Post: #1
Title: أطفالنا .. و حرجي لحرج صديقي من تصرف طفلته ..
Author: فيصل نوبي
Date: 09-23-2009, 12:21 PM
بالامس زارني صديق عزيز جداً مع زوجته و إبنته البالغة من العمر ثلاث سنوات (تقريباً) ..
و بينما نحن نتسامر و الحديث يحلو و نقاشات دائرة هنا و هناكـ و الطفلة الجميلة تحاول أن تلفت الأنظار إليها بالذهاب و المجيء هنا و هناكـ وهو ينتهرها ما بين الفينة و الأخري ..
حاولت أن أتركها علي راحتها ما بين الكمبيوتر و بعض الالعاب المشتته هنا و هناكـ و لكنني لم أفلح .. كما حاولت جاهداً أن أزيحه عنها .. و قد أفلحت ..
تغيب لتظهر من جديد طالبة شيئاً جديداً فأذهب معها لتلبيته ..
من الطرائف أنها تجيد إبتلاع العلكة (اللبان) .. و تجد متعة في ذلكـ و قد كان لها نصيب جيد من العلكة ..
و بينما الدائرة تدور ما بين إنتباهنا لها و السمر يحلو اذا بها تدخل الي المطبخ و تغلق الباب عليها من الداخل بالمفتاح ..
ذهبت الي المطبخ و حاولت جاهداً حثها علي محاولة فتحه و لم أفلح معها .. حينها أبلغته بما حدث فلم يجد الا أن ينتهرها مرة أخري وهي تحاول عابثة بالمفتاح أن تجد حلاً و لكن لا حياة لمن تنادي ..
إنضمت إلينا حرمه المصون في محاولات يائسة لتعليمها كيفية فتح الباب و لم نفلح ..
هنا جالت ببالي العديد من الافكار و الخوف ينتابني أن تجذب اليها أنبوب الغاز أو تتلاعب بمفاتيح البوتجاز أو تذهب الي الثلاجة أو تلامس أي شيء قد يكون مضراً بداخل المطبخ .. فطلبت منهم أن يحاولو شد إنتباهها إليهم بينما أتصل بحارس البناية (الناطور) و قد كان ..
أتي إلينا مسرعاً كالملاكـ المنقذ و صديقي يتصبب عرقاً برغم برودة التكييف ..
مددت إليه بسيجارة وهو لا يدخن الا نادراً تناولها بشره مع كلمات مطنطنة من زوجته التي تحاول أن تهدئه ..
و أخيراً فتح الحارس باب المطبخ
فاذا بالامورة الصغيرة تحمل بكلتا يديها (صابون حمام) أتت به من درج حيث نضع مخزوننا الشهري الذي نأتي به من الجمعية ..
منظر جميل أن تطمئن علي طفلة غابت عن عينيكـ لدقائق معدودة فعلت بنا الأفاعيل ..
مد يده لضربها فحملتها بعيداً عنه محتضناً وهو تقول لن أفعل ذلكـ مرة أخري بلهجة حلوة تكاد تأكل حروفها كما تبتلع العلكة ..
_
لم يجد صديقي غير الإعتذار المتواصل وهو محرج مما فعلته طفلته الصغيرة ..
مع أنني وجدت متعة في إحساس الأبوة و الخوف الذي إنتابه و إنتابني ..
هكذا هم أطفالنا ( نعمة ) من الخالق عز و جل ..
حفرت لنا الطفلة الصغيرة ذكري يوم جميل سوف نظل نذكره ما حيينا .. 
|
Post: #2
Title: Re: أطفالنا .. و حرجي لحرج صديقي من تصرف طفلته ..
Author: omer osman
Date: 09-23-2009, 12:45 PM
Parent: #1
وتعمل شنو يافيصل اذا ولدك (5 سنوات) قفل الشغالة في الحمام حوالي ساعتين وقعد يلعب !
لمن دقيتو وقلت ليهو دي قلة ادب منك وكنت زعلان جداً ...... قال لي انا ذاتي عاوز اغير وشي ده
استغربت جداً وقلت ليهو ليه يعني ؟؟ قال لي عشان اي زول بقول لي انت قليل ادب 
بعد الزعل داك حقيقة قعدت اضحك بشدة وقلت ليهو يا اخي الزول بغير سلوكه مش وشو وتخلي الشيطنة البتعمل فيها دي.
|
Post: #3
Title: Re: أطفالنا .. و حرجي لحرج صديقي من تصرف طفلته ..
Author: فيصل نوبي
Date: 09-23-2009, 12:55 PM
Parent: #2
يا سعادتكـ كل سنة و إنت طيب ..
ياخ ولدكـ عسل ربنا يحفظه ليكـ .. اها و إنت ح تغير وشكـ متين يا سعادتكـ 
تعرف
الأمورة دي أمس أخدت ليها صنة ما بترد علينا ..
غايتو مخي بقي يودي و يجيب .. اها الوقت داكـ أظنها كانت بتفرتق في الصابون من الورق ..
الدقائق دي قلبي وقف عديل كده .. ياخ ما عرفت أسوي شنو ؟ من بره أقول لي أمها ناديها و ابوها ينادي ..
و أخوكـ يكوركـ يا عمو يا عمو يا عمو .. ما فضل لي الا أبدلها بي خالو ..
_
غايتو أمها كان قلبها اقوي من قلب أبوها ولا محرجة بدرجة اقل ما عارف
|
Post: #4
Title: Re: أطفالنا .. و حرجي لحرج صديقي من تصرف طفلته ..
Author: هويدا شرف الدين
Date: 09-23-2009, 01:04 PM
Parent: #3
في مره من المرات كنا معزومين غدا عند واحد صاحبنا عندو ولدو عمرو حوالي خمسه سنوات المهم اول ما مشينا واتونسنا والولد دا مزعج شديد جدا جدا وبعد شويه جابو الغدا بس مع قولة بسم الله الولد بقي يكورك من الحمام قفل نفسو في الحمام وما قدر يفتح الباب والام والابو بقوا يوصفو احرك المفتاح كدا ، اعمل كدا وهاك يا جرسه والولد جو الحمام يكورك والله الغدا دا ذاتو طار من راسنا عديل الباب ابا يفتح والولد يجعر جعير شديد بعد تعب قام الاب وزوجي بكسر الباب بعد استخدام كل الادوات المتاحه وركل ورفس الباب والله الغدا برد وطار لينا من راسنا
|
Post: #5
Title: Re: أطفالنا .. و حرجي لحرج صديقي من تصرف طفلته ..
Author: omer osman
Date: 09-23-2009, 01:06 PM
Parent: #3
نغير وشنا بي شنو بعد ما فات فينا الفوات اخير نبقي على مريخنا ده ، بالمناسبة ولدي البحكي عليك عنو ده اسه عمره 8 سنوات
والمشكلة انو هلالابي ...... قلت ليهو بالطريقة دي انا ح احرمك من الميراث
وتعرف هو بقي هلالابي ليه ؟؟؟ بس عشان انا مريخابي غايتو ربنا يحفظو لكن بتاع مكاواة بشكل رهيب.
|
Post: #6
Title: Re: أطفالنا .. و حرجي لحرج صديقي من تصرف طفلته ..
Author: Ahmed Yousif Abu Harira
Date: 09-23-2009, 01:28 PM
Parent: #5
نوبي وعمر
كل سنة وانتو طيبين
| Quote: وتعرف هو بقي هلالابي ليه ؟؟؟ بس عشان انا مريخابي |
الولد ده حيكون عندو مستقبل كويس
ــــ
|
Post: #7
Title: Re: أطفالنا .. و حرجي لحرج صديقي من تصرف طفلته ..
Author: omer osman
Date: 09-23-2009, 01:36 PM
Parent: #6
Quote: الولد ده حيكون عندو مستقبل كويس
|
انشاء الله يارب .......... برغم انو ماشاء الله شاطر في المدرسة قال امنيتو يلقي ليهو مليون دولار !
قلت ليهو اها ح تعمل بيها شنو ؟؟
قال لي ح اديها لي زول اقول ليهو اشتري مدرستنا دي واقفله 
|
Post: #10
Title: Re: أطفالنا .. و حرجي لحرج صديقي من تصرف طفلته ..
Author: حواء سليمان ابراهيم
Date: 09-23-2009, 01:52 PM
Parent: #7
| Quote: هكذا هم أطفالنا ( نعمة ) من الخالق عز و جل .. |
|
Post: #14
Title: Re: أطفالنا .. و حرجي لحرج صديقي من تصرف طفلته ..
Author: فيصل نوبي
Date: 09-23-2009, 02:35 PM
Parent: #10
ربنا يحفظ يخلي ليكـ وليداتكـ يا حواء ..
|
Post: #13
Title: Re: أطفالنا .. و حرجي لحرج صديقي من تصرف طفلته ..
Author: فيصل نوبي
Date: 09-23-2009, 02:34 PM
Parent: #7
يا سعادتكـ
ولدكـ ده بعد شوية ح يرسلكـ بعثة .. (لوووووووووول) ..
علاقتكـ بيهو جميلة .. ربنا يخليكم لبعض ..
_
أحمد ولدي (أربعة سنوات)
قال داير هدوم بوليس .. مشيت فتشت ليهو ما لقيت هدوم بوليس .. لقيت لبس بتاع (قوات الصاعقة)
جبتو و جيت ..
عاين لي كده و قال لي ( إنت غبي ) ؟
قلت ليهو ليه يا بابا ؟
قال لي : قلنا دايرين هدوم بوليس ما هدوم جيش
|
Post: #8
Title: Re: أطفالنا .. و حرجي لحرج صديقي من تصرف طفلته ..
Author: nazar hussien
Date: 09-23-2009, 01:48 PM
Parent: #6
أصدقاء المنبر فيصل نوبي- جنابو عمر...وصديقتي وجها لوجه...هويدا شرف الدين
وشيخنا احمد...كل سنة وانتو طيبين وينعاد عليكم العيد بالصحة والعافية..
اما انا فقد حرمو علي الاكل في المطاعم ووفروا بعض الدريهمات..
انا معودهم كل سنة نمشي السودان وهناك اتركهم علي آخر راحتهم..
يطلعوا وينططوا ويلعبوا في المطر وما يفطروا...واحيانا يطشوا
من الفريق ويجيبوهم عابري السبيل...يعني مخليهم يبقوا شماشة..
وما كان في زمن عشان اعرف اتعلموا شنو من التشميش...الي ان فاجأوني
دموع مطروني..
لما رجعنا لي دار الغربة الما بترحم...قلنا تاني يوم نمشي
نتعشي...والمطعم كان فسيح...ومختلط...واغليه اجانب...قالن
ماشات يلعبن...وبعد شوية جاتني الويتر وهي عربية...وقالت
لي بناتك ديل يمشن تربيزة تربيزة...ويضحكن...يعني قليلات
أدب...وشنو...واحدة تقول للتانية...عان دا شناتو...يشبه
عبدالرحيم القرد...وقرقرقرقر...والصغيرة تقول للكبيرة...
وعان داك اضيناتو...زي كلب ناس التومة...
قلت ليهن ليه بتعملن كدي...قالن بنهظر معاهم ساكت....يعني علا نهظر معاهم بالانجليزي!!!!
ومن ديك عرفتهن ما مضمون يجي منهن اكعب من كدي...واعمارهن 4 و5 ونص
|
Post: #9
Title: Re: أطفالنا .. و حرجي لحرج صديقي من تصرف طفلته ..
Author: omer osman
Date: 09-23-2009, 01:51 PM
Parent: #8
Quote: لما رجعنا لي دار الغربة الما بترحم...قلنا تاني يوم نمشي
نتعشي...والمطعم كان فسيح...ومختلط...واغليه اجانب...قالن
ماشات يلعبن...وبعد شوية جاتني الويتر وهي عربية...وقالت
لي بناتك ديل يمشن تربيزة تربيزة...ويضحكن...يعني قليلات
أدب...وشنو...واحدة تقول للتانية...عان دا شناتو...يشبه
عبدالرحيم القرد...وقرقرقرقر...والصغيرة تقول للكبيرة...
وعان داك اضيناتو...زي كلب ناس التومة...
قلت ليهن ليه بتعملن كدي...قالن بنهظر معاهم ساكت....يعني علا نهظر معاهم بالانجليزي!!!!
|
يا اخي ديل مفروض يعملوا ليهم ابعاد خلال 24 ساعة
ربنا يحفظهم
|
Post: #11
Title: Re: أطفالنا .. و حرجي لحرج صديقي من تصرف طفلته ..
Author: nazar hussien
Date: 09-23-2009, 02:08 PM
Parent: #9
| Quote: يا اخي ديل مفروض يعملوا ليهم ابعاد خلال 24 ساعة |
ونحن راجعين من السودان في رمضان دا يا عمر...تأخرنا قبل ان
نصل ضابط الجوازات...بسبب فحص انفلونزا الخنازير...
وهن كل واحدة جارة شنطة ألعاب...وزهجن من الحكاية دي وما عارفات
سبب التأخير شنو؟؟؟..لما
وصلنا الضابط...الكبيرة فيهن بي صوت عالي قالت لي ...
ما تديه عشرة ألف وتخلينا نمشي!!!! ليشنو ديك ما بوقفونا كتير كدي
يعني علا نكون سايقين عربية؟؟؟
|
Post: #16
Title: Re: أطفالنا .. و حرجي لحرج صديقي من تصرف طفلته ..
Author: فيصل نوبي
Date: 09-23-2009, 02:38 PM
Parent: #11
يا ابو النيز
كل سنة و إنت بالف خير ..Quote: وصلنا الضابط...الكبيرة فيهن بي صوت عالي قالت لي ...
ما تديه عشرة ألف وتخلينا نمشي!!!! |
بنيتكـ دي شكلها شافتكـ يوم بتغمت للجماعة ( لوووووووووووول )
_
غايتو الحمد لله ما عندها عشرة الف كان أدتهم ليهو هي
ربنا يحفظهم ليكـ يا حبيب ..
|
Post: #12
Title: Re: أطفالنا .. و حرجي لحرج صديقي من تصرف طفلته ..
Author: فيصل نوبي
Date: 09-23-2009, 02:28 PM
Parent: #6
أبو حريرة
كل عام و أنت بالف خير ..
يا عمر و ابو حريرة
صاحبي ده هلالابي موت لدرجة إنه زوجته تشتكي من حبه للهلال ..
تأكد تماماً إنه البنية دي مارقة علي أبوها كان بالحسنة ولا بالتهديد و الوعيد ..
ياخ هسي داير أتصل عليهو أساله عامل كيف يقول خجلان منه
|
Post: #15
Title: Re: أطفالنا .. و حرجي لحرج صديقي من تصرف طفلته ..
Author: محمد عبد الماجد الصايم
Date: 09-23-2009, 02:37 PM
Parent: #12
يا عمكـ
كل سنة وإنت طيب ياخ!
مالكـ مختفي أول يوم؟ أعمال شاقة ولا شنو
تعرف بناتي يوم الخميس دا بس ما يدق
جرس الباب .. تلاقهم جري ومع فتحة الباب كـدا
يدو ليكـ الضيف النجيضة: الليلة الخميس ماشين الحديقة!
|
Post: #19
Title: Re: أطفالنا .. و حرجي لحرج صديقي من تصرف طفلته ..
Author: فيصل نوبي
Date: 09-23-2009, 05:55 PM
Parent: #15
ود الصايم
و انت بالف خير يا عمكـ
لكن مع مخدتكـ ديكـ نقول نعيد عليكـ كيف و إنت جادع الجوال ؟
_
يعني بالعربي كده يوم الخميس ماف زول يجيكم لا زائر لا غائر ؟؟
|
Post: #17
Title: Re: أطفالنا .. و حرجي لحرج صديقي من تصرف طفلته ..
Author: عبد اللطيف بكري أحمد
Date: 09-23-2009, 02:40 PM
Parent: #12
نوبي الحبيب
عيدك سعيد ، والقابلة عندك توأم من عينة طفلة صديقك،،
تقول آمين ولا أقول ليك توأم من عينة ولدي (علي)؟
والله يخليك تشتاق للرحيل!!
أو إلى طفلة صديقك،،
وصية للجميع : العندو ولادة يحرص يكملها قبل 45 سنة ، بعد داك مابكون عندو أخلاق لهبالتهم والله،،
أو بالأصح ماعندو قدرة على المساككة،،
|
Post: #18
Title: Re: أطفالنا .. و حرجي لحرج صديقي من تصرف طفلته ..
Author: noon
Date: 09-23-2009, 02:59 PM
Parent: #17
| Quote: قال لي ح اديها لي زول اقول ليهو اشتري مدرستنا دي واقفله |
he is so cute
دي زكرتني زمان انا و صحبتي شديد كنا جيران
و بنسمع إهلنا بتكلموا عن زوله معينه في الحي
بقولوا : ولله فلانا دي طيبه تاكل و تقش يدك في طرف توبا
ما تسالك...
الحته دي كانت محيراني انا و صحبتي شديد , كيف يعني
توسخ ليها توبا و ما تسالل
سو,,, قررنا نتاكد بي نفسنا
و في اقرب مناسبه اكلنا و مشينا علي توب الزولا قشينا يدينا فيه
طبعاً دخلنا اهلنا في إحراج شديد
و لما شاكلونا قدام الزولا دي لي تعملوا كده
قلنا ليهم بي كل بساطه مش إنتو بتقولوو هيا ما بتزعل
thank Nubi for the nice post
Noon
|
Post: #27
Title: Re: أطفالنا .. و حرجي لحرج صديقي من تصرف طفلته ..
Author: omer osman
Date: 09-24-2009, 10:42 AM
Parent: #18
شكراً يانون ..... ابن الوز عوام
|
Post: #28
Title: Re: أطفالنا .. و حرجي لحرج صديقي من تصرف طفلته ..
Author: فيصل نوبي
Date: 09-24-2009, 10:46 AM
Parent: #18
سلامات يا نون
عندي صاحبي تاني عندو ولد شليق أناديه بـ (الفكي) لأسباب قد أجد وقتاً لسردها هنا لاحقاً ..
و ابوه للأسف مريخابي أحمر .. الطفل في الرابعة من عمره تقريباً ..
يسكنون بالقرب من شارع رئيسي يضج بحركة السيارات .. في الطابق السابع من البناية ..
في أحد الأيام بعد أذان المغرب توجهت والدته للصلاة و والده أيضاً و طفق يبحث عنهم فاذا بالجميع علي السجادة ..
توجه نحو الباب و فتحه و أخذ المفتاح و أغلقه من الخارج ..
بعد فراغهم من تأدية الصلاة و إكتشافهم أنه غير موجود بدأت رحلة البحث عن (الفكي) ..
بطريقة ما إستطاعو أن يتحدثو الي الحارس (ناطور البناية) و جعله يصعد الي الطابق السابع ليبداء رحلة مليئة بالدراما ..
الاب يسأله أن يذهب الي الصالة الرياضية في البناية المجاورة لهم
فيذهب الحارس ليعود بعد خمسة دقائق بخيبة أمل ليقول لهم أنه غير موجود
ليوجهه الاب مرة أخري الي الحديقة المقابلة للبناية
فيذهب الحارس ليعود بعد ربع ساعة بخيبة أمل ليقول لهم أنه غير موجود
فيوجهه الاب الي السوبر ماركت في نهاية الشارع
فيذهب الحارس ليعود بعد ربع ساعة أخري بخيبة أمل بخبر أنه غير موجود
و هكذا دواليكـ حتي قاربت الساعة علي أن تنتهي
فاذا بالفكي يظهر وهو يلوح بالمفاتيح في حركة بهية و وجه مشرق باسم ..
و يفتح الباب و يبداء الاب في غضب و شفقة سؤاله الي أين ذهبت ؟
يجيب بكل في بهاء و فرح ( الي المسجد ) ..
لم يجد الاب الا أن يقول له لا تذهب مرة أخري دون والدكـ ..
_
إعتاد الوالد أن يأخذه معه الي المسجد لتأدية صلاة المغرب في المسجد بنفس الحي الذي يسكنون فيه ..
|
Post: #20
Title: Re: أطفالنا .. و حرجي لحرج صديقي من تصرف طفلته ..
Author: فيصل نوبي
Date: 09-23-2009, 05:57 PM
Parent: #17
أبو عبده كل عام و أنت بالف خير
الولية قاعدة جنبي تقراء في ردكـ ده قالت آمين ..
لحقتها ليكـ بقولي ولد وبنت آمين عشان نخلس من الحكاية دي و ننتهي مرة واحده ...
_
بعدين ياخ في الذ من المساككة و المداداة و الدلع و خصوصاً للبنات ..
ياخ عندنا واحدة في البيت .. قالو لي إنت يا نوبي خربت طبعها ..
|
Post: #21
Title: Re: أطفالنا .. و حرجي لحرج صديقي من تصرف طفلته ..
Author: هويدا شرف الدين
Date: 09-24-2009, 08:36 AM
Parent: #20
نزار كل سنه وانت طيب وين من ديك وعيك ما قلت اسبوع بس
فيصل مداخلتي الفوق دي ما عاجبك ولا شنو لا رد ولا تعليق
عارف انا من زمان مغيوظه منك من كنت ساكاك بالايميلات عشان بكري يسجلني وعملت نائم وكنت عاوزه اكتب بوست بالموضوع دا لكن بس الله غالب
بالله اقرا المداخله الفوق ورد عليها
|
Post: #22
Title: Re: أطفالنا .. و حرجي لحرج صديقي من تصرف طفلته ..
Author: nazar hussien
Date: 09-24-2009, 08:51 AM
Parent: #21
| Quote: نزار كل سنه وانت طيب وين من ديك وعيك ما قلت اسبوع بس |
كل سنة وانت بذات السماحة والطيبة والعافية يا هويدا..
جيت فعلا بعد اسبوع...ووقفني بتاع الحركة ...لدخول الشارع
بالخطأ...وأصر يوديني...مكتب الحركة...ومن هناك...رجعت
البيت بي صداع...
ومع ذلك ان كان لي شرف نلته من زيارتي للخرطوم
فهو شرف لقاء بنت شرف الدين...
والبورداب الببردبو بي قندهار ديل ما عارفين
وين يمشو يعلم الله...وسأكرر الزيارة ان شاء الله
|
Post: #23
Title: Re: أطفالنا .. و حرجي لحرج صديقي من تصرف طفلته ..
Author: omer osman
Date: 09-24-2009, 09:18 AM
Parent: #22
Quote: أحمد ولدي (أربعة سنوات)
قال داير هدوم بوليس .. مشيت فتشت ليهو ما لقيت هدوم بوليس .. لقيت لبس بتاع (قوات الصاعقة)
جبتو و جيت ..
عاين لي كده و قال لي ( إنت غبي ) ؟
قلت ليهو ليه يا بابا ؟
قال لي : قلنا دايرين هدوم بوليس ما هدوم جيش |
اخوي قال بتكلم مع ولدو الصغير في موضوع ... قال الولد قال ليهو يابابا انت ما بتفهم ؟
مهذب مش ؟
|
Post: #31
Title: Re: أطفالنا .. و حرجي لحرج صديقي من تصرف طفلته ..
Author: فيصل نوبي
Date: 09-24-2009, 10:55 AM
Parent: #23
عندنا احد في البيت حنكوش حنكشة شديدة
في إحدي الرحلات الي ضواحي الخرطوم أول مرة يشوف فانوس
قال لي أبوه : ( يا بابا ديل جنريترهم ليه ما بنور غير لمبة واحدة و ما بيطلع صوت ) ؟
و بعد المبيت ليلة وهو يراقب الحي بمن فيه ..
وجد البنات يحلبن الغنم في الزريبة ..
فاذا به يصيح و ينادي أخوه
ما تشرب الشاي ديل عاملينو بلبن تيوس
|
Post: #24
Title: Re: أطفالنا .. و حرجي لحرج صديقي من تصرف طفلته ..
Author: العوض المسلمي
Date: 09-24-2009, 09:42 AM
Parent: #22
ربي ما تحرم بيت من الاطفال
|
Post: #32
Title: Re: أطفالنا .. و حرجي لحرج صديقي من تصرف طفلته ..
Author: فيصل نوبي
Date: 09-24-2009, 10:56 AM
Parent: #24
آمين يا العوض ..
_
ولا من الدندونات
|
Post: #25
Title: Re: أطفالنا .. و حرجي لحرج صديقي من تصرف طفلته ..
Author: فيصل نوبي
Date: 09-24-2009, 10:26 AM
Parent: #21
هويدا
الله يديكـ العافية .. و يضحكـ يومكـ ( يا قول محسن خالد ) ..
ياخ والله قريتها و ضحكت كمان ..
بس ما عارف ما رديت ليه .. أمسحيها في توب جارة ناس نون دي ..
| Quote: الغدا برد وطار لينا من راسنا |
ياخ غدا شنو ليكم إنتو الشافع مقفول في الحمام ..
عموماً هو الحمام أخف خطراً من المطبخ ..
_
كل سنة و إنت طيبة ياخ ..
|
Post: #26
Title: Re: أطفالنا .. و حرجي لحرج صديقي من تصرف طفلته ..
Author: وليد محمد المبارك
Date: 09-24-2009, 10:34 AM
Parent: #25
الواحد يسوها اولاده يشربكها في اصحابه
|
Post: #29
Title: Re: أطفالنا .. و حرجي لحرج صديقي من تصرف طفلته ..
Author: omer osman
Date: 09-24-2009, 10:49 AM
Parent: #26
امبارح مشينا نتعشي في مطعم في شارع المطار ، نحن داخلين لقينا فرفور واقف بره.....
الولد الكبير 8 سنوات قال لي ده فرفور نمشي نسلم عليهو طبعا بشوفوه في التلفزيون !!
بعد ما سلمنا عليهو .....
الفي النص 5 سنوات قال لي يابابا هو فرفور ده حقيقي
|
Post: #34
Title: Re: أطفالنا .. و حرجي لحرج صديقي من تصرف طفلته ..
Author: JAD
Date: 09-24-2009, 11:05 AM
Parent: #29
الأفيصل نوبي ..
كيفك يا رجل يا طيب ..
الحمد لله على السلامة .. ومن لطف الله بها أن صرف نظرها عن الغاز لجهة أخرى ..
كل عام وأنت والأسرة الكريمة بخير وعافية..
جاد
|
Post: #37
Title: Re: أطفالنا .. و حرجي لحرج صديقي من تصرف طفلته ..
Author: فيصل نوبي
Date: 09-24-2009, 12:45 PM
Parent: #34
العزيز جاد
كل عام و أنت بالف خير ..
ما طرائف القصة دي ..
البنية قاعدة في المطبخ و كلنا نقول ليها أفتحي الباب و هي تكوركـ من جوه ( أبت ابت )
_
ربنا يجعلكـ من السعيدين و أب لأطفال ابرار.
|
Post: #30
Title: Re: أطفالنا .. و حرجي لحرج صديقي من تصرف طفلته ..
Author: فيصل نوبي
Date: 09-24-2009, 10:52 AM
Parent: #26
يا عمر إنت أقعد لي في عوام دي لامن يطردكـ من البيت
|
Post: #35
Title: Re: أطفالنا .. و حرجي لحرج صديقي من تصرف طفلته ..
Author: humida
Date: 09-24-2009, 11:08 AM
Parent: #30
طبعا يا نوبي .. نحن الرباطاب نفتقد براءة الاطفال دي ..
الشافع مما يلدوهو بيكون حامض للدين ..
مرة سايق معاي عموري ولد اختي في العربية .. و حبيت امارس معاهو حركات الشفع دي لعل و عسى يعني .. ( 4 سنوات ) ..
قلت ليهو يا عموري انت لمن تكبر داير تبقى شنو .. رد قال لي ما داير ابقى زيك ..!!
بلعتها وواصلت الاسئلة بتاعت الشفع .. مرة يرد و مرة يعمل فيها مشغول ..
في النهاية قال .. ياخي ما تبطل عوارتك دي و تسوق سواقتك .. !!
|
Post: #36
Title: Re: أطفالنا .. و حرجي لحرج صديقي من تصرف طفلته ..
Author: Siham Elmugammar
Date: 09-24-2009, 12:30 PM
Parent: #35
فيصل نوبى كل سنه وانت طيب
حنابو عمر سلام ولدك الذ زول وذكى وده سبب اختياره للهلال
مش عشان يغيظك :)
حميده سلام كبير ياخ
والله و د اختك نجيض خلاس
اضحك الله سنك
ياخ
|
Post: #42
Title: Re: أطفالنا .. و حرجي لحرج صديقي من تصرف طفلته ..
Author: فيصل نوبي
Date: 09-24-2009, 06:30 PM
Parent: #36
يا سهام
شرفتينا ياخ و كل سنة و إنت بالف خير ..
_
حمودي قال لـ ((حبوبتو) أم أمه طبعاً ) إنت مره مفلسة عشان كده ما قاعده تجيبي لي هدايا
|
Post: #41
Title: Re: أطفالنا .. و حرجي لحرج صديقي من تصرف طفلته ..
Author: فيصل نوبي
Date: 09-24-2009, 06:29 PM
Parent: #35
سلامات يا حميضة
ياخ ولد أختكـ طلع حامض أكتر منكـ
| Quote: في النهاية قال .. ياخي ما تبطل عوارتك دي و تسوق سواقتك .. !! |
كويس اللي ما قال ليكـ أنزل أسوق ليكـ !!
_
واحد من اولاد عمي عمره 4 سنين
جارهم عندو كرش كبيرة شديد و كل يوم بيقعد في الشارع بكرسيه
وهو مغيوظ منه جداً ..
يوم جاهو بره قال ليهو ياخ البطيخة دي مش كفاها .. ما دايرين تبيعوهو !!
أبوهو جلدو ليكـ جلدة نضيفة اليوم داكـ .
|
Post: #33
Title: Re: أطفالنا .. و حرجي لحرج صديقي من تصرف طفلته ..
Author: فيصل نوبي
Date: 09-24-2009, 10:57 AM
Parent: #26
كدي يا وليد إنت أحكي لينا حقت أولادكـ عشان نحكيها لأصحابنا
|
Post: #38
Title: Re: أطفالنا .. و حرجي لحرج صديقي من تصرف طفلته ..
Author: Eng. Mohammed al sayed
Date: 09-24-2009, 01:15 PM
Parent: #33
في احدي اجازاتي
سمعت حكاية عن اطفال الاسرة
ففي إحدي المناسبات
طلب الطفل من المعاق ان يترجل له عن مقعده لان دورة قد بدأ
واصر علي ذلك
مما جعل الطلبات تتراكم علي الكرسي المتحرك
كل طفل ينتظر دوره
عندما وبخت والدة الطفل الاطفال
رد طفلها
لكن يا ماما انا استأذنت
ربنا يحفظ ابنائنا
|
Post: #39
Title: Re: أطفالنا .. و حرجي لحرج صديقي من تصرف طفلته ..
Author: noon
Date: 09-24-2009, 02:14 PM
Parent: #38
Quote: طبعا يا نوبي .. نحن الرباطاب نفتقد براءة الاطفال دي ..
الشافع مما يلدوهو بيكون حامض للدين ..
مرة سايق معاي عموري ولد اختي في العربية .. و حبيت امارس معاهو حركات الشفع دي لعل و عسى يعني .. ( 4 سنوات ) ..
قلت ليهو يا عموري انت لمن تكبر داير تبقى شنو .. رد قال لي ما داير ابقى زيك ..!!
بلعتها وواصلت الاسئلة بتاعت الشفع .. مرة يرد و مرة يعمل فيها مشغول ..
في النهاية قال .. ياخي ما تبطل عوارتك دي و تسوق سواقتك .. !! |
عليك الله قال ليك كده و ما نزلتو
دي كان انا كنت نزلتو في اقرب محل
عندنا ولد اصحابنا فصيح زي ود اختك دا
المهم رفع ضغط ابو في السماء
قام ابوهو قال ليهو إنت في time out
و كان راجل اطلع من خشم الباب دا
رد عليه الولد بي كل برود
" هو الباب زاتو ما عنو خشم يا بابا"
|
Post: #40
Title: Re: أطفالنا .. و حرجي لحرج صديقي من تصرف طفلته ..
Author: انتصار محمد صالخ بشير
Date: 09-24-2009, 04:35 PM
Parent: #39
الاخ فيصل نوبى
كل سنة وانت طيب
ياربى دايما بيتك عامر بالاطفال
نحن غايتو عندنا اطفال فى العائلة لا يوجد مثلهم اطلاقا كنت غير راضية عن تصرقات ابناء اخوتى
بقيت انا كل يوم محرجة من تصرقات ولدى 3 سنوات اخرها ايام العيد كنا مدعوين غذا مع احد الاصدقاء واسرته فى مطعم
فجاءة ولدى اتعكنن ورفض الاكل تماما بسبب ان الويتر لم تسالو ياكل شنو.
احد ابناء اخى 4 سنوات قال لجارتنا سمينة هى وبنتها ايضا سمينة
ما تنسوا تسجلو فى برنامج الرابح الاكبر وبصراحة الجارة زعلت جدا
لما ابوه وامه قالوا ليه دا تصرف غير مهذب منك قال ليهم انا قلت يربحو ويضعفوا
ربنا يحفظ اولادنا
انتصار
|
Post: #43
Title: Re: أطفالنا .. و حرجي لحرج صديقي من تصرف طفلته ..
Author: Ahmed Abdallah
Date: 09-24-2009, 06:41 PM
Parent: #40
نوبي
كل سنة وانت طيب ياخ
زمن .. وينك ..
|
Post: #44
Title: Re: أطفالنا .. و حرجي لحرج صديقي من تصرف طفلته ..
Author: Abdelhai Omar
Date: 09-24-2009, 07:08 PM
Parent: #40
الأخ فيصل
كل سنة وإنت ومن في هذا البوست طيبين
بمناسبة الفنيلة الزرقاء دي عندي مشكلة مستمرة بين ولدي العمره سنتين وبنت المعز محجوب العمرها سنة واحدة
جاتنا الدوحة لقضاء رمضان والعيد مع أمها التي أنا أبوها
مما جات والولد ده مانازلة ليه من حلقه مع إنه خالها
كان شلتها يحلف بالتقطعه إلا أنزلها وأشيله هو
وكان لقاها قريبة يعمل نفسه داير يبوسهاوسنونه تكون طالعة برة
كنت مفتكر الموضوع غيرة أو ما بتحترمه كخال وكده لغايت ما المريخ أخد التلاتة الأخيرة دي لقيت الولد بقي مايطيق يشوف البت كسر شديد
أخيراًثبت بالفحص أنه يحمل جينات مريخابية
ما تسالني تقول لي إنت مريخابي ولا هلالابي
مافي داعي تحرجنا مع أبو النسب
|
Post: #45
Title: Re: أطفالنا .. و حرجي لحرج صديقي من تصرف طفلته ..
Author: فيصل نوبي
Date: 09-25-2009, 10:58 AM
Parent: #38
سلامات يا باشمهندس
و كل عام و أنت بالف خير ياخ
عاش من شاف حرفكـ ..
_
الوليد قال داير سحبة بالكرسي مفتكرها لعبة ..
شوف التفكير البسيط كيفن !!
لم يفكر في عجز صاحب الكرسي أو مرضه .. و قالها بعفوية شديدة ..
كلها دروس تعلمنا منها و لا زال أطفالنا يتعلمو ..
و برر موقفه بأنه طلب طلبه بأدب ..
_
الأطفال زينة للأهل .. ربنا ما يحرم بيت منهم ..
|
Post: #46
Title: Re: أطفالنا .. و حرجي لحرج صديقي من تصرف طفلته ..
Author: دينا خالد
Date: 09-25-2009, 12:46 PM
Parent: #45
| Quote: رد قال لي ما داير ابقى زيك ..!! |
ما سالتو قلت لى لييه ؟؟ لووووول
ـــــــــــ
................ (* وش غامز )
|
Post: #47
Title: Re: أطفالنا .. و حرجي لحرج صديقي من تصرف طفلته ..
Author: محمد البشرى الخضر
Date: 09-25-2009, 01:35 PM
Parent: #46
| Quote: ................ (* وش غامز ) |
هيييييييع
بتل لا يموت
|
Post: #48
Title: Re: أطفالنا .. و حرجي لحرج صديقي من تصرف طفلته ..
Author: محمد عبد الماجد الصايم
Date: 09-25-2009, 02:15 PM
Parent: #47
|
Post: #49
Title: Re: أطفالنا .. و حرجي لحرج صديقي من تصرف طفلته ..
Author: نصرالدين صلاح
Date: 09-25-2009, 02:41 PM
Parent: #48
عيدك سعيد يا نوبي
وكل سنه و الجميع بخير
----------------
كنا قاعدين نتغداء و معانا عسجد ( عمرها 5 سنوات في الوقت داك )
قامت من الاكل بعد اكلت شويه كده سالناها يا عسجد ما اكلتي كويس اقعدي واصلي الاكل
قالت زهجتا من الاكل
قلنا ليها الواحد لامن يشبع بقول الحمد لله
-----------------
بقينا نستعملها نحنا ذاتوا من باب الهظار
لامن تقوم من الاكل تقول زهجتا
------------------------
ربي لا تحرم بيت من الاطفال
|
Post: #52
Title: Re: أطفالنا .. و حرجي لحرج صديقي من تصرف طفلته ..
Author: فيصل نوبي
Date: 09-25-2009, 04:46 PM
Parent: #48
دندونتي و كفي
|
Post: #50
Title: Re: أطفالنا .. و حرجي لحرج صديقي من تصرف طفلته ..
Author: osman righeem
Date: 09-25-2009, 03:13 PM
Parent: #5
Quote: نغير وشنا بي شنو بعد ما فات فينا الفوات اخير نبقي على مريخنا ده ، بالمناسبة ولدي البحكي عليك عنو ده اسه عمره 8 سنوات
والمشكلة انو هلالابي ...... قلت ليهو بالطريقة دي انا ح احرمك من الميراث
وتعرف هو بقي هلالابي ليه ؟؟؟ بس عشان انا مريخابي غايتو ربنا يحفظو لكن بتاع مكاواة بشكل رهيب. |
الاخ غير الشقيق عمر
عيدك سعيد وعمرك مديد
ويخرج الحي من الميت
سلامات نوبي
|
Post: #51
Title: Re: أطفالنا .. و حرجي لحرج صديقي من تصرف طفلته ..
Author: معروف حمدين
Date: 09-25-2009, 04:29 PM
Parent: #50
نوبي
حكي لي زميلي المصري أن أم الاولاد كانت طريحة الفراش بالمستشفي
وكان صديقي يقوم بخدمتهم ..
وكانت ساعة أعداد طعام العشاء والاولاد يشاهدون برنامجاً بالتلفزيون وهو يسألهم
أي نوع من السندوتشات ترغبون .. وهم لاهون ولا يجيب عليه أحد..
وأنتهرهم ياولاد أعمل ليكم آيه ؟؟
فردت أحداهن اية شي يابابا !!
فرد عليها سندوتش بطيخ يعني ؟؟
فأجابت نعم بس لو سمحت شيل البذر يا بابا !!!
|
|