زواج جماعي في لندن و واشنطون والرياض والخرطوم وبروكسل

اختراح من الاخوان في الجالية السودانية في بالجيكا وبالتعاون والتنسيق مع الجاليات السودانية في الدول العربية والاوربية والامريكية ذات التعداد السوداني الكبير والتى تعاني من تفشى ظاهرت العنوسة بين الشباب و الشابات وتسهيل فرصة التعارف بين السودانين في مختلف دول المهجر ومعالجة هذه المشكلة التي يعانى منها لاباء والامهات وطرح تصور عام لدعم الفكرة واجاد حلول مشتركة لتفعيل هذا العمل الذى يخدم ويخفف من امر المعضلة السودانية الاكثر اهتماما بين السودانين في العالم وماهى التصورات في تفعيل هذا المخترح
1/ رائ الاباء والامهات في هذه الفكرة
2/ دعم الدولة لهذه الفكرة
3/ تحديد الزمان والمكان لهذه الفكرة اخترح ان يكون في السودان
4/ جهاز شون المغتربين ودعمة لهذة الفكرة
5/ دعم الاخوان والاخوات لهذا المخترح
6/ تشكيل لجان مختلفة لتفيعل المخترح
7/ رائ الابناء والبنات لهزا المشروع وماهي الوسيلة الحضارية للاتقاء الطرفين وكيفة خلق الفرص في جمع الشركين لابدا الرائ والموافقة علي شريك المستقبل
8/ ماهى نسبة نجاح المشروع من مبداء جمع رأسين في الحلال وهل هنالك نسبة متفاوتة في نجاح المشروع
انا على استعداد لسفر وتنقل بين الدول لانجاح هذة المشروع ومقابلت اللجان التنفيذية للجاليات في الدول المختلفة من اميركا وحتي اليابان ونحن في انتظار رد الاخوان

up

كلام جميل
خاصة إنو الشباب في الغربة بكونوا "مقفولين" في منطقة صغيرة
وكل واحد بيكون في حالو،، وبهذه الطريقة تنتشر العنوسة خصوصا لدى الشابات
بالأمس القريب حكى لي أحد الأصدقاء أن هناك أحد الأسر لديها ستة بنات أكثرهن في مرحلة الزواج ولم يأتي النصيب إلى اللحظة
الموضوع طويل وشائك،، ولكن نتمنى أن يكون هناك حل حتى من خلال المنبر هنا. وكان أحد الزملاء قد نشر موضوع مشابه وعن طريقه تمت زواجات اعتقد
على كل حال كل التوفيق للشباب في هذا الزمن الصعب

وإلى الأمام

الاخ حاتم

السلام عليكم ورحمة الله

عيد سعيد وكل عام وانت بخير

شنو يا اخوى صحن الفول والعدس اخبارهم شنو ؟

اقول ليك الكلام الجد يا دوبك قلت الكلام السمح وربنا يوفق الجميع لهذه الافكار القيمة

انتصار

الاخ معتز والاخت انتصار كل عام وانتم بخير
الفكرة موجودة والرغبة متوفرة والتصميم على نجاحها هو مربض الفرس نريد من كل الاباء والامهات ابداء الرائ في كيفية معالجة المشكلة وايجاد حلول مرضية للشباب بدل وضع الايادي علي الخدود وانتظار الفرج القادم الذى لن ياتى بالتمنى يجب ان يكون هنالك عمل وجهد من جميع الاطراف والا على الدنيا وبناتنا السلام







الاخت انتصار انا جاي عندكم قالوا الفول وعدس فيى بلدكم باشوالات جهزي الشطة والرغيف

حاتم ممكن تسجل اسمي ..

انا دايره من ناس لندن وواشنطون








كل سنه وانت طيب

وقلنا واحد من لندن والبداية مبشرة واحد تقيل من لندن واثنان من بالجيكا

سجلني انا برضو...
دايرة واحد من تشيكسولوفاكيا...
يعني واحد من التشيك,,, والبديل من سولوفاكيا

حاتم كل سنه وانت طيب وربنا يحقق الاماني

الخواجيات بره الجك ولا جوه الجك؟؟؟؟؟

الاخت سارة كل عام وانتم بخير انا برشح ليك واحد من بلجيكى خرطومى عشان شهر في بالجيكا وشهر في الخرطوم وكمان 2 جواز سفر الدخول والخروج من غير دفع وكل يوم مصيفة في دولة



الاخ حمزة كل عام وانت بخير والمدام انشاء فكت الحصر التجول لينا زمان ماشوفناك حتي العيد ماسمعنا صوتك انا عندى ليك بت سمحة ومرطبة للولد عشان مايبور من حسى تكون ضمنت مستقبل الولد شكرا علي المرور والخواجات ديل ابعد من طريقهم دا شبكا ماتنحل منها الا باجاويد البطاحين ناس ابودليق والعيلفون

حاتم خليك جادي في البوست دا .. لانو انا وسرور اختى دي ما قاعدين نهزر

حاتم سلامات وكل عام وانت بخير

والله فكرة ممتازة جدا ..واعتقد انو البوست ده حيكون Ful attendance ربنا يسهل القواسي وكل قيس يلقى ليه ليلى ..غايتو اخوك جاهز للترشيحات والفحص والذي منو ...

كلام علي جنبة:
ما تسمعونا زغرودة يا بنات

الأخ حاتم المكي
سلام
فكرة ممتازة
ومعاك نقول لي فوووووووق .....

خالص تحياتي

Quote: حاتم خليك جادي في البوست دا .. لانو انا وسرور اختى دي ما قاعدين نهزر

اناجادي كمان.

Quote: ما تسمعونا زغرودة يا بنات

ايوووووووووووووووووووووووي يوي يوي
ــــــــــــــــــــــ
الكاشف(دلال) جهزي حالك عشان انا الاجازة الجاية..اقصد(انحنا,انا وبعلي) حنجي نحضر العرس..

Quote: اختراح من الاخوان في الجالية السودانية في بالجيكا وبالتعاون والتنسيق مع الجاليات السودانية في الدول العربية والاوربية والامريكية ذات التعداد السوداني الكبير

قصدك اقتراح طبعا
مايكون موضوع ليهو علاقه بجهاز شئون المغتربين واسبوعكم الثقافي داك ولجنه الجاليات الاوربيه والذي منه.
اذا الاجابه بلا نرجوك توضيح الفكره بشكل اقرب
يعني بالعربي البسيط كده بتفتكر انو في اولاد كتار ما معرسين وفي نفس الوقت في بنات بكفوهم في مكان تاني او العكس ولا ايه الفكره؟
غايتوا احنا عندنا نسبه كبيره من العزابه ابورجيله بث, عندكم حل ولا تبادل معلومات؟, تعارف؟..

سلام ياحاتم، وكل عام وأنتم بخير

فكرة موفقة جداً
وأنا من هسا ح أمسك ليكم الشباب العزاب فى أمريكا والله بالكووووووووووم لأنو معظم المهاجرين لأمريكا ذكور
وفى نقص حاد فى عدد الإناث، ومن ولاية واحدة ممكن أجيب أكتر من ميتين عريس جاهزين للعرس، وأكون واضح كل
العرسان من أمريكا بإمكانهم الزواج، وفتح بيت وإعاشته عيشة كريمة، لأنو كل واحد فيهم عندو شقة مؤسسة وكم عربية
مركونة بالجمبة، بس مشكلتهم الوحيدة هى عدم التوفير، وأكبر عقبة فى طريقهم هى إتمام تكاليف الزواج الباهظة، وخصوصاً
لمن يكون المغترب من أمريكا، الناس بالفهم الخاطيء بتكون عايزة بزخ فى الحفلات، ولذا العرسان اللي ح أجيبهم ح يكونوا
واضحين بأقل تكلفة زواج ممكنة، وحقو الناس تترك البوبار والتباهي والأشياء السطحية فى الأعراس، وتعاين لي قدام، وإن شاء
الله بعد شهر كدا ح أجهز اللستة بتاعتي، وأقترح من الشباب فى الدول الأوربية وكندا أن يحذو حذوي، وتشمل اللستة:
1) مكان الإقامة
2) السن
3) الحالة الإجتماعية أن يكون عازباً
4) واهم شيء أن يكون حاملاً لجنسية البلد المقيم بها، علشان الناس الماعندها ورق أو اللي عندها قرين كارت، صعب أنهم يجيبوا زوجاتهم
و ح يكون الموضوع شلهتة.

أرجو من المشاركين الابتعاد عن الهظار فى مسألة الزواج، وترك الخجل فى هذه المسائل، يعنى نحن ناس أمسك لي وأقطع ليك

وأتمنى من الأسر أو الأهل أو الأصدقاء أيضاً المشاركة فى طلبات البنات فى سن الزواج وتشجيعهم على ذلك، لأنو دائماً البنات بتحسسوا من هذه
المسائل، والواحدة بتقول ليك أنا لا أقبل الزواج بالترشيح.

وأرجو كذلك من الأخ حاتم رئيس الرابطة أن ينشر إيميله للطلبات من خارج المنبر، وأيضاً تعديل كلمة "مقترح" و "اقتراح" على النحو الإملائي الصحيح

والله من وراء القصد

اها يا جماعة
نديكم شروطنا
اهم شرط انو دايرين ضمانات انو العرسان ديل ما يكونوا داخلين علي طمع..
طمع في باسويرداتنا بتاعت سودانيز..
لو دايرين يطمعوا في باسبورتاتنا السودانية اليطمعوا..
عشان انا والكاشف اخوي راسمالناالباسويرد..ولا نملك غيره
آآآي راس مالنا منبر بكري
ـــــــــــــــــــــــ
اها يا دلال قصرتا ؟؟

أناعندي لستة بتاعت 200 عريس
بصحة جيدة
قروش نص كم
العربات أمريكية
ساكنين إيجار
الحضور للمنزل من الساعة 11 ليلا و حتي الخامسة صباحا (طبعا دي فيها حق النوم)
ما في week ends
مافي سينمات و ونسات
ما في شهر عسل (من المطار للمضبخ)
ما في كاني ماني

الإتصال على الرقم 911

Quote: اها يا دلال قصرتا ؟؟

قصرتي شديد .. حسه دي شروط عرس ليك ؟؟
قالو في المثل لو داير تخطب اخطب قمر ولو داير تسرق اسرق جمل

انا بصراحه شروطي شاب جذاب خلوق قنوع شغال متعلم كويس وشاطر






* انوه مره اخرى اني ما قاعده اهزر

الداير عريس من أمريكا يرفع يدو و ينزل صورتو و رقم حسابو

يا جماعة هوي
أعملوا حسابكم
حاتم المكي دا ما يغشكم ساكت
الزول دا عامل دعاية للبلجيكيات
و بقول إنو البلجيكيات أسمح من السودانيات
و عيونهم زي الفناجيل و رقابهم تقول زجاجات العصير
و يمشون الهوينة

أهوندا كلامو:

Quote: بطلب فول وعدس تعرس خواجية غد يكون العنوان غريب من اللحظة الاوله ولكن انها الحقيقة هناء في بلجيكا اغلب الاخوة السودانين لهم زوجات اوربيات يعشقن العدس والفول المصلح احكي لكم قصة احد الاخوان السودانين الموجودين معنا في بلجيكا بعد ان تعرف عليها في احد الحفلات الافريقية سألتة عن الماكولات الافرقية ومد حبها لها وخاصة البهارات ذات الروائح الخاصة طبعا البت جميلة وحنتوشة مثل رغيف ناس الرياض وطرية مثل بنات الخليج صاحبنا عزمها اليوم التاني في بيتى لان هنالك موعد مسبق معة للفطور في بيتى طبعا اخوك عامل فول وعدس لان اخونا ساكن في معسكر وطالب مني فول وعدس لان في المعسكر لايوجد فول ولا عدس المهم اخوك ظبط فول تركي حبة كبيره -احسن فول في بلجيكا- معاة عدس بقدحة توم كارب المهم صاحبك حضر الي ومعاة البت المزغزغة بس تقول حلاوة موليد بعد السلام اخبرتة ياخوي كان تكلمني اعمل فطور كارب كان عارف معك بت خواجية المهم بدينا نعضي وانا خجلان البت تقول علينا مغتربين في اوربا وناكل اكل الحصين لان ناس هولاندا اخبرونا انو الفول هوة اكل الحصين ومافي زول بياكلوا الا الحيوانات وعمرهم ماشافوة في مطعم البت لمت في الفول والعدس ضرب لما انا خوفت عليها بعد داك عييييييق صحبنا عرس البت والسبب صحن الفول والعدس وحتي الان صحبنا وحرمة كل ما امشي ليهم اجد الخواجية عاملة عدس فول وكمان تعلمت الطعمية والفته بزيت السمسم انحنا سودانا دائما عالم ملئ بالعجائب المهم الخواجية في وجهة نظري اخير من السودانية لا دايرة دهب لاشوف لاخوي عقد في الخليج لادايرة حفلة في برج الفاتح لادايرةدهب 20مليون يعنى طلب فول وعدس ويحلك الله منها الكلام دة لناس ود الصائم و العزابة المالقين حق الشيلة علينا جاي بلجيكا نفر النسوان هنا لا دهب ولاشهر عسل في مصر ولاسوريا ولا في جزر ترانيف بس طلب فول وعدس

Quote: الزول دا عامل دعاية للبلجيكيات و بقول إنو البلجيكيات أسمح من السودانيات و عيونهم زي الفناجيل و رقابهم تقول زجاجات العصير و يمشون الهوينة

حليلي انا .. املت

كويس الما نزلنا الصور





كستاوي عرضك بتاع امريكيا كيف ؟؟ نقدم ؟؟

الاخوه-ات الاعزاء
بعد التحيه
يا جماعه خلوكم جادين شويه الموضوع ده ما بيسمح انه يكون فيه هظار وكده
بعدين ابورجيلات النرويج استعدوا للحياه الزوجيه منذ ان علموا بامر هذا البوست وقرروا العكوف عن الخروج ليله الجمعه والسبت والاكتفاء بيوم واحده فقط في الويكيند
للاهميه الرجاء انزال صور القدحات

ابو الزيك اول واحد

upup

الاخوان المتداخلين

اخونا حاتم اخو اخوان ومتاكد انو طرحه جادى فيهو ولو انتو جاديين نحن معاهو جاهزين بس شدو حيلكم معاهو

ركنيه!!

يا حاتم اسع الجماعه ديل جايينك عديل للعرس بس اركز واعمل ليك خيمه للعرس ونحن معاك ابشر


مودتى

Quote: انا بصراحه شروطي شاب جذاب خلوق قنوع شغال متعلم كويس وشاطر

دلال؟؟
مواصفاتك دي مواصفات زولة جاااااادة!!!
يا بت قولي بسم الله
الحالة عمرك 21 سنة لو كنتي قدري 49 سنة كنتي فلقتي ووقفتي في صينية التاكسي التعاوني؟؟
ــــــــــــــــــــــــــــــ
ما بتحمل زول يجبر لي سنة لعد الـ49 دي..

Quote: زواج جماعي في لندن و واشنطون والرياض والخرطوم وبروكسل

كايرو ينفع ؟؟؟
دحين بلقى لى عروس؟؟
عروسة حلوة موس؟؟
مدبجة بدهب مليانة بالفلوس
قوامها دغرى دغرى
اخلاقها دغرى ايضا
ممشوقة بلا كردوس؟؟

يا جماعه خلوكم جادين شويه الموضوع ده ما بيسمح انه يكون فيه هظار وكده
معك قلبا وقالبا لانجاح هذا المشروع
عيد سعيد

Quote: يا جماعه خلوكم جادين شويه الموضوع ده ما بيسمح انه يكون فيه هظار وكده معك قلبا وقالبا لانجاح هذا المشروع

فييييي الاسلام الزواج والطلاق قالوا جدهن هظار وهظارهن جد
وساعات كتيرة الهظار فى مواضيع الزواج بمهد لخلق ارضية مشتركة لأى اتنين يمكن يكونوا جادين

الاخوة والاخوات شكرا للمداخلات من اول كل شى ممكن والمهم ان نحن نود الاخوان والاخوات الجادين فقط نرجوا من ناس الشمار الهدوء والخروج من هنا و تلفوني والامئل موجود في البروفيل وانا الان في ايطاليا و سويسرا في بحث هذة الموضوع مع بعض الاخوان في ميلان وزيورخ ومرحب بكل الملاحظات
الاخوان
عاطف وصدقي ومحمد زكريا والنزيز
شكرا للمساهمة
الاخ كستاوى شكرا علي

. مكان الإقامة.
. السن
. الحالة الإجتماعية أن يكون عازباً
. واهم شيء أن يكون حاملاً لجنسية البلد المقيم بها، علشان الناس الماعندها ورق أو اللي عندها قرين كارت، صعب أنهم يجيبوا زوجاتهم
و ح يكون الموضوع شلهتة.

أرجو من المشاركين الابتعاد عن الهظار فى مسألة الزواج، وترك الخجل فى هذه المسائل، يعنى نحن ناس أمسك لي وأقطع ليك

.الاخوات وجن ودلال وسارة علي

ان اوكل لكم مهمة البنات العندهم خجل والحنة هي مهمتكم وكلوا اجر وثواب عند الولى الكريم وعندما اعود من ايطاليا وسوسرا ممكن يكون في عرس تم في احدى بلاد الله الواسعة




وشكرا للذغروتة

Quote: ايطاليا و سويسرا في بحث هذة الموضوع مع بعض الاخوان في ميلان وزيورخ

وبالمرة عليك الله حل لينا معاك مشكلة المستوطنات الاسرائيلية..
وبالعدم الملف النووي الايراني

انا ووجن اختي امرنا مقضي..انا مجتهدة لي دلال ..البعاينوا لينا من برة برة ديل اول ما يلقوا الموضوع بقي جد ما هظار وحاتك تلقي البوست دة انقلب لي منبر براااهو..زي منبر الهندسة والمعمار..

Quote: مهمة البنات العندهم خجل

وديل يلقوهم وين؟؟
انتا من زمن هن بيخجلوا..ياخوي دة كلو تمثيل في تمثيل

ـــــــــــــــــــــــــــــــــــ
سارة علي..مرتبطة ومقيمة في بيونغ يانغ..عزابة ما عندنا لكن البايرات متوفرات

فكرة البوست جميلة.. واعتقد انه الكثيرين حيستفيدوا منها.. لكن يا سيد البوست، سارة علي دي بتطفش ليك الطرفين.. عندها مرات درّاب كده... اسحب منها التوكيل عشان المشروع ده يظبط..

ملاحظة... اتأكدوا العزابة ديل فعلا عزابة، ما يكون معرّس وداير يتنّي..

الاخــلاق كيف?
الحــالة هنا صعبـــــــة خلاص`

انا ما عارف يا حاتم غايتو ...لكن حاسي انو انت (ملخبط) شويه ...

انا قريت ليك بوست قبل كده بتتحدث عن زواج خواجيه بسندوتش طعميه ولا فتة فول ماعارف وبتنعل فيهو (سنسفيل) المرأه السودانيه وبتتهمها وعائلتها بغلاء المهر وتكلفة الزواج ...

وجيت هنا بقدرة قادر لقيتك (متشعبط) فكرة الزواج للسودانين البره ...ومفرق ليها نفسك وعامل فيها كوفي عنان ...من ايطاليا للنمسا لكانون ياوندي ...


يا زول هووووي ..كان بتهرج ساكت ...ده ما موضوع بيهظروا فيهو ...كان متلخبطه عليك الافكار ...عليك الله امشي رتبها يازول وتعال...

الاخوة والاخوات شكرا لرفع البوست الفكرة هي موضوع مفتوح للكل, انا اقدم وجهة نظري في معالجة الوضع الحالي وانا ليس ابن بطوطة او سندباد??? اود ان انشر فكرة لتعم الفائدة لكل الاخوان والاخوات



الاخ سنهورى
انا حر في طرح ماراه مناسب في حل مشكلة سودانية هي اكبر من ان نتصور والحل مطروح لكل شخص والكيفية هي حق مشروع لكل سوداني والزواج من سودانية او خواجية هوة خيار لاافرضة علي اي شخص. لكن شئ اراه مناسب من اجل علاج فعال لتغير مفهوم خاطى منتشر بيننا

رحلتي الى ايطاليا وسويسرا ليس لها علاقة بهذة الموضوع بل هي رحلة عمل و اجازة& راحة وزيارة وشكرا للتعليق

الاخ محمد زكريا
الواحد كل ما يطرح فكرة انت وامثالك تجي تقول حكومة وجهاز مغتربين وموتمر وطني انا في الاخر سوداني والسودان بلدى والاخوان والاخوات هم اهلى وانا عندي اخوان والاخوات عندهم مشكلة ونحن هنا في المنبر نطرح ونبحث عن حل اذا كان لك حل ا طرحة او اكرمنا بالمشاركة والسكوت فهوة من ذهب





الاخوات سارة وجن والبقية ادونا همة وكمان ذغروتة حلوة لبنت السودان عشان الامل يستمر في الله والوطن والسودانين في تبسيط الزواج

Quote: الاخوات سارة وجن والبقية ادونا همة وكمان ذغروتة حلوة لبنت السودان عشان الامل يستمر في الله والوطن والسودانين في تبسيط الزواج

وروروووووووووووووك
اقصد..
ايووووووووي..
اسمع عشان نتاكد انو الموضوع دة جد ونساعدك فيه ابدأ لينا بي دلال..وبعد داك هلم وجرجرة..

أهم حاجة في الموضوع ده كله المأذون..

المأذون جنسه شنو؟؟

Quote: يا زول هووووي ..كان بتهرج ساكت ...ده ما موضوع بيهظروا فيهو ...كان متلخبطه عليك الافكار ...عليك الله امشي رتبها يازول وتعال...

السنوسي..
وفي رواية اخري(السنهوري)..
لو سمحت ما تبقي عارض للجماعة ديل..
واقيف في الصف

يا سارة على، فردتك دلال ويين؟! شكلها كدا راقدة ليها فوق رأي
غايتو أنا آخر مرة شوفتها خالطة ليها دكتور

الاخوات سارة وجن
انا جاده بس ساره دي اعمل ليها كروس عشان جنس استهباله دا

الاخوان والاخوات
الاخ النزير
الاخوات
وجن
بنتك انشاء الله ربنا يحفظها ويبعد عنها عين الحاسدين بنسة ليها ان بديها لولدي الجاي وهو اروبي 100/100 يعني ماتجي تقولى بتي مابايره انحنا عندنا كل شى
الاخت منى
المشكلة ما المازون انا عندى خمسة جنسيات مختلفة وكلهم جاهزين يعني المزون بالجنسية علي حسب جنسية ورغبةولغة العروس بعد ذلك ماتقولى حاجة حركي البنات العيد في الابواب
سارة
الظاهر انك ام عروس صعبة تب الله يستر علي عريسنا

شكرا الأخ حاتم على هذا البوست الهام، ومشكلة العنوسة هى الهاجس لكثير من المغتربين ، ولابد من التصدى لها بواقعية ومسئولية حماية لاولادنا وبناتنا من الانحراف، والمشكلة يمكن ظاهرة أكثر فى دول الخليج خيث تعيش عوائل سودانية منذ عقود، فلابد من حث الجميع لبذل الجهد فى سبيل تذليل الصعاب امام هذا الامر الهام والخطير، والجهات التى ذكرتها لها دور متكامل لانجاح الفكرة، مع خالص مودتى .

الفكرة ممتازة

لكن صعب جدا تنفيذها

افكار الشباب تختلف من مكان الى اخر

تحياتي لك اخى حاتم

Quote: المشكلة ما المازون انا عندى خمسة جنسيات مختلفة وكلهم جاهزين يعني المزون بالجنسية علي حسب جنسية ورغبةولغة العروس بعد ذلك ماتقولى حاجة حركي البنات العيد في الابواب

سمح يا حاتم انا عايزة انافسك في موضوع المأذون ده..
عايزه ابقي انا المأذون وكمان عندي جنسية ونص أكتر منك..
وبذلك يكون سفري وتفاهمي باللغات السبعة في بلاد العرسان..مرة ونص قدرته أكبر..
ايه رايك؟؟

ومن ناحية أخري..
قالوا العرس بين العيدين مكروه..
يبقي ننتظر لغلية العيد الكبير لاننا ماعاوزين نصعد من الفشل في الزواج..
وكمان بالمرة نستفيد من خروفه في "الوليمة" كما تقول آية ابنتي حفظها الله...ولا شنو؟؟

في انتظار ردك مع التحيات..

الاخت مني
اذا كان انت المازون انا ابشر بالزواج الناجح والمبسط والرائع انت لها الاخت منى وما حاجد مازون احسن منك
الجنسيات تكفينى السودانية والبلجيكية وكان لقيت امريكية ما برفض
بنتك ربنا يحفظها ويطول في العمر لتفرحي بها
حركي البنات خلينا نفرح في العيد

حاتم انا ذاتي جادة ولو ما كنتا مرتبطة كان خطبتا لي نفسي..
المشكلة انو الناس الباقين بيعتبروا القصة دي شيل حال عشان كدة بيخافو من المغامرات دي ..اقتراحي ليك انو اول تجربة تكون(بالكتوموتو حتي تموتوا) يعني من خلف الكواليس عشان الاطراف ما تشعر بالحرج ولمن تنجح القصة ممكن بعد داك تظهر للعلن وبالتالي بتشجع الناس الملاوذة..

ــــــــــــــــــــــــــــــــــ
بدل فاقد واسبير معانا؟؟

الأخ حاتم والإخوة والأخوات المشاركين، تحياتي

أقترح يا حاتم إنو الناس تعمل جدول زمني، وعني أنا حددتا بعد إسبوعين سأبدأ بطلبات الذكور فى أمريكاالذين يبحثون عن الزواج،
وأقترح أن تكون هنالك قائمتين:
1) قائمة "عريس يبحث عن عروسة": وهذه القائمة تعنى بالذكور، ويأخذ كل واحد ترتيب رقمي، فتكون الطلبات على النحو التالي:
"طلب رقم واحد عريس يبحث عن عروسة"
ثم "طلب رقم (2) عريس يبحث عن عروسة" وهكذا.
2) قائمة "عروسة تبحث عن عريس: وهذه القائمة تعنى بالإناث وتأخذ كل واحدة ترتيب رقمي منفصل عن الذكور، فتكون الطلبات على النحو التالي:
"طلب رقم (1) عروسة تبحث عن عريس"، ثم "طلب رقم (2) عروسة تبحث عن عريس، وهكذا.

على أن يتضمن كل طلب على:
(أ) تعريف ترغيبي لمقدم أو مقدمة الطلب، وفيها يشمل: السن، الحالة الإجتماعية "عازب/ة، ملطق/ة، أرمل/ة فقط"،
مكان الإقامة، طبيعة العمل، الشهادات الدراسية، تعريف ترغيبي بنفسه، مثلاً الأخلاق، الدين، الناحية المادية، أو أي زيادة تنصب لصالحه/ا.
(ب) المواصفات التى يرغب أو ترغب بها فى الشريك/ه.
(ج) وسيلة الاتصال:"تليفون، إيميل، عنوان"

وأقترح أيضاً بتغيير عنوان البوست ب"طلبات الزواج فى سودانيز أون لاين"، وهذا يتأتى بفتح بوست جديد، ومناشدة بكري بتثبيته، أو إذا أمكن أن يعملينا
بكري منبر قائم بذاته لهذا الغرض النبيل.

والله من وراء القصد

يا النذير ياخ الموضوع ما تكون فيه جادي شديد كدة وعاملو رسمي كدة بي بنود وما الي ذلك..
ياخ دة زواج ما شراء قطعة ارض..كدة بتطفش الشباب ياخ
ـــــــــــــــــ
غايتو انا دلال ما بعرس ليها واحد من امريكا ولا بورطا..اقع ليها في الخليج بس(ما لقيت الوش القاصداه)

Quote: يا النذير ياخ الموضوع ما تكون فيه جادي شديد كدة وعاملو رسمي كدة بي بنود وما الي ذلك.. ياخ دة زواج ما شراء قطعة ارض..كدة بتطفش الشباب ياخ

أوه أوه سارة علي لوووول، موش قالو ليكي ما تهظري كتير علشان ما يفتحو ليك بوست إغتيال شخصية لووول

بالمناسبة يا سارة، العرس دا الحاجة الوحيدة جدها جد وهظارها جد، زي ماقال رسولنا الكريم عليه أشرف الصلاة
والتسليم، ولو ما عملنا ليهو بنود جادة الناس ما ح تكون جادة، لإنو بصراحة يا سارة مع هجرة الشباب للدول الغربية
وطول هجرتهم، وعدم الاتصال بالسودان أو دول الخليج، الزواج بقى مشكلة حقيقية، لإنو العرسان فى بلد والعروسات فى بلد
والحتة دي أنا عانيت منها شديد، على الرغم من إنو البنات فى السودان والخليج بالهبل، بس معدومات فى الدول الغربية،
وعلشان كدا أنا شايف البوست دا ح يكون ناجح، ولدي بعض الملاحظات والبنود فى كلامك لووول:

البند الأول: حكاية الإحراج وما الإحراج أو الخجل، حقو الناس تسيبوا، وعن ناس أمريكا والدول الغربية ديل مابخجولوا لووول، وعني
أنا ما بتذكر آخر مرة خجلتا فيها متين لووول.

البند الثاني: حكاية إنك مخطوبة وما مخطوبة دي حنك منك بيش لووول، والناس دي كلها تفاتيح يا سارة وما تعملي فيها تفتيحه لوول
وبعدين البنات بطبعهم بياعات حتى ولو كانت مخطوبة بهمها الجاهز بس.

البند الثالث:إنك ماعايزة لدلال واحد من ناس أمريكا، والله فعلاً عرسان أمريكا كانت سمعتهم سيئة، لإنهم بعلقوا البنات وفى النهاية
بفركشوا الخطوبة، والله فى أسر دائماً بترفض عرسان أمريكا لبناتهم، وعلشان كدا النقطة دي عالجناها بأن يكون المتقدم يحمل جنسية البلد
التى يقيم فيها

عاد يا النذير لو ما مخطوبة بفوت المولد دة؟؟
بيني وبينك ذاتو البوست دة جاب النقة وشكلي قريب كدة حاتخارج منو ...

ـــــــــــــــــــــــــ
بالجد انا مرتبطة..

Quote: عاد يا النذير لو ما مخطوبة بفوت المولد دة؟؟ بيني وبينك ذاتو البوست دة جاب النقة وشكلي قريب كدة حاتخارج منو ... ـــــــــــــــــــــــــ بالجد انا مرتبطة..

لوول، والله فعلاً المولد دا ما بتفوت، وعلى العموم لو حصلت حاجة - لا سمح الله شواكيش وكدا - أو
لو جارت عليك أيام تعالي لي البوست دا وبشيلك.

نماذج مبسطة لطبات الزواج (بحثت عليها فى الانترنت مع بعض التعديلات الطفيفة):

طلب زواج: "عريس يبحث عن عروسة" رقم (1)

أنا شاب سوداني، لم يسبق لي الزواج من قبل، أبلغ من العمر 30 سنة، وسيم، الطول 180 ،
أعمل بوظيفة مرموقة، أقيم بمدينة نيويورك، أبحث عن فتاة تكون صادقة و متفهمة لا يهمني
ماضيها بقدر ما يهمني إخلاصها و أن تكون جادة.
للمراسلة:[email protected]

طلب زواج: "عروسة تبحث عن عريس" رقم (1)

سيدة سودانية، من و لاية جورجيا، عمري 43سنة مطلقة على قدر من الدين و الجمال ابحث عن رجل لا يتعدى
سنه 58سنه مطلق أو أرمل يخاف الله، مقتدر على الزواج، ويقدر المرأة و يحترمها وتعده بالوفاء
للمراسلة: [email protected]
.

للراغبين والراغبات للمشاركة فى طلبات الزواج من داخل أو خارج المنبر، بإمكانهم إسالها على الإيميل ليتم نشرها:
[email protected]

Quote: الاخت مني اذا كان انت المازون انا ابشر بالزواج الناجح والمبسط والرائع انت لها الاخت منى وما حاجد مازون احسن منك الجنسيات تكفينى السودانية والبلجيكية وكان لقيت امريكية ما برفض بنتك ربنا يحفظها ويطول في العمر لتفرحي بها حركي البنات خلينا نفرح في العيد

يا سلام عليك وعلي ذوقك..خلاص انت بشر..التبشير بالزواج برضه نوع من الدين..
يعني اشمعني هم يبشروا بالمسيحية والاسلام وانت لأ؟؟

من ناحية تانية انا بتي اتزوجت وعندها ولدين..ربنا يفرحني كمان بتخرجها من الجامعة وبنجاح اولادها في المدرسة
لما يدخلوها بعد تلاته سنين.. قول آمين..

في عروسة امريكية..كدي خليني أسألها..بس أوعي تكون ما جاد؟؟
امكن عشان كده الشباب ديل ما بيسمعوا كلامك..


يابنات هوي..اتحركوا العيد قرب..

Quote: السنوسي.. وفي رواية اخري(السنهوري).. لو سمحت ما تبقي عارض للجماعة ديل.. واقيف في الصف

يا ســــــــــــــــــــــــــــاره هووووووووووي ...ياتو صف البقيف فيهو ....والله لو بتعرفي اخوك مكتف كتيفة غسال يوم الوقفه ...

الاسبيرات الفي البروفايل ديل ما شايفاهم تقولي لي اقيف في الصف ...يا ساره عليك الله البسي النظارات ياخي ونزلي القزاز ...ياخي انا جيت انظم صف زولكم (المعوج) ده LOOOOOOOOOOOOOOOOOOOOL....




اقول ليك حاجه تقعدي تهظري كده لامن تلقي نفسك في الصف قدام ....(وكتموتو لامن تمووتو)....LooooooooooooooooooooooooooooooooL








_____________________________________
يالنذير ايدك من البنزين ياخي ...LooooooooooooooooooooooooooooooooL

أولا تحياتي لكل الاخوة في بلجيكا ...عموم كان عذاب كان متأهلين

تانيا تحياتي للعذاب من البورداب كان شباب كان شابات

أسعدني جدا انو الاخوة في بلجيكا ابتدوا يفتشوا للزواج...ودا معناهو انو كل مشاكل الورق والاقامات اتحلت...ودا خبر سعيد

لانو قبل فترة اي واحد تلم فيهو كل مواضيعو عن الورق وكرت الاقامة والكميون والتسوية وهلم جرا...


أخيرا : أنا ادعم بشدة هذا الحل والذي لن يحل فقط مشكلة العذاب في اوربا..بل ربما يحل مشاكل السودان الاخري بما فيها مشكلة

دارفور...


تحياتي للجميع واهديكم هذه الاستراحة

ذكريات مدينة.........بروكسل.... بلجيكا

أنا شاب سوداني، لم يسبق لي الزواج من قبل، أبلغ من العمر 30 سنة، وسيم، الطول 180 ،
أعمل بوظيفة مرموقة، أقيم بمدينة نيويورك، أبحث عن فتاة تكون صادقة و متفهمة لا يهمني
ماضيها بقدر ما يهمني إخلاصها و أن تكون جادة.


لكن اسه الزول ده عرف نفسه وسيم كيف؟؟

يا جماعه كدى ناس شؤن المغتربين ديل طلعيهم من الموضوع خالص.
لان لو دخلوا مافى زواج واحد سوف يتم الا بالتاكد من خلو ا طرف العريس والعروس والماذون من ضريبة الدخل والذكاة.
والدمغه للتوثيق..
ثم بعد ضريبة انجاب لى ابناء خارج الوطن اذا حدث لابد من دفع تامين لذلك .

انتو ماشين لى ناس اروباء وامريكا ليه بنات السودان الغبش مالهم.
ناس اروبا ديل ما عندهم مشكله اكان بعد (مائة عام من العزله) بتزوجوا.
اهو فى اخر المطاف بجدواواحد يجاهد فيهم فى الاخر .
ويحتسب الاجر عند الله بعد (الجواز) الاحمر او الاسود...

وصلتني عدة رسائل من الإخوة والأخوات يستفسرون فيها عن مدى جديتنا فى هذا الموضوع
حتى تطمئن قلوبهم ثم يقوموا بارسال إعلاناتهم بعد التأكد من جديتنا

أولاً أثمن جهودهم الجادة فى التفاعل والمراسلة لإنجاح هذا المشروع، وأؤكد للجميع وأطمئنهم
بأنه لا مزاح فى مواضيع الزواج فجده جد وهزله جد كما بين لنا نبينا عليه أشرف الصلاة
والتسليم، فعليه نرجو من الإخوة والأخوات وأصدقاؤهم وذويهم بالاستعجال بارسال إعلاناتهم،
وعلينا لعنة الله والملائكة والناس أجمعين إن كُنا مُستهزئين.
وأود كذلك أن أبين بما أن التقديم للوظائف المرموقة هذه الأيام لايتم إلا عن طريق الإنترنت
فالبحث عن شريك أصبح كذلك نسبةً للتوزيع الديموغرافي الغير متكافيء للذكور والإناث فى دول
الشتات.

الاخ النزير حجازي
شكرا من الاعماق لمجهودك الرائع وانت مثال حى السودانى ابن البلد الشهم الاصيل لدعم ودفع هذا البوست انحنا وتقدير لك انا ادعم كل ماتقول وتلفوني والاميل موجود بالبروفيل

الرائعة والقديرة منى خوجلي

ناسف للخلط البنت ربنا يسعدها مع زوجها وربنا يديك الصحة والعافية

الاخ ياسر شكرا للدعم وتجويد الفكرةة
الاخ السنوسى
خليك متفائل وانا اعرف لو تمت ونجحت الفكرة انت اول من يدخل يدة في جيبه لدعم المشروع الفينا منشودة وعارفانا المكارم انحنا منقودة لك التحية

الاخت الرائعة سارة
الناس واقفة في الصف انت معانا ولا سبب اذانا شكرا للمرور

ناسف لعدم الرد في نفس اليوم حقيقتنا الواحد بحضر عشان نازلين السودان في عيد الاضحى والعمل كثير
لاكن انا واثق انا الاخ النزير حجازى موجود وهو بوزن الدهب في خدمة القضية السودانية
شكرا للجميع وسودانا فووووووووووووووق

أولاً أثمن جهودهم الجادة فى التفاعل والمراسلة لإنجاح هذا المشروع، وأؤكد للجميع وأطمئنهم
بأنه لا مزاح فى مواضيع الزواج فجده جد وهزله جد كما بين لنا نبينا عليه أشرف الصلاة
والتسليم، فعليه نرجو من الإخوة والأخوات وأصدقاؤهم وذويهم بالاستعجال بارسال إعلاناتهم،
وعلينا لعنة الله والملائكة والناس أجمعين إن كُنا مُستهزئين.

أولاً أثمن جهودهم الجادة فى التفاعل والمراسلة لإنجاح هذا المشروع، وأؤكد للجميع وأطمئنهم
بأنه لا مزاح فى مواضيع الزواج فجده جد وهزله جد كما بين لنا نبينا عليه أشرف الصلاة
والتسليم، فعليه نرجو من الإخوة والأخوات وأصدقاؤهم وذويهم بالاستعجال بارسال إعلاناتهم،
وعلينا لعنة الله والملائكة والناس أجمعين إن كُنا مُستهزئين.

ناسف لعدم الرد في نفس اليوم حقيقتنا الواحد بحضر عشان نازلين السودان في عيد الاضحى والعمل كثير

تمشي وترجع بالسلامة..

up

عاينوا...
في بوست في المنبر قدر ما فتشتوا عشان اختو هنا ما لقيتوا
عندو علاقة بي الزواج في السودان
لمن الم فيه بجيكم راجعة تاني..

الزواج فى السودان (صدق او لا تصدق)(توجد صور)

اه ياحاتم ..جيت اسلم عليك واقوليك يادوب شوية روقة كدة

مالك يازول كبيت الزوقة حاتصل بيك في الايام الجاية

وسلامي للكل وحتي ست الفل

الاخ عماد
سلامى وتحياتى واشواقى كيف حالك وحال الناس السمحين تحياتي لك وشكرا علي المرور


الاخت سارة

ماقلت السبب وراس الوجيعة هم بنات بلدي المهم هو رائك في الموضوع خليك من البس قولى نصيحة للبنات والعشم ك في امثالك كثير من غير حدود







باقي 22 يوم واكون في السودان والببحث عن رائ علينا جاي بطلب فول وطعمية تتزوج سودانية

تشكر يا حاتم على الكلام الجميل فى حقي، وأنا إن شاء الله ما ح أقصر وعلى الرغم من إني كثير
الاسفار، لكن ما ح اقصر فى الموضوع دا

إعلان زواج "عريس يبحث عن عروسة" رقم (1)

شاب سوداني على خلق ودين، من أسرة محترمة، يبلغ من العمر 37 سنة
الطول 185 سنتمتر، نحيف القامة، يعمل بالأعمال الحرة، ومقيم بولاية
واشنطن، الولايات المتحدة الأمريكية.

يبحث عن زوجة، مقيمة بالخليج، جميلة، متوسطة الطول والبدانة والدين، من
أسرة محترمة، على أن يكون عمرها ما بين 18 إلى 25 سنة

للمراسلة يرجى الإتصال ب:
موبايل: 0014255084964
إيميل: [email protected]

إعلان زواج "عريس يبحث عن عروسة" رقم (2)

شاب سوداني على خلق ودين، من أسرة محترمة، يبلغ من العمر 32 سنة
الطول 185 سنتمتر، متوسط القامة، يعمل بالأعمال الحرة، ومقيم بولاية
واشنطن، الولايات المتحدة الأمريكية.

يبحث عن زوجة، جميلة، طويلة القامة، تقدر الحياة الزوجية، وعلى
خلق ودين،ومن أسرة محترمة، على أن يكون عمرها ما بين 20إلى 23 سنة

للمراسلة يرجى الإتصال ب:
إيميل: [email protected]

النذير هيييييي

Quote: الطول 185 سنتمتر

طولوا دة حيبقي للعروس قرين كارد؟؟
ادينا النجيضة عندو جواز ولا لا..
عارف انو اهم حاجة في الزواج الاستقرار..يعني لازم يكونوا مع بعض..مش يمشي ويجي للخليج كل ستة شهور..
وحتة اعمال حرة دي ما حاضغط عليك فيها..

Quote: يبحث عن زوجة، مقيمة بالخليج، جميلة، متوسطة الطول والبدانة والدين، من أسرة محترمة، على أن يكون عمرها ما بين 18 إلى 25 سنة

ياخ زولك دة طماع..
جميلة ومقيمة بالخليج وكمان عمرها في اقل من 25؟؟؟
rejected
ـــــــــــــــــــــــــــــــ
بهظر..بس ما بينفع مع دلال ..لانها دايرة الطول من 180 سنتمرا ..

Quote: ياخ زولك دة طماع.. جميلة ومقيمة بالخليج وكمان عمرها في اقل من 25؟؟؟ rejected

لوووووووووووووووول@ سارة
والله يا سارة طبعاً الواحد فيهم بتشهى ساكت
وبعدين حكاية العرس دي زي التجارة برفعوا السعر
فى البداية وفى النهاية مع المفاوضات بتساهلوا
وكمان ما تقولي ناس أمريكا ديل خفاف ولفاف، والواحد
فيهم لو سودانية ساي قالت ليهو السلام عليكم قلبو بقيف لووول

طبعاً الإتنين وحتى اللي بعدهم الجايين عندهم الجنسية

إعلان زواج "عروسة تبحث عن عريس" رقم (1)

أبحث عن عريس لصديقتي فهي:
انسانة رائعة بمعنى الكلمة توقر الصغير وتحترم الكبير من اسرة محافظة ومتدينة بدون تزمت لها اختان متزوجتان واخ واحد . من مواليد 1977 تخرجت فى جامعة الخرطوم وتعمل حالياٌ بالخرطوم . لا اعرف كيف اوصف الشكل ولكننى استطيع أن اقول انها رشيقة القوام ورصينة المظهر هادئة الجمال اعتقد أن من المناسب لها ان يكون الزوج من عمر 35- 45 ومن معرفتى التامة بها فهى لاتريد زوجاٌ ثريا بماله وفقيراً باخلاقة هى تريد زوجاُ يخاف الله فيها ويحترمها ويحترم اسرتها ويكون بامكانه فتح بيت والقيام بواجباته بدون شطط او مبالغة. أنا لم استشيرها فى هذا الامر من كتابتى هنا واعلم أننى لو استشرتها ا لغضبت منى أشد الغضب فهى تعتقد أن هذه الطريقة تنقص من قيمة المرأة عند الرجل السودانى ولا الومها على هدا الفهم . ولكننى من محبتى لها كصديقة واخت عزيزة فضلت الكتابة عسى أن اكون سبباً غير مباشر فى إسعادها

للمراسلة يرجي الإتصال ب:
[email protected]

إعلان زواج "عريس يبحث عن عروسة" رقم (3)

شاب سوداني يبلغ من العمر 38 سنة، لم يسبق له الزواج من قبل على خلق ودين، يحمل الجنسية الكندية ومقيم بولاية واشنطن
بالولايات المتحدة الأمريكية،من أسرة محترمة وعلى خلق ودين، حاصل على ماجستير فى علوم الكمبيوتر، ويعمل مهندس
كمبيوتر بولاية واشنطن، الطول 175 سنتمتر، نحيف القامة

يبحث عن زوجة، تقدر الحياة الزوجية وترغب بالعيش معه فى ولاية واشنطن، وأن تكون من أسرة محترمة، على
أن يكون عمرها ما بين 25إلى 35 سنة ولم يسبق لها الزواج من قبل.

للمراسلة يرجى الإتصال ب:
إيميل: [email protected]

إعلان زواج "عروسة تبحث عن عريس" رقم (2)

ابحث عن زوج لصديقتي، فهي تقيم في بريطانية، مطلقة ولديها أبناء، عمرها 35 سنة، انسانة بشوشة، مرحة، مهذبة، مسئولة، جميلة،
خلوقة جداً، تقدم لها الكثير لكنها دائماً تقول لن أتزوج من أجل الزواج ولا أريد أي زوج.

لديها مواصفات محددة وهي، رجل أرمل أو مطلق، بين 35 إلى 45 سنة، مسؤول، مهذب، محترم، مرح، ود ناس، يحب الأطفال ويحترم المرأة
قوي الشخصية، يخاف الله في كل صغيرة وكبيرة في حياته.

للمراسلة:
[email protected]

تذكير: للمشاركة فى الإعلانات يرجى ارسالها على البريد الإليكتروني التالي:
[email protected]
وتفضلوا بقبول فائق الاحترام والتقدير