الجواز الجديد لا يقبل في السفارة الامريكية حقيقة ومصاعب تواجه المواطنين هل من حلول

تناقش العديد من الاخوة هنا عن هذا الامر ولم اكن اريد ان اعيده مرة اخري لكن معاناة احد الشباب وهو
من الذين تقدموا ضمن برنامج اللوتري واجه هذه المعضلة وقد ارجعت السفارة الامريكية جوازه اليه حتي يستخرج
جواز قديم او لن يذهب .

المحزن ان السفارة السودانية ترفض ان تعالج هذا الامر بارفاق استيكر يوضح البيانات المطلوبة فيفقد
المواطن الوقت والمال الذي يزداد بازدياد فترة الايجار وضياع رسوم الجواز الجديد ودفع رسوم جديدة لجواز قديم
وقد يفقد فرصة السفر اذا تعطلت اي واحدة من الخطوات
الرجاء طرق هذا الامر حتي يعلم سماسرة الجواز الجديد المهزلة التي ورطونا فيها والكثيرين
مررت بتجربة مع الخدمة الوطنية عندما طالبني المنسق باحضار ما يثبت مهنتي علي الجواز في السودان فما بالك هنا

السرقة كيف يا اخوانا ولا دا ما شكل من اشكالها ولا الناس تعمل شنو ؟؟؟؟؟
ارجو تنبيه اي شخص بصدد اجراء مثل هذا هنا لان الامر اصبح لا يستحمل مهادنة
هل ترفض السفارة الامريكية الجواز لامر اخر غير البيانات ؟؟؟؟؟
الفاتح

---

قبل دقائق كان تلفزيون السودان يروج للجواز الجديد حيث كان لقاء مع مساعد مدير الشرطة المختص وهو لواء تحدث عن مزايا الجواز وا سعره اربعمائة جنيه هو وفق التكاليف حيث ان كل مواد الجواز من الخارج!!ومندوب الشركة التي نفذت الجواز والذي قال ان الجواز نفذ وفق المعايير العالمية .....الخ .... يبدو اننا سنواجه مصيبة كبيرة حين نتحرك من مكان الي اخر وداخل الدول التي نعيش فيها ... مصيبة كبيرة فالجواز لا تقرؤه الماسحات الاليكترونية المخصصة للغرض في مطارات العالم .....

الامر عاجل ومهم

لقد تم طبع 60000 جواز سفر وكميات كبيرة منه قد وزعت ....

وبعدين؟؟؟؟؟؟؟؟؟؟؟؟؟؟

وبعدين؟؟؟؟؟؟؟؟؟؟؟؟؟؟

Quote: هل ترفض السفارة الامريكية الجواز لامر اخر غير البيانات ؟؟؟؟؟

لماذا ترفض السفاره الامريكيه الجواز السوداني .. ماهي اعتراضاتها عليه
وهل هو فقط رفض من جهه واحده ام توجد دول اخرى لديها نفس الاعتراضات ؟؟؟

الجواز الالكترونى بين الحقيقة والوهم

الاخوة الكرام شكرا للاهتمام فهو فعلا امر متعب جدا
الاخ سيف اليزل برعي البدوي شكرا للرابط فقد بحثت عنه وانت الان تجلبه فعلا الامر مهم ويجب التحرك حتي يتفادي الكثيرين المتاعب

من الممكن اجراء بسيط وهو كتابة الاسم كاملا علي سبيل المثال اذا كان التحجج بان الاسم غير رباعي باللغة الانجليزية
السفارة السودانية تعبر اضافة اي استيكر كتغيير في الجواز لذلك ترفض المعالجة خاصة للسفارة الامريكية الا باستخراج جواز قديم وتروح كل قروشك
الاشكال هو انك قد تكون ارسلت رقم الجواز في فورمات اخري قبل الخطوة الاخيرة للتاشيرة مثل الفحوصات وغيرها

وايضا اضافة المهنة وهي من الاشكالات التي واجهتنا حتي داخل السودان فقد كنت اريد استخراج اذن سفر طارئ لاننا فقدت بطاقة الخدمة وبعد ملاوة وتعب رفضت المنسقية
اي اثبات الا الافادة فالجواز لا يوضح اسمك باللغة الانجليزية الا بالماسح كما يذكر اصحاب فكرة الجواز وادارة الخدمة في مركزها الرئيس لا تمتلك هذا الماسح علي سبيل المثال
فلماذا سحبت المهنة وما الفرق من ذكرها او سحبها ؟؟؟؟؟؟؟؟
الجواز من الناحية التقنية يذكرون بان له مميزات كتيرة لكن ما الفائدة اذا كان هو اكبر عائق عن السفر ولا نري تحرك جدي لتفادي معاناة المواطنين
استخراجه جهنم واجراء السفر كذلك

Quote: هل ترفض السفارة الامريكية الجواز لامر اخر غير البيانات ؟؟؟؟؟

نعم
يجب على حكومة السودان اتمام اجراءات ربطه بالشبكة الدولية
وهي تتقاعس حتى الان في اتمام هذا الاجراء
لسبب واحد وهو ان عليها دفع رسوم الشبكة الدولية
مافيش حاجة ببلاش

الاخ احمد عبد الله تحية طيبة فعلا مشكلة كبيرة هس الولد قريبي دا كان فقد الفرصة يكون بسبب الوهم والمعلومة الكذبناها وقلنا لا لازم يمشي بالجواز الجديد
ياخ مغسة في كل حاجة

ياخ حتي المنح الدراسية العالم دا كلوا بوزع فيها الا نحن الكعبين ديل تلقانا في مليون موقع مافيشين وبعد ممدة تلقانا في موقع جامعة او دولة اقل الناس العندهم فرصة


غياب تام للتعامل مع التكنولوجيا
ياخي شبكة المطار كانت في يوم من الايام مضروبة
ناس تعبانة شديد
الشغالين في السيرفر منو؟ هل هم سودانيين ؟؟؟؟ في اشاعة بانهم ما سودانيين تخيل معلومة مهمة من جوة الداخلية يكون الواقف عليها الخبراء فيها اجانب
غايتوا مهازل لو صاح الكلام دا ؟؟؟؟

Quote: ياخ حتي المنح الدراسية العالم دا كلوا بوزع فيها الا نحن الكعبين ديل تلقانا في مليون موقع مافيشين وبعد ممدة تلقانا في موقع جامعة او دولة اقل الناس العندهم فرصة

نصيحتي ليك يا دكتور
امسك في معهد القلب ده قوي
و تحياتي لسكان العمارة يمين المعهد

بااااااه ايام
تحياتي

جدا العزيز احمد عبد الله ما عندك اي مشكلة

نحن ناس شمال ساكت



دفرة عشان ممكن نلفت نظر بعض الشباب
الفاتح

Quote: الشغالين في السيرفر منو؟ هل هم سودانيين ؟؟؟؟ في اشاعة بانهم ما سودانيين تخيل معلومة مهمة من جوة الداخلية يكون الواقف عليها الخبراء فيها اجانب غايتوا مهازل لو صاح الكلام دا ؟؟؟؟

ولنفترض انه الكلام ده صاح المشكله وين؟
هل استجلاب شركات وبيوت خبره والاتفاق معها لمثل هذه المشاريع التطويريه يعد عيبا في قاموسك؟
هل تظن ان في الموضوع تلاعب؟
هل تظن ان العاملين في هذه الشركات (العالمية) هم جواسيس في حوجه للتعرف علي اسماء وبيانات المواطنين؟
هل انت سازج لهذه الدرجه؟

Quote: الخبراء فيها اجانب

عشان كده سموهم خبراء ولازم يكونو اجانب لانه المكنه البتطبع دي سوها اجانب
والورق سوهو اجانب
والحبر سوهو اجانب
والكاميرا سوها اجانب
وقميصك اللابسه ده سوهو اجانب

فهمته لمن يقولو ليك ادي العيش لخبازه يعني شنو؟

عدم القبول بالاجانب في مرحله النمو الحاليه هو نوع من قوة الراس غير المبرره
لو كنتو زي ناس الخليج الليهم يا دوب 30 سنه محترمين نفسكم وكل قرد قاعد يتفرج كان استفدتو ومشيتو لي قدام
لكن للاسف حيظل العمل الادراي في البلد من سيئ الي اسوأ
طالما في ناس حاشرين نفسهم فيما لا يفهمون

من الاخر الشعب السوداني الغالبيه فيهم ما عندهم صبر ولا احترام لاي حاجه جميله بتتعمل
لا بعجبم العجب ولا رونالدو

النوعيه البتمسك الموضوع وهو مافاهم فيه حاجه ويقعد ينظر سااااكت بلا فهم مفروض يشوفو ليه اجانب
لانه اكيد النوع ده مره عليهم ولقو ليه حل

ما تتحسس وخلي لباسك وااااسع واظن انه لستك اللباس برضو عملوهو اجانب


ودعتك الله

والله يا فيصل الرشيد إنت مصيبة تمشي على قدمين

Quote: من الاخر الشعب السوداني الغالبيه فيهم ما عندهم صبر ولا احترام لاي حاجه جميله بتتعمل لا بعجبم العجب ولا رونالدو

البال طويل جدا

... توجد كفاءات من أهل الكمبيوتر والشبكات والبرمجيات السودانيين الذين يعملون في أفضل الأماكن حول العالم ... كان من الأولى الاستفادة منهم في إدارة الشبكات الحكومية.


.... التنسيق بين الإدارات الحكومية .... لماذا لا تمتلك الخدمة الوطنية قارئ جوازات طالما أنها جهة تسترزق من عرق المسافرين والقادمين ؟ وتحتاج إلى معلومات المهنة لتحديد الأتاوة هل هي 50+15 أو 75+15 أو 250+15 حسب المهنة المدونة في الجواز ....



(لاحظوا أصبحنا فقط نتكلم عن لماذا لا يجلدوننا بسرعة وتركنا السؤال عن لماذا يجلدوننا أصلاً) !!!!!!

أو لماذا تحصل إدارة الخدمة الوطنية هذه المبالغ أصلاً؟


...... لماذا لا تخزن البيانات في الجواز الإلكتروني بالطريقة السليمة المقروءة من الجميع؟

...... لماذا لا تقوم إدارة الجوازات بعمل ستيكر على صفحة أخرى من الجواز تطبع به جميع البيانات المخفية في الجواز باللغتين العربية والإنجليزية لتكون بمتناول يد المختصين في أي مكان ...

خصوصاً وأن المواطن السوداني قد يدخل أو يخرج من السودان عبر منافذ نائية لا تتوفر فيها الطاقة الكهربائية بشكل دائم (على سبيل المثال: مطار الخرطوم المدني).

الاخ هاني تحية طيبة

Quote: توجد كفاءات من أهل الكمبيوتر والشبكات والبرمجيات السودانيين الذين يعملون في أفضل الأماكن حول العالم ... كان من الأولى الاستفادة منهم في إدارة الشبكات الحكومية.

من مداخلة لا حد الاخوة في بوست بنفس الغرض تدلل علي ان الكفاءات من الممكن ان توجد ومن الممكن تدرب لتكتسب خبرة كبيرة ترتفع بمستواها الفني

الداخلية وزارة ذات خصوصية كبيرة ليست كل الوزارات الاخري التي تتفاوت درجة اهمية حفظ المعلومة والسرية فيها

Quote: سلام للجميع... أنا تخصصي هو إصدار ألأوراق الثبوتية والجوازات و security print and Identity document أعمل في هذا المجال منذ أكثر من عشر سنوات وكنت خلالها مديرا للكثير من المشاريع حول العالم وتخصصي في مجال الجوازات والهجرة عملت في أكبر الشركات في هذا المجال وشاركت في إعتماد أكثر من عشرين جواز هذة المقدمة حتي لا يظن البعض إني بتكلم من أجل الغلاط هناك بعض المعلومات الخاطئة هنا أود إضاحها.... 1 الجواز الرقمي E-PASSPORT لايعمل ب SIM card ولكن بRFID (RADIO FREQUENCY IDENTIFICATION 2 ICAO تطالب ب MRD (Machine Readable Document) وليس E-Passport والفرق في التكلفة عشرة أضعاف. The dead line of 2010 is for MRD and not e passport 3 السودان يحتاج إلي جواز مقرؤ بالمكنة ولكن ليس بالضرورة E-PASSPORT لأنة مكلف وفقط أقل من 40 دولة بدأت في إصدارة 4. الجواز الرقمي لا يعتمد علي البصمة للتعريف بل هي OPTIONAL ويتم إستعمالها داخليا فقط. ماإتفقت علية ICAO هو إستخدام الوجة للتعريف... The usage of Facial Recognition as a Biometric tool. 5. للبصمة نوعين من ألإستخدام Verification (وفي هذة الحالة يكون التطابق%100 لأن المقارنة هي one to one أما في حالة ال Identification One to many فالوضع مكلف ويحتاج لأربعة بصمات عل الأقل ليعطي النتيجة المقبولة وهو مايعرف بال AFIS Advance Finger Identification System وأنا أشك في أن السودان تبني A FULL AFIS SYSTEM المشروع كماشرح أحد الأخوة ومن وجهة نظري الفنية لم يدرس ولا يتماشى مع أرض الواقع وإحتياجات قطاع الهوية بحيث نبدأ من القاعدة إلي الهرم ونثبت مبدأ الPIN Personal Identification Number ووجود شخص واحد بطاقة واحدة One person one document bases الجواز أغلي جواز إلكتروني حسب معرفتي...فالبريطاني وهو من أحدث للجوازات الرقمية لايصل إلي ميئتي دولار...هذا رقم خرافي ونهب لأن تكلفة الجواز لا تتجاوز الخمسة عشرة دولار أتمني أن أكون قد ساهمت في توضيح بعض النقاط

كاتب المداخلة هو الاخ Haitham Elsiddiq
له التحية

من الممكن حل الاشكال بكل بساطة لو تمت كتابة المعلومات الاتنين الاسم والمهنة بالانجليزي بدلا عن القصة الطويلة بتاعت التعريف بواسطة افادة بدخلك تاني في جري لادارة الجوازت

اما الافادة فاوكد انه تم الرفض في سفارة السودان في القاهرة وطالبت السفارة الامريكية بالجواز القديم .



ا

Quote: .. لماذا لا تقوم إدارة الجوازات بعمل ستيكر على صفحة أخرى من الجواز تطبع به جميع البيانات المخفية في الجواز باللغتين العربية والإنجليزية لتكون بمتناول يد المختصين في أي مكان ...

موضوع الاستيكر طرحناه هنا وسالنا الضابط قال انو الاستيكر بيعتبر تغيير في الجواز قلنا ليه طيب ما هو عندنا استيكر بتاع اقامة مصرية بس الاسم بالعربي البمنع شنو انكم تحلوا الاشكال دا
بواسطة استيكر

لك خالص التحايا
الفاتح

*

الصديق العزيز/ د. الفاتح
والله فراق يومين ، والواحد بقي مشتهيك

البوست قدم لينا فايده غاية في الأهمية
بتمني ليك التوفيق


وتحياتي لماسورة...

وين يا عمك

خبرك والمواسير انشاء الله تكون اشتغلت


التقديم الجديد بداء للوتري وفي ناس لسة ح تواجه مشاكل لو ما اتحلت اشكالية الجواز

الفاتح

الاخوة الكرام نعود هذه المرة وبعد المعاناة التي لم تحل بالنسبة للموعود بالللوتري الا باستخراجه للجوازالقديم (الاخضر )


فقد وصل محمد الي امريكا ونتمني له اقامة طيبة هناك

وما ان استخرج الجواز القديم تمت باقي كل الخطوات لاستلام التاشيرة في فترة بكل سهولة

المعاناة الثانية مع الجواز الجديد استمرت وكادت ان تحول بيني وبين الجلوس لامتحان

الايلتس الا انه ولحسن الحظ وبعد تدخل من العاملين في البريتش كانسل في القاهرة تمت اعتماد ان اسمي باللغة العربية يكفي ليغنينا معاناة الافادات وما ادراك ما الافادات


هنا يجب علي القائمين والداعمين واصحاب الدعايات للجواز الجديد التنبه بانه لا توجد الاجهزة التي يقولون بانها تقراء الجواز في مثل مراكز الامتحانات هذه وهي المستند الوحيد المعتمد لاثبات الشخصية عند الجلوس للامتحان

والاسم الكامل هنا مهم جدا جدا جدا واذا لم يوجد من يترجم الاسم من العربي الي الانجليزي فسوف تواجه مشكلة في اثبات شخصيتك

لذلك وجب علينا ان نتفادي هذه الاشكالية والتي من الممكن ان نتفاداها بكل بساطة

نواصل

هل سيتم تعديل الخطاء الذي حدث

في الجوازات الجديدة

من حضر لقاء مدير الجوازات فليعيننا بتفاصيل اللقاء

الشكر لكل من مر هنا من اجل المشاركة في ايجاد حل


البوست التاني به شباب لهم اراء مهمة لدرجة كبيرة


بعض المداخلات هنا وجب علي من خطها بدون تفكير وقصد منها التقليل من المشكلة عليه الان ان يتخذ خطوة حتي لا يندفع في تبرير الخطاء الذي حدث واعترفت به حتي ادارة الجوازات

×***



من عنده تفاصيل التعديلات فليمدنا بها

وهل ستشمل ذكر المهنة بالغة العربية والانجليزية ايضا

الفاتح

×***



من عنده تفاصيل التعديلات فليمدنا بها

وهل ستشمل ذكر المهنة بالغة العربية والانجليزية ايضا

الفاتح

***

سلا م يا شباب
حسب علمي ان سبب رفض السفارة الامريكية للجواز الجديد ان معلومات الاسم
معظمها مخفية والظاهر منها الاسم الاول واسم الجد فقط ..
وباقي الاسماء لا تظهر في جواز

فتخيلو عدد الاسماء الممكن تكون متطابقة.. فكم شخص مثلا اسمه محمد واسم الجد عبدالرحمن

علي الاقل كان اكتبوا الاسم ثلاثي....

تحياتي

شكرا ايهاب هي كما ذكرت حسب ما حدث معنا

والاهم من ذلك غير السفارات هناك مراكز الامتحانات العالمية وغيرها فهي تهتمد تطابق الاسماء مع الشهادات الجامعية والفورمات وغيره ولا توجد فيها اجهزة لقراءة الجواز والمهنة ايضا كما اوضحنا


في حديث نشر اوضح اداري بالجوازات القصور الذي يحدث وذكر انهم بصدد تلافي الاشكال الناتج عن الاسم .

لك خالص التحايا