أغاني وأغاني.. للقدامى والمستجدين..

Post: #1
Title: أغاني وأغاني.. للقدامى والمستجدين..
Author: نجوان
Date: 08-18-2009, 12:18 PM
Parent: #0

لحبيبة القسا أختي ممكونة والتي تغطس وتقلع بمزاجها
للباشمهندس أبوبكر
للزووول
حسن بشير
ود العباسية
محمد المرتضى
تمبس احيانا
ملاسي احيانا
احمد القرشي
فردتنا عاصم البنا..

وللكثيرين ممن لم تسعفني الذاكرة..

أمبارح..
بعد غيبة.. شاهدت على النيل الأزرق مشاهد من برنامج أغاني وأغاني للموسم الجديد!

وفي لقطة كان هناك زيدان ابراهيم منطربا في دويتو خطير مع عصام نورالدين!
يا سلام يا زيدان!!
ربما كنت وحدي خارج الشبكة، لكنها كانت مفاجأة جميلة!
وهذا سبب كافي جدا، لان نمسك الريموت وندير الرسيفر على النيل الأزرق
لمتابعة ما تيسّر من أغاني وأغاني!

ولعل فشل الموسم الماضي اعطى النيل الأزرق دروس خصوصية..
(نفعت لدهشتي الشديدة))
_____
وضمن سرب المغردين، كانت هناك أفراح صلاح (هي نفسها بس زادت عشرة كيلو)
وريماز بالمكياج، التوب، والكشكيش حق مذيعات النيل الأزرق داك..
وشابة تانية غنّاية جدا، بس ما عرفت اسمها..
وفرحت لأن اسرار غير موجودة (معليش حب الناس مذاهب)..
وتألمت لأن نادر خضر ما زال موجودا (حب الناس.. ايه؟)
ولمحت السنّي الضوّي يجهش بالبكاء.. ومحمد ميرغني متألقا..
وضحكة السر قدور مجلجلة..
وفردتنا طبعا قائد الأسطول!

_____
فمرحب بزيدان والصوت الحريري كل مساء مع نفحات القهوة الأرابيكا بالحليب..
وصحيح رب قناة قنعت من خيرا فيها، فاذا بها تفاجئك ومن بيت الكلاوي كمان..
واللوم عليكم يا صحاب ما كلمتوني!!
ده بأه خبر ينحاش ده؟!

Post: #2
Title: Re: أغاني وأغاني.. للقدامى والمستجدين..
Author: Hatim Yousif
Date: 08-18-2009, 12:42 PM
Parent: #1

نجوان ... سلام ..

أنا واحد من المتابعين للبوست "غالباً وده لأني بكتفي تماماً بتعليقاتكم " وأحياناً بشارك معاكم ...
شفت معاك نفس اللقطة دي ... شكله السنة دي ح يكون أحلا كتييير وخاصة ..

Quote: لأن اسرار غير موجودة

Quote: وتألمت لأن نادر خضر ما زال موجودا

Quote: فردتنا طبعا قائد الأسطول!

الواحد بدأ من هسع يظبط في المواعيد ... عشان يتابع أول بأول

_____________________

Quote: كانت هناك أفراح صلاح
... سي سي للعزيز / تمبس

Quote: فمرحب بزيدان والصوت الحريري
.. سي سي للباشمهندس خليل ..

كل سنة وأنتي بألف خير ..

..

Post: #3
Title: Re: أغاني وأغاني.. للقدامى والمستجدين..
Author: Hussein Mallasi
Date: 08-18-2009, 12:47 PM
Parent: #2

Quote: فردتنا عاصم البنا..

بأمارة شنو ؟!!

Post: #5
Title: Re: أغاني وأغاني.. للقدامى والمستجدين..
Author: Hussein Mallasi
Date: 08-18-2009, 12:53 PM
Parent: #3

Quote: وتألمت لأن نادر خضر ما زال موجودا (حب الناس.. ايه؟)

ألمك لوجود نادر خضر لا يفوقه إلا ألمي لوجود عاصم البنا.

Post: #598
Title: Re: أغاني وأغاني.. للقدامى والمستجدين..
Author: Mayada
Date: 08-29-2009, 08:08 AM
Parent: #5

Quote:
Quote: وتألمت لأن نادر خضر ما زال موجودا (حب الناس.. ايه؟)

Quote: ألمك لوجود نادر خضر لا يفوقه إلا ألمي لوجود عاصم البنا.

وألمكم لا يفوقه إلا ألمي بوجود فرفرة...

ست البنيـــــــــــات

Post: #4
Title: Re: أغاني وأغاني.. للقدامى والمستجدين..
Author: نجوان
Date: 08-18-2009, 12:51 PM
Parent: #2

أكيد يا حاتم، معذرة للذاكرة الخربة..

ونتوقع حضورك والمشاركة
أكيد اصحاب الشيء ح يفترعوا بوست خاص للتوثيق..

وكل سنة وانت طيب!

Post: #6
Title: Re: أغاني وأغاني.. للقدامى والمستجدين..
Author: نجوان
Date: 08-18-2009, 12:54 PM
Parent: #4

Quote: بأمارة شنو ؟!!
بأمارة موسم سابق كامل يا ملاسي ياخ..
إلا يكون طرأت امور جديدة أثناء خروجي عن الشبكة..

Post: #7
Title: Re: أغاني وأغاني.. للقدامى والمستجدين..
Author: نجوان
Date: 08-18-2009, 12:58 PM
Parent: #6

Quote: ألمك لوجود نادر خضر لا يفوقه إلا ألمي لوجود عاصم البنا.
والله يستر من المستخبّي..
خوفي بكرة نقول يا حليل عصام ونادر .. واسرار ذااااتها!

ما بعيدة من ناس النيل الأزرق..

Post: #9
Title: Re: أغاني وأغاني.. للقدامى والمستجدين..
Author: فيصل نوبي
Date: 08-18-2009, 01:48 PM
Parent: #7

ممكن نسجل ؟

_
و مع ياتهم (القدامي ولا المستجدين)؟

Post: #11
Title: Re: أغاني وأغاني.. للقدامى والمستجدين..
Author: نجوان
Date: 08-18-2009, 04:12 PM
Parent: #9

Quote: ممكن نسجل ؟
نعم أكيد يا نوبي..

Quote: و مع ياتهم (القدامي ولا المستجدين)؟
وأتى نوبي يوما في ثياب برلوم بريء!

اكيد مع القدامى..
جدا كمان..

____
بس لازم المشاركة انشالله

Post: #8
Title: Re: أغاني وأغاني.. للقدامى والمستجدين..
Author: عبدالله كع
Date: 08-18-2009, 01:21 PM
Parent: #1

Quote: وفرحت لأن اسرار غير موجودة

قسما بالله حزنت جدا لانها مافي ..... برضو حب الناس

Quote: وتألمت لأن نادر خضر ما زال موجودا

مؤلم حقيقة .... هذا النادر اليس بنادر يبدو هنا لاتوجد اي مزاهب

نعم للتجديد والتغير .... ممكن يكون اروع من العام السابق !!!

ورمضانك كريم وتصومي وتفطري علي خير

Post: #10
Title: Re: أغاني وأغاني.. للقدامى والمستجدين..
Author: مدثر قرجاج
Date: 08-18-2009, 02:44 PM
Parent: #8

Quote: وضمن سرب المغردين، كانت هناك أفراح صلاح (هي نفسها بس زادت عشرة كيلو)
وريماز بالمكياج، التوب، والكشكيش حق مذيعات النيل الأزرق داك..
وشابة تانية غنّاية جدا، بس ما عرفت اسمها..
وفرحت لأن اسرار غير موجودة (معليش حب الناس مذاهب)..
وتألمت لأن نادر خضر ما زال موجودا (حب الناس.. ايه؟)

اسمها افراح عصام غنايه ومرهفه
البت التانيه الغنايه اسمها منار
كانت فى كورال الاحفاد واكيد حاتخرط
القاعدين ديل كلهم وانا متاكد من كده
اسرار والله عندها نكهة خاصه وياريت
لو كانت فى لكن الامتحانات خلتابعيده من
المشاركه والله غنايه ركزوا معاها شويه
نادر موجود لكن ماحايكون اساسى والحمد لله

Post: #13
Title: Re: أغاني وأغاني.. للقدامى والمستجدين..
Author: نجوان
Date: 08-18-2009, 04:45 PM
Parent: #10

شكرا مدثّر على المعلومة،
كورال الأحفاد ده بقى زي ستار اكاديمي واميركان آيدول؟

تمنياتنا بالنجاح لأسرار..
والدراسة لها الأولوية طبعا..

______
ما تشوفوا لنادر خضر كمان دراسة وامتحانات وكده؟

Post: #12
Title: Re: أغاني وأغاني.. للقدامى والمستجدين..
Author: نجوان
Date: 08-18-2009, 04:33 PM
Parent: #8

كل سنة وانت طيب عبدالله كع..

نادر خضر إشكال ربما يتصاعد لأزمة..

Post: #14
Title: Re: أغاني وأغاني.. للقدامى والمستجدين..
Author: نجوان
Date: 08-18-2009, 05:01 PM
Parent: #12

وشفت إعلان البرنامج مرّة أخرى..

اولا هناك اتنين شباب .. نوع الغناء الجديد المتأثر بمحمود عبدالعزيز وربما الخالدي الى حد ما..
وواحد بيغني بصورة منولوجية (ابو قميص اسود وكرافتة بيضاء يا عبدالله كع)..
ودي مزعجة جدا.. هل المغني لابد ان يمثّل كمان؟ يعني برودواي في النيل الأزرق؟

______
ولمحت عبدالعزيز المبارك.. (اكيد في ازمة صبغة في الخرطوم دلوقت، في ناس ح تضطّر تعّيد salt n pepper)

وفرفور موجود=الكواريك مؤكدة

_______
والبنات ناس افراح والباقيات لابسين شرابات في إيدينهم!
زول يفهمني الموضة في السودان ياناس.

Post: #30
Title: Re: أغاني وأغاني.. للقدامى والمستجدين..
Author: Hatim Yousif
Date: 08-18-2009, 07:19 PM
Parent: #14

Quote: والبنات ناس افراح والباقيات لابسين شرابات في إيدينهم!
زول يفهمني الموضة في السودان ياناس.

Quote: وواحد بيغني بصورة منولوجية (ابو قميص اسود وكرافتة بيضاء يا عبدالله كع)..

شفتي الدنيا كيف ؟؟؟ إتخيلي دي ود سيد خليفة ..

..

Post: #37
Title: Re: أغاني وأغاني.. للقدامى والمستجدين..
Author: نجوان
Date: 08-19-2009, 05:56 AM
Parent: #30

Quote: شفتي الدنيا كيف ؟؟؟ إتخيلي دي ود سيد خليفة ..
بالله؟؟

شفتوا زمان في نجوم الغد .. بس اتغيّر كتير..

_______
انتوا بتعرفوا الناس دي كيف يا حاتم!

Post: #15
Title: Re: أغاني وأغاني.. للقدامى والمستجدين..
Author: abubakr
Date: 08-18-2009, 05:53 PM
Parent: #12

لنجوان
Quote: والتي تغطس وتقلع بمزاجها

هو الهلال ظهر بدري كدة ...؟؟ يا مراحب وكل سنة وانتي وكلكم بالف عافية وربنا يديم المحبة والطرب السمح وشكرا للعزيز حسين ملاسي الذي نبهني في 2006 الي البرنامج ....

Post: #16
Title: Re: أغاني وأغاني.. للقدامى والمستجدين..
Author: abubakr
Date: 08-18-2009, 05:56 PM
Parent: #15

وفق الذي شاهدته امس من دعاية عن البرنامج باين الدورة دي فيها "جعيير" كتير زي الدورة الاولي والذي تالق فيه فرفور جعييرا شديدا...
بختك يالمرتضي صاحبك هيلا خضر عاد لتنبسط انباسطا شديدا .. ولا يهمك ..

Post: #17
Title: Re: أغاني وأغاني.. للقدامى والمستجدين..
Author: abubakr
Date: 08-18-2009, 06:22 PM
Parent: #16

Post: #18
Title: Re: أغاني وأغاني.. للقدامى والمستجدين..
Author: abubakr
Date: 08-18-2009, 06:24 PM
Parent: #17

الصورة دي مخسوس عشان ملاسي

Post: #19
Title: Re: أغاني وأغاني.. للقدامى والمستجدين..
Author: abubakr
Date: 08-18-2009, 06:25 PM
Parent: #18

كان فردتنا ....

Post: #20
Title: Re: أغاني وأغاني.. للقدامى والمستجدين..
Author: abubakr
Date: 08-18-2009, 06:30 PM
Parent: #19

______________

اها دييل لابسيين كويس يا ملاسي .. ما تقول حاجة

_________

ياجماعة قولو لنجوان البت دي اسمها منو

Post: #21
Title: Re: أغاني وأغاني.. للقدامى والمستجدين..
Author: abubakr
Date: 08-18-2009, 06:34 PM
Parent: #20

طبعا السنة دي ما في يوتيويب لانو المنبر بقي شووف سااي ولذا صلحو نطاراتكم والمعندو يستلف ...
----

اهم دييل شباب بابكر صديق

Post: #22
Title: Re: أغاني وأغاني.. للقدامى والمستجدين..
Author: abubakr
Date: 08-18-2009, 06:35 PM
Parent: #21

دة يستاهل برنامج لوحدو

Post: #23
Title: Re: أغاني وأغاني.. للقدامى والمستجدين..
Author: abubakr
Date: 08-18-2009, 06:37 PM
Parent: #22

التعليق هنا بس لنجوان ,, قلتي كشكوش يانجوان ؟؟؟

Post: #24
Title: Re: أغاني وأغاني.. للقدامى والمستجدين..
Author: abubakr
Date: 08-18-2009, 06:41 PM
Parent: #23

اها دة قرب يجعر ....

____

اها دي يا نجوان ما بتحضر برنامج الاطباء ود.فيل ..

____

Post: #25
Title: Re: أغاني وأغاني.. للقدامى والمستجدين..
Author: ودالعباسية
Date: 08-18-2009, 07:00 PM
Parent: #24

ايييييييييييييييييه

كل سنة وانتز طيبين ،،، وتصومو وتفطرو على خير ،،،

نجوان والخال ابوبكر ،، وباقى العقد الفريد الذي سوف ينضم الينا

مع بداية الاسبوع الجاي باذن الله ،،،

المرة دي يا خوانا عندي احساس انه الحلقات حا تكون غير ،،

ياخى انا بتفرج على الاعلان ومبسوط ،، بس كمان مفروض بكري يصلح لينا

الاكواد عشان مرات نحن بنكون مشغولين وبنجى نراجع الدرس هنا ،،

وكمان المرة دي شايف فيها بيرقر (سمر ) دا حا يقدونا بيه فى الاعلان ،،

دا غير محلات الموبليا المالية البلد ،،

لكن ابشركم بى حلقات ولا اروع ،، احب زيدان زاته انا ،،

Post: #26
Title: Re: أغاني وأغاني.. للقدامى والمستجدين..
Author: د.نجاة محمود
Date: 08-18-2009, 07:05 PM
Parent: #25

سلامات يا نجوان ليك وحشة

لما اشوفك بقول الدنيا بخير..

Post: #29
Title: Re: أغاني وأغاني.. للقدامى والمستجدين..
Author: abubakr
Date: 08-18-2009, 07:13 PM
Parent: #26

Quote: سلامات يا نجوان ليك وحشة

السر قدور سرو باتع البلم الناس الطيببين الليلة .. يامراحب يانجاة وتصومو وتفطرو انتو كلكم تاميين لاميين بالف خير

Post: #41
Title: Re: أغاني وأغاني.. للقدامى والمستجدين..
Author: نجوان
Date: 08-19-2009, 06:17 AM
Parent: #26

Quote: لما اشوفك بقول الدنيا بخير..
والدنيا فعلا بخير يا دكتورة..
وكل سنة وانتي طيبة..

شكرا على الكلمات الطيبات..
وانشالله تكون بتجيكم النيل الأزرق ، ما زي ناس وليد صفوت المساكين ديل..

Post: #28
Title: Re: أغاني وأغاني.. للقدامى والمستجدين..
Author: abubakr
Date: 08-18-2009, 07:11 PM
Parent: #25

Quote: ياخى انا بتفرج على الاعلان ومبسوط ،، بس كمان مفروض بكري يصلح لينا

الاكواد عشان مرات نحن بنكون مشغولين وبنجى نراجع الدرس هنا ،،

انت بس بطل الصرمحة في مقاهي الشيشة للصباح وارجع بيتكم بيتكم بعد التراوييح لانو كودات مافي السنة دي الا كان تسمع من الصور ...
_______
يالف مرحب بالشاب الفنان ودالعباسية

Post: #40
Title: Re: أغاني وأغاني.. للقدامى والمستجدين..
Author: نجوان
Date: 08-19-2009, 06:14 AM
Parent: #25

Quote: لكن ابشركم بى حلقات ولا اروع ،، احب زيدان زاته انا ،،
أهل الشيء ذااتها وصلوا!

مرحب يا ود العباسية..
وشكلها حتكون امسيات زيدانية!

Post: #27
Title: Re: أغاني وأغاني.. للقدامى والمستجدين..
Author: abubakr
Date: 08-18-2009, 07:06 PM
Parent: #24

الشعراء

Post: #31
Title: Re: أغاني وأغاني.. للقدامى والمستجدين..
Author: Walid Safwat
Date: 08-18-2009, 09:43 PM
Parent: #27

Quote: ألمك لوجود نادر خضر لا يفوقه إلا ألمي لوجود عاصم البنا.

ممكن ترفعوا البرنامج في يوتيوب مع وضع رابط هنا؟؟
الله لينا ناس ارميكا نحنا مع الوجع الخرافي المسمى زورا وبهتانا
"تلفزيون السودان"

Post: #32
Title: Re: أغاني وأغاني.. للقدامى والمستجدين..
Author: حمد فتح الرحمن
Date: 08-18-2009, 10:38 PM
Parent: #31

Quote: وفرحت لأن اسرار غير موجودة (معليش حب الناس مذاهب)..

الله يبشرك بالخير يا اختي

تعرفي الامتع من البرنامج متابعة البرنامج هنا

Post: #33
Title: Re: أغاني وأغاني.. للقدامى والمستجدين..
Author: Kamal Karrar
Date: 08-18-2009, 11:18 PM
Parent: #32

سميرة دنيا!!!

نجت من المدح والقدح

دنيا!!!

Post: #47
Title: Re: أغاني وأغاني.. للقدامى والمستجدين..
Author: نجوان
Date: 08-19-2009, 09:37 AM
Parent: #33

Quote: سميرة دنيا!!!

نجت من المدح والقدح
إزيك يا كمال كرار..

شوف بقى .. سميرة دنيا دي غنّاية ومتمكنة مافي كلام..
حلو تسمعها مرّة مرّة كده.. اغنية او حتى شريط كامل..
لكن كل يوم معانا ما بنفع,, وقد يبعث الى الملل!

Post: #81
Title: Re: أغاني وأغاني.. للقدامى والمستجدين..
Author: Kamal Karrar
Date: 08-20-2009, 09:25 AM
Parent: #47

أهلين نجوان...

وأنا موافق على كل ما ذهبتي إليه..

وبيني وبينك الكل يوم معانا.. ممل

بس أنا قصدت بأنها لم تذكر فيما مضى من مداخلات

مع إنها كانت رقما بمعايير معدي البرنامج آنذاك

بدليل إنو كل يوم فول وطعمية .. فول وطعمية..

مع خالص المودة

Post: #45
Title: Re: أغاني وأغاني.. للقدامى والمستجدين..
Author: نجوان
Date: 08-19-2009, 09:27 AM
Parent: #32

شكرا حمد فتح الرحمن،
بس ما تغيبوا..

Post: #75
Title: Re: أغاني وأغاني.. للقدامى والمستجدين..
Author: Rawia
Date: 08-19-2009, 09:42 PM
Parent: #45

سلامات يانجوان
عاوزة أسجل معاكم ....لسببين
الاول : لاول مرة تتاح لي فرصة لمشاهدة القنوات الفضائية السودانية في رمضان(زمان كنت بتغاظ منكم لاني ماقاعدة أشوف الحلقة الا بعد الزول ماينزل الاغاني)
التاني: أنا وعاصم البنا بقينا كدا(وأشارت لسبابتيها ملتصقين إشارة لعلامةbodies*
عارفة روحي ماحاكون موضوعية في النقد لاني من هسة حا انحاز لناس بعينهم نو ماتر واط
عجبني الاستعراض وعجبتني البت الابسة التوب الاصفر دي غناية شديد وعاجبني من زمان ود سيد خليفة وماصدقت إنه ممكن في زول يحي لينا درر سيد خليفة بنفس روحه وملامحه(ذكرني أبوهو في فلم تمرهندي )
عبدالعزيز المبارك ,محمد ميرغني ,زيدان إبراهيم وإبراهيم حسين قمم ونتطلع للحلقات البتضمهم
نادر خضر فنان
جبت صورة حمور دي لاني إتمنيت أكون أخته وعايشة معاهو في البيت ....ماكنت خليتو مرق بالبدلة وفيها علامة (البراند نيم)

__________________
*
كل الحكاية حضرت ليهو حفلة في فرجينيا في بداية الصيف

Post: #83
Title: Re: أغاني وأغاني.. للقدامى والمستجدين..
Author: نجوان
Date: 08-20-2009, 10:56 AM
Parent: #75

يا مراحب يا راوية..
وتشرفي وتآنسي ..

Quote: عارفة روحي ماحاكون موضوعية في النقد لاني من هسة حا انحاز لناس بعينهم نو ماتر واط
أخدي راحتك يا بنية..

Quote: جبت صورة حمور دي لاني إتمنيت أكون أخته وعايشة معاهو في البيت ....ماكنت خليتو مرق بالبدلة وفيها علامة (البراند نيم)
عارفاك قاصدة عصام محمد نور (وجه مبتسم)..

البراند نيم هين، مشكلتي مع بدل عصام محمد نور!
دايما عايم في بدلة كبيــــــــــرة..

عليك الله لو بقيتي اخته في يوم من الأيام تكتبي ليهو مقاسو في ورقة
وتديها ليهو قبل ما يمشي السوق..

Post: #34
Title: Re: أغاني وأغاني.. للقدامى والمستجدين..
Author: abubakr
Date: 08-19-2009, 03:20 AM
Parent: #31

Quote: ممكن ترفعوا البرنامج في يوتيوب مع وضع رابط هنا؟؟

عشرة سنين ما خلتك امريكاني تسمع راب وترقص برييك وبراك بن عم حسين بقي رئيس في كام وترتين سنة ؟؟

___

حاضر

Post: #35
Title: Re: أغاني وأغاني.. للقدامى والمستجدين..
Author: abubakr
Date: 08-19-2009, 03:23 AM
Parent: #34

اين تمبس ؟؟؟

اوع المولد دة يفوتو ......

Post: #36
Title: Re: أغاني وأغاني.. للقدامى والمستجدين..
Author: Hatim Yousif
Date: 08-19-2009, 05:40 AM
Parent: #35

Quote: اين تمبس ؟؟؟

اوع المولد دة يفوتو ......

رسلنا ليهو قبيل فوق ...
وخاصة مع وجود / أفراح عصام .... بس لسه ماظهر ...
إلا أشد ليهو سلك عديل ..

...

Post: #39
Title: Re: أغاني وأغاني.. للقدامى والمستجدين..
Author: داليا الكباشى
Date: 08-19-2009, 06:11 AM
Parent: #36

نجوان الحلوه ست البوست صباحك ورد وتصومي وتفطري على الف خير .....

الناس القاعدين ازيكم ...

فرحت لانو فرفور قاعد .. احلى زول بيغني لابو داوود ..

فرحت بعاصم البنا .. الصوت الاسطوري ..

فرحت باسرار المافي .. بقت مكرره ونفس الزو بنفس الهدوم وننفس الملامح والشبه ..

قعاد نادر (خدر) دا عمل لي وجع مصارين لا نعادلها الا مغسه السكر البقا بي 140 الف جنيه دا ...

زعلت من سميره دنيا المافي .. المره الحنينه الغنايه البكت على عثمان حسين في نص الغنا ...

اما بقيه اولاد نجوم الغد ديل فننتظر ونشوف ( حانشوف ما حانسمع ) لانو واضح انو الموضوع شوف ...!!!

البنات ديل جايات ملونات تلوين شديد اتقول عرايس المولد ...!!

تخريمه : تمبس ؟؟ افراح عصام ؟؟؟ الشمار شنو ؟؟ نزغرد ولا شنو ؟؟؟

تصوموا عافيه ..

Post: #49
Title: Re: أغاني وأغاني.. للقدامى والمستجدين..
Author: نجوان
Date: 08-19-2009, 09:51 AM
Parent: #39

ازيك يا داليا وكل سنة وانتي طيبة..

Quote: فرحت لانو فرفور قاعد .. احلى زول بيغني لابو داوود ..
اتلومتي يا دلّو في دي..

في كتب الأصوات، صوت ابو داؤود وصوت فرفور ما بيجمعهم كتاب واحد..
زي الفرق بين كلمة "داؤود" الفخيمة.. وكلمة "فرفور" الما بعرف كيف
مالكم كيف تحكمون!

____
بالله ما عندك فكرة عن الشرابات بتاعة اليدين دي؟

Post: #44
Title: Re: أغاني وأغاني.. للقدامى والمستجدين..
Author: نجوان
Date: 08-19-2009, 09:25 AM
Parent: #31

ولا تزعّل نفسك يا وليد،
النيل الأزرق برضو فيها كثير من روح التلفزيون القومي..
نفس الفاميليا..

Post: #48
Title: Re: أغاني وأغاني.. للقدامى والمستجدين..
Author: نجوان
Date: 08-19-2009, 09:44 AM
Parent: #23

يا باش ابوبكر..
قولّلي بس كيف ممكن تتكشكش ريماز اكتر من كده؟

مكياج بالكيلو، مكوة، مجوهرات
توب بريش نعام وطاؤوس وحمام وجداد..

____
ما لقيت أبلغ من وصف داليا الكباشي
قالت عرايس مولد
وفي رمضان..

إعجااااز يا النيل الأزرق!

Post: #38
Title: Re: أغاني وأغاني.. للقدامى والمستجدين..
Author: نجوان
Date: 08-19-2009, 06:00 AM
Parent: #15

Quote: هو الهلال ظهر بدري كدة ...؟؟
اوووه!!
الباش شخصيا!

كيفك ومرحب بيك
والبوست بثّت فيه الروح أخيرا!

ومشكورين على الصور، وليس من رأى كمن سمع..
أهو الناس كده تشوف وبعداك تتم الباقي سماع!

ما تغيب يا باش!
وكل سنة وانت بخير..

Post: #42
Title: Re: أغاني وأغاني.. للقدامى والمستجدين..
Author: عبدالله كع
Date: 08-19-2009, 07:28 AM
Parent: #38

نجــــــوان ..

Quote: وواحد بيغني بصورة منولوجية (ابو قميص اسود وكرافتة بيضاء يا عبدالله كع)..

ما عندي معاهو سابق معرفه !!

اكيد حا يجي يشخر لينا ..

اصلو اولاد الفنانين لا عوامين ولاعندهم علاقه بالسباحه !!

Post: #43
Title: Re: أغاني وأغاني.. للقدامى والمستجدين..
Author: SILVER MOON
Date: 08-19-2009, 09:18 AM
Parent: #42

يلا نقنص نمرح نعاين
شكرا ... على هذه الإضاءة
مع مودتي

Post: #51
Title: Re: أغاني وأغاني.. للقدامى والمستجدين..
Author: نجوان
Date: 08-19-2009, 09:53 AM
Parent: #43

مراحب بسلفر موون..

وشكرا على الطلّة..

Post: #46
Title: Re: أغاني وأغاني.. للقدامى والمستجدين..
Author: الزوول
Date: 08-19-2009, 09:28 AM
Parent: #42

السلام عليكم
......
نجوان وبقية المجموعة ..سلامات
نفهم انو بوستك ده هو البوست (الرسمي ) لبرنامج أغاني وأغاني السنة دي ؟
غايتو نحن من مؤيديك ومرشحيك لأدارة البوست السنة دي
بس لازم تبقي صبورة في وجه كل العواصف الداخلية بالبيت لأن المتابعة تتطلب منك التضحية ببعض المهمات المنزلية
اسألي الممكونة ...
وصبورة مع شلة سودانيز أون لاين – جناح أغاني وأغاني لأن الغضب كثيراً ما يجتاحهم فتصيبهم موجة الحرد ويتخلوا عنك في منتصف المشوار
أسالي الباش أبوبكر
....
أنا من المخلصين للبرنامج ورأيي الثابت أن البرنامج بالرغم من عيوبه التي تظهر في كثير من الأحيان ..يبقى من البرامج المميزة جداً والحافل بالكثير من المتعة والمعلومات والطرب
.....
Quote: وواحد بيغني بصورة منولوجية (ابو قميص اسود وكرافتة بيضاء يا عبدالله كع

Quote: ما عندي معاهو سابق معرفه !!

الواحد ده هو منتصر سيد خليفة
وهو إبن الفنان سيد خليفة
لذا فالمنولوجية ليست بعيدة تماماً عنه
ظهر في البرنامج الجميل الذي قدمته قناة النيل الأزرق قبل سنتين
وكان اسمه فونغرافيا
وفكرته تمثلت في اختيار أربعة فنانين ( سيد خليفة ، أبو داوود ، الشفيع وعائشة الفلاتية)
ودارت المنافسات حول من أقرب الناس لتقليد الفنان المعني
وظهر من أبناء الفنانين في تلك الحلقات منتصر سيد خليفة (لم يفز بالبطولة)
وكذلك عزة عبد العزيز داوود (لم تفز أيضا)
ومن الوجوه البارزة التي ظهرت في ذلك البرنامج منار صديق
وأبدعت في أغاني عائشة الفلاتية وفازت
وهي بالمناسبة مشاركة في برنامج أغاني وأغاني السنة دي
....
تحياتي

...

Post: #50
Title: Re: أغاني وأغاني.. للقدامى والمستجدين..
Author: SHIBKA
Date: 08-19-2009, 09:51 AM
Parent: #46

دا كلووووووووووووووووووو ما مشكلة

المشكلة انو البرنامج يكون عشرة دقايق تتخخله اعلانات

ببقى الوجع وين؟؟؟؟؟؟

Post: #53
Title: Re: أغاني وأغاني.. للقدامى والمستجدين..
Author: نجوان
Date: 08-19-2009, 10:07 AM
Parent: #46

الزوووول!

كيفك وكل سنة وانت طيّب!
Quote: نفهم انو بوستك ده هو البوست (الرسمي ) لبرنامج أغاني وأغاني السنة دي ؟
لااا.. ولسبب بسيط، البوست ده contaminated
عايزين زول تاني يفتح بوست فريش بى نيّة بيضا

شفت ولد سيد خليفة قبل كده،
بس شكله دلوقت مرتاح اكتر امام الكاميرا (ما عارفة دي حاجة كويسة ولا لأ..)

Quote: وكذلك عزة عبد العزيز داوود (لم تفز أيضا)
عزّة تأخذ أجر المحاولة..
ما بتعرف تغنّي.

Quote: أنا من المخلصين للبرنامج ورأيي الثابت أن البرنامج بالرغم من عيوبه التي تظهر في كثير من الأحيان ..
يبقى من البرامج المميزة جداً والحافل بالكثير من المتعة والمعلومات والطرب
معاك في دي..

وما تغيب يا زوول!

Post: #54
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-19-2009, 10:09 AM
Parent: #46

الاخت نجوان

اسمك جميل بس ياريت كان التقييم يحزو حزوه ويكون جميل ياخي والله ظلمتي اسرار بابكر بتنا ياخي يانجوان نحن بناتنا في بحري مابنطلقن عبس وإلا يشرفونا ودي واحدة من مدرسة بحري .
يظهر قيمتيها من الكشكوش زي مابتقولي او ماعجبك مكياجها وده احتمال ولكن الفن موجود وأسالي مدثر قرجاج وهو راجل فنان ومره عليك شايفو في بوستيك المٌشرف والجميل ده.
ونحن معاك بس ياريت تمتعونا بالجميل والنقد يكون هادف ومن غير مجاملة .
وتصومي وتفطري على خير و(بجيك لجعير جمال فرفور صادي )

(منقول من بوست بحري طراوة الكاتب (عماد عثمان)
5/ اسرار بابكر : الفنانة الشابة الأولى في الساحة الفنية بشهادة الكثيرين وتملك صوت فريدا وقدرات تطريبية عالية وبدات مسيرتها الفنية بالغناء ( دويتو ) مع الفنان مجاهد عمر عبر مركز شباب بحري و أول ظهور لها عبر برنامج اصوات وانامل الذي كان يقدمه بابكر صديق . . شاركت في مهرجان الوطنية العربية بتونس قبل عدة أعوام وفازت أغنيتها ( موطني ) بالجائزة الأولى والتي كتب كلماتها الشاعر مهدي مهدي محمد سعيد وقام بوضع لحنها الموسيقار محمد حامد جوار . . شاركت للعام الثالث على التوالي في البرنامج الشهير أغاني أغاني ووضعت بصمتها الخاصة في كل ماقدمته من روائع الاغنيات السودانية وان كان سيفتقدها المشاهدون هذا العام لظروف جلوسها لامتحانات كلية الموسيقى والدراما . . تسير بخطى حثيثه في مسيرتها الفنية ويتجلى ذلك في اصراراها على التاهيل الفني والأكاديمي من خلال التحاقها بكلية الموسيقى والدراما لصقل قدراتها بالدراسة واصدرت مؤخرا شريطين كاسيت تضمنت عددا من أعمالها الخاصة . . ( الحاج يوسف ) .

سرم سلام

Post: #58
Title: Re: أغاني وأغاني.. للقدامى والمستجدين..
Author: نجوان
Date: 08-19-2009, 10:24 AM
Parent: #54

وليد عبداللطيف..

شكرا على المداخلة الراقية .. والنفس البارد
والله أخجلتنا ياخ!
ومعليش لرذاذ نقدنا الذي اصاب بنيتكم اسرار..

اسرار عندها امكانيات عالية دون شك، ومتميزة عن دفعتها الغنائية..(وموضوع الدراسة يحسب لها بالفعل، وخطوة جبارة)
لكن صوتها بيتعب في السلالم العالية، والبرنامج كان امتحان قاسي
واذا رجعت لأرشيف السنة قبل الماضية تجد نقد بترّوي.. من المجموعة ..
مستمعين عاديين، لكن آذانهم منتبهة..

Quote: ونحن معاك بس ياريت تمتعونا بالجميل والنقد يكون هادف ومن غير مجاملة
اكيد من غير مجاملة..
بس هادف دي ما بضمنها ليك..
(وجه بيهظّر ساي)

_____
نتمنّى ان تواصل في بوست البرنامج
وكذلك الأخ مدثر قرجاج..

Post: #65
Title: Re: أغاني وأغاني.. للقدامى والمستجدين..
Author: abubakr
Date: 08-19-2009, 12:14 PM
Parent: #46

Quote: وصبورة مع شلة سودانيز أون لاين – جناح أغاني وأغاني لأن الغضب كثيراً ما يجتاحهم فتصيبهم موجة الحرد ويتخلوا عنك في منتصف المشوار
أسالي الباش أبوبكر

زولنا الزوول .. البيحردو ياهم البيغيبو الحداشر شهر وبقو زي رمضان شهر واحد....بركاتكم....

يالف مرحب .. الادارة السنة دة رجعت للكنداكات تيمنا بعصر جديد وعودة الي زمان اماني ريناس والفراعنة السود .. اها انت خليك الكاهن الاعظم وانا حابني ليكم دفوفة تصنقرو فوقا فووق وتستمعو بس ما تخلو فرفور دة يجعر ويدشدش المايكرفونات ...ورماز ما تكشكش دهبا بس تغني ...

Post: #52
Title: Re: أغاني وأغاني.. للقدامى والمستجدين..
Author: نجوان
Date: 08-19-2009, 09:58 AM
Parent: #42

عبدالله كع.. انت ما مذاكر
حاتم صالح جاب الأكيدة.. هذا نجل سيد خليفة قالوا..

والزوول عنده مزيد من المعلومات..

Post: #55
Title: Re: أغاني وأغاني.. للقدامى والمستجدين..
Author: نجوان
Date: 08-19-2009, 10:10 AM
Parent: #52

Quote: المشكلة انو البرنامج يكون عشرة دقايق تتخخله اعلانات

ببقى الوجع وين؟؟؟؟؟؟
صحيح يا شبكة..

بس محيّراني اعلانات العصير الكتيييرة دي!

Post: #56
Title: Re: أغاني وأغاني.. للقدامى والمستجدين..
Author: SHIBKA
Date: 08-19-2009, 10:13 AM
Parent: #55

Quote:
بس محيّراني اعلانات العصير الكتيييرة دي!

نجوان

العصير ولي العفش؟؟؟

Post: #64
Title: Re: أغاني وأغاني.. للقدامى والمستجدين..
Author: نجوان
Date: 08-19-2009, 12:11 PM
Parent: #56

شبكة..

العصير والعفش.. والمصريين الكتااار ديل!

Post: #71
Title: Re: أغاني وأغاني.. للقدامى والمستجدين..
Author: abubakr
Date: 08-19-2009, 03:56 PM
Parent: #55

Quote: بس محيّراني اعلانات العصير الكتيييرة دي!

مشروع محاربة العطش

Post: #57
Title: Re: أغاني وأغاني.. للقدامى والمستجدين..
Author: عبدالله كع
Date: 08-19-2009, 10:21 AM
Parent: #52

كع قال :

Quote: اصلو اولاد الفنانين لا عوامين ولاعندهم علاقه بالسباحه !!

ونجوان قالت
Quote: حاتم صالح جاب الأكيدة.. هذا نجل سيد خليفة قالوا..

وكع كرر

Quote: اصلو اولاد الفنانين لا عوامين ولاعندهم علاقه بالسباحه !

يا نجوان يا خ ..

عليك الله منو النجح من عيال الفناين ؟؟

متابع البرنامج من خلال هذا البوست في الشهر الكريم ..

رجاءا : حلقات البرنامج يوميه .. وعليه لابد من تواجد هذا البوست في اعالي البوستات

Post: #59
Title: Re: أغاني وأغاني.. للقدامى والمستجدين..
Author: نجوان
Date: 08-19-2009, 10:27 AM
Parent: #57

Quote: عليك الله منو النجح من عيال الفناين ؟؟
دي ما بعرفها..

لكن حصل سمعت عبدالوهاب محمد وردي؟

______
استغفر الله

Post: #60
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-19-2009, 11:01 AM
Parent: #59

Quote: اسرار عندها امكانيات عالية دون شك، ومتميزة عن دفعتها الغنائية..(وموضوع الدراسة يحسب لها بالفعل، وخطوة جبارة)
لكن صوتها بيتعب في السلالم العالية، والبرنامج كان امتحان قاسي
واذا رجعت لأرشيف السنة قبل الماضية تجد نقد بترّوي.. من المجموعة ..
مستمعين عاديين، لكن آذانهم منتبهة..

ده كلام في محلو ولكن تقولي الحمد لله ماموجوده كتيره
صراحة انت فنانة وانا لاحظت لها هذه الهفوه في اغنيةالفنان العطبراوي (انا سوداني )
لانها تحتاج الى نفس طويل وصدر واسع لان طبيعة غناء العطبراوي من الصدر
احيانا الشباب بتفاعلوا مع الحدث ويؤدون اغاني لاتطابق امكانياتهم الصوتية فتنزّل من ارصدته كفنان .
ياخي انت خطيرة ونرشحك لتحكيم نجوم الغد ( لان التحكيم الان بيتكلم اكتر من الفنانين ) وتقييم تعبان تعب الموت .

سلام سلام

Post: #61
Title: Re: أغاني وأغاني.. للقدامى والمستجدين..
Author: جمال السنوسي
Date: 08-19-2009, 11:07 AM
Parent: #60

Quote: وفرحت لأن اسرار غير موجودة (معليش حب الناس مذاهب)..

وانا شخصيا زعلت لأن اسرار غير موجودة

وزي ما قلتي حب الناس مذاهب

تحياتي يا نجوان

Post: #63
Title: Re: أغاني وأغاني.. للقدامى والمستجدين..
Author: نجوان
Date: 08-19-2009, 12:08 PM
Parent: #61

مرحب جمال السنوسي..

ومعليش ليكم على غياب اسرار..
بس تابع الأصوات الأخرى..

Post: #62
Title: Re: أغاني وأغاني.. للقدامى والمستجدين..
Author: نجوان
Date: 08-19-2009, 12:05 PM
Parent: #60

Quote: احيانا الشباب بتفاعلوا مع الحدث ويؤدون اغاني لاتطابق امكانياتهم الصوتية فتنزّل من ارصدته كفنان .
تقصد كتير مش؟

في تقديري يا وليد.. دراسة الصوت وتقنياته لا تعوضها الموهبة والفطرة..
وللأسف كتير من الغنا -في التلفزيون بالذات- أصبح غنا حفلات وعددات..
ولو فطن الناس، الحفلة تحتاج عازف الاورغ والساوند بس
الفنان ده شيء تكميلي .. وإطار..
عشان كدة لا يوجد تجويد للأداء.. كتير منه عشوائي وكله ماشي..

ويجوا يعملوا لينا نفس الفيلم في برنامج زي أغاني وأغاني..

Post: #66
Title: Re: أغاني وأغاني.. للقدامى والمستجدين..
Author: ALZOLZATOO
Date: 08-19-2009, 12:31 PM
Parent: #62

اختنا نجوان

كل عام وانت بخير

السنة دي طبعا الحضور ح يكون كتير لانو مافي تشفير

ح تجيك تعليقات كتيرة جدا عن البرنامج واضافات عن البرنامج

فردتنا موجود بحكم منصبه يعجبني صوت الاسمها منار بتغني لي عائشة الفلاتية زي الترتيب

في الصورة اعلاه

حلاوة ماكنتوش دي فيها حلاة اربعين جلدة

تحياتي زاتوووو

Post: #67
Title: Re: أغاني وأغاني.. للقدامى والمستجدين..
Author: عبدالله كع
Date: 08-19-2009, 01:36 PM
Parent: #66

ما سمعته عبدالوهاب محمد وردي ! .. كنت ناوي , ولكن ابوهو قال ليهو قوم لف بس !!

Post: #68
Title: Re: أغاني وأغاني.. للقدامى والمستجدين..
Author: حسن إبراهيم خليفة
Date: 08-19-2009, 02:25 PM
Parent: #67

الأخت نجوان

بوست جميل وموفق .... ونتمتى يكون البوست الوحيد اللي موجود حول هذا البرنامج لإثراء النقاش الهادف حول برنامج أغاني وأغاني.

حزنت جدا لعدم وجود الفنانة أسرار بابكر ، وكانت أمنيتي أن يتم إستضافة الفنان الموسيقار محمد

وردي خاصة إذا كان البرنامج يتعلق بتاريخ الفن السوداني وإعطاء بعض النصائح للموهوبين ورأيه في

الفناين الموجودين في الساحة.

سعدت كثيرا لوجود إبن عمي منتصر في البرنامج وأتمنى أن يكون إمتداد لوالده عليه رحمة الله بس بتمنى

الناس تديه فرصة وأن لا تحاول مقارنته بوالده خاصة وإنه لسة في بداية الطريق وبداية دراسته

الموسيقية في كلية الموسيقى والدراما (جامعة السودان)

أمنياتي للجميع بمشاهدة طيبة للبرنامج ورمضان كريم عليكم جميعا.

Post: #86
Title: Re: أغاني وأغاني.. للقدامى والمستجدين..
Author: نجوان
Date: 08-20-2009, 11:07 AM
Parent: #68

سلام حسن إبراهيم خليفة..
وشكرا كتير على الزيارة والمساهمة الراقية..

Quote: سعدت كثيرا لوجود إبن عمي منتصر في البرنامج وأتمنى أن يكون إمتداد لوالده عليه رحمة الله بس بتمنى

الناس تديه فرصة وأن لا تحاول مقارنته بوالده خاصة وإنه لسة في بداية الطريق وبداية دراسته

الموسيقية في كلية الموسيقى والدراما (جامعة السودان)
تمنياتي لمنتصر بالتوفيق..
وحقيقي موضوع الدراسة ده شيء مشرّف .. وخطوة هامة لإعداد كوادر فنية وموسيقية مسلحّة بالمعرفة..

لكن.. أتمنى ان يضع منتصر بصمته الفنية الخاصة ولا يكتفي بإعادة اغنيات والده..
مثلا.. ومع احترامي الشديد، لا أجد لأحمد بركات اضافة تذكر طالما ظل يردد اغنيات عمه الفنان أحمد المصطفى..

Post: #69
Title: Re: أغاني وأغاني.. للقدامى والمستجدين..
Author: mamkouna
Date: 08-19-2009, 02:49 PM
Parent: #67

بكوجن في حلو مري و بعوس في رقاقي في أمانةِ الله..
أسمع ليك الوليدات يكوركوا ..أجري يا ماما ألحقي ( ماما دي ما خايلة مع الكوجين..صح ؟ )...
يا أولاد في شنو؟ أبوكم عرٌس ؟ قالوا لي لسه..لكن تعالي شوفي دا منو..
كان ألقى ليك السر قدور الما يغباني !!!
أها..رخيت ناري و جيت صادة قلت اعمل سبق اسفيري ...
جيت لقيتكم تحمدو الله .بي صوركم و بي تعليقاتكم و بي شنافكم و بي قنافكم ( و الله ما عارفة قناف دا يعني شنو )!

و الله و الله و الله مشتاقييييييييييييين..يا نجوان و يا أصدقاء الزمن الجميل - أو كما قيل - وش غامز و حالتو حالة!..
رمضانكم كريم و تصوموا و تفطروا على ألف خير...
و يا نجوان..دا البوست الرسمي للبرنامج..
و البرنامج برعاية حلومر ممكونة!

Post: #70
Title: Re: أغاني وأغاني.. للقدامى والمستجدين..
Author: فيصل نوبي
Date: 08-19-2009, 02:59 PM
Parent: #69

عمّتو ممنونة
مشتاقين آآآآآآآآآآد كده
و كل سنة و إنت بالف خير و تصومي و تفطري علي خير ..

أتوقع حضور جماهيري كبير للبرنامج السنة دي ..
و علي حسب المقدمات المحتوي ح يكون كبير .
و أتمني أن يكون الزمن أكتر السنة دي و كمان موعد التقديم مناسب

_
الفطاير لحقت الحلو مر ..
الله يستر ما يلحقن الضحية الجاية و نحن نتشهي ياخ ..

Post: #80
Title: Re: أغاني وأغاني.. للقدامى والمستجدين..
Author: abubakr
Date: 08-20-2009, 07:21 AM
Parent: #70

Quote: عمّتو ممنونة

هو رمضان قرب يخلص بشان شاعر انو الهايبوغلاسيميا والهايدريشن اشتغلن .. منو "عمتو ممنونة" دي ؟؟

Post: #72
Title: Re: أغاني وأغاني.. للقدامى والمستجدين..
Author: abubakr
Date: 08-19-2009, 05:54 PM
Parent: #69

Quote: بكوجن في حلو مري و بعوس في رقاقي في أمانةِ الله..

انتي وصلتي ... طب كويس ....بختك المرة دي جنس كشاكيش وفن تشكيلي ؟؟؟

---------

بكوجن يعني شنو .. اصلي رطاني وباقي لي دي Borrowed word او من مفردات اللغة النسائية السودانية ولقد قراءت ان السودانيات هن الوحيدات في العالم الاتي لهن مفردات خاصة بهن (كرر -- ووب .. سجمي ..الخ ) شايفة كيف التفرد ودي حقيقة ...

Post: #73
Title: Re: أغاني وأغاني.. للقدامى والمستجدين..
Author: sanaa gaffer
Date: 08-19-2009, 07:05 PM
Parent: #72

نجوان ..
البركة بالشوفة .. وليك وحشة ..
رمضان كريم ... وتصومي وتفطري على خير ...

Quote: بكوجن في حلو مري وبعوس في رقاقي في امانة الله

غايتو يا ممكونة لسة ما قطعت الامل في جرادلي بتاعت الحلو مر والرقاق ..بلاهي مع اول نفر جاي ...

Quote: كرر .. ووب ... سجمي ... الخ

ابوبكر مساك خير ...
بمناسبة تفرد مصطلحاتنا ... معاي في المكتب مواطن من اصل يمني ... بيحب يلقط الكلمات السودانية ويرددها ..
من ضمن الكلمات اللقطا مني كلمة سجمي لمن اتخلع لاي حاجة ... وكلمة أحيييييييييي لمن اكون زهجانة او تعبانة من الشغل ..
وبقى في كل شئ يقول سجمي واحي طويلة ممدودة زي ما انا بقولا ..
اها يوم جابو لينا موظف سوداني ... الزول من الخلعة نطط عيونو لمن سمع المواطن بقول الكلمات دي ..
وقام ناداهو براحة كدة على جنب وسالو :
يا محمد فرج ياخي انت جبت الكلمات دي من وين ؟؟
ورد محمد بكل براءة : من سناء .. طوااااااااالي بتقول الكلمتين ديل ...
السوداني عاين لي شذرا كاني نشرت منكر .. وقام بخجل كدة قال للمسكين داك : ياخي دي كلمات نسوان بس .. الرجال ما بقولوها..
المواطن اتخلع وقال ليهو : ( سجمي ) سناء علمتني كلام النسوان ...

غايتو أتمنى ما أقول سجمي واحييييي كتير وانا بحضر البرنامج مباشرة من التلفزيون للمرة الاولى بعد فك اسر النيل الازرق ..

Post: #74
Title: Re: أغاني وأغاني.. للقدامى والمستجدين..
Author: ودالعباسية
Date: 08-19-2009, 09:01 PM
Parent: #73

ازيكم تانى ،،،،

كل الحلويين الحضور وممكونة ست الابري ،،

ويا ناس خلو افراح ي فى حالها ياخ ،، البت حلوة ،، وغناية ،،

تانى شنو ،،

Post: #76
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-20-2009, 01:41 AM
Parent: #74

الاخت العزيزة نجوان

تحية وسلام لكي وضيوفك الكرام
كما كل رمضان ها نحن معكم نسجل حضورنا

تصوموا وتفطروا على خير
وكل رمضان وانتم تامين ولامين ومبسوطين

الحايا لي رفقانا وناسنا القدام

بقيادة الباشمهندس الرطاني ابوبكر
والعزيزة الممكونة ممكونة
وعباسية
والصحافة حسام
الزول
وبقية العقد الفريد والمنضمين الجدد

ودي وتحياتي والسلام

Post: #77
Title: Re: أغاني وأغاني.. للقدامى والمستجدين..
Author: Mashaier Ahmed
Date: 08-20-2009, 02:14 AM
Parent: #76

العزيزة نجوان

سلام وكل عام وانتم بخير
رمضان كريم تصوموا وتفطروا على خير
نحن من المعجبين والمتابعين لبرنامج أغاني وأغاني لكن من خلال سودانيز أون لاين حيث لا يمكننا مشاهدة قناة النيل الأزرق
في رأي أن التغيير مطلوب في هذا البرنامج فوجود وجوه جديدة يعطي البرنامج طابع مختلف كما يتيح للمشاهدين الإستماع لبعض الوجوه الجديدة في الساحة الفنية
وجود زيدان ابراهيم سيدعم البرنامج ويزيد من رصيده.
أتمنى أن نستطيع المشاهدة والإستماع معاً بمجهودك والأخوة الكرام

ممكونة سلام، الأبري ما عندك لكن ( وش غيران) تصومي واسرتك على خير إنشاء الله

تحياتي

مشاعر

Post: #91
Title: Re: أغاني وأغاني.. للقدامى والمستجدين..
Author: نجوان
Date: 08-20-2009, 11:52 AM
Parent: #77

إزيك يا مشاعر وكل سنة وانتي بخير..
ونتمنى المتابعة ولو عبر البوست..

Quote: وجود زيدان ابراهيم سيدعم البرنامج ويزيد من رصيده.

Post: #78
Title: Re: أغاني وأغاني.. للقدامى والمستجدين..
Author: abubakr
Date: 08-20-2009, 03:34 AM
Parent: #76

Quote: تحية وسلام لكي وضيوفك الكرام

ياشاعرنا المجيد .. اها الواحد ينتظرك من هلال رمضان للهلال البعدو ربنا يديم المعروف وكل سنة وانت وكلكم بالف خير وعافية ...
اها الدورة دي (زي ناس الكورة كدة يعني ) انت ترشنا كدة ( الواحد في كهولته صار يعرف مفردات عربية كثيرة ) ببيتين شعر كدة مع نهاية كل حلقة ..وكدة بنقدر نطالب بحقنا الادبي والفكري والاعلاني والمادي في هذا البرنامج.. اها ياود العباسية انت السنة دي تجاور تنتظر البر نامج وما تجينا وش الصبح تفتش وتكركب في المطبخ ...

_____

سنوية قلتي نفسك في حلو ومر وابري ؟ هو دة كلام ؟؟طيب البلاليط بيلفحا منو .. تقعدن في بلاد العرووب ولا تاكلن اكلهم ؟؟ عجيبة ؟؟

Post: #79
Title: Re: أغاني وأغاني.. للقدامى والمستجدين..
Author: mohmmed said ahmed
Date: 08-20-2009, 06:37 AM
Parent: #78

من خلال اللقطات المشاهدة
دعاية للبرنامج
اتفاءل بمشاهدة برنامج ممتع

المجموعة جيدة
ولكن كنت اتمنى مشاهدة
البلابل
الهادى حامد
الطيب مدثر
شموس

ولد سيد خليفة غير شكلو لمن لبس باروكة

Post: #82
Title: Re: أغاني وأغاني.. للقدامى والمستجدين..
Author: Hussein Mallasi
Date: 08-20-2009, 09:44 AM
Parent: #79

Quote: يا أولاد في شنو؟ أبوكم عرٌس ؟ قالوا لي لسه

Post: #105
Title: Re: أغاني وأغاني.. للقدامى والمستجدين..
Author: mamkouna
Date: 08-22-2009, 01:06 AM
Parent: #79

Quote: ولد سيد خليفة غير شكلو لمن لبس باروكة

يبدو أن أغاني و أغاني 2009 ستحمل الكثير من المفاجآت !

Post: #90
Title: Re: أغاني وأغاني.. للقدامى والمستجدين..
Author: نجوان
Date: 08-20-2009, 11:44 AM
Parent: #76

سلام عبدالله وداعه..
مرحب وكل سنة وانت طيب..

وطبعا انت سيد بيت ومن القدامى هنا
فياريت ما تغيب..

Post: #89
Title: Re: أغاني وأغاني.. للقدامى والمستجدين..
Author: نجوان
Date: 08-20-2009, 11:41 AM
Parent: #73

كيفك يا سناء جعفر
وكل سنة وانتي طيبة..

وكتّر خير أغاني اللي جاب كل الغايبين..

Quote: غايتو يا ممكونة لسة ما قطعت الامل في جرادلي بتاعت الحلو مر والرقاق ..بلاهي مع اول نفر جاي ...
حسب كلام ممكونة الفوق..
الرقاق بضمن ليك وصوله مع أول نفر
والحلومر على الكريسماس..

Post: #88
Title: Re: أغاني وأغاني.. للقدامى والمستجدين..
Author: نجوان
Date: 08-20-2009, 11:16 AM
Parent: #69

ممكونة!!
يا سلام .. دلوقت الموسم اصبح حقيقة!
مرحب وألف حمدالله على السلامة.. وكل سنة وانتي طيبة..

Quote: بكوجن في حلو مري و بعوس في رقاقي في أمانةِ الله..
انتي يا دوبك بتكوجني؟ معناها العواسة في رمضان
أو بين العيدين بالكتير (وش مبتسم)

ماتغيبي بالله.. وجودك هام وخطير..

Quote: و البرنامج برعاية حلومر ممكونة!
شكرا جزيلا..
بس كدى انتي عوسيه في الأول..

Post: #84
Title: Re: أغاني وأغاني.. للقدامى والمستجدين..
Author: نجوان
Date: 08-20-2009, 10:59 AM
Parent: #66

مرحب يا زاتووو
وانتظار اسهاماتك..

Post: #85
Title: Re: أغاني وأغاني.. للقدامى والمستجدين..
Author: Hussein Mallasi
Date: 08-20-2009, 11:04 AM
Parent: #84

Quote: مشكلتي مع بدل عصام محمد نور!

المشكلة في بدل عصام و للا الحاجة البرتقالية النص كم اللابسها عاصم البنا ؟!!

Post: #87
Title: Re: أغاني وأغاني.. للقدامى والمستجدين..
Author: فيصل نوبي
Date: 08-20-2009, 11:10 AM
Parent: #85

يا سحس
Quote: المشكلة في بدل عصام و للا الحاجة البرتقالية النص كم اللابسها عاصم البنا ؟!!
برضو أرحم من بدلة كاروهات بلون بني و قميص (مقلم) بلون أزرق و كرافتة حمراء (ابو الكلام) مثالاً .

_
ملاحظ إنه حلق الدقن و نسي الراس (إقتدا ب"شداد")

Post: #94
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-20-2009, 12:17 PM
Parent: #87

الأعزاء نجوان و بقية العقد الفريد ..

رمضان كريم
تصوموا و تفطروا على خير

يبدو أن البرنامج مبشر هذا العام بوجود زيدان ، محمد ميرغني، عبد العزيز المبارك و إبراهيم حسين ..

بالنسبة لشباب نجوم العد لا أدري هل سيكون أداؤهم جماعي أم فردي ؟

بخصوص منتصر سيد خليفة ، أتذكر أني استمعت اليه منذ سنوات من خلال قناة النيل الأزرق ،،
اتضح لي وقتها أن ابن الوز ليس عوام ،،

لكن ربما يكون هنالك تغيير في الوقت الحالي ..
ننتظر و نشوف ..

تحياتي للجميع ..

Post: #98
Title: Re: أغاني وأغاني.. للقدامى والمستجدين..
Author: نجوان
Date: 08-20-2009, 12:49 PM
Parent: #94

وينك يا صحافة 30..

كل سنة وانت طيب..
ومنتظرين مساهماتك كزول أساسي في المجموعة..

Quote: اتضح لي وقتها أن ابن الوز ليس عوام ،،
كلام حقاني..
ننتظر ونشوف .. على قولك..

Post: #92
Title: Re: أغاني وأغاني.. للقدامى والمستجدين..
Author: نجوان
Date: 08-20-2009, 12:03 PM
Parent: #85

شكرا للحضور والمشاركة اخ محمد..

_____
ويا ملاسي ونوبي
خليكم في الغنا احسن..
لو باريتوا صرعات الموضة في أغاني وأغاني
ح تصرعوا (بضم التاء)..

Post: #93
Title: Re: أغاني وأغاني.. للقدامى والمستجدين..
Author: نجوان
Date: 08-20-2009, 12:15 PM
Parent: #92

Quote: بكوجن يعني شنو ..
يا باش.. بكوجن دي مفردة تداولتها الأسافير منذ غابر الأزمان..
أحيانا يراد بها وصف الكلام الملخبط (أي not making sense)..
أو اللف والدوران "إتكلّم عديل وما تكوجن لي الكلام" على سبيل المثال..

لكن أصلها -والله أعلم- يرجع لمرحلة من مراحل صناعة الحلومر..
(وتضامني مع ممكونة كان يا دوبها بتكوجن والشهر هلّ)..

_____
وتضامني مع سناء جعفر
الجهّزت الجك والتلج وراجية الحلومر..

Post: #95
Title: Re: أغاني وأغاني.. للقدامى والمستجدين..
Author: abubakr
Date: 08-20-2009, 12:26 PM
Parent: #93

Quote: أحيانا يراد بها وصف الكلام الملخبط (أي not making sense)..

والله عندكن جنس نضم ... وتقولو حقنا رطانة .....وشابكننا مبتدء وخبر وبديع وبلاغة وتشكييل (الله لا يعيد تلك الايام ) ما تقولن "كلام هراء" وفق نضم الشنفرة وتابط شرا ...كوجنتونا ياااخ

Post: #96
Title: Re: أغاني وأغاني.. للقدامى والمستجدين..
Author: abubakr
Date: 08-20-2009, 12:32 PM
Parent: #95

الدورة دي فيها زيادة في الصلعات نزولا عند رغبة الحلاقيين والذين يرسلون رسالة واضحة المعالم للشعرم "مكوجن.. واللا ايه يا "عمتو ممنونة " " ...

Post: #97
Title: Re: أغاني وأغاني.. للقدامى والمستجدين..
Author: abubakr
Date: 08-20-2009, 12:32 PM
Parent: #95

الدورة دي فيها زيادة في الصلعات نزولا عند رغبة الحلاقيين والذين يرسلون رسالة واضحة المعالم للشعرم "مكوجن.. واللا ايه يا "عمتو ممنونة " " ...

Post: #99
Title: Re: أغاني وأغاني.. للقدامى والمستجدين..
Author: نجوان
Date: 08-20-2009, 12:52 PM
Parent: #97

Quote: (الله لا يعيد تلك الايام )
شامّة لي ريحة trauma

Post: #100
Title: Re: أغاني وأغاني.. للقدامى والمستجدين..
Author: mamkouna
Date: 08-21-2009, 01:27 PM
Parent: #99

كل سنة و الجميع بصحة و عافية..
تقبل الله طاعاتنا...
و...

Post: #101
Title: Re: أغاني وأغاني.. للقدامى والمستجدين..
Author: حسن سنوسى
Date: 08-21-2009, 03:08 PM
Parent: #100

الاخت نجوان

رمضان كريم
تحياتى وسلامى للجميع

للضمان كدا كنا من المشاركين فى العام الماضى
المرة دى غايتو ربنا يستر
عصام وفرفور وعاصم ونادر
بصراحة كدا ملينا من التكرار
هو يعنى السودان دا ما فيهو الا الجماعة دييل
سيد خليفه مدرسة ما بختلف معانا زول فيها لكن مسألة منتصر ابنو دا فيها نظر
يعنى ياسر عبد الوهاب ما كان احسن؟
سنفتقد السيد المحلق (ود البادية) وكذلك الفرجونى والعم شرحبيل
زيدان حيكون فاكهة الدورة
اولاد نجوم الغد مغامرة
لا اظن ان هنالك تغيير يذكر عدا الوجوه الطعمو بيها البرنامج
غايتو الموية تكضب الغطاس وربنا يكضب الشينه

Post: #102
Title: Re: أغاني وأغاني.. للقدامى والمستجدين..
Author: abubakr
Date: 08-21-2009, 07:44 PM
Parent: #99

Quote: شامّة لي ريحة trauma

زي كتاحة في اروما .. بس فاتت

Post: #103
Title: Re: أغاني وأغاني.. للقدامى والمستجدين..
Author: abubakr
Date: 08-21-2009, 10:20 PM
Parent: #102

يبدو ان بكري كعادته استجاب لدعوات من لا يلتقطون قناة النيل الازرق واعاد خاصية التضميينEmbedding للفيديو والاغاني بحيث يمكن ادراج لقطات من البرنامج كالاعوام السابقة فلذا نرجو من المتخصصين واولهم "الزوول" و"تمبس" المواظبة في تسجييل ما امكن وانا ساحاول وفق الظروف ....

Post: #104
Title: Re: أغاني وأغاني.. للقدامى والمستجدين..
Author: mamkouna
Date: 08-22-2009, 00:55 AM
Parent: #103

عودة إلى الزمن الجميل

بقيادة المايسترو حسين ملاسي...رمضان 2006
أبو الكلام

بقيادة شخصنا الضعيف...رمضان 2007
ما أحلى ساعات اللقاء...

بقيادة الزوووول الوسيم الفي طبعو دايماً هادي...رمضان 2008
أغاني وأغاني 2009 ... در ودراب

ثم...
بقيادة ست البنات لي حدهن...رمضان 2009
أغاني وأغاني.. للقدامى والمستجدين..

تعود الايام..بالصحة و السلامة علينا جميعاً.

Post: #106
Title: Re: أغاني وأغاني.. للقدامى والمستجدين..
Author: Dania Elmaki
Date: 08-22-2009, 01:44 AM
Parent: #104

سلام و كل سنه و انتوا طيبين, رمضان كريم

اها جاهزين؟ انا غايتوا من المحرومين من النيل الازرق عشان كده معتمده عليكم.

عندي احساس انه البرنامج السنه دي حشوه ناس كتار و الله يستر

Post: #107
Title: Re: أغاني وأغاني.. للقدامى والمستجدين..
Author: عفاف الصادق بابكر
Date: 08-22-2009, 08:23 AM
Parent: #106

نجوان كيف حالك
وكل سنة وانتي طيبة

النيل الازرق حلوه السنة دي وخاصة البرنامج ده
عجبني الولد البغني مع زيدان .. وحقيقة روعه لا توصف مع انه ده الاعلان

تعرفي على قول شبكة انشاءالله نستمتع والاعلانات تدينا فرصه
ما عارفه جابو ليهم مصريات وحجبوهم وقالوا للنيل الازرق جاتك
لاخلو عصير ولا طحنية ولا عفش حايم ..

رمضان كريم ...

Post: #108
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-22-2009, 08:46 AM
Parent: #107

الاخت نجوان
كل سنة وانت طيبة وتصوموا وتفطروا على خير
اها ان شاء الله تكوني جاهزة ونحن جاهزين
واليوم ضربة البداية وياواصلنا او مشينا
نشوف القنوات الاخرى .
ونتمنى هذا العام ان يكون افضل من السابق

سلام سلام

Post: #109
Title: Re: أغاني وأغاني.. للقدامى والمستجدين..
Author: Manar Mahsoub
Date: 08-22-2009, 10:28 AM
Parent: #108

العزيزات نجوان و مكنونة وبقية اهل البوست سلام جاكم و يجدكم مبسوطين و عايسين حلومركم و رقاقكم و جرادلنا قد تم ارسالها بالدى اتش ال ...

قبل الانفعال فى المشاركة عايزة اوصل شكرى الجزيل للباشمهندس بكرى على انو حنى على و سهل دخولى مرة تانية للموقع بعد ان فشلت فشل فظيع للدخول ....

نقطة سطر جديد

البوست ده باين عليه حيكون رابى ....زى برنامج اغانى اغانى السنة دى بس اتمنى انو شفع نجوم الغد ديل ما يكونو ثابتين يعنى حلقة حلقتين مقبولين بنسحملهم و مممكن رماز و السمحة التانية ديك( قالو امها يمنية) نزودهم حلقتين علشان خاطر الجماعة ...

لو ثبتو لينا على المجموعة القديمة مع اضافة الفنان جدا زيدان و بقية الفنانين الكبار الجابوهم فى الدعاية مع الشعراء العمالقة حنستمتع اكثر لكن لو المجموعة كلها بقت ثابته انا شخصيا ولد سيد خليفة ده حيخلينى اكسر التلفزيون ...هو يعنى عشان ابوه كان فنان لازم هو يغنى ...

تخريمة : ابوبكر :ار كوجانق اربمى؟ فيصل نوبى اسيقنى اربى بجى كودن تجى ( قابلة للتصحيح من اهل الذكر)

Post: #110
Title: Re: أغاني وأغاني.. للقدامى والمستجدين..
Author: khaleel
Date: 08-22-2009, 10:49 AM
Parent: #109

الغريبة يا نجوان انا كتبت عن الموضوع

زول جاني مافي

عالم بكاية ياخ

شموس رهيبة وحلقات اغاني واغاني ارهب

Post: #111
Title: Re: أغاني وأغاني.. للقدامى والمستجدين..
Author: abubakr
Date: 08-22-2009, 01:43 PM
Parent: #109

Quote: تخريمة : ابوبكر :ار كوجانق اربمى؟ فيصل نوبى اسيقنى اربى بجى كودن تجى ( قابلة للتصحيح من اهل الذكر)

رمضان كريم : هيدوتون ايربيري ؟؟ بنجد تركالقكا اي اربمي اي تا اربي كتابل فاجنق اربيري ؟

اها اول مبارايات الدورة بعد سويعات وبعدين ما تقولو لينا الحكم اونطة والمدرب سطيحة ..انا بس بس خايف من الملابس ؟؟ انا عندي حساسية ضد اللبس المعولق والمصارعة بين القاف والغيين والكشاكيش (يانجوان) والالوان الشترة (ياممكونة) عشان كدة اكان حردت (يالزوول) قدرو موقفي ؟؟؟

Post: #112
Title: Re: أغاني وأغاني.. للقدامى والمستجدين..
Author: ودالعباسية
Date: 08-22-2009, 01:59 PM
Parent: #111

رمضان كريييييييييييم ،،،

الليلة بداية الانطلاق ،، بالله ما تجونا حانفين وشكم بعد الحلقة الاولى دي ،،

يجوك هسى يقول ليك دي لابسه احمر ودا لابس كاروهات ،،ياخى ما يلبسو ،،

حلوييين وطاعمييين ،،

ناس نجوم الغد ديل قاعدين الحلقات كلها دا شمار جانى من جوووة القناة زاتها ،،

واتخيل لى زيدان دا حلقته بتكون فى نص رمضان كدا ،،

بعد كدا راجين فردتنا يجى يدينا شوية من الشمارات بتاعة السنة دسي ويكون متواصل

معانا ،،،

يا جوماعة ،، ما دايرين تشاؤم ،، ارجوكم ،،

Post: #113
Title: Re: أغاني وأغاني.. للقدامى والمستجدين..
Author: abubakr
Date: 08-22-2009, 02:07 PM
Parent: #112

Quote: يجوك هسى يقول ليك دي لابسه احمر ودا لابس كاروهات ،،ياخى ما يلبسو ،،

يا ود العباسية انا قت ليك خليك صاحي مش تنعس من هسع ؟؟؟ اللبس دة هو البخللي ناس ملاسي يحردو. يعني الواحد او الواحدة يجووك معولقيين اها نسمع كيف ؟؟

Post: #114
Title: Re: أغاني وأغاني.. للقدامى والمستجدين..
Author: ودالعباسية
Date: 08-22-2009, 03:18 PM
Parent: #113

ياخال ،،

نحن صاااحيين ومفتحييين ،،

انتو بس كيف تكونو معانا فى الخط ،،

والسنة دي جابت ليها لعيبة جدد ،، والمنافسة شديدة ،،

Post: #115
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-22-2009, 03:34 PM
Parent: #114

البرنامج في نفس المواعيد يا شباب؟

Post: #116
Title: Re: أغاني وأغاني.. للقدامى والمستجدين..
Author: abubakr
Date: 08-22-2009, 04:46 PM
Parent: #115

Quote: البرنامج في نفس المواعيد يا شباب؟

ياقربيي هي المواعيد كانت كم ؟؟

Post: #117
Title: Re: أغاني وأغاني.. للقدامى والمستجدين..
Author: abubakr
Date: 08-22-2009, 05:46 PM
Parent: #116

بداية بيض كما يقول فيصل نوبي

يبدو ان البرنامج تم تغييره الي "ارفع راسك ".. اها ثمانية دقائق ظهر شعار البرنامج بعدين "ارفع راسك " بعدين ظهر السر قدور (بس ما حالق) بعدين تاني ارفع راسك ولحد الان قربت عشرة دقائق ونحنا اها بنرفع راسنا التقول سحلية ....

Post: #118
Title: Re: أغاني وأغاني.. للقدامى والمستجدين..
Author: abubakr
Date: 08-22-2009, 05:53 PM
Parent: #117

اغنية "اروا " عصير برتكان
اغنية "المؤمن فن الحياة الراقية "
اغنية "النصر العمارات شارع تلات وستين "
اغنية "بوهيات الشروق "
اغنية "زيت صباح"
اغنية "الاسطي عارف النقاش الفنان .. بوهيات الشروق"
اغنية "افتح الباب القي نسمة "
اغنية "اثاث الفائز"
اعادة لاغنية "بوهيات الشروق"
اغنية "دواجن ميكو"
اغنية "مجمع سعيد قدالة التجاري "
الاغنية الرئيسية "ارفع راسك"
ومرت عشرون دقيقة من البرنامج

Post: #119
Title: Re: أغاني وأغاني.. للقدامى والمستجدين..
Author: abubakr
Date: 08-22-2009, 05:57 PM
Parent: #118

ابتدء البرنامج

ناس جزر القمر باعتيين واحد وبعدين طلع نادر خضر اهو لابس زيهم

فردتنا عامل مساعد مقدم البرنامج

الفرقة الموسيقية كبيرة وفيها كل الاشتركو في السنوات السابقة

Post: #121
Title: Re: أغاني وأغاني.. للقدامى والمستجدين..
Author: فيصل نوبي
Date: 08-22-2009, 06:10 PM
Parent: #118

سلام يا باش ..
فعلاً بداية بيض ..
طفق ابو الكلام يمتدح الرباعي حتي ظننتهم معشوقتي الـ (لاند كروزر)
نادر خدر و عصام محمد نور و فرفور و عاصم البناء ..
ثم تحدث عن القوانين و الاغاني !!! (أبو الكلام داير ينضم في السياسة ) لووووووووووول
منار صديق و أفراح عصام .. و الشباب يساعدوهم !!! مش بالغ شوية مع (الشباب) ضيوف الشرف !
الفرق بين الليلة و الليلية ( الغناء و المديح ) أرفع راسكـ ..

_
برعاية ( MTN ) المكياج (طافح) ..

Post: #120
Title: Re: أغاني وأغاني.. للقدامى والمستجدين..
Author: نجوان
Date: 08-22-2009, 05:58 PM
Parent: #117

سلام يا أهل الأغاني..

رمضان كريم..
وكل سنة وانتم بألف خير ..
ويبدو ان هذا البوست سيكون الملتقى.. تشرفونه بالقراءة والمساهمات..
والبوست ده ما عنده سيد، كلكم اصحابه فياريت تكتبوا.. ترّدوا..
وترحبوا خصوصا بالمستجدين..

_____
ومابين العفش الشين.. أرفع راسك.. العصير.. أرفع راسك
محلات التجميل.. أرفع راسك.. الجداد
حالتو لسه الطحنية .. المصريين.. وباقي الحاجات ما جات..

Post: #122
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-22-2009, 06:37 PM
Parent: #120

Quote: سلام يا أهل الأغاني..

رمضان كريم..
وكل سنة وانتم بألف خير ..
ويبدو ان هذا البوست سيكون الملتقى.. تشرفونه بالقراءة والمساهمات..
والبوست ده ما عنده سيد، كلكم اصحابه فياريت تكتبوا.. ترّدوا..
وترحبوا خصوصا بالمستجدين..

عن اذنك نجوان
قبل مايرحبوا بينا والله عايز اقول متعتونا واتحفتونا
يا سناير بكل مايدون عن هذا البرنامج من قبل
اذا الناس اختلفت او اجتمعت كان في متعة من قبلكم
ضربة البداية
كانت اغنية
زيدني في هجراني
وهي من حقيبة الفن اغنية جميلة وكانت لها اغنية مجاره
وهي غبت عن انساني == ياوحيد الكون السقم مساني
وانا عن نفسي اذا كانوا قدموها بصورة جميلة او لا
ولكن ذكروني اولاد المورده بأشهر شريط لهم
وكانوا الشيالين اولاد شمبات (والناس دي مزجت اصوات بطريقة غريبة )
بعدين نجيكم للتانية
وتمتعوا بالطرب الجميل .

سلام.. سلام

Post: #123
Title: Re: أغاني وأغاني.. للقدامى والمستجدين..
Author: نجوان
Date: 08-22-2009, 06:39 PM
Parent: #120

عاد الينا السر قدور هذا العام واعدا بجلسة ما منظور مثيلها..
ومقدّمة طويلة مت فهمت ليها شيء..
ثم تقديم الحضور..
والفريق الثابت..حاضر.. عصام، نادر، فرفور، وعاصم .. في الكراسي..
ونجوم نجوم الغد، الفريق الزائر.. رماز .. منار.. أفراح.. شريف.. واحمد الطيب.. على كنبة مصفوفين

ألحان عمر البنا..
وضربة البداية.. زيدني في نيراني.. تغنيها نجمات الغد..
وكورس من البقية..
تألقت رماز بثبات.. أفراح أداء متوسط (رغم تخصصها في هذه الأغنية..)
منار كانت مجلّية تماما وزمنها فارق..

ثم كلام عن الثنائيات..
وانتهينا بصورة ما عند سيد عبدالعزيز.. ومداعب الغصن الرطيب.. بقيادة نادر خضر..
مرور سريع غلى الأغنية .. وأداء بين متوسّط وتعبان من نادر..

كرومة.. عظمته.. وفتيل الريحة الذي صنع على شرفه..
لكنه كان متواضعاولم يترفع عن الثنائيات.. غنى مع عوض شمبات بدر الحسن
يغنيها فرفور.. كورك قدر ما قدر..
عاصم ساعد بتمكّن وسرق الأضواء..

عصام محمد نور .. يغني لثنائي العاصمة ومحجوب سراج.. حيّرت قلبي معاك
اغنية سريعة وخفيفة الدم بطبعها.. الفرقة الموسيقية ابدعت فيها..

وأولاد شمبات.. عوض وابراهيم اقوى ثنائي قال ابو الكلام..
لحظك الجراح ..عاصم وفرفور (راس)..
أداء جميل .. كانت خاتمة موفقّة..

_______
اللبس غير مبهرج.. لكن المكياج مسرحي وتقيل.. كراضم من الكحل والماسكارا..
ابو الكلام وكرافتة كراس حساب بمبي..
نادر بالزي العماني..
فرفور بزي موظف بنك..
عاصم وبدلة بيج لامعة مخططة (اعتقد القماش ده اسمه الدلع)
وعصام محمد نور.. والولاء للمألوف .. بدلة مقلمة وكبيرة شوية..

Post: #125
Title: Re: أغاني وأغاني.. للقدامى والمستجدين..
Author: omer osman
Date: 08-22-2009, 06:48 PM
Parent: #123

Quote: يغنيها فرفور.. كورك قدر ما قدر..

نجوان رمضان كريم

ياجماعة انتو قايلين الكواريك دي (مع تحفظي على التسمية) هينة ! ودي طريقة فرفور في الغناء وحقيقة انا بشعر انو فرفور

اكتر واحد بندمج مع الغناء وبطلع احساسو بالاغنية.

Post: #124
Title: Re: أغاني وأغاني.. للقدامى والمستجدين..
Author: Rawia
Date: 08-22-2009, 06:41 PM
Parent: #120

صدق أبوبكر
البرنامج كمية الدعايات فيه كتيرة شديد
أنا إفتكرته إنتهى ولا حاجة.... خاصة لما جات الدعاية البايخة بتاعة التأمين الصحي
عاصم البناover dressed يتلاصف ويلمع
البنية اللابسة أصفر زمنها فارق...(علتني )
نادر خضر قاعد في خشم باب بيتهم في كرسي وقدامه خرطوش برش في الفسحة

ياجماعة الناس المنتظرين عمي السر يحلق ديل طالبين المستحيل عديل كدا
كفاية وبركة الماجاكم بي جلابيته البعرفها كويس ديك.....بوهيمي الزول دا ياجماعة وخلوهو براحته النبي

_____________
لحظك الجراح رطبت علينا في نهاية البرنامج

Post: #126
Title: Re: أغاني وأغاني.. للقدامى والمستجدين..
Author: حسن سنوسى
Date: 08-22-2009, 06:48 PM
Parent: #124

ضربة البداية كانت قوية من رماز ومنار والماكنتوش
ولو انو الماكنتوش ك1250965379

Post: #127
Title: Re: أغاني وأغاني.. للقدامى والمستجدين..
Author: Dania Elmaki
Date: 08-22-2009, 07:33 PM
Parent: #126

اها و أيتام امريكا الما عندهم النيل الازرق ديل ما شحتفتوتهم, نزلوا لينا الحلقات

يا راويه يخسي عليك نسيتي العشره :)

Post: #129
Title: Re: أغاني وأغاني.. للقدامى والمستجدين..
Author: abubakr
Date: 08-22-2009, 08:00 PM
Parent: #127

Quote: اها و أيتام امريكا الما عندهم النيل الازرق ديل ما شحتفتوتهم, نزلوا لينا الحلقات

يابنتي والله حاولت ولكن توقيت البرنامج بعد العشاء مباشرة حسب توقيتنا وكثرة الاعلانات بحيث انها غلبت علي فقرات البرنامج لم تساعدنا امل ان يتمكن الزوول (من المتخصصين والحرس القديم !) والشباب في ان يتمكنو بتسجيلات تجعل من لا يشاهدون مباشرة من متابعة ما

Post: #128
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-22-2009, 07:47 PM
Parent: #126

باقي التعليق
Quote: يغنيها فرفور.. كورك قدر ما قدر..
عاصم ساعد بتمكّن وسرق الأضواء..

عمر جنابو رمضان كريم (انت في الامن ولا شنو ) ها ها ها بمناسبة البوست داك

الاخت نجوان
فرفور فنان موهوب ولكن الموسيقة ساقتو بدل مايسوقها
والجميل في الاغنية زي ماقال فنانا الكحلاوي ادخال اللغة العربية
خبروا ومبتداه == وضيع عمري كله وقال تسلم يداهو
والاغنية دي عايزة قعيد ونجح فرفور زمان
في ادائها عندما كان يغني بالشعبي
عاصم البنا
فردتكم يانجوان
اداء متواضع ولم يظهر ابداعاته
وكأنه من نجوم الغد.
نادر خضر
ومداعب الغصن الرطيب اداء وسط
عصام محمد نور
كان رائح ولم يجد نفسه وهل هذا هو عصام محمد نورمن غنى روائع الكاشف
وهو يعتبر جبل التطريب
الاخت نجوان
انت معاي انو المكياج مابشبه بناتنا ولا دي عدم خبره.

وامكن نشوف بكره منهم الجميل ان شاء الله

سلام .. سلام

Post: #130
Title: Re: أغاني وأغاني.. للقدامى والمستجدين..
Author: الزوول
Date: 08-22-2009, 08:09 PM
Parent: #128

السلام عليكم
......
نصيحة ...
في DVD Recorder في السوق
فيهو هارديسك يسجل زي ما داير
ده ما الموضوع المهم
الميزة الفيهو ممكن تعمل Split أو Partial Delete
أخوكم عندو البتاع ده
يمشي الصلاة في أمانة الله
ويجي راجع يشيل ليك كل العظام والشوك (الدعايات البايخة)
ويتفرج فيهو (فيليه)
من غير منغصات
الباش أبوبكر
اسأل منو في اسواق دبي
وما حا تندم
....

Post: #137
Title: Re: أغاني وأغاني.. للقدامى والمستجدين..
Author: abubakr
Date: 08-22-2009, 08:56 PM
Parent: #130

Quote: الباش أبوبكر
اسأل منو في اسواق دبي
وما حا تندم
....

ما عشان كدة قلت انت متخصص ... انا سوق دبي دة خليتو من زمن دكاني بتاع الكمبيوتر قبل ديشليون يوم كدة واستعيين بالجيل الثاني (فيصل نوبي وكدة) في هذا الشان ورغم الكم الهائل من المعدات في البيت الا انني حيث لا اسجل كثيرا اكتفيت بالذي حولي الان ..بالله الحق ضيوف برنامج نجوان دة بتسجيلات والا المشاهديين يرمو طماطم وبيض وحاجات زي دي كدة ...

Post: #131
Title: Re: أغاني وأغاني.. للقدامى والمستجدين..
Author: ودالعباسية
Date: 08-22-2009, 08:15 PM
Parent: #128

بصراحة كدا محبطين احباط ما بعده احباط ،،،،

اي زول جا هنا قال الناس ديل كعبين وما ادراك ،،

ياخوانا دي اول حلقة فى البرنامج ،، وباقى 29 انتو ما تنتظرو ليه بتحكمو من

قولة تيت ،،،وهسى الناس ديل مالم ،،

تخيلو اي زول حا يدخل البوست دا ويشوف تعليقاتكم على الحلقة الاولى دي حا ياخد

انطباع ما حلو نهائ ،،

الشئ الاصلا البرنامج ما راعى ليه ،، انا شايف الاعلانات الكتيرة وكتيرة جدا ،،

بالله طولو بالكم ،،

Post: #132
Title: Re: أغاني وأغاني.. للقدامى والمستجدين..
Author: نجوان
Date: 08-22-2009, 08:15 PM
Parent: #128

مرحب حسن سنوسي.. وفعلا في انتظار زيدان..
وحنفتقد ابن البادية (والإتنين اعتبرهم من الأصوات التي لم يقدر عليها الزمن)..

_____
يا باش في انتظار الصوت والصورة.. ناس دانية المكي ديل ضايقين شديد!

_____
ألف شكر يا ممكونة على ايراد الروابط.. دايما حاضرة بالمفيد
هذه مسيرة رائعة لبورداب متميّزين!

Post: #133
Title: Re: أغاني وأغاني.. للقدامى والمستجدين..
Author: نجوان
Date: 08-22-2009, 08:30 PM
Parent: #132

دانية.. سيأتي المختصون بالموية والكهربا.. خليك قريبة..

_____
مرجب عفاف الصادق.. ورمضان كريم..
أدينا رأيك يا بنية..

_____
منار محسوب.. الف اهلا.. وحمدالله على سلامة العودة..
خليك مرابطة..

_____
وين يا خليل.. كل سنة وانت طيب..
معليش يا زول..
بس انت زول متّذوق للفن فلا تبخل برأيك هنا..

_____
صحافة 30
في انتظارك والباش وبقية الخبراء.. الناس عايزة تسمع وتشوف..

_____
سلام يا نوبي.. ود العباسية قال شيلوا الصبر وما تشيلوا حال البرنامج (بس نحن ناس نقّاد ونقّادين)..
وفي رواية أخرى لممكونة.. شنّافين وقنّافين..
(الشرح يتبع للرطانة)

Post: #134
Title: Re: أغاني وأغاني.. للقدامى والمستجدين..
Author: نجوان
Date: 08-22-2009, 08:41 PM
Parent: #133

وليد عبداللطيف.. مرحب بيك اضافة قوية للبوست..
حقيقي الحلقة تسخينة اوكيه.. والغنا اتصلّح مع مرور الوقت..

_____
عمر عثمان.. كل سنة وانت طيب..
كواريك فرفور دي عندنا فيها مداخلات كتيرة..
فرفور يمكن بيطلع احساسه في الأغنية.. بس على حساب طبلة أذن المشاهد المستمع المسكين
والله أعلم..

_____
راوية.. مضبوط عن منار..
اليوم كان ما يومها..

_____
ّالزوول.. يا بختك بالفيليه..
ياخ خّت منه شوية في السفرة دي!

Post: #135
Title: Re: أغاني وأغاني.. للقدامى والمستجدين..
Author: نجوان
Date: 08-22-2009, 08:46 PM
Parent: #134

ود العباسية.. البرنامج بخير..
والناس حتحكم بنفسها بعد وصول الكليبات..

متفائلة بوجود نجوم الغد..
والضيوف من كبار الفنانين..

والبرنامج يحسب كإنجاز كبير للنيل الأزرق..

Post: #136
Title: Re: أغاني وأغاني.. للقدامى والمستجدين..
Author: Emad Abdulla
Date: 08-22-2009, 08:54 PM
Parent: #134

نجوان .. يا سيدة القهوة .
شكرا علي الجمال .
كل سنه و انتي و الحضور هنا و هناك بالف خير ..
شهر مبارك علي الجميع .

.....
ملاحظات على حلقة الليلة :
- نادر خضر : أأأأأأأأأخ .. زحوا لي منو .
- عصام : الله عليهو .. حيرنا معاهو في اختيارو لـ ( حيّرت قلبي معاك ) . عصام فنان فنان فنان .
- فرفور : مرات مرات بيغني زي البيصرخ .. الصوت الحاد عن حدو مزعج جد .
- عاصم : ابدع في ( لحظك الجراح ) مع فرفور ..
- الجميل اسماعيل : سيد الكمنجة الدهبية .. ما كان في علاليهو الليلة ، مكضلم و صاري على غير العاده .

( كل ما سبق هو انطباع شخصي .. مع احترامي للكل ) .

.....
فتشت على العفوية حقت زمان الكانت صابغة البرنامج .. ما لقيتها .

Post: #138
Title: Re: أغاني وأغاني.. للقدامى والمستجدين..
Author: الزوول
Date: 08-22-2009, 08:56 PM
Parent: #136

السلام عليكم
......

تم تغيير الديكور المرة دي
رحمونا من الكرسي الأحمر داك
.....
التهميش وصل للفن يا رجّالة
شريف وعصام أحمد الطيب مثال واضح
ولا حتى أدوهم فرصة
ده كلو كوم
ولكن قريبك يا راوية حيرني
لما سأل شريف
انت ليك صلة بالفن يا شريف؟
سؤال مبالغة
يعني جايبو مثلاً تكملة للديكور ولّ شنو
الولد يا عيني احتار
ما عرف يقول شنو
....
أفراح عصام تكسب
على قول تمبس
الأختيار الأول واضح فيهو (سيبني في نيراني) تفصيل الأغنية على أفراح
وهي اشتهرت بأدائها وبصورة مميزة جداً
وصدقت توقعاتي
فقد أجبرت كل من ريماز ميرغني ومنار على أدائها بنفس طريقة أفراح
ولأن الأصل ماب تبقى صورة (على قول الطيب مدثر)
فقد خَرتتهن أفراح عصام (رأي شخصي)
...
ما شاء الله
الجماعة غطوا الحلقة بكاملها
.....
فضلت التسجيلات يا دانيا المكي وبقية الإيتام
في الطريق

....

Post: #139
Title: Re: أغاني وأغاني.. للقدامى والمستجدين..
Author: mohmmed said ahmed
Date: 08-22-2009, 09:29 PM
Parent: #138

اجمل ادا ء استمتعتا بيهو
اداءعصام محمد نور

ما دايرين نستعجل
لكن

الدعايات مع كترتا وبياختا

ما عارف ليه مستوردة

Post: #140
Title: Re: أغاني وأغاني.. للقدامى والمستجدين..
Author: معتز القريش
Date: 08-22-2009, 09:38 PM
Parent: #139

مادام ما طريتيني يا نجوان
بفتح لي بوست براي وبنزل الأغاني

وبوستك ح يبور بسسسسسسسس

رمضان كريم على الجميع

Post: #141
Title: Re: أغاني وأغاني.. للقدامى والمستجدين..
Author: Dania Elmaki
Date: 08-22-2009, 10:22 PM
Parent: #140

نجوان مرحب بيك و انا قريبه :)

ابوبكر شكرا ليك

الزول والله منتظرين اهو, لسه ما فطرنا و باقي ساعتين و ما عارفين نعمل شنو. حاكون متابعه معاك و كثر خيرك.

Post: #142
Title: Re: أغاني وأغاني.. للقدامى والمستجدين..
Author: mamkouna
Date: 08-22-2009, 10:29 PM
Parent: #140

* الديكور...الرٌصة...القعدات..الحضور...إختيار الأغاني...الكلام...الأزياء...الماكياج..الجو العام...
.....جوطة X جوطة X جوطة...!

* لحظك الجراح كانت *فيليه* الحلقة...و غير كدا لحم راس !

....

ما بقدر أقول أكتر من كدا خوفاً من ود العباسية !

Post: #143
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-22-2009, 11:17 PM
Parent: #142

سلام حبايبنا وكل سنة وانتو طيبين
ورمضان كريم
ومرحب بكل احباب وعشاق اغاني واغاني

اغنية البداية

زيدني في هجراني

ريماز وافراح ومنار وبقية المجموعة

http://www.youtube.com/watch?v=jRQXnJJK4oU

Post: #144
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-22-2009, 11:32 PM
Parent: #143

نادر خضر والمجموعة و مداعب الغصن الرطيب

http://www.youtube.com/watch?v=xC3yqGismjs

Post: #145
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-23-2009, 01:00 AM
Parent: #144

سلامات و تحايا على الجميع ..

تابعت إعادة الحلقة قبل قليل نسبة لتعارض وقت البرنامج مع صلاة العشاء و التراويح بتوقيت الدوحة ..

- لاحظت جودة أعلى في التصوير ، لكن الاضاءة و ألوان الديكور الفاقعة متعبة للعين ..

- أداء جميل من ريماز في أغنية "زيدني في هجراني" تفوقت فيها كثيراً على أفراح ،،
أما منار فصوتها جميل لكن يبدو أنها تغني من نص مكتوب و لم تستطع ضبط الكلمات مع اللحن ..

- عصام محمد نور أبدع و كذلك الفرقة الموسيقية في "حيرت قلبي معاك" ..

- فرفور ، إحساس جميل في أداء أغاني الحقيبة (مع بقاء مشكلة المناطق العليا في صوته) ..

-عاصم البنا ،، 100% .. لكن تركيزه الشديد مع الاوركسترا قد يشوش على المتلقي أحياناً ..

-نادر حضر ،، أداء جيد في "الغصن الرطيب" ..

و في انتظار حلقات العمالقة ...

.
.

Post: #146
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-23-2009, 01:16 AM
Parent: #145

جمال فرفور - بدر الحسن

http://www.youtube.com/watch?v=w8teDkJ49Gg

Post: #147
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-23-2009, 01:23 AM
Parent: #146

عصام محمد نور والمجموعة

حيرت قلبي معاك

http://www.youtube.com/watch?v=oZzjKj5KH9A

Post: #148
Title: Re: أغاني وأغاني.. للقدامى والمستجدين..
Author: الزوول
Date: 08-23-2009, 01:57 AM
Parent: #147

السلام عليكم

...

شاعرنا الرقيق عبدالله وداعة

مرحباً بك وبعودتك المساندة
وكل عام وأنت وأسرتك بخير

طبعاً صاحبنا بكري ما خلى لينا طريقة الا ايراد الرابط فقط

عموماً

اسمح لي أرجع بيكم

لضربة البداية

وهي مقدمة الحلقة الأولى

وتحتوي على تعريف بأعضاء المجموعة المشاركة

وأيضاً أعضاء الفرقة الموسيقية

وممكن تسمعوا سؤال أبو الكلام

لفنان نجوم الغد الفنان شريف الفحل

حينما سأله : ( انت ليك علاقة بالفن)

.......

http://www.youtube.com/watch?v=q7ThmlX1TwI
.......

Post: #149
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-23-2009, 02:48 AM
Parent: #148

شكراً شاعرنا عبد الله وداعة و الأخ العزيز الزول على الفيديو..

الزول :

فعلاً كما ذكرت التسجيل بواسطة DVD Recorder مريح جداً بالاضافة للجودة العالية في الصوت و الصورة حتى بعد تحميله على اليوتيوب ..

الممل في الموضوع هي عملية التحميل على اليوتيوب و تحتاج لصبر يبل الأبري ..

تحياتي ..

Post: #150
Title: Re: أغاني وأغاني.. للقدامى والمستجدين..
Author: الزوول
Date: 08-23-2009, 02:49 AM
Parent: #148

السلام عليكم

...

وهذه هي لحظك الجراح التي أبدع فيها الثنائي عاصم البنا وجمال فرفور

وكانت ختام الحلقة

.....

http://www.youtube.com/watch?v=WdOCo6VOZP4

...

Post: #151
Title: Re: أغاني وأغاني.. للقدامى والمستجدين..
Author: abubakr
Date: 08-23-2009, 04:53 AM
Parent: #142

Quote: ما بقدر أقول أكتر من كدا خوفاً من ود العباسية !

اول مرة ودالعباسية يحضر الدافوري من بداية الدورة وما يجينا اخر الليل من قهوة الشيشة يكركب ودحين اها وقف في القون يقول دي ما قوون .... انت بس وقف الدعايات البيشوتوها من خارج الملعب والباقي ساهل .....

هو صاحب ملاسي (عمكم السر) مالو خلي الولدين شريف وعصام في كرسي الاحتياطي ؟؟ الواحد يبفي بيكهام يعني ؟؟

المبارة ما كانت فيها حرفنة وما ظهرت المواهب زي ما قال عماد ...

اها النشوف والله يطول الاعمار ......

الزوول يااخ الكاميرات الخارجية ما سجلت ليه ما قلت عندك معدات متطورة ؟؟؟

Post: #152
Title: Re: أغاني وأغاني.. للقدامى والمستجدين..
Author: Manar Mahsoub
Date: 08-23-2009, 06:23 AM
Parent: #151

دحين يا جماعة نادر خضر ما مستلف لبسة عصام محمد نور الكان لابسها فى حلقات السنة القبل الفاتت اعتقد...

و الله الحلقة غايتو نص نص ..لكن البرنامج فى عضمو فقد رونقه لانو فيه تكرار لنفس الكلام و نفس الاغانى ...نفس الملامح و الشبه و الصرخة زاتها و نقزتو ( مع الاعتذار لاغنية الطيب عبد الله) ... فى داعى للرصة الكثيرة دى لنجوم الغد يعنى لو جاب اتنين كان كفاية ....

الدعايات فظيعة و نفس المرة الما حتولد الا الاوضة تجيها من المحاميد برضو عايزة تغير مكتبها الشين ...باين ناس المحاميد متعاقدين معاها ....

عشان نطمئن نفسنا نقول المجموعة لسع ما حست بالاندماج و نعشم فى الحلقات الجاية ...لكم التحية

Post: #173
Title: Re: أغاني وأغاني.. للقدامى والمستجدين..
Author: abubakr
Date: 08-23-2009, 12:51 PM
Parent: #152

Quote: دحين يا جماعة نادر خضر ما مستلف لبسة عصام محمد نور الكان لابسها فى حلقات السنة القبل الفاتت اعتقد...

اها قريبتي اشتغلت "الفة" بتاعة فاشون .. خليكي كدة اصلو الفلتان في اللبس بعملي حساسية ... ما تقولو البرنامج ممكن يكون كويس دون ضبط ايقاع المظهر العام والا لزومو شنو صورة وصوت ما يخلوه اذاعة سااي ؟؟ وامر اخر هو طريقة الجلوس ولغة الجسد التي احيانا تصرف الانتباه عن المفيد من الكلام والشجي من اللحن ..... اهتمامنا بالرنامج لا يعني ان نستمع ونشاهد فقط ... رغم ان البرنامج استفاد من افراد بوست خاص به كل عام هنا في انتشاره لدرجة ما وسط الشتات الاسفيري الا ان القائميين عليه لا يهتمو كثيرا باراء واسهامات المشاهديين الذي يعبرون عن وجهات نظر مختلفة هنا ...

Post: #153
Title: Re: أغاني وأغاني.. للقدامى والمستجدين..
Author: نجوان
Date: 08-23-2009, 06:24 AM
Parent: #151

مرحب معتز القريش.. وانت زول موسيقي
وعلم في عالم الكاميرات الأسفيرية
لك العتبى حتى ترضى..

_____
اهلا بالعمدة عماد عبدالله..وكل سنة وانت طيّب..
وعصام محمد نور فعلا اختياره كان موفّق ومناسب لأول يوم..

_____
Quote: أداء جميل من ريماز في أغنية "زيدني في هجراني" تفوقت فيها كثيراً على أفراح ،،
بتفق معاك تماما يا صحافة 30
زي ما قال الزوول ريماز غنت الأغنية بطريقة أفراح.. وأعتقد بالفعل انها تفوّقت عليها..
ريماز تمتاز بالثبات.. وقليلا جدا ما تؤدي اداء ضعيف..

Post: #154
Title: Re: أغاني وأغاني.. للقدامى والمستجدين..
Author: نجوان
Date: 08-23-2009, 06:34 AM
Parent: #153

شكرا كتير عبدالله وداعة والزوول للروابط..
وكتّر خير الريّس بكري لتفعيل الخاصية.. بس كان ’تمّم جميلك كمّلو‘ يآخ :-)

______
Quote: هو صاحب ملاسي (عمكم السر) مالو خلي الولدين شريف وعصام في كرسي الاحتياطي ؟؟
فعلا :-)
وين صورك يا باش؟

Post: #156
Title: Re: أغاني وأغاني.. للقدامى والمستجدين..
Author: mohmmed said ahmed
Date: 08-23-2009, 06:47 AM
Parent: #154

الزول

ملاحظة بسيطة

قدور لمن سال الفحيل عندك علاقة بالفن

كان بيقصد السؤال بمناسبة انو الفحيل من اسرة فنية
بس السؤال طلع غريب هو كان ممكن يقول طبعا انت عندك علاقة بالفن او ما شابه

Post: #175
Title: Re: أغاني وأغاني.. للقدامى والمستجدين..
Author: abubakr
Date: 08-23-2009, 04:13 PM
Parent: #154

Quote: وين صورك يا باش؟

اسباب تقنية كوجنت الاجهزة وحتي ال دي فيدي ريكوردر (الزوول ووداعة للعلم ) ..

معلومة: ظهر اليوم كان الفوكابيلري بتاعي حيزيد كتير ولكن لنفس الاسباب التقنية لم اتابع حلقة عن "الكوجنة والحلو مر " رغم الاستعانة ب"صديق" ..حظ ..

يارب ياكريم حلقة اليوم ما تكون مكوجنة .. يالله ...

Post: #155
Title: Re: أغاني وأغاني.. للقدامى والمستجدين..
Author: Dania Elmaki
Date: 08-23-2009, 06:45 AM
Parent: #153

يا جماعه نادر خدر باللبسه دي اداني احساس انه كان ماشي الدكان يجيب فول, ضرب ليه عاصم قالي ليه تعال في تصوير, قام ركب اقرب ركشه و مشى ليه, ارحمنا ياخي, ما ممكن تطلع على قناة فضائيه كأنك بالبجامه

ناس نجوم الغد كتار و حشو بيهم البرنامج, و واضح كده انه دوهم حيكون زي الشيالين على جنب, لو كان لازم كان بس البنت الاولى ما عارفه اسمها لانه ادائها رائع.

فرفور بس ارحم اضنينا من الكواريك, و الله نحن بنحب صوتك لكن بس ما تصرخ

عاصم مبدع لكن شكله ما مركز او ملخوم

الحلقه و جميع الحلقات من زمان عباره عن ونسه حول عدة شاي, ما فيها اي نوع من البروفيشانليزم, كل واحد لابس لبسه ما ليها علاقه يعني ناس فل سوت و ناس كداره و ناس عراقي,عباره عن ناس بتتونس في حوش و راجين الشاي و اللقيمات لكن يبقى البرنامج افضل من غيره و ثري جدا و ان كان بدأ يكون ممل,

واصلوا و متابعين معاكم

Post: #157
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-23-2009, 07:01 AM
Parent: #155

نجوان كل سنه وانت طيبة وشكرا دعوتك للمشاركة
Quote: نادر بالزي العماني..

كلامك دا يا نجوان غير صحيح ، الزي الذي ظهر به تالاهون قسّسا ليس زيا عمانيا بل هو زي
المرحوم محمد متولي الشعراوي أثناء دروسه في المسجد .
يا ملاسي أدري أنك تدري أن عاصم هو لحمة البرنامج وسداته من حيث الإعداد والتنسيق والإتصالات
واختيار الأغنيات ومن يؤدها كمان ولولاه لما كان البرنامج سيما في السنتين الماضيتين.
Quote: عاصم البنا ،، 100% .. لكن تركيزه الشديد مع الاوركسترا قد يشوش على المتلقي أحياناً ..

يا حسام ، لو لم يقم عاصم بتوجيه الأوركسترا والمطربين لشهدت عملا قطيعيا غريبا، بالطبع 100% دي
كانت مستحقة سيما بعد الطلعه الجويه بتاعت السوخوي التي عرف بها والتي برزت في العرض الجوي
(لحظك الجراح) حيث قام بعمل بهلواني على ارتفاع 30000 قدم رغم أنه كان متخطيا سرعة الصوت.

ما زالت مشكلة الملابس قائمة لأنو ما ممكن ناس تجي بملابس سهرة وناس بملابس صلاة التراويح وفي كل مرة يثبت أن قنواتنا الفضائية تحتاج مهنيين في فن المكياج وملحقاته.

المحاكم الصوماليه يظل الجناح الأضعف في الفريق ، غايتو إلا يستعين بدعم اثيوبي في مواجهته حركة الشباب المجاهدين في كسمايو وبيداوا.
Quote: ويتفرج فيهو (فيليه)

دي رمضانيه قويه يا الزوول

داخل النص: معظم ما يعرض في الدعايات من أثاث لاعلاقة له بالذوق والأناقة لكنه ينسجم مع أسلوب التزيي السائد في البرنامج وديكور الأستوديو.

Post: #158
Title: Re: أغاني وأغاني.. للقدامى والمستجدين..
Author: حسن سنوسى
Date: 08-23-2009, 07:11 AM
Parent: #155

لاخت نجوان
معليش لانو مداخلة الامس نزلت مبتورة وفيما يلى المداخلة مكتملة

ضربة البداية كانت قوية من رماز ومنار والماكنتوش
ولو انو الماكنتوش كانت متوقعة انها تبدأ باعتبار انو دى من الاغانى الاشتهرت بيها وكدا
حبيبو كان خطير بالـ (على الله) وكان يبدو عليه انو متأثر بابعاده العام الماضى بالرغم من انو عمك برر ليهو وكدا
حبيبو ابدع فى الاغنيه وكأنو عايز يقول لينا: شنو ليكم؟ وطالما ان حب الناس مذاهب فانا بحب حبيبو ومحتفظ بى راى فى فردتنا..
جمال تميز بقميصو الجديد لزوم اول ظهور
بصراحة شديدة انا شاعر انو عم السر ما عندو جديد السنة دى
فى السنين الفاتت كنا بنستمتع بحكاويه لكن اظن ان مخزون الحكايا خلص؟؟
عصام.. مافى كلام.. لكن دا ما عصام

Post: #159
Title: Re: أغاني وأغاني.. للقدامى والمستجدين..
Author: Hussein Mallasi
Date: 08-23-2009, 07:34 AM
Parent: #158

Quote: لكن البرنامج فى عضمو فقد رونقه لانو فيه تكرار لنفس الكلام و نفس الاغانى
100%

Quote: يا ملاسي أدري أنك تدري أن عاصم هو لحمة البرنامج وسداته من حيث الإعداد والتنسيق
والإتصالات واختيار الأغنيات ومن يؤدها كمان ولولاه لما كان البرنامج سيما في السنتين الماضيتين.
وضح جلياً و منذ الموسم الثاني أن لعاصم أكثر مما لدى الآخرين؛
و دا بالضبط الخلى الزول يشعر بالتكويش وعدم العدالة في توزيع الفرص.

Post: #160
Title: Re: أغاني وأغاني.. للقدامى والمستجدين..
Author: نجوان
Date: 08-23-2009, 07:55 AM
Parent: #159

مرحب محمد المرتضى وحمدالله على السلامة..

Quote: يا حسام ، لو لم يقم عاصم بتوجيه الأوركسترا والمطربين لشهدت عملا قطيعيا غريبا،

_____
حسن سنوسي..
حبيبو ده بعرف لى غناه السودأثيوبي المهجّن داك..
معليش، غير كده ما في..
نادر ده فنّان حفلات وهجيج درجة اولى،
بس الغنا المتسلطن ما ليهو فيه..

_____
بخصوص الموضة، نتوقّع الكثير المثير الخطر..
ما عدا الذوق طبعا..

Post: #161
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-23-2009, 08:38 AM
Parent: #160

Quote: وضح جلياً و منذ الموسم الثاني أن لعاصم أكثر مما لدى الآخرين؛

You said it all

Post: #162
Title: Re: أغاني وأغاني.. للقدامى والمستجدين..
Author: عبدالله كع
Date: 08-23-2009, 08:43 AM
Parent: #160

صيام مقبول انشالله شباب
عاصم مايسترو المجموعه وضارب الفخفخينا
Quote: .. بدلة مقلمة وكبيرة شوية..

لا لا ........ عصام ر يعاني .... النحافه .. لكنه سمين في كل شي ..

كانت ضربة الباديه .. ويبدو الجاي تقيل !!

Post: #164
Title: Re: أغاني وأغاني.. للقدامى والمستجدين..
Author: خالد عبد الله محمود
Date: 08-23-2009, 09:24 AM
Parent: #162

نجوان
والله الحلقة كلها لو فيها المقطع الغنتو ريماز براهو كافي لنجاح الحلقة ..
الحلقة كانت جيدة عموماً و في تقديري إنو مستوي البرنامج سيكون أعلي من مستوي السنة الماضية خصوصاً إنو الإستديو ما مليان شديد زي السنة الفاتت ..
كنت أتمني عدم وجود نادر خضر و أضافة صوتين آخرين بدلاً عن أسرار و نادر لكن الله غالب ..
قرأت في صحيفة الحياة اللندنية أن برنامج أغاني و أغاني على شاشة النيل الأزرق فيه أكبر زمن إعلانات في البرامج الرمضانية لأن زمن الإعلانات يساوي بالضبط زمن الحلقة ( 30 دقيقة) و هذا لا يحدث في أكثر البرامج مشاهدة على مستوي العالم.

Post: #163
Title: Re: أغاني وأغاني.. للقدامى والمستجدين..
Author: بدر الدين الأمير
Date: 08-23-2009, 09:14 AM
Parent: #160

نجوان
كيفك ورمضان كريم
بالامس كنت لاول مرة اشاهد برنامج اغانى واغانى والانطباع
الذى طلعت به هو انى إستمتعت بكلام الشاعر السر قدور اكثر
من الاغانى .. والسر لمن يتكلم عن الحقيبة بكون بذهنية من
عايش وشارك وحين يؤرخ او يوثق بكون في كلامه ملاحظاته درر
ما كنت حا القى زول يفهمنى كثرة الثنائيات في تلك الفترة من
الحقيبة على انها من اثرة المدايح النبوية غير السرقدور وكنت
فاهم ان الحقبة فقط صاحبة الاثر والفضل على المدايح باعتبار ان
اغلب المدايح بنسمعها بالحان الحقيبة وبعدين يا اخونا السر قدور
استهل الحلقة بقبول عالى وتفهم لدور النقد واهميته واستشهد بمقولة
كمفيشوس وان نقد المغنى ومراقبته اهم من نقد من يضعوا القوانين لذا.
استغرب لكمية السخرية والتهكم عليه ومسميات زى (ابو كلام)والهنة التى
صاحبت المقدمة في اشارته للفنان شريف خالد مكى الفحيل على ان له علاقة
بالفن هى اشارة يقصد منها والد شريف الموسيقى الدارس عازف الاروغ المعروف
في الوسط الفنى خالد الفحيل كما ان اشراك نجوم الغد كانت لمحة ذكية بكون
بها جمع للبرنامج كل فئات المجتمع الجد والاب والحفيد .
بس الاعلانات والمعلن عنه تحسسك انك في سوق الخضار كل واحد بسوق لمنتجه بالصراخ ...

Post: #165
Title: Re: أغاني وأغاني.. للقدامى والمستجدين..
Author: Hussein Mallasi
Date: 08-23-2009, 09:29 AM
Parent: #163

Quote: بالامس كنت لاول مرة اشاهد برنامج اغانى واغانى
Quote: استغرب لكمية السخرية والتهكم عليه ومسميات زى (ابو كلام)

يشاهد لأول مرة و يستغرب
شوف ليك كم حلقة و اتنفخ و بعدين لو داير تستغرب استغرب.

Post: #176
Title: Re: أغاني وأغاني.. للقدامى والمستجدين..
Author: abubakr
Date: 08-23-2009, 04:24 PM
Parent: #155

Quote: عاصم مبدع لكن شكله ما مركز او ملخوم

ياعيني علي فردتنا هو يحعمل ايه واللا ايه مما اترقي vice chancellor واتحكر في الكرسي الوسطاني ؟؟ حيعدل الكرفتة واللا يعدل معلومات عامة واللا حياشر للفرقة الموسيقية واللا حيستحمل كوراك فرفور .. دة غلبان ...

Post: #166
Title: Re: أغاني وأغاني.. للقدامى والمستجدين..
Author: ليلى عز الدين
Date: 08-23-2009, 10:40 AM
Parent: #120

شكراً,

على إنزال الحلقات و إشراكنا فى متعة الإستماع و المشاهدة..

مجهود و الله يستحق التقدير..

على عفافك دوم .. و زدنى فى هجرانى

ريماز و السلم العالى .. من التجديدات

و حقيقة صوت جميل و أداء موزون على كل السلالم

لكن و برغم أن ثلاثتهن لهن أصوات من الممكن أن تكون عالية و ممتدة حد الطرب

إلا أن الأداء العام كان خافتاً و محبوساً لدرجة شرخ مزاج الطرب

فلِما النقص؟

و ثلاثتهن قادرات على الكمال ..

أما الكورس .. فللأسف

جوطة كما ذكر الشباب

الغصن الرطيب .. نادر خضر

و بغض النظر .. فهو مازال يشهد لنفسه بثبات الصوت و وضوح المخارج و إعتدال الزمن

الكورس أكتر نظاماً .. أما شغل الأورقن فهو الجائط

مع الإعتذار لموسيقى سعد على ما أعتقد لو كان شوفى صحيح على وندو اليوتيوب .. لأنه صاحب المسؤولية فى تلك الجوطة

فرور و بدر الحسن ..

كالعادة !!

جميل الصوت و راميهو فى البحر بالكواريك و الصراخ

و لسة الكورس و الأورقن فى تقصير

عصام محمد نور .. و هدوء معهود

غناها بطريقته الخاصة ..

لكنها لم تطربنى صراحة .. كانت جامدة و أداء واجب

Post: #167
Title: Re: أغاني وأغاني.. للقدامى والمستجدين..
Author: ليلى عز الدين
Date: 08-23-2009, 10:52 AM
Parent: #166

لحظك الجراح ..

أوافق فيها الكل .. و تستاهل مداخلة منفردة

عاصم البنا .. نافس على أرضه

فلا يوجد من بين كل المشاركين من يمكنه أن يجاريه فى أداء الحقيبة

بكل ألحانها

كان هاديء الأعصاب و مرتاح الأداء ما عدا فى آخر النمات

تفوق أيضاً فى ضبط التوزيع الذى شكم جموح الأورقن

لكنه لم يستطع فعل ذلك مع صوت فرفور الذى كاد أن يفسد متعة الإستماع بالإزعاج

الفرقة أدت أداء هاديء متكامل و جميل

الكورس لسة محتاج للكثير من البروفات

Post: #168
Title: Re: أغاني وأغاني.. للقدامى والمستجدين..
Author: ALZOLZATOO
Date: 08-23-2009, 10:58 AM
Parent: #166

نجوان

الحلقة رقم 1

نجوم الغد اكثر ابداع من نجوم الامس

صاحبكم الهندام بتاعوا مية المية ومفروض ياخد لقب مستر elegant

عصام محمد نور مبدع عديل كده

ارقدي عافية

زاتوووو

Post: #169
Title: Re: أغاني وأغاني.. للقدامى والمستجدين..
Author: Hussein Mallasi
Date: 08-23-2009, 11:09 AM
Parent: #168

الحمد لله أن أتى اليوم الذي لم يعد أحد يفرق فيه بين العلى الله و الزي العماني!

Post: #171
Title: Re: أغاني وأغاني.. للقدامى والمستجدين..
Author: بدر الدين الأمير
Date: 08-23-2009, 11:45 AM
Parent: #169

Quote: يشاهد لأول مرة و يستغرب
شوف ليك كم حلقة و اتنفخ و بعدين لو داير تستغرب استغرب.

تعرف ياملاسى
كان هناك امير للمؤمنين يخطب كل اسبوع في الرعية مرة سأل غلامة
ما رأيك فى خطبى فقال الغلام لقد اضحت مكررة فغضب امير المؤمنين
وردعلى الغلام بقوله انا كرر خطبى من اجل ان يفهمها الاغبياءامثالك
فرد الغلام بقوله ياسيدى في هذه الحالة الاذكياء بكونوا قد تمللوا وغادروا ...

Post: #170
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-23-2009, 11:37 AM
Parent: #168

أستاذنا العزيز محمد المرتضى

رمضان كريم و كل سنة و انت طيب ..

Quote: يا حسام ، لو لم يقم عاصم بتوجيه الأوركسترا والمطربين لشهدت عملا قطيعيا غريبا

أتفق معك في أنه كثيراً ما ينقذ الموقف ،، (كان ذلك واضح في نهاية أغنية لحظك الجراج التي سرح فيها فرفور و بدا كأنه لم يتمكن من انهاء الأغنية )

لكن ما زلت أرى أنه مصر على توجيه الفرقة في كل أغنية رغم وجود محمدية ، سعد الطيب ، اسماعيل عبد الجبار ،، القصاص ،، و مليجي ..

Post: #172
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-23-2009, 12:17 PM
Parent: #170

Quote: لكن ما زلت أرى أنه مصر على توجيه الفرقة في كل أغنية رغم وجود محمدية ، سعد الطيب ،
اسماعيل عبد الجبار ،، القصاص ،، و مليجي ..

وعشان كده يا حسام فريق زي البرشا فيهو ميسي وزافي وبويول و أنييستا وإيتو بيجيبو ليهو ناس ريكارد وجارديولا.
الفريق اللي فيهو فطاحلة يتميزون بمهارات فردية عالية لابد له من مايسترو ينسق تلك المهارات
ليعطي ناتجا إيجابيا ومحصلة تجاور الكمال ، لذا تجد عاصما يهتم بالتنسيق بين العازفين وغيرهم
من المؤدين على اختلاف مشاربهم ومعرفتهم وخبراتهم فكان كواسطة العقد ولولاه لانفرطت المسبحة
وكان زميله ملك الصياح طفش علينا البراعم وزنابق الحقول.. وسيدني بوتيه زاتو.
تسلم يا العزيز.

Post: #174
Title: Re: أغاني وأغاني.. للقدامى والمستجدين..
Author: mamkouna
Date: 08-23-2009, 01:42 PM
Parent: #172

Quote: الحلقه و جميع الحلقات من زمان عباره عن ونسه حول عدة شاي, ما فيها اي نوع من البروفيشانليزم, كل واحد لابس لبسه ما ليها علاقه يعني ناس فل سوت و ناس كداره و ناس عراقي,عباره عن ناس بتتونس في حوش و راجين الشاي و اللقيمات

شكراً يا دانية..كفٌيتي و وٌفيتي..
دا إسمو تلفزيون الواقع..Reality TV ...
واقعنا اليومي - على كافة الأصعدة - ما ياهو نفس الجوبيك !!؟؟؟

Post: #177
Title: Re: أغاني وأغاني.. للقدامى والمستجدين..
Author: Dania Elmaki
Date: 08-23-2009, 05:08 PM
Parent: #174

ممكونه صراحه البرنامج كان ممكن يكون توثيقي بصوره ممتازه و بروفيشنال لان السر قدور عارف هو بتكلم عن شنو و موؤرخ رائع, بس لو كانوا طلعوا من حكاية الونسه و مديد الكرعين و الرقاد في الكنبه بتاع فرفور و و نادر خدر اللي ما فضل ليه الا بقلع السفنجه و يرفع كرعينه في التربيزه, لاحظوا البرامج اللي بيقدموها الناس في تلفزيوزنات عربيه و اجنبيه ثانيه, قمة الاناقه و البودي لانقويش و القيسشر يعني الواحد بيقعد بطريقه معينه و بيكون عامل حساب الكاميرا تلقط اي حاجه, الا انحناعندنا ما دام بقدم حاجه كويسه ما مشكله لو قدمتها و انا راقد, زي بالضبط لمن تلقي زول في انترفيو بتاع وظيفه, لابس قميص كاروهات و شبط, و مكفكف اكمام القميص, رغم انه بيكون كفائه لكن مظهره بتخلي لجنة الاختيار تركز على زول لبناني و لا مصري عشان حتى لو معاه شهاده ابتدائيه بيكون لابس اللي على الحبل, نفس الشئ البرامج بتاعتنا ثريه و غنيه لكن المظهر

Post: #178
Title: Re: أغاني وأغاني.. للقدامى والمستجدين..
Author: حسن سنوسى
Date: 08-23-2009, 06:03 PM
Parent: #177

يا اخوانا موضوع الدعايات دا حقو ما تزعلو منو
لانو بالواضح كدا شكلو هم مشترين البرنامج دا وبالطبع عمك قابض وطبعاً حكاية الدعايات دى بزنس وكدا
وما استبعد انو اللوبى بتاع الدعايات دا هو الفارض علينا الرباعى وهو العزل اولاد بابكر صديق
والمغالطنى فى فكرتى دى ادعوه لمشاهدة مسلسل نو الشريف الجديد (ما تخافوش) ويا دابك الحلقة التانية
خلونى انطرب مع ابو الزيق ولى عودة
حركة القفلة العملا عصام دى لاغنية جميل ما سألناه دى ما كان فى ليها داعى
لانو معاك ابو الزيق يا عصام

Post: #179
Title: Re: أغاني وأغاني.. للقدامى والمستجدين..
Author: فيصل نوبي
Date: 08-23-2009, 06:18 PM
Parent: #178

سلام للجميع ..

ظهر أبوالكلام بالبدلة موديل 60 و نفس الكرافتة و القميص بتاع أمس
شكلهم الحلقتين إتسجلو في يوم واحد و لا أبوالكلام كسل ما بدل القميص و الكرفتة !!

في حلقة إحتفائية بالفنان زيدان إبراهيم
ضاع اللحن في أغنية (في بعدكـ يا غالي) ما بين نادر و زيدان..
بينما
أبدع عصام محمد نور في أغنية (هانت الأيام عليكـ)
حيث غني بعفوية و دون تكلف مما جعله يبدو منافسا لزيدان نفسه ..
نكاد لا نفرز من يغني و من يساعد ...

_
عصام محمد نور قمة الأناقة اليوم.
بدلة زيدان برغم من أنها جميلة لا تتماشي مع عمره و شكله..

Post: #180
Title: Re: أغاني وأغاني.. للقدامى والمستجدين..
Author: ودالعباسية
Date: 08-23-2009, 06:19 PM
Parent: #178

سممممممممممممممع هسسسسسسسسسسسسسسسسسسسسسسسسسسسسسسسس الليلة

فى حضرة العندليب زيدان ابراهيم ،،،

Post: #181
Title: Re: أغاني وأغاني.. للقدامى والمستجدين..
Author: فتحي الصديق
Date: 08-23-2009, 06:24 PM
Parent: #178

حضور ...متأخر
كل سنة وانتو طيبين .

Post: #182
Title: Re: أغاني وأغاني.. للقدامى والمستجدين..
Author: حسن سنوسى
Date: 08-23-2009, 06:42 PM
Parent: #181

حبيبو خطيييييير بالابيض واخطر عندما شكل ثتائى رهيب مع ابو الزيق
وأدى بابداع
والاخطر تقديمتو الرائعة فى حق ابو الزيق
فردتكم سقط فى امتحان ابو الزيق وكذلك عصام
والكهربة قطعت لينا فى الفاصل الثاتى
اولاد بابكر صديق راجين عمك لانو اخرهم كتير وخصوصاً الماكنتوش (والتعبير الجميل دا حق الزووولزاتوو)
عموماً الواضح كدا زي ما قلت فى مداخلتى امس انو مخزون عمك من الحكاوى انتهى
الراجل بوزع فى اغنيات زيدان بدون اى حكاوى عن تجربة زيدان الرائدة
طيب ما كان احسن لينا شيبة الحمد فى (اغنيات من البرامج) على الاقل بكلمنا عن شاعر الاغنية واللحن و..
غايتو الجميل الى جانب زيدان ديكور الاستديو وخصوصاً مصباح رمضان
ابو الزيق لكن مااااااااااا ابداع

Post: #183
Title: Re: أغاني وأغاني.. للقدامى والمستجدين..
Author: ودالعباسية
Date: 08-23-2009, 06:47 PM
Parent: #181

Quote: بدلة زيدان برغم من أنها جميلة لا تتماشي مع عمره و شكله..

يا راجل قول كلام غير دا ،،،

صراحة حلقة رائعة بمعنى الكلمة ،،

والولد ودالفحيل ابدع مع العندليب ،،

وثبت بما لا يدع مجال للشك انه العندليب لسه بخير وقوة فى الصوت ربنا يديه العافية

فرقة موسيقية ممتازة ،،اداء جميل ،،باين عليهم برفو كويس ،،

10 على 10 اليوم ،،، هسى يجوك يقولو ليك متحيز ،،،

اي نعم ،،، متحيييييييييييييز ،،،

Post: #185
Title: Re: أغاني وأغاني.. للقدامى والمستجدين..
Author: abubakr
Date: 08-23-2009, 06:53 PM
Parent: #183

Quote: اي نعم ،،، متحيييييييييييييز ،،،

انت في دي التحيز ذاتو....
هو البرنامج كان كيف الليلة ؟؟
حصل شنو ؟
منو الغنا ؟.

---
حاشية: انا خارج الفورمة لاسباب تتعلق باعمار الديناصورات .. اها لا شفت لا سمعت وجيت مار ساااي .. ايه النحس دة دة ...
الحقم يالزوول ووداعة هسع مش بكرة

Post: #184
Title: Re: أغاني وأغاني.. للقدامى والمستجدين..
Author: نجوان
Date: 08-23-2009, 06:51 PM
Parent: #181

يا ربّي متّ وودوني الجنّة؟؟

يا ســـــــــــلامّّّ!!

إفتتح العندليب زيدان جلسة النغم بـ "جميل ما سألناه"
والجميع يستمعون والسحر والإعجاب في عيونهم..

والله حلقة ذهبية بمعنى الكلمة..

ذكر السر قدور ان زيدان ظهر في فترة منافسة قوية (او غابة كما اسماها)
حيث الوسط الموسيقي كان يعّج بالعمالقة من الفنانين.. الكل يجاهد لمساحة تحت دائرة الضوء
شبّه زيدان بطيّار بطائرته في الجو.. يريد الهبوط.. "وبيقولوا ليه مافي مكان" لطائرتك..
فظل يدور في الجو بإصرار الى ان هبط.. واثبت انه كابتن..
كابتن ساكت!!

_______
نجح الشاب شريف في الامتحان في ديتو رائع مع زيدن "في الليلة" ديك..
وبعد ده مفروض يرّقوه من الكنبة والى كرسي وثير..

Post: #186
Title: Re: أغاني وأغاني.. للقدامى والمستجدين..
Author: نجوان
Date: 08-23-2009, 07:00 PM
Parent: #184

مقدمة نادر فعلا يا حسن سنوسي كانت صادقة ومؤثرة جدا..

قال نادر انه كان لزيدان اصدقاء من معلميه في مدرسة بيت الأمانة
وحين كان زيدان يزور اصحابه بالمدرسة.. كانت هناك حالة توتر "وهيستيريا"
من مدرستهم وبيت الأمانة بنات جيرانهم..
الشارع كله بجوط..

ودكر ان الجمعية الأدبية كانت لا تخلو أبدا من أغنيات زيدان..

_____
غفرنا ليك يا نادر الليلة ما تقدم من ذنبك وما تأخر..

Post: #187
Title: Re: أغاني وأغاني.. للقدامى والمستجدين..
Author: ودالعباسية
Date: 08-23-2009, 07:02 PM
Parent: #184

Quote: والله حلقة ذهبية بمعنى الكلمة..

نجوان ،،ينصر دينك ياخ ،،

يا خال ،، غايتو الليلة دقسته دقسه ،، الا تحضر الاعادة بالليل ،،

وفعلا نادر ما قصر فى كلمتة قبل الاغنية فى حق العندليب ،،،

كنت اتمنى انه الحلقات مع الفنانيين الكبار تكون حلقتين وراء بعض ،،

ولكن الحمدالله ،،،

Post: #189
Title: Re: أغاني وأغاني.. للقدامى والمستجدين..
Author: نجوان
Date: 08-23-2009, 07:16 PM
Parent: #187

فعلا يا نوبي عصام غنّى جميل.. الكل كان أداؤهم رائع حقيقة..
بس فردتنا الليلة ضاع في الرجلين.. معليش ما ممكن يقبض الجو كل يوم..
غنا زيدان يبدو انه لا ينسجم تماما مع الصوت البدوي رغم جماله وتمكنه..

______
والله يا ود العباسية تمنّيت ان يكون باقي الشهر في أغاني مع زيدان..
عندنا لســــــتة طويلة من الطلبات..
على قولك ..حامدين شاكرين..

______
فرفور أبلي بلاء حسنا.. واخد حصة عملية مجانا..
المقامات العالية عند زيدان شلالات من حرير..
وليس ضرسة ودشدشة صحون وملاعق وسكاكين..

Post: #190
Title: Re: أغاني وأغاني.. للقدامى والمستجدين..
Author: abubakr
Date: 08-23-2009, 07:21 PM
Parent: #187

Quote: ، الا تحضر الاعادة بالليل ،،

اها في دي انت بس البتساعدني اصلو حكاية اخر الليل دي انت بتقدر عليها .. اها مستعد طالما فيها زيدان بس قوللي الساعة كم ؟

Post: #188
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-23-2009, 07:11 PM
Parent: #181

ياغالين
بصراحة الليله استمتعنا ومافي اي كلام
إلا عدم توافق او تطابق صوت ود البنا مع ابو الزيق
يعني لو كان حنكة الغناء باللبس (بدلة اللون البترولي ) كان نجح ود البنا
في مجاراة زيدان.زيدان من الاصوات الحنينه ومليئه بالشجن
اثبت ود البنا من اصوات واغاني العرضة والسيرة فقط .
واليوم ذكرنا حنة زواج جمال فرفور في منزله العامر .
نادر خضر
فعلا من الاصوات النادره وارتفع اليوم من الوسط الى القمة
لان في يوم من الايام اشاد بهم العندليب الاسمرهو وفرفور عندما كانوا يتغنون له
ياجماعة نادر راقي حديث يعني ده لو كان صاحبنا جمال الليلة كان ردم.
عصام محمد نور
اليوم وجد نفسة وابدع ويمتعك بأغاني الغير وكأنها له
عفارم عليك ياود محمد نور ياخي يكفي انك من اولاد مدني مدرسة الغناء
فرفور
الليله جمال شفنا علو كعبة وارتفع اداءه وعمل تسليم وتسلم بطريقه جميلة مع ابو الزيق
واليوم ذكرنا عندما كان يغني الى ابو الزيق قبل 15 عام في الجلسات
وبالزات الجلسة التي جمعتنا بمنزلهم مع ود البنا(عاصم ) وفنان الصبابي ميرغني رحمة الله علية
قدور
ابدا مافيك كلام حتى ولو جيت لابس اي حاجة والطرائف في يوم من الايام
الجماعة سألوا الفنان (خضر بشير ) ياابو خضرة ليه فنلتك وسخانة
فرد انتو عايزين فني ولا فنلتي ( وقدور فنان )
ود نجوم الغد
نسأل الله له التوفيق في مسيرة حياتة الفنية

سلام .. سلام

Post: #191
Title: Re: أغاني وأغاني.. للقدامى والمستجدين..
Author: نجوان
Date: 08-23-2009, 07:22 PM
Parent: #188

شكرا يا وليد على التحليل الوافي..
وباقي يجو ناس الصوت والصورة عشان ناس دانية يعوّضوا لأمبارح..

ــــــ
دي دقسة الشاطر يا باش!
جلسة ما منظور مثيلها.. في رجا المختصين..

Post: #193
Title: Re: أغاني وأغاني.. للقدامى والمستجدين..
Author: abubakr
Date: 08-23-2009, 07:37 PM
Parent: #191

Quote: دي دقسة الشاطر يا باش!

كان شاطر ما عارف ؟؟ يعني الواحد يستحمل عذابات القناة الدعائية دي عشان البرنامج دة ووتفوت عليهو حلقة زي دي ؟؟؟

هذه القناة تتفنن في الخزعبلات والاخراج الدعائي الممل والبائس .. والخلط بين مقدمي الدعاية والاخبار من العامليين لديها ..معروف ان تكون هناك قنوات دعائية وهي كثيرة تتخصص في انتاج شركات من مواد مختلفة ولا تقوم بخلط الاخبار والاغاني والحوارات والمسلسلات بهذه الصورة البائسة ...مامعني برنامج عن اسبيرات وادي الجندي او اثاثات الفائز او ابوالفاضل وتقوم مذيعات القناة بتقديم واجراء حوارات مع مديري والعامليين في هذه الشركات ..البؤس الاعلامي ادارة واخراجا وانتاجا هو الذي يميز هذه القناة .. ونصبر بس عشان برنامج واحد او اغنية علي اسقاطات هذه القناة..

Post: #195
Title: Re: أغاني وأغاني.. للقدامى والمستجدين..
Author: نجوان
Date: 08-23-2009, 07:43 PM
Parent: #193

كلامك صحيح يا باش..
بس ركّز على نظرية الزوول بتاعة الفيليه..
وخلّي الشوك والعضام والقشر والتفل.. والأثاث وبوهية الشييروق!

Post: #197
Title: Re: أغاني وأغاني.. للقدامى والمستجدين..
Author: abubakr
Date: 08-23-2009, 07:50 PM
Parent: #195

Quote: بس ركّز على نظرية الزوول بتاعة الفيليه..

بس الفيلية دة الواحد يلحقو بعدما جاهو تلبك في المعدة وغشاوة في العين وطمام من الملاح اولارديحي البايت وما مطبوخ كويس او جلافيض ساي ...اها ننتظر الزوول يجيب لينا حتة فيلية تاني يوم في سندوتش وخلاص

Post: #192
Title: Re: أغاني وأغاني.. للقدامى والمستجدين..
Author: Rawia
Date: 08-23-2009, 07:28 PM
Parent: #177

أولا وقبل كل شي
I do Zeidan

___________________
أقول ياريت حبيبي لو في الطيف يزور

Post: #194
Title: Re: أغاني وأغاني.. للقدامى والمستجدين..
Author: نجوان
Date: 08-23-2009, 07:39 PM
Parent: #166

مرجب بعودتك أخ خالد.. وتحليل تمام
فعلا ريماز كانت رائعة..

______
ود الأمير كيفك وكل سنة وانت طيب..
كلامك صحيح.. يتحدّث السر قدور حديث العارف.. ومن شارع الذكريات القريبة الى قلبه..
وهو لم يتحدّث في الحلقة الأولى بعد كما هو معروف عنه في هذا البرنامج.. لسه بيسخّن..

______
ليلى عز الدين شكرا على المرور والمساهمة
ومرحب بيك اضافة قوية للمجموعة..

______
يا مراحب فتحي الصديق..

Post: #196
Title: Re: أغاني وأغاني.. للقدامى والمستجدين..
Author: نجوان
Date: 08-23-2009, 07:49 PM
Parent: #194

راوية..
take a number يا بنيّة..

______
بعد ده البرنامج لا يحتمل الرجوع للخلف..

Post: #198
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-23-2009, 08:15 PM
Parent: #196

______
بعد ده البرنامج لا يحتمل الرجوع للخلف..

فعلا يا ابوالناء (نجوان)

وفيها ايه لما إنسان بعزك لما يحفظ ليك صورة
فيها قامتك وابتسامتك وسحر عينيك الخجوله
وفيها ايه لو معتز قريش بدل مايفتح بوست مماثل
وكان يجينا بهنا ويزيد لينا الفرحة والابداع .
ــــ

لكن يا ابو الما(معتز قريش ) عملتها ظاهره

سلام.. سلام

Post: #201
Title: Re: أغاني وأغاني.. للقدامى والمستجدين..
Author: الزوول
Date: 08-23-2009, 08:36 PM
Parent: #198

...

Quote: وفيها ايه لو معتز قريش بدل مايفتح بوست مماثل
وكان يجينا بهنا ويزيد لينا الفرحة والابداع .
ــــ

لكن يا ابو الما(معتز قريش ) عملتها ظاهره

...

من شابه أباه ..ما ظلم

السودانيين ديل

تفتح مغلق يفتحوا مغلق

تفتح محل اتصالات يفتحوا محل اتصالات

تفتح دكان تركيب عطور يفتحوا دكان تركيب عطور

تفتح بوست ... يفتحوا بوست

....

Post: #199
Title: Re: أغاني وأغاني.. للقدامى والمستجدين..
Author: بدر الدين الأمير
Date: 08-23-2009, 08:17 PM
Parent: #196

Quote: نجح الشاب شريف في الامتحان في ديتو رائع مع زيدن "في الليلة" ديك..

نجوان
الليلة (وفي الليلة ديك) وعلى قول اخونا السنى دفع الله( منو الفينا الماعندو في الليلة ديك)
شريف الفحيل الوحيد العرف يغنى بثبات وتطريب مع زيدان وشريف من اسرة جديرة بان توصف
باسرة فنية والده عازف ودارس للموسيقى شقيقه عازف اعمامه عمر وابوبكر بغنو بعزفو شريف ود وز ...

Post: #200
Title: Re: أغاني وأغاني.. للقدامى والمستجدين..
Author: abubakr
Date: 08-23-2009, 08:34 PM
Parent: #199

نجوان .. اعادة الحلقة الساعة كم ؟؟ لانو ما ممكن اعاين للقناة القلت فيها وجهة نظري اعلاه لحدما الم في الاعادة ...والا حاحرد !!!!!! (الحق يالزوول)

Post: #202
Title: Re: أغاني وأغاني.. للقدامى والمستجدين..
Author: نجوان
Date: 08-23-2009, 08:36 PM
Parent: #199

يا وليد .. ماشفت بوست ود القربش والله..
بس على قول الأغنية.. نحن الأصل والباقين فرع..
وأهو مديرو زاتو ما سجّل حضور عنده..

(لا حقيقي.. ربنا يكتر النغم والجمال في المنبر
ومعتز له أجر نشره)

_______
شريف ده يا ود الأمير صوته جميل وبيغني برواقة.. ما مستعجل..
الجينات قوية..

Post: #203
Title: Re: أغاني وأغاني.. للقدامى والمستجدين..
Author: نجوان
Date: 08-23-2009, 08:41 PM
Parent: #202

اعتقد يا باش الحلقة زمان كانت اعادتها الساعة 2 صباحا بتوقيت الخرطوم
بس الأكيدة بتكون عند المواكبين..

Post: #204
Title: Re: أغاني وأغاني.. للقدامى والمستجدين..
Author: abubakr
Date: 08-23-2009, 08:51 PM
Parent: #203

Quote: شريف ده يا ود الأمير صوته جميل وبيغني برواقة.. ما مستعجل..

الشاب دة بيبتسم للغنا وبيرحب بيهو ويفتح شهية الاغنية وبعد دة الاغنية بتصاحبو والاتنين بيبقو اصحاب اتيم زي ما بقولو ...

Post: #205
Title: Re: أغاني وأغاني.. للقدامى والمستجدين..
Author: الزوول
Date: 08-23-2009, 09:00 PM
Parent: #203

السلام عليكم
......

Quote: إفتتح العندليب زيدان جلسة النغم بـ "جميل ما سألناه"
والجميع يستمعون والسحر والإعجاب في عيونهم..

....

http://www.youtube.com/watch?v=-tauo5ywzoE

....

Post: #231
Title: Re: أغاني وأغاني.. للقدامى والمستجدين..
Author: ليلى عز الدين
Date: 08-24-2009, 05:09 AM
Parent: #205

يا سلاااااام ..

على زيدان و صوت زيدان و هدوء زيدان

حبيب الشعب .. و مدرسة الشعب الفنية

لاا كورس و لاا فلسفة أورقن ..

و عالى الطرب

Post: #206
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-23-2009, 09:22 PM
Parent: #199

الســــــــــــــــــاحق المـــــــــــــــــــــــــــاحق زيدان..
فنان ومطرب ومغني نعشقه في كل حالاته ولانستثني موسما في ريدتنا ليهو،
الحلقه كانت نهائي مبكر كما يقولون،
عندما استهل الأداء اليشبه (شلالات حرير نجوان البتبالغ) عرف الجميع
أن الإنصات والتمتع بالدهشة هو الخيار الأوحد ، جميل ما سألناه ، عرف
الجميع كيف يكون الغنا الماخمج ونجح المخرج في التقاط تعابير الوجوه
ليشهد الجميع نتائج ترتيل ما تيسر من سورة البهار وكأنه كان يقول للحضور
: ألعبوا تاني .
أبدع قدور في تشبيه زيدان بقبطان طائرة ينتظر الهبوط والممرات تزدحم بالعماليق
من أمثال الكونكورد أبوعفان والجمبو أحمد المصطفى والسي ون ثيرتي سيد خليفه
ولكنه نجح بهبوط ناعم غير آبه ببرج المراقبة وهو يقود إيربص إيه 380 من تولوز
مباشرة إلى جي إف كيه فصفقت الجماهير في تيرمنال المحبة والشجن وما برحت.
والله الليله يا ودالعباسيه ماعندنا كلام تب، ياخ في الليله ديك لما ظهرت كنا نتهجى
الحروف الأولى في كتاب الهوى وقاموس الريده المقدس يوم برزت توأما ل (بخاف)
وصدر مرسوم جمهوري غير معلن يحظر التجول والتزمت قوى الشعب العامل العاشق منصتة
لنبض ووجيب الفؤاد وأصبحت تؤرخ لتلك الحقبة ب الليه ديك.
إتصل بي عضو عاشق بالمنبر وصوته يتهدج عندما غنى العندليب (في بعدك يا غالي أضناني الألم )
يحاول أن يشرح مابه حتى أحسست بأن الله تقبل صومه لهذا اليوم بغسل من سلسبيل ينبع بين
الحنين والأنين، حنين لأيام الجمال الأخضر وأنين من لحون كأرخبيل يشاطئ الفردوس .
الليله عاد يا ودالعباسية اقدل وسكِّت الخشامه .
اللهم الطف بنا وابق على باب الريده غير منسد.
باكر بيعود القاش.

آمين.

Post: #207
Title: Re: أغاني وأغاني.. للقدامى والمستجدين..
Author: الزوول
Date: 08-23-2009, 09:34 PM
Parent: #206

السلام عليكم
......
قالت نجوان

Quote: بس فردتنا الليلة ضاع في الرجلين.. معليش ما ممكن يقبض الجو كل يوم..
غنا زيدان يبدو انه لا ينسجم تماما مع الصوت البدوي رغم جماله وتمكنه..

وقال وليد عبد اللطيف

Quote: بصراحة الليله استمتعنا ومافي اي كلام
إلا عدم توافق او تطابق صوت ود البنا مع ابو الزيق
يعني لو كان حنكة الغناء باللبس (بدلة اللون البترولي ) كان نجح ود البنا
في مجاراة زيدان.زيدان من الاصوات الحنينه ومليئه بالشجن
اثبت ود البنا من اصوات واغاني العرضة والسيرة فقط .

....

http://www.youtube.com/watch?v=SJNuDO6cSlE

....

Post: #232
Title: Re: أغاني وأغاني.. للقدامى والمستجدين..
Author: ليلى عز الدين
Date: 08-24-2009, 05:11 AM
Parent: #207

إيه أسباب جفااك ..

الفرقة تجلت ..

عاصم البنا .. تحفظ مخلوط بتردد

و فرفور أضااااااع فرصة نادرة للكواريك

لأنها من الأغنيات اللى بتتحمل

Post: #208
Title: Re: أغاني وأغاني.. للقدامى والمستجدين..
Author: mohmmed said ahmed
Date: 08-23-2009, 09:35 PM
Parent: #206

نسمتان فى الحلقة

اداء شريف

وحديث نادرعن زيدان ممتلىء امتنان ومحبة

زيدان بيغنى افضل من الجميع

Post: #209
Title: Re: أغاني وأغاني.. للقدامى والمستجدين..
Author: نجوان
Date: 08-23-2009, 09:42 PM
Parent: #206

محمد المرتضى..

وختمت ليلة الجمال بتحليل مدهش حقيقة..
زيدان أبدع والكمنجات تتابع أنفاسه..
ألف شكر..

_____
لم يفرّط زيدان في اي اغنية..
وكل منها قلعة من مشاعر وأحاسيس ..
كملاك حارس لكنوز المحبة، غنّّى كلمة بالكلمة مع الشباب..

Post: #210
Title: Re: أغاني وأغاني.. للقدامى والمستجدين..
Author: نجوان
Date: 08-23-2009, 09:46 PM
Parent: #209

شكرا يا الزوول..

لربط الكلمة بالنغم..
ما نعدمك..

Post: #211
Title: Re: أغاني وأغاني.. للقدامى والمستجدين..
Author: abubakr
Date: 08-23-2009, 10:17 PM
Parent: #210

من اهم مميزات حلقه الامس (هسع بعد الواحدة صباح الاثنين) هو انني وفي انتظار الاعادة حيث لم اتمكن من المتابعة الفورية اشاهد الان قريباتي البلابل في برنامج " ناس " .. واهم حاجة انهن غنن اغنية نوبية اجمل من اي اغنية بالعربي سابقة ولاحقة ( ما فينا من زعل فانا متحييييز زي ودالعباسية )....

Post: #238
Title: Re: أغاني وأغاني.. للقدامى والمستجدين..
Author: Manar Mahsoub
Date: 08-24-2009, 06:12 AM
Parent: #199

زيدان .... يا سلام يا فنان حقيقة كنت اتمنى ان يعملو كمية من الحلقات لزيدان ..... زيدان كان حريص على عدم تعرض اغنياته لاى بشتنه او صرخة طايرة تبوظ اغنيتو ( و لو انو فرفور حاول مرات كثيرة الصراخ بس زيدان بذكائه الفنى المعروف قدر يتحكم تمام) ...عاصم البنا نعم صوته جميل لكن حقب الاغنية شديد ...لامن الواحد شعر انو زيدان بطنو زى طمت كده و قال جوه نفسو هووووووى احسن ابقى عشرة على الاغنية ..... بس صراحة متعة ما بعدها متعة.... الله يديك العافية يا زيدان يا فنان الزمن الجميل و الزمن الاغبر..... لكن غايتو الواحد يوميا بيرفع راسو لامن يحس بوجع رقبة .......ارفع راسك و ارفع راسك .... غايتو لحدما رمضان يخلص الا نجبص الرقبة

Post: #244
Title: Re: أغاني وأغاني.. للقدامى والمستجدين..
Author: عبدالله كع
Date: 08-24-2009, 08:36 AM
Parent: #199

كلكم السلام عليكم

شريف الفحيل .. خلاني احضر الاعاده زااااااااااااااااااااااته وفي قمة المتعه

في الليله ( ديك )
طبعا ((((( في الليله ديل )))) زي الليل
وزيدان برضو زي الليل
.وشريف ماشاءالله عليه كمان زي الليل
عاصم مهتمي بالعازفين ـ شـــــــــــــديد
نادر اصلي انا لا بريدو ولا بحب صوتو البطلعو من وين ما عارف !
جمال : جاني احساس انو في شي بينو بين زيدان !! .. ما داير يغني ليهو ( اتوقع في جنجال )
البنيات : !!!!!!!!!!!

و ياريت لو الشباب قعدو واستمعو ساااااااكت
وعصام محمد نور ........... الزول ده مجنون عدييييييييييييييييل
ـــــــــــــــــــ حاشيه ــــــــــــــــــــ
جنجال : شكلة ديوك

Post: #245
Title: Re: أغاني وأغاني.. للقدامى والمستجدين..
Author: حسن إبراهيم خليفة
Date: 08-24-2009, 09:52 AM
Parent: #199

الحلقة كانت رهيبة وإبداع بمعنى الكلمة ... في حضرة أبو الزيك.

عاصم البنا لم يكن متناغما في الأغنية مع زيدان.

نادر خضر عجبتني الكلمة المؤثرة التي قالها في حق الاستاذ/ زيدان.

ود الفحيل كان رائع جدا جدا وكنت بتمنى إنه زيدان يتيح ليهو الفرصة أن يكمل الأغنية لوحده.

عصام كالعادة متألق دوما وحلقة أمس كان فيها أناقة وصوت ( حاجة تمام).

فرفور كان أداءه للأغنية جميل جدا وخلق تجانس طيب مع زيدان.

المؤسف عمنا السر قدور ما تكلم عن الأغاني بتاعت زيدان ولم يسأل زيدان عن مناسبتها، بالنسبة لينا

الشعراء والملحنين كانوا معروفين ، كنا نتمنى أن يتحدث عن زيدان أكثر وعن بداياته والشعراء

والملحنين والفنانين الذين وقفوا معه في بدايه طريقه، ولكن !!!!!

الحلقة في مجملها كانت جميلة بأغاني زيدان الممتعة.

لكن بيني وبينكم الله يستر ود عمي منتصر من فصاحة لسانكم دي.

يا نجوان الله يستر علي منتصر من الشايفنو ده..

تقبلوا تحياتي

Post: #212
Title: Re: أغاني وأغاني.. للقدامى والمستجدين..
Author: Manal Mohamed Ali
Date: 08-23-2009, 10:21 PM
Parent: #99

سلام يا شباب
وكل سنة وانتم طيبين

لو عندكم تسجيل لا اغنية
عيوني عيونك اسباب لوعتي
ممكن تنزلوها لي
الموجوده في اليوتيوب مسجلة ناقصة

عليكم الله يعني

Post: #213
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-23-2009, 11:45 PM
Parent: #212

سلامات و تحايا على الجميع ..

الآن تبدأ الإعادة ..

و نعود ..

Post: #214
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-24-2009, 00:01 AM
Parent: #213

جميلٌ ما سألناهُ و لكنا هويناهُ ..

يا سلام يا زيزو ..

أجمل حبيب للروح ..

عاصم البنا ،،أداء جيد ..لكنه لم يستطع الانسجام مع زيدان أو العكس ..

Post: #215
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-24-2009, 00:26 AM
Parent: #214

نادر خضر،، إبداع و احساس عالي ..

عصام محمد نور،، مافي كلام ..

شريف الفحيل ،، نجح في الامتحان رغم ظهور بعض الارتباك و الحذر ،، لكن له العذر كونه يغني مع زيدان و صعوبة أغنية "في الليلة ديك" ..

فرفور ،، في رمشة عين ،، أداء جميل جداً ..

.
.

Post: #216
Title: Re: أغاني وأغاني.. للقدامى والمستجدين..
Author: النورس الحزين
Date: 08-24-2009, 00:42 AM
Parent: #215

رواد البوست الكرام
رمضان كريم و سعيدين بمتابعة البرنامج و متابعة تعليقاتكم

لدي ملاحظة بسيطة و هي أن شكل البرنامج و تغييره باستضافة فنان و إستعراض مسيرته قد يكون بمثابة الماء الذي يبطل التيمم ..إذا كان الهدف الاحتفاء بالفنان و أعماله فما الداعي لقيام البعض بمشاركته في الغناء بما يحدثه ذلك من خلل يخرج العمل بصورة مجوبكة لا أدري ماهو الغرض منها ..هنالك خلل أفقدني الاستمتاع ..فإما ترك المغني يغني و لا حاجة لهذا الجيش أو ترك الامر للمغنيين و تكون مداخلة الفنان في هامش ضيق ... او تبادل الكوبليهات ...مسألة الدويتو دي دايرة تدريب و تحضير جيد
خير مثال علي ذلك نجاح جمال فرفور في اداء في رمشة عين

Post: #217
Title: Re: أغاني وأغاني.. للقدامى والمستجدين..
Author: mamkouna
Date: 08-24-2009, 00:57 AM
Parent: #214

ما اُحيلاكَ يا زيدان...
( أجمل حبيب للروح ) ( في بعدك يا غالي ) ( كم طوٌلنا كم )...
( هانت الأيام عليك و لا هُنتَ عليك أنا ) ..
( لا هان عليا أرضى و أسامحك و لا هان عليا أعتب عليك )..
( ضيعت شبابي احلم بي قربك ) ( في غمضة عين بعدوك يا حبيبي ) ...

عدٌت و راحت كم سنة !!!؟؟؟؟؟؟؟
.........
فرحتي و سعادتي و هستيريتي اليوم لا تعادلها إلا فرحة بيت الامانة بنات !

Post: #218
Title: Re: أغاني وأغاني.. للقدامى والمستجدين..
Author: ودالعباسية
Date: 08-24-2009, 01:11 AM
Parent: #217

الانبساطة 1000 الليلة

Post: #220
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-24-2009, 01:21 AM
Parent: #218

عباسية وممكونة

التحايا النواضر وبركة الانبسطوا وربنا يخلي ابو الزييييك
ونخليكم مع الفديوهات

زيدان و جميل ما سالناه

http://www.youtube.com/watch?v=iVDr2pgsA8M

Post: #221
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-24-2009, 01:22 AM
Parent: #220

اليوم الثاني

زيدان وعاصم البنا

واجمل حبيب لي الروح

http://www.youtube.com/watch?v=uRIb50Y_-18

Post: #219
Title: Re: أغاني وأغاني.. للقدامى والمستجدين..
Author: mamkouna
Date: 08-24-2009, 01:18 AM
Parent: #217

باقي هستيريا:-

* ابوالكلام استحوذ - كالعادة- على كل الكلام لدرجة انه كان بيطرح السؤال و يجاوب عليهو و ابوالزيق كان مستسلم و طائع.
* شريف الفحيل...النجم الصاعد بقوة...فات في حلقة اليوم..الكبار و القدرو.
* زاد احترامي لي (نُدرة)! بعد كلمته الصادقة المعبرة.
* فردتنا و افراح اخدو ليهم غمضة خلال الحلقة...دا تعب و لا ملل !!؟؟

Post: #223
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-24-2009, 01:39 AM
Parent: #219

اليوم الثاني

اغاني واغاني - 2009

زيدان ابراهيم و عصام محمد نور

هانت الايام عليك

http://www.youtube.com/watch?v=ZZVJwNmhFsY

Post: #224
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-24-2009, 01:41 AM
Parent: #223

اليوم الثاني

اغاني واغاني 2009

زيدان ابراهيم وشريف

في الليلة ديك

http://www.youtube.com/watch?v=yT-3dpYUcN4

Post: #225
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-24-2009, 01:42 AM
Parent: #224

اليوم الثاني

اغاني واغاني 2009

زيدان ابراهيم وجمال فرفور

هناي وسعدك

http://www.youtube.com/watch?v=WAtDd0BOvHs

Post: #235
Title: Re: أغاني وأغاني.. للقدامى والمستجدين..
Author: ليلى عز الدين
Date: 08-24-2009, 05:39 AM
Parent: #225

هناى و سعدك ..

الأسوأ على الإطلاق !!

دخلت زيدان فى حيص بيص السيطرة على فوضى فرفور الصوتية المتمثلة فى صراخ و هدوء ثم العكس

و بين طبيز سعد الذى قاد الفرقة و جهجه الجميع

حتى ختمها زيدان باصرار

Post: #234
Title: Re: أغاني وأغاني.. للقدامى والمستجدين..
Author: ليلى عز الدين
Date: 08-24-2009, 05:33 AM
Parent: #224

فى الليلة ديك ..

الشاب شريف تفوق على كل الشباب

أداء مرتاح و مراعاة بكل تهذيب لدقة ال Coordination بين الصوتين

Post: #233
Title: Re: أغاني وأغاني.. للقدامى والمستجدين..
Author: ليلى عز الدين
Date: 08-24-2009, 05:16 AM
Parent: #223

عصام محمد نور .. و هانت الأيام عليك

و على غير العادة .. شتاارة شديدة

Post: #222
Title: Re: أغاني وأغاني.. للقدامى والمستجدين..
Author: الزوول
Date: 08-24-2009, 01:39 AM
Parent: #217

السلام عليكم
......
قال حسن سنوسي
Quote: حبيبو خطيييييير بالابيض واخطر عندما شكل ثتائى رهيب مع ابو الزيق
وأدى بابداع

وقال وليد عبد اللطيف

Quote: فعلا من الاصوات النادره وارتفع اليوم من الوسط الى القمة
لان في يوم من الايام اشاد بهم العندليب الاسمرهو وفرفور عندما كانوا يتغنون له
ياجماعة نادر راقي حديث يعني ده لو كان صاحبنا جمال الليلة كان ردم.
.

....

http://www.youtube.com/watch?v=7MjaSL6OLhc

....

Post: #226
Title: Re: أغاني وأغاني.. للقدامى والمستجدين..
Author: حبيب نورة
Date: 08-24-2009, 01:52 AM
Parent: #222

حلقة زيدان

مبالغة يا نجوان

كل سنة وإنتي طيبة

Post: #227
Title: Re: أغاني وأغاني.. للقدامى والمستجدين..
Author: Mashaier Ahmed
Date: 08-24-2009, 02:20 AM
Parent: #226

الأخوة الكرام
السلام عليكم ورحمة الله
و رمضان كريم

حلقة زيدان بلا شك جميلة ولكن...

كانت بتكون أجمل لو كل فنان من الفنانين الشاركوا زيدان غنى بمفرده وذلك...

ليظهر ملكات صوته وذلك لأن صوت زيدان متفرد وغالباً ما يطغي على صوت الفنان الآخر مثلاً الفنان شريف

لم استطع تمييز صوته مع صوت زيدان

وأيضاً ليظهر الفنان طريقة أداءه للأغنية دون التقيد بطريقة أداء زيدان، مثلاُ عاصم البنا

مع الملاحظ أن فرفور ونادر خدر اتمردوا بعض الشي ليؤدوا الأغنية بطريقتهم الغنائية

مودتي

مشاعر

Post: #228
Title: Re: أغاني وأغاني.. للقدامى والمستجدين..
Author: Dania Elmaki
Date: 08-24-2009, 03:18 AM
Parent: #227

سلام شباب و شابات

شوفوا كده بالصلاه على النبي زيدان ده ما ينفع يغني معاه زول, يعني براه كده يطربك و يطير بيك فوق السحاب

عاصم ما قدر يجاريه لان صوت عاصم زي ما قالت نجوان بدوي

عصام و فرفور ما قصروا مع بعد التمرد و مرات عصام كان بيشتت بسرعه, شريف رائع لكن اعتقد عشان يظهر اكثر لازم يغني براه, اما ناس الكنبه الباقيين والله حشو بس مافي ليه اي داعي

اللبس الليله ما بطال

Post: #229
Title: Re: أغاني وأغاني.. للقدامى والمستجدين..
Author: abubakr
Date: 08-24-2009, 04:41 AM
Parent: #228

انتظرت حتي الثالثة صباحا لاستمع لزيدان ولكن ضاع صوته الا في قليل وسط اصوات تختلف عن صوته تماما كما اشارت دانيا ومشاعر ...لو سمح لزيدان يغني وحده ولا مانع من ان يكون الجميع او من شاء كورس ثم يغني البعض منفردا اغنية لزيدان تكريما له ...وماذا لو عزفت الفرقة الموسيقية لحنا لزيدان او للمغني الضيف موسيقي فقط حتي لا تضيع مجهوداتها وسط اصوات كثيرة وعالية

حاشية : الالوان عموما ديكور علي ملابس كانت متناسقة.. انا اخدتها جملة حتي لا تطغي المهنة علي فاهتم بالتفاصيل وتظهر العيوب ...

Post: #230
Title: Re: أغاني وأغاني.. للقدامى والمستجدين..
Author: Dania Elmaki
Date: 08-24-2009, 04:55 AM
Parent: #229

ابوبكر, و الله الديكور اخير ايام الكرسي الاحمر داك, على الاقل فرفور كان بيتكي فيه بارتياح و يمدد رجلينه

Post: #249
Title: Re: أغاني وأغاني.. للقدامى والمستجدين..
Author: abubakr
Date: 08-24-2009, 11:25 AM
Parent: #230

Quote: ابوبكر, و الله الديكور اخير ايام الكرسي الاحمر داك, على الاقل فرفور كان بيتكي فيه بارتياح و يمدد رجلينه

يادانيا ما عشان كدة قلت الالوان ..يعني الوان اللوحات مع الوان الشلت مع الوان السجاد مع الوان الكراسي.. اما تفاصيل كل واحدة في حالها فياها الفيها كلام ...اصلو الواحد نظرو ضعيف ما بيقدر علي شتارة الالوان... المشكلة امس في الصلعات لما الواحد يغني او يتكلم ويدينا الصلعة وبتاع الكاميرا التقول ما لاقي ريفلكتر وهاك يا صلعة مضوية ...المهم كان في غنا سمح ...بس لو خلو زيدان يغني براهو ..ياما كان ودالعباسية نط تووش علي الاستوديو وكسر الكراسي ...

Post: #252
Title: Re: أغاني وأغاني.. للقدامى والمستجدين..
Author: abubakr
Date: 08-24-2009, 12:04 PM
Parent: #228

انتظرت حتي الثالثة صباحا لاستمع لزيدان ولكن ضاع صوته الا في قليل وسط اصوات تختلف عن صوته تماما كما اشارت دانيا ومشاعر ...لو سمح لزيدان يغني وحده ولا مانع من ان يكون الجميع او من شاء كورس ثم يغني البعض منفردا اغنية لزيدان تكريما له ...وماذا لو عزفت الفرقة الموسيقية لحنا لزيدان او للمغني الضيف موسيقي فقط حتي لا تضيع مجهوداتها وسط اصوات كثيرة وعالية

حاشية : الالوان عموما ديكور علي ملابس كانت متناسقة.. انا اخدتها جملة حتي لا تطغي المهنة علي فاهتم بالتفاصيل وتظهر العيوب ...

Post: #236
Title: Re: أغاني وأغاني.. للقدامى والمستجدين..
Author: ليلى عز الدين
Date: 08-24-2009, 05:48 AM
Parent: #222

نادر خضر

بطء شديد و تقل فى اللحن

عدم تناغم فى حركة الأصوات

و فى النهاية أداء ممل

Post: #237
Title: Re: أغاني وأغاني.. للقدامى والمستجدين..
Author: saadeldin abdelrahman
Date: 08-24-2009, 06:07 AM
Parent: #236

سلام و رمضان كريم..

الشباب استأسدوا على نجوم الغد و هجسوا مع زيدان
احب كدا زاتو :)

Post: #239
Title: Re: أغاني وأغاني.. للقدامى والمستجدين..
Author: SHIBKA
Date: 08-24-2009, 06:33 AM
Parent: #237

عموما الحلقات الاولي والتانية جميلات بصورة عامة لكن في شي ناقص ما عرفتو شنو

قد يكون عدم تناسق في الاداء
قد يكون عدم تناسق اللبس مع الديكور مع الغناء

ما بعرف
بس في شي غلط
لم يتم لي تحديده بعد...

Post: #240
Title: Re: أغاني وأغاني.. للقدامى والمستجدين..
Author: عفاف الصادق بابكر
Date: 08-24-2009, 07:01 AM
Parent: #239

نجوان - كيفنك

في الليله ديك (بتاعة أمس) .. كان كل شيء رهيب (في زيدان طبعاً)
والله مع وجود زيدان ما قدرنا ندي اي واحد حقه .. زيدان .. كان زيدان زاتووووو
لا غيرته ظروف ... ولا هزته محنه .... حكايه عجييييييييييبه... في الليله ديك

بت الصادق

Post: #241
Title: Re: أغاني وأغاني.. للقدامى والمستجدين..
Author: mohmmed said ahmed
Date: 08-24-2009, 07:20 AM
Parent: #240

النورس

بس ياها

فى حضور الماء ما الداعى للتيمم

لكن الملاحظة دى تقضى على فكرة البرنامج

زيدان موجود بكل عافيته الفنية
ويؤدى افضل من الجميع

واذا كان الغرض الاحتفاء بتجربة الفنان
من الاحرى ان يتاح له كل الوقت للاداء

Post: #242
Title: Re: أغاني وأغاني.. للقدامى والمستجدين..
Author: النورس الحزين
Date: 08-24-2009, 07:29 AM
Parent: #241

محمد سلامات

لا لا ما بتقضي علي فكرة البرنامج لكن كانت محتاجة شوية شغل عشان ما يجي الاداء مهرجل

يا يغني الفنان المحتفى به أو الفنانيين لكن الاتنين صعبة

Post: #243
Title: Re: أغاني وأغاني.. للقدامى والمستجدين..
Author: Hussein Mallasi
Date: 08-24-2009, 08:22 AM
Parent: #242

في وجود أصحاب الشأن قدور ما بيقدر يشرع .. بيتفسح بس في قصص المراحيم.

Post: #246
Title: Re: أغاني وأغاني.. للقدامى والمستجدين..
Author: نجوان
Date: 08-24-2009, 10:26 AM
Parent: #243

سلام يا فنانين انتوا زاتكم..
وشكرا على الرصد الخطير.. استمتعت بكل كلمة..

بعد جرعة زيدان القاضية، اتمنّى ان تلملموا المشاعر المبعثرة
وبالله .. بقلب وذهن مفتوح استقبلوا الحلقة الثالثة مساء اليوم..

______
يا سلام!

Post: #247
Title: Re: أغاني وأغاني.. للقدامى والمستجدين..
Author: خالد عبد الله محمود
Date: 08-24-2009, 10:38 AM
Parent: #246

غايتو أمس زيدان أثبت إنو صحي حلو الغنا في خشم سيدو ...
زيدان فنان إستثنائي أنا لو محل الشباب ديل ما كنت بحرج نفسي بالغناء معاهو رغم إنو شريف الفحيل أدي بصورة مشرفة بعض الشئ و لكن لا عزاء للبقية

Post: #248
Title: Re: أغاني وأغاني.. للقدامى والمستجدين..
Author: ايوب عبدالرحيم
Date: 08-24-2009, 10:57 AM
Parent: #243

كل عام والجميع بالف خير ورمضان كريم

لدي ملاحظات متنوعة ( ايجابية وسلبية ) بصفة عامة :

1: الشباب ( عاصم ونادر وجمال وعصام ) في السنة الحالية اتضحت معالم خبرتهم بصورة اكبر ووصلوا لمرحلة النضج الفني واصبحو يادون بصورة رائعة وبتجانس اكبر .
2: نلاحظ ان اداء كل منهم يختلف باختلاف طبيعة كل اغنية ويكون احيانا ممتاز واحيانا مقبول او منخفض وهذا شيء طبيعي نظرا لان كل اغنية لها طابع خاص في اذهان المستمعين وبالتالي فان مقارنة كل اغنية بين اداءها الاصلي والاداء الحالي .
3: بصورة واضحة يتميز عصام محمد نور وهذا لاينفي تميز المجموعة ولكن عصام صاحب صوت عذب واداء مذهل وله مقدرة واضحة على تادية كل الاغنيات واحيانا بصورة تتفوق على الاصل وهذا الشاب سيكون له شان كبير على خارطة الاغنية السودانية .
4: الديكور والاضاءة في الموسم الحالي بها خطا فني واضح اضافة الى وجود مشكلة في التصوير واعتقد ان التصوير مقرب اكثر من مايجب وكذلك فان الالوان بها مشكلة فنية .
5:اعتقد ان اضافة مجموعة من نجوم الغد امر ايجابي وساعد على خلق روح جميلة بين المجموعة .
6: من الواضح جدا انه قد تم تقصير معظم زمن الاغنيات بحيث لايتخطى المقاطع الاولى الرئيسية ومن ناحية اخرى زيادة زمن الحديث والاكثر زيادة زمن الاعلانات التجارية على حساب زمن الاغاني.
7:فكرة استضافة فنان وتادية اغنياته بوجوده فكرة جميلة ولكن دوان ان يشارك المستضاف في جميع الاغنيات .
8: اتمنى ان يعطى الشباب من نجوم الغد فرصة اكبر للمشاركة وليس المساعدة لانهم يستحقون اتاحة الفرصة لهم اكثر من الاساسيين الاربعة .
9: نادر خضر من اصدق الشباب تادية واكبرهم في الاحساس الفني.

ولكن الاهم من كل ذلك ان البرنامج يعد من انجح البرامج على مر السنوات السابقة واتوقع التالية ايضا اذا تم الاهتمام بتكميل القصور والملاحظات المهمة .

ااسف للاطالة وساعود لاحقا

Post: #250
Title: Re: أغاني وأغاني.. للقدامى والمستجدين..
Author: معتز القريش
Date: 08-24-2009, 11:41 AM
Parent: #248

حلقة 2 رمضان لم تكن أفضل من حلقة 1 رمضان
بل العكس

1- زيدان لم يتح فرصة للشباب ليغنوا
بل غنى هو ولم تكن الأصوات متجانسة نهائيا .
2- ما تم أداؤه ليس الا لمة عذابة بنغنو بالجردل
وكل واحد في حتة ولم يكن * دويتو * اطلاقا
2- لم يوفق السر قدور في اختيارالأغنيات
3- كان يمكن طرح أغنية واحدة والحديث عنها
وأن يكون الاداء تناوبا بين الجميع

والباقي كتير لكن الزمن قصير

لمشاهدة الحلقة 2 كاملة اضغط هنا
أغاني وأغاني 2009 - مباشر مع معتز القريش

Post: #251
Title: Re: أغاني وأغاني.. للقدامى والمستجدين..
Author: Hussein Mallasi
Date: 08-24-2009, 12:02 PM
Parent: #250

Quote: بصورة واضحة يتميز عصام محمد نور وهذا لاينفي تميز المجموعة ولكن
عصام صاحب صوت عذب واداء مذهل وله مقدرة واضحة على تادية كل الاغنيات واحيانا
بصورة تتفوق على الاصل وهذا الشاب سيكون له شان كبير على خارطة الاغنية السودانية.

Quote: نادر خضر من اصدق الشباب تادية واكبرهم في الاحساس الفني.

Post: #253
Title: Re: أغاني وأغاني.. للقدامى والمستجدين..
Author: معتز القريش
Date: 08-24-2009, 01:24 PM
Parent: #251

لو تعبت من الروابط اضغط هنا مباشرة على اليوتيوب

Post: #254
Title: Re: أغاني وأغاني.. للقدامى والمستجدين..
Author: محمد ابراهيم قرض
Date: 08-24-2009, 01:27 PM
Parent: #251

يظهر السر قدور لمدة ثانية واحدة ليؤدي ضربة البداية ...
ثم تنهال الاعلانات و تنهمر بكثافة ..

أرفع راسك ... نزل راسك ... أرفع راسك ...
وأروى أهي جاية ...
وكل شئ من هلا شيل ..
و بوهيات المهندز ..
و المحاميد ... و كمان الفايز ...
و .... و ... و ... و ......

نكون قد نسينا أمر البرنامج تماما و سيل
الاعلانات لا ينقطع ....

لغاية ما يذكرونا بالبرنامج مرة تانية ..

أن تصب القناة كل ما في جعبتها من اعلانات
في برنامج واحد ... فهذا لعمري سخف ما
بعده سخف ...

كرهتونا البرنامج ..
كرهتونا النيل الأزرق ذاته ..

استقيل يا ثقيل ..

Post: #255
Title: Re: أغاني وأغاني.. للقدامى والمستجدين..
Author: Rawia
Date: 08-24-2009, 01:53 PM
Parent: #254

عصام محمد نور إختار أغنية تنضح رقة زيو كدا
نادر خضر إتمنيت زيدان يخليهو يغني براهو لانه إمكانات صوته بديعة وكان حيمتعنا أكتر
عموما فكرة زيدان يغني معاهم ماكانت موفقة شديد لانه كل زول طعم صوته وإمكاناته بتختلف
شريف زي العسل وواثق من نفسه وهادي هدوء مريح
إستمتعت أكتر بمداخلات الزملاء هنا وقالت الكتير

__________________
زيدان فنان

Post: #256
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-24-2009, 04:09 PM
Parent: #255

Quote: يا اختي بدل لهو الحديث كان جبت لينا مديح ما انكان اخير

Post: #257
Title: Re: أغاني وأغاني.. للقدامى والمستجدين..
Author: abubakr
Date: 08-24-2009, 06:06 PM
Parent: #256

ضيف الحلقة المرحوم الفنان علي محمد الامين

فردتنا يغني نظرة يالسمحة ام عجن الاغنية التي كان يغنيها المرحوم علي محمد الامين وهو طالب في رواق السنارية يدرس في الازهر وسط الطلاب السودانيين حينئذ.. المرحوم علي مولود سنة 1930 ...

ابن المرحوم والذي يشبهه كثيرا ويغني مثله هو احد المشاركيين يشارك فردتنا في الغنا ...

Post: #259
Title: Re: أغاني وأغاني.. للقدامى والمستجدين..
Author: abubakr
Date: 08-24-2009, 06:14 PM
Parent: #257

المرحوم علي والذي كان طالبا ازهريا طلب منه زملائه السودانيين ان يلتحق بمعهد فؤاد الاول للموسيقي في المساء فتوسط له المرحوم علي البرير فالتحق بالمعهد ..
غني علي محمد الامين في زواج الملك فاروق واشتهر خارج السودان قبل ان يشتهر في داخل السودان..
عبدالمنعم عبد الحي شجعه للالتحاق بركن السودان ....

اختار المرحوم علي اسما فنيا من لقبه ولقب والده
السيد علي تيمنا بالسيد علي اختصرها الي" سيد"
الخليفة محمد الامين خليفة الختمية فاختار "حليفة"

Post: #258
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-24-2009, 06:09 PM
Parent: #256

ياجماعة
الكبير كبير ود البنا مهمانقول كبير وبتشوفوا
اكتر وبعدين بقول ليكم سروا

سلام .. سلام

Post: #260
Title: Re: أغاني وأغاني.. للقدامى والمستجدين..
Author: abubakr
Date: 08-24-2009, 06:20 PM
Parent: #258

فردتنا "لعلع" الليلة بصوته "البدوي " وهو يطربنا بنظرة يالسمحة ام عجن

يالمرتضي ...نادر دة بالله خليهو الليلة ...!! فلقد حاول فاطربنا في "ياقماري" واللا انا مزاجي كويس الليلة ..!!

Post: #261
Title: Re: أغاني وأغاني.. للقدامى والمستجدين..
Author: abubakr
Date: 08-24-2009, 06:26 PM
Parent: #260

والله يانجوان انا بحب صوت البنية افراح دي وزعلان علي الغشرة كيلو الزيادة ...

افراح عصام تغني "اسالوه" ..

يااااخ المليجي دة احسن من ينقرش الطبلة ...وزول قيافة وهادئ

Post: #263
Title: Re: أغاني وأغاني.. للقدامى والمستجدين..
Author: abubakr
Date: 08-24-2009, 06:37 PM
Parent: #261

في 1953 وقعت اتفاقية الحكم الذاتي فكانت احتفالات كبيرة وكثيرة وغنييت اغاني وطنية وارسل علي محمد الامين (سيد خليفة ) مساهمته "ياوطني يا بلد احبابي " وهو غائب عن البلاد فكانت مساهمة بقيت حتي اليوم .. اداها الجميع بقيادة عصام محمد نور ومنتصر سيد خليفة

محمدية واسماعيل اخر انبساط ..ربنا يديم الانبساط

منتصر بيشبه ابوه في لغة الجسد وهو يغني وهو اصلا بيشبهو شكلا

فرفور لما يلبس بدلة بيبقي مسكين ....

هم بيجيبو البدل دي من وين .. فيها حاجات عجيبة ؟؟؟

انتهي الجزء الاول من "مع سيد خليغة " ..

اهم ما حدث الليلة تعدييل تداخلات الاعلانات واستمرت الحلقة 30 دقيقة ....

رغبة الجماهير الاسفيرية صار ليها من يستمع اليها واللا بس صدفة ؟؟

Post: #262
Title: Re: أغاني وأغاني.. للقدامى والمستجدين..
Author: ودالعباسية
Date: 08-24-2009, 06:36 PM
Parent: #258

الليلة انا خارج الشبكة ،،،

اها الحاصل شنو ،،،

Post: #264
Title: Re: أغاني وأغاني.. للقدامى والمستجدين..
Author: abubakr
Date: 08-24-2009, 06:39 PM
Parent: #262

Quote: الليلة انا خارج الشبكة ،،،

ياود العباسية انت ما بتقدر تفارق قهوة الشيشة دي اكتر من ليلتيين ؟؟؟
الحصل انو الجماعة غنو نص ساعة من غير تقاطعات ناس وادي الجندي والمحيميد

Post: #265
Title: Re: أغاني وأغاني.. للقدامى والمستجدين..
Author: omer osman
Date: 08-24-2009, 06:58 PM
Parent: #264

حلقة اليوم 3 رمضان :

نادر خضر فنان.

ود سيد خليفة زي ود احمد المصطفي

Post: #266
Title: Re: أغاني وأغاني.. للقدامى والمستجدين..
Author: ودالعباسية
Date: 08-24-2009, 06:59 PM
Parent: #264

Quote: انت ما بتقدر تفارق قهوة الشيشة دي اكتر من ليلتيين

ياخال ما تظلمنى ياخ ،،،

اكل العيش بس بخلينا مرات بنكون خارج الشبكة ،،

والبركة فى كلامنا جاب راسهم شوية من الدعايات الكتيرة دي ،،

شكلو فردتنا بدخل بكشف بس ،،

Post: #267
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-24-2009, 07:09 PM
Parent: #266

ياحبايب
الليله اتشغلنا عنكم صراحة

سلام .. سلام

Post: #270
Title: Re: أغاني وأغاني.. للقدامى والمستجدين..
Author: abubakr
Date: 08-24-2009, 07:32 PM
Parent: #266

Quote: اكل العيش بس بخلينا مرات بنكون خارج الشبكة ،،

احرد ياااخ ...قولليهم ما ماشي الشغل والا حاكلم ليكم عمي السر قدور يبشتفكم ؟؟

Post: #287
Title: Re: أغاني وأغاني.. للقدامى والمستجدين..
Author: غباشي
Date: 08-24-2009, 11:05 PM
Parent: #99

تحياتي للجميع و رمضان كريم
بعد متابعتنا اللصيقة معكم في الاعوام السابقة من خلال البوستات و اليوتيوب ... نتابع البرنامج هذه المرة من امو ....
البرنامج رائع لكن الدعايات كرهتنا العيشة

السر قدور مالو ما حالق المرة دي?

ياجماعة افراح الشعب عندها مشكلة في الاغاني السريعة وللا شنو? الكلام دا ظهر واضح في غنية اسألوهو .... قربت تكتل الغنية ...شكلها اتعودت على الاغاني الرايقة زي ( سيد روحي , زيدني في هجراني , حبي بيك)

لحدي مان نجي للباقين ..... يديكم العافية

Post: #509
Title: Re: أغاني وأغاني.. للقدامى والمستجدين..
Author: Ehab Eltayeb
Date: 08-27-2009, 08:09 PM
Parent: #99

نجوان والمتداخلون سلام

برنامج أغاني وأجاني بقي من لوازم رمضان

لكن ما جبتي لينا خبر سمح بحاجتين ذكرتيهم:

Quote: وفرحت لأن اسرار غير موجودة (معليش حب الناس مذاهب)..

اسرار دي ركن مهم في البرنامج وصوتها مميز

وليه لونيته الخاصة ومعجبيه الكتيرين

وما طمنتينا بكلامك :

Quote: وتألمت لأن نادر خضر ما زال موجودا (حب الناس.. ايه؟)

كان بدلوه ان شاء الله بواحد من شباب نجوم الغد كان احسن

Quote: ولمحت السنّي الضوّي يجهش بالبكاء.. ومحمد ميرغني متألقا..
وضحكة السر قدور مجلجلة..
وفردتنا طبعا قائد الأسطول!

وفي انتظار المبدعين الآخرين في البرنامج..

تحياتي,,,,,,,

Post: #853
Title: Re: أغاني وأغاني.. للقدامى والمستجدين..
Author: أبوعاقلة حسان ابوسن
Date: 09-02-2009, 02:04 PM
Parent: #97

نجوان
تحايا بحجم كل الاغانى الجات و الجاية فى البرنامج
السر قدور .....الروح شابة لكن العمر ما صغّّّّّّّيّّّّّّربتشديد الياء فى صغيّر
فرفور ..... ولدنا جمال بين عاجباهو الفكرة لكن بحب الأنفراد بالمرمى .. بس عمك السر قافل لمّن غاب يومييين
عاصم البنا..... هو صاحب ملكة حقيقية طالما غنى فى محيط أغانى الحقيبة وحذاى ان يخرج منها
بجي راجع للباقين
كل سن وانتى طيبة

Post: #1734
Title: Re: أغاني وأغاني.. للقدامى والمستجدين..
Author: abubakr
Date: 10-18-2009, 07:54 AM
Parent: #97

Post: #268
Title: Re: أغاني وأغاني.. للقدامى والمستجدين..
Author: سيف الدين مصطفى كرار
Date: 08-24-2009, 07:21 PM
Parent: #1

مساء الورد

الاستاذ السر قدور اعطى القعدة طعما اصيلا ونكهة رائعة مما جذبنا لمتابعة برنامج اغانى واغانى

بعد الفطار مباشرة ,وابدع معة بقية الفنانين الشباب والقدامى

لهم الصحة ورمضان كريم .

Post: #269
Title: Re: أغاني وأغاني.. للقدامى والمستجدين..
Author: سيف الدين مصطفى كرار
Date: 08-24-2009, 07:28 PM
Parent: #1

مساء الورد

الاستاذ السر قدور اعطى القعدة طعما اصيلا ونكهة رائعة مما جذبنا لمتابعة برنامج اغانى واغانى

بعد الفطار مباشرة ,وابدع معة بقية الفنانين الشباب والقدامى

لهم الصحة ورمضان كريم .

Post: #271
Title: Re: أغاني وأغاني.. للقدامى والمستجدين..
Author: الزوول
Date: 08-24-2009, 08:10 PM
Parent: #269

السلام عليكم
......
اعترف انني لم أكن أعرف أن الفنان سيد خليفة كان يغني أغنية نظرة يا السمحة أم عجن
ولم أسمعها إلا من بادي محمد الطيب
وترحمت عليه كثيراً عندما سمعتها اليوم...
.....
نادر خضر وأبني عشك يا قماري قشة قشة ... لا تعليق
.....
لا أعرف إن كانت أفراح الشعب قد أجادت أداء أغنيتها ....أسالوها
.....
أبو الكلام أحسن من يتجلى في الكلام عن الفنانين المرتبطين بمصر … وتقل معلوماته تدريجياً عندما يتعلق الأمر بالذين لم يكن لهم ارتباط بمصر ….خاصة الذين كان ظهورهم بعد هجرته الى مصر…
....
معقولة بس يا منتصر علي محمد الأمين
جايبنك مخصوص عشان الحلقة دي
وتغني المقطع الصغييييير من اغنية يا وطني – أشهر أغاني أبوك الوطنية- غلط
غلط في طريقة الأداء وكمان معاها عدم حفظ
يا الخرطوم يا العندي جمالك ....جنة رضوان
بعدها في بيت بيقول:
طول عمري ما شفت مثالك ...في أي مكان
وده مهم عشان يدخلك في الكسرة ...أنا هنا شبيت يا وطني
معقولة بس !!!
....
متى سنشهد ثورة نجوم الغد على التهميش الذي يمارسه سناير البرنامج وكبيرهم السر قدور عليهم؟

.......

Post: #272
Title: Re: أغاني وأغاني.. للقدامى والمستجدين..
Author: abubakr
Date: 08-24-2009, 08:15 PM
Parent: #271

Quote: لا أعرف إن كانت أفراح الشعب قد أجادت أداء أغنيتها ....أسالوها

زولنا انت بس اضرب طناش علي افراحنا وخليك في الجعاريين ... بس لو ما العشرة كيلو الزيادة افراحنا كانت اخر تمام بس تقول شنو في الجنك فوود ...

Post: #273
Title: Re: أغاني وأغاني.. للقدامى والمستجدين..
Author: إبراهيم عبد الحليم
Date: 08-24-2009, 08:20 PM
Parent: #272

شكرا لولا هذا البوست لما أستطعت المشاهدة لهذا البرنامج وفيديوهات الحلقات
مزيد من المتعة

إبراهيم عبد الحليم

Post: #278
Title: Re: أغاني وأغاني.. للقدامى والمستجدين..
Author: ودالعباسية
Date: 08-24-2009, 08:40 PM
Parent: #272

Quote: بس لو ما العشرة كيلو الزيادة افراحنا كانت اخر تمام

كان تكون 100%

Post: #275
Title: Re: أغاني وأغاني.. للقدامى والمستجدين..
Author: نجوان
Date: 08-24-2009, 08:30 PM
Parent: #271

سلام يا حبان..

حلقة اوكيه.. لا كثبان ولا أودية
flat يعني..(متوقّع بعد حلقة أمس)
والكلام امتع من الغناء..

أفراح لم توّفق يا باش في أسألوه .. كانت بتغني في بلد والباقين في بلد..
نادر ماقصّر.. (ابني عشك يا قماري دي غنّاها كتير وقادر يطّوع صوته لدروبها دون مجهود) ..
منتصر سيد خليفة .. ما فهمنا حاجة لسه..

_____
الفرقة الموسيقية تجلّت في أغنية يا وطني..
شغل هارموني نضيف..

Post: #277
Title: Re: أغاني وأغاني.. للقدامى والمستجدين..
Author: abubakr
Date: 08-24-2009, 08:39 PM
Parent: #275

Quote: الفرقة الموسيقية تجلّت في أغنية يا وطني..

اها دي + " مافي اعلانات اثناء النص ساعة" = كفاية اليوم

يالمرتضي عندي سكري كتير في الدم فبالله شيل الحلاوة دي من هنا ؟؟

Post: #274
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-24-2009, 08:23 PM
Parent: #269

المثل الجاهلي بيقول الماشاف ال Godiva تُدهِشه حلاوه دربس.
هو الغنا دا لعب عيال؟
قال ماكنتوش قال.

لمن يهمه الأمر

Post: #276
Title: Re: أغاني وأغاني.. للقدامى والمستجدين..
Author: خالد عبد الله محمود
Date: 08-24-2009, 08:36 PM
Parent: #274

نحن طبعاً ناس الإعادة
نجي نفتي ليكم بكرة

Post: #279
Title: Re: أغاني وأغاني.. للقدامى والمستجدين..
Author: abubakr
Date: 08-24-2009, 09:31 PM
Parent: #276

القائميين علي قناة النيل الازرق حقو يستفيدو من الزخم الاعلامي الدعائي البيجيبو ليهم عمكم السر قدور كل رمضان ويعملو معاهو برنامج اسبوعي توثيقي عن الغناء السوداني الشائع في الوسط ( فهنالك اغاني سودانية كثيرة بلغات ولهجات كثيرة في السودان ) .. حكي ساي وحيجيب ليهم البرنامج دة اكتر من اعلانات وادي الجندي واغاني الفائز واروا وسوداني وام تي ان ... بس يحاولو الدعاية تجي بعد البرنامج او قبلو بس مافي نصو و تنطو في حلق الراجل وهو بيتكلم...فرصة ياناس النيل الازرق بدل التشويه الحاصل دة بخلط البرامج الدعاية التجارية ببرامج ثقافية واخبار وجوطة .... ومن فضلكم يا ناس النيل الازرق قولو لبناتكم قللن الكشاكيش والبوهية والجير والا يوم تنزل مطرة شديدة ترش استوديوهاتكم وتخليها زي عنابر العمال الهنود هنايوم عيد Holi (عيد الالوان)...

Post: #280
Title: Re: أغاني وأغاني.. للقدامى والمستجدين..
Author: حسن إبراهيم خليفة
Date: 08-24-2009, 09:36 PM
Parent: #276

أكيد اليوم حلقة مميزة عن الطرب الأصيل الممتع.

ألف رحمة ونور تنزل عليك يا أبوالسيد.

أبدع الشباب اليوم في أغاني أبو السيد.

ولكن المبدعة الحقيقية في هذه الحلقة هي أفراح عصام فقد تجلت تجلت في أغنية أسألوه ، وأدتها بي

إحساس عالي جدا.

نادر خضر أدى أغنية أبني عشك يا قماري بصورة حلوة ولكنه أخطأ في أهم بيت وهو:

وعلمينا كيف على الحب دارنا ينشأ .... رغم العواصف وبرضو واقف ما ليهو رعشة

وأنا على طول إنتبهت لي محمدية أداهو عين عشان يراجع البيت تاني ولكن صاحبنا دور في الكوبلي

التاني علي طول.

أبدع عاصم البنا في أغنية نظرة يالسمحة ام عجن ، وأداها من اللونية بتاعت ناس البنا.

أما منتصر الله يسامحه كان متوتر جدا ولم يكمل البيت مع عاصم في الكوبلي اللي بيقول...

كيف أسلى عينيك والوجن يا لبسمتك نور الدجن ... والمفروض يواصل ويقول....

جسمك حرير ناسجو العجن لادن وبي اللون إنعجن ... لكن باين عليه كان متوتر جدا ما عارف ليه

بالإضافة لي عدم إكماله لي الكوبلي بتاع يا الخرطوم يا العندي جمالك جنة رضوان ... ومن المفترض

يواصل ويقول طول عمري ما شفت مثالك في أي مكان.

لأنه والله الأغنية مثل نشيد العلم السودان كله حافظها وبحبها كمان ... ما عارف الحصل ليهو شنو؟.

بالنسبة لي السر أحمد قدور اليوم كان يومه مافي حد بيقدر يغالطه أبدا...

دي ملاحظاتي ... وأتمنى أن تتاح الفرصة لي نجوم الغد عشان يبدعو في أغاني أبو السيد ....

أتمنى ان يشيل منتصر حاجز الخوف والرهبة من راسو وأكيد ح ينجح إن شاء الله.

Post: #281
Title: Re: أغاني وأغاني.. للقدامى والمستجدين..
Author: abubakr
Date: 08-24-2009, 09:48 PM
Parent: #280

Quote: أتمنى ان يشيل منتصر حاجز الخوف والرهبة من راسو وأكيد ح ينجح إن شاء الله.

اكييد وشئ مهم هو انعليه الا يخلط بين من يؤدون بعض من اغاني المرحوم والده وبين صوت واسلوب واداء الوالد المتفرد والمميز .. فعندما كان نادر يغني بمقام ونبرة اعلي حاول منتصر ان يتداخل بمقام ونبرة والده فلم يستطع....

Post: #282
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-24-2009, 09:52 PM
Parent: #280

Quote: يالمرتضي ...نادر دة بالله خليهو الليلة ...!!

الباش العزيز،
والله يا أبابكر ، وما طالبني حليفه ، تالاهون قسَّسا دا من أكتر الفنانين الشباب قرباإلى خاطري لسببين
أولهما بحت شخصي لاداع لذكره هنا والآخر لأنه قام بتحبيش Ethiopianized بعض الأغنيات السودانية وأجاد
وفي اعتقادي أنه اختط أسلوبا يميزه عن غيره وأنا بطبعي أحب كل ما يتصل بأثيوبيا غنائيا بدءا من
بوزنيش بكيلا مرورا بتالاهون وألامايو وأستير بت عمناأويكي ، وتفريعا على هذا نادر ماسكني من الحته
البتوجعني بين الكبد والحجاب الحاجز وتوالى عليَ وريثا شرعيا لخوجلي عثمان في هذا المنحى.
ما يزيد نادر تقديرا في نفسي أنه يعرف يدافع عن وجهة نظره وهو مثقف زرب اللسان حاضر البديهة.
يسلم (حبيبو) حتى في زي الشعراوي؟
Quote: يالمرتضي عندي سكري كتير في الدم فبالله شيل الحلاوة دي من هنا ؟؟

إنت ما قريت المكتوب تحت الحلاوة؟
محبتي

Post: #285
Title: Re: أغاني وأغاني.. للقدامى والمستجدين..
Author: حسن سنوسى
Date: 08-24-2009, 11:04 PM
Parent: #282

اليلة اتأخرنا لكن جميل قراية مداخلاتكم الرائعة..

بالرغم من انو عمك ممكن اكتر زول يكون بعرف ابو السيد
لكنو كان مستعجل كأنو حافظ قصة ما عايزها تطير منو
فقام سدارى بدون ما يرحب بمن يمثل ابو السيد حقيقة (ابنه منتصر)
وحاول يصلحها بعد ما انتشى مع فردتكم بـ (نظرة ياالسمحة ام عجن )ثم تذكر منتصر فجأة
طبعاً فردتكم ما صدق انو الاغنية جاتو فى احسن سلم بغنى بيهو عشان كدا انداااح
يا اخوانا انا ما قلت ليكم انو حبيبو دا خطيير
حقو نتفق على تسمية (الزوول زاتوو) للبنية دى : الماكنتووش.. (التسمية عاجبانى بصراحة)
وبعدين اليلة جات لابسه لبسة (الاربعين جلدة)..
الماكنتوش: ابدااع..
عصام طبعاً فى اداء الاغانى الوطنية حاجة تانية
جمال: احسن ليك عرضتك خارج الزفة..
منتصر: ياخى السنة الفاتت لو شاهدت البرنامج دا كان عمك شرحبيل وعمك المحلق
بجو شايلين بخرات واضحة وبذاكرو منها على عينك كدا
ما كان احسن ليك البخرة..بعدين ياخى دى اغانى ابوك كيف ما تكون حافظ؟؟
مع احترامى لك يا منتصر: فنحن لا نريد استنساخ (ابو السييييييد)

Post: #283
Title: Re: أغاني وأغاني.. للقدامى والمستجدين..
Author: حمد فتح الرحمن
Date: 08-24-2009, 10:42 PM
Parent: #280

Quote: ولكن المبدعة الحقيقية في هذه الحلقة هي أفراح عصام فقد تجلت تجلت في أغنية أسألوه ، وأدتها بي

إحساس عالي جدا.

و الله دا نفس الاحساس الجاني لما سمعت اداء البنية دي لكن شفت النقد الفوق دا قتا ياخ يمكن البنية عاجباني ساكت ، لكن فوق العجبة البت ادت الغنية بارتياح و سهولة و عذوبة كمان .
منتصر بعد الغلطة بتاعة يا الخرطوم تعاين ليه بقى زي الشافع السرق ليه حاجة و امه جات نهرتو ، بقى محرج و ارتبك اكتر من العليه .

Post: #284
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-24-2009, 10:49 PM
Parent: #276

Quote:
Quote: Quote: معتز القريش

رمضان كريم

يا اخوي بدل لهو الحديث كان جبت لينا مديح ما انكان اخير

اخونا معتز قريش نفس الكلام انا انزلته في بوست نجوان وتعاملت معه بطريقة فنية
وانت راجل فنان تمنيت انك تتعامل بنفس طريقة نجوان

Quote: والله يا سيف مساعد لو ما رمضان دا
يا زول النت دا ما مليان مديح جايينا هنا مالك

بعدين يا شيخ سفسف
لو الغناء لهو حديث فهو معصية
أما المديح فهو بدعـــــــــة

والبدعة أحب الى الشيطان من المعصية

يا زول رمضان كريم وعليك الله أختا لينا
لهو الحديث دا وأمشي لي لهو المديح

شكلك كدا ح تحرف لينا البوست

انت في رمضان دا ما صفّدوك مالك

يا معتز قريش خليك محصحص وفنان في ناس تقصد تحرف البوستات
يعني لازم تتعامل معهم ببرود وتزيدها كمان بشكرا جزيلا وبيها
يكون فنك اكتمل ونحن في انتظار ابداعاتك عشان تكون ثنائية
جميلة بينك وبين نجوان (حمد والديبة ) او (كاكا ورونالينيو )
....

ورايكم شنو اجيب ليكم معاي الاستاذ ياسر تمتام والدكتور يوسف الموصلي

......

بجيكم صادي للتعليق على حلقة اليوم الثالث .

سلام.. سلام

Post: #286
Title: Re: أغاني وأغاني.. للقدامى والمستجدين..
Author: Emad Abdulla
Date: 08-24-2009, 11:05 PM
Parent: #284

Quote: المثل الجاهلي بيقول الماشاف ال Godiva تُدهِشه حلاوه دربس.
لوووووووول ..
ينعل ...... يا مرتضى ..
ياخي رميتها شينة و طرف السوط لحقنا نحنا أهل الـ C CLASS
..
- نادر كان مية المية في " أبني عشك " من ناحية الاداء ( مجبورين نمرق الذمة , نسوي شنو ) .
- يا سلام على عاصم .
- أفراح ..........
- الفرقة الموسيقية .. الله عليهم .
..
عصام .. الحاجة الكنت رابطها دي .. نعلها كرفتة ؟؟؟

......
GODIVA يا مرتضى ؟؟
سمح .. كتر خيرك و بارك الله فيك .

Post: #288
Title: Re: أغاني وأغاني.. للقدامى والمستجدين..
Author: غباشي
Date: 08-24-2009, 11:14 PM
Parent: #286

Quote: عصام .. الحاجة الكنت رابطها دي .. نعلها كرفتة ؟؟؟

دا نفس السؤال المحيرني يا عماد

Post: #289
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-24-2009, 11:59 PM
Parent: #288

اغاني واغاني 2009 - اليوم الثالث

افراح عصام ومنتصر سيد خليفة

اسالوهو

http://www.youtube.com/watch?v=LZjCMRO3_Sc

Post: #290
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-25-2009, 00:04 AM
Parent: #289

اغاني واغاني 2009 - اليوم الثالث

عصام محمد نور ومنتصر سيد خليفة

يا وطني

http://www.youtube.com/watch?v=7kjaAIGFDKE

Post: #293
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-25-2009, 00:23 AM
Parent: #290

اغاني واغاني 2009 - اليوم الثالث

نادر خضر ومنتصر سيد خليفة

ابني عشك يا قماري

http://www.youtube.com/watch?v=ZfOEyiHEPH0

Post: #295
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-25-2009, 00:33 AM
Parent: #293

اغاني واغاني 2009 - اليوم الثالث

عاصم البنا - نظرة يا السمحة ام عجن

http://www.youtube.com/watch?v=lZtIZF97gX8

Post: #297
Title: Re: أغاني وأغاني.. للقدامى والمستجدين..
Author: الرشيد ابراهيم احمد
Date: 08-25-2009, 01:48 AM
Parent: #289

يا خال دي اسالوهو ولا فطروهو عديل
ابداع منك ومن افراح من بعدك

Post: #301
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-25-2009, 02:29 AM
Parent: #297

Quote: يا خال دي اسالوهو ولا فطروهو عديل
ابداع منك ومن افراح من بعدك

اوووه حبيبنا
ازيك يا الرشيد وكيف حالك؟
شوق بحر والله وخالك مشتاق ليك
وين الغيبة دي؟

رمضان كريم وكل سنة وانت طيب

Post: #291
Title: Re: أغاني وأغاني.. للقدامى والمستجدين..
Author: mamkouna
Date: 08-25-2009, 00:09 AM
Parent: #288

Quote: عصام .. الحاجة الكنت رابطها دي .. نعلها كرفتة ؟؟؟

كان ما اخاف الكضب...دي ياها زاااااتا بدلة عرس الملك فاروق !

Post: #292
Title: Re: أغاني وأغاني.. للقدامى والمستجدين..
Author: طارق جبريل
Date: 08-25-2009, 00:23 AM
Parent: #291

غايتو افراح جننت اسألوه جن
يمين سوتلها ضرضير السكر في الفطير بالسمن

والبصاص بتاع الاورغ عنده نقرشة دقاقة كدي زي الرتة ألت كعك العيد

نادر برضو الليلة كان كويس وغنا من اعماقه

ما كل فنان ممكن يورث ابنه الفن

Post: #299
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-25-2009, 02:01 AM
Parent: #292

يا دكتور سلامات

Quote: يمين سوتلها ضرضير السكر في الفطير بالسمن

Quote: والبصاص بتاع الاورغ عنده نقرشة دقاقة كدي زي الرتة ألت كعك العيد

في انتظار الترجمة لغير الناطقين بها ،، و معاي الخال أبو بكر ..

Post: #294
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-25-2009, 00:26 AM
Parent: #291

صدقت يا عمده
العمليه السواها عاصم في نظره يا السمحه دي إسمها لندن ملبورن بدون توقف

Post: #296
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-25-2009, 01:46 AM
Parent: #294

سلامات و تحايا عليكم أجمعين ..

الرحمة و المغفرة للراحل سيد خليفة ..

الجميع اليوم غنوا و أطربونا .. مع تميز واضح لعاصم البنا و أفراح الشعب (على قولة السر قدور) ..

بعد الاستماع لمنتصر سيد خليفة ،، اتضح لي أن ابن الوز ليس بالضرورة عوام ..

Post: #298
Title: Re: أغاني وأغاني.. للقدامى والمستجدين..
Author: سارة علي
Date: 08-25-2009, 01:53 AM
Parent: #294

سوعال
اغنية يا وطني بقت النشيد الرسمي للبرنامج؟؟

نجوان ياخ انا من السنة الفاتت دايرة اسجل اعجابي بالبوست دة
بس ما كان عندي باسويرد

رمضان كريم ليكم كلكم..

Post: #300
Title: Re: أغاني وأغاني.. للقدامى والمستجدين..
Author: سارة علي
Date: 08-25-2009, 02:18 AM
Parent: #298

في الدقيقة 1:37 من اغنية اسألوه
عصام عملا ظاااهرة

اسألوه مالو عصام؟؟

Post: #302
Title: Re: أغاني وأغاني.. للقدامى والمستجدين..
Author: Dania Elmaki
Date: 08-25-2009, 02:34 AM
Parent: #300

عاصم ابدع كالعاده,

افراح صوتها خانها الليله

عصام احييي انا دي كرفته ولا شال ولا حبل ستاره, لكن اداء ما بطال
ولد سيد خليفه اسأت لاغاني والدك, بصراحه مافي اي داعه انك تغني
نادر الليله جميل, و كمان شكرا على البدله خليك كده طوالي

فرفور مسكين الليله

Post: #337
Title: Re: أغاني وأغاني.. للقدامى والمستجدين..
Author: abubakr
Date: 08-25-2009, 03:18 PM
Parent: #300

Quote: في الدقيقة 1:37

يابتي ..دة دافوري وما فيهو ساعات ولا وكت ضايع والاشواط زي ما تجي....

ورمضان كريم

Post: #338
Title: Re: أغاني وأغاني.. للقدامى والمستجدين..
Author: abubakr
Date: 08-25-2009, 03:18 PM
Parent: #300

Post: #309
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-25-2009, 08:41 AM
Parent: #298

يا ابوعبد الله وداعه الامين
ياوديع مشكور كتير أ كتير
وانت تتحفنا بموهبتك لتشجينا

تصوم وتطفر على خير يابطل

الزول
يازول يازول انت واين ماشي
انا ماشي الديش انت وين ماشي
__
يازول تحليل وجميع الاخوان متعت البوست .
____
يجماعة انتو معاي انو ود البنا انموزج للفنان
نظافة ،اناقة , تطريب عالي ( واحده قالت والله قميص ود البنا مع الكرفته بس التقول لابس زفاف )
قولوا ماشاء الله .
___
نجوان
يظهر شغل البيت كتر عليها ومافي تعليقات .
ساره علي
اتفضلي ومُشرفه نيابة عن ست البوست

سلام .. سلام

Post: #303
Title: Re: أغاني وأغاني.. للقدامى والمستجدين..
Author: abubakr
Date: 08-25-2009, 04:22 AM
Parent: #291

Quote: كان ما اخاف الكضب...دي ياها زاااااتا بدلة عرس الملك فاروق !

الحضرو العرس بس يقولو ...

Post: #304
Title: Re: أغاني وأغاني.. للقدامى والمستجدين..
Author: Manar Mahsoub
Date: 08-25-2009, 06:04 AM
Parent: #303

كان ممكن الكلام يكون عن سيد خليفة ممتع و مشوق دون الحوجة لاستضافة ابنه العجيب ده .... و عايز يثبت انو ولد سيد خليفة بتقليد حركاته بضبانتها ...لا حافظ و لا صوته و لا ليه داعى ....

المغصة الكبرى الليلة برضو حيكون مواصل ...

ليه عمنا السر قدور ما عمل لزيدان اكثر من حلقة...

افراح الشعب سمحة نعم ...بس زى الما كانت مرتاحة فى صوتها....

رغم كل البوهيات و الاثاثات و الاروات و زيت صباح و كسرة الرقبة من رفعة الراس لكن يعتبر من انجح البرامج ....

Post: #305
Title: Re: أغاني وأغاني.. للقدامى والمستجدين..
Author: Emad Abdulla
Date: 08-25-2009, 06:33 AM

- أفراح كانت مارقة من فيلم ياباني مثلت فيهو دور واحدة من فتيات ( الجيشا ) .. أو " بت ام لعاب " ..
و نانسي عجاج كانت تطل من بين أشباح صوتها كل شويتين .. و الشويتين الباقيات تمرق يا سميرة دنيا أظنها ، يا كمان كمال ترباس .

- عاصم الجميل .. ياخي إنت بتلمع من غير الهدوم سكر سكر و خرطوم بالليل و البرادعي .. أجمل ما تكون و يكون صوتك و إنت عفوي و مرتاح .
- بتاع الكاميرا ده ما يقيف لينا ورا راس فرفور .. أريتو راس العدو .
- منتصر خليفة ... أخ خ خ خ خ خ خ خ .

Post: #306
Title: Re: أغاني وأغاني.. للقدامى والمستجدين..
Author: abubakr
Date: 08-25-2009, 06:36 AM

Quote: رغم كل البوهيات و الاثاثات و الاروات و زيت صباح و كسرة الرقبة من رفعة الراس لكن يعتبر من انجح البرامج ....

قصدك الوحيدوني الممكن نتابعو ... الا لو اعتبرتي برامج مع شركة فلان وترتكان في الحسبة .. قناة فضائية 11 شهر ما عندها برنامج يمكن كمتابعته بشكل راتب او الاعتماد عليه كعمل اعلامي ثقافي ترفيهي ..الخ ؟؟؟هل ذلك مرده لغياب في الخلق والابداع ( ونحن يعني من دون خلق الله يس كدة فاقديين خلق وابداع يعني ؟ ) ام اصرار علي اهدار القليل الفضل من الامكانات وحتي الشعب (مع الاعتذار للفاتح جبرا صاحب "الشعب الفضل " ) ام سوء ادارة ؟ ام غيظ سااااي ؟؟؟.. دة كوم والكشاكيش والالوان في الاوجه واللبس المعلوق كوم ؟؟؟

____
حاشية : نشكر لقناة النيل الازرق تقديمها لهذا البرنامج ونشكر لها اكمال حلقة الامس من غير بنوت عصير اروا وزيت صباح وارفع راسك والفائز ووادي الجندي والمحيميد وسط الاغاني .. اها خطوة لقدام ونقول يا كريم

Post: #307
Title: Re: أغاني وأغاني.. للقدامى والمستجدين..
Author: maia
Date: 08-25-2009, 08:06 AM
Parent: #306

سلام يغشاكم ورمضان كريم

والله يا جماعة الامتع من اغاني واغاني هو البوست ده

لكن حقيقي ولد سيد خليفة صراحة زود العيار كوزين وشوية في محاكاة الراحل سيد خليفة
الحكاية ما محاكة بضبانتها

المسالة روح الاحساس والاغنية

فرفور حقو شوية يرحمنا من فكرة الرجوع ( برأسه للخلف في حركة صنقعة ) ثم العودة ليطلق حنجرته بطبقة صوت غياظة جدا

المهم في الامر انه فكرة استضافة اكتر من ضيف في البرنامج فكرة جميلة جدا

ما زلت اصر انه عمنا السر قدور بيضفي روح مرحة للبرنامج ..

حلقة الفنان زيدان كانت بجد جميلة
ربنا يديهو الصحة والعافية

Post: #308
Title: Re: أغاني وأغاني.. للقدامى والمستجدين..
Author: abubakr
Date: 08-25-2009, 08:16 AM
Parent: #307

انتو في ولد سيد خليفة واللا نجوان الاختفت بعد حفلة زيدان ؟؟؟ وبعدين البوست دة من غير ريس والزمن دة يجي واحد انقلابي راكب كيبورد ويستولي عليه ريس مدي العمر ؟؟؟ اها شايف ودالعباسية الدورة دي مجاور ....

Post: #310
Title: Re: أغاني وأغاني.. للقدامى والمستجدين..
Author: عبدالله كع
Date: 08-25-2009, 09:11 AM
Parent: #308

Quote: وأنا على طول إنتبهت لي محمدية أداهو عين عشان يراجع البيت تاني ولكن صاحبنا دور في الكوبلي التاني علي طول.

اكيد ما في غيرو ... نادر !!

امبارح ما حضرته الحلقه ... والحمدلله
زي ما قالته ليك يااااانجوان (( انو اولاد الفنانين لا عوامين ولا بعرفو السباحه ))
لووبط بس ..

Post: #311
Title: Re: أغاني وأغاني.. للقدامى والمستجدين..
Author: عفاف الصادق بابكر
Date: 08-25-2009, 09:26 AM
Parent: #310

ازيكم كلكم..
غايتو نادر خضر اجتهد ...
وظهر اكتر من ود سيد خليفه ..

ولد سيد خليفة ده فنان كيف ...؟

نادر خضر ظهر في غناء سيد خليفة اكتر من ولده ... سيد الشيء زاتوووو .
بعدين الحمدلله ما كانت في اي حبيبوووووو في غناء نادر ...

عموماً كانت الحلقة ظريفه ..

Post: #313
Title: Re: أغاني وأغاني.. للقدامى والمستجدين..
Author: خالد عبد الله محمود
Date: 08-25-2009, 09:31 AM
Parent: #310

يا أخوانا أخو عماد أحمد الطيب ده حيغني متين ؟؟
الزول ده غناي و بيغني بمزاااااج

Post: #312
Title: Re: أغاني وأغاني.. للقدامى والمستجدين..
Author: Rawia
Date: 08-25-2009, 09:30 AM
Parent: #308

ود سيد خليفة كان متشنج أمس (ماعارفة ليهو سبب غير إنه بيحاول يثبت ذاته) أدوهو فرصة او اسمعوهو في اليوتيوب
عاصم زينة ساكت خلى الرقشي لكن فتن فيهو عصام محمدنور غنى بإبداع وجمال ...شفت ياعاصم التعسم ماسمح كيف ؟ والبساطة مافي أشيك منها
شكرا للشخص الامس كان واقف قدام التلفزيون بي جردل بويه بمبية... ماقصر مع بنياتنا أداهن إتجلبطن لامن قالن كفى
أفراح عصام أكلت المايكرفون .....ماممكن ياناس التلفزيون تجيبوها جعانة ونعسانة
عمي السر لقى إيدو إتكلم لما قال كفى
نادر ختيييير وفنان
الاغنية بتاعة ياوطني أدوني إحساس بتاع ناس كيرلس والمفروض يعملوا حاجة ماحبين يعملوها

Post: #314
Title: Re: أغاني وأغاني.. للقدامى والمستجدين..
Author: نجوان
Date: 08-25-2009, 09:48 AM
Parent: #312

سلام ..

نشوف اليوم الرابع شكله كيف
بعد ان هبط بنا اليوم الثالث لأرض الواقع..
(الله يسامحك يا ابوالزيق كان مسخّت علينا الباقي)

______
يا باش نحن موجودون نحمد الله.. والبوست ده كلكم اسياده ..
وصراحة عندنا محلّلين ومعلقّين وفنّيين هنا يسدوا عين الشمس..
(وأيضا كوميديين من الدرجة الأولى بتعليقات سنينة بشكل!)

واشاركك في تقديم الشكر والتقدير لقناة النيل الأزرق لهذه الأمسيات..
وللرأفة بنا وتقليل الإعلانات المؤلمة ..

النيل الأزرق تستمع لمشاهديها

Post: #315
Title: Re: أغاني وأغاني.. للقدامى والمستجدين..
Author: SHIBKA
Date: 08-25-2009, 09:58 AM
Parent: #314

حلقة امس ما حضرتها في التلفزيون لكن حضرتها في بوستكم دا ومع العلم انها مسجلة عندي
يعني بعد دا بمشي اشوف كلامكم دا

الحلقة اليوم انشا الله تكون في مستوى حلقة زيدان او احسن

Post: #316
Title: Re: أغاني وأغاني.. للقدامى والمستجدين..
Author: نجوان
Date: 08-25-2009, 10:00 AM
Parent: #314

وعن أفراح الشعب..

أفراح دي بتذكّرني زينب الحويرص.. فنانة موهوبة جدا (أي زينب)
عندها قدرة عالية على التطريب وأسلوب أداء خاص جدا..
لكن.. صوتها ضعيف.. ومع اوركسترا كاملة تحتاج مجهود لتوصيل صوتها..

وعكسه لما تكون في دندنة بالعود مثلا، تتكشّف لك امكانياتها وملكات صوتها ..

أفراح كده بالضبط.

Post: #317
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-25-2009, 10:06 AM
Parent: #316

Quote: ياخي رميتها شينة و طرف السوط لحقنا نحنا أهل الـ C CLASS

مولاي عمدة شتوتجارت ،
سلامتك من طرف السوط
سي كلاس يا إكسلانس؟
قال الشاعر العباسي :
ومن لم يرى ال X6 يفر من السي كلاس ويفزع
والله يا عمده زمان برنامج زي دا لو ما كان صوتك تتوارى معه العنادل ما تدخل الأستوديو زاتو..
لكنه قانون الندرة والمثل القائل بلداَ ما فيها تمساح تقول فيهو الموريس ماينر أنا فيراري.
أنا كنت عايز زيدان أول أمبارح يغني ( ما أصلو ريدا أصبح حياتي) عشان أشوف شغله تانيه.

قال سي كلاس قال

Post: #319
Title: Re: أغاني وأغاني.. للقدامى والمستجدين..
Author: نجوان
Date: 08-25-2009, 10:20 AM
Parent: #316

وبالله لو في زول بيعرف جمال فرفور.. الوصية في الذمة:

نصيحة من مؤمن بموهبتك..
قول ليهو لو تركت الكواريك وراءك فأصبحت ماضي.. وغنّيت بهدوء
حقيقي .. ستحلّق بالمستمع لسماوات من الطرب الجميل..
والقاليك انه الكواريك مرادف لكلمة موهبة، كضّب عليك.

وإلا .. لحصد الديك كل جوائز القرامي ..البيل بورد.. السول ترين..
وغيره..

______
بمجرّد ما يرفع فرفور راسه قبل إطلاق الصراخ..
تمتد يدي لا إراديا -وأيادي الكثيرين I'm sure- لتخفيض الصوت..

معليش يا جيمي..
رسالة لابد تصلك..
tough love

_____
التعديل لتخفيف العيار..

Post: #318
Title: Re: أغاني وأغاني.. للقدامى والمستجدين..
Author: محمد عبد الماجد الصايم
Date: 08-25-2009, 10:17 AM
Parent: #314

ود الفحيل جا متأخر مالو؟

Post: #320
Title: Re: أغاني وأغاني.. للقدامى والمستجدين..
Author: فيصل نوبي
Date: 08-25-2009, 10:55 AM
Parent: #318

أفتقد فرفرة فرفور ...

Post: #321
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-25-2009, 11:10 AM
Parent: #320

Quote: أفتقد فرفرة فرفور ...

وجدعة إيدو ورا الكنبه يا نوبي بمظنة ومقولة ( أنا المِنَقِطا) ويا أستوديو ما فيك إلا أنا.
والشُراب الأبيض ، حتى حسبته جبصا كما قال حموده،
Quote: والقاليك انه الكواريك مرادف لكلمة موهبة، كضّب عليك.

يا نجوان قاصدا تقولي ليهو( "الكلَّمَك" ظلمك ظلمك)؟
نجوان ، أعلم أنك تدرين أن صوتا يعادل 20 ديسيبل يكون هو صوت الهمس وبتاع الكلام
العادي بيساوي 60 ديسبل وضجيج الديسكو 120 تقريبا وصوت الطائرة النفاثة بقربك يعادل
140 ومرفق لك ما يفيد في هذا الإتجاه .
لكن (جيمي ) يقع خارج التدريج ( الإسكيل) لأنه أعلى من ال 160 ديسيبل واللهم لانسألك
رد القضاء ولكن نسألك تخفيض ذبذبات وديسيبلات صاحبنا دون عتبة الألم.
http://www.mawsoah.net/maogen.asp?th=0$$main&fileid=sta..._18&ImgNo=18075518_1

Post: #323
Title: Re: أغاني وأغاني.. للقدامى والمستجدين..
Author: ارصد محمد جلال
Date: 08-25-2009, 11:16 AM
Parent: #321

بعد حلقة العندليب الرائعة
منتظرين حلقة عبد العزيز المبارك بفارق الصبر .

التحية للجيمع ورمضان كريم

Post: #322
Title: Re: أغاني وأغاني.. للقدامى والمستجدين..
Author: طارق جبريل
Date: 08-25-2009, 11:14 AM
Parent: #320

Quote: يا دكتور سلامات

Quote: يمين سوتلها ضرضير السكر في الفطير بالسمن

Quote: والبصاص بتاع الاورغ عنده نقرشة دقاقة كدي زي الرتة ألت كعك العيد

في انتظار الترجمة لغير الناطقين بها ،، و معاي الخال أبو بكر ..

الصحافة تلاتين اها نترجم ليك
شفت الفطير لمن يكبو فيهو السمن لو اكلتو ما بكون لذيذ زي لمن يضرضروا فيهو السكر
وقع ليك

والرتة ألت الكعك الحتراب البيبقى مع الكعك المكسر والسكر دك والزول يشيلو يسفو

اها في زول تاني شعادة عربية

Post: #324
Title: Re: أغاني وأغاني.. للقدامى والمستجدين..
Author: Emad Abdulla
Date: 08-25-2009, 11:28 AM
Parent: #322

Quote: أنا كنت عايز زيدان أول أمبارح يغني ( ما أصلو ريدا أصبح حياتي) عشان أشوف شغله تانيه.
أو ( لما تشتاق ) .

ياخي ..
ما في حولك زول من نوع أبو ( لما تشتاق ) .. و صوتو يكون ياداااااب نط عتبة السمع ، نمرة عشرة ما لحقا ..
و ينضم .. ديسبلاية ديسبلاية .. !! مافي ؟

.....
إنت بتجيب المحن دي من وين ؟

Post: #325
Title: Re: أغاني وأغاني.. للقدامى والمستجدين..
Author: محمد عبد الماجد الصايم
Date: 08-25-2009, 11:41 AM
Parent: #324

بي مناسبة فرفرة فرفور دي
هو أول أمس كان بخرخر مالو؟

Post: #326
Title: Re: أغاني وأغاني.. للقدامى والمستجدين..
Author: حسن إبراهيم خليفة
Date: 08-25-2009, 11:51 AM
Parent: #324

يا رب .... في حلقة الليلة السر قدور يدي فرصة لأفراح عصام والفحيل.

يا جماعة عندي طلب بسيط إن شاء الله السر قدور يحققو لي.... إنه افراح عصام تغني لينا ربيع الحب.

أنا متأكد لوغنت الأغنية دي ح تكتل ليها زول وأولهم أنا طبعا... لان الشجن الفي صوتهامبالغة وإبداع

ما بعده إبداع.

ويالله يا منتصر شد حيلك الليلة وأركز ... جبتا لينا الكلام ... الناس دي هنا كلها فنانين

وموسيقيين وبفهموا غنا كويس شديد.

أنا شايف ناس كتيرة إنتقدت منتصر إنه بقلد والده في الحركات يا جماعة بالنسبة لي الحركات اللي

بيعملها منتصر هي ليست تقليد لوالده ... فلقد ورث منه هذه الحركات وهو إبنه البكر وده شي طبيعي

لأنه ولده ، حتى حركاته في البيت وطريقة الكلام هي نفسهاأيضا... فرجائي أن لا تظلموهو أدوهو

فرصة ... وإن شاء الله يقدر يطربنا.

نجوان ... شكرا إنك أعطيتنا هذه الفرصة في هذا البوست الرائع كي نعلق على هذه الحلقات الممتعة..

تصومي وتفطري على خيرأنتي وجميع الأعضاء.

Post: #327
Title: Re: أغاني وأغاني.. للقدامى والمستجدين..
Author: معتز القريش
Date: 08-25-2009, 11:57 AM
Parent: #326

حلــقــة رمــــ3ــــضان كاملة

Post: #328
Title: Re: أغاني وأغاني.. للقدامى والمستجدين..
Author: الحاج حمد الحاج
Date: 08-25-2009, 12:47 PM
Parent: #327

لم أحضر مقدمة الحلقة الثالثة..الزول البطبز القاعد بين فرفور و عاصم دا منو؟ ياخي دا لخبط لخبطة!!!

Post: #329
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-25-2009, 12:50 PM
Parent: #327

Quote: ياخي ..
ما في حولك زول من نوع أبو ( لما تشتاق ) .. و صوتو يكون ياداااااب نط عتبة السمع ،
نمرة عشرة ما لحقا .. و ينضم .. ديسبلاية ديسبلاية .. !! مافي ؟

آاااخ يا عمده،
يا عماد دعنا نتعرض لنفحات هذه الأيام الطيبات عسى يصطفينا المولى مع التقي من العباد،
نوع (لما تشتاق) نمره 10 ديسبل لا تصلها إلا على (جسر من التعب ) كما قال أبوتمام ،
تقودنا يا عمده إلى خمائل الغواية منشدا:
(هيمانُ "بالراحة الكبرى" .. و جنّتها
ظمآنُ للمجدِ في كأس ٍ من الحُرَق ِ

مشتاقُ! هل من رسولٍ مدلجٍ حذر ٍ
يقطّر الهمسَ في آذان مُسـترق ِ ؟)

اليقطرن والبنضمن (ديسبلايه ديسيبلايه) ديل يا العزيز
نفسهن من يذرن في السمع قولا لايلحظه حتى الوريد ،

يا عمده ، شيل باقيها أفطر بيهو وربنا يتقبل منك صيامك وقيامك و.. قيامك:
(إن جئتُ ، يامجدُ، يوماً أمتطي تعبي
و أشربُ الحارقَ الهطّالَ من حُدقي

فغط ِّ عُريَ زنودي .. ثمّ خذ بيدي
و نفّض الحزن و الأشواكَ عن خِرقي

قل لي عن الكونِ..حدّثني ..كيف يُرى ؟
سرْ بي على السورِ نجلو شرفةَ الأفق ِ

قدني إلى الشُّهبِ .. صغ لي بضع أرديةٍ
من الغيوم .. و تاجاً من سنا الشفقِ

و اروِ جدبَ فضولي .. و اشفِ أسئلتي
و غضّ طرفكَ عن موّالها النّـزِقِ

أو غبتُ ، يا مجدُ، يوماً فأتِ في حلمي
لا بأسَ في مجدِ رسّام ٍ على الورق ِ .

قالت: (زر قلبي كما تزور داري)

Post: #330
Title: Re: أغاني وأغاني.. للقدامى والمستجدين..
Author: Hussein Mallasi
Date: 08-25-2009, 01:24 PM
Parent: #329

الغلطة غلطة من أتى بمنتصر سيد خليفة كديكور للحلقة.

_____
كان يجب أن يعطى فرصة
حقيقية تسبقها عدة بروفات.

Post: #331
Title: Re: أغاني وأغاني.. للقدامى والمستجدين..
Author: mamkouna
Date: 08-25-2009, 01:58 PM
Parent: #326

Quote: فلقد ورث منه هذه الحركات وهو إبنه البكر وده شي طبيعي

اعذرني يا اخ حسن ابراهيم خليفة...عندي أسئلة *شخصية* محرقة روحي..
واحد:
الفنان الراحل سيد خليفة غنى في عرس الملك فاروق...كيف يكون الشاب الصغير دا إبنه البكر؟؟!!

إتنين:
في واحد في البوست دا قال انو منتصر لابس باروكة...انا بصراحة ما لاحظت الحكاية دي...
لكن لو الكلام دا صحيح ...ممكن يوٌصف دكانا لي فرفور و عصام و محمد المرتضى !؟؟؟

Post: #332
Title: Re: أغاني وأغاني.. للقدامى والمستجدين..
Author: omer osman
Date: 08-25-2009, 02:02 PM
Parent: #331

Quote: واحد:
الفنان الراحل سيد خليفة غنى في عرس الملك فاروق...كيف يكون الشاب الصغير دا إبنه البكر؟؟!!

عرس كبير.

Post: #334
Title: Re: أغاني وأغاني.. للقدامى والمستجدين..
Author: تيسير عووضة
Date: 08-25-2009, 02:42 PM
Parent: #332

سلامات كلكم ورمضان كريم

البوست بتاعكم دا بقى عامل زي ليالي الحلمية زمان
من غيرو رمضان ما بيبقى

منتصر خليفة لو طلع من قصة تقليد حركات والدو "النسّتو الغنية" ممكن يجي منو
صوتو حلو وفي آخرو في حاجة من سيد خليفة

"تحميسات" السر قدور للمغنين وكلماتو التشجيعية وروحو الأبوية بتدي الحلقات نكهة لكنو نضيضيييم

نادر صوتو حلو بس لما يحاول يتلاعب بالصوت القصة بتطلع من يدو خالص

لو إتلموا صوت فرفور "أبو بحة الأنا بحبو" + هدوء وإرتياح عصام في الغنا يبقى تحفة

نجوم الغد لسه بيصفقوا بنفس طريقة البرنامج بتاعة ناس كنبة ورا

أفراح الشعب زي السكر وصوتا حلو جداً بس السلالم العالية نهائي ما بتنفع معاها والدليل أسألوهو

زيدان بقدر ما أمتعنا في حلقتو بقدر ما حسيت بيهو "إتضرس" من الناس الغنوا معاهو

محمدية وأحمودي متعة قائمة بذاتها

كلللهم في اللبس بيق زيرو !!

Post: #333
Title: Re: أغاني وأغاني.. للقدامى والمستجدين..
Author: حسن إبراهيم خليفة
Date: 08-25-2009, 02:41 PM
Parent: #331

عاذرك يا أخت ممكونة أسألي ذي ما عايزة ... سيد خليفة ده حق الكل، الله لا جاب حراق الروح.

عمي الراحل سيد حليفة عليه رحمة الله ، غنى في عرس الملك فاروق ولم يتجاوز عمره العشرون عاما حيث

كان في ذلك الوقت يدرس الموسيقى بمعهد فؤاد الأول.

تزوج عمي من أمدرمان ومن أسرة مشهورة وأقربائنا في نفس الوقت ( أسرة ناس قساية المشهورة في

الملازمين بأمدرمان وكان ذلك في الستينات من القرن الماضي ، ولكنه لم يوفق في هذا الزواج ، وظل

فترة طويلة غير متزوج كرس فيها حياته للفن وفي العام 1976 تزوج من قريبته في الدبيبة وأنجب منها

منتصر ومنية ومشاعر ومحمد وآخر العنقود نايرة.

ثانيا : بالنسبة للباروكة .... الله أكبر عليكم ده شعرو يا جماعة الراجل شعره غزير ولسه الولد

صغير طوالي لبستو باروكة؟

وأنا ماري في البوست قريت كلام الباروكة ده ... ضحكت ضحك شديد فيها والله ، لكن ليك علي ولا يهمك

يا ممكونة اتصل ليك علي منتصر بعد حلقة الليلة واشوف معاهو حكاية الباروكة لأنه والله أنا مغيوظ من

المصور اللي مركز علي صلعة فرفور.

قصرت معاك يا ممكونة؟ إن شاء الله تكون روحك بردت (وجه ضاحك) .. تصومي وتفطري على خير.

Post: #339
Title: Re: أغاني وأغاني.. للقدامى والمستجدين..
Author: الزوول
Date: 08-25-2009, 03:23 PM
Parent: #333

السلام عليكم
...... أنا سعيد بوجود الأخ حسن إبراهيم خليفة بيننا
وروحه الطيبة في الرد على أسئلة اختنا الممكونة
_
مواصلة للأسئلة الشخصية المحرقة الروح
عّرفنا السر قدور بعمك الفنان سيد خليفة أن اسمه الحقيقي هو علي محمد الأمين
وأن اسم سيد خليفة هو اسم فني بحت
ولكني الاحظ أن أن اسمك هو حسن إبراهيم خليفة
وشكلو كده لقب الخليفة غلب على اسم جدك الحقيقي
وعليه فإن اسمك الحقيقي هو حسن إبراهيم محمد الأمين
ولّ عمنا السر قدور ده أكلنا حنك ساي؟

.....
وبالمناسبة السنة دي شايف (فردتنا) عاصم البنا مسجل غياب
وأرجو أن لا يكون زعلان من تعليقاتنا التي ربما تكون حادة وقاسية أحياناً
ونفتقد أيضاً الأخ عبد الله البنا إبن الفنان أحمد البنا (الفرجوني) الذي كان مشاركاً في العام الماضي
_

Post: #400
Title: Re: أغاني وأغاني.. للقدامى والمستجدين..
Author: حسن إبراهيم خليفة
Date: 08-26-2009, 12:57 PM
Parent: #339

Quote:
مواصلة للأسئلة الشخصية المحرقة الروح
عّرفنا السر قدور بعمك الفنان سيد خليفة أن اسمه الحقيقي هو علي محمد الأمين
وأن اسم سيد خليفة هو اسم فني بحت
ولكني الاحظ أن أن اسمك هو حسن إبراهيم خليفة
وشكلو كده لقب الخليفة غلب على اسم جدك الحقيقي
وعليه فإن اسمك الحقيقي هو حسن إبراهيم محمد الأمين
ولّ عمنا السر قدور ده أكلنا حنك ساي؟

شكرا أخي الزول على إستفسارك ... بالنسبة للإسم الإسم الحقيقي هو على محمد الخليفة الأمين

عندما أخذ سيد الإسم الفني من إسم جدي عليه الرحمة ظل إسمه الموجود في الأوراق الرسمية سيد خليفة

محمد الأمين ،ولكن بحكم شهرة سيد خليفة ، صار الناس ينادون والدي بإسم إبراهيم خليفة بدلا عن

إبراهيم محمد الخليفة الأمين وهو الإسم الموجود في جواز السفر والأوراق الرسمية.

وعمنا سيد دائمابيحب الطرفة و كان يقول إنه بيحمل جواز مطربين وهما سيد خليفة ومحمد الأمين

إشارة لإسمه في الجواز (سيد خليفة محمد الأمين).

يعني يا الزول عمك السر ما أكلك حنك.

تسلم يا غالي.

Post: #357
Title: Re: أغاني وأغاني.. للقدامى والمستجدين..
Author: mamkouna
Date: 08-25-2009, 08:04 PM
Parent: #333

شكراً كتيراً و جزيلاً يا اخ حسن خليفة على سعة صدرك و روحك الحلوة...
اهو فضولي و حراق روحي خلانا نطلع بي معلومات مهمة و نتعرف اكتر على عائلة الراحل سيد خليفة.

لك كل الود و التقدير.

Post: #399
Title: Re: أغاني وأغاني.. للقدامى والمستجدين..
Author: حسن إبراهيم خليفة
Date: 08-26-2009, 12:44 PM
Parent: #357

Quote: شكراً كتيراً و جزيلاً يا اخ حسن خليفة على سعة صدرك و روحك الحلوة...
اهو فضولي و حراق روحي خلانا نطلع بي معلومات مهمة و نتعرف اكتر على عائلة الراحل سيد خليفة.

لك كل الود و التقدير.

نحن تحت الخدمة يا أخت ممكونة ...كل سنة وإنتي طيبة.

Post: #335
Title: Re: أغاني وأغاني.. للقدامى والمستجدين..
Author: abubakr
Date: 08-25-2009, 03:03 PM
Parent: #331

Quote: الفنان الراحل سيد خليفة غنى في عرس الملك فاروق...كيف يكون الشاب الصغير دا إبنه البكر؟؟!!

ممكونة انتي احسن تعليقاتك تجي بعد الفطور وقبل الامساك .. يعني الولد البكر الا يطلع عجوز ؟؟

Post: #336
Title: Re: أغاني وأغاني.. للقدامى والمستجدين..
Author: abubakr
Date: 08-25-2009, 03:08 PM
Parent: #314

Quote: يا باش نحن موجودون نحمد الله.. والبوست ده كلكم اسياده ..

كيفن الكلام دة ..؟ نحن خلاص اتعودنا علي السلطوية الفردية ولذا ما بنقدر علي بوست ما فيهو ريس واحد ؟؟

Post: #340
Title: Re: أغاني وأغاني.. للقدامى والمستجدين..
Author: الزوول
Date: 08-25-2009, 04:38 PM
Parent: #336

.....
يا حسين ملاسي
تلقى الجماعة
فنانين الحلقة
الليلة يرجفوا
خوفاً أن يطالبهم السر قدور بأداء أغنية البامبو السوداني
.....

Post: #341
Title: Re: أغاني وأغاني.. للقدامى والمستجدين..
Author: abubakr
Date: 08-25-2009, 06:00 PM
Parent: #340

الحلقة بدت وعمكم السر لابس زي امبارح والفريق هو ذاتو بتاع امبارح وفيهو ولد سيد خليفة فبالله عليكم الله خلوه في حالو اكراما للمرحوم والده وانا سمعتو مرة في برنامج عن والده وغني كما والده فبالله خلووه ..

كسرة : ارفع راسك وتميز بانجازاتك ومن عند هلا هات وبس خلاص.. الاسبيرات مارينا في السوق الشعبي بحرؤي وين شرق السكة حديد ارح ودينا ...دة شنو دة؟؟ دة مكتب دة ؟؟ماشاء الله مكتب جديد اكيد من المحميد .. ارو ارو برتواان ومشمش امردين ...سابنتوود توفر لك الحلول .... اليونتات غرف الاطفال وقريبا مفاجاة المؤمن الكبري ..النصر للتمليك العقاري ...بويات الشرووق ..جودة تحسعا ... زيت صباح في فرق في الريحة ...الاسطي عارف النقاش فنان اتعلم يحس الالوان عارف احاسيس الالوان لانها الوان الشروق ....لما ايدي جات في ايديك قلت ايه كل الجمال دة تلاجة سامسونج .. الفائز الفائز ابقي ليهو زبون ...دهان بوماستك من الشروق ...دواجن ميكو متعة التذوق ....ضوق طواجن القوصي ضاجن الضاني ياعيني عليه ...اورنجا امر ادين لكن اناناس اورنجة احسن اناناس .. من سوريا والان في السودان معجون بشري يجعل البياض انصع ...شوف سفاري طفي ناري باح ...صحي والله الموضوع ظاهر مهم التامين الصحي اخد الدوا بربع القيمة... البشائر تقابل الناس بالبشائر تشوف تقول واحلالي واخر موضة السراير ...مجمع سعيد قدالة التجاري ..بشري سارة علي برامج اكاديمية كلية الملتيمديا...
هذبتني بلصبر ياشهر الصيام تصومو وتفطرو علي خير مع تحيات بويات الشرق

نكهة شاي غزالتيين كوفتي ياهو دة شاي
دانا خديجة .. احنا خطفنا خديجة .. خلو خديجة عندكم ..خد خديجة....

الان نعود الي

Post: #342
Title: Re: أغاني وأغاني.. للقدامى والمستجدين..
Author: abubakr
Date: 08-25-2009, 06:05 PM
Parent: #341

الحلقة الثانية عن سيد خليفة ...
ذكاء سيد خليفة ومعرفته بالجمهور ..

طشقند 58
الوفد السوداني سيد خليفة لوحدو وعندما غني ازيكم والمامبو السوداني اذهل الجمهور
اول الاغنيات ازيكم كيفنكم ..اسماعيل حسن ..سيد خليفة .. السامبا ..
فردتنا يغني ازيكم ....

Post: #344
Title: Re: أغاني وأغاني.. للقدامى والمستجدين..
Author: abubakr
Date: 08-25-2009, 06:14 PM
Parent: #342

فردتنا قاطع عمكم السر .. الحقو ...
اشار الي القبول الذي وجدته الكلمات الموجزة كازيكم كيفنكم شعرا من قبول خارجي بينما في الداخل الجمل الغنائية طويلة قاماذا لا يكتب الشعراء اغاني بكلمات موجزة لتنتشر الاغنية السودانية خارج الوطن

عاد عمنا الي موضوع طشقند

نادر يغني جاري وانا جارو ومعاها الولد الفنان شريف (والله الواد دة تمام التمام خلي محمدية يبتسم علي طول )
نادر وشريف في جاري وانا جارو تمام التمام

Post: #347
Title: Re: أغاني وأغاني.. للقدامى والمستجدين..
Author: فيصل نوبي
Date: 08-25-2009, 06:22 PM
Parent: #340

و أخيراً فرفر فرفور و قدل أحمودي

Post: #343
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-25-2009, 06:07 PM
Parent: #336

______
Quote: بمجرّد ما يرفع فرفور راسه قبل إطلاق الصراخ..
تمتد يدي لا إراديا -وأيادي الكثيرين I'm sure- لتخفيض الصوت..

معليش يا جيمي..
رسالة لابد تصلك..
tough love

رسالتك وصلتك ياوجن
ضحك وبيسلم عليكم وبقول ياجماعة
دي الحاجة الوحيده العندي
لما اغرق في الغناء وانت عارف ياوليد
انا عارف لكن البقنع ناس نجوان منو
___________
بحكي ليكم عن هذا الموهبة في ما بعد

سلام .. سلام

Post: #345
Title: Re: أغاني وأغاني.. للقدامى والمستجدين..
Author: Rawia
Date: 08-25-2009, 06:17 PM
Parent: #343

حـــــــــلاتو ود الحلة

Post: #346
Title: Re: أغاني وأغاني.. للقدامى والمستجدين..
Author: abubakr
Date: 08-25-2009, 06:20 PM
Parent: #343

كما غني سيد خليفة الكلمة الفصحي فلقد غني اغاني التراث

منار تغني الفارس الجعجاع ...
البنية غناية ومتمكنة ...

اها جا دور متتصر سيد خليفة "انا مالي ومالو"....
نكهة سيد خليفة .. لغة الجسد ..

الواد تمام واخر السطة فبالله وقفو اي هجوم ..هذا الشبل من ذاك الاسد .. هكذا صاح عم السر

Post: #348
Title: Re: أغاني وأغاني.. للقدامى والمستجدين..
Author: حسن سنوسى
Date: 08-25-2009, 06:25 PM
Parent: #346

الجماعة شكلهم كانو مقيلين عشان يتمو الحلقة الثانية عن سيد خليفة
عمك.. بدلتو ياها زااتا واول مرة انتبه للكرفتة القاطعة من راسو دى..
عصام وفردتكم طلعو الجاكتات لكن يا ربى: علقوها ويين
عصافير بابكر صديق بنفس الازياء.. بس اعادو الشكة
منتصر شكلو كان مجهز القميص الاسود غيار لاى طوارىء
جارى وانا جارو.. حبيبو عدادك رامى السنة دى وكدا
عصفور بابكر صديق دمو خفيف
نهرة عمك لمنتصر دى ما كان فى ليها اى داعى
منار اغانى الحماسة ما بغنوها كدا
عصام: دائماً هنالك فرق
فرفور اها اجرى عقد اللولى دى فيها مساحة كواريك

Post: #349
Title: Re: أغاني وأغاني.. للقدامى والمستجدين..
Author: abubakr
Date: 08-25-2009, 06:30 PM
Parent: #346

عصام محمد نور في "ياحبيب مالك مشغول بالك "
تمام التمام ...

اغنية علي ميرغني "ياعقد اللولي" يغنيها فرفور ....يشاركه فيها عصام احمد الطيب (الواد دة صوتو اخر تمام وزولا صبوح )..تحمست الفرقة الموسيقية .. اشترك منتصر ليضيف نكهة ابوالسيد عليه الرحمة ....عصام احمد الطيب ومنار فاكهة الحلقة رغم اشتراك قصير ...

Post: #350
Title: Re: أغاني وأغاني.. للقدامى والمستجدين..
Author: abubakr
Date: 08-25-2009, 06:34 PM
Parent: #349

شكرا النيل الازرق للاستجابة لرغبة الجماهير الاسفيرية والمحافظة لليوم الثاني علي زمن الحلقة الاساسي دون ارفع راسك والجماعة

______________

حاشية :اهو الواحد يتمحلس كدة بشان ما يغيرو رايم ويجونا ناس وادي الجندي وينطو في حلق الحلقة

Post: #351
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-25-2009, 06:38 PM
Parent: #343

ود البنا
ورجع ود البنا الى تواضعة في الاداء
الغنية تليق مع نجوم الغد
وانا بشوف يعصر على غناءالحقيبة
وعلى السيره والعرضة
وغناء الرجاله والعتاله .
نادر وشريف
في جاري وانا جارو
والله عسل وذكرونا اغاني
الحفلات والهجيج
منار
البت دي داسنها وين
مع فوق الوسط وموهوبة
مننصر (سيد خليفة)
انا مالي ومالو
ويناس مالكم انتو و مالوا
ياجماعة الولد اتقدم وانتفض
عصام محمد
ياحبيب مالك مشغول بالك
قالوا الحب غير حالك
ياخي انت ملك البهجةوتفصّل غناء الغير عليك
ياجماعة شوفو الشجن والصفا
وهذا الفرق بينه وبين ود البناوالصوت البدوي
فرفور
معلم ومعلم والله يستحق لقب فنان الشباب
الاول ويتربع على عرش الغناء
ياعقد اللولي
جات بسكتنا الحلوه في الروض تمشي وتمختر
واتمختر يافرفور زي ماعايز في الغناء
شفت الكواريك يا(نجوان )هنا كيف عجبتك .
السر قدور
ياجماعة ود قدور ده كان ممثل ومللوجست وشاعر
يعني ماتستغربوا الحركات والكفشات

سلام .. سلام

Post: #352
Title: Re: أغاني وأغاني.. للقدامى والمستجدين..
Author: ودالعباسية
Date: 08-25-2009, 07:02 PM
Parent: #351

فى البداية وقبل اي شئ ،،، اسجل اعتراض كبير جدا جدا ،،

والعنده اتصال بى الناس ديل يكلمهم ،،،

مافى اختلاف انه سيد خليفة فنان كبير وقدم للفن السودانى الكتير ،،،

لكن ياخى 3 حلقات ،، معقول بس ،،،

وزيدان دا مالو ،، ما بعملو ليه 3 حلقات دا مفروض يعملو ليه 6 حلقات ايه رائكم ،،

غايتو ،،سويتوها ظاهره يا ناس اغانى واغانى ،،

_________________

الليلة قاعد ومتحكر وتابعته الحلقة التانية لى الفنان سيد خليفة ،،

ويا خال ،، المرة دي نحن لحام ستليين بس فى البوست دا ،،، اصلو مافى كدا ولا كدا

نادر وشريف اخر حلاوة او نقول شريف هو الحلاوة كلها ،،،

منار برغم انه الاغنية غناها عصام السنة القبل الفاتت لكن ما قصرت ،،

فرفور كان الموزع لى اغنية يا عقد اللولى ،، ونشكره شديد لانه ادي الفرصة للولد

المسكين اخو عماد محمد الطيب ( اسمو منه هو )

منتصر ود سيد خليفة ،، انا اتفق تمام مع انه الولد دا الحركات دي غير مسطنعة

دي وراثة يا خوانا ،، يكفى انه يديك احساس ابوالسيد واقف قدامك بكل تفاصيله ما عدا

الصوت يمكن شوية ،،

عصام محمد نور ،، رائع بكل بساطة ،،

وبكرة تانى ابوالسيد ،،، دي ان شالله بتكون مع الشعر الفصيح ،،

وياخال اظن ناس بوهيات المهندس ديل دافعين كتير خلاص ،،

Post: #353
Title: Re: أغاني وأغاني.. للقدامى والمستجدين..
Author: abubakr
Date: 08-25-2009, 07:16 PM
Parent: #352

Quote: وزيدان دا مالو ،، ما بعملو ليه 3 حلقات دا مفروض يعملو ليه 6 حلقات ايه رائكم ،،

اكان ما قلت كدة ياودالعباسية كان تحييزك يطلع فشنك ...؟؟ عمكم السر اتعنصر للقاهريين بحكم انو مقيم هناك ديشليون سنة وكدة يعني ...

Post: #356
Title: Re: أغاني وأغاني.. للقدامى والمستجدين..
Author: Rawia
Date: 08-25-2009, 07:25 PM
Parent: #353

منار بتستحق مني مداخلة مخصوصة غنـــــاية وصوتها قوي وزمنها زي الفل يومداك كانت الاغنية في مستوى صوت أفراح عشان كدا تعبت هي
كل النجاح يا منار ليك (من جوة قلبي)

Post: #354
Title: Re: أغاني وأغاني.. للقدامى والمستجدين..
Author: خالد عبد الله محمود
Date: 08-25-2009, 07:18 PM
Parent: #352

Quote: (الواد دة صوتو اخر تمام وزولا صبوح )..

قلنا الكلام ده يا أبوبكر لكن الجماعة كاتلاهم السماحة ساكت
أفراح دي بالذات ما عندها أي مؤهلات فنية تخليها تشارك في برنامج زي ده ..
ريماز و شريف ما بطالين لكن عصام ده أفضل واحد فيهم

Post: #403
Title: Re: أغاني وأغاني.. للقدامى والمستجدين..
Author: حسن إبراهيم خليفة
Date: 08-26-2009, 01:28 PM
Parent: #352

Quote: مافى اختلاف انه سيد خليفة فنان كبير وقدم للفن السودانى الكتير ،،،

لكن ياخى 3 حلقات ،، معقول بس ،،،

معقولة ونص كمان...

يا سيدي سيد خليفة مدرسة تتعلم منها الأجيال .

سيد خليفة يستحق أكثر من ثلاثة حلقات.

سيد خليفة قدم مع عمر الجزلي خمس حلقات من برنامجه الناجح اسماء في حياتنا ولم تكن كافية ليحكي

لنا قصة خمسين عاما من الفن الجميل الهادف.

سيد خليفة هو سفير الأغنية السودانية في الخارج فهل تستكثر عليه ثلاث حلقات

سيد خليفة قدم الكثير والكثير لهذا الوطن ، فلا يمكن أخي عباسية تعترض على منحه ثلاثة حلقات وهي لا

تسوى شي نظير ما قدمه طوال خمسين عاما من الفن الراقي الرفيع.

لك الحق ان تعترض بخصوص منح الفنان زيدان حلقة واحدة من الحلقات الثلاثين وتجدني من أكثر المؤيدين

لك ، لانه زيدان إبراهيم فنان جميل وأغانيه رائعة جدا وأنا من اشد المعجبين بفنه وقدم ايضافن جميل

وراقي ولكن أن تعترض على منح سيد خليفة ثلاثة حلقات من البرنامج فهذا ما يدعو للإستغراب !!!!

أنا هنا لست مدافعا عن ابو السيد فأغنياته الجميلة فيها الرد الشافي كما أن منحه ثلاثة حلقات هي

أبلغ رد على هذه الجملة المستفزة (معقولة بس).

أتمنى يا أخ عباسية أن تتصل بي الفنان زيدان إبراهيم وحتما سيرد عليك بأن ثلاثة حلقات لسيد خليفة

غير كافية وكلم ناس النيل الأزرق كمان بالموضوع ده ... ونحن منتظرين الرد.

Post: #355
Title: Re: أغاني وأغاني.. للقدامى والمستجدين..
Author: فيصل نوبي
Date: 08-25-2009, 07:20 PM
Parent: #351

سلام للأغانياب..

يا تيسير ياخ إنت معاي في نفس الخط
Quote: لو إتلموا صوت فرفور "أبو بحة الأنا بحبو" + هدوء وإرتياح عصام في الغنا يبقى تحفة
فرفرة فرفور و مزج موهبته مع موهبة عصام بتطلع حاجة ما تخلص
بصراحة بكون قاعد في قمة سعادتي و مبتسم زي الاهبل براي لامن يكونو الاتنين عاملين (دويتو)
و خاصة لامن يكون الاتنين في مزاج للغني و في الغالب فرفرة فرفور بتدي عصام قوة دفع ما عادية ..

__
Quote: اغنية علي ميرغني "ياعقد اللولي" يغنيها فرفور ....يشاركه فيها عصام احمد الطيب
الأغنية دي تحديداً فاكهة الحلقة و الحلو بتاعها ..
تمنيت أن يغنيها (عاصم البنا) لأنها تكون أجمل في (الصوت البدوي) ..
لكن فرفور و عصام عملو دويتو رهيب
و الأجمل معاكسات فرفور لريماز (علي ما أظن) عشان تشاركـ و إتضح إنها ما حافظة أو غلبها تظهر ...

_
أحمودي و محمدية اليوم إنبسطو جداً .. محمدية باسم و أحمود ينقز ساااااااااي

_
سلام سلام
يا وليد ياخ الحركة دي معناها شنو ما لاقي ليها إرتباط بمداخلتكـ
بكون ماشي اقرا و أقرا فجاءة تلاقيني سلام سلام دي بتحسسني إنه الصبح أذن و الصيام بداء ياخ.

Post: #358
Title: Re: أغاني وأغاني.. للقدامى والمستجدين..
Author: الزوول
Date: 08-25-2009, 08:09 PM
Parent: #355

.....
______
Quote: بمجرّد ما يرفع فرفور راسه قبل إطلاق الصراخ..
تمتد يدي لا إراديا -وأيادي الكثيرين I'm sure- لتخفيض الصوت..

معليش يا جيمي..
رسالة لابد تصلك..
tough love

_____

يا نجوان يا اختي
موضوع كواريك فرفور دي
أظنها تقليد لطريقة غناء كمال ترباس
وقبله علي ابراهيم اللحو
ما عارف أذا كان فرفور بيقصد يؤدي بالطريقة دي
أو انها صارت مكتسبة
ولكن أظن انه من الصعب عليه أن يتخلى عنها
ولكن كمال ترباس واللحو
يجيدان هذه الطريقة
وغالباً ما يهربان بها من مواقف محرجة
أحياناً تصل بهم إلى درجة الهمس
ولا تفهم ماذا يقولان
ولكنهما يحتفظان بالسلم ويتركان الموسيقى تعبر نيابة عنهما
ثم يعودان في المواضع السهلة للأرتفاع بصوتهما(ولكنهما غالباً لا يصلان ل160 بتاعة مرتضى )
ويكون كل ذلك في سبيل الحفاظ على الصوت ومخافة التحشرج
....
بدأ وردي بعد عودته الأخيرة يلجأ لهذه الطريقة للتغطية على شيخوخة الصوت
كما حاول الاستعانة بكورس البنات ليؤدوا بدلاً عنه الطلعات المحرجة
ولان وردي كان يتميز بصوت سلس قوي غاية في الجمال ولا يحتاج إلى تغطية (اسمع التسجيلات القديمة له)
لذا لم يستسغ الكثيرون أداءه الجديد .... وأنا أولهم
....
اها
بعد الكلام ده كلو يا عمك جمال فرفور نستنتج انو الجماعة ديل مجبورين
انت الجابرك شنو ؟
.....

Post: #359
Title: Re: أغاني وأغاني.. للقدامى والمستجدين..
Author: نجوان
Date: 08-25-2009, 08:30 PM
Parent: #358

سلام يا حبّان..

معليش .. شغلتنا الدنيا شوية وراحت حلقة اليوم علينا
(ننتظر الروابط هنا في بطن بوستينا ده)
وأشكر ود القريش بالمناسبة دي على تنزيله لروابط الحلقات الكاملة.. تسلم ياخ..

وممكونة والزوول نجضتوا حسن خليفة نجاض قبورة.. سين وجيم..
بس تمام دلوقت اصبح في حوار بيننا وبين العالم الخارجي..
والباشمهندس أبوبكر حنّ على منتصر وطالب الرأفة.. (ينظر ويفاد)

وتحية لـ أرصد جلال وتيسير عووضة لتشريف البوست .. خليكم قراب بالله..

______
ويا وليد عبداللطيف..
قلت فرفور ضحك وقال والله ده الواقع؟
الواقع من صنع أيادينا.. او حنجرتنا..

Quote: ضحك وبيسلم عليكم وبقول ياجماعة
دي الحاجة الوحيده العندي
لما اغرق في الغناء وانت عارف ياوليد

كان كده قول لفرفور مافي داعي تغرق في الغنا، خليك مطفّح ساي..

بالله سلّم عليه وأطبع ليهو مخطط محمد المرتضى وقول ليهو ده كلام علمي..
ومن مصلحتك تتعاون!
(وجه بيهظر ساي)

Post: #360
Title: Re: أغاني وأغاني.. للقدامى والمستجدين..
Author: abubakr
Date: 08-25-2009, 08:59 PM
Parent: #359

يصراحة انا افضل لو انعكس الوضع وصار الشباب الخمس من نجوم الغد هم الاصليين في هذا البرنامج واخذ رباعي فردتنا فرفور عصام نادر مكانهم حيث ان هؤلاء وعلي مدي ثلاث دورات ماضية وسنوات كثيرة قبلها وجدو ما يكفيهم من اثبات لوجود وبالتالي فامكاناتهم واصواتهم هي معروفة ونحن هنا نكرر عندما يغني احدهم كثير او كل ما ذكرناه عنهم في السنوات الماضية ...شباب نجوم الغد هذه فرصة لهم لمواجهة حقيقية للجمهور تتجاوز تصفيات برنامج بابكر صديق ونمطيته والا فما معني وجودهم الرمزي فطالما اختارهم منتج ومخرج ومقدم البرنامج لثلاثين حلقة فالافضل هو ان ينالو فرص كاملة وليس كوبيليهات هنا وهناك او رجوع بصمة الخشم في بعض الحلقات هي تعطي صور سالبة اكثر منها موجبة .. فالخمسة لهم امكانات كبيرة لاحظها من تابعهم في تصفيات نجوم الغد وافراح مثلا ابدعت كثيرا في نجوم الغد وبعده اما في الثلاث ايام السابقة فكانت رهينة كوبلييهات عشوائية وقلق منع صوتها من ان ينطلق كما عرف في التصفيات ورماز ذات الامكانات المتعددة كذلك حبسها من ان تملأ الاستوديو القا انتظار كوبيليهات او مزاجية العم السر وعصام احمد الطيب والذي له من امكانات شبيهة لفردتنا واستعداد دائم للانطلاق ترك في صف الاحتياطي كثيرا وهو الذي بامكانه ان يلعب في كل الخانات اما شريف فهو شريف الفنان الذي يشعرك براحة وطرب حتي هو ممسك بالمايك دون ان يغني ومنار فاكهة تصفيات نجوم الغد والصوت المميز ذو البصمة الواضحة لارث الغناء النسائي السوداني الجميل ... وجود هؤلاء الشباب لا يجب ان يكون شكليا وتجميليا وتشريفيا وانما تحفيزا لامكاناتهم وابداعاتهم باعطائهم الساحة وليس موضع اصبع فقط ....

Post: #361
Title: Re: أغاني وأغاني.. للقدامى والمستجدين..
Author: نجوان
Date: 08-25-2009, 09:17 PM
Parent: #360

معاك يا باش.. كان بيشكّل تجديد لنا نحن المشاهدون..
وفرصة ظهور في مصلحة نجوم الغد..

لكن.. والله اعلم، ربما من وجهة نظر معدّي البرنامج
قد يكون في الأمر بعض المغامرة..

Post: #362
Title: Re: أغاني وأغاني.. للقدامى والمستجدين..
Author: إبراهيم عبد الحليم
Date: 08-25-2009, 10:18 PM
Parent: #361

الأخوة ناس البوست
شكرا على هذا البوست الخلانى أتابع البرنامج لانى بعيد عن الوطن وما عندى قناة النيل الأزرق
البرنامج ماشى كويس وأدهشنى تطور نادر خضر أعتقد سيغنى من حلقة لآخرى بثبات مثل عصام محمد نور وباين نادر عندو أستاذ للصوت فمتمرن كويس

ولكن...

أخوتى لو كنت مكان عصام محمد نور ووجهت لى الدعوة للمشاركة فى هذا البرنامج لأعتذرت للأسباب الآتية
البرنامج سيزيد من انتشارى أعلاميااوكى ولكن سيكون خصما على مسيرتى الفنية وهو الأهم
سيرسخ للمستمع أننى أغنى للكاشف ألخ وليس شخصى
ثانيا كيف يمكن لأغنياتى أن تنتشر لو كنت انا نفسى لا أقدمها و أصر على تقديمها

بعدين ما هى الفائدة الجناها والتى سيجنيها مستقبلا زيدان إبراهيم من خلال مشاركته فى البرنامج بهذه الطريقة أنا لأ أقصد أعلاميا بل فنيا والأغانى الآن صارت فى عصرنا هذا موثقة ومتاحة مثلا اليوتيوب ولسنين طويلة

رمضان كريم

إبراهيم عبد الحليم

Post: #363
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-25-2009, 11:00 PM
Parent: #362

_
Quote: سلام سلام
يا وليد ياخ الحركة دي معناها شنو ما لاقي ليها إرتباط بمداخلتكـ
بكون ماشي اقرا و أقرا فجاءة تلاقيني سلام سلام دي بتحسسني إنه الصبح أذن و الصيام بداء ياخ.

فيصل نوبي
سلام الله عليك
مع السلامه مع السلامه ++ وما تنسي لي ترسَلي
يسعدني إنك تذكريني ++ وعني دايما تسألي

وتعيش والدنيا كلها في( سلام ) ومن غير تمزق وحروب
لكن عايز اقوليك حاجة بس ماتكلم زول ابسط حاجه تقول ده زول وهم .. مخستك ..
وكمان بتعني حاجات كثيره .وتخيل في ناس فكوا الرموز وعجبتهم
ولكن لو ماانت عجبتك تاني لو شفتها تعال اقرصني في اضاني الشمال دي .
كل شيْ ولا في بوست (نجوان ) واحد يزعل مننا .......

تصوم وتفطر على خير يافيصل نوبي

ودمتم.... ( كده كيف يافيصل نوبي حتى ترضى )

Post: #364
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-25-2009, 11:19 PM
Parent: #363

Quote: منار تغني الفارس الجعجاع ...

كلو وارد في هذا الزمن يا باش،
قبلها رفع أحد (نجوم عز الضُهُر) عقيرته قائلا:
مرضان باكي فاقر فيك علاج طبيعي

الديسك.

Post: #365
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-25-2009, 11:35 PM
Parent: #364

اليوم الرابع

عاصم والمجموعة - ازيكم

http://www.youtube.com/watch?v=vtjboXLgJnM

Post: #366
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-25-2009, 11:38 PM
Parent: #365

اليوم الرابع

منار والمجموعة - شدولو وركب

http://www.youtube.com/watch?v=Ch35gLiRmLA

Post: #367
Title: Re: أغاني وأغاني.. للقدامى والمستجدين..
Author: Dania Elmaki
Date: 08-25-2009, 11:40 PM
Parent: #364

عاصم الليله ضعيف, الاغاني دي ما بتناسبك و خصوصا اه اه الكل شويه دي ما في زول مفروض يقلدها غير سيد خليفه, معليش يا فردتنا

فرفور غايتوا الليله عقد اللولي ادتك مساحه تكورك على راحتك, رغم اني لاحظت تحفظك على الكواريك يبدو انك متابع معانا البوست

شريف صوتك جميل و انشاء الله السيسون الجايي يمكت تترقى من الكنبه الوراء

نادر خضر فلسفه شديده في الغناء انت صوتك ما بطال لكن ما تحاول تتفلسف شديد كده, الليله برضه اللبسه بتاعت امس كويسه

منتصر ارحمنا و الله بتشوه اغاني المرحوم, انت و عزالدين احمد المصطفى مصرين ان الغناء يورث, ارخ سيرت والدك بس خلي غناه.

منار اداء جميل بس صوتك لا يناسب الحماسه خليك في الرومانسيه و الطبقات المنخفضه.

عموما كده لازم لمن تكون في حلقتني تجيبوا غيارات, يا ناس والله فترنا نقول المظهر مهم جدا و الجلسه و البوسشر

Post: #368
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-26-2009, 00:08 AM
Parent: #367

سلامات و تحايا ..

أداء جميل جداً من شباب نجوم الغد عصام و شريف ..
منار صوتها جميل لكن هنالك شئ ما ينقصها لم أستطع تحديده .. ربما الانسجام مع اللحن ..

عاصم البنا ،، لم أحس بأي شئ تجاهه اليوم .. كما ذكر بعض الشباب ،، ربما نوعية الأغاني لا تناسبه ..
فرفور ،، أداء جميل و الذي أعجبني فيه أكثر هو محاولته إتاحة الفرصة لشباب نجوم الغد ..
نادر خضر ،، أدء جميل و انفعل معه شريف بطريقة أجمل ..
عصام محمد نور ،، متألق كالعادة ..
منتصر ،، اليوم أكثر انسجاماً من الأمس ..

.
.

Post: #369
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-26-2009, 00:18 AM
Parent: #368

اليوم الرابع

عصام محمد نور والمجموعة - ياحبيب مالك مشغول بالك

http://www.youtube.com/watch?v=kZFipPrlLz4

Post: #370
Title: Re: أغاني وأغاني.. للقدامى والمستجدين..
Author: طارق جبريل
Date: 08-26-2009, 00:32 AM
Parent: #369

سلام يا شباب
عاصم البناالاغنية ما كانت بتناسبو نهائي
ما عارف بس طبقات صوته ما كانت بتتواكب مع الاغنية دي

عجبني فرفور في انه اتاح لي نجوم الغد انهم يظهروا مواهبهم
وانا مع الراي البيقول البحة في صوت فرفور جميلة
ومع نوبي في انه لمن فرفور وعصام يشتغلوا دويتو مع بعض
بيطلعوا حاجة كدة مولعة عدييييييييييل

ود سيد خليفة عادي جدا
معليش حتى لو الراي كان حاد يظل راي
مستحيل الفن يورث
عنده حضور لكن صوته مجلي خالص
ومشكلته الكبيرة انه ابوهو سيد خليفة

نادر خضر عمل شغل كويس مع نجم الغد (اعتقد الفحيل) والود دة موهوب شديد

اخو عماد احمد الطيب احسن من عماد الف مرة واجاد في الاغنية الاداها

اكتر شي عجبني لحظات تطريب احمودي
اداها كم نقزة كدة يمين كيفتني في ضلوعي

Post: #383
Title: Re: أغاني وأغاني.. للقدامى والمستجدين..
Author: نجوان
Date: 08-26-2009, 06:52 AM
Parent: #370

يا مراحب يا طارق جبريل..
Quote: اداها كم نقزة كدة يمين كيفتني في ضلوعي
برضو زي الرتة الت الكعك؟

_____

Post: #373
Title: Re: أغاني وأغاني.. للقدامى والمستجدين..
Author: mamkouna
Date: 08-26-2009, 00:46 AM
Parent: #368

* السر قدور ( عدو الأسئلة و المقاطعات ) أكل فردتنا حنك و دخل بي حمد و مرق بي خوجلي...و مع فرفور( عمل رايح ) !

* شريف خالد الفحيل..صوت دافيء..حضور هاديء...رزانة..إتزان.

* منار صديق..أحلاهن..ربما لإستغناءها عن طبقات المكياج بوهيات الشروق و حواجب الساحرة سونيا!

* في رمضان الفات تألق منتصر سيد خليفة في برنامج ( سرٌ الغُنا ) على قناة الشروق..و قدر ينافس أصوات قوية زي هشام درماس و ياسر تمتام و ابوبكر سيدأحمد ( الما رطاني )...لكن بصراحة في الحلقتين الفاتو كان مضطرب..متجهجه..ملخوم ..مربوك..صوتو محشرج..
هل للماكنتوش و اللكوم و الجالاكسي جواهر... دور في الربكة دي !!؟؟؟

Post: #371
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-26-2009, 00:38 AM
Parent: #363

Quote: كان كده قول لفرفور مافي داعي تغرق في الغنا، خليك مطفّح ساي..

بالله سلّم عليه وأطبع ليهو مخطط محمد المرتضى وقول ليهو ده كلام علمي..
ومن مصلحتك تتعاون!
(وجه بيهظر ساي)

عليك الله ياست الحوش
نحن نكلم منو ونخلي منو
تعالي نحكي ليك
في يوم من الايام جمال فرفور صاحبنا عمل شريط
يالعود وكسر الدنياوكان به اغنية (صديق الكحلاوي)
( الصبا النجدي ) وفي مقطع بدل (قنابل النهدي )
(بقول قنابل الهندي )
فزعلت واتصلت علية وقلت له ماهذا قال دي لجنة النصوص عايزة كده
يعني السودان اصبح مهزله حتى في الغناء. صراحة حاجات تمغص
والتانية
برضو في اغنية الكحلاوي
يازهره تتحدى النجوم === ياقمره فاجه وسط غيوم
وجمال يقول
يازهره تتحدي النجوم === ياغيمه فاجه وسط غيوم
وهنا انتطفت حلاوة البيت وبرضوا زعلت واتصلت وكرر نفس الكلام
___
ولكن يانجوان جلسنا ومعنا عصام محمد نور وود البنا
والله تسمعي غناء.بس تتعجبي .
وبالمناسبة في زواج جمال فرفور عملنا جلسة في بيت ناس جمال فرفور وفي الجلسة طلبت من
عصام ود البنا اغاني وسألني انا من وين بجيب الاغاني البطلبها منو دي ولم يعرف انا حافظ له كل اشرطته
واول اغنية طلبناها منه (يارشا ياكحيل )
وبعد داك اصر ان يعمل حنه لجمال في منزلهم (اولاد البنا) بامدرمان
وكانت حفلة حفلة .
لكن يانجوان ماتزعلي وما تتحاملي شديد على جمال واسألوا فردتكم عنه .
وتأثر فرفور بابن بحري المرحوم ايوب فارس والمرحوم ميرغني ومبارك حسن بركات
وجمال كان يحي الحفلات زمن كان بغني شعبي احيانا من غير ساونداو مكبرات صوت
وهل عصام او ود البنا او كل الفنانين الشباب يستطيعوا وهذا لقوة صوته وبحة الحزن
والحنيةالتي تحتويه .

Post: #372
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-26-2009, 00:46 AM
Parent: #371

اليوم الرابع

نادر وشريف الفحيل - جاري وانا جاره

http://www.youtube.com/watch?v=aYn74rhI6P0

Post: #374
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-26-2009, 01:30 AM
Parent: #372

اليوم الرابع

منتصر سيد خليفة

مالي ومالو

http://www.youtube.com/watch?v=_CDE6OLjDmY

Post: #376
Title: Re: أغاني وأغاني.. للقدامى والمستجدين..
Author: الرشيد ابراهيم احمد
Date: 08-26-2009, 01:45 AM
Parent: #374

ياخال تسلم والله
ولدك متسحر بفول شوف لي حاجه خفيفه كده انزلو بيها واقف لي في حلقي
لو ود البنا بيكون في محلو
مودتي

Post: #378
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-26-2009, 02:07 AM
Parent: #376

الرشيد يا غالي

تسلم يا الحبيب
وهاك الثلاثة ديل في صحن واحد
ومسبوكين بي عقد لولي

عقد اللولي

فرفور وعصام احمد الطيب ومنتصر سيد خليفة

http://www.youtube.com/watch?v=lwwihl_P4IA

Post: #379
Title: Re: أغاني وأغاني.. للقدامى والمستجدين..
Author: الرشيد ابراهيم احمد
Date: 08-26-2009, 02:17 AM
Parent: #378

دي سيده بنوم من غير بطانيه ياخال
وتهضم ليك فول تبروي والزين
شكرا ياخال

Post: #375
Title: Re: أغاني وأغاني.. للقدامى والمستجدين..
Author: Rawia
Date: 08-26-2009, 01:44 AM
Parent: #372

وداعة ياغالي
معليش عاجباني الاغنية وروح الوليد العسل شريف
عشان كدا نزلتها تاني
تو إمفسايز*Emphasis ماي آدميريشن توردس ود الحلة
وتجليات نادر خضر

http://www.youtube.com/watch?v=LPRepVqTcxw&feature=player_embedded

_________________
العزيزة ممكونة عاجباني منار لنفس الاسباب الذكرتيها
وعندي ملاحظة لافراح.....ماممكن يكون وجهك جميل وجماله طفولي كدا وتعملي حواجب بتاعة ناس كبااااار
...

Post: #377
Title: Re: أغاني وأغاني.. للقدامى والمستجدين..
Author: mamkouna
Date: 08-26-2009, 01:57 AM
Parent: #375

هاكِ دي يا راوية هدية مني ليك عشان to re-emphasize أكتر

http://www.youtube.com/watch?v=yImqsyhr18I&feature=related

..............
Quote: ماممكن يكون وجهك جميل وجماله طفولي كدا وتعملي حواجب بتاعة ناس كبااااار

الحواجب دي ماشفتها إلا عند الساحرة سونيا , ريا و سكينة , نعيمة الصغير..و..زوزو حمدي الحكيم !!!

Post: #381
Title: Re: أغاني وأغاني.. للقدامى والمستجدين..
Author: abubakr
Date: 08-26-2009, 04:30 AM
Parent: #377

Quote: الحواجب دي ماشفتها إلا عند الساحرة سونيا , ريا و سكينة , نعيمة الصغير..و..زوزو حمدي الحكيم !!!

البنية كانت تمام التمام قبل العشرة كيلو وايام تصفيات نجوم الغد ودي هسع بس من فرحة الانتشار خلوها شوية وهي اكيد لو قرات الكتبتو ممكونة وراوية حتخس ويمكن يجيها فقر دم .. يا ممكونة قلتي نعيمة الصغير ؟؟ لا حولا ....ليه كدة بس ؟؟ ان نقدهن عظيم

Post: #388
Title: Re: أغاني وأغاني.. للقدامى والمستجدين..
Author: نجوان
Date: 08-26-2009, 07:33 AM
Parent: #377

Quote: نعيمة الصغير..و..زوزو حمدي الحكيم !!!
نقدهن عظيم قال الباش يا ممكونة!..

والله كلما أشوف حواجب أفراح بستغرب
البنية دي ما محتاجة ردم مساحيق..

Post: #380
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-26-2009, 03:13 AM
Parent: #375

Quote: وداعة ياغالي
معليش عاجباني الاغنية وروح الوليد العسل شريف
عشان كدا نزلتها تاني
تو إمفسايز*Emphasis ماي آدميريشن توردس ود الحلة
وتجليات نادر خضر

راوية يا بت العباسي

التحايا يا غالية وليك وحشة
زمن منك ومن اخبارك
ان شاء الله طيبة وناس مصر طيبين

رمضان كريم وتصومي وتفطري على خير

شكرا ليك والادمريشن دا ياخ
و والود شريف ونادر ما قصرو ابدا

يديك العافية وتسلمي والتحايا لي العقاب
والبت رجاء

Post: #387
Title: Re: أغاني وأغاني.. للقدامى والمستجدين..
Author: نجوان
Date: 08-26-2009, 07:25 AM
Parent: #375

Quote: ماممكن يكون وجهك جميل وجماله طفولي كدا وتعملي حواجب بتاعة ناس كبااااار

Post: #384
Title: Re: أغاني وأغاني.. للقدامى والمستجدين..
Author: نجوان
Date: 08-26-2009, 07:04 AM
Parent: #371

والله يا وليد مرافعتك في حق جيمي ما هينة..
صادقة وبليغة..

بس معليش.. دخلت بالأضان دي وطلعت بالتانية..
(أقصد طلعت بنفس الأضان، لأنه الأضان التانية بعافية شوية من كواريك جيمي..)

Quote: لكن يانجوان ماتزعلي وما تتحاملي شديد على جمال
زعل وتحامل كمان؟ يا وليد الله لا جاب من ده..
احنا في حضرة الفن والجمال.. ورفقة سمّار رائعين في هذا البوست..

بس ما زالت هناك مشكلة اسمها كواريك مافي داعي ليها.. اجمع عليها الكثيرون..
وتعرف.. النقد الموضوعي غالبا بيكون من أشخاص لا يعرفوا الفنان بصورة شخصية..
فيكون نقدهم في ضوء المنتج القدامهم فقط.. دون أي مؤثرات خارجية..

______
لكن يا وليد عشان مرافعتك والذكريات الحلوة دي،
بوعدك ما أجيب سيرة البحر لمدة 24 ساعة كاملـــــة!

Post: #382
Title: Re: أغاني وأغاني.. للقدامى والمستجدين..
Author: ليلى عز الدين
Date: 08-26-2009, 06:07 AM
Parent: #362

Quote: بعدين ما هى الفائدة الجناها والتى سيجنيها مستقبلا زيدان إبراهيم من خلال مشاركته فى البرنامج بهذه الطريقة أنا لأ أقصد أعلاميا بل فنيا والأغانى الآن صارت فى عصرنا هذا موثقة ومتاحة مثلا اليوتيوب ولسنين طويلة

رمضان كريم

إبراهيم عبد الحليم

دكتور أبراهيم عبد الحليم

تحيااتى يا فنان

فى حالات كتلك .. لا ينظر من هو مثل زيدان لأى فائدة حالية أو مستقبلية

لأنه و ببساطة .. إكتفى و تعدى مرحلة الإستفادة لمرحلة الإفادة

ظهوره فى الحلقة هو تشريفة البرنامج و المشاركين و المشاهدين

كل التقدير

Post: #385
Title: Re: أغاني وأغاني.. للقدامى والمستجدين..
Author: نجوان
Date: 08-26-2009, 07:13 AM
Parent: #382

Quote: ظهوره فى الحلقة هو تشريفة البرنامج و المشاركين و المشاهدين

شكرا ليلى عزالدين على الرد الكافي ووافي.. رغم غرابة السؤال (وجه مبتسم)..
أبو الزيق لا يبحث عن فائدة تجنى.. وهو محكّر فوق قمم إيفريست
هيستيريا ممكونة + بيت الأمانة بنين وبنات براهم كفاية..

_____
سلام أخ ابراهيم.. وكل سنة وانت طيب..

Post: #386
Title: Re: أغاني وأغاني.. للقدامى والمستجدين..
Author: Manar Mahsoub
Date: 08-26-2009, 07:22 AM
Parent: #382

والله امبارح فرحت فرح لاخو عماد احمد الطيب لمن ادوه فرصة يغنى هو زاتو كان عايز يطير من الفرح...انا زيك يا ود العباسية محتجة و محتجة ليه زيدان بجلالة قدرو حلقة واحدة بس .....ونصهارافعين راسنا و مرشوشين ببوهيات الشروق و شاربين برتان و امر الدين...

يا جماعة نادر خدر كان قمة فى الاناقة ....اما ود سيد خليفة ....غايتو حاسكت عشان خاطر ود عمى ابوبكر ....

Post: #389
Title: Re: أغاني وأغاني.. للقدامى والمستجدين..
Author: نجوان
Date: 08-26-2009, 07:37 AM
Parent: #386

Quote: انا زيك يا ود العباسية محتجة و محتجة ليه زيدان بجلالة قدرو حلقة واحدة بس ...
ألا هل بلّغت.. اللهم فاشهد..

Post: #390
Title: Re: أغاني وأغاني.. للقدامى والمستجدين..
Author: maia
Date: 08-26-2009, 08:16 AM
Parent: #389

والله يا جماعة امبارح ولد سيد خليفة غناهو كان كويس يعني جاري وانا جارو دي اتقطع فيها للامانة

الحلقة بدت كويسة لكن فجاة كدا قريب نهايتها في ركود حصل من جانب عاصم البنا نادر خضر وعصام محمد نور
شكلهم ناموا في النص والا الواحد ما فهم الحصل شنو

على راي عمنا السر قدور ( يا جماعة وين عصام محمد نور مشى والا شنو )

لسه بينقصهم معنى المحافظة على مستوى حماس الحلقة بنفس المستوى
في لحظة كدا بيذكروا الزول بالناس القعدين مجموعات يتونسوا وفجاة كدا في النص تلقا صمت حصل وتلاتة اربعة منهم اخدوا ليهم تكية وناموا

بس في زول يفهمني ليه فرفور قايم بدور المايسترو وتنظيم الدخلات في الاغاني ؟؟

معليش شوية بس حاختلف في الراي حول صوت الفنانة منار
الزولة دي نوع طبقات صوتها ما عميق يعني في الطلعات العالية بتتعب

محتاجة لسه لتمارين شديدة
ذكرتني اسرار بابكر في البدايات والقطعة في الاغنية لضيق النفس

بس عموما الحلقة كانت كويسة

بسجل معاكم صوت احتجاج اشمعنى الفنان زيدان ما ادوهو مساحات حلقات اكتر!!

Post: #391
Title: Re: أغاني وأغاني.. للقدامى والمستجدين..
Author: abubakr
Date: 08-26-2009, 08:32 AM
Parent: #390

Quote: بس في زول يفهمني ليه فرفور قايم بدور المايسترو وتنظيم الدخلات في الاغاني ؟؟

فردتنا تنازل ليهو عنها ... فيها حاجة دي ....؟؟
يابنات الهي ما يرمي زولا غلبان بين اضراس نقدكن ...

___
انت بس خلن ود ابوالسيد الله يرحمو -.مشاركة منتصر انتهت بنهاية الجزء الثاني- خوة مافي ؟؟

Post: #392
Title: Re: أغاني وأغاني.. للقدامى والمستجدين..
Author: abubakr
Date: 08-26-2009, 08:39 AM
Parent: #391

Quote: بسجل معاكم صوت احتجاج اشمعنى الفنان زيدان ما ادوهو مساحات حلقات اكتر!!

ياناس النيل الازرق والله شاكرين و عشمانين بعدما طفشتو ناس وادي الجندي وارفع راسك من عضم البرنامج ممكن بالله وحات محنتكم في هذا الشهر الفضيل تجيبو لينا زيدان تاني ...عندنا وليد (ود العباسية) وبنيات كتار كدة زعلانين تب من عمايلكم .. كيفن زيدان حلقة وحيدونة اها في ذمتكم نسمع شنو باقي الشهر..انا ذااااتي دايرو يغني تاني وتاني وسامية (شريكتي) اها قالت زيدان تاني والا ...اها نبقي في الزي دة والواحد في اواخر كهولته وماداير لروحو البشتفة ...ممكن بالله ...

Post: #393
Title: Re: أغاني وأغاني.. للقدامى والمستجدين..
Author: maia
Date: 08-26-2009, 08:40 AM
Parent: #391

قريبنا ابوبكر

مساكقمي

لا والله امبارح طريقة ولد سيد خليفة كانت جميلة

شايفة الليلة الاغاني حتكون اغاني الراحل سيد خليفة بالفصحى
بس دعواتي وامنياتي العميقة انه التركيز ما يكون على فرفور في الاغاني البتحتاج لطبقات عالية

Post: #394
Title: Re: أغاني وأغاني.. للقدامى والمستجدين..
Author: abubakr
Date: 08-26-2009, 08:46 AM
Parent: #393

Quote: شايفة الليلة الاغاني حتكون اغاني الراحل سيد خليفة بالفصحى

مايا رمضان كريم

هو ما نسيت انو ابوالسيد عندو حلقة تالتة ؟؟ اها التحييز دة الخلي ودالعباسية ما يجي اليومين دييل ؟؟؟ جنس تحييز ياعم السر ؟؟

Post: #395
Title: Re: أغاني وأغاني.. للقدامى والمستجدين..
Author: طارق جبريل
Date: 08-26-2009, 11:15 AM
Parent: #394

Quote: يا مراحب يا طارق جبريل..
Quote: اداها كم نقزة كدة يمين كيفتني في ضلوعي

برضو زي الرتة الت الكعك؟

والله يا نجوان عجبني خلاص
لو كان لقيتلي طريقة نقزة معاهو ما باباها

Post: #407
Title: Re: أغاني وأغاني.. للقدامى والمستجدين..
Author: حسن إبراهيم خليفة
Date: 08-26-2009, 01:40 PM
Parent: #389

Quote:

: انا زيك يا ود العباسية محتجة و محتجة ليه زيدان بجلالة قدرو حلقة واحدة بس ...

ألا هل بلّغت.. اللهم فاشهد..

أخت نجوان أنا محتج معاكم في حق زيدان والله أبو الزيك يحتاج لحلقات وحلقات... بس ود العباسية إحتج

بصورة مستفزة في حق سيد خليفة ... الله يسامحه بس.

Post: #396
Title: Re: أغاني وأغاني.. للقدامى والمستجدين..
Author: abubakr
Date: 08-26-2009, 11:33 AM
Parent: #386

Quote: والله امبارح فرحت فرح لاخو عماد احمد الطيب لمن ادوه فرصة يغنى هو زاتو كان عايز يطير من الفرح

وانا كمان ...

اصلو كنت متضايق من قعدتو في الاحتياطي في الحلقتيين الفاتت .. وكل مرة اقول عمكم السر حياشر اليه القاه بس خبط لزق "اها ياشباب ..." ويعاين للاربعة الكبار ...اصلو مبارة مدربها هو حكمها ورئيس النادي كمان تبقي تحييز ساااي يا ودالعباسية

Post: #397
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-26-2009, 12:26 PM
Parent: #396

Quote: شايفة الليلة الاغاني حتكون اغاني الراحل سيد خليفة بالفصحى

إذاً سأستعيض عن المشاهدة بتشغيل ولى المساء بصوت نانسي من هسه،
على الأقل عندها إضافة،

ألا المسا
ألاّ
المسا

وليشرب ملاسي من البحر

Post: #398
Title: Re: أغاني وأغاني.. للقدامى والمستجدين..
Author: Hussein Mallasi
Date: 08-26-2009, 12:36 PM
Parent: #397

الصواب:
آلااااااااااااااااا المسااا ..
آلااااا المساا ...

Post: #401
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-26-2009, 01:24 PM
Parent: #398

من بعدِك إنتِ يعيش منو ومن تاني مين يتمنى العمر
......
لمن يهمه الأمر:
الحلقة الثانية كانت الختام والباقي هواده.

Post: #402
Title: Re: أغاني وأغاني.. للقدامى والمستجدين..
Author: Hussein Mallasi
Date: 08-26-2009, 01:26 PM
Parent: #401

دايرين تزهجونا من زيدان .. مش كدا.

Post: #404
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-26-2009, 01:29 PM
Parent: #402

Quote: دايرين تزهجونا من زيدان .. مش كدا.

أبدا يا حسين ، دي حملة توعية لاغير.

Post: #405
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-26-2009, 01:34 PM
Parent: #404

بالله قدور دا مش ببالغ..
في زول بيبدا بال finishing ?

Post: #406
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-26-2009, 01:38 PM
Parent: #405

محمد المرتضى حامد

بعد صورة ابو الزيق
تعظيم سلام للعباسية ( دي قصه وحلقة براها )
مشكور يا حماده

Post: #408
Title: Re: أغاني وأغاني.. للقدامى والمستجدين..
Author: Hussein Mallasi
Date: 08-26-2009, 01:42 PM
Parent: #406

Quote: مشكور يا حماده

تاني يا محمد المرتضى لو جبت سيرة زيدان .. أنا ذاتي حأقول ليك يا حمادة.

Post: #409
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-26-2009, 01:54 PM
Parent: #408

حسين ملاسي

كيفك ياحسونه ياراقي (انا شايفك تبهرج )
تصوم وتفطر على خير

Post: #410
Title: Re: أغاني وأغاني.. للقدامى والمستجدين..
Author: mamkouna
Date: 08-26-2009, 01:58 PM
Parent: #409

إنتو ما صايمين يا حسونة و حمادة !!؟؟

Post: #411
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-26-2009, 02:04 PM
Parent: #410

لكن ياممكونه ( ابو الما )
لقيتك خطيره وبالمناسبه و متابعك كتير بالحيل
ونحن عشاق الجمال اين ما كان الجمال
وجمال تحليلك في بوست نجوان له نظره خاصه

مع احتراماتي

Post: #412
Title: Re: أغاني وأغاني.. للقدامى والمستجدين..
Author: mamkouna
Date: 08-26-2009, 02:16 PM
Parent: #411

مشكووور يا وليد ( أبو الوا )..
البوست جميل بي اسيادو..
رمضانك كريم.

Post: #413
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-26-2009, 02:20 PM
Parent: #411

ممكونه،
صيامك مقبول ،
إذا كنت تقصدين (ألا المسا ) وحديثي عن نانسي فأنا أعني ما أقول
تلوين وإبدال وإخفاء الحروف في الغناء ليس بجديد أتت به نانسي
ويمكنك الإستماع لأمكلثوم في (هذه ليلتي) بالتحديد..
وكان ما عاجباني بقول شوهت الغنيه عديل كده،
ليت عاطف أنيس أو عمار السنوسي شاركا في تلك الحلقات وتحديدا حلقات سيد خليفة..

Post: #414
Title: Re: أغاني وأغاني.. للقدامى والمستجدين..
Author: mamkouna
Date: 08-26-2009, 02:41 PM
Parent: #413

كلامك صح يا حمادة...و كتبنا عنو كتيييير قبل كدا..
حتى أنا على ما أذكر قلتَ إنو غناء نانسي عجاج ذكٌرني غناء الكوريين بتاعين معهد الموسيقى..
لما غنوا ( لو عارف عيونك ) بتاعت حمد الريح..
لو آآرف أيونك..توها الأيون..و أرقست الأشاير...أربا وراها كووون...أربا وراها كووون !
...
بس دا كان في مرحلة سابقة من مسيرتها الفنية..
و هي إستفادت من النقد و طوٌرت صوتها و إمكانياتها و كان ألبوم (رفقة) من أجمل ما يكون.
...

مالكم على بت الناس في نهار رمضان المغٌيم دا !!؟؟

Post: #415
Title: Re: أغاني وأغاني.. للقدامى والمستجدين..
Author: mohmmed said ahmed
Date: 08-26-2009, 02:47 PM
Parent: #414

محمد المرتضى

كلامك صاح

احسن زول غنالسيدخلبفة

عمارالسنوسى
الفنان الجميل

لو شارك فى الحلقات دى كان ابدع

Post: #418
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-26-2009, 03:10 PM
Parent: #415

Quote: لو آآرف أيونك..توها الأيون..و أرقست الأشاير...أربا وراها كووون...أربا وراها كووون !

وذلك الأثيوبي الذي غنى (القمر بوبا) مع
الرقيبه قزازة أسير الأيون متل الفناجيل
إنتي ريهتك ريهة الفرير ولا بت السودان أسيل .. وأتدفق.

لكنه بلغ السحاب وأبد في ( مِأذِباني أنا ود هِلَّتَا)

عذاب

- نعتذر للعضو ( قمر بوبا)

دي تِرباية هَبّّوبتا

أليك تاقيل

Post: #468
Title: Re: أغاني وأغاني.. للقدامى والمستجدين..
Author: عفاف الصادق بابكر
Date: 08-27-2009, 08:00 AM
Parent: #415

Quote: احسن زول غنالسيدخلبفة

عمارالسنوسى
الفنان الجميل

لو شارك فى الحلقات دى كان ابدع

محمد سيداحمد - كيفنك
سبحان الله ده كان تعليقي مع الحضور ..
لو كان عمار السنوسي موجود كان ابدع ..

تعرف في بعض الاغاني لسيد خليفه بتجلاء فيها فنانيين معينيين ...
بس عمار في ولا أ المساء ما عنده منافس

Post: #416
Title: Re: أغاني وأغاني.. للقدامى والمستجدين..
Author: abubakr
Date: 08-26-2009, 02:58 PM
Parent: #414

Quote: بس دا كان في مرحلة سابقة من مسيرتها الفنية..
و هي إستفادت من النقد و طوٌرت صوتها و إمكانياتها و كان ألبوم (رفقة) من أجمل ما يكون.
...

مالكم على بت الناس في نهار رمضان المغٌيم دا !!؟؟

بعد بشتفتك للاغنية كدة واكيد ناس توتي حيزعلو منك تقولي للمرتضي وحسين مالكم علي البت .. عجايب ...

_________
ان نقدهن عظيم

Post: #420
Title: Re: أغاني وأغاني.. للقدامى والمستجدين..
Author: mamkouna
Date: 08-26-2009, 04:06 PM
Parent: #416

Quote: ان نقدهن عظيم

نقدنا نحنا و لا نقد حمادة و سوسو !؟؟
....
الله يستر الليلة يا باشمهندس..
( في ربيع الحب ) و ( يا صوتها لما سرى ) و ( انتَ السماء بدت لنا ) ما تتكوجن كوجين حلومري.

Post: #421
Title: Re: أغاني وأغاني.. للقدامى والمستجدين..
Author: abubakr
Date: 08-26-2009, 04:11 PM
Parent: #420

Quote: ما تتكوجن كوجين حلومري

ما خلاص قالو لي كوجن يعني شنو الله يخليها القالت لي .. اها تاني واحد يكوجن في الحلقات الجاية ياني البوريهو

Post: #417
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-26-2009, 03:05 PM
Parent: #414

Quote: بس ما زالت هناك مشكلة اسمها كواريك مافي داعي ليها.. اجمع عليها الكثيرون..

الكثيرون ديل (يانجوان)
هم سبب ظهور جمال فرفور في بداية عام95م
ومنهم الصحفي (ياسر عبد الفتاح ) فرفور فنان بنات - فرفور يفقد امكانبات الفنان
وعندما سالته الصحفي ياسر بعد مرور السنين في
صورة جماعية مع فرفور بجريد عكاظ السعودية وبالمناسبة ياسر عبد الفتاح مشرفنا في هذه الصحيفه كسوداني
فقلت له غيرت رايك ولا شنو
فضحك وقال ياوليد ياخ ده كلام جرايد.
وياخي ده طبعنا كسودانيين تخالف تذكر او تظهر
وحصل العكس وظهر جمال فرفور بقوه واحتل مكانه بين الفنانين
Quote: ______
لكن يا وليد عشان مرافعتك والذكريات الحلوة دي،
بوعدك ما أجيب سيرة البحر لمدة 24 ساعة كاملـــــة

بالعكس يااختنا( نجوان )كلامك ده اكيد بكون محل اعتبار
ولكن والله كان عندنا صوالين فنية في بحري
لما دخلها( جمال فرفور ) كان بدق طبله وشيال (كورس)

Post: #419
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-26-2009, 03:15 PM
Parent: #417

يا سلام على عمار السنوسي في " ولّى المساء" ..

http://www.youtube.com/watch?v=598NBjvwxJY

Post: #422
Title: Re: أغاني وأغاني.. للقدامى والمستجدين..
Author: تيسير عووضة
Date: 08-26-2009, 04:31 PM
Parent: #419

يا ممكونة وصابرة

مالك على البنيات
عاملات الواجب ومخططات الحواجب

ـــــــــــ
توقعات
(ربيع الحب) أتوقع تغنيها أفراح وتبدع فيها لأنها جاية شديد مع صوتا
(يا صوتها لما سرى) يمكن يغنوها فرفور وعصام خليهم يصوتوا كويس
(أعلى الجمال تغار منّا) من هسي بقول ليكم منتصر حا يبرطع فيها ويبوظها

حضروا حالكم إذا بتريدوا

Post: #423
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-26-2009, 06:01 PM
Parent: #422

Quote: (ربيع الحب) أتوقع تغنيها أفراح وتبدع فيها لأنها جاية شديد مع صوتا

اختنا تيسير
احب ان يذكرنا عصام محمد نور عندما كان يغني في نهاية الثمانينات
للاستاذ سيد خليفة قبل ان يظهر كفنان في الساحة
(يوم في يوم غريب ) (ربيع الحب )
وهل سيد القعده (عاصم البنا) اليوم يستطيع مجاراة الجلسة ويبهجنا

Post: #425
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-26-2009, 06:28 PM
Parent: #423

منتصر
رهيب والله رهيب (ابي يورثني المرض ولايمكن ان يورثني الابداع )
عاصم البنا
من انت ياحلم الصبا
بطريقة المارشات العسكرية
بعيد كل البعد عن اغاني ابو السيد
بعد كده يفترض بعده بدل فرضة على تشكيلة اغاني ابو السيد

جمال فرفور
اختيار غير موفق
ولكن جمال يبدع ويرمي باصات الى عازفي الكمان
محمد و اسماعيل عبد الجبار
نادر خضر
رهيب من غير حبشنة الاغاني السودانية
مخارج لغة عربية صحيحه
(اذا السماء بدت لنا واستعصمت بالبعد عنا)
عصام محمد نور
اسراب الحسان
ياجماعة عصام شفت وصعلوك غناء
معقول الكاشف وابو السيد في قالب (عصام محمد نور)
قمة التطريب وبطريقتة الخاصة وغير مقلدا
اعيب عليه احيانا يأكل الحروف (صوت عزب حنين )

Post: #424
Title: Re: أغاني وأغاني.. للقدامى والمستجدين..
Author: Rawia
Date: 08-26-2009, 06:03 PM
Parent: #422

Quote:
(ربيع الحب) أتوقع تغنيها أفراح وتبدع فيها لأنها جاية شديد مع صوتا

جلت أول توقعاتك
الولد مبدع بجد مبدع

_______________
أظهر وبان

Post: #426
Title: Re: أغاني وأغاني.. للقدامى والمستجدين..
Author: abubakr
Date: 08-26-2009, 06:34 PM
Parent: #424

لا تعليق اليوم للاسباب التالية :

تضامنا مع الخرطوم(العاصمة باطرافها الثلاث) والتي تعاني اليوم من اثار امطار كثيرة تحولت الي برك ومستنقعات وتعرضت مناطق منها الي جزر معزولة وتعرضت منازل للضرر وقفلت المدارس ..وفي الحلق غصة من سوء ادارات وفساد علي مستوي الولاية والدولة تسببت في غياب عناية بعاصمة البلاد واهلها رغم مليارات من الدولارات صرفت في غير وجه حق .....

Post: #427
Title: Re: أغاني وأغاني.. للقدامى والمستجدين..
Author: عمران حسن صالح
Date: 08-26-2009, 06:34 PM
Parent: #424

الفصحى عند سيد خليفة ..
أغاني حلقة اليوم تستحق عدة حلقات ..
كل حلقة تغنى يها الأغنية كاملة .. غير منقوصة .. وبأوركسترا مكتملة حتى يصل (درس ) اليوم .. لأهل الفن والغنا.. (الجدد) ...
الله يرحمكـ يا سيد ..
أكثر شي أدهشني انفعالات (ابن سيد خليفة ) الباردة مع كل هذا الإرث الذي أداه والده .. ...
بالجد حلقة مدهشة رغم أن ولى المسى .. ويا صوتها ، لسه في الإنتظار ..

Post: #428
Title: Re: أغاني وأغاني.. للقدامى والمستجدين..
Author: النورس الحزين
Date: 08-26-2009, 06:58 PM
Parent: #427

نادر نجح على مضض ههههالنصيحة دي مرقتها صعبة مرات

عصام محمد نور نجح الحلقة بالافريدج

Post: #430
Title: Re: أغاني وأغاني.. للقدامى والمستجدين..
Author: الزوول
Date: 08-26-2009, 07:16 PM
Parent: #428

السلام عليكم
......
ضرستني يا منتصر
زمنك فارق
جرات أبوك الله يرحمو تتميز بايقاع الزمن الداخلي الدقيق
أذا كان نَفَسَكْ ما مساعدك على الجرات الطويلة دي
كنت ياخي تعتذر عنها
...
وبعدين معقولة بس
(سُمّ) ضاع الأمس منا
وضاع أملنا فيك لخلافة أبوك
....
.الفرقة الموسيقية في طرير الشباب 10/10
خاصة عوض أحمودي في المقدمة
وسعد الطيب
أما في (غيرة)
مبالغة عديل كده
بس في رأيي كانت لايقه على عصام محمد نور
أكتر من نادر خضر
....
ياخي أغنية أسراب الحسان دي
فيها موسيقى مبالغة
لكن كمية الحزن الفيها
يرشحها بجدارة
عشان تكون أغنية مصاحبة للمارشات الجنائزية
غايتو فرقة ماسية فعلاً

....

Post: #429
Title: Re: أغاني وأغاني.. للقدامى والمستجدين..
Author: ودالعباسية
Date: 08-26-2009, 07:12 PM
Parent: #427

بسم الله الرحمن الرحيم ،،

اخونا حسن ابراهيم ،، يازول رمضان كريم ،،،

دا كلامى القلته فى الصفحة الفاتت رقم 4

Quote: مافى اختلاف انه سيد خليفة فنان كبير وقدم للفن السودانى الكتير ،،،

لكن ياخى 3 حلقات ،، معقول بس ،،،

ما اعتقد انى قلته شئ فى حق الفنان سيد خليفة تخليك تقول انه انا احتجيت بى كلام

مستفز زي ما زكرته هنا ،،

Quote: بس ود العباسية إحتج

بصورة مستفزة في حق سيد خليفة ... الله يسامحه بس.

وربنا يسامح الجميع يا سيدي ،، بس ما تظن ظن السؤ فى الناس ،،

انا معترض ومن حقى اعترض ،، مادام انا متلقى ومتابع للبرنامج دا ،،

اذا انت زعلته فى كلمة ( ليه 3 حلقات ؟) ايوا بكررها ليك ليه 3 ممكن يعملو حلقتين

لكل فنان اذا هم عايزين يوثقو للفنانيين الكبار ،،

تانى شئ انا ما قلته الفنان سيد خليفة لاسمح الله زول ما بعرف يغنى ولا ما يستاهل انه

يخصصو ليه حلقات فى البرنامج ولكن اذا متابع معانا البرنامج دا الفنان سيد خليفة

كان عنده حلقة فى السنة القبل الفاتت ،، ليه التكرار وليه الاعادة ،،

يازول على العموم اذا وصلك او وصل لى عائلة المرحوم انى استفزيتكم ،، انا اسف جدا ،،

Post: #456
Title: Re: أغاني وأغاني.. للقدامى والمستجدين..
Author: حسن إبراهيم خليفة
Date: 08-27-2009, 01:41 AM
Parent: #429

Quote:

وربنا يسامح الجميع يا سيدي ،، بس ما تظن ظن السؤ فى الناس ،،

انا معترض ومن حقى اعترض ،، مادام انا متلقى ومتابع للبرنامج دا ،،

أخي ود العباسية ... الله أكرم وكل سنة وإنت طيب.

يا سيدي لك الحق أن تعترض ليس هناك ما يمنع الإعتراض.

الجملة الأخيرة والتي ذكرت فيها كلمة (معقولة بس !!!) كلمة تحمل الكثير من الإستفزاز ده على حسب

فهمي أنا ، يمكن إنت تكون قصدت شيء آخر ولكن الكلمة المذكورة في إعتقادي وحسب فهمي ليس لها معني

غير المعنى الذي ذكرته وهو الإستغراب في إعطاء الأستاذ الراحل سيد خليفة عليه رحمة الله أكثر من

ثلاثة حلقات ، وده شيء بالجد ياخي زعلني شديد عشان كده أنا رديت عليك ، أنا آسف جدا يمكن كلامي كان

قاسي شوية في الرد لأنه أنا بالذات علاقتي بعمي كانت مميزة جدا دون أفراد العائلة الآحرين ...

أتمنى أن تكون قد تفهمت زعلي وعتابي لكم ... وفي النهاية الواحد بيقول سيد خليفة حق كل

السودانيين ولك الحق كل الحق في أن تنتقد البرنامج ولكن أنا مصر جدا كغيري من المشاهدين أن ثلاثة

حلقات شي بسيط جدا في حق فنان تغني للوطن لأكثر من خمس عقود وقدم الكثير لهذا الوطن كما ذكرت.

أخيرا ... لك مني كل الود والتقدير.

Post: #458
Title: Re: أغاني وأغاني.. للقدامى والمستجدين..
Author: ودالعباسية
Date: 08-27-2009, 02:08 AM
Parent: #456

يا ابو على ،،

وانا لم اقصد الشى الزكرته دا نهائ فى حق الفنان سيدخليفة ،،لانى اعرف الفنان وما قدم للفن

كلامى موجهه لى البرنامج والقائمين عليه ،،

اذا جينا للكلام عن الفنانيين وكل واحد ياخد حقه ،، البرنامج دا ما بكفى ،،

فكل واحد عنده اسهاماته فى مجال الغناء ،،،،

ياسيدي لك العتبى حتى ترضى ،،،

Post: #431
Title: Re: أغاني وأغاني.. للقدامى والمستجدين..
Author: تيسير عووضة
Date: 08-26-2009, 07:19 PM
Parent: #427

منتصر سيد خليفة
غنية ربيع الحب فيها إحساس عالي ما قدر منتصر يوصلو للمستمعين
هسي مش كان أحسن أفراح؟

جمال فرفور
خليك في عقد اللولي وأنا قلبي بدق

عصام محمد نور
أشهد له بالذكاء, غنى لسيد خليفة دون أن يقع في فخ التقليد والصراخ الوقعوا فيهو جمال ونادر ومنتصر
زول عارف إمكانيات صوتو وزاغ من طلعات سيد خليفة بحنية فأتى الأداء رائع
لدرجة أن منتصر سيد خليفة دمعت عيناه "أو هكذا شُبّه لي" أثناء الأغنية

هذا على الرغم من حبي لصوت فرفور لكن المرة دي عصام يكسب

يا سقاة الكأس من عهد الرشيد ليه ما غنوها؟

Post: #432
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-26-2009, 07:43 PM
Parent: #431

Quote: يا سقاة الكأس من عهد الرشيد ليه ما غنوها؟

ربما فهموا أنها تتناقض مع رمضان راسيا وأفقيا
خلي بالك أنها لم تنتهي عند الكأس وحسب بل تمددت إلى خمر وكأس وشفاه.
كل سنه وانت طيبه يا تيسير

Post: #433
Title: Re: أغاني وأغاني.. للقدامى والمستجدين..
Author: mamkouna
Date: 08-26-2009, 07:44 PM
Parent: #431

رمضانك كريم يا تيسير و كل سنة و انتي طيبة.

تصدقي عجبني فرفور الليلة! غنى ( قم يا طرير الشباب ) بهدوء و من غير كواريك...
الظاهر عمل حساب ديسبيلات محمد المرتضى.
...
منتصر زاتو كان الليلة رايق و تعوٌد على الحلويات.
......
عصام محمد نور غنى ( سرب الحسان) باقتدار...لكن بصراحة كان في ملل غير عادي.
....
نادر و فردتنا شالوا حلة الكوجين و عاسوا لما الله غفر ليهم.
...
قلتي لي واجب و حواجب !

Post: #434
Title: Re: أغاني وأغاني.. للقدامى والمستجدين..
Author: طارق جبريل
Date: 08-26-2009, 07:56 PM
Parent: #433

نشوف الاعادة ونرجع ليكم
باقي وقتنا في الرباط ما بيخلينا نشوف
الحلقات في وقتها

Post: #435
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-26-2009, 08:07 PM
Parent: #433

mohmmed said ahmed
صدقني، عندما أستمع إلى عمار السنوسي يردد أنت السماء بدت لنا واستعصمت بالبعد عنا
تعود إلى شراييني عافيتها وإلى أغشيتها مرونة غابت في زمن الماكنتوش المريب ، وعندما
يصدح ب (أنا غير أحبابي حطام) تحضر أمامي صورة سواحل جاوه بعد التسونامي ويتعذر عليّ
الوقوف دون مساندة ، يتجسد الحطام أماك .. عدييييل كده، ، ، وحين يصل إلى (لا أرى غير
الرمال) يغطيني إحساس الربع الخالي واليتم ، تلك أصوات مزيلة للكولسترول وكل الدهون المشبعة .
تحايا بلا سقف لعمار.

Post: #436
Title: Re: أغاني وأغاني.. للقدامى والمستجدين..
Author: غباشي
Date: 08-26-2009, 08:40 PM
Parent: #435

منتصر سيد خليفة ... مازال مرتبكاً , نفسي يكمل ابتسامة بدون قلق
نادر ... يواصل الثبات
فرفور و عصام ... ثقة بائنة و حركات معلمين ... بقوا بضقلوا بالاغاني عديل كدة
ود البنا ... عامل حسابه
محمدية لعب screw pass جميل لسمعة في صولة الكمان
سعد الدين الطيب و احمودي ...نقرشة و لعب صاح
نجوم الغد ... ضيوف اليوم

Post: #437
Title: Re: أغاني وأغاني.. للقدامى والمستجدين..
Author: نجوان
Date: 08-26-2009, 08:41 PM
Parent: #435

قلوبنا مع ناس السودان يا باش..

______
وحلقة فيها درر من أغنيات الفنان سيد خليفة..
فعلا كل أغنية مدرسة في حد ذاتها

اتضح جليا صعوبة وتعقيد أغنيات سيد خليفة (مفصلّة على سيدها فقط)،
تعذّر على الشباب فك شفرتها .. فتساقطوا واحد وراء التاني..
ولولا عصام محمد نور لاتجهت الحلقة رأسا الى التوج..

Post: #438
Title: Re: أغاني وأغاني.. للقدامى والمستجدين..
Author: فيصل نوبي
Date: 08-26-2009, 09:07 PM
Parent: #437

مال أبو الكلام ليوضح (كسر حرف اللام) في كلمة جمال حتي ظننته لن يعود لوضعه الطبيعي مرة أخري ..

_
مساكم ورد يا أغانياب.. و خصوصاً (حمادة و حسونة) (برلمة) السنين

Post: #439
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-26-2009, 09:23 PM
Parent: #437

Quote: اتضح جليا صعوبة وتعقيد أغنيات سيد خليفة (مفصلّة على سيدها فقط)،
تعذّر على الشباب فك شفرتها .. فتساقطوا واحد وراء التاني..
ولولا عصام محمد نور لاتجهت الحلقة رأسا الى التوج..

اختنا نجوان
بالعكس اغاني سيد خليفة بسيطة وجميلة وخفيفه
وكل الموجودين في الحلقة كلهم واغلبهم تغنوا الى سيد خليفة
وسجلوها في اشرطتهم في يوم من الايام وتدربوا عليها كويس.
ولكن نعمل شنو (قدور ) عايز يوثق لنفسه لما كان في مصر مع سيد خليفة
ويختار اغاني ليس كانت اغاني شباك للشباب .
وبعدين زي ما شايفة تشعري بأن الشباب كلهم فارقين زمن .
اتمنى اولاد نجوم الغد يدوهم فرصتهم .

Post: #440
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-26-2009, 09:43 PM
Parent: #439

Quote: مساكم ورد يا أغانياب.. و خصوصاً (حمادة و حسونة) (برلمة) السنين

مشكور بطعم هذه المأكولات
Quote: مأكولات بحرية (يا حبذا ..الهامور & الشريمبس & سمكة إسمها الحمراء) .. ثم شية صاج

(سنيرة السواد)

سلام .. سلام

Post: #441
Title: Re: أغاني وأغاني.. للقدامى والمستجدين..
Author: نجوان
Date: 08-26-2009, 09:48 PM
Parent: #439

Quote: ولكن نعمل شنو (قدور ) عايز يوثق لنفسه لما كان في مصر مع سيد خليفة
ويختار اغاني ليس كانت اغاني شباك للشباب
وهذا هو الإمتحان الحقيقي يا وليد..

اغنيات غاية في الروعة..
واداء غاية في التواضع من الشباب..

Post: #443
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-26-2009, 10:01 PM
Parent: #441

اغنيات غاية في الروعة..
واداء غاية في التواضع من الشباب..
نجوان
فعلا امتحان وكلام مظبوط ( وانا شايف احساسك غريب ورهيب )
في اداء الشباب .
وهذا يوضح ليك الفرق بين مطربين زمان والان

سلام .. سلام

Post: #442
Title: Re: أغاني وأغاني.. للقدامى والمستجدين..
Author: نجوان
Date: 08-26-2009, 09:56 PM
Parent: #433

Quote: نادر و فردتنا شالوا حلة الكوجين و عاسوا لما الله غفر ليهم.
والله يا ممكونة الكوجين زاتو الليلة غلبهم..
(واضيف جيمي للجوز ده)

الناس دي ما قاعدة تعمل بروفات؟
وما فائدة البروفة اذا كانت الأغنية بتقدّم وهي ما زالت نص استواء..
(غنا أحسن منه قعاد الكنبة والله)

Post: #444
Title: Re: أغاني وأغاني.. للقدامى والمستجدين..
Author: غباشي
Date: 08-26-2009, 10:31 PM
Parent: #442

نحضر الاعادة لمزيد من التركيز ...

Post: #445
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-26-2009, 10:53 PM
Parent: #444

اليوم الخامس

منتصر سيد خليفة

ربيع الحب

http://www.youtube.com/watch?v=_HS7pw3GGEU

Post: #446
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-26-2009, 10:54 PM
Parent: #445

اليوم الخامس

عاصم البنا

من انت يا حلم الصبا

http://www.youtube.com/watch?v=HiDde7pmwdU

Post: #447
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-26-2009, 10:55 PM
Parent: #446

اليوم الخامس

جمال فرفور

قم يا طرير الشباب

http://www.youtube.com/watch?v=XTcBU8SH8w0

Post: #448
Title: Re: أغاني وأغاني.. للقدامى والمستجدين..
Author: الرشيد ابراهيم احمد
Date: 08-26-2009, 11:04 PM
Parent: #447

ياخال مساء الخير
الابري ما داير ينزل لا بعد ظهورك
نورته

Post: #449
Title: Re: أغاني وأغاني.. للقدامى والمستجدين..
Author: بت قضيم
Date: 08-26-2009, 11:39 PM
Parent: #448

مساء الخير ورمضان كريم للجميع
بوست موفق يا نجوان

كنت من أول المتابعين للبرنامج من دورته الأولى، وهو صح فيه بعض الإخفاقات، لكن هذا البوست مثلاً أكبر دليل على نجاح البرنامج وانتشاره
وفعلاً، لو تم بذل جهد أكبر وركزوا في التفاصيل، لكان البرنامج فعلاً من أفضل البرامج السودانية الغنائية على الإطلاق

أنا عكسك زعلت جدا من عدم وجود أسرار فأنا معجبة جدا بصوتها وآداءها
سعيدة بأنهم هذا العام ما استضافوا فنان كبير كشرحبيل العام الماضي، والذي اظن أن استضافته في البرنامج قللت من آداءة وشأنه كفنان كبير، وأظهرت الكثير من نقاط الضعف في صوته
سعيدة بمجموعة الشباب الجديد ولو أني للآن منتظرة الدور الحقيقي لهم غير إنهم (شيالين) القعدة، فلا حضور أساسي لهم حتى الآن
بدل عاصم البناالحريرية بتعمل لي وجع عيون رسمي
ومعجبة بتهذيب جمال فرفور وشياكته أحسه فعلاً راقي وشيك، بس يخلي الكواريك شوية
ومندهشة منذ بدايات البرنامج الأولى لابتسامة عصام محمد نور، عنده ابتسامة كده لا معنى لها وابداً ما بتتغير، حتى في الأغاني الحزايني
ذوق السر قدور في الملابس ذوق الستينات أظن أو الخمسينات اعطوه عذره الراجل كبير فعلاً
استحواذه على الحوار وإدارته تماماً تعد من نقاط ضعف البرنامج (ما في زول بشارك في الكلام غيره بمعنى ده برنامجي اسوي فيه الأنا عايزه)
قصر وقت الحلقة من مميزات البرنامج فلا نشعر معه بالملل
الملل كل الملل في الدعايات التي تسبق الحلقة
المقدمة (جلسة ما منظور مثيلها) مملة ويجب تغييرها

وفي النهاية شكرا ًعلى البوست الجميل
والتحية لكل الزملاء البورداب ورمضانكم كريم إن شاء الله

دمتم

Post: #450
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-27-2009, 00:00 AM
Parent: #448

اليوم الخامس

نادر خضر والمجموعة

اعلى الجمال تغار منا؟

http://www.youtube.com/watch?v=eAUCcHFq84c

Post: #451
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-27-2009, 00:02 AM
Parent: #450

اليوم الخامس

عصام محمد نور والمجموعة

اسراب الحسان

http://www.youtube.com/watch?v=eY-VxhAsEtY

Post: #453
Title: Re: أغاني وأغاني.. للقدامى والمستجدين..
Author: الرشيد ابراهيم احمد
Date: 08-27-2009, 00:22 AM
Parent: #451

اسراب جماليات متواليه
لك ودي ياخال

Post: #462
Title: Re: أغاني وأغاني.. للقدامى والمستجدين..
Author: ليلى عز الدين
Date: 08-27-2009, 06:02 AM
Parent: #450

اليوم الخامس ..

الفرقة .. لأول مرة تتقيد بالتوزيعات الأصلية بقدر المستطاع و تتخلص من البطء بوزن السرعة و تضفى إحساساً بالطرب
سندها سعد بخلفيات رفعت من هيبة الأداء

منتصر سيد خليفة .. و فى ربيع الحب

أجاد ثم أجاد .. و الأغنية من الأغنيات صعبة الأداء دون شك

عاصم البنا .. حلم الصبا

كان أحسن أداء له على الإطلاق حتى الآن .. و الفرقة ظبطت الإخراج بجدارة

عاصم إستفاد من جهورية صوته و إمكانياته .. عساه أن يواصل فى ذلك.

فرور .. و طرير الشباب

أولاً .. برااااااافو كبيرة للفرقة .. جد معزوفة تستحق الإعجاب

فرفور .. أداء فتران كسلان مستهتر .. ما غريبة منه أبداً

الكورس .. قمة فى عدم التناغم .. مبالغة

الشكر للفرقة فى أحساس الطرب بتلك الأغنية

نادر خضر .. أعلى الجمال

ما زالت الفرقة فى طور التجلى .. و الإطراب

لكن عاودها البطء

نادر خضر .. ما زال صاحب الصوت الذى لا يخذل أبداً

لكنه ليس بأفضل مما قدمه من أداء حتى الآن

عصام محمد نور .. أسراب الحسان

أداء محافظ و جميل جداً

تركه الشباب وحده فى إمتحان صعب .. و اجتازه

Post: #452
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-27-2009, 00:05 AM
Parent: #448

Quote: ياخال مساء الخير
الابري ما داير ينزل لا بعد ظهورك
نورته

الرشيد يا حبيب
مساء الانوار يا جميل
عليك الله اسمع عصام هنا واشرب يا الرشيد

ورحمة ونور على ابوالسيد

من نورك يا رشيد يا عزيز
وتسلم

Post: #454
Title: Re: أغاني وأغاني.. للقدامى والمستجدين..
Author: بابكر التوم
Date: 08-27-2009, 01:29 AM
Parent: #452

نجوان

وكل نجوم البوست ....

رمضان كريم

فى البدء متابعين البوست اكثر من البرنامج باستمتاع واكاد ايقين بانة متابع من المؤدين انفسهم ولو كان البرنامج مباشر لكان البوست ادى غرضة كاملا

حلقة اليوم حركت كل الحواس والمشاعر هدوء واداء موسيقى بحرفية عالية لان الكلم بالفصحى وعبقرية الالحان اجبرت المؤدين للاجادة واعتقد بان الكل

كانوا قليلى الاخطاء . اجبر الرائع سيد خليفة بفنة الخالد بان تمتد الحلقات لثلاثة واتمناها رابعة ،،،،،

وثبت بان الموهبين من نجوم الغد بان المساحة الشحيحة التى تعطى لهم سوف تزيد من اشتداد عودهم مستقبلاوسوف يستفيدوا من ماقدم وسيقدم وحين

تعطى لهم فرصة اللعب كاساسين سيكون لهم شأن اكبر وستصقل موهبتهم .

* نادر خضر كل يوم يزداد ابداعا

* جمال فرفور متمكن فى اجادة كثير من الاغنيات اذا قلل من ال show

* عاصم ثبت بانة يبدع فى الاداء بلونية غنائية محددة لطبقة صوتة والطريقة للونية اغانى الحقيبة والسيرة (جينات ) يحتمل

* عصام محمد نور مبدع لحد الدهشة

الفرقة الموسيقية تملك الكثير من ناحية الاجادة اذا انصرف المؤدين للغناء دون لعب دور المايسترو للفرقة

Post: #455
Title: Re: أغاني وأغاني.. للقدامى والمستجدين..
Author: طارق جبريل
Date: 08-27-2009, 01:40 AM
Parent: #454

الاداء فعلا كان متواضع شديد يا نجوان
والفرقة الموسيقية كانت مبدعة شديد

بديت احس بالملل ما عارف ليه

Post: #457
Title: Re: أغاني وأغاني.. للقدامى والمستجدين..
Author: معتز القريش
Date: 08-27-2009, 01:55 AM
Parent: #455

حلــقـــة رمــضــ5ـــــــــــــــــان

Post: #459
Title: Re: أغاني وأغاني.. للقدامى والمستجدين..
Author: ارصد محمد جلال
Date: 08-27-2009, 02:41 AM
Parent: #457

نادر خضر

تطريب واحساس عالي ..
الزول ده النجم الاول حتى حلقة اليوم الخامس واحتمال كبير حتى نهاية رمضان ..

تحياتي للجميع

Post: #460
Title: Re: أغاني وأغاني.. للقدامى والمستجدين..
Author: حبيب نورة
Date: 08-27-2009, 03:35 AM
Parent: #396

البنات الصغار
ما عرفتهن
أفرزوا لي ديل من ديلا

أمانة ما غنايات

Post: #461
Title: Re: أغاني وأغاني.. للقدامى والمستجدين..
Author: صديق الموج
Date: 08-27-2009, 04:46 AM
Parent: #460

النجيضه البت ام فستانا زى دواء الحريق دى
حارقه قلبى عديل كده
غناية ثم غناية ثم غناية
قال ثم من:
قال سمحه موووووووووووووووت،،،

Post: #463
Title: Re: أغاني وأغاني.. للقدامى والمستجدين..
Author: abubakr
Date: 08-27-2009, 06:21 AM
Parent: #461

شاهدت الحلقة مسجلة حيث كنت مضربا امس تضامنا مع ناس الخرطوم بعد الامطار (اضعف الايمان):

يستفزني رغم انني من الناطقيين بغيرها ان ينطق الحرف في غناء او اعلام مسموع خطا فامس تردد الحرف "قاف" علي انه "غين" والحلقه عن غناء ابو السيد بالفصحي ....

حزنت وانا اري وجه الصبية افراح ملونا ومخططا كانه تمثال في متحف الشمع ( يا ناس حرام الواحدة تبهدل روحا كدة .. خلقة ربنا مالا ..)

استفزني السر قدور وهو يتجاوز الشباب الخمس من نجوم الغد ويتركهم للمرة الثانية خلال خمس حلقات في كراسي الاحتياطي ...

ودمتم

Post: #465
Title: Re: أغاني وأغاني.. للقدامى والمستجدين..
Author: نجوان
Date: 08-27-2009, 06:47 AM
Parent: #463

مراحب ببت قضيم ..شخصيا.. وكلمات في الصميم..
أهلا ببابكر التوم.. اضافة قوية للبوست..
هلا بيكم غباشي.. وحبيب نورة..

____
Quote: النجيضه البت ام فستانا زى دواء الحريق دى
غايتو يا صديق الموج دي بالغت فيها
قلت ليكم البوست ده بيطلّع من الناس حاجات عجيبة!

_____
وحالتو يا دوب قلنا يا هادي!

Post: #464
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-27-2009, 06:43 AM
Parent: #461

ورد في ديوان الحوادث والطوارئ - قسم الحروق - للشاعر دمَّاع ولد بكاي:

(من بكي من تَشّة بضع جمرات لئيمة ... قطع شك لم يذق ناجازاكي أو هيروشيما)

ما زلنا نؤكد على المثل التايواني القائل:

(فضائية ما فيها ركشه تشوف فيها الكارو لامبورجيني)

Post: #466
Title: Re: أغاني وأغاني.. للقدامى والمستجدين..
Author: abubakr
Date: 08-27-2009, 07:15 AM
Parent: #460

Quote: البنات الصغار
ما عرفتهن
أفرزوا لي ديل من ديلا

ياحبينا الجالس القرفصاء هن تلات صبايا اها واحدة قال عليها عمك صديق الموج لابسة زي لون دو الحريق اسمها افراح واللابسة بمبي اسمها ريماز واللابسة ابيض اسمها منار ... اها عرفتهن ؟؟

Post: #467
Title: Re: أغاني وأغاني.. للقدامى والمستجدين..
Author: Hussein Mallasi
Date: 08-27-2009, 07:54 AM
Parent: #466

عقب قراءتي لإحدى المداخلات انتظرت حضور بت قضيم .. فلم يطل انتظاري

Post: #469
Title: Re: أغاني وأغاني.. للقدامى والمستجدين..
Author: الحاج حمد الحاج
Date: 08-27-2009, 08:05 AM
Parent: #466

أغاني سيد خليفة بالفصحى كانت صعبة جدا على الشباب عدا عصام محمد نور..
وضح ان عاصم و جمال فرفور ما حافظين و مركزين على ورقة مما قلل من مستوى الأداء عكس عصام محمد نور الذي لم يجد مساعدة من الباقين و نجح في التغلب على ذلك..
نجوم الغد مهمشين خاصة في حلقة أغاني سيد خليفة بالفصحى...

Post: #470
Title: Re: أغاني وأغاني.. للقدامى والمستجدين..
Author: شمائل النور
Date: 08-27-2009, 10:34 AM
Parent: #469

نجوان

كل سنة وانت طيبة

كل يوم القى البوست دا عامل صفحتين و3 و4 والليلة وصل 5 ،ماشاء الله، المهم قدر ما اقول اقرا كل الصفحات ، اكسل واقول في نفسي يابت لو قريتي الصفحات الـ 5 دي الا تجازفي ليكـ فتوى تفطركـ ،ودرءً للشبهات ، قريت الصفحة 1 ، 5

تقريبا المسالة ملاحظات وتحليل لـ الحقات بتاعة اغاني واغاني ، ولا ما كدا؟؟؟

اولاً:
وتقريبا كدا السنة دي ناس اغاني واغاني قرررررررربوا يوحدوا الزي (ياخي ما ممكن والله اتذبحنا )
- مرحبا مجددا بنادر خضر ، وحزيييييييييييييييييينة عشان اسرار مافي
- فكرة اشراك نجوم الغد ، فكرة جيدة ، واستطاع عمنا السر ان يختار الاصوات الجميلة وكذلك الوجوه ،،السر قدرو دا راجل ما ساهل
- نجوم الغد كمان فرحانين اكتر من اللازم ، مع انهم كومبارس ، كنت عايزاهم يكون واثقين اكتر من انفسهم ويخلوا الفرح الشديد دا
- ود سيد خليفة دا تقريبا حضوره من اجل ان يضفي بعض الشرعية لاداء اغاني سيد خليفة ،ملكية فكرية وكدا، ،،السر قدرو دا راجل ما ساهل
-البت الاسمها افراح الشعب على قول عمنا السر ، بت غناية عديل كدا ، لكني زي الحسيت بانها بدت تتكلف وتتعسم ، وظهر ذلك في اغنية سيد خليفة أسالوه ، بعدين البت وزنها زاد والكلام دا ما من مصلحتها
- فرفور كالعادة مبدع ومبهج اصلو ما بيخذلني

ـــــ
احلى حاجة في البرنامج ضحكة السر قدور

Post: #471
Title: Re: أغاني وأغاني.. للقدامى والمستجدين..
Author: Hussein Mallasi
Date: 08-27-2009, 10:47 AM
Parent: #470

Quote: مال أبو الكلام ليوضح (كسر حرف اللام) في كلمة
جمال حتي ظننته لن يعود لوضعه الطبيعي مرة أخري ..

انت في الميلان و للا في كمية النشاز القالا بيها.

Post: #473
Title: Re: أغاني وأغاني.. للقدامى والمستجدين..
Author: محمد عبد الماجد الصايم
Date: 08-27-2009, 11:04 AM
Parent: #471

شُرابات في السوق ماف؟

رمضان كريم!

Post: #478
Title: Re: أغاني وأغاني.. للقدامى والمستجدين..
Author: فيصل نوبي
Date: 08-27-2009, 12:00 PM
Parent: #471

شمائل يا شمائل
Quote: بعدين البت وزنها زاد والكلام دا ما من مصلحتها
هي بتغني بالكيلو ؟

يا ملاسي
الاسنان و حركة اللسان و العجلة إتلمن علي (أبو الكلام) ..
تضجر الجميع من طول الحلقة (أو الثلاث حلقات بتسجيل واحد) خاصة فرفور و عاصم كان ضجرهم واضح جداً ..

_
وليد عبداللطيف ..
إنت مزعلاكـ قصة (البرلمة) دي ؟ خلاس ياخ معليش (ما برلوم) متأسفين .. ما تضايق
لا قبل الفطور لا بعد الفطور .. خلينا في الأغاني دي و بعيد عن (ضيق الصدر) و حقكـ علينا. دلِع زي ما عايز.

Post: #480
Title: Re: أغاني وأغاني.. للقدامى والمستجدين..
Author: شمائل النور
Date: 08-27-2009, 01:46 PM
Parent: #478

نوبي

بالمناسبة فعلا طلعت بتاع محاسبة

زيادة الوزن بتاثر على الحبال الصوتية ، ممكن تسال عمنا السر قدور ، بعدين افراح دي فنانة صورة وصوت

Post: #472
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-27-2009, 11:00 AM
Parent: #470

حسين ملاسي ( حسونه )

محمد المرتضى (حماده)

بعتزر لهذه الالقاب والواحد صراحة لو ماحبيناكم ما كنا دلعناكم
ولكن يظهر في نفوس مريضة حاولت تستغلها في اشياء في نفسها

نجوان اختنا
كنا بنقول على حسى الورود النجيله تشرب
ولكن يظهر في فيروسات دخلت عليك
ويجب بتر ها قال وكتب شنو ( برلمة السنين ) قال سنير قال
وقت بيكتب وبغالط في هلال مريخ وبتراشق
وبتعافن كنا بنضحك على مهزلة اهل الكورة
كدى بفطر وبجي بوريك اسكيلو
والبدق الباب بلقى الجواب .
______________

مع الاعتزار للمره التانية اخواني حسين ملاسي + محمد المرتضي حامد
وبعتزر لكل رواد اغاني واغاني في بوست نجوان
_______________

سلام .. سلام

Post: #474
Title: Re: أغاني وأغاني.. للقدامى والمستجدين..
Author: Manar Mahsoub
Date: 08-27-2009, 11:07 AM
Parent: #470

سيد خليفة فنان كبير و بيستحق اكثر من 30 حلقة لكن برضو زيدان بيستحق مليون ( انا لسع زعلانه من حلقة زيدان الفرد واحدة) و بما انى زعلانه جدا و محتجة شديد فكان لا بد من معرفة السبب و عرفتو امبارح اتارى سيد خليفة كان بيفك ازمات السر قدور المالية ما شوفتو ركز كان كريم كان كريم و قال اول اجر تقاضاه لمن عمل كورس معاه و كان جنيه و بعد الجنيه برضو سيد خليفة جاء اداهم من القروش بتاعتو ....شوفوتو السبب و طبعا زيدان ما وفر ليه الخدمة دى ....

عصام محمد نور ادائه صراحة قسر كوركر شورتيق كوديكينانى ( ابن عمى ابو بكر الترجمة بالله لغير الناطقين باللغة )

الحمد لله الليلة حلقة مختلفة ....

Post: #475
Title: Re: أغاني وأغاني.. للقدامى والمستجدين..
Author: نجوان
Date: 08-27-2009, 11:20 AM
Parent: #474

سلام لمحبي الفن والجمال..

اليوم السادس للأغاني
وخميس كمان
عسانا منطربين هذا المساء..
آمـــــين

____
تحية للزوار الجدد..
شمايل، الحاج حمد، وودالصائم..

Post: #476
Title: Re: أغاني وأغاني.. للقدامى والمستجدين..
Author: maia
Date: 08-27-2009, 11:23 AM
Parent: #474

افتكرت انه طالما تم افراد حلقة تالتة لاغاني الراحل الفنان سيد خليفة انه حيكون لمزيد من الابداع

لكن الشاهد في راي انه جاءت حلقة الامس متواضعة جدا وما بتتناسب مع حجم الاعلان عن افراد حلقة زيادة لاغاني الفصحى

كان يمكن اداء هذه الاغاني في الحلقتين الفاتوا وده ما تقليل من انه الفنان سيد خليفة يحتاج لافراد حلقات وحلقات
لكن ما تم تقديمه كان يمكن ادائه بالكتير في حلقتين

نادر خضر صوته غير مناسب لاغنية ( انت السماء ) ولولا ستر ربنا كان قرب ( يحبشنها)

اخفق عاصم البنا في الاغنية وما اداها بالشكل المطلوب

عصام محمد نور كان افضلهم

فرفور لا تعليق
بس قليل من الرحمة

Post: #477
Title: Re: أغاني وأغاني.. للقدامى والمستجدين..
Author: abubakr
Date: 08-27-2009, 11:37 AM
Parent: #476

Quote: بس قليل من الرحمة

ياقريبتي . دايرين كتير اصلو اليوم السادس من رمضان والبدن بقي ينخ ولازم من حوافز .. غايتو لو خلو ناس نجوم الغد يغنو علي الاقل 15 دقيقة ويخلو الباقي للشباب حنشعر بالتجديد والواحد يمكن يقدر يمارس رياضة الجري ويمكن دافوري .... دايرين زي القالو ود حسين اوباما داااك التغيير ...والواحد فينا بعدين يكورك yes we can

Post: #479
Title: Re: أغاني وأغاني.. للقدامى والمستجدين..
Author: حامد محمد حامد
Date: 08-27-2009, 12:09 PM
Parent: #474

Quote: تلك أصوات مزيلة للكولسترول وكل الدهون المشبعة

يعطيك العافية ابنى محمد

حامد

Post: #481
Title: Re: أغاني وأغاني.. للقدامى والمستجدين..
Author: mohmmed said ahmed
Date: 08-27-2009, 02:07 PM
Parent: #479

قسرك اوركر

دى والله يا منار

لوجابو

عبدالطيب
والمتنبى
البحترى
الشنفرة
وتابط شرا ذاتو

ما يترجمو الشاعرية الفيها

Post: #482
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-27-2009, 04:34 PM
Parent: #481

يا ربي الرطَّانه ديل بيقطعوا في منو؟

__

الوليد،
هوِّن عليك يا عزيز ، ندرك أن كل من يعلق هنا يستصحب حسن النية لاغير،
كل من يغشى هذه المساحة لايحمل إلا كل جميل وعزيزنا فيصل نوبي رجل مشهود
له بالعفوية وسماحة النفس ولم يفعل سوى المشاركة بالمداعبة المتسقة
مع روح البوست كما ترى وهي سنة رمضانية سنوية استنها ملاسي منذ 3 سنوات..
مودتي يا الوليد،
__

رمضان دخل في نخاع العضم بالحيل،
والله يا عاصم بقيت تنوم في الأستوديو ،.
ما تتاوق بي بره تعال ،
تستاهل.

Post: #485
Title: Re: أغاني وأغاني.. للقدامى والمستجدين..
Author: abubakr
Date: 08-27-2009, 05:33 PM
Parent: #482

Quote: يا ربي الرطَّانه ديل بيقطعوا في منو؟

لسه بدري علي القطيعة ؟؟ بنسخن بس

Post: #483
Title: Re: أغاني وأغاني.. للقدامى والمستجدين..
Author: abubakr
Date: 08-27-2009, 04:35 PM
Parent: #474

Quote: عصام محمد نور ادائه صراحة قسر كوركر شورتيق كوديكينانى ( ابن عمى ابو بكر الترجمة بالله لغير الناطقين باللغة )

يابت عمي اولا دي من بيت الكلاوي النوبي وغير قابلة للصرف الي اية لغات حية او ميتة (زي الجنيه يعني) وللناطقين بغير اللغة النوبية.. وبعدين في واحد منهم ترجم لينا حاجة ما "كوجن" اتكوجنت فيها ايام لحدما واحدة صاحبتي حنت علي وشرحت لي كدة اليجي كام صفحة ..كلمة واحدة بكام صفحة عشان الواحد يفهما ..

تك قسرك كوركر تجمو ...

Post: #484
Title: Re: أغاني وأغاني.. للقدامى والمستجدين..
Author: ودالعباسية
Date: 08-27-2009, 04:54 PM
Parent: #483

هل الحلقة الليلة تكون مع احد الشعراء ،،،؟

اتوقع السر دولييب ،،،

Post: #486
Title: Re: أغاني وأغاني.. للقدامى والمستجدين..
Author: abubakr
Date: 08-27-2009, 05:57 PM
Parent: #484

حلقة اليوم مع الفنان السر احمد قدور

والوضع العام هو كما ترونه في هذه الصورة :

اهم ما في الحلقة انو شريف اول من يغني ( من فروع الحنة ) بعد فنان الحلقة عمكم السر والبنيات يردن وراهو ومحمدية يجر الكنجة جر تمام ..

فرفور غائب

Post: #487
Title: Re: أغاني وأغاني.. للقدامى والمستجدين..
Author: abubakr
Date: 08-27-2009, 06:01 PM
Parent: #486

فردتنا بقميصو الجديد

Post: #488
Title: Re: أغاني وأغاني.. للقدامى والمستجدين..
Author: abubakr
Date: 08-27-2009, 06:05 PM
Parent: #487

ادانة واستهجان :

النيل الازرق لم تلتزم بما وعدتنا به (هي ياجماعة مش وعدتنا افتراضيا) وعاد دهان البوماستك والشروق وجداد ميكو واورنجا امراادين وشوف سفاري الي حلق الحلقة ومن هنا اننا ندين ونستهجن هذا المسلك وعدم اهتمام القناة بالجماهير الاسفيرية .....

Post: #489
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-27-2009, 06:13 PM
Parent: #488

ببكي وأنوح وأصيِّح
للشوفتن (بتطيِّح)

الدعايات

Post: #490
Title: Re: أغاني وأغاني.. للقدامى والمستجدين..
Author: abubakr
Date: 08-27-2009, 06:19 PM
Parent: #488

موضوع الحلقة :الشاعر ابراهيم العبادي
مقدم الحلقة : السر قدور
فنان الحلقة :السر احمد قدور
مستمع الحلقة : عصام محمد نور

حياري الحلقة : كلنا جوة وبرة

Post: #508
Title: Re: أغاني وأغاني.. للقدامى والمستجدين..
Author: صديق الموج
Date: 08-27-2009, 08:05 PM
Parent: #488

Quote: ورد في ديوان الحوادث والطوارئ - قسم الحروق - للشاعر دمَّاع ولد بكاي:

(من بكي من تَشّة بضع جمرات لئيمة ... قطع شك لم يذق ناجازاكي أو هيروشيما)

محمد المرتضى ...ببكى وببكى وبتمخت زاتو..
باكى بعيونك مش عيونى ان شاء الله يتقددن
وبعدين وحات الله نص البكتبوا هنا ديل باكين
لى نجوان وبت قضيم دى زاتا سمع اضانى يجوعرن
بس انا خاينى لسانى ده..
ياجماعة خسمتكم بى الله كان واحد فيكم ما قطع لى صورة البنية
افراح دى وفرزها لى براها عشان اختها فى بروفايلى ده..
باقى انا استاذنت منها...
منتظركم يا الشفيفين..عدم العلم كعب،،،
راجيكم يا الشفوت،،،

Post: #491
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-27-2009, 06:22 PM
Parent: #484

_
Quote: وليد عبداللطيف ..
إنت مزعلاكـ قصة (البرلمة) دي ؟ خلاس ياخ معليش (ما برلوم) متأسفين .. ما تضايق

اخي فيصل نوبي
ياخي انت يظهر لم تقرا مداخلتي الاول بعد طلبت الشرح وفي نفس الوقت شرحت ليك وفوق كده
عملت ليك رغبتك اكتر من كده في . وعشان نحن برالمه لازم نحترم السناير .
وبعد ده تقوم تشيل كلامي وتعيدوا مره اخرى وانا لم اعرف درجة
علاقتك (بملاسي )والاخ (محمد المرتضى )
وياخي انا بتأسف ليك للمره التانية وعشان مافي داعي نحرف البوست
واناشد من هذا البوست معا من اجل منبر معافى وضد المهاترات والسخف بين الزملاء
,,,,,,,,,,,,,,
Quote: هوِّن عليك يا عزيز ، ندرك أن كل من يعلق هنا يستصحب حسن النية لاغير،
كل من يغشى هذه المساحة لايحمل إلا كل جميل وعزيزنا فيصل نوبي رجل مشهود
له بالعفوية وسماحة النفس ولم يفعل سوى المشاركة بالمداعبة المتسقة

ــــــــــــــــــــ

مع كل الوداخواني محمد المرتضى وملاسي وفيصل نوبي ونجوان

Post: #492
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-27-2009, 06:41 PM
Parent: #491

نادر خضر

تمام التمام

عصام البنا

يالله ذكرنا اليوم ليالي امدرمان والمبدع (الجقر) احد اولاد البنا
وهذا هو (عاصم البنا) يمتعك في هذه اللونية من الغناء
تشوفوا سلطنة وقمة تطريب .
(ولع جسمى جمر الحي === وما بتطفيهو اه واحي
يازينة ربوع الحي === ولدياركم يعود الحي )
يديك العافية ياود البنا
بس اليوم لم يكون كما عودنا بالاناقة
وفقدنا اليوم صوت الصخر (فرفور )او (كواريك فرفور)كما تقول اختنا نجوان

Post: #494
Title: Re: أغاني وأغاني.. للقدامى والمستجدين..
Author: بابكر التوم
Date: 08-27-2009, 06:55 PM
Parent: #492

غاب جمال فرفور وترك فراغ خيالى ....

وعلى ماأظن غاب مهندس الصوت للبرنامج واحدث خلل على ماأعتقد وكان واضح ،،،

اعطى شريف فرصة بصفارة البداية وكانت تجربة كبيرة علية بالوقت الحالى ،،،،

Quote: مقدم الحلقة : السر قدور
فنان الحلقة :السر احمد قدور
مستمع الحلقة : عصام محمد نور

أكد استاذنا ابوبكر ...

بان خير الكلام مادل وقل ،،،

Post: #495
Title: Re: أغاني وأغاني.. للقدامى والمستجدين..
Author: abubakr
Date: 08-27-2009, 06:55 PM
Parent: #492

رغم "التهميش" الذي يتعرض له شباب نجوم الغد الا انهم دائما متحمسيين فرحيين صبوحيين ( بس شوية البوية الفي وش الصبايا ياريت لو يمسحنها ) وهنا نحييهم ونتمني ليهم توفيقا:

Post: #496
Title: Re: أغاني وأغاني.. للقدامى والمستجدين..
Author: نجوان
Date: 08-27-2009, 06:59 PM
Parent: #492

مشكور على الصور يا باش..
حلقة تلقائية..انداح فيها السر قدور وذكريات مع العبادي..
حكى واتونس.. نكّت،
وغنّى..

الشاب شريف.. صوت وأداء جميل..

نادر حوّل الأغنية بقدرة قادر الى نشيد مدرسة..

فردتنا كان مزاجه رايق وفي قلب الـ comfort zone بتاعه،
أبدع وتسلطن..

_____
الفرقة الموسيقية والكمنجات
شغل نضيف..

Post: #493
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-27-2009, 06:47 PM
Parent: #491

(وشال من ناري عِمَّه وشال)

شكرا يا أبا رنيم على هذا الطرب المسرف ،

Post: #497
Title: Re: أغاني وأغاني.. للقدامى والمستجدين..
Author: نجوان
Date: 08-27-2009, 07:04 PM
Parent: #493

Quote: وعلى ماأظن غاب مهندس الصوت للبرنامج واحدث خلل على ماأعتقد وكان واضح ،،،
صحيح.. الصوت كان رديء

Post: #498
Title: Re: أغاني وأغاني.. للقدامى والمستجدين..
Author: ودالعباسية
Date: 08-27-2009, 07:06 PM
Parent: #493

ياعزة + عاصم البنا و شريف الفحيل = حلقة اليوم السادس من اغانى اغانى ،،

ــــــــــــــ

ياخال شكرا على الصور الجميلة ،، شايفك دخلته الفورمة خلاص وحات تجيب لينا صور

وفيديوهات اول بى اول ،،،

Post: #499
Title: Re: أغاني وأغاني.. للقدامى والمستجدين..
Author: حبيب نورة
Date: 08-27-2009, 07:14 PM
Parent: #498

نجوان الليلة ما عندي نيل أزرق

حالتي مهببة مع صلاح المليح

جيبوا لينا الفلاني أول بي أول

Post: #500
Title: Re: أغاني وأغاني.. للقدامى والمستجدين..
Author: abubakr
Date: 08-27-2009, 07:15 PM
Parent: #498

Quote: وحات تجيب لينا صور

وفيديوهات اول بى اول ،،،

يا ود العباسية الصور مقدور عليها .. الفيدوهات بجيبا الشاعر بن وداعة والزوول هو مكتبة الكونغرس بتاعتنا فما تشيل هم ...اها التعليقات عليكم وخصوصا التيم المشارك السنة دي ..دة تيم برازيلي ما داير معسكرات ... مؤهل ومستعد .. المهم انك تكون بجااي وما تزمزق عشان زيدان ادوهو حلقة واحدة اصلو في الظروف دي الحلقة الواحدة هي البتبقي متحكرة في الذاكرة ....

Post: #501
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-27-2009, 07:16 PM
Parent: #498

عودة السوخــــــــــــــــــــــوي 2009 ونار محركات ما بتطفيها آه وأحي يا ... الفراق بي طال

Post: #502
Title: Re: أغاني وأغاني.. للقدامى والمستجدين..
Author: ودالعباسية
Date: 08-27-2009, 07:23 PM
Parent: #501

Quote: الحلقة الواحدة هي البتبقي متحكرة في الذاكرة ....

وحاتكون الحلقة دي متحكرة جوة الجوة زاته ،، ويمكن معاها حلقات تانى

لسه رمضان طوووووووويل ،،

Post: #503
Title: Re: أغاني وأغاني.. للقدامى والمستجدين..
Author: الزوول
Date: 08-27-2009, 07:30 PM
Parent: #502

السلام عليكم
......
غياب فرفور ملحوظ
......
9:15 دقيقة بالكمال والتمام وأبو الكلام يحكي عن الشاعر ابراهيم العبادي
أظنها كانت أجمل مافي حلقة اليوم
شريف الفحيل
سمّع لنا نشيد من فروع الحنة وزهرة التفاح
بإجادة لا تتعدى ال50% على أحسن تقدير

عاصم البنا
لم أفهم كلمة واحدة من أغنية المجاراة يا حليل رياض الغنّا
ازعاج رهيب وخلل واضح لمهندس الصوت
صوت الموسيقى أعلى من أصوات عاصم وعصام
ويحاول عاصم أن يتفوق عليه ولا ينجح إلا في زيادة ازعاج الصوت
.....
ثم 4 دقائق كاملة جميلة حكى السر قدور عن مسرحية المك نمر
....
بلابل الدوح
نشيد آخر وبفشل تام سمعه لنا نادر خضر
الله يرحمك يا مصطفى سيدأحمد
.....
كنت أتمنى لو تركوا أغنية عازة الفراق بى طال
لعصام أحمد الطيب
.....

نجم الحلقة بدون منازع
الأستاذ السر قدور
.....
رجاء لشاعرنا عبد الله وداعة ومعتز القريش
رحمة بحبيب نورة وناس أمريكا والجماعة المعتمدين على اليوتيوب
الليلة نزّلوا ليهم كلام السر قدور
وسيبكم من الغنا

Post: #504
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-27-2009, 07:35 PM
Parent: #503

(بلابل الدوح) وحدها تكفي مقياسا لمدى نكبة الطرب السوداني برحيل مصطفى سيد أحمد.

Post: #505
Title: Re: أغاني وأغاني.. للقدامى والمستجدين..
Author: ارصد محمد جلال
Date: 08-27-2009, 07:36 PM
Parent: #503

ود العباسية

الزول السمح

رمضان كريم وربنا يقبل الصيام والقيام .. وينك ياراجل ؟ ليك فترة طويلة مختفي

تحياتي يازول يارائع
ودالمايقوما

Post: #506
Title: Re: أغاني وأغاني.. للقدامى والمستجدين..
Author: خالد عبد الله محمود
Date: 08-27-2009, 07:46 PM
Parent: #505

وعادت البخرات مرة أخري هذا العام ..
نادر غني من بخرة ..
شريف غني من بخرة

الوحيد الغني من راسو عاصم البنا

Post: #507
Title: Re: أغاني وأغاني.. للقدامى والمستجدين..
Author: ودالعباسية
Date: 08-27-2009, 07:56 PM
Parent: #505

اووووو حبيبنا ودالمايقوما ،،،

رمضان كريم وتصوم وتفطر على خير ،،

غيبة طويلة والله بس بنظهر مع كل موسم مع الحاجات الحلوة دي ،،

تحياتى الشديدة ليك يارجل ،،

Post: #510
Title: Re: أغاني وأغاني.. للقدامى والمستجدين..
Author: طارق ميرغني
Date: 08-27-2009, 08:15 PM
Parent: #507

اختنا نجوان رمضان كريم

بوست جميل وبرنامج احلي

غض النظر عن راي الزملاء عن هذا فنان او ذلك الا ان الاستاذ السر قدور نجح هذا العام في الاستفاده من نجوم الغد باتاحته لهم الظهور من

خلال البرنامج مع مجموعه من الفنانين الكبار مما خلق روح جميله وتواصل للاجيال مما حدا بالصحف المحلية الاشادة بالبرنامج.

لكن اللافت ان الفتيات ظهرن في حلقة اليوم وهن يلبسن البناطلين البودي المحذقة فهل هذا يتماشي مع سياسة القناة ام في التلفزيون

الوضع يختلف عما في الدنيا خارجه ( لبني مثلا) ام ان سياسة النيل الازرق تختلف عن القومية مجرد سؤال ؟

اسف لتغيير الموجه لكن بالفعل لفتت نظري الحاله...!!

Post: #511
Title: Re: أغاني وأغاني.. للقدامى والمستجدين..
Author: بت قضيم
Date: 08-27-2009, 08:18 PM
Parent: #507

ملاسي بالله يا تو مشاركة وياتو تعليق
تتجازي انت

ومساء الخير لرواد البوست الكرام

Post: #512
Title: Re: أغاني وأغاني.. للقدامى والمستجدين..
Author: صديق الموج
Date: 08-27-2009, 08:58 PM
Parent: #498

ابوبكر اخوى
مادام بتعرف قدر ده وتنزل الصور ما تقطع لى صورة البت افراح
دى انزلها فى بروفايلى ده..
لاعندى شغله لا بالمخرج ولا بالمصور ولافنى الصوت،،،

Post: #513
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-28-2009, 00:04 AM
Parent: #512

اليوم السادس

شريف الفحيل والمجموعة

من فروع الحنة

http://www.youtube.com/watch?v=hazUbOpIrY0

Post: #514
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-28-2009, 00:05 AM
Parent: #513

اليوم السادس

نادر خضر والمجموعة

بلابل الدوح

http://www.youtube.com/watch?v=BaKTm6M4UDA

Post: #515
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-28-2009, 00:06 AM
Parent: #514

اليوم السادس

عصام محمد نور وعاصم البنا وبقية المجموعة

يا حليل رياضنا

http://www.youtube.com/watch?v=Ol8o3ClmQtM

Post: #516
Title: Re: أغاني وأغاني.. للقدامى والمستجدين..
Author: Dania Elmaki
Date: 08-28-2009, 00:13 AM
Parent: #515

كله كوم و حواجب افراح دي كوم ثاني, يعني القال ليها الحواجب دي ارسميها بالصبغه منو.؟؟ يا ربي ده تاتو يا نجوان؟؟

Post: #518
Title: Re: أغاني وأغاني.. للقدامى والمستجدين..
Author: صديق الموج
Date: 08-28-2009, 00:21 AM
Parent: #516

Quote: كله كوم و حواجب افراح دي كوم ثاني, يعني القال ليها الحواجب دي ارسميها بالصبغه منو.؟؟
يا ربي ده تاتو يا نجوان؟؟

غايتو جنس حساده!!!!
رمضان كريم يا دانيا المكى،،،

Post: #519
Title: Re: أغاني وأغاني.. للقدامى والمستجدين..
Author: طارق جبريل
Date: 08-28-2009, 00:25 AM
Parent: #516

سلام يا ناس

طبعا انا بجيكم انصاص الليالي لانه ما بشوف الحلقة الا بعد الاعادة
لانه وكت اعادتها لسة بنكون مدروشين في المكتب

السر قدور ابدع في كمية المعلومات المخزنها
الزول دة حقو يشوفوا ليهو (اكستيرنال هارد ديسك) ويجمعوا المعلومات دي منو
ياخي دة حافظ ليهو تفصيل سنة عشرين.. امي ما اتولدت الله يرحمها

عاصم ابدع في عزة الفراق بي
ودي اللونية البتجي مع صوته

غياب فرفور مغسني
لانه في عزة دي كان ممكن يلقى ليهو بحة بحتين ما بطالات

الاناقة:
لون قميص عاصم البنا علي العروس وكتين تدخن كتير
قبل ما يفركوها بالدلكي والخوخة

بتاع الكاميرا عاجباهو اصابعين ريماز مع المكرفون
يشبهن السامبكساالتاكنها في الطوة السوداء ديك

افراح ماني قادر اعلق شي
خايف من ود الموج
التاكنها في

Post: #539
Title: Re: أغاني وأغاني.. للقدامى والمستجدين..
Author: ودالعباسية
Date: 08-28-2009, 01:54 PM
Parent: #515

يا حليل رياضنا ،، مرة تانى ،،

بى كولتى عالية جدا ،،،

الشكر لى اخونا راكوبا ،،،

Post: #517
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-28-2009, 00:19 AM
Parent: #512

سلام و تحايا على الجميع ..

في رأيي عاصم البنا هو الأفضل اليوم بلا منازع ..

غياب فرفور واضح جداً ،،

الليلة في شوية ملل كده ،، في حد معاي ؟؟

.
.

Post: #520
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-28-2009, 01:19 AM
Parent: #517

نزولا لرغبة حبيبنا الزول والى الاعزاء الذين لم يشاهدوا الحلقة والحوار
نقدم الجزء الاول من حديث الاستاذ السر قدور عن شاعرنا ابراهيم العبادي

الجزء الاول

http://www.youtube.com/watch?v=EM41OY-RUAc

Post: #521
Title: Re: أغاني وأغاني.. للقدامى والمستجدين..
Author: Ahmed al Qurashi
Date: 08-28-2009, 01:29 AM
Parent: #520

تحياتي لكل المتداخلين في هذا البوست الجميل وللأخت نجوان

نحرص دائما على متابعة البوست كحرصنا على متابعة الحلقات ...

وفيما يلي بعض الملاحظات على ما قدمه الأستاذ السر قدور من معلومات ...

رمية يوسف حسب الله ( سلطان العاشقين) .... فريع البان ... منو يا حبان ... أنا تعبان

جاراها محمد عثمان بدرى قائلا...
من الحشا المبروم ... النوم على محروم

وجاراها العبادي أيضا ...
ليه يا أم شلخا جوز ... النوم على محجوز ... كده ما بجوز
وهذه بدايات العبادي

أما أغنية من فريع البان البسوح نديان . . فليس هنالك علاقة تاريخية أو لحنية تجمعها مع هذه الرميات، وحسب علمي فإن هذه الأغنية من كلمات وألحان بابكر ود السافل وتغنى بها أبو داؤود ومبارك حسن بركات ..

الصوت في هذه الحلقة لم يكن مقنعا وقد أثر كثيراً على الأداء ...واعتقد أن هناك خلل ما في التسجيل، التعليقات مفيدة ومهمة ولكنها خصماً على زمن الحلقة القصير أصلاً.

أغنية من فروع الحنة المقطع الوحيد الذي تغنى به الشاب شريف الفحيل لم يكن صحيحا ، وهذه الأغنية من أغاني المجاراة ولقد سجلها على الاسطوانات الفنان التوم عبد الجليل سنة 1929 كما سجلها للإذاعة أولاد شمبات وهى مجارية في اللحن للاغاني التالية:
1/ من جناين الشاطئ 2/ من قليبو الجافي 3/ من فراق ناس مية 4/ في النسائم شاكى 5/ من هوى الخلخال

أغنية بلابل الدوح ناحن هي من ألحان الحاج محمد أحمد سرور وهى من أغاني المجاراة حيث جارى بها العبادي أغنية ليالي الخير جادن للشيخ محمد ود الرضي ولقد سجل أغنية بلابل الدوح على الاسطوانات الفنان الأمين برهان وكان معه في الكورس كرومه وسرور ويقال أن سرور وصل به الطرب إلى درجة انه غنى الكسرة مع الأمين برهان

أما زواج بشير الشيخ فقد اتفق جميع المؤرخين والمهتمين بأنه قد حدث في سنة 1919م. وقد قال فيه العبادي بعد إضراب الطنابرة:
جزاهم الله خيراً كل الحساب حسبولنا
جابولنا الكراسي والوساع نصبولنا
من جيهة الكرم كادوا أن يحبولنا
ماخلولنا شئ إلا الطنابرة أبولنا

اما شيخ الطنابره فاسمه عبدالغفار محمد احمد والشهير بعبدالغفار الماحى وخبره انه بعد خلافه مع سرور وذهابه الى مدنى أصبح يغنى اغانى الحقيبة بعد أن اصبح الطنبور غير مرغوب فيه .

اعتذر للإطالة

لكم الود ورمضان كريم

Post: #522
Title: Re: أغاني وأغاني.. للقدامى والمستجدين..
Author: ارصد محمد جلال
Date: 08-28-2009, 01:39 AM
Parent: #521

نخليها مباشرة

Post: #524
Title: Re: أغاني وأغاني.. للقدامى والمستجدين..
Author: الزوول
Date: 08-28-2009, 01:52 AM
Parent: #521

استاذنا أحمد القرشي
شكراً لمرورك واثرائك البوست بالمعلومات الضافية
..
Quote: اعتذر للإطالة

...
يا زول اطالة شنو؟
هسه كلامك ده مش أحسن من الحلقة زاتها؟
وزي ما زمان رشحناك ..عضواً بالبرنامج حينما طلب الفنان عاصم البنا أرائنا ليحملها للأستاذ السر قدور
فنحن هنا عمدناك سراً قدوراً لهذا البوست
بعدين ..
المعلومة دي براها
البيفتش فيها عمنا السر قدور طول السنين دي
وما لاقيها
مش كفاية؟؟
...

Quote: اما شيخ الطنابره فاسمه عبدالغفار محمد احمد وخبره انه بعد خلافه مع سرور وذهابه الى مدنى أصبح يغنى اغانى الحقيبة بعد أن اصبح الطنبور غير مرغوب فيه .
.....

شكراً شاعرنا الرقيق عبد الله وداعة على الإستجابة
تحياتي وشكري
.....

Post: #535
Title: Re: أغاني وأغاني.. للقدامى والمستجدين..
Author: abubakr
Date: 08-28-2009, 09:14 AM
Parent: #521

Quote: وفيما يلي بعض الملاحظات على ما قدمه الأستاذ السر قدور من معلومات ...

ياود القرشي تدهشني بمعرفتك الواسعة في تاريخ الغناء السوداني رغم انك لا تنتمي مهنيا الي الساحات الفنية التي ينتمي اليها استاذ السر بحيث تذكر الاحداث رواية عما سمعته من داخل الساحة او تناقلته اطراف من روادها وانما تجييد البحث والتنقيب لتاتي بمعلومة لا شق ولا طق فيها ...

ووكت النيل الازرق بقت تخلينا نستمع الي عصير اروا واورنجا ونكسر بالفائز غصبا عننا اها كيتا فيهم وفي قناتم ذااتا حنعمل معاك اغاني واغاني وحنجيب شباب نجوم الغد ولو فردتنا وافق يجي ما وافق برايو واها الاستوديوهات كتيرة وبرعاية المرتضي ونجوان والحلقة الواحدة تسعيين دقيقة وما فيها ارفع راسك وياهلا والبث حيكون podcasting واسفيري ...

Post: #563
Title: Re: أغاني وأغاني.. للقدامى والمستجدين..
Author: نجوان
Date: 08-28-2009, 07:07 PM
Parent: #521

مرحب بيك أستاذنا د. أحمد القرشي
بركة بالشوفة

مشكور على الحضور الدسم..
ونتمنى أن تواصل السرد..

______
ياريت نصادف حلقتك التي سجلتها للنيل الأزرق..

Post: #579
Title: Re: أغاني وأغاني.. للقدامى والمستجدين..
Author: البدري عبد الله
Date: 08-28-2009, 09:32 PM
Parent: #521

يا دكتور رمضان كريم

زمن طويييييييييييييييل ..التحايا لك ولاسرتك الكريمة

(عذرا اختنا نجوان لقيادتنا بوستك في غير وجهته )

Post: #523
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-28-2009, 01:46 AM
Parent: #520

اليوم السادس

السر قدور عن ابراهيم العبادي الجزء الثاني

http://www.youtube.com/watch?v=a5yz0DW50gA

Post: #525
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-28-2009, 02:34 AM
Parent: #523

الجزء الاخير من حديث السر قدور عن العبادي

الجزء الاخير

Post: #526
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-28-2009, 02:57 AM
Parent: #525

مبروك الأكواد يا شباب ..

.
.

د.أحمد القرشي

مرحباً بك و رمضان كريم ..

تشكر على المداخلة الدسمة ..

Post: #527
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-28-2009, 03:21 AM
Parent: #526

الصحافا يا جميل

الله يبارك فيك وفعلا مبروك عودة الاكواد
وشيء جميل ياخ انو الناس تسمع هنا مباشرة
لك ختام الحلقة هدية

اليوم السادس

عاصم البنا والمجموعة - رميات العبادي ويا عزة الفراق بي طال د

Post: #528
Title: Re: أغاني وأغاني.. للقدامى والمستجدين..
Author: حبيب نورة
Date: 08-28-2009, 03:49 AM
Parent: #527

طبعاً انا وصديق الموج
ما عندنا شغلة في البرنامج دة غير أفراح عصام
وما بنشجع غيرا عديل كدة
لا عندنا غرض في السر قدور
ولا فرفور
بس البت دي إنشاء الله تغني كوبليه
بريحنا في إيماننا ذاتو
وجاهزين للدعم الفني و اللوجستي
وبنساعدا بي الصفقة كمان

غيبوبة بس

Post: #529
Title: Re: أغاني وأغاني.. للقدامى والمستجدين..
Author: Dania Elmaki
Date: 08-28-2009, 05:04 AM
Parent: #528

ود الموج, الله اكرم, لكن والله حواجب عجيبه, كدي انت بينك و بين نفسك كدي ما حواجب ساحره بس؟؟؟ كان تقلل الرسم و تشيل سنتمتر من كل حاجب حتكون تمام لكن غايتوا بشتنه

Post: #530
Title: Re: أغاني وأغاني.. للقدامى والمستجدين..
Author: صديق الموج
Date: 08-28-2009, 05:16 AM
Parent: #529

Quote: ود الموج, الله اكرم, لكن والله حواجب عجيبه, كدي انت بينك و بين نفسك كدي ما حواجب ساحره بس؟؟؟ كان تقلل الرسم و تشيل سنتمتر من كل حاجب حتكون تمام لكن غايتوا بشتنه

دانيا كيف حالك
انت دايره تعدمينا نفاخ النار والا كيف؟؟
هى كده نحن نتراجف زى القصب
كان سوت كلامك ده يعنى نموت
هسع انا من امبارح الدكتور قال لى عندك انفلونزا افراح...
وبالامارة قال لى ممكن تفطر..
شفتى جنس الحاله دى،،،

Post: #531
Title: Re: أغاني وأغاني.. للقدامى والمستجدين..
Author: Dania Elmaki
Date: 08-28-2009, 05:17 AM
Parent: #530

دي انفلونزا الحواجب

Post: #532
Title: Re: أغاني وأغاني.. للقدامى والمستجدين..
Author: حبيب نورة
Date: 08-28-2009, 07:48 AM
Parent: #531

دامت الأفراح

Post: #533
Title: Re: أغاني وأغاني.. للقدامى والمستجدين..
Author: abubakr
Date: 08-28-2009, 08:54 AM
Parent: #532

Quote: طبعاً انا وصديق الموج
ما عندنا شغلة في البرنامج دة غير أفراح عصام

انت وعمك الموج عملتو الصبية صراع اجيال.. انت في غيبوبة وهو انفلونز .. انتو بس ركزو علي الصوت وخلو المناظر لناس ممكونة ودانياونجوان دييل بنيات "نقدهن عظيم" ..

Post: #534
Title: Re: أغاني وأغاني.. للقدامى والمستجدين..
Author: abubakr
Date: 08-28-2009, 08:57 AM
Parent: #512

Quote: دى انزلها فى بروفايلى ده..

وكت تخت صورتا في بروفايلك اها حتغيير اسمك البغرق دة كمان؟؟

Post: #536
Title: Re: أغاني وأغاني.. للقدامى والمستجدين..
Author: طارق جبريل
Date: 08-28-2009, 10:36 AM
Parent: #534

ود الموج وحبيب نورة
يعلم الله معذورين

Post: #537
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-28-2009, 10:44 AM
Parent: #534

Quote: محمد المرتضى ...ببكى وببكى وبتمخت زاتو..
باكى بعيونك مش عيونى ان شاء الله يتقددن

سلامة عيونك يا موج..
صدقني ، أنا الزول الما بكاي زاتو ما ببقى صاحبي،
كده شوف (ديكور الأستوديو) دا ، مش حاجه تزيل الكاتاراكت والرمد،

Post: #538
Title: Re: أغاني وأغاني.. للقدامى والمستجدين..
Author: Ahmed al Qurashi
Date: 08-28-2009, 01:30 PM
Parent: #537

Quote: بعدين ..
المعلومة دي براها
البيفتش فيها عمنا السر قدور طول السنين دي
وما لاقيها
مش كفاية؟؟

الاخ العزيز / الزول

شكرا لكلماتك الطيبة ولك التحية والاحترام

شيخ الطنابره اسمه عبدالغفار محمد احمد الماحى ، اشتهر باسم عبدالغفار الماحى

يقال عند ما منعه سرور من الطنبره فى امدرمان سافر الى مدنى فارسل سرور الى اصدقائه فى مدنى

لمحاربة عبدالغفار ومنعه من الطنبره ، فاضطر شيخ الطنابره الى الانصياع الى الحاج محمد احمد سرور

والتغنى باللونية الجديدة التى ابتدعها سرور والتى سميت فيما بعد باغانى الحقيبة

اسم اغانى الحقيبة اطلق على هذا النمط من الغناء بعد سنة 1954 ، وحقيبة الفن هو اسم برنامج اذاعى كان يقدمه

الشاعر والمذيع صلاح احمد محمد صالح واسمه( من حقيبة الفن ) وكان يقدم هذه الاغانى باصوات الفنانين

الحديثين فى ذلك الوقت ( احمد المصطفى ، الكاشف، عثمان حسين ، ابوداؤود وغيرهما) و شعار البرنامج فى ذلك الوقت صوت حقيبة حديدية

تفتح وتغلق ومعها مقدمة اغنية عازه فى هواك ، بعدها قدم البرنامج الاستاذ على شمو فغير اسم البرنامج الى ( حقيبة الفن ) والشعار

الى الرمية الحالية المشهورة .... ومن ذلك الحين نسب هذا النوع من الاغانى الى البرنامج الاذاعى .

لك الود والتقدير عزيزى الزوول

Post: #540
Title: Re: أغاني وأغاني.. للقدامى والمستجدين..
Author: Ahmed al Qurashi
Date: 08-28-2009, 02:19 PM
Parent: #538

Quote: ووكت النيل الازرق بقت تخلينا نستمع الي عصير اروا واورنجا ونكسر بالفائز غصبا عننا اها كيتا فيهم وفي قناتم ذااتا حنعمل معاك اغاني واغاني وحنجيب شباب نجوم الغد ولو فردتنا وافق يجي ما وافق برايو واها الاستوديوهات كتيرة وبرعاية المرتضي ونجوان والحلقة الواحدة تسعيين دقيقة وما فيها ارفع راسك وياهلا والبث حيكون podcasting واسفيري ...

الاخ العزيز / ابوبكر

دائما تحسن الظن بى وهذا يرجع لحسن خلقك واصالة معدنك ... لك الشكر ايها الرائع

تعرف ناس قناة النيل الازرق كانوا معنا فى عمان قبل اسبوع

واظن ان الدكتور عزالدين هلالى دلهم على طريقى

فسجلت لهم حلقة عن علاقة اغنية الحقيبة والاطباء

وقالوا انهم سيثونها فى العيد

وطلبت منى منتجة البرنامج تسجيل عدة حلقات عن تاريخ الاغنية السودانية ووعدتها خيرا

لك الود والتقدير عزيزى ابوبكر

Post: #542
Title: Re: أغاني وأغاني.. للقدامى والمستجدين..
Author: abubakr
Date: 08-28-2009, 02:35 PM
Parent: #540

Quote: وطلبت منى منتجة البرنامج تسجيل عدة حلقات عن تاريخ الاغنية السودانية ووعدتها خيرا

يا عزيزي ود القرشي انت "عارف" واقتسام "المعرفة " فضيلة والنيل الازرق هي الرابحة والامل في ان تقدر قيمة هذه المعرفة ...

Post: #541
Title: Re: أغاني وأغاني.. للقدامى والمستجدين..
Author: طارق ميرغني
Date: 08-28-2009, 02:22 PM
Parent: #538

اخي احمد القرشي ابدعت وافضت وجميله مسلهمتك الثره

اختنا نجوان للتكرم بقبول هذه المساهمه:

الليلة الخالده العام - 1920 م

دعي المطربان الحاج محمد احمد سرور والفنان الامين برهان الي احياء حفل زواج التاجر الامدرماني بشير الشيخ عام 1920 م . كان هناك صراع حاد بين سرور وفرقته قيل بسبب انه يحب التجديد وهم يريدون ان يلتزم بالمتعارف انذاك او انهم ضاقوا ذرعا بقوة صوته الذي كان يحجب اصواتهم تماما أو كانت معجباته كثر فحدث في الحفل خلاف بينه والطمباره ممن يرون ان سرور بقوة حضوره يضعهم دائما علي الرف.
القصة انه عندما هم سرور بالوقوف امام حضور الحفل كان الطنابرة قد حزموا امرهم بالاضراب عن الغناء خلفه . مرت لحظات عصيبه طلب المجتمعون من سرور ان يغني لهم دون طنباره . سرور بعناده وحضوره وثقته في نفسه استدعي اقرب المعجبين وقال له تعال وقف معي . قال : لكن انا ما بعرف الكرير فقال له سرور " اسمع وردد اخر شطر في بيت الدوبيت حتي استرد انفاس واقول بيتا اخر فتردد آخره " وهكذا كان ممكن ان تموت طريقة الاداء الجديدة لولا ان الحفلات كانت تستمر اربعين يوما تبعه في الايام التالية الامين برهان . كان ذلك خير سبب لترسيخ النمط الغنائي الجديد .
هذه المعلومه وردت في كتاب تاريخ الموسيقي في السودان للاستاذ معاويه حسن يسن

اما في كتاب في مجالس الريفي – ذكريات حكايات ومفارقات - من تأليف الاستاذ ابراهيم عبد القيوم – جاء علي لسان عمنا الريفي رحمة الله عليه :
" لم اكن بالقضارف عندما وصلتني اشارة السيد علي الميرغني بان احضر الي الخرطوم واعمل بصحيفة " صوت السودان" وانما كنت بكسلا اعمل مع السادة المراغنة هناك بعد الفترة التي قضيتها كاتبا مع اولاد ميخائيل بسوق العيش بالقضارف . وفي كسلا عرفت الفنان الخالد سرور ثم قامت بيننا صداقة متينة وفي الحقيقة لم يكن سرور هو اول من اجتذب انتباهي الي الفن الحديث في ذلك الوقت وما يطلق عليه الان " اغاني الحقيبة" وانما سبقه الي ذلك كثيرون لان تلك المرحلة التي سبقت الاربعينيات وواكبت الحرب العالمية الثانية شهدت غزوا فنيا يتدفق علي الاقاليم من العاصمة عن طريق الاسطوانات وتوفر لتلك الاغاني الكلمة الرفيعة والصوت الجميل واللحن المميز وقد حفظت الكثير من اغاني الحقيبة عن ظهر قلب وتشيعت في البداية للشاعر ابو صلاح ليس لانه ان اجود الشعراء شعرا ابدا هو ليس اجودهم شعرا ولكن شعره كان جيدا من غير شك ولكن لانه كان اكثرهم انتاجا.
ابو صلاح وزع اغانيه لعدد من فناني الحقيبة الاوائل وان كانت تسمية الحقيبة قد جاءت متاخرة ، هناك عدد من الشعراء غيره هناك ابراهيم العبادي وسيد عبد العزيز المبدع العظيم وعبيد عبد الرحمن ومحمد بشير عتيق وغيرهم ، كنت احفظ شعر هؤلاء جميعا.
ومن الفنانين الذين تشيعت لهم بعد ابو صلاح ودق علي "طبلة "عواطفي دقا عنيفا مطرب اسمه علي الشايقي . لقد احببت صوته وفضلته علي غيره بسبب اسمه فقط وان كان غيري لا يري ذلك.
نقلت الينا الاسطوانات اصوات هؤلاء قبل ان نراهم ثم اخذ الناس يستقدمونهم لافراحهم وعند حضور احدهم للغناء في احد الاقاليم فان قيامة الناس تقوم ويأتون الي سماعه من اماكن متباعدة ومهما كلفهم ذلك ،ومع مرور الايام اصبح لكل فنان اشياع واتباع وحظي الفنان كرومه باكثر المتشيعين وكل مجموعة تاخذ اغاني فنانها تتغني بها وتعلن انحيازها لها وتفضلها علي غيرها . وكانت هناك منافسة شديدة بين شعراء الاغاني وهذه المنافسة احدثت نهضة انا اسميها نهضة ادبية وهم سموا هذه المنافسة في ذلك الوقت " المضاربة" وهذه المضاربة حفزتهم علي تقليد المدائح النبوية وخاصة مدائح المنطقة الوسطي اعني شعر الجعليين والجزيرة ، هذه المدائح كلها فيها لزوم ما لا يلزم وفي اغاني الحقيبة الكثير من لزوم ما لا يلزم.
كنت احفظ في اليوم ما بين ثلاث الي اربع اغنيات . ولو سئلت الان اي من تلك الاغاني افضل لاجبت بانها كانت حسانا كلها من الصعب التفضيل
بينها . لم تكن اغاني سرور قد وصلتنا في البداية لان غيره قد سبقوه الي السفر الي مصر وسجلوا اغانيهم في اسطوانات اما هو فقد ذهب بعدهم وكان وقتها هو نجم الساحة بلا منازع . التقيت الفنان سرور في اواخر الثلاثينيات وكنت قد انتقلت الي كسلا للعمل مع الساده المراغنه كما قلت كاتبا ووكيلا لاعمالهم ومع ارهاصات الحرب العالمية الثانية ازدحمت كسلا بالسكان ثم بدات الحرب والتي كنا في ذلك الوقت نطلق عليها حرب الطليان . في ذلك الوقت جاء سرور الي كسلا . لم يجيء اليها من اجل الفن وانما جاء اليها من اجي العمل فاعجبته البلد وجعل منها منطلقا لعمله إذ كان يعمل سائقا ثم استقر رايه علي الاقامة فيها وتزوج في النهاية منها.
كنت اتصل به يوميا واذا لم اذهب اليه يبحث عني لانه وجد فيً شيئا من الفهم لما يقوله . كنت احيانا اغني معه في بيته وليس في الحفلات وكثيرا ما كنا اردد معه اغنيه يقول مطلعها :
يا نديم قوماك يلا نمشي ام در
اهجر الالام وجور زمانا المر
الفن في ذلك الوقت لم يكن مصدرا للدخل والفنانون كانوا يمارسون الفن من اجل الفن وكانوا يتعاطونه بنفس الروح السائدة في سلوكهم في ذلك الوقت ولذلك فقد كان سرور يغني الي ساعات متاخرة من الليل ثم يذهب الي بيته وفي الصباح الباكر يبدا عمله.
اذكرانه حذر مرة زملاءه الفنانين الا يغنوا احدي اغانيه وصادف ان ذهب الي بيت عرس فوجد علي الشايقي يغني نفس الاغنية التي حذر من غنائها فما كان منه الا ان اقتحم الحاضرين وهوي بعصاه علي راس علي الشايقي الذي واصل غناءه رغما عن الدم الذي كان يتصبب علي جبهته حتي اكمل الاغنية . خلال ذلك انفعل الناس كثيرا ، زغردت النسوة كما لم يزغردن من قبل وبشر فوقه الشباب وبعد ان اكمل الاغنية حمل عصاه ووقف عند باب الحوش وقد تحول الي وحش كاسر.
لم يقترب منه احد من الناس لكن شيخا كبيرا شعر بان مفتاح حل المشكلة بيده فدنا منه وعندما تبين فيه علي الشايقي الشيب رمي عصاه وتقدم نحوه وتبعه الي حيث كان يجلس . هنا التف الناس حوله طالبين منه ان يعفو عن زميله فاستجاب لرجائهم وخرج الفنانان من بيت العرس وكانه لم يحدث بينهما شيء وذهبا ومن معهما يبحثون عن علاج لراس علي الشايقي
" المفلوق".
كانوا كبارا وكانوا تعبيرا حيا عن مجتمعهم وكانوا اصلاء في فنهم ولذلك كسبوا الاستمرارية واستعصي علي من جاء بعدهم ان يلغي دورهم .
انظر في خريطة الفنانين المحدثين الذين تعرفهم ثم اسأل نفسك من منهم لم يردد اغاني الحقيبة أو لم يبدا بها ؟ واستمع الي المذياع وبالتحديد الي برنامج ما يطلبه المستمعون واسأل مرة ثانية لماذا يطلب اغانيهم شباب تعرفهم وهم لم يروهم بل ان اباء الكثيرين منهم لم يروهم واحكم عليهم بعد ذلك ؟
في تقديري أن ذلك بسبب واحد هو الاصالة والفن الجميل يتأصل ويتعتق كل ما مر عليه الزمن ويصبح تاثيره اقوي وافعل.
لا اريد بذلك ان اقول ان الفنانين المحدثين ليسوا اصلاء لا، لا اقصد ذلك، فان من بينهم عمالقة متفردين وقد توفرت لهم من اسباب الفن ما لم يتوفر لفناني الحقيبة وهؤلاء من غير شك سيخلدون في تاريخ الفن السوداني .
ما اردت قوله هو ان اولئك الافذاذ قد استطاعوا ان يفرضوا فنهم علي الزمن رغما عن انهم قد عاشوا في زمن امكانيات الانتشار فيه معدومة ووسائل الدعاية غير معروفة ورغما عن ذلك احتلوا موقعهم المتميز في عالمنا الجديد واصبحت الحانهم تسمع من خلال المذياع والتليفزيون ويتربي عليها الصغار من ابناء الشعب السوداني .
ذلك ما اردته لك ان توافقني ان شئت او تعترض.

Post: #543
Title: Re: أغاني وأغاني.. للقدامى والمستجدين..
Author: mamkouna
Date: 08-28-2009, 02:54 PM
Parent: #541

البوست بقى أجمل من البرنامج..و ما سائلين في السر قدور و لا محمدية.
الشكر كل الشكر لدكتورنا العزيز أحمد القرشي..و الشكر موصول للأستاذ طارق ميرغني..
واصلوا نحنا مستفيدين و مستمتعين.

Post: #544
Title: Re: أغاني وأغاني.. للقدامى والمستجدين..
Author: abubakr
Date: 08-28-2009, 03:04 PM
Parent: #543

Quote: البوست بقى أجمل من البرنامج..و ما سائلين في السر قدور و لا محمدية.

ولا النيل الازرق وكان استمرو في تهميش شباب نجوم الغد حنغني برانا

Post: #545
Title: Re: أغاني وأغاني.. للقدامى والمستجدين..
Author: mamkouna
Date: 08-28-2009, 03:25 PM
Parent: #544

Quote: وكان استمرو في تهميش شباب نجوم الغد حنغني برانا

انا غايتو ممكن اغني البامبو السوداني و ازيكم!

* يبدو يا باش أن السر قدور ما سمع أي من نجوم الغد قبل كدا و ما عرف حجم امكانياتهم و لونياتهم المفضلة..
اظنو إكتفى بالنظر!
هي نظرة تُنسي الوقار..وتُسعد القلب المعنٌى يا قول ود الموج و حبيب نورة :)
لو كان سمعهم قبل كدا لما تهٌور و طلب من شريف الفحيل اغنية ( فروع الحنة)...
اللون دا من الغناء قد يصلح مع منار و عصام الطيب و ممكن أفراح الشعب...
لكن بالجد احرج ود الفحيل و عمل فيهو ما عملوا في شرحبيل احمد رمضان الفات.

* الكورة كانت امس في ملعب ود البنا... غنى في ارضه و وسط جمهوره...
و فازت ( يا عازة الفراق بي طال ) بالضربة القاضية.
قميص فردتنا دا اسمو ( اللكزس )..بتاع عصام محمد نور إسمو ( عشان أنا بريد فني ) !

Post: #546
Title: Re: أغاني وأغاني.. للقدامى والمستجدين..
Author: khaleel
Date: 08-28-2009, 03:34 PM
Parent: #545

الفرق بين نجوم برنامج اغاني واغاني وعمالقة الستينات مائة سنة ضوئية

http://alrakoba.org/upp/uploaded/10_1215034034.mp3

Post: #547
Title: Re: أغاني وأغاني.. للقدامى والمستجدين..
Author: صديق الموج
Date: 08-28-2009, 03:41 PM
Parent: #545

Quote: البوست بقى أجمل من البرنامج..و ما سائلين في السر قدور و لا محمدية.
الشكر كل الشكر لدكتورنا العزيز أحمد القرشي..و الشكر موصول للأستاذ طارق ميرغني..
واصلوا نحنا مستفيدين و مستمتعين.

ممكونة .....رمضان كريم
انت يا يمة تقل عليك العرفه
طارق مرغنى شنو؟ود.احمد القرشى شنو؟؟
افراح...افراح وينها..
لاحولالالالالالالالالالا ولاقوة
عليك كفارة يا بت القبائل،،،

Post: #548
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 08-28-2009, 04:46 PM
Parent: #547

ممكونه وطارق ميرغني

خلاص إتلميتوا ياأولاد بحري
يالله ورونا الشغل النضيف

دكتور احمد القرشي وصديق الموج

ياجماعة مرحلة الطنابره والحقيبة مرحله كانت مليئه بالابداع
كتابة( شعر ) وغنْاء
والله خايفين شاعرنا المرهف ( حبيب نوره )
نقول او نكتب الكلام البوقف القلب وبعمل جلطه
يجي يُفرش لينا هنابيت بكاء

نجوان

بالله بعد بوستيك الناجح ده جمعي لينا الناس ديل بعد رمضان
في بوست تاني بس اعزمينا وادينا خبر من بدري عشان نجهز حالنا

Post: #549
Title: Re: أغاني وأغاني.. للقدامى والمستجدين..
Author: abubakr
Date: 08-28-2009, 05:36 PM
Parent: #548

ضيف الحلقة : السني الضوي

يبدو ان فرفور مسجل غياب ....

الحلقة بعد الكتاحة

Post: #550
Title: Re: أغاني وأغاني.. للقدامى والمستجدين..
Author: abubakr
Date: 08-28-2009, 05:48 PM
Parent: #549

Post: #551
Title: Re: أغاني وأغاني.. للقدامى والمستجدين..
Author: abubakr
Date: 08-28-2009, 05:51 PM
Parent: #550

السني متاثرا وهو يذكر اسم المرحوم ابراهيم والمرحوم محمد الحويج

Post: #552
Title: Re: أغاني وأغاني.. للقدامى والمستجدين..
Author: abubakr
Date: 08-28-2009, 05:53 PM
Parent: #551

معاي معاي

رماز ومنار

Post: #553
Title: Re: أغاني وأغاني.. للقدامى والمستجدين..
Author: abubakr
Date: 08-28-2009, 05:59 PM
Parent: #552

لما ترجع بالسلامة

عوض احمودي ينقرش العود بسلطنة

وسعد

والثلاثي فردتنا عصام ونادر

Post: #554
Title: Re: أغاني وأغاني.. للقدامى والمستجدين..
Author: abubakr
Date: 08-28-2009, 06:11 PM
Parent: #553

من قساك

عصام محمد نور

الكورس

الفرقة الموسيقية

Post: #555
Title: Re: أغاني وأغاني.. للقدامى والمستجدين..
Author: فيصل نوبي
Date: 08-28-2009, 06:21 PM
Parent: #554

الاعلانات في وسط الحلقة
المخرج (خرمج و كوجن) بيهل متعة الحلقة ..

_
تأثر الأستاذ السني و دموعه التي جرت حقيقية أجمل ما كان في حلقة اليوم (وفاء بلا حدود) .

Post: #556
Title: Re: أغاني وأغاني.. للقدامى والمستجدين..
Author: abubakr
Date: 08-28-2009, 06:21 PM
Parent: #554

فرحة

نادر خضر

محمدية

Post: #557
Title: Re: أغاني وأغاني.. للقدامى والمستجدين..
Author: abubakr
Date: 08-28-2009, 06:31 PM
Parent: #556

ياحليل الراحو

ثنائي فردتنا وافراح ( بعيد عن عين ودالموج )

Post: #558
Title: Re: أغاني وأغاني.. للقدامى والمستجدين..
Author: نجوان
Date: 08-28-2009, 06:40 PM
Parent: #557

مع الرائع الأستاذ السنّي الضوّي
حلقة رائعة ومليئة حنيّة ووفاء.. وعرفان..

يا ســــلام

أغاني وأغاني يقوم بما لم تقم به الدولة:
تكريم رموزنا الفنيّة..

ذكريات جميلة..
وغنا تمام..

Post: #559
Title: Re: أغاني وأغاني.. للقدامى والمستجدين..
Author: نجوان
Date: 08-28-2009, 06:45 PM
Parent: #557

يا باش صورك طازجة وعلى الهواء.. يا سلام.. الف شكر..
هذا البرنامج حقيقي إرتقى بدوره
هناك جانب انساني جميل..

Post: #561
Title: Re: أغاني وأغاني.. للقدامى والمستجدين..
Author: تيسير عووضة
Date: 08-28-2009, 06:59 PM
Parent: #559

نوبي
Quote: تأثر الأستاذ السني و دموعه التي جرت حقيقية أجمل ما كان في حلقة اليوم (وفاء بلا حدود)

السني الضوي كان بيتلفت بلهفة وبيبكي أثناء الغنية زي عصفورة فقدت وليفها
أنا زاتي دمّعت ..

عز علي فراقك و والله وحدوا بينا من أحب الأغاني إلى القلب
فرفور لو في كان حيبدع في الفارقونا وراحوا سمعتو بيغنيها قبل كدا بشكل رائع
أظنو حردان من اليوم داك

Quote: أغاني وأغاني يقوم بما لم تقم به الدولة:
تكريم رموزنا الفنيّة..

دا كلام سليم يا نجوان

تحياتي

Post: #565
Title: Re: أغاني وأغاني.. للقدامى والمستجدين..
Author: abubakr
Date: 08-28-2009, 07:17 PM
Parent: #559

Quote: هناك جانب انساني جميل..

يانجوان هذا الجانب اعطي البرنامج القا ... تاثرت كثيرا بتاثر هذا الفنان الرقيق السني الضوي ..برغم من اسهاماته اللحنية والغنائيةالكثيرة خلال فترة جاوزت اربع عقود فهو كثير التواضع وانسان يستحق تكريما يليق به وبرفيقه الراحل ابراهيم ...فكم من اصوات شابة جديدة ارتقت سلم النجومية وهي تردد مقلدة الحان السني وابداعات ثنائي العاصمة ...

Post: #572
Title: Re: أغاني وأغاني.. للقدامى والمستجدين..
Author: نجوان
Date: 08-28-2009, 07:45 PM
Parent: #565

Quote: برغم من اسهاماته اللحنية والغنائيةالكثيرة خلال فترة جاوزت اربع عقود
فهو كثير التواضع وانسان يستحق تكريما يليق به وبرفيقه الراحل ابراهيم
واضافة لما تفضلت به يا باش،
السني الضوي أشركنا اليوم في جانب منه مرهف وشديد الحساسبة، وهذا هو الفنان..
الحقيقي.

Post: #560
Title: Re: أغاني وأغاني.. للقدامى والمستجدين..
Author: بابكر التوم
Date: 08-28-2009, 06:49 PM
Parent: #557

حلقة التطريب والشجن ...

ابداع بلا حدود ....

اجبرت عصام محمد نور لمداخلة تكاد تكون الاولى .....

واجبرت الالحان بافراد مساحة للنعصر النسائى ....

قمة فى التصوير والاخراج التلفزيونى بابراز كل العواطف والاشجان ...

وعاد فنى مهندس الصوت لتكتمل اللوحة ....

عاب سوء الاختيار فى اداء الاغنيات للمغنيين من السر قدور ...

من قساك .... افتقدنا فرفور وكانت ممكن تكون لعاصم البنا ....

فرحة لاحدى المغنيات ريماز او افراح ياحليك ياحنان النيل ،،،،

ياحليل الراحو كنت اتمنى الديتو يكون بين عصام وافراح بدلا من عاصم للسلالم الموسيقية التى فطن لها عصام ..

واراحها بدخول صوت عصام فرتاحت وابدعت ،،،،،

معاى ... معاى اختيار موفق ريماز - منار

وضح تمكن ريماز من غناء الخطوط فى الكورال والغناء الجماعى انتبهوا ياناس عقد الجلاد

حلقة تستحق ان تمتد لثانية على الاقل للشجن والطرب

Post: #562
Title: Re: أغاني وأغاني.. للقدامى والمستجدين..
Author: طارق جبريل
Date: 08-28-2009, 07:04 PM
Parent: #560

نجوان وضيوفها سلام
على المستوى الشخصي الحلقة كانت مليانة شجن وذكريات
لا حدود لها
رحم الله خالي ابراهيم ابو دية ووالدتي عائشة ابو دية
والله يا جماعة دموع السني الضوي
خلتني غصبا عني ادمع لقد فقدتهم الاثنين في فترة وجيزة شديد
رحمهما الله

الحلقة على مستوى التطريب كانت عالية جدا
والشباب ابدعوا صراحة
والفرقة الموسيقية جننت الآلات جن

يا ريت يزيدوا حلقة اخرى مع السني الضوي
الزول دة عنده الحان تدخل القلب توووووووووووووش

ود الموج الله ليك من افراح

Post: #564
Title: Re: أغاني وأغاني.. للقدامى والمستجدين..
Author: نجوان
Date: 08-28-2009, 07:14 PM
Parent: #562

Quote: رحم الله خالي ابراهيم ابو دية ووالدتي عائشة ابو دية
الله يرحمهم يا طارق..
وهؤلاء حاضرون فينا بسيرتهم الطيبة وما تركوه من جمال خالد لا يموت..

______
نفس الشيء يا تيسير..
طربنا والدمعة في العين..

Post: #570
Title: Re: أغاني وأغاني.. للقدامى والمستجدين..
Author: Rawia
Date: 08-28-2009, 07:38 PM
Parent: #564

حلقة امس على حلقة الليلة تركوني اردد أغنية البي جيز
baby I'm satisfied

Post: #573
Title: Re: أغاني وأغاني.. للقدامى والمستجدين..
Author: نجوان
Date: 08-28-2009, 07:49 PM
Parent: #570

وهو كذلك يا راوية..
احساس الدنيا جميلة وبخير..

______
وين ممكونة يا ناس؟؟؟

Post: #571
Title: Re: أغاني وأغاني.. للقدامى والمستجدين..
Author: abubakr
Date: 08-28-2009, 07:40 PM
Parent: #562

Quote: رحم الله خالي ابراهيم ابو دية ووالدتي عائشة ابو دية

نسال الله ان يرحمهما ويغفر لهما ... فلقد كان المرحوم خالك ابراهيم في ثنائيته مع السني رمزا ومعلما غنائيا ملئ بالشجن والصدق والرقة

Post: #567
Title: Re: أغاني وأغاني.. للقدامى والمستجدين..
Author: abubakr
Date: 08-28-2009, 07:27 PM
Parent: #560

Quote: حلقة تستحق ان تمتد لثانية على الاقل للشجن والطرب

اولا احييك يابابكر فانت ناقد فني مقتدر.. وهذا العام انت والمجموعة الجميلة من الشابات والشباب التي قدمت الي المداخلات الاسفيرية عن "اغاني واغاني " اثبتم مقدرة وعمقا في التذوق الفني وبعفوية وسلاسة يحسدكم عليها اصحاب الجرانييل والمجلات المختصة بالفن والنقد الفني ...

Post: #569
Title: Re: أغاني وأغاني.. للقدامى والمستجدين..
Author: نجوان
Date: 08-28-2009, 07:34 PM
Parent: #560

Quote: قمة فى التصوير والاخراج التلفزيونى بابراز كل العواطف والاشجان ...

وعاد فنى مهندس الصوت لتكتمل اللوحة ....
فعلا استاذ بابكر.. فريق عمل ممتاز..
عالبا ستكون هناك على الأقل حلقة اخرى سجلّت في نفس القعدة..

Post: #580
Title: Re: أغاني وأغاني.. للقدامى والمستجدين..
Author: abubakr
Date: 08-28-2009, 09:36 PM
Parent: #545

Quote: يبدو يا باش أن السر قدور ما سمع أي من نجوم الغد قبل كدا و ما عرف حجم امكانياتهم و لونياتهم المفضلة..

وبالذات عصام احمد الطيب ... التقول ما بشوفو تب ...الولد غناي وامكانياتو كبيرة بس ياها عصبية "العاصمية " يعني اليوم كانن البنات التلات وعصام (شريف مسجل غياب) اها ادي منار وريماز اغنية وخلي افراح تغني مع فردتنا ...

Post: #566
Title: Re: أغاني وأغاني.. للقدامى والمستجدين..
Author: نجوان
Date: 08-28-2009, 07:19 PM
Parent: #541

مرحب استاذ طارق ميرغني..

ممنونين لإثرائك البوست..
يا ريت تستمر معانا..

Post: #568
Title: Re: أغاني وأغاني.. للقدامى والمستجدين..
Author: نجوان
Date: 08-28-2009, 07:29 PM
Parent: #566

شكرا شاعرنا عبدالله وداعة على نقل الجلسات مباشرة ..
وللريس بكري على تفعيل الأكواد..

______
ان استمر البرنامج بهذا المستوى،
اكيد سيكون هذا أنجح موسم..

Post: #574
Title: Re: أغاني وأغاني.. للقدامى والمستجدين..
Author: محمد صباحى
Date: 08-28-2009, 08:05 PM
Parent: #568

بوست جميل جدا يا نجوان.....

Post: #575
Title: Re: أغاني وأغاني.. للقدامى والمستجدين..
Author: الزوول
Date: 08-28-2009, 08:12 PM
Parent: #574

السلام عليكم
......
حلقة مميزة جداً
عامرة بالحنية والغناء الجميل
وإن كانت في رأيي كانت ستكون أجمل
لو استبدلت أغنية فرحة
بأحد الأغنيات الكثيرة الأجمل الأخرى
مثل رائعة مبارك المغربي
بدر سامي علاهو *** مافي زول بسواهو
أو (ما قالو عليك حنين)
....الخ
........
موسيقى ولا أجمل
في أغنية لما ترجع بالسلامة
خاصة عوض أحمودي .... مبالغة
.........
غايتو جنس غايتو
عصام أحمد الطيب ومسلسل التهميش لا يزال مستمراً
الولد كمل بدلو وقمصانو كلها ولا فرصة واحدة
منو ينضم لي عشان نعمل
رابطة مناصري عصام أحمد الطيب ضد التهميش القدوري(من السر قدور) والهيمنة العاصمية(من عاصم)
.....

Post: #576
Title: Re: أغاني وأغاني.. للقدامى والمستجدين..
Author: abubakr
Date: 08-28-2009, 09:03 PM
Parent: #575

Quote: غايتو جنس غايتو
عصام أحمد الطيب ومسلسل التهميش لا يزال مستمراً
الولد كمل بدلو وقمصانو كلها ولا فرصة واحدة
منو ينضم لي عشان نعمل
رابطة مناصري عصام أحمد الطيب ضد التهميش القدوري(من السر قدور) والهيمنة العاصمية(من عاصم)

يالزوول .معاك ابصم بالعشرة . اول ماتبدء الحلقة انا بفتش علي الولد الصبوح دة والقاهو برضو رغم التهميش العاصمي مبتسما متفائلا وحتي في نهاية حلقات لم يعطي فيها اية فرصة تجده كذلك بشوشا متفائلا ...

اها اخر انذار للطائفة العاصمية وبكرة اكان الولد دة ما غني يانا حنتخذ خطوات حاسمة ... تحسبو لعب ...

Post: #577
Title: Re: أغاني وأغاني.. للقدامى والمستجدين..
Author: ودالعباسية
Date: 08-28-2009, 09:09 PM
Parent: #575

ما قلته ليكم حا تكون فى حلقات يفترض تكون متواصلة لى حلقتين على الاقل ،،

اليوم خرافى ،،،،

ويكفى انه اي زول قاعد وشاف دموع السنى ،، تاثر بيها غير البكو معاهو ،،

متع الله بالصحة والعافية استاذنا السنى ،،،

10/10

Post: #578
Title: Re: أغاني وأغاني.. للقدامى والمستجدين..
Author: ودالعباسية
Date: 08-28-2009, 09:17 PM
Parent: #577

بلقى الدنيا فرحة ،،،

نادر خضر

Post: #581
Title: Re: أغاني وأغاني.. للقدامى والمستجدين..
Author: البدري عبد الله
Date: 08-28-2009, 09:42 PM
Parent: #578

Quote: دانيا كيف حالك
انت دايره تعدمينا نفاخ النار والا كيف؟؟
هى كده نحن نتراجف زى القصب
كان سوت كلامك ده يعنى نموت
هسع انا من امبارح الدكتور قال لى عندك انفلونزا افراح...
وبالامارة قال لى ممكن تفطر..
شفتى جنس الحاله دى،،،

Post: #582
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-29-2009, 00:30 AM
Parent: #581

.
.
لسه دموعي تجري
تسأل عن غيابك
.
.

تعابير وجه السني التي لا تُحتمل ...........

Post: #583
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-29-2009, 00:36 AM
Parent: #582

.
.
و الله وحّدوا بينا
الفارقونا و راحوا ..

.
.

Post: #584
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-29-2009, 00:42 AM
Parent: #583

.
.
العيون لو رادو
ما بعرفوا يدارو

.
.

Post: #585
Title: Re: أغاني وأغاني.. للقدامى والمستجدين..
Author: محمد عبد الماجد الصايم
Date: 08-29-2009, 00:42 AM
Parent: #583

إنتو بتاع البيز دا قاعد وين
عزّبنا ياخ

Post: #586
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-29-2009, 00:45 AM
Parent: #583

ماذا نكتب أو نقول ؟؟

Post: #587
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-29-2009, 00:47 AM
Parent: #583

كل ما أستطيع قوله في هذه اللحظة أن حلقة اليوم ((( استثنائية )))

و أعتبرها ((( الحلقة الذهبية ))) حتى الآن في هذا الموسم ..

.
.

Post: #588
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-29-2009, 00:49 AM
Parent: #583

يا جماعة معليش نسيت أسلم عليكم ..

Post: #589
Title: Re: أغاني وأغاني.. للقدامى والمستجدين..
Author: معتز القريش
Date: 08-29-2009, 02:10 AM
Parent: #588

حـلـقـــة رمــضــ5ــــــــــــــــــــان

Post: #590
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-29-2009, 02:16 AM
Parent: #589

.. الفيديو من زميل البورد الحردان راكوبة ..

Post: #591
Title: Re: أغاني وأغاني.. للقدامى والمستجدين..
Author: Dania Elmaki
Date: 08-29-2009, 04:10 AM
Parent: #590

الليله كلهم كده :)

بس صوت افراح و عاصم ما جاي مع بعض كل صوت ماشي براه, زي الهواء زمان في السودان لمن يجي شايل صوت الحفلات من بعيد

Post: #592
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-29-2009, 04:37 AM
Parent: #591

ناسنا الحلوين ازيكم ولكم الشكر
اسف لانشغالي اليوم وتاخري

اليوم السابع

مسو نوركم

عاصم والمجموعة

Post: #593
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-29-2009, 04:41 AM
Parent: #592

اليوم السابع

ريماز ومنار والمجموعة - معايا معايا

رائعة ثنائي العاصمة

Post: #594
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-29-2009, 04:43 AM
Parent: #593

اليوم السابع

عصام محمد نور والمجموعة

مين قساك - رائعة المرحوم ابراهيم عوض

Post: #595
Title: Re: أغاني وأغاني.. للقدامى والمستجدين..
Author: Manar Mahsoub
Date: 08-29-2009, 06:32 AM
Parent: #594

الحلقة مع الفنان الجميل السنى كانت رائعة و صادقة و حنينة و الله انا لحد حسى ببكى و تمخط من بكاء السنى راجل مرهف الاحساس لدرجة ....الحلقة كانت مية الميه لولا صوت افراح المخنوق ( معليش يا الموج انا لا جبت سيرة فساتنها و لا حاجبها) صراحة ادائها الضعيف قطع للمستمع احساسه بالاغنية ...

يا جماعة فرفور مالو غائب ان شاء الله المانع خير ....صراحة افتقدنا صراخه .... و د الفحيل برضو مالو؟؟

حسى زى حلقة امبارح دى مش كان ممكن تكون حلقات .....الله يجازى الجنيه

Post: #596
Title: Re: أغاني وأغاني.. للقدامى والمستجدين..
Author: حبيب نورة
Date: 08-29-2009, 07:44 AM
Parent: #595

لليوم الثاني علي التوالي

بعتمد علي البوست في مشاهدة الحلقات
شكرن وجن

دة بوست الشهر الفضيل نمرة ون

Post: #597
Title: Re: أغاني وأغاني.. للقدامى والمستجدين..
Author: حبيب نورة
Date: 08-29-2009, 07:46 AM
Parent: #596

بس أفراح عصام
مافي كلام!!

Post: #599
Title: Re: أغاني وأغاني.. للقدامى والمستجدين..
Author: طارق ميرغني
Date: 08-29-2009, 09:18 AM
Parent: #597

بحكم علاقتي بالفنان المرحوم ابراهيم ابو ديه منذ اوائل السبعينيات عايشناه كود الحله الكبير وعايشنا

كاولاد بحري التواصل بينه واستاذ السني والاتصالات اليوميه للتوافق حول ماذا نلبس ؟؟؟

عايشنا تفصيل القمصان الذي يقوم به اخونا علي محمد احمد الشهير بعلي النضام لكثرة ثرثرته وهو متزوج

من ابنة اخت ابراهيم .

ثنائي العاصمة يفصلون عند علي رغم ان لابراهيم محل خياطة راقي في شارع كبري شمبات.

من احب اغانيهم لي غير وحدوا بينا اغنية بدر سامي علاهو وكنت ارددها مع ابراهيم كثنائي في الجلسات

الخاصه... حليلو زمن.

اود ان اشير للعلاقة المتجذره بينهما مما كان لها الاثر في ادائهما المتناغم.

بالفعل السني رجل حساس لابعد الحدود لكن من عايش ابراهيم يعرف لماذا يفتقده سني لهذه الدرجه.

ابراهيم يملا وقت كل من يجالسه باحدث ما سمع من نكات وبالفعل لن تكون قد سمعتها.

احسن واسرع من يحفظ الاشعار وعاشق لها.

كان متخصصا في اشعار نزار قباني.

رغم تعليمه المحدود الا انه كان مثقفا لدرجه لا تتصورها.

رحم الله ابراهيم والبركة في ابنائه.

اخي الصايم بالفعل احس بصوت البيز كما قلت ولكن يبدو انه عازف سري.

الاخ طارق جبريل اؤيد اقتراحك بحلقة ثانية مع السني لالقاء الضوء علي الحانه للفنانين الاخرين.

Post: #600
Title: Re: أغاني وأغاني.. للقدامى والمستجدين..
Author: طارق ميرغني
Date: 08-29-2009, 09:29 AM
Parent: #599

اختنا نجوان انتهز هذه الفرصة لاشيد باداء الفرقه الموسيقية المصاحبة لهؤلاء المبدعين

رغم قلة العدد لكن نلاحظ التجويد في الاداء من ابرع العازفين في السودان.

Post: #601
Title: Re: أغاني وأغاني.. للقدامى والمستجدين..
Author: abubakr
Date: 08-29-2009, 10:26 AM
Parent: #600

ياجماعة حتي الامس فعدد افراد نجوم الغد خمس (افراح عصام منار ريماز شريف ) ولكن في هذه الصورة التي كانت من تسجيل ترويجي قبل الرمضان فيها واحد زيادة اقصي اليسار (اب صلعة ) فمن هو حيث لم اراه في حلقات نجوم الغد الاخيرة :

Post: #602
Title: Re: أغاني وأغاني.. للقدامى والمستجدين..
Author: Ahmed al Qurashi
Date: 08-29-2009, 10:50 AM
Parent: #601

كانت حلقة رائعة بمعنى الكلمة

السني الضوى فنان وإنسان يفيض وفاءا للزمالة والصداقة

كانت دموعه صادقة فانسكبت معها دموع الكثير من المشاهدين

من ألحانه الجميلة أغنية ليه يا قلبي ليه ولقد تغنى بها الثنائي في بداياتهم ولكنهم أهدوها للفنان عبدالعزيز المبارك ، اذكر انه في برنامج عالم النجوم والذي كان يقدمه الأستاذ على الريح في بداية الثمانينيات كسهرة كل يوم اثنين استضاف ثنائي العاصمة وطلب منهم أغنية ليه يا قلبي ليه فرفضوا غنائها إلا بعد استئذان الفنان عبدالعزيز المبارك بالتلفون وقد كان.
أبدع السني في لحن ليه بتسأل عنى تانى للشاعر محجوب سراج والتي يتغنى بها الفنان إبراهيم عوض .

أغنية تلقى الدنيا فرحة أهدوها للفنانة امانى مراد وسجلتها للإذاعة ولم يسجلها الثنائي وظهر تواضعهما في هذه الأغنية حيث عملا كورسا مع الفنانه امانى مراد عند تسجيلها للأغنية في الإذاعة ، من هنا أدعو الأخ العزيز هيثم لبيب أن يتحفنا بهذا التسجيل الرائع والنادر.

الشاعر حمزة خوجلى شاعر أغنية معايا معايا بالدرب الطويل يوجد الان في سلطنة عمان حيث هاجر إليها في بداية السبعينيات .. وهو شاعر مقل ولكن أشعاره جميلة ورائعة ودافئة ، قال لي انه كتب هذه الأغنية في منتصف الستينات وأعطاها للسني الضوى حيث كان يعملان معا في الإدارة المركزية .

الثنائي رماز ومنار كانا قمة في الإبداع في أداء هذه الأغنية

Post: #604
Title: Re: أغاني وأغاني.. للقدامى والمستجدين..
Author: معتصم دفع الله
Date: 08-29-2009, 11:22 AM
Parent: #602

أن تأتي متأخراً ..
أحسن من تفوتك الحاجات السمحة دي كلها

نجوان وضيوفه ..
رمضان كريم تصوموا وتفطروا على خير ..

في حاجة ما تفوت عليكم ..
أرجو من رابطة معجبي برنامج أغاني وأغاني توريد عدد مناسب من الشراريب ( جمع شراب ) لأسرة البرنامج ..
غايتو الحاجة دي مضايقاني شديد يا جماعة ..
كيف تفوت على مبدع زي السر قدور وفنان زي نادر خضر ولا المخرج البقوم بالعمل دا كلو ..

تاني حاجة حلقة الأمس كانت رائعة بمعني الكلمة ..
وبتفق مع أخونا بابكر التوم في إنو الدويتو كان مفروض يقوم بيهو عصام محمد نور وأفراح بدل عاصم البنا ..
وعجبني الإحساس العالي للفنان القدير السني الضوي وتأثره بكمية الشجن الحوله ..

واصلوا يا شباب ..
بس ما تنسوا الشراريب

Post: #611
Title: Re: أغاني وأغاني.. للقدامى والمستجدين..
Author: بكري الخير
Date: 08-29-2009, 02:31 PM
Parent: #600

في جندي مجهول في الفرقة الموسيقية لهذا البرنامج

الا وهو عازف البيز جيتار الموسيقار / محمد بشير خوجلي

ممكن تنزلو لينا صورتو ؟؟؟

Post: #634
Title: Re: أغاني وأغاني.. للقدامى والمستجدين..
Author: صديق الموج
Date: 08-29-2009, 07:44 PM
Parent: #600

Quote: الحلقة كانت مية الميه لولا صوت افراح المخنوق ( معليش يا الموج انا لا جبت سيرة فساتنها و لا حاجبها) صراحة ادائها الضعيف قطع للمستمع احساسه بالاغنية ...

منار كل سنه وانت طيبه
ياخى انت ما كنت كويسه عادتك المسنوحه دانيا المكى دى..شكيتها على الله
والله البنية دى عندها شيلة نفس كدى لما تسويها انا انط معاها لما سفنجتى انقطعت..
منار عليك الله كان دايرانا نريدك البنية دى ما تنتقديها..
وكان دايرة تسمعى صوتها بالجد جد اسمعى البنية دى فى الليله الهاجع
بالله الصوت يجيك فى حنان الخفوت يدخل مع شهيقك ويقعد يكلكل فى وجدانك
ويخليك فى حالة لا تعرف روحك انت ميت والا حى...
الله يحفظها،،،،

Post: #603
Title: Re: أغاني وأغاني.. للقدامى والمستجدين..
Author: abubakr
Date: 08-29-2009, 11:16 AM
Parent: #568

Quote: ان استمر البرنامج بهذا المستوى،
اكيد سيكون هذا أنجح موسم..

عشمنا في ان يكون كذلك .. فللمقارنة فقط اورد مايلي:

تابعت حلقات الاعوام الثلاث الماضية وكنت تزجية للوقت احيانا اراقب اعداد الزوار الاسفيريين للمداخلات التي تكتب تعليقا عليها في البوستات الثلاث عن تلك الحلقات وكان متوسط الاقبال يوميا او الزوار في اليوم هو 300 ثلاثمئة اما هذا العام فالمتوسط هو 1000 زائر خلال الاسبوع الاول ...اي مضاعفة اكثر من ثلاث مرات ...

Post: #605
Title: Re: أغاني وأغاني.. للقدامى والمستجدين..
Author: محمد عبد الماجد الصايم
Date: 08-29-2009, 11:30 AM
Parent: #603

يا شفيف
قصة الشراريب دي قلناها زماني ياخ!
صحي جاي متأخر

Quote: اخي الصايم بالفعل احس بصوت البيز كما قلت ولكن يبدو انه عازف سري.

طارق يا مرغني
تعرف قدر ما فتشت في الزول دا ما لقيتو
ومش ممكن البيز دا يكون من الأورقن لحدي ما استشرت
واحد من أصحابي بتاعين الأراقين .. قال لي بتاع البيز
دا بكون ما داير يظهر .. لكن عزبني أنا برضو!

طبعا البيز دا مع البوم بوكس بطلع حاجة كــدا تخلي الكنب يعمل زززززز
البيز بجي مارق ليكـ من جووووه الكرسي

Post: #609
Title: Re: أغاني وأغاني.. للقدامى والمستجدين..
Author: بابكر التوم
Date: 08-29-2009, 12:10 PM
Parent: #605

Quote: اولا احييك يابابكر فانت ناقد فني مقتدر.. وهذا العام انت والمجموعة الجميلة من الشابات والشباب التي قدمت الي المداخلات الاسفيرية عن "اغاني واغاني " اثبتم مقدرة وعمقا في التذوق الفني وبعفوية وسلاسة يحسدكم عليها اصحاب الجرانييل والمجلات المختصة بالفن والنقد الفني

استاذنا الكبير ابوبكر ...

شكرا بس وين ماوصلنا مرحلة النقد الفنى بس كحال كل السودانيين نملك اذن موسيقية نظيفة .....

فعلا هذة السنة يوجد شباب وشابات اثروا البوست بارائهم ....

واتمنى استمرار الاساتذة طارق ميرغنى واحمد القرشى لانهم ادهشونا بغزارة المعلومات وكانو اضافة كبيرة

نجوان ...

انا ماأستاذ ولا حاجة انا زول عنقالى ساكت ...

علاقتى قوية بالوسط الفنى كل فترة التسعينات من خلال العمل العام فى الروابط الاكاديمية والاجتماعية بالجامعات صقلت موهبتنا لجمع المال فى عمل الحفلات التجارية عملنا فى مجموعة عقد الجلاد بمعية اخونا عمر بانقا وشاركنا فى ورش عمل وسودانيز ساوند

ولى اصدقاء بالبرنامج عمر القصاص مايسترو الفرقة والاخوان نادر وجمال فرفور ومليجى اخوان واسماعيل عبد الجبار...

ود الصائم ...

عازف البيز من اميز الشباب العازفين بالساحة امكن بعد عثمان النو ومنتصر عازف محمد الامين ...

وهو اخونا محمد بشير فنان حقيقى لا يحب الاضواء مبدع عمل بالفرق الموسيقية النورس والبعد الخامس

وتميز فى كل شرائط الماستر للفنان محمود عبد العزيز ....

نتمنى يانجوان واخونا استاذ ابوبكر ان نساهم معا وكل الشباب فى تقديم مايفيد الناس ودى كلها اراء شخصية واجتهادات

Post: #606
Title: Re: أغاني وأغاني.. للقدامى والمستجدين..
Author: mamkouna
Date: 08-29-2009, 11:54 AM
Parent: #603

التحية و التجلٌة و التقدير للعم السر قدور على تكريمه لرموز و قامات فنية سودانية..
و تأريخه لأحداث - على بساطتها - لكنها تركت بصماتها في وجدانيات الكثير.

التحية و التجلٌة و الحب و الإحترام للإنسان الإنسان \ السني الضوٌي
و هو يضرب مثالاً يُحتذى به في التواضع و الشفافية و رهافة الحس.

التحية و التجلٌة للفرقة الموسيقية و هي تقدل أمس بكامل هندامها...
نقرشات عوض أحمودي...إبداعات محمدية و واوات سعد الدين.

حلقة السني الضوٌي حلقة راقية و أنيقة..أناقة و رُقٌي السني الضوي نفسه..
حلقة تستحق - حقاً - لقب حلقة ذهبية ماسية بلاتينية.

Post: #607
Title: Re: أغاني وأغاني.. للقدامى والمستجدين..
Author: حسن إبراهيم خليفة
Date: 08-29-2009, 12:08 PM
Parent: #606

حلقة ذهبية بحق والله.

متعة وسلطنة وبكاء... مع هذا الفنان الشفاف السني الضوي.

كل الشباب أبدعوا ... من أميز الحلقات التي تابعتهاحتى الآن.

بس عصام محمد نور مبالغة عديل كده...أبدع في أغنية إبراهيم عوض.

أتمنى إضافة حلقة أخرى للسني الضوي ...لم نرتوي بعد من هذا الإبداع.

شكرا مرة أخرى أخت نجوان على هذا البوست الرائع.

Post: #608
Title: Re: أغاني وأغاني.. للقدامى والمستجدين..
Author: الحاج حمد الحاج
Date: 08-29-2009, 12:09 PM
Parent: #606

الأستاذ أحمد القرشي
مداخلاتك أثرت البوست..التحية لك على الاضافات الحقيقية التي امتدت لتاريخ الغناء السوداني..
ممكونة
Quote: التحية و التجلٌة و التقدير للعم السر قدور على تكريمه لرموز و قامات فنية سودانية..
و تأريخه لأحداث - على بساطتها - لكنها تركت بصماتها في وجدانيات الكثير.

التحية و التجلٌة و الحب و الإحترام للإنسان الإنسان \ السني الضوٌي
و هو يضرب مثالاً يُحتذى به في التواضع و الشفافية و رهافة الحس.

التحية و التجلٌة للفرقة الموسيقية و هي تقدل أمس بكامل هندامها...
نقرشات عوض أحمودي...إبداعات محمدية و واوات سعد الدين.

و التحية لك على متابعة هذه الابداع بقلم مبدع..

Post: #610
Title: Re: أغاني وأغاني.. للقدامى والمستجدين..
Author: Safa Fagiri
Date: 08-29-2009, 01:35 PM
Parent: #608

...شكرا لعباقرة الفنون
شكرا لشعراء الأغاني
شكرا للملحنين
ألف شكر للناطقين
بالعزف الوريف
وشكرا مؤلقة
للواقفين خلف
الأسدال ينقلون كل هذا
الإبداع لنا...

شكرا نجوان وكل الأحبة
لنقل هذا الإبداع الذي
نعتز به كثيرا ويؤصر
إنتمائنا لهذا البلد
الحميم...أينما كنا...

"والله وحدو بينا"

شكرا
شكرا
شكرا

أحبكم كثيرا...

محبتي وإحترامي
...

Post: #612
Title: Re: أغاني وأغاني.. للقدامى والمستجدين..
Author: ودالعباسية
Date: 08-29-2009, 03:21 PM
Parent: #610

الى الان نعيش على انغام تلك الحلقة الماسية ،،

الرجل صاحب الاحساس المرهف بتاع البيز ،،،

الناس لو متابعين من اول كان فى تعريف بى الفرقة الموسيقية ،،

ولمن جا الدور على عازف البيز محمد بشير ،، قالو ما بحب الظهور ،،

راجل مبدع بحق وبصماته واضحة فى الفرقة الموسيقية ،،

برغم الاستمتاع بى البرنامج ولكن هناك متعة حقيقية ،، مع اصحاب الانامل الذهبية

الذين يبروزو هذه الحلقات بى ابداعاتهم ونقرشاتهم على تلك الآلات ،،،

Post: #613
Title: Re: أغاني وأغاني.. للقدامى والمستجدين..
Author: abubakr
Date: 08-29-2009, 05:58 PM
Parent: #612

فرفور يسجل غياب لليوم التاني

الموضوع نماذج من الغناء الجماعي

منار تغني انا بحبك يا مهذب

Post: #614
Title: Re: أغاني وأغاني.. للقدامى والمستجدين..
Author: abubakr
Date: 08-29-2009, 06:03 PM
Parent: #613

نادر خضر يغني "سالتو عن فؤادي "(توجد بخرة)

"(توجد بخرة)

Post: #615
Title: Re: أغاني وأغاني.. للقدامى والمستجدين..
Author: ودالعباسية
Date: 08-29-2009, 06:07 PM
Parent: #614

راجيك من قبيييييييييييل يا خال ،،

اصلو الليلة انا خارج الشبكة ،،

Post: #616
Title: Re: أغاني وأغاني.. للقدامى والمستجدين..
Author: بابكر التوم
Date: 08-29-2009, 06:07 PM
Parent: #614

متى ماذكر الفنان حسن عطية ...

يتبادر للذهن الاناقة والهندام ...

وفعلا الكل كان انيق ومهندمين ...

صديق الموج وحبيب نورة ،،،

اقلبوا مريخاب

Post: #617
Title: Re: أغاني وأغاني.. للقدامى والمستجدين..
Author: abubakr
Date: 08-29-2009, 06:10 PM
Parent: #614

عصام محمد نور

حبيتو ما حباني

Post: #618
Title: Re: أغاني وأغاني.. للقدامى والمستجدين..
Author: حسن سنوسى
Date: 08-29-2009, 06:19 PM
Parent: #617

عمك كان موفق( فى تشبيه التمثيل)تمثيل صورة عبد الحميد يوسف وصورة الاستاد
شخصية حسن المصرى فيك رهيبة يا حاج..كلام فى الكورة وكدا
لكن يا عمك استادات اليوم تتسع لاكثر من 80 الف متفرج..
انتو ياربى شنو العلاقة بين لون القميص الزيتى والكحلى فى بدلة عمنا
حبيبو: السنة دى والله بسحروك واحتمال كبير تطلع الاول
عصام: اجادة ما بعدها
الماكنتوش: لكن ما بالغتى بزى المريخ الواااااضح دا..ربنا يستر عليكم من زيسكو
يعنى كان فى داعى خصوصاً انو فى رابطة معجبين وكدا

Post: #619
Title: Re: أغاني وأغاني.. للقدامى والمستجدين..
Author: abubakr
Date: 08-29-2009, 06:23 PM
Parent: #617

افراح في "في الشاطئ يا حبان ساهرتو بينا "

Post: #620
Title: Re: أغاني وأغاني.. للقدامى والمستجدين..
Author: abubakr
Date: 08-29-2009, 06:30 PM
Parent: #619

فردتنا في " وداعا روضتي الغنا "

احمودي اخر سلطنة

ومحمدي واسماعيل اخر انبساط

وعمكم السر منشرحا

Post: #621
Title: Re: أغاني وأغاني.. للقدامى والمستجدين..
Author: abubakr
Date: 08-29-2009, 06:36 PM
Parent: #620

نسجل شجبنا ورفضنا التام علي استمرار عدم اعطاء عصام احمد الطيب الفرصة بالرغم من امكاناته الصوتية والفنية العالية والتي تعطيه اولوية ان يغني اغاني الصالون والغناء الجماعي

Post: #622
Title: Re: أغاني وأغاني.. للقدامى والمستجدين..
Author: حسن سنوسى
Date: 08-29-2009, 06:37 PM
Parent: #619

انتو يا اخوانا عمك دا قال انو موضوع الحلقة عن الشفيع ولا انا كنت ما متابع؟
وكلام عن الكاشف..
اظن ان الكاشف باقى حلقات رمضان الفضلت ما بكفيهو
عاصم البنا: فردتكم فى ذمتك انت ما سمعت حنان النيل بتغنى الاغنية دى كيف؟
غنى غنا الحقيبة ياخى وخلاص..غنا الكاشف دا حق ناس مدنى بس..يعنى بالواضح كد ناس عصام
عمك: شكلو عاصم البنا بطربك شديييييد.. غايتو حب الناس مذاهب
تحية للكمنجات

Post: #623
Title: Re: أغاني وأغاني.. للقدامى والمستجدين..
Author: abubakr
Date: 08-29-2009, 06:39 PM
Parent: #622

Quote: انتو يا اخوانا عمك دا قال انو موضوع الحلقة عن الشفيع ولا انا كنت ما متابع؟

ياحسن الموضوع كان عند غناء الصالونات او الغناء الجماعي ولذا اتي عمكم السرقدور بامثلة من ودالقرشي والكاشف وحسن عطية والفلاتية

Post: #624
Title: Re: أغاني وأغاني.. للقدامى والمستجدين..
Author: طارق جبريل
Date: 08-29-2009, 06:45 PM
Parent: #623

غايتو الفرقة الموسيقية مبدعة
نقرشات محمدية والقصاص بتخلي الزول يدستر عدييييييييييييييييل

Post: #625
Title: Re: أغاني وأغاني.. للقدامى والمستجدين..
Author: mohmmed said ahmed
Date: 08-29-2009, 06:51 PM
Parent: #624

فردتنا لمن يفتح الصوت وينطلق

بيغنى بمزاج

عجبتى اناقةالبت مع التوب الجميل

لمن غنى نادرسالتوعن فؤادى اتذكرت اداءالهادى حامدالمذهل للاغنية

ولمن غنى عصام حبيتو اتذكرت اداء الراحل خوجلى عثمان البديع

Post: #626
Title: Re: أغاني وأغاني.. للقدامى والمستجدين..
Author: نجوان
Date: 08-29-2009, 06:58 PM
Parent: #624

حلقة هادئة ومتوازنة..
اختيار موفّق من أهل البرنامج
لتهدئة القلوب بعد الشحنة الوجدانية ذات التيار العالي أمس..

_____
ون تو بين فردتنا ومحمدّية.. روضتي الغناء..
رائع حقيقة.. منتهى السلطنة..
(دساتير فعلا يا طارق جبريل.. ومعاها رتة ألت كعك كمان)

المقامات العالية عند عاصم البنا جميلة .. وكذلك عصام محمد نور..
واعتذر مقدما.. لكن غياب فرفور أهدى الجلسات هدوء وسكينة أتمنى ان نطرب في رحابهما فترة أطول..

_____
حبيب الروح لا اقوى على حمل الهوى وحدي..
الله يرحم الأستاذ الكاشف بقدر ما منحنا من حب وجمال..

Post: #627
Title: Re: أغاني وأغاني.. للقدامى والمستجدين..
Author: SHIBKA
Date: 08-29-2009, 07:10 PM
Parent: #626

حضور ومتابعة لبرنامج متميز وبوست اكثر تميزاً

Post: #630
Title: Re: أغاني وأغاني.. للقدامى والمستجدين..
Author: Emad Abdulla
Date: 08-29-2009, 07:36 PM
Parent: #627

Quote: حلقة هادئة ومتوازنة..
اختيار موفّق من أهل البرنامج
لتهدئة القلوب بعد الشحنة الوجدانية ذات التيار العالي أمس..
ده بس ياهو : تشكر الراكوبة في الخريف !!
حلقة باهتة شديد , لولا عاصم الجميل .

Post: #656
Title: Re: أغاني وأغاني.. للقدامى والمستجدين..
Author: نجوان
Date: 08-30-2009, 06:48 AM
Parent: #630

مرحب يا شبكة وخليكي قريبة..

____
هلا عماد عبدالله..
الحلقة تمام والله..
بعدين بتقدروا على متِل حلقة السنّي دي كل يوم؟

Post: #628
Title: Re: أغاني وأغاني.. للقدامى والمستجدين..
Author: الطيب شيقوق
Date: 08-29-2009, 07:29 PM
Parent: #626

الاخت نجوان

سلامي لك ولجميع الاخوة المبدعين الذين ظللنا نتابع مداخلاتهم منذ ان طل علينا الاستاذ السر احمد قدور بهذا البرنامج المتميز

Quote: حبيب الروح لا اقوى على حمل الهوى وحدي..
الله يرحم الأستاذ الكاشف بقدر ما منحنا من حب وجمال..

ولكن اني لنا ان ننسي الشاعر حميدة احمد عثمان (حميدة ابو عشر) فلا أظن أن أحدا من جيل الخمسينات من القرن الماضي ومن الذين يعشقون فن الغناء لم يحلق بأجنحة الطرب مع الحاج عبد الحميد يوسف وهو يشدو بكلمات الشاعر حميدة ..غضبك جميل زي بسمتك التي أبدع في تلحينها وسجلها على اسطوانة فنالت شهرة لدرجة أن هذه الاسطوانة اصبح لها مكان ثابت في فترات الاستراحة في جميع دور السينما السودانية في العاصمة والأقاليم ..حكم الزمان بتزللى..حكم الغرام بتدللك ..الوجد لي ..والحسن لك ..يا غاية الأدب الرفيع ..شكلك بديع ..غضبك جميل زي بسمتك..بهذه الأغنية اصبح حميدة أبو عشر واحدا من شعراء القمة في مجال الأغنية الحديثة واثبت حميدة أن الإبداع والخلود ليس بكثرة الإنتاج بل بإتقان الإنتاج وتجويده رغم قلته..

بعد ان نقل حميدة من حنتوب إلى مدرسة الحصاحيصا الثانوية ذهب وهو طاوي الماضي الجميل في حنتوب في صدره وعائشا على صدى الذكرى متحسرا على ايامه الزاهيات وذكرياته العطرات فنفس زفراته شعرا فودع حنتوب بتلك القصيدة الخالدة..وداعا روضتي الغنى وداعا معبدي القدس ..نسيتى الماضي يا ليلى ماضي الحب والطهر..ليلى نقطع الليل بحلو النجوى والشعر ..ليالي حبنا الأولى ..نسيتى ليلى إذ كنا نفدى النفس بالنفس ..وداعا روضتي الغناء وداعا معبدي القدس..

فالتحية لمهنة النجارة التي أهدت للفن الفنان الكبير إبراهيم احمد أبو جبل أي إبراهيم الكاشف والفنان كمال إبراهيم أي كمال ترباس والفنان صالح الضى والشاعر حميدة أبو عشر والفنان العربي الكبير كاظم الساهر....

اطيب امنياتي

Post: #629
Title: Re: أغاني وأغاني.. للقدامى والمستجدين..
Author: abubakr
Date: 08-29-2009, 07:36 PM
Parent: #628

Quote: فالتحية لمهنة النجارة التي أهدت للفن الفنان الكبير إبراهيم احمد أبو جبل أي إبراهيم الكاشف والفنان كمال إبراهيم أي كمال ترباس والفنان صالح الضى والشاعر حميدة أبو عشر والفنان العربي الكبير كاظم الساهر....

اولا مراحب بودشيقوق ...

معلومة لم اكن اعرفها كاملة كما ذكرتها انت كما ان النجاريين في زمان سابق كانو طبقة فنية حرفية راقية والنقوشات والحفر علي الخشب التي في كثير من معالم تاريخية في الشرق والغرب هي من ابداعات النجاريين ..

نرجو ان تواصل هنا لتثري هذا البوست بالجميل الذي تعرفه عن الغناء وتاريخيه

Post: #631
Title: Re: أغاني وأغاني.. للقدامى والمستجدين..
Author: Rawia
Date: 08-29-2009, 07:36 PM
Parent: #628

تحية خاصة ومخصوصة للمايسترو.. المعلم ..الفنان الراقي محمدية في حصة الديالوج الراقي جدا مع عاصم ......... قمة المتعة

Post: #633
Title: Re: أغاني وأغاني.. للقدامى والمستجدين..
Author: حبيب نورة
Date: 08-29-2009, 07:40 PM
Parent: #631

وين الفيديو يا جماعة

شكيتك علي الله يا صلاح المليح

Post: #637
Title: Re: أغاني وأغاني.. للقدامى والمستجدين..
Author: abubakr
Date: 08-29-2009, 07:57 PM
Parent: #633

Quote: شكيتك علي الله يا صلاح المليح

انت داير الفطور والا الحلقة ؟؟ اها تفطر وتدعي علي الراجل ...شيل تلفزيونك والديش والمسجل في شنطة وامشي افطر معاهو او اعزمو كل يوم هو واهلو وضيوفو عندك والمواصلات علي حسابك

Post: #636
Title: Re: أغاني وأغاني.. للقدامى والمستجدين..
Author: الطيب شيقوق
Date: 08-29-2009, 07:54 PM
Parent: #631

الاخ الباشمهندس ابو بكر سيد احمد

يروي لنا استاذنا الفاضل محمد حمد الجراي الذي كان طالبا في حنتوب آنذاك ما يلي عن الشاعر حميدة :-

Quote: وجدته تحت ظلال أشجار اللبخ الباسقة في حنتوب وهو يحمل منشارا وقد أحسست أنني أمام شبح أو ظلا يكاد يغيب ..كان ضعيفا هزيلا نصف شعر رأسه ضائع ونصف حجم عينيه غائر ليس له صوت واحد إذا تكلم وليس له وجود ملحوظ إذا سكت ..يضحك كأنه يبكى يحزن وكأنه يغنى ..شدني إليه شدة قلقه وخفة ظله ودعابة روحه ..كان فنانا في صورة إنسان فقد سمعته وهو يطرى جمال النساء ويتعبد في محراب الفن ويثنى على جمال التمثيل وسحر الأداء وعذوبة اللفظ وفتنة النظرات ..انه حميدة أبو عشر من أبناء الجزيرة المروية عاش فترة من شبابه في مدينة ود مدني قلب الجزيرة وارض المحنة..التحق لفترة طويلة كعامل حرفي بحنتوب الثانوية ولعله استفاد من وجوده في هذا الصرح التعليمي الكبير لصقل تجربته الشعرية خاصة وهو الذي لم ينل من التعليم إلا النذر اليسير..

فالتحية لكم اخوتي الاعزاء وللمبدع الاخ عاصم البنا الذي ابدع في ادائه لاغنية وداعا روضتي الغناء وداعا معبدي القدس

Post: #632
Title: Re: أغاني وأغاني.. للقدامى والمستجدين..
Author: ودالعباسية
Date: 08-29-2009, 07:39 PM
Parent: #628

هل ممكن ان يغنى كاظم الساهر احدي اغانينا ذات اللغة العربية الفصحى ،،.

مثال لا الحصر ،، روضتى الغنا ،،

Post: #635
Title: Re: أغاني وأغاني.. للقدامى والمستجدين..
Author: جلال جبريل
Date: 08-29-2009, 07:50 PM
Parent: #632

تحياتي للجميع

الناس أعطت لهذا البرنامج حقه مافي شك في ذلك ، وأفتكر مهما تحدثنا عن الرواج الذي لاقاه
ماحا نوفي ليهو حقو ولكــــــــــــــن.....
الكثير من البرامج المماثلة قد تم بثها خلال القنوات السودانية ،،، منذ أن كانت عوينة أم صالح
"تلفزيون السودان" ، ولم تلاقي مالقاه هذا البرنامج ....
الجديد في الأمر وحسب رأي المتواضج يكمن في العملاق السر قدور
فقد لقن هذا الرجل درسا ً لكل مذيعي المنوعات في القنوات السودانية
يبهرك بدخوله بخفة ظل متناهية بعد أقل من ثوان بع نهاية الأغنية ، مرسلا تعليقاته المفرحة .
أسئلته لا تأتي مرسومة على الورق بل تأتيك مليئة بالمعلومة ، لتدل على أنه يمتلك
ناصية ثقافية وتاريخية في مجال الفن ...

السر قدور هأ.... أحييك وأنت تثبت للكل بأن لا منافس لك في تقديم المنوعات

Post: #638
Title: Re: أغاني وأغاني.. للقدامى والمستجدين..
Author: جلال جبريل
Date: 08-29-2009, 08:08 PM
Parent: #635

والتحية لي عصام محمد نور الليلة جاء لابس أصفر ياشيقوق

Post: #641
Title: Re: أغاني وأغاني.. للقدامى والمستجدين..
Author: صديق الموج
Date: 08-29-2009, 08:28 PM
Parent: #638

ياجماعة افراح امست كيف؟؟؟
لاحولالالالالالالالالالالالالالالالالالالالالالالالالالا،،،

Post: #642
Title: Re: أغاني وأغاني.. للقدامى والمستجدين..
Author: جلال جبريل
Date: 08-29-2009, 08:34 PM
Parent: #641

Quote: ياجماعة افراح امست كيف؟؟؟

أمست كدا ياود الموج

أصفر في أصفر

Quote: لاحولالالالالالالالالالالالالالالالالالالالالالالالالالا،،،

Post: #639
Title: Re: أغاني وأغاني.. للقدامى والمستجدين..
Author: Abd-Elrhman sorkati
Date: 08-29-2009, 08:16 PM
Parent: #635

نجوان والمتداخلون الكرام

رمضان كريم وكل سنة والجميع بخير

لا شك في جماهيرية البرنامج ولكن هناك نقاط ضعف كثيرة أولها الاصوات الضعيفة التي وفدت الي البرنامج هذا العام وتحديدا صوت أفراح عصام ،، لقد درج ملحنينا وشعرائنا علي تبني مغنيات يتميزن بالجمال فقط وذوات صوت ضعيف جدا ودون امكانيات تذكر وخير مثال لذلك الشابة أفراح هذه
وهناك أيضا عدم تبني البرنامج لفكرة واحدة واضحة تميزه عن غيره من برامج المنوعات ،، فالجميع يغني بما فيهم السر قدور نفسه .
فكرة جيدة أن تخرج أسرار من البرنامج لانها لو أستمرت أنما ستحرق نغسها جماهيريا .
نادر خضر ،،،،، كيسو فاضي .
عاصم البنا وعصام ،،، فنانيين كبار

سأواصل ،،، حين ميسرة

Post: #640
Title: Re: أغاني وأغاني.. للقدامى والمستجدين..
Author: جلال جبريل
Date: 08-29-2009, 08:21 PM
Parent: #639

Quote: مغنيات يتميزن بالجمال فقط وذوات صوت ضعيف جدا ودون امكانيات تذكر وخير مثال لذلك الشابة أفراح

سوركتي رمضان كريم

لكل فنان صوت يميزو عن الآخر ياسوركتي وأفراح لو ما فيها الصوت الجميل
ماكانت سحرت عدد من الناس أو قل آلاف من الناس مثلها مثل الآخرين
فياسوركتي لولو إختلاف رأي وراي الآخر لبارت سلع كثيرة

تحياتي

Post: #643
Title: Re: أغاني وأغاني.. للقدامى والمستجدين..
Author: الطيب شيقوق
Date: 08-29-2009, 08:50 PM
Parent: #640

جلال جبريل

Quote: والتحية لي عصام محمد نور الليلة جاء لابس أصفر ياشيقوق

كنت لابس نظارتك ولا بتلفح ساى ؟

دامت ايامكم والموج افراحااااااااااااا

Post: #644
Title: Re: أغاني وأغاني.. للقدامى والمستجدين..
Author: صديق الموج
Date: 08-29-2009, 08:52 PM
Parent: #640

Quote: أمست كدا ياود الموج

أصفر في أصفر

جلال جبريل الله يطمنك..
غايتو جنس ثقالة!!!!!
بس الواحد يلقى اسم افراح ده يدخل خشمو..
بث عليكم،،،

Post: #645
Title: Re: أغاني وأغاني.. للقدامى والمستجدين..
Author: بابكر التوم
Date: 08-29-2009, 09:17 PM
Parent: #644

ياشباب غاب فرفور وحسينا بغيابة وترك فراغ .....

لكن الامور سارت ،،،

برائى لو غاب الفردة عاصم البنا سوف تكون كارثة اية رائكم ؟

ــــــــــــــــــــــــــــــــــــــــــــــــــــــــــ

الرائع ود الموج ...

قلبت مريخابى ولا لسة ...

اتخيل لى الناس تانى بدستر فى الاصفر ولا اية رائك

Post: #646
Title: Re: أغاني وأغاني.. للقدامى والمستجدين..
Author: mamkouna
Date: 08-29-2009, 11:00 PM
Parent: #645

حلقة اليوم...بدون تعليق !
ما زلت أعيش على ذكرى حلقة السُني الضوٌي.

Post: #647
Title: Re: أغاني وأغاني.. للقدامى والمستجدين..
Author: طارق جبريل
Date: 08-29-2009, 11:34 PM
Parent: #646

Quote: (دساتير فعلا يا طارق جبريل.. ومعاها رتة ألت كعك كمان)

والله يا نجوان محمدية دة بيعمل ليه شوية شغل كدة
زي ((المنين)) الطااااااااااااعم داك

Post: #648
Title: Re: أغاني وأغاني.. للقدامى والمستجدين..
Author: Kamal Karrar
Date: 08-30-2009, 00:14 AM
Parent: #647

بشرى للجميع...

هناك سهرة تم تسجيلها مع الفنان الإنسان الشفيف السني الضوي...

حسب إفادته شخصيا عبر ناسا عزاز... وحسب إفادة أسرته الكريمة..

أهيب بالجميع حضورها...حتى يتجذر الإحساس الجميل والعرفان

النبيل في نفوسنا... فقد كانت الحلقة التي مع السني من أروع

الحلقات.. وأصغر أبنائي خالد الموجود في البروفايل لم يتحرج

في أن يسأل بيت الأستاذ السني عن موعد بث الحلقة الفائتة

حتى لا تفوته.. وكان أن أتصلت كريمة السنى الكبرى لتذيع لخالد

وقت بت الحلقة.. حيث تسمر خالد امام التلفزيون ليشاهد ويستمع

لعمي السني كما يحلو له أن يناديه... فكان له ما أراد وكان

أن أسروا له بأن هناك حلقة أخرى مسجلة في البيت... فأرجو

من الجميع تحرى رؤيتها وفاءا لهذا الفنان القامة... السنى

الرحمة للفنان إبراهيم أبودية.. والفنان الحويج...

وكلمة منهم حلوة... لا زلنا مستنينها...

تحياتي يا طارق.. وصاحبة البوست الأخت/ نجوان ولكل المتداخلين

واللذين أشجتهم ألحان السني الشجية وفطر قلبهم بكاءه على

رفيق دربه الفني المرحوم أبودية...

Post: #649
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-30-2009, 01:04 AM
Parent: #648

سلام احبابنا وكيفكم مع رمضان؟

اليوم الثامن

منار والمجموعة

انا بحبك يا مهذب

>

Post: #650
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-30-2009, 01:06 AM
Parent: #649

اليوم الثامن

عصام محمد نور والمجموعة

حبيتو ما حباني - رائعة المرحوم عثمان الشفيع

Post: #651
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-30-2009, 01:10 AM
Parent: #650

اليوم الثامن

افراح عصام والمجموعة - في الشاطيء يا حبان
اغاني واغاني 2009
رائعة عثمان الشفيع

Post: #652
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-30-2009, 01:34 AM
Parent: #651

ملحق حلقة الامس

اغنية تستاهل تتسمع وخاصة شغل الفرقة الموسيقية الرائع

لما ترجع بي السلامة

رائعة ثنائي العاصمة
اداء عاصم وعصام ونادر وبقية المجموعة

Post: #653
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-30-2009, 02:01 AM
Parent: #652

اليوم الثامن

سالتو عن فؤادي

رائعة المرحوم حسن عطية

اداء نادر خضر والمجموعة

Post: #654
Title: Re: أغاني وأغاني.. للقدامى والمستجدين..
Author: Manar Mahsoub
Date: 08-30-2009, 05:54 AM
Parent: #653

و الله يا جماعة بصراحة فرفور رغم صراخه لكن غيابه عامل زى الشعيرية بدون ملح ....

الموج .. يا اللابس الاصفر..... ( كل شىء الا عدم الريدة....)

ما عارفه هل الحلقة بتاعت امبارح كانت ضعيفة نوعا ما ام ما زال سكر حلقة السنى مؤثر على حاسة الذوق....

فرفور ان شاء الله المانع خير ما يكون فى زول زعلك من ناس البوست..

Post: #968
Title: Re: أغاني وأغاني.. للقدامى والمستجدين..
Author: Abd-Elrhman sorkati
Date: 09-04-2009, 01:49 PM
Parent: #640

الاخ العزيز جلال جبريل لك من الود أطنانه

حديثك عن الاذواق مظبوط وأحترمه جدا ولكن بمعايير علمية ومادية تجد أن صوت منار جميل جدا وأنا لم أقل أن صوت أفراح قبيح ولكن قلت ضعيف ولو دققت شوية حا تلقي كلامي مظبوط ،،، أنا والله لا مصلحة لدي ولكن السائد ان في الساحة الاحتفاء بالجمال فقط دون النظر للأمكانيات ودة شيء مخجل ،، وللأسف عمنا السر قدور يروج لذلك علي الملأ .

لك تحياتي

Post: #655
Title: Re: أغاني وأغاني.. للقدامى والمستجدين..
Author: نجوان
Date: 08-30-2009, 06:43 AM
Parent: #628

شكرا استاذنا الطيب شيقوق..
وشكرا للإضافة الثرّة عن السيرة الذاتية للشاعر حميدة ابو عشر..
كلنا شكر وامتنان لعطائه الجميل..

نتطلع لأن تواصل معنا ..

Post: #657
Title: Re: أغاني وأغاني.. للقدامى والمستجدين..
Author: نجوان
Date: 08-30-2009, 06:55 AM
Parent: #610

شكرا صفاء فقيري للحضور والكلمات الطيبات..
نفخر بإنتمائنا لسودانا..
وعسانا نتشبّث اكثر بإرث فنّي غاية في التفرّد..

ومعك أشكر كل المساهمين في هذا البوست
لولاهم لما انتشر الجمال..

___
مرحب جلال جبريل وشكرا على الحضور والمشاركة..

____
شكرا محمد صباحي ورمضان كريم..

___
شكرا عبدالرحمن سوركتي وكل رمضان وانت طيب..

Post: #658
Title: Re: أغاني وأغاني.. للقدامى والمستجدين..
Author: Hussein Mallasi
Date: 08-30-2009, 08:06 AM
Parent: #657

أول مرة أسمع بحاجة اسمها غناء صوالين .. هل المقصود غناء القعدات؟!

Post: #659
Title: Re: أغاني وأغاني.. للقدامى والمستجدين..
Author: omer osman
Date: 08-30-2009, 08:14 AM
Parent: #658

تمنيت وجود فيصل الصحافة والطيب مدثر ضمن تشكيلة أغاني وأغاني ، خصوصاً فيصل الصحافة في أغاني ثنائي العاصمة.

Post: #660
Title: Re: أغاني وأغاني.. للقدامى والمستجدين..
Author: abubakr
Date: 08-30-2009, 08:57 AM
Parent: #658

Quote: أول مرة أسمع بحاجة اسمها غناء صوالين .. هل المقصود غناء القعدات؟!

دي فوتها ياحسين ..

Post: #661
Title: Re: أغاني وأغاني.. للقدامى والمستجدين..
Author: Hussein Mallasi
Date: 08-30-2009, 09:15 AM
Parent: #660

فوتها يا خال .. بقت على دي يعني

Post: #662
Title: Re: أغاني وأغاني.. للقدامى والمستجدين..
Author: abubakr
Date: 08-30-2009, 09:20 AM
Parent: #661

Quote: فوتها يا خال .. بقت على دي يعني

بسيطة ...غيرها كتير جاي

Post: #663
Title: Re: أغاني وأغاني.. للقدامى والمستجدين..
Author: طارق ميرغني
Date: 08-30-2009, 09:20 AM
Parent: #660

اخي ملاسي رمضان كريم

نعم هو غناء الجلسات الخاصه ...

في رأيي ان عاصم البنا صار رقما في البرنامج لا يمكن تجاوزه

يعجبني فيه قوة الصوت والاداء دون ضعف شأن غيره.

واعجبني اكثر طرب الفنان محمديه اثناء مصاحبته لعاصم والعازف يبدع لما يطرب.

اخي الطيب شيقوق لا ننسي اكبر نجار وهو الشاعر الكبير ابو صلاح

الذي كان يكتب القصائد في قطاع الخشب.

اما اخي سوركتي فحب الناس مذاهب لكن لا اوافقك الرأي في البرنامج

فانا بنظري الضعيف هذا ان البرنامج اعتبره انجح برنامج منوعات في الوقت الراهن

وهو عباره عن فرصه كبيره جدا للتوثيق قلما نجد من يرويها بطريقة السر قدور المحببه

انظر اليه كيف يغرق طربا اثناء الغناء

انظر الي يده وكيف كان يحركها برجفة في اغنية عاصم البنا الاخيره

انه يموت طربا

صديقي الموج كل عام وانت بالف خير .... يا مريخابي حتي النخاع...

Post: #664
Title: Re: أغاني وأغاني.. للقدامى والمستجدين..
Author: حسن إبراهيم خليفة
Date: 08-30-2009, 09:32 AM
Parent: #660

أحلى ما في جلسة الأمس هو الأداء الرائع لعاصم البنا في إغنية (وداعا روضتي الغنا.)

والأجمل في الأغنية ذلك التناغم والإنسجام الجميل بين محمدية وعاصم.

فلقد كان واضحا إعجاب محمدية بأداء عاصم للأغنية.

تحياتي لصاحبةالبوست ولكل المتداخلين.

Post: #665
Title: Re: أغاني وأغاني.. للقدامى والمستجدين..
Author: الطيب شيقوق
Date: 08-30-2009, 09:56 AM
Parent: #664

الاخت نجوان

اطال الله عمرك

الاخ طارق ميرغني

Quote: اخي الطيب شيقوق لا ننسي اكبر نجار وهو الشاعر الكبير ابو صلاح

الذي كان يكتب القصائد في قطاع الخشب

صحيح يا طارق اخوى وشكرا على الاضافة

خالص الود

Post: #666
Title: Re: أغاني وأغاني.. للقدامى والمستجدين..
Author: abubakr
Date: 08-30-2009, 09:56 AM
Parent: #664

خير ما فعله هذا البرنامج فينا انه يجمعنا في ساحة لا عراك فيها وانما استمتاع بما نشاهد ونسمع وتبادل لتعليقات عفو الخاطر ويتحفنا من هو اعلم منا بمعلومات عن تاريخ غناء .. نحن هنا لسنا سلطة فنية وانما مشاهدون ومستمعون من سواد اهل بلادنا وملح ارضها تعليقاتنا هي رد فعل مباشر لما نشاهد ونستمع وما يلتقطه وجداننا..
لا اطن ان موضوعا وجد هذا الاقبال في هذا المنبر وفي فترة قصيرة ما وجده "اغاني واغاني " والشاهد عدد زوار هذا البوست خلال اسبوع واحد وهذا دليل علي قبول عام للبرنامج وقبول عام لعفوية وحسن نيه التعليقات والمداخلات هنا

Post: #667
Title: Re: أغاني وأغاني.. للقدامى والمستجدين..
Author: نجوان
Date: 08-30-2009, 10:44 AM
Parent: #666

Quote: خير ما فعله هذا البرنامج فينا انه يجمعنا في ساحة لا عراك فيها وانما استمتاع بما نشاهد ونسمع
وتبادل لتعليقات عفو الخاطر ويتحفنا من هو اعلم منا بمعلومات عن تاريخ غناء ..
نحن هنا لسنا سلطة فنية وانما مشاهدون ومستمعون من سواد اهل بلادنا وملح ارضها
تعليقاتنا هي رد فعل مباشر لما نشاهد ونستمع وما يلتقطه وجداننا..
مضبوط يا باش..

التحية لك أخي ابوبكر وللكرام الأخوة والأخوات هنا
والذين لولاهم لما كانت هناك امسيات ندية كهذه..
وشكرا للريس بكري..

_____
التقدير والإمتنان للنيل الأزرق ..
للأستاذ السر قدور، لنجوم اليوم .. ولنجوم الغد
وللفرقة الماسية..

____
وشكرا لقراء وزوار البوست
أينما كنتم..

Post: #668
Title: Re: أغاني وأغاني.. للقدامى والمستجدين..
Author: Haitham Labib
Date: 08-30-2009, 11:02 AM
Parent: #667

أغنية تلقى الدنيا فرحة - بصوت أماني مراد ومصاحبة ثنائي العاصمة
من مكتبة منتديات مزيكا سودنيةwww.sudanese.net

Post: #670
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-30-2009, 11:51 AM
Parent: #666

1- حلقة الأمس أكدت للجميع ، باستثناء حالات فردية ( معزولة) ، أن وجود أفراح وغيرها كان
عبئا على البرنامج ال(غنائي) .
2- حبيتو ما حباني كشفت لكل مستمع أن الأوحد الذي يمكن أن يؤدي أغاني الشفيع هو خوجلي عثمان
رحمهما المولى .
3- عاصم ، بالله حكِّموا ضمائركم إنت وقدور وجيبوا لينا الناس البيعرفوا الغناء ، حرام برنامج
زي دا في نسخته الرابعة وتغيب عنه أصوات كياسر تمتام وفيصل عبداللطيف وعمار السنوسي ، أضف
إلى ذلك أن العيوب التي صاحبت الحلقات الفائتة إنتقلت إلى التالية وكأنها صفات وراثية تنتقل
جينيا ، ياخ التنسيق في مسألة الملابس دي عايزه ليها شرح؟ هل من الصعب أن يحفظ كل مشارك دوره
درءا للبخرات البايخه التي تجعل الإستماع للأغنية زي شراب الشاي بالبلح. هل كان ثمة داع
لأشبال كنبة الإحتياط الذين حشدتم بهم الأستوديو على ضيقه؟ يعني عندكم أوكسجين كفايه ؟
إنتو ما عارفين إنو المشاهد للأمكنه الضيقة ينتقل إليه الشعور بالضيق والإختناق حتى لو كان
براهو في ليلة مقمرة في الربع الخالي؟ لماذا يغيب التجويد والإتقان والإبداع في كافة فضائياتنا،
ربما كان الإستثناء الوحيد في حلقات البرنامج المعني الفرقة الموسيقية والجندي الرائع غير
المرئي عازف البيز جيتار. ياخ الإبداع والإبهار والتفوق والتميز لا يمكن بلوغه إلا بالجهد
والمثابرة والتمارين والإتقان وليس بطريقة ( عليك الله يا دفع الله يلاّك معانا عندنا تسجيل الليله
وبالمره غني لينا أغنيتك ديك .. ديك ياخ الغنيتا في عرس عبدالله ).
بعدين ياخ قول لكل من يهمه الأمر أياديكم وأرجلكم ( الله يحفظا) لِمُّوها عليكم أثناء التسجيل.
ما بتخافوا من العقارب والدبايب مع الهبايب!!

جينا بعد الفُرقه نسأل.. جينا نلقى مَحَنّه عندك ونحكي ليك علي شقانا

Post: #671
Title: Re: أغاني وأغاني.. للقدامى والمستجدين..
Author: Hussein Mallasi
Date: 08-30-2009, 12:03 PM
Parent: #670

Quote: بعدين ياخ قول لكل من يهمه الأمر أياديكم وأرجلكم ( الله يحفظا) لِمُّوها عليكم أثناء التسجيل

اظنك ما شفت مبارك البنا في هارموني بيقعد كيف؛ ناسنا ديل بالنسبة ليهو قرفصاء.

Post: #669
Title: Re: أغاني وأغاني.. للقدامى والمستجدين..
Author: هاشم محمد الحسن عبدالله
Date: 08-30-2009, 11:38 AM
Parent: #1

نجوان ، أشاركك الاعجاب بالشكل الجديد لبرنامج أغانى وأغانى وفيه كثير من الابداع والتجديد، ويعجبنى بالزيادة الجاني التوثيقي الذى يقوم به الأستاذ الكبير السر قدور فى الأغانى التى تقدم.

Post: #672
Title: Re: أغاني وأغاني.. للقدامى والمستجدين..
Author: mamkouna
Date: 08-30-2009, 01:27 PM
Parent: #669

وداعاً روضتي الغنٌاء..وداعاً معبدي القُدسي.

* الشكر موصول للأخ/ راكوبة 206.

Post: #673
Title: Re: أغاني وأغاني.. للقدامى والمستجدين..
Author: abubakr
Date: 08-30-2009, 05:39 PM
Parent: #672

يواصل فرفور غيابه

ما في ضيوف

لاتوجد شرابات ....

نعود بعد الكتاحة ما تمر

Post: #674
Title: Re: أغاني وأغاني.. للقدامى والمستجدين..
Author: abubakr
Date: 08-30-2009, 05:52 PM
Parent: #673

الموضوع : الصدفة

محمد احمد عوض مثال للصدفة التي انتجت لونا من الغناء وهو الغناء الشعبي وبالمصادفة

فردتنا في مرضان باكي

Post: #675
Title: Re: أغاني وأغاني.. للقدامى والمستجدين..
Author: abubakr
Date: 08-30-2009, 05:59 PM
Parent: #674

عمكم السر يتجلي كلاما

والمستمعيين

Post: #676
Title: Re: أغاني وأغاني.. للقدامى والمستجدين..
Author: abubakr
Date: 08-30-2009, 06:07 PM
Parent: #675

الشباب في "جوبا مالك علي "

Post: #677
Title: Re: أغاني وأغاني.. للقدامى والمستجدين..
Author: abubakr
Date: 08-30-2009, 06:09 PM
Parent: #676

عصام محمد نور في "مع السلامة"

Post: #678
Title: Re: أغاني وأغاني.. للقدامى والمستجدين..
Author: حسن سنوسى
Date: 08-30-2009, 06:13 PM
Parent: #676

عمك متألق جداً فى الحديث عن محمد احمد عوض
بعدين عمك الليلة شكلو رايق والمزاج مزاج تلك الايام..
فردتكم: عمك واضح انو معجب بيك.. لكن اوعك من المداخلات عشان ما تسمع (نعم، نعم، نعم، نعم)
ونعم دى من عمك معناها واضح شدييييد..
مرضان باكى فاقد: شكلها بتشبه فرفور..
فرفور: ياربى انا الليلة نسيت القهوة ولا شنو؟
الزول فى الدنيا دى اصلو ما يشكِر ليهو زول؟
عمك شكرناه قام قلب الحلقة كلها ونسة.. مع مقاطعات اقصد مداخلات فرتكم
منار: غنايه.. غنايه
اخو عماد احمد الطيب: حقو تعمل ليك استايل حقك وكدا
ود الفحيل: صحى انت بتنتمى لاسرتكم وصحى بتنتمى للابيض
عصام: الليلة ما اتوفقت لانو الاغنية دى دايره ليها نهير وكدا.. انت ما شفت محمود بغنيها كيف؟
الحواته نفر...

Post: #679
Title: Re: أغاني وأغاني.. للقدامى والمستجدين..
Author: abubakr
Date: 08-30-2009, 06:18 PM
Parent: #678

افراح في يا "حبيبي"

Post: #680
Title: Re: أغاني وأغاني.. للقدامى والمستجدين..
Author: abubakr
Date: 08-30-2009, 06:26 PM
Parent: #679

فردتنا في "رغم بعدي "

وعصام الطيب

ومحمدية يتجلي

Post: #682
Title: Re: أغاني وأغاني.. للقدامى والمستجدين..
Author: abubakr
Date: 08-30-2009, 06:36 PM
Parent: #680

نادر في "فاكرك معاي " بطريقة نادر

الثلاثي المبدع

ثنائي الالايقاع الجميل

والاورج

Post: #685
Title: Re: أغاني وأغاني.. للقدامى والمستجدين..
Author: محمد عبد الماجد الصايم
Date: 08-30-2009, 06:42 PM
Parent: #680

عاصم البنا دا معلم والله
وملك الأناقة كمان

Post: #681
Title: Re: أغاني وأغاني.. للقدامى والمستجدين..
Author: Rawia
Date: 08-30-2009, 06:28 PM
Parent: #679

ويلكم باك ود الحلة نورت المكان....... (عنقريب) نجوم الغد كان مضلم ليهو يومين

_______________

تحية لذكرى الرائع محمد أحمد عوض

Post: #683
Title: Re: أغاني وأغاني.. للقدامى والمستجدين..
Author: صديق الموج
Date: 08-30-2009, 06:37 PM
Parent: #681

افراح ...ازيك
ان شاء الله عين الناس تكون ما صابتك
انتى كويسة؟؟زى ما قلت ليك عليك ببخور التيمان..
ماداير زول يرد على
افراح اسمعى ردى على كالعادة فى الايميل
سمح،،،،

Post: #684
Title: Re: أغاني وأغاني.. للقدامى والمستجدين..
Author: abubakr
Date: 08-30-2009, 06:40 PM
Parent: #683

Quote: ان شاء الله عين الناس تكون ما صابتك

انت بس كف عينك عنها وهي حتبقي تمام التمام

Post: #686
Title: Re: أغاني وأغاني.. للقدامى والمستجدين..
Author: ودالعباسية
Date: 08-30-2009, 06:52 PM
Parent: #684

رائعة الحلقة بروعة المحتفى به ،،

الفنان الكبير محمد احمد عوض ،،،

الاغانى كلها مسموعة ،، كان يفترض ان يتغنو بى اغانى تانية ،،،ويجودو اغنية

ويغنوها ،فى نهاية الحلقة ،،،

وما دام السنة دي فيها ضيوف ،، كنت اتمنى ان يستضاف حفيد الفنان الكبير

وكان حا تكون الحلقة خرافية لو كان معاهو الكورس وبدون اوركسترا ،،

السر قدور ،، اعطى الرجل حقه تمام ،، وذكر اشياء لولا السر قدور ما كنا عرفناها ،،

عصام احمد الطيب ،، مبدع ،،،

Post: #687
Title: Re: أغاني وأغاني.. للقدامى والمستجدين..
Author: نجوان
Date: 08-30-2009, 07:08 PM
Parent: #686

التحية لروح المتفرّد محمد احمد عوض..
الذي كسر القالب.. وصبّه ثانية على مزاجه..

______
تسكّع السر قدور بمتعة في شارع الذكريات..
وكم هو جميل ان نسمع القصص الصغيرة.. الحلوة..
عن عمالقة الفن .. من شخص عاصرها وعاش لحظة صناعة التاريخ..
شكرا استاذنا ويديك الصحة وطولة العمر..

______
فردتنا .. قائد الأسطول بجدارة..
عصام محمد نور.. صوت مرن وأداء رايق.. (أحيانا رايق اكتر من اللازم..)
منار.. تمام..
ود احمد الطيب.. ما فهمنا حاجة..
افراح.. ما عارفة، بدأت أشك في امكانياتها الصوتية.. (الحلقة الأضعف في العقد)
نادر.. الليلة غنّى لينا غنا عدادات سااااكت .. ما في تطريب..

Post: #688
Title: Re: أغاني وأغاني.. للقدامى والمستجدين..
Author: abubakr
Date: 08-30-2009, 07:35 PM
Parent: #687

الراحل محمد احمد عوض هو رائد لون غنائي ابتدره هو وصار لونا مميزا في لوحة الغناء السوداني هو "الغناء الشعبي " ومغنيين معروفيين تردد اغانيهم اليوم هم الذين فتح لهم محمد احمد عوض بابا اتو منه الي عالم الغناء .. وهنالك من نسل الراحل من يغني له بلونيته .. اذن فمحمد احمد عوض موجود في هذا الزمن من خلال اغانيه ولون الغناء "الرابع" (كما قال عمكم السر ) الذي هو رائده ولذا كان من المدهش ان يكون اداء جميع من غنو له الليلة متواضعا ولم يكونو حافظيين لكلمات الاغاني وفي هذا الصدد لا استثني احد بما فيهم فردتنا فالبخرة كانت موجودة عندما غني ...لولا ذاكرة عمكم السر ومقدرته علي سرد سلس ممتع لبارت حلقة اليوم وهي عن فنان مميز ورائد وصاحب لون متفرد ...الثقافة الفنية لدي المطرب والمغني الم تتجاوز لونية تناسبه الي معرفة تغطي كل اللونيات الاساسيبة التي في محيط مجتمعه ومستمعيه تبقي ناقصة ...

Post: #689
Title: Re: أغاني وأغاني.. للقدامى والمستجدين..
Author: طارق جبريل
Date: 08-30-2009, 07:37 PM
Parent: #687

اجمل ما في الحلقة هو كم الحكاوي الصغيرة صغيرة عن الراحل المقيم محمد احمد عوض
السر قدور كان نجم الحلقة اليوم بكم المعلومات الرشاها لينا

Post: #690
Title: Re: أغاني وأغاني.. للقدامى والمستجدين..
Author: Rawia
Date: 08-30-2009, 07:39 PM
Parent: #687

نجوان مساك خير
يعني ماقاعدة تجيبي سيرة شريف الفحيل البتة
الولد دا صوته جميل وروحه حلوة وعيونه معبرة
أدينا نظرة يعني....مش كفاية إنه مابياخد حقه في البرنامج
وأفراح فعلا صوتها ضعيف بس نفسي أعرف الواسطة البتخليها هي ونادر خضر يغنوا أغنية كاملة في كل حلقة تقريبا
عاصم البنا فنــان ...... إستبشرت خير من أول الحلقة لما عرفتها عن الفنان محمد أحمد عوض وفعلا أبدع بدعنة شديدة
نادر خضر في الاغنية الاخيرة مع الموسيقى الميتة فعلا مالقيت حل غير أقوم أقضي لي غرض في البيت.

__________________
أما فرفور فمصيبته مصيبة
قهمتوهوا يانجوان قهمتوا في البوست دا قهمة شديدة خليتو إتعقد وإختفى في ليلة ظلماء
عليك الله كلمتين حلوين في حقه الزول فنان

Post: #692
Title: Re: أغاني وأغاني.. للقدامى والمستجدين..
Author: Kamal Karrar
Date: 08-30-2009, 07:46 PM
Parent: #690

Quote: عليك الله كلمتين حلوين في حقه الزول فنان

غايتو أنا بقول فرفور .. برضو فنان جميل.. >و صوت شجي وبحة محببة وتريانة...

وكمان من بحري زي السني...

Post: #695
Title: Re: أغاني وأغاني.. للقدامى والمستجدين..
Author: حبيب نورة
Date: 08-30-2009, 08:15 PM
Parent: #690

سلام
يا راوية يعني كيف تقولي أفراح صوتها ضعيف
!!!!
هوي يا راوية بطلي نفسنة
البت دى علي اليمين ولا كلمة

Quote: نجوان مساك خير
يعني ماقاعدة تجيبي سيرة شريف الفحيل البتة
الولد دا صوته جميل وروحه حلوة وعيونه معبرة
أدينا نظرة يعني....مش كفاية إنه مابياخد حقه في البرنامج

إشمعني يعني يا راوية
هو أصلوا الشريف مبسوط مني!

Quote: الواسطة البتخليها هي ونادر خضر يغنوا أغنية كاملة في كل حلقة تقريبا

البت دي بتنطلق من خلفية فنية مهولة يا راوية
وندوري مافيه قول
عاد شِن قولك !

Post: #697
Title: Re: أغاني وأغاني.. للقدامى والمستجدين..
Author: نجوان
Date: 08-30-2009, 08:37 PM
Parent: #690

ازيك يا راوية.. وكيفك..

اتفق معاك والله.. وقلت عنه قبل كده
شريف صوته يجمع بين القوة والجمال..
ده غير انه عنده حضور مهذب، من البرتاح ليهم جدا من ناس الكنبة..
بس لسه لم يعطى فرصة توازي موهبته..

_____
وعن جيمي.. بدأت احس بالذنب فعلا (وش مبتسم)
فرفور متمكّن لا خلاف في ذلك،
لكن الكواريك واحدة من مشاكله الأساسية..
اذا لخبطوه مع عصام محمد نور حيكون منتج متوازن جدا-
كسر ده في جبر ده..

Post: #691
Title: Re: أغاني وأغاني.. للقدامى والمستجدين..
Author: ودالعباسية
Date: 08-30-2009, 07:45 PM
Parent: #687

فى حلقة اليوم ،،،

فرفور كان وجوده مهم ،، لانه حافظ اغانى الفنان محمد احمد عوض ،،

وكانت الحلقة حا تطلع اكثر شعبية بمعنى ( غنى شعبى )

عصام احمد الطيب ،،، انتظرو لى قدام ،، ومعاهو ريماز ،،

افراح الشعب ،، مع الاعتزار للخال صديق الموج ،، عندها مشكلة فى الصوت ،، او نقول

عايزة تغنى كل الاغانى بطريقة واحدة ،،

Post: #693
Title: Re: أغاني وأغاني.. للقدامى والمستجدين..
Author: الزوول
Date: 08-30-2009, 08:02 PM
Parent: #691

السلام عليكم
......
قد يؤدي أي كان أغنية معروفة ونطرب لها
وعندها فليس بالضرورة إننا نطرب لأداء المطرب أو لصوته الجميل.
فربما كنا نطرب لصوت الفنان الأصلي الذي لا يزال مخزوناً في ذاكرتنا
وربما نطرب تأثراً لموقف مرتبط بهذه الأغنية استدعته ذاكرتنا حينما نسمعها
ولكن حينما تطرب لأغنية تسمعها لأول مرة
فلا شك أن المطرب قد استطاع إيصالها لك
ولا شك أن صوت هذا المطرب به جمال يجبرك على الاندماج معه
هذه أول مرة اسمع فيها أغنية محمد أحمد عوض (مع السلامة)
التي أداها عصام محمد نور
وأشهد انني طربت لها ايما طرب
........
الحمد لله
أخيراً أعطيت الفرصة للشاب ذو الوجه الصبوح عصام أحمد الطيب
ولو إنها فرصة نص كم
وقد كنت أخشى من إكتمال الصورة التراجيدية
حينما يغني (فردتنا) عاصم أغنية للفنان أحمد الطيب
........
صديق الموج وحبيب نورة
أنتو عمنا السر قدور
معاكم في الرابطة ولّ شنو؟

.....

Post: #694
Title: Re: أغاني وأغاني.. للقدامى والمستجدين..
Author: بابكر التوم
Date: 08-30-2009, 08:06 PM
Parent: #691

عمنا الاستاذ السر قدور ابدع اليوم فى الحكى عن الفنان القامة محمد أحمد عوض الذى أسس للونية غنائية فى خارطة الغناء السودانى

وبنفس اللحظة اجرم فى حقة بالتوثيق لغنائة فى برنامج اغانى واغانى هو او المعد للبرنامج ....

لماذا الاصرار على الشكل الموسيقى والمؤدين كان الافضل الاستعانة باحد احفادة الذى يغنى لجدة تم استضافتة بالقناة من قبل ،،،

مع جمال فرفور لانة بداء الغناء بفرقة للفن الشعبى بالرق مع مجموعة من اصدقائة بمنطقتة الصبابى بحرى ويحيد هذا الغناء ...

مع الاستعانة بعازفى الراحل من فرقتة الاحياء منهم وهو ذكر احد الشيالين العم الطيب وهو حى يرزق موجود بمدينة الابيض

منها الاحتفاظ بالشكل غنائى ووقعها أفضل واحتفاء بهم ...

Post: #696
Title: Re: أغاني وأغاني.. للقدامى والمستجدين..
Author: Ahmed al Qurashi
Date: 08-30-2009, 08:23 PM
Parent: #691

اغنية مرضان باكى فاقد استوقفتنى كثيرا

ذكرتنى بالراحل بادى محمد الطيب ، حيث كنا نقيم البروفات

فى منزل محمد المرتضى حامد بمسقط سنة 2000، وكان مرتضى بطلب اغنية مرضان

باكى فاقد كثيرا ويغنيها له بادى مرة واخرى ، وفى سنة 2003 فى

الاجازة السنوية ذهبنا محمد المرتضى وشخصى لزيارة بادى فى منزله بالعباسية

فاستقبلنا قبل السلام بهذه الاغنية ، له الرحمة والمغفرة

الاغنية من كلمات الشاعر محمد على عثمان بدرى ولحن الشاعر الفنان عمر البنا

وسجلها على الاسطوانات الفنان الامين برهان وللاذاعة اولاد المامون وبادى محمد الطيب

ولقد جاراها عبيد عبد الرحمن باغنية

ولهان هامى دمعى والتى تغنى بها سرور وسجلها للاذاعة ايضا اولاد المامون وبادى محمد الطيب

Post: #698
Title: Re: أغاني وأغاني.. للقدامى والمستجدين..
Author: Emad Abdulla
Date: 08-30-2009, 09:40 PM
Parent: #696

لليوم التاني :
حلقة باهتة من ناحية الأداء الغنائي .
بركة في شوية السرد و الحكي المبتسر في حق الجميل محمد أحمد عوض .
....
أفراح دي أكعب مغنية في العالم .. بأشنا حواجب الله خلقهم ( أو خلقتهم هي ) .
عمنا السر بيضحك و يقرقر سبه بلا سبب .. حاجة عجيبة !!!
عصام بالبدلة التريبل إكس أم لون كعب و موضة قديمة .. و كمان صديري ؟ عصام ياخي شنو ياخ ؟؟
....
الله على محمدية و احمودي و اسماعيل و عاصم الطيب و مليجي .. شغل نضيف .

Post: #699
Title: Re: أغاني وأغاني.. للقدامى والمستجدين..
Author: ودالعباسية
Date: 08-31-2009, 00:38 AM
Parent: #698

جوبا ،،،

Post: #700
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-31-2009, 01:31 AM
Parent: #699

سلام و تحايا

شريف الفحيل و عصام أحمد الطيب أصوات جميلة ،، لكن حتى الآن لم تتاح لهما الفرصة الكافية لإبراز أمكانياتهما الصوتية ..

في اعتقادي صوت منار كان هو الأبرز و الأجمل في أغنية " جوبا " ..

عمنا السر قدور أمتعنا بالتجوال في سيرة الراحل محمد أحمد عوض ..

يا جماعة فرفور مالو ؟؟

Post: #707
Title: Re: أغاني وأغاني.. للقدامى والمستجدين..
Author: Manar Mahsoub
Date: 08-31-2009, 08:25 AM
Parent: #700

و ما زال احساس يوم رحيلك يا حبيبى ممسخ على باقى الحلقات ....

مع الاعتذار للموج : افراح دى حقو تفكر فى شىء تانى غير الغناء ...مثلا مديرة اعمال اخونا الموج (قصرت معاك)

يا جماعة شوفو لينا فرفور خبارو لعل ما عندو عوجه...

شوفتو فريق نجوم الغد بيفرح كيف لمن تجى اغنية الختام قمنا على مهلنا و ماشين لاهلنا ...طوالى بتذكر زمان فى المدرسة لمن يضرب جرس الحصة الاخيرة و نكورك ......البيوت البيوت ....

Post: #713
Title: Re: أغاني وأغاني.. للقدامى والمستجدين..
Author: abubakr
Date: 08-31-2009, 10:30 AM
Parent: #707

Quote: مع الاعتذار للموج : افراح دى حقو تفكر فى شىء تانى غير الغناء ...مثلا مديرة اعمال اخونا الموج (قصرت معاك

ياقريبتي الموج بيغرق ونحن ما دايرين الصبية تغرق

Post: #712
Title: Re: أغاني وأغاني.. للقدامى والمستجدين..
Author: بكري الخير
Date: 08-31-2009, 10:12 AM
Parent: #700

يا جماعة من لنا بفرفور؟؟

الزول دا والله نهكة تتحدي الزمن

رماز دي قاعدة ساكت لو استبدلوها يكون أحسن

منار ماشا الله عليها عيني باااااااااااااااردة يا بت الاحفاد

أفراح عصام امبارح السر قدور هرشا لأنها كتلت الاغنية

ولاتزال قناة النيل الازرق تتربع فوق عرش الفضائيات

نادر خضر حضور جميل وصوت راقي

عصام محمد نور سمح يا زين

حبيبنا عاصم البنا عبارة عن سايكلوبيديا في الغناء القديم والحديث

Post: #701
Title: Re: أغاني وأغاني.. للقدامى والمستجدين..
Author: abubakr
Date: 08-31-2009, 04:56 AM
Parent: #698

Quote: أفراح دي أكعب مغنية في العالم .. بأشنا حواجب الله خلقهم ( أو خلقتهم هي ) .

ياعماد الفنان انت زعلان من صوت افراح واللا حواجبا ؟؟ انت بس قوول ونحن حنخليها تصلح صوتا وحواجبا عشان تعجبك ...وبعدين نشوف حكاية العالمية دي ..المهم انت..

Post: #702
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-31-2009, 05:03 AM
Parent: #701

سلام يا حلوين

انتو ياناس مسالة البخرات دي كمان عادوا بيها ناس نجوم الغد كمان؟
لاحظت في اكتر من حلقة الحاجة دي
وظهرت اكتر في اغنية جوبا مالك عليه
وشريف ولا بدسها عادي يقرأ من الورقة ويغني
وحتى المخرج والمصور فاتت عليهم وظهرت البخرة اكتر من مرة
عاين الصورة والسهم الاخضر ادناه

Post: #703
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-31-2009, 05:10 AM
Parent: #702

اليوم التاسع

عاصم البنا والمجموعة
مرضان باكي فاقد - اغاني واغاني 2009

Post: #704
Title: Re: أغاني وأغاني.. للقدامى والمستجدين..
Author: abubakr
Date: 08-31-2009, 05:52 AM
Parent: #703

Quote: وحتى المخرج والمصور فاتت عليهم وظهرت البخرة اكتر من مرة

ياشاعرنا بن وداعة ....هذه الدورة فيها كثير من العجلة وقلة الاعداد والاعتماد علي ان البرنامج استقطب جماهيريا كافية وعليه "اي حاجة وحتنجح؟"...اسلوب اداء وعمل شائع في السودان بحيث تكون كل طبخاتنا غير مستوية والاكتفاء بانها طبخة والسلام .. اجادة العمل كونه من المقدسات ليست في قواميس انجازاتنا ولذا فان الخط البياني لكل عمل في السودان يبدء في الارتفاع ثم ينحدر سريعا....

Post: #705
Title: Re: أغاني وأغاني.. للقدامى والمستجدين..
Author: maia
Date: 08-31-2009, 07:03 AM
Parent: #704

حلقة امبارح كانت ما بطالة رغم اسهاب عمنا السر قدور في الكلام عن بداية ظهور الفنان الراحل محمد احمد عوض ، لدرجة انه للحظة الواحد افتكر انه الحلقة حتنتهي دون تقديم نماذج لاغاني الفنان الراحل

الملاحظ عدم التنسيق في اعطاء الفرص للفنانين الموجودين

سؤالي رماز ميرغني ليه ما بيدوها الفرصة تغني كتير او بالاصح فرصة اصلا لكي تغني ؟
كل ما يشير عمنا السر قدور للنجوم الشباب البنات بتكون يا منار يا افراح!!

ما زلت اقول منار صوت ما قوي تنفع للون محدد من الاغاني
اما افراح امبارح ركزت على تعديل طرحتها اكتر من الغنا وفي لقطة كدا واضح انه مركزة شديد مع الكاميرا
ما عارفة ليه حسيت انها مركزة على شكلها اكتر من ادائها وصوتها

اخيرا
زول يقول لي دعاية زيت (هايل ) مالها
هل كانت محاولة لعمل حاجة معينة وفشلت بقت كدا ولا اصلا من الاول هم قاصدين كدا

صراحة دعاية مخيفة وممكن جدا تستخدم عشان تخلع بيها زول

Post: #708
Title: Re: أغاني وأغاني.. للقدامى والمستجدين..
Author: الزوول
Date: 08-31-2009, 08:56 AM
Parent: #705

Quote: زول يقول لي دعاية زيت (هايل ) مالها
هل كانت محاولة لعمل حاجة معينة وفشلت بقت كدا ولا اصلا من الاول هم قاصدين كدا

صراحة دعاية مخيفة وممكن جدا تستخدم عشان تخلع بيها زول

السلام عليكم
....
الله يجازيك
بالخير يا مايا

بعد ما قاطعت الدعايات دي بالله وواحد ..وارتحت منها
مع تكنلوجيا (الفيليه) الجديدة
الشمار حا يرجعني تاني اشوف دعاية هايل دي شنو
الله في
.....

Post: #715
Title: Re: أغاني وأغاني.. للقدامى والمستجدين..
Author: abubakr
Date: 08-31-2009, 10:38 AM
Parent: #705

Quote: هل كانت محاولة لعمل حاجة معينة وفشلت بقت كدا ولا اصلا من الاول هم قاصدين كدا

يا قريبتي دييل لا قاصديين لا عارفيين .. قبل السحور صحيت مخلوع اتهيالي واحديين كانو بكوركو في اضاني "هايل !" لقيت نفسي ماسك التربيزة الجنب السرير ويمكن كنت داير اجدعا وناس الكوارييك قالو علي "هايل " فصحيت ...جنس محن ...اها الواحد ياكل فول بهايل ويبقي ينطط زي الكنجرو ..هايل ...هايل ...

Post: #706
Title: Re: أغاني وأغاني.. للقدامى والمستجدين..
Author: Hatim Yousif
Date: 08-31-2009, 07:29 AM
Parent: #701

Quote: انت زعلان من صوت عفاف واللا حواجبا

عفاف منو ؟؟؟؟؟

ياباش ... شكله رمضان دخل العضم ..

كل سنة وأنت طيب ..

..

Post: #709
Title: Re: أغاني وأغاني.. للقدامى والمستجدين..
Author: abubakr
Date: 08-31-2009, 08:58 AM
Parent: #706

Quote: عفاف منو ؟؟؟؟؟

ياباش ... شكله رمضان دخل العضم ..

كل سنة وأنت طيب ..

قلت منو ؟؟؟ ياولدي دة تهكيير ساااي ...

______

هو العضم ذاتو بقي مهكر ...رمضان كريم

Post: #710
Title: Re: أغاني وأغاني.. للقدامى والمستجدين..
Author: برير احمد إبراهيم
Date: 08-31-2009, 09:18 AM
Parent: #709

صراحة كده البرنامج بدون فرفور زى الهلال بدون هيثم مصطفى

او المريخ بدون العجب .. مسيخ وبايخ ...فرفور غير الصوت

الاكثر تميزا بين المجموعة فهو اكثرهم شغبا مما يعطى للبرنامج

شكلا اجمل .

الشباب الجدد .. معظمهم ماحافظين .. خصوصا البنات .. عشان

كده قدور ماقدر على العدالة فى توزيع الفرص ..

رماز ميرغنى الى الان عبارة عن ديكور مضاف للاستوديو وبس

الاختيار للبرنامج من نجوم الغد فيهو خيار وفقوس بدليل

انو المجموعة المختارة دى هى نفسها المجموعة التى سافرت

الى الامارات .

اغنية محمد احمد عوض ( مع السلامه ) افتقدت الرائع

محمود عبد العزيز بالامس .

Post: #711
Title: Re: أغاني وأغاني.. للقدامى والمستجدين..
Author: معتصم دفع الله
Date: 08-31-2009, 09:59 AM
Parent: #710

Quote: يا شفيف
قصة الشراريب دي قلناها زماني ياخ!
صحي جاي متأخر
يا عمك ..
ورسلتوا الشراريب

جميل هو الحديث عن فنان مثل الراحل محمد أحمد عوض ..
كنت أتمنى أن يكون حاضراً في هذه الحلقة الفنان محمود عبدالعزيز لأنه أحسن من يغني له ..
وبعدين برى أن السر قدور ما عادل في توزيع الفرص ..
أمس غايتو يا معجبي أفراح عصام الزولة دي وقعت ليها وقعة لمن عالجها محمدية وأحمودي ..
خففوا العيون شوية عليها وخلوها تبدع لينا ..

Post: #714
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-31-2009, 10:38 AM
Parent: #711

جوبــــــــــــــــــــــــــــا مالك علي أنا
الأغنية التي تصيب الهلالاب بالأرتكاريا وضيق التنفس ،
في 6 أكتوبر 1977 تلقى الهلال هزيمة مسمارية تاريخية
معتبرة من نده المريخ بمدينة جوبا بهدف أسطوري من قدم
الراحل الفنان سامي عزالدين وكانت تلك أول مباراة بين
الفريقين في عاصمة الجنوب ومن يومها والقبيلة الحمراء
تترنم ( جوبا شِلتي عيني ).
أنا.

رحم الله محمد أحمد عوض المبدع الأصيل ، كان مع فنانين شعبيين
آخرين كبادي محمد الطيب (الشيخ طه) ومحمود علي الحاج
رقما ثابتا في حفلات (الصبحية) وهي – لناس الشهاده العربيه –
الحفل الذي يلي ليلة الزفاف ، كانت حفلات العرس تمتد لثلاثة
أيام هي الحنة والدخله والصبحية ، كنا نهتم بالصبحية بشكل
لايقبل المساومة حيث أنها كانت فرصة لاستكمال النظرة والإبتسامة
بتاعت أمبارح ، تلتقي العيون التي ظلت من الأمس تغني يا يوم بكره
ما تسرع ، البنيَّه الجميلة في صورة أزهى تناسب الحفل النهاري
ويصدح محمد أحمد عوض ( والله القسمه ما معروفه لي وليك كانت خافيه
يدوم سعدك مع غيري وتملا شبابك العافيه) إبتسامة أخرى ونظرة تنسي
الغداء والطباخين ، غابت شمس الجمعة ، وولى المسا وغدا السبت المدرسة.
الحصة الأولى رياضيات .

جوبا شلتي عيني

أنا

Post: #716
Title: Re: أغاني وأغاني.. للقدامى والمستجدين..
Author: داليا حافظ
Date: 08-31-2009, 11:43 AM
Parent: #714

نجوان

رمضان كريم

بوست لذيذ جدا

يا نجوان منار دي صوتا رهيب ...ياخ أنا بحبك يا مهذب دي سمعتها دشليون مرة ...وما مليتا

الجماعة ديل في اللبس ..اغلبهم "قادين " ويحمد لهم الإجتهاد !

الأشيك نادر خضر وهو الأضعف صوتا ..

الاسمح افراح مافي كلام .لكنها برضو هي الحلقة الاضعف ..................ونفسي اعرف متين في

السودان حيفكوا الموضة بتاعت (البودي الكارينا ) حتلقيهن يا نجوان لبسن كل ألوان البودي الموجودة

في السوق..

عاصم البنا بقعد الغنا وبجيهو ...

لكن حلقة محمد احمد عوض ما موفقة كلو كلو والأداء كان تعبان وهابط من الجميع ...

السر قدور برنامجو ناجح ...لكنو متسلط وبمحي شخصيات الآخرين ..بدون رحمة !

Post: #717
Title: Re: أغاني وأغاني.. للقدامى والمستجدين..
Author: mamkouna
Date: 08-31-2009, 11:44 AM
Parent: #714

* حلقة موٌفقة عن الفنان الشعبي محمد أحمد عوض...لم يتوفق خلالها أي من النجوم الموجودة في الغناء مثله..
محمد أحمد عوض كان يُمثل و يوٌصف و ينفعل بكل كلمة يقولها و كانت له وقفات و حركات جسد غاية في خفة الظل و التطريب.

* أتفق مع الكثيرين أن نجوم ( دكة الإحتياطي ) مظلومييييين..مظلومييين.. مظلومين.
و أخص بالظلم البشوش شريف الفحيل و الأبش عصام أحمد الطيب .

* أسجل إعجابي الشديد بأناقة رماز ميرغني..و أناقة قعدتا و لفتاتا و حركاتا.

* لم أفتقد فرفور.

Post: #718
Title: Re: أغاني وأغاني.. للقدامى والمستجدين..
Author: Kamal Karrar
Date: 08-31-2009, 11:52 AM
Parent: #717

Quote: * لم أفتقد فرفور.

ممكونة.. يديك العافية...

بس بحري طراوة

Post: #719
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-31-2009, 12:03 PM
Parent: #717

أقترح أن يغير إسم البرنامج من أغاني وأغاني إلى ( عاصم ... وعاصم )
وتفريعا على ذلك يتم تعديل عنوان بوست نجوان هذا إلى ( عاصم وعاصم .. فردتنا والمتفرجين)
والحمد لله رب العالمين

Post: #720
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-31-2009, 12:11 PM
Parent: #719

على الرغم من جهلي بماهية (البودي الكارينا ) القالتا داليا دي وما إذا كانت
تسريحة أم ملابس أو بليلة دخن أو أم جنقر إلا أنني أقترح على قناة النيل إياه
الإستعانه بممكونه في مسألة الديكور والملابس والتسريحه وشغل المانكير
والبادكير إستعدادا لرمضان الجاي وبوست الباش أبوبكر لنسخة 2010 ،
أها.. يا البودي بقا كارينا يا ممكونه عملتا فينا.

Post: #721
Title: Re: أغاني وأغاني.. للقدامى والمستجدين..
Author: maia
Date: 08-31-2009, 12:13 PM
Parent: #719

Quote: أقترح أن يغير إسم البرنامج من أغاني وأغاني إلى ( عاصم ... وعاصم )

اثني
مع ملاحظة انه عاصم البنا قد تلبس ذلك الدور المألوف للمثقف السوداني في تلفزيون السودان ( في الحغيغة والواغع )

اثني برضو رأي الاخت ممكونة
ما حسيت بغياب فرفور

Post: #723
Title: Re: أغاني وأغاني.. للقدامى والمستجدين..
Author: Dania Elmaki
Date: 08-31-2009, 12:21 PM
Parent: #721

أفراح دي أكعب مغنية في العالم .. بأشنا حواجب الله خلقهم ( أو خلقتهم هي ) .

ود الموج مالك مسجل غياب,,, امشي شوف رد عماد عبدالله في صفحه سبعه.

Post: #722
Title: Re: أغاني وأغاني.. للقدامى والمستجدين..
Author: saadeldin abdelrahman
Date: 08-31-2009, 12:16 PM
Parent: #719

و كنا بنحكي عن الجنة و كل صباح أملنا يزيد
لـكن قسمة ما لـي فيـكي اصلو زماني قاسي عنيد
رحم الله عندليب القطينة الراحل
و تحية و تقدير للاساتذة الموسيقيين
محمدية
سمعة
سعدالدين
احمودي
و جندي البيز جيتار المجهول

Post: #724
Title: Re: أغاني وأغاني.. للقدامى والمستجدين..
Author: محمد ابراهيم قرض
Date: 08-31-2009, 12:27 PM
Parent: #722

شفتوا كبف عاصم بيقاطع عمنا السر ..
وكيف عمنا السر بيتضااايق من مداخلات
عاصم ... عمنا عايز الحكي يكون صولو من
طرفه فقط .. لكن البيقنع عاصم منو ؟؟؟!!!

Post: #725
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-31-2009, 12:39 PM
Parent: #724

يا قرض ، رمضان كريم ، كيف المطبخ..
لازم عاصم يقاطع قدور ، ياخ دا قال أغنية مرضان باكي فاقد كتبا عبيد عبدالرحمن
مع إنو ناس اليوناميد وبان كي مون زاتم عارفين إنها لمحمد على عثمان بدرى ،
والساكت عن الشعر فلسان أخرس ، يعني كان لازم يصحح المعلومه وإلا يكون شارك
في تضليل الجماهير من المحيط إلى الخليج.

Post: #729
Title: Re: أغاني وأغاني.. للقدامى والمستجدين..
Author: فيصل نوبي
Date: 08-31-2009, 01:27 PM
Parent: #722

سلام للأغانياب
يا مايا
Quote: اخيرا
زول يقول لي دعاية زيت (هايل ) مالها
هل كانت محاولة لعمل حاجة معينة وفشلت بقت كدا ولا اصلا من الاول هم قاصدين كدا

صراحة دعاية مخيفة وممكن جدا تستخدم عشان تخلع بيها زول
نفسي أعرف إجابة للسؤال ده
الدعاية ما عندها أي علاقة بالزيت و لا العريس و العروس ولا المعازيم ولا أم العروس اللي بتزغرد
ده كلو علاقتو شنو بالزيت !! كان في داعي لكمية الجمهور و بدون تركيز علي أي نوع من الأكل !!
دي غاتيو مخرج دعايات في الروضة ما يعملها !! عشان كده أوافقكـ الرأي إنها كانت حاجة تانية و فشلت ..

لكن تصدقي هسي ح تنجح لأنها مشاترة و بالتالي الناس ح تعلق عليها أكتر من إنها تكون عادية و الدليل حبيبنا الزوول فوق قال راجع يشوفها

_
محمد أحمد عوض ( إتكروت) يا أغانياب..

Post: #727
Title: Re: أغاني وأغاني.. للقدامى والمستجدين..
Author: abubakr
Date: 08-31-2009, 01:12 PM
Parent: #717

Quote: * أسجل إعجابي الشديد بأناقة رماز ميرغني..و أناقة قعدتا و لفتاتا و حركاتا.

الصبية تستاهل

---------------
ان شكرهن عظيم

Post: #726
Title: Re: أغاني وأغاني.. للقدامى والمستجدين..
Author: Hatim Yousif
Date: 08-31-2009, 12:43 PM
Parent: #714

Quote: حفلات (الصبحية) وهي – لناس الشهاده العربيه –
الحفل الذي يلي ليلة الزفاف ، كانت حفلات العرس تمتد لثلاثة
أيام هي الحنة والدخله والصبحية ، كنا نهتم بالصبحية بشكل
لايقبل المساومة حيث أنها كانت فرصة لاستكمال النظرة والإبتسامة
بتاعت أمبارح ، تلتقي العيون التي ظلت من الأمس تغني يا يوم بكره
ما تسرع ، البنيَّه الجميلة في صورة أزهى تناسب الحفل النهاري
ويصدح محمد أحمد عوض ( والله القسمه ما معروفه لي وليك كانت خافيه
يدوم سعدك مع غيري وتملا شبابك العافيه) إبتسامة أخرى ونظرة تنسي
الغداء والطباخين ، غابت شمس الجمعة ، وولى المسا وغدا السبت المدرسة.
الحصة الأولى رياضيات .

ينصر دينك يامولانا ...
كلام زي نمنمات كمنجة محمدية في خلفية الموسيقى والغنا ...
ياخي ... كبر لينا الصورة والحكاوي ... وأفرزها في بوست منفصل ..

..

Post: #728
Title: Re: أغاني وأغاني.. للقدامى والمستجدين..
Author: طارق ميرغني
Date: 08-31-2009, 01:22 PM
Parent: #726

اخي محمد المرتضي كلامك عن الصبحيه جميل للغايه رغم قلته ارجو المواصله ما امكن.

حديث عاصم البنا او تصحيحه لاستاذ السر قدور حق مشروع وهو يبدو انه غير تخصصه في اغاني الحقيبه

مهتم كثيرا بهذا المجال ويجالس الكبار ايضا.

بالامس حينما كان عاصم البنا يغني في النيل الازرق كان الفرجوني "البنا ايضا" يقدم حلقه عن اولاد البنا

في هارموني وفي نفس الوقت يغني في القناة القوميه.

يعني بنبنوا كل القنوات....!!!

غض النظر عن انحيازنا لفنان دون اخر يجب ان نؤمن علي ان البرنامج نجح في التوثيق لفنانين او لفترات

تاريخيه من الغناء السوداني رغم قصر زمن البرنامج.

اقتراح بزيادة زمن البرنامج الي ساعه مع اضافة بعض الفنانين والتخلص من البعض.

اقترح المواصله في الاستفادة من براعم نجوم الغد مع تقليص عددهم وتغيير بعضهم مع اضافة بعض الفنانين

كمحمود عبد العزيز او طلال حلفا ذوي الاصوات الجميله والاداء الرائع.

Post: #730
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-31-2009, 01:28 PM
Parent: #728

اليوم التاسع
عاصم البنا والمجموعة - مع السلامة - اغاني واغاني 2009
اغنية الفنان محمد احمد عوض

Post: #731
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 08-31-2009, 01:30 PM
Parent: #730

اليوم التاسع

افراح عصام والمجموعة - ياريت يا حبيبي - اغاني واغاني 2009
رائعة الفنان محمد احمد عوض

Post: #732
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-31-2009, 01:45 PM
Parent: #731

Quote: ياخي ... كبر لينا الصورة والحكاوي ... وأفرزها في بوست منفصل ..

حاتم سلامات ، هاو آر يو،
تلك أيام لن تعود يا سيدي ، أيام التَقَليه والسكسكانيه،
زمن كنا لاشايلين هم لا عارفين H1N1 و التاميفلو، وقبل أن تصبح العاصمة مستنقعا كبيرا.
زمن الجنزير في النجومي زي الهيكل المنضوم وما قبل ال (بودي كارينا والبيمشي وبجينا)
في (سنتر الخرطوم) ، حين كانت نظراتهن تشق القلوب قبل الجلود فأصبحت تشق الجيوب والجلود.
يا العزيز جل ما يتصل بذلك الزمن الأخضر كتبته في بوستات سابقة ك (الحب في المنبر)
و (ناسنا) وتجد رابطيهما أدناه ، وبالله يا نجوان أعفي لي إستغلال البوست بهذا الأسلوب
الإنتهازي ومحاولة تحويل مساره والبكاء على الطلول وبرقة ثهمد وحساب المثلثات.
تسلم.

ناسنا..

الحب في المنبر

Post: #733
Title: Re: أغاني وأغاني.. للقدامى والمستجدين..
Author: الطيب شيقوق
Date: 08-31-2009, 02:01 PM
Parent: #732

Quote: حين كانت نظراتهن تشق القلوب قبل الجلود فأصبحت تشق الجيوب والجلود.

هو وين القلوب ذاتها يا العشاء ؟

Post: #734
Title: Re: أغاني وأغاني.. للقدامى والمستجدين..
Author: الطيب شيقوق
Date: 08-31-2009, 02:27 PM
Parent: #733

طارق ميرغني

Quote: يعني بنبنوا كل القنوات....!!!

قلت شنو ؟الله يجازيك كتلتنا بالضحك

Post: #735
Title: Re: أغاني وأغاني.. للقدامى والمستجدين..
Author: mamkouna
Date: 08-31-2009, 03:06 PM
Parent: #732

Quote: أقترح على قناة النيل إياه
الإستعانه بممكونه في مسألة الديكور والملابس والتسريحه وشغل المانكير
والبادكير إستعدادا لرمضان الجاي وبوست الباش أبوبكر لنسخة 2010 ،

* سأبدأ أولاً بتفجير الإستديو ثم إعادة هندسته بالإستعانة بالباش شخشياًً...
على ان يشمل التفجير كل بِدل عصام محمد نور.
* سأتعاقد مع هيئة مياه الخرطوم لتوريد خراطيش موية لإزالة بوهيات الشروق و الغروب...
على ان يشمل قرار الازالة اي احذية بدون شراريب.
* سأستعين بهيئة مصففين عالمية لإعادة تشذيب دقن أبو الكلام..شنب ندوري و حواجب الشعب..
على أن تتولى نفس الهيئة مسألة القعدات و الوقفات و القرفصاء و الخنفساء.
* سأستعين بشركة نظافة عالمية لإعادة تلميع الصلع و الجلحات الصغيرة..
على أن تقوم نفس الشركة بتوريد بواريك - رجالية و نسائية - متى ما دعت الضرورة.
* ستقوم لجنة - منبثقة - تحت عنوان ( لا لا للبخرات) بالإشراف على تحفيظ دكة الإحتياطي و اللعيبة الأساسيين...
على أن تتولى ذات اللجنة مهمة معاقبة المزوغين من البروفات.
* سنقوم بتخصيص زي موٌحد ( زي بتاع ماوتسي تونغ ) لكل أفراد الحلقة..بما فيهم الفرقة الموسيقية و الضيوف...
يأتي تصميمه من وحي علم السودان...أزرق للرجال..أخضر للنساء...أبيض للفرقة الموسيقية..أحمرررررر لأبو الكلام و ضيف الحلقة.
* نعدكم بتقليل زمن الإعلانات و إعطاء فرص متكافئة لكل المشاركين/ات في البرنامج..
كما نعدكم بمفاجآت و مفاجآت و مفاجآت.

تسقط تسقط ...الامطار.

Post: #736
Title: Re: أغاني وأغاني.. للقدامى والمستجدين..
Author: abubakr
Date: 08-31-2009, 03:12 PM
Parent: #735

Quote: سأبدأ أولاً بتفجير الإستديو

لاحولاااااا....

-----------
منظمة "القعدة" (اها حسين ملاسي تاني يسال ايه يعني اغاني صالون )

Post: #737
Title: Re: أغاني وأغاني.. للقدامى والمستجدين..
Author: ودالعباسية
Date: 08-31-2009, 04:44 PM
Parent: #736

كل المتداخليين امنو على انه فرفور غيابه ما أثر ،،،

لكن فرفور لو كان موجود فى الحلقة بتاعة محمد احمد عوض ،، كانت حا تكون غير ،،،

لانه يجيد فن الغنا الشعبى ،،،

الدعاية بتاعة الزيت ،،، المحيرنى الناس ديل سودانييين ،،، ؟

غايتو من الزغرودة ما اعتقد ،، ولا شنو ،

Post: #738
Title: Re: أغاني وأغاني.. للقدامى والمستجدين..
Author: Alsa7afa_30
Date: 08-31-2009, 05:15 PM
Parent: #737

عباسية

Quote: كل المتداخليين امنو على انه فرفور غيابه ما أثر ،،،

أنا ما معاهم ،، و شايف انو فرفور صار جزء لا يتجزأ من البرنامج و وجوده مهم ،،

Post: #739
Title: Re: أغاني وأغاني.. للقدامى والمستجدين..
Author: Mashaier Ahmed
Date: 08-31-2009, 05:39 PM
Parent: #738

الإخوة والأخوات الأعزاء
سلام للجميع

Quote: كل المتداخليين امنو على انه فرفور غيابه ما أثر ،،،

Quote: أنا ما معاهم ،، و شايف انو فرفور صار جزء لا يتجزأ من البرنامج و وجوده مهم ،،

فرفور صوته جميل وحسه الغنائي عالي، بصراحة غيابة واضح، فوجوده كان له طعم خاص في الجلسة

أيضاً رماز ميرغني من الأصوات الفنية الرائعة والجميلة والقوية فهي موجودة ولكنها غائبة

أتمنى أن تتاح لها فرصة لأداء أغنية كاملة حتى تتمكن من إبراز مقدراتها الغنائية والفنية

تحياتي

مشاعر

Post: #740
Title: Re: أغاني وأغاني.. للقدامى والمستجدين..
Author: abubakr
Date: 08-31-2009, 05:41 PM
Parent: #738

وعاد فرفور

Post: #741
Title: Re: أغاني وأغاني.. للقدامى والمستجدين..
Author: abubakr
Date: 08-31-2009, 05:50 PM
Parent: #738

ضيف الحلقة

محمد ميرغني

Post: #742
Title: Re: أغاني وأغاني.. للقدامى والمستجدين..
Author: abubakr
Date: 08-31-2009, 05:53 PM
Parent: #741

مين فكرك ياحبيب عصام محمد نور

Post: #743
Title: Re: أغاني وأغاني.. للقدامى والمستجدين..
Author: abubakr
Date: 08-31-2009, 06:00 PM
Parent: #742

حلو العيون

رماز ومنار

محمد ميرغني نشوانا مشاركا

Post: #745
Title: Re: أغاني وأغاني.. للقدامى والمستجدين..
Author: abubakr
Date: 08-31-2009, 06:04 PM
Parent: #743

فردتنا السوخوي في شفتك وابتهجت

محمد ميرغني وفردتنا

Post: #744
Title: Re: أغاني وأغاني.. للقدامى والمستجدين..
Author: جلال جبريل
Date: 08-31-2009, 06:03 PM
Parent: #742

اليلة نحنا مدروشين أدونا شمار الزول داك لابس شنو

Post: #746
Title: Re: أغاني وأغاني.. للقدامى والمستجدين..
Author: abubakr
Date: 08-31-2009, 06:07 PM
Parent: #744

محمد ميرغني سحارة طرب.. حتي الان اعطي هذه الحلقة بهجة وطربا لا محدود

Post: #747
Title: Re: أغاني وأغاني.. للقدامى والمستجدين..
Author: ودالعباسية
Date: 08-31-2009, 06:09 PM
Parent: #746

يا سلااااااااااااام يا خال ،،،

وين ،،وين ،،يا غالى انت ،،،

حلقة ماسية ،،،

نجيكم بعد الدعايات ،،

Post: #748
Title: Re: أغاني وأغاني.. للقدامى والمستجدين..
Author: abubakr
Date: 08-31-2009, 06:19 PM
Parent: #746

شر يف في عاطفة وحنان

فرفور مشاركا

محمد ميرغني مشاركا

Post: #749
Title: Re: أغاني وأغاني.. للقدامى والمستجدين..
Author: abubakr
Date: 08-31-2009, 06:26 PM
Parent: #748

فرفور في اشتقت

احمودي متجليا

Post: #750
Title: Re: أغاني وأغاني.. للقدامى والمستجدين..
Author: abubakr
Date: 08-31-2009, 06:38 PM
Parent: #749

نادر خضر

حنيني اليك

اسماعيل صولو

الجميع مشاركيين

محمد ميرغني مشاركا

Post: #752
Title: Re: أغاني وأغاني.. للقدامى والمستجدين..
Author: abubakr
Date: 08-31-2009, 06:43 PM
Parent: #750

في هذه الحلقة كان الشباب الصغار والكبار حافظيين واخر انسجام وكان محمد ميرغني هو قائد الاسطول يديير النغم مشاركا وضابطا للايقاع ...

Post: #753
Title: Re: أغاني وأغاني.. للقدامى والمستجدين..
Author: ودالعباسية
Date: 08-31-2009, 06:58 PM
Parent: #752

من الحلقات المميزة ،،،

نادر خدر اليوم ابداع ،،،

Post: #751
Title: Re: أغاني وأغاني.. للقدامى والمستجدين..
Author: محمد حسن محمد
Date: 08-31-2009, 06:41 PM
Parent: #749

حلقة جميله مع انو كان واضح عدم الانسجام مع الاستاز محمد ميرغنى

ولا اعتقد ان احد من الحاضرين من الفنانين استطاع ان يؤدى معه

كما وضح جدا ان الاستاذ محمد ميرغنى يحمل الكثير ولكن ضيق الوقت لم يجعله يفرغ مافى جعبته

نتمنى ان تتاح له فرصة اخرى حتى نستمتع بأغنياته الجميلة

كما اتمنى فى السنوات القادمة ان يزيد وقت البرنامج ..

Post: #755
Title: Re: أغاني وأغاني.. للقدامى والمستجدين..
Author: mamkouna
Date: 08-31-2009, 07:06 PM
Parent: #751

مين فكٌرك يا حبيب و مين الهداكَ إليٌ ..
كلمني يا حلو العيون..
شفتك و ابتهجت..وين يا غالي إنتَ ..
عاطفة و حنان يا ناس و قليب رقيق حساس...
في اللحظة ديك اشتقت ليك و احتجت ليك..
حنيني اليك و ليل الغربة اضناني ...
........
لا بنساك و لا بقدر و لا عاوز بعد حبك احب تاني.
......

أنا بحري.

Post: #754
Title: Re: أغاني وأغاني.. للقدامى والمستجدين..
Author: Rawia
Date: 08-31-2009, 06:59 PM
Parent: #749

يوم الرقة العالمي

Post: #756
Title: Re: أغاني وأغاني.. للقدامى والمستجدين..
Author: سيف الدين مصطفى كرار
Date: 08-31-2009, 07:27 PM
Parent: #746

ياسلاااااااااام

وتواصل الابداع مع الفنان محمد مرغنى.

Post: #757
Title: Re: أغاني وأغاني.. للقدامى والمستجدين..
Author: الزوول
Date: 08-31-2009, 08:08 PM
Parent: #756

السلام عليكم
......
الحمد لله
جت سليمة
والله يا جماعة كنت خايف عمنا السر يوكل رائعة السر دوليب (مين فكرك يا حبيبي)
لنادر خضر
وحينها فلا مفر من أننا كنا سنشهد أصناف من "حبيبو"
........
يبدو أن برنامج أغاني وأغاني سيشهد ميلاد ثنائي رائع جديد
منار وريماز ....
يفرق كتير صوت كل منهما على حدة عنها كثنائي
......
يا سلام عليك يا مليجي
حد فيكم لاحظلو في أغنية "شفتك وابتهجت"؟؟
.....
ده شنو يا فرفور البتسوى فيهو ده؟
جاد الزمان عطر ليلتنا بالأفراح
وهب النسيم "يسكر" أفراحنا من غير راح
يسكر يا راجل!!!!!
القصة كلها فعل ماضي .. جاد ..عطّر ...هب ...
تقوم تحشر لينا فعل مضارع يسكر
والله ضرستني عديل كده ... الله يسامحك
وضرست استاذنا محمد ميرغني
فاضطر "المسكين" للتدخل ليصلح الأحوال
وكان أن انتقلت "الضرسة" من الكلمات للصوت.
......
عوض أحمودي إضافة حقيقية للأوركسترا السودانية
ونلاحظ أنه صار ياخذ موقعاً متقدماً لا يمكن تجاوزه
...
لا يزال "زولنا" عصام أحمد الطيب مهمشاً
غايتو أنا لو منو كنت حردت
غايتو التعليل الوحيد للحالة دي
انو تكون في حلقة خاصة بوالده الفنان أحمد الطيب
ويكونو "داخرينو" ليها
والا
تكون دي حقارة عديل كده

.....

Post: #758
Title: Re: أغاني وأغاني.. للقدامى والمستجدين..
Author: ودالعباسية
Date: 08-31-2009, 08:31 PM
Parent: #757

قالو ،،،

عقد الرعاية من شركة MTN والمحاميد بلغ مليار و800 مليون الى الان دا غير باقى

الدعايات ،،

Post: #759
Title: Re: أغاني وأغاني.. للقدامى والمستجدين..
Author: غباشي
Date: 08-31-2009, 08:50 PM
Parent: #758

حلقة اكثر من مميزة ....
امتزجت فيها حيوية محمد ميرغني مع شاعرية السر قدور و دماء الشباب الحارة .....
حلقة ابداع ... ابداع ... ابداع

Post: #760
Title: Re: أغاني وأغاني.. للقدامى والمستجدين..
Author: ارصد محمد جلال
Date: 08-31-2009, 08:53 PM
Parent: #758

Quote: أنا بحري.

بحري دي اجمل مدينة ..
بحراوي وبريدك يابحري

ونادر خضر نجم الحلقات حتى الان

Post: #761
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 08-31-2009, 10:01 PM
Parent: #760

على الرغم من حقيقة أني حزمت أمري بألا أرجو طربا بعد زيدانية اليوم الثاني
إلا أن جيوش الأماني عندي لاتندحر ، منيت نفسي بأداء يغازل السحاب عندما سمعت
أن محمد ميرغني بين المشاركين ، هذياني زاد وزادت أنَّتي فقلت أن محمدا لامحال
مُتِحِفي بأغنية تحتفل بها كل خلية فيّ على انفراد ، أغنية يستحيل معها الجسد والخاطر
مهرجانا للبشاشه ومتحفا أو ضريحا مفتوح للزيارة ، رجوته أن يغني رائعة السر دوليب
( أنا والأشواق) لأنو الغنيه دي فيها معاني ولوحات إستثنائية دعك عن اللحن الذي فصل على
قامتها المائزة ، أنا والأشواق في بعدك بقينا أكتر من قرايب ، بالله إتخيل ، زي أعز اتنين
حبايب ما بنغيب عن بعض أبدا( إن المصائب يجمعن المصابين)، بالله زول يقول ليك شوقي أبلغ
من غناي ، دا مش بكون خلاّك قميص وبنطلون ساي ؟ وشوقى قال لى مستحيل مرة يتحقق مرادى
ولازمنى زى خلى الوفى واصبح حبيبي الما بعادى، كلمات كهذه لاتُؤدَى إلا بعد عقد النية
والوضوء وانتقاء الحضور بعيدا عن فرفور الذي مدد رجليه وصنقع للوراء حتى ظننته
يطلب (دِرِب) أو اسطوانة أكسجين ، ظننته ضرب الفيتز فخشيت على من يجاوره في الكنبه.
تلك أغنيات تؤدى في المعابد بعيدا عن مطربي زمن الإنفلونزا والشيالين الأوزبك ناس
الماكنتوش دستم.
حبيبو تالاهون كان جميلا
(حين زيّاني لباس الأمن والروعة والبهاء
توجني برغوة الشمس والعبير والغضب
بخصل من اللهب
وحُلل من الضياء) كما قال ود المكي.

Post: #762
Title: Re: أغاني وأغاني.. للقدامى والمستجدين..
Author: نجوان
Date: 08-31-2009, 10:29 PM
Parent: #761

يعني الواحد يكتب بعد ود المرتضى يقول شنو!
فعلا .. أنا والأشواق لوحة شعرية قاضية..
يا ريت لو كان هناك حلقة ثانية..

التحية لفنان المشاعر الرقيقة الأستاذ محمد ميرغني..

______
يا سلام.. يا دوب التلت من الشهر الكريم
وسالت مشاعر الناس جداول already..

Post: #763
Title: Re: أغاني وأغاني.. للقدامى والمستجدين..
Author: Kamal Karrar
Date: 08-31-2009, 11:57 PM
Parent: #762

Quote: أنا بحري.

أيوه كده...

Post: #764
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 09-01-2009, 00:31 AM
Parent: #763

اليوم العاشر

عصام ومحمد ميرغني والمجموعة

مين فكرك يا حبيبي - اغاني واغاني 2009

http://www.youtube.com/watch?v=SWuWW9xYqjw

Post: #765
Title: Re: أغاني وأغاني.. للقدامى والمستجدين..
Author: طارق جبريل
Date: 09-01-2009, 00:39 AM
Parent: #763

الحلقة كانت حلوة شديد
عجبني شديد طريقة المليجي علي الايقاع
يمين خلاني اتخجخج براي
نقرتو للبنقز براها لوحة
من هنا احيهو وربنا يديهو الصحة

محمد ميرغني اغانيه مليانة شجن ياخ
ذكرنا حاجات قديمة كدة كانت انزلقت الى قاع الذاكرة
ذكرنا الحلة القدامنا دييييييييييييييك
وشارع الدكان داك
والزولة السمراء السمحة ديك

ياخي لمن غنوا ((حنيني اليك)) قربت اقطع تذكرة امشي الحلة ديك
يمين الاغنية دي زي الزبيب في الخشاف

الترتر الفي بنطلون نادر خضر دة ما قدرت افهمو
والملاح الاخضر البي شبت اللابساهو افراح دة يضرس عدييييييييييييل
مع الاعتذار لي حبيبنا ود الموج

Post: #766
Title: Re: أغاني وأغاني.. للقدامى والمستجدين..
Author: محمد عبد الماجد الصايم
Date: 09-01-2009, 01:26 AM
Parent: #765

Quote: بعيدا عن فرفور الذي مدد رجليه وصنقع للوراء حتى ظننته
يطلب (دِرِب) أو اسطوانة أكسجين

Post: #767
Title: Re: أغاني وأغاني.. للقدامى والمستجدين..
Author: طارق ميرغني
Date: 09-01-2009, 01:54 AM
Parent: #766

أنا بحري.

اختنا الممكونه

بالفعل ولاحظوا اجمل حلقات ايه الرابط بينها

حلقة ثنائي العاصمه

حلقة سيد خليفه

حلقة محمد ميرغني

وثم حلقة زيدان

بحرررررررررررررررررررررررري نفر

Post: #768
Title: Re: أغاني وأغاني.. للقدامى والمستجدين..
Author: Alsa7afa_30
Date: 09-01-2009, 02:00 AM
Parent: #766

Quote: نادر خدر اليوم ابداع ،،،

انسجام و تناغم جميل بين ريماز و منار ..

Post: #769
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 09-01-2009, 02:56 AM
Parent: #768

فرفور والمجموعة

اشتقت ليك

Post: #771
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 09-01-2009, 02:58 AM
Parent: #769

منار وريماز - كلمني يا حلو العيون

Post: #772
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 09-01-2009, 03:00 AM
Parent: #771

عاصم البنا والمحموعة

شفتك وابتهجت

Post: #770
Title: Re: أغاني وأغاني.. للقدامى والمستجدين..
Author: سارة علي
Date: 09-01-2009, 02:57 AM
Parent: #768

سلامات نجوان
والباقين..
عاصم عاصم عاصم عاصم....
اظل اردد الشكوي لما لاقيت من وجد
حبيب الروووووح لاااااااا اقوب علي حمل الهوي وحدي..
ياخ محمدية وعاصم عملو شغل جميل جدا مع بعض في الاغنية دي...
ـــــــــــــــــ
معليش انا شغالة بي أثر رجعي ما بقدر اتابع البوست عشان لو سويت كدة حاترفد حاترفد من الشغل..

Post: #773
Title: Re: أغاني وأغاني.. للقدامى والمستجدين..
Author: صديق الموج
Date: 09-01-2009, 03:27 AM
Parent: #770

Quote: لليوم التاني :
حلقة باهتة من ناحية الأداء الغنائي .
بركة في شوية السرد و الحكي المبتسر في حق الجميل محمد أحمد عوض .
....
أفراح دي أكعب مغنية في العالم .. بأشنا حواجب الله خلقهم ( أو خلقتهم هي ) .
عمنا السر بيضحك و يقرقر سبه بلا سبب .. حاجة عجيبة !!!
عصام بالبدلة التريبل إكس أم لون كعب و موضة قديمة .. و كمان صديري ؟ عصام ياخي شنو ياخ ؟؟
....
الله على محمدية و احمودي و اسماعيل و عاصم الطيب و مليجي .. شغل نضيف .

عماد عبد الله....ياوغد
يا اخوى انت عربى ما بتعرفوا تنتقد افراح؟
قوم لف يا بوم...
ما تتصل على تانى،،،

Post: #774
Title: Re: أغاني وأغاني.. للقدامى والمستجدين..
Author: Tayseer Elmobarak
Date: 09-01-2009, 07:16 AM
Parent: #773

تحية للجميع بلا فرز ... و الله مستمتعة بالبوست اكتر من البرنامج نفسه...

Post: #776
Title: Re: أغاني وأغاني.. للقدامى والمستجدين..
Author: Hatim Yousif
Date: 09-01-2009, 07:49 AM
Parent: #774

كيف يعني ..حلقة أو حفلة لـ محمد ميرغني ... بدون مانسمع " أنا والأشواق" ؟؟؟؟؟؟
ياخي دي أجمل أغنيات محمد ميرغني وأجمل أغنيات بحري والخرطوم والسودان ذاته....
...
أي نعم ... نقر .. ونعترف ... الحلقة في مجملها عبارة عن وجبة كاملة الدسم من الطرب السمح ...
بس .... ياخي نحن مستنين " أنا والأشواق" من أول ظهور دعايات الحلقات الجديدة ...

_______
في الحلقات الأخيرة ..عمنا أبوكلام"حقوق الإسم محفوظة لملاسي" ... ماقادر يسوق تسلسل الكلام والشعراء وربطها بالإغنيات ...

______
حزنت على ما حدث لـ صوت محمد ميرغني ...

...

Post: #779
Title: Re: أغاني وأغاني.. للقدامى والمستجدين..
Author: هواري نمر
Date: 09-01-2009, 08:17 AM
Parent: #774

أغاني و أغاني..(البوست)..
أجمل كتير من البرنامج (سيد) الاسم...!!
شكرا لصاحبة البوست..ولكل الزملاء و الزميلات...
ورمضانكم كريم و عيدكم سعيد...
لو لا هذا البوست..لما أستطعنا متابعة الحلقات...فنحن من تلك البلاد البعيدة التي ..لا تزورها قناة (النيل الازرق)..
في مجمل الحلقات هي جميلة.لانها بحد ذاتها..(رفرش) لذاكرة الاغاني و المغنين و الشعراء ,,
وأحداث ما مضي من ايام...و(توثيق ) مهم...لماض بعض الاغنيات و للفنانين..!!
راي شخصي و شخصي بحت:
لماذا التركيز علي مجموعة معينة من الاصوات كل عــــــــــــــــــــــام؟؟
مع كل احترامنا وتقديرنا للاساتذة الموجودين و لكن نسال عن:

محمود عبد العزيز..
خالد الصحافة...
عمار االسنوسي..
عمر جعفر..
عادل مسلم...
فيصل الصحافة..
حيدر بوتسودان...
يحي ادروب...
عبد الكريم ابوطالب..
وليد زاكي الدين....
و الي احر القائمة ...
لمـــــــــــــــــــــاذا غياب العنصر النسائي حتي الان...
امال النور..سمية حسن.....نانسي عجاج... منال بدر الدين...نبوية الملاك..عافية حسن...ايمان توفيق... التومات.. وايضا الخ القائمة؟؟
فالتنوع ..يثري البرنامج و يزيد من الفائدة...ويسمعنا اصوات مختلفة و اذواق متباينة..
لمــــــــــــــــاذا لا يزداد عدد الفرقة الموسيقية الماسية..
بقيادة المايسترو الاستاذ\ محمدية ربنا يديه الصجة و العافية..
واعتقد..
وجود...ساكسفون وبالذات الشاب الساكسفونيست الذي كان مع محموعة (نجوم الغد)..
واوكورديون..
اعتقد بان شكل الفرقة كان من الممكن ان يكون اجمل..
الازياء...
الفرقة الموسيقية...كان من الممكن ان يكون زيها موحدا..
السادة الاساتذة من الفنانين الشباب...
التناسق ما بيم لون الديكور والملبس شي ضروري.
فاذا كان الديكور و الكراسي غامقة لا يمكن ان تلبس مثلها..
ففي حلقة الاستاذ محمد ميرغني..
(قميص) فرفور و لون الكنبة....اقرب شديد للتطابق..

الجلوس ومد الرجلين بي مـــــــــزاج..ويصر السيد المخرج..علي تصويرها...
ملامح بعضهم مرات تبدو اقرب للفضب..وبعض المرات.مرتاحين خالص مع بعض...
وايضا يصر المخرج عليها..او المصور..

لماذا لا تكون هنالك فرصة لادارة الحوار...ومناقشة الفنان الضيف من قبل الفنانين الحاضرين و ايضا من شباب نجوم الفد..
زيادة الرنامج الي 45 دقيقة....كان من الممكن ان تعطي الحلقات ميزات أفضل..واختيارات اجمل للاغاني..
وفرصة اكبر للفنان الضيف كي يقول ما عنده...
_____أجمل ما في البرنامج دخول عنصر الشباب من (نجوم الغد)..فبرغم قلة الفرص,الا أن وجودهم اضاف بعض المرح و روح الشباب للبرنامج

####
عفوا للاطالة...
ونتابع معاكم
واخيرا...هذا راي شخصي بحت و لست بمختص!!
لكم كل الود

Post: #775
Title: Re: أغاني وأغاني.. للقدامى والمستجدين..
Author: sanaa gaffer
Date: 09-01-2009, 07:37 AM
Parent: #773

Quote: اختنا الممكونه..

بالفعل ولاحظوا اجمل حلقات ايه الرابط بينها..

حلقة ثنائي العاصمه ..

حلقة سيد خليفه..

حلقة محمد ميرغني ..

وثم حلقة زيدان ..

بحرررررررررررررررررررررررري نفر ...

وكلنا بنحب بحري ...

وأحلى الناس من بحري ...

Post: #777
Title: Re: أغاني وأغاني.. للقدامى والمستجدين..
Author: نجوان
Date: 09-01-2009, 07:52 AM
Parent: #775

Quote: اختنا الممكونه

بالفعل ولاحظوا اجمل حلقات ايه الرابط بينها

حلقة ثنائي العاصمه

حلقة سيد خليفه

حلقة محمد ميرغني

وثم حلقة زيدان

بحرررررررررررررررررررررررري نفر

زيدان كمان عملتوهو من بحري!

_____
طارق ميرغني.. واحد في الإتنين أثّر عليك
يا الصيام يا الطرب!
(بنصحك ما ترجى ود العباسية لما يرجع)

Post: #780
Title: Re: أغاني وأغاني.. للقدامى والمستجدين..
Author: محمد ابراهيم قرض
Date: 09-01-2009, 09:01 AM
Parent: #777

محمد المرتضى ..
مداخلاتكم قطع فنية تستحق أن يخصصوا
لها متحفا خاصا يرتاده عشاق الطرب
الاصيل لأداء فروض الولاء و الطاعة ..

ثم أنها مداخلات توضح رهافة الحس الفني
فيكم الذي أخاف عليه أن يستثار لدرجة
ما تحتم علينا أن نعقد لكم جلسة (ظار)
طارئة يا مرتضى !!!

Post: #778
Title: Re: أغاني وأغاني.. للقدامى والمستجدين..
Author: abubakr
Date: 09-01-2009, 08:16 AM
Parent: #775

Quote: وأحلى الناس من بحري ...

افراط في الجهوية .. وتضحكو علينا لما نقول حلفا دغيم ولا باريس وتقولو عنصريين .. محن..

Post: #781
Title: Re: أغاني وأغاني.. للقدامى والمستجدين..
Author: عفاف الصادق بابكر
Date: 09-01-2009, 09:13 AM
Parent: #778

سلام يغشاكم كلكم ست البوست .. والمتداخلين ..
والله لكن كان يوم سمح سماحة ..
مباااااالغة عديل كده ..
محمد ميرغني وعاطفة ومعاها حنان شيء عجيب ..
وفي اللحظة ديك أشتقت ليك عديييييل كده من غير لف ودوران ..
غايتو جنس بهجة ولخبطة حلوة كده من الجميع ما حصلت ..
الواحد مرت عليه كده .. لحظات بهجة غريبة خاااااالص ...
يا اخوانا اعذروني محمد ميرغني ده قاعد يعمل فيني لخبطات ما مفهومة ..

وبرجع ليكم تاني ...

بت الصادق

Post: #782
Title: Re: أغاني وأغاني.. للقدامى والمستجدين..
Author: Kamal Karrar
Date: 09-01-2009, 09:13 AM
Parent: #778

Quote: زيدان كمان عملتوهو من بحري!
..

رمضان كريم...

ساكن الحاج يوسف... مع إن من العباسية,...

يعني السكن بحري زي ما بيقولوا

Post: #783
Title: Re: أغاني وأغاني.. للقدامى والمستجدين..
Author: معتصم دفع الله
Date: 09-01-2009, 09:14 AM
Parent: #778

أغنيات محمد ميرغني فيها تطريب وشجن ما عادي ..
كنت أتمنى أن يكون في تنسيق بين المجموعة في مسألة الدخول للأغنية وتسليم الآخر ..
لكن يظهر الشباب كلهم مليانين شجن وعايزين يشاركوا حتى محمد ميرغني نفسه مرات بنلقاهو دخل معاهم ..
منار وريماز عملن شغل جميل ..
وشريف الفحيل الشباب ضيعوهو في النص ..

شنو يا ناس بحري نكسن شمبات
على فكرة أنا سكنت في شمبات الحلة فترة من الزمن ..
وقريت فترة بسيطة في مدرسة بحري الثانوية لا تذكر ..

Post: #784
Title: Re: أغاني وأغاني.. للقدامى والمستجدين..
Author: Kamal Karrar
Date: 09-01-2009, 09:15 AM
Parent: #783

Quote: شنو يا ناس بحري نكسن شمبات
..

معتصم مرحب بيك في بحري...

ويا ريت تجي مربع ( 4 ) شمبات الأراضي...

تحياتي...

Post: #785
Title: Re: أغاني وأغاني.. للقدامى والمستجدين..
Author: Kamal Karrar
Date: 09-01-2009, 09:18 AM
Parent: #778

Quote: افراط في الجهوية .. وتضحكو علينا لما نقول حلفا دغيم ولا باريس وتقولو عنصريين .. محن.. ..

الأخ/ أبوبكر...

رمضان كريم... وحلفا دغيم على العين والرأس...

بحري ما جهوية يا الحبيب... بحري وطن صغير... فيهو كافة قبائل السودان

وبالذات حبايبنا الحلفاويين

Post: #786
Title: Re: أغاني وأغاني.. للقدامى والمستجدين..
Author: طارق ميرغني
Date: 09-01-2009, 10:29 AM
Parent: #785

Quote: شنو يا ناس بحري نكسن شمبات
على فكرة أنا سكنت في شمبات الحلة فترة من الزمن ..
وقريت فترة بسيطة في مدرسة بحري الثانوية لا تذكر ..

يعنيوانا من زمان يا معتصم اقول انت لذيذ كده ليه...؟؟؟

ناس بحري عندهم مغناطيسيه ونوع معين من الملاريا العاطفيه يعني تخش العضم علي طول وتجيك رعشه كلما

تسمع غناوتخليك تستفرغ شعر وتكسر في العضام زيى الحاصل لي صديق الموج ده..

بعدين يا ممكونه انتي بقيتي معارضه ولا شنو ؟؟

زيدان ومنذ التسعينات عندما حرد العباسيه وخت عفش بيتو في الشارع

احتضنته الشقله قرب الحاج يوسف والتي يقطن فيها حتي تاريخه..يعني صار بحراوي صرف

Post: #787
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 09-01-2009, 10:56 AM
Parent: #786

طارق ميرغني سلامات ورمضان كريم

سكن زيدان في الحاج يوسف لا يغير في الأمر شيئا
نحن نعتمد شهادة المنشأ الموثقة لدى جهات الإختصاص..
تتصور الزول دا لم يأت بجديد منذ غادر أمدر جسدا!!
بالله تاني لما تتكلموا عن المدن ما تجيبوا سيرة أمدرمان
أمدرمان ليست مدينة ، أمدرمان حاله ، وكما قال سند
( شمس بعمق الجرح ..
ترقص في عيون الحس ..
تزحف تحت أنسجة الشعور)

Post: #788
Title: Re: أغاني وأغاني.. للقدامى والمستجدين..
Author: نجوان
Date: 09-01-2009, 11:14 AM
Parent: #787

Quote: تتصور الزول دا لم يأت بجديد منذ غادر أمدر جسدا!!
Oouch

Post: #790
Title: Re: أغاني وأغاني.. للقدامى والمستجدين..
Author: abubakr
Date: 09-01-2009, 11:20 AM
Parent: #787

Quote: أمدرمان ليست مدينة ، أمدرمان حاله

بس .. واخيرا وجدت من يشاركني او اشاركه وجهة نظر عن "الحالة امدرمان " ... انها حالة وجدانية عند الكثيرين او معظم من لم يعرف الا امدرمان وطنا صغيرا منذ اتي اجداده اليها ...والفرق بين بين "انا امدرمان انا السودان " و"انا السودان انا امدرمان "

Post: #789
Title: Re: أغاني وأغاني.. للقدامى والمستجدين..
Author: abubakr
Date: 09-01-2009, 11:14 AM
Parent: #785

Quote: بحري ما جهوية يا الحبيب... بحري وطن صغير... فيهو كافة قبائل السودان

ياابني دة كلام هكر ساااي ...الحلفاوي(دة اسمي الجهوي ايام الدراسة يعني حتي سبعينات القرن الماضي ) ما بتفرق معاهو بعدما حلفا غرقت اها حايميين في بلاد الله فوق الكام وتلاتيين سنة ...

Post: #791
Title: Re: أغاني وأغاني.. للقدامى والمستجدين..
Author: Kamal Karrar
Date: 09-01-2009, 11:23 AM
Parent: #789

Quote: ياابني دة كلام هكر ساااي ...الحلفاوي(دة اسمي الجهوي ايام الدراسة يعني حتي سبعينات القرن الماضي )]

أبوبكر يا صديق...

ما يصير خاطرك إلا طيب... أما عن نفسي... فأنا لست جهويا...

أمت بصلة قرابة أو قل نسب بكثير من الأسر الحلفاوية.. وحتى لو لم أكن...

محبتي الأكيدة ليهم ولكل قبائل السودان...

مع خالص إحترامي

Post: #792
Title: Re: أغاني وأغاني.. للقدامى والمستجدين..
Author: mamkouna
Date: 09-01-2009, 12:47 PM
Parent: #791

في بحري سرٌ الهوى.......
و غير بحري مااااا ليٌ دوا.

......

لا لا للجهوية .

..........

Post: #794
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 09-01-2009, 12:55 PM
Parent: #792

اليوم العاشر

شريف الفحيل وفرور ومحمد ميرغني
عاطفة وحنان يا ناس

Post: #826
Title: Re: أغاني وأغاني.. للقدامى والمستجدين..
Author: Kamal Karrar
Date: 09-01-2009, 11:08 PM
Parent: #792

Quote:
في بحري سرٌ الهوى.......
و غير بحري مااااا ليٌ دوا.

......

لا لا للجهوية .

..........

Post: #793
Title: Re: أغاني وأغاني.. للقدامى والمستجدين..
Author: Hussein Mallasi
Date: 09-01-2009, 12:53 PM
Parent: #791

Quote: مدرمان ليست مدينة ، أمدرمان حاله

صدقت .. فهي حالة مستعصية للغاية.

Post: #795
Title: Re: أغاني وأغاني.. للقدامى والمستجدين..
Author: طارق ميرغني
Date: 09-01-2009, 01:05 PM
Parent: #793

Quote: صدقت .. فهي حالة مستعصية للغاية

والله ياملاسي انت راجل فنان وعجيب كمان.... من وين ببتجيب الكلام ده ...؟

المهم كل الطرب وكل الجمال للمشاهدين ولمتابعي البوست

تحيه خاصه للاعزاء محمد المرتضي ونجوان وممكونه الممكونه...

Post: #796
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 09-01-2009, 01:24 PM
Parent: #793

اليوم العاشر

محمد ميرغني ونادر خضر حنيني اليك

حنيني اليك

Post: #797
Title: Re: أغاني وأغاني.. للقدامى والمستجدين..
Author: mamkouna
Date: 09-01-2009, 01:32 PM
Parent: #796

Quote: تتصور الزول دا لم يأت بجديد منذ غادر أمدر جسدا!!

أقترح أن يتبادل زيدان و ملاسي الأمكنة..
عسى أن يأتي أحدهم بجديد.

( وش فرحان بي جديدو )

Post: #798
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 09-01-2009, 02:41 PM
Parent: #797

Quote: صدقت .. فهي حالة مستعصية للغاية.

صدقت .. عصية ورمزا عبقريا ..
للغاية ..

Post: #799
Title: Re: أغاني وأغاني.. للقدامى والمستجدين..
Author: abubakr
Date: 09-01-2009, 05:41 PM
Parent: #798

حلقة اورديحي من غير ضيوف( المصريين بيقولواورديحي للملاح المن غير لحم )
رماز لابسة تركواز
Turquoise

Post: #800
Title: Re: أغاني وأغاني.. للقدامى والمستجدين..
Author: abubakr
Date: 09-01-2009, 05:52 PM
Parent: #799

الموضوع : "النسيم " في الغناء السوداني

اكتر واحد غني للنسيم عمنا عمر البنا

اشهر اغانيه " نسيم الروض زورني في الماسية "

نادر وفرفور في يانسيم الروض

انقطع ارسال النيل الازرق

Post: #801
Title: Re: أغاني وأغاني.. للقدامى والمستجدين..
Author: abubakr
Date: 09-01-2009, 05:55 PM
Parent: #800

انقطاع البث في النيل الازرق صاحبه انقطاع في الفضائية السودانية يبدو انه انقلاب طقس ...وربما هطلت امطار في الخرطوم واتت علي الفضل ...اللهم اعن اهلنا وبلادنا ...

Post: #803
Title: Re: أغاني وأغاني.. للقدامى والمستجدين..
Author: ودالعباسية
Date: 09-01-2009, 05:58 PM
Parent: #801

انقطاع البث التلفزيونى ،،،

Post: #802
Title: Re: أغاني وأغاني.. للقدامى والمستجدين..
Author: فيصل نوبي
Date: 09-01-2009, 05:58 PM
Parent: #800

Quote: انقطع ارسال النيل الازرق

_
مفروض يعيدوها من الاول ...

Post: #804
Title: Re: أغاني وأغاني.. للقدامى والمستجدين..
Author: abubakr
Date: 09-01-2009, 05:58 PM
Parent: #802

سيما اونطة ادونا فلوسنا ....

Post: #805
Title: Re: أغاني وأغاني.. للقدامى والمستجدين..
Author: abubakr
Date: 09-01-2009, 06:00 PM
Parent: #804

باقي لي جماعة هايل هم القطعو الارسال ..

Post: #807
Title: Re: أغاني وأغاني.. للقدامى والمستجدين..
Author: abubakr
Date: 09-01-2009, 06:08 PM
Parent: #805

عاد البث لكن ضاع علينا جزء من الفاصل الاول من البرنامج وغني فيه شريف

الفاصل الثاني :

عصام محمد نور في احدي اغانيه "نسايم الفرحة "

فرفور مبسوطا

Post: #806
Title: Re: أغاني وأغاني.. للقدامى والمستجدين..
Author: ودالعباسية
Date: 09-01-2009, 06:01 PM
Parent: #804

معاودة البث مرة اخري

Post: #808
Title: Re: أغاني وأغاني.. للقدامى والمستجدين..
Author: abubakr
Date: 09-01-2009, 06:13 PM
Parent: #806

امن قليبو الجافي لابو صلاح اداء فردتنا( في بخرة)

عمكم السر في فاصل تحطيب

Post: #809
Title: Re: أغاني وأغاني.. للقدامى والمستجدين..
Author: abubakr
Date: 09-01-2009, 06:16 PM
Parent: #808

لانعرف ان انتهت الحلقة ام انهوها .. عموما خلاص.. بح

Post: #810
Title: Re: أغاني وأغاني.. للقدامى والمستجدين..
Author: ودالعباسية
Date: 09-01-2009, 06:18 PM
Parent: #809

حنكونا الحنك البيش يا خال ،،،

معقول اغنية ودرداقه ،، فى حلقة كاملة ،،

التحكيم فاااااااشل ،، التحكيم فاااااااااشل ،

Post: #811
Title: Re: أغاني وأغاني.. للقدامى والمستجدين..
Author: abubakr
Date: 09-01-2009, 06:43 PM
Parent: #810

Quote: التحكيم فاااااااشل ،، التحكيم فاااااااااشل ،

المدرب افشل .. عايزين مدرب اجنبي باليورو ...

Post: #812
Title: Re: أغاني وأغاني.. للقدامى والمستجدين..
Author: الزوول
Date: 09-01-2009, 07:10 PM
Parent: #811

.

لا أجد تعبيراً خيراً من " حلقة مكوجنة"

.

Post: #813
Title: Re: أغاني وأغاني.. للقدامى والمستجدين..
Author: طارق ميرغني
Date: 09-01-2009, 07:12 PM
Parent: #811

بالفعل هنالك امطار بدات في الهطول بعد الافطار في السودان

Post: #814
Title: Re: أغاني وأغاني.. للقدامى والمستجدين..
Author: mamkouna
Date: 09-01-2009, 07:13 PM
Parent: #811

* الأجواء الخرطومية ترابية كتاحية ممطرة.

* حلقة اليوم بايخة و مملة و مكررة ...
... لولا نجوم دكة الإحتياطي لظننتها من بقايا رمضان الفات.

Post: #819
Title: Re: أغاني وأغاني.. للقدامى والمستجدين..
Author: abubakr
Date: 09-01-2009, 07:31 PM
Parent: #814

Quote: * الأجواء الخرطومية ترابية كتاحية ممطرة.

والحلقة كذلك

Post: #821
Title: Re: أغاني وأغاني.. للقدامى والمستجدين..
Author: ودالعباسية
Date: 09-01-2009, 08:19 PM
Parent: #814

نحن ما فهمنا اي شئ من الحلقة يا ممكونة ،،

غير اغنية يا نسايم لى عصام ،،،

والاغنية الاخيرة عاصم وفرفور

Post: #815
Title: Re: أغاني وأغاني.. للقدامى والمستجدين..
Author: mamkouna
Date: 09-01-2009, 07:13 PM
Parent: #811

عفواً مكرر
..........

Post: #816
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 09-01-2009, 07:20 PM
Parent: #815

ليصححني الأطباء ،
قيل أنك إذا شعرت بألم شديد في صدرك يمتد إلى عظامك والفك
فتلك أعراض نوبة قلبية ، عليك أن تأخذ نفسا عميقا وتكح بقوة
وبدون توقف وتكرر ذلك ريثما تصل أقرب مستشفى في خلال
عشرة دقائق هي المدة الفاصلة بين بداية الحالة والغيبوبة ،
لكن الأهم من ذلك الإبتعاد عن مشاهدة حركات الزول الفي
أغاني وأغاني الماحافظ شي داك ، وإشاحة الوجه عن
تلك التي ترتدي ملابسا ككبسولة التتراسايكلين.
الوقاية خير من العلاج.

Post: #818
Title: Re: أغاني وأغاني.. للقدامى والمستجدين..
Author: abubakr
Date: 09-01-2009, 07:30 PM
Parent: #816

Quote: ليصححني الأطباء ،
قيل أنك إذا شعرت بألم شديد في صدرك يمتد إلى عظامك والفك
فتلك أعراض نوبة قلبية ، عليك أن تأخذ نفسا عميقا وتكح بقوة
وبدون توقف وتكرر ذلك ريثما تصل أقرب مستشفى في خلال
عشرة دقائق هي المدة الفاصلة بين بداية الحالة والغيبوبة ،
لكن الأهم من ذلك الإبتعاد عن مشاهدة حركات الزول الفي
أغاني وأغاني الماحافظ شي داك ، وإشاحة الوجه عن
تلك التي ترتدي ملابسا ككبسولة التتراسايكلين.
الوقاية خير من العلاج.

الاخ طبيب زائر ؟؟؟

Post: #820
Title: Re: أغاني وأغاني.. للقدامى والمستجدين..
Author: جلال جبريل
Date: 09-01-2009, 07:33 PM
Parent: #816

Quote: تلك التي ترتدي ملابسا ككبسولة التتراسايكلين.

هوي ود المرتضى

هو برا التتراسايكلين في علاج للإلتهابات الماسكانا دي

Post: #817
Title: Re: أغاني وأغاني.. للقدامى والمستجدين..
Author: جلال جبريل
Date: 09-01-2009, 07:23 PM
Parent: #815

ياعمنا السر قدور "أبو العباس"

Post: #822
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 09-01-2009, 08:22 PM
Parent: #817

Quote: هو برا التتراسايكلين في علاج للإلتهابات الماسكانا دي

؟ Et tu, Brute

Post: #823
Title: Re: أغاني وأغاني.. للقدامى والمستجدين..
Author: سارة علي
Date: 09-01-2009, 10:00 PM
Parent: #822

يا فرحة ماتمت شالها الغراب وطار
هسه لمن قلتو لي انو الارسال قطع فرحتا قلتا انقلاب..
طلع انقلاب رباني..

غايتو الحمد لله..
المهم ...عاصم غني شنو؟؟
لبستو اللابسه في الحلقة دي شفناه بيها هنا في حفلتو..
ولا تعليق..طبعا خوفا من ملاسي..
والدنيا رمضان ...
ــــــــــــــــ
حليل امدر حليل ناسا...

Post: #824
Title: Re: أغاني وأغاني.. للقدامى والمستجدين..
Author: نجوان
Date: 09-01-2009, 10:29 PM
Parent: #823

مساكم سعيد يا حبان..

فعلا ما فهمنا شيء .. الأغنية الأخيرة كانت موفقة
لكن البخرات تدخّلت في التلقائية وانسيابية الأغنية..
قدامهم البخرة ومعاناة شديدة في قراءتها..

يعني ان كان لابد منها فخلوها مستترة شوية..
وعلى كل حال.. الحرفنة ركن أساسي في ثقافة البخرات
دونها تصبح البخرة كارثة وقوعها حتمي ..

ما عرفنا الأزمة براءة شديدة في استخدام البخرة..
ضعف نظر.. أو انهم ما بعرفوا يقروا من الأساس!
(عاصم وجيمي)

_____
نشوف اليوم الـ 12
واتوقّعه تعويضي رائع

قولوا آميــــن

Post: #828
Title: Re: أغاني وأغاني.. للقدامى والمستجدين..
Author: abubakr
Date: 09-02-2009, 00:53 AM
Parent: #824

Quote: قدامهم البخرة ومعاناة شديدة في قراءتها..

يانجوان بالرغم من التكنلوجيا الكثيرة ومرمية هبطرش في كل كورنر المخرج ما سمع بالبخرات الاليكترونية ...اها ما شافو البقدمن الاخبار مثلا في فضائيات العالم بيقرن الاخبار والتقول بيحفظنا ... جنس محن

Post: #825
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-01-2009, 10:36 PM
Parent: #823

الحلقات التى استضيف فيها فنان

كانت متميزة

باقى الحلقات
نرجع ابوصلاح والعبادى والبنا

طبعا اغانى الحقيبةشكلت وجدانا كلنا

لكنها اخذت نصيبا منذ زمن طويل فى الاذاعةوالتلفاز

كنت اتمنى حلقات
عن
وردى
ود الامين
الجابرى
عبدالدافع
التاج مصطفى
بادى
البلابل
ابراهيم موسى
الخالدى
عركى
خوجلى عثمان
العاقب محمد حسن
الكابلى

Post: #827
Title: Re: أغاني وأغاني.. للقدامى والمستجدين..
Author: طارق ميرغني
Date: 09-01-2009, 11:53 PM
Parent: #825

نسيم عصام محمد نور في الميلوديه تشبه لحدما اغنية الجابري

انت يا قلبي المتيم كنت خالي

Post: #829
Title: Re: أغاني وأغاني.. للقدامى والمستجدين..
Author: abubakr
Date: 09-02-2009, 00:56 AM
Parent: #825

Quote: باقى الحلقات

مافيهاش زفر اورديحي ياقريبي

Post: #830
Title: Re: أغاني وأغاني.. للقدامى والمستجدين..
Author: الزوول
Date: 09-02-2009, 05:51 AM
Parent: #829

السلام عليكم
....
شاعرنا ود وداعة
الليله مالك مسجل غياب
إن لأهل أمريكا ومن لف لفهم عليك حقاً
عموماً أنا سجلت الإعادة عشان حتة قطعة الكهرباء بس لسه ما شفتها
....
جلال جبريل
ما فهمت حاجة من مداخلتك الفيها صورة الرسام
وفيها
Quote: ياعمنا السر قدور "أبو العباس"

.....
طارق ميرغني
ملاحظتك في السلك ... المقدمة فعلاً تطابق أغنية أحمد الجابري
....
الباش ..أبوبكر

حسب ما عندنا من مقدمة البرنامج
فضل لينا شنومن المناظر ما جابوهو لسه؟

...

Post: #831
Title: Re: أغاني وأغاني.. للقدامى والمستجدين..
Author: abubakr
Date: 09-02-2009, 06:21 AM
Parent: #830

Quote: فضل لينا شنومن المناظر ما جابوهو لسه؟

صباحك سعيد يالزوول ...
حلقة مع شاعر وحلقة مع مطرب (عبد العزيز المبارك)

Post: #832
Title: Re: أغاني وأغاني.. للقدامى والمستجدين..
Author: نجوان
Date: 09-02-2009, 06:33 AM
Parent: #831

Quote: حلقة مع شاعر وحلقة مع مطرب (عبد العزيز المبارك)
صباح الخيرات..
تكون مشكلة اذا الضيوف شطبّوا من أول عشرة أيام
وباقي الشهر أورديحي يا قولك يا باش..

____
حد يعرف: هل تمّ الإنتهاء من تسجيل جميع حلقات البرنامج قبل رمضان؟

Post: #835
Title: Re: أغاني وأغاني.. للقدامى والمستجدين..
Author: صديق الموج
Date: 09-02-2009, 06:43 AM
Parent: #832

Quote: انقطاع البث في النيل الازرق

ابوبكر...سلام

ناس ماعندها نظر
انا كان من المخرج بمجرد ما قطعت الكهرباء
اوصل من جضيمات افراح دى
وحاتك البث كان وصل الواق الواق
قادر الله يا اخوانى
احى انا من رمضان...
والله كان ما الصيام ده
كان تشوفوا شوف!!!!
حاشية يسقط ابوبكر ووجن ودانيا المكى،،،،

Post: #836
Title: Re: أغاني وأغاني.. للقدامى والمستجدين..
Author: حبيب نورة
Date: 09-02-2009, 06:53 AM
Parent: #835

0

Post: #833
Title: Re: أغاني وأغاني.. للقدامى والمستجدين..
Author: هواري نمر
Date: 09-02-2009, 06:37 AM
Parent: #831

اها...
وفي الانتظــــــــــار...

Post: #834
Title: Re: أغاني وأغاني.. للقدامى والمستجدين..
Author: Manar Mahsoub
Date: 09-02-2009, 06:39 AM
Parent: #831

بركة انى ما شفت حلقة امبارح ...

و ريحت نفسى من رفعة الراس و الاسبيراااات ..و السوق الشعبى ...و هااااااااايل ...اضعف دعايتين هايل و ثلاجة سامسونج .... ما عارفه تقول جايبين سعد الدين مذيع النيل الازرق عامل ليهم الدعاية

Post: #837
Title: Re: أغاني وأغاني.. للقدامى والمستجدين..
Author: maia
Date: 09-02-2009, 07:23 AM
Parent: #834

الغريبة باقي القنوات كانت شغالة عادي رغم اجوءا المطر والرعد والبرق
الا النيل الازرق!!!
والحلقة زي كان زمنها قصير ، ياربي تضامنا مع الاجواء الخرطومية المعكرة!!

بالله في اللحظة الاول مرة اشوف نادر خضر خارج حدود الحبشنة ( ويا حبيبو) وبدأ يتجلى في نسايم الروض
كانما ابى القدر الا ان يختفي الارسال ويختفي التجلي

يبدو محكوم علينا بس نشوف الجانب المحبشن لاسلوب نادر خضر

ملاحظة صغيرونة .. افراح بملابسها الزاهية بقت بتذكرني بعلبة الوان الشمع الزمان كنا بنستعملها في الابتدائي

اللهم لا اعتراض في حكمك يا رب

Post: #838
Title: Re: أغاني وأغاني.. للقدامى والمستجدين..
Author: صديق الموج
Date: 09-02-2009, 07:44 AM
Parent: #837

Quote: ملاحظة صغيرونة .. افراح بملابسها الزاهية بقت بتذكرني بعلبة الوان الشمع الزمان كنا بنستعملها في الابتدائي

maia...رمضان كريم

يا اختى ورينا شغلك ده نبذ والا شكر عشان نعرف نرد،،،

Post: #839
Title: Re: أغاني وأغاني.. للقدامى والمستجدين..
Author: maia
Date: 09-02-2009, 07:55 AM
Parent: #838

عمنا صديق الموج

رمضان كريم وتصوم وتفطر على خير

والله قبل ما اقرا مداخلتك قلت نسيت اكتب مع اعتذاري لعمنا صديق الموج

لكن بالامانة والله الزولة دي قربت تبقا علبة الوان
( قربت دي عشان ما تزعل لانه في الحقيقة هي اكتر من علبة الالوان بشوية)

اها ده ما نبذ يا عمنا العزيز لكن هجاء ! ( وش ضاحك)

Post: #840
Title: Re: أغاني وأغاني.. للقدامى والمستجدين..
Author: صديق الموج
Date: 09-02-2009, 08:03 AM
Parent: #839

Quote: والله قبل ما اقرا مداخلتك قلت نسيت اكتب مع اعتذاري لعمنا صديق الموج

maia.....بت اختى الله يجبر بخاطرك
ده المدح فيما يشبه الذم!!
بافى نحن من جيل كان عنده علبة الالوان دى من اجمل الاشياء
غايتو الفيك انعرفت..
لكن ما اشوفك بى جاى تانى،،،

Post: #841
Title: Re: أغاني وأغاني.. للقدامى والمستجدين..
Author: معتصم الطاهر
Date: 09-02-2009, 09:29 AM
Parent: #840

الموج يا عمك ..

البنية خذلتك

غير لرماز .. عشان ما نشك فى ذوقك ..

أصلوا البكا حاصل الله يجيب ( العافية) ..

Post: #842
Title: Re: أغاني وأغاني.. للقدامى والمستجدين..
Author: omer osman
Date: 09-02-2009, 10:06 AM
Parent: #841

قال صديق الموج :

Quote: انا كان من المخرج بمجرد ما قطعت الكهرباء
اوصل من جضيمات افراح دى
وحاتك البث كان وصل الواق الواق

وقال محمد بشير عتيق :

كوكب منزه في علوك سحرك قريب

شخصك بعيد او كان قريب

انواره آخذه بلا سلوك

يبرق ثناك في غيهب الليل الحلوك

اظرف شمايلك زاملوك وهم اكملوك

ادبك هبة فيك موهبة شكل الظبا

وطبع الملوك

Post: #843
Title: Re: أغاني وأغاني.. للقدامى والمستجدين..
Author: معتصم دفع الله
Date: 09-02-2009, 10:16 AM
Parent: #841

Quote: معتصم مرحب بيك في بحري...
ويا ريت تجي مربع ( 4 ) شمبات الأراضي...
رمضان كريم يا كمال كرار ..
أعز أصدقائي في شمبات جنوب وإسمه حسام ..
يا زول مافي أي مانع نجيكم تب ..

تحياتي وسلامي ..

Quote: يعني وانا من زمان يا معتصم اقول انت لذيذ كده ليه...؟؟؟
ناس بحري عندهم مغناطيسيه ونوع معين من الملاريا العاطفيه يعني تخش العضم علي طول وتجيك رعشه كلما
تسمع غناوتخليك تستفرغ شعر وتكسر في العضام زيى الحاصل لي صديق الموج ده..
بحري حلاوة يا باشمهندس طارق ..
كنت أقضي فيها معظم وقتي ..
وحتى حين كنا نريد أن نذهب للسينما كنا نذهب للوطنية بحري أو الحلفايا ..
وما أدراك ما كازينو النيل الأزرق زمااان ومهرجان الموسيقى ..
وحاجات كثيرة في الذاكرة ..

لك ولأهل بحري كل الحب والتقدير ..

يعاد برنامج أغاني وأغاني بعد الساعة الواحدة صباحاً ودا طبعاً للناس البساهروا ..
يعني ناس عمنا صديق الموج ديل يمشوا ينوموا بدري عشان يقوموا لصلاة الصبح

شايف حلقة أمس دي ما لقت قبول عندكم ..
الحلقة كانت عن النسيم وما أدراك ما النسيم ..
وتصدرها شاعر النسيم الراحل عمر البنا ..
وتغنى أيضاً عصام محمد نور بأغنيته يا نسائم وكانت الأغنية الوحيدة الجديدة والباقي من الحقيبة ..
نسيم الروض زورني في الماسية وجيب لي الطيب من جناين آسيا وأنعش روحي ..

ولا عزاء لرابطة معجبي أفراح عصام لأنها كانت موجودة وغائبة

Post: #845
Title: Re: أغاني وأغاني.. للقدامى والمستجدين..
Author: نجوان
Date: 09-02-2009, 10:29 AM
Parent: #843

Quote: حلقة مع شاعر وحلقة مع مطرب (عبد العزيز المبارك)
أعتقد يا باش
برضو شفنا الفنان إبراهيم حسين في دعاية البرنامج..

_____
شكرا معتصم دفع الله..
الناس أمبارح إجتمعت عليها اتنين: إعلانات وقطع ارسال..
خبطتين في الراس توجع،
او كما قال..

Post: #850
Title: Re: أغاني وأغاني.. للقدامى والمستجدين..
Author: abubakr
Date: 09-02-2009, 12:38 PM
Parent: #845

Quote: برضو شفنا الفنان إبراهيم حسين في دعاية البرنامج..

يانجوان دة فنان مهم جدا ... يبدو ان الفيوزات كانت ضاربة الصباح ولذا الامنيزيا اشتغلت فنسيت ابراهيم حسين والسر دوليب كمان ...

Post: #844
Title: Re: أغاني وأغاني.. للقدامى والمستجدين..
Author: maia
Date: 09-02-2009, 10:27 AM
Parent: #841

Quote: البنية خذلتك

غير لرماز .. عشان ما نشك فى ذوقك ..

أصلوا البكا حاصل الله يجيب ( العافية) ..

عمنا صديق الموج امسك في النصحية دي تمام

صدقني بتكم دي حتخذلكم ( في اقوال اخرى خذلتكم واللي كان كان )

Post: #846
Title: Re: أغاني وأغاني.. للقدامى والمستجدين..
Author: Hussein Mallasi
Date: 09-02-2009, 10:52 AM
Parent: #844

حركة قدور بالعصا حركة صالونات تمام

Post: #847
Title: Re: أغاني وأغاني.. للقدامى والمستجدين..
Author: معتصم دفع الله
Date: 09-02-2009, 11:35 AM
Parent: #846

Quote: حركة قدور بالعصا حركة صالونات تمام
والعجب الضحكة يا ملاسي
رمضان كريم تصوم وتفطر على خير ..

كيفك يا نجوان..
أعتقد أن الأحوال الجوية كان لها دور في ذلك لأن الأمطار كانت تهطل بكثرة في هذا الأثناء ..
أعتقد بأن هنالك حلقة مع الفنان إبراهيم حسين ودي ح تكون الأجمل من بين الحلقات ..
غايتو أنا في إنتظار حلقة السر دوليب ومحمد يوسف موسى ..
مزاج كده بس لأنها ح تكون حلقة الشجن ..

Post: #848
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-02-2009, 11:39 AM
Parent: #846

الاستاذ صديق الموج وحبيب نوره
بهديكم
قلبي انت ياطيب ==== من زمن عيان وانت ماك طيب

قلت ياصديق يوصلوا الكهرباء من وين .................................... ها ها ها

ــــــــــــــــــــــــــــــ
تعليقك جميل انت وحبيب نوره وعاملين زي كاكا ورونالدينو في البرازيل

Post: #849
Title: Re: أغاني وأغاني.. للقدامى والمستجدين..
Author: حسن سنوسى
Date: 09-02-2009, 12:02 PM
Parent: #848

شكرا يا نسيم اخبارك وافية..
والله حبيبو امبارح نافس المحلق فى اداء الاغنية
وطبعاً المحلق (ود البادية) اشهر من يؤدىها
فقدناه السنة دى وفقدنا بخؤاته الشهيرة

Post: #851
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 09-02-2009, 12:42 PM
Parent: #849

Quote: مافيهاش زفر اورديحي ياقريبي

يعني شنو؟

Post: #852
Title: Re: أغاني وأغاني.. للقدامى والمستجدين..
Author: mamkouna
Date: 09-02-2009, 01:46 PM
Parent: #851

Quote: مافيهاش زفر اورديحي ياقريبي

Quote: يعني شنو؟

يعني زي أكل المستشفيات...
healthy but not tasty

Post: #854
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 09-02-2009, 02:22 PM
Parent: #852

Quote: يعني زي أكل المستشفيات...
healthy but not tasty

إن كان الباش يتحدث عن حلقة الأمس فهي
لم تكن حلقة ، ممكن نقول ربع حلقه ،
كما أنها لم تكن هيلثي ولا تيستي ،
حاجه كده مافي ليها داعي ،
زي جهاز المغتربين.

Post: #855
Title: Re: أغاني وأغاني.. للقدامى والمستجدين..
Author: abubakr
Date: 09-02-2009, 02:54 PM
Parent: #851

Quote: يعني شنو؟

دة مشكلة الغير نوبيين من الرجالة انو ما بيعرفو حاجة في المطبخ ...يعني طبيخ من غير لحمة ...موية وبصل ويمكن طماطم سااااي

Post: #856
Title: Re: أغاني وأغاني.. للقدامى والمستجدين..
Author: abubakr
Date: 09-02-2009, 02:57 PM
Parent: #846

Quote: حركة قدور بالعصا حركة صالونات تمام

هو كدة ياحسين لانو بيحطب وهو قاعد ...

Post: #857
Title: Re: أغاني وأغاني.. للقدامى والمستجدين..
Author: إبراهيم عبد الحليم
Date: 09-02-2009, 04:21 PM
Parent: #856

أستاذنا الجميل طارق ميرغنى
Quote: ونوع معين من الملاريا العاطفيه يعني تخش العضم علي طول وتجيك رعشه كلما

تسمع غناوتخليك تستفرغ شعر وتكسر في العضام

كلام إبداع قلبت فيهو هوببببببة عديييل
هل ترى من أثار رمضان
كتر لينا من هذا الصيام أقصد هذا الكلام

معليش تخريمة مع معرفتى بحبك لأداء عاصم البنا ولكن فى نظرى الشخصى وقد أكون مخطئ فأن عاصم بعد نهاية هذه الحلقات بنهاية رمضان أكتر واحد عليه أن يراجع أداءه أى نعم الأحترافية موجودة ولكن بتقليدية شديدة هل ستكفى للمستقبل الله أعلم

إبراهيم عبد الحليم

Post: #858
Title: Re: أغاني وأغاني.. للقدامى والمستجدين..
Author: إبراهيم عبد الحليم
Date: 09-02-2009, 04:31 PM
Parent: #857

الأخوة فى هذا البوست المميز
لكم التحية وخليتونى من مدمنى هذا البوست براى بكون خشيتوا زى كم مية مرة وعاجبنى بتاع البيز والثنائية البين محمدية والتانى بتاع الكمنجة أفتكر أسمه أسماعيل جدا

لاحظ نجوم الغد يمين عمنا السر قدور عندهم خامات صوتية ما شاء الله بقليل من الصقل والعلم بيفوتوا توش لاحظت شريف الفحيل بينزل بهدوء فى الغليظ وبيصعد بأرتياح فى الحاد
كذلك ألاحظ أفراح ذات لونية غريبة ولكن محببة
ألخ

بشجع اللعبة الحلوة

إبراهيم عبد الحليم

Post: #859
Title: Re: أغاني وأغاني.. للقدامى والمستجدين..
Author: الزوول
Date: 09-02-2009, 04:39 PM
Parent: #857

السلام عليكم

....
لأن تأتي متأخراً ...خير من الا تأتي أبداً
...
الأغنية التي قطعت الكهرباء في اليوم الحادي عشر
ريماز ميرغني ونسايم الليل
براً بناس أمريكا ومن لف لفهم
....

Post: #860
Title: Re: أغاني وأغاني.. للقدامى والمستجدين..
Author: الزوول
Date: 09-02-2009, 04:58 PM
Parent: #859

السلام عليكم
......
اليوم الحادي عشر
شريف الفحيل ونسايم الليل
......

........
.........

Post: #861
Title: Re: أغاني وأغاني.. للقدامى والمستجدين..
Author: صديق الموج
Date: 09-02-2009, 05:18 PM
Parent: #860

Quote: قلت ياصديق يوصلوا الكهرباء من وين .................................... ها ها ها

وليد عبد اللطيف.....رمضان كريم

الحمد لله الادانا لسان نتحدث بيه نيابة عن ناس كتار
مقطعنوا فى حنانهم.....
عالم جبانات بشكل...

Post: #864
Title: Re: أغاني وأغاني.. للقدامى والمستجدين..
Author: الزوول
Date: 09-02-2009, 05:40 PM
Parent: #860

.

السلام عليكم

...
أغاني وأغاني اليوم الحادي عشر

نادر خضر ...نسيم الروض
...

....

Post: #862
Title: Re: أغاني وأغاني.. للقدامى والمستجدين..
Author: abubakr
Date: 09-02-2009, 05:29 PM
Parent: #840

Quote: لكن ما اشوفك بى جاى تانى،،،

كيفن الكلام دة يا ودالموج..؟؟ اها مراعاة لشعورك الرهيف ! بقيت ارسل ليك صور افراح الاحمر والازرق والبني لحد ما خلينا المنبر chocolate box دحين تقول لقريبتي كدة .. اها شوف البصورليك تاني ..

Post: #863
Title: Re: أغاني وأغاني.. للقدامى والمستجدين..
Author: abubakr
Date: 09-02-2009, 05:37 PM
Parent: #862

ضيف الحلقة شاعر

Post: #865
Title: Re: أغاني وأغاني.. للقدامى والمستجدين..
Author: abubakr
Date: 09-02-2009, 05:40 PM
Parent: #863

الصبايا لابسات تياب ...

Post: #867
Title: Re: أغاني وأغاني.. للقدامى والمستجدين..
Author: abubakr
Date: 09-02-2009, 05:50 PM
Parent: #865

الموضوع العيون

ياعيني تعاينن

الصبايا
تحية لشاعر العيون عبدالله النجيب

Post: #866
Title: Re: أغاني وأغاني.. للقدامى والمستجدين..
Author: Ahmed al Qurashi
Date: 09-02-2009, 05:41 PM
Parent: #862

Quote: healthy but not tasty

ممكونه ازيك

دا كان زمان , لكن اكل المستشفيات البنعرفوا لا هيلثى ولا تستى

دا لو كان فى اكل فى المستشفيات اصلو

Post: #868
Title: Re: أغاني وأغاني.. للقدامى والمستجدين..
Author: abubakr
Date: 09-02-2009, 05:55 PM
Parent: #866

عصام محمد نور في عيوني عيونك اسباب لوعتي

Post: #869
Title: Re: أغاني وأغاني.. للقدامى والمستجدين..
Author: abubakr
Date: 09-02-2009, 06:03 PM
Parent: #868

اهوي العيون السودا

نادر خضر

Post: #870
Title: Re: أغاني وأغاني.. للقدامى والمستجدين..
Author: abubakr
Date: 09-02-2009, 06:16 PM
Parent: #869

صدقت العيون
سبب شهرة عبدالله النجيب

لعصام احمد الطيب (واخيرا)

Post: #871
Title: Re: أغاني وأغاني.. للقدامى والمستجدين..
Author: abubakr
Date: 09-02-2009, 06:21 PM
Parent: #870

فردتنا في "من بهاك" (في بخرة)

Post: #872
Title: Re: أغاني وأغاني.. للقدامى والمستجدين..
Author: الطيب شيقوق
Date: 09-02-2009, 06:25 PM
Parent: #871

كاميرا خجولة وضنينة جدا جدا جدا

نطالب بالاشفافية والنزاهة في التصوير

Post: #875
Title: Re: أغاني وأغاني.. للقدامى والمستجدين..
Author: omer osman
Date: 09-02-2009, 06:32 PM
Parent: #872

عصام محمد نور في عيونك كانو في عيوني ما بطال ......... بس لو تسمعوا الأغنية دي بصوت الفنان الرائع فيصل الصحافة

وياريت لو زول عندوا تسجيل ليها بصوت فيصل عشان تامنو بالغناء الصاح

Post: #879
Title: Re: أغاني وأغاني.. للقدامى والمستجدين..
Author: abubakr
Date: 09-02-2009, 07:04 PM
Parent: #872

Quote: كاميرا خجولة وضنينة جدا جدا جدا

الكميرا اتكسفت من البخرات

Post: #873
Title: Re: أغاني وأغاني.. للقدامى والمستجدين..
Author: abubakr
Date: 09-02-2009, 06:30 PM
Parent: #871

عيونك كانو في عيوني

عصام محمد نور

في بخرة

Post: #876
Title: Re: أغاني وأغاني.. للقدامى والمستجدين..
Author: ودالعباسية
Date: 09-02-2009, 06:32 PM
Parent: #873

فرفور مافى ولا شنو ،،،

Post: #878
Title: Re: أغاني وأغاني.. للقدامى والمستجدين..
Author: abubakr
Date: 09-02-2009, 07:01 PM
Parent: #876

Quote: فرفور مافى ولا شنو ،،،

مافي .. البخرة ضاعت فقال احسن ما يضيع هو كمان

Post: #874
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 09-02-2009, 06:31 PM
Parent: #869

على ممكونه غورباتشيف ، في برنامجها الإصلاحي الراديكالي ، أن تأخذ في الإعتبار
توريد إبره وخيت ، لزوم كفّة البنطلون ، وبالطبع موضوع (الشراريب) تم إدراجه
وتكفل به معتصم دفع الله (العريس القديم).

Post: #877
Title: Re: أغاني وأغاني.. للقدامى والمستجدين..
Author: الطيب شيقوق
Date: 09-02-2009, 06:34 PM
Parent: #874

دى الشغل ولا بلاش - كنت مضيع وقتنا بالمسكولات

Post: #880
Title: Re: أغاني وأغاني.. للقدامى والمستجدين..
Author: صديق الموج
Date: 09-02-2009, 07:16 PM
Parent: #877

ده كلو كوم وبتنا بالتوب الاحمر
كووووم براه..
مووووووووووووووووت احمر
وجن احممممممممممممممممممممممممر
ونار حمراء...
وحات عويناتك ديل بالاحمر شهيتينا جهنم...
اين صلاح شتتتتتتتتتتتتتتتتتتتتتتات؟؟؟

Post: #881
Title: Re: أغاني وأغاني.. للقدامى والمستجدين..
Author: maia
Date: 09-02-2009, 07:18 PM
Parent: #877

قريبنا ابوبكر

غايتو صور افراح بالتوب الاحمر دي ثبتت لي فكرة علبة الوان الشمع تماما ، حالة اقرب للصبحية
( حسه عمنا صديق الموج يزعل ويعلن الجهاد علينا )

الشاعر عبدالله النجيب ما اخد فرصته الكافية في الكلام

عصام محمد نور ابدع في عيونك كانوا في عيوني ، رغم اني بثني الراي بتع انه اكثر من ابدع فيها هو الفنان فيصل الصحافة ، لكن ما بمنع انه عصمام محمد نور صوته مليان شجن وحنين وقدمها بشكل جميل

نادر خضر الليلة مالو ؟ زي العاوز يعوض انقطاع البث امبارح وحالة التجلي الكانت في اغنية نسيم الروض
جاري نفس طويل ، زكرني يا ليل يا عين وموشحات صباح فخري

الحلقة كان يسودها الهدوء الاقرب للنعاس يبدو انه انقطاع البث اثاره ما زالت متواصلة

Post: #903
Title: Re: أغاني وأغاني.. للقدامى والمستجدين..
Author: abubakr
Date: 09-03-2009, 06:26 AM
Parent: #881

Quote: حالة اقرب للصبحية

عجيبة ونجوان قالت "بلدي اوي " .... ان نقدكن عظيم

Post: #882
Title: Re: أغاني وأغاني.. للقدامى والمستجدين..
Author: بابكر التوم
Date: 09-02-2009, 07:21 PM
Parent: #877

حلقة لابأس ...

تميل الى الجمال اكثر ماأعجبنى فى الحلقة تواصل جميل وارتياح من الفنان الجميل عصام محمد نور

مع مبدعى كنبة الاحتياطى تحس بانسجام بينهم ساهم فية عصام ,,,

التحية لصديقى عمر القصاص مايسترو الفرقة اليوم افرد لة المخرج مساحة هو وصاحب الصوت الشجى ..

شبل الاسرة الفنية للمرحوم أحمد الطيب الذى اشجانا بصوت متفرد من والدة وشقيقة عماد ...

برغم تحفظاتنا بترديد اغانى الحلقات للمواسم السابقة ابدع عصام فى أغنية عيونى وعيونك ...

نادر خضر يخطو بثبات فى هذا الموسم ....

فى انتظار افراد مساحة من المخرج للجندى المجهول البارع محمد بشير عازف البيز جيتار ....

Post: #883
Title: Re: أغاني وأغاني.. للقدامى والمستجدين..
Author: طارق ميرغني
Date: 09-02-2009, 07:22 PM
Parent: #877

Quote: معليش تخريمة مع معرفتى بحبك لأداء عاصم البنا ولكن فى نظرى الشخصى وقد أكون مخطئ فأن عاصم بعد نهاية هذه الحلقات بنهاية رمضان أكتر واحد عليه أن يراجع أداءه أى نعم الأحترافية موجودة ولكن بتقليدية شديدة هل ستكفى للمستقبل الله أعلم

اخي الفنان ابراهيم عبد الحليم يعجبني في اداء عاصم البنا قوة الصوت وعدم خوفه من الدخول في مزالق السلالم وغيرها

رغم حساسيتي الشديده من معظم اولاد البنا" طربا " .

وبخصوص الاحترافيه لا اعتقد ان في هؤلاء الشباب من عنده من اعماله الخاصة ان يصل تلك المرحلة عدا عصام محمد نور

ايضا وبكل وضوح رغم جمال صوت عصام محمد نور واعجاب الكثيرين به الا انني لا اعجب بالنياصه والثقه اكتر من اللزوم

قصدي الحتات التي يشعر فيها الفنان بانه وصل.....

اما يا صديق الموج اللمبه بتاعتك طلعت فانوس ساكت....وميه وعشره كمان ما متين وعشرين!!!

Post: #884
Title: Re: أغاني وأغاني.. للقدامى والمستجدين..
Author: نجوان
Date: 09-02-2009, 07:37 PM
Parent: #883

"بهاك"..
وقلبي في يدّي..

هذه من أغنيات ابن البادية الجميلة جدا..
ولما يغنيها مع فرقته الخطيرة، تثمل الدنيا طربا..

فردتنا كان حذر.. واوكيه فيها..
لم يتجلّى.. ولم يبهدل الأغنية..
كان ماشي جنب الحيط يعني

____
Quote: ايضا وبكل وضوح رغم جمال صوت عصام محمد نور واعجاب الكثيرين به الا انني لا اعجب بالنياصه
أتفق معك في هذه طارق ميرغني..

____
افراح بتوب الجرتق..
بلدي أوي..

Post: #885
Title: Re: أغاني وأغاني.. للقدامى والمستجدين..
Author: abubakr
Date: 09-02-2009, 07:55 PM
Parent: #884

Quote: افراح بتوب الجرتق..
بلدي أوي..

وانا مالي .. الحق ياعمك ود الموج

Post: #886
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-02-2009, 08:16 PM
Parent: #885

اغانى واغانى

برنامج لم ينجح فى تقديم صورة شاملة للغناءالسودانى

قدور
حصرالغناء
فى تجربة الحقيبة
ثم ما يسمى بالغناء الحديث
والذى لم يخرج كثيرا عن قوالب الحقيبة

تجارب جديدة فى الغناء السودانى لا تجد حظها بالرغم من اهميتها

مثال
غناءالفرق الجماعية
عقدالجلاد
ساورا
البالمبو

تجربةمصطفى سيد احمد
وتجربة الشعرالغنائى المختلف عند
القدال
حميد
الكتيابى
السرعثمان
محمد نجيب محمد على
التجانى سعيد
سعد الدين ابراهيم
عاطف خيرى

قدوروفى جدا لمن عاصرهم والاصدقاء

ولكن الغناءالسودانى اشمل واجمل من ذلك بكثير

Post: #887
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-02-2009, 08:16 PM
Parent: #885

اغانى واغانى

برنامج لم ينجح فى تقديم صورة شاملة للغناءالسودانى

قدور
حصرالغناء
فى تجربة الحقيبة
ثم ما يسمى بالغناء الحديث
والذى لم يخرج كثيرا عن قوالب الحقيبة

تجارب جديدة فى الغناء السودانى لا تجد حظها بالرغم من اهميتها

مثال
غناءالفرق الجماعية
عقدالجلاد
ساورا
البالمبو

تجربةمصطفى سيد احمد
وتجربة الشعرالغنائى المختلف عند
القدال
حميد
الكتيابى
السرعثمان
محمد نجيب محمد على
التجانى سعيد
سعد الدين ابراهيم
عاطف خيرى

قدوروفى جدا لمن عاصرهم والاصدقاء

ولكن الغناءالسودانى اشمل واجمل من ذلك بكثير

Post: #888
Title: Re: أغاني وأغاني.. للقدامى والمستجدين..
Author: طارق ميرغني
Date: 09-02-2009, 11:49 PM
Parent: #887

انتو يا اخوانا ناس السر قدور ديل وكت كانوا بيكملوا ماهية الشاعر عبد الله النجيب من اول يوم

كانوا شغالين ملح يعني كان ما عندهم مواهي الوكت داك ولا شنو ؟؟

سؤال لصديقي صديق الموج ليه افراح طوالي في حالة معاينه بالجنبه اليمين؟؟؟

Post: #889
Title: Re: أغاني وأغاني.. للقدامى والمستجدين..
Author: صديق الموج
Date: 09-03-2009, 00:22 AM
Parent: #888

Quote: سؤال لصديقي صديق الموج ليه افراح طوالي في حالة معاينه بالجنبه اليمين؟؟؟

لانها من اهل اليمين...
و لان الشمال مؤمن....
ولات الشنا لا تاتيها لا من خلفها ولا من امامها..
ودامت الافراح،،،،

Post: #890
Title: Re: أغاني وأغاني.. للقدامى والمستجدين..
Author: عمران حسن صالح
Date: 09-03-2009, 00:23 AM
Parent: #888

Quote: "بهاك"..
وقلبي في يدّي..

هذه من أغنيات ابن البادية الجميلة جدا..
ولما يغنيها مع فرقته الخطيرة، تثمل الدنيا طربا..

فردتنا كان حذر.. واوكيه فيها..
لم يتجلّى.. ولم يبهدل الأغنية..
كان ماشي جنب الحيط يعني

شرحو يا نجوان ..
صراحة ما بدور حد يقرب من صلاح ويحاول يغني ليهو ..
أغاني صلاح إحساسة خااااااااااص جداً ..
وبي صلاح بس !!

Post: #891
Title: Re: أغاني وأغاني.. للقدامى والمستجدين..
Author: mamkouna
Date: 09-03-2009, 00:24 AM
Parent: #888

* أفيدونا أفادكم الله...
هل إستضافة أحد تعني أن يتحدث الضيف و يحكي عن تجربته و ذكرياته أم أن يحكي أبو الكلام ذكرياته عن نفس الضيف؟

* أخيراً سطع نجم عصام الطيب و كانت ( صدٌقت العيون ) فاكهة الحلقة...
يبدو أن البِدَل كانت كُج !

* إبرة شنو و خيت منو...
دا شيتاً أصلو ما شفناه..لا في الناس و لا في الريش!

البدلة الأورانجا ما شفت زيها الا - خير اللهم اجعلو خير - في غوانتانامو و ألكاتراز .

* عبد الله نجيب كان بيفتش في شنو ؟؟

Post: #892
Title: Re: أغاني وأغاني.. للقدامى والمستجدين..
Author: Alsa7afa_30
Date: 09-03-2009, 00:30 AM
Parent: #888

عصام محمد نور ..

و عيونك كانوا في عيوني ..

... و كفى ..

Post: #893
Title: Re: أغاني وأغاني.. للقدامى والمستجدين..
Author: طارق جبريل
Date: 09-03-2009, 00:40 AM
Parent: #892

عصام محمد نور كان مجيدا
ونادر خضر تحسن اداؤه كثيرا

ود البنا لم يكن موفقا في (من بهاك)
اعتقد لو كان غناها فرفور كان حا تكون كويسة
عموما الاغنية دي اي زول يغنيها لو الجن ذاتو
ما حا يغنيها زي ود البادية
بجننها جن ياخي
يسويلا سوات السمن في كعك العيد

Post: #895
Title: Re: أغاني وأغاني.. للقدامى والمستجدين..
Author: Alsa7afa_30
Date: 09-03-2009, 00:59 AM
Parent: #893

العيون السودا - نادر خضر والمجموعة

Post: #896
Title: Re: أغاني وأغاني.. للقدامى والمستجدين..
Author: Alsa7afa_30
Date: 09-03-2009, 01:02 AM
Parent: #895

عصام أحمد الطيب - صدقت العيون

أبدع فيها

Post: #897
Title: Re: أغاني وأغاني.. للقدامى والمستجدين..
Author: Alsa7afa_30
Date: 09-03-2009, 01:05 AM
Parent: #895

عاصم البنا - من بهاك

Post: #905
Title: Re: أغاني وأغاني.. للقدامى والمستجدين..
Author: نجوان
Date: 09-03-2009, 06:52 AM
Parent: #893

Quote: يسويلا سوات السمن في كعك العيد
"بهاك" دي يا طارق ياها كعك العيد ذاااتو
بى سمنته وسكرّه.. ورتّته..

Post: #904
Title: Re: أغاني وأغاني.. للقدامى والمستجدين..
Author: نجوان
Date: 09-03-2009, 06:40 AM
Parent: #892

Quote: البدلة الأورانجا ما شفت زيها الا - خير اللهم اجعلو خير - في غوانتانامو و ألكاتراز .
عليك الله يا ممكونة ضيفي سيرك لما سبق..

كترة الوان!

Post: #894
Title: Re: أغاني وأغاني.. للقدامى والمستجدين..
Author: حسن سنوسى
Date: 09-03-2009, 00:46 AM
Parent: #888

اللقطة الفضيحة كانت فى اغنية (عيونى عيونك اسباب لوعتى)
دى ما لقطة ممكن تفوت على مخرج فى حصافة الاخ مجدى عوض صديق
بعدين ياخى البرنامج دا يحوز على اكبر نسبة مشاهدة داخل وخارج السودان
نقول شنو للناس ديل بخصوص بنطلون عمك والكفة الشمال مفكوكة يعنى (مشوولة)
عليك الله يا: ابو بكر، ويا: الزول ارفعوا الصورة عشان ما يجينا واحد من الناس البدافعو دفاع اعمى
عن لحية عمك غير الحليقة.. وزيه المامنسق ويجى يقول الناس ديل بنضمو ساى
وحقو نفرق بين مسألة السلوك الشخصى وبين انك نجم تلفزيونى تطل على ملايين المشاهدين
يفترض ان تتم مراعاة هندامك الذى ستظهر به امامهم..
لكن ياخى تلبس لينا بنطون فضيحة بالطريقة دى افتكر مسألة لنا كل الحق فى انتقادها
والطامة الكبرى انو الحلقة دى ما مباشرة (لايف) يعنى وين المخرج
والله يا مجدى عوض صديق كونو تفوت عليك حاجة زى دى فعلى الاخراج السلام
انت قال ليك بس عشان البرنامج ناجح دا معناها تجى تخمنا وما تحترم عقولنا
دى حلقة مسجلة يعنى ممكن تتمنتج.. واذا البنطلون الفضيحة دا ما قدرت تلقى ليه معالجة
كان ممكن تلغى الحلقة او تعيد تسجيلها.. ما ناس (ارفع راسك )ديل قاعدين يدفعوا ليكم
عموماً الحكاية دى حتخصم من رصيد النيل الازرق الكثير
ويا الشفيع عبد العزيز وقبل ذلك الجنرال حقو ما تفوتو الحكاية دى ساى
اتمنى يا نجوان ان يتم تثبيت الصورة عشان الكلام ما يبقى ساى

Post: #898
Title: Re: أغاني وأغاني.. للقدامى والمستجدين..
Author: طارق ميرغني
Date: 09-03-2009, 01:17 AM
Parent: #894

Quote: * عبد الله نجيب كان بيفتش في شنو ؟؟

والله يا ممكونه نفس الشي ... كنا بنعلق عليهو...!!!

زي الكان رايح ليهو شي ....

يمكن كان بيفتش في المواهي اللفحوها منو ناس قدور...

Post: #899
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 09-03-2009, 02:22 AM
Parent: #898

الحلقة 12

عصام محمد نور - عيوني وعيونك
رائعة الفنان ابراهيم الكاشف

الاغنية الاتمنيت انو كان يخلو عصام يتمها
بس لي الاسف بتروها

وتسلم صحافا عل الفديوهات الانيقة

Post: #900
Title: Re: أغاني وأغاني.. للقدامى والمستجدين..
Author: الزوول
Date: 09-03-2009, 04:04 AM
Parent: #899

السلام عليكم
......
Quote: اللقطة الفضيحة كانت فى اغنية (عيونى عيونك اسباب لوعتى)
دى ما لقطة ممكن تفوت على مخرج فى حصافة الاخ مجدى عوض صديق
بعدين ياخى البرنامج دا يحوز على اكبر نسبة مشاهدة داخل وخارج السودان
نقول شنو للناس ديل بخصوص بنطلون عمك والكفة الشمال مفكوكة يعنى (مشوولة)
عليك الله يا: ابو بكر، ويا: الزول ارفعوا الصورة عشان ما يجينا واحد من الناس البدافعو دفاع اعمى
عن لحية عمك غير الحليقة.. وزيه المامنسق ويجى يقول الناس ديل بنضمو ساى
وحقو نفرق بين مسألة السلوك الشخصى وبين انك نجم تلفزيونى تطل على ملايين المشاهدين
يفترض ان تتم مراعاة هندامك الذى ستظهر به امامهم..
لكن ياخى تلبس لينا بنطون فضيحة بالطريقة دى افتكر مسألة لنا كل الحق فى انتقادها
والطامة الكبرى انو الحلقة دى ما مباشرة (لايف) يعنى وين المخرج
والله يا مجدى عوض صديق كونو تفوت عليك حاجة زى دى فعلى الاخراج السلام
انت قال ليك بس عشان البرنامج ناجح دا معناها تجى تخمنا وما تحترم عقولنا
دى حلقة مسجلة يعنى ممكن تتمنتج.. واذا البنطلون الفضيحة دا ما قدرت تلقى ليه معالجة
كان ممكن تلغى الحلقة او تعيد تسجيلها.. ما ناس (ارفع راسك )ديل قاعدين يدفعوا ليكم
عموماً الحكاية دى حتخصم من رصيد النيل الازرق الكثير
ويا الشفيع عبد العزيز وقبل ذلك الجنرال حقو ما تفوتو الحكاية دى ساى
اتمنى يا نجوان ان يتم تثبيت الصورة عشان الكلام ما يبقى ساى

......

أظن أن هذه هي اللقطة التي أثارت حنق أخونا حسن سنوسي

.....

.....

Post: #901
Title: Re: أغاني وأغاني.. للقدامى والمستجدين..
Author: الزوول
Date: 09-03-2009, 04:12 AM
Parent: #900

السلام عليكم
......
ولمزيد من التوضيح فهذا مقطع فيديو أكثر توضيحاً للقطة التي أسماها أخونا حسن سنوسي بالفضيحة......
......

......
.....

تحياتي

Post: #906
Title: Re: أغاني وأغاني.. للقدامى والمستجدين..
Author: نجوان
Date: 09-03-2009, 07:02 AM
Parent: #900

الزوول وحسن سنوسي.. ما شفت لي زول عايان زيكّم..!
دي شفتوها كيف..

البنطلون ده ومع كمية المساحيق والألوان .. سيرك عديل كده،
ناقص النمور والأفيال..

______
في زي دي المخرج يستحق لفت نظر ..

Post: #902
Title: Re: أغاني وأغاني.. للقدامى والمستجدين..
Author: abubakr
Date: 09-03-2009, 06:22 AM
Parent: #894

Quote: والله يا مجدى عوض صديق كونو تفوت عليك حاجة زى دى فعلى الاخراج السلام

هون عليك ياابوعلي .. فالامر باق ما بقيت سبهللية في تناول العام والخاص ..ليست هي المرة الاولي في هذا البرنامج ونري ما يبحث عن الاسي والغضب بخصوص اللبس والهندام فلقد اشار معتصم الي الشراريب وامرها العجيب وممكونة اصابها حنق شديد فتمثلت بشعارات غوربتشاوية كما سماها المرتضي ودعاها الي ان تتزود بادوات لرتق الفضائح اللبسية .. لقد اشرت انا الي ضعف في الاخراج والاعداد والانتاج والديكور ولو لا اننا نظرنا كما اشار الينا الزوول الي الفيليه لما وجدنا ما يسد رمق جوع وجداننا ..الاخراج حرفية عالية ودقة وحزم اما ما يحدث في فضائيتنا فبعض من سبهللية كما اشرت ..

Post: #907
Title: Re: أغاني وأغاني.. للقدامى والمستجدين..
Author: Tayseer Elmobarak
Date: 09-03-2009, 07:57 AM
Parent: #902

صباحكم و مساءكم خير ...
بشاهد في الحلقة و عقلي في البوست و الحا يتقال ... كلام كله في السليم ...

نادر خضر عبء على البرنامج ...
البنات في الحلقة دي كانوا ديكور ما اكتر ...
عصام احمد الطيب فنان

و الله اتخلعت و حزنت لما شفت ال clip بتاع البنطلون ... إذا كان ده تعامل من يعتبروا فناين و مثقفين فكيف بالبقية ...

Post: #908
Title: Re: أغاني وأغاني.. للقدامى والمستجدين..
Author: حسن سنوسى
Date: 09-03-2009, 08:10 AM
Parent: #902

شكراً: الزول..( الحرفية والمهنية العالية) على قول اخونا ابوبكر.. يا كده يا بلاش..

(الاخراج حرفية عالية ودقة وحزم اما ما يحدث في فضائيتنا فبعض من سبهللية كما اشرت .. )
ابوبكر..

يعنى برنامج ناجح زى دا ما مفروض يكون متروك لهوى المنتج..عشان يلبس زى ما هو عايز
وفيها شنو لو القناة من مليارات الاعلانات دى دفعت بدل لبس
ما اظن انو حيختلف معاى زول فى اهمية الظهور بالهندام الراقى
ودونك الشيخ التسعينى (محمد حسنين هيكل) فى برنامجه الراتب بقناة الجزيرة(مع هيكل)
رجل شيك وتحفة فى الاناقة..
والتسعينى الاخر لارى كينج فى برنامجه الناجح بقناة الـ CNN Larry King Live
منتهى الاناقة..
حقو نجتهد فى ان نعكس اجمل صورة ( للزوول) السودانى متى ما وجدنا طريقة
تانى بكرة لو مكتبة جرير طلعت كتاب تسخر فيه من طريقة كيف نرتدى ملابسنا.. حيكون لسانا مقطوع

Post: #909
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 09-03-2009, 08:42 AM
Parent: #908

صدقوني ، عندما طلبت إلى ممكونه تناولني إبره وخيت بسبب كفّة البنطلون
الواقعه في السَهَله لم أكن أتصور أن للبرنامج مخرجا ، شكرا لمن نبهني
أن لبرنامج أغاني مخرج.
بالله يا باش إنتو جادين البرنامج دا عندو مخرج؟

بالله يا حسن ما تجيب لينا سيرة هيكل ولاري كينج ، باكر كمان تقول البرنامج
تقدموا هيلدا خليفة أو زاهي وهبي،
ياخ (خليك بالبيت ).

Post: #910
Title: Re: أغاني وأغاني.. للقدامى والمستجدين..
Author: omer osman
Date: 09-03-2009, 08:46 AM
Parent: #909

وحياة المحبة ... أنت مكانك شاغر في (برنامج أغاني وأغاني)

Post: #914
Title: Re: أغاني وأغاني.. للقدامى والمستجدين..
Author: abubakr
Date: 09-03-2009, 11:04 AM
Parent: #909

Quote: بالله يا باش إنتو جادين البرنامج دا عندو مخرج؟

اها بس حسن نية قلنا يمكن

Post: #911
Title: Re: أغاني وأغاني.. للقدامى والمستجدين..
Author: abubakr
Date: 09-03-2009, 08:56 AM
Parent: #908

Quote: حقو نجتهد فى ان نعكس اجمل صورة ( للزوول) السودانى متى ما وجدنا طريقة
تانى بكرة لو مكتبة جرير طلعت كتاب تسخر فيه من طريقة كيف نرتدى ملابسنا.. حيكون لسانا مقطوع

صدقت .. وحيث ان امر الهيئة والهندام واسلوب تروييج اعمالنا وذواتنا مهم ومرتبط بهذا البرنامج اشير الي مداخلة اخري قراءتها وعقبت عليها مؤخرا هنا :

أنحنا التبنة المدفونة؟! وصلتي بالبريد - موضوع للنقاش الجاد..

Post: #912
Title: Re: أغاني وأغاني.. للقدامى والمستجدين..
Author: خالد عنان عمر
Date: 09-03-2009, 09:22 AM
Parent: #911

Quote: Quote: حقو نجتهد فى ان نعكس اجمل صورة ( للزوول) السودانى متى ما وجدنا طريقة
تانى بكرة لو مكتبة جرير طلعت كتاب تسخر فيه من طريقة كيف نرتدى ملابسنا.. حيكون لسانا مقطوع

يا اخوانا ما تبالغوا فى قصة البنطلون دى -- ورغم انو المخرج كان ممكن يعدل الصورة او يمنتجا بصورة احسن

الا انو كلامكم عن الاستاذ السر قدور لا اعتبره لائقا لشخص فى السبعينيات من عمره ولا يجب ان نساوى ما بينه

والشباب فى طريقة اللبس والهندام -- فمن المعروف ان كبار السن لا يعيرون الهندام اهتماما -- فنرجو الا يضغط

الاخو ة الاعضاء على الاستاذ فى هذه المسالة بالذات

مع تقديري للجميع

عنان

Post: #913
Title: Re: أغاني وأغاني.. للقدامى والمستجدين..
Author: طارق ميرغني
Date: 09-03-2009, 10:10 AM
Parent: #912

Quote: حقو نجتهد فى ان نعكس اجمل صورة ( للزوول) السودانى متى ما وجدنا طريقة

بالفعل اخي سنوسي

Post: #915
Title: Re: أغاني وأغاني.. للقدامى والمستجدين..
Author: abubakr
Date: 09-03-2009, 11:09 AM
Parent: #912

Quote: -- فمن المعروف ان كبار السن لا يعيرون الهندام اهتماما

معروف عند من ؟؟ من اين اتيت بهذا التقرير الافتراضي يابني ؟؟ وهل لحسن الهيئة والهندام عمر معين ؟؟ لماذا التعميم فيما لا نعرف ...

Post: #916
Title: Re: أغاني وأغاني.. للقدامى والمستجدين..
Author: نجوان
Date: 09-03-2009, 11:31 AM
Parent: #915

Quote: فنرجو الا يضغط

الاخو ة الاعضاء على الاستاذ فى هذه المسالة بالذات
إزيك يا عنان..
التركيز على الهندام هنا مبني على ظهور الأستاذ في جهاز إعلامي دولي..

وأوجّه اللوم لطاقم البرنامج أولا وأخيرا
لأن جزء من دورهم تنظيم المظهر العام للضيوف وابرازه في صورة لائقة..

وأقترح تفاديا لكشف الحال،
ان يستخدم البرنامج طاولة اجتماعات
تسع الجميع وتسترهم..
وكفى الله المؤمنين شرّ القتال..

____
عرفنا عدم التناسق احيانا،
بس هدوم محتاجة ابرة وخيط .. دي كتيرة شوية..

Post: #917
Title: Re: أغاني وأغاني.. للقدامى والمستجدين..
Author: محمد المرتضى حامد
Date: 09-03-2009, 11:59 AM
Parent: #916

الأخ خالد
رمضان كريم،
Quote: يا اخوانا ما تبالغوا فى قصة البنطلون دى -- ورغم انو المخرج كان ممكن يعدل
الصورة او يمنتجا بصورة احسن

ياخ كلامي عن الإبره والخيط ، رغم ما فيه من مزح لكنه لايخلو من جد وقصد،
قصة البنطلون دي والله تزعل يا خالد لأنها كتيره،
والله تزعل جد جد لأننا بنحب السر قدور من جوه القلب ، ولو كان زول ساكت قسما
عظما ما بنجيب خبرو حتى لو جا الأستوديو عريان ، شوف في كم فارغ وفارغه يطِلون
علينا كل ساعة ويصيبونا بالغم والإكتئاب بأزيائهم التي تسببت لكثير من المشاهدين
في إنفصال للشبكية ، لدرجة أننا أصبحنا نتحاشى مشاهدة القنوات إياها تفاديا للجلوكوما
والكتراكت ، لكننا لم نتكلم عن أولئك الصادمين للعيون لأنهم يمثلون حالة لا يرجى منها برء ،
أما السر قدور زول بنريدو ومسألة تقدم السن أو اتساع الفلَجَه ليست مبررا لما حدث فالكبار
يهتمون بالمظهر أيضا وإن كانوا غير ذلك فالإذاعة أولى بهم لأن للتلفزيون شروطه.
مودتي.

Post: #918
Title: Re: أغاني وأغاني.. للقدامى والمستجدين..
Author: معتصم دفع الله
Date: 09-03-2009, 12:23 PM
Parent: #916

سلام جاكم ..

والله أنا مسألة اللبس دي قاعدة تزعجني شديد ..
يا جماعة العمل ما بكتمل إلا يكون متجانس وكل شي فيه مرتب وبعناية ..
يعني لا يمكن برنامج ليهو كم سنة ولاقى قبول من المشاهد السوداني ومتابع بصورة كبيرة ..
تفوت عليهم معديهو زي الحاجات دي ..
يعني هناك ترتيب مسبق وفي حلقات بتسجل يومياً فمن المفروض تنبيه جميع التيم لمثل هذه الأشياء ..
واللبس دا يا جماعة بقى ما مشكلة وإلا تبقى المشكلة فينا نحن ..

يا ود الموج أمس بتكم دي كانت ( حلا وحمار ) بفتح الميم ألحق يا شتات

كنت عايز أشركم معاي في بوست سابق عن العيون لكن فتشت المنبر كله ما لقيتو ..
يمكن عشان المكتبة بتاعتي مقفوله أو لسبب آخر ..
الكلام عن العيون كتير ..
لكن الشباب بالأغنيات الغنوها ما قصروا ..

Post: #919
Title: Re: أغاني وأغاني.. للقدامى والمستجدين..
Author: abubakr
Date: 09-03-2009, 12:46 PM
Parent: #916

Quote: عرفنا عدم التناسق احيانا،
بس هدوم محتاجة ابرة وخيط .. دي كتيرة شوية..

في دي المرتضي ما غلطان تب .. صديقتي اتصلت في مستعجبة " انت ما شفت كفة المنطلون ؟ " وهاك يانقد بعدد خيوط الكفة .. اها سكت .. انا دي السنة الرابعة والبرنامج دة التقول مشارك في الانتاج مع ناس ملاسي و نجوان والمرتضي والزوول وممكونة ووداعة وكافة الشغاليين تعليقات من 2006 وقايلننا جد جد كدة منتجيين .. الحمدلله ما في زولا جاب سيرة الاخراج والاعداد ما نحن مغتربيين والانتاج دة استثمار.. مش كدة يالمرتضي ...؟؟ غايتو انا قلت لسامية تطلع مكنة سنجر دييييييك من المخزن هي اليكترونيك كمان .. يمكن تنفع للحلقات الجاية ...بختك ياودالعباسية اها شغل اوفرتايم و يامعتصم مكنة الشراريب ما عندنا لكن الشراريب رخيصة تراب ساااي اليوميين دييل

Post: #920
Title: Re: أغاني وأغاني.. للقدامى والمستجدين..
Author: mamkouna
Date: 09-03-2009, 01:53 PM
Parent: #919

..............

عندما ناشدني الأخ محمد المرتضى بإضافة إبرة و خيت إلى قائمة التفجيرات خاصتي..ظننته يعني عصام محمد نور و قميصه ال 3X-Large و كرافتته لسان التور!
...تألمتَ جداً جداً لصورة السر قدور و هو مبهدل بالشكل دا..و بيتبهدل بالتعليقات كمان..
دا شيء مؤسف و مؤلم للغاية و لا يمكن أن ألوم غير السبهللية و الاستهتار الذين صَاحبو تجهيز البرنامج.
.............

............

Post: #921
Title: Re: أغاني وأغاني.. للقدامى والمستجدين..
Author: abubakr
Date: 09-03-2009, 03:21 PM
Parent: #920

Quote: عندما ناشدني الأخ محمد المرتضى بإضافة إبرة و خيت إلى قائمة التفجيرات خاصتي..

يااا للارهاب

Post: #922
Title: Re: أغاني وأغاني.. للقدامى والمستجدين..
Author: khaleel
Date: 09-03-2009, 03:26 PM
Parent: #921

http://www.sudanradio.info/arabic/modules/debaser/uploa...2/b3d-almsafaRe1.mp3

Post: #923
Title: Re: أغاني وأغاني.. للقدامى والمستجدين..
Author: abubakr
Date: 09-03-2009, 05:34 PM
Parent: #922

فرفور موجود

مافي ضيوف

Post: #924
Title: Re: أغاني وأغاني.. للقدامى والمستجدين..
Author: abubakr
Date: 09-03-2009, 05:53 PM
Parent: #923

جلسة مستمرة عن العيون

المجموعة تغني مطلع اغنية ياعيني تعاينن جنتنو قلبو

عيونك علمن عيني بكاء الخنساء عصام محمد نور

Post: #925
Title: Re: أغاني وأغاني.. للقدامى والمستجدين..
Author: حسن سنوسى
Date: 09-03-2009, 05:55 PM
Parent: #924

ما حنعلق على كُم القميص اليمين (الما مزرر)..

Post: #926
Title: Re: أغاني وأغاني.. للقدامى والمستجدين..
Author: abubakr
Date: 09-03-2009, 05:56 PM
Parent: #924

منار في شوف العين

Post: #927
Title: Re: أغاني وأغاني.. للقدامى والمستجدين..
Author: abubakr
Date: 09-03-2009, 05:58 PM
Parent: #926

عصام احمد الطيب في وصلة قصيرة "اه من العيون"

Post: #930
Title: Re: أغاني وأغاني.. للقدامى والمستجدين..
Author: abubakr
Date: 09-03-2009, 06:06 PM
Parent: #927

نادر في عيون الصيد

فرفور مشاركا (اخر حلاوة)

Post: #928
Title: Re: أغاني وأغاني.. للقدامى والمستجدين..
Author: بابكر التوم
Date: 09-03-2009, 05:59 PM
Parent: #926

حلقة طابعها هزلى ...

يمكن ان يطلق عليها حلقة الهرجلة والمهرجلين ...

Post: #929
Title: Re: أغاني وأغاني.. للقدامى والمستجدين..
Author: حسن سنوسى
Date: 09-03-2009, 06:04 PM
Parent: #926

شوف العين قالت دا لالا
الله الله لو سمعتوها بصوت سارة النور
احدى نجمات نجوم الغد...الغائبة الحقيقية عن البرنامج
التى نحسب انها كانت ستحدث اضافة..
لكن نقول شنو فى المجاملات وكدا
سارة النور احسن من تؤدى اغانى محمد ميرغنى

Post: #931
Title: Re: أغاني وأغاني.. للقدامى والمستجدين..
Author: abubakr
Date: 09-03-2009, 06:09 PM
Parent: #929

فرفور في الخايفة عينو

Post: #932
Title: Re: أغاني وأغاني.. للقدامى والمستجدين..
Author: abubakr
Date: 09-03-2009, 06:13 PM
Parent: #931

فردتنا وافراح في جنني العيون

Post: #933
Title: Re: أغاني وأغاني.. للقدامى والمستجدين..
Author: حسن سنوسى
Date: 09-03-2009, 06:15 PM
Parent: #929

دويتو بين فردتكم وماكنتوش صديق الموج وابتسامات وشاشة مقسومة عليهم وكدا
الاغنية الوحيدة التى كان يمكن ان يتألق فيها فرفور بى كواريكو ديك
انتو ما ملاحظين انو فى ناس بدوها مقاطع وناس تانين بخلوهم يغنو براحتهم

Post: #934
Title: Re: أغاني وأغاني.. للقدامى والمستجدين..
Author: نجوان
Date: 09-03-2009, 06:30 PM
Parent: #933

Quote: حلقة طابعها هزلى ...

يمكن ان يطلق عليها حلقة الهرجلة والمهرجلين ...
مضبوط..
بالذات خفة دم فرفور الزايدة..

______
يا ممكونة، الموضوع تعدّى الإبرة والخيط.. مع مكنة ناس الباش السنجر كمان..
وبالمرّة نجيب حلاق، مكوجي، وبتاع ورنيش..

Post: #935
Title: Re: أغاني وأغاني.. للقدامى والمستجدين..
Author: ريهان الريح الشاذلي
Date: 09-03-2009, 06:32 PM
Parent: #933

سلامات الجميع

Quote: فردتنا وافراح في جنني العيون

علي الرغم من انو من حلقة امبارح وانا راجية غنية العيون البتلاصفن دي لكن لمن اتغنت الليلة ندمت علي دعواتي ... عاصم البنا واعجابه بالف المد .. وافراح (الشعب) ومكوجنتها للغنية وصوتها الضعيف وشتارة اللحن .. وفرفور ولامبالاته .. اختيار غير موفق وكتلو الغنية وكتلوني ...

Post: #936
Title: Re: أغاني وأغاني.. للقدامى والمستجدين..
Author: غباشي
Date: 09-03-2009, 06:34 PM
Parent: #933

يا جماعة بكل امانة أفراح دي ما بتستاهل الهيلمانة دي كلها ...
و الليلة بالذات ضعفها كان واضح و هي تؤدي اغنية جنني العيون ...
معليش يا ود الموج نجمتك دي ادائها باهت جداً و ليس في مصلحتها ان تعتمد على الشو دون الاجتهاد .....
الفرق اصبح شاسع جداً بينها و بين مثيلاتها منار و ريماز .... فعليها مراجعة نفسها

Post: #937
Title: Re: أغاني وأغاني.. للقدامى والمستجدين..
Author: mamkouna
Date: 09-03-2009, 06:34 PM
Parent: #933

* حلقة مكوجنة أخرى.
* فردتنا و التتراسايكلين...أفشل دوٌيتو في تاريخ الغناء.
* أظن - و بعض الظن إثم- أن هناك تآمر بين فردتنا و فرفور ضد دكة الإحتياطي.
* إستناداً على نظرية نجوان عن ( السيرك ) ..
...سيلعب الماكنتوش دور البلياتشو...فرفور لاعب الأكروبات..و فردتنا مرٌوض الأُسُود!

Post: #938
Title: Re: أغاني وأغاني.. للقدامى والمستجدين..
Author: Ahmed al Qurashi
Date: 09-03-2009, 06:48 PM
Parent: #937

أغنية عيون الصيد ليست أغنية حديثة (حسب المصطلح ) للتاج مصطفى كما قال الأستاذ السر قدور وإنما هي أغنية حقيبة لحنها كرومه وتغنى بها في بداية الأربعينيات ثم تغنى بها التاج مصطفى بعد ذلك في برنامج من حقيبة الفن الذي كان يقدمه الأستاذ صلاح احمد محمد صالح عندما أعاد تسجيل اغانى الحقيبة بأصوات الفنانين الحديثين أو الجدد ، الأغنية من كلمات الشاعر محمد على عبدالله الامى .

أغنية جمر الحب أو عيونك علمن عيني بكا الخنساء...سجلها لإذاعة امدرمان الفنان التجانى السيوفى في سنة 1941 ولكن عدل الفنان بادي محمد الطيب اللحن وادخل فيه إضافات كثيرة ومنها المقدمة الموسيقية التي يعزفها بمزمار فمه (يقوقى كما يقولون) وسجلها للإذاعة بهذا اللحن الجميل الرائع..... ولا أظن أن أحدا استطاع أن يغنيها كما غناها بادي محمد الطيب

الشاعر احمد ابراهيم فلاح سبقت تسميته شاعر العيون عبدالله النجيب حيث ذكر العيون في سبع مقاطع مختلفة من أغانيه وهى ....

*عيوني باكية ساهرة...وعيونه باسمة جميلة

*عيونك ياحبيبى علمني الحب والغزل

*العيون الغزلية شفا ودوا وأذى ليا

*انا مهما الآهات عيوني ...احبك يانور عيوني

*عيوني وعيونك أسباب لوعتي

*عيوني هم السبب في اذايا

*عيونك علمن عينى بكا الخنساء

احمد إبراهيم فلاح له ديوان شعر يسمى ديوان العيون ....هذا الشاعر الفقير الكادح كان يعمل مع والده وأخيه الفنان محمود فلاح في صناعة العصي من الخشب في صورة فنية جميلة وتجميلها ثم بعد ذلك تسويقها..لمع بريقه كشاعر سنة1939 ولم يعمر طويلا حيث توفى عام 1943.

Post: #939
Title: Re: أغاني وأغاني.. للقدامى والمستجدين..
Author: maia
Date: 09-03-2009, 07:03 PM
Parent: #937

فرفور ما زال يصر على مواصلة سيطرته المتفرفرة بدرجة مملة جدا

سحبت الكاميرا سريعا في اتجاه اخر في لقطة بدا فيها فرفور وهو يرقص باكتافه كانه في حفلة خاصة

مع الاعتذار لعمنا صديق الموج

لكن الليلة اتاكدت تماما انه افراح في راي صوت لا يصلح للغناء

Post: #940
Title: Re: أغاني وأغاني.. للقدامى والمستجدين..
Author: ودالعباسية
Date: 09-03-2009, 07:12 PM
Parent: #939

يا عينى تعاينن جننتنو قلبى ،،،

ليه ما غنوها ،،،

Post: #941
Title: Re: أغاني وأغاني.. للقدامى والمستجدين..
Author: omer osman
Date: 09-03-2009, 07:15 PM
Parent: #939

Quote: سحبت الكاميرا سريعا في اتجاه اخر في لقطة بدا فيها فرفور وهو يرقص باكتافه كانه في حفلة خاصة

دي احسن حاجة في حلقة الليلة لانو كل الاغاني بتاعت (جبجبة) ورقيص دقاقة زي بتاع فرفور ده واصلها جايطة كان يجوطها

زيادة ويرقصوا كلهم

Post: #942
Title: Re: أغاني وأغاني.. للقدامى والمستجدين..
Author: ودالعباسية
Date: 09-03-2009, 07:40 PM
Parent: #941

انتو يا ناس ،،،

عايزين شنو ،،، لا بعجبكم العجب ولا الصيام فى رجب ،،،

ياخى ناس مبسوطة ،،ودا ما برنامج بتاع نقه وحوارات والاتجاه المعاكس برنامج فيه غنا ،،

هسى الواحد فيكم لمن يسمع اغنية وينطرب ما بتلقو روحكم اتهزيتو وبديتو فى الميلان ،،،

ـــــــــــ

الشئ التانى فرفور دا ،،، نكهة الحلقات ،،، خفيف ولفيف ،،، ولكن بعمل اكشن فى الحلقة

زي عمكم السر قدور ،،، وتانى شئ حافظ كويس جدا ،، لو ملاحظين اي اغنية بكون بغنى

مع الشخص التانى ،،بالله ارخو منه شوية ،، طلعتو روحه فى رمضان دا ،،

افراح الشعب ،، عندها مشكلة ،، اضم صوتى لى الاقتراح بتاع سارة النور ،،مع ريماز

ومنار ،،،

عصام احمد الطيب ماشى كويس ،،بداء يسخن ،،

Post: #943
Title: Re: أغاني وأغاني.. للقدامى والمستجدين..
Author: نجوان
Date: 09-03-2009, 08:22 PM
Parent: #942

اقتراح سارة النور يا ود العباسية فيه مغامرة كبيرة..
سارة دي صوتها محدود جدا..
حتندّمكم!

_____
معليش يا ريهان الشاذلي..
فعلا أفراح الآن عبء على البرنامج
رغم مساعدة المشاركين وسندات عصام المستمرة..

Post: #944
Title: Re: أغاني وأغاني.. للقدامى والمستجدين..
Author: بابكر التوم
Date: 09-03-2009, 08:30 PM
Parent: #943

Quote: فعلا أفراح الآن عبء على البرنامج
رغم مساعدة المشاركين وسندات عصام المستمرة..

فعلا يانجوان ...

واليوم بالتحديد واضح جدا انها كانت ماحافظة ماعدا الاغنية الديتو الشاركت فيها،،،

ساقطة عيون

مع الاعتزار للخال ود الموج وحبيب نورا ....

Post: #945
Title: Re: أغاني وأغاني.. للقدامى والمستجدين..
Author: abubakr
Date: 09-03-2009, 09:00 PM
Parent: #944

معلومات عن العربي بتاعكم كلها غلط في غلط .. قلتو لينا التكوجن بيبقي قبل رمضان وهسع وفي نص شهر رمضان لقينا التكوجن شغال.. دة شنو يعني الكوجنة عندها اوفرتايم ؟؟

Post: #946
Title: Re: أغاني وأغاني.. للقدامى والمستجدين..
Author: النورس الحزين
Date: 09-03-2009, 10:37 PM
Parent: #945

متابعة البوست و التعليقات أضحت أمتع من مشاهدة البرنامج

Post: #947
Title: Re: أغاني وأغاني.. للقدامى والمستجدين..
Author: sanaa gaffer
Date: 09-03-2009, 10:37 PM
Parent: #945

Quote: الشئ التانى فرفور دا ،،، نكهة الحلقات ،،، خفيف ولفيف ،،، ولكن بعمل اكشن فى الحلقة

زي عمكم السر قدور ،،، وتانى شئ حافظ كويس جدا ،، لو ملاحظين اي اغنية بكون بغنى

مع الشخص التانى ،،بالله ارخو منه شوية ،، طلعتو روحه فى رمضان دا ،،

افراح الشعب ،، عندها مشكلة ،، اضم صوتى لى الاقتراح بتاع سارة النور ،،مع ريماز

ومنار ،،،

عصام احمد الطيب ماشى كويس ،،بداء يسخن ،،

اضم صوتي لصوتك يا ود العباسية بخصوص فرفور ..

الملاحظ انو الحلقات الما بكون موجود فيها ... بتتسم بالخمول والرتابة ..

صح هو مرات بزود العيار حبتين في ( الفرفرة ) .. لكن ما بنقدر ننكر حضوره المميز ..

اضافة لكدة لغاية الان ما ( ضرسنّا ) باللبس الغريب السائد بين أغلبية الضيوف .. ما بين لامع ورقاش .. وكبير شديد.. ومبهدل شديد .. وما متناسق ..

ولمن يكون قاعد جنب عصام محمد نور .. بخلي يفرفش شوية ويتخلى عن الابتسامة التايهة .. والنظرة الحايرة ...

وكمان في انسجام بينو وبين جميع المشاركين .. حتى ناس كنبة الاحتياطي ..

افراح عصام لو جابو لي شريط حقها هدية بقول ما عاوزة ...

رماز ومنار مع بعض بعملو حاجة ..

غايتو اهو ماشيين في السكة نمد .. وصابرين ...

Post: #948
Title: Re: أغاني وأغاني.. للقدامى والمستجدين..
Author: abubakr
Date: 09-03-2009, 10:54 PM
Parent: #947

Quote: افراح عصام لو جابو لي شريط حقها هدية بقول ما عاوزة ...

يانساء هذا البوست رفقا بالصبية ان نقدكن عظيم .. والله الصبية زماااانك لما كانت وزن الريشة كااان صوتا يجلجل واخر حلاوة بس تقول شنو في التكوجن والحلو مر .. انتن بس خلن الحلو مر وهي حتبقي تمام ..

_______

سناء اها بركة الجابك عمكم السر وبالمناسبة في خانة فاضية بتاعة مديرة مشغل لزووم تظبيط اللبس في الحلقات في المستقبل وممكونة حتوفر الخامات وقريباتي قالن بيجيبن تصاميم لبسات سهرة رجالي ونسائي ونجوان قالت حتحضر الكات ووك وودالعباسة ومعتصم بيجيبو الشراريب .. انتي بس تعالي ...

Post: #949
Title: Re: أغاني وأغاني.. للقدامى والمستجدين..
Author: نجوان
Date: 09-03-2009, 11:20 PM
Parent: #948

Post: #950
Title: Re: أغاني وأغاني.. للقدامى والمستجدين..
Author: lana mahdi
Date: 09-03-2009, 11:49 PM
Parent: #949

سلامات
مساهرة مع البوست الهايل دة وحقيقة تايسون ما قصرت في وصف روعته لي
نجوان ياحبيبة كل عام وأنت وضيوفك بألف خير
بمناسبة اللبس وتظبيط الميك أب في ملاحظتين في صورة الشابتين البيغنن أفراح عصام وصديقتها..
المهم البوست ملاحظاته ذكية ونبيهة وأجمل من البرنامج ذات نفسه(:
محبتي

Post: #951
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-04-2009, 00:06 AM
Parent: #949

Quote: بالذات خفة دم فرفور الزايدة..

نجوان
حاولت اتصل علية للتعليق ولكن لن يرد
ولكن يفترض كان يكون في هذه الحلقه الفا للمهرجلين
وبالزات لصاحبي فرفور 10 سيطان من النوع ابوكديس
ياحليل العمالقة الفن بأدب .

افراح الشعب (اي افراح الموج )
صوتها في اماكن لم يتعدى شفتيها
مثل الفنانه اسرار

______________
نجوان فرفور فنان رقم واحد الان ولكن عليه الانضباط

Post: #952
Title: Re: أغاني وأغاني.. للقدامى والمستجدين..
Author: حسن سنوسى
Date: 09-04-2009, 00:44 AM
Parent: #951

يا نجوان والله بالغتى عديل كده..
الصور المعروضة دى خلتنى اخجل لمجدى عوض صديق
المخرج الخطيير..
عموماً السنة الجاية لو ربنا مد فى ايامنا نقترح ان يتم اسناد الاخراج لاى واحد من ناس البوست دا
واظن اى واحد قدر المهمة واكتر..
الغريبة يا نجوان: الراجل دا – المخرج - استضافته فضائية النيل الازرق عشية رمضان
وقدمو الشفيع عبد العزيز (الزعيم رقم صفر) لبرامج الفضائية
الشفيع قال لمجدى: شنو الرؤى الاخراجية لهذا العام لبرنامج اغانى واغانى؟
مجدى قال: هنالك تجديد واضافات، وو.. وقال هنالك مفاجئآت
يا ربى يكون مخبى لينا شنو بعد دا..؟؟
بعدين يا نجوان: قصدك شنو عارضه لينا حاجات غاااالية كدا..
خصوصاً الشرابات المابتتلقى الا فى سانتوس ومحلات الخمس نجوم اياها

Post: #954
Title: Re: أغاني وأغاني.. للقدامى والمستجدين..
Author: abubakr
Date: 09-04-2009, 01:20 AM
Parent: #952

Quote: وقال هنالك مفاجئآت

يابوعلي مفاجئات اكتر من الشفناهو ..يعني يجو حفيانيين واللا لابسيين اردية ؟؟

Post: #953
Title: Re: أغاني وأغاني.. للقدامى والمستجدين..
Author: abubakr
Date: 09-04-2009, 00:56 AM
Parent: #949

نجوان .. الشراريب الفي صورة قطن واللا صوف ؟؟؟ واللستك منو فيهو ؟؟؟

Post: #955
Title: Re: أغاني وأغاني.. للقدامى والمستجدين..
Author: mamkouna
Date: 09-04-2009, 01:30 AM
Parent: #949

& لخيمة السيرك....

Post: #956
Title: Re: أغاني وأغاني.. للقدامى والمستجدين..
Author: abubakr
Date: 09-04-2009, 01:41 AM
Parent: #955

ياممكونة .. الدش لزومو شنو ؟؟ انتي حتفجريهم واللا تدشدشيهم ؟؟

Post: #957
Title: Re: أغاني وأغاني.. للقدامى والمستجدين..
Author: mamkouna
Date: 09-04-2009, 01:58 AM
Parent: #956

دُش بس!
أرتال و أرطال بوهيات الشروق دي دايرة ليها- أقل حاجة- خرطوش مطافيء...
و أهو الدش البارد كمان ينفعنا و يصحصح النايمين.

Post: #958
Title: Re: أغاني وأغاني.. للقدامى والمستجدين..
Author: Dania Elmaki
Date: 09-04-2009, 02:59 AM
Parent: #957

كله كوم و الفستان الكحلي و الاحمر سباغيتي سترابس بتاع افراح ده كوم ثاني,و ما في زول في بيتهم قال ليها الفستان ده ما قدرك؟؟ اتخيل لي انها خلاص لابساه مع بودي ما مشكله يكون مناسب مع تضاريس جسمها, زي الزول لمن يسمن و يكون مصر انه هدومه القديمه لسع قدره منظره بيكون شين. و البنتطلون امس بتاع عمنا ده كمان حكايه, لمتيين نحم ما بنهتهم بالمنظر

Post: #959
Title: Re: أغاني وأغاني.. للقدامى والمستجدين..
Author: صديق الموج
Date: 09-04-2009, 03:35 AM
Parent: #958

Quote: كله كوم و الفستان الكحلي و الاحمر سباغيتي سترابس بتاع افراح ده كوم ثاني,و ما في زول في بيتهم قال ليها الفستان ده ما قدرك؟؟ اتخيل لي انها خلاص لابساه مع بودي ما مشكله يكون مناسب مع تضاريس جسمها, زي الزول لمن يسمن و يكون مصر انه هدومه القديمه لسع قدره منظره بيكون شين. و البنتطلون امس بتاع عمنا ده كمان حكايه, لمتيين نحم ما بنهتهم بالمنظر

دانى المكى....سلام

دانى على كده نصنفك ناقده والا حاقده
نحن ناس بيتها وعاجبانا كده
ممكن تشتتى من البوست ده
الله يجيب راجلك يسوقك كان تختينا باقى رمضان ده
بعد ده العشرة الاوائل كملن باقين على العشرة الاواخر
ودامت ايامى افراح،،،،

Post: #960
Title: Re: أغاني وأغاني.. للقدامى والمستجدين..
Author: حسن سنوسى
Date: 09-04-2009, 05:36 AM
Parent: #959

..والله يا: ممكونه ما قصرتى.. اهو عرضتى لينا عدة الحلاقة النستها نجوان
لكن طالما انو نجوان عرضت لينا حاجات غالية وكده
ما كان اوجه لو عرضتى لينا (طقم) عدة حلاقة (ماكس3 +رغوة+آفتر شيف) من جيليت؟؟
لانو المقص لن يقضى على الابيض واليابس..ما دايرين خشونة وكدا
كفاية الشوت الضفارى الشايفنو
احسن لينا fair play

Post: #961
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-04-2009, 06:10 AM
Parent: #960

حقيبة الفن

دى لسا ما فضت

يحلنا الله

Post: #962
Title: Re: أغاني وأغاني.. للقدامى والمستجدين..
Author: abubakr
Date: 09-04-2009, 08:08 AM
Parent: #961

Quote: دى لسا ما فضت

ولسسسسه

Post: #963
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-04-2009, 08:33 AM
Parent: #962

ابننقا تو
ابوبكر

الواحد يكتب عن الحقيبة وخايف

يجى زول ناطى

انتو رطانةوعجم
ما لكم ومال الحقيبة

Post: #965
Title: Re: أغاني وأغاني.. للقدامى والمستجدين..
Author: abubakr
Date: 09-04-2009, 10:07 AM
Parent: #963

Quote: ما لكم ومال الحقيبة

هو خليل فرح كان تابط شرا ؟؟

Post: #964
Title: Re: أغاني وأغاني.. للقدامى والمستجدين..
Author: معتصم دفع الله
Date: 09-04-2009, 10:01 AM
Parent: #962

حلقة أمس دي فاتت علي بسبب إفطار بورداب الرياض ..
لكن نحن تابعناها من خلال النقل الحي لصديق الموج

لكن من كلامكم دا شكلها ما كانت حلوة ..

باشمهندس أبوبكر سلام ..
غايتو نحن جاهزين بالشراريب ..
البوست دا البركة الجاب لينا العزيزة سناء جعفر ..

Post: #966
Title: Re: أغاني وأغاني.. للقدامى والمستجدين..
Author: abubakr
Date: 09-04-2009, 10:11 AM
Parent: #949

يانجوان وانا اقول ال mower دة شنو التحت طربيزة المكوة اتاريه فرشة حلاقة ...عجيبة

Post: #967
Title: Re: أغاني وأغاني.. للقدامى والمستجدين..
Author: طارق ميرغني
Date: 09-04-2009, 12:07 PM
Parent: #966

Quote: سارة دي صوتها محدود جدا..

اختنا نجوان والله انتي فنانه بحق

ساره النور لا تختلف عن افراح في ضعف الصوت والغناء من طرف الحلق ولي غادي

اي الغناء لا يخرج من الصدر.

بالفعل اخي معتصم حلقه لا طعم لها.شاهدت الاعاده بعد العوده من افطار بورداب الرياض

الذي كان اجمل من اغاني واغاني

Post: #969
Title: Re: أغاني وأغاني.. للقدامى والمستجدين..
Author: Abd-Elrhman sorkati
Date: 09-04-2009, 02:07 PM
Parent: #967

Quote: ساره النور لا تختلف عن افراح في ضعف الصوت والغناء من طرف الحلق ولي غادي

اي الغناء لا يخرج من الصدر.

لا فض فوك أو كيبوردك أخي طارق دة كلام نجيض

Post: #970
Title: Re: أغاني وأغاني.. للقدامى والمستجدين..
Author: Abd-Elrhman sorkati
Date: 09-04-2009, 02:18 PM
Parent: #969

البرنامج دة برغم جماهيريته الواسعة الا ان المغنيين المفتحيينزي اسرار وسميرة

انسحبوا لانه كان كفيل بأنه يحرقهم جماهيريا .

غياب المنهج والاعداد عن البرنامج جعله عبارة عن تداعي غنائي وبس دون منهج

Post: #971
Title: Re: أغاني وأغاني.. للقدامى والمستجدين..
Author: abubakr
Date: 09-04-2009, 05:34 PM
Parent: #970

حلقة ما فيها ضيوف ولا شراريب

Post: #972
Title: Re: أغاني وأغاني.. للقدامى والمستجدين..
Author: abubakr
Date: 09-04-2009, 05:53 PM
Parent: #971

اغاني المناسبات

صه ياكنار
غنيت من جامع الخليفة في 1953 بمناسبة اتفاقية الحكم الذاتي

Post: #973
Title: Re: أغاني وأغاني.. للقدامى والمستجدين..
Author: abubakr
Date: 09-04-2009, 05:57 PM
Parent: #972

عجبوني الليلة جو بمناسبة زود اهالي توتي لجزيرتهم ضد الفيضان

منار تبدع

Post: #974
Title: Re: أغاني وأغاني.. للقدامى والمستجدين..
Author: abubakr
Date: 09-04-2009, 06:06 PM
Parent: #973

ليلتنا ليلية

افراح وفردتنا

Post: #975
Title: Re: أغاني وأغاني.. للقدامى والمستجدين..
Author: صديق الموج
Date: 09-04-2009, 06:12 PM
Parent: #974

انت عارف يا ابوبكر بالجد...
بعمره يبدلها الانسان
وعمره دى شكلها كما تريد وانطقها كما شئت
فكلها صحيحة
البقول افراح ما بتعرف تغنى ماعافى ليه دنيا واخرة....
لاحولالالالالالالالالالالالالالالالالالالالالالالالالالالالالا
البنية دى يوم بتمرق رويحتنا الحلوة دى،،،،

Post: #978
Title: Re: أغاني وأغاني.. للقدامى والمستجدين..
Author: Ahmed al Qurashi
Date: 09-04-2009, 06:28 PM
Parent: #975

هنالك لزمه موسيقية مفقوده فى اغنية صه يا كنار

اظن ان عصام كان يدخل قبل ان تكمل الفرقه الجملة الموسيقية

لذلك كان الاداء باهتا فى هذه الاغنية

هذه الاغنية سجلها للاذاعة حسن عطية والكاشف وعثمان حسين واحمد المصطفى

كان كل منهم يغنى كوبليه

ثم سجلت للتلفزيون فى مناسيتين بواسطة مجموعة من الفنانين فى السبعينات

الاولى كانت فى ميدان الخليفة ولقد شارك فى الاداء زين العابدين محمد احمد عبدالقادر وحمدى بدر الدين

ومرة اخرى ايضا فى المسرح القومى

كما سجلتها للاذاعة فرقة البساتين والتى كونها اسماعيل عبدالمعين فى الستينيات

* اغنية واجب الوطان داعينا من كلمات عبيد عبدالرحمن والحان سرور ولقد سجلها

للاذاعة الفنان بادى محمد الطيب واعاد توزيعها الموسيقار اسماعيل عبدالمعين لفرقة البساتين

* الفنانه افراح كان اداءها ضعيفا فى اغنية حبى بيك ليلتنا ليلية والتى تغنى بها زنقار وبادى محمد الطيب

* نادر خضر لم يوفق فى اغنية ما تخجلى

Post: #976
Title: Re: أغاني وأغاني.. للقدامى والمستجدين..
Author: abubakr
Date: 09-04-2009, 06:16 PM
Parent: #974

نادر في ياسمحة لوردي

Post: #977
Title: Re: أغاني وأغاني.. للقدامى والمستجدين..
Author: abubakr
Date: 09-04-2009, 06:18 PM
Parent: #976

عصام محمد نور في بعيوني

Post: #979
Title: Re: أغاني وأغاني.. للقدامى والمستجدين..
Author: بابكر التوم
Date: 09-04-2009, 06:31 PM
Parent: #977

Quote: البقول افراح ما بتعرف تغنى ماعافى ليه دنيا واخرة....
لاحولالالالالالالالالالالالالالالالالالالالالالالالالالالالالا
البنية دى يوم بتمرق رويحتنا الحلوة دى،،،،

ود الموج ...

برغم الانتقادات السابقة والتى فى مجملها صحيحة ...

نقول اليوم ونعطيها حقها حلقة أفراح

بس اعمل حسابك ظهر ليك اليوم منافس خطير سيد الشئ زاتو

Post: #980
Title: Re: أغاني وأغاني.. للقدامى والمستجدين..
Author: صديق الموج
Date: 09-04-2009, 06:38 PM
Parent: #979

Quote: ود الموج ...

برغم الانتقادات السابقة والتى فى مجملها صحيحة ...

نقول اليوم ونعطيها حقها حلقة أفراح

بس اعمل حسابك ظهر ليك اليوم منافس خطير سيد الشئ زاتو

بابكر التوم ..رمضان كريم

خشمك فيه اللبن....
يازول منافس شنو؟؟
وحاتك انا اولى من عمك عصام زاتو،،،

Post: #981
Title: Re: أغاني وأغاني.. للقدامى والمستجدين..
Author: أبوعاقلة حسان ابوسن
Date: 09-04-2009, 08:21 PM
Parent: #980

مرور على شخصيات مشاركة فى أغانى وأغانى
السر قدور : يقدر على المحن وينطبق عليه قول الشاعر أحمد عوض الكريم وهو يتحدث الى بنت الاذاعة السودانية أيام كان يدير استوديوهاتها المخضرم سيد عزيز حيث تحدثت اليه الاذاعية وقالت ياعم احمد انت كبرتا ولسة بتغنى فى الجمال والبنات السمحات فأذا به يأتى بهذه الأبيات
ياسيد عزيز الماكا شاذ متغيّر
لقيتو معاكا جاهلاً توه جمالو يحيّر
على وصف الظريف سيد الخديد النيّر
الروح شابة لكن العمر ما صغيّّّّّر

عصام محمد نور : هدوء متجذر ومقدرة عالية على كسب الجولات
فرفور : قادر يجيب الفرق بى صوتو .. لكن عندى احساس انو بحرد مرة مرة
عاصم البنا : يكون رائعاً حينما يتغنى بدرر الحقيبة على أن لا يخرج لسواها فأبداعه فى ترديد أغانى الحقيبة
ونواصل تانى مع ناس نادر وأفراح الشعب والبقية.

Post: #982
Title: Re: أغاني وأغاني.. للقدامى والمستجدين..
Author: اسعد صلاح البدري
Date: 09-04-2009, 08:35 PM
Parent: #977

Quote: عصام محمد نور في بعيوني

عصام محمد نور فنان مبدع

حق وحقيقة

بس الاسمو نادر خدر دا خرمج

لينا اغنية وردي

امووووووووووت انا في .....

Post: #983
Title: Re: أغاني وأغاني.. للقدامى والمستجدين..
Author: SHIBKA
Date: 09-04-2009, 09:27 PM
Parent: #982

ياصديق الموج
مفروض تقتنع انو افراح دي حدها تفتح ليها بوتيك ولي بوتيك وتقيف لغاية هنا وتخلي الغنى لناسو

Post: #984
Title: Re: أغاني وأغاني.. للقدامى والمستجدين..
Author: mamkouna
Date: 09-04-2009, 09:33 PM
Parent: #982

* حلقة مجوبكة و مكوجنة أُخرى تُضاف لسابقاتها.

* منار صديق و عجبوني الليلة جوا .

* صه يا كنار...من البخرة !!؟؟؟

* أفراح و "شيٌال" أفراح....

* ندوري و إصراره على وصلات طويلة ..بعيدة كل البُعد عن التطريب.

* ابو الكلام و "رقص الصالونات" في ختام ما بقطف زهورك.

Post: #985
Title: Re: أغاني وأغاني.. للقدامى والمستجدين..
Author: abubakr
Date: 09-04-2009, 09:36 PM
Parent: #984

Quote: * منار صديق و عجبوني الليلة جوا .

اثني .. نوعية من الغناء تلييق بصوتها وامكاناتها ...

Post: #987
Title: Re: أغاني وأغاني.. للقدامى والمستجدين..
Author: mamkouna
Date: 09-04-2009, 10:25 PM
Parent: #984

لا يشبه اليوم..البارحة.
ليه ؟؟؟؟

.........
الحصل شنو بين الأمس و اليوم !!؟؟

Post: #989
Title: Re: أغاني وأغاني.. للقدامى والمستجدين..
Author: abubakr
Date: 09-04-2009, 11:19 PM
Parent: #987

Quote: الحصل شنو بين الأمس و اليوم !!؟؟

الشحم كبس علي لغاليغا ... ياااخ انا مسجل غناها كلو بتاع اغاني واغاني في التلفون الاي فون واخر انبساط يجي عمكم السر يخرب علي انبساطاتي ويخلي المرتضي يفرج فينا خلقو ...انت وين ناس الدايت والتغذية الصحية .. دة كلام ..

Post: #986
Title: Re: أغاني وأغاني.. للقدامى والمستجدين..
Author: خالد عنان عمر
Date: 09-04-2009, 09:36 PM
Parent: #982

Quote:
امووووووووووت انا في .....

الموج دا بغير ياخ

هههههههههههههههه

Post: #988
Title: Re: أغاني وأغاني.. للقدامى والمستجدين..
Author: الطيب شيقوق
Date: 09-04-2009, 11:08 PM
Parent: #986

ممكونة

سلام

وحاة النبي دى براها بدخلك الجنة

Post: #990
Title: Re: أغاني وأغاني.. للقدامى والمستجدين..
Author: نجوان
Date: 09-05-2009, 00:20 AM
Parent: #988

معذرة شغلتنا مشاغل الدنيا
وصعوبات تقنية...

وسلام لسناء جعفر ولنا مهدي.. الأخ ابوعاقلة..
وجميع الزوار الجدد ..

_____
ياباش عدة الحلاقة الفي صورة دقّة قديمة
ففاتت على الكثيرين..

_____
طارق شكرا على تأكيد تحليلنا لسارة

Post: #991
Title: Re: أغاني وأغاني.. للقدامى والمستجدين..
Author: ودالعباسية
Date: 09-05-2009, 12:35 PM
Parent: #990

انتو نسيتو اللنكات بتاعة الفيديو ولا شنو ،، واكتفيتو بى صور الخال المطششه دي

صفحتين ما فيهم ولا لنك ،، ناس ارميكا ديل يعملو شنو يعنى ،،

عصام محمد نور ،، انا ما بقطف زهورك

Post: #992
Title: Re: أغاني وأغاني.. للقدامى والمستجدين..
Author: ودالعباسية
Date: 09-05-2009, 12:50 PM
Parent: #991

الثنائ ،،القادم ،،

عاصم وافراح الشعب

Post: #996
Title: Re: أغاني وأغاني.. للقدامى والمستجدين..
Author: عبد الدائم سيد أحمد
Date: 09-05-2009, 01:16 PM
Parent: #992

متابعين البرنامج سلام ورمضان كريم
سجلونى معاكم فى بقية حلقات البرنامج

افتكر من خلال الـ 14 حلقة الماضية اتضحت الصورة

* عدم الاعداد الجيد كان سمة مشتركة لكثير من الحلقات

* البخرات واذا ادعت الضرورة كان بامكان مصور البرنامج
ان يتلافى المغنى اثناء اللقطة المعنية .

* الكنبة اليمين عصام ، نادر ، فرفور ، عاصم ... لاجديد
اداء متذبذب من حلقة لاخرى

* الكنبة اليسار رماز ، شريف ، عصام ، افراح اصوات عادية جدا جدا
بالرغم من رماز صوتها جميل الا انه ما اخذت حظها الكامل

اما منار صديق حسب راي انها الحسنة الوحيدة فى البرنامج صوت جميل
واداء متوازن ما عدا فى حلقة اول يوم ما كانت حافظة واستعملت البخرة

وانا حارهن عليها هى فقط

ــــــــــــــــــــــ

وسلام خاص الخاص لطالبتين من ( القديمة بنات ) شايفهم معاكم
ورمضان كريم ومشتاقين والله ..... الوكيل

Post: #993
Title: Re: أغاني وأغاني.. للقدامى والمستجدين..
Author: abubakr
Date: 09-05-2009, 12:53 PM
Parent: #991

Quote: انتو نسيتو اللنكات بتاعة الفيديو ولا شنو ،، واكتفيتو بى صور الخال المطششه دي

ياريت ناس عمكم السر وجماعتو يقدرو بس علي مستوي التصويير المطشش دة ..؟؟هم دييل ما دايرين ليهم مصوراتي حريف زي كدة دييل داايريين ليهم ناس حريفيين من سوق الترزية في امدرمان .. قال مطششة قال .. اها البلاش كتر منو ...

Post: #994
Title: Re: أغاني وأغاني.. للقدامى والمستجدين..
Author: ودالعباسية
Date: 09-05-2009, 01:00 PM
Parent: #993

صباح الخير يا باشا ،،

ياخى انت كميرا ارتيست عديل كدا ،، ولا نقول ستديو ( كوش )

Post: #995
Title: Re: أغاني وأغاني.. للقدامى والمستجدين..
Author: ودالعباسية
Date: 09-05-2009, 01:07 PM
Parent: #994

صه يا كنار ،،،

Post: #997
Title: Re: أغاني وأغاني.. للقدامى والمستجدين..
Author: نورالدين بابكر بدري
Date: 09-05-2009, 01:29 PM
Parent: #995

سلام نجوان
سلام لكل المتداخلين
ورمضان كريم

صراحة برنامج أغاني وأغاني ان جاز التعبير
هو فاكهة جميع البرامج التي تبث من القنوات السودانية بلا استثناء

وأهو بحاولوا يدخلوا البهجة على قلوب المشاهدين
اللي فارقتم البهجة من زمن

بعدين في مثل بقول ( لا يستقيم الظل والعود أعوج )
فالموضوع أكبر من مسألة إخراج أو مطرب مشاتر
أو حلقة مكجولة .

أخيراً
عمنا قدور كان يكتر لينا من مشاركة ناس عصام أحمد الطيب
ورفاقه

لكم ودي

Post: #998
Title: Re: أغاني وأغاني.. للقدامى والمستجدين..
Author: abubakr
Date: 09-05-2009, 02:20 PM
Parent: #994

Quote: ياخى انت كميرا ارتيست عديل كدا ،، ولا نقول ستديو ( كوش )

ربنا يخلي لينا التكنولوجيا .. مصوراتي قال

Post: #999
Title: Re: أغاني وأغاني.. للقدامى والمستجدين..
Author: abubakr
Date: 09-05-2009, 05:35 PM
Parent: #998

ابشرو ابراهيم حسين ضيف الحلقة

Post: #1000
Title: Re: أغاني وأغاني.. للقدامى والمستجدين..
Author: abubakr
Date: 09-05-2009, 05:55 PM
Parent: #999

الغناء القومي في السودان

الشباب يرحبون بابراهيم حسين

تعيش انت ويدوم خيؤك

Post: #1001
Title: Re: أغاني وأغاني.. للقدامى والمستجدين..
Author: abubakr
Date: 09-05-2009, 06:00 PM
Parent: #1000

شجون يؤدييها عصام محمد نور

Post: #1002
Title: Re: أغاني وأغاني.. للقدامى والمستجدين..
Author: abubakr
Date: 09-05-2009, 06:04 PM
Parent: #1001

عزف منفرد مصاحب لشجون

وابراهيم مشاركا

Post: #1003
Title: Re: أغاني وأغاني.. للقدامى والمستجدين..
Author: Dania Elmaki
Date: 09-05-2009, 06:17 PM
Parent: #1002

البرنامج السنه دي باهت شويه, عاصم تراجع للخلف و يمكنت مشاركته لافراح عصام دي خربت عليه لانه الاداء بقى ما مفهوم لكن يبقى هو روح البرنامج بس كنا نتمنى تطور اكثر,

ناس الكنبه ديل كان مفروض حلقتين ثلاثه او كل واحد حلقه و خلاص يعني ما في داعي الزامي طوال الشهر, اولا زمن البرنامج ظالمهم, ثاني أصواتهم ما ماشه مع السناير.

أفراح اعتقد اننا كفينا ووفينا في موضوع الصوت المسهوك و الحواجب الابليسي :) كيتن في ود الموج

رماز اتظلمت شويه, صوتها جميل لكن ما حنقدر نحكم لغاية ما عمنا يديها فرصه منار صوتها حلو لكن ما مناسب للطبقات العليا.

اللبس حدث و لا حرج

نادر خضر ما كان يقدونا بيه طوال الشهر يعني لو غاب هو الكم يوم ديل بدال فرفور كان اخير

فرفور مبدع لو خفض الدسبل شويه

Post: #1004
Title: Re: أغاني وأغاني.. للقدامى والمستجدين..
Author: abubakr
Date: 09-05-2009, 06:20 PM
Parent: #1002

نادر في الزمن دوار

عزف علي الاورغ معتبر

نقرشة علي العود من احمودي

Post: #1005
Title: Re: أغاني وأغاني.. للقدامى والمستجدين..
Author: فيصل نوبي
Date: 09-05-2009, 06:25 PM
Parent: #1004

سلام بعد غياب
(شُراب) عصام محمد نور الاخدر ده بالغ فيهو ..
أحموددي أبدع كعادته في العزف المنفرد ..

_
الكاميرات تصور بعضها البعض و إخراج سيء اليوم .. مع ملاحظة غياب مهندس الصوت أو سرحانه بعض الشيء ..

Post: #1007
Title: Re: أغاني وأغاني.. للقدامى والمستجدين..
Author: فيصل نوبي
Date: 09-05-2009, 06:30 PM
Parent: #1005

لكن (جلال) إن لم أكن مخطيء .. موهبة تحتاج الي وقفة .. مع ود الفحيل .. أداء جميل جداً..
فرفور ( لما الريد يفوت حدو .. يبقي مصيرنا في يدو ) ... شغل نضيف كالعادة ..

_
الكنبة (طفحت) ..

Post: #1011
Title: Re: أغاني وأغاني.. للقدامى والمستجدين..
Author: abubakr
Date: 09-05-2009, 06:42 PM
Parent: #1007

Quote: لكن (جلال) إن لم أكن مخطيء

هو جلال بن الفنان ابراهيم حسين

Post: #1006
Title: Re: أغاني وأغاني.. للقدامى والمستجدين..
Author: abubakr
Date: 09-05-2009, 06:26 PM
Parent: #1004

مفاجاة السر قدور جلال الدين ابراهيم مع شريف

عشناك غنا

صوتان مميزان وقويان

Post: #1008
Title: Re: أغاني وأغاني.. للقدامى والمستجدين..
Author: abubakr
Date: 09-05-2009, 06:36 PM
Parent: #1006

فرفور في لماالريد يفوت حدو

Post: #1009
Title: Re: أغاني وأغاني.. للقدامى والمستجدين..
Author: abubakr
Date: 09-05-2009, 06:38 PM
Parent: #1008

حلقة مميزة بتمييز ابراهيم حسين والشباب ما قصرو والفرقة الموسيقية كانت رائعة ....

Post: #1013
Title: Re: أغاني وأغاني.. للقدامى والمستجدين..
Author: بابكر التوم
Date: 09-05-2009, 06:47 PM
Parent: #1008

مازالت الشمعة سهرانة ...

ربنا يتمم الشفاء لمبدعنا أبراهيم حسين فنان الطرب واللحن المتفرد ...

يتجلى عوض احمودى فى الصلو بالعود لجمال الالحان ورقتها ...

لم يوفق عمنا السر قدور فى اختيار قالوا الزمن دوار لنادر خضر الاغنية تشبة منار&رماز & افراح ،،،

افتكر بانها كانت تغنى فى رقيص العروس سابقا

لوما الموروث دا اندثر ياممكونة ونجوان ...

حلقة رائعة مقارنة بالحلقات الاخيرة

Post: #1010
Title: Re: أغاني وأغاني.. للقدامى والمستجدين..
Author: حسن سنوسى
Date: 09-05-2009, 06:41 PM
Parent: #1006

انت يل ا ابو بكر: دحين دى ما هدوم اول امس زاااتا؟
يعنى ابو خليل دا ما كان بستاهل حلقة لوحده بدل تمومة حلقةعيون عيون
حلقة جديدة موش باتة الجماعة ما مغيرين
وحتى انو عمك ما تذكر الزرارة الما مزررة
وحتى الولد الجديد استقبلوه بهدوماول امس

Post: #1012
Title: Re: أغاني وأغاني.. للقدامى والمستجدين..
Author: abubakr
Date: 09-05-2009, 06:47 PM
Parent: #1010

Quote: انت يل ا ابو بكر: دحين دى ما هدوم اول امس زاااتا؟

ياها زاااتا .. ما اللبسة حلقتيين حلقتيين .. بشان كدة ممكونة ونجوان سون " المشغل الفني للالبسة والشراريب الغنائية " انت بس احجز ليك قطعتيين لزوم السهرة الجاية ...

Post: #1014
Title: Re: أغاني وأغاني.. للقدامى والمستجدين..
Author: الزوول
Date: 09-05-2009, 07:59 PM
Parent: #1012

السلام عليكم
......
أغنية محمد عثمان كجراي "خلاص يا قلبي كان خاصم"
هذه الأغنية الحزينة ....
كنت أتمنى أن تغنى بدون أورغ
لأن سعد والقصاص
مع اعترافي بتمكنهما ...ولكني كنت أحس بالإزعاج وبالجوطة الشديده لصوت الأورغ...
يا ريت لو كانوا اكتفوا بالعود والكمنجات فقط مع الإيقاع
........
لا أعرف ما هي فائدة استضافة الضيف
إذا كان كل مفهوم الإستضافة هو توزيع أغانيه
انت يا فلان قول كده وانت يا فلان قول كده
على الأقل قول لينا الضيف ده منو
ياخي معلومات أولية ساي مافي
......
لا أعرف
ولكني عندما أسمع أغنيات ابراهيم حسين
يخامرني شعور بأن فيها الكثير من لمسات محمد عثمان وردي
مختلط مع ألحان صالح الضي
البيوافقني منو؟
.....

Post: #1017
Title: Re: أغاني وأغاني.. للقدامى والمستجدين..
Author: اسعد صلاح البدري
Date: 09-05-2009, 08:18 PM
Parent: #1014

Quote: مع اعترافي بتمكنهما ...ولكني كنت أحس بالإزعاج وبالجوطة الشديده لصوت الأورغ...
[/QUOTE

كلام سليم
اليوم كان في

عشوائية في الاداء
خاصة من بتاع الاورغن
الود الصغير دا

Post: #1021
Title: Re: أغاني وأغاني.. للقدامى والمستجدين..
Author: حسن سنوسى
Date: 09-05-2009, 11:05 PM
Parent: #1014

Quote: لا أعرف ما هي فائدة استضافة الضيف
إذا كان كل مفهوم الإستضافة هو توزيع أغانيه
انت يا فلان قول كده وانت يا فلان قول كده
على الأقل قول لينا الضيف ده منو
ياخي معلومات أولية ساي مافي

والله يا الزول: دا اكثر سؤال منطقى

الفكرة الاساسية انو عمك هو الراوى الاوحد.. يعنى مافى زول يشاركو فى القصص البحكيها
واذكر فى ذلك الوقت عندما كانت تتم استضافة عمك وكان وقتها تقدم البرنامج نسرين سوركتى
كان كل الناس بتمنوا انو يدو عمك دا فرصة اكبر للحكى للفائدة المرجوة من حديثه
بحكم انه عاصر وشهد مناسبة وميلاد معظم الغناء السودانى
السنة الاولى كان موفق لحد كبير.. لكن بدأنا نشعر بالرتابة منذ العام الماضى
واستبشرنا خيراً لهذا العام عندما شفنا عدد من الضيوف من خلال الدعاية للبرنامج قبل رمضان
لكن اكتشفنا فيما بعد انو الناس ديل بجو سااااى
عشان كدا ما كان فى داعى للضيوف البستضيفوهم ديل..
يعنى عمك يجيب الفنان عشان يطعم بيهو الحلقة بس؟؟..
الضيف غير مسموح له ان يحكى مناسبة اغنية او طريقة لحنها..

على سبيل المثال اذكر ان الفنان ابراهيم حسين تمت استضافته فى احد البرامج فى الاذاعة
وحكى انه عندما قابل كجراى فى نادى الفنانين وشال منو اغنية شجون..
كان ماشى فى خور ابى عنجة من جهة الموردة.. وعندما وصل العباسية لحن المقطع الاول من الاغنية..
افتكر قصص زى دى ممكن يتم اختصارها.. وتكون الفائدة اكبر
يعنى اذا اساسا هنالك شغل اخراجى برؤية فنية يمكن ان يتم تطوير البرنامج
كأن يطلب من الضيف ان يحكى قصة احد اغنياته بدل القعدة ساى دى

غايتوابو خليل مرق كييت من الحلقة دون ان يحظى باداء احد اغنياته..
محمد ميرغنى ماخلى عمك على طريقتو (قول لينا الاغنية دى يا فلان)
قالع الجماعة ولاواهم ملاواة شديدة وما خلى اى اغنية تتغنى الا وتدخل فيها بالقوة
(اهه وكيف ناوى تعمل بقلوبنا وحنانة) دى قلعها بيدو

انا والله بامانة.. تالمت لابو خليل عندما قال: انه يتشرف بان يشارك مع هؤلاء الشباب
واذا اساسا الشباب ممنوعبن من الكلام كان يتكلم عمك بلسانهم ويقول للضيف ان هؤلاء الشباب
يشرفهم ان ان يكونوا فى معيتك ويسعدهم ان يقومو باداء اغنياتك بدل الصورة المقلوبة دى ..

(نحلف قلبك القاسى بكل حنان مودتنا..)
الله يطراك بالخير يا اسرار بابكر

Post: #1015
Title: Re: أغاني وأغاني.. للقدامى والمستجدين..
Author: نجوان
Date: 09-05-2009, 08:00 PM
Parent: #1012

في رحاب الرائع الأستاذ إبراهيم حسين..

هذا كان يوم الفرقة الماسية دون شك..
تجلّى العازفون وأبدعوا..

_____
للأسف.. الغنا كان بتاع الجمعيات الأدبية..

نادر خضر وفّق نسبيا اكتر من غيره..
عصام محمد نور اعطوه أغنية من درر إبراهيم حسين.. قتلها بالنياصة.. (بدأ يزّهج فعلا)
فرفور.. الأغنية غير مناسبة لصوته، كان محتار من بين تخفيض الصوت والكواريك.. (غير موّفق)
فردتنا.. أداء مش ولا بد.. متوسّط على أحسن الفروض..

جلس إبراهيم حسين يستمع لإبداعاته تذبح شتارة بين شفاه نجوم اليوم..

_____
فرفور ما زال يهرجل.. متجاهلا أن لكل مقام مقال..
ما شاف تهذيب العمالقة؟؟ زيدان.. السني الضوّي.. محمد ميرغني.. واليوم إبراهيم حسين

_____
امنياتنا بعاجل الشفاء لأستاذ ابراهيم حسين
والأمنيات لجلال الدين بالتوفيق.. (نفس رصانة والده)

Post: #1016
Title: Re: أغاني وأغاني.. للقدامى والمستجدين..
Author: ودالعباسية
Date: 09-05-2009, 08:13 PM
Parent: #1015

Quote: حلقة مميزة بتمييز ابراهيم حسين والشباب ما قصرو والفرقة الموسيقية كانت رائعة ....

Post: #1018
Title: Re: أغاني وأغاني.. للقدامى والمستجدين..
Author: emad altaib
Date: 09-05-2009, 08:43 PM
Parent: #1016

ـــ
سلام لصاحبة البوست الضخم وللجميع ورمضان كريم ,

بكل صراحة أنا مغيوووووظ من بتاع الكاميرا واليوم زاد عليّ الضغط والسكري مابين (قراحة) و(صلعة) فرفور , بالله فرفور إنت من زمن (القراحة) ههههه

ليه بتاع الكاميرا بيمرر الكامير في وجه زيماز (وكف) يحولها ؟! ولا بيخلينا نتمعن الإبتسامة البرئة دي , يشكوك ليّ منو بس وروني ؟!

الله يغيظ كان غظتني ..

Post: #1019
Title: Re: أغاني وأغاني.. للقدامى والمستجدين..
Author: mamkouna
Date: 09-05-2009, 09:11 PM
Parent: #1018

* مع فائق احترامي و اعجابي بالفنان الكبير ابراهيم حسين ..لكنها كانت ايضاً حلقة اورديحي...
لعب فيها ابو الكلام دور السائل و المُجيب..و اكتفى الضيف بالفُرجة!

* عشناكَ غُنا...جلال الدين ابراهيم حسين صوت قوي واعد...شريف في اغنية تلائم صوته..
اداء جميل و مميز..دويتو ممتاز... كانت لتكون more romantic لو غناها احدهم مع واحدة من دكة الاحتياطي.

* عوض احمودي هو نجم الحلقة بلا منازع.

* يا جماعة الخير...حتى جلال الدين خالي شراريب...هل دا شعار البرنامج؟؟؟
.....................................................................................

لو جارت عليك ايام...تعال لي عيونا بتشيلك.

Post: #1020
Title: Re: أغاني وأغاني.. للقدامى والمستجدين..
Author: حسين نوباتيا
Date: 09-05-2009, 09:53 PM
Parent: #1018

نجوان والجميع سلام ..

بوست في قمة الروعة و بلذات تعليقات الباشمندس ابوبكر والتى جعلتنى في حالة ضحك متواصل لمدة 6 ساعات - لاني قريت البوست كلو
اليوم بعد انقطاع شهر عن الاسافير و عشرين سنة عن تلفزيونات السودان و برامجه و شعراءه ومغنيه واخباره و دعاياته (من لمن كنت في الروضة)

حقيقي تعلمت الكتير من هذا لبوست واستمتعت بكل حرف كتب فيه - و شكرا لشاعرنا الكبير عبدالله وداعة الامين والزول لتطعيمه بالوصلات وجعلتنا نشوف
ونسمع..

مع اني ما بفهم في السلالم والملفات والنوت والكلام الكبير دا لكن احساس ساكت بقول ليكم اي زول قال انو افراح عصام دي صوتها ضعيف وما عارف ايه
ربنا حا يجروا من اضانوا و يدخلوا جهنم و يقفل الباب بالمفتاح..

Post: #1022
Title: Re: أغاني وأغاني.. للقدامى والمستجدين..
Author: Alsa7afa_30
Date: 09-06-2009, 00:33 AM
Parent: #1020

يا جماعة عاصم البنا مالو شكلو مش ولابد ؟

Post: #1023
Title: Re: أغاني وأغاني.. للقدامى والمستجدين..
Author: abubakr
Date: 09-06-2009, 04:23 AM
Parent: #1020

Quote: ربنا حا يجروا من اضانوا و يدخلوا جهنم و يقفل الباب بالمفتاح..

يابلدياتي انت بقيت تعرف في الامور الدينية كمان واللا طابور خامس لودالموج .. انت قايل جهنم فرن اتوماتيك ده لهب ساااي

Post: #1024
Title: Re: أغاني وأغاني.. للقدامى والمستجدين..
Author: abubakr
Date: 09-06-2009, 04:28 AM
Parent: #1018

Quote: ليه بتاع الكاميرا بيمرر الكامير في وجه زيماز (وكف) يحولها ؟!

دة خايف من ود الموج ...؟؟

Post: #1025
Title: Re: أغاني وأغاني.. للقدامى والمستجدين..
Author: abubakr
Date: 09-06-2009, 04:34 AM
Parent: #1015

Quote: للأسف.. الغنا كان بتاع الجمعيات الأدبية..

اها بعد الشفناه وسمعناه في 14 حلقة بقينا نبوس ايدينا وش وضهر لمان الحلقة تنتهي علي خير .. الضيوف الباقيين اتنين بس السر دوليب وعبد العزيز المبارك والاتنين دييل كل املكم في دوري الدافوري دة .. قول ياباسط

Post: #1026
Title: Re: أغاني وأغاني.. للقدامى والمستجدين..
Author: Manar Mahsoub
Date: 09-06-2009, 05:58 AM
Parent: #1025

عاصم البنا كان حردان و فى شىء زعلو؟؟ او يمكن بدلتو اللامعة دى كانت مسخنه بيهو..

ولد ابراهيم حسين ده خلوه كده بدون تعريف انا كنت قايلاه واحد جاى موصل ابراهيم حسين و حلفوه يحضر التصوير ....

فرفور اتورط ورطة السنين....

Post: #1027
Title: Re: أغاني وأغاني.. للقدامى والمستجدين..
Author: maia
Date: 09-06-2009, 06:56 AM
Parent: #1026

Quote: لأن سعد والقصاص
مع اعترافي بتمكنهما ...ولكني كنت أحس بالإزعاج وبالجوطة الشديده لصوت الأورغ...
يا ريت لو كانوا اكتفوا بالعود والكمنجات فقط مع الإيقاع

اتفق مع الاخ الزول ، ده بالضبط الحسيت بيهو ، خاصة في عزف الاستاذ سعد الطيب ، لم يكن هو نفسه سعد الطيب الذي ابدع في اغاني ود اللمين
المسالة كانت اقرب لمحاولة هواة او مبتدئين وما كانت ابدا شغل مبدعين محترفين

الحلقة عموما كانت متزنة الى حد ما يمكن اغاني الفنان ابراهيم حسين اضفت على الحلقة بعض الاتزان

الحلقة ( الاشتر) كالعادة فرفور ، معليش مع احترامي لكل محبي فرفور ، لكنه بيغني بطريقة الزول الحاسي بروحه شوية وبيغني من القمة دون ان ينتبه لطريقة ادائه او ما يقدمه
حقيقي الامر في مجمله عبارة عن كواريك وصوت مزعج
اما التطريب فحدث ولا حرج ده غير الاستعراض الشديد وافتعال التعبيرات

مرة تانية افراح دي ما في زول نصحها او شافها وهي داخلة للتسجيل من طاقم البرنامج وقال ليها با بت الناس الفستان الاحمر ده كارثة .. كارثة بلا حدود

عمنا السر قدور ياريت شوية يدي فرقة لغيره يتكلم انشالله دقيقة واحدة بس على بعضها!!

Post: #1028
Title: Re: أغاني وأغاني.. للقدامى والمستجدين..
Author: SHIBKA
Date: 09-06-2009, 07:12 AM
Parent: #1027

ابراهيم حسين
فنان قامة لا شك في كدا
وكنت اتوقع ان تكون الحلقةاجمل من كتر ومرتب ليها اكتر من كدا

ولا اغنية من الاغنيات اتغنت بطريقة صاح
رغم انو الفرقة الماسية ادت دورها تماما بين الاورغ والعود

ولكن الاصوات لم تكن مناسبة مع الاغاني والعالي والهابط في الاغاني ما كان مناسب مع مؤدي الاغنية

ولم اجد اي فائدة من حضور الاستاذ طالما انو ما حيغني براهو او على الاقل يكون له وصلاته مع مشاركين

عصام كان جسد دون روح في الحلقة

لبس افراح قاسي في الوانه جدا ومجهر

جلال وشريف اداء جميل

رماز مكياج اكتر من اللازم

عصام احمد الطيب صوت جميل لا شك في ذلك

نادر ما قدر على اداء الاغنية

فرفور صرخ اكتر مما يحتاج الوضع

ودا رائي

وســــــــــــــلام

Post: #1029
Title: Re: أغاني وأغاني.. للقدامى والمستجدين..
Author: Mayada
Date: 09-06-2009, 07:50 AM
Parent: #1028

والله ياجماعة انتو عايزين النصيحة ولا الكظب...

الحاجات البتحصل في البرنامج دة كللللها هينة ومقدور على احتمالها الشي الوحيد الكعب وبلعو صعب هرجلة ولعب وخفة دم فرفور، والشي التاني -وزي ماقالت اختي- انهم لمو ليهم في واحد من دكاكين سعد قشرة باع ليهم طاقات ستان مشو خيتوها في اقرب خيات وجو قشرو/ طششو لينا عيونا بيها (مع عدم مراعات الألوان والأحجام)...

ست البنيـــــــــــات

Post: #1030
Title: Re: أغاني وأغاني.. للقدامى والمستجدين..
Author: الحاج حمد الحاج
Date: 09-06-2009, 08:41 AM
Parent: #1029

الزوول
Quote: أغنية محمد عثمان كجراي "خلاص يا قلبي كان خاصم"
هذه الأغنية الحزينة ....
كنت أتمنى أن تغنى بدون أورغ
لأن سعد والقصاص
مع اعترافي بتمكنهما ...ولكني كنت أحس بالإزعاج وبالجوطة الشديده لصوت الأورغ...
يا ريت لو كانوا اكتفوا بالعود والكمنجات فقط مع الإيقاع

فعلا حصلت لخبطة واضحة في الأغنية دي..
شريف و جلال الدين تفوقوا في الأداء..
عصام محمد نور لم يوفق و نوم الأغنية و ابراهيم حسين كان واضح عليهو الاستياء من ذلك و حاول احياء الأغنية بصوته الرائع و وضح الفرق الكبير..
أحمودي قمة الابداع..
حلقة جميلة بصورة عامة و أفضل من الحلقتين السابقتين..

Post: #1031
Title: Re: أغاني وأغاني.. للقدامى والمستجدين..
Author: abubakr
Date: 09-06-2009, 09:10 AM
Parent: #1029

Quote: - انهم لمو ليهم في واحد من دكاكين سعد قشرة باع ليهم طاقات ستان مشو خيتوها في اقرب خيات وجو قشرو/ طششو لينا عيونا بيها (مع عدم مراعات الألوان والأحجام)...

يابتي ست البنيات الموضوع دة حيحسمو في المستقبل انشااالله "المشغل الفني" بتاع نجوان وممكونة .. وبعدين الستان دة ما ياهو الموضة وانتي يمكن ما متابعة الا الواحد يجيب تايرا يعني؟؟ .. اصبري عليهم وابشرك قريبا قريبا حتشوفي شراريب توتال .. الصبر طيب ...

______

ان نقدكن عظيم

Post: #1032
Title: Re: أغاني وأغاني.. للقدامى والمستجدين..
Author: abubakr
Date: 09-06-2009, 09:14 AM
Parent: #1027

Quote: مرة تانية افراح دي ما في زول نصحها او شافها وهي داخلة للتسجيل من طاقم البرنامج وقال ليها با بت الناس الفستان الاحمر ده كارثة .. كارثة بلا حدود

يابنات انتن ما بتعرفن الموضة ؟؟؟ اشمعنا يعني نفسكن بينقطع يوم المريخ لاعب ما دة احمر وداك احمر ؟؟ خيار وفقوس يعني .. حكم

___________

ان نقدكن عظيم

Post: #1034
Title: Re: أغاني وأغاني.. للقدامى والمستجدين..
Author: SHIBKA
Date: 09-06-2009, 09:20 AM
Parent: #1032

ابوبكر
وهي اي موضة الزول بباريها ساكت
الزول يلبس البناسبو من ناحيةالشكل واللون والمقاس

والمقاس دا اهم شي

ستان احمر مع كحلي كل واحد فيهو لمعتو براهو

دا تلبسو في صبحية في بيتهم بس ما توجع عيونا بالالوان دي

Post: #1035
Title: Re: أغاني وأغاني.. للقدامى والمستجدين..
Author: abubakr
Date: 09-06-2009, 09:43 AM
Parent: #1034

Quote: ستان احمر مع كحلي كل واحد فيهو لمعتو براهو

دا تلبسو في صبحية في بيتهم بس ما توجع عيونا بالالوان دي

تعرفي ياشبكة الخلل في تلفزيوناتنا فضائية او ارضية والتي بها معدات وتنقصها كوادر فنية قادرة علي الاعداد والانتاج والاخراج ... بعض من مهمة المعديين للبرامج الجماهيرية وغيرها هو التاكد من هيئة من تسلط عليهم الاضواء ويقابلون الجماهيير .. فمعظم الذين يقابلون الجماهيير من خلال منافذ تلفزيونيةعالمية ومحلية يتعرضون الي كم هائل من التعدييل في الهيئة واللبس بايدي مقتدرة وعليمة بحيث لا يحدث مثل الذي ؤيحدث في منافذنا التلفزيونية والاعلامية عموما ...حتي رؤساء الدول يتعرضون الي تلك حين يخاطبون الجماهيير من خلال شاشات .. الخ ....

Post: #1036
Title: Re: أغاني وأغاني.. للقدامى والمستجدين..
Author: SHIBKA
Date: 09-06-2009, 09:52 AM
Parent: #1035

ابوبكر
وظيفة اللبيس دي وظيفة مفهمومة في كل دول العالم الا السودان اعتقد انو بيكون في حرج اذا واحد قال لزول بالله صلح قميصك او احشيهو جوة البنطلون او ارفعي الطرحة او قللي من البوهية الفي وشك او اللبيس زاتو يكشح عليها جردل موية تغسل بيهو وشها

غايتو
راجينا كتير

ودا كلو ما يمنع انو اعلى نسبة متابعة ومشاهدة للبرامج هو اغاني اغاني من المحليين والمغتربين

Post: #1038
Title: Re: أغاني وأغاني.. للقدامى والمستجدين..
Author: abubakr
Date: 09-06-2009, 10:05 AM
Parent: #1036

Quote: وظيفة اللبيس دي وظيفة مفهمومة في كل دول العالم الا السودان اعتقد انو بيكون في حرج اذا واحد قال لزول بالله صلح قميصك او احشيهو جوة البنطلون او ارفعي الطرحة او قللي من البوهية الفي وشك او اللبيس زاتو يكشح عليها جردل موية تغسل بيهو وشها

زمانك كنت احاول اعلل سبهليلة اللبس عند السوداني لضيق ذات اليد ولكن في غربتي الممتده عقود اكتشفت ان الامر ليس ماديا ولكنه مرتبط بالانسان السوداني او غالبه سواء لبس من بيير كاردان واللا ارماني واللا اي مصنع صيني ... اللبس الجميل المهذب ليس بالضرورة ان يكون غاليا .. الهنود وهم شعب ملياري والفقر عندهم استوطن الا ان لبسهم ما بلعبو فيه .. الترزي الهندي نسائي او رجالي يعرف اخر موضات اللبس وباسعار زهيدة ...

نعاني في العمل من طريقة لبس السوداني وعدم اهتمامه بتفاصيل ما يلبس وهندامه وهذا اعطي صورة سالبة عنا ...

Post: #1039
Title: Re: أغاني وأغاني.. للقدامى والمستجدين..
Author: SHIBKA
Date: 09-06-2009, 10:19 AM
Parent: #1038

ابوبكر
مثلا هنا او في اي دولة خليجية المواطنين بحترموا الجلابية دي جدا وتلقاها كسرة مافيها والكرفسة الا تجيب ليها منظار حتى تشوفها عكسنا تمام ودا الواضح في اغاني اغاني وفي معظم البرامج التلفزيونية وتاني في مشكلة تمييز اللبس المناسب للمكان المناسب ودا خير مثال ليهو بنات نجوم الغد في اغاني اغاني وفرفور وتحديدا في حلقة امس
يعني ما بقدر اتحمل زول لابس فل سوت والجنبو طوالي لابس قميص زرايرو مفتوحة(نادر) والجنب البهناك لابس تي شيرت بني بابيض وبنطلون جينز وعمنا لابس فل سوت فيها مية لون

يا لبيس وينك

جيبوا ليكم كم واحد من البقشرو في الحفلات ديل ومتاكدة بشتغلوا معاكم متطوعين ياناس التلفزيون لغاية ما تجي الميزانية الجديدة وتضيفوا فيها وظيفة لبيس عشان يكون عندو مرتب شهري وبدلات ويبقى موظف حكومة وبعد داك ي شتغل براحتو يوم يجي ويوم لا زي بتاع الصوت الهسة قاعد في اغاني اغاني دا

Post: #1046
Title: Re: أغاني وأغاني.. للقدامى والمستجدين..
Author: abubakr
Date: 09-06-2009, 02:55 PM
Parent: #1039

Quote: يا لبيس وينك

ياشبكة مهنة اللبيس دي مهنة بتجيب فلوس كتير وعايزة معرفة وذوق عالي وهي مكلفة وزمانك كان اللبيس او اللبيسة للملوك والملكات والزمن دة لل celebrities عموما .. واشهر لبيس في تاريخ السودان ومصر هو المرحوم العم السليماني ( ناس نمرة اتنين بيعرفو الاسم كويس) وكان لبيس الملك فاروق وكان مطلوب لسلطات انقلاب 52 فهرب وعفي عنه الريس عبدالناصر في اول زيارة له للسودان وهو طبعا من اندنا لانو دي ما شغلانة ساااي اي واحد ينط فيها ونحن معروفيين بالشغلانات الاهم زي دي و الشفات والسيكيورتي بس الزمن بطال خلانا نشتغل مهندسيين وحكما وشغل سااي .. اها عمكم السر بيعرف حاجات زي دي ؟؟ دة بيعرف غنا بس وعامليين ليهو حلقات وبوستات ونحن البنعرف التاريخ ما في زولا جايب خبرنا قال اغاني واغاني ...

Post: #1033
Title: Re: أغاني وأغاني.. للقدامى والمستجدين..
Author: abubakr
Date: 09-06-2009, 09:19 AM
Parent: #1026

Quote: ولد ابراهيم حسين ده خلوه كده بدون تعريف انا كنت قايلاه واحد جاى موصل ابراهيم حسين و حلفوه يحضر التصوير

لاحولا.. يامنار ياقريبتي نحن في رمضان واصلو دايما بشككو في ايمانا فبالله خلي الموضوع دة لناس الزوول .. وبعدين كمان وكما قال الزوول " خذ الفيلية وخلي الكمونية " يعني اسمعي بس وغمضي عيونك

Post: #1037
Title: Re: أغاني وأغاني.. للقدامى والمستجدين..
Author: معتصم دفع الله
Date: 09-06-2009, 10:04 AM
Parent: #1033

سلااام ..

الفنان إبراهيم حسين رد الله عافيته فنان يجبرك على سماعة وله قدرة عالية في التطريب ..
كنت أتمنى أن تكون الحلقة رائعة كروعة أغانيه ..
لكن في النهاية الواحد قدر يطلع بإنطباعات عن البرنامج كله ..

أولاً عمنا السر قدور قاعد يجامل كثيراً في إختيار من يؤدي الأغنيات حتى ولو ما مناسبة له ..
ودي بقت زي لاعبي الكورة المدرب أو الإداري يصر على إشراكه حتى ولو لياقته في الواطـة ..
علماً بأن البرنامج مسجّل وليس مباشراً كان ممكن تدارك الكثير فيه وعدم كلفتته ..
ثانياً ودي زي حال الكثير من حاجاتنا السمحة تبدأ جميلة وتنتهي بالسخط والتندر ..
ثالثاً أنا ما عارف فنانينا بلوكو الكلام في آخره ليه مرات كثيرة ما بتعرفه بقول شنو ..
يعني زي البتمها كده والسلام ..
اصحوا يا شباب الشعب السوداني دا حافظ غناء كويس يعني ما ح يغفر ليكم هفواتكم دي وتمرروها زي القون الاستروبيا ..

غايتو الله يقدرنا نتابع باقي البرنامج ..

Post: #1040
Title: Re: أغاني وأغاني.. للقدامى والمستجدين..
Author: طارق ميرغني
Date: 09-06-2009, 11:53 AM
Parent: #1037

يا معتصم الشعب السوداني حافظ غنا كويس وبرضو بيشوف كويس...

يعني افراح الشعب تخت المايكروفون بعد كل كوبليه او شيله زي شغاله بنظام

" تشكي من الطريحه تقول تقيله " ولا شنو يا موج؟؟؟؟

ما زال هضم حقوق الفنانه رماز ميرغني مستمرا رغم قناعتي التامه من اللويحظات التي شاركت فيها

بان امكانياتها اكير من كثير من الموجودين

نادر خضر ابدع في قالوا الزمن دوار

Post: #1041
Title: Re: أغاني وأغاني.. للقدامى والمستجدين..
Author: ودالعباسية
Date: 09-06-2009, 12:18 PM
Parent: #1040

ريحوهم شوية ،

طلعتو صليبهم ،،،

اقول ليكم حاجة اي زول بحس بى ضيق ،،ما يحضر البرنامج ،،

عشان ما يتازم ،،،

Post: #1042
Title: Re: أغاني وأغاني.. للقدامى والمستجدين..
Author: Tabaldina
Date: 09-06-2009, 01:42 PM
Parent: #1041

..
.
*

__________

البرنامج بقي ماشي فى اتجاه الملل

Post: #1043
Title: Re: أغاني وأغاني.. للقدامى والمستجدين..
Author: Hussein Mallasi
Date: 09-06-2009, 01:55 PM
Parent: #1042

Quote: البرنامج بقي ماشي فى اتجاه الملل

شكراً.

Post: #1045
Title: Re: أغاني وأغاني.. للقدامى والمستجدين..
Author: Tabaldina
Date: 09-06-2009, 02:08 PM
Parent: #1043

..
.
انت وينك يا عمكـ !!
يوم الجمعة ما رديت على مكالمة منتصف الليل

حقيبة الفن غزت النادى الامريكى وانتقلت
مع تمتمام وفرفور وعباس تلودى وحسين شندى
ومعهم مع حسرة افراح عصام..
جلسة للرابعة صباحا .. فى دولة التوجه الحضارى؛

________

عن الحضور حدث ولا حرج ولكن لا نحدث الا عبر الهاتف

Post: #1074
Title: Re: أغاني وأغاني.. للقدامى والمستجدين..
Author: abubakr
Date: 09-07-2009, 06:39 AM
Parent: #1043

Quote: شكراً.

ياحسين ما انت الروجت للبرنامج وقبل بث اول حلقة في الزمن داك وكانت بنية بتقدمو وعمك السر شالا بانقلاب غنائي

Post: #1044
Title: Re: أغاني وأغاني.. للقدامى والمستجدين..
Author: فيصل نوبي
Date: 09-06-2009, 02:07 PM
Parent: #1042

Manar Mahsoub
أقدم إعتذاري الشديد لعدم ردي علي المداخلة أدناه لأنني لم أشاهدها ( عذر أقبح من الذنب)
Quote: فيصل نوبى اسيقنى اربى بجى كودن تجى ( قابلة للتصحيح من اهل الذكر)

أول مرة أقراكـ في البوست ده ... عندكـ طريقة جميلة جداً .. لفتت نظري لدرجة إني مشيت فتشت مداخلاتكـ من الصفحة الاولي و لقيتها بادية من التانية ..
فعذراً يا قريبتي ..

_
خلينا بالعربي عشان ما يقولو بينبذو فينا

Post: #1047
Title: Re: أغاني وأغاني.. للقدامى والمستجدين..
Author: انتصار محمد صالخ بشير
Date: 09-06-2009, 03:22 PM
Parent: #1015

الاخت الفاضلة نجوان

رمضانك كريم

بوست جميل يا ريت المعد والمخرج يرجعوا ليه عشان يتفادوا البهدلة البنشوف فيها

المحزن شكل البنيات الفنانات ذى المهرجيين ببهرجة الميكياج وعدم تناسق الالوان ونوع اللبس

محل المخرج اقول ليهم عليكم الله ادخلو الحمام واغسلو وجهوكم وتعالو للتصوير بس نقول شنو رحم الله الفن واهل الفن.

استغفرتك يا مالك روحى

Post: #1048
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-06-2009, 03:58 PM
Parent: #1047

يا ممكونة ووجن (معليش يا وجن بدية بي ممكونه لانو تاريخياً ممكونتنا دي
موسسة لمثل هذا البوست) واخواتهن واخوانهن ، سلام جاكم وسنتكم طيبة ورمضانكم
كريم .
طبعاً البوست ده حقو ناس كنبة الجُداد والقدام يقروهو
وناس التلفزيون الطائر والراكي برضو يقروهو بوست
تحفه وبيفتح عيونهم وعقولهم لقصص وحاجات كتييييرة
عندي تعليق مهم شايفو لانكم ما خليتو لي حاجة اقوله
اول شي البرنامج ده مفروض يسموهو حكايات عمكم قدور
مع الاغاني والاغنيات والفنانين .
الشي التاني ابو كلام ده بيختار الاغاني النافعه معاهو
وبيسمعه للناس .
وجهة نظري ببساطة وحسب ما بسمع وبشوف وبالدرجات :-
عاصم البناء :- يوم 6 ويوم4من 10(وضعه غير مستقر)
فرفور:- 5من10
عصام نور:- 7من10 (مفروض يتحرك ويتفاعل اكتر)
نادر خدر:- يتحرك مابين 5الي 4من 10
كنبة اللعيبة الجدد:-
منار هي قائدة التيم دون منازع 7من10
شريف الفحيل :- في حلقة زيدان وصل الي7من 10
وبعدها يتراوح مستواه بين 7الي 5من10
ريماز:- من6الي5من10
افراح:-4من 10 وفي كتير من الاحيان يصل مستواها
الي مرحلة لا تقدير .
السر قدور:- مستقر في 5من10
عندي ملاحظة :- من زماااان لما البرنامج ده بدأ كان
في مقدمة للبرنامج ده والسر قدور كان ضيف مشارك أو
مقدم مساعد ما فاكر لكن الفاكرو تمام انو السر قدور
في يوم احرج مقدمة البرنامج احراج شديد لدرجة انو
الدورة الجديدة في البرنامج لقينا السر هو المقدم
الاوحد ومن اللحظة ديل لحدود الليلة بشعر انو كل
النجوم القدام ساكتين وهارشين وما بقدرو يقاطعو عمنا
ده لانو عارفين روح مدير المدرسة وروح استاذ الرياضيات
العندو .
غايتو انا لو بتاع البلاتوه باب الاستديو ما بفتحو لو
الناس دي لابسه مبشتن وسجن سجن غرامه غرامه .
ياخ عندي مثل عاجبني شديد واحد فيكم ياخد الاجر فيني
ويدخلو لي في جملة مفيدة داخل البرنامج ده والمثل هو:-
مالنا ومال دقو وشالو عجلتو.

يا وجن واخواتها واخوانها :-
لو سمحتو ياخ عندي مشاركة راتبة عايز انزله في البوست ده
ممكن؟

Post: #1049
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-06-2009, 04:50 PM
Parent: #1048

اغانى قدور
بتتحرك فى الفترة بتاعت الحقيبةحتى ظهور احمدالمصطفى الشفيع عثمان حسين

الاغانى محصورة زمانيا
نهايةالاربعينات حتى نهايةالستينات

مكانيا

امدرمان وقليلا من الخرطوم

والله السودان دا مليان سماحة غنا

لكن البلد زى ما قلصوها فى السياسةلمثلث حمدى

دايرن يضيقو واسعة الغنا

Post: #1050
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-06-2009, 04:51 PM
Parent: #1048

اغانى قدور
بتتحرك فى الفترة بتاعت الحقيبةحتى ظهور احمدالمصطفى الشفيع عثمان حسين

الاغانى محصورة زمانيا
نهايةالاربعينات حتى نهايةالستينات

مكانيا

امدرمان وقليلا من الخرطوم

والله السودان دا مليان سماحة غنا

لكن البلد زى ما قلصوها فى السياسةلمثلث حمدى

دايرن يضيقو واسعة الغنا

Post: #1051
Title: Re: أغاني وأغاني.. للقدامى والمستجدين..
Author: abubakr
Date: 09-06-2009, 05:34 PM
Parent: #1050

السر دوليب هو ضيف الحلقة

Post: #1052
Title: Re: أغاني وأغاني.. للقدامى والمستجدين..
Author: abubakr
Date: 09-06-2009, 05:37 PM
Parent: #1051

ياودالعباسية الاحمر طشش الكاميرا ذااتا .. دة شنو دة مكتب دة !!!

Post: #1053
Title: Re: أغاني وأغاني.. للقدامى والمستجدين..
Author: abubakr
Date: 09-06-2009, 05:48 PM
Parent: #1052

اللون الخمري ترحيبا بالسر دوليب

Post: #1054
Title: Re: أغاني وأغاني.. للقدامى والمستجدين..
Author: abubakr
Date: 09-06-2009, 05:55 PM
Parent: #1053

فرفور مسجل غياب ...

مالي والهوا بصوت البت الغناية الشاطرة منار

Post: #1055
Title: Re: أغاني وأغاني.. للقدامى والمستجدين..
Author: abubakr
Date: 09-06-2009, 06:02 PM
Parent: #1054

فردتنا بقميصو البرتقالي في زدني من دلك شوية

Post: #1057
Title: Re: أغاني وأغاني.. للقدامى والمستجدين..
Author: abubakr
Date: 09-06-2009, 06:15 PM
Parent: #1055

مسامحك ياحبيبي بصوت التلميذة النجيبة للسر دوليب افراح

Post: #1056
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-06-2009, 06:11 PM
Parent: #1054

Quote: مالي والهوا بصوت البت الغناية الشاطرة منار

كلام في محلو يا باشمهندس ابوبكر
زيدني من دلك شوية
ياريت كان يستلمها عصام محمد نور لانه غناها بالعود في نهاية الثمانينات
وابدع فيها.
عاصم ونادر
تواضع في الاداء
الجلسه
بعد مانشوف كلام ممكونه ونجوان
القصة بقت فيها شرابات ومكينة حلاة ومتر ترزي
وماعارفين يطلّعوا لينا شنو تاني

Post: #1058
Title: Re: أغاني وأغاني.. للقدامى والمستجدين..
Author: abubakr
Date: 09-06-2009, 06:21 PM
Parent: #1056

عصام محمد نور في انا والاشواق

___________

اداء تقريري ..!! ( دة مصطلح نقدي بتاعي انا ...)

Post: #1059
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-06-2009, 06:25 PM
Parent: #1056

انا والاشوق ( اغنية محمد ميرغني )
عصام محمد نور
الاداء ضعيف جدا جدا يعني ممكن الواحد ينوم
وممكن عاصم البنايغنيها بحيويه
ياجماعه لكن السرد قدور عملها ظاهره مع رماز لاعب ليها باك
ولم يديها فرصة .

Post: #1060
Title: Re: أغاني وأغاني.. للقدامى والمستجدين..
Author: طارق ميرغني
Date: 09-06-2009, 06:29 PM
Parent: #1059

واهم عصام محمد نور ان اعتقد انه يغني انا والاشواق ابدع من محمد ميرغني

كتل الاغنيه وبهدلها بهدله شينه

قمة النياصه واللياقه والبطء

ولا ادري لماذا يتم اعطاءه فرصته كاملة عكس البقية

في حين يتداخل في اي اغنيه لزملائه

Post: #1061
Title: Re: أغاني وأغاني.. للقدامى والمستجدين..
Author: صديق الموج
Date: 09-06-2009, 06:33 PM
Parent: #1059

يا شباب كل الناس البتغنى دى اصواتها غاية فى الجمال
هنالك خلل فنى فى التقنية الصوتيه داخل الاستديو
افراح بالاحمر تحتو الابيض..
عينى بارده زى التلجه فى كباية الكركدى..
الله يحفظك ايتها البنية الموهبة،،،،

Post: #1063
Title: Re: أغاني وأغاني.. للقدامى والمستجدين..
Author: abubakr
Date: 09-06-2009, 06:40 PM
Parent: #1059

ياوليد الليلة لو ما افراح اها الحالة كانت حتبقي تقريرية علي طول ربنا يحنن قلوب البنات علي الصبية .. بس لو كانت فتشت في علب الالوان لون غير الاحمرررر دة ..

Post: #1062
Title: Re: أغاني وأغاني.. للقدامى والمستجدين..
Author: حيدر امين
Date: 09-06-2009, 06:39 PM
Parent: #1056

يا ناس كلموهم الماركة دى بقطعوها ما معقول فنانين ومذيعين وضيوف
شاكين البدل بماركتها التقول طيارين؟؟؟

Post: #1064
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-06-2009, 07:06 PM
Parent: #1062

Quote: اداء تقريري ..!! ( دة مصطلح نقدي بتاعي انا ...)

ياهندسة مصطلح قوي
احيانانفتش مصطلح قريب ولم نجد عندما نقول هذا الفنان يغني
وكانه يقرا نشرة اخبار
(اداء تقريري )تشبيه اشمل واجمل
تعرف ياهندسة عاصم البنا فنان متكامل
ولكن هذا البرامج قلل من شأنه
ومرات اقول العيب في البرامج
ومرات اجلس مع نفسي واقول العيب فيني انا
Quote: يا ناس كلموهم الماركة دى بقطعوها ما معقول فنانين ومذيعين وضيوف

حيدر امين
كلام في التنك

Post: #1065
Title: Re: أغاني وأغاني.. للقدامى والمستجدين..
Author: ودالعباسية
Date: 09-06-2009, 07:10 PM
Parent: #1062

حلقة رائعة روعة السر دوليب ،،

كنت اتمنى حلقة تانية لهذا الميدع ،،

اليوم عمنا قدور قعد مستمع ،،وما احلى الاستماع ،،

ريماز مظلومة ظلم الحسن والحسين ،،، ومنار حلوة جدا ،،

ويا خال ،، البت طلعت مريخابية عملتها ظاهرة ،، بالله مافى غير الاحمر والاصفر ،،

اظن ودالموج موصيها ،،

يا حيدر ،،ياخى عااادي الديباجات دي يعنى ما شينه ولا مقززه

بس دا ما يمنع انه حلقة مميزة ،،،

Post: #1066
Title: Re: أغاني وأغاني.. للقدامى والمستجدين..
Author: صديق الموج
Date: 09-06-2009, 07:21 PM
Parent: #1065

Quote: ويا خال ،، البت طلعت مريخابية عملتها ظاهرة ،، بالله مافى غير الاحمر والاصفر ،،

اظن ودالموج موصيها ،،

ود اختى ....رمضان كريم

عرفتها ياحبيب
انت افتكرت هى بتطلع من البيت كان ما شاورتنى فى لون الفستان؟؟
خلى وجن ودانى المكى يموتن بغيظهن...
بعدين وحاتك مريخابية بالفطرة..
امسك الخشب،،،،

Post: #1067
Title: Re: أغاني وأغاني.. للقدامى والمستجدين..
Author: baha eassa
Date: 09-06-2009, 07:58 PM
Parent: #1066

مسامحك ياحبيبي - افراح عصام- .. الاهداء للاخ صديق الموج

Post: #1068
Title: Re: أغاني وأغاني.. للقدامى والمستجدين..
Author: حسن سنوسى
Date: 09-06-2009, 08:23 PM
Parent: #1067

كم كنت اتمنى حضور حلقة السر دوليب
لكن الله يخلى لينا الرائعين البرفعو لينا الاغانى فى اليوتوب
يا جماعة هنالك اغنيات ما بتتغنى الا لاسياده..
ومنها انا والاشواق
يا عصام مالك ومال الشبك دى..
غايتو حتى لو يزعلو منى حبايب الماكنتوش
لكن (مسامحك ياحبيبى) دى اداء ود ناس ابو صلاح الضعيف داك كان احسن من الماكنتوش..
اما اسرار بابكر.. الله يطراها بالخير
فجعلت هذه الاغنية الاكثر طلبالخدمة نغمات الموبايلات

Post: #1069
Title: Re: أغاني وأغاني.. للقدامى والمستجدين..
Author: othman mohmmadien
Date: 09-06-2009, 09:03 PM
Parent: #1066

التحية لصاحبة البوست ولكل الأخوة المشاركين ورمضان كريم

Quote: عينى بارده زى التلجه فى كباية الكركدى..

آمنت بالله .. ولا حول ولا قوة إلا بالله
الأخ صديق ويف
الدنيا خريف بتعرف فاطمة بت المطرة ... بذاتها وصفاتها ... الحمرة ما مفارقاها ... وتصدق جميلة بشكل ومكسوة قطيفة حمراء
ولو ما بتعرف أسأل ناس كردفان ...

- البنية أفراح مبدعة وواثقة من أداؤها ... ولم يرصد لها بخرة حتى في أغاني الحقيبة الصعبة الأداء ... يمكنها أن تشق طريقها بخطى واثقة لنستمتع بصوتها الجميل والمتميز وستكون لها شخصيتها الغنائية يوما ما ... وسنطلق عليها "كوكب الموج" ... كان الله مد في عمركم ... وأهم ما يميزها الهدوء والثقة في النفس مع الأحمر الوهاج ...تركنا عشة الفلاتية بتقبلونا في الرابطة ...

Post: #1070
Title: Re: أغاني وأغاني.. للقدامى والمستجدين..
Author: mamkouna
Date: 09-06-2009, 09:34 PM
Parent: #1069

Quote: على الرغم من حقيقة أني حزمت أمري بألا أرجو طربا بعد زيدانية اليوم الثاني
إلا أن جيوش الأماني عندي لاتندحر ، منيت نفسي بأداء يغازل السحاب عندما سمعت
أن محمد ميرغني بين المشاركين ، هذياني زاد وزادت أنَّتي فقلت أن محمدا لامحال
مُتِحِفي بأغنية تحتفل بها كل خلية فيّ على انفراد ، أغنية يستحيل معها الجسد والخاطر
مهرجانا للبشاشه ومتحفا أو ضريحا مفتوح للزيارة ، رجوته أن يغني رائعة السر دوليب
( أنا والأشواق) لأنو الغنيه دي فيها معاني ولوحات إستثنائية دعك عن اللحن الذي فصل على
قامتها المائزة ، أنا والأشواق في بعدك بقينا أكتر من قرايب ، بالله إتخيل ، زي أعز اتنين
حبايب ما بنغيب عن بعض أبدا( إن المصائب يجمعن المصابين)، بالله زول يقول ليك شوقي أبلغ
من غناي ، دا مش بكون خلاّك قميص وبنطلون ساي ؟ وشوقى قال لى مستحيل مرة يتحقق مرادى
ولازمنى زى خلى الوفى واصبح حبيبي الما بعادى، كلمات كهذه لاتُؤدَى إلا بعد عقد النية
والوضوء وانتقاء الحضور بعيدا عن فرفور الذي مدد رجليه وصنقع للوراء حتى ظننته
يطلب (دِرِب) أو اسطوانة أكسجين ، ظننته ضرب الفيتز فخشيت على من يجاوره في الكنبه.
تلك أغنيات تؤدى في المعابد بعيدا عن مطربي زمن الإنفلونزا والشيالين الأوزبك ناس
الماكنتوش دستم.
حبيبو تالاهون كان جميلا
(حين زيّاني لباس الأمن والروعة والبهاء
توجني برغوة الشمس والعبير والغضب
بخصل من اللهب
وحُلل من الضياء) كما قال ود المكي.

Re: أغاني وأغاني.. للقدامى والمستجدين..

لم أحزن على أغنية في حياتي كما حزنت اليوم و عصام محمد نور يقتل في ( أنا و الأشواق) برصاص الملل..
لكَ الله يا محمد المرتضى.

Post: #1071
Title: Re: أغاني وأغاني.. للقدامى والمستجدين..
Author: abubakr
Date: 09-06-2009, 10:00 PM
Parent: #1070

Quote: لم أحزن على أغنية في حياتي كما حزنت اليوم و عصام محمد نور يقتل في ( أنا و الأشواق) برصاص الملل..

ولا تحزني ولا حاجة الاداء التقريري دة فتح لينا باب استرزاق و"سبوبة اكل عيش " لاني قررت !! ان اشارك في اي حلقات قادمة ان امد الله في الاجال .. ما انا ذاااتي بقدر علي الزي دة انتو بس خلو ناس احمودي ومحمدية واسماعيل والمليجي وصاحبو بتاع البنقز وسعد وصاحبو معاي .. قال اغاني واغاني ...

________
ودالعباسية بختك انا جاي انت بس جهز المشجعيين وناس نجوم الغد والباقي علي

Post: #1072
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-06-2009, 11:48 PM
Parent: #1071

Quote: لم أحزن على أغنية في حياتي كما حزنت اليوم و عصام محمد نور يقتل في ( أنا و الأشواق) برصاص الملل..
لكَ الله يا محمد المرتضى.

ممكونه
لاتحزني وهل هذا العصام وهو من قدم لنا رائعة الكاشف
بثوبها الجميل .
وهل هذا الاداء التقريري زي ماقال مهندس ابوبكر لا يمكن شطبه قبل
البث حفاظا على مكانة الفنان .
ابوبكر هندسه
تعرف انا من اليوم معاك بقيف في باب الرزق ده والاداء التقريري ده اسهل منو مافي
وانا زاتي امي قالت لي زمان صوتك كان جميل ( شفت كيف )ها ها ها
ياهندسة
احيانا الواحد يحس السر قدور عمل مؤامره وحاول ينتهي من الشباب
عاصم البنا اذا لم نعرفه وكنا نقول انه امتداد للجقر والفرجوني
مرات في بعض الحلقات تقول ليس له علاقه بالفن.
جمال فرفور اذا لم نعرفه تقول جابوهو من حلبة ملاكمه
نادر خضر اذا لم نعرفه تقول جابوه من صالون حلاقه
عصام محمد نور اليوم كان تشييع جنازته كفنان بهذا الاداء التقريري

Post: #1073
Title: Re: أغاني وأغاني.. للقدامى والمستجدين..
Author: abubakr
Date: 09-07-2009, 04:11 AM
Parent: #1072

Quote: تعرف انا من اليوم معاك بقيف في باب الرزق ده والاداء التقريري ده اسهل منو مافي
وانا زاتي امي قالت لي زمان صوتك كان جميل ( شفت كيف )ها ها ها
\

حنسوي اغاني راب ...انت بس ما تحلق شعر راسك عشان يتمشط واعمل تماريين رياضية عشان تبقي ايسلم فيت ونفسك يبقي طوييييل وكت تجدع النضمي واحد ورا التاني والباقي اها ناس البنقز والدربكة بيسوهو

Quote: احيانا الواحد يحس السر قدور عمل مؤامره وحاول ينتهي من الشباب

يبدو ان اصراره علي عدم الاعداد والتحدث عفو الخاطر وان يكون هو الذي يتكلم ويحدد الاغاني في ذات الوقت حتي ولو كان هنالك ضيف هي التي اطاحت بدولته

Post: #1075
Title: Re: أغاني وأغاني.. للقدامى والمستجدين..
Author: نجوان
Date: 09-07-2009, 06:41 AM
Parent: #1073

سلام للكل ومرحب بالجدد..

أعتقد.. أن عصام محمد نور بيقرقش شوية من ديل قبل تسجيل البرنامج

____
الأداء عموما كان أوكيه أمس،
أرحم من حلقة اول أمس..

____
بعد كرنفال فساتين الستان الجرجوري.. وتوب الجرتق،
يبدو انه أفراح المرّة الجاية ح تجي بفستان زفاف..

Post: #1076
Title: Re: أغاني وأغاني.. للقدامى والمستجدين..
Author: SHIBKA
Date: 09-07-2009, 06:47 AM
Parent: #1075

افراح : التوب الاحمر جاهر اكتر من اللازم
منار : ادارء جميل
السر دوليب : كان سعيد بحلقته

الحلقة في مجملها حلوة عدا عصام محمد نور وما عارفة محمد ميرغني امس لو سمعو حيكون رأيو شنو في القصة دي؟

Post: #1077
Title: Re: أغاني وأغاني.. للقدامى والمستجدين..
Author: maia
Date: 09-07-2009, 06:52 AM
Parent: #1075

Quote: الأداء عموما كان أوكيه أمس،
أرحم من حلقة اول أمس..

____
بعد كرنفال فساتين الستان الجرجوري.. وتوب الجرتق،
يبدو انه أفراح المرّة الجاية ح تجي بفستان زفاف..

فعلا الاداء امبارح كان افضل وانطرب الاستاذ السر دوليب لاداء منار غاية الطرب
رغم انه عمنا السر قدور صراحة عملها ظاهرة تجاه رماز ميرغني ، وواضح انه حتكون في كنبة الاحتياطي حتى الشوط بدل الضايع

يبدو انه فستان الزفاف هو فقط ما تبقا لافراح لانه كل المؤشرات تنبيء بذلك
فستان الصبحية وتوب الجرتق لبستهم

علينا ان نلوك الصبر

حمدت ربي امبارح انه فرفور ما كان موجود والا لملأ الدنيا كوراكا وضجيجا

الف حمد وشكر ليك يارب

Post: #1078
Title: Re: أغاني وأغاني.. للقدامى والمستجدين..
Author: نجوان
Date: 09-07-2009, 07:15 AM
Parent: #1077

Quote: حمدت ربي امبارح انه فرفور ما كان موجود والا لملأ الدنيا كوراكا وضجيجا

الف حمد وشكر ليك يارب
آميــــــن..

Post: #1079
Title: Re: أغاني وأغاني.. للقدامى والمستجدين..
Author: saif addawla
Date: 09-07-2009, 07:24 AM
Parent: #1077

ندين ونستنكر بشدة المؤامرة الدنيئة التي يقودها العجوز الحاقد السر قدور في حق البت رماز

وخلانا بسببا نكجن افراح الشعب

Post: #1080
Title: Re: أغاني وأغاني.. للقدامى والمستجدين..
Author: abubakr
Date: 09-07-2009, 07:52 AM
Parent: #1079

Quote: ندين ونستنكر بشدة المؤامرة الدنيئة التي يقودها العجوز الحاقد السر قدور في حق البت رماز

ياولدي ندين ونستنكر وازيد عليها نشجب خمسين سنة ما سوت شي في اسراييل دحين دايرا تسوي شيتا في عمك السر ...عليكم بالصبر ...امين

Post: #1081
Title: Re: أغاني وأغاني.. للقدامى والمستجدين..
Author: الزوول
Date: 09-07-2009, 07:59 AM
Parent: #1080

Quote: ____
بعد كرنفال فساتين الستان الجرجوري.. وتوب الجرتق،
يبدو انه أفراح المرّة الجاية ح تجي بفستان زفاف..

.

Post: #1082
Title: Re: أغاني وأغاني.. للقدامى والمستجدين..
Author: Tabaldina
Date: 09-07-2009, 08:11 AM
Parent: #1081

..
.
Quote: مالي والهوا بصوت البت الغناية الشاطرة منار

بالمناسبة ( او كما قال السر قدور )
شنو حركة مقاطع الاغنيات الغير مكتملة
البديهوا زى المقدمة للبراعم دى ..
اعتقد دى المره الثالثة ..!!
ولا ما كدا ..

___________

والله كان يغنوا لينا الاخضر لونو زرعى

Post: #1083
Title: Re: أغاني وأغاني.. للقدامى والمستجدين..
Author: معتصم دفع الله
Date: 09-07-2009, 08:46 AM
Parent: #1082

Quote: يا معتصم الشعب السوداني حافظ غنا كويس وبرضو بيشوف كويس...
عشان كده ما ح يغفر ليهم الهباب البهببوهو دا يا طارق ..
Quote: يعني افراح الشعب تخت المايكروفون بعد كل كوبليه او شيله زي شغاله بنظام
والعجيب إنو عاصم برضو بقى يقلده في الحاجة دي
Quote: " تشكي من الطريحه تقول تقيله " ولا شنو يا موج؟؟؟؟
عوقت الراجل

يا سلام على السر دوليب الشاعر الإنسان ..
والله كنت منتظر الحلقة دي بفارق الصبر لكن الشباب ما قصروا خذلوني فيها
منار لحدٍ ما أبدعت في أغنية مالي والهوى لكن ما تمتها والحاجة الناقصة ما بتكون حلوة ..
كنت أتمنى أن يغني عصام محمد نور زدني من دلك شوية بدل عاصم لأن عصام أدى الأغنية دي قبل كده بدرجة عالية من التطريب ..
وهذه الأغنية بالتحديد كانت فرمالة الفنانين نهاية الثمانينات ومافي زول ما كان بغنيها وخصوصاً الفنانين الشباب ..
عصام خذلني في أنا والأشواق ومسامحك يا حبيبي مافي زول ح يقدر يغنيها ..
الله يرحم الفنان الهرم أبوعفان ..

والتحية للشاعر القامة السر دوليب ..

Post: #1084
Title: Re: أغاني وأغاني.. للقدامى والمستجدين..
Author: معتصم الطاهر
Date: 09-07-2009, 08:47 AM
Parent: #1082

فتور الاستجابات و النقد لهذا البرنامج يوضح تنازلا إن لم يكن انحدارا ..

أحس بمؤامرة تجاه الشباب ..
ماذا يعنى أن يغنى ( نادر خضر المقطع الأول من " عجبونى الليلة جو ) من بخرة و منار صديق تحفظها و تؤديها أفضل منه ..

ماذا يعنى أن يشارك عاصم البنا أفراح أغنية تؤديها أفضل منه بل أفضل من أدائها المشترك معه ..

يبدو أن السر تحت رحمة عربة ( رباعية الدفع) ..

أم المسألة عدادات

Post: #1085
Title: Re: أغاني وأغاني.. للقدامى والمستجدين..
Author: الحاج حمد الحاج
Date: 09-07-2009, 09:08 AM
Parent: #1084

رباطابي من جماعة صديق الموج (معجبي أفراح) لاحظ أن المخرج كل مرة جايب العازفين و محمدية قال لمشاركيه: ياخي المخرج دا ما يركز لينا على الكوشة!!!

Post: #1086
Title: Re: أغاني وأغاني.. للقدامى والمستجدين..
Author: Tabaldina
Date: 09-07-2009, 09:11 AM
Parent: #1084

..
. عارف يا معتصم
الرد على كلامك دا تكرم به الاخ الصديق عبدالجليل الجمرى
فى بوست ريماز والبركة الآسنه ..

Quote: من المعـروف أن المذيع يحـرك ضـيوفه وفقـا تفسـيره من مشـهد ، نقاش ، غناء وإعتـبارات أخرى ..
وهـذا هـو الدور الـذى إرتضـى السـيد مقـدم برنامـج أغـانى و أغـانى أن يـلعـبه طـوعا وبكـامل قـواه العـقلية ،
ليعـلن للمـلاء أن هـيمنته فى تـوزيع الأدوار خـاضعة بشـكل رئيسـى لـمزاجه ضـاربـا فـرصة إقـترابه
من الجمـهور عرض جـدار إستديو النـيل الأزرق ..عـلامة واضحـة بـشكل مستـفذ لكيفـية ونمـط تـوزيع الأدوار عـلى عـرش مـسرحه ،
ما هـذه الـصلابة فـى إعتـبارات الـكتلة (الـواحدة) الـتى تـريد تبـليغـها؟؟!!
هـذه تقنـية يمـكن أن تلعـبها (بصـالون) أو صـالات بيتك ، ولا يمكـن فـرضها على المتـلقى الذى يخـشى
من إنقطـاع التـيار الكـهربائى حـتى لا يحـرم من الإستماع بمنـزله ببلادنـا إلى من يهـوى ويـريد.

العـدالة ،، يا سيدى ،، أسبـق وسمعت بها!!

_________

شكرا يا جمرى؛

Post: #1087
Title: Re: أغاني وأغاني.. للقدامى والمستجدين..
Author: abubakr
Date: 09-07-2009, 09:20 AM
Parent: #1075

Quote: أعتقد.. أن عصام محمد نور بيقرقش شوية من ديل قبل تسجيل البرنامج

يانجوان ام جي في اخر بروفة له قبل ان يرحل كان في قمة نشاطو مع انو ماخد بروبوفول اها الجماعة بتاعننا دييل ما ينفع معاهم حتي البرو بوفول لكن بس الفول هو البيشتغل .. بس جربي وعينك ما تشوف الا النور

Post: #1088
Title: Re: أغاني وأغاني.. للقدامى والمستجدين..
Author: معتصم الطاهر
Date: 09-07-2009, 11:34 AM
Parent: #1087

سلام كبيرنا ابوبكر

أستمتع بتحليلك جدا ..

ياخ ما تحرشوا ممكونة تدخل لينا فى مسألة التحليل النفسي لعمك السر و جماعتو .. طبعا فى الناحية دى هى متمكنة و ماكنة ..

Post: #1089
Title: Re: أغاني وأغاني.. للقدامى والمستجدين..
Author: abubakr
Date: 09-07-2009, 12:25 PM
Parent: #1088

Quote: ياخ ما تحرشوا ممكونة تدخل لينا فى مسألة التحليل النفسي لعمك السر و جماعتو .. طبعا فى الناحية دى هى متمكنة و ماكنة ..

يامعتصم ... قلت ممكونة؟؟ .. ات ما قريت بيان منظمة "القعدة" بتاعتها والمتفجرات ...

Post: #1090
Title: Re: أغاني وأغاني.. للقدامى والمستجدين..
Author: طارق ميرغني
Date: 09-07-2009, 01:49 PM
Parent: #1089

Quote: كنت أتمنى أن يغني عصام محمد نور زدني من دلك شوية بدل عاصم

يا معتصم انت ماسمعت هذه الاغنية من الفنانه عافيه حسن....؟

اول من اظهرها من الشباب واجمل من غناها.

اعتقد ان عاصم غناها بصوره معقوله الا ان قارنا اداءه مع اداء عافيه....

Post: #1091
Title: Re: أغاني وأغاني.. للقدامى والمستجدين..
Author: عليش
Date: 09-07-2009, 03:46 PM
Parent: #1090

up

Post: #1092
Title: Re: أغاني وأغاني.. للقدامى والمستجدين..
Author: mamkouna
Date: 09-07-2009, 04:12 PM
Parent: #1088

Quote: ياخ ما تحرشوا ممكونة تدخل لينا فى مسألة التحليل النفسي لعمك السر و جماعتو .. طبعا فى الناحية دى هى متمكنة و ماكنة ..

سلام و شوق شديد يا باشطاهر ليكَ و لسيدة كل المواسم و لازهاركم اليانعة.
رمضانكم كريم و تصومو و تفطرو على خير.

اشكرك جزيل الشكر على ثقتك في مقدراتي التحليلية...
ساقوم بتنفيذ رغبتك و ارسال التقرير في الخاص...
دا تقرير أخير منو تقرير المصير!

Post: #1093
Title: Re: أغاني وأغاني.. للقدامى والمستجدين..
Author: Alsa7afa_30
Date: 09-07-2009, 05:25 PM
Parent: #1092

عصام محمد نور : لكل جوادٍ كبوة ..

Post: #1094
Title: Re: أغاني وأغاني.. للقدامى والمستجدين..
Author: abubakr
Date: 09-07-2009, 05:31 PM
Parent: #1092

ياجماعة ان مليت من البرنامج دة ...
استنفذ اغراضو والخلق والابداع فيهو Nil
وحيث اني الوحيد من اسرتي البتابعو يبدو انني سانضم الي باقي الاسرىة واشوف لي شغلة تاني
السر قدور خذلني
اها ابسط يا ملاسي

__________

الليلة فرفور
في (طبعا كلكم قلتو ياااه . مافي )...
والموجوديين زي المجموعات البجيبوهم في دعاية زين وامتي ان كل واحد لابس حاجة
جلابية - قميص ومنطلون وقميص وكرافتة وقميص من غير كرافته وتي شيرت وقميص ساااي وبدلة من غير كرفتة وكرفتة من غير بدلة وكاجول وما كاجوال
جلابية نادر والطاقية عملتلي كاللو ...

Post: #1095
Title: Re: أغاني وأغاني.. للقدامى والمستجدين..
Author: abubakr
Date: 09-07-2009, 05:35 PM
Parent: #1094

خبر هام :

الوادي حليب من المروج
(دعاية جديدة لنج بختكم )

Post: #1096
Title: Re: أغاني وأغاني.. للقدامى والمستجدين..
Author: abubakr
Date: 09-07-2009, 05:51 PM
Parent: #1095

السر قدور قال انو مبسوط لانو حيتكلم عن عبدالمنعم هبدالحي

نار البعد يؤديها نادر

_____________

غناها نادر كويس ...

Post: #1097
Title: Re: أغاني وأغاني.. للقدامى والمستجدين..
Author: abubakr
Date: 09-07-2009, 05:55 PM
Parent: #1096

بالله يا اهل الهوي باصوات فرفور

Post: #1098
Title: Re: أغاني وأغاني.. للقدامى والمستجدين..
Author: abubakr
Date: 09-07-2009, 06:00 PM
Parent: #1097

انساني بصوت عصام محمد نور

احمر بالبني ...

Post: #1099
Title: Re: أغاني وأغاني.. للقدامى والمستجدين..
Author: بابكر التوم
Date: 09-07-2009, 06:06 PM
Parent: #1098

التحية للشعراء المبدعين السر دوليب وعبد المنعم عبد الحى .....

الذين نفتخر باننا خرجنا من رحم سودانى واحد ملئ ابداعا ....

مازال عصام محمد نور يقتل الغناء الخفيف لحد الملل ياحلليك ياعمار السنوسى ....

Post: #1103
Title: Re: أغاني وأغاني.. للقدامى والمستجدين..
Author: حسن سنوسى
Date: 09-07-2009, 06:14 PM
Parent: #1099

عصام: حرام ثم حرام انك تكون ما حافظ اغنية زى دى
الله يطرى عمار السنوسى بالخير..
والله العظيم انا شفت زول ببكى وهو يستمع لهذه الاغنية بصوت عمار
عصام : يا خى مافى داعى للفلهمة الزايدة فى الغنا دى..
رماز: اشهرتها اغنية (ملامة) للشفيع.. كان احسن يدوها الاغنية دى..
لكن نقول شنو فى التهميش المقصود للعصافير

Post: #1105
Title: Re: أغاني وأغاني.. للقدامى والمستجدين..
Author: بابكر التوم
Date: 09-07-2009, 06:23 PM
Parent: #1103

ومازالت ريماز مبدعة فى مشيتها لاهلها

بالغت ياعمنا السر قدور

Post: #1126
Title: Re: أغاني وأغاني.. للقدامى والمستجدين..
Author: abubakr
Date: 09-08-2009, 04:11 AM
Parent: #1103

الذين لا يصلهم بث النيل الازرق لمتابعة حلقات اغاني واغاني يمكنهم امشاهدة الاغاني كلها هنا في رابط الفيسبوك :
http://www.facebook.com/pages/AGHANI-O-AGHANI/65157639848?v=box_3

Post: #1139
Title: Re: أغاني وأغاني.. للقدامى والمستجدين..
Author: sanaa gaffer
Date: 09-08-2009, 09:46 AM
Parent: #1103

اول ايامات البرنامج .. في مواعيده كنت بخلي الواري والقدامي .. واتوهط في الكرسي قدام التلفزيون عشان استمتع ..

حالياً .. بقيت اخلي كل المهام المؤجلة ( بما فيها غسيل عدة الفطور ) لمن يجي البرنامج ..

على الاقل اصحصح بخبتي الحلل والصحون لمن عصام يقرب ينومني من الساعة تسعة باسلوبه الغريب في اداء بعض الاغاني ..

وبما انو عيوني اليومين دي بقن مطششات .. اقول اخير ( اشيح بنظري ) وما اعاين للرقاش واللماع يقومن يطششن زيادة ..

والمشكلة كل ما اتلفت من حوض العدة .. القى عاصم صاري وشو وبحدر حدرة غريبة كدة لمنو ما عارفة ..

ولا القى افراح بتصلح طرحتا ( ما قدرت افهم ليه هي الوحيدة البتصلح طرحتا الوقت كلو ؟؟ ) وبتعاين في اتجاه ما مفهوم ( اظن اتجاه الكاميرا ) ..

بعدين عندها رمية يد بعد كل مقطع بتخليني احن عليها واقول البت دي اكيد بترجع بيتم بكمية من الفلايت والقطايع بت بتي ما تطلعا منها..

اها جلابية نادر امبارح ذكرتني افلام الابيض والاسود وعبد السلام النابلسي وهو بيكورك لتفيدة تجيب ليهو شبب الزنوبة عشان يتوضا للصلاة ..

غايتو برغم السلبيات البتطغي على الايجابيات في البرنامج دة .. لكن مجبورين نحضرو .. على الاقل ارحم من ( عفاف وندى ) في هارموني ..

غايتوالله يصبرنا .. كنا قايلين البرنامج حيبقى لينا فزعة .. بقى فزاعة بتعمل وجعة ..

Post: #1107
Title: Re: أغاني وأغاني.. للقدامى والمستجدين..
Author: حسن سنوسى
Date: 09-07-2009, 06:24 PM
Parent: #1099

عمك اختار فردتكم لاغنية (لوموهو اللاهى) عشان نادوا لينا البنا يبنى لينا الجنة
لكن يا عاصم البنا المقصود دا ما البنا حقكم..دا البنا المقاول..
والله يا عاصم طريقتك الاديت بيها الاغنية دى تجعل ابو داوود يتململ فى قبره
الاغنية دى تفوقت فى اداءها بنت اسمها على ما اعتقد (نسرين النمر)
وكان ذلك فى قناة النيل الازرق فى برنامج اسمو (ثنائيات)
والله البنية بالغت فى حسن اداءها..

Post: #1109
Title: Re: أغاني وأغاني.. للقدامى والمستجدين..
Author: حسن سنوسى
Date: 09-07-2009, 06:27 PM
Parent: #1099

بعدين يا عمك عبد المنعم دا تغنى له العديد من الفنانين
كان اقلها تذكرهم كلهم او اغلبهم على الاقل
ومنهم العميد احمد المصطفى..
والاغنية التى يحفظها اغلب السودانيين (سفرى السبب لى اذاى)

Post: #1110
Title: Re: أغاني وأغاني.. للقدامى والمستجدين..
Author: Mashaier Ahmed
Date: 09-07-2009, 06:29 PM
Parent: #1099

سلام للجميع

يا جماعة الحاصل شنو؟

دي الحلقة الثالثة نرى ولا نسمع

وين شاعرنا عبدالله وداعة وأخونا الزوول

نحن اعتمادنا على الله وعليكم

أطربونا شوية أطربكم الله

تحياتي

مشاعر

Post: #1113
Title: Re: أغاني وأغاني.. للقدامى والمستجدين..
Author: abubakr
Date: 09-07-2009, 07:00 PM
Parent: #1110

Quote: دي الحلقة الثالثة نرى ولا نسمع

يا مشاعر.. التكنولوجيا في خدمة المهمشيين اسفيريا ولذا فلقد وفر احدهم تسجيلا كاملا ومواكبا للحلقات يوما بيوم في الفيسبوك

ابحثي عن AGHANI O AGHANI هناك في الفيسبوك

Post: #1100
Title: Re: أغاني وأغاني.. للقدامى والمستجدين..
Author: طارق ميرغني
Date: 09-07-2009, 06:11 PM
Parent: #1098

فرفور ادي رائعة عبد المنعم عبد الحي بالله يا اهل الهوي

اداء ضعيف ولم يوفق في مقدمة او مطلع الاغنية فكان من المفترض ان يكون

في طبقة او" اوكتافا " اعلي.

شريف الفحيل يتقدم بخطوات ثابته

Post: #1101
Title: Re: أغاني وأغاني.. للقدامى والمستجدين..
Author: abubakr
Date: 09-07-2009, 06:12 PM
Parent: #1098

قالو وقلنا ليهو بصوت واداء شريف

Post: #1140
Title: Re: أغاني وأغاني.. للقدامى والمستجدين..
Author: Mayada
Date: 09-08-2009, 10:11 AM
Parent: #1098

Quote: احمر بالبني ...

ماقلت ليكم لقو ليهم طاقة بتاعة ساتان كل الالوان واقعة جمب الخيات...

ست البنيــــــات

Post: #1141
Title: Re: أغاني وأغاني.. للقدامى والمستجدين..
Author: abubakr
Date: 09-08-2009, 11:13 AM
Parent: #1140

Quote: ماقلت ليكم لقو ليهم طاقة بتاعة ساتان كل الالوان واقعة جمب الخيات...

لا لا يا ست النيات دة مخسوس وارد اسبانيا بشان الحلقات بتاعة عمكم السر ... انا غايتو ما شفت ستان احمر زي دة قبل الحلقات دي

Post: #1102
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-07-2009, 06:12 PM
Parent: #1097

Quote: جلابية نادر والطاقية عملتلي كاللو ...

ابوبكر ياهندسة
دي برضها من المصطلحات الجديده ( الخاصة)
اليوم مافي اداء تقريري ولا شنو

Post: #1104
Title: Re: أغاني وأغاني.. للقدامى والمستجدين..
Author: abubakr
Date: 09-07-2009, 06:19 PM
Parent: #1102

لومو بالله بصوت السوخوي النازل فردتنا

ديانجو

Post: #1108
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-07-2009, 06:25 PM
Parent: #1104

ياهندسه
عايزك تعرف ان الكبير كبير
وعاصم البنا فنان كبير .والله اليوم تربع
في قمة عرشة وتجاوز الاداء التقريري
ولا رايك شنو .

Post: #1106
Title: Re: أغاني وأغاني.. للقدامى والمستجدين..
Author: abubakr
Date: 09-07-2009, 06:24 PM
Parent: #1102

Quote: دي برضها من المصطلحات الجديده ( الخاصة)

والكاللو هي عين السمكة عند بعض شعوب النيل وهي التي لا تجعلك مرتاحا وانت لابس جزمة وشراب وتقعد تلولح في ارجلك باحثا عن خلاص وخصوصا اذا كانت الجزمة ضيقة ...

Post: #1111
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-07-2009, 06:43 PM
Parent: #1106

Quote: عمك اختار فردتكم لاغنية (لوموهو اللاهى) عشان نادوا لينا البنا يبنى لينا الجنة
لكن يا عاصم البنا المقصود دا ما البنا حقكم..دا البنا المقاول..
والله يا عاصم طريقتك الاديت بيها الاغنية دى تجعل ابو داوود يتململ فى قبره

حسن سنوسي
البدايه كانت موفقه ولكن عصام وفرفور
تركوه ينحرف عن الاداء بسيط وقلبوها سامبا
وياخي قول الحمدلله عاصم البنا رجع الى مستواه
وكما تعلم الفنان اذا واحد يرقص خطا في دائرة الرقص
ممكن يحرفه عن اداء الاغنية .

Post: #1112
Title: Re: أغاني وأغاني.. للقدامى والمستجدين..
Author: abubakr
Date: 09-07-2009, 06:50 PM
Parent: #1111

Quote: وياخي قول الحمدلله عاصم البنا رجع الى مستواه

فردتنا بيكون في مستواهو لو "انفرد" بالكورة والملعب ...

Post: #1114
Title: Re: أغاني وأغاني.. للقدامى والمستجدين..
Author: ودالعباسية
Date: 09-07-2009, 07:05 PM
Parent: #1112

لوموهو الاهى ،،

وكفى ،،،

Post: #1115
Title: Re: أغاني وأغاني.. للقدامى والمستجدين..
Author: abubakr
Date: 09-07-2009, 07:19 PM
Parent: #1114

Quote: لوموهو الاهى ،،

متحييز انت !! يعني كويس كدة البنات التلات يرجعن خشمن ملح ملح ...

Post: #1116
Title: Re: أغاني وأغاني.. للقدامى والمستجدين..
Author: الزوول
Date: 09-07-2009, 07:41 PM
Parent: #1115

السلام عليكم
......
يا اخوانا سؤال بره الموضوع
"شوق للشينة ولو صعبة"
يعني شنو؟
....
تطور خطير حصل لي
زمان ...
كنت بعد احضّر "الفيليه" والقهوة والذي منو
يستحيل اتحرك قبل الحلقة تنتهي
ولو اضطريت فكنت أوقف التسجيل وربما أرجع اشغلو من الأول
اليومين ديل عااااااااااادي
أدخل وامرق زي الما حاصل حاجة
واتفاجأ بان الحلقة انتهت
ومرات كمان بقيت أحمد الله على نهايتها
يا ربي أنا براي ولّ الحالة عامة
.....
يا..عاصم
زمان (لما كنت فردتنا)
قلنا ليك غنا أبو داوود عبارة عن مقلب كبير
لأن السر فيهو هو بصمة الصوت الما بتتكرر
وقطعاً المقارنة لن تكون في صالحك
....
"قالوا" الحلقة الليلة مملة
"وقلنا" ليهم الحسنة الوحيدة كانت شريف الفحيل
....

Post: #1119
Title: Re: أغاني وأغاني.. للقدامى والمستجدين..
Author: abubakr
Date: 09-07-2009, 09:41 PM
Parent: #1116

Quote: يا ربي أنا براي ولّ الحالة عامة

يالزوول عامة وعلم كام .. انا بس وون كليك وصوت التلفزيون مافي وواصل شغلي اونلاين واتمتم الباقي من شغل النهار وقبل ما البقعدو في المكاتب من غير المسلميين يروحو و كليك اخد صورة لناس ودالعباسية وودالموج وهكذا دوالييك ...
يعني القائميين علي البرنامج دييل ما دايريين يخذلونا ويخلو عادة سودانية وهي الهبوط الفوري وقوعا ارضا بعد الانطلاق طوالي في اي عمل ... احسن الشعوب في الانهيارات والتاريخ بيقول كدة ...

Post: #1117
Title: Re: أغاني وأغاني.. للقدامى والمستجدين..
Author: ودالعباسية
Date: 09-07-2009, 07:44 PM
Parent: #1115

يا خال تعرف ،،،

انا متحيز للاغنية لانه بحب اسمعها كتير

بس فى النية اعمل رابطة معجبى ريماز ومنار ،،

لانه ما ممكن منار يدوها تغنى كوبلى واحد وتسكت ،

وريماز قاعده متفرجة ،، البت غناية وحلوة ،،

ياخى دا ظلم ،،،

Post: #1118
Title: Re: أغاني وأغاني.. للقدامى والمستجدين..
Author: Ahmed al Qurashi
Date: 09-07-2009, 08:41 PM
Parent: #1117

الأخ العزيز/ حسن سنوسي

سلامات

أغنية سفري السبب لي اذايا هي للشاعر الكبير حسن عوض أبو العلا وليست من كلمات عبدالمنعم عبدالحى ، ولقد تغنى احمد المصطفى للشاعر عبدالمنعم عبدالحى بأغنية أنا امدرمان ،فارق لا تلم ، فتنتي وأيضا سهران الليل أناجى القمره ولقد تغنى بها أولا حسن عطية ، وهذه الأغنية من اغانى 1947 ولقد طلب حسن عطية من عبدالمنعم عبدالحى أن ينظم له كلمات على لحن أغنية بنات بتقول كلماتها ( يا صباحي الغزال الفى الضواحي ) لان كلماتها لا تصلح أن تبث في الإذاعة ولحنها في غاية الجمال وخسارة أن يضيع هذا اللحن حسب كلام حسن عطية ، فنظم له عبد المنعم عبدالحى على هذا اللحن سهران اللي بناجي القمره ،

أيضا تغن حسن عطية لعبدالمنعم عبدالحى بالنيل الفاض وامتلأ ، رملتنا بيضاء ، عيوني عشقو السهر ، اقيف يا زمن ، ننو يا ننو ، الحجل فى الرجل ،ظهر نور الشروق وكذلك يوم شفت القطار شالو سافر قلبي قبالو وحليل مدني واقيف يا زمان خلى السعادة تطول

أما عبدالعزيز محمد داوؤد فلقد تغنى له بأغنية بلاهي يا أهل الهوى ،لحن العذارى ،حليل الدوام بطراهم ، انتصر يا حب وابتسمى لو تسمحى

وعبدالدافع عثمان هبت نسائم الليل وكسرة في حبك يا خليلي

وعثمان حسين ناس لا لا ، ندامى الراح و اوراق الخريف

والكاشف فراق حبي المولع ناري واسمر جميل عاجبنى لونه

التاج مصطفى ياعين يا ساهرة ونعيش سوا ونشيد يا اخى يدا يدا إبان العدوان الثلاثي على مصر

عبيد الطيب يا ساير يا ماشى والنظره ماشه معاك وقف وقف سوقني معاك وأغنية سلام برده ليك ( يا روحي سلام عليك )

الخير عثمان أهوى الدنيا 1956

عثمان الشفيع أيامنا (1956) وداك الصباح اهو لاح يا حبيب ،اسمر اسمر يا سميرى وانسانى

سيد خليفة يا بانه ،المامبو دا سوداني ،كفاك صدود ، حبيبي يا ساكن البوادي وارض الكنانة

محمد الحويج ما بنساك ، يا المسافر ، وين يا هناى ،ويا منايا ، ويا حبيبى تعال ،وهوى الفؤاد ، وراحت ليالى وعلى ربى امدرمان

حمد الريح نار البعد (بين اليقظة والاحلام)

وأغنيات كثيرة لا تسعفني بها الذاكرة لكم الود

Post: #1120
Title: Re: أغاني وأغاني.. للقدامى والمستجدين..
Author: SHIBKA
Date: 09-07-2009, 10:20 PM
Parent: #1118

رغم النقد الحاصل للبرنامج
لكن صدقوني هو احسن من السئ الحاصل في السهرات

التلفزيون ما في شي تحضره فيهو زاتو

ننتظر الاعادة لان الحلقة الرئيسية في مواعدي التراويح ونمشي ننوم

دي برامج رمضان المعدة من قبل شهرين والبرمجة الخاصة و.... و ...

وطلع كلو كلام في كلام

Post: #1121
Title: Re: أغاني وأغاني.. للقدامى والمستجدين..
Author: abubakr
Date: 09-07-2009, 10:26 PM
Parent: #1120

Quote: ننتظر الاعادة لان الحلقة الرئيسية في مواعدي التراويح ونمشي ننوم

يابتي لخبطينا .. كيفن الحلقة بعد التراوييح وتمشو تنومو وتنظري الاعادة البتجي وشي الصبح في الخليج ..؟؟
روحي الفيسبوك وحتلقي الحلقة وشوفيها وكملي نومتك للصباح بدل الصحية في الساعة تلات الصبح

Post: #1122
Title: Re: أغاني وأغاني.. للقدامى والمستجدين..
Author: حسن سنوسى
Date: 09-07-2009, 10:41 PM
Parent: #1121

العزيز/ احمد القرشى

ياخى شكراً اولاً على التصويب..ونعتذر للغلطة المطبعية
الغريبة مناسبة اغنية حسن ابو العلا معروفة.. واظن انه كان طريح الفراش بارض الكنانة عندما نظمها
وقبلها اغنية خليل فرح ومناسبتها مشابهة لـ(سفرى السبب لى اذاى) وهى (ماهو عارف قدمو المفارق
شكراً ود القرشى
وشكراً اخيراً على الاحصائيات الجميلة لاغانى عبد المنعم عبد الحى
وهذا هو النهج الذى ظللنا ننادى به منذ العام الماضى
وقد كنا نرجو من عمنا ابو كلام ان يقوم هو باحصائياتك بحكم انه عايش وعاش وعاشر كل هؤلاء
عموماص سنطلب منك على الدوام هذه الاحصائيات المهمة والمطلوبة

Post: #1123
Title: Re: أغاني وأغاني.. للقدامى والمستجدين..
Author: طارق ميرغني
Date: 09-08-2009, 00:53 AM
Parent: #1122

مشكور سعادة الدكتور احمد القرشي علي المعلومات الثره

لكن صدقوني ما في برنامج احسن منو في كل القنوات

بس ادي الجميع فرصه طيبه للتعليق وابداء الراي في الفنانين وادائهم

Post: #1124
Title: Re: أغاني وأغاني.. للقدامى والمستجدين..
Author: طارق جبريل
Date: 09-08-2009, 01:04 AM
Parent: #1123

يا شباب سلام
اغنية انساني اعتقد من غير صاحبها افضل زول بيأديها هو عمار السنوسي

Post: #1125
Title: Re: أغاني وأغاني.. للقدامى والمستجدين..
Author: طارق ميرغني
Date: 09-08-2009, 01:04 AM
Parent: #1123

اعزائي جاءتني الرسالة التاليه من الاخ معز حجاز من ايرلندا فلو تكرمتم اي زميل حصل اللنك في يوتيوب او اي موقع اخر ان يتحفنا به مشكورا

Quote: سلامات طارق....

يا أخوانا نحنا هنا لا عندنا النيل الأزرق لا النيل الأبيض

فا يا أخونا أدونا اللنكات أول بى أول ما تشحتفونا معاكم.. نحنا ما عندنا غير البوست دا عشان نتابع البرنامج..

خصمتكم بي النبي تدونا لنك عاصم البنا و لوموه اللاهي.. ولو في شفت جابا بي صوت العميرى يكون جيهنا جيهة شديدة.

معز حجاز.. إيرلندا

Post: #1127
Title: Re: أغاني وأغاني.. للقدامى والمستجدين..
Author: الزوول
Date: 09-08-2009, 04:31 AM
Parent: #1125

السلام عليكم

...
عشان خاطر أخونا معز حجاز وبراً بأخوان اليانكي

نستميح الرجل الجميل عبد الوهاب سمبتيكو الذي طال غيابه عن سودانيز أون لاين العذر

في ادراج بعض روابطه هنا

نادر خضر ونار البعد والغربة
.....

....

Post: #1128
Title: Re: أغاني وأغاني.. للقدامى والمستجدين..
Author: الزوول
Date: 09-08-2009, 04:34 AM
Parent: #1127

.

فرفور وأهل الهوى

....

.

Post: #1129
Title: Re: أغاني وأغاني.. للقدامى والمستجدين..
Author: الزوول
Date: 09-08-2009, 04:36 AM
Parent: #1128

..

شريف الفحيل ..قالو وقالو ..قلنا ليه

....

.

Post: #1130
Title: Re: أغاني وأغاني.. للقدامى والمستجدين..
Author: الزوول
Date: 09-08-2009, 04:42 AM
Parent: #1129

.

عاصم البنا فردتنا (سابقاً)

ولوموهو اللاهي

...

.

Post: #1131
Title: Re: أغاني وأغاني.. للقدامى والمستجدين..
Author: الزوول
Date: 09-08-2009, 04:44 AM
Parent: #1129

.

عصام محمد نور وأغنية أنساني

...

.

Post: #1132
Title: Re: أغاني وأغاني.. للقدامى والمستجدين..
Author: abubakr
Date: 09-08-2009, 06:40 AM
Parent: #1131

مرة اخري ولجماعة اليانكي كما اشار اليهم الزوول ادناه رابط في الفيسبوك لكل اغاني واغاني بمتابعة يومية من صاحب الرابط :

http://www.facebook.com/pages/AGHANI-O-AGHANI/65157639848?v=app_2392950137

Post: #1133
Title: Re: أغاني وأغاني.. للقدامى والمستجدين..
Author: SHIBKA
Date: 09-08-2009, 06:58 AM
Parent: #1121

ابوبكر
السهر واجب وطني في رمضان
عشان بنحضر الحلقة حتى ننوم
لكن امس غلبني

في الفيس بوك بلقى الاغاني بس
وما بلقى الكلام

عشان كدا السهر

Post: #1134
Title: Re: أغاني وأغاني.. للقدامى والمستجدين..
Author: abubakr
Date: 09-08-2009, 07:03 AM
Parent: #1133

Quote: السهر واجب وطني في رمضان

نحي كفاحكن .. ربنا يقدركن ...

Post: #1135
Title: Re: أغاني وأغاني.. للقدامى والمستجدين..
Author: maia
Date: 09-08-2009, 07:15 AM
Parent: #1134

حلقات اغاني واغاني بتذكرني بالحلو مر
لما يتبل المرة الاولى ، نقول لغاية التانية ( ده لو حلو مر نوع جيد) بيكون مركز وجميل
بعد داك لو حصل اتبل تاني بيكون في احساس من بعيد لبعيد انه ده حلومر يعني الا يعلقوا يافطة ويقولوا هنا يوجد حلو مر
يعني بصبح حلو مر فاقد منطق وخاصية اللون والطعم الحلومري المعروف

اخشى على هذه الحلقات انه يتموها لينا موية ساكت ويبقا عليها الببقا على الحلو مر بعد البل لعدد من المرات

ويضطروا يكتبوا هنا يوجد محاولة لعمل ابداع

عاصم البنا امبارح في مقاطع لاغنية ابو داوود شوية الصوت خذلوه

ابو داوود رحمه الله اغانيه تحتاج الى اسلوب خاص حتى تأتي بما يتناسب مع عظمة جمال ذلك الصوت البديع

Post: #1136
Title: Re: أغاني وأغاني.. للقدامى والمستجدين..
Author: Tabaldina
Date: 09-08-2009, 08:05 AM
Parent: #1135

..
.
Quote: أغنية سفري السبب لي اذايا هي للشاعر الكبير حسن عوض أبو العلا
وليست من كلمات عبدالمنعم عبدالحى ،

شكرا يا دكتور على المعلومه

__________

عاصم البنا دا زولاً بيحب الاداء المنفرد
اى خرمجة بتخلي خطاهو ما موزونة
حتى اللمه ما برتاح ليها .. وياهو باين
من البداية

Post: #1137
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-08-2009, 08:17 AM
Parent: #1136

قدور

حاول ينظر
قال عبد المنعم عبد الحى دينكاوى
والناس الهنا بيمثلوا كل السودان
زول من بورسودان وزول من الجزيرة وزولمن بحرالغزال

وبى كدة دا غنا السودان

طبعافات على قدورانو عبد الحى الدينكاوى دا
تم الاحتفال بيهو لمن استوعب ثقافة الوسط وكتب
بمعايير للشعروالجمال بتاعت الوسط
نوع
ديسو فوق درعو
ودا برضو حصل لمن تم الاحتفال بخليل فرح

غنى السودان هو الغنا البيعبرعن الجميع
شمال وجنوب شرق وغرب

بمعاييرالجمال والتعبير
بتاعت الناس ديل باللغات المختلفة

Post: #1138
Title: Re: أغاني وأغاني.. للقدامى والمستجدين..
Author: abubakr
Date: 09-08-2009, 08:54 AM
Parent: #1137

Quote: غنى السودان هو الغنا البيعبرعن الجميع

لم يوفق السر قدور فيما قال امس وكان مجمله قولا حماسيا لا يمثل واقعا وانما نظرة عشوائية ضيقة لواقح حال بلد به اكثر من 590 مجموعة قبلية واثنية يتحدثون باكثر من 150 لسان وبالتالي ثقافاتهم الخاصة لم تنصهر بعد في بوتقة واحدة .. كان للاعلام المسموع "المذياع " والذي رافق سياسة الاستعراب في ثلاثينات واربعينات وخمسينات القرن الماضي والذي كان لايسمح الا للصوت الناطق عربيا بالتحدث فيه والغناء من خلاله ( وهذه حقيقة لا جدال فيها حتي كسر محمد عثمان وردي في العام 1957 ذلك الجدار ) هو الذي سوق لنوع واحد من الغناء السوداني الناطق بالعربية دون غيره من كل غناء اهل السودان اساسا .. اليوم وبعد اكثر من ثمانية عقود منذ البث الاذاعي في السودان فان اهل اقصي الشمال الاولوية قبولا في وجدانهم هو غنائهم و هو كذلك عند اهل الشرق والغرب والجنوب من الناطقيين بغيرها .. بعد اكثر من اربع عقود منذ هجرنا من الشمال واكثر من ثلاث عقود منذ ان هاجرت خارج السودان فاستماعي للاغنية النوبية يوميا هو الغالب ....

التمنيات فقط لا تخلق انصهارا ثقافيا قوميا ولكن تمنيت لو ان ذلك الانصهار الثقافي حدث وانتشر غناء كل اهل السودان بينهم فعرفوه جميعا كما عرفو غناء الوسط السوداني والذي سماه السر قدور غناء اهل السودان لاغيا الجميع دون ذلك وهذه مصيبة كتابنا ومثقفينا وساستنا والذي فشلو في ان ينهلو من مخزون ثقافات اهل السودان الثرة فحصرو رؤاهم وامكاناتهم في منطقة واحدة يصرون علي انها كل السودان ...

Post: #1142
Title: Re: أغاني وأغاني.. للقدامى والمستجدين..
Author: معتصم دفع الله
Date: 09-08-2009, 11:28 AM
Parent: #1138

Quote: يا معتصم انت ماسمعت هذه الاغنية من الفنانه عافيه حسن....؟
اول من اظهرها من الشباب واجمل من غناها.
اعتقد ان عاصم غناها بصوره معقوله الا ان قارنا اداءه مع اداء عافيه....
كيفك يا طارق ..
يا ريتك تسمعه بصوت عصام ياخي قمة في الروعة ..
للأسف ما سمعتها بصوت عافية وعاصم لم يكن موفقاً فيها ..

سلام للجميع ..
غايتو مسألة اللبس دي أتجاوزوها وقطعوها في حنانكم ساي خصوصاً ناس التترسايكلين
في أغنيات ما بحب أسمعها إلا من أصحابها ..
ولما فنان يغنيها ويقوم (يكوعجها) ياخي بجيب لي العصبي ..
للمره الكم ما عارف عاصم لم يكن موفق في أغنية لوموهو اللاهي ياخي دي أبوداؤد الله يرحمه كان بعذبنها بيها عديل كده الحمد لله إنو فرفور والشباب لحقوهو ..
أحسن من يغني أغنية أنساني من الفنانين الشباب هو عمار السنوسي التحية له من هنا وهو صديق وزميل في المنبر أيضاَ ولكنه لا يشارك كثيراً ..

غايتو يا سناء جعفر بعد دا البرنامج إستنفذ أغراضه عشان كده قومي لغسيل العدة يرحمكم الله

يا شبكة أنا زيك قاعد أحضر البرنامج نهاية الليل عشان أقدر أتابعه بدقه ولو إنه بساهر بينا لكن نعمل شنو ..

باشمهندس أبوبكر يا ريت عمنا السر قدور ما ينسى إنو البرنامج دا توثيقي يقوم ينسى نفسه ويشطح ..
لأنه قاعد يوثق لفترات جميلة من الغناء السوداني لذلك يحتاج لتجويده أكثر وأن لا يكون مجرد برنامج في رمضان فقط ..

Post: #1143
Title: Re: أغاني وأغاني.. للقدامى والمستجدين..
Author: طارق ميرغني
Date: 09-08-2009, 02:27 PM
Parent: #1142

Quote: عاصم البنا امبارح في مقاطع لاغنية ابو داوود شوية الصوت خذلوه

تعليق فنان وفي محلو اختنا مابا

Post: #1144
Title: Re: أغاني وأغاني.. للقدامى والمستجدين..
Author: Tabaldina
Date: 09-08-2009, 02:46 PM
Parent: #1143

..
.
غايتو ود الابيض شريف ابدع فى اغنية
قالو وقلنا ليه ..
بس الشباب الصغار ديل لمن يغنوا بجنى احساس
التسجيل مدبلج .. ولا دى تهيؤات ..!!؟

السر قدور متلوم للاخر مع فرص ريماز ومنار
والفرقة الموسيقية..

فنان زى فرفور وما يكون حافظ الاغنية بتاعت ابوداؤؤد ويقعد يتللص
بين فخذيه عشان ياخد ليهو سطر والتانى عيب اكبر
كان احسن ما يغنيها عديل..

___________

ابوداؤود دا ما زولا بتقلد بسهولة
الخرمجة بائنة

Post: #1145
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-08-2009, 03:11 PM
Parent: #1144

الباش ابوبكر

محاولة تكريس غناءالوسط كغناء لعموم السودان

هو شكل من اشكال الاستهبال الثقافى

اذا اتيحت الفرصة فى اجهزة الاعلام لغناء السودان المتعدد
سوف نكتشف الدرر الغالية

برنامج ربوع السودان كان نافذة مضيئة

وتجربة غناء ابراهيم موسى ابا وعبد القادرسالم وعبد الله الكردفانى وعبد الرحمن عبد الله وصديق عباس

عرفت بالفن الكردفانى ((مع ملاحظة ولا اغنية واحدة لهولاءلم تتح لها الفرصة))

عمراحساس يعرف بصورة جيدة بغناء اهلنا فى دارفور

تجربة عقد الجلاد ايضا اسهمت فى الترويج لغناء سودانى جديد

فى بلدنا التقزيم على ودنو

فى الجقرافيا اختصرنا البلد فى مثلث حمدى

وفى الغنااختصرناهو فى الحقيبة والعاصمة

وفى الكورة هلال مريخ

وفى الاقتصاد البترول

وفى السلطة مؤتمروطنى وحركة شعبية

Post: #1146
Title: Re: أغاني وأغاني.. للقدامى والمستجدين..
Author: abubakr
Date: 09-08-2009, 05:34 PM
Parent: #1145

كنت اتابع برنامجا خاصا عن احدث مترو في العالم واعلاهم مواصفاتا (مترو دبي الذي نفذ في 4 سنوات فقط وفيه اكبر محطة في العالم واطول خط اتوماتيكي ) ونظرت الي الساعة فوجدت ان ميعاد اغاني واعاني قد ازف فرجعت الي النيل الازرق فوجدت اهلنا يغنون مع سابنتود احدث الاسبيرات الكورية واروا وشاي الزرافتيين والفارس وكراسي الجلوس وخديجة وقعت من البلكونة
ان التطور والتقدم عزيمة واصرار و عمل وليس شعارات وسفسطة ومكابرة

Post: #1147
Title: Re: أغاني وأغاني.. للقدامى والمستجدين..
Author: abubakr
Date: 09-08-2009, 05:45 PM
Parent: #1146

الموضوع عن المراة في الغناء

وللاسف لم يستضيف عمكم السر مطربة او مغنية محترفة وانما اكتفي بالهاويات

عشان هواك لمني الخير بصوت منار

___________

فرفور

مافي

Post: #1148
Title: Re: أغاني وأغاني.. للقدامى والمستجدين..
Author: abubakr
Date: 09-08-2009, 05:49 PM
Parent: #1147

ابوي لمني الخير بصوت عصام محمد نور

Post: #1149
Title: Re: أغاني وأغاني.. للقدامى والمستجدين..
Author: abubakr
Date: 09-08-2009, 05:53 PM
Parent: #1148

شريف يؤدي اه ياحمام يا زاجل

احمودي مشاركا صوتا وعزفا

Post: #1150
Title: Re: أغاني وأغاني.. للقدامى والمستجدين..
Author: abubakr
Date: 09-08-2009, 05:58 PM
Parent: #1149

الاغاني الثلاث كان يمكن ان تؤدي باحسن مما كان فهي اغاني سهلة وقريبة من الوجدان .. للاسف مسالة البخرات وعدم الحفظ والاستعداد هما القاسم المشترك في حلقة هذا العام مع سوء الاعداد العام ومسابقة اكوج (من كوجن وهي من مقتنيات ممكونة الاعتبارية ) للملابس

Post: #1151
Title: Re: أغاني وأغاني.. للقدامى والمستجدين..
Author: abubakr
Date: 09-08-2009, 06:08 PM
Parent: #1150

اغنية مني وعمري وزماني

بصوت واداء فردتنا

Post: #1152
Title: Re: أغاني وأغاني.. للقدامى والمستجدين..
Author: abubakr
Date: 09-08-2009, 06:12 PM
Parent: #1151

رماز ونادر دويتو في ياعيون المها

Post: #1154
Title: Re: أغاني وأغاني.. للقدامى والمستجدين..
Author: abubakr
Date: 09-08-2009, 06:18 PM
Parent: #1152

الجماعة دييل بنعسو ....

Post: #1153
Title: Re: أغاني وأغاني.. للقدامى والمستجدين..
Author: عبدالله الامين صالح
Date: 09-08-2009, 06:14 PM
Parent: #1151

اغنية عيون المها (رماز ونادر خضر) نادر ضبح الغنية ضبح , الزول ده كان شاف ليهو شغلة غير الغنا اخير ليهوووو لانو حرام عليهو ببشتن الغنا بشتنة

Post: #1155
Title: Re: أغاني وأغاني.. للقدامى والمستجدين..
Author: abubakr
Date: 09-08-2009, 06:24 PM
Parent: #1153

قريبتي مايا دي حكيمة ( مش حكيمة بتاعة سلفا واسبيريين لكن من حكمة قريبنا لقمان .. ما في واحد يجي ناطي ويقول ما قريبنا .. كفاية بااا) قالت انو اغاني واغاني بقي زي الحلو مر في دورته الثانية ( الحلو مر في التصفية التانية ) اها طعمو بيبقي زي موية الخيش كدة .. اها اغاني واغاني موية خيش عدييل ....

برنامج اونطة هاتو وكتنا الضيعتوه وانتظارنا الودرتوه ورمضان قرب يخلص وانتو ياناس عمك السر بتبيعو لينا موية خيش وتقولو عليهو حلو مر وحتخشو النار ...

Post: #1156
Title: Re: أغاني وأغاني.. للقدامى والمستجدين..
Author: طارق ميرغني
Date: 09-08-2009, 06:29 PM
Parent: #1153

Quote: فوجدت اهلنا يغنون مع سابنتود احدث الاسبيرات الكورية واروا وشاي الزرافتيين والفارس وكراسي الجلوس وخديجة وقعت من البلكونة

والله يا ابوبكر يا فنان

ضحكت لمن وقعت ....!!!!

وكلامك صاح ميه بالميه وواصل...

Post: #1158
Title: Re: أغاني وأغاني.. للقدامى والمستجدين..
Author: ودالعباسية
Date: 09-08-2009, 06:37 PM
Parent: #1156

لا باس بها ( حلقة )

التفصيل كان يكون للبنات فقط ،، وبى الاخص ،،

منار وريماز ،، ولا راجل ما يدخل معاهن ،،

مع شوية حفظ كانت حا تكون حلقة ولا اروع ،،

Post: #1161
Title: Re: أغاني وأغاني.. للقدامى والمستجدين..
Author: abubakr
Date: 09-08-2009, 07:03 PM
Parent: #1158

Quote: لا باس بها ( حلقة )

دة كلام يا ود العباسية .. لاباس بس .. الواحد ينتظر سنة كاملة متخيل كرديت ودبستنغشن يجي يلقي "لاباس " ...يعني بترضي انو بعد سنة قراية ام دق يدوك "لاباس" ...قراية بالمراسلة ساااي الواحد بيجيب فيها جيد جدا تجي في حصص السر قدور تاخد "لاباس" ...تعليم متهالك .. مش!!

Post: #1164
Title: Re: أغاني وأغاني.. للقدامى والمستجدين..
Author: ودالعباسية
Date: 09-09-2009, 00:56 AM
Parent: #1161

صااااااااااااااح ،،،

Post: #1159
Title: Re: أغاني وأغاني.. للقدامى والمستجدين..
Author: abubakr
Date: 09-08-2009, 06:41 PM
Parent: #1156

Quote: والله يا ابوبكر يا فنان

كتر خيرك يا طارق اخويا .. لكن الحكاية باظت خالص الواحد طلع من السودان قبل كام وتلاتيين سنة وواكب وعمل كجزء من العالم التي استعانت بها دبي للتطور بادارة واعية ودون ضجيج وما زلت اعمل كاحد المهنيين في موقع متقدم ولدي اهم شركات التطويير العمراني واشعر بالغضب الذي يصل الي القهر وانا اري بلادنا كيف تصر علي ان تتهاوي وضجيج ساستنا يصم اذانهم قبل اذان العالم وادعاءات باننا فعلنا كذا وكذا واننا بنينا الدولة الفلانية والعلانية واننا صنعنا طائرات بينما اسراب الطائرات من الحشرات لها اكبر القواعد في العالم في بلادنا .... اخر انجازاتنا هو فلتر زيت صباح ......دة كلام ياعالم

Post: #1157
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-08-2009, 06:36 PM
Parent: #1149

Quote: ان التطور والتقدم عزيمة واصرار و عمل وليس شعارات وسفسطة ومكابرة

يا هندسه
عليك الله وعليك الله تاني انت ملاحظ .
عاصم البنا
ياخي ياهندسه شفت كيف (عاصم البنا) لما يكون سايقها براهو
بيمتع الناس كيف وهذه الاغنية الكورال كان ملتزم يعني
لا دخل ليهو عصام محمد نور لا فرفور
اما كما تكرمت بما ذكرته بعالية عن العمل والاصرار لي معك وقفه يوم غدا
رماز
بالله البت دي كدى عيبوها لي
ليه حارمنهاشكيناكم لي الله ياصديق الموج وحبيب نوره
التقول موصين السر قدور عليها.
_
Quote: دندونتي
عارفة لو لقيت صورتكـ حايمة في إيميل إن شالله بدون راس .. بقطع راسكـ من البورد ده.

فرفور غائب
وقال محتاج لصفاقات وشيلات وان برشح يستعين بـفيصل نوبي ( سنيرة التاباني والياباني )
هي جنس مسخره تعمل للواحد الكاللو زي ماقال سنيرنا ابوبكر هندسة في مصطلحاته الدسمه

سلام .. سلام

Post: #1160
Title: Re: أغاني وأغاني.. للقدامى والمستجدين..
Author: abubakr
Date: 09-08-2009, 06:58 PM
Parent: #1157

Quote: عليك الله وعليك الله تاني انت ملاحظ .

باوليد ما بس بلاحظ انا بقيت ملاحظ زي الملاحظ بتاع الصحة زمااان مافي شرنقة باعوضة الا وانا ساكيها .. دة شغل يطلع الروح

Post: #1162
Title: Re: أغاني وأغاني.. للقدامى والمستجدين..
Author: الزوول
Date: 09-08-2009, 07:12 PM
Parent: #1160

السلام عليكم
......
يا سلام عليك يا منار
ابداع
صوت مصمم خصيصاً لأداء الأغاني النسائية
ولا أروع
....
الحلقة عن الأغاني النسائي
وعندنا 3 مطربات
البديهة تقول أن الغناء النسائي على قلته مصمم لأصوات نسائية
لزومو شنو عاصم وعصام وشريف ونادر
هذا لا يمنع أن نقول أن شريف الفحيل أبدع في "يا حمام يا زاجل"
......
عيون المها يا عيون

الله يرحمك يا عبد العزيز العميري

....

Post: #1163
Title: Re: أغاني وأغاني.. للقدامى والمستجدين..
Author: mamkouna
Date: 09-09-2009, 00:39 AM
Parent: #1162

.......................

رماز و نادر ثنائي أنيق...شكلاً و موضوعاً.

........

الشكر موصول لصاحب الفيديو..الصديق سيمبتيكو.

Post: #1165
Title: Re: أغاني وأغاني.. للقدامى والمستجدين..
Author: abubakr
Date: 09-09-2009, 04:28 AM
Parent: #1163

اغتيال التاريخ ... أم وعثاء الذاكرة؟! الاستاذ هاشم صديق...نامج (اغاني واغاني)

Post: #1166
Title: Re: أغاني وأغاني.. للقدامى والمستجدين..
Author: abubakr
Date: 09-09-2009, 04:42 AM
Parent: #1165

ياجماعة وبالذات البنات بتاعن "نقدكن عظيم " يبدو ان اللبس في بلادنا خلال العقود الثلاث الماضيات (الانا مارست فيها بعض من الارث النوبي في الهجرة والتجوال بحثا عن رزق ) قد اتنيل بنيلة وياحليل الجرجار والتوب وكدة يعني ... امس رماني حظي العاثر امام شاشة للنيل الازرق بالليل خالص وشفت حاجة كدة زي اوضة الشفع بعد الاجازة.. جماعة جالسيين حول تربيزة ومعاهم سعد ( والزول دة بيجيب لي ابو الشهيق كدة لله في الله ) وبنية تانية لابسة توب بس وشها تتراسايكليني (الله يطري المرتضي بالخير ) وواتنين لابسات توب واخر تمام يعني زي زمان لكن اوضة الشفع كانت قاعدة مطرفة وشايلة مايك وهي البتغني ... اصفرررررا دة القميص نص كم وزي فستان كدة بش مش بالضبط وعندو معلوقات من الامام برضو اصفررر وبللي بمبي مربوط في الصدر وطرحة حجاب بمبي بالكبدي (دة لون مخلوووط كدة ممكونة ممكن تفتي فيهو ) وكبدي بالبني ما عرفتو كرعينا واللا حاجة كدة زي الشراب الاستكو منو فيهو لكن زي البنطلون استريتش يعني ووشها مش تتراسايكليني بالضبط الا زي الكوتد بيلز ...حليل عاشة الفلاتية ومني الخير ومهلة العابدية وثنائي الكردفاني ناس ام بلينة .. التوب الابيض مالو ..المهم الاناقة والصوت والامكانات الغنائية الهائلة الخلتهن في وجدانا حتي الان اما اوضة الشفع دي فاول عمليات ترتيب منزلي بعد الاجازة كفيله بها...

Post: #1167
Title: Re: أغاني وأغاني.. للقدامى والمستجدين..
Author: saif addawla
Date: 09-09-2009, 06:32 AM
Parent: #1166

منى الخير

منذ الصبا ومنى الخير عندي ليست مجرد مطربة ذات صوت شجي ، ولعلها ( الشلوخ المطارق ) التي جعلتني ارى فيها امهاتنا وخالاتنا
كثيرا ما تساءلت لماذا لم تحظ اغاني منى الخير بالشهرة الكافية مع مافيها من حلاوة وتطريب ، وكان لدي شعور ( مجرد شعور ) بان السر قدور ( حا يعملها ).

الشابة الرائعة منار جاء صوتها شبيها بصوت منى الخير حين صدحت باغنية ( عشان هواك ) واذا تركنا دواعي الاعجاب الاخرى جانبا فبلا شك فمنار هي صاحبة الصوت البرنجي ليس من بين مشتركات برنامج اغاني واغاني بل بين مطربات البلد كلتها بقلعاتها وحصونها ز

اثار فينا الشجون الابن الرائع بحق شريف بادائه اغنية ( حمام يا زاجل ) وتملكتني الرغبة في الاتصال بها ، ولكني لعنت ابليس ، اكيد ( بها ) لا اعني منها منى الخير

كسرة

حين يصدر الغناء من مطرب يتلصص الى ورقة رمى بها على الارض يعطيك نفس الاحساس حين تدرك ان الازهار الجميلة التي امامك من البلاستيك ، فتتلقى الغناء خاليا من اي عاطفة او احساس

Post: #1168
Title: Re: أغاني وأغاني.. للقدامى والمستجدين..
Author: حسن سنوسى
Date: 09-09-2009, 06:58 AM
Parent: #1167

منار: والله منافسة خطيييرة لسميرة دنيا
عصام: فلهمة مافى ليها اى داعى.. وياخى دى اغنية اى زول حافظها
ما اغنية محتاجة لبخرة.. اسوأ من ذلك قفلة الكوبلى.. غايتو انقذك ذكاء محمدية
بعدين شينة فى حقك انو معتمد على بخرات لاغانى تكاد تكون محفوظة
امس الاول انت اغنية الشفيع (انسانى) بشتنتها بشتنة شديدة.. بادى بالكوبليه الاخير
ومدخل مقطع من الكوبليه الاول فى نص الغنية وووو
بعدين يا مخرج البرنامج: هنالك اختراع اسمو (البروجكتر) بدل ما الجماعة يتبهدلو فى مسألة البخرات بالصورة دى
حضر ليهم الاغانى مكتوبة فى اى لاب توب موصل مع البروجكتر..
واعكس ليهم الاغانى الـ حيغنوها انشاء الله فى الحيطة.. وما ديرين نتكلم عن (ال سى دى) وكدا

Post: #1169
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-09-2009, 07:04 AM
Parent: #1168

الواد شريف
مزاجوعالى

Post: #1170
Title: Re: أغاني وأغاني.. للقدامى والمستجدين..
Author: حسن سنوسى
Date: 09-09-2009, 07:09 AM
Parent: #1167

اتذكر سهرة لبرنامج (صالة العرض) احد افضل برامج الاذاعة زمان
وكان ضيف البرنامج انس العاقب.. وكان موضوع الحلقة برعى محمد دفع الله
وفى مسألة اجازة الاصوات النسائية ومدى التزام برعى
قال انس العاقب لعلم الدين هاشم:ياخى برعى لحدى ما مات كان هنالك 5 مغنيات
اليوم هنالك اكثر من 500 غناية .. ياحليلك يا برعى

الاخ احمد القرشى
بالله ورينا من هم الشعراء الذين كتبو للفلاتيةو منى الخير
لانو المعلومة دى بقينا ما منتظرنها من عمك

Post: #1171
Title: Re: أغاني وأغاني.. للقدامى والمستجدين..
Author: معتصم دفع الله
Date: 09-09-2009, 10:02 AM
Parent: #1170

رحم الله الفنانة الرائعة منى الخير فهي تستحق أكثر من حلقة ..
وتستحق أكبر مساحة للتحدث عن فنها وتاريخها الغنائي ..
منار وشريف كانا أكثر من رائعين ..
والديتو بين رماز ونادر جميل ..
كنت أتمنى أن تكون الحلقة نسائية بحتة ولكن عمنا السر مستحيل ما يجامل ..

Quote: لكن اوضة الشفع كانت قاعدة مطرفة وشايلة مايك وهي البتغني ...
باشمهندس أبوبكر سلام ..
ياخي الزولة دي غناية شديد وأنا متابعها من مدة طويلة وإسمها شذى شيبان ..
صدقني يا هندسة الزولة دي بتغني للشفيع ولا أروع ..
بالله عليك أسمعه كده بي مزاج وادينا رأيك قد نفرد لها بوست هنا ..
أما مسألة اللبس دي قطعه في حنانك ساي

Post: #1176
Title: Re: أغاني وأغاني.. للقدامى والمستجدين..
Author: abubakr
Date: 09-09-2009, 11:24 AM
Parent: #1171

Quote: باشمهندس أبوبكر سلام ..
ياخي الزولة دي غناية شديد وأنا متابعها من مدة طويلة وإسمها شذى شيبان ..
صدقني يا هندسة الزولة دي بتغني للشفيع ولا أروع ..
بالله عليك أسمعه كده بي مزاج وادينا رأيك قد نفرد لها بوست هنا ..
أما مسألة اللبس دي قطعه في حنانك ساي

يا معتصم اها اكان صوتا كويس تنفع في الاذاعة .. حنسمعها اوديو فقط ..السماع دة عايزلو سلطنة ومزاج بعدين تجي اوضة شفع تخربو فاحسن ليها تبقي مطربة اوديو ....

Post: #1172
Title: Re: أغاني وأغاني.. للقدامى والمستجدين..
Author: SHIBKA
Date: 09-09-2009, 10:12 AM
Parent: #1166

ابوبكر
بالعكس حلقة امس في النيل الازرق كانت جميلة والنقاش فيها كان متجدد وفيهو جوانب واتنقاشو عن عمل المراة
واحدة طبيبة وواحدة صحفية وواحدة طالبة ماجستير وزوجها عايزها تقعد في البيت

النقاش كان غير
انا السهرة عجبتني

لكن اوضة الشفع بعد الاجازة دي صرخت فينا لما راسي هسة داير يتكسر بالصداع بسببها

احول منها واجي القاها لسة بتغني

عجييييبة

ولما مشيت الشروق لقيت بت ام لعاب ديلك بتغني
تضرس باللمعان والاكسسوار اللباساهو والبلوزة ورق السجاير

رغم انو مرة مرة كنت بسمع تابيتا
لكن السهرتين مع بعض ما بجوا

غايتو ناقص كتير

Post: #1173
Title: Re: أغاني وأغاني.. للقدامى والمستجدين..
Author: حسن سنوسى
Date: 09-09-2009, 11:14 AM
Parent: #1172

Quote: امس رماني حظي العاثر امام شاشة للنيل الازرق بالليل خالص وشفت حاجة كدة زي اوضة الشفع بعد الاجازة.. جماعة جالسيين حول تربيزة ومعاهم سعد ( والزول دة بيجيب لي ابو الشهيق كدة لله في الله ) وبنية تانية لابسة توب بس وشها تتراسايكليني

نحن يا ابو بكر طوااالى حظنا العاثر برمينا فى سهرات النيل الازرق البتفقع المرارة دى
والله يا ابو بكر تلحق تفتح (بوست)عن سهرات النيل الازرق ينطو ليك ناس اضعاف البزورو نجوان فى اغانيها واغانيهادى
حتكتشف ان هنالك الاف الناس ممغوسين لكن مالقين يفضفضوا
شى عن زولك البجيب ابو الشهيق..شى عن مذيعات بره الشبكة (ودى على فكرة مسرحية رهيبة)
واشياء عن ضيوف لا تسر الناظرين ولا السامعين..
اما سهرة امبارح.. تخيل انو زولك بسأل فى الضيوف اى واحد لاقى زوجتو كيف ؟؟وحصل شنو لحدى ما تزوجو..
ياخى جنس بياخة قصص.. غايتو اسكت ساى
ماكان احسن ليك يا ابوبكر: تكمل برنامجك عن مترو دبى ونهضتها المعمارية التى شغلت الدنيا
ياخى :مالك ومال بلاويناومحنا دى.. ؟؟

Post: #1175
Title: Re: أغاني وأغاني.. للقدامى والمستجدين..
Author: حسن سنوسى
Date: 09-09-2009, 11:23 AM
Parent: #1173

Quote: ولما مشيت الشروق لقيت بت ام لعاب ديلك بتغني
تضرس باللمعان والاكسسوار اللباساهو والبلوزة ورق السجاير

انا نفسى يا شبكا: اعرف انو البت دى الاقنعها منو بقصة الغنا دى
بعدين ياخى القال منو انو الزول عشان يشتهر مفروض يبقى غناى او غناية؟؟
الغنا قبل كل شى موهبة.. والموهبة وحدها هى التى تصنع اسماً للفنان وترتقى به المراتب العلى
ما كفاية انو فى ناس طبلو ليك.. او ناس باقين ليك ضهر
يا خى هى دى بلد شنو دى .. اى حاجة تعملها لازم تكون مسنود عل ضهر
الله يكسر كل الضهور الجابت لينا ناس زى دى

Post: #1181
Title: Re: أغاني وأغاني.. للقدامى والمستجدين..
Author: abubakr
Date: 09-09-2009, 02:43 PM
Parent: #1173

Quote: حتكتشف ان هنالك الاف الناس ممغوسين لكن مالقين يفضفضوا

انا غايتو ياابو علي اها بس رمضان بلقي لي وقت اتعثر في النيل الازرق ولذا افضفض علي طول ...

Quote: ماكان احسن ليك يا ابوبكر: تكمل برنامجك عن مترو دبى ونهضتها المعمارية التى شغلت الدنيا

كوني احد التروس العملت في هذه النهضة فاحاول شوية تغيير فاقوم واتعثر في النيل الازرق وتبقي بدل عثرة حفرة غريقة

Post: #1174
Title: Re: أغاني وأغاني.. للقدامى والمستجدين..
Author: طارق ميرغني
Date: 09-09-2009, 11:18 AM
Parent: #1172

الاخ حسن سنوسي

Quote: منار: والله منافسة خطيييرة لسميرة دنيا
عصام: فلهمة مافى ليها اى داعى.. وياخى دى اغنية اى زول حافظها
ما اغنية محتاجة لبخرة.. اسوأ من ذلك قفلة الكوبلى.. غايتو انقذك ذكاء محمدية
بعدين شينة فى حقك انو معتمد على بخرات لاغانى تكاد تكون محفوظة
امس الاول انت اغنية الشفيع (انسانى) بشتنتها بشتنة شديدة.. بادى بالكوبليه الاخير
ومدخل مقطع من الكوبليه الاول فى نص الغنية وووو
بعدين يا مخرج البرنامج: هنالك اختراع اسمو (البروجكتر) بدل ما الجماعة يتبهدلو فى مسألة البخرات بالصورة دى
حضر ليهم الاغانى مكتوبة فى اى لاب توب موصل مع البروجكتر..
واعكس ليهم الاغانى الـ حيغنوها انشاء الله فى الحيطة.. وما ديرين نتكلم عن (ال سى دى) وكدا

ابدعت فيها دي يا سنوسي لكن والله لكن منار ما اظنها تنافس سميره دنيا ...ريماز ميرغني ممكن...!!

صديقي معتصم

هسع انا باسمع في شذي في اغنية الشفيع اله فني ...روعه

اختنا شبكه

Quote: ولما مشيت الشروق لقيت بت ام لعاب ديلك بتغني
تضرس باللمعان والاكسسوار اللباساهو والبلوزة ورق السجاير

والله قدر ما نحت راسي ما عرفتها ...ممكن خيارات...؟

Post: #1177
Title: Re: أغاني وأغاني.. للقدامى والمستجدين..
Author: Tabaldina
Date: 09-09-2009, 11:42 AM
Parent: #1174

..
.
والله يا حسن وطارق ..

فعلا حاجة تحير خرمجه عصام للاغنية امبارح
بالجد الزول دا عايز اسالو فى الموضوع دا ..
ما ممكن يكون ما حافظها ..
يكون زعلان .. ياربي ..
اساسا شايفه تسجيلو المره دى زى المجبور

_______

عموما الواحد بقى البرنامج دا ما بحضروا
الا عشان حاجتين .. يشوف عوض احمودى فى مقطع موسيقى
او ابتسامه ريماز بعد كوبلية وتخت المايك جنبها ..

Post: #1178
Title: Re: أغاني وأغاني.. للقدامى والمستجدين..
Author: معتصم دفع الله
Date: 09-09-2009, 12:21 PM
Parent: #1174

Quote: يا معتصم اها اكان صوتا كويس تنفع في الاذاعة .. حنسمعها اوديو فقط ..السماع دة عايزلو سلطنة ومزاج بعدين تجي اوضة شفع تخربو فاحسن ليها تبقي مطربة اوديو ....
والله يا هندسة البت دي غناية ..
ولمن يجيك المزاج والسلطنة أسمعه وخصوصاً في أغنيات الشفيع ..

Quote: لكن اوضة الشفع بعد الاجازة دي صرخت فينا لما راسي هسة داير يتكسر بالصداع بسببها
احول منها واجي القاها لسة بتغني
ظلمتي البنية يا شبكة والله ..
صحيح لبسه أمس ما كان حلو لكن شوفيها بالتوب ياخ
وأتفق معاك إنو الحلقة كانت حلوة وبتتكلم عن حياة الناس العاملين وأسرهم ..

Quote: هسع انا باسمع في شذي في اغنية الشفيع اله فني ...روعه
بالجد الزولة دي غناية يا باشمهندس ..
تعرف يا صديقي الاعلام في السودان عنده ناسه وعشان زولة زي دي تاخد فرصتها أظنها محتاجه للكثير ..

Post: #1179
Title: Re: أغاني وأغاني.. للقدامى والمستجدين..
Author: الحاج حمد الحاج
Date: 09-09-2009, 01:33 PM
Parent: #1178

الزوول:
Quote: تطور خطير حصل لي
زمان ...
كنت بعد احضّر "الفيليه" والقهوة والذي منو
يستحيل اتحرك قبل الحلقة تنتهي
ولو اضطريت فكنت أوقف التسجيل وربما أرجع اشغلو من الأول
اليومين ديل عااااااااااادي
أدخل وامرق زي الما حاصل حاجة
واتفاجأ بان الحلقة انتهت
ومرات كمان بقيت أحمد الله على نهايتها
يا ربي أنا براي ولّ الحالة عامة

الحالة عامة
Quote: "قالوا" الحلقة الليلة مملة
"وقلنا" ليهم الحسنة الوحيدة كانت شريف الفحيل

Quote: يا سلام عليك يا منار
ابداع
صوت مصمم خصيصاً لأداء الأغاني النسائية
ولا أروع

يا زوول يا فنان ذوقك عالي ..لك التحية

Post: #1184
Title: Re: أغاني وأغاني.. للقدامى والمستجدين..
Author: SHIBKA
Date: 09-09-2009, 03:38 PM
Parent: #1178

معتصم

Quote: ظلمتي البنية يا شبكة والله ..
صحيح لبسه أمس ما كان حلو لكن شوفيها بالتوب ياخ

انا لما اشوف الفنان في التلفزيون معناها الصورة لازم تكون مكتملة
صوت وصورة

لكن اسمع من غير اشوف ما بقدر

لو كان سمع كان تجي في الرادي نسمع ونتسلطن
لكن لبسها عجيب

وبالمناسبة قبل كم يوم كانت اما في هارموني ولي الشروق بتوب
الغنية كلها تصلح في التوب
وكان في صوت في الساعة ديل بضيع

طبعا مع احترامي لرايك

Post: #1182
Title: Re: أغاني وأغاني.. للقدامى والمستجدين..
Author: SHIBKA
Date: 09-09-2009, 02:51 PM
Parent: #1174

Quote: والله قدر ما نحت راسي ما عرفتها ...ممكن خيارات...؟

طارق
واحدة عاملة فيديو كليب في هارموني
اظنوا االطفال
اسمها على اسم القناة (الشروق)

كان ما عرفتها بعد د اسال د. معز عمر بخيت

Post: #1180
Title: Re: أغاني وأغاني.. للقدامى والمستجدين..
Author: abubakr
Date: 09-09-2009, 02:31 PM
Parent: #1172

Quote: بالعكس حلقة امس في النيل الازرق كانت جميلة والنقاش فيها كان متجدد وفيهو جوانب واتنقاشو عن عمل المراة
واحدة طبيبة وواحدة صحفية وواحدة طالبة ماجستير وزوجها عايزها تقعد في البيت

يابتي انا مشكلتي "النظر" اصلو لابس نطارة زمن ما النطارات في السودان كانت زي القمر الصناعي ما بتلقاها الا في ناسا ...دة زمااااان.. اها الزغللة بتاعة الاصفررر ما بنقدر عليها

Post: #1183
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-09-2009, 03:33 PM
Parent: #1180

ما اثقل من سهرات النيل الازرق

الا سهرات خيمة الشروق

ثقالة وخفة دم ورشاقات

فى سهرةكدا فى النيل الازرق زول كدا يتكلم خارم بارم
الحماروالكارو
والتانى يكرر الفن المحبة
كلام مجانى فى الهواء

الزولا شذى لا شكل لا مضمون

شروق دايرا تكون فنانة بالعافية

الاعلام ممكن يسمى زول جاهل مثقف
وممكن يلمع سياسى ويسميهمو الاستراتيجى
وممكن يجيب انتهازى ويقول عليهو مناضل

لكن مهما بلغ من قوة ما بيصنع فنان دون موهبة

Post: #1185
Title: Re: أغاني وأغاني.. للقدامى والمستجدين..
Author: الزوول
Date: 09-09-2009, 03:46 PM
Parent: #1183

السلام عليكم
......

Quote: ياخي الزولة دي غناية شديد وأنا متابعها من مدة طويلة وإسمها شذى شيبان ..
صدقني يا هندسة الزولة دي بتغني للشفيع ولا أروع ..

معتصم العريس حبابك
كلامك صاح
أنا ما سمعت تسجيل حلقة امبارح (لسه)
لكني احتفظ بتسجيل ليها في واحدة من أغاني البنات دويتو مع سميرة دنيا
وما كنت عارف اسمها
مشيت فتشت لغاية ما عرفتها
وبالمناسبة اسمها شذى (هيبان) مش شيبان
لو جاتني طلبات معتبرة منكم
برفعو ليكم على اليوتيوب
.....
حبيبنا الحاج حمد
ياخي بوست الشعبية مسكك مسكة تمام مننا
لكن والله بوست قوي
هسه فكرنا ننضم ليكم
يعني الواحد لو سكن فترة سنتين في المغتربين بحري
واشتغل في المؤسسة بحري لمدة سنة
وعندو أهل في المزاد
وعندو أهل في الشعبية
ينفع تضموه معاكم؟
....
شبكة
Quote: ولما مشيت الشروق لقيت بت ام لعاب ديلك بتغني
تضرس باللمعان والاكسسوار اللباساهو والبلوزة ورق السجاير

وكمان لو لفيتي كده على هارموني
وشفتي ندى القلعة وعفاف أمين
بت اللعاب شنو البريئة ديك ؟
والله كنتي قمتي جارية عديل كده
......

Post: #1186
Title: Re: أغاني وأغاني.. للقدامى والمستجدين..
Author: SHIBKA
Date: 09-09-2009, 04:26 PM
Parent: #1185

Quote: وشفتي ندى القلعة وعفاف أمين
بت اللعاب شنو البريئة ديك ؟
والله كنتي قمتي جارية عديل كده
......

الزول
ندي وعفاف ديل يوماتي من يوم 15 رمضان بعد الفطور
لكن لي هسة ما جاني صبر اقعد اسمع لي جملة عشان اعرف البرنامج بتكلم عن شنو

Post: #1187
Title: Re: أغاني وأغاني.. للقدامى والمستجدين..
Author: abubakr
Date: 09-09-2009, 04:30 PM
Parent: #1185

ايمانا بحرية الراي وديمقراطية "متاصلة" فينا نقدم ليكم اوضه الشفع هنا :

شذي هيبان في خداري

( تسجيلات راكوبا )

كل اول لية اخر
(تسجيلات ودالمتمة)

Post: #1188
Title: Re: أغاني وأغاني.. للقدامى والمستجدين..
Author: abubakr
Date: 09-09-2009, 05:36 PM
Parent: #1187

الساعة 8 ثمانية ونص مساء وبين مشاهدة تدشين مترو دبي اطول مترو يسير من غير سائق في العالم وبه اكبر محطة مترو في العالم تحت الارض وتم تنفيذه في وقت قياسي وتم تسليمه في الوقت المحدد اليوم 9 9 9 والعودة الي مشاهدة النيل ازرق وجدت اننا يادوبك وصلنا دبي من خلال شعيرية الخليج من مصنع دبي في الخرطوم ...عجبي وبرضو ينط واحد ويقول نحن البنينا الخليج مش كدة !!!

اها خلونا مع عمك السر ونرجع لواقعنا ارضا

Post: #1189
Title: Re: أغاني وأغاني.. للقدامى والمستجدين..
Author: abubakr
Date: 09-09-2009, 05:50 PM
Parent: #1188

الموضوع : الراحل اسماعيل خورشيد

ومازال فرفور غائبا

عايز انسي ايامي بصوت فردتنا

Post: #1190
Title: Re: أغاني وأغاني.. للقدامى والمستجدين..
Author: abubakr
Date: 09-09-2009, 05:56 PM
Parent: #1189

بسمة ونظرة لريماز وشريف

_________
تمام

Post: #1191
Title: Re: أغاني وأغاني.. للقدامى والمستجدين..
Author: احمد العربي
Date: 09-09-2009, 06:01 PM
Parent: #1190

يا باشمهندس كل سنه وانت طيب
صاحبة البوست ايامك خدرا ووريفه

تعرف يا باشمهندس نظره وبسمه
دي الغنيه نمره واحد من مجاميعو
اللبس
الانسجام
الاصوات المتناغمه

ده مجرد راي

عاطر الود

Post: #1194
Title: Re: أغاني وأغاني.. للقدامى والمستجدين..
Author: abubakr
Date: 09-09-2009, 06:17 PM
Parent: #1191

Quote: ده مجرد راي

ودالعربي وانا جاري اجي اقول كدة ... انت تجي لاقطا مني ....

صدقت لاولا ريماز وشريف دوري الليلة دي كان يكون دافوري ساااي

Post: #1192
Title: Re: أغاني وأغاني.. للقدامى والمستجدين..
Author: abubakr
Date: 09-09-2009, 06:09 PM
Parent: #1190

عصام محمد نور يؤدي حبيبي قال

Post: #1193
Title: Re: أغاني وأغاني.. للقدامى والمستجدين..
Author: abubakr
Date: 09-09-2009, 06:14 PM
Parent: #1192

انا بهوي باصوات نادر

Post: #1195
Title: Re: أغاني وأغاني.. للقدامى والمستجدين..
Author: ودالعباسية
Date: 09-09-2009, 06:22 PM
Parent: #1193

ريماز وشريف ،، دويتو ولا احلى ،،بس كان فيها لخبطة فى الاخر سواها شريف ،،

عصام ،، متميز فى غناء الكاشف ،، وعوض احمودي اخر انبساط وانسجام ،،

وفرقة موسيقية زي الورد ،،،

Post: #1196
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-09-2009, 07:06 PM
Parent: #1195

Quote: ريماز وشريف ،، دويتو ولا احلى ،،بس كان فيها لخبطة فى الاخر سواها شريف ،،

عصام ،، متميز فى غناء الكاشف ،، وعوض احمودي اخر انبساط وانسجام ،،

وفرقة موسيقية زي الورد ،،،

ود العباسية
الشباب اداء حلو
ذكرونا (نوال الزغبي × وائل كافوري )
في انت حبيبي انا رد علي وقول
انت حبيبي انا .
وحبيبي (شريف ) لخبط شويه والسبب نُعزية استحاءه
من نظراة ريماز ولو كان طبيعي الاداء كان بكون جميل
والود لسع صغير على اغاني الدويتو
ود العباسية شكلك ملاحظ زي ابوبكر هندسه
ابوبكر هندسه
حاولت اليوم ارفع ليك صور من اكبر استديو
تسجيل صوت في جده (استديو المنصور ) واعقب على مواضيعك وفشلت في ذلك
وبالنسبة لحلقة اليوم هل تذكر زمان كان في فنان شاب
حلفاوي ( محمد اسماعيل )وافضل من يطابق صوت الكاشف
ابدع في انا بهواك واغاني صلاح محمد عيسى
نادر خضر
اداء تقريري
لدرجة كان يقول طريقك دايما فارشو وردي والكلمه الصحيحه (ورد )

Post: #1197
Title: Re: أغاني وأغاني.. للقدامى والمستجدين..
Author: abubakr
Date: 09-09-2009, 08:10 PM
Parent: #1196

Quote: حلفاوي ( محمد اسماعيل )وافضل من يطابق صوت الكاشف

قصدك يا عزام قريبنا محمد اسماعيل عبد الجليل ( السجانة) بن اخ قريبي سليمان عبدالجليل بحكم انني غائب كتير فلا اعرف هل ما زال يغني ام تقاعد

Post: #1198
Title: Re: أغاني وأغاني.. للقدامى والمستجدين..
Author: Alsa7afa_30
Date: 09-09-2009, 08:51 PM
Parent: #1197

سلامات يا قريبي

Quote: قصدك يا عزام قريبنا محمد اسماعيل عبد الجليل ( السجانة) بن اخ قريبي سليمان عبدالجليل بحكم انني غائب كتير فلا اعرف هل ما زال يغني ام تقاعد

يا سلام على محمد اسماعيل ..
أكثر من يجود أغاني الكاشف ..كنا نستمتع به في حفلات الزواج بالصحافة ..
على حد علمي ، أصدر ألبوم واحد .. و مازال قابض على جمر حفلات المناسبات ..

Quote: قصدك يا عزام

رمضان خش العضم ولا شنو يا باش

Post: #1199
Title: Re: أغاني وأغاني.. للقدامى والمستجدين..
Author: طارق ميرغني
Date: 09-09-2009, 09:44 PM
Parent: #1198

اول يوم منذ بداية رمضان الاخ عصام محمد نور يؤدي بطريقه جاده وبدون اي لولوه

ولو خلا ضحكاتو الماليها اي معني دي يكون تمام التمام

ابوبكر عزام والله ود حلال ان شاء الله كل يوم تجيبو سيرتو

لكن يا اخوي ركز علي الاسم رمضان قرررررررررب

Post: #1200
Title: Re: أغاني وأغاني.. للقدامى والمستجدين..
Author: طارق ميرغني
Date: 09-09-2009, 10:24 PM
Parent: #1199

ريماز ميرغني وشريف الفحيل بالفعل اثبتا اليوم انهما يسيران بخطي ثابته

وظهر اليوم جمال صوت ريماز ميرغني

Post: #1201
Title: Re: أغاني وأغاني.. للقدامى والمستجدين..
Author: طارق ميرغني
Date: 09-09-2009, 10:26 PM
Parent: #1200

الاخت نجوان اسمحي لي ان ابدي رايي في اداء الفنانين حتي تاريخه
واتمني ان يؤخذ رايي كمستمع جيد للغناء السوداني دون اي حساسيه من احد الزملاء
السر قدور
بالطبع هو ذلك الشاعر والمسرحي والموثق الشهير ومهما ابدي الكثيرون رايا في طريقة تقديمة او مظهره الا انه بحق كان نجم رمضان في كل القنوات السودانية.
نجح في التوثيق للعديد من عمالقة الفن بالسودان.
ان عابت البرنامج بعض الهفوات الاخراجية الا انه نجح في اعطاء الفرصة للعديد من المواهب الشابة رغم تحجيم فرصهم في اضيق زمن ممكن.
من البديهي لمزيد من التوثيق والامتاع زيادة زمن البرنامج الي ساعة كاملة.
لاتاحة الفرصه للحديث والتوثيق براحة ولاتاحة الفرصة للضيوف للحديث بحريه اكثر عن ذكرياتهم او تعليقاتهم عن الاغاني او المغنيين.
عصام مصطفي حسن احمد " فرفور":
فنان ذو امكانيات صوتية عالية ومدي واسع يمكنه من الصعود والهبوط براحة تامة.
وهو من اسرة فنية معروفة في الصبابي اذ عمه هو المعلم والشاعر الفذ عوض حسن احمد شاعر أوتذكرين صغيرتي وفينوس للراحل عبد العزيز داؤود والذي نفخر بانه كان استاذنا في المدارس المتوسطة ببحري.
فرفور اعيب عليه ظهور بوادر غرور وادعاء اثناء تاديته الاغاني ,يتجلي ذلك في انه وبعد انتهاء الكوبليه يستمر فاتح فاهه كما كان يفعل الرئيس الاسبق نميري رحمه الله.
ايضا طريقة اشارته للكورس للدخول للترديد خلفه.
كما وهو ايضا كثير الهزار والفرفرة اثناء الحلقات وطريقة رفعه للمايكروفون كانما يشرب في " شامبيون".
عصام محمد نور:
يمتاوز بقدرة عاليه علي تقليد الفنانين . حافظ الكثير من الاغاني.صوته جميل ان غني بكل امكانياته وبملء شدقيه.
اعيب عليه " النياصه " وكتل الاغاني بابطاء " التيمبو" وتغنيه بصوره كانما
" انا احسن ولا سيد الاغنيه". لا يخلو من ادعاء كما هو حال صديقه فرفور.
اكثر من اعطي فرصة للغناء وفي كل الحلقات تقريبا وهو الوحيد الذي غني كل اغانيه كاملة غير منقوصة حتي شككنا في انه يشارك قدور في الانتاج ...!! نلاحظ انه لم يشاركه في تأدية اغانيه فنان في حين انه شارك اي فنان غني اغنيه يؤديها معه ويتداخل ويتدخل مع الصغار والكبار.
نادر خضر:
رجل موهوب ذو " استايل " فريد وصوت جميل .محترم في ادائه يبتدر بكلمات جميله في حق الفانين الكبار مثل زيدان وسيد خليفه تواضعا جما يدل علي اصالته.
نجح في العديد من الاغاني التي اداها بطريقته الخاصة .
انا شخصيا احب طريقته في الاداء.
عاصم البنا:
بالنسبة لي هو اكثر من في المجموعة تقدما وتجويدا في الاداء.
صوت قوي ولا يخشي مزالق السلالم العالية واجمل من يؤدي اغاني الحقيبة. رجل طروب ويحب الغناء وتلاحظ فيه نظرات الاعجاب والمؤاذرة للفنانين الشباب.لم يمسه غرور حسب اعتقادي من طريقته.نفس طريقة ريماز ميرغني في ابداء الاعجاب باغنية الزميل اثناء اداءه لها.
عكس جميع ابناء البنا الاخرين وبكل صراحة لا احب الاستماع اليهم.
ريماز ميرغني:
اكثر مشاركه موهوبه من الباقين ولم تعط فرصة كافية لابراز امكانياتها الصوتية الكبيرة . لي ثقة كبيره في انها ستكون انجح من زميلاتها الباقيات.
افراح عصام:
رغم نجاحها في اداء بعض الاغنيات ك" ليلتنا ليليه" الا ان امكانياتها الصوتيه محدوده . اعطيت فرصة اكبر مما تستحق وكان من المفترض ان تعطي هذه الفرصة لزميلتها ريماز ميرغني.
لا ادري هل امكانياتها تستحق المساحة الزمنيه التي تمنح لها يوميا ؟؟
رغم قناعتي بان لشكلها الملفت الدور الاكبر في هذا الزخم الذي تمتعت به.
منار:
موهبه يرجي منها الكثير صوتها يشبه الاصوات التي اندثرت مؤخرا تذكرك باصوات مني الخير ومهله العباديه وعائشه الفلاتيه وفاطمه الحاج
خلطة اصوات عجيبه. ربنا يوفقها
شريف:
شاب موهوب وذو صوت دافئ وشجي وذو ثقة عاليه بنفسه ان وجد الملحن القدير سيكون له شان عظيم.
عادل احمد الطيب:
اتوقع له نجاح اكثر من اخيه عماد .
اما بخصوص مشاركة الكبار زيدان ابراهيم ، السني الضوي،محمد ميرغني وابراهيم حسين في البرنامج فهي لفتة بارعة من استاذنا السر قدور رغم محدودية مشاركتهم خاصة ابراهيم حسين الا انها كانت انجح الحلقات وكانت لمشاركتهم الدور الاكبر في نجاح البرنامج.

Post: #1202
Title: Re: أغاني وأغاني.. للقدامى والمستجدين..
Author: حسن سنوسى
Date: 09-09-2009, 11:52 PM
Parent: #1201

Quote: الاخت نجوان اسمحي لي ان ابدي رايي في اداء الفنانين حتي تاريخه
واتمني ان يؤخذ رايي كمستمع جيد للغناء السوداني دون اي حساسيه من احد الزملاء[/QUOT

العزيز طارق ميرغنى
جميلة ورائعة جداً فكرة الـ (report) الانت عملتها
لكن انا عندى اقتراح يا طارق.. وخلينا نشاور اختنا نجوان ست البوست وسيد بوست رمضان السابق (الزول)
بحكم خبرتو وكدا.. وكذا الاخوة ابو بكر، ود العباسية..وبقية الكوكبة والكواكب الراقين المشاركين
الاسماء المذكورة على سبيل المثال لا الحصر..
المقترح ان يتم اعداد ملخص تنفيذى(Executive summary) بعد نهاية الحلقات يعنى بعد عشرة ايام
باعتبار ان الريبورتات اليومية هى عضم التقرير
يتضمن التقييم النهائى المحاور الاتية:
- اعداد وانتاج وتقديم البرنامج
- اداء فريق المغنين قدامى ومستجدين- على رأى نجوان
- اداء الفرقة الموسيقية- كل زول براهو
- الاخراج - ودى حكاية
-الاستديو والديكور
- الملابس ودى فيها كلام كتييير
- وبالطبع النيو لوك بتاع العصافير على مستو اللبس و الميك اب
- رعاية البرنامج -ناس ارفع راسك وهايل ووو..الخ
والبطبع هذه المحاور عاوزه زيادة منكم..
وفى الختام نقوم بكتابة التوصيات (Recommendations) عشان يتم الاستهداء بها لقدام انشاء الله

Post: #1203
Title: Re: أغاني وأغاني.. للقدامى والمستجدين..
Author: طارق ميرغني
Date: 09-09-2009, 11:59 PM
Parent: #1202

موافقون اخي سنوسي

Post: #1204
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-10-2009, 00:02 AM
Parent: #1201

Quote: عصام مصطفي حسن احمد " فرفور":
فنان ذو امكانيات صوتية عالية ومدي واسع يمكنه من الصعود والهبوط براحة تامة.
وهو من اسرة فنية معروفة في الصبابي اذ عمه هو المعلم والشاعر الفذ عوض حسن احمد شاعر أوتذكرين صغيرتي وفينوس للراحل عبد العزيز داؤود والذي نفخر بانه كان استاذنا في المدارس المتوسطة ببحري.
فرفور اعيب عليه ظهور بوادر غرور وادعاء اثناء تاديته الاغاني ,يتجلي ذلك في انه وبعد انتهاء الكوبليه يستمر فاتح فاهه كما كان يفعل الرئيس الاسبق نميري رحمه الله.
ايضا طريقة اشارته للكورس للدخول للترديد خلفه.
كما وهو ايضا كثير الهزار والفرفرة اثناء الحلقات وطريقة رفعه للمايكروفون كانما يشرب في " شامبيون".

استاذنا طارق ميرغني (ابو الفن )
والله كلام سليم في السليم
شايف الجماعة ديل مرضوك شديد ولخبت اسم (جمال مصطفى حسن احمد )
ما عليك
ولكن صديقي جمال للان لم يعرف امكانيات نفسه ولقبه السد العالي
(سليمان فارس ) بفرفور لكثرة فرفرته وعدم انضباته من وهو
صغير .وقدمت له كثير من النصائح من الاخوان ولكن من شب على شيء شاب عليه
ياخي عندو امكانية حفظ بطريقة غريبة جدا ومن طرائفه بمناسة الحفظ
وكنا في جلسه ومن ضمنها الفنان عباس تلودي صاحب الامكانيات الكبيره
وعند بداية الجلسه
تلودي قال : يا جمال انت غني لاني انا حافظ اربعمائة اغنية
فضحك جمال وقال : طيب هاك دي واحده وضيفها الى الاربعمائة اغنية
وفعلا تغنى باغنية جميله ولم يسمعها احد في يوم من الايام ويظهر
هو سمعها من اهله الكبار وانت تعلم الجلسات القديمة كانت تقام بمنزلهم.
ويعتبر خضر بشير الصغير

Post: #1205
Title: Re: أغاني وأغاني.. للقدامى والمستجدين..
Author: mamkouna
Date: 09-10-2009, 00:03 AM
Parent: #1201

رسائل قصيرة:

الاستاذ طارق ميرغني :
أتفق معك 100% في كل ما ذكرته..بالذات فيما يختص بنادر خضر.

الباش:
مبروك عليكم قطار الانفاق ...خلينا نحن مع القطر الشالك انت يتكسر حتة حتة.

فيصل نوبي:
الفطير و الحلومر و الكعك جااااااهزين
كيف الدبارة يا ود اخوي؟

نجوان:
فشل البرنامج لا يعني فشل البوست
اظهر و بان عليك الامان.

ماكيير/ة قناة النيل الازرق:
الله يسامحك.

Post: #1209
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 05:04 AM
Parent: #1205

Quote: الباش:
مبروك عليكم قطار الانفاق ...خلينا نحن مع القطر الشالك انت يتكسر حتة حتة.

الله يبارك فيكم جميعا .. بالرغم من اني واحد من التروس من تلاتيين واكتر هنا فما كنت بهتم كتير او اندهش لما ينجز كوني في المطبخ ولكن مؤخرا وخصوصا بعد كوارث الامطار في الخرتوم شعرت بانني مقصر في حق دبي فالذي يحدث في دبي اعتباري مقارنة بكل مقاييس الانجاز والابداع والانضباط واهتمام القائميين عليه من مهنيين واداريين بحرفية كل تفاصييل العمل ساهمت في ان يكون الانجاز واثقا ... المترو انجاز عظيم كعمل هندسي و وعمراني وتنظيما وادارة ...

Post: #1212
Title: Re: أغاني وأغاني.. للقدامى والمستجدين..
Author: فيصل نوبي
Date: 09-10-2009, 08:25 AM
Parent: #1205

أغاني و أغاني :
أظنهم بقو شغالين بطريقة أوسطه خرمجة ..
البداية كانت جميلة و الوسط مخرمج و الان النهاية نأمل أن تكون جيدة إن لم تكن ممتازة .

_

عمتو
صباحاتكـ ياسمين ..
بالتبادي مشتاقين .. و متشكرين ..
Quote: الفطير و الحلومر و الكعك جااااااهزين
كيف الدبارة يا ود اخوي؟
نكمل باقي أغاني و أغاني دي ولا رايكـ شنو !!

Post: #1248
Title: Re: أغاني وأغاني.. للقدامى والمستجدين..
Author: نجوان
Date: 09-10-2009, 10:26 PM
Parent: #1205

Quote: ماكيير/ة قناة النيل الازرق:
الله يسامحك.

Post: #1206
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 04:45 AM
Parent: #1201

يا طارق ..انا بين امريين..!! بين ان ازاول بعض من نشاط سوداني موروث وانط واقول " انا اعترض" واقعد ابشتف في كل القلتو انت وانشاء الله حد ما حوش وبين ان اقول " وفيت وكفيت " واقوم امشي شغلي ... اها فكرت وقدرت ورغم انفي ( قال الانف دة سبب البلاوي وهو البيجيب الاسواين فلو ) وضربت صدري (هو ناقص؟ ) وقلت بملء في(دة من كلام العرب كان ما سمعتو بيه ) "وفيت وكفيت " وناس النيل الازرق بيلقو حاجات كتيرة هنا بلوشي بس عندهم عمي الوان ...

Post: #1208
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 04:55 AM
Parent: #1199

Quote: لكن يا اخوي ركز علي الاسم رمضان قرررررررررب

ياااخ انا جيل افلام من سينما كوستي الي سينما وادي حلفا الي سينما خرطوم غرب والنيل الازرق وكوليزيوم وبعديين دخلنا تلفزيون من قولة تيت سنة ستيين ولذا بعرف الممثليين من صورهم .. وبعديين كتابة بالعربي بتاعكم دة اتعلمناها قريب كدة بعد التلفزيون....يادووب بنشوف الصورة وعلي طوول نقول

Post: #1207
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 04:50 AM
Parent: #1198

Quote: رمضان خش العضم ولا شنو يا باش

يابلدياتنا انا حاسوي شنو والا شنو ؟؟.. اشوف صورة المحسي قريبنا المالية الشاشة وبعد دة كلو اقوم افتش علي اسمو ؟؟ انا قلت الكلام داك للصورة ووليد يبقي هو المتنازل عن حقو طالما تنازل عن صورتو ومن تنازل عن صورتو يشيل شيلتو ...

Post: #1210
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 06:24 AM
Parent: #1207

Quote: نجوان:
فشل البرنامج لا يعني فشل البوست
اظهر و بان عليك الامان.

نجوان معجبة بمترو دبي الما عندو سائق اها خلت البوست من غير سائق ..تكنولوجيا

Post: #1211
Title: Re: أغاني وأغاني.. للقدامى والمستجدين..
Author: منى على الحسن
Date: 09-10-2009, 07:01 AM
Parent: #1207

الاخت نجوان صاحبة البوست والزملاء الكرام

رمضانكم مبارك اسفة ان جات متاخرة

نعوضا في عيدكم من بدري وعساكم من عواده

يعتبر برنامج اغاني البرنامج الوحيد الشداني نحو شاشة الصغيرة

رغم الهفوات والكتيرة والاخطاء فيهو الا انه يعتبر برنامج ناجح

والساهم في كدة مقدمه الاستاذ السر قدور ...يعني استاذنا قدور ده

لو المخرج انتبه ليهو شوية كان البرنامج نجح بكل معنى الكلمة

نجي للمطربين : اتفق تماما مع الاخ طارق في تحليلو العميق بذات

في ما يخص الفنان نادر خضر ونادر فنان يمتلك شجن وحس رائع

كنا نجهله عنه و طلع من البرنامج نادر مطرب وانسان ....له كل التقدير والاحترام

اما ريماز مرغني فمطربة جميلة وعندها مقدرة فنية عالية في طريقة الاداء تشد الواحد

ليها وتخليك تتخيل كل الجمال امامك كأنك بتستمع لشدو عصافير الجنة ...وزيادة عليها هادئة

ومتمكنة حتى طريقة جلستا وحضورا يختلف من الباقين فنانة راقية لدرجة اتمنى انت

تواصل في طريقا بكل القوة دي

نجي لي فنان الشجن الجميل صاحب الابتسامة اللطيفة اثناء الغناء شريف ،شريف يغني بكل اريحية

و شجن ...يؤدي الاغنية بعمق ينطبع في ذاكرة البستمع ليهو اتمنى ليهو مستقبل باهر فهو من زمرة

الناس البغنو بي راحة شديدة تذكرني طريقة ادائه الاستاذ علي السقيد لما بغني أغنية

( فرحانة بيك كل النجوم ولا نام بريقا ولا انطفى ) اقترح على شريف يغني الاغنية دي بتشبهو كتير

واما منار فهى من الزمن الجميل وكفى....

الباقين اتفق مع طارق وبدون تعليق !!!!! لكن ما زالت احب فرفرا وعصام

دهشة ومعاها تحية :

للفنان الرائع محمد مرغني كان نجم حقيقي في البرنامج

والتحية والاجلال والعافية للفنان ابراهيم حسين .... كنت اتمنى ان تكون معه حلقتين

اتمنى ان يلتفت الاعلام لهذا القامة الذي قدم للفن السوداني اروع الاغاني

كم من جيل الى جيل ردد اغانية شجن وغربة وحب وكم كنت اتمنى ان تغني رائعته

نجمة نجمة الليل نعدو والسنين يا حليلا عدو

وانت ما عارف عيونك لمن تزعل وين بودو ...

( ما زالت صديقتي سنوية مندهشة مع كل أغنية بالله دي حقتو ؟؟؟) من كترت ما رددا فنانين غيره

وما زالت انا اردد اغانية كانها بلسم للروح ليهو يا رب العافية والصحة التامة

واخيرا الشكر للاستاذ السر قدور على هذا البرنامج الذي كان نفحه للشجن في رمضان

Post: #1213
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 08:31 AM
Parent: #1211

Quote: واخيرا الشكر للاستاذ السر قدور على هذا البرنامج الذي كان نفحه للشجن في رمضان

وشكرا لينا ....... يعني الا نغني ...

_______

هو سناء بتعرف اغاني ؟؟؟ اها متين انتن تابعتن حلقات غير السنة دي ولو ما انا وريتكن الدرب ...قالت الشكر للاستاذ قدور ... يعني هسع ممكونة الكوجنت البوست والللا السر قدور ...

Post: #1214
Title: Re: أغاني وأغاني.. للقدامى والمستجدين..
Author: Tabaldina
Date: 09-10-2009, 08:39 AM
Parent: #1213

..
.
Quote: اول يوم منذ بداية رمضان الاخ عصام محمد نور يؤدي بطريقه جاده وبدون اي لولوه

ابدا والله يا طارق
اكتر زول كان محافظ على مستواه واداءه
من بين كل هؤلاء هو عصام محمد نور ..
فلقد وفق فى كل حرف تغنى به وباداء رائع جدا
لا يقارن مع البقية ..

_______________

انا ما عارف كل ما رمضان يقصر بقصروا معاهو
عدد الاغنيات المشاركين وفرص يعنى ممكن اخر يكون يكتفوا لينا
بنكته السر القدور ..

Post: #1215
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-10-2009, 09:29 AM
Parent: #1214

ابوبكر هندسه
اها انا متنازل عن حقي ويكفينا تعليقك على سين اسم او صاد
لكن تعال نتكلم عن قريبك محمد اسماعيل
من طابقوا صوت الفنان الكاشف حسب الترتيب
احمد عجوز ( من اولاد الصحافه ومنعه والده امام المسجد من الغناء )
محمد اسماعيل
( افضل من يغني المهرجان ) وبعدم ظهور احمد عجوز يعتبر هو الاول
وعندما ظهر فرفور صديقي قالوا هو افضل من غنى المهرجان فقلت لهم ود اسماعيل هو الافضل و في عام 1985 انزل شريط ولا اروع
وكان به اغنية غير مسموعة ( عودتني غيابك عودني ظهورك يوم ) وبالمناسبة صديقك عاصم البنا يغنيها كمان بطريقته الخاصه
بصوره جميله واغنية ثانية (بسمه ونظره ) وكم اغنية لصلاح محمد عيسى ومازال الشريط محفور في الذاكره
وكان يتجلى في الحفلات في ذلك الوقت وعندما يأتي الى منطقتنا بحري نكون في اتم الاستعداد له .ومايميز محمد اسماعيل
يغني لبعض الفنانين بصوره جميله
عماد الكاشف
من اولاد الديم وهو كمان له من مطابقة صوت الكاشف فنان ملتزم ومحافظ على صوته وامكن للان بغني في الخرطوم
احمد البحراوي
الاستاذ احمد يغني للكاشف بصوره جميله ولكن في اماكن يكون الفرق واضح وتعرف ليه
لان الكاشف اي كلمه واي حرف بيديهو مساحته وكان يصور الغناء مثل عندما يقول ( عدنا ) تعرف انه جاي من مكان بعيد
ولما يقول (اه لو اه تفيد مجروح ) تحس كان الدم ينزف
هذا الامي كان رائع ياهندسه الله يرحمه .

___________________
عصام محمد نور
عمل رائعة الكاشف بصوره جميله ونشهد له بذلك
ونعيب عليه احيانا يدخل الضحك اثناء الغناء فيقوم بأكل بعض الحروف
فنان محبوب بتواضعه واخلاقه الحميده وممكن اي انسان يطرب له

Post: #1216
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 10:04 AM
Parent: #1215

Quote: لكن تعال نتكلم عن قريبك محمد اسماعيل

يالوليد محمد وعماد واحمد دييل ظهرو قبل الكشة والفكة زماااانك وكت تسمع البغني في الصحافة وانت مسطح نائم علي عنقربيب في الحوش في السجانة ... لسه كان في اوكسجين في هوا الخرتوم والموية ما اتلخبتت بموية المجاري والدييك بيصيح في الصباح وما بقي غرييل او جكن فيلية .. دة قبل الركشة والبص كان الواحد بيقوم من الكرسي لامراة واقفة والاولادوالبنات كانو بيقولو للاكبر منهم ياعم وياعمة .... ات من الزمن داااك .. حليلك ... انافي كهولتي وكت ما لقيت راكوبة ولا مصطبة اسطح فيها بعد الشغل ياني مسطح اسفيريا ...

Post: #1217
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-10-2009, 10:44 AM
Parent: #1216

اخخخخخخخخخخخخخخخخخخخخخخخخ يا ابوبكر هندسه اخ
داك زمن مابحيى مين تاني البعيدو === العمر ساقو ومشابو
واللي كان كان وين زمان .
كلامك ينوخر في العضم من جوه
ولكن ياهندسه من الزمن داك ونحن راجعين الى الوراء والناس ماشه لقدام
وتعال نحكي هنا
وقمنا طلعنا من السودان واتغربنا وقعدنا نتفلسف على الناس
نحن العملنا كاسر الامواج في ابوظبي ونحن العلمناكم الكوره
ونحن الدرسناكم وكلام من هذا القبيل وهم يعلمون لا حول لنا ولا قوه
واصبحت بقايا ذكريات .
____________
ونرجع لكلامك انه مافي انضباط ولا تخطيط الى اي شي ونشوف حتة الغناء
طبعا في يوم من الايام كنت بدير استديو المنصور للصوتيات بجده صاحبة
الدكتور محمد شفيق ( دكتوراه في الة الكمان ) وبالمناسبه هذا الرجل يوم
الاحد سوف يجري عملية جراحية ( قلب مفتوح ) ودعواتكم له
وسنويا كنا نقوم بتسجيل حفل الجنادريه (وطني ) وعشان تعرف الناس دل منظمين كيف
في نهاية الحفل ولما يشيلوا اخر كرسي بيقوموا لاعداد الحفل الجديد ومواعيده بعد سنه
ياخي الناس ديل قبل مايدخلوا مكاتبنا تشم روائحم وهم في الشارع قبل دخولهم
ترتيب نظام احترام مواعيد وديل منهم فنان العرب محمد عبده وعبد المجيد عبد الله
ورابح صقر وعلي عبد الكريم وعبادي الجوهر والمرحوم طلال مداح .
ابوبكر بريتك صاح بس انا عايز اوصل كل ماذكرته انت من قبل كان كلام في محله
ونحن لسع عايشين على الماضي .( محطة وقف )

______________________
معزره لم استطيع رفع صور الاستديو

Post: #1218
Title: Re: أغاني وأغاني.. للقدامى والمستجدين..
Author: مدثر قرجاج
Date: 09-10-2009, 10:58 AM
Parent: #1217

وليد وينك ياخ وقد بدأ العد التنازلى
لعودة الباشمهندس وضعنا البرنامج زالامور
سالكه...
مودتى

Post: #1219
Title: Re: أغاني وأغاني.. للقدامى والمستجدين..
Author: طارق ميرغني
Date: 09-10-2009, 11:39 AM
Parent: #1218

Quote: استاذنا طارق ميرغني (ابو الفن )
والله كلام سليم في السليم
شايف الجماعة ديل مرضوك شديد ولخبت اسم (جمال مصطفى حسن احمد )
ما عليك
ولكن صديقي جمال للان لم يعرف امكانيات نفسه ولقبه السد العالي
(سليمان فارس ) بفرفور لكثرة فرفرته وعدم انضباته من وهو
صغير .وقدمت له كثير من النصائح من الاخوان ولكن من شب على شيء شاب عليه
ياخي عندو امكانية حفظ بطريقة غريبة جدا ومن طرائفه بمناسة الحفظ
وكنا في جلسه ومن ضمنها الفنان عباس تلودي صاحب الامكانيات الكبيره
وعند بداية الجلسه
تلودي قال : يا جمال انت غني لاني انا حافظ اربعمائة اغنية
فضحك جمال وقال : طيب هاك دي واحده وضيفها الى الاربعمائة اغنية
وفعلا تغنى باغنية جميله ولم يسمعها احد في يوم من الايام ويظهر
هو سمعها من اهله الكبار وانت تعلم الجلسات القديمة كانت تقام بمنزلهم.
ويعتبر خضر بشير الصغير

اخي وليد ياخي لخبطني اسم فرفور ما ساح ولا شنو؟؟
بالطبع اخي وليد اناجلست مرارا وتكرارا مع استاذي عوض حسن احمد في ذلك البيت الفني في الصبابي وبالفعل في وجود الهرم خضر بشير الذي يبدو ان فرفور اخذ منه ومن المرحوم ايوب فارس ومن بشير ابو سوالف الكثير.
بخصوص صديقي عباس تلودي تشرفت بالعزف معه ايام الجامعة وهو رجل رغم تردي صوته حاليا الا انه مستودع لكل الغناء الجميل.

الاخت ممكونه مشكوره علي التوافق الفني وده من ذوقك.

سعادة الباشمهندس ابوبكر:

Quote: "وفيت وكفيت " وناس النيل الازرق بيلقو حاجات كتيرة هنا بلوشي بس عندهم عمي الوان ...
والله بوجودكم يزدهي البوست ونضيف ما يمكن حسب امكانياتنا المتواضعة فقط اتمني ان يكون اصحاب البرنامج عل اطلاع دائم علي هذا البوست الثر.
ياااخ انا جيل افلام من سينما كوستي الي سينما وادي حلفا الي سينما خرطوم غرب والنيل الازرق وكوليزيوم وبعديين دخلنا تلفزيون من قولة تيت سنة ستيين ولذا بعرف الممثليين من صورهم

والله يا باشمهندس ما قايلك ديناصور زيي كده ؟؟؟

الاخت مني علي الحسن:

Quote: دهشة ومعاها تحية :

صديقي تبلدينا

Quote: اكتر زول كان محافظ على مستواه واداءه
من بين كل هؤلاء هو عصام محمد نور ..
فلقد وفق فى كل حرف تغنى به وباداء رائع جدا
لا يقارن مع البقية ..

يا تبلدينا ده ما كلامك ولا الكلام الكان زمان ما كلامك :

Quote: والله يا حسن وطارق ..

فعلا حاجة تحير خرمجه عصام للاغنية امبارح
بالجد الزول دا عايز اسالو فى الموضوع دا ..
ما ممكن يكون ما حافظها ..
يكون زعلان .. ياربي ..
اساسا شايفه تسجيلو المره دى زى المجبور

_______

عموما الواحد بقى البرنامج دا ما بحضروا
الا عشان حاجتين .. يشوف عوض احمودى فى مقطع موسيقى
او ابتسامه ريماز بعد كوبلية وتخت المايك جنبها ..

ولا غيرت الحزب

اخي وليد عبد اللطيف كلامك جميل عن الكاشف

Post: #1220
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-10-2009, 12:01 PM
Parent: #1219

زيت صباح طبيعي ... زيت صباح صحي
زيت صباح فرق في الرائحة
زيت صباح ما بيعمل رغوة
........................................
الرز .... الرز.....الرز
تخت اللبن وكمان القرفه
الرز ... الرز... الرز
...........................................
الفائز... ابقي ليهو زبون
الفائز.... يلا نمش للملازمين
اساس الفايز اصلو متين
الفائز شغل صوالين
الفائز ... فخر الصناعة السودانية
..........................................
تك تك تك تك تك
مع mtn
...........................................
هائل ... هائل.... هائل
.........................................
خيمة سنديانا الرمضانية
وكل سنة كل سنة
وانتم طيبين
......................................
شويترام للاساس الفاخر
......................................
شاي ابو غزالتين
كوفتي
ياهو ده شائينا
..........................................
يتطور العالم يوم بعد يوم
ونتطور نحن معه
زيوت ناشونال
اختيارك الأول
............................................
سعد الله للاساس
فخر الصناعة السودانية
..............................................
هائل .... هائل .... هائل
هـــــــــــــــــــــــائل

اها.

Post: #1221
Title: Re: أغاني وأغاني.. للقدامى والمستجدين..
Author: إبراهيم عبد الحليم
Date: 09-10-2009, 12:09 PM
Parent: #1220

الأخوان فى البوست والأخت جوان

أشعر لما أقراء لكم بسعادة غامرة فبينكم كتاب ونقاد جميلين جدا لذلك قررت الأستعانة بكم لتدونى رآيكم فى فيديو كليب عملته الأسبوع السابق حتى استطيع أن أناقش إقتراحاتكم مع المخرج

http://www.youtube.com/watch?v=msnNfLuXWuc

صدرى رحب لمقترحاتكم وأتمنى أن تعجبكم الفكرة والفيديو

إبراهيم عبد الحليم

Post: #1222
Title: Re: أغاني وأغاني.. للقدامى والمستجدين..
Author: إبراهيم عبد الحليم
Date: 09-10-2009, 12:13 PM
Parent: #1221

بالرغم من بيئة التصوير ألمانيا الأ أننى أحرص على اضفاء صبغة سودانية فأنا كاتب السيناريو

إبراهيم عبد الحليم

Post: #1313
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 08:58 AM
Parent: #1221

حذف للتكرار

Post: #1223
Title: Re: أغاني وأغاني.. للقدامى والمستجدين..
Author: Tabaldina
Date: 09-10-2009, 02:31 PM
Parent: #1219

..
.
Quote: يا تبلدينا ده ما كلامك ولا الكلام الكان زمان ما كلامك :

استاذنا طارق ..
اسمعنى لا انا غلطان بالجد
عارف البرنامج دا فيهو
عصام محمد نور
وعصام احمد الطيب
وعاصم البنا ..

اها الانا قاصدو فى يوم الخرمجة المعلم
زاتوو عاصم البنا .. وكتبت خطا

__________

بالله شفت نادية عثمان امبارح جهجت عوض احمودى كيف
عملت ليهو نفسيات .. نادية دى ببرنامجها دا يوم بتوقف
قلب فنان ..

بجيك لعفاف وندى ..
دا كوم عايز بوست

Post: #1224
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 02:56 PM
Parent: #1219

Quote: والله يا باشمهندس ما قايلك ديناصور زيي كده ؟؟؟

ات ما بتقرا البروفايل ...؟ انا ديناصور واضح المعالم .. اها تعال نعمل لينا حديقة يمكن ينفحونا بشوية ملايين دولارات كدة من البضيعوها في لم العطام في الصحرا الغربية ...

Post: #1225
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 03:01 PM
Parent: #1217

Quote: واللي كان كان وين زمان .

ياوليد انا رغم حنيني الي ماض كان يليق بي وزماني حينئذ الا انني اؤمن بان لكل زمان اهله والذي كان لنا ربما لا يليق او يروق لاجيال اصغر غير انني اشعر بالاسي علي بعض جميل كان في ذلك الزمان كان يمكن ان يكون خميرة لماهو اجمل عند اجيالنا الصغري ولكنه يندثر ...

Post: #1226
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 05:44 PM
Parent: #1225

ياجماعة الزيوت بقت تعمل لي احباط مما ظهرو ناس زيت صباح وهائل ...

اها عمكم السر في حلقة اليوم قال نمشي القمر .. خايف زيت صباح يزحلقنا...

---فرفور م وجود
الموضوع غنا للقمر ...

افراح تؤدي وجه القمر صاحي

Post: #1227
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 05:49 PM
Parent: #1226

فردتنا في حن يا يا قمر

_____________الاغنية تناسب فردتنا_____________

Post: #1228
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 05:51 PM
Parent: #1227

محمدية والفرقة في "القمر في كنانة" لبشير عباس

Post: #1229
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 05:53 PM
Parent: #1228

عصام محمد نور وبدر السما

Post: #1232
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 06:04 PM
Parent: #1229

طلعت القمرة وهي تناسب رماز لكن عمكم اداها لنادر .. حكم

_________

بس نشيد في مدرسة اولية

Post: #1230
Title: Re: أغاني وأغاني.. للقدامى والمستجدين..
Author: حسن سنوسى
Date: 09-10-2009, 05:58 PM
Parent: #1226

الله يا ابو بكر.. الزيوت زاتا افضل لينا من البسوى فيهو فردتكم مع افراح
هى طلعت ما حافظه وجه القمر..وفردتكم عايز يطلعها من الحرج
وعمك من غير خجلة يقول ليها ابدعت يا افراح
انا غايتو (قوقلتا) للتعرف اكثر عى مترو دبى والى الان امامى اكثر من 5 مليون و120 نتيجة
احسن لى نهضتكم المعمارية من البسوى فيهو عمك دا
برنامج اصبح ممل من كثرة الروتين..ومؤدين بغنو من غير اى تقدير للملايين المسمرين امام الشاشة
ديل يا خى بفتكرو انو هم بقو سوبر وكدا

Post: #1231
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 06:02 PM
Parent: #1230

Quote: احسن لى نهضتكم المعمارية من البسوى فيهو عمك دا

والله يا ابوعلي وحيث ان اجتماعايتي معدومة تقريبا والعمل هو كل شاغلي قلت اهو ارجع للواقع شوية فوقعت عدييل وقربت اكسر رقبتي

Post: #1233
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 06:07 PM
Parent: #1231

ياقمر باين شعر عمك السر وغناء ترباس واداء فرفور

Post: #1235
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 06:15 PM
Parent: #1233

حلقة زي الحصة بعد الفسحة الاخيرة او القصيرة او الخامسة (زماااتك وبعد الحصة الخامسة كانت في فسحة وبعدها الحصة السادسة تليها السابعة ) والحصة البتقع بعد الفسحة الاخيرة كان عندها طعم زي طعم المزيج .. وللاجيال الزغنتوتة المزيج دة كان علاج الحكومي للشعب السوداني لاي وجع في البطن حتي ولو زائدة وهو في الواقع وبلغة اليوميين دييل انتي اسيد او شبه ذلك ....حصة لا الاخيرة ولا الفسحة القبلها ليها اعتبار فكانت فسحة قصيرة ويادوبك تخميسة (للاولاد الشواطين البدخنو في الفسحة ) حصة بايخة ...

Post: #1234
Title: Re: أغاني وأغاني.. للقدامى والمستجدين..
Author: حسن سنوسى
Date: 09-10-2009, 06:10 PM
Parent: #1231

(حبيبو) نشكر فيهو من بداية رمضان لانو ظل يؤدى بصورة متطورة
لكن الليلة بااااالغ..جايينا بقميص زرايرو فاتحة
غايتو نحن نستاهل..
يعنى المتلقى السودانى دا زول واحد عامل ليهو حساب مافى

Post: #1236
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 06:18 PM
Parent: #1234

Quote: يعنى المتلقى السودانى دا زول واحد عامل ليهو حساب مافى

ياابوعلي بقت علي دي ؟؟ ما طوالي بطقعونا لاننا بنتلقي ...

Post: #1237
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-10-2009, 06:22 PM
Parent: #1225

ارجوك ياصاحب السياده === انا امري سلمتو للرياده
طارق ميرغني (العازف الكبير وابو الفن)
ياخي بالله شعورك شنو لماتكون خلف واحد زي عاصم البناء
يغني بطريقة جميله
وهل شفت الاساتذه محمد واسماعيل وعوض احمودي
كيف كانو مبسوطين
عصام محمد نور
انت بدر السماء في صفاك === قول لي من عيني ما خفاك
مالو بدر السما ماشي روق === خدو زهري وبسمو البروق
هذه الاغنية يا ابو الفن تذكرنا حي الدناقله ونادي الاتحاد
لكن الفنانين في هذا المقطع بيقولوا ( مالو بدر السما ما شروق ) وهل البدر يشرق
حتى عصام محمد نور من عمل رائعة الكاشف يغنيها خطا
افراح ( الموج )
اليوم كانت زاهية وغنت جميل
وبرضو عاصم حرفها من مسارها
لانها لسه صغيره ورهبت الاستيديو
نادر خضر
في طلعت القمره اداء تقريري
وهذا الشكل من الغناء بتاع عاصم وجمال فرفور
جمال فرفور
يا قمير باين حبيبي ما باين
الريد معزبني والشوق علي باين
هذه الاغنية وقعت له في جرح
صاحبي براسو الكعب ده لما يكون عندو مزاج يا (ابو الفن )خطير
ومن طرائفه
عملت له لقاء بجريدة عكاظ السعودية
مع الاستاذ المعروف على فقندش ( مصور الملوك )
فقندش قال : ياوليد اقو ليك جيب لي فنان تجيب لي (تايسون الملاكم)
فضحك جمال حتى الموت وسعدنا بلقاء شاعرنا المعروف عبد العال السيد
والصحفي المعروف ياسر عبد الفتاح وكلاهما يعمل بنفس الصحيفة .
ابوبكر هندسه
حقيقة كل زمن وله اهله
ولكن حصل اهمال وشكل فراغ كبير بين الاجيال
لذلك الان نعاني في اي شيء

Post: #1238
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-10-2009, 06:35 PM
Parent: #1237

زيت صباح طبيعي ... زيت صباح صحي
زيت صباح فرق في الرائحة
زيت صباح ما بيعمل رغوة
........................................
الرز .... الرز.....الرز
تخت اللبن وكمان القرفه
الرز ... الرز... الرز
...........................................
الفائز... ابقي ليهو زبون
الفائز.... يلا نمش للملازمين
اساس الفايز اصلو متين
الفائز شغل صوالين
الفائز ... فخر الصناعة السودانية
..........................................
تك تك تك تك تك
مع mtn
...........................................
هائل ... هائل.... هائل
.........................................
خيمة سنديانا الرمضانية
وكل سنة كل سنة
وانتم طيبين
......................................
شويترام للاساس الفاخر
......................................
شاي ابو غزالتين
كوفتي
ياهو ده شائينا
..........................................
يتطور العالم يوم بعد يوم
ونتطور نحن معه
زيوت ناشونال
اختيارك الأول
............................................
سعد الله للاساس
فخر الصناعة السودانية
..............................................
هائل .... هائل .... هائل
هـــــــــــــــــــــــائل

Post: #1239
Title: Re: أغاني وأغاني.. للقدامى والمستجدين..
Author: ودالعباسية
Date: 09-10-2009, 06:57 PM
Parent: #1238

انا خارج الشبكة اليوم ،،،

لكن على حسب المتابعة لى صور الخال المطششه دي ،،،

والاغانى بتاعة حلقة الليلة ،، بتخيل انه الحلقة تكون جميلة لانه اغانيها

محفوظه للكل ،،

اغنية حن يا قمر ، غناها فرفور فى شريطه الجديد ،، وكانت رائعة بمصاحبة الفرقة

المصاحبة ،، اعتقد انه عاصم بكون ابدع فيها بمصاحبة فرفور اكيد برضو ،،

Post: #1240
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-10-2009, 06:58 PM
Parent: #1239

البرنامج برعاية MTN
تك تك تك نك(وسيارة اسعاف وبت في نقالة وحوليها ممرضين وممرضات) تك تك تك
مع MTNتعلم أن الحياة افضل
اترك الان في MTN وتكلم مع كل احبابك
ارفع راسك مع MTN
........................................................
مع طواجن القوصي
لِم العائلة حواليك
القوصي كده ....
........................................................
بداية التامين الصحي لطلاب ولاية الخرطوم
مظلتنا تسعكم جميعاً
........................................................
غرف النوم بشائر
واخر موضة السراير
البشائر تقابل الناس
بالبشائر
........................................................

الرز .... الرز.....الرز
حتجيب الرز
وتخت اللبن ومعاهو القرفه والهبهان
الرز ... الرز... الرز رز الفراشه
.................................................
بنمسكه من الكبري
اساسومن القمه
وناس القمه بتحبو
اساس منو البيقيف
جمبو!
....................................................
قولدن قولد حليب الماعز
حياة طبيعية
...................................................
كابو كابوكابو
طعم الحياة
...................................................
شويترام للاساس والديكور
ومواد البناء
مكاتب فخمة غرف جلوس عرف نوم
اطقم حمامات مكاتب فاخرة
شويترام الزوق الرفيع المتميز
................................................
ارشدان موردون وموزعون لاسبيرات
السيارات اليابانية
ارشدان كل ماتحتاجه سيارتك اليابانية
.....................................................
دال للاساس والديكور
المفاجأة تخفيضات هائلة بمناسبة رمضان
....................................................
يتطور العالم يوم بعد يوم
ونتطور نحن معه
زيوت ناشونال
اختيارك الأول
.............................................
عين للبصريات:-
عين .... عدسات لاصقة .... عين .... الجودة
عين .... احدث النظارات الطبية ..... عين
احدث النظارات الشمسية ... عين عين للبصريات

Post: #1241
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 07:00 PM
Parent: #1239

Quote: لكن على حسب المتابعة لى صور الخال المطششه دي ،،،

ياودالعباسية اول ما تشبع تقوم تتنمرد ...ات ما شايف سوق البرنامج دة كسد كيف؟؟ .. البرنامج مطشش والبغنو طششو زماان مش الصور

Post: #1242
Title: Re: أغاني وأغاني.. للقدامى والمستجدين..
Author: طارق ميرغني
Date: 09-10-2009, 07:30 PM
Parent: #1241

Quote: طارق ميرغني (العازف الكبير وابو الفن)
ياخي بالله شعورك شنو لماتكون خلف واحد زي عاصم البناء
يغني بطريقة جميله
وهل شفت الاساتذه محمد واسماعيل وعوض احمودي
كيف كانو مبسوطين

اخي وليد

اول من يطرب للغناء الجيد العازف ما شفت محمديه بينحاز لي عاصم البنا وريماز كيف

يوزع البسمات ذات اليمين واليسار.

وكلما طرب العازف جود العزف

لكن قصة تايسون دي والله ضحكتنا لمن بي هناك.......!!!!

Post: #1245
Title: Re: أغاني وأغاني.. للقدامى والمستجدين..
Author: الزوول
Date: 09-10-2009, 08:00 PM
Parent: #1242

السلام عليكم
......
حلقة مميزة (رأيي وأنا حر فيهو)
ولّ يا ربي مبسوط عشان الدنيا خميس؟
أبدع فيها فردتنا مرتين
حينما أنقذ افراح الموج
يا تمبس تذكر بوستك داك
....
أفراح عصام تكسب
غايتو في البرنامج ده
أفراح عصام ...تخسر
....
أفسد علي مخرج البرنامج
متعتي
وملأني حزناً وكآبة
حينما تركزت الكاميرا على محمدية وهو
يلكز عوض أحمودي لينبهه لنهاية المقطوعة الرائعة لبشير عباس
.....
فردتنا عاصم أبدع في حن يا قمر
....
أداء لا ( بأس) به من عصام محمد نور
وأداء (بائس) لنادر خضر لأغنية "طلعت القمرا"
في رأيي أن منار صديق كانت أنسب صوت للغنية دي
.....
يا جماعة فيكم زول اتأمل في كلمات الأغنية دي
ياخي دي مليانة حنية لغاية ما مدفقة عديل كده
شوف مخاطبة الحبيب بياتو كلمة ... ( يا عشانا)
وكمان شوف النصيحة والخوف على الحبيب
طلعت القمرا
أخير يا عشانا تودينا لى هلنا
بيسالوك مننا...
يا سلااااام

...

Post: #1252
Title: Re: أغاني وأغاني.. للقدامى والمستجدين..
Author: mamkouna
Date: 09-11-2009, 01:33 AM
Parent: #1245

Quote: أبدع فيها فردتنا مرتين
حينما أنقذ افراح الموج

فردتنا انقذها و لا شبٌ ليها في حلقا؟
لم يساورني اي احساس انها ما حافظة لكن شعرت انو فردتنا يتعمٌد احراجها و ارباكا
( رأيي و أنا حرة فيهو )

Post: #1243
Title: Re: أغاني وأغاني.. للقدامى والمستجدين..
Author: ودالعباسية
Date: 09-10-2009, 07:55 PM
Parent: #1241

ههههههههههههه

يا خال ياخى صورك احلى صور والله ،،

ياخى صورك دي بتخلينا زي القاعدين نشاهد فى الحلقة بس من اشغالهم ،،

لكن برضو البرنامج رغم الكساد نمرة 1 ،،

Post: #1244
Title: Re: أغاني وأغاني.. للقدامى والمستجدين..
Author: abubakr
Date: 09-10-2009, 07:58 PM
Parent: #1243

Quote: لكن برضو البرنامج رغم الكساد نمرة 1 ،،

لانو نمرة ...؟؟ ما في قبلو ولا بعدو ...يعني لو ما عندكم غير الفول اها ياهو فطور وغدا وعشا ويبقي نمرة 1

Post: #1246
Title: Re: أغاني وأغاني.. للقدامى والمستجدين..
Author: Ahmed al Qurashi
Date: 09-10-2009, 08:28 PM
Parent: #1244

أغنية حن ياقمر أوفى لي ميعادا من كلمات ابوصلاح ولقد ذكر محمد حسن الجقر في كتابه روائع حقيبة امدرمان إنها من الحان الفنان على الشايقى ولقد سجلها على الاسطوانات الفنان التوم عبدالجليل وهوالشقيق الأكبر لعصفور السودان إبراهيم عبدالجليل .. ولقد اعتزل الغناء منذ فترة طويلة ولقد كان يؤذن في إحدى مساجد الموردة... وتوفى في نهاية التسعينات على ما اذكر...

ويذكر ايضا ان الاستاذ المبارك ابراهيم الاذاعى الكبير ومقدم برنامج حقيبة الفن كان مغنيا فى بداية حياته ولقد سجل هذه الاغنية في اسطوانة ولكنها لم تنجح فترك الغناء واتجه للعمل الاذاعى .

حن يا قمر أوفى لي ميعادا

حن يا قمر أوفى لي ميعادا ......... منامي خاصمني و لي عادا
**************
غمضة اجفانى طال بعادا ...........وسال دمعي البقـالى عادا
أرجو من شوفتك الاعادا .......... جفاك شقا ونظرتك ســـعاده
**********
البدور ناظره ليك حساده ......... ودون حلى تضوي خلقه ساده
والشعر في القديم تساده .......... والردف باقـــى ليك وســــاده
*************
المحي اللمـــع تبـــــادا........... كم عـــوازل حــــرق اكبادا
نوره فرم كلاى ابــــــادا ..........وكان هواك يبقى لي عـــباده
************
ما الضمير الرنع تهادا ............. نظرته بى عيني زاد سهاده
يا نجم سالك الشهادة .............. كفاي عذاب وروحي طال جهادا
************
حزت شوقي الكتر ترادا ............ وبالجمــال حــازت لانفرادا
تومة البــدر قلبي رادا ..............وامـــــرى ســلمــته للاراده
***************
الشعور وأخر امــتدادا ............... مــع القـــديم اتصــل ودادا
والســـهام زايد اشــتدادا ............. جروحي هل تدرى بى عدادا
*************
ليك لحاظ ماسكه في القيادا ........... ولى جروح ماشه في الزياده
أرجو من صاحب السياده ............. قليـــل مـــراهم من العــــياده

Post: #1247
Title: Re: أغاني وأغاني.. للقدامى والمستجدين..
Author: نجوان
Date: 09-10-2009, 10:04 PM
Parent: #1246

البرنامج بخير..
بما فيه الhighs والlow ..
ووجع القلب طبعا جزء من التجربة (وش مبتسم)

___
أتفق معاك اخي طارق ميرغني في تحليلك الكافي والوافي ..
اغتقد انك لخّصت انطباعات الكثيرين منا عنا..
وياريت لو اقتراح حسن سنوسي اصبح واقع..

شكرا يا منى الحسن على التحليل المفصّل..

Post: #1249
Title: Re: أغاني وأغاني.. للقدامى والمستجدين..
Author: طارق ميرغني
Date: 09-11-2009, 00:46 AM
Parent: #1247

Quote: ذكر محمد حسن الجقر في كتابه روائع حقيبة امدرمان إنها من الحان الفنان على الشايقى

اخي احمد القرشي بالله شفت الكتاب ده مرض كيف ؟؟؟

انا جهزت تعليقات بالكوم علي هذا الكتاب، ليس بخصوص الحقائق بقدر كمية الاخطاء اللغويه والمطبعيه

بصوره لم استطع الاستمتاع بالكتاب بالمره

الغريب ان الكتاب مصحح بواسطة فلان الفلاني

ولا ادري اي تصحيح قام به هذا الرجل...؟؟

غايتو كتبا فضيحه..

مشكوره اختنا نجوان ووينك اليومين ديل ولا حردانه قدوريات السر

Post: #1250
Title: Re: أغاني وأغاني.. للقدامى والمستجدين..
Author: طارق ميرغني
Date: 09-11-2009, 00:48 AM
Parent: #1247

حذف للتكرار

Post: #1251
Title: Re: أغاني وأغاني.. للقدامى والمستجدين..
Author: Ahmed al Qurashi
Date: 09-11-2009, 01:22 AM
Parent: #1250

الأخ العزيز / طارق ميرغنى

لك التحية والتقدير

لقد تحدثت عن هذا الكتاب في بوست الحزن في الأغنية السودانية وقلت إن هنالك الكثير من الأخطاء في الحقائق والمعلومات حواها هذا الكتاب ، ونسب بعض القصائد لشعراء غير مؤلفيها ، كما انه نقل بالحرف الواحد تحقيق على المك لديوان خليل فرح دون الإشارة إلى المصدر وأشياء أخرى كثيرة ، وأظن إن الأخ محمد حسن الجقر استعجل في إصدار هذا الكتيب ولم يشرك معه بعض المهتمين مثل الأستاذ عوض بابكر للمراجعة والتصحيح ، وحاولت مقابلته لإبداء الملاحظات في الكتاب ولكنني لم أوفق ، ولقد وصلته ملاحظاتي عن كتابه بواسطة عمى عوض مكي عوض بالمسالمة .
مرفق رابط بوست الحزن في الأغنية السودانية ..

الحزن فى الاغنية السودانية -الجزء الاول - الدموع التى ت...يبة وتطفئ نار العشاق

لك الود

Post: #1253
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 09-11-2009, 01:36 AM
Parent: #1251

سلام حبايبنا والتحية لكل الجميلين

تاكيدا لي كلام ممكونة ودخلة فردتنا كدي شوفوا الفديو

Post: #1254
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 09-11-2009, 01:37 AM
Parent: #1253

عاصم البنا وحن يا قمر

Post: #1255
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 09-11-2009, 01:39 AM
Parent: #1254

عصام محمد نور

و انت بدرالسماء في صفاك

Post: #1256
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 09-11-2009, 01:40 AM
Parent: #1255

المقطوعة الموسيقية - القمر في كنانة

Post: #1257
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 09-11-2009, 01:41 AM
Parent: #1256

نادر خضر و

ان طلعت القمره

Post: #1258
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 09-11-2009, 01:42 AM
Parent: #1257

جمال فرفور

و

يا قمر باين

Post: #1259
Title: Re: أغاني وأغاني.. للقدامى والمستجدين..
Author: mamkouna
Date: 09-11-2009, 01:55 AM
Parent: #1253

Quote: تاكيدا لي كلام ممكونة ودخلة فردتنا كدي شوفوا الفديو

شكراً يا ود وداعة..ما نعدمك.
الزووول من ما مسك درب الفيليه و السوتيه بقى ماااا مركز معانا :)

Post: #1260
Title: Re: أغاني وأغاني.. للقدامى والمستجدين..
Author: الزوول
Date: 09-11-2009, 02:10 AM
Parent: #1259

.

تعرفي يا ممكونة قصة المقارنة بين إختلاف وجهات النظر باختلاف درجة المحبة والكجين
قالو العريس أول أيام شهر العسل
العروس اتعثرت في درجة مكسورة من السلم
العريس مشى شاكل ناس الفندق شكلة لرب السما
انتو ما مسئولين ..انتو ما عندكم نظام
انتو فعلتكم وانتو تركتكم
..
لما انتهى شهر العسل
وهم مارقين
العروس اتعثرت في نفس الدرجة المكسورة
العريس عاين ليها
وقال ليها : انت عميانة .... ما بتشوفي ولّ شنو؟
....
Quote: الزووول من ما مسك درب الفيليه و السوتيه بقى ماااا مركز معانا

..

يكون مكجن أفراح الموج يا ربي ولّ شنو؟

.
خاطرة:

هل توجد علاقة بين الكجّين والكوجين؟

...

Post: #1261
Title: Re: أغاني وأغاني.. للقدامى والمستجدين..
Author: abubakr
Date: 09-11-2009, 04:03 AM
Parent: #1260

Quote: هل توجد علاقة بين الكجّين والكوجين؟

انتو كمان لحنتوها يادوبك كنت حفظتها ...

Post: #1262
Title: Re: أغاني وأغاني.. للقدامى والمستجدين..
Author: هواري نمر
Date: 09-11-2009, 06:22 AM
Parent: #1261

يا باشمهندس ابوبكر
ازيك يا قريبي...
بس عندي سؤال...؟؟
عمنا السر قدور ده..الليلة كان لابس (شبشب) مع البدلة و لا انا شوفي
بقي طشاش من رمضان؟؟
لاحظ ليه في اغنية عاصم البنا (حن ياقمر)...

______
البرنامج (اتعولق و اتبشتن) بي قدرة قادر..؟؟!!!
وغايتو الله كريم...

Post: #1263
Title: Re: أغاني وأغاني.. للقدامى والمستجدين..
Author: abubakr
Date: 09-11-2009, 07:12 AM
Parent: #1262

Quote: عمنا السر قدور ده..الليلة كان لابس (شبشب) مع البدلة و لا انا شوفي

عييييييك ات من الزمن داااك يا قريبي .. ماهو دة السبب الخلا المترو دة من غير سواق ....

Post: #1264
Title: Re: أغاني وأغاني.. للقدامى والمستجدين..
Author: abubakr
Date: 09-11-2009, 07:16 AM
Parent: #1247

Quote: ووجع القلب طبعا جزء من التجربة (وش مبتسم)

ناس من سواقيين مترو الي مفتشات .. حكم .. كوسة ساااي

Post: #1265
Title: Re: أغاني وأغاني.. للقدامى والمستجدين..
Author: هواري نمر
Date: 09-11-2009, 07:40 AM
Parent: #1264

Quote: عييييييك ات من الزمن داااك يا قريبي .. ماهو دة السبب الخلا المترو دة من غير سواق ..

هههههههه
ليها حق و الله نجوان تزعل
وتخلي البوست...ماشي .....من غير سواق!!
انا متابع معاكم من قولة تيت..
وعلقت تقريبا في الحلقة السابعة و لا الثامنة...
وبعدين بالرغم انو متابع البرامج و بسمع الاغاني...هنا و في في الفيس بووك...!!
لكن زعلان شديد..من عمنا السر قدور..
واصراره علي انو ده الفن في السودان..وبس!!!
يعني تاني,,,اسقاط لي كل العرقيات التانية في السودان.وبكل ما تحمل من ثقافة و لغة..وعادات...وووو

اما اللبس..و الحركات و مد الرجلين..وتحريك الايادي...و الالتفات من حين لاخر...
فدي مشكلة كبيرة...
عدم حفظ اغاني مسموعة للكل...عيب كبير...!!!
فرص الفناء.....لا توجد عدالة..
التصوير..و الاخراج..........عمل لينا زغللة...
غايتو...
الله كــــــــــــــــريم

Post: #1266
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-11-2009, 07:53 AM
Parent: #1265

اغانى القمر
سيد عبد العزيز- المساح - كرومة

من حقيبة الفن

حقيبة الجن تقول كرش فيل ما دايرا تكمل

قدورماسمع بالقمربوباذائعة الصيت

عاصم كان رائع جدا

من علامات السلطنة البتدى مؤشر على جمال الاداء
اهتزازات حمودى الراسية
وحركة يد عصام الافقية
وابتسامات محمدية الخفية

Post: #1267
Title: Re: أغاني وأغاني.. للقدامى والمستجدين..
Author: abubakr
Date: 09-11-2009, 07:55 AM
Parent: #1265

Quote: واصراره علي انو ده الفن في السودان..وبس!!!
يعني تاني,,,اسقاط لي كل العرقيات التانية في السودان.وبكل ما تحمل من ثقافة و لغة..وعادات...وووو

هو اكان بقت علي عمك السر السبعيني بسيطة.. هذا فكر انتشر وسط مجموعات سكانية في الوسط عملت مع الحكومات المركزية لترسيخ هذا الفكر والذي لم يشمل الغناء فقط بل كل مناح الحياة مما تسبب في الصراعات التي تكاد ان تمزق البلاد ...

Post: #1268
Title: Re: أغاني وأغاني.. للقدامى والمستجدين..
Author: معتصم دفع الله
Date: 09-11-2009, 01:10 PM
Parent: #1267

سلام للجميع ..

والله أنا لي يومين كابي الجرسة من مباراة اليوم قولوا يا رب الهلال غالب
Quote: انا لما اشوف الفنان في التلفزيون معناها الصورة لازم تكون مكتملة
صوت وصورة
لكن اسمع من غير اشوف ما بقدر
شبكة سلام ..
أتفق معك في مسألة اللبس والذوق دي المفروض الفنان يرتقي بهما ..
للأسف نحن نهمل الجوانب دي كثيراً وغير مبالين فيها وبشوية إهتمام تنعدل الصورة والصوت ..
Quote: معتصم العريس حبابك
كلامك صاح
أنا ما سمعت تسجيل حلقة امبارح (لسه)
لكني احتفظ بتسجيل ليها في واحدة من أغاني البنات دويتو مع سميرة دنيا
وما كنت عارف اسمها
مشيت فتشت لغاية ما عرفتها
وبالمناسبة اسمها شذى (هيبان) مش شيبان
لو جاتني طلبات معتبرة منكم
برفعو ليكم على اليوتيوب
الزول يا صاحب ..
البركة في الشوفة والطلة ..
الشين الأولي لخبطتني في الهـ نعم إسمها شذى هيبان يظهر إنو الكبر دخل
باشمهندس أبوبكر نزل جزء من أغنياته وأتمنى أن تكون لاقت إعجابه ..
ومبروك إفتتاح ميترو دبي يا هندسة ونحن لينا نغني من الأسكلا وحلا

تمنيت أن يتحدث عمنا السر عن الراحل الفنان إسماعيل خورشيد لأن الكلام عنه يحلو ويحلو ..
وحتى الاغنيات جاءت رائعة وشريف وريماز كانا إبداع في أغنية نظرة وبسمة ..

معليش لم أحضر حلقة الأمس وما أظن أن هنالك جديداً قد فاتني ..

أتفق مع الشباب في إن يكون هنالك بوست منفصل للتقارير النهائية ..

كيفك يا وليد عبداللطيف ومرحب بيك في س أون لاين ..
أتفق معاك في إنو محمد إسماعيل أحسن من يغني للكاشف وما عارف الزول دا إختفى لماذا ..
ويا سلام على الفنان أحمد عجوز لما يغني على فكرة الزول دا عنده عضوية هنا لكن يظهر إنو عنده مشكلة دخول ..

Post: #1269
Title: Re: أغاني وأغاني.. للقدامى والمستجدين..
Author: نجوان
Date: 09-11-2009, 01:16 PM
Parent: #1268

يا ممكونة ويا باش..
انتو من زمن السواقين..
دلوقت اوتو بايلوت..

بالله يا الزوول خلينا نسمع شذى هيبان
عسى مرارتنا تطيب وتشفى من الغنا المكوجن ده..

____
لكن حلقة القمر كانت حلوة يا جماعة..

Post: #1270
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-11-2009, 02:41 PM
Parent: #1269

Quote: كيفك يا وليد عبداللطيف ومرحب بيك في س أون لاين ..
أتفق معاك في إنو محمد إسماعيل أحسن من يغني للكاشف وما عارف الزول دا إختفى لماذا ..
ويا سلام على الفنان أحمد عجوز لما يغني على فكرة الزول دا عنده عضوية هنا لكن يظهر إنو عنده مشكلة دخول ..

معتصم العريس
مشكور للترحيب
وهلاليتك صارخه وماتخاف اذا (العجب )مافي النتيجه للهلال
وبالمناسبه اخوك في يوم من الايام لعب لاشبال الهلال
والمره الثانية كنت جايهو من نادي العامل (واوقف نايل ايدام )التسجيلات
يعني الان كان تقول وليد ده من الناس المرضونا زمان في الهلال .
الفنان احمد عجوز
طبعا يامعتصم الفنان احمد عجوز من اولاد الصحافه وكويس انك ذكرتنا ليهو
واتصلت عليه وبيشكرك على الثناء وهو معكم في الرياض وانا بقول مايميزه
عن مقلدي الفنان الكاشف انه له صوت مستلف وممكن يغني لمنى الخير وعائشه الفلاتيه
ودي امكانيات صعبه جداما عملها إلا الفنان (زنقار ).وفي عام 1996م بمنطقة جده سجلنا له شريط جلسه بصوته الرخيم والمستلف وابدع به
واذا اردت الاتصال به جوال 0590086541
وياريت تقنعه بأن يغني ليك بس ماتنسانى بعدين بالتسجيل

Post: #1271
Title: Re: أغاني وأغاني.. للقدامى والمستجدين..
Author: ودالعباسية
Date: 09-11-2009, 02:57 PM
Parent: #1269

نجوان ،،،

Quote: لكن حلقة القمر كانت حلوة يا جماعة..

بعد مشاهدتى للحلقة بالليل خالص ،،،

فعلا الاغانى جميلة ومحفوظة للكل ،، والسلطنة كانت عالية ،،

بس نادر خدر مفروض كان يكون مستمع والاغنية تغنيها منار ،،،

Post: #1272
Title: Re: أغاني وأغاني.. للقدامى والمستجدين..
Author: حسن سنوسى
Date: 09-11-2009, 03:13 PM
Parent: #1271

عبد الله وداعة

جميل جدا كونو رفعت اغانى حلقة امبارح

اجمل ما فى (القمرة فى كنانة) لكزة محمدية لعوض احمودى

يا اخوانا الزول السودانى عموماً عندو مشكلة اسمها النظام، الترتيب، الادارة

يعنى الكلمة البتدى المعنى دا

وتانى حنتكلم عن مشكلة الاخراج

يعنى ما كان ممكن انو الناس دى تتفق على قفلة المقطوعة دى بدل اللكزة البايخة دى

احمودى نعم كفيف.. لكن الاحساس بالموسيقى ما بالشوف

ما الموسيقى دى لغة

باااالغت يا مخرج البرنامج.. دى الفضيحة رقم كم بالله؟؟

Post: #1273
Title: Re: أغاني وأغاني.. للقدامى والمستجدين..
Author: الزوول
Date: 09-11-2009, 03:33 PM
Parent: #1272

السلام عليكم
......
عليك الله يا حسن يا أخوي ما لقيت ليك كلمة أحسن من (أجمل) دي

Quote: اجمل ما فى (القمرة فى كنانة) لكزة محمدية لعوض احمودى

الزوول قال
Quote: أفسد علي مخرج البرنامج
متعتي
وملأني حزناً وكآبة
حينما تركزت الكاميرا على محمدية وهو
يلكز عوض أحمودي لينبهه لنهاية المقطوعة الرائعة لبشير عباس

.....

Post: #1274
Title: Re: أغاني وأغاني.. للقدامى والمستجدين..
Author: الزوول
Date: 09-11-2009, 04:21 PM
Parent: #1273

السلام عليكم
......
أحسن من يؤدي ما أصطلح على تسميته ( بأغاني البنات) حالياً
سميرة دنيا
شذى هيبان
هاجر كباشي
العندو رأي يقولو بعد يسمع الأغنية الدويتو دي بين سميرة وشذى
....

.....
استجابة لطلب ربان البوست نجوان وهدية للجميع

..

Post: #1275
Title: Re: أغاني وأغاني.. للقدامى والمستجدين..
Author: abubakr
Date: 09-11-2009, 05:14 PM
Parent: #1274

Quote: استجابة لطلب ربان البوست نجوان وهدية للجميع

البوست علي الاوتوبايلوت والربان في اجازة

Post: #1276
Title: Re: أغاني وأغاني.. للقدامى والمستجدين..
Author: abubakr
Date: 09-11-2009, 05:36 PM
Parent: #1275

يااخوانا انا خايف الاحباط اليومي دة مع هائل وشاي كفتي يؤثر في صحتي والمناعة تقل وبعدين بعيد عن الجميع يجيني اسواين فلو ...

Post: #1277
Title: Re: أغاني وأغاني.. للقدامى والمستجدين..
Author: abubakr
Date: 09-11-2009, 05:40 PM
Parent: #1276

لاحول ولا قوة الا بالله

اعلانات جديدة

منها يادي لحمة بلدي

________________

ضيف الحلقة عبدالعزيز المبارك

Post: #1278
Title: Re: أغاني وأغاني.. للقدامى والمستجدين..
Author: abubakr
Date: 09-11-2009, 05:45 PM
Parent: #1277

ماكنت عارف عبدالعزيز المبارك ذاتووو

_____________

خذله صوته

Post: #1279
Title: Re: أغاني وأغاني.. للقدامى والمستجدين..
Author: حسن سنوسى
Date: 09-11-2009, 05:52 PM
Parent: #1278

والله يا ابو بكر ود المبارك صحى خذلو صوتو

لكن عليك الله رايك شنو فى اناقتو وشياكتو دى؟؟

زول صحى من الزمن الفات

يا خى الزول لما يكون لابس لبس بفتح النفس بخلى يكون عندو قبول
وبخلى الزول يكون عندو استعداد للتلقى

Post: #1281
Title: Re: أغاني وأغاني.. للقدامى والمستجدين..
Author: abubakr
Date: 09-11-2009, 06:07 PM
Parent: #1279

Quote: يا خى الزول لما يكون لابس لبس بفتح النفس بخلى يكون عندو قبول
وبخلى الزول يكون عندو استعداد للتلقى

اكييد الفنان نص قبوله عند الجماهيير هندام واناقة وانضباط والنصف الثاني صوت وطرب

Post: #1280
Title: Re: أغاني وأغاني.. للقدامى والمستجدين..
Author: abubakr
Date: 09-11-2009, 05:55 PM
Parent: #1278

نادر في بتقولي لا

ويشارك عصام احمد الطيب

____________توجد بخرة كالعادة

اداء كويس
فرفور ما موجود

Post: #1282
Title: Re: أغاني وأغاني.. للقدامى والمستجدين..
Author: فيصل نوبي
Date: 09-11-2009, 06:09 PM
Parent: #1280

أبو الكلام مش بالغ شوية !!
(يله يا ناس الجزيرة - , اردف متابعاً بصوت غير معهود فيه قائلاً " اها" )

_
ليغني عصام محمد نور : ليه يا قلبي ليه !

Post: #1283
Title: Re: أغاني وأغاني.. للقدامى والمستجدين..
Author: abubakr
Date: 09-11-2009, 06:15 PM
Parent: #1280

عبدالعزيز المبارك وعصام محمد نور و شريف في ليه ياقلبي ليه

Post: #1284
Title: Re: أغاني وأغاني.. للقدامى والمستجدين..
Author: ودالعباسية
Date: 09-11-2009, 06:20 PM
Parent: #1283

حلقة راااااااااااقية جدا ،،

Post: #1289
Title: Re: أغاني وأغاني.. للقدامى والمستجدين..
Author: abubakr
Date: 09-11-2009, 06:36 PM
Parent: #1284

Quote: حلقة راااااااااااقية جدا ،،

خلينا من الانصرافية دي المهم الصور كيف ؟؟؟

Post: #1285
Title: Re: أغاني وأغاني.. للقدامى والمستجدين..
Author: abubakr
Date: 09-11-2009, 06:23 PM
Parent: #1283

فردتنا يغني انا بيك سعادتي مؤكدة

______
فردتنا وفي بادرة عرفان جميلة شكر عبدالعزيز المبارك ونوه الي انه وعندما كان مديرا لشركة انتاج فني في السعودية وثق في صوت فردتنا وسجل له او كاسيت في عمره الفني ...

___________

______تمام

Post: #1286
Title: Re: أغاني وأغاني.. للقدامى والمستجدين..
Author: النورس الحزين
Date: 09-11-2009, 06:28 PM
Parent: #1285

يا الله

من أجمل الحلقات لهذا الموسم

بالجد ابداع

Post: #1288
Title: Re: أغاني وأغاني.. للقدامى والمستجدين..
Author: ودالعباسية
Date: 09-11-2009, 06:33 PM
Parent: #1286

كان يخليها لى الولد دا ياخى ،،،

نادر ما مفروض اصلا يغنى معاو ،،

Post: #1287
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-11-2009, 06:32 PM
Parent: #1280

Quote: أحسن من يؤدي ما أصطلح على تسميته ( بأغاني البنات) حالياً
سميرة دنيا
شذى هيبان
هاجر كباشي

يامعلم وضيف ليهم زهرمان
ود السنوسي
ياخي شفت ليك فنان قديم غير انيق
ابوبكر هندسه
صاحبك نادر خضر اليوم جميل ويظهر وجد استايله
وابتعد عن الاداء التقريري
عصام احمد الطيب والمدرسه المتوارثه
عصام محمد نور وشريف
الاداء وسط
وظهر ضعف صوت عصام محمد نور امام عبد العزيز مبارك
ولا ننكر جمال صوت عصام محمد نور (صوت اهل الجزيرة )
عاصم البنا
راجل راقي وشكره لمن له فضل في ظهوره يكفي
بأنه فنان انيق ومتمكن بصراحه يسر العين
قبل الاذن .
طار ميرغني (ابوالفن )
ياجميل ما بصح عليك تعمل كده
هل سمعتها عند اولاد المورده والكورس اولاد شمبات
ياخي عاصم اليوم رجعنا الى ايام ليالي بحري وصوالينها.
والفنان (ايوب فارس وابوعلي وميرغني الصبابي )

Post: #1290
Title: Re: أغاني وأغاني.. للقدامى والمستجدين..
Author: ودالعباسية
Date: 09-11-2009, 06:43 PM
Parent: #1287

برغم المساحة الضيقة للمشاركة من نجوم الغد ولكن بصمتهم واضحة ،،\\

ريماز تداخلت مع عبدالعزيز المبارك وكانت احلى واجمل ،،

عصام احمد الطيب اداء ولا اروع مع الحفظ ،،

شريف واداء ايضا رائع ،،

خلونا من الجيل التانى الذي سماهو عمكم قدور ،، وخلونا فى الجيل التالت ،،

Post: #1291
Title: Re: أغاني وأغاني.. للقدامى والمستجدين..
Author: طارق ميرغني
Date: 09-11-2009, 06:56 PM
Parent: #1290

كل يوم يتاكد ان عاصم البنا احسن من يؤدي الحقيبه بصوت واثق وعالي دون وجل

والموهبه شريف الفحيل واخيه ود احمد الطيب في تقدم مطرد.

صديقي وليد

بالفعل عاصم البنا كما ذكرت من قبل رجل جميل الاداء وبصوت صداح دون اي لولوه..

وفعلا يذكرني بفطاحلة بحري في زمننا ايوب فارس واحمد حميد وعشان ما يزعل عصام وعمر البنا....

ما زالت ريماز تنتظر وننتظرها في الاغنية التي ظهرت فيها في الاعلان عن البرنامج

وان واثق انها ستكون اجمل ما سنحتفظ به من تسجيلات عن البرنامج..

Post: #1293
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-11-2009, 07:21 PM
Parent: #1291

Quote: صديقي وليد

بالفعل عاصم البنا كما ذكرت من قبل رجل جميل الاداء وبصوت صداح دون اي لولوه..

طارق ميرغني ( ابوالفن )ياخي اذا سالتني عن عاصم البنا في برنامج اغاني واغاني
بقول ممكن ياخد 4 من 10
لان في معظم الحلقات ما كان مرتاح من الجو العام عشان
كده في بعض الحلقات زي ماقالت اختنا ممكونه كوجن
ولكن اذا رجعنا للتقييم الحقيقي
تجده صوت متكامل وقوي
وبه تطريب جميل وعزب
لاني اعلم حقيقته جيدا
ولو الناس عايزه تعرف الفنان
تسمعه من غير محسنات صوت او مكبرات .

Post: #1292
Title: Re: أغاني وأغاني.. للقدامى والمستجدين..
Author: عمران حسن صالح
Date: 09-11-2009, 07:15 PM
Parent: #1290

حضر معي الحلقة الأخوة الأحباء معتصم ، تمبس ، شتات مما زاد الحلقة ألقاً لولا تعليقات تمبس وشتات ( فيها شي من الواي واي ) ...
شتات ملاحظته واضحة وهي تهميش عمنا السر لجهات ما...
تمبس الحلقة كلها كان بفتش في ( صوت الباص) جايِ من وين ؟؟؟
سؤال الحلقة :
غنى عبد العزيز أغنية الحقيبة ياجميل ما بصح عليك تعمل كده .... ورد فيها ضيعني ساكن الموردة ..
من المقصود بضيعني ساكن المورده ؟؟
أو من هو ساكن الموردة ..؟؟؟
صديق الموج يمتنع !!!!!!!!!!!!

Post: #1294
Title: Re: أغاني وأغاني.. للقدامى والمستجدين..
Author: طارق ميرغني
Date: 09-11-2009, 07:36 PM
Parent: #1292

اخي عمران والله نعم الحضور مع اناس ذواقه امثال اصدقائي تمبس ومعتصم

لكين عبد العزيز المبارك صوته لا بقي لامي في الغليظ ولا الحاد

حاجه كده زي الزقاق........!!!!

Post: #1295
Title: Re: أغاني وأغاني.. للقدامى والمستجدين..
Author: معتصم الطاهر
Date: 09-11-2009, 08:19 PM
Parent: #1292

Quote: حضر معي الحلقة الأخوة الأحباء معتصم ، تمبس ، شتات

من كان معتصم و تمبس و شات ضيوفه

فيكفيه يركة و جمالا و انسانية ..

Post: #1356
Title: Re: أغاني وأغاني.. للقدامى والمستجدين..
Author: نجوان
Date: 09-13-2009, 07:06 AM
Parent: #1277

Quote: يادي لحمة بلدي

Post: #1298
Title: Re: أغاني وأغاني.. للقدامى والمستجدين..
Author: نجوان
Date: 09-11-2009, 11:55 PM
Parent: #1274

شكرا يا الزوول يا ذوق..

شذى هيبان صوتها قوي دون شك.. بتغني قريب من هاجر كباشي..
لكن في شوية فلسفة في الأداء (دايما تفسد علي الطرب لأغاني البنات)..

سميرة دنيا في المقابل، عندها الأداء النائم..
مدرسة تشبه مدرسة عصام محمد نور..

____
لو في خليط بين سميرة وشذى بيكون رابح جدا..

Post: #1355
Title: Re: أغاني وأغاني.. للقدامى والمستجدين..
Author: منى على الحسن
Date: 09-13-2009, 05:21 AM
Parent: #1213

Quote: وشكرا لينا ....... يعني الا نغني ...

عزيزنا الباشمهندس ابوبكر ...نحنا معاك نشكر شنو ولا شنو ان شاء الله يا ابوبكر زي ما بقولا بعد لساني

اتعوج مع الهنود ان شاء الله يوم شكرك ما يجي

_______

Quote: هو سناء بتعرف اغاني ؟؟؟ اها متين انتن تابعتن حلقات غير السنة دي ولو ما انا وريتكن الدرب ...قالت الشكر للاستاذ قدور ... يعني هسع ممكونة الكوجنت البوست والللا السر قدور ...

اول شي صاح انت صاحب فتح الدرب ما انت كبيرنا الذي عملنا الطرب ...

اما صديقتي سنوية هي بتمتلك حسي فني مرهف والتايم حقها في الايقاع مظبوط وعندها اذن موسيقية راقية

تعرف كيف تختار الاغاني بس مشكلتها ما بتحفظ الاغاني اضافة وبتنسى اسماء المطربين

اما ممكونة خليها ساكت ..ازيك يا ممكونة رمضانكم كريم انا زعلانه منك شاااديد عشان

كدة اصلي ما بشكرك بالله انت بخيله معاي كدة ليه ؟؟؟؟

يا باشمهندس امبارح ما شفنا الحلقة كانت كيف ؟؟؟؟؟

Post: #1296
Title: Re: أغاني وأغاني.. للقدامى والمستجدين..
Author: Emad Ahmed
Date: 09-11-2009, 08:52 PM
Parent: #1118

Quote: الأخ العزيز/ حسن سنوسي

سلامات

أغنية سفري السبب لي اذايا هي للشاعر الكبير حسن عوض أبو العلا وليست من كلمات عبدالمنعم عبدالحى ، ولقد تغنى احمد المصطفى للشاعر عبدالمنعم عبدالحى بأغنية أنا امدرمان ،فارق لا تلم ، فتنتي وأيضا سهران الليل أناجى القمره ولقد تغنى بها أولا حسن عطية ، وهذه الأغنية من اغانى 1947 ولقد طلب حسن عطية من عبدالمنعم عبدالحى أن ينظم له كلمات على لحن أغنية بنات بتقول كلماتها ( يا صباحي الغزال الفى الضواحي ) لان كلماتها لا تصلح أن تبث في الإذاعة ولحنها في غاية الجمال وخسارة أن يضيع هذا اللحن حسب كلام حسن عطية ، فنظم له عبد المنعم عبدالحى على هذا اللحن سهران اللي بناجي القمره ،

أيضا تغن حسن عطية لعبدالمنعم عبدالحى بالنيل الفاض وامتلأ ، رملتنا بيضاء ، عيوني عشقو السهر ، اقيف يا زمن ، ننو يا ننو ، الحجل فى الرجل ،ظهر نور الشروق وكذلك يوم شفت القطار شالو سافر قلبي قبالو وحليل مدني واقيف يا زمان خلى السعادة تطول

أما عبدالعزيز محمد داوؤد فلقد تغنى له بأغنية بلاهي يا أهل الهوى ،لحن العذارى ،حليل الدوام بطراهم ، انتصر يا حب وابتسمى لو تسمحى

وعبدالدافع عثمان هبت نسائم الليل وكسرة في حبك يا خليلي

وعثمان حسين ناس لا لا ، ندامى الراح و اوراق الخريف

والكاشف فراق حبي المولع ناري واسمر جميل عاجبنى لونه

التاج مصطفى ياعين يا ساهرة ونعيش سوا ونشيد يا اخى يدا يدا إبان العدوان الثلاثي على مصر

عبيد الطيب يا ساير يا ماشى والنظره ماشه معاك وقف وقف سوقني معاك وأغنية سلام برده ليك ( يا روحي سلام عليك )

الخير عثمان أهوى الدنيا 1956

عثمان الشفيع أيامنا (1956) وداك الصباح اهو لاح يا حبيب ،اسمر اسمر يا سميرى وانسانى

سيد خليفة يا بانه ،المامبو دا سوداني ،كفاك صدود ، حبيبي يا ساكن البوادي وارض الكنانة

محمد الحويج ما بنساك ، يا المسافر ، وين يا هناى ،ويا منايا ، ويا حبيبى تعال ،وهوى الفؤاد ، وراحت ليالى وعلى ربى امدرمان

حمد الريح نار البعد (بين اليقظة والاحلام)

وأغنيات كثيرة لا تسعفني بها الذاكرة لكم الود

التحية لصاحبة البوست نجوان ولكل الرواد المتداخلين في هذا البوست الرائع والممتع .
إضافة إلى ماذكره الأستاذ أحمد القرشي بخصوص أغنيات الشاعر عبد المنعم عبد الحي نذكر أيضا من الأغنيات التي كتبها :
أحمد المصطفى : أنا امدرمان ويا ناسينا وبل شوقي
سيد خليفة : القماري والمني حنان وسألت عليك
عبد العزيز داود : يانديما وأشوفك في عيني وهي أول لحن للملحن بشير عباس في العام 1960 م
إبراهيم عوض : جمال دنيانا وهي من الحان برعي محمد دفع الله
عبيد الطيب : ياساير وهي من الحان برعي محمد دفع الله
وبالنسبة لأغنية الحجل بالرجل اعتقد إنها من كلمات حميدة أبو عشر

Post: #1297
Title: Re: أغاني وأغاني.. للقدامى والمستجدين..
Author: نجوان
Date: 09-11-2009, 11:46 PM
Parent: #1296

في حضرة الأنيق صوت وصورة .. عبد العزيز المبارك..
صاحب المقامات العالية الخاصة جدا..

رغم النشاز في ادائه اليوم،
لهذا الرجل صوت جميل جدا..

_____
نادر وود احمد الطيب اتشايلوا بتقولي لا
فخرجت أوكيه بعد تعب..

شريف أبدع حقيقة في ليه يا قلبي ليه..
وفعلا عصام كان ينسحب..

فردتنا اجتهد.. لكن الأغنية لا تنسجم وصوته..
فأصبحت شيء غير مفهوم رغم انه كان في التون..
(كلمته حلوة في حق الأستاذ عبد العزيز..)

Post: #1299
Title: Re: أغاني وأغاني.. للقدامى والمستجدين..
Author: معتصم دفع الله
Date: 09-12-2009, 00:09 AM
Parent: #1297

شنو يا شباب ما قلتوا لينا مبروك ..
المقبرة برضو كان فيها إبداع أسياد البلد ..

Quote: الفنان احمد عجوز
طبعا يامعتصم الفنان احمد عجوز من اولاد الصحافه وكويس انك ذكرتنا ليهو
واتصلت عليه وبيشكرك على الثناء وهو معكم في الرياض وانا بقول مايميزه
عن مقلدي الفنان الكاشف انه له صوت مستلف وممكن يغني لمنى الخير وعائشه الفلاتيه
ودي امكانيات صعبه جداما عملها إلا الفنان (زنقار ).وفي عام 1996م بمنطقة جده سجلنا له شريط جلسه بصوته الرخيم والمستلف وابدع به
مافي كلام يا وليد ..
أحمد عجوز متعه الله بالصحة والعافية فنان جميل وذواق وبنستمتع حينما يغني ..
بالله عليك أسمعه في ( خمرة هواك يا مي ) ..
أبناء الصحافة بالرياض أصدقاء وأعزاء على القلب وتربطنا بهم علاقات جميلة لهم التحية ..

Quote: حضر معي الحلقة الأخوة الأحباء معتصم ، تمبس ، شتات مما زاد الحلقة ألقاً لولا تعليقات تمبس وشتات ( فيها شي من الواي واي ) ...
شتات ملاحظته واضحة وهي تهميش عمنا السر لجهات ما...
تمبس الحلقة كلها كان بفتش في ( صوت الباص) جايِ من وين ؟؟؟
سؤال الحلقة :
غنى عبد العزيز أغنية الحقيبة ياجميل ما بصح عليك تعمل كده .... ورد فيها ضيعني ساكن الموردة ..
من المقصود بضيعني ساكن المورده ؟؟
أو من هو ساكن الموردة ..؟؟؟
صديق الموج يمتنع !!!!!!!!!!!!
يا عمران هي واااي ساي

Quote: اخي عمران والله نعم الحضور مع اناس ذواقه امثال اصدقائي تمبس ومعتصم
دا من ذوقك يا باشمهندس طارق ..

Quote: من كان معتصم و تمبس و شات ضيوفه
فيكفيه يركة و جمالا و انسانية ..
سمي إزيك ومشتاقين ..
ياخي الكلام القلتو دا عندكم وينتهي ..
لك كل المحبة وسلام شديد للأولاد ..

حلقة اليوم كانت رائعة بروعة الفنان الجميل عبدالعزيز المبارك ..
والله نحن بالنا كلو كان مع سيد البلد وحضرنا الحلقة بروح الهلال وروعة الهلال ..

Post: #1314
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 09:01 AM
Parent: #1299

Quote: الأخوان فى البوست والأخت جوان

أشعر لما أقراء لكم بسعادة غامرة فبينكم كتاب ونقاد جميلين جدا لذلك قررت الأستعانة بكم لتدونى رآيكم فى فيديو كليب عملته الأسبوع السابق حتى استطيع أن أناقش إقتراحاتكم مع المخرج

رمضان كريم .. اولا انا معلوماتي عن النقد الفني بائسة الا ما تيسر مثلي مثل السواد الاعظم ومداخلاتي وغيري هناهي عفو الخاطر وليست ذات جدوي علمية تسويقية ا وهنا قليل منا عارف بتاريخ غناء اهل الوسط والذي هو موضوع حلقات اغاني واغاني وامل ان يدلو بدلوهم لتستفيد من ملاحظاتهم . نحن مستمعون اساسا ولسنا مشاهديين فمعظ م اهل السودان مستمعون للغناء وكل من اشتهر من المغنيين كان صوتا وليس صورة وبالتالي فمساحة استقبال وجداننا للغناء ارحب من زوايا مشاهدتنا للاغتيىة مصورة والدليل هو الكم الهائل من التعليقات علي اللبس والهيئة والشكل العام لحلقات هذا البرنامج .. وددت لو كنت اتيت بالاغنية صوتا اولا لتكون المقارنة عادلة .. فحتي مغنينا الكبار لو اتو الينا اليوم باغنية مصورة -رغم ان الغناء المصور في السودان قديم- لما نالو عندنا قبولا كثيرا مقارنة بالاستماع اليهم صوتا .. فانا مثلا رغم معرفة قديمة شخصية بوردي افضل ان استمع اليه صوتا ...وجداننا هو الحكم في تقيمننا للاصوات الغنائية السودانية عكس اجيال صغيرة كثيرة تجد لديها قبولا اكثر للا غاني المصورة والراقصة ذات الزخم الحركي.

تصويير الاغاني السودانية ذات الارتباط الوثيق الجذري بالبيئة السودانية في ارض ومكان خارج السودان -منذ زمن الراحل ابراهيم عوض وتسجيله لاغنية معروفة من اغانيه في مصر في خمسينات القرن الماضي وكذلك عدد اخر من المغنيين- لم تجد قبولا عند المشاهد السوداني .. فالاغاني السودانية في الوسط والاطراف هي تعكس ثقافات تلك المناطق وتعبر عنها من خلال كلماتها والحانها فان اخذتها الي خارج تلك المناطق والي بيئة مختلفة تماما فقدت بريقها ...وهذا ينطبق علي اغنيتك المصورة فلقد اثر التصويير في بيئة مختلفة سلبا علي قبول وجداننا لها رغم محاولتك كما بينت لايجاد صيغة تصالحية.. البيئة السودانية لها شخصيتها الاعتبارية حتي وسط جيرانها من الافارقة والعرب وكذلك موسيقي اهل السودان باختلاف مناطقهم .
اللحن بدي لي لحنا ابو عركيا ( نسبة الي الفنان ابوعركي ) وانا من عشاق غناء هذا الفنان المبدع وكنت قد اصريت علي ان يغني في حفل زفافي زمااااانك كدة ...
افضل ان توسع دائرة نشر اغانيك اسفيريا لبعدك عن السودان وذلك من خلال تسجيلات صوتية حتي لا تفقد نقاطا كثيرة بسبب تصويير خارج السودان وبسبب اننا شعب سمييع وذو خيال واسع رحب لا يود ان يشغله بصورة و"عمل" ...

مودتي
ابوبكر

Post: #1300
Title: Re: أغاني وأغاني.. للقدامى والمستجدين..
Author: خدر
Date: 09-12-2009, 00:16 AM
Parent: #1297

نحن ما عندنا النيل الازرق في اوربا
لكن لو انتو قاصدين اغنية (تحرمني منكـ ) لعبدالعزيز المباركـ
الاتبثت اليوم بعد الافطار في البرنامج الغريب داكـ علي تلفزيون امدرمان
فهذه إفادتي حول الامر
لاول مره من فترة طويلة جدا اصمد امام تلفزيون امدرمان لحدي نهاية الاغنية
كنت مندهش جدا من ثبات و حلاوة صوت ع.العزيز المبارك رغم السنين
كانت فعلا اغنية و اداء ذكروني ع. المبارك بتاع التمانينات
شغل حلو جدا شكراَ إستاذ ع.العزيز يا فنان

ملحوظة
لا علاقة لرأي هذه بجمال كلمات و لحن اغنية (تحرمني منكـ)

صدر تحت إنبساطي في تاريخو و ساعتو
طارق ابوعبيدة

Post: #1301
Title: Re: أغاني وأغاني.. للقدامى والمستجدين..
Author: نجوان
Date: 09-12-2009, 00:35 AM
Parent: #1300

يا سلام يا خدر..
هذه أغنية رائعة حقيقة..

لحسن حظهم (وحظنا)، لم يتعرّض الشباب لإمتحان أغنية تحرمني منّك هذا المساء
والتي حمل ذلك القميص السعيد اسمها.. يوم لبسه الفنان عبدالعزيز وهو يؤدي الأغنية بالتلفزيون..
(وياله من إمتحان عسير لو حصل بالفعل)..

اتفق معك، لصوت عبدالعزيز المبارك حلاوة وتطريب يصعب وصفهما..
وأغانيه من أصعب الأغاني.. تحتاج تطويع جبّار للصوت ..

صوت عبدالعزيز وأداؤه يجسدان المدنية والعصرية بصورة واضحة في مسيرة الغناء السوداني
بصورة تختلف عن زيدان مثلا، وبقية العمالقة..

_____
رأيي كمستمعة غير مختصة

Post: #1302
Title: Re: أغاني وأغاني.. للقدامى والمستجدين..
Author: mamkouna
Date: 09-12-2009, 00:55 AM
Parent: #1301

Quote: هل توجد علاقة بين الكجّين والكوجين؟

نعم ..توجد علاقة و علاقة وطيدة كمان.
الكوجين هو ما فعله (عصام كوجين) في ( بتقولي لا )..
و الكجٌين هو ما إعتراني ساعتها.

Post: #1303
Title: Re: أغاني وأغاني.. للقدامى والمستجدين..
Author: mamkouna
Date: 09-12-2009, 01:03 AM
Parent: #1302

ملاحظة:

سجلت كاميرا البرنامج لقطات يظهر فيها ضيف البرنامج في حالة توهان و شرود ..
اللقطات دي لاحظتها على كل ضيوف البرنامج - بلا إستثناء -.
في حالة الفنان إبراهيم حسين و الفنان السني الضوي عزيتها لحالتهم الصحية - شفاهم الله -
لكن الحالة شملت حتى عبد العزيز المبارك !

أي تفسير !!؟؟؟

Post: #1307
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 07:13 AM
Parent: #1303

Quote: أي تفسير !!؟؟؟

دة سعوال يا ممكونة ؟؟ دي ما حالة التوهان اللا ارادي والمرتبطة بالتكوجن الغنائي وهي تصيب المغني والكورس والفرقة الموسيقية ما يستوجب لكزات (مش لكزس) والمشاهديين (حدث ولا حرج)...

Post: #1310
Title: Re: أغاني وأغاني.. للقدامى والمستجدين..
Author: maia
Date: 09-12-2009, 07:37 AM
Parent: #1303

Quote: ملاحظة:

سجلت كاميرا البرنامج لقطات يظهر فيها ضيف البرنامج في حالة توهان و شرود ..
اللقطات دي لاحظتها على كل ضيوف البرنامج - بلا إستثناء -.
في حالة الفنان إبراهيم حسين و الفنان السني الضوي عزيتها لحالتهم الصحية - شفاهم الله -
لكن الحالة شملت حتى عبد العزيز المبارك !

أي تفسير !!؟؟؟

عبرتي عني تماما اختي ممكونة

الفنان عبدالعزيز المبارك لم يكن هو نفسه بالامس ، كان في حالة شرود ( وزي زول شايل هم تقيل)
يعني جاي مجاملة وباله ما معاهو وفي موضوع شاغلو شديد
بالنسبة لفريق البرنامج ، سواء اللاعبين الاساسيين او دكة الاحتياطي من الشباب كانوا في اعتقادي حسب وصف الكتالوج لفريق اغاني واغاني المشابه لحالة الحلو مر المبلول لعدد من المرات
وصلوا لحالة من الاداء بطريقة ( عدي من وشك)

لكن المحير بالجد هو الاستاذ عبدالعزيز المبارك!!

عمنا السر قدور غايتو عملها ظاهرة تجاه انحيازه لعاصم البنا وافراح حتى لما اتكلم عن ما تحويه السماء كان همه يقول السماء تمنحنا افراح او فيما معناه

اتمنى ان يحافظ حلو مر الحلقات على بعض من بهاراته فيما تبقا منها
وما تبقا موية ساكت

Post: #1304
Title: Re: أغاني وأغاني.. للقدامى والمستجدين..
Author: mamkouna
Date: 09-12-2009, 01:20 AM
Parent: #1302

إستمتعتَ للغااااية بأداء نادر خضر و عصام الطيب الرائع ل ( بتقولي لا )...
لكن يا جماعة الخير...( يا مُذهلة ) بالذال ما بالسين...
الله يسامحكم...إنتهيتو من المعنى !

.......................

* الشكر موصول لراكوبة 206.

...

Post: #1305
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-12-2009, 03:00 AM
Parent: #1304

Quote: التحية لصاحبة البوست نجوان ولكل الرواد المتداخلين في هذا البوست الرائع والممتع .
إضافة إلى ماذكره الأستاذ أحمد القرشي بخصوص أغنيات الشاعر عبد المنعم عبد الحي نذكر أيضا من الأغنيات التي كتبها :

اذا حضر الماء بطل التيمم
وتعظيم سلام الى وزير الدوله للثقافة والسياحه والتوثيق ببحري
عمادعثمان احمد حقيقه اضافة لبوست اغاني واغاني

Post: #1308
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 07:16 AM
Parent: #1304

Quote: بالذال ما بالسين...

بالسين ... ماالغول البخوف بالقاف

Post: #1320
Title: Re: أغاني وأغاني.. للقدامى والمستجدين..
Author: ودالعباسية
Date: 09-12-2009, 12:29 PM
Parent: #1304

Quote: لكن يا جماعة الخير...( يا مُذهلة ) بالذال ما بالسين...

ممكونة سلامات ،،

انتى كدي ركزي كويس فى مذهلة دي ،،، حا تلقيهم نطقوها صاح ،،،

بس نحن السودانيين ديل ،، عندنا مشكلة فى (س ) و ( ذ ) ،،،

غير كدا مامكن يكون نادر عنده بخره قدر الدنيا ويقوم ينطقها بى السين ،،

من ناحية الاداء ،،،كان ميه ميه ،، خاصة عصام

Post: #1306
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 07:08 AM
Parent: #1302

Quote: و الكجٌين هو ما إعتراني ساعتها.

يعني انا بكون مكجن كل ليلة في رمضان الساعة تمانية ونص ..اها التكجن دة علاجو شنو ؟؟ عندو فكي كارب كدة واللا بس باندول ؟؟

Post: #1315
Title: Re: أغاني وأغاني.. للقدامى والمستجدين..
Author: نجوان
Date: 09-12-2009, 09:53 AM
Parent: #1302

Quote: و الكجٌين هو ما إعتراني ساعتها.

Post: #1309
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 07:17 AM
Parent: #1301

Quote: رأيي كمستمعة غير مختصة

والقميص ؟؟

Post: #1311
Title: Re: أغاني وأغاني.. للقدامى والمستجدين..
Author: Hussein Mallasi
Date: 09-12-2009, 07:45 AM
Parent: #1309

منتهى السخف أن تغنى أغنية "سعادتي مؤكدة"
و منتهى منتهى السخف أن تسند لعاصم بدلاً عن عبد العزيز.

Post: #1312
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 08:11 AM
Parent: #1300

Quote: صدر تحت إنبساطي في تاريخو و ساعتو

رمضان كريم وربونا يديم الانبساط ..بس اتنت ياخدر خارج الموضوع خالس ودة مشكلة اليورو في مناطق الدولار ...المحطة او الافضائية (التطير انشاء الله ) اسمها النيل الازرق وفيها عمك السر ( متحييز لواحد اسمو فردتنا وواحدة اسمها افراح ضد واحدة اسمها رماز وواحدة تانية اسمها منار وواحد اسمو عصام ا الطيب ) وفي فرفور ودة بعيد عنك لو عندك اي بود ومسجل عليهو غنية ودخلت الايبود في جيبك الفوق (جنب القلب تمام) ياكا الحتمشي ورا قلبك البكون جري قدامك ..والموضوع طوييل هسع ليهو تلات رمضانات وعشرين يوم رمضان .. مش تجي علي طوول كدة وتجيب لينا سيرة البكوجنو ناس تلفزيون بتاع داك ....خليك في دتشلاند وما في داعي للبستفة دي...

________

هو تلفزيون امدرمان دة وين ...؟؟

Post: #1316
Title: Re: أغاني وأغاني.. للقدامى والمستجدين..
Author: طارق ميرغني
Date: 09-12-2009, 10:07 AM
Parent: #1312

الحلقات التي اشترك فيها فنانون او ملحنون ضيوف كانت اجمل الحلقات بلا شك

ام حالة التوهان:

في حالة السني الضوي حالته معروفه بفقد زميله وصديقه لاكثر من اربعة عقود وعلي يساره صديقي المرحوم ابراهيم حسن ابوديه

ابراهيم حسين توهانه فيما يبدو لي عن حالته الصحيه التي اعترته وصار كمن ورث اعماله لهؤلاء الشباب

ولسان حاله يقول ان شاء الله ينستروا ...!!!

اما في حالة عبد العزيز المبارك اعتقد انه كان غير راضي عن اداء الفنانين لا ادري عدم رضي لانهم لم يستطيعوا اداءها كما كان هو

او لانهم كوجنوها

او لانه لم يعد يستطع الغناء كما كان ولسان حاله يقول " خاينه وما بتدي حريف " يعني زي حال ناس احمد الباشا وكده...!!!

Post: #1317
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-12-2009, 10:40 AM
Parent: #1316

الحلقةعن اغانى عبد العزيز المبارك

عاصم البنا
برضو لقا ليهو طريقة يغنى حقيبة

الله يحلنا

Post: #1318
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-12-2009, 11:47 AM
Parent: #1317

Quote: عاصم البنا
برضو لقا ليهو طريقة يغنى حقيبة

الله يحلنا

هاهاهاهاهاهاها
الله يريحك يا ود سيد أحمد
والله فردتهم ده إي أغنية
حديثة بيقلبه عااااادي
حقيبة .
بعدين محيرني ليك بيدو
الشمال دي حيرة جد
ياخ عليكم النبي الوصف
شنو العلينا ؟
فهموهو ياخ انو الغناء
بيغنوهو ما بيوصفوهو ياخ؟

Post: #1319
Title: Re: أغاني وأغاني.. للقدامى والمستجدين..
Author: عبد الدائم سيد أحمد
Date: 09-12-2009, 12:20 PM
Parent: #1318

الكـوجــين
انتو قايلنو فى اغانى واغانى بس
كتير من السهرات ناس على النيل كانت مكوجنة
قبل يومين غنت ايمان توفيق خمسة اغانى
ولا واحدة فيهم دخلت واستلمت صــــح
وقبلها بيوم الفنانة شذى لو شفتوها
وهى بتغنى مستحيل عن حبك اميل
تستغربو هى جات السهرة كيف
واييييييييك

ـــــــــــــــــــــ

فرفور اتمنى تانى ما يظهر
الدنيا قبايل عيد وما ناقصين صرصرة ونفسيات

Post: #1321
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 05:49 PM
Parent: #1319

الموضوع الغناء الشعبي

الغناء الشعبي جاهز ايقاعا ونغما والاهتمام بالتعبير الصادق عن الحالة اي غناء عفوي
اغامي البنات
ريماز ميرغي فكو الحظر عنها الليلة

ريماز في الله لي الليمون سقايتو علي

Post: #1322
Title: Re: أغاني وأغاني.. للقدامى والمستجدين..
Author: عمران حسن صالح
Date: 09-12-2009, 05:52 PM
Parent: #1321

والله يا abubakr اللقطة الأخيرة دي خلتني أقول لأفراح براحة على الولد ما ينطق ليهو عرق ..
والليمون سقايتو عليا ..
الشي المريح الباقي لينا ياهو غنانا ده ...
يرد الروح حتى ولو كانت الكلمات بسيطة ..

Post: #1326
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 05:59 PM
Parent: #1322

Quote: والله يا abubakr اللقطة الأخيرة دي خلتني أقول لأفراح براحة على الولد ما ينطق ليهو عرق ..

ياولدي دة الغناء التعبيري .. ( انا خايف ودالموج يطق ليهو عرق واصلو مابيستحمل )

Post: #1323
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 05:53 PM
Parent: #1321

فردتنا في الحجل بالرجل

Post: #1324
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 05:56 PM
Parent: #1323

عصام م نور في فراق حبيبتي

Post: #1325
Title: Re: أغاني وأغاني.. للقدامى والمستجدين..
Author: عزاز شامي
Date: 09-12-2009, 05:57 PM
Parent: #1321

كل سنة و انتو طيبين يا جماعة و امتعتونا طوال الشهر الكريم
عندي سؤال ...

شرقت بالشاي عديل لما شفت توب ريماز

الشيء ده ريش؟؟

Post: #1327
Title: Re: أغاني وأغاني.. للقدامى والمستجدين..
Author: عمران حسن صالح
Date: 09-12-2009, 06:01 PM
Parent: #1325

Quote: الشيء ده ريش؟؟

الله يستر علينا يا عزاز
الدنيا عيد وقالو شارع غبيرة العام الحاجات دي موجودة ...
..
..
وتحسس جيبه ..

Post: #1328
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 06:02 PM
Parent: #1325

Quote: الشيء ده ريش؟؟

ياعزاز دة التوب المريش منو فيهو ...

Post: #1330
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 06:12 PM
Parent: #1328

قسيم الريد باصوات نادر

Post: #1329
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-12-2009, 06:03 PM
Parent: #1321

طارق ميرغن ( ابوالفن )و ابوبكر هندسه
اليوم ود البنا يخسر كخسارة المريخ يوم امس
الموسيقى في مكان وعاصم في مكان
والاداء ضعيف للاسف رجع الى محطة (صفر)
ريماز ميرغني
صوت جميل
اداء وسط
عصام محمد نور
الليله وين ياطيبة الاخلاق
اداء ضعيف مع اكل وهضم بعض الكلمات
ولماذا يكثر من الضحك عصام محمد نور
ويعلم انها تؤثر على الاداء

Post: #1331
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 06:19 PM
Parent: #1329

افراح ومنار البت الغناية في يانعومة

وا لشباب منتشيين

وشريف مشاركا جدا

وفردتنا كمان

Post: #1332
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 06:19 PM
Parent: #1329

حذف للتكرار

Post: #1333
Title: Re: أغاني وأغاني.. للقدامى والمستجدين..
Author: بابكر التوم
Date: 09-12-2009, 06:26 PM
Parent: #1332

حلقة جميلة جدا ....

من حيث الفكرة لتناول الغناء الشعبى وبالاخص الخاص بغناء البنات ...

والنماذج المختارة بعناية والاجادة من الجميع وبالذات من كنبة الاحتياط ....

كان من الافضل ان تكون غناء جميع النماذج للعنصر النسائى فقط ...

ابدعت ريماز ...

Quote: منار البت الغناية في يانعومة

فعلا ياأستاذ ابوبكر ياذواق

Post: #1335
Title: Re: أغاني وأغاني.. للقدامى والمستجدين..
Author: ودالعباسية
Date: 09-12-2009, 06:32 PM
Parent: #1332

بصراحة كدا ،،

حلقة ممله ،،

انا شخصيا كنت داقس فيها ،،

مافيها حماس ،، او تتطريب ،،

Post: #1338
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 06:47 PM
Parent: #1335

Quote: مافيها حماس ،، او تتطريب ،،

انت بس تجدف عكس التيار ... ما لقيت فطور اليوم ؟؟؟

Post: #1339
Title: Re: أغاني وأغاني.. للقدامى والمستجدين..
Author: ودالعباسية
Date: 09-12-2009, 06:54 PM
Parent: #1338

Quote: انت بس تجدف عكس التيار ... ما لقيت فطور اليوم ؟؟؟

عارفكم حا تجو تقولو حلقة حلوة وما ادراك ،،

عشان كدا قلنا نشوت ضفاري الليلة ،،،

غايتو الكيفنى فى الحلقة دي الاغنية الاخيرة بس ،،

وانا صراحة منحاز بى شده لى نجوم الغد ،، وفرفور ،،اها قلتو شنو ،،

Post: #1342
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 07:08 PM
Parent: #1339

Quote: غايتو الكيفنى فى الحلقة دي الاغنية الاخيرة بس ،،

عجيبة ودي لعبوها في الاستراحة بين الشوطيين ؟؟

Post: #1334
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 06:28 PM
Parent: #1329

Quote: اليوم ود البنا يخسر كخسارة المريخ يوم امس
الموسيقى في مكان وعاصم في مكان
والاداء ضعيف للاسف رجع الى محطة (صفر)

انا غايتو كورة ما بعرفا لي كدة عشرين سنة واكان الفرق بتلعب زي الحلقة دي تلقي واحديين نايميين في اول الجلقة قصدي المباراة اها يتغلبو ونص

Post: #1336
Title: Re: أغاني وأغاني.. للقدامى والمستجدين..
Author: SHIBKA
Date: 09-12-2009, 06:40 PM
Parent: #1334

حلقة جميلة وكونها تحتوي على اغاني بنات خلاها اجمل

نادر : اداء جميل
ريماز : اداء جميل
أفراح:احسن تعتزل الفن والهدوم الجاهرة الالوان
شريف : مداخلة جميلة .
منار : اداء جميل

Post: #1337
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 06:45 PM
Parent: #1336

Quote: حلقة جميلة وكونها تحتوي على اغاني بنات خلاها اجمل

اكييد طالما خلتك صاحية الوكت دة ...

Post: #1340
Title: Re: أغاني وأغاني.. للقدامى والمستجدين..
Author: SHIBKA
Date: 09-12-2009, 06:54 PM
Parent: #1337

ابوبكر
اول مرة الليلة احضر الحلقة في مواعيدها الاصلية
بسبب صداع
قلت طيب نشوفها بدل السهر
امكن تطير الصداع دا

اها حضرت الدعايات كللللها
وبعدها ريماز وعاصم وعصام
جات دعيات زادت لي الصداع بالالوان الكتيرة والحركة الكتيرة واضافة للزمن الطويل
حنيت عليكم يا انتوا البتحضروها بدري
قلت اخير السهر الدعايات بتكون اقل

لكن خديجة دي مالها وقعت؟؟؟؟

Post: #1341
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 07:01 PM
Parent: #1340

Quote: لكن خديجة دي مالها وقعت؟؟؟؟

كام وتلاتيين سنة وانا شغال بناء وشفت واستعملت اشكال والوان من البوهيات لكن الوقعت خديجة من الشباك مرتيين دي ما شفتها .. دييل وقعونا معاهم

Post: #1343
Title: Re: أغاني وأغاني.. للقدامى والمستجدين..
Author: SHIBKA
Date: 09-12-2009, 07:22 PM
Parent: #1341

ابوبكر
شكلو في الكام وتلاتين سنة دي مافي بوهية ادهشتك زي الادهشت خديجة

Post: #1344
Title: Re: أغاني وأغاني.. للقدامى والمستجدين..
Author: abubakr
Date: 09-12-2009, 07:24 PM
Parent: #1343

Quote: شكلو في الكام وتلاتين سنة دي مافي بوهية ادهشتك زي الادهشت خديجة

الادهشونا هم وهن الزي خديجة ...

Post: #1345
Title: Re: أغاني وأغاني.. للقدامى والمستجدين..
Author: إبراهيم عبد الحليم
Date: 09-12-2009, 08:43 PM
Parent: #1344

الراقى أستاذنا abubakr
أثلجت صدرى
قرأت كل كلماتك بفهم وتمعن ولك جزيل شكرى
ما عايز أطيل عشان ما أخرب البوست
تقبل أحترامى الفائق وعسى أن نلتقى على كباية شاى وونسة عصرية قريبا

إبراهيم عبد الحليم

Post: #1346
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-12-2009, 09:18 PM
Parent: #1345

Quote: صدرى رحب لمقترحاتكم وأتمنى أن تعجبكم الفكرة والفيديو

إبراهيم عبد الحليم

حبيبنا ابراهيم عبد الحليم
الفكره جميله
ماتقول ما اهتمينا بأمرك
ولكن سمعت الشغل بتاعك وشفت الكليب
وسمعت نفس الاغنية في قناة الشروق بالعود
وتقربا بالعود اوضح لانها بتظهر امكانياتك
وطبعا كل هذه الاشياه لازم الواحد ينسخها ونسمعها في
استيديو المنصور بجده لان زي ماعارف الصوت في الكمبيوتر بيختلف كما تعلم
بعدين ماتنسى في حاجه اسمها الاتجاه السلوكي
وما عايزين نعلق تعليق الناس تقوم ترتكز عليه
بس ياريت تنزيل ايميلك الخاص عشان نعلق
وصوتك به ريحة الاستاذ ابوعركي البخيت

Post: #1347
Title: Re: أغاني وأغاني.. للقدامى والمستجدين..
Author: نجوان
Date: 09-12-2009, 09:44 PM
Parent: #1346

أغاني البنات القريبة من القلب..
اعتقد مناسبة جدا والدنيا قبايل عيد..

____
ريماز ومرّة اخرى بتوب ريش النعام والجداد والحمام
هذا توب يقوّم الحساسية والربو..
أمر الله غالب..

____
شكرا أخ ابراهيم عبدالحليم لذوقك وكونك ما عايز تحرف مسار البوست..
ومعذرة ما شفت سؤالك إلا بعد ان انتبهت لمداخلة الباش..

بصراحة ودون لف ودوران.. اقترح إعادة تصوير الفيديو بعد تجويد الصوتيات (vocals).. واللحن..
البنية بالفيديو تحتاج ان تعتذر ليها وتجيب حد فوتوجنك شوية، (اذا كان لابد من وجود وجه نسائي)..
القميص ده خليه للمشاوير الخاصة.. غير مناسب ويأخذ كثيرا من الفيديو (very distracting)..
المغنّي بالفيديو يحتاج لكثير من التعديل والمكياج.. وكذلك الهندام..
ربما بعض الاكسسوارات.. ساعة، نظارة شمس، الخ..
فهمي للفيديو أنه يضيف كثيرا فوق الكلمة واللحن.. لابد ان يكون جاذبا..
ولا تنسى انك تنافس مع سوق عالمي..

أخيرا وليس آخرا.. لا أعتبر هذا فيديو كليب
لأن الكاميرا بتجيب المغني لفترات طويلة وكأنه في حفل..
ثم نرجع مرّة أخرى لمحاولة إخراج كليب..

أمنياتي بالتوفيق.. وانشالله نقدنا يكون خفيف عليك
(-:

Post: #1348
Title: Re: أغاني وأغاني.. للقدامى والمستجدين..
Author: ودالعباسية
Date: 09-12-2009, 10:32 PM
Parent: #1347

نجوان ،،،

Quote: ريماز ومرّة اخرى بتوب ريش النعام والجداد والحمام
هذا توب يقوّم الحساسية والربو..
أمر الله غالب..

كله الا ريماز دي ،،

Post: #1354
Title: Re: أغاني وأغاني.. للقدامى والمستجدين..
Author: abubakr
Date: 09-13-2009, 04:18 AM
Parent: #1348

Quote: كله الا ريماز دي ،،

ما قلت مع الاحمر والتتراسياكليين شن جدا

Post: #1349
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-12-2009, 10:39 PM
Parent: #1347

Quote: فرفور اتمنى تانى ما يظهر
الدنيا قبايل عيد وما ناقصين صرصرة ونفسيات

والله دا إلا يكون عيد الحب
ها ها ها ها
عبد الدايم سيد احمد
يعني بكلامك دا الناس دي ما كان تغني
1- ميرغني المامون واحمد حسن جمعة
2- محمد وردي (فنان افريقيا الاول )
3- صلاح محمد عيسى
4- البلابل
5- خضر بشير
6- سيد خليفة
7- عائشة الفلاتية
وزي ما قال خضر بشير قبل كده
عندما قالوا له فنلتك وسخانه
قال : عايزين فني ولا فنلتي

_________________________
عبد الدايم تاني مافي افطار جماعي

Post: #1350
Title: Re: أغاني وأغاني.. للقدامى والمستجدين..
Author: طارق ميرغني
Date: 09-12-2009, 11:47 PM
Parent: #1349

يا وليد

بصراحه عصام محمد نور لمن يضحك بيذكرني شيخ الترابي... ليه ما عارف...!!

اليوم اطلق صراح ريماز ميرغني ... حمد الله علي السلامه

عاصم البنا يواصل مقاطعة الاستاذ قدور وكلامه معقول

في قصة التم تم

وبالفعل من قبل تمت محاربة التمتم حرب شعواء باعتباره ايقاع اغاني هابطه

رغم جماله بل واجمل اغاني سودانية تم تلحينها علي ايقاع التمتم

Post: #1351
Title: Re: أغاني وأغاني.. للقدامى والمستجدين..
Author: عبدالله الامين صالح
Date: 09-13-2009, 00:00 AM
Parent: #1350

Quote: منار البت الغناية في يانعومة

حقيقة منار اتقطعت فى مبروك عليك
البت دى غناية بس مالاقية مساحة من عمنا السر البصر يقول زى ما بدينا بالحسن نختم بالحسن

Post: #1352
Title: Re: أغاني وأغاني.. للقدامى والمستجدين..
Author: طارق جبريل
Date: 09-13-2009, 00:07 AM
Parent: #1351

انتو ريماز دي لابسة ليها توب ولا طاووس ولا نعامة

بعدين استاذنا السر قدور دة ما عندهم في البيت ضفارة
يمين ضفور اصابعينه زي اهل الكهف

ريماز غنت حلو الليلة

Post: #1353
Title: Re: أغاني وأغاني.. للقدامى والمستجدين..
Author: عمران حسن صالح
Date: 09-13-2009, 00:36 AM
Parent: #1352

خمسة وخميسة ، ويخلي ليكم غُناكم الطاعم ، يا هو الفضل لينــا ....

Post: #1357
Title: Re: أغاني وأغاني.. للقدامى والمستجدين..
Author: maia
Date: 09-13-2009, 07:31 AM
Parent: #1353

Quote: ريماز ومرّة اخرى بتوب ريش النعام والجداد والحمام
هذا توب يقوّم الحساسية والربو..
أمر الله غالب..

نحنا ما صدقنا يا نجوان انه تم اطلاق سراح ريماز وبقت تغني بعيد عن دكة الاحتياطي

غايتو fs يكملوا جميلهم معانا وفرفور تاني ما يجي رفقا بنا

Post: #1359
Title: Re: أغاني وأغاني.. للقدامى والمستجدين..
Author: abubakr
Date: 09-13-2009, 07:41 AM
Parent: #1353

Quote: خمسة وخميسة ، ويخلي ليكم غُناكم الطاعم ، يا هو الفضل لينــا ....

يا عمران وكت االضيوف راحو وناس طارق بقو في الاضافريين يانا الحنغني برانا

Post: #1358
Title: Re: أغاني وأغاني.. للقدامى والمستجدين..
Author: abubakr
Date: 09-13-2009, 07:40 AM
Parent: #1352

Quote: يمين ضفور اصابعينه زي اهل الكهف

لاحولا يا طارق ما فضل الا تدخلو الراجل في اضافرينو

Post: #1360
Title: Re: أغاني وأغاني.. للقدامى والمستجدين..
Author: Manar Mahsoub
Date: 09-13-2009, 08:34 AM
Parent: #1358

قالو فى الخرطوم تمشى الكوافير و تقولى حواجب افراح و طوالى بتفهمك بتاعة الكوافير

اليومين الفاتو الشغلة ريحتنى من وقعات خديجة وشخصية ابو الضيق الداخل فيها عاصم البنا

يا جماعة عبد العزيز المبارك اصلو شكلو كده نوع الناس الوشهم زى حسى ضارب حقنة ملاريا

Post: #1361
Title: Re: أغاني وأغاني.. للقدامى والمستجدين..
Author: abubakr
Date: 09-13-2009, 09:11 AM
Parent: #1360

Quote: يا جماعة عبد العزيز المبارك اصلو شكلو كده نوع الناس الوشهم زى حسى ضارب حقنة ملاريا

هسسسسسع ترجعي لشغلك قبل ما يجوكي ويطقعوكي ونبقي في اصابه خارج العمل لا يغطيها التامين الصحي ...بالسلامة

Post: #1362
Title: Re: أغاني وأغاني.. للقدامى والمستجدين..
Author: طارق ميرغني
Date: 09-13-2009, 09:19 AM
Parent: #1361

بالفعل اختنا منار هو لمن رجع من السعوديه حصل ليهو استطاله في الوجه ... لاحظتي الحته دي

زمن تحرمني منك الراجل كان حد القيافه ما تصل حدها ما عارف الحصل عليه شنو...؟

Post: #1363
Title: Re: أغاني وأغاني.. للقدامى والمستجدين..
Author: maia
Date: 09-13-2009, 09:33 AM
Parent: #1362

استاذنا طارق

رمضان كريم وتصوموا وتفطروا على خير

المسالة لكن لا تبدو كذلك استاذنا ، كان في حالة توهان وشرود او بالمعنى الاصح زي الزول الشايل ليهو هم كبير شديد وظل طول الحلقة بيفكر في همه

مع انه المسالة دي ما فارقة مع عمنا السر قدور لانه هو المتحدث الرسمي باسم كل الضيوف والمشاهدين والدول المجاورة

Post: #1364
Title: Re: أغاني وأغاني.. للقدامى والمستجدين..
Author: معتصم دفع الله
Date: 09-13-2009, 09:50 AM
Parent: #1362

غايتو أنا زي صاحبي ودالعباسية ..
أمس الحلقة دي ما عجبتني أقول ليكم ليه ..
أنا ما كنت عارف الحلقة كلها ماشه على وين ..
رغم إنها خاصة بأغنيات البنات لكن عمنا السر يصر على أن فردنا ديل يشاركوا ..
كنت أتمنى أن تكون الحلقة خاصة لمنار ورماز وأفراح على أن يختار لكل واحد أغنية على حسب إمكانياته ..
بالرغم من أنهن أجادن ولكن ليس المتوقع منهن ..
غناء البنات دا إن جاز لنا أن نطلق عليها كذلك لونية جميلة ومحتاجة روح الأغنية نفسها لكي يؤديها المغني يعني ما أي زول حافظ ولا عارف الأغنية يقوم يخش فيها كما حصل مع عاصم البنا ..
غايتو تاني سلطنة مافي زي ما قال الهندسة أبوبكر
غايتو على ناس عمران يقعوا السوق من هسي ..
نجوان ست البوست وشبكة وممكونة ومنار وسناء جعفر السوق السوق وزي تياب ريماز وأفراح أختنها

Post: #1365
Title: Re: أغاني وأغاني.. للقدامى والمستجدين..
Author: omer osman
Date: 09-13-2009, 10:13 AM
Parent: #1364

Quote: أفراح:احسن تعتزل الفن

Post: #1366
Title: Re: أغاني وأغاني.. للقدامى والمستجدين..
Author: طارق ميرغني
Date: 09-13-2009, 12:09 PM
Parent: #1365

انت عارف يا معتصم

قالوا ريش التياب ده بيتملص ويتركب بعد الغسيل والمكوه.

يعني زي " تقبع " السياره عند السمكره والبوهيه

وكتار من اخوانا المغنواتيه دول محتاجين تقبع.... او سمكره وبوهيه !!!

Post: #1367
Title: Re: أغاني وأغاني.. للقدامى والمستجدين..
Author: abubakr
Date: 09-13-2009, 12:30 PM
Parent: #1366

Quote: غايتو تاني سلطنة مافي زي ما قال الهندسة أبوبكر

سلطنة مافي عليكم بسلطانية من الحلو مر بتاع قريبتي مايا لحد العيد ..

Post: #1368
Title: Re: أغاني وأغاني.. للقدامى والمستجدين..
Author: معتصم دفع الله
Date: 09-13-2009, 12:42 PM
Parent: #1366

Quote: قالوا ريش التياب ده بيتملص ويتركب بعد الغسيل والمكوه.
عني زي " تقبع " السياره عند السمكره والبوهيه
طارق يا هندسة ..
هسي البنات ديل اليوم كلو يقعدن يركبن ويلزقن
هو زاتو التياب بقن غاليات موووش كده يا عمران

Post: #1369
Title: Re: أغاني وأغاني.. للقدامى والمستجدين..
Author: Tabaldina
Date: 09-13-2009, 02:09 PM
Parent: #1368

..
.
رسالة خاصة لود البنا

والله يا عاصم الواحد ما عارف حتقراء
البوست دا ولا حتعمل مشغول ..!!؟
بصراحة رغم معزتك ومودتى الخاصة لك
لك مسالة تنوم او تتناوم اثناء أغنية
الله لي الليمون سقايتو على ..
اداء ريماز ومنار ..
يعتبر قمه عدم الذوق .. والاهتمام واحترام المشاهد
بل والضيوف والمشاركين ..
صراحة من بداية البرنامج ..
اعطيت المشاهد احساساً بعدم الرضاء والرغبة فى المشاركة
وكانت بائنة لكل من يعرفك من قرب او يعلم مستواك وادائك
مما انعكس سلباً على معظم ما جدت به ..
نعم انت فنان كبير .. بلا شك
وتعتبر من افضل من اداء اغنيات الحقيبة فى هذا الزمان
وذو حنجرة شجية وصوت قوى
ولكن ما هكذا تورد الابل ولا هذه تكلل ثمرة النجاح
الشهرة والتواضع يا صديقي تقودان الشخص لمزيد من النجاحات
والمحبة فى نفوس الاخرين والمعجبين
لكن الغرور او الايحاء بعدم الرغبة او تقليل من مكانه
الاخرين بصورة مباشرة او دون ذلك تنقص من رصيدك
ومن عدد محبيك ومعجبيك ..
ولتعلم _ ان يهمك_ الامر كل ما التقيه يقولها بالحرف
صحبك دا بقى مغتر ..شديد !!

فأن كنت ترى ان المشاركة مع هؤلاء غير مجدية
يمكنك الاعتذار بكل بساطة ..

_________

معذرة يا نجوان وكل الاعزاء المشاركين
لكن صراحة عاصم كترها وعدم رضاءه اصبح مثار حديث
وعمل لى مغص رغم ان الشباب ديل لمن يغنى ما يفضل ليهم
الا يطيرو ليها ..
وبعد دا ما برد على التلفون :)

كلو بسبب امريكا والرد سي

ابوبكر
ووين الصور ولا حلقة امبارح ما سجلتها!!؟

Post: #1370
Title: Re: أغاني وأغاني.. للقدامى والمستجدين..
Author: abubakr
Date: 09-13-2009, 04:55 PM
Parent: #1369

Quote: ابوبكر
ووين الصور ولا حلقة امبارح ما سجلتها!!؟

فردتنا محظوظ انا اتلخرت شوية وفاتتني صورتو وهو نعسان او متناوم

Post: #1371
Title: Re: أغاني وأغاني.. للقدامى والمستجدين..
Author: abubakr
Date: 09-13-2009, 05:31 PM
Parent: #1370

الحلقة ما فيها ضيوف زي الحلقات القادمة فبالله توقعاتكم تكوين من ستين في المية وناقص يعني السقوط عشرين والمواد بس core زي الفي IGCSE وناس ود العباسية اكان ما قادرين علي دة يستقيلو ...

Post: #1372
Title: Re: أغاني وأغاني.. للقدامى والمستجدين..
Author: abubakr
Date: 09-13-2009, 05:34 PM
Parent: #1371

الحمدلله اني ما بشرب شاي بتاتا تاتا وبشرب قهوة من عمري عشرة سنوات .. قال شاي الغزالتيين ..ياخي شاي الديكيين معقولة شوية.. الله لا تريحكم ياااخ

Post: #1373
Title: Re: أغاني وأغاني.. للقدامى والمستجدين..
Author: abubakr
Date: 09-13-2009, 05:37 PM
Parent: #1372

نسيت اقوليكم انو عندي Lactose Intolerance وبالتالي لا اشرب لبن والوادي اليغرق انشاء الله

Post: #1375
Title: Re: أغاني وأغاني.. للقدامى والمستجدين..
Author: abubakr
Date: 09-13-2009, 05:45 PM
Parent: #1373

قبل 32 سنة رحل الفنان رمضان حسن .. اغنياته قليلة ولكنها جزء من التراث القومي السوداني

كيتا في ناس مايا وغيرهم فرفور موجود

عصام م نور في الزهو صاحية

Post: #1374
Title: Re: أغاني وأغاني.. للقدامى والمستجدين..
Author: نجوان
Date: 09-13-2009, 05:43 PM
Parent: #1372

الشاي رحمة يا باش مقارنة بالزيت..

التاس تحمّر وتاكل في الأكل المدهّن وتتبسّم!
الزيت ده بقى حاجة سمحة ولا شنو؟

Post: #1376
Title: Re: أغاني وأغاني.. للقدامى والمستجدين..
Author: abubakr
Date: 09-13-2009, 05:47 PM
Parent: #1374

ريماز في ياغرامي الاول

Post: #1377
Title: Re: أغاني وأغاني.. للقدامى والمستجدين..
Author: abubakr
Date: 09-13-2009, 05:51 PM
Parent: #1376

الامان باصوات نادر

Post: #1378
Title: Re: أغاني وأغاني.. للقدامى والمستجدين..
Author: abubakr
Date: 09-13-2009, 05:53 PM
Parent: #1377

طاجن العجة من القوصي لاحسن تعليق علي صورة نادر وفرفور اعلاه

Post: #1379
Title: Re: أغاني وأغاني.. للقدامى والمستجدين..
Author: نجوان
Date: 09-13-2009, 05:54 PM
Parent: #1377

عصام غنى الزهور صاحية وهو نابم كالعادة
ريماز اوكيه
نادر .. مرتديا قميصا بيجاميا.. رجع للاناشيد

Post: #1381
Title: Re: أغاني وأغاني.. للقدامى والمستجدين..
Author: بابكر التوم
Date: 09-13-2009, 05:57 PM
Parent: #1377

أقبل يديك .... من نور وجنتيك ....

رحم الله مبدعنا رمضان حسن برغم قلة انتاجة كانت اختياراتة عبقرية ،،،

وخير مثال لذلك ان غنى لة الخالد مصطفى سيد أحمد رائعتة الامان برغم تجربة مصطفى الثرة ...

حلقة تنبئ بانها مليئة بالابداع والشجن ....

عيدية مقدما

Post: #1382
Title: Re: أغاني وأغاني.. للقدامى والمستجدين..
Author: حسن سنوسى
Date: 09-13-2009, 05:59 PM
Parent: #1377

ابو بكر
عمك دا هو قايلنا شفع ولا شنو؟؟
طالما رمضان حسن ما عندو اكثر من 10 اغانى..
البخلى الناس دى تكون ما حافظاها شنو؟؟
منو مننا ما حافظ الزهور صاحية وانت نايم.. او يا غرامى الاول,, او الامان
والاخيرة دى الناس سمعوها بصوت البلابل ومصطفى سيد احمد

ومسألة الخيار والفقوس دى شنو؟؟
والمنطق شنو البخلى اغانى فنانين تقدم مكتملة بينما اغانى رمضان يتم بترها بالطريقة المشينة دى
وما فى اى كلام عن من كتب هذه الاشعار و من وضع الالحان

كلو كوم واداء حبيبو كوم تانى
اداء باهت باهت باهت

Post: #1387
Title: Re: أغاني وأغاني.. للقدامى والمستجدين..
Author: abubakr
Date: 09-13-2009, 06:19 PM
Parent: #1382

Quote: اداء باهت باهت باهت

ابوعلي النجاح عشرين في المية واها ندردق كورة الشراب لحد القوون ...ما اصلة العند عمك السر كان عشرة حلقات ولكن بسبب الازمة الاقتصادية العالمية فكووها الي تلاتيين

Post: #1380
Title: Re: أغاني وأغاني.. للقدامى والمستجدين..
Author: abubakr
Date: 09-13-2009, 05:55 PM
Parent: #1374

Quote: الزيت ده بقى حاجة سمحة ولا شنو؟

اصلي انا نباتي وبكرة لو جابو اعلانات عن البطاطس تبقي مصيبة ..

Post: #1383
Title: Re: أغاني وأغاني.. للقدامى والمستجدين..
Author: abubakr
Date: 09-13-2009, 06:03 PM
Parent: #1380

الامان لفردتنا

Post: #1384
Title: Re: أغاني وأغاني.. للقدامى والمستجدين..
Author: abubakr
Date: 09-13-2009, 06:09 PM
Parent: #1383

فرفور و تحدي

__

الحاصل شنو ؟؟

Post: #1385
Title: Re: أغاني وأغاني.. للقدامى والمستجدين..
Author: abubakr
Date: 09-13-2009, 06:12 PM
Parent: #1384

حلقة غايتو فبالله اتذكرو الكتبتو فوق عن الستيين في المية ...سامع ياودالعباسية ؟؟

Post: #1386
Title: Re: أغاني وأغاني.. للقدامى والمستجدين..
Author: نجوان
Date: 09-13-2009, 06:16 PM
Parent: #1384

فردتنا اوكيه..

فرفور .. والكواريك المزعجة جدا..
رأفة بالمستمع ياخ!

افراح الليلة لابسة جدلة..
قلت ليكم فستان الزفاف جايي.. بس انتو اصبروا..

Post: #1388
Title: Re: أغاني وأغاني.. للقدامى والمستجدين..
Author: abubakr
Date: 09-13-2009, 06:22 PM
Parent: #1386

اها يانجوان بس طلعت من راكوبة عمك السر وانا ماشي وقعت في حفرة الشروق ولقيت صاحبتك هناك :

Post: #1389
Title: Re: أغاني وأغاني.. للقدامى والمستجدين..
Author: maia
Date: 09-13-2009, 07:07 PM
Parent: #1388

قريبنا ابوبكر

برضو في الشروق بالاحمر

المسالة واضحة انه قوس قزح متلازمة اساسية

غايتو الليلة وفي اليوم ال 23 من بدء اغاني واغاني تاكد لي انه فريق البرنامج في كل الحلقات غيروا لبسهم تلاتة مرات بس
كل خمسة ستة حلقات بنفس اللبس

فرفور ما قصر اتحفنا اليوم بوصلاته ( الكوراكية)

يبدو انه الهموم بتكتر في البرنامج
قرب يبقا اغاني وسرحان

الهمنا اللهم الصبر لتكلمة ما تبقامن حلقات
يبدو انه احنا حسه في المرحلة التالتة من الحلومر
يعني بدات ملامح اختفاء الطعم الاصيل

Post: #1390
Title: Re: أغاني وأغاني.. للقدامى والمستجدين..
Author: ودالعباسية
Date: 09-13-2009, 09:21 PM
Parent: #1389

عفوا ،،،

خارج الشبكة ،، ولسه ما سمعته اي شئ غير شفته الصور بس ،،

Post: #1391
Title: Re: أغاني وأغاني.. للقدامى والمستجدين..
Author: عبد الله عقيد
Date: 09-13-2009, 10:14 PM
Parent: #1390

يا ناس كل عام وانتم بخير
(رمضان وعيد)

حرصت على متابعة برنامجين فقط خلال رمضان هما اغاني واغاني.. وهذا البوست.
كان الباسوورد ضايع حتى صفحة 9 من البوست.
وعندما عاد الباسوورد ضاعت الأفكار.

كنت اود الاشارة الى ملاحظتي بأن الحلقات لم يتم بثها بالتتابع حسب تسجيلها
وهذا في رأيي أدى لظهور شيء من الارتباك وعدم التناغم في الحلقات..

من خلال 23 حلقة أعتقد أن البرنامج ليس في جودة المواسم السابقة
رغم أنه هذا العام حصل على أكبر نسبة مشاهدة وأكبر نسبة إعلانات

لدي احساس ان نجاح البرنامج ولّد حساسيات ومشاكل (ربما ذات طابع مالي) ظهرت في منتصف
فترة التسجيل.. أدت لفتور بعض الحلقات، الامر الذي عالجته القناة بعملية (شك) الحلقات
وتوزيعها مرة أخرى..

ولازم نعود

Post: #1392
Title: Re: أغاني وأغاني.. للقدامى والمستجدين..
Author: Manar Mahsoub
Date: 09-14-2009, 05:51 AM
Parent: #1391

يا ريتنى لو كنت لسع مشغولة ... خلاص ضيوف البرنامج خلصو؟؟؟ يعنى تانى بس الحلقات الجاية حتكون كده نوم و نعاس و كواريك و حواجب مصبوغة ....

محلات الاثاثات فى السودان فاتت فى عددها محلات الخياطة و الحلاقين فى الخليج....

Post: #1396
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 06:18 AM
Parent: #1392

Quote: يا ريتنى لو كنت لسع مشغولة ... خلاص ضيوف البرنامج خلصو؟؟؟ يعنى تانى بس الحلقات الجاية حتكون كده نوم و نعاس و كواريك و حواجب مصبوغة ....

محلات الاثاثات فى السودان فاتت فى عددها محلات الخياطة و الحلاقين فى الخليج....

انتي احسن تشوفي ليكي شغل اضافي او تنومي ..كدة حيكون كويس مع الجيب والصحة

انا بس لو عرفت الزيت باللبن والحليب كيف ؟؟...يعني الشعب السوداني كلو مزيت وبقرطع حليب ساااي.. بعدين بتاع هايل الطويل داك جلابيتو طويلة بس عمتو حتة شاش طبي رابط بيها قورتو وبس .. جنس زيت ...

Post: #1400
Title: Re: أغاني وأغاني.. للقدامى والمستجدين..
Author: maia
Date: 09-14-2009, 09:24 AM
Parent: #1396

Quote: بعدين بتاع هايل الطويل داك جلابيتو طويلة بس عمتو حتة شاش طبي رابط بيها قورتو وبس .. جنس زيت ...

أأخ من ناس زيت هايل ديل!!!
غايتو دعاية منها والمرارة طوالي

والله يا قريبنا كل ما اتذكر الدعاية دي بتخلع من جوه قلبي ( يبدو انه الهدف من الدعاية هوالوصول لخلعة المشاهدين)

Post: #1394
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 06:14 AM
Parent: #1391

Quote: لدي احساس ان نجاح البرنامج ولّد حساسيات ومشاكل (ربما ذات طابع مالي) ظهرت في منتصف
فترة التسجيل.. أدت لفتور بعض الحلقات، الامر الذي عالجته القناة بعملية (شك) الحلقات
وتوزيعها مرة أخرى..

ودعقيد رمضان كريم ونرحب بعودتكم حيث انتم من المعلقيين القدامي .. يبدو ان تحليلك فيه صواب كثير وخصوصا والجماعة يا مبوزيين يا نايميي يا زايغيين.. عموما اداء هذه الدورة بائس ويادوبك درجة مرور بسبب الضيوف بس ويبدو ان الحلقات الاصلية كانت 10 فمطوها الجماعة وشكوها زي ما قلت ...لا اري ما يدعو الي حلقات في اعوام قادمة ان مد الله في الاجال حيث ان المعين قد نضب وتكرار التكرار خلي الحلقات زي حلو مر قريبتي مايا موية خيش ساااي ...

Post: #1393
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 06:08 AM
Parent: #1389

Quote: برضو في الشروق بالاحمر

بختكن ثورة حمراء

Post: #1395
Title: Re: أغاني وأغاني.. للقدامى والمستجدين..
Author: حبيب نورة
Date: 09-14-2009, 06:17 AM
Parent: #1388

أموت ركن

Post: #1397
Title: Re: أغاني وأغاني.. للقدامى والمستجدين..
Author: SHIBKA
Date: 09-14-2009, 06:41 AM
Parent: #1395

بالنسبة لافراح دي
قطع شك زول جاب ليها طاقة ستان احمر وقال ليها اتصرفي

وقامت طوالي اتصرفت

Post: #1398
Title: Re: أغاني وأغاني.. للقدامى والمستجدين..
Author: Hussein Mallasi
Date: 09-14-2009, 07:59 AM
Parent: #1397

Quote: لكن الغرور او الايحاء بعدم الرغبة او تقليل من مكانه الاخرين
بصورة مباشرة او دون ذلك تنقص من رصيدك ومن عدد محبيك ومعجبيك ..

شكراً.

Post: #1399
Title: Re: أغاني وأغاني.. للقدامى والمستجدين..
Author: صديق الموج
Date: 09-14-2009, 08:10 AM
Parent: #1398

Quote: كل سنة و انتو طيبين يا جماعة و امتعتونا طوال الشهر الكريم
عندي سؤال ...

شرقت بالشاي عديل لما شفت توب ريماز

الشيء ده ريش؟؟

عزاز شامى.....رمضان كريم

انت اخر زول يتكلم عن التياب هنا
تسكتى والا افتو؟؟
افتحى خشمك تانى كان مرة،،،،

Post: #1401
Title: Re: أغاني وأغاني.. للقدامى والمستجدين..
Author: Tabaldina
Date: 09-14-2009, 09:39 AM
Parent: #1399

..
.
Quote: فرفور ما قصر اتحفنا اليوم بوصلاته ( الكوراكية)

والله يا مايا صدقت
بس الزول دا اداءه متذبذب مرات كويس ومرات يرفع حنجرتو لمن تسد اضنينك ..
البغيظ .. الرشاقة ..
والحركات انا ما عارف الناس دى مالها بتخفف كدا
من عمنا السر لفرفور ..
غايتو ناذر طلع الرزين فى الجلسة

_________

يا ملاسي لاحظت انه ريماز قلعت الدبلة
ولا ما ما لاحظت .. عشان تأمن ..
نحنا ما بنرمى الكلام فى الهواء

Post: #1402
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 01:08 PM
Parent: #1399

Quote: افتحى خشمك تانى كان مرة،،،،

ياودالموج مالك والبنية .. انت ركز شوية ..انت مع الاحمر والا الاخدر ابوريش ؟؟ ما هو يا او يا

Post: #1403
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 03:56 PM
Parent: #1402

تعازينا للأخوة معتصم دفع الله وصلاح شتات في شقيقهم عبدا... وسيصلى عليه اليوم

Post: #1404
Title: Re: أغاني وأغاني.. للقدامى والمستجدين..
Author: طارق جبريل
Date: 09-14-2009, 04:33 PM
Parent: #1403

اي نعم انا مريخابي على السكين
لكن انتو افراح دي هدومها وقعت في جردل كركدي ولا شنو
في اي قناة لابسة أحمر

Post: #1436
Title: Re: أغاني وأغاني.. للقدامى والمستجدين..
Author: نجوان
Date: 09-14-2009, 07:23 PM
Parent: #1404

Quote: لكن انتو افراح دي هدومها وقعت في جردل كركدي ولا شنو
في جردل صلصة يا طارق.. صلصة..

Post: #1405
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 05:27 PM
Parent: #1403

اليوم :
الاخدر
الاخضر

Post: #1406
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 05:31 PM
Parent: #1405

انتو نسيتو انو خديجة لابسة احمر

Post: #1407
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 05:40 PM
Parent: #1406

بختكم في ضيف

الشاعر محمد يوسف موسي

Post: #1408
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 05:43 PM
Parent: #1407

فردتنا في صدفة غريبة

رجع فرفور للبكاء

Post: #1412
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 05:49 PM
Parent: #1408

نادر في قلبك ليه تبدل ( بالله الزيدانيين ما يعلقو)

______
بايخة

Post: #1409
Title: Re: أغاني وأغاني.. للقدامى والمستجدين..
Author: فيصل نوبي
Date: 09-14-2009, 05:44 PM
Parent: #1407

فرفور ضحكـ لامن دموعو جرن مالو ؟

Post: #1411
Title: Re: أغاني وأغاني.. للقدامى والمستجدين..
Author: ALGARADABI
Date: 09-14-2009, 05:47 PM
Parent: #1409

دموع فرفور بين الرصافة و الجسر

Post: #1416
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 05:57 PM
Parent: #1411

Quote: دموع فرفور بين الرصافة و الجسر

ياعمر هو الجسر بين ضفتي الدمعات

Post: #1410
Title: Re: أغاني وأغاني.. للقدامى والمستجدين..
Author: حسن سنوسى
Date: 09-14-2009, 05:47 PM
Parent: #1407

يا بكرى : مالو عمك قايم سدارى كدا؟؟
معانا الشاعر محمد يوسف موسى-امير الاغنية السودانية-
اهلاً بيك يا استاذ محمد .. عمك اتلفت عليهو
وقبل ما الراجل يرد عمك دخل فى الموضوع
طبعاً انت عارف عمك ما داير زول يتكلم غيرو

Post: #1413
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 05:51 PM
Parent: #1410

Quote: يا بكرى : مالو عمك قايم سدارى كدا؟؟

التقول خايف الضيف يلقط النضمي وما يخليلو ولا حرف

Post: #1414
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 05:53 PM
Parent: #1413

اول حب

ريماز ومنار

________
لحن رتيب(دة عربي يامرسي)

Post: #1418
Title: Re: أغاني وأغاني.. للقدامى والمستجدين..
Author: بابكر التوم
Date: 09-14-2009, 06:01 PM
Parent: #1414

Quote: معانا الشاعر محمد يوسف موسى-امير الاغنية السودانية-

صدقت يا حسن سنوسى ،،،

اول حب

ريماز ومنار

اجمل مايميزهم الحفظ وجودة الاداء وتناغم الصوت ....

كنبة الاحتياطى عودونا فى معظم الحلقات بعدم استعمال البخرات الا ماندر ....

حلقة تنبئ بالجمال ....

Post: #1420
Title: Re: أغاني وأغاني.. للقدامى والمستجدين..
Author: سناء عبد السيد
Date: 09-14-2009, 06:04 PM
Parent: #1414

انتوا خلاص فطرتوا و حضرتوا البرنامج ! بختكم نحن فاضل لينا 7 ساعات و شوية على الفطور

المؤسف انه النيل الأزرق ما بتجينا في كندا لكن غايتو استمتعنا بالبرنامج في ال12 يوم الاولانيين

من رمضان لمن كنا في مصر اسه مفتقدين البرنامج ده شديد

عشان كده ادونا تفاصيل الحلقة كاملة , الفنان منو او الشاعر منو و اكتبوا

عن كل المعلومات القيمة البقولا الاستاذ السر قدور عن ضيف الحلقة, كده حنحس انه نحن حضرنا البرنامج معاكم و تكونوا مشكوريين

Post: #1415
Title: Re: أغاني وأغاني.. للقدامى والمستجدين..
Author: ALGARADABI
Date: 09-14-2009, 05:56 PM
Parent: #1413

مسابقة:

في واحد (غيري) عارف اسماء ثنائي النغم

Post: #1417
Title: Re: أغاني وأغاني.. للقدامى والمستجدين..
Author: فيصل نوبي
Date: 09-14-2009, 06:00 PM
Parent: #1415

النغم و النغم يا عمر

Post: #1419
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 06:02 PM
Parent: #1415

Quote: في واحد (غيري) عارف اسماء ثنائي النغم

الواحد فينا مع زيت صباح وهائل وشاي كفتي اسمو زااتوو نساه .. قول لينا الاسطي عارف ونحن بنعرف بوهيات الشروق ..

Post: #1421
Title: Re: أغاني وأغاني.. للقدامى والمستجدين..
Author: طارق ميرغني
Date: 09-14-2009, 06:07 PM
Parent: #1419

يا قرضابي

خديجه وزينب

بس واحد يحكي لينا لماذا ضحك فرفور حتي ابتلت جوانبه

فاتتني هذه اللحظه.

وفات الاوان

Post: #1423
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 06:11 PM
Parent: #1421

Quote: بس واحد يحكي لينا لماذا ضحك فرفور حتي ابتلت جوانبه

ياطارق فرفور دة في الحلقات الاولي سنة 2006 خلي الجماعة عايميين في الدمع سااي هو ما داير ليهو سبب اها بس مطرة استوائية ساااي

Post: #1424
Title: Re: أغاني وأغاني.. للقدامى والمستجدين..
Author: ALGARADABI
Date: 09-14-2009, 06:12 PM
Parent: #1421

Quote: يا قرضابي

خديجه وزينب

بعد أيه يا طارق

الامتحان اتكشف

Post: #1422
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 06:09 PM
Parent: #1419

فرفور في فات الاوان

مليش دعوة

غايتو لحدي هسع ماشي كويس

Post: #1425
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 06:20 PM
Parent: #1422

عصام م نور في عذبني

نسيت اصورو ...

Post: #1426
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-14-2009, 06:29 PM
Parent: #1422

Quote: مسابقة:

في واحد (غيري) عارف اسماء ثنائي النغم

قرضابي يارائع
بيتكون من زينب + خديجة
ثانئي خطير
ونحن لانعرف تقدير المبدعين ونقف معهم
في محنهم بقدر ما ابدعوا لنا في يوم من الايام
وهم من تغنوا بـ
ست الودع
نار ام بادر ياحليلا
الليله وين لاوين ياعني انا عجبوني كالو العين

Post: #1427
Title: Re: أغاني وأغاني.. للقدامى والمستجدين..
Author: ودالعباسية
Date: 09-14-2009, 06:43 PM
Parent: #1426

Quote: نادر في قلبك ليه تبدل ( بالله الريدانيين ما يعلقو)

Post: #1428
Title: Re: أغاني وأغاني.. للقدامى والمستجدين..
Author: نجوان
Date: 09-14-2009, 06:44 PM
Parent: #1426

في حضرة الشاعر الرقيق محمد يوسف موسى..

حلقة لم ينال من جمالها سوى ذبح فرفور لأغنية فات الأوان..
قلنا ليكم ارفعوا حناجركم عن اغنيات ود البادية، ماااا بتقدروا عليها!

عصام محمد نور ابدع في رائعة وردي ..عذّبني وزيد عذابك..
عصام كان مصحصح وعنده طاقة (خلافا للمعتاد منه)
الأغنية مناسبة جدا لصوته ..
يا ســـلام.. غفرنا لك يا عصام ما تقدّم من ذنبك وما تأخر..

حلقة ميّة ميّة..

______
الرائعات ثنائي النغم زينب وخديجة.. واحدة قصيرة وواحدة طويلة .. أعتقد بنفس الترتيب..
AlGaradabi.. اتمنى ان اقتسم الجائزة مع طارق ووليد..

______
التعديل مع الإعتذار .. لزوم الدقسة..(الصورة هي السبب في اللبس)
ويا نوبي ما بترحم! بري منّك!

Post: #1429
Title: Re: أغاني وأغاني.. للقدامى والمستجدين..
Author: فيصل نوبي
Date: 09-14-2009, 06:46 PM
Parent: #1428

Quote: عثمان رغيم..
24 رمضان بعد الفطور

Post: #1430
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 07:00 PM
Parent: #1429

Quote: 24 رمضان بعد الفطور

فووويت يابني فوووويت

Post: #1432
Title: Re: أغاني وأغاني.. للقدامى والمستجدين..
Author: maia
Date: 09-14-2009, 07:11 PM
Parent: #1430

رغم الاغاني الجميلة التي تم تقديمها في الحلقة

لكن للامانة
فرفور زودها كتير شديد
وكما سماها الاخ تبلدينا ( الرشاقة ) الزايدة دي يوم حتكتل زول
فرفور ده المضحكه قدر كدا شنو لدرجة البكا والدموع؟؟ وليه التركيز على الفرفرة والرشاقة الشديدة من جانب الكاميرا!!

في نص الحلقة هروبا من تلك الفرفرة حولت على قناة نايل سينما وشفت جزء برنامج جذور عمر الشريف لعل وعسى ترتاح المرارة قليلا

Post: #1433
Title: Re: أغاني وأغاني.. للقدامى والمستجدين..
Author: نجوان
Date: 09-14-2009, 07:17 PM
Parent: #1432

Quote: فرفور زودها كتير شديد
وكما سماها الاخ تبلدينا ( الرشاقة ) الزايدة دي يوم حتكتل زول
لا أستبعد يا مايا زيادة حالات المرارة، وقرحة المعدة..

Post: #1435
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 07:22 PM
Parent: #1432

Quote: فرفور زودها كتير شديد

يا قريبتي الزيادة عند فرفور تخصص دقيق ..

Post: #1431
Title: Re: أغاني وأغاني.. للقدامى والمستجدين..
Author: ALGARADABI
Date: 09-14-2009, 07:04 PM
Parent: #1426

Quote: وهم من تغنوا بـ
ست الودع
نار ام بادر ياحليلا
الليله وين لاوين ياعني انا عجبوني كالو العين

وست الودع هنا غير ست الودع بتاعت عبدالله البيعيو
كان من كلمات تلك الأغنية:

يا ست الودع أرمي الودع
وشوفي اللي كان
عاش منخدع
يااا ست الودع

أرمي الودع
وشوفي اللي غاب
ولينا ما
عامل حساب
لا سأل يوم ولا اسنجاب
كأنو لا شاف لا سمع

أرمي الودع
وكشكشيهو
شوفي أية
بالله فيهو
لو قلتي برجع زي زمان
بديك بياض
يا ست الودع

ولهن أغنيات كثيرة
فهم من تغني بسايق العظمة( قبل الراحل عبد العظيم حركة)
والعاجكو
وانا غيرك ما حبيت يا حبيبي
ان متا ذنبي عليك

وبنحب بعض
ومن أجمل اغنياتهم:
أنا ما اتغيرتا وما اتنكرتا ليك
مانسيت الريدة
وما ضنيت عليك

واغنيات كثيرة أخري

Post: #1437
Title: Re: أغاني وأغاني.. للقدامى والمستجدين..
Author: ودالعباسية
Date: 09-14-2009, 07:23 PM
Parent: #1431

انتو يا ناس الشمار كاتلكم ولا شنو ،، بى ضحك فرفور و الدموع دي ،،،

////////

على كل ،، الحلقة ما بطالة ،، لانها اخر حلقة امكن احضرها وذلك لسفري الى

الاراضى المقدسة ،، ،،

صلاح ابن البادية صوت لا يعلو عليه ،، ياريت عاصم وفرفور كانو يشوفو ليهم اغانى

تانى ،، لانه الاداء كان ضعيف ،،

اجمل مافى الحلقة الثنائ ريماز ومنار ،،،

عصام اهو يعنى ،، ما بطال ،،،

شباب العفو والعافية وكل سنة وانتو طيبين ،،

وربنا يجمعنا السنة الجاية ويكون البرنامج احلى واجمل واطعم من كدا ،،

احى نجوم الغد فى هذا البرنامج لى الاداء الجيد والحفظ الممتاز والمظهر الحسن

واحى الكتيبة المناضلة من سنة 2006 ،، ونتمنى منهم التجويد اذا كان فى دورة تانى

فى رمضان القادم ،،،

تحياتى لكم جميعا ،،،

Post: #1439
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 07:40 PM
Parent: #1437

Quote: على كل ،، الحلقة ما بطالة ،، لانها اخر حلقة امكن احضرها وذلك لسفري الى

الاراضى المقدسة ،، ،،

فلقد امتعناك ثلاث اسابيع بلوشي سااي صورة وتعليقات وكمان صوت فلذا رد الدين بدعوات صادقات لنا من هناك ..
وان امد الله في الاجال سنلتقي

___________

ما تنسي الكمامة ...

Post: #1452
Title: Re: أغاني وأغاني.. للقدامى والمستجدين..
Author: نجوان
Date: 09-14-2009, 09:46 PM
Parent: #1437

تمشي وتجي بالسلامة يا ود العباسية..
ومكانك سيظل شاغرا يا جنا..

Post: #1434
Title: Re: أغاني وأغاني.. للقدامى والمستجدين..
Author: نجوان
Date: 09-14-2009, 07:20 PM
Parent: #1403

صادق التعازي لمعتصم وصلاح شتات..
لكم الصبر الجميل..

Post: #1438
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-14-2009, 07:30 PM
Parent: #1434

اخيرا

قدور ساب الحسادة

وجاب اغنية لفنان السودان الاول

Post: #1440
Title: Re: أغاني وأغاني.. للقدامى والمستجدين..
Author: ALGARADABI
Date: 09-14-2009, 08:16 PM
Parent: #1438

اختيار فرفور لفات الاوان كان يتناسب مع امكانيات فرفور الكوراكية
كان ممكن يكورك بي راحتو لو اختار الجزء من الأغنية البقول:

الله
الله
الله لحبي الاندثر
يوم ما ظهر
ما ضاق شباب
الله لقلبي الاحترق
يوم انفتح للجنة باب
الله لشمعات انطفن
يوم الظلام بالفرحة داب
الله لعمري الانتهههههههههي
يوم مابديت أحسب حساب

وقووووووووول
قول الوداع فات الأوان
ياريتو فات قبل الأوان

بس ما اختار الجزء ده
وضيع فرصة جيدة للكواريك

انسب اغنية تلائم امكانيات فرفور الكوراكية من أغاني ابن البادية هي سال من شعرها الذهب
بس ما كان ممكن يغنيها
لأنها كلمات أبو آمنة حامد

Post: #1442
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 08:23 PM
Parent: #1440

Quote: الله لحبي الاندثر

ياعمر انا كنت "متوجس" من حبي الاندثر دة لانو كان حخلينا نندثر عشان كدة كتبت انو "ماشي كويس ..الخ "

Post: #1441
Title: Re: أغاني وأغاني.. للقدامى والمستجدين..
Author: الزوول
Date: 09-14-2009, 08:17 PM
Parent: #1438

السلام عليكم
......
حلقة مميزة أخرى
لا أعرف ماهية ارتباط الحلقات المميزة بوجود الضيوف
ناس البرنامج ديل
بقوا زي سيدات السودان
في الأيام العادية شيء
ولما يكون في ضيوف ولّ مناسبة (إن شاء الله بيت بكا)
يجوك على سِنكة عشرة
..
منار وريماز
ثنائي قادم بقوة
لم يخيبن ظننا
وظن الأستاذ محمد يوسف موسى
.....
فات الأوان
اتحسر وأقووووول ليه عرفتك من زمان
يا فرفور صوتك خانك عديل كدي
يخيل لي بسبب عدم التركيز
مالك ومال أغاني إبن البادية الصعبة دي
.....
عصام محمد نور ابدع في أغنية وردي
وليهو حق وردي زاتو يشيد بيهو
(لو بتذكرو في حلقة حسن ساتي الله يرحمو)

...

Post: #1443
Title: Re: أغاني وأغاني.. للقدامى والمستجدين..
Author: الزوول
Date: 09-14-2009, 08:25 PM
Parent: #1441

السلام عليكم
......
من المواقف الطريفة
مرة كنت بشاهد في حلقة من برنامج أغنيات من البرامج
تقديم المذيع الرائع (شيبة الحمد )

وكانت الأغنية لثنائي النغم
وعمك شيبة الحمد ده لسانو انعقد
قدر ما داير يقول ثنائي النغم
تطلع ثنائي الغنم
المشكلة البرنامج كان على الهواء مباشرة
..
يا ربي
فرفور اتذكر الحلقة ديك؟؟؟

.....

Post: #1444
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 08:29 PM
Parent: #1443

Quote: فرفور اتذكر الحلقة ديك؟؟؟

لا هو دمع وبكي من قبل الاغنية بتاع ثنائي النغم يبدو انو كان مزنوق والله اعلم

Post: #1445
Title: Re: أغاني وأغاني.. للقدامى والمستجدين..
Author: حبيب نورة
Date: 09-14-2009, 09:14 PM
Parent: #1397

Quote: بالنسبة لافراح دي
قطع شك زول جاب ليها طاقة ستان احمر وقال ليها اتصرفي

وقامت طوالي اتصرفت

يا اخواني شبكةدي ذاااتة حاقدة
زي ناس وجن ودانيا وسارة كرودي
وباقي المعارضة

ياخي سيتان احمر
الهلال الاحمر
إنتي مالك
كدة عاجباااااانا في شنو
الزولة دي أختيها ياخ

كرهتونا

Post: #1446
Title: Re: أغاني وأغاني.. للقدامى والمستجدين..
Author: SHIBKA
Date: 09-14-2009, 09:18 PM
Parent: #1445

حبيب نورة
والله هي الكرهتنا الستان الاحمر

Post: #1447
Title: Re: أغاني وأغاني.. للقدامى والمستجدين..
Author: حبيب نورة
Date: 09-14-2009, 09:22 PM
Parent: #1446

Quote: حبيب نورة
والله هي الكرهتنا الستان الاحمر

ما بسألك يا شبكة
البت عملت ليكن نفسيات
وسويتن معاها حساسيات

السؤال
دة عدم إمكانيات
واللا الأعمال بالنيات

يختي أحلا سيتان و أحلا فستان
الكريم يدي والحسود زعلان

Post: #1448
Title: Re: أغاني وأغاني.. للقدامى والمستجدين..
Author: abubakr
Date: 09-14-2009, 09:23 PM
Parent: #1446

Quote: والله هي الكرهتنا الستان الاحمر

اها يا حبيب نورة خليت شبكة تصحي من نومة بعد الافطار بدرررري .. ياااخ انت مالك والاحمر خليك العب دافوري مع ودالموج هناك في نادي الليق بتاعكم ...

Post: #1449
Title: Re: أغاني وأغاني.. للقدامى والمستجدين..
Author: فيصل نوبي
Date: 09-14-2009, 09:28 PM
Parent: #1448

الزول
Quote: وكانت الأغنية لثنائي النغم
وعمك شيبة الحمد ده لسانو انعقد
قدر ما داير يقول ثنائي النغم
تطلع ثنائي الغنم
المشكلة البرنامج كان على الهواء مباشرة
..
يا ربي
فرفور اتذكر الحلقة ديك؟؟؟

لووووووووووووووووووووول

_
(أمنطق) تحليل لضحكة فرفور الهستيرية اليوم.
الله يجعل أيامكـ كلها باسمة.

Post: #1450
Title: Re: أغاني وأغاني.. للقدامى والمستجدين..
Author: نجوان
Date: 09-14-2009, 09:40 PM
Parent: #1449

Quote: الله
الله
الله لحبي الاندثر
يوم ما ظهر
ما ضاق شباب

الله لقلبي الاحترق
يوم انفتح للجنة باب

الله لشمعات انطفن
يوم الظلام بالفرحة داب

الله لعمري الانتهههههههههي
يوم مابديت أحسب حساب
يا ســـــــلام!

والله أكاد أسمع ابن البادية
وفرقته الماسية!

Post: #1451
Title: Re: أغاني وأغاني.. للقدامى والمستجدين..
Author: حبيب نورة
Date: 09-14-2009, 09:42 PM
Parent: #1448

Quote:
اها يا حبيب نورة خليت شبكة تصحي من نومة بعد الافطار بدرررري .. ياااخ انت مالك والاحمر خليك العب دافوري مع ودالموج هناك في نادي الليق بتاعكم ...

عشنا وشفنا يا دنيا

عليك النبي شبكة دي زولة قلبا أسود
خليني منها
وبعدين أنتي حتة مصوراتي شغال معانا بالقطعة
ما تخش في سياسات الرابطة
علي اليمين ود الموج يعمل فيك مرسوم دستوري يقطع عيشك

وكان لي شبكة
قول ليها البت ذاتة سيتان في غصن بان
مالك لايكاها لبان

وعلي فكرة
شبكة دي مرفوضة لدينا تماماً في الرابطة المنبثقة علي هامش الإعجاب
يعني كراعا ما تختها هناك

يعني بي العربي الفصيح
تختانا عديل كدي

Post: #1453
Title: Re: أغاني وأغاني.. للقدامى والمستجدين..
Author: نجوان
Date: 09-14-2009, 09:54 PM
Parent: #1451

Quote: فات الأوان
اتحسر وأقووووول ليه عرفتك من زمان
يا فرفور صوتك خانك عديل كدي
يخيل لي بسبب عدم التركيز
مالك ومال أغاني إبن البادية الصعبة دي

يا زوولنا كيفك..
لو ركّز قدر ما الله أداه، برضو كان ح يجلّي..

وعلى وزن الفيليه وما الى ذلك،
غنا ناس فرفور زي الشاورما كده، ساندوتشات سريعة لا عمق لها..
وما أبعد الشاورما من الأكل المسبّك ..

Post: #1455
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-15-2009, 00:10 AM
Parent: #1453

Quote: يا زوولنا كيفك..
لو ركّز قدر ما الله أداه، برضو كان ح يجلّي..

نجوان
غناء الفنانين القُدام ياخي دا بصمة ولكل انسان
من يوم مايلدوه بصمة لايستطيع احد تقليدها
وخلوهم يكوركوا ويجعروا وعليك الله
منو في الشباب ديل بقدر على
ليل الكاشف
ولما يقول : الليله ليل كم ليل ويوم سهران ولهان العيون ياعيوني
ومنو في الشباب بقدر على لالات سيد خليفة
لما يقول : لالا مابقدر اودعكم افارقكم لالالالالالالالالا ما بقدر
نجوان احكي ليك
في يوم من الايام في حفله ببحري وقف ابن الباديه في المسرح
وقام بتهنئة العريس وقال انا في نفس المكان قبل 25 عام غنيت
في ختان هذا العريس واليوم اغني لزواجه .
وتعالي شوفي الاناقه والشياكة والصوت نفس الصوت الجميل

_________________________
نجوان يكفي انك جمعتينا ومتنازل بكامل جائزتي ليك

Post: #1458
Title: Re: أغاني وأغاني.. للقدامى والمستجدين..
Author: نجوان
Date: 09-15-2009, 06:23 AM
Parent: #1455

Quote: وتعالي شوفي الاناقه والشياكة والصوت نفس الصوت الجميل
وهو كذلك!

Post: #1454
Title: Re: أغاني وأغاني.. للقدامى والمستجدين..
Author: SHIBKA
Date: 09-14-2009, 11:33 PM
Parent: #1451

حبيب نورة
خليكم مع الحمار دا انشا الله يزغلل عيونكم
اصلكم مزغللين لما ما فارزين الكويس من الكعب

محلكم ما عجبني كلو كلو عشان كدا ما بجيكم

Post: #1456
Title: Re: أغاني وأغاني.. للقدامى والمستجدين..
Author: طارق ميرغني
Date: 09-15-2009, 00:11 AM
Parent: #1454

Quote: عصام محمد نور ابدع في رائعة وردي ..عذّبني وزيد عذابك..
عصام كان مصحصح وعنده طاقة (خلافا للمعتاد منه)
الأغنية مناسبة جدا لصوته ..

يا ســـلام.. غفرنا لك يا عصام ما تقدّم من ذنبك وما تأخر..

اختنا نجوان في الجزء الاول معاك

ام الجزء الثاني فلا...

Post: #1457
Title: Re: أغاني وأغاني.. للقدامى والمستجدين..
Author: نجوان
Date: 09-15-2009, 06:22 AM
Parent: #1456

Quote: اختنا نجوان في الجزء الاول معاك

ام الجزء الثاني فلا...
ممكون.. باين عليك يا طارق..
الله يسامح الكانوا السبب!

Post: #1459
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 06:28 AM
Parent: #1457

Quote: وبعدين أنتي حتة مصوراتي شغال معانا بالقطعة
ما تخش في سياسات الرابطة

... هي لو ما صوري الاحترافية هسع كان شفت احمر واللا اخدر واللا عملت رابطة يربطوك من نخرتك قول انشا الله

Post: #1460
Title: Re: أغاني وأغاني.. للقدامى والمستجدين..
Author: Tabaldina
Date: 09-15-2009, 09:00 AM
Parent: #1459

..
.
ريماز ميرغنى ومنار الصديق
حقيقة ادائه كان رائع فى اغنية
يا اجمل حبيب ..
وصراحة ذكرنى اداء ايمان وامانى

عصام محمد نور تميز .. كعادته
وهو الوحيد الذى تغنى باخلاص وحافظ على مستواه

عصام البنا اداء الاداء الطبيعى
وبعد داك قعد يعاين من علِ .. لا يشارك ولا
حتى يتكرم بالمتابعة !!؟؟

__________

يا ملاسي شفت الخاتم رجع
حتابعو ليك تلفون وصورة :)

بس بالله ورينى فرفور دا كان بضحك لمن بكى فى اغنية البنا
مالو !! غايتو خفه دم .. بتجيب ضغط

Post: #1461
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 11:17 AM
Parent: #1460

ياجماعة ممكونة وين ؟؟واللا الاناقة الزائدة بتاعة الجماعة سوتليها حساسية

Post: #1468
Title: Re: أغاني وأغاني.. للقدامى والمستجدين..
Author: mamkouna
Date: 09-15-2009, 01:55 PM
Parent: #1461

Quote: ياجماعة ممكونة وين ؟؟واللا الاناقة الزائدة بتاعة الجماعة سوتليها حساسية

ممكونة قاعدة و صابرة...و ماعارفة تكتب شنو...اللي نقولو نعيدو..
البرنامج ممل ممل ممل...و ال Fashion Crimes إبتدت تبقى جرائم في حق الإنسانية! و إبتدت تجيب المرارة و الفشفاش و متلازمة المش عارف ايه..
ملاحظاتي ليوم الأمس...

* فرفور كان بيضحك سولو..أنا برضو ضحكت - حتى بانت بالأربعين -لما شفت ساعة الحائط التي تزيٌن معصمه.
* لاحظت شعيرات بيضاء متفرقة عند ندوري ..الظاهر صبغتو من النوع المضروب...انصحو يجيب من بتاعت عبدالعزيز المبارك.
* ( عذبني و زيد عذابك ) كان لسان حال الشاعر محمد يوسف موسى و هو يستمع لأوان فرفور.
* رماز و منار
* لاحظتو من الحلقات الاولى للبرنامج للبسمات و النظرات الحلوة بين رماز و عصام كوجين !!

أي تفسير ؟؟؟

Post: #1462
Title: Re: أغاني وأغاني.. للقدامى والمستجدين..
Author: Manar Mahsoub
Date: 09-15-2009, 11:22 AM
Parent: #1460

يا جماعة خديجة اتكسرت و له شنو؟؟لى زمن ما شفتها بتبص على الجيران ....

بدون ضيف الجماعة ما بيكونو عندهم اى موضوع فى وجود ضيف بيقولو الحمد لله ممكن نركز شوية

Post: #1463
Title: Re: أغاني وأغاني.. للقدامى والمستجدين..
Author: نجوان
Date: 09-15-2009, 11:37 AM
Parent: #1454

العزيزة شبكة
ما بلومك والله..

المشكلة يا ناس ما في الستان الأحمر،
المشكلة في الذوق التعيس..

الساتان الأحمر قد يكون رائع، بس للأسف ما على النيل الأزرق..

Post: #1464
Title: Re: أغاني وأغاني.. للقدامى والمستجدين..
Author: Hussein Mallasi
Date: 09-15-2009, 11:52 AM
Parent: #1463

Post: #1465
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-15-2009, 12:58 PM
Parent: #1464

يا جماعة النصيحة دي ما تطلعوها
الله ده بيسألكم منها !!!
عاصم البناء ده اكتر زول مستواها
متدهور في البرنامج والسبب هو نفسو
والسر قدور ذاتو سبب كيف؟! لانو عاصم البناء
عارف تمام انو امكانياتو بتبين
وبقوة في غناء الحقيبة ومفروض يحرص
ويركز علي كده وما ينساق وراء عمكم
السر قدور في ترديد الغناء لفنانين
الغناء من غير الحقيبة .
بس لوعايز يغني شعبي يغنيهو برضو لانو
قريب لامكانياتهو الصوتية .
عارف الكلام ده ما حيعجب ناس كتار الزول
ده صاحبهم وفردتهم بس طلعو النصيحة ياخ!

Post: #1466
Title: Re: أغاني وأغاني.. للقدامى والمستجدين..
Author: طارق ميرغني
Date: 09-15-2009, 01:16 PM
Parent: #1465

Quote: اختنا نجوان في الجزء الاول معاك

ام الجزء الثاني فلا...

ممكون.. باين عليك يا طارق..
الله يسامح الكانوا السبب!

اختي نجوان

والله ما فهمت ردك

لكني قصدت ان عصام محمد نور بالفعل ابدع في رائعة وردي عذبني واداها بصوره جيده وان الاغنيه كانت

مناسبه مع صوته.

اما اننا غفرنا له ما تقدم من ذنبه وما تاخر .... فلا...

ولك ودي

Post: #1467
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-15-2009, 01:42 PM
Parent: #1466

يا سفيان اخوى

انا غايتو كلامك عاجبنى

Post: #1469
Title: Re: أغاني وأغاني.. للقدامى والمستجدين..
Author: Hussein Mallasi
Date: 09-15-2009, 02:17 PM
Parent: #1467

Quote: البرنامج ممل ممل ممل

شكراً.

Post: #1470
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 02:43 PM
Parent: #1469

انا كنت فاكر من الاول انو عمكم السر باختيارو لتسعة اصوات تشاركو في البرنامج دة حيستفيد من تنوع امكانات كل صوت ويخلي كل صوت يغني البيناسبو ولكن الحكاية طلعت فتة ساااااي يعني مثلا انا ذااااتي كااان ممكن اسوي زي البيسو جماعة في البرنامج دة.. اصلو اندنا كولنا بنغني مع الشار( المطرب علي حد قولكم )...

Post: #1471
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 05:23 PM
Parent: #1470

الاسود غالب لكن في بنفسجي غامق واحمر

Post: #1472
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 05:26 PM
Parent: #1471

عندي شعور انو الحلقة حتكون زي الصورة دي .. وكل واحد فيكم علي كيفو

Post: #1473
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 05:28 PM
Parent: #1472

انشاء الله خديجة دي ما تقووووم

ياااخ ممليين

Post: #1474
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 05:30 PM
Parent: #1473

طالما الحليب طعمو ما عادي يعني معفن...

Post: #1475
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 05:34 PM
Parent: #1474

حلفت ما اكل بامية ... بزيت صباح

Post: #1476
Title: Re: أغاني وأغاني.. للقدامى والمستجدين..
Author: نجوان
Date: 09-15-2009, 05:41 PM
Parent: #1475

Quote: طالما الحليب طعمو ما عادي يعني معفن...
لاااا.. في زول ممكون أكتر من طارق ميرغني وممكونة ذاتها!

______
متفائلين خير يا باش بعد شلالات الزيت والحليب البايظ
الحلقة عن الجميل الأستاذ العاقب محمد حسن..

Post: #1478
Title: Re: أغاني وأغاني.. للقدامى والمستجدين..
Author: احمد العربي
Date: 09-15-2009, 05:46 PM
Parent: #1476

الناس الجميلين
بقيادت نجوان
والباشمهندس

كالعاده عصام يتماوت في الغناء
ويجيبو معسم التقول واقع من راكوبه

انا غايتو طلعت بي نتيجه
كان ناس صديق الموج ديل يرضو ولا يطقو

البرنامج ده رقم واحد فيهو منار

ومنار
ومنار

في كلاما وابتساما
مودتي

Post: #1481
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 05:58 PM
Parent: #1476

Quote: متفائلين خير يا باش بعد شلالات الزيت والحليب البايظ

جدا متفائل اصلو العاقب هو الخلاني احب الغنا بالعربي ( قبل داك غنا الناطقين بغيرها بس )

Post: #1477
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 05:45 PM
Parent: #1475

الموضوع عن الاستاذ
العاقب محمد حسن

عصام محمد نور في ادليللي كلمات عمكم

_________
غايتو عجبتني خالص بالله ما يجي واحد ناطي يقول ما عجبتو اصلو انا بقيت ديكتاتور متاثرا بعمك السر

Post: #1479
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 05:49 PM
Parent: #1477

القمرية منار في غني ياقمري

--------

سلطنة ...

Post: #1480
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 05:54 PM
Parent: #1479

اول من غني للامير عبدالله الفيصل في العام 1953 نجوي

شريف يصدح ياحليلك ياسمر

_____

ياعيني ....

Post: #1482
Title: Re: أغاني وأغاني.. للقدامى والمستجدين..
Author: نجوان
Date: 09-15-2009, 06:03 PM
Parent: #1480

مع ود العربي..
عصام قتل تدللّي.. دون رحمة..

منار أداء حلو..
لكن كان ممكن يكون أحلى ..

شريف أبدع في يا حليلك يا أسمر
أداء جميل وصوت أجمل..
يا ســـــلام عليك يا ابو الشوش..

_____
التحية للفنان الراقي نجم الدين الفاضل..

Post: #1493
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 06:27 PM
Parent: #1482

Quote: التحية للفنان الراقي نجم الدين الفاضل..

فنان مهذب جدا وانيق

Post: #1483
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 06:04 PM
Parent: #1480

وانا اقوول !! شنو يعني بدروومات يانجوان ؟؟
ما قلتو عرب ...

Post: #1484
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 06:09 PM
Parent: #1483

المصيرك تنجرح

باصوات نادر ( وانا مااالي )

Post: #1485
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 06:11 PM
Parent: #1484

فردتنا اصر انو عمكم يلقي قصيدة غريب الشوق

Post: #1488
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 06:18 PM
Parent: #1485

فردتنا وعصام مشاركا في ياحبيبي نحن اتلاقينا

وعمكم متاثرا

__________

الغنية دي لابقة علي ريماز وممكن افراح

Post: #1487
Title: Re: أغاني وأغاني.. للقدامى والمستجدين..
Author: نجوان
Date: 09-15-2009, 06:15 PM
Parent: #1484

يالمصيرك تنجرح (اعتقد موجهة للمشاهد المسكين)..
أداء مدرسي آخر من نادر..

_____
ودلوقت فردتنا بيعاني شديد في محاولة لأداء عايز اشوفك..
الأستاذ العاقب لونية لا تنسجم والصوت البدوي..

Post: #1486
Title: Re: أغاني وأغاني.. للقدامى والمستجدين..
Author: احمد العربي
Date: 09-15-2009, 06:12 PM
Parent: #1483

Quote:
مع ود العربي..
عصام قتل تدللّي.. دون رحمة..

منار أداء حلو..
لكن كان ممكن يكون أحلى ..

شريف أبدع في يا حليلك يا أسمر
أداء جميل وصوت أجمل..
يا ســـــلام عليك يا ابو الشوش..

التحيه ليك ولي روحك الحلوه
لكنانا قاصد انو منار دي نجمه
والناس كان ينتبهو ليها
بدل ما يبارو لي الحواجب والشنو ما عارف

اها رايك شنو نعمل ليها رابطة معجبين

يا باشمهندس ليك التحايا
والمجهود الجبار ده
بعدين لاحظ انو انا قلت عن منار قبل ماتغني
اما عصام ده اي غنيه ادوها ليهو وداها المغابر

كتلنا كتل مفروض (يخلوهو كومبارس يس)
اما اتنين تاني بصرخو ويتخنقو ويرفسو في الغنا
حقو كان من اول حلقه يخلوهم مستمعين زينا
والفرده ميه الميه اقصد زميلنا عاصم

Post: #1489
Title: Re: أغاني وأغاني.. للقدامى والمستجدين..
Author: احمد العربي
Date: 09-15-2009, 06:21 PM
Parent: #1486

Quote: الأستاذ العاقب لونية لا تنسجم والصوت البدوي

متفق معاك ميه الميه

وعايز انط من كلامي الفوق داك عن الفرده
لانو ادا متواضع جدا

العاقب صوت رخيم

مفروض يفني ليهو زول صوتو باص

مودتي

Post: #1492
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 06:24 PM
Parent: #1489

Quote: مفروض يفني ليهو زول صوتو باص

يالعربي دييل ركبونا بص ما فيهو عجلة اسبير

Post: #1490
Title: Re: أغاني وأغاني.. للقدامى والمستجدين..
Author: نجوان
Date: 09-15-2009, 06:21 PM
Parent: #1486

Quote: اما اتنين تاني بصرخو ويتخنقو ويرفسو في الغنا

من أبلغ ما قرأت في هذا المكان

____
فردتنا والصراع مع عصام محمد نور على وظيفة الحانوتي..

Post: #1491
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 06:21 PM
Parent: #1486

الله يرحمك يالعاقب واحدين الليلة دي جعلوك تتقلب في قبرك .... دة كلام

Post: #1494
Title: Re: أغاني وأغاني.. للقدامى والمستجدين..
Author: نجوان
Date: 09-15-2009, 06:28 PM
Parent: #1491

وحياتك يا باش صورة الجميع وقوفا عند نهاية مجزرة أغنية عايز اشوفك.. وتشييع جثمان الأغنية..

Post: #1495
Title: Re: أغاني وأغاني.. للقدامى والمستجدين..
Author: احمد العربي
Date: 09-15-2009, 06:29 PM
Parent: #1491

Quote:
يالعربي دييل ركبونا بص ما فيهو عجلة اسبير

يا باشمهندس

هو بالله ده كان بص؟؟؟؟

Post: #1496
Title: Re: أغاني وأغاني.. للقدامى والمستجدين..
Author: maia
Date: 09-15-2009, 06:42 PM
Parent: #1495

Quote: وحياتك يا باش صورة الجميع وقوفا عند نهاية مجزرة أغنية عايز اشوفك.. وتشييع جثمان الأغنية..

قريبناابوبكر ونجوان والله ما قلتوا الا الحق

الليلة اغنية يا حبيبي نحنا اتلاقينا مرة تم بشتنتها وبهدلتها على مرأى ومسمع مننا مشاهدين الحلقة وعمنا السر قدور وفريق اغاني واغاني الاساسي والاحتياطي فرحانين وسعيدين جدا !!!

ده كلام بالله !!
لاحولا ولاقوة الا بالله

عاصم البنا اشبع هذه الاغنية الرائعة (حقبنة) وعصام محمد نور واصل في تطويل الاغنية يعني بهدلها للاخر

اغاني الاستاذ العاقب والله ما بتحتمل البشتنة دي

له الرحمة والمغفرة

Post: #1498
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 06:48 PM
Parent: #1496

Quote: اغاني الاستاذ العاقب ما بتحتمل البشتنة دي

اخر واحد يستاهل البشتفة .. يعني عمكم قال انو صاحبو وسكنو سوا وووو ويقوم يبشتفو كدة ..لو فكرو شوية واستعانو باصوات تناسب كل مقام ومقال لما اضاعو كل الجهد هكذا في سبهللية ...صبرنا علي اللبس والجعيير والفرفرة والوان قوس قزح اها غني صاح ما بيقدرو عليهو ؟؟

Post: #1501
Title: Re: أغاني وأغاني.. للقدامى والمستجدين..
Author: maia
Date: 09-15-2009, 06:58 PM
Parent: #1498

Quote: اخر واحد يستاهل البشتفة .. يعني عمكم قال انو صاحبو وسكنو سوا وووو ويقوم يبشتفو كدة ..لو فكرو شوية واستعانو باصوات تناسب كل مقام ومقال لما اضاعو كل الجهد هكذا في سبهللية ...صبرنا علي اللبس والجعيير والفرفرة والوان قوس قزح اها غني صاح ما بيقدرو عليهو ؟؟

الاستاذ العاقب محمد حسن فعلا والله اخر من يستاهل البشتنة كان بيقدم اغانيه بمنتهى الجمال والرقي والهدوء

الليلة حسيت الاغنية كاني بسمعها بطريقة ( من ربوع البادية)

Post: #1499
Title: Re: أغاني وأغاني.. للقدامى والمستجدين..
Author: نجوان
Date: 09-15-2009, 06:48 PM
Parent: #1496

عاصم وعصام الليلة يا مايا اتعولقوا وعولقونا معاهم..

______
رجاء النظر للجانب المشرق في هذه المأساة: فرفور مسجّل غياب (والا كان تمّت الناقصة)..

Post: #1505
Title: Re: أغاني وأغاني.. للقدامى والمستجدين..
Author: maia
Date: 09-15-2009, 07:04 PM
Parent: #1499

Quote: رجاء النظر للجانب المشرق في هذه المأساة: فرفور مسجّل غياب (والا كان تمّت الناقصة)..

والله يا نجوان اول حاجة لما يبدا البرنامج بعمل مسح على الموجودين
لما يكون فرفور ما موجود بشكر ربنا

برضو زي ما قلتي في جانب ايجابي في حلقة الليلة
الليلة لو كان موجود قطع شك كانت حتكتر حالات المرارة وقرحة المعدة

Post: #1497
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-15-2009, 06:43 PM
Parent: #1491

Quote: شريف أبدع في يا حليلك يا أسمر
أداء جميل وصوت أجمل..
يا ســـــلام عليك يا ابو الشوش

يانجوان
والله الود صوتو مريح على الاذن
والله انا شخصيا برتاح عند سماعة حتى
اذا كان الاداء بعض الاحيان متوسط
ابوبكر هندسه
بالله كلمو فردتكم وقولوا ليهو اليوم زبحتنا
وانا وصلت رساله لفرفور بأنه زبحنا في اغاني بسكين ميته
واتمنى ناس كمان توصل رسائل لنادر وعصام محمد نور
ولا رايك شنو يا طارق ( ابوالفن) وانت سيد العارفين
اما السر قدور
لانلومه لانه كبير في السن بل نلوم بناته وزوجته اذا موجوده
كيف يخرجوه من البيت بهذا الشكل ( النظافه من الايمان )

Post: #1500
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 06:53 PM
Parent: #1497

Quote: بالله كلمو فردتكم وقولوا ليهو اليوم زبحتنا

ياوليد شلاقة مننا ساااي هو صاحب فردتنا العرفنا بيهو(المرتضي) ومن اول حلقة خاصم البرنامج والبوست ويمكن جاور كمان ونحن بقينا ملكين اكتر من الملك ... معقولة يعمل كدة في العاقب محمد حسن ؟؟ ليه .. يااخ صوتو البدوي الجميل في بداوته ليس لكل المقامات والالحان فلماذا سمك لبن تمر هندي ؟؟...

________
كلو منك ياملاسي

Post: #1503
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 07:02 PM
Parent: #1500

Quote: اما السر قدور
لانلومه لانه كبير في السن بل نلوم بناته وزوجته اذا موجوده
كيف يخرجوه من البيت بهذا الشكل ( النظافه من الايمان )

الامر جد شخصي ولا يرتبط بعمر انا برضو كبير في السن نسبيا ... عدم الاهتمام بالمظهر هو عدم اهتمام بالمشاهد والمسئول اساسا هو مخرج البرنامج ويبدو انه غير ملم بابجديات مهنته او عمله الذي يقتات منه ...ازداد يقينا كلما اشاهد الفضائيات السودانية ببؤس الاخرج والاعداد عموما وزلنطحية من يكتبون اسمائهم باحرف كبير اخراج فلان واعداد فرتكان ...المخرج هو Director بالانجليزية وهو الموجه والمنظم والمدير لكل الذي تحت امرته وليس اسما وعنوانا وزحمة في الفاضي ...

Post: #1504
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-15-2009, 07:02 PM
Parent: #1500

Quote: ياوليد شلاقة مننا ساااي هو صاحب فردتنا العرفنا بيهو(المرتضي) ومن اول حلقة خاصم البرنامج والبوست ويمكن جاور كمان ونحن بقينا ملكين اكتر من الملك ... معقولة يعمل كدة في العاقب محمد حسن ؟؟ ليه .. يااخ صوتو البدوي الجميل في بداوته ليس لكل المقامات والالحان فلماذا سمك لبن تمر هندي ؟؟

بصراحه ياهندسه
هذا ليس عاصم البنا الذي نعرفة
ياخي الزول ده وقت يمسك العود ويتحكر ويغني
تسمع الطرب الاصيل.

Post: #1508
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 07:14 PM
Parent: #1504

Quote: بصراحه ياهندسه
هذا ليس عاصم البنا الذي نعرفة
ياخي الزول ده وقت يمسك العود ويتحكر ويغني
تسمع الطرب الاصيل.

تعرف ياوليد دي مشكلة سودانية بحته نساهم فيها جميعا فخلط التخصص بالعام بحيث تروح اثار خصوصية المعرفة في زحمة التعميم المعرفي امر واسع الانتشار بيننا .. لو اهتممنا بتفاصيل وحذق تخصصاتنا بحيث يكون اداؤنا وفقا لها لكان المردود عظيما

Post: #1502
Title: Re: أغاني وأغاني.. للقدامى والمستجدين..
Author: Raja
Date: 09-15-2009, 07:01 PM
Parent: #1497

الأحباب نجوان وأبوبكر وضيوفهم..

خواتيم مباركة زي ما بيقول أهلنا في اليمن..

متابعة هنا وهناك.. وبجد البوست به نقد حقيقي أعجبني كثيرا..

وبالله يا جماعة بالراحة على عمي السر.. أنا شخصيا مبسوطة ليهو كتير إنه قدر ينقل لينا بعضا مما ورثه من فن وطرب..
أتذكر ايام جريدة "الخرطوم" في القاهرة، وبعد إنتهاء عملنا. كنا نجلس حوله (جميع الصحفيين) لنستمع لحكاويه واغانيه. وقد فكرنا أكثر من مرة أن نحتفظ بهذه الذكريات مكتوبة.. سعادتي الآن أنه تمكًن من حفظ هذا الإرث في البرنامج الممتع "أغاني وأغاني"..

* طبعا ولأول مرة أعجب بالفنان نادر خضر.. وأصبح من مريديه

شكرا كثيرا لكما.. وعيدكم ســـعــــيـــد

Post: #1506
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 07:08 PM
Parent: #1502

Quote: * طبعا ولأول مرة أعجب بالفنان نادر خضر.. وأصبح من مريديه

رجوية سلام باقي لي كوارييك القاهرة زائد اصوات القصف في صعدة وجبال صنعاء مع ابواليمن ادتك مناعة ضد الاصوات الجبلية والعالية ...
______

عمك السر لو رتب افكارو واعد ما يقول مسبقا لكتب تاريخا اما سرد التاريخ كونسة عشوائية غير مرتبة فهي تضيع انسيابية الاحداث واثرها

Post: #1510
Title: Re: أغاني وأغاني.. للقدامى والمستجدين..
Author: Raja
Date: 09-15-2009, 07:21 PM
Parent: #1506

ههههههه يا أبوبكر..

وحاتك قصف جبال صنعاء وصعدة في إضنيننا للصباح..

لكن الزول ده أنا بصراحة كنت (مكجًناهو). ولما زارنا مرة في الجريدة إتعاملت معه ببرود على غير العادة (ما عارفة ليه).

دلوقت رأيي إتغيًر 180 درجة. وبديت أتذكر الزول الكان بيغني الأغاني الحبشية.. أظنه كان هو نفسه (بالله ما تضحكو على لو المعلومة غلط) لأن متابعاتي للفنانين السودانيين إنتهت من زي عشرين سنة. لغاية ما سنة 2005 بقيت اريد معتز صباحي (أريد غناهو وهو زااتو). لدرجة متابعته هسع في قناة ساهور..

Post: #1514
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 08:05 PM
Parent: #1510

Quote: دلوقت رأيي إتغيًر 180 درجة. وبديت أتذكر الزول الكان بيغني الأغاني الحبشية.. أظنه كان هو نفسه (بالله ما تضحكو على لو المعلومة غلط) لأن متابعاتي للفنانين السودانيين إنتهت من زي عشرين سنة. لغاية ما سنة 2005 بقيت اريد معتز صباحي (أريد غناهو وهو زااتو). لدرجة متابعته هسع في قناة ساهور..

دة كمان قبل ما تمشي اليمن ؟؟ اها نتحزم ونلبس خنجر وناكل قات كمان

Post: #1507
Title: Re: أغاني وأغاني.. للقدامى والمستجدين..
Author: نجوان
Date: 09-15-2009, 07:13 PM
Parent: #1502

مرحب يا رجاء وكل سنة وانتي طيبة..

معاك في تقدير الأستاذ قدور..
وحقيقي نحن ممتنين لوجوده وسط الشباب ديل.. وسرده القّيم كشاهد على العصر الذهبي في تاريخ الفن السوداني..
والبرنامج حقه .. وله ان يروي من منظوره.. ومن يختلف معه بإمكانه عمل برنامج تاني..
ربنا يديه الصحة..

ونادر خضر.. ذوق وتهذيب عالي جدا..

____
بتفق مع الباش يا وليد.. هذه امور شخصية..
أضع اللوم على طاقم البرنامج، لأن المظهر كان شنيع عند الكل.. وليس قدور وحده..
بشتنة.. بهرجة.. عدم تناسق.. كله موجود..

ولا تنسى ديكور جنّة الأطفال في حلقات كثيرة..

Post: #1509
Title: Re: أغاني وأغاني.. للقدامى والمستجدين..
Author: سيف الدين مصطفى كرار
Date: 09-15-2009, 07:15 PM
Parent: #1502

فعلا العاقب محمد حسن يستحق ذلك التكريم لمكانتة المميزة فى مجال الغناء السودانى والعربى

ولحنة وصوتة ,مما اكسب هذة الحلقة طعما رائعا مواصلة للابداعات السابقة

وتواصل الابداع.

سلام

Post: #1511
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-15-2009, 07:23 PM
Parent: #1502

بسم الله الرحمن الرحيم
السلااااامو عليكم يا ناس

معقول ياناس حلقة عن الفنان
والملحن العظيم العاقب محمد
حسن وما يغنو اغنية الصخرة؟؟!!
هذه الصخرة من اجمل الكلمات
والالحان السودانية وتجلت فيها
العبقرية اللحنية في اللحن وفي
المقدمة الموسيقية .
لا حولة ولا قوة إلا بالله

اغنيات العاقب من الاستحالة آدائها
لصوت اخر غير العاقب لكن فيما سبق
نجح خالد الصحافة في آداء :- هذه
الصخرة واظن أن عادل مسلم لما يملك
من خامة صوت يمكنه آداء اغنيات العاقب
بشكل مناسب.

حزين لما احدثه عاصم و عصام اليوم

بالجد فردتكم ده كلموهو
ووعوه خلوهو يركز في الحقيبة
ويبطل شوبير اها نبقي في جنس
الصوت مقصر كل يوم؟!!!!!!
يا عاصم البناء كان بتقرأ والا
في زول بيقرأ ويكلمك اسمعو سمح:-
انت اي اغنية غير حقيبة ابعد عنها
وارحم نفسك وارحمنا الله يفتح عليك.

معقول ياخ البتسويهو في الاغنيات ده؟!

Post: #1512
Title: Re: أغاني وأغاني.. للقدامى والمستجدين..
Author: abubakr
Date: 09-15-2009, 07:56 PM
Parent: #1511

Quote: وما يغنو اغنية الصخرة؟؟!!

يابني حرام عليك جايب ليهم صخرة كمان يطقعونا بيها زيادة علي السو فينا وفي المرحوم العاقب ... يادوب قلنا يالله السلامة ..

Post: #1513
Title: Re: أغاني وأغاني.. للقدامى والمستجدين..
Author: طارق ميرغني
Date: 09-15-2009, 08:04 PM
Parent: #1512

الاخت نجوان

يبدو ان ردي الفئت لم يكن بالصورة المطلوبه يعني شوية كوبي اند بيست وشوية اقتباس لخبطو الشغلانه وجاء ردي كانه تكرار لما قلتي

قصدت باني معك في الجزء الاول لم قلتيه في صفحة خمستاشر انني اتفق معك في ان عصام محمد نور اجاد في اغنية وردي عذبني بالفعل وكان رائعا

اما فانا لا اتفق معك في ان نغفر له ما تقدم من ذنبه وما تاخر

لانو مرضنا كتير ولو خلينا ليهو الحبل علي الغارب فحينجضنا او كي

ام حلقه اليوم اتفق تماما مع اخي وليد عبد اللطيف بان نادر خضر وشريف كانا نجميها دون منازع

Post: #1515
Title: Re: أغاني وأغاني.. للقدامى والمستجدين..
Author: نجوان
Date: 09-15-2009, 08:47 PM
Parent: #1513

سلام طارق..
فهمت كلامك مضبوط.. وكان تعليقي انه الجماعة ديل نجضونا تمام..
فأصبحنا ممكونين..
جميعا..

_____
تضامني مع فردتنا في محنته..
اشبه بمحنة الأستاذ شرحبيل الموسم الفات..

Post: #1516
Title: Re: أغاني وأغاني.. للقدامى والمستجدين..
Author: الزوول
Date: 09-15-2009, 08:55 PM
Parent: #1513

السلام عليكم
......

غايتو أغنية العاقب محمد حسن اتدللي
صادفت نفس الطريقة النعسانة لعصام محمد نور
لذا فقد غناها وهو مرتاح للآخر
ولن نستطيع لومه ... فهذه طبيعة الأغنية

......
ما ممكن زول يغني غنية (غنى يا قمري) أكعب من منار صديق
وكمان معاها غلطات شنيعة في الكلمات
غني يا قمري وأشدو بالنجوى
غني للدنيا في الغرام (نشوى)
الغريبة الكورس الكان بيردد وراهاعاصم وعصام ونادر
رددوا نفس الغلطة
طبعاً منار اضطرت تعيد الكوبليه مرة تانية
....
الحسنة الوحيدة الليلة شريف الفحيل
الود ده موهوب فعلاً
...
.....
فردتنا ده مالو؟؟
مكشر؟ ...مودر؟...مدستر؟...مبنشر؟
....
ألغاز البرنامج بقت يومية
يوم فرفور يضحك لمن يبكي
يوم الجماعة يعملوا وقوف بدون سبب
غايتو بالحالة دي
ما بعيد عمك فرفور
(لما يرجع بالسلامة)
يقوم يوم يقلب لينا هوبة
زي بتاعة مهند الطاهر ديك
غايتو الله في
....

Post: #1517
Title: Re: أغاني وأغاني.. للقدامى والمستجدين..
Author: mamkouna
Date: 09-15-2009, 10:42 PM
Parent: #1516

Quote: فردتنا ده مالو؟؟
مكشر؟ ...مودر؟...مدستر؟...مبنشر؟

Post: #1518
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-15-2009, 10:43 PM
Parent: #1516

Quote: ألغاز البرنامج بقت يومية
يوم فرفور يضحك لمن يبكي
يوم الجماعة يعملوا وقوف بدون سبب
غايتو بالحالة دي
ما بعيد عمك فرفور
(لما يرجع بالسلامة)
يقوم يوم يقلب لينا هوبة
زي بتاعة مهند الطاهر ديك
غايتو الله في

الزول . الظريف القبل الشاطي بيتو
اقول ليك قوله اول مااشاهد حلقة وفيها صديقي فرفور اقول يالله استر
ومن الطرائف يوم في رحله ومعنا حسان الحله صاحبنا فرفور يقوم يطلع الشجره ويغني
يعني الهوبه واراده وكمان رقصة (ميلا لاعب الكميرون )

___________________________
الزول .. فرفور متأثر بحركات الفنان (خضر بشير ) الذي كان يجلس في منزلهم اغلب وقته .

Post: #1519
Title: Re: أغاني وأغاني.. للقدامى والمستجدين..
Author: ALGARADABI
Date: 09-15-2009, 11:55 PM
Parent: #1518

Quote: هذه الصخرة من اجمل الكلمات
والالحان السودانية[/QUOTE

ا
لاخ سفيان
سلام
شاعر هذه الصخرة ليس سوداني
وهو الشاعر مصطفي عبد الرحمن اعتقد انو مصري

وهي فعلا من أجمل أغاني العاقب واشاركك الاستغراب في عدم غنائها

يا حبيبي ظمأت روحي وحنت للتلاقي
وهفا قلبي الي الماضي وناداني اشتياقي
أنا ظمآن الاقي من حنيني ما ألاقي
فاسقني
واملأ من النور ليالي البواقي

Post: #1520
Title: Re: أغاني وأغاني.. للقدامى والمستجدين..
Author: طارق ميرغني
Date: 09-16-2009, 00:25 AM
Parent: #1519

Quote: فردتنا ده مالو؟؟
مكشر؟ ...مودر؟...مدستر؟...مبنشر؟

يا زوول ...دي بالغت فيها....!!!

Post: #1521
Title: Re: أغاني وأغاني.. للقدامى والمستجدين..
Author: abubakr
Date: 09-16-2009, 04:37 AM
Parent: #1520

غايتو بعد الحلقة دة اكان فرفور واللا جن الاحمر وتتراسايكليين انا ما خصاني اكان دايريين ليكم مصوراتي غيري بطريقتكم هو ود داعة تفطش بهين دييل يطفشو الجن عدييل ...

Post: #1524
Title: Re: أغاني وأغاني.. للقدامى والمستجدين..
Author: Tabaldina
Date: 09-16-2009, 07:45 AM
Parent: #1520

..
.

Quote: شريف أبدع في يا حليلك يا أسمر
أداء جميل وصوت أجمل..
يا ســـــلام عليك يا ابو الشوش

شكرا

___________

والله يا عاصم غايتو البرنامج دا السنه دى
بصراحة ابان عيوبكم الغنائية تماما
ومنه تستفيد ..

Post: #1522
Title: Re: أغاني وأغاني.. للقدامى والمستجدين..
Author: abubakr
Date: 09-16-2009, 04:40 AM
Parent: #1518

Quote: ومن الطرائف يوم في رحله ومعنا حسان الحله صاحبنا فرفور يقوم يطلع الشجره ويغني
يعني الهوبه واراده وكمان رقصة (ميلا لاعب الكميرون )

حمدالله علي السلامة الماطلعت شجرة دوم منبتة ياكم دحين كنتو ناس سلاح اشارة ساااي

Post: #1523
Title: Re: أغاني وأغاني.. للقدامى والمستجدين..
Author: Hussein Mallasi
Date: 09-16-2009, 07:45 AM
Parent: #1522

Quote: ونادر خضر.. ذوق وتهذيب عالي جدا..

نادر خضر نموذج لما يجب أن يكون عليه الفنان.

Post: #1525
Title: Re: أغاني وأغاني.. للقدامى والمستجدين..
Author: omer osman
Date: 09-16-2009, 07:55 AM
Parent: #1523

Quote: ما بعيد عمك فرفور
(لما يرجع بالسلامة)
يقوم يوم يقلب لينا هوبة
زي بتاعة مهند الطاهر ديك
غايتو الله في

Post: #1526
Title: Re: أغاني وأغاني.. للقدامى والمستجدين..
Author: Hussein Mallasi
Date: 09-16-2009, 07:56 AM
Parent: #1523

مثلما ساهم البرنامج في بزوغ نجم عاصم البنا فانه سيكون سبباً في أفوله.

Post: #1528
Title: Re: أغاني وأغاني.. للقدامى والمستجدين..
Author: omer osman
Date: 09-16-2009, 08:00 AM
Parent: #1526

Quote: مثلما ساهم البرنامج في بزوغ نجم عاصم البنا فانه سيكون سبباً في أفوله.

Post: #1527
Title: Re: أغاني وأغاني.. للقدامى والمستجدين..
Author: omer osman
Date: 09-16-2009, 07:58 AM
Parent: #1523

Quote: نادر خضر نموذج لما يجب أن يكون عليه الفنان.

Post: #1529
Title: Re: أغاني وأغاني.. للقدامى والمستجدين..
Author: Tabaldina
Date: 09-16-2009, 08:24 AM
Parent: #1527

..
.
Quote: نادر خضر نموذج لما يجب أن يكون عليه الفنان.

خير الكلام ما قل ودل ..
عموما انا متاكد انو عاصم يكون ندم
على مشاركته لسنه دى
______

مقال الاحداث نقدى اكثر من ان يكون تشجيعا
البركة فى الصورة ..

Post: #1530
Title: Re: أغاني وأغاني.. للقدامى والمستجدين..
Author: abubakr
Date: 09-16-2009, 09:28 AM
Parent: #1529

التعامل او الاستماع الي كل واحدة وواحد من الشابات والشباب الذين اشتركو في حلقات اغاني واغاني منذ البداية قبل ثلاث سنوات منفرديين يختلف تماما عن الاستماع اليهم في هذه الحلقات ولذا فكلهم فقد نقاطا كثيرة بسبب ذلك ...المقارنة في منافسة غير متكافئة صوتا ولحنا واختيارا او فرضا عليهم لاغاني لا تلييق باصواتهم او لا يحفظونها افقدهم الكثير ...كذلك اللبس فعدم التنسيق بينهم بواسطة مخرج (افتراضا بوجود مخرج ونحن لم نلاحظ ذلك) بحيث يلتزمون باستايل واحد فالذي يلبس كاجوال وغيره في بدلة اسموكنغ وواحدة لابسة استريتش والاالتانية توب او استريتش لون وفستان لون او قميص لون وطرحة لون وضحكة لون ...

عمكم السر اعيب عليه بالاضافة الي اللبس عدم اهتمامه بتنسيق ذكرياته واعدادها مسبقا فالامر امر تسجيل لتاريخ وليس ونسة عابرة ..

عموما اعيب علي البرنامج سبهلليته وهذا يعود اساسا الي انعدام انضباط مهني وحرفي لدي قناة النيل الازرق ولذا ستبقي قناة اعلانات تتخللها بعض البرامج السيئة الاعداد ستبقي محلك سر كما هي منذ انشاؤها وفشلها في ان تستقطب مشاهديين بلاشتراك فلم تجد الا ان تتحول الي قناة اعلانات مفتوحة كنشاط اساسي وهذا واضح في كمية الاعلانات وعمل المذيعيين والمذيعات في برامج الاعلانات اي برامج وادي الجندي وفاضل وبنك فيصل .. الخ ويقيني ان هذا لا يضيف المذيعة او المذيع الا بؤسا مهنيا والقناة مالا ...

ولو كنا وجدنا لدي القنوات السودانية الاخري ما يشدنا خلال هذا الشهر لما وقعنا الوقعة المهببة دي مع قناة النيل الازرق ولكن الثواب هو في اللمة وتوسع دائرة المعرفة الغنائية من خلال تعليقات تصل درجة الحرفية والمهنية ومعرفة بشابات وشباب مثلكم اخر حلاوة زادوني انا شخصيا بهجة حيث انني لم احضر رمضان في السودان منذ 32 سنة وصار الشهر عندي "بيتوتي" عمل وافطار في المنزل وعمل فكان لو جودكم الاسفيري ما يسد بعض من خانة اجتماعية رمضانية افتقدتها سنينا فلكم الثواب

Post: #1531
Title: Re: أغاني وأغاني.. للقدامى والمستجدين..
Author: نجوان
Date: 09-16-2009, 11:36 AM
Parent: #1530

Quote: ولو كنا وجدنا لدي القنوات السودانية الاخري ما يشدنا خلال هذا الشهر لما وقعنا الوقعة المهببة دي
مع قناة النيل الازرق ولكن الثواب هو في اللمة وتوسع دائرة المعرفة الغنائية من خلال تعليقات تصل درجة الحرفية والمهنية
ومعرفة بشابات وشباب مثلكم اخر حلاوة زادوني انا شخصيا بهجة حيث انني لم احضر رمضان في السودان منذ 32 سنة
وصار الشهر عندي "بيتوتي" عمل وافطار في المنزل وعمل فكان لو جودكم الاسفيري ما يسد بعض من خانة اجتماعية رمضانية
افتقدتها سنينا فلكم الثواب
صدقت والله يا باش في كل ما ذهبت اليه..
هذا البرنامج امتحان قاسي للمغنيين والمشاهدين على حد السواء..
ومدرسة..
طربنا وانتشينا.. دمعت أعيننا أحيانا..
ضحكنا.. إتضرسنا.. وتعجبنا..

أتمنّى ان يأخذ اصحاب الشأن بعض من النقد الهادف هنا..
ورغم المآخذ التي سردناها طيلة الشهر، أشيد بالقناة، الأستاذ قدور..
والشباب الذين إحتملوا الجلوس على الكراسي ودكة الإحتياطي..
تحت رحمة مايكرسكوبنا النقدي.. ومباضعنا التي كانت حادة أحيانا..
لهم جميعا الف شكر ..

رفقتكم، وبقية المناوبين العزاز في هذا الركن.. طعمّت أمسيات الشهر..
وأضفت عليه الكثير من الحميمية..
ولكأننا جميعا نحضر البرنامج سويا في قاعة بحجم المليون ميل..

شكرا ليك يا أبوبكر ولكل أخ كريم وأخت كريمة مرّوا بهذا المكان
وسطروا بعض من بنات أفكارهم..
ناس وردية الصباح.. المساء، وآخر الليل..
الموجودين بانتظام، وناس غيب وتعال..
وطبعا القراء المتابعين معنا وصامدين في خندق الغنا.. سمحا كان ام مكوجنا ..
وكله منبعه ومصبه سوداني الجوّه وجداني..

___
وعسى هناك حلقات جميلة في الخباء يختتم بها البرنامج موسمه الرابع..
وكل سنة والجميع بخير وعافية..

Post: #1532
Title: Re: أغاني وأغاني.. للقدامى والمستجدين..
Author: abubakr
Date: 09-16-2009, 11:39 AM
Parent: #1531

Quote: وعسى هناك حلقات جميلة في الخباء يختتم بها البرنامج موسمه الرابع..

عشم ابليس في الجنة ...

Post: #1533
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-16-2009, 12:20 PM
Parent: #1532

Quote: يابني حرام عليك جايب ليهم صخرة كمان يطقعونا بيها زيادة علي السو فينا وفي المرحوم العاقب ... يادوب قلنا يالله السلامة ..

والله يا عمنا يا بتاع المترو يا فنان
فعلاً حرام علي تحريم قطعي الدلاله دول مش كانو
حيطقعونا دول كانو لو قنوها محتمل نحنا النطقع!
بالله شفته فردة (الجماعة ديل) عمل ايه في (حبيبي
نحنا اتلاقينا مرة) والمصيبة قال عايز يلعب فيها
(هرمنة وحلى) بصوتو الحقيبي ده !!!
يا باش ياخ زولهم ده (عاصم) عليك النبي شوف اي
اغنية بغنيها (صوت الحقيبة الواحد خليهو) بيوصفه
بي يدو الشمال زي الاغنية القبليها الخالق الناطق!!!
قلته ليكم فردتكم ده اغنيتو واحده وآداوهو واحد
ما دايرين تصدقو وهو ذاتو المصيبة بعد ده ما ح يقتنع!؟

اخيراً يا باش حاشى لله اطلب منهم يغنو هذه الصخرة
بس الواجعني والمزعلني انو المورخ السر قدور
صاحب وصديق وساكن دار العاقب محمد حسن ما يتوقف
عند اللحن ده ولا يذكرو معقول دي ؟!

القرضابي مبروك لي هلالكم
Quote: هذه الصخرة من اجمل الكلمات
والالحان السودانية

ا
لاخ سفيان
سلام
شاعر هذه الصخرة ليس سوداني
وهو الشاعر مصطفي عبد الرحمن اعتقد انو مصري

وهي فعلا من أجمل أغاني العاقب واشاركك الاستغراب في عدم غنائها

تشكرات عوالي للمعلومة
وزي ما قال الباش هندسة ابوبكر الحمد لله الما اتغنت عشان ما نمرض
بس مفروض اقلاها السر قدور يقيف عندها كتير.

Post: #1534
Title: Re: أغاني وأغاني.. للقدامى والمستجدين..
Author: طارق ميرغني
Date: 09-16-2009, 12:37 PM
Parent: #1533

Quote: أتمنّى ان يأخذ اصحاب الشأن بعض من النقد الهادف هنا..
ورغم المآخذ التي سردناها طيلة الشهر، أشيد بالقناة، الأستاذ قدور..
والشباب الذين إحتملوا الجلوس على الكراسي ودكة الإحتياطي..
تحت رحمة مايكرسكوبنا النقدي.. ومباضعنا التي كانت حادة أحيانا..
لهم جميعا الف شكر ..

شكرا اختنا نجوان واتمني من كل قلبي ان يطلع المشاركون في البرنامج علي هذا البوست علهم يستفيدوا

ولو قليلا مما سطره اناس علي اقل تقدير يستمعون جيدا وحريصون علي ان يلمسوا تطورا في اداء ابنائنا

الفنانين او في طريقه تقديم او اخراج البرنامج

واتمني ان تكون مساهماتنا المتواضعه قد اثرت "بتشديد الثاء" واثرت "بفتح الراء" بوست اختنا نجوان

Post: #1535
Title: Re: أغاني وأغاني.. للقدامى والمستجدين..
Author: abubakr
Date: 09-16-2009, 12:46 PM
Parent: #1533

Quote: والله يا عمنا يا بتاع المترو يا فنان

يا ولدي دييل ما خلونا نتهنا باول سفرية بالمترو والكنا عامليين ليها حساب تسجيلات من اغاني واغاني في الايفون وكدة الواحد يجدع في الكراسي البلوو ويشوف الدنيا بلوو ويتمخخ ويطالع من الدريشة ويقول ياي هو احنا الدهنا الهوا دوكو ... اها اصحابكم وعمكم لخبتو البرنامج والواحد هسع قرر نهائا بتاتا بتاتا انو كل التسجيلات تفضل نوبية كما هي وبلا عرب بلا دوبيت .. اصلو انا مالي ...

Post: #1536
Title: Re: أغاني وأغاني.. للقدامى والمستجدين..
Author: haroon diyab
Date: 09-16-2009, 01:16 PM
Parent: #1535

اول مداخلة.....

اشهد واشهدو معي.....
دخول نجوم الغد للبرنامج
معناه.....
تاشيرة خروج للحرس القديم
لن نشاهد ....نادر عصام وعصام وفرفور
الموسم القادم اذا امد الله في الايام

التوقيع

انسان معجب جدا بالبرنامج

التحايا للجميع

Post: #1537
Title: Re: أغاني وأغاني.. للقدامى والمستجدين..
Author: mamkouna
Date: 09-16-2009, 02:08 PM
Parent: #1536

Quote: ولو كنا وجدنا لدي القنوات السودانية الاخري ما يشدنا خلال هذا الشهر لما وقعنا الوقعة المهببة دي مع قناة النيل الازرق ولكن الثواب هو في اللمة وتوسع دائرة المعرفة الغنائية من خلال تعليقات تصل درجة الحرفية والمهنية ومعرفة بشابات وشباب مثلكم اخر حلاوة زادوني انا شخصيا بهجة حيث انني لم احضر رمضان في السودان منذ 32 سنة وصار الشهر عندي "بيتوتي" عمل وافطار في المنزل وعمل فكان لو جودكم الاسفيري ما يسد بعض من خانة اجتماعية رمضانية افتقدتها سنينا فلكم الثواب

في نفس توقيت (أغاني و أغاني) يُبٌث برنامج (سرٌ الغُنا) على قناة الشروق و برنامج (بالدليل القاطع) على قناة هارموني لزميلتنا و فردتنا نادية عثمان..
البرنامجين جديرين بالمشاهدة لكن زي ما قلت يا باش البهجة التي نجدها في لمٌتنا في البوست دا لا تعادلها بهجة ..
و.. بمنتهى الصدق و الصراحة ...
لولا سعادتي باللٌمة و التعليقات و المشاركات الهنا لما استمريت في متابعة البرنامج المُمل المُكرر دا.

Post: #1538
Title: Re: أغاني وأغاني.. للقدامى والمستجدين..
Author: abubakr
Date: 09-16-2009, 02:32 PM
Parent: #1537

Quote: لولا سعادتي باللٌمة و التعليقات و المشاركات الهنا لما استمريت في متابعة البرنامج المُمل المُكرر دا.

اذا قالت ممكونة فصدقوها

Post: #1539
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-16-2009, 04:32 PM
Parent: #1538

Quote: تفضل نوبية كما هي وبلا عرب بلا دوبيت .. اصلو انا مالي ...

اها يا باش ركز مع النوبي العظيم

واتفرج علي غير الناطقين بها ويا سلاااااااام
وسلملي عالمترو.

Post: #1540
Title: Re: أغاني وأغاني.. للقدامى والمستجدين..
Author: abubakr
Date: 09-16-2009, 04:44 PM
Parent: #1539

Quote: اها يا باش ركز مع النوبي العظيم

ذاك صديقي المهندس الموسيقار الفنان الذي رحل يوم الاثنين الثاني والعشرين من مايو 2006 بعد عملية جراحية في مستشفي بيركللي .. كان مجيدا متواضعا انيق الحرف والموسيقي ..عليه الرحمة فلقد افتقدت فيه انسانا جميلا

Post: #1541
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-16-2009, 05:15 PM
Parent: #1540

اغانى واغانى
برنامج نجح فى اجتذاب عدد من الجمهور

وكلنا حرصنا على المتابعة

الانتقادات والاراءووجهات النظر فى هذا البوست

يمكن ان تكون مراة تعكس بموضوعية وجهات نظرتستحق الانتباه

من الملاحظات الغالبةان الحلقات التى استضيف فيهافنان كانت من افضل الحلقات

مشاركة نجوم الغد جاءت اضافة ايجابية

الاغانى حصرت زمانيا فى الفترةمن نهاية الاربعينات وحتى نهاية الستينات
مكانيا اغانى الوسط وتحديدا امدرمان

تم تجاهل
اغانى وردى محمد الامين عركى اغانىالغرب اغانى الجنوب

وجهه نظرخاصة
اعتقد ان البرنامج بشكله وصل الى قمته
ولابد من البحث عن شكل جديد فى السنوات القادمة

الشكرللاخت نجوان
صاحبة البوست

على الاستضافة الكريمة
حتى صرنا اصحاب المنزل

Post: #1542
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-16-2009, 05:25 PM
Parent: #1541

Quote: كان مجيدا متواضعا انيق الحرف والموسيقي

يا باش هندسة ركز لي علي المذكورات اعلاه
واضيف ليهم الاناقة وحتلقي كلامك عن اللبيس
الفووووووق زمان داك صاح الصاح وعندو اهلو
وادي لينا نجوم الغد وناس الانتريه حصه خصوصي
والف رحمة ونور علي الفنان الفنان.

اهو منتظرين عجين الليلة.

Post: #1543
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-16-2009, 05:27 PM
Parent: #1542

غايتو خديجة وقعت هسي
وبعديها دواجن ميكو طوالي

Post: #1551
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-16-2009, 05:56 PM
Parent: #1543

في حضرة ابداعات شيخ شعراء الغناء السوداني
الشيخ محمد ود الرضي
وابتدار دون موسيقي :-
جلسن شوف يا حلاتن ومن ثم دخلت موسيقي بسيطة بمصاحبة
ايقاع والطبل .
وحديث عن ود الرضي ورأسته للرميات
والضيف هو الطيب محمد ود الرضي
وهذا العام يمر قرن وربع علي ود الرضي
الذي اتولد في يوم انتصار المهدية
ودراسة القرآن لها اثر في كل ابداعاته
واثر القرآن ظهر في تتبعه للاخلاق في اشعاره
مثلاً احرموني ولا تحرموني وعفافاً عفه تيلادن
الطيب يتحدث عن ود الرضي ويركز علي أن تربيته الدينية
اثرت في كل ابدعه وآتي بنماذج شعرية وفي الشعر الحديث مثلاً
قصيدة بريدك وقارن بينه وبين الفنان التشكفيلي فان جوخ
في هذه القصيدة .
ومن الاغنيات المشهورات لود الرضي هي اغنية الوداع :- من
الاسكلاء وحلا والشاب نادر خضر وآداها بطريقته السماها الباش
هندسة (تقريرية) بس دائماً بالنسبة لي مايميز نادر هو أن له
طريقة مختلفة ولا تشبه احد غيره في الأغنيات وفي هذه الاغنية
يتداخل معه عاصم البناء لان وهي مداخلة جيدة لان الاغنية تنطبق
وخامة صوت عاصم .
السر قدور يلاحظ فصاحة الشعار في تداخل العامية والفصحي في الماء
ليس ينكفشاوكالعادة يسرح وما يورينا التداخل شنو ويقاطعو الطيب .
وطوالي لاغنية السلام ياروح البدن ويغنوها حور الجنة ويتداخل صوت
افراح الموج (ربك يستر) وماشيه كويس ما بطال في الدخلة ويقاطعه
البيقاطع السر قدور طوالي ومقاطعتو ما كانت كويسه المحير قالو
يغنوها حور الجنة بس سمع اضاني عاصم غزو عودو تب.
السر السلام يا اهل العليفون وتستاهلو السلام من ود الرضي وسوال عن
اسطوانات يملكها الطيب لود الرضي والطيب يرد انو مافي بس اول من سجل
له اسطوانة عبد الله الماحي .
السر قدور يغني طابق البوخه.
وعلي طول ندخل اغنية :- احرموني ولا تحرموني ويبداها نادر خضر بموت شديد
وتقريرية قاتله(عصام محمد نور كان ممكن يكون افضل)
آداء نادر ليها نوم الفرقه نهائي.
وجاااااااات الدعايات و MTN

فرفور واصواتو غياب
حمدلاكم بالسلامة

Post: #1566
Title: Re: أغاني وأغاني.. للقدامى والمستجدين..
Author: نجوان
Date: 09-16-2009, 06:26 PM
Parent: #1551

تقرير كارب..
شكرا سفيان..

Post: #1554
Title: Re: أغاني وأغاني.. للقدامى والمستجدين..
Author: abubakr
Date: 09-16-2009, 06:04 PM
Parent: #1542

Quote: واضيف ليهم الاناقة وحتلقي كلامك عن اللبيس

تعرف المرحوم حمزة كان انيقا في اي لبس ينتقيه :جلابية نوبية ملونة بدون عمة وبعمة جلابية سودانية بيضا بعمة بدلة قميص ومنطلون

الاناقة صفة تراكمية تجمع الحرف واللبس والاداء

Post: #1544
Title: Re: أغاني وأغاني.. للقدامى والمستجدين..
Author: abubakr
Date: 09-16-2009, 05:36 PM
Parent: #1541

قولو يا ساتر...

اها النشوف ....

انا حانبسط لما البرنامج يخلص عشان تاني ما حشوف الوادي وامتي ان واليونتات بتاعةالمؤمن وسراير سنغلا (شافيين سنغلا دي) بتاعة رويال وكلية غرب النيل التقول جمعية اولاد فلان وعلان و النيلة النالا و احلي لحم هي بلدي ان تقايل ي لحم صافي حلو زي دي وخدمة مجانا لوزير العريس وخلي اللحم يحكي و فينو كل الشبب عايزينو

الموضوع ودالرضي

Post: #1545
Title: Re: أغاني وأغاني.. للقدامى والمستجدين..
Author: ALGARADABI
Date: 09-16-2009, 05:40 PM
Parent: #1544

مع ود الرضي نفسي أسمع تيه و اتاكا
وليالي الخير جادن من المحبوب
ونسايم الليل عادن من المحبوب

Post: #1547
Title: Re: أغاني وأغاني.. للقدامى والمستجدين..
Author: Raja
Date: 09-16-2009, 05:45 PM
Parent: #1545

ونادر خضر البداية.. وااااو

Post: #1546
Title: Re: أغاني وأغاني.. للقدامى والمستجدين..
Author: abubakr
Date: 09-16-2009, 05:41 PM
Parent: #1544

ضيف الحلقة الطيب ودالرضي

Post: #1548
Title: Re: أغاني وأغاني.. للقدامى والمستجدين..
Author: abubakr
Date: 09-16-2009, 05:47 PM
Parent: #1546

نادر والوداع (من الاسكلة وحلا)

قربت انوم وطششت واحمودي دقس و بس السوخوي جا بفووق خالص ماري

____

Post: #1549
Title: Re: أغاني وأغاني.. للقدامى والمستجدين..
Author: abubakr
Date: 09-16-2009, 05:51 PM
Parent: #1548

افراح في السلام ياروح البدن

ياممكونة الالوان دي اسمها شنو

Post: #1552
Title: Re: أغاني وأغاني.. للقدامى والمستجدين..
Author: abubakr
Date: 09-16-2009, 05:56 PM
Parent: #1549

احرموني ولا تحرموني سنة الاسلام السلام

نادر برضو

___
دة كلام دة ... الواحد ينوم من المغرب ..

Post: #1553
Title: Re: أغاني وأغاني.. للقدامى والمستجدين..
Author: نجوان
Date: 09-16-2009, 05:59 PM
Parent: #1549

نادر ما زال في موود غناء المدارس..

وافراح بتكوجن كاننا لسه في رجب أو شعبان..
أداء تعبان تعب الموت..

Post: #1556
Title: Re: أغاني وأغاني.. للقدامى والمستجدين..
Author: نجوان
Date: 09-16-2009, 06:13 PM
Parent: #1549

معذرة للتكرار..

Post: #1557
Title: Re: أغاني وأغاني.. للقدامى والمستجدين..
Author: نجوان
Date: 09-16-2009, 06:13 PM
Parent: #1549

معذرة مكرر..

Post: #1550
Title: Re: أغاني وأغاني.. للقدامى والمستجدين..
Author: omer osman
Date: 09-16-2009, 05:53 PM
Parent: #1548

السلام ياروح البدن ..... (افراح) في دور (وارغو) جعجعة بلا طحين

Post: #1555
Title: Re: أغاني وأغاني.. للقدامى والمستجدين..
Author: ALGARADABI
Date: 09-16-2009, 06:05 PM
Parent: #1550

Quote: افراح) في دور (وارغو)

ورغنة جد

الصوت بجر هوا

المرحلة دي عثمان حسين وصلا بعد 60 سنة غنا

Post: #1558
Title: Re: أغاني وأغاني.. للقدامى والمستجدين..
Author: abubakr
Date: 09-16-2009, 06:14 PM
Parent: #1550

عصام وانا في التمني

_____

ما حافظ .. طيب ليه ما غناها واحد حافظ واللا ما في واحد حافظ طيب ما كانو يخلو عمكم يغنيها فهو قال حينغنيها
____

الواد شريف الجميل ينقذ الموقف ياسلام

Post: #1560
Title: Re: أغاني وأغاني.. للقدامى والمستجدين..
Author: abubakr
Date: 09-16-2009, 06:21 PM
Parent: #1558

رجعنا الي ميدان فردتنا والذي يعرف كيف يركض فيه
فردتنا في الناحر فؤادي

_________الغريبة انو فردتنا ببخرة حتي في الساحة بتاعتو

Post: #1562
Title: Re: أغاني وأغاني.. للقدامى والمستجدين..
Author: نجوان
Date: 09-16-2009, 06:22 PM
Parent: #1558

افراح جهزّت العجين..
وعصام وشريف تمّوا العواسة..

أغنية التمنّي يبدو انها اضيفت في آخر لحظة..

_____
الناحر فؤادي.. واداء جيد من عاصم، وهذه ارضيته وملعبه..
بس احلى بلحن الفنان خضر بشير..

Post: #1559
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-16-2009, 06:20 PM
Parent: #1550

رجوع وذكريات عن الستينات
وخلف الله حمد وثلاث اغنيات
لود الرضي وعن شغلو كشيال
لخلف الله حمد .
الله يستر الناس ديل ما يروضو
نفسهم في الغناء لخلف الله حمد
مداخلة للطيب عن علاقة خلف الله
وود الرضي .
ملاحظة :-
الطيب يتحدث عن والده كمعجب حقيقي
وكدارس وباحث في اغنياته عمكمو السر :- ياشباب
أنا في التمني تغنوها والا اقوم اغنيها وخوفاً
من يغنيها عمهم طووووالي الموسيقي ويبداها
عصام محمد نور والفرقة آداء في غاية الجمال
والبيز جيتار عاد ما بيز فنان الراجل ده.
وشريف الفحيل ودخله منو جميلة جداً ويعرف تمام
شغلو وبي سلطنة وهرمنة آية في الهدو ومتابعة
جميلة ومركزة من عصام نور لشريف وبمحبة واضحه
في القفله في كمنجه جلت.
وعاصم البناء في الناحر فؤادي وربنا يستر لانو
الاغنية دي بعد غناها خضر بشير بقت مطب لاي زول
عاصم عموماً يستهلها بي رمية وهو يجيد هذا النوم
لان صوته (الرعوي كما قيل ) يتناسب وهذا الضرب
من الغناء والشعر (يوصف ساااااي بيدو) وياليلة
وليلة هوي الله يا ليلي هوي
وعاصم يتورط ويفشل فيها تماماً اقسم بالله الاغنية دي
بعد غما غناها فنان السماوات والارض (خضر بشير)
مفروض يمنعو إي مخلوق يغنيها .
حرااااام ياخ والله حراااام.
وما حافظه كماااااان!!!!!
كتلتنا ياخ

Post: #1561
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-16-2009, 06:22 PM
Parent: #1559

ضبحونا وقاااامو علي مهلم يا باش مهندس

Post: #1565
Title: Re: أغاني وأغاني.. للقدامى والمستجدين..
Author: abubakr
Date: 09-16-2009, 06:25 PM
Parent: #1561

Quote: ضبحونا وقاااامو علي مهلم يا باش مهندس

يا ولدي لو كان في قانون جنائي يحاكم من يجرح الوجدان لاشتكيتهم ...الله يجازيهم

Post: #1568
Title: Re: أغاني وأغاني.. للقدامى والمستجدين..
Author: نجوان
Date: 09-16-2009, 06:30 PM
Parent: #1561

Quote: ضبحونا وقاااامو علي مهلم يا باش مهندس
وفي رواية اخرى نحرونا..

____

Post: #1563
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-16-2009, 06:24 PM
Parent: #1550

افراح فى دوروارغو

تشبيه طريف وبليغ

يا عمرعثمان

حقيبة الجن
سيك سيك معلق فيك

Post: #1564
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-16-2009, 06:25 PM
Parent: #1544

Quote: وها هي الدموع تبلل ثياب ود الرضي بعد رحول مليم جنوب السودان وهي ملهمة شعراء الحقيبة وكاوياهم بنار جمالها لا تقول لي (هيما مالين ولا مارلين مورلو ) وقلنا ليكم الجمال الاصلي في السودان .

اها احكي ليكم القصة صاحبكم سرور شاف مليم وهي تتجه مع اسرتها على الباخره المتجهة جنوب السودان من الاسكلا التي هي مرسى السفن الذي كان يقع جنوب منطقة الهلتون الحالي وصاحبنا سرور تألم جدا اخد الشمار من ربان الشفينة اسماء المدن التي تمر بها الباخره بعداك عضى الجلابية وجرى لود الرضي وكان سرور حزينا وحكى له خبر سفر مليم وطلب من ودي الرضي تأليف اغنية بهذه المناسبة وفعلا ما قلت ليكم صاحبكم بكاي شديد وكتبها بالنهار فحفظها سرور وغناها ليلا .

ووصف الاستاذ مبارك المغربي قصيدة مليم اي ( من الاسكلا وحلا ) انها قصيده جغرافية لذكرها حوالي عشرين مدينة سودانية من الشمال للجنوب عكس مجرى النيل وفي كتاب رواد شعراء الاغنية السودانية عاب على القصيدة ارتجالها وقال انها مصنوعه ولا تمثل الصدق الشعوري عند الشاعر لانه لايعرف مليم .

بس ياجماعة انا بقول العكس لان ود الرضي قبل كده كتب في مليم وكانت مفشفشه مرارتو ومكسراهو وكتب عنها( ميه وثمانية وستة وستة حبيبي حليلو القام يوم سته + و تلفان من الاجفان ) لذلك لما كتب( من الاسكلا وحلأ ) سكب غزارة الدموع في مطلعها وفي ختامها يدعو دموعه للانهمار والتدفق .وقال لقلبه لا تكون جاف

صب يا دمعي ما تكون جاف ........ يا قلبي البقيت رجاف

البدر الخفا .. الانجاف .. ............. اليوم شرف الرجاف

وهنا كان البكاء بالجد لانه وصفها ووصف جمالها اكثر من مره في القصيده ( بدر التمام ، ظبا ، صباح الخير ، البهاء ، النسيم وفوق كل ذلك ادخل علم المحاسبه وشبهها بالارباح )

ودمتم ...... وليد عبد اللطيف

عن اغنية من الاسكلا
منقول من بوست بحري طراوه
بنهديها لكل الحلوين في بوست اغاني واغاني
والليله ياجماعة يوم الغناء اذا كان الشاعر ود الرضي

Post: #1567
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-16-2009, 06:28 PM
Parent: #1564

Quote: عن اغنية من الاسكلا
منقول من بوست بحري طراوه
بنهديها لكل الحلوين في بوست اغاني واغاني
والليله ياجماعة يوم الغناء اذا كان الشاعر ود الرضي

يا ابو الفن يا طارق
ياخ الناس ديل نحرونا ونحرو
ود الرضي ونحرو فنان السماوات والرض
خضر بشير .
لاحولة ولا قوة إلا بالله

Post: #1569
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-16-2009, 07:12 PM
Parent: #1567

Quote: يا ابو الفن يا طارق
ياخ الناس ديل نحرونا ونحرو
ود الرضي ونحرو فنان السماوات والرض
خضر بشير .
لاحولة ولا قوة إلا بالله

سفيان ياخوي
عاصم البنا زكي
لان لو حاول غناها بطريقة خضر بشير او حسب لحنه
ما كان بقدر عليها
وفضل يغنيها مجاراه
بأغنية الشاغلين فؤادي
وياخد في الاداء عاصمالبنا 7 من 10
اخي سفيان
ناس ود الرضي والجاغريو ومبارك حسن بركات وكل ناس
(منطقة العيلفون جنة عدن )ديل اهل الغناء والقول السمح

Post: #1570
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-16-2009, 07:13 PM
Parent: #1567

شريف

فاكهة الحلقة

Post: #1571
Title: Re: أغاني وأغاني.. للقدامى والمستجدين..
Author: الطيب شيقوق
Date: 09-16-2009, 09:07 PM
Parent: #1570

الاستاذ وليد عبد اللطيف

لك التحية والاحترام وكل عام وانت بالف خير

Quote: وها هي الدموع تبلل ثياب ود الرضي بعد رحول مليم جنوب السودان وهي ملهمة شعراء الحقيبة وكاوياهم بنار جمالها لا تقول لي (هيما مالين ولا مارلين مورلو ) وقلنا ليكم الجمال الاصلي في السودان .

اها احكي ليكم القصة صاحبكم سرور شاف مليم وهي تتجه مع اسرتها على الباخره المتجهة جنوب السودان من الاسكلا التي هي مرسى السفن الذي كان يقع جنوب منطقة الهلتون الحالي وصاحبنا سرور تألم جدا اخد الشمار من ربان الشفينة اسماء المدن التي تمر بها الباخره بعداك عضى الجلابية وجرى لود الرضي وكان سرور حزينا وحكى له خبر سفر مليم وطلب من ودي الرضي تأليف اغنية بهذه المناسبة وفعلا ما قلت ليكم صاحبكم بكاي شديد وكتبها بالنهار فحفظها سرور وغناها ليلا .

ووصف الاستاذ مبارك المغربي قصيدة مليم اي ( من الاسكلا وحلا ) انها قصيده جغرافية لذكرها حوالي عشرين مدينة سودانية من الشمال للجنوب عكس مجرى النيل وفي كتاب رواد شعراء الاغنية السودانية عاب على القصيدة ارتجالها وقال انها مصنوعه ولا تمثل الصدق الشعوري عند الشاعر لانه لايعرف مليم .

بس ياجماعة انا بقول العكس لان ود الرضي قبل كده كتب في مليم وكانت مفشفشه مرارتو ومكسراهو وكتب عنها( ميه وثمانية وستة وستة حبيبي حليلو القام يوم سته + و تلفان من الاجفان ) لذلك لما كتب( من الاسكلا وحلأ ) سكب غزارة الدموع في مطلعها وفي ختامها يدعو دموعه للانهمار والتدفق .وقال لقلبه لا تكون جاف

صب يا دمعي ما تكون جاف ........ يا قلبي البقيت رجاف

البدر الخفا .. الانجاف .. ............. اليوم شرف الرجاف

وهنا كان البكاء بالجد لانه وصفها ووصف جمالها اكثر من مره في القصيده ( بدر التمام ، ظبا ، صباح الخير ، البهاء ، النسيم وفوق كل ذلك ادخل علم المحاسبه وشبهها بالارباح )

ودمتم ...... وليد عبد اللطيف

لعلني من اكثر الناس تتبعا لكتابات الدكتور احمد القرشي عن شعر الحقيبة في بوسته المثير للجدل ( الحزن في اغنية الحقيبة)

لاحظت من المداخلة التي كرمت بها في هذا البوست ثمة تقارب يصل الى درجة التطابق في الرؤى والطرح بينكم والدكتور احمد وبما انني مهتم بالتوثيق لهذا الجانب من الادب احرص كل الحرص على اسناد المعلومات لمصادرها الاصلية .

دعني اعود بك الى تعليق الاستاذ احمد القرشي بتاريخ 28 اغسطس 2006 م حول نفس الموضوع حيث قال :-

Quote: نعود مرة أخرى إلى موضوع البوست بعد الاستراحة اللطيفة مع الصديقين الطيب شيقوق ومحمد المرتضى وأتمنى أن يتواصلا معي لإثراء هذا البوست .....وهاهي الدموع تبلل ثياب ود الرضي بعد رحيل مليم إلى جنوب السودان وهى فاتنة شعراء الحقيبة في ذلك الوقت في أغنية من الاسكلا وحلا.... وقصة الأغنية أن سرور رأى مليم وهى تتجه مع أسرتها على الباخرة المتجهة إلى جنوب السودان من الاسكلا التي هي مرسى السفن الذي كان يقع جنوب منطقة فندق الهيلتون الحالي .....فتألم سرور كثيرا لفراق مليم فطلب من قبطان السفينة أسماء المدن التي تمر بها الباخرة ثم أخذها مسرعا إلى ود الرضي الذي كان يجلس مع الشاعر احمد حسين العمرابى في دكانه بالخرطوم وكان سرور حزينا وحكي لهم خبر سفر مليم وطلب من ودالرضى تأليف أغنية بهذه المناسبة بعد أن أعطاه أسماء المدن ....وعلى الفور جادت قريحة ود الرضي الشعرية بأغنية من الاسكلا وحلا وكان الوقت منتصف النهار فحفظها سرور وتغنى بها في المساء....بعض الرواة قال إن البيت الأول من الأغنية من تأليف سرور لكن حسب رأى الشخصي إن سرور لم يعرف عنه قول الشعر الغنائي لذلك استبعد هذا الرأي ...والبعض يقول إن العمرابى شارك في تأليف الأغنية ...ولكن مفردات الأغنية تنفى هذا الرأي.
الاستاذ مبارك المغربى سمى هذه القصيدة بالقصيدة الجغرافيا لذكرها حوالى العشرين مدينة سودانية من الشمال إلى الجنوب عكس مجرى النيل....لكن مبارك المغربى في كتابه رواد شعراء الأغنية السودانية عاب على القصيدة ارتجالها وقال إنها مصنوعة ولا تمثل الصدق الشعوري عند الشاعر فجاءت بسيطة الكلمات قريبة المأخذ لاترى فيها روح التجديد والتطوير ..انتهى كلام الأستاذ الكبير مبارك المغربي ....ولكنني اختلف مع أستاذنا الكبير عليه الرحمة وأقول إن هنالك صدق شعوري عند الشاعر لأنه يعرف مليم جيدا وقال فيها أكثر من قصيدة مثل تلفان من الأجفان ومية وثمانية وستة وستة حبيبي حليلو القام يوم ستة.... فمليم ملهمته وتألم لرحيلها وفراقها لذلك انشد من الاسكلا وحلا وسكب فيها الدموع التى سالت حتى بللت ثيابه في مطلع القصيرة وفى ختامها حيث يدعو دموعه للانهمار والتدفق..

راجع بوست الحزن في الاغنية السودانية على الوصلة ادناه:-

الحزن فى الاغنية السودانية -الجزء الاول - الدموع التى ت...يبة وتطفئ نار العشاق

افتونا اعزتي حتى يتسنى لنا اختيار المصدر الحقيقي لهذه المعلومات الجميلة كما اتمنى ان يكون ما حدث في سياق توارد الخواطر بين كاتبيناالمحترمين .

Post: #1572
Title: Re: أغاني وأغاني.. للقدامى والمستجدين..
Author: Maawya Hussein
Date: 09-16-2009, 10:48 PM
Parent: #1571

Post: #1573
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-16-2009, 11:46 PM
Parent: #1572

Quote: لعلني من اكثر الناس تتبعا لكتابات الدكتور احمد القرشي عن شعر الحقيبة في بوسته المثير للجدل ( الحزن في اغنية الحقيبة)

الاستاذ الطيب شيوق
نطيب بوجودك معنا
وانا من اكثر الناس اعجابا بالدكتور احمد القرشي والذي في تحليله
لبعض اغاني الحقيبة لاتحتاج الى مراجع اخري بل هو يوفي ويكفي عن اغاني الحقيبه عندما
الناس تختلف في التوثيق مثل بعض الاخطاء (هدهد الوضيب == وهدد الوضيب )
وما تم انزاله في بوست بحري ليس الا تقفيل لموضوع اغنية من الاسكلا من
من ضمن مجموعة اغاني ود الرضي فكان لازم نستعين بتحليل الدكتور احمد القرشي
وسبق تحدثنا عن ذلك .
ولا تتعب نفسك يا ابو الطيب ويتسنى لك ان تتخذ مصدر استاذنا الدكتور ود القرشي

Post: #1574
Title: Re: أغاني وأغاني.. للقدامى والمستجدين..
Author: الطيب شيقوق
Date: 09-16-2009, 11:50 PM
Parent: #1573

الاستاذ وليد عبد اللطيف

Quote: ولا تتعب نفسك يا ابو الطيب ويتسنى لك ان تتخذ مصدر استاذنا الدكتور ود القرشي

الله يخليك يا استاذي كلام عقل كبير وناس كبار

تسلم يا الحبيب

Post: #1575
Title: Re: أغاني وأغاني.. للقدامى والمستجدين..
Author: Emad Ahmed
Date: 09-17-2009, 00:32 AM
Parent: #1574

فيما يلي إحصائية بكل الأعمال الغنائية التي قدمت للبرنامج الرائع أغاني أغاني للآعوام السابقة :-

أغاني أغاني 2006 م
الكواكب احتفلوا بالقمر + حبيبي انا فرحان + مين في الاحبة + هل تدري يانعسان + محبوبي حياني + الفؤاد المسلوب + ظلموني الناس + باب الغرام ( الجابري ) + الأماني العذبة + نسايم الليل + يانسيم أرجوك + ياطير ياطاير + ياطير ياماشي + انا ياطير بشوفك + جنني نغمات القمري + اذكريني ياحمامة + غضبك جميل زي بسمتك + سوداني الجوه وجداني + أمدر واعودا + ارض الخير + ياوطني يابلد احبابي + اطرد الاحلام + زهرة الروض الظليل + الزهور والورد + الحان الربيع + الزهور بسمت لينا + مداعب الغصن الرطيب + لي حبيب شاغل بالي + سهران ياليل + حرمان + انت بدر السماء + انا ما بقطف زهورك + الشوق والريد + دمعة الشوق + وين ياناس حبيب الروح + هل أنت معي + حليلة الفرقه من بكرة + مابصدقكم + بلال تزورني مرة + زيدني في هجراني + مارايت في الكون + انا وانت والنيل والقمر + مليح الزي + الحبيب وين + لو بعدي بيرضيه + الماضي والحاضر + ذكرتني + الحجل بالرجل + بل شوقي ( احمد المصطفى ) + كيف لا اعشق جمالك + ايه يامولاي + صغيرتي + ربيع الحب + الذكريات + أنفاس الزهر ( نفسك آبية ورحك خفيفة ) + الاوصفوك + كلمة + حارم وصلي مالك + كان بدري عليك + يا جميل يامدلل + الزهور صاحية + المصيرك تنجرح + حنيني اليك + ياليالي الانس لي عودي + ياحبيبي نحن اتلاقينا مرة + حياتي حياتي + البحيرة + مرت الايام + من باب نفسك يا القطار + القطار المرة + رسائل ( من طرف الحبيب جاءت اغرب رسائل ) + مافي حتى رسالة واحدة + رحلة في طيارة + انا بغير عليك + ازاك يا عيوني + ليه كده + ما أحلى ساعات اللقاء + لي غرام واماني + يحيا الحب ( حسن عطية ) + الساعة كم + حبيبي جنني + لحن الحياة + رشا ياكحيل + جاني طيفه طائف + لما ترجع بالسلامة + بعيد الدار + على النجيلة + انت حكمة + احلام الحب ( زرعوك في قلبي ) + اندب حظي + قلبي مالو اليوم + اللون الخمري + كل البينا بقى حكاية + ما بصدقكم + مسامحك يا حبيبي + يا ماري عند الاصيل + عيوني هم السبب + عيد الكواكب + عيني + مبروك عليل يانعومة + عني مالهم + حبيته ما حباني + تخاصم يوم ( فاطمة الحاج ) + مروي + انا امدرمان + ياوطني يابلد احبابي + في شاطئ ياحبان + حنتوب الجميلة + ودمدني + حبيت عشانك كسلا + شجون + المقرن في الصباح .
( الفنانين المشاركين عصام محمد نور وعاصم البنا ونادر خضر وجمال فرفور وأسرار بابكر )

أغاني أغاني 2007 م
الهلال هلا + الليلة لاقيته + محبوبي حياني + شوف عيني باسم + السراي ( مدحة نبوية ) + ياسلام منك + الليلة سار + المهيرة + أرضنا الطيبة + في الضواحي + من محاسن حسنه المحاسن + من محاسن حسنه الطبيعة + ياربيع في روض الزهور + بين الزهور انا وانت + الزهور بسمت لينا + الحان الربيع + اطرد الاحلام + بدر التمام + زهر الرياض ماد + الناعسات عيوني + حبيبي انا فرحان + قضينا ليلة ساهرة + اوع تخلف الميعاد + ليالي الانس + في شخصك بحترم اشخاص + غرامي الأول + مشتاقين + القلب المأسور + لو انت نسيت + عجبا يقول الناس هاجري + الطير المهاجر + صابحني دائما وابتسم + ذاك الصباح + فلق الصباح + صباحك مالو + يخجل البدر + بعيد الدار + حبيبي جنني + شقي ومجنون + انشودة الجن + جنني العيون + كيف لا اعشق جمالك + ذكرتني + شجن + خاطرك الغالي + المصير ( عثمان حسين ) + هل تدري يانعسان + الخرطوم زانت ارضها + رحماك ياملاك + البامبو السوداني + اعز مكان وطني السودان + ناعس الاجفان + مشوار ( البلابل ) + صغيرتي + المصير ( ابراهيم عوض ) + جمال دنيانا + غنى القمري على الغصون + سيدة وجمالها فريد + قائد الاسطول + الجمال والحب في بلادي + افتتان + حبيبي اكتب لي + البرهة القليلة + الحالم سبانا + يوم الزيارة + انا باحبك يا مهذب ( عائشة الفلاتية ) + انصاف + سلو قلبي ( الكاشف ) + آنة المجروح + ازيكم + اسمر جميل + بعد الشر عليك + سنن البرامكة + الواعي مابوصو + حقو لي قولي + الجنزير في النجوم + اعصار المفازة + ليه التجني + جوهر صدر المحافل + الليل الهاجع + صفوة جمالك + متين ياروحي نتلاقى + الرشيم الاخضر + ذوبت وجدا في هواك + الليلة ياسمرا + ايامنا + حبيته ما حباني + ياسميرة بنظرة + أحبابي ياعيني + كل ما سألت عليك + اللون الخمري + نانا + المهرجان + نسيم الروض + نعيم الدنيا + ننو يا ننو + ياناس لالا + توبة يا أهلنا + في الشاطئ طاب لينا السمر + داخل روضة غنا + باسم الحب + انت عارف + الجمعة في شمبات + هوى المحبوب + بتتغير ( صالح الضي ) + ابني عشك ياقماري + عيش معاي الحب + السنين + عروس الروض ياذات الجناح + هل انت معي + شذى زهر + هذه الصخرة + البحيرة + ياجمال الليل + ليالي الخير جادن + ياليل ابقى لي شاهد + نسايم الليل + الليل مابنومو + انا مامعيون + عيون الصيد + عيونك كانوا في عيوني + عيون المها + من الاسكلا وحلا + الحب والظروف ( قلنا ماممكن تسافر ) + تنساني انا في يوم + الي مسافرة + سافر حبيب الروح + يامسافر وناسي هواك + العربية + ياساير + سائق البوباي + اللوري حل بي + سائق الفيات + أمل + من ارض المحنة + الشال قلبي وسلا + المسافر ( العطبراوي ) + انا سوداني + راحت عليك + عندك ضحكة + شن نسوي + القدر فرقنا منك + كيف تفارق .
( الفنانين المشاركين عصام محمد نور وعاصم البنا ونادر خضر وجمال فرفور وأسرار بابكر )
ملاحظة : الحلقة الأخيرة ن البرنامج قدمت أعمال خاصة للفنانين المذكورين أعلاه .

أغاني أغاني 2008 م
عمت بشايرنا + تاجر عطور + ليالي الخير + الليلة لاقيته + ليل الفرح + فرفش + ليلاتنا ليلية + خفيف الروح + حارم وصلي مالك + كيف لا اعشق جمالك + ظلموني الاحبة + قلبي فاكرك + ليالي الغرام + طيبة الاخلاق + مسامحك ياحبيبي + مابصدقكم + لاوحبك + لاتسلني + ذكرتني + ناس لالا + داوم على حبي + انا المظلوم جفاني حبيب + قول انت نور + صدقيني + المريود + البمبي +|نسايم الليل + فلق الصباح + ربيع الحب + غنى القمري على الغصون + البامبو السوداني + وجه القمر + الفؤاد المسلوب + ياجميل ياسادة + قلبي همالو + اجسامنا ليه جسمين + جوهر صدر المحافل + خلي العيش حرام + هل انت معي + حليلة الاصبحت ذكرى + مساء الخير الامير + طولت مارديت + كفاية + اريج نسمات الشمال + ليالي كردفان + مين في الاحبة + قول الحقيقة + قلبي دقة + الليل الهادي + احلام الحب ( زرعوك في قلبي ) + يانديما + الوصية + البديع الهواك سباني + لو داير تسيبنا + البنريده تائه + وداد ( ام بلينة السنوسي ) + نسيم الروض + صدفة غريبة + الليلة سار + انت ياغرامي + محراب الحب + خداري + اسير الغرام + البي باقي + كلمة + انت اغلى ( بهاءك ) + حبيبي جنني + يافايت + ست البنات + سال من شعرها الدهب + ليلة السبت + جاني طيفه طائف + ياجميل يامدلل + انا بيك سعادتي مؤكدة + اضيع انا + الرهور صاحية + حبيب الروح + في شخصك بحترم اشخاص + ياغائب عن العين ( التاج مصطفى ) + أنفاس الزهر + ظلموني الناس + ظلمتني وانت عالم + ظلموني وظلموك + انصاف + ظلموني الحبايب + المنعوك اهلك + الاهيف + نسايم الليل + انا صادق في حبك + زهرة الروض نور + ياعيني وين تلقى المنام + امدر واعوده + زيدني في هجراني + ياحبيبي جفيت + هجد الانام + زهرة الروض الظليل + في الطيف والصحيان + انساني + مابنسى ليلة كنا + لو انت نسيت + ماودعت + انساك + منظر شئ بديع + فراق الزين + عيون السود الكحيلة + سليم الذوق + رمية طابق البوخة + زهر الرياض ماد + ليالي الانس + العيون السودا + القلب الماسور + عشان كده انا حبيته + بسمة + الزهور والورد + حبيته ماحباني + الذكريات + إله فني + لحن الحياة + سحروك ولامالك + يانسيم قول للازاهر + احبابي ياعيني + ياغائب عن العين + الملهمة + يانسم أرجوك + الشاغلين فؤادي + حبي القديم + الزيارة + الحبيب وين + افتتان + هل تدري يانعسان + رشقتني عيونو + ناعس الاجفان + قضينا ليلة ساهرة + اذكري ايام صفانا + مليح الزي + ياناس وين انتو + نغيم فاهك + ابو عيون كحيلة + ياسهارا + حليف الصون + تخلف يوم ميعادي + رسائل + البلوم + حكاية ملام + الزمان زمانك + انت بدر السماء + عزة وصالك + مارايت في الكون + عيون الصيد + ياحنوني + صباحك نور + عني مالهم + سمعت مرة كلام + الحان الربيع + عودتني غيابك + ملاذ أفكارنا + يامسافر + الدرب الاخضر + لحن الحياة + المني حنان + امير الحسن .
( الفنانين المشاركين عاصم البنا وجمال فرفور وملك الجاز شرحبيل أحمد وسميرة دنيا ومشاركات متقطعة لصلاح بن البادية وأحمد الفرجوني وعصام محمد نور وأسرار بابكر )

ملاحظات :-
- الفنان الراحل إبراهيم الكاشف بلا جدال هو أبو الفن السوداني ولكن نجد أن السر قدور قد ركز عليه دون غيره من الفنانين خلال الأعوام الماضية وربما يعود ذلك لصلة الصداقة التي كانت تجمعهما وتكرر ذلك أيضا مع الشاعر إسماعيل خورشيد من خلال التغني بعدد كبير من أغنياته رغم ضعف شعره الغنائي مقارنة مع العديد من شعراء جيله .

- العمالقة أحمد المصطفى وخضر بشير وعثمان الشفيع وإبراهيم عوض وإبراهيم موسى آبا ومحمد وردي ومحمد الأمين وأبوعركي البخيت ومصطفى سيد أحمد وخليل إسماعيل وعبد العظيم حركة وأم بلينة السنوسي والتاج مكي والطيب عبد الله وهاشم ميرغني ويوسف الموصلي ورمضان زايد لم يعطوا المساحة التي يستحقونها عطفا بما قدموه طوال مسيرتهم الفنية للأغنية السودانية من إبداع خالد . . أتمنى في العام القادم أن
يتم التركيز على أعمالهم ويجب أن يؤخذ ذلك بعين الاعتبار تقديرا ووفاء لهم .

- سنة الحياة هي التغيير وأربعة أعوام افتكر كفاية جدا لهذه المجموعة من الفنانين الشباب المشاركين حتى لايصيبنا الملل . . . لاخلاف على جمال أصواتهم ولكن الساحة الغنائية ملئيه أيضا بأصوات جميلة مثل عادل مسلم وفيصل الصحافة وعمار السنوسي ومحمود عبد العزيز ومعتز صباحي وطه سليمان ومحمد تبيدي ونجمات نجوم الغد رفيعة إبراهيم وخالدة رحمة الله وغيرهم كثر ياريت يعطوا مساحة في العام المقبل .

- من الإحصائية نجد كثير من الأغنيات رغم روعتها قد تكررت هذا العام وعلى معدي البرنامج الانتباه لذلك .
والله من وراء القصد .

عماد عثمان

Post: #1576
Title: Re: أغاني وأغاني.. للقدامى والمستجدين..
Author: طارق جبريل
Date: 09-17-2009, 00:43 AM
Parent: #1575

الغناء قنعنا منه
البت دي حواجبينها العلي الصارقيل البيطلعوا من تحت شدر الجوافة داك
مسوداهن كدي بي شنو.. قعر صاج
مع الاعتذار للفردة ود الموج

Post: #1577
Title: Re: أغاني وأغاني.. للقدامى والمستجدين..
Author: طارق ميرغني
Date: 09-17-2009, 00:44 AM
Parent: #1575

الان وصل صديقي وزير توثيق بحري عماد عثمان

الف مرحب به في دنيا الاغاني

والي المزيد من التوثيق والابداعات

اضافة ثره لكن متاخره للبوست.

Post: #1578
Title: Re: أغاني وأغاني.. للقدامى والمستجدين..
Author: ALGARADABI
Date: 09-17-2009, 00:44 AM
Parent: #1574

تحدث الاستاذ السر قدور عن مشكلة حدثت بين الشعراء بسبب أغنية (من الاسكلة و حلا)
والمشكلة كما رواها الشاعر محمد بشير عتيق تتلخص في الآتي :
سرور كان بحب واحده اسمها (ملين)
زوج ملين كان يعمل بالجيش وتم نقله للجنوب (آآآي والله)
قام سرور بعمل حصر لجميع محطات الباخرة من الأسكلة (جوار قاعة الصداقة الآن كما قال) وحتي الرجاف مكان انتهاء الخط النهري وطلب من ود الرضي توصيل المحبوبة بأغنيه يتغني بها الركبان
فكانت من الاسكلة وحلا
أما سبب المشكلة :
كان هناك بيت في الأغنية (لا يغني الآن) يقول:
انتا يا الخرطوم كون صبور والله بعدك أصبح قبور
أثار البيت أعلاه بنات الخرطوم كيف الخرطوم صبحت قبور بعد سفر هذه الملين؟؟
قام وفد من بنات الخرطوم بزيارة ابن الخرطوم بحري الشاعر صالح عبد السيد ( أبو صلاح) وطلبوا منه الرد على ود الرضي (العربي الذي أساء لبنات الخرطوم)
أبو صلاح ما قصر ألف أغنية طويلة يقول آخر مقطع فيها:
ألف ملين ما تساوي خاتم في خنيصرك تلبسي
والحرب دورت بين سرور وود الرضي من جهة
وأبو صلاح من جهة أخري
وحدث استقطاب شديد وانقسم الشعراء لقسمين
حتى تدخل العقلاء (خليل فرح وعمر البنا) وتم احتواء المشكلة

Post: #1579
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 09-17-2009, 03:20 AM
Parent: #1578

Post: #1580
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 09-17-2009, 03:21 AM
Parent: #1579

Post: #1581
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 09-17-2009, 03:23 AM
Parent: #1580

Post: #1582
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 09-17-2009, 03:25 AM
Parent: #1581

Post: #1583
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 09-17-2009, 03:27 AM
Parent: #1582

Post: #1584
Title: Re: أغاني وأغاني.. للقدامى والمستجدين..
Author: الزوول
Date: 09-17-2009, 03:38 AM
Parent: #1583

السلام عليكم
......
زماااااااااااان
كنت بشيل كتاب زهرة الأغاني
أمشي اقيف قدام المراية
وهاك يا غنى
...
مشكلتي كنت ما بقدر اعاين للمراية وأقرأ في نفس الوقت
فغالباً الغنا كان يطلع مشاتر
ولما جاني ( شوية عقل كده )
خليت الحركة البايخة دي
وبيني وبينكم ... ما كنت قايل في ناس كتار بيعملوها
....
جماعتنا ديل – الله يهديهم
أعادوا إلى ذكريات العهد البائد داك

....
الطيب محمد ود الرضي

Post: #1585
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-17-2009, 03:49 AM
Parent: #1584

البرنامج ده حقو يسموهو :-
السر قدور وذكرياتي في
غناء الحقيبة والغناء الشعبي
والغناء الحديث مع اصدقائي.
وعاصم البناء يبقي الالفه بتاع
الكنبتين وافراح الموج تبقي
نائب الالفه .

غايتو رمضان ده لما يودع بنكون
فطسنا.

Post: #1586
Title: Re: أغاني وأغاني.. للقدامى والمستجدين..
Author: Ahmed al Qurashi
Date: 09-17-2009, 06:15 AM
Parent: #1585

Quote: وقصة الأغنية أن سرور رأى مليم وهى تتجه مع أسرتها على الباخرة المتجهة إلى جنوب السودان من الاسكلا التي هي مرسى السفن الذي كان يقع جنوب منطقة فندق الهيلتون الحالي

اظننى كنت متسرعا قليلا عند التوثيق لهذه الاغنية

فالاسكلا تقع شمال الهيلتون وليس جنوبه وبالتحديد شمال

المنطقة التى تقع بين قاعة الصداقة والهيلتون

اى انها غرب مرسى توتى الحالى

هنالك منطقة فى امدرمان غرب السوق يطلق عليها الاسكلا وهى بعيدة عن النيل

وهى الفسحة التى تتحرك منها حافلات السوق الشعبى الخرطوم

لا يمكن تعديل ما كتبت سابقا فى بوست الحزن فى الاغنية السودانية نسبة لارشفته قبل سنة ونصف

Post: #1587
Title: Re: أغاني وأغاني.. للقدامى والمستجدين..
Author: abubakr
Date: 09-17-2009, 06:51 AM
Parent: #1586

من المفارقات ان الجهد الذي بذله متابعي اغاني واغاني منذ 2006 الاسفيريين كما هو في مداخلات هذا العام والاعوام الثلاث الماضية يفوق اي جهد قامت به فضائية النيل الازرق في اعداد وتقديم واخراج هذا البرنامج والذي ابتلي بشخصنته وفق رؤي ومزاج مقدمه و المشتركيين فيه فاختلطت الوقائع الصحيحة بما تيسر من اجتهاد احيانا عشوائي ... ربما دورة واحدة(ثلاثون حلقة) من هذا البرنامج كانت كافية لو اعد اعدادا صحيحا وقدم وفق معايير مدروسةو لكانت الفائدة تتجاوز تزجية وقت كما نفعل الان ...اضاعت النيل الازرق فرصة ان تؤرخ لجزء من الغناء السوداني وجد قبولا عاما وسط السودانيين وتوفرت له معينات لم تتوفر لكثير من اغاني اهل السودان ذوي الثقافات المتعددة ..سوء ادارة الفضائيات السودانية يذهب بجل الفائدة المرجوة منها وتبقي تجرجر الخطي متخلفة اعدادا وانتاجا واخراجا وابداعا ....

Post: #1588
Title: Re: أغاني وأغاني.. للقدامى والمستجدين..
Author: حبيب نورة
Date: 09-17-2009, 07:14 AM
Parent: #1587

AFRAH

Post: #1589
Title: Re: أغاني وأغاني.. للقدامى والمستجدين..
Author: Tabaldina
Date: 09-17-2009, 08:25 AM
Parent: #1588

..
.
حلقة لا تعدو ان تكون سوى مجرد
رحلة شباب تحت احد اشجار الفكى هاشم ..

_____________

البركة فى غطاء حافظة الموية
الساعد عصام وشريف ..

Post: #1590
Title: Re: أغاني وأغاني.. للقدامى والمستجدين..
Author: abubakr
Date: 09-17-2009, 08:36 AM
Parent: #1588

Quote: AFRAH

ود الموج بيحكي انكليزي ...

Post: #1591
Title: Re: أغاني وأغاني.. للقدامى والمستجدين..
Author: بابكر التوم
Date: 09-17-2009, 10:16 AM
Parent: #1590

الاخوة والاساتذة الاجلاء ..

وصاحبة البوست الرائع نجوان ،،،،

ونحن فى خواتيم البرنامج لى مقترح بأن يقيم الجميع البرنامج من / 10 ويكون التقيم كل على حدة من نواحى ...

* مقدم البرنامج
* المؤدين الاساسين فرادا
* كنبة الاحتياطى كمجموعة (نجوم الغد ) حتى لا يظلموا لقلة المساحة التى اتحيت لهم
* الفرقة الموسيقية (بالنسبة لى بعطى الرجل الخفى عازف البيز محمد بشير 10/10 )
* الاخراج
* هندسة الصوت
* الديكور (اعتقد بانها كلها من اختصاصات المخرج والمعد )
ـــــــــــــــــــــــــــــــــــــــــــــــــــ

وعمل مسودة بالملاحظات كورقة تقيمية للدورة مع تقديم مقترحات للدورة القادمة ...

عسى ولعل يستفيد منها المعد والمؤدين...

مجرد اقتراح

Post: #1595
Title: Re: أغاني وأغاني.. للقدامى والمستجدين..
Author: abubakr
Date: 09-17-2009, 02:54 PM
Parent: #1591

Quote: * مقدم البرنامج
* المؤدين الاساسين فرادا
* كنبة الاحتياطى كمجموعة (نجوم الغد ) حتى لا يظلموا لقلة المساحة التى اتحيت لهم
* الفرقة الموسيقية (بالنسبة لى بعطى الرجل الخفى عازف البيز محمد بشير 10/10 )
* الاخراج
* هندسة الصوت
* الديكور (اعتقد بانها كلها من اختصاصات المخرج والمعد )

يابابكر "اللبس اللبس " الخلي ممكونة تصير ممكونة الارهابية ؟؟ قبل شوية في تلفزيون السودان شفت فنان شاب اخر ياتي في اعلي قائمة الفنانيين الشباب ومبهدل نفسو في بدلة وقميص وكلاهما ستايل مختلف وواسع منه ..."الهندام " يابابكر فالفنان ه يجب ان يهتم بالمظهر العام والهندام و"يعرف" كيف يختار ما يلبس ...الاسواق مليئة بالملابس التي تناسب كل الاحجام والمناسبات ... امس شاهدت في فضائية سودانية احد المذيعيين "المشهوريين " وفي برنامج حوار ينتعل "كيكرز" ابيض وقميص احمر فيه اعداد كثيرة من الازرار وبنطلون كحلي ...هؤلاء يعتبرون بلغة الفرنجة Celeberties ويحاكيهم الصغار .....

من المفارقات اشتهر بعض من السودانيين كمذيعيين مفوهيين عارفيين يخاطبون المستمع من خلف مايكروفون ولكن حين تقابلهم وفي عملهم كانو شديدي الاناقة والانضباط في اللبس رغم ان المستمع لا يراهم .. كل ذلك احتراما لذواتهم وعملهم ومستمعيهم حتي ولو عرفو عندهم كاصوات فقط ...

البهدلة المرئية لزوما شنو ... صدقني تغيير انطباعي عن كل المشتركيين والمشتركات واللذين /اللاتي ظهرو/ن بلبس غير متناسق او لا يليق بالمناسبة وصرت لا اتحمس لغنائهم/ن ..

Post: #1592
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-17-2009, 10:16 AM
Parent: #1590

دكتور احمد القرشي

حسب روايات اغنية من الاسكلا وحسب ما كتب الكثير عن هذه الاغنية
يقال انها تقع جنوب الهيلتون وفعلا كما ذكرتها انت من قبل وكان مصدرك هو
الاجمل لذلك استعنا به لتوضيح سبب اغنية الشاعر ود الرضي .

الاستاذ عماد عثمان احمد
مشكور على الاحصائية الجميله لكل الاغاني التي تغنت في برامج اغاني واغاني
وهذا يدل على ان في اغاني كثيره تم تكرارها وهل جف بحر الغناء
في السودان ام ماذا .
مشكور اخي عماد عثمان وزير بحري للتوثيق والسياحه

Post: #1593
Title: Re: أغاني وأغاني.. للقدامى والمستجدين..
Author: Ahmed al Qurashi
Date: 09-17-2009, 11:37 AM
Parent: #1592

الاخ / وليد

Quote: حسب روايات اغنية من الاسكلا وحسب ما كتب الكثير عن هذه الاغنية
يقال انها تقع جنوب الهيلتون وفعلا كما ذكرتها انت من قبل وكان مصدرك هو
الاجمل لذلك استعنا به لتوضيح سبب اغنية الشاعر ود الرضي

الاسكلا تقع شمال الهيلتون على النيل الازرق وهنالك كافتيريا تحمل نفس الاسم

قريبة من تلك المنطقة ..

جنوب الهيلتون مناطق زراعية وفسحات حولت الى مساحات تطوير

المقرن ثم شارع الكبرى الجديد والغابه .

كنت مخطئا ومتسرعا عند توثيقى لهذه الاغنية فكتبت جنوب بدلا عن شمال الهيلتون

الاستاذ مبارك المغربى فى كتابه رواد شعراء الاغنية السودانية قال انها تقع شمال المتحف القومى

دائما مراسى السفن تفام فى المناطق العميقة وهدا ما يميز شواطئ النيل الازرق عكس النيل الابيض والذى تتميز شواطئه بالضحاله

ولهذا كان كبرى النيل الابيض يفتح من الوسط لمرور البواخر للجنوب ويفتح كبرى النيل الازرق من طرف

بحرى لمرور البواخر الى مدنى وبقية المناطق لى النيل الازرق

Post: #1594
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-17-2009, 02:07 PM
Parent: #1593

Quote: الاسكلا تقع شمال الهيلتون على النيل الازرق وهنالك كافتيريا تحمل نفس الاسم

قريبة من تلك المنطقة ..

مشكور دكتور احمد القريش
للتوضيح .
وياريت توضح لينا اغنية ينوحن لي حماماتن وفي البيت الذي يقول
(وضيبن هدد اللادن )ام (وضيبن هدهد اللادن )
والاثنين كتبت بهذه الطريقة
ولكن انا بقول مبارك حسن بركات غناها صحيحيه وقال (هدد اللادن )
وليس كما غناها حمد الريح وقال (هدهد اللادن )

Post: #1596
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-17-2009, 03:30 PM
Parent: #1594

معليش يا ستي وجن
ومعليش يا جماعة
اظنها الحصة حتبقي معاي سؤالات :-
يا دكتورنا ويا صاحبنا احمد القرشي
ياخ شايف في يوم الجمعة الجاي الساعه
11 ونص مساء علي قناة النيل الازرق في
لقاء سهرة اسمه:- ساعة مع الحقيبة انا
شفته الدعايات سريع كده واتخيل لي الساعة
دى معاك انت واخونا مصطفي السني بالله شوفي
ده صح ؟

لوصح اهو اخيراً عقاب رمضان ده حنطلع من شاطي
النيل الازرق بشئ مفيد.

Post: #1597
Title: Re: أغاني وأغاني.. للقدامى والمستجدين..
Author: طارق ميرغني
Date: 09-17-2009, 03:34 PM
Parent: #1594

اعزائي ونحن صغار كنا عند مرورنا بشارع النيل مع الوالد بعربته كنا نمر بتلك المنطقة التي كانت

تسمي الاسكلا

لم نر بواخر او خلافه لكنها بالفعل كانت تقع في المنطقة شمال فندق الهيلتون وكان يوجد علي شاطيء

النيل كميه ضخمة من المواسير والبايبات والفالفات او البلوفه والحوابس وتوجد ايضا غرف كبيره من

الزنك وبداخلها العديد من المواتير وكانت المنطقة القصادها اي جنوب شارع النيل بها كميه ضخمة من

اشجار النخيل كانها جزء من شواطيء الشماليه وبها ايضا كمية من الغرف المصنوعة من الزنك

كان هذا المنظر موجود حتي الستينيات .

اتمني ان اكون اوضحت ولو القليل.

اخي وليد الوضيب هو الشعر واللادن في الغالب مايستعمل التعبير للكفل والتهديد بعد داك ارسم لوحته من

خيالك...

Post: #1598
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-17-2009, 05:21 PM
Parent: #1597

الحلقة حتبدا بعد شوية

ادعو رب العرش العظيم

ان تخلومن اغانى الحقيبة

Post: #1599
Title: Re: أغاني وأغاني.. للقدامى والمستجدين..
Author: abubakr
Date: 09-17-2009, 05:30 PM
Parent: #1598

حظي متنيل بنيلة ... كل يوم اجتهد في ان اتفادي "خديجة" وانتقل الي النيل الازرق بعد ان اكون قد حسبت الوقت تمام التمام بالدقائق بحيث اصل بعد خديجة ولكن مقالب النيل الازرق كثيرة فكل اليوم خديجة زي اليويو تنط فجاءة ...

Post: #1600
Title: Re: أغاني وأغاني.. للقدامى والمستجدين..
Author: abubakr
Date: 09-17-2009, 05:41 PM
Parent: #1599

الموضوع :عبيد الطيب

البي دلالو

نادر

Post: #1601
Title: Re: أغاني وأغاني.. للقدامى والمستجدين..
Author: abubakr
Date: 09-17-2009, 05:47 PM
Parent: #1600

عصام م نور شريف في سلام

_____
عجبتني الاغنية

Post: #1602
Title: Re: أغاني وأغاني.. للقدامى والمستجدين..
Author: abubakr
Date: 09-17-2009, 05:49 PM
Parent: #1601

فردتنا في يا قايد الاسطول

____

تصبيرة

Post: #1603
Title: Re: أغاني وأغاني.. للقدامى والمستجدين..
Author: abubakr
Date: 09-17-2009, 06:02 PM
Parent: #1602

وقف وسوقني معاك

ريماز واخيرا

Post: #1604
Title: Re: أغاني وأغاني.. للقدامى والمستجدين..
Author: abubakr
Date: 09-17-2009, 06:09 PM
Parent: #1603

فردتنا وشكوي

___
كوووويس

Post: #1605
Title: Re: أغاني وأغاني.. للقدامى والمستجدين..
Author: abubakr
Date: 09-17-2009, 06:11 PM
Parent: #1604

رزانة اداء والحان الراحل عيبيد الطيب فرضت علي المشاركيين اليوم اسهاما يليق بذلك

Post: #1607
Title: Re: أغاني وأغاني.. للقدامى والمستجدين..
Author: abubakr
Date: 09-17-2009, 06:13 PM
Parent: #1605

هذين الشابيين لهما اسهام كبير في ضبط ايقاع كل الحلقات وحتي حين يشاتر المغنون ...

Post: #1606
Title: Re: أغاني وأغاني.. للقدامى والمستجدين..
Author: Raja
Date: 09-17-2009, 06:12 PM
Parent: #1603

عاصم البنا ما حاصلش...

تحلية الحلقة والأسبوع والشهر كله..

But still Abubakr, Nadir is #No 1

Post: #1608
Title: Re: أغاني وأغاني.. للقدامى والمستجدين..
Author: طارق ميرغني
Date: 09-17-2009, 06:15 PM
Parent: #1606

عاصم البنا قمة الابداع في رائعة اسماعيل الشريف " خورشيد " بعيد مني وابدع ما لحن الراحل علاء الدين حمزه.

اجاد وبكل صراحه لخص تاريخه الابداعي وتمكنه في هذه الاغنيه.

الفرقة الموسيقية كالعادة نجمة كل الحلقات...

شريف الفحيل بخطي ثابته كما عودنا وربنا يوفقه

ريماز ميرغني المبدعة اليوم اجادوا عليها بدقائق من الابداع

وبس....

Post: #1609
Title: Re: أغاني وأغاني.. للقدامى والمستجدين..
Author: abubakr
Date: 09-17-2009, 06:16 PM
Parent: #1606

Quote: But still Abubakr, Nadir is #No 1

عندنا اغنية نوبية تقول "هب الناس مساهب اينن ايقوون ايكا دولولنا " والمعني "للناس مذاهب في حبهم وانا حبيتك".. ربنا يعينك ...

Post: #1610
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-17-2009, 06:19 PM
Parent: #1609

عاصم
حريف حرفنة ميسى الارجنتينى

الحلقة عبيدالطيب
برضو لقا ليهو فرقة يغنى حقيبةقائد الاسطول

ريمازابدعت اليوم

بس محتاجة شوية حيوية وفرفرة

Post: #1611
Title: Re: أغاني وأغاني.. للقدامى والمستجدين..
Author: نجوان
Date: 09-17-2009, 07:21 PM
Parent: #1610

حلقة حلووة..

عاصم.. ريماز.. وشريف
تمام التمامين..

____
اتنبأ لشريف بإنطلاقة حقيقية بعد هذا الموسم..
صوت رائع ومريح..

Post: #1612
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-17-2009, 09:54 PM
Parent: #1611

____
Quote: اتنبأ لشريف بإنطلاقة حقيقية بعد هذا الموسم..
صوت رائع ومريح..

ده الكلام

Post: #1613
Title: Re: أغاني وأغاني.. للقدامى والمستجدين..
Author: rosemen osman
Date: 09-17-2009, 10:50 PM
Parent: #1606

Quote: عاصم البنا ما حاصلش...

تحلية الحلقة والأسبوع والشهر كله..

But still Abubakr, Nadir is #No 1

رجاء أنت زيي تمام
عاصم+نادر 100%
رغم أننا ما بنشوف النيل الأزرق وحاقدة على كل الناس الهنا (المنظراتية) :)
كل سنة وأنتو طيبين ولامين وما بعجبكم العجب :)

Post: #1614
Title: Re: أغاني وأغاني.. للقدامى والمستجدين..
Author: maia
Date: 09-17-2009, 11:17 PM
Parent: #1613

اغاني اليوم كانت بتتناسب تماما مع صوت عاصم البنا ( ما زلت تحت تاثير وجع المرارة على حقبنة اغنية العاقب محمد حسن)

شريف الفحيل لو لقى من يرعاه ويهتم بيهو حيكون له شان كبير في عالم الغناء

اتفق معاكي نجوان في انه يمتلك خامة صوتية جميلة

ريماز كذلك محتاجة لمن يرعى صوتها بقوةبالجد صوتها رائع

اتمنى انهم يواصلوا بنفس القوة وما يقدموا تنازلات بنوعية الاغاني الحايمة اليومين ديل

غايتو الحلقة الما بيكون فيها فرفور بتطلع منها باقل الخسائر كمشاهدين

Post: #1615
Title: Re: أغاني وأغاني.. للقدامى والمستجدين..
Author: عبدالله وداعه الامين
Date: 09-18-2009, 00:32 AM
Parent: #1614

سلام اهلنا الطيبين

هدية لي بت العباسي راوية

Post: #1616
Title: Re: أغاني وأغاني.. للقدامى والمستجدين..
Author: طارق ميرغني
Date: 09-18-2009, 00:34 AM
Parent: #1614

Quote: رجاء أنت زيي تمام
عاصم+نادر 100%

بالضبط ........

Post: #1617
Title: Re: أغاني وأغاني.. للقدامى والمستجدين..
Author: abubakr
Date: 09-18-2009, 07:52 AM
Parent: #1613

Quote: رغم أننا ما بنشوف النيل الأزرق وحاقدة على كل الناس الهنا (المنظراتية) :)

يابتي الموضوع ما بيستاهل الحقد بيجيب ليك وجع مرارة ساااي انتي بس اقري المكتوب هنا واتخيلي الاغنية وما تنجري ورا ناس ابواليمن الجبلاويين اصلو الكوارييك متعوديين عليها ....

________

الاغاني كلها موجودة في الفيسبوك باسم AGHANI O AGHANI

Post: #1618
Title: Re: أغاني وأغاني.. للقدامى والمستجدين..
Author: abubakr
Date: 09-18-2009, 10:16 AM
Parent: #1617

اعيب علي البرنامج محليته المطلقة و انه لم يراع ان فضائيات اليوم مفتوحة لكل العالم وبالتالي امر تعريف العالم وبالذات الذي حولنا من الناطقيين بالعربية بالغناء و الموسيقي السودانية يغيير من ضييق فهمهم لنا فالغناء الخليجي مثلا كان غير معروف قبل عقديين وسط الاعداد الغالبة من النطاقيين بالعربية واليوم له مستمعيين كثر بل مغنيين يرددون اغاني خليجية وحتي وسط شباب مغني السودان ( زاكي الدين وصباحي وشروق ..الخ ) ..المخاطبة من خلال شاشة ليست كالتي من خلف مايكروفون واعتبار حتي ولو نسبة هامشية من غير السودانيين يمكن ان تشاهد جزء من البرنامج كان يجب ان يكون واردا عند معد ومقدم ومخرج البرنامج وبالتالي الاهتمام بالشكل والمظهر والانضباط اي ال Presentation كان يجب ان يكون من الاولويات .. ...حماسنا لما هو كله سواني امر وارد ولكن الموضوعية بحيث نهتم بتفاصيل ومصداقية ما نقول ونشاهد امر واجب حيث ان البرنامج يعتمد علي سرد من الذاكرة غير معد ولا مكتوب لشخص واحد بحيث يبقي امر التاكد من تمام حقيقة ما ذكر غير وارد ثقة فقط في الشخص نفسه والتاريخ لا يكتبه شخص واحد ومن الذاكرة ...والسودان لا يملكه شخص ولا راي واحد وامر الغناء ليس كماليا وانما هو عاكس لارث وثقافة شعب او شعوب وبالتالي الموضوعية في تسجيل تاريخيه واجب ...
الغرض ليس نقدا من اجل النقد ولا نكرانا لما وفره هذ البرنامج من متعة الاستماع والتلاقي اسفيريا والاستزادة من المعرفة ولكن لتكون المنفعة عامة في صالح اهل السودان فنحن نكثر الشكوي من ان تاريخ بلادنا هو من دفاتر ذكريات الرحالة و عسكر المستعمر وموظفيه ومعظمه سرد من الذاكرة واليوم وحين توفرت لنا المعينات نفعل مثلهم تماما سرد من الذاكرة عشوائي ....

والشكر موصول للنيل الازرق والاستاذ السر قدور والفرقة الموسيقية والتي تستحق الكثير من الثناء لما لهم من ذاكرة موسيقية تجعلهم يعزفون دون نوت موسيقية كل الالحان بكفاءة عالية ولولاهم لفقد البرنامج الكثير بسبب عشوائية الاعداد وعدم الترتيب المسبق بحيث تكون النوتة الموسيقية هي التي تستعيين بها الفرقة بدلا عن ذاكرة لحسن الحظ وقادة ....
الشكر للجيليين من شابات وشبان المغنيين فهم كذلك عانو من سوء الاعداد بحيث وجدو انفسهم يؤدون اغاني لم يستعدو لها مسبقا وبعضها لايليق بامكاناتهم واصواتهم ولكنهم رغم ذلك اجتهدو وامتعونا ....

نامل ان امد الله في الاجيال ان تكون هنالك في الاعوام القادمة نسخة موسيقية تسمي "موسيقي وموسيقي " يكون مقدمها محمدية فهو ذاكرة الموسيقي السودانية الحديثة يستعيين بمن بقي من جيله من الموسيقيين ليقدمو سردا موسيقيا لتاريخ الموسيقي الذي لازم غناء اهل الوسط والذي هو احد اوجه الغناء السوداني الاكثر انتشارا واضافة بعض من موسيقي اهل السودان في الاطراف ولدي مجموعات واثنيات السودان الكثيرة والمتعددة ..
( فكرة مجانا لا اطلب فيها الا ابداعا وحقا فكريا لهذا البوست وسودانيزاونلاين :)

Post: #1619
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-18-2009, 12:47 PM
Parent: #1618

Quote: عندنا اغنية نوبية تقول "هب الناس مساهب اينن ايقوون ايكا دولولنا " والمعني "للناس مذاهب في حبهم وانا حبيتك".. ربنا يعينك ...

اشريا

Post: #1620
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-18-2009, 01:10 PM
Parent: #1619

Quote: رغم أننا ما بنشوف النيل الأزرق وحاقدة على كل الناس الهنا (المنظراتية) :)

ابوبكر ياهندسه
غايتو انا اصغر المنظراتيه لاني برلوم
ياربي يكون اكبر المنظراتيه منو اكيد ست البوست (نجوان )
نجوان
يعني لو كنت فتحت بوست سياسي ما كنا جيناك
وسمعنا اننا من ضمن المنظراتية
طارق ميرغني (ابوالفن )
1كيد بعرف المعنى (هدد اللادن و هدهد اللادن ) ورسمنا الصوره من قبل
وهدد هي الاجمل زي ماقال مبارك حسن بركات وجمال النحاس
وليس كما قال حمد الريح

Post: #1621
Title: Re: أغاني وأغاني.. للقدامى والمستجدين..
Author: abubakr
Date: 09-18-2009, 01:12 PM
Parent: #1620

Quote: ياربي يكون اكبر المنظراتيه منو اكيد ست البوست (نجوان )

الديناصورات انا وطارق ...

Post: #1622
Title: Re: أغاني وأغاني.. للقدامى والمستجدين..
Author: Abd-Elrhman sorkati
Date: 09-18-2009, 01:23 PM
Parent: #1621

البرنامج من حسناته أنه قام بتعرية إمكانات المغني نادر خضر والتي أقل ما توصف بأنها

عادية ويمتلكها أي شخص غاوي مغني ،،،،

بتنا منار اتظلمت ظلم الحسن والحسين( ولو عاوزين تتأكدوا جيبوا لي ملفات الحسن والحسين )

ولكن الطريق أمامها واضح وستوصل بأذن الله ،،،

Post: #1623
Title: Re: أغاني وأغاني.. للقدامى والمستجدين..
Author: abubakr
Date: 09-18-2009, 04:15 PM
Parent: #1622

صباح اليوم الجمعة رزق المعلق الفني في البوست دة محمد سيداحمد مولودا ذكرا..تمنياتي للقادم بعالم كله اغاني ولوالدته بالسلامة والف مبروك يامحمد

Post: #1624
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-18-2009, 05:40 PM
Parent: #1623

Quote: صباح اليوم الجمعة رزق المعلق الفني في البوست دة محمد سيداحمد مولودا ذكرا..تمنياتي للقادم بعالم كله اغاني ولوالدته بالسلامة والف مبروك يامحمد

ياهندسه
الف الف مبروك
في هذا اليوم العظيم
وهذا الشهر العظيم
ويتربى في عز والديه

Post: #1625
Title: Re: أغاني وأغاني.. للقدامى والمستجدين..
Author: abubakr
Date: 09-18-2009, 05:42 PM
Parent: #1623

موضوع الحلقة :

الحب

بادي محمد الطيب كان صوتا رائعا ومؤديا عظيما حساسا

كان يستعيد سرور بصوته

مادر في اجلي النظر يا صاحي

Post: #1626
Title: Re: أغاني وأغاني.. للقدامى والمستجدين..
Author: abubakr
Date: 09-18-2009, 05:47 PM
Parent: #1625

حسن ابشر الطيب كان السبب في ظهور بادي حين قدمه في برنامج تلفزيوني بعد ان عرف وسط الطلاب حيث كان يعمل في الجامعة بادي نقل الغناء القديم الي الشباب

عصام احمد الطيب
في حبيب الروح

Post: #1627
Title: Re: أغاني وأغاني.. للقدامى والمستجدين..
Author: abubakr
Date: 09-18-2009, 05:50 PM
Parent: #1626

عصام م نور في ما بخاف

Post: #1628
Title: Re: أغاني وأغاني.. للقدامى والمستجدين..
Author: abubakr
Date: 09-18-2009, 06:10 PM
Parent: #1627

الحلاويين اهل علم واهل شجاعة وفن

من غناء التراث في الحلاويين

سيفك بصوت منار

___اجمل ما سمعت من منار ....

Post: #1629
Title: Re: أغاني وأغاني.. للقدامى والمستجدين..
Author: abubakr
Date: 09-18-2009, 06:20 PM
Parent: #1628

جارو اهلك

بصوت فردتنا

______________
اقلاع وهبوط للسخوي باهر

Post: #1630
Title: Re: أغاني وأغاني.. للقدامى والمستجدين..
Author: abubakr
Date: 09-18-2009, 06:24 PM
Parent: #1629

حلقة ممتعة ... كونها عن بادي تجعلها ممتعة .. في نهاية ستينات العقد الماضي صار بادي هو فنان جامعة الخرطوم الاول وعند كثيرين منا الاول و الاخير ... لم يخذلنا قط اداء وصوتا ومجاملة لنا في كل نشاطاتنا بسماحة وحب ....

Post: #1631
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-18-2009, 06:28 PM
Parent: #1627

بتريد اللطام اسد الكداد السام === هزيت البلد من اليمن للشام
سيفك للفقر قلام
ابو الفن .. هندسه ..نجوان
معاي ان منار صوت جميل ومن غير رتوش
عاصم البنا
صوت من مدرسة اولاد البنا
عِلا القميص يعمل الكاللو (ولا شنو ياهندسه )
عصام محمد نور
اليوم ضعيف في رائعة بادى
ما بخاف من شي برضي خابر المقدر لابد يكون
اليوم ضعيف لان الفنان بادي
صوته قوي ويطلع من الصدر وعصام لايستطيع مطابقنه

Post: #1632
Title: Re: أغاني وأغاني.. للقدامى والمستجدين..
Author: abubakr
Date: 09-18-2009, 06:32 PM
Parent: #1631

Quote: عِلا القميص يعمل الكاللو (ولا شنو ياهندسه )

ها ان مربط اصابعيني كلهم وبدخلم في موية دافية كل يوم اصلو عندي سكري وخايف بعيد عن السامعيين الحالة تسوء ... قول يا شافي ....

Post: #1633
Title: Re: أغاني وأغاني.. للقدامى والمستجدين..
Author: abubakr
Date: 09-18-2009, 06:35 PM
Parent: #1632

ود الموج ما قال من الحلاويين اها ما اتوسط للتراسايكليين في حلقة بادي ليه واللا بس كلام سااااي

Post: #1634
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-18-2009, 06:44 PM
Parent: #1632

Quote: ها ان مربط اصابعيني كلهم وبدخلم في موية دافية كل يوم اصلو عندي سكري وخايف بعيد عن السامعيين الحالة تسوء ... قول يا شافي ....

ياشافي
ماتخاف ياهندسه
عاصم البنا راجل فنان وجميل
بس عاجبني مصطلح الكاللو

Post: #1635
Title: Re: أغاني وأغاني.. للقدامى والمستجدين..
Author: Ahmed al Qurashi
Date: 09-18-2009, 07:13 PM
Parent: #1634

هنا يجب أن نقف عند بادي وننحني لهذا الفنان القامة ونرفع القبعة تحية وتقديرا لفنه ونرفع الأيدي داعين له بالرحمة والمغفرة .... علاقتي به امتدت لأكثر من ربع قرن ومنه استقيت جلّ معلوماتي عن أغاني الحقيبة، ولقد سعدت كثيرا عندما زارني بسلطنة عمان ولمدة أربع أشهر متواصلة .... أطرب لأدائه وأتأدب بأدبه وأوثق لفنه ، وكما ذكر الفنان عاصم البنا فإن بادي قد قام بتلحين العديد من الأغاني منها بتريد اللطام للشاعرة رقية شقيقة ودحبوبه والواعي ما بوصو للشاعرة بت مسيمس ولقد قال لي بادي أن هذه الأغاني كانت تغنى على شكل مناحات فقام بتلحينها بهذه الألحان الجميلة وكذلك أغنية كسار قلم ماكميك وأغنية العديل والزين أنا منايا ليك فال الحسن والحسين وهذه الأغنية كانت تغنى إنشاداً في مناسبات الزواج، كما لحن أيضا أغنية الليلة هوى يا ليل وقال لي أنه وجدها بمجلة أنا أم درمان .
وأيضا غنى بادي للقضية الفلسطينية (رجال العرب فلسطين تحيكم) وكذلك غنى لحركة فتح (أنا غنيت لفتح) وهذه الأغنية أعطاه إياها الأستاذ الطيب محمد الطيب في بداية السبعينيات. وكذلك جيشنا العربي حامى عرينو.
وأيضا لحن بادي أغنية زاد ألمي للشاعر زغبير عبدالماجد وفتاة اليوم ، وأنت حلوة، وست البنات وهى من كلمات الشاعر عوض جبريل ، ولحن أيضا أغنية العروسه وكذلك غير ألحان الكثير من الأغاني مثل عيون الخنساء والكواكب احتفلوا بالقمر حيث قال الفرجونى في إحدى حلقات حقيبة الفن أن لحن بادي أجمل من لحن كرومه ولكن بادي قال في تواضع ( أنا ما بلحق كرومه)، وكذلك لحن بادي أغنية ما بخاف من شئ حيث أنها كانت مجارية لأغنية أحرموني ولا تحرموني وأعطاها هذا اللحن الجميل الذي أعجب شاعرها الأمي كثيراً ، وكذلك لحن أغنية أملي وغاية المنية فقال له عبدالرحمن الريح إن لحنك أجمل من لحنها الأصلي ... وغير لحن أغنية حبيب الروح نسانا ...

الكثير من الأغاني قام بتلحينها الفنان الراحل بادي محمد الطيب ولا يتسع المجال لذكرها في هذا البوست ولكنى بصدد التوثيق لحياة هذا الفنان الكبير.

Post: #1636
Title: Re: أغاني وأغاني.. للقدامى والمستجدين..
Author: الزوول
Date: 09-18-2009, 07:16 PM
Parent: #1634

السلام عليكم
......
حلقة أخرى مميزة
.....
يا له من غناء جميل
ويا لهذا الإبداع الشعري الرائع
....
يجلي النظر يا صاحي
منظر الإنسان ..
الطرفو نايم وصاحي
صاحي كالنعسان
في الضي جبينها البان والبدر ...خلان
تجمع لطافة ورقة ونفرة الغزلان
ما بين أنّ جسيمها اللادن الكسلان
يذري الحرير الناعم والغصين البان

يا ريت واحد يفسر البيت التحتو خط ده
......
ما بخاف من شيء
أصلي خابر ...المقدر لا بد يكون
لم استطيع تصنيف هذه الأغنية
غناء ، مديح
أرشح فرقة الصحوة لأدائها
.....
أبدعت منار في القصيدة الحماسية
سيفك للفقر قلام
ولكن بدلاً من تكرار المقطع الأول
يا ريت لو كانت غنت المقطع الذي من أجله قيلت القصيدة
الإعلان صدر وأتلمّت المخلوق
بعيني بشوف أب رسوة طالع فوق
كان جات بالمراد واليمين مطلوق
ما كان ينشنق ود ابكريق في السوق
.....
....

Post: #1643
Title: Re: أغاني وأغاني.. للقدامى والمستجدين..
Author: معتصم الطاهر
Date: 09-18-2009, 09:36 PM
Parent: #1636

Quote: ما بين أنّ جسيمها اللادن الكسلان
يذري الحرير الناعم والغصين البان

الزوول
سلامات

يحتمل تفسرين ..
أن ( أداة توكيد )جسيمها ذلك اللدت يفوق الحرير نعومة و البان ميسان ..

وتانى لو أنّ من الأنين يكون هذا الجسم يئن من وطء نفسه ..

Post: #1637
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-18-2009, 07:18 PM
Parent: #1634

Quote: صباح اليوم الجمعة رزق المعلق الفني في البوست دة محمد سيداحمد مولودا ذكرا..تمنياتي للقادم بعالم كله اغاني ولوالدته بالسلامة والف مبروك يامحمد

الف الف الف مبروووووك لاخوي محمد سيد احمد وحمداً علي سلامة المدام
ومرحب حباب المولود في بيت كله ثقافه ومعرفه واحترام.
وتشكراتي للمهندس الفنان ابوبكر صاحب المترو العجيييييب .

بخصوص الحلقة :-
كونها عن الكنار العصامي بادي محمد الطيب(شيخ طه) يكفي
أنها تكون جميلة جداً جداً فبادي فنان في كل شئ واكثر ما
يميزه أنه محب للغناء ومتزوق للكلمات وللشعراء وللالحان
وتشعر حين تسمعه بالفه ولطافه لا حدود لها وصوت بادي من
الاصوات التي اول ما تسمعها تسكنك وتنازعك الروح والنفاس
طول حياتك .
بادي فنان فنان فنان فنااااان الي أن غادر جسد وبقي روح.

الآداء في الحلقة :-
منار الاولي بشكل كاااااامل
عصام محمد نور لم يستطع آداء اغنيته بشكل جيد.
نادر خضر بطريقته التقريرية كلعادة وزاد عليها بمود كسلان جداً
اليوم .
عاصم البناء آداء ممتاز واتحرك في اغنية تشبه امكانياته ونجح
فيها .

عمنا السر قدور تفاعل مع الحلقة محبة ومشاركة في الآداء.

ملحوظة:-
في دعايات جديدة والا يتخيل لي سااااي؟
انتو خديجة دي في البيت متخمخمه بي توب
ومنطلون وحجاب مالا؟ وبعد خمخمته دي البوديها
تكشف للشمارات بالبلكونه شنو؟

Post: #1638
Title: Re: أغاني وأغاني.. للقدامى والمستجدين..
Author: abubakr
Date: 09-18-2009, 07:32 PM
Parent: #1637

Quote: في دعايات جديدة والا يتخيل لي سااااي؟

لالالالا ما تتخيل .. دييل بيتخيلو براهم ..
شوية اعلانات "كسرة" زي الغنا الزمانك؟؟ انت ما سمعت غنية اللحمة "دي بلدي " وبيكسروها بشراب جديد من استيم كدة بس يشوتو الغرشة (دة البوتل او القزازة) وتوش تلقطا بنية وهاك يا كركعة وبس ....

Post: #1639
Title: Re: أغاني وأغاني.. للقدامى والمستجدين..
Author: Ahmed al Qurashi
Date: 09-18-2009, 07:37 PM
Parent: #1638

Quote: الاخ العزيز / ابوبكر

المداخلة ادناه كتبتها ردا على حديثك الجميل عن بادى فى بوست ناسنا لمحمد المرتضى حامد ، ها انا اعيد نشرها فى هذا البوست الجميل اكراما وتقديرا للراحل بادى .

الأخ العزيز / ابوبكر
انه من ناسنا فعلا فلقد سيطر على الوجدان واحتل مساحة كبيرة في القلب لذلك كان في الذاكرة دائما لان هذا الرجل الفن عنده قضية ومسئولية ..بادي محمد الطيب كل من عرفه أحبه واحترمه لأنه رجل يحترم فنه ووهب حياته لهذا الفن فلذلك يجبر كل من يعرفه ومن يستمع له أن يحبه ويقدره ويحنى هامته له ... حقيقة يا ابوبكر لقد هيجت علىّ الذكرى كما تغنى إبراهيم عوض من كلمات عبدالرجمن الريح.... اذكر اخى ابوبكر انه في نهاية سنة 2000 كان معي هذا العظيم في شقتي المتواضعة بسلطنة عمان فزارنا المقدم معاش محمد عثمان محمود وطلب من بادي أن يغنى له واحدة من أغانيه وكان بادي يلبس ملابس البيت العادية فقال لنا يجب أن أتميز فدخل إلى الغرفة فلبس جلابية نظيفة وكذلك عمته وشاله وبعد ذلك بدأ في الغناء ارايت اخى ابوبكر كيف يحترم هذا الفنان نفسه وفنه .. أما إنسانيته فمواقف هذا الرجل تحكى عنها فلقد ذكر لي الأخ الأستاذ عوض بابكر بان احد الأشخاص اعتاد على سرقة أموال بادي الموجودة بدولابه بمنزله بالعباسية وفى إحدى المرات تم القبض عليه بواسطة أهل بادي الذين كانوا يقيمون معه في المنزل وأرادوا ضربه وتسليمه إلى الشرطة وكان السارق من أبناء حي العباسية الذي يسكن فيه بادي ولكن بادي رفض تسليمه إلى الشرطة وقال لهذا السارق وسط دهشة الحضور اذهب يا ابني ولا تفعل مثل هذا مرة أخرى .. وقال للحضور كيف سيقابلني أهل هذا الشاب في هذا الحي إذا عرفوا إن ابنهم كان يسرقني لا أريدهم أن يخجلوا منى ويطأ طئوا رؤوسهم عندما يروني... أما الموقف الثالث فكان في سلطنة عمان أيضا في بداية رمضان في بداية حضوره حيث أعطى بعض المتسولين من الجنسية الباكستانية دخل حفلة أقامها في السلطنة ولم أكن موجودا معه في تلك اللحظة فاستغربت كثيرا فقال لي انى مصاب بالسكري وهذه كفارة عن هذا الشهر فقلت له يا بادي ما دفعته لهم كفارة عن سنة كاملة وليس شهر واحد وما كان يدرى قيمة الريال العماني لأنه لايحدد أسعار حفلاته بل يقبل باى شى يعطى له .. ومن ذلك اليوم قررت استلام كل دخل حفلاته لأعطيه له في نهاية رحلته تلك .. أما الموقف الرابع فكان في مايو 1997 حيث كان بادي معي في بارا والأبيض ليشاركني في زواج ابن خالتي عثمان إسماعيل مكي فتوفيت والدته في نفس يوم مغادرته الأبيض فلحقته ومعي الأخ خالد الشيخ حاج محمود فوصلنا إلى حلة عباس مساء ذلك اليوم فتأثر
بادي كثيرا وقال لي لماذا تركتم بقية مراسم الزواج وأتعبتم نفسكم بالحضور كان يمكنكم الحضور في اليوم الثاني وقال لي بالحرف الواحد أكرمكم بشنو يا احمد لو ما امى ميتة كنت غنيت ليكم... رحمك الله رحمة واسعة يا بادي
الأعزاء / محمد المرتضى وابوبكر
كل ما حاولت الكتابة عن بادي أقول إن الوقت ليس مناسبا ولكن هذا البوست ومداخلة الأخ ابوبكر جعلتني أن اكتب هذه الأسطر كشهادة للتاريخ بعظمة وإنسانية هذا الرجل .

Post: #1640
Title: Re: أغاني وأغاني.. للقدامى والمستجدين..
Author: طارق ميرغني
Date: 09-18-2009, 08:37 PM
Parent: #1639

Quote: والشكر موصول للنيل الازرق والاستاذ السر قدور والفرقة الموسيقية والتي تستحق الكثير من الثناء لما لهم من ذاكرة موسيقية تجعلهم يعزفون دون نوت موسيقية كل الالحان بكفاءة عالية ولولاهم لفقد البرنامج الكثير بسبب عشوائية الاعداد وعدم الترتيب المسبق بحيث تكون النوتة الموسيقية هي التي تستعيين بها الفرقة بدلا عن ذاكرة لحسن الحظ وقادة ....

اخي ابوبكر

العازف السوداني من اميز العازفين علي نطاق واسع ( ما عايز اقول العربي ولا الافريقي)

لانه مهما درس او تميز عازفنا فانه قادر بل ويفعل ان يعزف مع فاطنه غرزه ووردي وحماده بت ومحمد الامين

كل علي حده وربما في حفلين في نفس اليوم وبنفس التميز والجودة.

له مقدرة عاليه للتعامل مع الغناء قديمه وجديده وبكل الانواع والسلالم شرقها وغربها خماسيها وسباعيها

وهذه محمده تحسب اليه.

دعوني اشيد بالفرقة الموسيقية المكونة من محمد عبد الله محمديه القائد والرائد وارد بورتسودان والدارس

المتمكن واول دفعته.

صديقي اسماعيل عبد الجبار الذي من اعجابي به اتصلت عليه قبل ان اعرفه ودعيته للفطور معي ببحري

فاتاني من اقصي جنوب الخرطوم والحمد لله جهزت الكوارع والفسيخ وكل اطراف واحشاء الخروف وكانت جلسة

بديعة استمرت حتي نهار اليوم كان ذلك قبل سنوات.

الاخ سعد الدين الطيب والذي التقيته اول مرة بالحصاحيصا اواخر السبعينيات ونحن الفرقة الموسيقية

لجمعية الاداب والفنون بالجامعة وشارك معنا بالعزف علي الاكورديون وكان بالفعل ملفتا . كان حينذاك

طابا بالمدارس الثانوية ويجيد العزف علي العود اجادة تامة.

القصاص مشهور بتوزيعه للموسيقي والالبومات للعديد من المطربين.

اما ضابط الايقاع مليجي فهو رائد اسرة المليجي وارد مدني المتخصصة في الايقاعات بانواعها.

يبقي عازف الباص والذي لم يترك لاي منا مجال الا ويذكر مداخلاته البديعة والتي اضفت طربا وجمالا لكل

اغنية قدمت بالبرنامج.

صارت النوتة الموسيقي بالنسبة لهؤلاء المهرة تذكرة لمن ينسي

او لمعرفة اللحن عند بداية التوقيع

Post: #1642
Title: Re: أغاني وأغاني.. للقدامى والمستجدين..
Author: abubakr
Date: 09-18-2009, 09:05 PM
Parent: #1640

Quote: صارت النوتة الموسيقي بالنسبة لهؤلاء المهرة تذكرة لمن ينسي
او لمعرفة اللحن عند بداية التوقيع

الاعتماد علي الذاكرة مقدرة طبيعية ينميها الانسان من خلال مران وعشق كثير للذي يحفظه كما هو الحال عند عازفيننا الاماجد ولكن كوننا بشر واجساد زائلة يصيبها التعب فالذاكرة تضعف بفعل الزمن والمرض ووجود نوتة موسيقية حتي ولو شكلا امر ضروري تحوطا و مظهرا و توثيقا للعمل ..اتمني ان تكون النوت ملازمة للعازفيين في الحفلات والبرامج الغنائية مهما كانت مقدرتهم في الحفظ ...استعمال النوته الموسيثية سيساعد في نشر الموسيقي السودانية بحيث يعزف نوتها غير السودانيين ...

Post: #1641
Title: Re: أغاني وأغاني.. للقدامى والمستجدين..
Author: abubakr
Date: 09-18-2009, 08:55 PM
Parent: #1639

شكرا ود القرشي ...

يختلف الناس في بلادي في غناء كثير ومطربيين الا بادي فلا خلاف فيه ...

____

في انتظار ان اشاهدك في برنامجك عن الحقيبة الليلة

Post: #1644
Title: Re: أغاني وأغاني.. للقدامى والمستجدين..
Author: rosemen osman
Date: 09-18-2009, 09:38 PM
Parent: #1620

Quote: ابوبكر ياهندسه
غايتو انا اصغر المنظراتيه لاني برلوم
ياربي يكون اكبر المنظراتيه منو اكيد ست البوست (نجوان )

سلام الاخ وليد
أخشى ان يكون مزاحي فى المداخلة قد كان ثقيلا عليك بشكل ما وخصوصا بعد نقلك المداخلة الى بوست د. معز
أنا أعتذر لك وكل من يقرأ فى المداخلة شيئا سوى المزاح ..

Quote: الديناصورات انا وطارق ...

أرقى واجمل ديناصورات :)

:) = ابتسامة
احترامي وتقديري
(وشكرا لعبد الله واداعة لنقل اليوتيوب)..ولكل البنسمع بآذانهم ونشوف بعيونهم

Post: #1645
Title: Re: أغاني وأغاني.. للقدامى والمستجدين..
Author: abubakr
Date: 09-18-2009, 09:52 PM
Parent: #1644

Quote: أرقى واجمل ديناصورات :)

يابتي الا كان كرتون

هسع الحقي ودالقرشي في ساعة حقيبة .. الدنياعندكم اول الليل وما نمتي لسه ...

Post: #1646
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-18-2009, 10:28 PM
Parent: #1645

Quote: سلام الاخ وليد
أخشى ان يكون مزاحي فى المداخلة قد كان ثقيلا عليك بشكل ما وخصوصا بعد نقلك المداخلة الى بوست د. معز
أنا أعتذر لك وكل من يقرأ فى المداخلة شيئا سوى المزاح ..

الفنانه الوديعه البديعه( روزمين )
لو لاحبنا ليك واعجابنا بكل ماتسطرينه من حروف
وانت تشقين طريقك بكل ثبات وحرفة وحرفنة محترف
ابدا لم ننقل كلامك .
يا اختي مهما تقولي هنا في ناس معجبه بكل كتاباتك
ولا تحملي هم ..

Post: #1647
Title: Re: أغاني وأغاني.. للقدامى والمستجدين..
Author: rosemen osman
Date: 09-18-2009, 11:07 PM
Parent: #1646

Quote:
يابتي الا كان كرتون

هسع الحقي ودالقرشي في ساعة حقيبة .. الدنياعندكم اول الليل وما نمتي لسه ...

تاااني يا عمو أبوبكر الحق وين مش لما تتفضلوا وتسجلو لينا..
د. القرشي بعرفه كويس هو زميل دراسة لزوجي,

يا وليد أخوي شكرا للطفك

Quote: يا اختي مهما تقولي ........
ولا تحملي هم ..

يا وليد يا أخوي الهم موجود, طالما فى محبة ناس لله كدة أو فى شأن الكتابة يبقى تكون أهل لمحبة الناس دي وما تغلط
وعمرها لا الكتابة ولا أي نوع من الفنون ممكن يشكل ليك حصانة تفعل فى الناس ما تريد
ولو غلطنا لاننا ما منزهين من الخطأ يبقى نعتذر

شكرا تاني لتفهمك ولطفك
فتناكم بعافية

Post: #1648
Title: Re: أغاني وأغاني.. للقدامى والمستجدين..
Author: Raja
Date: 09-18-2009, 11:19 PM
Parent: #1647

صديقي أبوبكر والجميع..

كـــل عــام وأنـتـم بـخـيـر

Quote: اعيب علي البرنامج محليته المطلقة و انه لم يراع ان فضائيات اليوم مفتوحة لكل العالم وبالتالي امر تعريف العالم وبالذات الذي حولنا من الناطقيين بالعربية بالغناء و الموسيقي السودانية يغيير من ضييق فهمهم لنا فالغناء الخليجي مثلا كان غير معروف قبل عقديين وسط الاعداد الغالبة من النطاقيين بالعربية واليوم له مستمعيين كثر بل مغنيين يرددون اغاني خليجية وحتي وسط شباب مغني السودان ( زاكي الدين وصباحي وشروق ..الخ ) ..المخاطبة من خلال شاشة ليست كالتي من خلف مايكروفون واعتبار حتي ولو نسبة هامشية من غير السودانيين يمكن ان تشاهد جزء من البرنامج كان يجب ان يكون واردا عند معد ومقدم ومخرج البرنامج وبالتالي الاهتمام بالشكل والمظهر والانضباط اي ال Presentation كان يجب ان يكون من الاولويات .. ...حماسنا لما هو كله سواني امر وارد ولكن الموضوعية بحيث نهتم بتفاصيل ومصداقية ما نقول ونشاهد امر واجب حيث ان البرنامج يعتمد علي سرد من الذاكرة غير معد ولا مكتوب لشخص واحد بحيث يبقي امر التاكد من تمام حقيقة ما ذكر غير وارد ثقة فقط في الشخص نفسه والتاريخ لا يكتبه شخص واحد ومن الذاكرة ...والسودان لا يملكه شخص ولا راي واحد وامر الغناء ليس كماليا وانما هو عاكس لارث وثقافة شعب او شعوب وبالتالي الموضوعية في تسجيل تاريخيه واجب ...
الغرض ليس نقدا من اجل النقد ولا نكرانا لما وفره هذ البرنامج من متعة الاستماع والتلاقي اسفيريا والاستزادة من المعرفة ولكن لتكون المنفعة عامة في صالح اهل السودان فنحن نكثر الشكوي من ان تاريخ بلادنا هو من دفاتر ذكريات الرحالة و عسكر المستعمر وموظفيه ومعظمه سرد من الذاكرة واليوم وحين توفرت لنا المعينات نفعل مثلهم تماما سرد من الذاكرة عشوائي ....

والشكر موصول للنيل الازرق والاستاذ السر قدور والفرقة الموسيقية والتي تستحق الكثير من الثناء لما لهم من ذاكرة موسيقية تجعلهم يعزفون دون نوت موسيقية كل الالحان بكفاءة عالية ولولاهم لفقد البرنامج الكثير بسبب عشوائية الاعداد وعدم الترتيب المسبق بحيث تكون النوتة الموسيقية هي التي تستعيين بها الفرقة بدلا عن ذاكرة لحسن الحظ وقادة ....
الشكر للجيليين من شابات وشبان المغنيين فهم كذلك عانو من سوء الاعداد بحيث وجدو انفسهم يؤدون اغاني لم يستعدو لها مسبقا وبعضها لايليق بامكاناتهم واصواتهم ولكنهم رغم ذلك اجتهدو وامتعونا ....

نامل ان امد الله في الاجيال ان تكون هنالك في الاعوام القادمة نسخة موسيقية تسمي "موسيقي وموسيقي " يكون مقدمها محمدية فهو ذاكرة الموسيقي السودانية الحديثة يستعيين بمن بقي من جيله من الموسيقيين ليقدمو سردا موسيقيا لتاريخ الموسيقي الذي لازم غناء اهل الوسط والذي هو احد اوجه الغناء السوداني الاكثر انتشارا واضافة بعض من موسيقي اهل السودان في الاطراف ولدي مجموعات واثنيات السودان الكثيرة والمتعددة ..
( فكرة مجانا لا اطلب فيها الا ابداعا وحقا فكريا لهذا البوست وسودانيزاونلاين :)

أتفق معك 100%. اليوم وللأسف لم احضر الحلقة. لكني إستمتعت بمتابعتكم هنا..

ودي

Post: #1649
Title: Re: أغاني وأغاني.. للقدامى والمستجدين..
Author: طارق ميرغني
Date: 09-18-2009, 11:32 PM
Parent: #1648

Quote: استعمال النوته الموسيثية سيساعد في نشر الموسيقي السودانية بحيث يعزف نوتها غير السودانيين ...

لذلك قلت اخي ابا بكر تذكرة لمن ينسي لان عازفينا او تحديدا هذه الاوركسترا انا اثق تماما انها

تحفظ جل الاغاني السودانية بل كلها وجل من لا ينسي

اما النوتة الموسيقيه بالفعل نحتاجها للتوثيق وللغرباء لعزف موسيقانا ان احتاجو او للتوثيق...!!!

فاتني في مداخلتي السابقة ان اشيد بالعازف الماهر والمريح عوض احمودي ( تحتها خطين )اذصار وجوده

رمزا لجودة العمل في كل البوم او اوركسترا

مشكوره اختنا روزمين علي شهادة الدنصرة

Post: #1650
Title: Re: أغاني وأغاني.. للقدامى والمستجدين..
Author: Manar Mahsoub
Date: 09-19-2009, 05:50 AM
Parent: #1649

اجمل ما فى البرنامج دعاية الدقيق اعتقد تبع سيقا لكن دعاية سودانية مشرفة ...(مش هايااااايل )الناس الوقعو خديجة و هى بتبص على الجيران و سجق القوصى و حفاظات منو كده ما عارفه مش كانو يتفقو مع المخرج بتاع ناس مجموعة دال ...

مبروك محمد سيد يتربى فى عزكم .... حقو تسميهو اغانى اغانى

Post: #1651
Title: Re: أغاني وأغاني.. للقدامى والمستجدين..
Author: abubakr
Date: 09-19-2009, 06:31 AM
Parent: #1650

Quote: اجمل ما فى البرنامج دعاية الدقيق اعتقد تبع سيقا لكن دعاية سودانية مشرفة

ما انا قلت حيقولو biased

Post: #1652
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-19-2009, 10:45 AM
Parent: #1651

منقول من صحيقة قون (لقاء النجم المتألق ) صاحب السوط الهادي والبارد على الاذن
______________
• أنا لسه ما مصدق إني شاركت في البرنامج دا
اسرتي فنية وأبوي أول مرة سمعني قال (شريف دا فاكيها في روحو)
حوار: حسن عمر خليفة - تصوير: محمد دفع الله
* الوالد طبعاً موجود في الخرطوم بحكم عمله ، في مرة من المرات جاء إلى الأبيض وصادف ذلك احتفال في المدرسة (قمت عزمتو) طبعاً هو ماعلّق لي لكن جيت عرفت في وقت لاحق أنو قال لأمي (شريف دا فاكيها في روحو ساكت) ، الكلام دا عرفتو بعد مشاركتي في برنامج نجوم الغد وكنا قاعدين نحضر في الحلقة مع بعض وهو ابدى اعجابه بالاداء ، (أمي قالت ليهو أنت زمان ليه قلت أنو شريف فاكيها في روحو) .
* والآن ماهو رأيه في مشاركتك في برنامج (أغاني وأغاني) ؟
* هو (مبسوط) جداً ويبدي لي ملاحظاته باستمرار على كل حلقة من الحلقات ، لايترك شيئاً إلاّ ويعلّق عليه حتى ملابسي وطريقة جلوسي ، طبعاً هو قبل كدا ساعدني كتير في برنامج نجوم الغد في البروفات ، كنت بمشي من البيت جاهز .
العلاقة بيننا فيه كانت أسرية
برنامج أغاني وأغاني صعّب مهمتي الفنية
* شريف برنامج (أغاني وأغاني) برنامج خطير بالنسبة ليكم لأنو بلقي على كاهلكم مسؤولية ثم ماذا بعد هذه المشاركة المتميزة ؟
* والله كلامك صاح ، أنا الأيام دي مشغول جداً بالإجابة على السؤال دا ، بفكّر انو الناس لازم يعرفوني اكتر ، داير أعمل غنا كتير خاص بي أوزعو في الموبايلات وأجهزة الكمبيوتر ، مامستعجل على مسألة الكاسيت والإنتاج الخاص ، همي الكبير أنو الناس تسمعني وبعد داك الأمور بتمشي إن شاء الله ، مشاركتي حتقتصر على الاحتفالات ، مابفكر أعمل حفلات خاصة ، ماداير استعجل وبفتكر أنو التأني مهم في بداية المشوار .
* العلاقة بينكم في كواليس برنامج (أغاني وأغاني) كانت كيف ؟
* كنا زي الأسرة الواحدة ، بتعاملوا معانا زي الأسرة الواحدة ، شعور جميل انك تكون مع فنان كنت تراه في التلفزيون وتتمنى مقابلته ثم تجد نفسك معه في استوديو واحد ، كانوا بساعدونا في الحفظ وعادي ممكن الواحد تعجبوا اغنية يقول ليك خليها لي ، مثلاً في الحلقة الأنا غنيت فيها (ياحمام يازاجل) وغنت فيها منار (عشان هواك حبيت) كان مفروض يحصل العكس لكن اتفقت أنا اشيل منها اغنيتها واديها اغنيتي .
أحاول التوفيق بين الفن والدراسة
* أخيراً ماهو جديد شريف الفحيل ؟
* أنت عارف أنا عندي مشكلة ، الفن ماخد من القراية والقراية ماخده من الفن ، بحاول التوفيق بين الاتنين وتعبان شديد في الحاجة دي ، الأيام دي قاعد استمع لعدد من الأعمال الجديدة من بينها عمل من الأستاذ سيف الجامعة ، وهنالك لحن للأستاذ صلاح إدريس ، استلمت كذلك نصا من الأستاذة منى أبو العزائم .

Post: #1653
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-19-2009, 10:58 AM
Parent: #1652

الاصدقاء
ابوبكر
سفيان منار

شكرا على التهانى الرقيقة

منار مقترحات التسمية حتى الان
اغانى واغانى
عشان ولد يوم الجمعة مقترح برضو جمعة
وايضا رمضان

الواحدمحتار

Post: #1654
Title: Re: أغاني وأغاني.. للقدامى والمستجدين..
Author: maia
Date: 09-19-2009, 01:05 PM
Parent: #1653

الف مبروك للاخ محمد سيد احمد بقدوم المولود ويتربى في عزكم

والله حقيقي الاجمل من البرنامج هو هذا البوست الخلانا نحس بجمال الفن السوداني
وانشالله دايما نلتقي على خير وفعلا جلسة ولمة ما منظور مثيلها

حلقة امبارح بجد كانت جميلة ورحم الله الفنان بادي والتحية لكل فنانين الزمن الجميل التركوا لينا كل هذا الارث الرائع

Post: #1655
Title: Re: أغاني وأغاني.. للقدامى والمستجدين..
Author: طارق ميرغني
Date: 09-19-2009, 01:41 PM
Parent: #1654

الف مبروك اخي محمد سيد احمد بقدوم المولود ويربى في عزكم

Post: #1656
Title: Re: أغاني وأغاني.. للقدامى والمستجدين..
Author: Kamal Karrar
Date: 09-19-2009, 01:44 PM
Parent: #1655

طارق!!!!

Post: #1657
Title: Re: أغاني وأغاني.. للقدامى والمستجدين..
Author: حامد محمد حامد
Date: 09-19-2009, 02:41 PM
Parent: #1656

للجميع اقول كل سنة وانتم طيبون وعيد مبارك للامة الاسلامية جمعاء

بوست دسم عدد من مروا عليه ختى الان ( 29 رمضان) اكثر من 24000 والمعقبين عليه من ردود وتعليفات اكثر من الف وخمسمائة وعدد صفحاته ختى الان 17

واذا سمحتوا لى دعونى احى صاحبة البوست الاخت نجوان والباشمهندس القدير ابوبكر بتواجده المستمر واسهاماته سواء بالنقد الهادف او النقل المباشر لمعظم الحلقات وطبعا الشكر موصول الى جميع من ساهموا وجعلوا من حلقات اغانى واغانى ممكنا ومتاحا للمشاهدة لمن فاتهم ذلك مباشرة من التلفزيون.والى اصحاب الخبرة والاختصاص لهم جزيل الشكر للاضافة اذكر منهم الدكتور احمد القرشى والزول وطارق ضياء واخرين.....
تحياتى وكل سنة والجميع بخير

Post: #1658
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-19-2009, 03:21 PM
Parent: #1657

طارق
مايا

شكرا على التهنئة

Post: #1659
Title: Re: أغاني وأغاني.. للقدامى والمستجدين..
Author: abubakr
Date: 09-19-2009, 05:29 PM
Parent: #1658

عيد سعيد وتاميين و لاميين باذن الله
غدا العشرون من سبتمبر هو اول شوال كما اعلن في الامارات العربية المتحدة

Post: #1660
Title: Re: أغاني وأغاني.. للقدامى والمستجدين..
Author: abubakr
Date: 09-19-2009, 05:34 PM
Parent: #1659

لا اعرف ما هو الموضوع حيث فاتنتني بداية البرنامج فالنيل الازرق كالعادة تعاني من عدم التنسيق وتغيير المواعيد

كان بدري عليك وعلي وداعك
نادر

Post: #1661
Title: Re: أغاني وأغاني.. للقدامى والمستجدين..
Author: abubakr
Date: 09-19-2009, 05:37 PM
Parent: #1660

اليوم سعيد اداء فرفور

Post: #1662
Title: Re: أغاني وأغاني.. للقدامى والمستجدين..
Author: abubakr
Date: 09-19-2009, 05:41 PM
Parent: #1661

الثنائي الجميل ريماز وشريف في الريدة الريدة

________

Post: #1663
Title: Re: أغاني وأغاني.. للقدامى والمستجدين..
Author: عمران حسن صالح
Date: 09-19-2009, 05:42 PM
Parent: #1661

Post: #1664
Title: Re: أغاني وأغاني.. للقدامى والمستجدين..
Author: abubakr
Date: 09-19-2009, 05:44 PM
Parent: #1663

عصام م نور في الفراش الحائر

________

يبدو ان موضوع الحلقة هو اثر بعض الاغاني في مسار الغناء

Post: #1666
Title: Re: أغاني وأغاني.. للقدامى والمستجدين..
Author: ALGARADABI
Date: 09-19-2009, 05:54 PM
Parent: #1664

حمور يبشتن الفراش الحائر
ويجهجه العازفين

Post: #1667
Title: Re: أغاني وأغاني.. للقدامى والمستجدين..
Author: حسن سنوسى
Date: 09-19-2009, 05:55 PM
Parent: #1663

عليك الله يا فرفور: ما بتخجل..
يا خى ما تحترم الناس البتشوف البرنامج دا
ملايين المشاهدين حافظين البان جديد
اقلاها ياخى احترم المرحوم الراقد فى قبرو
لانو ما بأديها باطريقتك الغير مهذبة دى
واقسم بالله العظيم لو كنت احد ورثة الشفيع لاجرجر الجهة التى تنتج البرنامج
ومقدمه .. ثم تتم محاكمتك انت..
يا جماعة اختشوا,,
بالله دى حلقة تودعو بيها الناس
على فكرة .. مهم جداً ليعلم القائمون على امر البرنامج انو الناس دى ما قاعدة قدام التلفزيون
عشان السر قدور ولا عشان عينة ناس فرفور ديل
الناس بتشاهد البرنامج عشان هى بتحب الغنا السودانى
عشان بنحب الحقيبة وروادها.. عشان بنحب جيل الخليل والكاشف..عشان بنحب ابوداوود وبرعى
عشان بنحب عثمان حسين وبازرعة والسر دوليب.. عشان بنحب التاج مصطفى، عبد الدافع محمد حسنين
عشان بنحب وردى واسماعيل حسن.. عشان بنحب ابراهيم عوض وود الحاوى والطاهر ابراهيم
عشان بنحب زيدان وعمر الشاعر والتجانى حاج موسى.ز عشان بنحب محمد ميرغنى، ابراهيم حسين..وووووووووووكل الرائعين الذين كتبوا ولحنوا وغنوا.
وعشان بنحب عثمان الشفيع وود القرشى الانتو بتشوهو فيهم بالطريقة المذلة دى

Post: #1665
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-19-2009, 05:46 PM
Parent: #1660

يا محمد سيد احمد
اوعه تسميهو قدور واوعه من عاصم
او عصام او نادر ركز في شريف
او لو عايز النصيحه اختار اسامي
كتييييييره واكتبه في ورق صغير
وخليهو براهو يختار.

بخصوص حلقة اليوم :-
ريماز وشريف الاوائل
الفراش الحائر عصام حيره
رسمييييييي .
نادر خضر آداء الاغنية بصورة
جيييييدة .

ليلي وال mtn دي جديدة؟
اها يعني عاااادي بعد الدعاية
دى الممتحنون يركزو علي الكلام
بالتلفون لانهم عااااادي بينجحو!

Post: #1668
Title: Re: أغاني وأغاني.. للقدامى والمستجدين..
Author: abubakr
Date: 09-19-2009, 05:58 PM
Parent: #1665

فردتنا "الشيخ اب جلابية" في الملهمة

Post: #1670
Title: Re: أغاني وأغاني.. للقدامى والمستجدين..
Author: abubakr
Date: 09-19-2009, 06:04 PM
Parent: #1668

الليلة في لخبطة شديدة في الاحذية :

مركوب وكيكرز وشبط نسائي وجزمة ببوز وجزمة من غير بوز وكعب عاااالي وكعب نص

Post: #1669
Title: Re: أغاني وأغاني.. للقدامى والمستجدين..
Author: ALGARADABI
Date: 09-19-2009, 06:00 PM
Parent: #1665

عاصم البنا بمكنة راشد دياب

Post: #1672
Title: Re: أغاني وأغاني.. للقدامى والمستجدين..
Author: abubakr
Date: 09-19-2009, 06:12 PM
Parent: #1669

الحلقة الاخيرة بكرة لازم تكونو متواجديين لانو الدعاية بتاعتا فيها الشباب بيعملو عمايل

_______
فيها فرفور ياجماعة فتعالو مستعدين وناس مايا يمتنعن

Post: #1674
Title: Re: أغاني وأغاني.. للقدامى والمستجدين..
Author: حسن سنوسى
Date: 09-19-2009, 06:28 PM
Parent: #1669

الملهمة يتم ذبحها كمثيلاتها من الدرر التى زينت جيد الغنا السودانى
عاصم البنا وفرفور وكل من لف لفهم حقو تعرفو انو الغنا دا موهبة وليس مهنة
عيبنا فى السودان عايشين حياتنا كلها فى تقليد الاخرين
فلان اشترى هايس الدنيا كلها تقوم تشترى هايسات..فلان فتح دكان اتصالات تقوم الدنيا كلها تفتح دكاكين اتصالات
فلان بقى غناى الناس كلها عايزة تبقى غنايين
يا اخوانا هنالك مهن محترمة جداَ.. الافران .. الكماين..سواقة العربات
يا خى ما بالضرورة الشعب السودانى كلو يبقى غنايين
طيب.. طالما بقو غنايين.. ونحنا ما بنقدر نحجر عليهم.. فاليغنو
لكن ان يتهجموا على اغانى الغير بالطريقة دى فلن نسكت لهم
واليشيلو شيلتم..
بالله يا عاصم البنا دا سلم تغنى بيهو الاغنية دى
بالله عليك ما سمعت سدي بغنيها كيف؟؟
لن تقوم قائمة للسودان طالما نحن ننتهج هذا النهج
لندع اسهامات هؤلاء الرواد كأجمل موروثاتنا
ولنفعل شيئاً لعصرنا .. لنفعل لانفسنا انجازاً
تلك انجازاتهم لانهم امتلكوا شيئاً عظيما يسمى الموهبة
وهى التى تنقصكم
غداً عندما تغادروا هذه الدنيا لن يذكركم الناس.ز ولا سيتذكركم احد
ولتبقى لنا اسماء الخليل.. عبد الرحمن الريح..سرور.. كروما..حسن عطية..ود المصطفى.. ابو السيد,,و كل الرائعين
من ابناء بلادى
الذين رفعوا اسمها عاااااااااالياً..عااااااياً

Post: #1675
Title: Re: أغاني وأغاني.. للقدامى والمستجدين..
Author: abubakr
Date: 09-19-2009, 06:44 PM
Parent: #1674

Quote: يا اخوانا هنالك مهن محترمة جداَ.. الافران .. الكماين..سواقة العربات

يابوعلي انا اكان لقيت عشريين بناء سوداني في مهارة بناء هندي غير ماهر ياني بصلح بيوت الحلة كلها مجانا ...وهكذا لو وجدنا خمس مطربيين في مهارة الكاشف وكرومة وسرور وبادي وعثمان حسيين وكل العقد الفريد الذي رحل لما استمعنا الي الذين عملو لنا كاللو في كل اصابعنا ...

Post: #1671
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-19-2009, 06:07 PM
Parent: #1665

فرفور شاب غير مبالي
وغير مسؤل ولا يتمتع
باحساس الفنان ولا بقدر
احترام الناس وتقديرهم
له وهذا واضح جداً في
تعامله داخل هذه الحلقات!

عاصم البناء مهندم ولابس ممتاز
ورغم أن الاغنية ليست من الاغاني
التي يتخصص فيها إلا انه آداها
حسب نظرى بشكل ممتاز جداً جداً
رغم أن اغنية الدنيا الجديدة
من الاغنيات الخطيرة والتي كانت
احدي ايقونات الاغنيات السودانية
ولازالت وبها تحويل موسيقي لكن عاصم
طوعها تمام وآداها بارتياح ودون تشنج
او رهق وظهر في هذه الاغنية آداء بعض
الخطوط الصوتيه لعصام ومنار وكانت خطوط
جميلة .

ومباشرة قامو علي اهلم .

ياجماعة كل سنة وانتو طيبييييييين

Post: #1673
Title: Re: أغاني وأغاني.. للقدامى والمستجدين..
Author: سفيان بشير نابرى
Date: 09-19-2009, 06:12 PM
Parent: #1671

اها شيلو شيلتكم
الناس ديل جاينكم
في العييييييد شكلهم
غايتو في حلقة بيقدمو
في دعاياته جنس جوووطه
وجنس الوانات (حسب لغة
اهلنا المصاره) فووووضي
جد .

تحت تحت قالو عايزين يعملو
للدعايات برنامج .

Post: #1676
Title: Re: أغاني وأغاني.. للقدامى والمستجدين..
Author: طارق ميرغني
Date: 09-19-2009, 06:55 PM
Parent: #1673

اخي سنوسي

مع احترامي الشديد لرايك الا انني اعتبر ان عاصم البنا رجل المهام الصعبه

لقد ادي اغنية الملهمة بصوره متميزه واجاده اجادة تامة لا اعتقد ان اي من الحاضرين كان سيؤديها

بهذه الصوره اضف الي ذلك اداءه الممتاز لاغنية شكوي للرائع عبيد الطيب حيث اداها بنفس الروعه رغم

انها من الاغاني الصعبة.

طبعا عاصم غناها في سلم اعلي من السلم الاصلي للتاج مصطفي وهذا لا يعيب في شيء لان علي المغني

ان يختار السلم الذي يريحه

ولو كان التاج مصطفي موجودا ما كان يستطيع ان يغنيها بهذا السلم.

المهم اتمني ان نقوم بتجهيز بوست قبل شهرين من رمضان القادم ان شاء الله لاقتراحات علها تجد من التطبيق

نصيب

كل عام والاعزاء نجوان وممكونه ورجاء والاخوة ابوبكر والقرشي ووليد والزوول وسيداحمدوالقرضابي وكل

المتداخلين والمتابعين بالف خير

Post: #1677
Title: Re: أغاني وأغاني.. للقدامى والمستجدين..
Author: abubakr
Date: 09-19-2009, 07:14 PM
Parent: #1676

Quote: المهم اتمني ان نقوم بتجهيز بوست قبل شهرين من رمضان القادم ان شاء الله لاقتراحات علها تجد من التطبيق
نصيب

ياطارق نحن شعب لا يعرف التوثيق ولا التحضير العلمي المسبق لكثير من نشاطاتنا وبالتالي فان بقي هذا البرنامج سيقي كما يريده مقدمه ودون تحضير مسبق ففي تعليقاتنا عن البرنامج في السنوات الثلاث الماضية كانت هناللك عشرات الاراء والاقتراحات ولم ينظر اليها احد ... قبل يوميين شاهدت لقاء مع ممثل امارتي يشترك في كرتون شهير هنا من ابداع شاب صغير (الفريج) قال الممثل واننا بدءنا العمل لحلقة رمضان الحالية في رمضان الماضي وما زلنا نعمل ...وكذلك شاهدت يحي فضل الله (لا اعرف عنه الكثير الا انه من القامات الادبية والمسرحية في فترة لم اكن متواجدا فيها في السودان) وفي لقاء في السودانية ينتقد تهميش دور السياريست في الدراما السودانية وان المخرج كثيرا ما يلغي السيناريو وياتي بما يريد هو ..وهكذا سياتي مقدم البرنامج بما يريد...اليست كبري المشاريع السودانية الحديثة من غير تحضير ودراسات جدوي ولك في العك الذي صرف فيه والي الخرطوم السابق مليارات الدولارات بحجة انها شبكة طرق حديثة وجسور وكانت المحصلة كوارث في كل الخرطوم عند اول مطرة موسمية والباقي معروف ....
بقدرما ما نحن ننتقد الاخر نحاول جاهديين في الطبطة علي من يخطئ فينا ونقصي من اجندتنا الشخصية من ينتقدنا فيستمر الخطا ...

نتمني ان يعيننا المولي لنصلح حالنا وكل عام وانت كل الاحباء المتداخليين بالف خير

Post: #1678
Title: Re: أغاني وأغاني.. للقدامى والمستجدين..
Author: mohmmed said ahmed
Date: 09-19-2009, 07:28 PM
Parent: #1677

عاصم البنا اليوم رائع

زى البيرد علينا
فى حكاية بيتميز فى اغانى الحقيبة فقط

وفى اناقة خاصة

والله جلابيتو عجبتنى عديل كدا

الشاعر عالم عباس عندما زارنا فى الشارقة
ايضا كان لابس جلابية جميلة زى بتاعت عاصم دى

الحاجات السمحة دى بيجبوها من وين

Post: #1679
Title: Re: أغاني وأغاني.. للقدامى والمستجدين..
Author: الزوول
Date: 09-19-2009, 07:40 PM
Parent: #1678

السلام عليكم
...
قولة صحيحة تماماً:
كترة الطلة تمسخ خلق الله
والله الليلة اتكيفت لفرفور كيف تمام
مش بيقولوا : المطربين ثلاثة
مطرب كالغذاء :تحتاج اليه دائماً
ومطرب كالدواء : تحتاج اليه أحياناً
ومطرب كالداء : لا تحتاج اليه أبداً و لكنه يفرض نفسه عليك
كل واحد يصنف على كيفو
أنا غايتو صاحبي فرفور ده ختيتو في خانة الدواء (ولا نامت عين صديقي حسن سنوسي)

......
واحد قريبنا النوع الساخر داك اسمو الفاتح
جاهو واحد يشكي ليهو:
يا الفاتح ... جدادي ده مما جبتو ابى يرمي كلو كلو ... تفتكر السبب شنو؟
الفاتح : جدادك ده الظاهر عليهو(تصميمو) زوادة بس
أها
ريماز ميرغنى دي كل يوم ازداد ايماناً انو (تصميمها) ثنائي
فهي تجيد فعلاً غناء الثنائي والدويتو
......
كل سنة وانتو طيبين
محمد سيدأحمد ...مبروك الوليد (عائد) وإن شاء الله يربى في عزك

............

Post: #1680
Title: Re: أغاني وأغاني.. للقدامى والمستجدين..
Author: abubakr
Date: 09-19-2009, 07:51 PM
Parent: #1679

Quote: ريماز ميرغنى دي كل يوم ازداد ايماناً انو (تصميمها) ثنائي
فهي تجيد فعلاً غناء الثنائي والدويتو

شريف هو القاسم المشترك الاعظم وقد كانت عبير صالح هي الثنائي التي شاركته في اول ظهور في نجوم الغد وفيما بعد وبالتالي يمكنه ان يكون ثنائي مع اصوات مختلفة ...ثنائي شابة وشاب او فنانة وفنان قليل محليا واقليميا وعالميا ...

Post: #1681
Title: Re: أغاني وأغاني.. للقدامى والمستجدين..
Author: Ahmed al Qurashi
Date: 09-19-2009, 08:40 PM
Parent: #1680

وضع عثمان حسين لحنا جميلا ومقدمة موسيقية مذهلة لأغنية الفراش الحائر للشاعر قرشي محمد حسن واستعمل الصفارة لأول مرة في هذه الأغنية فأضافت للأغنية جمالا... وإذا اسعفتنى الذاكرة فان الذي كان يعزف على آلة البيكللو هو العازف موسى محمد إبراهيم ،وذكر الأستاذ عبد الفتاح الله جابو عازف الكمان المشهور في برنامج تلفزيوني إن عثمان حسين استعان بإيقاع الجيش ( طبلة الجاز الكبيرة) لضبط الإيقاع في هذه الأغنية لان آلات الإيقاع المعروفة الان ( البنقز) ادخلها خميس جوهر في الخمسينيات بعد أن تعلمها في مصر ، وأول من صاحبه البنقز في الغناء السوداني إبراهيم عوض بعد أن عرفه عثمان الشفيع بخميس جوهر.. وكان البنقز يتكون من جزءين (الدُم والتراك )ولقد أضاف المرحوم حرقل العين الثالثة للبنقز (التك) ، ويقال انه حرقل كان يطبق على رجليه بنقزين ابوعينين كبير وصغير ويعزف على ثلاثة عيون الكبير وعين من الصغيرليتحصل على التك ، وبعدها اضاف العين الثالثة للبنقز ليصبح ثلاثة اعين (دُم وتراك وتك ) .

وسبق عثمان حسين في المقدمات الموسيقية واللزمات الفنان التاج مصطفى في أغنية الملهمة التي لحنها سنة 1946...ولكن الأستاذ عوض بابكر في برنامجه التلفزيوني على موج الأثير عرض اسطوانة سجلت في مصر في بداية الأربعينيات للأستاذ إسماعيل عبدا لمعين وهو يغنى قابلته مع البياح بمقدمة موسيقية..... واغلب الظن إن أغنية الفراش الحائر تم تلحينها في العام 1948، ولا تسلني تم تلحينها في سنة 1950 حيث ذكر هذه المعلومة الفنان وردى في إحدى مهرجانات تكريم عثمان حسين والتي أقيمت قبل ثلاثة سنوات من وفاته ،حيث قال انه أرسل برقية لعثمان حسين يشيد بهذه الأغنية ولم يرد له عثمان حسين حتى تاريخ ذلك الاحتفال

Post: #1682
Title: Re: أغاني وأغاني.. للقدامى والمستجدين..
Author: عبد الله عقيد
Date: 09-19-2009, 09:23 PM
Parent: #1681

كل عام وأنتم بخير

شكرا لكم يا جماعة

حقيقة امتعتمونا بهذا البوست الرائع
بما قدمتم من توثيق ونقد وتعليق
لا اريد ان اذكر الاسماء حتى لا أتخطى أحدا
ولكن يتفق معي الجميع على الاسهام الرائع للباشمهندس ابو بكر (متعك الله بالعافية يا حبوب)
ولصاحبة البوست نجوان..
وشكر خاص للدكتور احمد القرشي الذي افادنا كثيرا بما طرحه من معلومات قيّمة
وللجميع

وعبركم الشكر للسر قدور وفريقه المبدع

ولازم نعود

Post: #1683
Title: Re: أغاني وأغاني.. للقدامى والمستجدين..
Author: معتصم الطاهر
Date: 09-19-2009, 11:24 PM
Parent: #1682

ازلا التهنئة للمهندس محمد سيد أحمد ..

و مقترح الاسم "ابو بكر" ( لو لسه ما سميت)

ثانيا التهنئة للجميع هنا ..

و الشكر للأخ ابو بكر أكثرنا متابعة واهتمام ..
وموصول للجميع ..

تابعت مع ود القرشى أمس و قد كان مجيدا و مرتبا ..

للمعلومية
لدى بوست فى موقغ سودانيات أتابع فيه البرنامج وقد استفدت من هذا البوست كثيرا ..

استلفت من صور الباشمهندس .. حى تعلمت كيف أعملها لوحدى ببرنامج screenprint32

http://sudanyat.org/vb/showthread.php?t=11707

Post: #1684
Title: Re: أغاني وأغاني.. للقدامى والمستجدين..
Author: abubakr
Date: 09-20-2009, 04:16 AM
Parent: #1683

ودالعقيد

متعك الله بالصحة وادام ايامكم اعياد .. هذه اللمة هي التي ملات بعض فراغ اجتماعي في غربة امتدت حتي التوت...

مودتي

Post: #1685
Title: Re: أغاني وأغاني.. للقدامى والمستجدين..
Author: abubakr
Date: 09-20-2009, 04:22 AM
Parent: #1684

Quote: ازلا التهنئة للمهندس محمد سيد أحمد ..

و مقترح الاسم "ابو بكر" ( لو لسه ما سميت)

الباشطاهر عيدكم مبارك وتاميين ولاميين باذن الله ...

اها تيمنا باغاني واغاني لو سماه ابوبكر حيكون سمي الفنان ابوبكر محمد سيداحمد (والذي يعرف بابوبكر سيداحمد) وهات يا عدادات ...

___
اسهامات نقدية في بوستك في سودانيات .. انت عارف ناس اغاني واغاني محظوظيين انهم لقو كل هذا الاهتمام والنقد ولكن ....

Post: #1686
Title: Re: أغاني وأغاني.. للقدامى والمستجدين..
Author: mamkouna
Date: 09-20-2009, 09:35 AM
Parent: #1685

Post: #1687
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 09-20-2009, 10:10 AM
Parent: #1686

ست البوست نجوان الغاليه
وكل الحلوين المشاركين
والطيبين المتاوقين
نقول كل عام وانت بخير
ونخص الشكر كل الشكر للباشمهندس ابوبكر
لمثابرته للبرامج ونقل الصور اول لأول
وصراحه له مجهود مقدر

Post: #1688
Title: Re: أغاني وأغاني.. للقدامى والمستجدين..
Author: الزوول
Date: 09-20-2009, 12:59 PM
Parent: #1687

السلام عليكم
...
التهنئة موصولة لأعضاء هذا البوست ولكل متابعيه بالعيد السعيد أعاده الله علينا وعلى بلدنا بأفضل مما نحن فيه
.....
يبدو أن الحلقة الأخيرة ستكون مميزة جداً
شاهدت دعايتها
أولاً ستكون بدايتها مختلفة زمنياً 8:30 مساء بتوقيت السودان
وأظن انها أطول نسبياً من باقي الحلقات
وأظن أن الفرصة أعطيت للجميع فقد غنى منفرداً :
1. الأستاذ السر أحمد قدور
2. عصام محمد نور وأغنيته الخاصة الجميلة (يا روعة)
3. أفراح الموج في رائعة البلابل (ودارت دورة الأيام )
4. عصام أحمد الطيب في رائعة والده (ضاع صبري)
5. نادر خضر ورائعة أبوعركي البخيت (بوعدك يا ذاتي يا أقرب قريبة)
6. ريماز ميرغني ورائعة زكي عبد الكريم (أسأل نفسك بينك وبينا عن إخلاصنا)
7. فردتنا عاصم البنا ورائعة خوجلي عثمان (بريدك)
8. منار صديق وأغنية لم اتبينها
9. فرفور ورائعة الكاشف (أنا افريقي انا سوداني)

البقية أظن أن زمن الدعاية لم يسمح بمشاهدتهم
....
............

Post: #1689
Title: Re: أغاني وأغاني.. للقدامى والمستجدين..
Author: الزوول
Date: 09-20-2009, 02:10 PM
Parent: #1688

السلام عليكم
...
لقيت ليكم الدعاية نفسها
.....

.....
....
............

Post: #1690
Title: Re: أغاني وأغاني.. للقدامى والمستجدين..
Author: Raja
Date: 09-20-2009, 02:57 PM
Parent: #1689

نجوان، أبوبكر والجميع المشارك..

كـــل عــام وأنـتـم جـمـيـعـا بـخـيـر

رجـــــا / صـنـعـاء

Post: #1691
Title: Re: أغاني وأغاني.. للقدامى والمستجدين..
Author: abubakr
Date: 09-20-2009, 03:49 PM
Parent: #1690

رجاء عيدك مبارك وارجو ان تكوني استمعتي باول عيد يمني

Post: #1692
Title: Re: أغاني وأغاني.. للقدامى والمستجدين..
Author: abubakr
Date: 09-20-2009, 06:43 PM
Parent: #1691

اها شدو حيلكم الجماعة واقفيين عند الباب بس ناس امتي ان قافلين السكة .. اها زحو وجلسة ما منظور مثيلا شرفت ...
وفجاءة امتي ان رجعت وزحتم والمبارة مستمرة .. اصبرو بس

Post: #1693
Title: Re: أغاني وأغاني.. للقدامى والمستجدين..
Author: abubakr
Date: 09-20-2009, 07:03 PM
Parent: #1692

الموضوع : مساحة حرة اي واحد يغني علي كيفو وعمكم السر اول من غني

عصام محمد نور في يا روعة (غناء خاص به )

______
عمكم السر تجاوز متجاهلا اسهام الاسفير في اتساع رقعة المشاهديين وسط الذين لا يستقبلون بث النيل الازرق حينما كانت مشفرة والان في مناطق خارج السودان وبالتالي كل القلتوه هنا برة المنافسة ...اولكن استمرار النقد والاشادة متما تيسران امر واجب

Post: #1694
Title: Re: أغاني وأغاني.. للقدامى والمستجدين..
Author: abubakr
Date: 09-20-2009, 07:11 PM
Parent: #1693

افراح في لاجلك

Post: #1695
Title: Re: أغاني وأغاني.. للقدامى والمستجدين..
Author: abubakr
Date: 09-20-2009, 07:17 PM
Parent: #1694

عصام ا الطيب في ضاع صبري

Post: #1696
Title: Re: أغاني وأغاني.. للقدامى والمستجدين..
Author: abubakr
Date: 09-20-2009, 07:22 PM
Parent: #1695

نادر في وعد لابوعركي

_____
اداء تقريري اصلو انا ابوعركي دة ما بدور ليهو البشتفة

Post: #1697
Title: Re: أغاني وأغاني.. للقدامى والمستجدين..
Author: عمران حسن صالح
Date: 09-20-2009, 07:31 PM
Parent: #1696

نادر نادر يا نادر " إسمكـ ما لاعندو علاقة بالشي البتسوي فيهو ده " ..
ياخي مالكـ علينا ..؟؟
والله ضرستنا ..
ياخي قال ليكـ أبو عركي .. سامع ؟؟ أبو عركي ..
ياخي حس بالكلمات البتقول فيها دي بدل ( العوعوعي ) البتسوي فيهو ده ..

ما ليكـ مية سنة ( بعوعي ) ما لقيت كلمات لحنتها وقالوا عليها الناس حقتكـ تغنيها ؟؟
أول يوم في العيد ياخي مرضتنا ...

Post: #1698
Title: Re: أغاني وأغاني.. للقدامى والمستجدين..
Author: abubakr
Date: 09-20-2009, 07:41 PM
Parent: #1696

ريماز في اسال نفسك

Post: #1699
Title: Re: أغاني وأغاني.. للقدامى والمستجدين..
Author: abubakr
Date: 09-20-2009, 07:47 PM
Parent: #1698

شريف في البهجة في عينيك

___احسن واحد لحد هسع

Post: #1700
Title: Re: أغاني وأغاني.. للقدامى والمستجدين..
Author: abubakr
Date: 09-20-2009, 07:56 PM
Parent: #1699

فردتنا في اغنية للراحل خوجلي عثمان "بريدك"

Post: #1702
Title: Re: أغاني وأغاني.. للقدامى والمستجدين..
Author: abubakr
Date: 09-20-2009, 08:02 PM
Parent: #1700

منار في انا هواك و انت عارفني

____

نفخت في روح الحلقة بعد ان كاد يخبو بريقه

Post: #1704
Title: Re: أغاني وأغاني.. للقدامى والمستجدين..
Author: الزوول
Date: 09-20-2009, 08:41 PM
Parent: #1700

السلام عليكم
...
يا روعة ...يا عصام محمد نور... أغنية جميلة وأنت أروع ..فنان جاد ..أكثر الفنانين يملك انتاجاً خاصاً ..
......
أفراح عصام ... رائعة البلابل ... بتعرف اني من أجلك
نقول شنو مع الإرهاب الحاصل في البورد ده
عيدكم مبارك ود الموج وحبيب نورة
.....
عصام أحمد الطيب ... يا سلااااام ... صوتو ..(مصمم) لمثل الأغاني
أعجبني عصام محمد نور وجمال فرفور في تشجيع الشاب عصام أحمد الطيب ، عكس فردتنا "القرفان "
....
نادر خضر ... وأغنية وعد لأبوعركي البخيت (بوعدك يا ذاتي يا أقرب قريبة ) ... لا تعليق
لو قلت كعب تزعل منك رجاء العباسي ... اليومين ديل ما بتستحمل فيهو كلام..
ولو قلنا كويس ما معروف يمكن صاحبي "خليل" يمر بى هنا ، يزعل مني
.....
شريف الفحيل
بس ...شكلو فرفور القاعد جبو هَدْ فيهو
فأصبح فرفوراً أيضاً
.....
............

Post: #1701
Title: Re: أغاني وأغاني.. للقدامى والمستجدين..
Author: معتصم الطاهر
Date: 09-20-2009, 08:01 PM
Parent: #1699

كل سنة وانتم فى طرب و حبور

شريف الفحيل فى المقدمة و بمزاج و مراحل ..
ثم عصام فى أغنيته الخاصة ..
هذه ثانى مرة يغنى من أعماله ( الحلقة 11) أغانى النسيم " نسايم الفرحة "
تليه رماز وقيل عاصم البنا ..

يا جماعة ملاحظة ممكونة فى تبادل النظرات ما تقع واطة ..

Post: #1703
Title: Re: أغاني وأغاني.. للقدامى والمستجدين..
Author: abubakr
Date: 09-20-2009, 08:15 PM
Parent: #1701

فرفور يغني للوطن "انا سوداني"

وهكذا انتهت حلقات هذه السنة لتتم 120 حلقة كما قال عمكم السر و800 اغنية ..شخصيا اهم منجزات هذا البرنامج هذه اللمة الاسفيرية

وان امد الله في الاجال سنلتقي في عام قادم والا فلقد استمتعنا بلقائنا وتبادلنا للتعليقات

Post: #1705
Title: Re: أغاني وأغاني.. للقدامى والمستجدين..
Author: طارق ميرغني
Date: 09-20-2009, 08:52 PM
Parent: #1703

كل عام والجميع بالف خير

لي راي مخالف لبعض الزملاء

اولا مسالة اختيار الاغنية لعبت دور كبير جدا في جودة الاداء

بمعني الذين اختاروا اغانيهم سدوا دي بي طينه ودي بي عجينه مثل عصام محمد نور وعادل احمد الطيب.

اما جودة الاختيار تمثلت بالنسبة لي في شريف الفحيل ونادر خضر الذي غني رائعة ابوعركي وعد وهي للعلم
كلمات فضل الله محمد والحان محمد الامين اهداها اليه الموسيقار محمد الامين في بداياته.

اما عاصم البنا والفنانه منار لم يوفقوا في الاختيار

عاصم لان الاغنيه ما من توبوا

ومنار لان الاغنية سلمها لا يتناسب مع صوتها رغم ثقتي التامة في امكانياتها الصوتية.

الي لقاء...

كانت فرصة طيبه للتعارف علي العديد من المبدعين والاسفيريين المرهفين وجيدي السمع

Post: #1706
Title: Re: أغاني وأغاني.. للقدامى والمستجدين..
Author: Ahmed al Qurashi
Date: 09-20-2009, 09:19 PM
Parent: #1705

كل سنة والجميع بخير وصحة جيدة

واشكر الاخت نجوان مبتدرة هذا البوست الرائع

والشكر ايضا للاخ العزيز المهندس ابوبكر الذى اتحفنا بالمتابعة وتنزيل الحلقات

والشكر والتحية لكل المتداخلين

مودتى

Post: #1707
Title: Re: أغاني وأغاني.. للقدامى والمستجدين..
Author: mamkouna
Date: 09-20-2009, 11:24 PM
Parent: #1706

إنتي بت حلوة - ما شاء الله تبارك الله - يا أفراح يا بتي..
لكن يا بت امي مسختي علينا العيد عدييييييييييل كدا بي كوجينك للغُنا...
قطٌعناهو في قلبنا و بلعنا لساننا خوفاً من حبيب نورة و ود الموج.
لكن عليك الله شوفي المِحين الاتمَحنوهو السر قدور و عاصم البنا و فرفور في نهاية الاغنية...
عشان تعرفي اننا كنا ممكونيييييين و صابرين !
و الله يرضى عليك....و عشان خاطر الرابطة بتاعتك ...إجتهدي أكتر.
......................

............
كل سنة و انت طيب يا راكوبة206
مجهودك مُقدٌر.

........

Post: #1708
Title: Re: أغاني وأغاني.. للقدامى والمستجدين..
Author: Alsa7afa_30
Date: 09-21-2009, 00:59 AM
Parent: #1707

كل عام و أنتم بخير جميعاً

ينعاد عليكم بالخير و الصحة و العافية ..

.
.

Post: #1709
Title: Re: أغاني وأغاني.. للقدامى والمستجدين..
Author: Emad Ahmed
Date: 09-21-2009, 11:37 AM
Parent: #1708

كل سنة وانتم طيبين

أجمل حلقات هذا العام تلك التي قدمت عن الفنان الراحل

العاقب محمد حسن ذلك المبدع الذي لم تسلط عليه الأضواء

بما يستحق اسوة بفناني جيله .

صورة نادرة للعاقب محمد حسن وهو في سن الشباب

Post: #1710
Title: Re: أغاني وأغاني.. للقدامى والمستجدين..
Author: طارق ميرغني
Date: 09-21-2009, 01:42 PM
Parent: #1709

رأيي الذي انزلته بتاريخ 9/9/2009 واقترح البعض انه سابق لاوانه علي ان يتم تفنيده لاحقا

الاخت نجوان اسمحي لي ان ابدي رايي في اداء الفنانين حتي تاريخه
واتمني ان يؤخذ رايي كمستمع جيد للغناء السوداني دون اي حساسيه من احد الزملاء

السر قدور

بالطبع هو ذلك الشاعر والمسرحي والموثق الشهير ومهما ابدي الكثيرون رايا في طريقة تقديمة او مظهره الا انه بحق كان نجم رمضان في كل القنوات السودانية.
نجح في التوثيق للعديد من عمالقة الفن بالسودان.
ان عابت البرنامج بعض الهفوات الاخراجية الا انه نجح في اعطاء الفرصة للعديد من المواهب الشابة رغم تحجيم فرصهم في اضيق زمن ممكن.
من البديهي لمزيد من التوثيق والامتاع زيادة زمن البرنامج الي ساعة كاملة.
لاتاحة الفرصه للحديث والتوثيق براحة ولاتاحة الفرصة للضيوف للحديث بحريه اكثر عن ذكرياتهم او تعليقاتهم عن الاغاني او المغنيين.

عصام مصطفي حسن احمد " فرفور":

فنان ذو امكانيات صوتية عالية ومدي واسع يمكنه من الصعود والهبوط براحة تامة.
وهو من اسرة فنية معروفة في الصبابي اذ عمه هو المعلم والشاعر الفذ عوض حسن احمد شاعر أوتذكرين صغيرتي وفينوس للراحل عبد العزيز داؤود والذي نفخر بانه كان استاذنا في المدارس المتوسطة ببحري.
فرفور اعيب عليه ظهور بوادر غرور وادعاء اثناء تاديته الاغاني ,يتجلي ذلك في انه وبعد انتهاء الكوبليه يستمر فاتح فاهه كما كان يفعل الرئيس الاسبق نميري رحمه الله.
ايضا طريقة اشارته للكورس للدخول للترديد خلفه.
كما وهو ايضا كثير الهزار والفرفرة اثناء الحلقات وطريقة رفعه للمايكروفون كانما يشرب في " شامبيون".

عصام محمد نور:

يمتاوز بقدرة عاليه علي تقليد الفنانين . حافظ الكثير من الاغاني.صوته جميل ان غني بكل امكانياته وبملء شدقيه.
اعيب عليه " النياصه " وكتل الاغاني بابطاء " التيمبو" وتغنيه بصوره كانما
" انا احسن ولا سيد الاغنيه". لا يخلو من ادعاء كما هو حال صديقه فرفور.
اكثر من اعطي فرصة للغناء وفي كل الحلقات تقريبا وهو الوحيد الذي غني كل اغانيه كاملة غير منقوصة حتي شككنا في انه يشارك قدور في الانتاج ...!! نلاحظ انه لم يشاركه في تأدية اغانيه فنان في حين انه شارك اي فنان غني اغنيه يؤديها معه ويتداخل ويتدخل مع الصغار والكبار.

نادر خضر:

رجل موهوب ذو " استايل " فريد وصوت جميل .محترم في ادائه يبتدر بكلمات جميله في حق الفانين الكبار مثل زيدان وسيد خليفه تواضعا جما يدل علي اصالته.
نجح في العديد من الاغاني التي اداها بطريقته الخاصة .
انا شخصيا احب طريقته في الاداء.

عاصم البنا:

بالنسبة لي هو اكثر من في المجموعة تقدما وتجويدا في الاداء.
صوت قوي ولا يخشي مزالق السلالم العالية واجمل من يؤدي اغاني الحقيبة. رجل طروب ويحب الغناء وتلاحظ فيه نظرات الاعجاب والمؤاذرة للفنانين الشباب.لم يمسه غرور حسب اعتقادي من طريقته.نفس طريقة ريماز ميرغني في ابداء الاعجاب باغنية الزميل اثناء اداءه لها.
عكس جميع ابناء البنا الاخرين وبكل صراحة لا احب الاستماع اليهم.

ريماز ميرغني:

اكثر مشاركه موهوبه من الباقين ولم تعط فرصة كافية لابراز امكانياتها الصوتية الكبيرة . لي ثقة كبيره في انها ستكون انجح من زميلاتها الباقيات.

افراح عصام:

رغم نجاحها في اداء بعض الاغنيات ك" ليلتنا ليليه" الا ان امكانياتها الصوتيه محدوده . اعطيت فرصة اكبر مما تستحق وكان من المفترض ان تعطي هذه الفرصة لزميلتها ريماز ميرغني.
لا ادري هل امكانياتها تستحق المساحة الزمنيه التي تمنح لها يوميا ؟؟
رغم قناعتي بان لشكلها الملفت الدور الاكبر في هذا الزخم الذي تمتعت به.

منار:

موهبه يرجي منها الكثير صوتها يشبه الاصوات التي اندثرت مؤخرا تذكرك باصوات مني الخير ومهله العباديه وعائشه الفلاتيه وفاطمه الحاج
خلطة اصوات عجيبه. ربنا يوفقها

شريف:

شاب موهوب وذو صوت دافئ وشجي وذو ثقة عاليه بنفسه ان وجد الملحن القدير سيكون له شان عظيم.

عادل احمد الطيب:

اتوقع له نجاح اكثر من اخيه عماد .

اما بخصوص مشاركة الكبار زيدان ابراهيم ، السني الضوي،محمد ميرغني وابراهيم حسين في البرنامج فهي لفتة بارعة من استاذنا السر قدور رغم محدودية مشاركتهم خاصة ابراهيم حسين الا انها كانت انجح الحلقات وكانت لمشاركتهم الدور الاكبر في نجاح البرنامج.

Post: #1711
Title: Re: أغاني وأغاني.. للقدامى والمستجدين..
Author: Emad Ahmed
Date: 09-21-2009, 01:43 PM
Parent: #1709

المداخلة الأتية من اخي عز الدين عثمان أحمد :

ظللت اتابع وشريحة كبيرة من المغتربين برنامج أغاني أغاني ومن وجهة نظري

اود أن اشيد بالمعلومات الكبيرة والكثيرة التي يقدمها السر قدور عن الفنانين

والأغنيات ولكن لاحظنا من الفنانين المشاركيين مايلي :

- عاصم البنا حافظ كل الأغاني ويؤدي من غير احساس واي أغنية عاوز يشارك فيها .

- نادر خضر تشعر بالملل من أدائه ولايؤدي الأغاني بصورة ترضي المستمعين .

- جمال فرفور وعصام محمد نور لاخلاف على أدائهما الراقي .

- شارك بعض نجوم الغد ولم يأخذوا الفرصة لاداء الأغنيات كاملة عدا الحلقة الأخيرة من البرنامج

ونتمنى اعطائهم الفرصة مستقبلا .

- اقترح زيادة وقت البرانامج الى ( ساعتين ) على أن يقدم سهرة مع اضافة فنانين جدد.

- نادر خضر وعاصم البنا مللنا أدائهم الرتيب واربعة سنوات كفاية جدا عليهم .

عز الدين عثمان أحمد

Post: #1712
Title: Re: أغاني وأغاني.. للقدامى والمستجدين..
Author: نجوان
Date: 09-22-2009, 08:51 PM
Parent: #1711

Post: #1713
Title: Re: أغاني وأغاني.. للقدامى والمستجدين..
Author: ودالعباسية
Date: 09-23-2009, 10:50 AM
Parent: #1712

احبائ ،،،

كل سنة وانتو بخير وصحة جيدة ،،،

وينعاد عليكم ان شالله بالخير ،،

وكل سنة واغانى واغانى فى تحسين وتجويد ،،

الان اتابع الاغانى من اليويتيوب والتعليقات منكم ،،

تحياتى ،،

Post: #1714
Title: Re: أغاني وأغاني.. للقدامى والمستجدين..
Author: Mashaier Ahmed
Date: 09-23-2009, 09:17 PM
Parent: #1713

الأعزاء الكرام

كل عام وأنتم بخير

ربنا يعودوا على الجميع بالخير واليمن والبركات

أحب أن أشكر جميع من ساهموا في إثراء هذا البوست من مساهمات ومعلومات قيمة عن الفن السوداني

لدي طلب خاص للذين لهم معرفة في تنزيل الأغاني

أحب سماع الأغنية التي أدتها رماز مع شرف في الحلقة قبل الأخيرة وهي الريدة الريدة

Quote: الثنائي الجميل ريماز وشريف في الريدة الريدة

بحثت عنها في يوتيوب وفيسبوك ولكن يظهر أنه لم يتم تنزيلها

مع شكري الجزيل

مشاعر

Post: #1715
Title: Re: أغاني وأغاني.. للقدامى والمستجدين..
Author: mamkouna
Date: 09-23-2009, 11:56 PM
Parent: #1714

كل سنة و انتي طيبة يا مشاعر..
شريف و رماز كانوا نجوم اغاني و اغاني بلا منازع
اتوقع لهم مستقبل مشرق باذن الله

لك مني هذا الاهداء
شريف و رماز في الريدة الريدة

و

شريف و رماز في بسمة و نظرة

..........
كل سنة و انت طيب يا سيمبا.

Post: #1716
Title: Re: أغاني وأغاني.. للقدامى والمستجدين..
Author: mamkouna
Date: 09-24-2009, 00:03 AM
Parent: #1715

...........................

أغاني تُراث , أغاني دلوكة , أغاني بنات , أغاني هابطة ! ( تُوجد نماذج )

...........................

Post: #1717
Title: Re: أغاني وأغاني.. للقدامى والمستجدين..
Author: Mashaier Ahmed
Date: 09-24-2009, 01:04 AM
Parent: #1716

الأخت العزيزة ممكونة

كل سنة وانتي والأسرة الكريمة بخير

أشكرك على تنزيل الأغنية

فعلاً كما ذكرتي ريماز وشريف اجتازوا تجربة أغاني وأغاني بنجاح

أداءهم جميل جداً كفنانين مبتدئين

وحتماً سيكون لهم مستقبل غنائي ناجح خاصة إذاوجهوا أداءهم لأغاني خاصة بهم

مودتي

Post: #1718
Title: Re: أغاني وأغاني.. للقدامى والمستجدين..
Author: wedzayneb
Date: 09-24-2009, 04:11 AM
Parent: #1717

دعوني أبتدر مداخلتي هذه بأنّي ظللت مواظبا علي قراءة كل المشاركات حول هذا البرنامج الناجح: " أغاني أغاني "، منذ تاريخ الخيط الإسفيري " البوست " البكر ,عنه، و الذي جادت به قريحة الزميل: حسين ملآسي تحت عنوان: " أبو الكلام ". حقيقة أنا أحب الفنون بشكل عام، و تستهويني كثيرا الموسيقي و الفن الغنائي بشكل عام ايضا، و الغناء السوداني بشكل خاص. طبعا لكل إنسان علي وجه البسيطة منذ بدء الخليقة الي يومنا هذا إهتمامات و شخصية متفرّدة و دورا متميّزا يؤديه في مسار التطور الخلقي الجيني " Evolution ", و التطوّر الروحي للإنسان، أو ما يسميه المؤلّف الذائع الصيت في مجال فلسفة العصر الجديد" New Age Philosophy " : قيري زوكاف Garey Zukav بال " Real Evolution " و طبعا المقصود بال " Real Evolution " في فهم قيري زوكاف هو : التطوّر الروحي للإنسان. إهتمامي الأول في الحياة هو العمل علي تنقية روحي و تطويرها و من ثمّ السمو بها من دنس الماديات و الرغبات الجسديّة غير القويمة. و بما أنّي ظللت في حالة إغتراب شبه مستمر عن و طني الأم السودان منذ شهر سبتمبر لعام 1981، فإنّ تسليطكم الأضواء علي الغناء السوداني عبر تغطيتكم خفيفة الظل لبرنامج " أغاني أغاني "، الذي يطل علينا عبر محطة تلفزيون النيل الأزرق، جعلتني مواكبا للنهضة الغنائيّة السودانيّة، و عرفتني بالمواهب الغنائيّة السودانيّة المعاصرة. صدقوني، عبركم تعّرفت لأول مرة بالفنانين : عاصم البنّا، عصام فرفور، عصام محمد نور، نادر خضر، و الفنانات الواعدات اللاتي ظهرت مواهبهنّ الفنيّة للمرة الأولي للمستمع السوداني العريض عبر البرنامج التلفزيوني الناجح : " نجوم الغد ". هذه طبعا أول مداخلة لي معكم. كنت مكتفيا بالقراءة لتعليقاتكم المقدّرة حول برنامج ": "أغاني أغاني " طيلة تلك المدّة. لم ألمس في نفسي الكفاءة للمساهمة معكم طيلة تلك المدة لأن أسلوبي في الكتابة متقعّر لحد ما. إسمحوا لي هذه المرّة أن أخرج عن طوري و أبدي رأيي الخاص في الظاهرة الفنيّة : أفراح عصام، من زهرات : نجوم الغد، اللاتي اتيحت لهنّ الفرصة للمرّة الأولي للظهور عبر برنامج " أغاني أغاني " في دورته الرمضانيّة الأخيرة. إتفقت الآراء أن أفراح عصام تتمع بشكل جذأب ، إسمحوا لي أن أستعمل العبارة الأنجليزيّة الشهيرة التي أحسبها تؤدي المعني المقصود بشكل أكبر من عبارة الجاذبيّّّة، و هي عبارة: " sexy ". هنا في أمريكا و أروبا ، علي وجه الخصوص ،حينما توصف فتاة ما بأنها سكسي يفهم من ذلك بأنك وسمتها بالجاذبيّة الطاغية، و الجاذبيّة المعنيّة بالأمر هنالا يقصد بها مظهرها العام وحده، حسبما فصّلت آنفا، بل تدخل فيها أيضا شخصيتها الخاصّة. ولا ينظر لهذا الوصف: سكسي، بإعتباره: " sexual harrassement " في حق الفتاة المعنيّة بالأمر. بل يعتبر compilament عادي تتلقاه الفتاة المقصودة به بإبتسامة راضية، و ربما بكثير من البشر. الشكل و المظهر العام للفنان، و بالذات الممثلون ، و الفنانون الغنائيّون، يعتبر جزءا مهما في البكيج: package , الذي يبيعونه لمتلقيهم. استظيع أن أعطي المظهر العام للفنان، أعني خلقته، مكياجه، و هندامه نسبة خمسين في المائة ممّا يحصّلّه من نجاح. دون الإشارة لإسمه، هنالك فنان غنائي سوداني لم يمنحه الله خلقة جميلة،صوته جيّد لكن موهبته الحقيقة تتجلّي في ألحانه و موسيقاه الجميلة. لذا لم يستظع هذا الفنّان الموهوب أن ينل ما يستحقّه من شهرة. و كنت أقول في قرارة نفسي، لو أن بعض الأغاني التي يؤديها ذلك الفنّان تكرّم بها للفنان الكبير محمّد الأمين، والتي أحسب أنها تتناسب مع لونبيته الموسيقيّة و الغنائيّة، لنالت قدرا كبيرا من الشهرة.
أها يا جماعة، خلونا نتخفّف في الكلام شويّة، بنتنا أفراح عصام دي مظهرها العام جذاب و سكسي، هندامها الذي تحرص علي الظهور به دائما جميل جدّا. لكن واضح أيضا، للأسف الشديد، إنّو بياض البشرة، في سوداننا الحبيب، يعتبر سمة حميدة لمن ي/ت/ولد بها. جري العرف في السودان و خارجه أن الحواجب الغزيرة للمرأة، خلافا لرشرش عينيها، تعتبر سمة منفّرة و عير جاذبة. لذا تعارفت النساء في معطم بلاد العالم علي التخلّص من حواجبهنّ الكثّة و رسمها بشكل خفيف علي هيئة هلال بقلم الحواجب. تلاحطون أن الفنانة أفراح عصام تخلصت من حاجبيها الطبيعيّين و قامت برسمهما بشكل خفيف ولم تعجب طريقتها في رسم الحواجب الكثيرين. لكن قليلا من المفارقة:ال controversy يفيد في حالتها. و تلاحطون أن الملمح الوجهي العام للفنّانة أفراح عصام به الكثير م براءة الطفولة. و وجهها الطفولي، و تحديدا شفتيها و بسمتها الطبيعيّة الصافية و غير المصطنعة، يذكّروننا بالممثّلة المصريّة الجذأبة:شيريهان، علاوة علي أنّ طريقتها التعبيريّة الطبيعيّة في إستخدام يديها و قسمات و جهها و هي تتعايش مع اللحن الموسيقي و الكلامي للاغاني التي تؤدّيها، و يدخل في ذلك: إختناق صوتها السوبراني المتميّز و هي تعاني في إخراجه، يضيف كثيرا لجاذبيتها في نفوسنا. و إذا حاولنا مقارنة الفنانة أفراح عصام مع صاحبتيها في ذات الحلقات من برنامج: "أغاني اغاني ": ريماز و منار، تحسّ بأنها: فتاة مكتملة الأنوثة و شخصيتها تبدو عليها الرزانة و الطيبة، بينا هما: اعني: ريماز ميرغني و منار بابكر يتراءآن في ناظرينا كبنتين صغيرتين لم يكتمل نضجهما بعد رغم مظاهر الطيبة المحبّبة للنفوس التي تجلّلاهما. و الشيئ الآخر البالغ الأهميّة في صوت الفنّانة أفراح عصام، علاوة علي سوبرانيته الشديدة، مقارنة بصوت الفنانات الشهيرات: البلابل، غير السوبراني، والمحبب لأذنينا في ذات الوقت، إنّه صوت مختلف و فريد في نوعه، مثلما هو الحال مع الفنانة الشهيرة الأخري: نانسي عجاج. السؤال الذي يفرض نفسه هو: لو تلقت الفنانة الواعدة: أفراح عصام تدريبات صوتيّة للتخلّص مما تعانية من إختناق و خقوت في نهايات كل مقطع صوتي تؤدّيه، هل تزداد شعبيتها، أم تخفت، في غياب معاناتها و تمايل رقبتها الآثر بعد أن يستعيد صوتها قوته بالتدريب الإصطناعي؟ الإجابة علي هذا السؤال نتركها لمقبل لايّام، هذا بالطبع إذا وافقت الفنانة أفراح عصام علي الخضوع للتدريبات الصوتيّة المقترحة لها.. بيد اني أتوافق مع الرأي المطروح ههنا لتشجيع الفنانة أفراح لتلقي تلك التدريبات الصوتيّّة المقترحة، حتي لا تفقد صوتها نهائيّا. بشكل عام أري أن إتاحة فرص أكثر للفنانة أفراح عصام للغناء في برنامج : " أغاني اغاني " مقارنة مع صاحبتيها في ذات البرنامج: منار و ريماز، حقّ تستحقّه، لما أبديته آنفا من رأي، و لشعبيتها الطاغية مقارنة بهما. أعتقد أن نسبة أعلي من المشاهدين يواظبون، لا شعوريّا، علي مشاهدة برنامج: " أغاني أغاني " لوجود الفنانة: أفراح عصام ضمن كوكبة المغنّين و المغنيات به.

طارق الفزاري
ود زينب

Post: #1719
Title: Re: أغاني وأغاني.. للقدامى والمستجدين..
Author: wedzayneb
Date: 09-24-2009, 05:00 AM
Parent: #1718

بالله عليك/ن/م يا زميلاتي و زملائي البوداب القارئات و القائين لهذا البوست الناجح، و أخصّ بشكل خاص المشاركات و المشاركين فيه، نستميحك/ن/م في إبداء رأيك/ن/م في الآتي:

ألا تستحقّ ايّا من الفنانات الواعدات من زهرات البرنامج الشهير " نجوم الغد"، ممّن وثّقت لهنّ في الخيوط
الإسفيريّة أدناه فرصة الظهور في برنامج: " أغاني أغاني " في دورته الرمضانيّة القادمة؟

وافر التقدير

طارق الفزاري
ود زينب

مهديّة إبراهيم و الغناء " المجيّه. إستمعوا إليها أولا...يا في: " صوت الطين "

نهلة حسين صوت جديدأبعاده شجية تحتاج للدعم الفني والأكاد...ة التقليد. يوجد فيدي

The link below contained two songs by a nubian vocalist named: Fadwa Mohammed Othman

koreg Anja Nela عيدية... شعر وغناء بالنوبي

التعديل سببه إضافة إسم الفنّانة فدوي محمّد عثمان قبل الوصلة الإسفيريّة التي تضمّّنت تنويهي بها.

Post: #1720
Title: Re: أغاني وأغاني.. للقدامى والمستجدين..
Author: abubakr
Date: 09-24-2009, 05:31 AM
Parent: #1719

يا ود زينب ( عندنا "اندنا" في اقصي اقاصي الشمال حيث كنا مناداة الشخص مقرونا باسم امه تكرييم كبير وحميمية زائدة ) سلام ...عجبت لك وانت تقول اننا نعرف خيرا منك في امر غناء اهل وسط السودان ؟؟ عدا متخصصون قلائل يمكن ان تستدل عليهم من مساهماتهم هنا فنحن سميعة علي باب الله وانا شخصيا لا يمكن ان اكون الا سميعا حيث ان اغاني بلغتي النوبية تاتي اولا ثم الطوفان اضافة الي اغتراب ديناصوري جاوز الثلاث عقود ولذا انصرفت لتصويير انصرافي ...افراح في العام الماضي وحين ظهورها الاول في نجوم الغد كسبت جماهيير كثيرة بصوتها وشكلها (والذي كان ناقص عشرة كيلو عما هو في اغاني واغاني )ولكن في اغاني واغاني ووسط اصوات اقدر واعلي ظهر الفارق وهو الذي راه بعض منا فارق ...
واصل بحثك وتشريحك فيبدو ان فيما تكتب حرفية ومهنية حتي ولو كانت اكاديمية....

مودتي
ابوبكر

Post: #1721
Title: Re: أغاني وأغاني.. للقدامى والمستجدين..
Author: wedzayneb
Date: 09-24-2009, 07:18 AM
Parent: #1720

اخوي الباشمهندس ابوبكر سيد احمد:

يشرّفني كثيرا التداخل الإسفيري معك.

الحضارة النوبيّة مفخرة للإنسانيّة جمعاء.

و إهتمامك بالتوثيق و التأريح للثراث و الحضارة النوبيّة باللغتين:

العربيّّة و الإنجليزيّة عمل جليل يستحق التنويه به. اسنحلفك الله، أخي أبوبكر،

إذا كان موقعك الإسفيري عن الحضارة النوبيّة لا يزال قائما أن تتحفنا بعنوانه ، أو تفتح به

خيطا إسفيرييّا مستقلا لتعمّ الفائذة به. النوبة ، كما أشرت في مشاركة إسفيريّة ملحقة ببوست عن الغناء

النوبي ،الصقته في مشاركتي قبل الأخيرة أعلاه، هم اصلنا. و من لا يحتفي، أو يلتصق بأصله، فلا أصل له.

كلنا لآدم و آدم من تراب. أنا خليط من دماء بدويّة سودانية و جعلية. و الجعليّون في الأصل هم نوبة

مستعربة. و صديقي: كمال بشاشة، يري أنّ ما يطلق عليه زورا: النوبة المستعربة، هم في حقيقة الامر نوبة

اصلاء ساقتهم أقدرهم كرقيق للعرب المسلمين في مصر المحتلةّ إيفاء لبند من بنود إتفاقيّة البقط

الظالمة بين الجيش المسلم المنتصر بقيادة: عبدالله بن أبي السرح، و الملك النوبي المنهزم آنذاك. و

قد عادو مندحرين لبلاد النوبة بزوجاتهم، أظفالهم، عدّتهم، و عتادهم، بعد تأسلمهم، تعريبهم، و

فقدانهم للغاتهم النوبيّة، مباشرة عقب زوال سلطان المماليك في مصر. لا ادري مدي صحّة ما يقول به

الصديق كمال بشاشة، لكن الجعليين لا ينكرون نوبيتهم، بل تجد الكثيرين منهم، كحالي، يفخرون بها.

و بخصوص إختياري للقب الإسفيري: ود زينب، عليها السلام و الرحمة، و تلك قصة أخري، فإنني ، و لا غرو،

بوالدي، يرحمه الله، و اهلي من قبل الوالد: الفزارب في أم دوم، فخري بوالدتي. و أهلي من قبل

الوالد و الوالدة يمتّون لبعض بصلات قربي حميمة. و لئن كنت أخترت إسم الوالدة كلقب إسفيري لي، و هي

التي ضحّت بشبابها و جمالها، و رفضت الزواج بعد و فاة الوالد، عليه الرحمة و أنا بعد طفل يافع في

الشهر العاشر من العمر، في سبيل تربية وحيدها، فإنني أحرص علي تدوين إسم عائلة والدي: أحمد، في

نهاية كل خيط إسفيري اكتبه. و من منّا نحن السودانيون لا يحسّ بحميميّة شديدة تجاه أمه، عزيزي

بكري؟

يقولون إن الموسيقي لغة عالميّة. أنا أطرب و أهتز لكل أنواع الغناء و ا لموسيقي الإنسانيّة الجميلة

بغضّّ النظر عن الاصل العرقي لمن يؤدّيها. و تأثري العميق بالموسيقي النوبيّة، كجزء اصيل من التراث

الموسيقي الإنساني يعزي للدم النوبي الذي يتخللني، كيفما تكون نسبته. و الدم، كما نقول، يحنّ و

يأتلف ببعضه بعضا.

أتعشّم أخي Hf,f;v أن أتلقي رأيك في أحقيّة الفنانات اللاتي نوهت بهن: مهديّة إبراهيم، فدوي محمّد

عثمان، و نهلة حسين، لنيل فرصة الظهور في برنامج " أغاني أغاني " في دورته الرمضانيّة القادمة،

توزيعا للشفرص العادلة بين زهرات بربنامج " نجوم الغد " الواعدات.

طبعا ما أبديته من راي حول الفنانة الموهوبة: أفراح عصام، نابع من ذائقتي الشخصية للموسيقي و الغناء، و لا تستند لدراسة أكاديميّّة، حسبما أسلفت ، أخي ابوبكر.

طارق الفزاري
ود زينب

Post: #1722
Title: Re: أغاني وأغاني.. للقدامى والمستجدين..
Author: abubakr
Date: 09-24-2009, 08:08 AM
Parent: #1721

يا ودزينب ..انه بروفيسور يوسف فضل الذي اشار الي ان الجعليين هم نوبة مستعربة وانه لا دليل لديه بما ينفي ذلك وبما يثبت ان للعباس رضي الله عنه نسل في وادي النيل.,..كمال شديد الحماس لاصله النوبي الافريقي ولكن منطقتنا لم تكن جزيرة معزولة وانما منطقة تلاقح فاختلطت دماء النوبيين بدماء كثيرة غير ان الغلبة للدم النوبي لغة وارثا وارضا (اذا تركو لنا ما تبقي منها )...
الغناء النوبي هو خازن للغة النوبية والتي ها في الاصل لغة شدو Chanting ولذا فهي قريبة جدا من وجدان حتي الذي لا يفهمها...
اعطاء الفرص لنجمات نجوم الغد في برنامج كاغاني يبقي رهيين مزاج مقدم ومعد البرنامج ولكن اتمني ان يجد كل شباب نجوم الغد الرعاية الفنية الكافية قبل ان ينطلقو كاصوات في ساحة الغناء

ما زال موقعي النوبي القديم موجودا هنا :http://thenubian.net

مودتي

Post: #1723
Title: Re: أغاني وأغاني.. للقدامى والمستجدين..
Author: wedzayneb
Date: 09-24-2009, 10:38 AM
Parent: #1722

أخي الحبيب أبوبكر:

سابدأ في نقاش بعض القضايا النوبيّة الهامّة معك في البوست المفترع للغناء النوبي، لأنّ هذا الخيط السايبيري الجاري يدور حول برنامج تلفزيوني لا علاقة له بما أثرته معك من حديث عن الشأن النوبي.
بيد أنّّّ الفكرة الأولي في إقتباسي أدناه عنك تتوافق مع منطق الأشياء؟ أمّا الفكرةالثانية الموضوعة بين قوسين فقد أحزنتني، وسأتعرّض لمراميها بشكل عرضي، كمت أسلفت ضمن بوست الغناء النوبي.
ولكن منطقتنا لم تكن جزيرة معزولة وانما منطقة تلاقح فاختلطت دماء النوبيين بدماء كثيرة غير ان الغلبة للدم النوبي لغة وارثا وارضا (اذا تركو لنا ما تبقي منها )...

أعجبتني إشارتك للغة النوبيّة بأنّّها تتماهي مع الشدو، لذا فهي قريبة من وجدان حتي الذي لا يفهمها.

لفتت إنتباهي ظاهرة الإرتفاع النسبي في اعداد المواهب الغنائيّة السودانيّة مؤخّرا، و بخاصّة وسط العنصر النسائي في مختلف طبقات المجتمع السوداني المعاصر. بشكل عام الاحط نقدّماكميّا مضطردا في موهبة الغناء الصوتي في سوداننا الحبيب ، و تضعضعا مقابلا له في القيمة الفنيّة للكلمة واللحن الغنائي.

طارق الفزاري
ود زينب

Post: #1724
Title: Re: أغاني وأغاني.. للقدامى والمستجدين..
Author: wedzayneb
Date: 09-24-2009, 10:44 AM
Parent: #1722

لا يسعني أن أشكرك اخي أبوبكر علي هديتك القيّمة: موقعك الإلكتروني: الإنسان النوبي " The Nubian ">>
ساشرع غدا، بمشيئة الله، في مطالعته.

طارق الفزاري
ود زينب

Post: #1725
Title: Re: أغاني وأغاني.. للقدامى والمستجدين..
Author: عبدالله الفرجوني
Date: 09-30-2009, 09:12 PM
Parent: #1724

Quote:

إنتي بت حلوة - ما شاء الله تبارك الله - يا أفراح يا بتي..
لكن يا بت امي مسختي علينا العيد عدييييييييييل كدا بي كوجينك للغُنا...
قطٌعناهو في قلبنا و بلعنا لساننا خوفاً من حبيب نورة و ود الموج.
لكن عليك الله شوفي المِحين الاتمَحنوهو السر قدور و عاصم البنا و فرفور في نهاية الاغنية...
عشان تعرفي اننا كنا ممكونيييييين و صابرين !
و الله يرضى عليك....و عشان خاطر الرابطة بتاعتك ...إجتهدي أكتر.
......................

Post: #1726
Title: Re: أغاني وأغاني.. للقدامى والمستجدين..
Author: عبدالله الفرجوني
Date: 09-30-2009, 09:29 PM
Parent: #1725

والله افراح عصام دي مرضتنا مرض
بحواجبيها المنططات ديل التقول راسماهين فى الضلمه
وكمان ديره نغني للبلابل وبشير عباس والله مفروض السر قدور لما هو معجب بيها كده
يشوف ليها اغاني من الاغاني التقيله لبتتنسب معاها الفيها قلب فى السلالم وقلب فى الايقعات ولزمات كتير وتطريب كتير
عشان خساره تفتح خشمها فى اغاني ساهله زي اغنية المشوار دي
مفروض تغني اغاني مقعده وتقيله تتناسب مع صوتها زي

البنسلين ياتمرجي
و راجل المره
والتش تش
وياجاجه دقي لى الكاروشه
وحنانه
وحاجات تقيله زي دي
دي عقدة السودانين اي واحده لونا فانح شويه وخاته ليها شوال جير فى وشها وماسكه ميك فى ايدها
معناها خلاص فيروز السودان
والله مرض
مع احترامي لااذواق الاخرين وفى الاخر الغنى ده اذواق
ههههههاااااااااااااااااااي

Post: #1727
Title: Re: أغاني وأغاني.. للقدامى والمستجدين..
Author: Dania Elmaki
Date: 10-01-2009, 01:18 AM
Parent: #1726

والله كلامك صح, لكن مين يقدر يقول يا غولة عينك حمراء

Post: #1728
Title: Re: أغاني وأغاني.. للقدامى والمستجدين..
Author: الزوول
Date: 10-15-2009, 12:26 PM
Parent: #1727

السلام عليكم
....
عودة للبوست
كما عاد نجوم أغاني وأغاني ثانية
وكما يقولون لتكريم اسرة البرنامج بالنادي الألماني
لا أعرف إن كان هذا شيئاً طبيعياً
ولكني أحسه استهلاكاً واستغلالاً لنجاح البرنامج
...
أذكر أن في التسعينات ظهر لاعب جيد جداً فرنسي الجنسية
اسمه نيكولاس انيلكا ( أسلم الآن وصار اسمه بلال أنيلكا ويلعب حالياً في نادي تشيلسي الأنجليزي)
ظهر أول ما ظهر في فريق الأرسنال تحت رعاية المدرب المعروف باكتشافه للمواهب (أرسين فينغر)
ظهرهذا اللاعب الصغير السن بشكل مذهل
فضربت اسرته الفوضى وتولى شقيقه وكالة أعماله
ولم يعرفوا كيف يستغلوا هذه الموهبة لحصد اكبر قدر من الأموال
فتنقل في عدد لا يحصى من الأندية (أظن انها بلغت 10 أندية)
ما ان يقضى عدة أشهر الا ويتم بيعه لنادي آخر
أظن انه جنى قدراً كبيراً من المال بهذه الصفقات المتعددة
ولكني أظن أنه كلاعب ضاعت موهبته تماماً
.....
هذا هو ما يحدث فعلاً لبرنامج أغاني وأغاني
...

Post: #1729
Title: Re: أغاني وأغاني.. للقدامى والمستجدين..
Author: الزوول
Date: 10-15-2009, 12:33 PM
Parent: #1728

السلام عليكم
....
هذه هي دعاية البرنامج
....

...

Post: #1730
Title: Re: أغاني وأغاني.. للقدامى والمستجدين..
Author: الزوول
Date: 10-16-2009, 04:39 AM
Parent: #1729

السلام عليكم

...

من الحضور اللافت
السيد الصادق المهدي
الممثل علي مهدي
الفنان سيف الجامعة (ما متأكد)
"تومة" ريماز ميرغني (شبه شديد)
و
أفراح عصام
بالرغم من خبر أنها تقضي هذه الأيام داخل القفص الذهبي
....
ومن الغياب اللافت
عصام محمد نور
شريف الفحيل
وعصام أحمد الطيب
.....
هذه مضبطة سريعة حسب الدعاية السريعة

...

Post: #1731
Title: Re: أغاني وأغاني.. للقدامى والمستجدين..
Author: نجوان
Date: 10-18-2009, 05:41 AM
Parent: #1730

Quote: وكما يقولون لتكريم اسرة البرنامج بالنادي الألماني
لا أعرف إن كان هذا شيئاً طبيعياً
ولكني أحسه استهلاكاً واستغلالاً لنجاح البرنامج
سلام للزوول .. وكل الحبان..

"الكعكة في يد اليتيم عجبة"
الحقيقة انه برنامج أغاني، على علاته،
هو المحصلة تقريبا الوحيدة لقناة النيل الأزرق في الموسم الرمضاني لهذا العام..
طبيعي ان يحاولوا عصر آخر قطرة ممكنة منه..
(وما تنسى برضو انه الإجترار في الآخر تخصصنا)

لم يكن هناك شيء خلال الشهر الكريم غير سهرة الشاي، 50 كباية عصير
2 مذيعة، 1 مذيع، وموقف طريف مرّ بيك..
وميرفت بتاعة الكورة ديك..

_____
عجبني التصوير لكن..
جميل والله.. وأرحم من الأستديو الحار داك..

Post: #1732
Title: Re: أغاني وأغاني.. للقدامى والمستجدين..
Author: الزوول
Date: 10-18-2009, 07:26 AM
Parent: #1731

السلام عليكم

..
نجوان ازيك

ياخي انا قنعت من زولاً يعلق معاي
شكراً مرورك الكريم

...
اتذكرت (بوستينا) ده لما سمعت بروفيسر . إبراهيم القرشي يعلق على بوست كنا بنتناقش فيهو عن برنامجه الناجح "في رحاب الحبيب"
وهو يمطرنا بالثناء والمديح على اهتمامنا ببرنامجه، بل يذكر اسماءنا الحقيقية منها والحركية..
هنا:
ذكر أعضاء سودانيزأونلاين بالإسم في برنامجه الناجح..شكرا... بروف إبراهيم القرشي
أقول تذكرت
وتأسفت
لتجاهل اسرة أغاني وأغاني لمجهودات الأخوة في هذا البوست ،الذين يبالغون في الإهتمام بهذا البرنامج والدعاية له ومشاركة من لا يصلهم ارسال النيل الأزرق
لا أريد أن أقول ان هذا هو الفرق بين تواضع العلماء يمثلهم بروفيسر القرشي وغيرهم
ولكن يبدو أنه كذلك
...

Post: #1736
Title: Re: أغاني وأغاني.. للقدامى والمستجدين..
Author: abubakr
Date: 10-18-2009, 08:07 AM
Parent: #1732

Quote: العلماء

يالدفعة خلي المقارنة تكون apple to apple ايه البيجيب العلماء مع العكاكيين ؟؟ لانو عالم تواضع شكر اما العكاكيين فعكو وبس

Post: #1737
Title: Re: أغاني وأغاني.. للقدامى والمستجدين..
Author: نجوان
Date: 10-18-2009, 12:33 PM
Parent: #1732

Quote: اتذكرت (بوستينا) ده لما سمعت بروفيسر . إبراهيم القرشي يعلق على بوست
كنا بنتناقش فيهو عن برنامجه الناجح "في رحاب الحبيب"
وهو يمطرنا بالثناء والمديح على اهتمامنا ببرنامجه،
بل يذكر اسماءنا الحقيقية منها والحركية..
يا سلام على دكتور القرشي..

اتلوموا ناس أغاني..
ما أدونا وش والله
4 سنين والناس تهاتي بالبرنامج،
ولا حياة لمن تنادي..

_____
وهذا ابلغ دليل انه الناس في وادي وتلفزيونا في وادي..

Post: #1733
Title: Re: أغاني وأغاني.. للقدامى والمستجدين..
Author: abubakr
Date: 10-18-2009, 07:51 AM
Parent: #1728

Quote: هذا هو ما يحدث فعلاً لبرنامج أغاني وأغاني

الدفعة الزوول ...دة البيحصل لما يكون المنتج واحد فقط .. ندرة في الانتاج بتخلي البضاعة الوحيدونة زي اليويو ....

Post: #1735
Title: Re: أغاني وأغاني.. للقدامى والمستجدين..
Author: abubakr
Date: 10-18-2009, 08:03 AM
Parent: #1733

انا بس اقول يارب البرنامج بتاع النادي الالماني يجيبوه قبل نهاية الشهر لاني مش حاكون موجود لمدة كام اسبوع بعداك عشان ازاول هوايتي واصور ليكم جنس لبسات .. شي طواقي وشي شنبات وشي كريمات ولبستك وانا سوداني اااانا ...

Post: #1738
Title: Re: أغاني وأغاني.. للقدامى والمستجدين..
Author: نجوان
Date: 10-18-2009, 12:40 PM
Parent: #1735

والله يا باش محتارة،
يا ترى في جديد ما اتقال خلال شهر في الاستديو وح يتقال في النادي الألماني؟

_____
فعلا استهلاك على قول الزوول
كنكشة ما بعدها كنكشة..

ولسة التقيل ما جاء
من هنا وطالع، ح تشوفوا افراح كل يوم
وبقية نجوم اغاني..

_____
ناسنا ديل بيحيّروا الإستهلاك ذات نفسو..

Post: #1739
Title: Re: أغاني وأغاني.. للقدامى والمستجدين..
Author: وليد عبد اللطيف
Date: 10-18-2009, 01:48 PM
Parent: #1738

ياهندسة
اختنا نجوان
انتو تاني فتحتو الشوال دا ولا شنو

-----------------------------
لكم كل التحايا

Post: #1740
Title: Re: أغاني وأغاني.. للقدامى والمستجدين..
Author: الزوول
Date: 10-20-2009, 11:09 AM
Parent: #1739

السلام عليكم

..

مواعيد بث الحلقة نجوم أغاني وأغاني بالنادي الألماني
على قناة النيل الأزرق

يوم الخميس

22/10/2009

الساعة 11:30 بتوقيت السودان

....

Post: #1741
Title: Re: أغاني وأغاني.. للقدامى والمستجدين..
Author: الزوول
Date: 10-20-2009, 04:05 PM
Parent: #1740

السلام عليكم

...
لكي يراها أخونا الباش أبوبكر

ويظبط مواعيده مع مواعيد البث

قبل سفره الميمون

...