر الكوبي Date: 10-01-2009, 01:54 AM Parent: #8
خالد المحرب كل سنه وانت طيب ياقريبي ما اجمل الباديه والطبيعه وما اجمل البطانه وارضها
يازول الصور دي قومت نفسنا من كبرها ما تصغرها شويه
Post: #10 Title: Re: رحلة ايام الخريف في بلادي....(توجد صور) Author: الطيب شيقوق Date: 10-01-2009, 04:21 AM Parent: #9
المحرب ود شيوخ البطانة
كل عام وانت بالف خير
الشي انت قالوا ليك صور البطانة ولا تعال شايل البطانة كلها في عربيتك السمحة دى ووهطها لينا في صقيعة بكري دى ؟
اول مرة في حياتي اشوف لي عرديبة شوكتها قدر شوكة الكداب
ولا دى طلحة يا اللخو؟
Post: #11 Title: Re: رحلة ايام الخريف في بلادي....(توجد صور) Author: خالد المحرب Date: 10-01-2009, 12:51 PM Parent: #10
الاخ الطيب شكرا زكرتنى نكتة الزول الجا الخرطوم مر على الكافتيريا قال يا ولد عندك فطور قاليه عندنا بيرجر ياحاج قال ياولدى ما بعرف الانقليزى بس ادنى الكبير فيهن . هسى انا خبرتى فى رفع الصور بسيطه نتهجم عليهن ساهى يهجمك المرضل ل ........ ام اهلك
Post: #12 Title: Re: رحلة ايام الخريف في بلادي....(توجد صور) Author: Mohamed Abdelgaleel Date: 10-01-2009, 12:58 PM Parent: #11
لكين يا الضو .. تخلي أخوك في حي العود مجاور المقابر وتمشي البطانة وقشها المفروق:
حليلك يا البطانة وقشك المفروق حليك قبال ما تبقي تخديره وجزاره وسوق
يا لجمال طبيعة السودان لو الزول مو مطلوب قروش أو مطلوب من الحكومة
يا لجمال طبيعة السودان لو ما الايام أكثر من المصروف
واصل يا خالد فاليسعد النظر إن لم يسعد الحال
Post: #36 Title: Re: رحلة ايام الخريف في بلادي....(توجد صور) Author: خالد المحرب Date: 10-01-2009, 06:29 PM Parent: #12
Quote: يا لجمال طبيعة السودان لو ما الايام أكثر من المصروف
واصل يا خالد فاليسعد النظر إن لم يسعد الحال
شكرا الاخ محمد على المرور البلد الاسودو بتبلعك متعارض فيه جمال طبيعه تتحدث عن نفسها وفيه الهوى البزبنجى
Post: #13 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-01-2009, 12:59 PM Parent: #10
Quote: اول مرة في حياتي اشوف لي عرديبة شوكتها قدر شوكة الكداب
ودشيقوق الكداب ده شنو؟ الكداب عندنا هو افراز قاني اللون بتلقاهو فوق جذوع الاشجار الحية وطعمو كداب كداب
اوع يكون عندكم يعني نوع من الشجر؟
Post: #14 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-01-2009, 01:04 PM Parent: #13
محمد عبد الجليل
كانت ايام جميلة
Post: #15 Title: Re: رحلة ايام الخريف في بلادي....(توجد صور) Author: ود الباوقة Date: 10-01-2009, 01:04 PM Parent: #13
المحرب .
يالها من صور رائعة ..
ما تنسى وصيتي ..
سلامي للجميع بالذات احمد ابو حريرة ..
جيب باقي الصور ...
Post: #16 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-01-2009, 01:07 PM Parent: #15
حبابك عمر ودالباوقة ليتك كنت معنا في الرحلة دي
دحين يا عمر عندكم شدر اسمو الكداب في باوقتكم دي؟؟
Post: #17 Title: Re: رحلة ايام الخريف في بلادي....(توجد صور) Author: خالد المحرب Date: 10-01-2009, 01:15 PM Parent: #15
Post: #18 Title: Re: رحلة ايام الخريف في بلادي....(توجد صور) Author: خالد المحرب Date: 10-01-2009, 01:26 PM Parent: #17
بلادي وان جارت علي عزيزة و اهلي وان ضنوا علي كرام
التحيه لارض المليون ميل
Post: #19 Title: Re: رحلة ايام الخريف في بلادي....(توجد صور) Author: محمد عبد الماجد الصايم Date: 10-01-2009, 01:33 PM Parent: #18
يا حاج .. كل سنة وإنت طيب ياخ! نجضتنا نجاض بالصور يا عمكـ!
Post: #20 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-01-2009, 01:42 PM Parent: #19
Quote: نجضتنا نجاض بالصور
ودالصايم ده طبعا ود حلتنا يا اب احمد ولو ما كنا متابعين موضوع الحجز ، وكنا عارفين انو ما بقدر يجي كان عزمناهو للرحلة دي بحق الجيرة والزمالة
ـــــــــ ودالصايم حسب تصريحك السابق، قلت نحن هنا هم هناك نحن هناك هم هنا بتجي متين يا ؟ تعال طالما لا زال في الخريف بقية
Post: #22 Title: Re: رحلة ايام الخريف في بلادي....(توجد صور) Author: محمد عبد الماجد الصايم Date: 10-01-2009, 01:59 PM Parent: #20
أبو حريرة يا عمكـ جاي بعد أسبوعين بس أسلم المرة دي البيت وأديها المصاريف!
Post: #21 Title: Re: رحلة ايام الخريف في بلادي....(توجد صور) Author: خالد المحرب Date: 10-01-2009, 01:45 PM Parent: #19
ولسى الجاى احلى بقية الرحله وطهور عصام ولدى
Post: #23 Title: Re: رحلة ايام الخريف في بلادي....(توجد صور) Author: مهدى الصادق السيد Date: 10-01-2009, 03:18 PM Parent: #21
يا شيخنا كل سنة وانت طيب وكل الاهل تحياتنا لكل الاهل وتحية خاصة للحبيب احمد ابو حريرة .... اتمني ان تكون اتحركت الايام دي كل شي في متناول ايدكم ولو فاتت الايام دي الرماد كال حماد .... اتمني ان تعود لينا غانم .
Post: #24 Title: Re: رحلة ايام الخريف في بلادي....(توجد صور) Author: ناذر محمد الخليفة Date: 10-01-2009, 03:55 PM Parent: #23
حمدلا على السلامة يا شيخ العرب ..
سلامي للأسرة والأصدقاء ..
Post: #25 Title: Re: رحلة ايام الخريف في بلادي....(توجد صور) Author: مزمل خيرى Date: 10-01-2009, 04:05 PM Parent: #24
شيخ العرب ياخوى شنو النصيبة الشالية دى .؟ بس ماتقول لى لزوم القنيص وكدة .!!
Post: #44 Title: Re: رحلة ايام الخريف في بلادي....(توجد صور) Author: خالد المحرب Date: 10-01-2009, 08:07 PM Parent: #25
Quote: شيخ العرب ياخوى شنو النصيبة الشالية دى .؟ بس ماتقول لى لزوم القنيص وكدة
ودخيرى دا جزء من تراث البطانه نحن اصحاب بهايم فلابد منه شكرا على المرور نقف لك بالتحيه
Post: #26 Title: Re: رحلة ايام الخريف في بلادي....(توجد صور) Author: محمد زكريا Date: 10-01-2009, 04:25 PM Parent: #24
Post: #27 Title: Re: رحلة ايام الخريف في بلادي....(توجد صور) Author: ناذر محمد الخليفة Date: 10-01-2009, 04:44 PM Parent: #26
Post: #28 Title: Re: رحلة ايام الخريف في بلادي....(توجد صور) Author: الطيب شيقوق Date: 10-01-2009, 05:05 PM Parent: #27
الناظر احمد ابو حريرة
Quote: الكداب ده شنو؟ الكداب عندنا هو افراز قاني اللون بتلقاهو فوق جذوع الاشجار الحية وطعمو كداب كداب
اوع يكون عندكم يعني نوع من الشجر؟
يعني يا مسنوح ما عارف القربة والسعن والخرج واللاصت فيرجن من النطع !!!!! بدبغوهو بشنو؟
سجم امانة ما ودرت اسم
Post: #29 Title: Re: رحلة ايام الخريف في بلادي....(توجد صور) Author: عبدالله الفرجوني Date: 10-01-2009, 05:17 PM Parent: #28
ماشاء الله الخريف السنه دي سمح تب والسعيه مخرفه والعرب مخرفين والكل مبسوط اللهم ديم البسط الصور دي وين فى البطانه باظبط بالله عليك تسلم والله الليله مرقتنا من علب الكبريت ديل
Post: #31 Title: Re: رحلة ايام الخريف في بلادي....(توجد صور) Author: أبوبكر أبوالقاسم Date: 10-01-2009, 05:26 PM Parent: #28
خــالد المحرب ســــــــلامات
سعدنا بلقائنا العابر صباح الخميس 17/9 بجهاز المغتربين ...
Post: #43 Title: Re: رحلة ايام الخريف في بلادي....(توجد صور) Author: خالد المحرب Date: 10-01-2009, 07:54 PM Parent: #24
Quote: حمدلا على السلامة يا شيخ العرب ..
سلامي للأسرة والأصدقاء ..
كلك زوق ياحلو شكرا على المداخله الرايعه انت معنا المره الجايه فى قلب ام هبج بى لبسه بتاعة الشرق يازول ياجميل شكرا ناذر وتحياتى لى المدام وتقبل سلام عفاف ابوحريره
Post: #42 Title: Re: رحلة ايام الخريف في بلادي....(توجد صور) Author: خالد المحرب Date: 10-01-2009, 07:47 PM Parent: #19
يا حاج .. كل سنة وإنت طيب ياخ! نجضتنا نجاض بالصور يا عمكـ!
ود الصايم والله كان لقيت ليك شدره ضليله والخيران مشه جنبك وريحة الباشندى باقه ولوعت الشيشا تكتب شعر فى كل شى وتقول كلام كتر كتر كتر تحياتى ياعمك
Post: #34 Title: Re: رحلة ايام الخريف في بلادي....(توجد صور) Author: خالد المحرب Date: 10-01-2009, 06:09 PM Parent: #9
الاخ حمزه بعد جهد جهيد واستعنا بصديق لكى نصغر الصور شكرا على المرور
Post: #30 Title: Re: رحلة ايام الخريف في بلادي....(توجد صور) Author: HAIDER ALZAIN Date: 10-01-2009, 05:25 PM Parent: #4
هيععععععع
علي باليمين يا المحرب .. برجز .. وبرجتا .. وبرجزتا ... ما وصلتّ حد ..!!
وقدر ما قلت اتجاهل هادي الصور والنترة المختوتة مع الصور .. وحس السوط في اضااني ما قدرت ..
هيعععععع .. الله يديك العافية اول مرة اكتب لك شئ .. وشئ يفقدني المنطق هنا .. بس
كسبتا اني سمعت صوتك .. وجزيتك على الله ضهري اكلني ووقفت زمبارة تب ..
حمدلله سلامة يآآآآآآخ ..
كلبتا جلدنا
Post: #32 Title: Re: رحلة ايام الخريف في بلادي....(توجد صور) Author: ناذر محمد الخليفة Date: 10-01-2009, 05:48 PM Parent: #30
دي للبروفايل يا زعيم :
Post: #33 Title: Re: رحلة ايام الخريف في بلادي....(توجد صور) Author: خالد المحرب Date: 10-01-2009, 06:05 PM Parent: #30
Post: #35 Title: Re: رحلة ايام الخريف في بلادي....(توجد صور) Author: خالد المحرب Date: 10-01-2009, 06:20 PM Parent: #33
Post: #37 Title: Re: رحلة ايام الخريف في بلادي....(توجد صور) Author: خالد علي محجوب المنسي Date: 10-01-2009, 06:39 PM Parent: #35
ولاد بطحان تعيشوا ويزيد مرحاكم ناير نار في شداة الوادي تهدي الحائر مو هيلكم تزحوا إن كان يزح الدائر
ودالمحرب سلاام جمال البادية بجمالكم أهل الكرم والضكرة سعدنا بتلك المناظر الجميلة
وقوموا خلوا الضيق في الجنايّن شوفوا عز الصيد في العسايّن يلا نقنص نطرد نعاين النهار من حر الكمائن
وها نحن معك عبر الصور الجميلة لتلك البقاع خلينا الضيق وحر المهجر وندوح معك بين تلك السهول والبقاع وتلالها
تحياتي ومودتي الصديق المحرب
Post: #38 Title: Re: رحلة ايام الخريف في بلادي....(توجد صور) Author: خالد علي محجوب المنسي Date: 10-01-2009, 06:39 PM Parent: #35
ولاد بطحان تعيشوا ويزيد مرحاكم ناير نار في شداة الوادي تهدي الحائر مو هيلكم تزحوا إن كان يزح الدائر
ودالمحرب سلاام جمال البادية بجمالكم أهل الكرم والضكرة سعدنا بتلك المناظر الجميلة
وقوموا خلوا الضيق في الجنايّن شوفوا عز الصيد في العسايّن يلا نقنص نطرد نعاين النهار من حر الكمائن
وها نحن معك عبر الصور الجميلة لتلك البقاع خلينا الضيق وحر المهجر وندوح معك بين تلك السهول والبقاع وتلالها
تحياتي ومودتي الصديق المحرب
Post: #39 Title: Re: رحلة ايام الخريف في بلادي....(توجد صور) Author: خالد المحرب Date: 10-01-2009, 06:39 PM Parent: #35
المحرب .
يالها من صور رائعة ..
ما تنسى وصيتي ..
سلامي للجميع بالذات احمد ابو حريرة ..
جيب باقي الصور
الاخ الباوقه لك كنا عاوزنك تكون معانا لانك مخرج ومصور بارع وكان استمتعت بى جمال الطبيعه
Post: #40 Title: Re: رحلة ايام الخريف في بلادي....(توجد صور) Author: الطيب شيقوق Date: 10-01-2009, 07:01 PM Parent: #39
المحرب
على الطلاق مرقتك السعودية خسارة للقبائل
حرم وقفتك وقدلك بالكلاش دى مضوى اسد البطانة ما ضاقها
تستاهل تخرت البل من العطبراوي وتتلهم بيهن المكامن جوووووووووة خيران القضارف - ويا سيدى بعد تكمن طب تلبس الجلابية السمحة والعمة السمحة والنظارة السمحة والمركوب الما خمج ويلا تمشي زناكي نسوان القهوة جوة المدينة و تاكل زيييييين و تشمشم للسوالف من اسياد الرزق المخروت .
قال مغترب الاغتراب ال ............حبوبتك
Post: #41 Title: Re: رحلة ايام الخريف في بلادي....(توجد صور) Author: الطيب شيقوق Date: 10-01-2009, 07:16 PM Parent: #40
Quote: وللرحلة بقية فيها ما فيها من الدوبيت... وكثير من الصور
بس بعاين في اللحمة والبصل لكن وين السكوووووووووووووووووووووووووووووووووو سكوووووووووووووووووووووو الهضام؟
Post: #45 Title: Re: رحلة ايام الخريف في بلادي....(توجد صور) Author: ادم الهلباوى Date: 10-01-2009, 08:11 PM Parent: #41
هيييع الشم خوخت وبردت ليالى الحرة
سيد أم عشرة شين كان سوا فيها ظروف والمتلك مابقابلو كان رصوه عشرة صفوف الحى فى أم قدود يسمع كمان ويشوف والأيام أكتر من المصروف .. هييييييع
والله ياجنى بلدكم جميلة وألبلكم نضيفة الحين بدور لى بكرة!!
Post: #46 Title: Re: رحلة ايام الخريف في بلادي....(توجد صور) Author: سمية الحسن طلحة Date: 10-01-2009, 08:36 PM Parent: #45
ياخالد العيد مبارك عليك يازول وين بلدك مشهدنا في الصور دي من ياتو جيهة في الأهل
مبروك على عصام إن شاء الله تتابعوا جديدن
سلامي للأهل كافة بدون فرز.
Post: #47 Title: Re: رحلة ايام الخريف في بلادي....(توجد صور) Author: احمد محمد بشير Date: 10-01-2009, 10:36 PM Parent: #46
كل سنة وانت طيب ويعود عليك العيد مرات ومرات وانت بين اهلك و اصحابك صور جميلة تعبر عن الهدوء في الريف بعيدا عن العاصمة الغير مشرفة للبلاد
Post: #48 Title: Re: رحلة ايام الخريف في بلادي....(توجد صور) Author: خالد المحرب Date: 10-02-2009, 01:30 AM Parent: #47
الرحله فيها حاجات تشبه المليون ميل ارض بلادى فيها صور من الطبيعه ونحن كنا معجبين بس عبرنا عن شعورنا لاننا طولنا منها فى حاجات كتيره الى اللقاء وسوف ارد على كل من تداخل ولكن تاتى الهبوب وتهدم الراكوبه بكره لنا لقاء
Post: #49 Title: Re: رحلة ايام الخريف في بلادي....(توجد صور) Author: HAIDER ALZAIN Date: 10-02-2009, 02:46 AM Parent: #48
Quote: ولكن تاتى الهبوب وتهدم الراكوبه بكره لنا لقاء
راااكوبة يا .....
Post: #50 Title: Re: رحلة ايام الخريف في بلادي....(توجد صور) Author: الطيب شيقوق Date: 10-02-2009, 05:52 PM Parent: #49
Quote: هييييييييييييييع أنا الكوكو الفجخ الطين هييييييييييييييع أنا الضب الوقع في العجين
حقوق الملكية الفكرية محفوظة لخالد المنسي
Post: #51 Title: Re: رحلة ايام الخريف في بلادي....(توجد صور) Author: حافظ حسن ابراهيم Date: 10-02-2009, 06:25 PM Parent: #50
والله يا خالد داير اكتب كتير خلاس في البوست دا لكن والشهادة لا أبو ايداً قوية بقينا نخاف من الذي بيده السوط دا
يا مان أهم حاجة تكون استمتعت و الباقي هين
Post: #52 Title: Re: رحلة ايام الخريف في بلادي....(توجد صور) Author: فيصل محمد خليل Date: 10-02-2009, 07:07 PM Parent: #51
جو هناي
انجليزي و اللا محلي ?
تلقاكم الصباح كملتوا مويت الصعيد
مودتي
Post: #76 Title: Re: رحلة ايام الخريف في بلادي....(توجد صور) Author: خالد المحرب Date: 10-05-2009, 11:00 PM Parent: #40
Quote: المحرب
على الطلاق مرقتك السعودية خسارة للقبائل
حرم وقفتك وقدلك بالكلاش دى مضوى اسد البطانة ما ضاقها
تستاهل تخرت البل من العطبراوي وتتلهم بيهن المكامن جوووووووووة خيران القضارف - ويا سيدى بعد تكمن طب تلبس الجلابية السمحة والعمة السمحة والنظارة السمحة والمركوب الما خمج ويلا تمشي زناكي نسوان القهوة جوة المدينة و تاكل زيييييين و تشمشم للسوالف من اسياد الرزق المخروت .
قال مغترب الاغتراب ال ............حبوبتك
الاخ الطيب بعد البترول مايطلع عندكم فى البردانه الشقيقه نقدم لى عمل هناك انشاء الله وانت تكون كفيلى طال عمرك
Post: #53 Title: Re: رحلة ايام الخريف في بلادي....(توجد صور) Author: Adil Osman Date: 10-02-2009, 07:15 PM Parent: #1
صور جميلة لبلادنا شكرآ يا خالد المحرب الزمن اتغيّر حفيد طه الضرير يقطع البصل والفرجونى يغنى للزمن الاتغيّر
Post: #54 Title: Re: رحلة ايام الخريف في بلادي....(توجد صور) Author: soma Date: 10-02-2009, 08:21 PM Parent: #53
اخوى ود المحرب ود عيال بطحان عفيت منك يالكلس والله صور نقلتنا نقلة فوريه للبطانه البى خيرها رويانه ما شاء الله تبارك الله .. تسلم يا فخر القبيلة وسندها العيد مبارك عليكم علينا وعليكم يتبارك والعفو لله والرسول تحياتى عبرك لكل الاهل بدون فرز ولى الحبيبة الغالية ست بيتك ولى عمناناس اب حريرة بى طرفكم والله خلوا لينا الديار هنا خلا ربنا يحفظكم ويغطيكم ان شاء الله تقبل سلام صاحبك ود الجنيد
Post: #55 Title: Re: رحلة ايام الخريف في بلادي....(توجد صور) Author: حمزه بابكر الكوبي Date: 10-02-2009, 08:34 PM Parent: #54
Quote: الاخ حمزه بعد جهد جهيد واستعنا بصديق لكى نصغر الصور شكرا على المرور
الاخ الحبيب خالد المحرب سلام مره تانيه وشكرا لتصغير الصور تعرف صورك دي رجعتني 4 سنه لوراء وعندي اولاد عمي (من بطاحين عدبابكر) عملوا لي رحله زي دي والبلد كانت مخرفه والاجمل في الرحله انا كانت في اول اجازه لي بعد غياب عشره سنوات من السودان ......وفيها صور برضو وكان الله هون بنزلهم كان سمحت لي في بوستك التريان بريحة البطانه .
Post: #56 Title: Re: رحلة ايام الخريف في بلادي....(توجد صور) Author: الطيب شيقوق Date: 10-02-2009, 09:01 PM Parent: #55
Post: #57 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-04-2009, 10:27 AM Parent: #56
Quote: هييييييييييييييع أنا الضب الوقع في العجين
Post: #58 Title: Re: رحلة ايام الخريف في بلادي....(توجد صور) Author: انور التكينة Date: 10-04-2009, 11:21 AM Parent: #57
الليلة البروق فوق الجبال السبعة و قلن نومى يا اب بيزا موارك الهبعة الضيق و الوحيح ساكت بقن لى طبعة وكتا مو بعيد ندى الدنادر لبعة
هكذا قالها المرحوم طه الضرير فى حوارى معه بابىدليق اواخر السبعينات ... و انا يا المحرب اشعلت نار وجدى بصورك لذلك : وكتا مو بعيد ندى البطانة لبعة
Post: #59 Title: Re: رحلة ايام الخريف في بلادي....(توجد صور) Author: gessan Date: 10-04-2009, 12:12 PM Parent: #57
-------------------- زمااااااان..ود شعيت..الزول البُدعي - رحيمو الله- قال : (...جاتنا "ريرة" مِشتكية وزعلانة قالت: أهلي كِملُو. !! قال: سعلناها: يا ريرة؟!! شِـن دليلك علي كَمَال أهلِك؟ قال: قالت: والله انا اهلي كملوا ورحلوا خلوني. خلوني لـ "اللواري"..الليل كُلو تيت تيت يمشن ويجن فوقي..وحِس الحَجَّار يسوَّن طق طق. قال: قُلنالا: أهلك ما كِملُو. أهلِك المعايش جَبرَتُن. لاكين ما نسوكي....)
الى نهاية الحكاية والتي تغنى فيها ود شعيت بجمال ريرة..إحدى رموز منطقة البطانة.
الآن وبعد مشاهدة هذه الصور..وقعت لي حكاية ريرة الجات لي - ود شعيت- مشتكية أهلها.. ههههههه.
الله كريييم علينا غايتو.. نتفرج في الصور بس ..نسوي شنو.. يا جماعة نزِّلوا باقي الصور حِتين بعدين نسلم عليكم..
ألف تحية..
Post: #60 Title: Re: رحلة ايام الخريف في بلادي....(توجد صور) Author: صديق الموج Date: 10-04-2009, 12:31 PM Parent: #59
الله يشهد يا خالد بى شنبك الكبير ده اللاندكروزر ولا خايل فيك كان تكون رحلتك دى بى جقله والا اصهب و قاعد فوق محويه الطافه والقراف تحتك تب وسعنك ملان مويه ماسك رسن جملك وشايلك صوت عنج طويل وتدوبى,, يعلم الله شهيتنا السودان،،،
Post: #61 Title: Re: رحلة ايام الخريف في بلادي....(توجد صور) Author: خالد المحرب Date: 10-04-2009, 11:38 PM Parent: #60
مازلت عند وعدى احبابى بس المشغوليه بى جوانبها العديده حالت دون التواصل معكم قى صورللطبيعه السوانيه فى طهور عصام فى غزلان وسط ام هبج قداله اكيد مافى حد بمد ايدو عليها لانى ارفض رفضا باتا ضرب الغزال برجع ليكم فردا فردا اكيد
Post: #62 Title: Re: رحلة ايام الخريف في بلادي....(توجد صور) Author: الطيب شيقوق Date: 10-05-2009, 06:48 AM Parent: #61
فيسل ابو المسانيح
Quote: تلقاكم الصباح كملتوا مويت الصعيد
جنس بلاغة
ات قروك وين؟
Post: #63 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-05-2009, 07:04 AM Parent: #62
Quote: انا مالي ؟ مِحارب النوم ومابي العيش؟
عزيز يا عزيز
بركة بالشوفة وحمد لله علي سلامتك بي حرام، طلتك نورت البوست وسودانيزاونلاين والمواقع المجاورة
جيتو من بلد الترك وللا يا الليل؟
حلال قاصر الرأي اب سؤالاً دانو لسع في حلايب وللا عاد لي اوطانو السكران رقد واتجدعت رسانو وقع سرجو المفضض وقارتيت بطانو
او كما قال ود شوراني - عليه الرحمة والرضا
Post: #64 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-05-2009, 07:09 AM Parent: #63
Quote: والله خلوا لينا الديار هنا خلا
العزيزة اسماء الجنيد ،
الديار عامرة بوجودكم وحضوركم الباهي.. متابعين ابداعاتكم عبر الاثير ، وكل يوم مشرفننا زيادة علي اليوم الذي سبق ان شاء الله ألقاً دايم
Post: #65 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-05-2009, 07:13 AM Parent: #64
Quote: والله يا خالد داير اكتب كتير خلاس في البوست دا
حافظ المسنوح
أكتب يا خوي أكتب... فقد اعطيناك الاذن ، والسوط اب صفرة دسيناهو منك في الهدم
أكتب .. واوعك تقول لي .. (لست بكاتب)
Post: #66 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-05-2009, 07:18 AM Parent: #65
Quote: بس بعاين في اللحمة والبصل
ارجع البصر كرتين
يكرك القندران
Post: #67 Title: Re: رحلة ايام الخريف في بلادي....(توجد صور) Author: الطيب شيقوق Date: 10-05-2009, 07:28 AM Parent: #66
احمد ود ابو حريرة
والله النيو لوك حق زولا تلب
Quote: يكرك القندران
ههههههههههههههههههههههههههههها
Post: #68 Title: Re: رحلة ايام الخريف في بلادي....(توجد صور) Author: gessan Date: 10-05-2009, 03:11 PM Parent: #67
-------------
أخونا خالد المحرب..التحية لك ولضيوفك الكرام..
وعن إذنك نهاوش أخونا اب حريرة دا شوية:
يا زول انا جيت من بلاد البلغار زمااااان..
بعدين حسب ما قُلتو انو رحلتكم دي كان فيها "غُـنا" ونحنا غُنا البطاحين دا مراااات كدي بينفع معانا:)
اها ما زلنا منتظرين الصور والغُنا وبقية التوابع..
مع التحايا للجميع
Post: #69 Title: Re: رحلة ايام الخريف في بلادي....(توجد صور) Author: صديق الموج Date: 10-05-2009, 03:35 PM Parent: #68
Quote: Quote: بس بعاين في اللحمة والبصل
ارجع البصر كرتين
يكرك القندران
ابوحريرة ودالقبايل....سلام عروب سلام انت قصدك ارجع البصل كرتين عينا لى لحمكم الصاج مستف وعمنا يقطع فى البصل ودماعوا جارىة تقول ضاربنو بمبان فى مظاهرات وتجى تقول لى ارجع البصر انتو خليتوا فينا شوف بالمناظر دى؟؟ الله يعمركم،،،
Post: #70 Title: Re: رحلة ايام الخريف في بلادي....(توجد صور) Author: خالد المحرب Date: 10-05-2009, 07:37 PM Parent: #69
جونا ضيوف وضبحنا كرامتنا فى هذه اللحظه ودى اول صوره وبعدين نرجع لى اخوانا المتداخلين
Post: #71 Title: Re: رحلة ايام الخريف في بلادي....(توجد صور) Author: خالد المحرب Date: 10-05-2009, 07:55 PM Parent: #70
Quote: سلام لاولاد شيوخ البطانه .. اها قتلت الصيده ولا فشخره كلاشات ساكت تسجيل مرور كن النشوف لينا صور من البطانه تحياتي
الاخ محمد زكريا مرورك شرف كبير لينا فى ارض البطانه برك جمل تشبع كل شى جميل ونسه وكرم ضيافه حبابك عشره
Post: #72 Title: Re: رحلة ايام الخريف في بلادي....(توجد صور) Author: خالد المحرب Date: 10-05-2009, 09:22 PM Parent: #71
Quote: ماشاء الله الخريف السنه دي سمح تب والسعيه مخرفه والعرب مخرفين والكل مبسوط اللهم ديم البسط الصور دي وين فى البطانه باظبط بالله عليك تسلم والله الليله مرقتنا من علب الكبريت ديل
ودالبنا مرحب اصحاب الفن الشامل ارجو ان ترسل تلفونك لكى نتواصل معك و مع الاعمام شكرا
Post: #73 Title: Re: رحلة ايام الخريف في بلادي....(توجد صور) Author: خالد المحرب Date: 10-05-2009, 09:35 PM Parent: #72
Quote: خــالد المحرب ســــــــلامات
سعدنا بلقائنا العابر صباح الخميس 17/9 بجهاز المغتربين ...
الاخ ابوبكر ابو القاسم وانا كنت الاسعد بلقاك العابر واتصلت بيك فى اليومين الفاتو ولم اكن محظوظ بان اسمع صوتك عبر الهاتف تحياتى لك وللاسره ... تقبل سلام عفاف ابوحريره
Post: #74 Title: Re: رحلة ايام الخريف في بلادي....(توجد صور) Author: خالد المحرب Date: 10-05-2009, 09:45 PM Parent: #73
Quote: هيععععععع
علي باليمين يا المحرب .. برجز .. وبرجتا .. وبرجزتا ... ما وصلتّ حد ..!!
وقدر ما قلت اتجاهل هادي الصور والنترة المختوتة مع الصور .. وحس السوط في اضااني ما قدرت ..
هيعععععع .. الله يديك العافية اول مرة اكتب لك شئ .. وشئ يفقدني المنطق هنا .. بس
كسبتا اني سمعت صوتك .. وجزيتك على الله ضهري اكلني ووقفت زمبارة تب ..
حمدلله سلامة يآآآآآآخ ..
كلبتا جلدنا
الابن العزيز حيدر الزين مرحب بيك سعدت جدا بوجودى معك فى الشرقيه .. دى صورة ابنا احمد يوسف ابوحريره
Post: #75 Title: Re: رحلة ايام الخريف في بلادي....(توجد صور) Author: خالد المحرب Date: 10-05-2009, 10:19 PM Parent: #74
Quote: ودالمحرب سلاام جمال البادية بجمالكم أهل الكرم والضكرة سعدنا بتلك المناظر الجميلة
وقوموا خلوا الضيق في الجنايّن شوفوا عز الصيد في العسايّن يلا نقنص نطرد نعاين النهار من حر الكمائن
وها نحن معك عبر الصور الجميلة لتلك البقاع خلينا الضيق وحر المهجر وندوح معك بين تلك السهول والبقاع وتلالها
تحياتي ومودتي الصديق المحرب
خالد المنسى ماعندى شى اقولو ليك غير تجى فى اجازة عيد الاضحى نمشى البطانه سوا مع اولاد عمك الجعليين اولاد البنا فى بطتنة ابعلى وحسان .. والباقىخليه علينا نمتعك لامن تقول بس قول نعم
Post: #77 Title: Re: رحلة ايام الخريف في بلادي....(توجد صور) Author: Omayma Alfargony Date: 10-06-2009, 03:53 AM Parent: #75
العسين يا اميمة اختى نوع من النبات اختلف الكثيرون في تفسيره . البعض يقول هو القش في مرحلة النمو الاولى واخرون يقولون النبات القائم باطراف الميع والحفائر .
المعنى الحقيقي للعسين هو القش الذى ينمو ايام الدرتية ( ايام الحصاد ) بعد ان يتم لم او جمع المسور ( المحصول) فخلال هذا الموسم تصبح البلدات خالية من المحصول ونضيييييفة . وبعد ان يزرق الشتاء ( يهب نسامو) يبدأ العسين في النمو بدون امطار وانما على هيف الشتاء الزارق و ندى الارض التي تشبعت بامطار الجبهة والخيرسان والعواء والسماك ( يا بحر بوراك ويا مطر في سماك) ثم تأتي عينة الصرف بنسام شتاها وعندئذ يبدأ العسين في النمو وغالبا ما تكون نباتات العسين هي عريق التبر والمامليحة والحنتوت وغيرها .
هذا العسين يمتاز بقيمة غذائية عالية وتأكله الاغنام بشراهة بدون ان تتعرض للسعات السريتة والباعوض . ويحلو رعي العسين سربة ( اى عندما تسرب البهائم بالليل لرعيه)
والاهم من هذا كله هو انا موسم العسين هو موسم البهلة التانية للضان والبهلة هي الولادة والبهلة الاولى عادة ايام الرشاشية فلا يفك الكنان الا في بدايات ذينك الموسمين ( الدرتية والرشاشية)
دمتى يا بت عمى
Post: #81 Title: Re: رحلة ايام الخريف في بلادي....(توجد صور) Author: الطيب شيقوق Date: 10-06-2009, 07:15 AM Parent: #80
ود الشلهمة من شعراء البطاحين
يتغزل في البطانة قائلا :-
نار وجهِك خلاس وأصبح عريسك باش وسيلِك بالمعالي وبالمراتِع كاش نفسِك من سماحتو تحلى جابلو دعاش وعربِك لي جفافُن جبدو البرّاش
******
مسك القبلة في كوع الشمال براقِك وقشط سدرو في عامر سحابو وساقِك تبونك قرنن والسيل دهك شقاقِك الضايق نشوقك حار عليهو فراقِك
******
بعد دور الجفاف قام عِفرتِك مِتباري وسحابِك نيلتو زرقة وبرقك يلفح فاري إتكسا بالخدار وجهك الكان عاري وإنعقدن رواينك يام نداياً تاري
*******
مبسوطة البطانة إتنعمت قدام شابع قشها وقاسا المزرقن وقام أخلو الدكة لا مخبر ولا حوام ولي فيهن صديق روحاً ملاني غرام
Post: #82 Title: Re: رحلة ايام الخريف في بلادي....(توجد صور) Author: خالد المحرب Date: 10-06-2009, 08:10 AM Parent: #81
الاخوان جميعا تحيه لكم جميعا
التحيه للجميع كل زول نرد عليه بى صوره ونديه حقو بس الترتيب مهم حتى لاانسى احد من الاحباب لكم منى الف تحيه بجيكم راجع احمد وقيسان والطيب اشربو الجبنه فى البوست الصباحيه انا بجى بعدين عندى مشوار
Post: #83 Title: Re: رحلة ايام الخريف في بلادي....(توجد صور) Author: طارق أحمد عثمان Date: 10-06-2009, 09:26 AM Parent: #82
شكرا الاخ خالد المحرب على هذه الصور الجميلة
وبلدكم مليانة خيرا ما شاء الله
وإنتو تستاهلوا هذا الخير (عيال بطحان).
أخوك طارق (صاحب الأرباب خالد سعيد الأرباب)
موجود في الرياض لذلك سنتقابل بإذن الله
Post: #84 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-06-2009, 09:43 AM Parent: #83
Quote: والصور,,,,وااااكبيدتي,,,طحننها طحين محراكة
هههههههههههه سلامات كبدتك يا اميمة تبرى وتستبرى
لو الكلام ده قالو ود شيقوق كنا قلنا له "تبرى" المحراكة
Post: #85 Title: Re: رحلة ايام الخريف في بلادي....(توجد صور) Author: الطيب شيقوق Date: 10-06-2009, 10:05 AM Parent: #84
شيخ احمد ود يوسف
كيفك
Quote: لو الكلام ده قالو ود شيقوق كنا قلنا له "تبرى" المحراكة
محراكة جات بالغفلة ما تبقى زولا شنّاف .
Post: #86 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-06-2009, 10:51 AM Parent: #85
ودشيقوق ، اميمة الفرجوني دي
نبيهةً بت نبيه ...وذات نسب في النابهين نبيه
اديك فنجان ؟
Post: #87 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-06-2009, 11:14 AM Parent: #86
Quote: مرحلة زمنية من الخريف ينمو فيها عشب العسين اللذيذ الطعم للماشية
يا بت أحمد
Post: #88 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-06-2009, 11:20 AM Parent: #86
Quote: انت قصدك ارجع البصل كرتين
ود الموج بيني وبينك من شكل البصل البارز في صورة ودكيقة دي تبدو كأنما الرحلة كلها كانت بطعم البصل
لا غز فيهم بركة الحالة دي قلنالم ما تكتروهو !!
Post: #89 Title: Re: رحلة ايام الخريف في بلادي....(توجد صور) Author: الطيب شيقوق Date: 10-06-2009, 11:41 AM Parent: #88
المحرب
انا ظني انت ما وصلت البطانة جووووة الصور دى من قدام ربوب ولا كيف؟
Post: #90 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-06-2009, 11:56 AM Parent: #89
Quote: انا ظني انت ما وصلت البطانة جووووة الصور دى من قدام ربوب ولا كيف؟
ههههههههه دي من راسك وللا من كراسك آآآ المسخوت
ـــــــــــــــ عليك الله سلم لي علي شيخ الزبير
Post: #91 Title: Re: رحلة ايام الخريف في بلادي....(توجد صور) Author: الطيب شيقوق Date: 10-06-2009, 12:03 PM Parent: #90
احمد ود اب حريرة
Quote: دي من راسك وللا من كراسك آآآ المسخوت
لقيتني كيف ؟
احسن اصم خشمي واسكت ولا شنو؟
كان جاء واحد فيكم فاصحنى بكشف محنكم
Post: #92 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-06-2009, 12:13 PM Parent: #91
Quote: لقيتني كيف ؟
لقيتك كده thump's up
Post: #93 Title: Re: رحلة ايام الخريف في بلادي....(توجد صور) Author: حمزه بابكر الكوبي Date: 10-06-2009, 07:11 PM Parent: #92
Quote: هكذا قالها المرحوم طه الضرير فى حوارى معه بابىدليق اواخر السبعينات ...
انور التكينه لك التحايا كاميرتك السمحه دي في اواخر السبعينات ماكانت في علشان توثق لاسد البطانه طه الضرير
Post: #94 Title: Re: رحلة ايام الخريف في بلادي....(توجد صور) Author: Omayma Alfargony Date: 10-07-2009, 04:51 AM Parent: #86
Quote: مسك القبلة في كوع الشمال براقِك وقشط سدرو في عامر سحابو وساقِك تبونك قرنن والسيل دهك شقاقِك الضايق نشوقك حار عليهو فراقِك
هلا هلا كلام سمح بالحيييل.
اخوي احمد ودابحريرة تسلم ويديك العافية لكن فورت دم اخوي ودشيقوق شالته الغيرة. عارفاك ماك فوق شناف. هزاركم طاعم ومفيد زي حبة فيتامين سي.:).
بري والله يبره ودشيقوق اخوي ويسلم من الاذى.
دحين لقيتك..You give up fast and can be threatened
Thumbs up قلتلي.
ههههههه.
Post: #95 Title: Re: رحلة ايام الخريف في بلادي....(توجد صور) Author: الطيب شيقوق Date: 10-07-2009, 05:27 AM Parent: #94
بت الفرجوني
دحين احمد المالية بيهو ايدك دا تاني بعد اتلوبس بالبدل دى باقي ليك تاني زول فذع ؟ زولا تاني لا بحلب لا بصر لا بولع التقابة ولا بعلق ولا بحبس العلوق من العتان .
اخوك هييييييييع بشيل ليك البهم في كتفو وقت البهلة .
Post: #96 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-07-2009, 06:25 AM Parent: #95
Quote: كاميرتك السمحه دي في اواخر السبعينات ماكانت في علشان توثق لاسد البطانه طه الضرير
حمزة الكوبي
خد عندكـ طه الضرير
Post: #97 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-07-2009, 06:31 AM Parent: #96
Quote: You give up fast and can be threatened
هههههههههههه ما طوالي وحات ابوكـ كنت لابد لي فوق رأي...
انتو حاج بكري ده شال الـ Right Click وداها وين ؟
Post: #98 Title: Re: رحلة ايام الخريف في بلادي....(توجد صور) Author: الطيب شيقوق Date: 10-07-2009, 06:33 AM Parent: #97
Quote: كنت لابد لي فوق رأي...
نامن تلقى ورلك صنقع يا العشاء؟
Post: #99 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-07-2009, 06:41 AM Parent: #97
Quote: ولا بحبس العلوق من العتان
انت من زمن العلوق البحبسوهو من العتان يا قدديم
بمناسبة العتان ، زكرتني نكتة: حنكوشة في الجامعة مسطحة ما تفرز العتود من الخروف واحد من زملائها زي نوع ود شيقوق ده ، بيكاوي فيها قال لها دحين يا لورا بتعرفي العتود؟ التفتت عليها وبي براءة الدنيا كلها قالت له: هو قال ليك بيعرفني؟؟
Post: #100 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-07-2009, 06:46 AM Parent: #99
Quote: نامن تلقى ورلك صنقع يا العشاء؟
ههههههههه طيب نرجع للموضوع انت الخلاك تقول دي ما البطانة شنو؟ من عندكـ وللا استعنت بي صديق؟ اعترف
ــــــــــــــــــ الزبير ده كان ما مرقناه من مسقط دي ما بنرتاح
Post: #101 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-07-2009, 06:55 AM Parent: #100
Quote: اها ما زلنا منتظرين الصور والغُنا وبقية التوابع..
قيسان عشا الضيفان الصور والغنا وبقية التوابع عندكم هناكـ في الرياض
انت لبدت مالك؟ شكلكـ اخدت حقكـ كاش
Post: #102 Title: Re: رحلة ايام الخريف في بلادي....(توجد صور) Author: الطيب شيقوق Date: 10-07-2009, 07:13 AM Parent: #100
المحرب
اب حريرة
Quote: هو قال ليك بيعرفني؟؟
دى كتيرة منها البركة الما فكت ليها درابة تانية .
قطع شك فكتها بس انت متكج بيها .
Quote: انت الخلاك تقول دي ما البطانة شنو؟ من عندكـ وللا استعنت بي صديق؟ اعترف
بيني وبينك لما توالت علينا الصور وشفنا لينا عرديبات كبار وهجليجات منّاع وميمات !!!!! ( ميم ميم او نيم زى ما بقولوا ناس السوق) ناداني شيخ الزبير لاجتماع هام وعاجل بغرض التفاكر حول دبلجاتكم التي خمشت حت شدر اللبخ القائم قصاد القصر الجمهوري . قلبنا الصور وقلبنا تاااااني وقت عين شيخ الزبير وقعت في اللبخة قال عيييييييييييييييك ناسك ............
خافوا الله فينا يا ناس ول....توا ساااااااااى والكاميرا بقت تخمش بدون فرز .
Post: #103 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-07-2009, 07:32 AM Parent: #102
Quote: وشفنا لينا عرديبات كبار وهجليجات منّاع وميمات !!!!!
ههههه ودشيقوق بطل سلبطة انت لا استعنت بي الزبير ولا اجتمعت بيهو الزبير برئ مما ذكرت وظنكـ ما في محلو
قال عرديب ولبخ قال شكلي فعلا I gave up easily على قول اميمة
ههههههه
Post: #104 Title: Re: رحلة ايام الخريف في بلادي....(توجد صور) Author: الطيب شيقوق Date: 10-07-2009, 07:38 AM Parent: #103
الخروف دا مضبوح في حدبة قدام اللباتور
مسانييييييييييح الربيع ما ما بدسو منو .
بس السترة علينا - و خلو ناس البندر يتجدعو في خضاركم دا اصلا لا جايبين ليكم خبر ولا اتر .
Post: #105 Title: Re: رحلة ايام الخريف في بلادي....(توجد صور) Author: سمية الحسن طلحة Date: 10-07-2009, 07:53 AM Parent: #104
Quote: الزبير برئ مما ذكرت
ينصر دين البطاحين وبطانتم أم عسين الرفاعي دا حذرناه في غير موضعٍ من الصلبطة والآن نحذره من الدخول بين اللبخة أقصد الشدرة وقرفتا قال ميم قال ...
Post: #106 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-07-2009, 08:03 AM Parent: #105
Quote: ينصر دين البطاحين وبطانتم أم عسين
هههههههههههههه ازيك يا ملكة ودشيقوق فك الكداب ومسك في اللبخ
اتاريه بتهجم ساكت وكمان بيغالطنا في عسيننا
Post: #107 Title: Re: رحلة ايام الخريف في بلادي....(توجد صور) Author: سيف بخيت موسي Date: 10-07-2009, 08:11 AM Parent: #106
المحرب
وابوحريرة
صباحكم خير وكل عام وانتم وجميع اهلكم بألف عافية
مشاء الله البطانة وافرة وناضرة
منتظرين بقية الهداية
الون تو بتاعكم دا بضيع لينا الجنا البترولي ود شيقوق
لكما والجميع الود المقيم
Post: #108 Title: Re: رحلة ايام الخريف في بلادي....(توجد صور) Author: الطيب شيقوق Date: 10-07-2009, 08:14 AM Parent: #106
Quote: الرفاعي دا حذرناه في غير موضعٍ من الصلبطة والآن نحذره من الدخول بين اللبخة أقصد الشدرة وقرفتا قال ميم قال ...
تحاحي وتشركي سااااااااى
دحين يا ناس ود ساقرتنا مش براااااااكم ضربتوا لي قلتو لي تعال لينا نحن فارشين طب على مشاهد البطانة المغشوشة .
مش جيت لقيتكم فارشين الصور قدامكم بتفرزوا فيها زى الزول الفارشلو شوال بصل بنقي فيهو .
وفي ذمتك البطانة بتقوم فيها لبخة ؟
وحاة النبي الكلام دا كان سمعوبو ناس ود اب سمبل وود الصبي وناس ود ديان يجوا يخرتوهوها منكم ضحى .
Post: #109 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-07-2009, 08:31 AM Parent: #108
Quote: الون تو بتاعكم دا بضيع لينا الجنا البترولي ود شيقوق
يا مولانا سيف
زولك ده كان بقى في مواعينو ساكت ماف زول بيسألو ،
كدي شوف نوع الغلاط ده ....
Quote: وفي ذمتك البطانة بتقوم فيها لبخة ؟
ما بتبقى زي بترول البردانة؟
Post: #110 Title: Re: رحلة ايام الخريف في بلادي....(توجد صور) Author: سيف بخيت موسي Date: 10-07-2009, 08:38 AM Parent: #109
Quote: وفي ذمتك البطانة بتقوم فيها لبخة
بيني وبينك يا ود اب حريرة
الجنا ود شيقوق ، زمان أيام الجامعة كان مشياته كثيرة لشمبات " كلية الزراعة
وباقي هناك اللبخ الما خمج ، فشكلوا رايحة ليهو لبخة
سلامي وودي
Post: #111 Title: Re: رحلة ايام الخريف في بلادي....(توجد صور) Author: الطيب شيقوق Date: 10-07-2009, 09:13 AM Parent: #110
المستشار سيف ود البخيت
كيييفك
Quote: بيني وبينك يا ود اب حريرة
الجنا ود شيقوق ، زمان أيام الجامعة كان مشياته كثيرة لشمبات " كلية الزراعة
وباقي هناك اللبخ الما خمج ، فشكلوا رايحة ليهو لبخة
يا ريت لو لبخة وبس يا سيف اخوى انا هناك قلبي ذاتو راح
Post: #112 Title: Re: رحلة ايام الخريف في بلادي....(توجد صور) Author: سيف بخيت موسي Date: 10-07-2009, 09:22 AM Parent: #111
Quote: يا ريت لو لبخة وبس يا سيف اخوى انا هناك قلبي ذاتو راح
جاكم كلامي يا ناس البطانة
الجنا معذور
سلام لشيقا وجميع آل البوست
Post: #113 Title: Re: رحلة ايام الخريف في بلادي....(توجد صور) Author: الطيب شيقوق Date: 10-07-2009, 09:36 AM Parent: #112
مالك يا سيف بتنكت في المحن
كم جمع الحب بين أصحاب القلوب المرهفة، في ذلك الجو الأخوي الصادق، والشاعري الملهم، والمفعم بالمودة النبيلة، وكم فاضت المشاعر أحاسيس دفاقة ، جاشت بها الصدور، وفاض بها الدمع ،فجادت القرائح باعذب الشعر وارقه، وكيف كتم بعضهم هذا الحب بين جوانحه،ولم يبح خشية العيون التي ترى، أو بلغة هذا الزمن الصعب" الشمارات!" وكيف سار الركبان بذكر بعضه الآخر، بين منحنيات الجامعة وأروقتها، وكيف تسرب البعض الآخر من الشعر، وتعدى أسوار الجامعة، ولحن، وتغنى به الفنانون، فأصبحت تلك القصائد أغانٍ خالدة في حياتنا ووجداننا!!
Post: #114 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-07-2009, 09:58 AM Parent: #113
Quote: كم جمع الحب بين أصحاب القلوب المرهفة، في ذلك الجو الأخوي الصادق، والشاعري الملهم، والمفعم بالمودة النبيلة، وكم فاضت المشاعر أحاسيس دفاقة ، جاشت بها الصدور، وفاض بها الدمع ،فجادت القرائح باعذب الشعر وارقه، وكيف كتم بعضهم هذا الحب بين جوانحه،ولم يبح خشية العيون التي ترى، أو بلغة هذا الزمن الصعب" الشمارات!" وكيف سار الركبان بذكر بعضه الآخر، بين منحنيات الجامعة وأروقتها، وكيف تسرب البعض الآخر من الشعر، وتعدى أسوار الجامعة، ولحن، وتغنى به الفنانون، فأصبحت تلك القصائد أغانٍ خالدة في حياتنا ووجداننا!!
مولانا سيف اول مرة اشوف ود شيقوق "منداح" كدي شكلك هبشت ليك زر
استغفر يا شيقوق استغفر كتيرها وقليلها رايح
Post: #115 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-07-2009, 10:00 AM Parent: #114
Quote: فأصبحت تلك القصائد أغانٍ خالدة في حياتنا ووجداننا
دي زي برنامج اسماء في حياتنا
ايييييييييييييه يا زمن
Post: #116 Title: Re: رحلة ايام الخريف في بلادي....(توجد صور) Author: الطيب شيقوق Date: 10-07-2009, 10:10 AM Parent: #115
Quote: استغفر يا شيقوق استغفر كتيرها وقليلها رايح
صحيح يا العشاء بس الودار خشم بيييييييييوت
Post: #117 Title: Re: رحلة ايام الخريف في بلادي....(توجد صور) Author: سيف بخيت موسي Date: 10-07-2009, 10:12 AM Parent: #115
Quote: مالك يا سيف بتنكت في المحن
كم جمع الحب بين أصحاب القلوب المرهفة، في ذلك الجو الأخوي الصادق، والشاعري الملهم، والمفعم بالمودة النبيلة، وكم فاضت المشاعر أحاسيس دفاقة ، جاشت بها الصدور، وفاض بها الدمع ،فجادت القرائح باعذب الشعر وارقه، وكيف كتم بعضهم هذا الحب بين جوانحه،ولم يبح خشية العيون التي ترى، أو بلغة هذا الزمن الصعب" الشمارات!" وكيف سار الركبان بذكر بعضه الآخر، بين منحنيات الجامعة وأروقتها، وكيف تسرب البعض الآخر من الشعر، وتعدى أسوار الجامعة، ولحن، وتغنى به الفنانون، فأصبحت تلك القصائد أغانٍ خالدة في حياتنا ووجداننا!!
لقيتك جاهز موية ونور يا سعادتك ، عالم ناقصة هبشة
اخوي المحرب ارجع يابا أرجع لسعوديتك قبال ما نفقد الجنا دا ويودر
كععععععععععععععععععع
Post: #118 Title: Re: رحلة ايام الخريف في بلادي....(توجد صور) Author: سيف بخيت موسي Date: 10-07-2009, 10:19 AM Parent: #117
Quote: مولانا سيف اول مرة اشوف ود شيقوق "منداح" كدي شكلك هبشت ليك زر
زر واحد ، وحياتك يا ود اب حريرة الجنا ود شيقوق بقى فلل اتوماتك
ويشتغل بالطاقة الشمسية كمان
عليكم بالصور الباقية اناس
سلام للجميع
Post: #119 Title: Re: رحلة ايام الخريف في بلادي....(توجد صور) Author: Ahmed Yousif Abu Harira Date: 10-07-2009, 10:38 AM Parent: #118
Quote: عليكم بالصور الباقية اناس
مولانا /سيف قبل قليل كنت بتحدث مع خالد في الرياض وبيعتذر ليكم عن التأخير لأنو فيما يبدو عندو مشكلة في الجهاز وبقول لكم الصور جاية بس مدوا حبل الصبر واشربوا القهوة
كما ابلغته بما جرى من شيقوق من تشكيك في (اوثنتكية) الصور واوصاني بأن ابلغ سعادة المستشار بوعده الذي سبق وان قطعه له بالتلفون وانه على ذلك الوعد..
(كم هائل من الوجوه الضاحكة)
Post: #120 Title: Re: رحلة ايام الخريف في بلادي....(توجد صور) Author: طارق عبد اللطيف نقد Date: 10-07-2009, 11:43 AM Parent: #119
عم خالد سلام احمد يوسف الله يجازيكم 00ما ودرتونا ساكت
جينا في الصقيعة وبعد ما رجعنا خرفتوا
دقسنا في التوقيت 000
لكن ابشرك الجايه بتظبط
سلم لي علي ناس علي الزين وكل المسانيح المعاك
Post: #121 Title: Re: رحلة ايام الخريف في بلادي....(توجد صور) Author: حمزه بابكر الكوبي Date: 10-07-2009, 07:50 PM Parent: #120
Quote: حمزة الكوبي
خد عندكـ طه الضرير
تشكر كتير علي الصوره ياقريبي
Post: #122 Title: Re: رحلة ايام الخريف في بلادي....(توجد صور) Author: حمزه بابكر الكوبي Date: 10-07-2009, 07:58 PM Parent: #121
Post: #123 Title: Re: رحلة ايام الخريف في بلادي....(توجد صور) Author: الطيب شيقوق Date: 10-07-2009, 08:09 PM Parent: #122
مولانا سيف
المحرب
احمد ابو حريرة
Quote: لقيتك جاهز موية ونور يا سعادتك ، عالم ناقصة هبشة
اخوي المحرب ارجع يابا أرجع لسعوديتك قبال ما نفقد الجنا دا ويودر
خلاص وقفوا - الزمن الان الساعة 11 بتوقيت السلطنة
ممنوع الاقتراب والتصوير
صدر تحت ختمي وتوقيعي
شيقاااااااااااااااااااااا
Post: #124 Title: Re: رحلة ايام الخريف في بلادي....(توجد صور) Author: Omayma Alfargony Date: 10-07-2009, 10:48 PM Parent: #123
Quote: Quote: فأصبحت تلك القصائد أغانٍ خالدة في حياتنا ووجداننا
دي زي برنامج اسماء في حياتنا
هههههههههه
في دي صدق احمد اخوي
انا زاتي ما عرفته بقيت اقرا في الكلام واتلفت وقربت اقول:(الي الذي يكتب باسم ودشيقوق).
هههههههه.
Post: #125 Title: Re: رحلة ايام الخريف في بلادي....(توجد صور) Author: خالد المحرب Date: 10-07-2009, 10:55 PM Parent: #123
الطيب لقيت الهوى وضريت عيشك لكن كمان داير تقول دى صور فى الخرطوم لكن انا حالف الا اوديك هناك وافكك عكس الهوى والله الا تقول زبادى .. عشان ترجع سالم .. اتونسوا وجاياك صور كتار
زز
Post: #127 Title: Re: رحلة ايام الخريف في بلادي....(توجد صور) Author: خالد المحرب Date: 10-07-2009, 11:13 PM Parent: #125
ومازلنا ننقل لكم صور من الطبيعه الجذابه فى بلد المليون ميل
Post: #126 Title: Re: رحلة ايام الخريف في بلادي....(توجد صور) Author: صديق الموج Date: 10-07-2009, 11:08 PM Parent: #100
Quote: المحرب
انا ظني انت ما وصلت البطانة جووووة الصور دى من قدام ربوب ولا كيف؟
ود شيقوق .....سلام الشىء ده من قشها ده دون ابودليق جاى.... يعنى بين ابو دليق وغريقانه،،،،
Post: #128 Title: Re: رحلة ايام الخريف في بلادي....(توجد صور) Author: خالد المحرب Date: 10-07-2009, 11:32 PM Parent: #126
Quote: سيد أم عشرة شين كان سوا فيها ظروف والمتلك مابقابلو كان رصوه عشرة صفوف الحى فى أم قدود يسمع كمان ويشوف والأيام أكتر من المصروف .. هييييييع
اخونا ادم الهلباوى حبابك عشره فى دار اهلك ناس الشرق كلهم طولنا ماشفناك انا الان موجود فى الرياض اتمنى ان اراك فريبا
Post: #129 Title: Re: رحلة ايام الخريف في بلادي....(توجد صور) Author: خالد المحرب Date: 10-07-2009, 11:45 PM Parent: #128
Quote: ياخالد العيد مبارك عليك يازول وين بلدك مشهدنا في الصور دي من ياتو جيهة في الأهل
مبروك على عصام إن شاء الله تتابعوا جديدن
سلامي للأهل كافة بدون فرز
الاخت سميه دى اول صوره من مراسم طهور عصام ولدى ادينا من دنك شويه تجاه عصام لانو عصام دا بحب شعر الباديه ودا قدحنا منك
Post: #130 Title: Re: رحلة ايام الخريف في بلادي....(توجد صور) Author: خالد المحرب Date: 10-07-2009, 11:53 PM Parent: #129
Quote: كل سنة وانت طيب ويعود عليك العيد مرات ومرات وانت بين اهلك و اصحابك صور جميلة تعبر عن الهدوء في الريف بعيدا عن العاصمة الغير مشرفة للبلاد
Post: #131 Title: Re: رحلة ايام الخريف في بلادي....(توجد صور) Author: خالد المحرب Date: 10-08-2009, 00:15 AM Parent: #130
Quote: والله يا خالد داير اكتب كتير خلاس في البوست دا لكن والشهادة لا أبو ايداً قوية بقينا نخاف من الذي بيده السوط دا
يا مان أهم حاجة تكون استمتعت و الباقي هين
الابن حافظ انت انسان ليك حاجات انا احترمها تكمن فى الشفافيه منو البقول حاجاتو بى بكل هذه الشفافيه وانا اسميها شجاعه وتصالح مع النفس انا اوعدك بان اتصل بى الطرف الاخر ولنا لقاء شكرا ابنى العزيز
Post: #132 Title: Re: رحلة ايام الخريف في بلادي....(توجد صور) Author: خالد المحرب Date: 10-08-2009, 00:20 AM Parent: #131
Quote: جو هناي
انجليزي و اللا محلي ?
تلقاكم الصباح كملتوا مويت الصعيد
مودتي
الاخ فيصل انت بعيد مننا لكن والله نتمنى ان تكون معانا رغم ابعدين فى الغربه ان نلتقى فى ارض الوطن اون لاين
Post: #133 Title: Re: رحلة ايام الخريف في بلادي....(توجد صور) Author: خالد المحرب Date: 10-08-2009, 00:37 AM Parent: #132
Quote: صور جميلة لبلادنا شكرآ يا خالد المحرب الزمن اتغيّر حفيد طه الضرير يقطع البصل والفرجونى يغنى للزمن الاتغيّر
السياق جا فى انو نحن كلنا مشينا رحله فينا العرض وفينا القال شعر وفينا القطع البصل وفينا الضبح البهيمه وفينا الشوى اللحم ودى كان سياق النضم تعال معانا وكلنا نكون تحت الخدمه
Post: #134 Title: Re: رحلة ايام الخريف في بلادي....(توجد صور) Author: خالد المحرب Date: 10-08-2009, 00:47 AM Parent: #133
Quote: اخوى ود المحرب ود عيال بطحان عفيت منك يالكلس والله صور نقلتنا نقلة فوريه للبطانه البى خيرها رويانه ما شاء الله تبارك الله .. تسلم يا فخر القبيلة وسندها العيد مبارك عليكم علينا وعليكم يتبارك والعفو لله والرسول تحياتى عبرك لكل الاهل بدون فرز ولى الحبيبة الغالية ست بيتك ولى عمناناس اب حريرة بى طرفكم والله خلوا لينا الديار هنا خلا ربنا يحفظكم ويغطيكم ان شاء الله تقبل سلام صاحبك ود الجنيد
بتنا اسماء مرحب بيك والتحيه لى بعلك والوليدات وتقبلى سلام ست البيت عفاف ابوحريره وافراد الاسره الصغيره وال اهلك كلهم
Post: #135 Title: Re: رحلة ايام الخريف في بلادي....(توجد صور) Author: خالد المحرب Date: 10-08-2009, 00:55 AM Parent: #134
Quote: الاخ الحبيب خالد المحرب سلام مره تانيه وشكرا لتصغير الصور تعرف صورك دي رجعتني 4 سنه لوراء وعندي اولاد عمي (من بطاحين عدبابكر) عملوا لي رحله زي دي والبلد كانت مخرفه والاجمل في الرحله انا كانت في اول اجازه لي بعد غياب عشره سنوات من السودان ......وفيها صور برضو وكان الله هون بنزلهم كان سمحت لي في بوستك التريان بريحة البطانه
الاخ حمزه مرحب بيك وانت اول من سجل مداخله وذكرت فيها انو اولاد اعمك من البطاحين ارجو ان تمدنى بى تلفونك عبر الماسنجر الداخلى حتى نمد التواصل عبر الموقع هذا لصاحبه منى التحيه ولك نلبى طلبك ونحن ممنونين
Post: #136 Title: Re: رحلة ايام الخريف في بلادي....(توجد صور) Author: خالد المحرب Date: 10-08-2009, 01:08 AM Parent: #135
Quote: الليلة البروق فوق الجبال السبعة و قلن نومى يا اب بيزا موارك الهبعة الضيق و الوحيح ساكت بقن لى طبعة وكتا مو بعيد ندى الدنادر لبعة
هكذا قالها المرحوم طه الضرير فى حوارى معه بابىدليق اواخر السبعينات ... و انا يا المحرب اشعلت نار وجدى بصورك لذلك : وكتا مو بعيد ندى البطانة لبعة
انور حبابك عشره اتمنى ان نلتقى وجه لوجه فى المى دايمه طه ابو الزينه قال اخير اختر براى اسد الرضيمه بنترو وصاحبى ان زل ما مبشاهو ديمه بسترو وقال حس ابوججره والقربين دوام بارينى انا الساره كان ابقا الكلام عانينى شكرا انور رسل تلفونك عبر الماسنجر الداخلى شكرا انور
Post: #137 Title: Re: رحلة ايام الخريف في بلادي....(توجد صور) Author: خالد المحرب Date: 10-08-2009, 01:19 AM Parent: #136
Quote: زمااااااان..ود شعيت..الزول البُدعي - رحيمو الله- قال : (...جاتنا "ريرة" مِشتكية وزعلانة قالت: أهلي كِملُو. !! قال: سعلناها: يا ريرة؟!! شِـن دليلك علي كَمَال أهلِك؟ قال: قالت: والله انا اهلي كملوا ورحلوا خلوني. خلوني لـ "اللواري"..الليل كُلو تيت تيت يمشن ويجن فوقي..وحِس الحَجَّار يسوَّن طق طق. قال: قُلنالا: أهلك ما كِملُو. أهلِك المعايش جَبرَتُن. لاكين ما نسوكي....)
الى نهاية الحكاية والتي تغنى فيها ود شعيت بجمال ريرة..إحدى رموز منطقة البطانة.
الآن وبعد مشاهدة هذه الصور..وقعت لي حكاية ريرة الجات لي - ود شعيت- مشتكية أهلها.. ههههههه.
الاخ قيسان عرفت من الابن احمد يوسف انك معانا فى الرياض ودا براهو خبر سمح اتصل على والتلفون معاك كما ذكر لى احمد
Post: #138 Title: Re: رحلة ايام الخريف في بلادي....(توجد صور) Author: خالد المحرب Date: 10-08-2009, 01:24 AM Parent: #137
Quote: الله يشهد يا خالد بى شنبك الكبير ده اللاندكروزر ولا خايل فيك كان تكون رحلتك دى بى جقله والا اصهب و قاعد فوق محويه الطافه والقراف تحتك تب وسعنك ملان مويه ماسك رسن جملك وشايلك صوت عنج طويل وتدوبى,, يعلم الله شهيتنا السودان،،،
والله يالصديق الموج كلامك انا دايرو يتحقق لكن........... مع وجودنا خارج البلاد نحن اليها كتير لكن جابراناالظروف
Post: #139 Title: Re: رحلة ايام الخريف في بلادي....(توجد صور) Author: خالد المحرب Date: 10-08-2009, 01:43 AM Parent: #138
الابنه بت الفرجونى الله يبارك فيك يابت العزاز اتمنى ان نتلقى فى ارض الوطن ومعاك اهلك وتوثقى انت هذا اللقاء
Post: #140 Title: Re: رحلة ايام الخريف في بلادي....(توجد صور) Author: خالد المحرب Date: 10-08-2009, 02:30 AM Parent: #139
Quote: شكرا الاخ خالد المحرب على هذه الصور الجميلة
وبلدكم مليانة خيرا ما شاء الله
وإنتو تستاهلوا هذا الخير (عيال بطحان).
أخوك طارق (صاحب الأرباب خالد سعيد الأرباب)
موجود في الرياض لذلك سنتقابل بإذن الله
الاخ طارق حبابك مراحب بيك وبى الارباب خالد سعيد اين الرجل انا يادوب جيت الرياض انت عزيز وصاحب اعز الرجال لنا لقاء كما وعدت انت شكرا
Post: #141 Title: Re: رحلة ايام الخريف في بلادي....(توجد صور) Author: خالد المحرب Date: 10-08-2009, 02:51 AM Parent: #140
الاخ الطيب واحمد يوسف اتونسو انا الان طالع المنطقه الشرقيه الدمام الساعه 5 صباحا من دربى دا ابقوا 10 وبجيكم عندى صور كتار وتحياتى الى الاخ سيف وطارق لكن الزمن ضايقنى بجيكم راجع بعد ما ارجع من الدمام شكرا
Post: #142 Title: Re: رحلة ايام الخريف في بلادي....(توجد صور) Author: الطيب شيقوق Date: 10-08-2009, 05:33 AM Parent: #141
ود الموج
ادام الله افراحك
Quote: ود شيقوق .....سلام الشىء ده من قشها ده دون ابودليق جاى.... يعنى بين ابو دليق وغريقانه،،،،
صدقت يطول عمرك
اخوك دا مولود ومفطوم جووووة العدار والنال والانيس والدرعية - والبطانة دى عبرتها وراء وقدام يقوموا اللاعبين ديل يلصقوا لينا اللبخ والميم هنا ويقولوا البطانة ؟
