Post: #1
Title: حافية القدمين....ما بين..موت الخاتم...وسهـرة الكاظــم
Author: سجيمان
Date: 04-26-2005, 10:28 AM
Parent: #0
ما زال الحزن والاسي يعتصراني
لموت الخاتم عدلان
كاظم الساهر.... المطرب العراقي..... صاحب الصوت الدوناني....دوناني يعني طبقات صوتو تشبة طبقات صوت ابو الدونان....... ابو الدونان.... للحناكيش واشباه الحناكيش وتابعي الحناكيش وتابعي تابعي الحناكيش بحنكشة الي يوم الدين....ابو الدونان هو حشرة سودا تطير ..فرررررر..... وتطنطن....وما يحلي لها تزنزن وتنطن علا لما تجي ترقد وتنوم نصت نهار في راكوبة..... وتكون الواطا سخانتا تلحم......غنا كظومة.... الساهر ومسهر خلق الله يوم.... وفاة الخاتم عدلان......غنا يا حفيانة الكرعين.....وزغردت بناتنا وويويبت ....وسكلب حناكيشنا الاشاوس.....ولما غنى يا حفيانة...كل ذات كعب وظلف..... ملصت اللابساهن..... ومشت حفيانة.. واحمد الله انو كظومة ما عندو غنية اسمها يا عريانة.....ولاّ..... يا ماشة ام فكو...........كنا صبحنا ولقينا الخرتوم نصو ماشي ام فكو.....والباقي ماشي ورا الماشين ام فكو........تلفزيون السودان ووزير الاعلام... استقبلو كظومة......واستقبلو ...وزير الاعلام شخشيا شفتو في التلفزيون....وتبسّم في وجهه......متمنيا له اقامة طيبة.....وبوس من بناتنا......ويرجع سالم.. غانم.... محمل بالدولارات.....من بلد ال33 مليون فقير......التظكرة قالو ب120 دولار......وزير الاعلام يستقبل كاظم الساهر ويعمل لو دعاية لحفلتو في تلفزيونا..... دعاية مجانية وعلى حسابنا....... كتير عليهو.... كلمتين وما يقولن هو .... يقولن أي زول... كلمتين يقولو فيهن .. "الخاتم مات".....وبس....... ما بتكلف شي.........وما تبقيكم صغُار.......كنتو بتكبرو في عيون الناس....
الخاتم...... الدموع الاتكبت عليهو... تروي البطانة والعتمور ويسيل وادي المقدم تلاتين سنة لي قدام.....علا هو سافر ومشى في دربن ما برجعو منو البكا.....الخرتوم ترقص وتغني.....وجنازة الخاتم مكبّتة ومختوتة...في الغُربة.....ومرتو ووليداتو متمحنين جنبو.....ومسخانة عليهم حياة الدنيا...... ومسخانة علي الناس البيعرفوهو.... والمابيعرفهو......... الناس الكانو مخالفنو....قبال المتافقنو.....الخاتم ماهو الراجل البيرقصو ويغنو يوم بكاهو...وما بيرقص في يوم بكاهو علا زولن غبيان.....والخاتم ماهو الراجل الما بيحدسو بي موتو.. والخاتم ماهو الراجل البي يقطعو بكاهو....والموت مافيهو شماتة.......حقًا علي الرُقاب.....
السيد رئيس الجمهورية
السيد وزير الاعلام
السيد امين الحزب الحاكم
انتو...... اتلومتو............
|
Post: #2
Title: Re: حافية القدمين....ما بين..موت الخاتم...وسهـرة الكاظــم
Author: خضر عطا المنان
Date: 04-26-2005, 11:29 AM
Parent: #1
Quote: السيد رئيس الجمهورية
السيد وزير الاعلام
السيد امين الحزب الحاكم
انتو...... اتلومتو............ |
ديل ماتوا قبل الخاتم يا سجيمان !!!!
وأي فرق بين الموتين باق ؟؟؟!!!!؟؟؟؟؟.
خضرعطاالمنان
|
Post: #13
Title: Re: حافية القدمين....ما بين..موت الخاتم...وسهـرة الكاظــم
Author: سجيمان
Date: 04-27-2005, 04:27 AM
خضر عطا المنان
| Quote: وأي فرق بين الموتين باق ؟؟؟!!!!؟؟؟؟؟. |
الموت حق.. الموت آت لو بعد حين......لا شماتة في الموت
|
Post: #3
Title: Re: حافية القدمين....ما بين..موت الخاتم...وسهـرة الكاظــم
Author: ست البنات
Date: 04-26-2005, 11:37 AM
Parent: #1
سجيمان الدوغرى البينضم فى المليان !
أبو الدونان كتير فى المنبر دا !
عيللى ماب يعرف الطيران !!!
ست البنات .
|
Post: #15
Title: Re: حافية القدمين....ما بين..موت الخاتم...وسهـرة الكاظــم
Author: سجيمان
Date: 04-27-2005, 11:53 AM
Parent: #3
ست البنات
| Quote: أبو الدونان كتير فى المنبر دا ! |
دا تخليهو..... لانو كل ما تهبشيهو يقعد ينوني
|
Post: #4
Title: Re: حافية القدمين....ما بين..موت الخاتم...وسهـرة الكاظــم
Author: Yassir7anna
Date: 04-26-2005, 11:49 AM
Parent: #1
المشكلة انو ديل يا سجيمان ما بختشوا لو بختشوا كان ماتوا زمان من الخجل
خلي الخاتم عدلان على الاقل ده هم معتبرنو عدو مع انه الموت لا فوقه عدو ولا صديق لكن شوف كارلوس صاحبهم وبن لادن الساعدهم وما قصر معاهم، الاول باعوه بثمن بخس والاخير مرقنو كرعيه في آخر لحظة
فلا حول ولا قوة الا بالله العلي العظيم
|
Post: #16
Title: Re: حافية القدمين....ما بين..موت الخاتم...وسهـرة الكاظــم
Author: سجيمان
Date: 04-27-2005, 10:26 PM
Parent: #4
ياسر حنا
| Quote: والاخير مرقنو كرعيه في آخر لحظة |
حالتن مرقنو..............؟؟؟؟؟؟
|
Post: #5
Title: Re: حافية القدمين....ما بين..موت الخاتم...وسهـرة الكاظــم
Author: jini
Date: 04-26-2005, 01:09 PM
Parent: #1
| Quote: الخاتم ماهو الراجل البيرقصو ويغنو يوم بكاهو...وما بيرقص في يوم بكاهو علا زولن غبيان.... |
الله يقطع الحسانية وسنين الحسانية!
جني
|
Post: #6
Title: Re: حافية القدمين....ما بين..موت الخاتم...وسهـرة الكاظــم
Author: سجيمان
Date: 04-26-2005, 09:36 PM
Parent: #5
كدي النرفعو..كان يعتر فيوقو واحد من الحكومة....ويمشي يحضر الدافنة
|
Post: #7
Title: Re: حافية القدمين....ما بين..موت الخاتم...وسهـرة الكاظــم
Author: Kostawi
Date: 04-26-2005, 09:59 PM
Parent: #6
باقيلك ود جمعه ما كوركلهن...وله الود المسخوت ده برضو بلعب التوستى مع ....
له الرحمة
الخاتم
|
Post: #23
Title: Re: حافية القدمين....ما بين..موت الخاتم...وسهـرة الكاظــم
Author: سجيمان
Date: 04-29-2005, 02:41 AM
Parent: #7
كوستاوي
| Quote: باقيلك ود جمعه ما كوركلهن...وله الود المسخوت ده برضو بلعب التوستى مع .... |
غايتو ود جمعه لو سوا كدي يبقى اتلوم
|
Post: #18
Title: Re: حافية القدمين....ما بين..موت الخاتم...وسهـرة الكاظــم
Author: سجيمان
Date: 04-28-2005, 02:07 PM
Parent: #5
جني
Quote: الله يقطع الحسانية وسنين الحسانية!
|
بس وجودهم ضروري
|
Post: #8
Title: Re: حافية القدمين....ما بين..موت الخاتم...وسهـرة الكاظــم
Author: nour tawir
Date: 04-26-2005, 11:20 PM
Parent: #1
نحمد الله انه الاحتفال دا ما كان بمناسبة رحيل الخاتم
الله يرحمه
لاْنه يوسف كوة لما رحل
الملاعين ديل احتفلوا
وغنوا
ورقصوا...
والبعيش بيشوف العفريته!
|
Post: #25
Title: Re: حافية القدمين....ما بين..موت الخاتم...وسهـرة الكاظــم
Author: سجيمان
Date: 04-29-2005, 05:28 PM
Parent: #8
| Quote: والبعيش بيشوف العفريته! |
يا نور يا اختي..... العفريتة شوفناها....وحسي قاعدين نحك في عيونا عشان نشوف البعد العفريتة......
زمان نحن صغار في رمضان ايام الرحمتات قاعدين نكورك:-
كبريتة...كبريتة
ست الدوكة عفريتة
اتاريها ست الدوكة مسكينة لا عفريتة ولا حاجة... بهتناها
حليلنا من حقها
|
Post: #9
Title: Re: حافية القدمين....ما بين..موت الخاتم...وسهـرة الكاظــم
Author: حمزاوي
Date: 04-27-2005, 01:53 AM
Parent: #1
نحن قبيل لمن يكون في زول في الحلة ميت
حتى الراديو ما كنا بنشغلوا
سبحان الله حسع
المناضل الحاتم عدلان ميت ( الله يرحمه ويغفر له )
والجماعة حفلتهم قاجة مع كاظم الساهر
عشنا وشفنا
أقل شئ كانوا يراعوا شعور مراتو القاعدة في العدة
هي لله
هي لله
لا اله الا الله
والانقاذ طريق الله
|
Post: #26
Title: Re: حافية القدمين....ما بين..موت الخاتم...وسهـرة الكاظــم
Author: سجيمان
Date: 04-29-2005, 11:16 PM
Parent: #9
حمزاوي
Quote: المناضل الحاتم عدلان ميت ( الله يرحمه ويغفر له )
والجماعة حفلتهم قاجة مع كاظم الساهر |
شوفت اللوم دا؟
|
Post: #10
Title: Re: حافية القدمين....ما بين..موت الخاتم...وسهـرة الكاظــم
Author: Yasir Elsharif
Date: 04-27-2005, 02:06 AM
Parent: #1
دكتورنا العزيز عادل سلامات.. إنت طبعا جهاز الأمن عارفك، وسمعت أنك مصنف من أخطر الكتّاب.. وعلى أي حال الجماعة ما عندهم قعاد كتير بعد دا..
لقد أعجبني بوستك، وقلت لازم لازم أخت فيهو قصيدة صاحب أب سن "العوض مصطفى" في الخاتم، عشان يعرفوا الجماعة كيف الناس بيبكوا الخاتم..
Quote: الخاتم
برْق الليل الضَّّّّّّّّّّّّّّّـلــَّم وعاتِـم
سحاب العينة السَّاق متراكم
بحرالنيل السال متلاطم
كله الحي بي يرحل يومًا ، شقَّ علي رحيل الخاتم
إلا الجابر خاطري انا يابه إنك ترجع أرضك ونيلك
جُوَّه تراب البلد الرِّدْتُه ، وجوَّه قلوب الناس الهيلك
بكرة تشوف قدرك يا خاتم بين الغر البسرجُوا ليلك
الطيبين شدَّادين حيلك
بيعرفوك في دابُنْ كنت ، وما بينسوك بيحسُّوا رحيلك
شوَّافين ما بطِشُّوا وحاتك ، سمَّاعين بيفُرزوا هديلك
يا ذا الحس والراي الصارم
نحن وراك أحزاننا بتكبر وبكبر بعدك فينا الشوق
للإنسان الكُت منتظره ، للقيم المرفوعة وفوق
بي نسقيه الشَّــقــَّق لمَّن يروىيسوِّي ليه عروق
بنعيش ليه الوطن الغالي ، وبنعلـِّيه على المخلوق
متفاءلين ، والجاد بيضوق
شكرا خاتم ما قصّرت
شكرا يا متفاني وذوق
يا الفي الحارة بلاقيك باسم
مستننك ، أسفا جيتنا ، ماك إياك يا حوض العاشم
زي ما عاد مصطفى من قبلك ، حزن الناس تاريه مواسم
أسمح لي خاتم من فضلك
أمزج حزن الناس بي فرحك ، لما تعود لي أهلك وأصلك
أفضل وابرك
يرحل زول ، بي ترحل أُمَّة .. جبر الله يا الخاتم كسرك
وأحسن فيك عزاء الأمَّة ، وبي أفضاله ينوّرقبرك
ويتولاك بالرحمة ويغسل متل التوب الأبيض صدرك
وينقيك – ما أكرم ربك – هو العالم بي جهرك وسرك
ويلزم صبره جميع الفقدك ، ويطيِّب في الآخرة مقرك
تتهنابُه محل قبلت ، ما يلاقيك إلا البيسُرَّك
مسقط 26 أبريل 2005 |
|
Post: #11
Title: Re: حافية القدمين....ما بين..موت الخاتم...وسهـرة الكاظــم
Author: ابو جهينة
Date: 04-27-2005, 02:14 AM
Parent: #10
سي جي العزيز
ضحكت كثيرا عند :
| Quote: غنا يا حفيانة الكرعين.....وزغردت بناتنا وويويبت ....وسكلب حناكيشنا الاشاوس.....ولما غنى يا حفيانة...كل ذات كعب وظلف..... ملصت اللابساهن..... ومشت حفيانة.. واحمد الله انو كظومة ما عندو غنية اسمها يا عريانة.....ولاّ..... يا ماشة ام فكو ..كنا صبحنا ولقينا الخرتوم نصو ماشي ام فكو.....والباقي ماشي ورا الماشين ام فكو. |
و تحسرت كثيرا عند :
| Quote: ..................تلفزيون السودان ووزير الاعلام... استقبلو كظومة......واستقبلو ...وزير الاعلام شخشيا شفتو في التلفزيون....وتبسّم في وجهه......متمنيا له اقامة طيبة.....وبوس من بناتنا......ويرجع سالم.. غانم.... محمل بالدولارات.....من بلد ال33 مليون فقير......التظكرة قالو ب120 دولار......وزير الاعلام يستقبل كاظم الساهر ويعمل لو دعاية لحفلتو في تلفزيونا..... دعاية مجانية وعلى حسابنا....... كتير عليهو.... كلمتين وما يقولن هو .... يقولن أي زول... كلمتين يقولو فيهن .. "الخاتم مات".....وبس....... ما بتكلف شي.........وما تبقيكم صغُار.......كنتو بتكبرو في عيون الناس.... |
|
Post: #29
Title: Re: حافية القدمين....ما بين..موت الخاتم...وسهـرة الكاظــم
Author: سجيمان
Date: 04-30-2005, 10:20 AM
Parent: #11
ابو جيهنة
الحال من بعضو
|
Post: #27
Title: Re: حافية القدمين....ما بين..موت الخاتم...وسهـرة الكاظــم
Author: صديق الموج
Date: 04-30-2005, 05:57 AM
Parent: #10
د.ياسر
| Quote: إنت طبعا جهاز الأمن عارفك، وسمعت أنك مصنف من أخطر الكتّاب.. .. |
والله دي عوجة
|
Post: #12
Title: Re: حافية القدمين....ما بين..موت الخاتم...وسهـرة الكاظــم
Author: Tabaldina
Date: 04-27-2005, 02:43 AM
Parent: #1
..
.
هل تعلم يا دوك ان الذين وصفتهم بللحناكيش واشباه الحناكيش وتابعي الحناكيش
وتابعي تابعي الحناكيش ..
جميعهم لا يعروفون ولن يعرفون من كان الخاتم عدلان,, فدعهم فى غيهم يعمهون
وبما ان الموت يأتئ فجاة الا ان مولد الرسول )ص( محدد منذ الأزل الا ان من
نصفهم بوزراء الحكومة رحبوا واحتفلو بابوالدنان اكثر واولوه اهتمامااكثر من مناسبةمولدالمصطفى صلي الله عليه وسلم.
وحقاان كانت هناك عريانة الصدرين لرايت عاصمتنا اصبحت نادى اخر للعراة
وان اوشكت على ذلك قريبا..
لك الود ولحبيب أبو جهينة,,
|
Post: #30
Title: Re: حافية القدمين....ما بين..موت الخاتم...وسهـرة الكاظــم
Author: سجيمان
Date: 05-01-2005, 04:27 AM
Parent: #12
تبليدنا
Quote:
وان اوشكت على ذلك قريبا.. |
الله يبشرك بالخير
|
Post: #14
Title: Re: حافية القدمين....ما بين..موت الخاتم...وسهـرة الكاظــم
Author: Dr.Mohammed Ali Elmusharaf
Date: 04-27-2005, 04:36 AM
Parent: #1
الاخ د. عادل
Quote: السيد رئيس الجمهورية
السيد وزير الاعلام
السيد امين الحزب الحاكم
انتو...... اتلومتو............ |
اللوم العليهم كثير ولكن ما كنت متخيل للدرجه دي....
اللهم تقبل الخاتم قبولا حسنا
|
Post: #31
Title: Re: حافية القدمين....ما بين..موت الخاتم...وسهـرة الكاظــم
Author: سجيمان
Date: 05-01-2005, 10:08 AM
Parent: #14
د.محمد علي المشرف
| Quote: اللهم تقبل الخاتم قبولا حسنا |
آمين......
|
Post: #17
Title: Re: حافية القدمين....ما بين..موت الخاتم...وسهـرة الكاظــم
Author: mamkouna
Date: 04-28-2005, 06:43 AM
Parent: #1
الأخ الكريم سجيمان...
للفقيد الرحمة...و لآله و ذويه الصبر و حُسن العزاء...
إنا لله و إنا إليه راجعون...
|
Post: #19
Title: Re: حافية القدمين....ما بين..موت الخاتم...وسهـرة الكاظــم
Author: Marouf Sanad
Date: 04-28-2005, 02:37 PM
Parent: #17
إنا لله و إنا إليه راجعون...
|
Post: #20
Title: Re: حافية القدمين....ما بين..موت الخاتم...وسهـرة الكاظــم
Author: Abureesh
Date: 04-28-2005, 03:12 PM
Parent: #19
الأخ سجيمـان،
البشيــر وسبدرات ناسـا رخاااااص
والرخيص لا يكريم الكريـم.
فإن من جهل العزيـز لا يعـزه.. ولو أكرم هؤلاء خاتمـا لما كان الخاتم.
فإن سقوطهـم لمستواهـم الذى لن يعدوه هـذا، كان أكبـر تكريـم للخاتـم.
لا يستطيـع تكريـم الخاتم غيـر الشعب السـودانى، وهـو قد فعلهـا شعبيـا وسـوف يفعلهـا رسميـا عندما ينتفض فى ثورته الثقافيـة القادمـة، ويقتلع الفسـاد من جذوره، ويعم الصلاح.. حينهـا ستجـد ميادين ومسـارح وقاعات بإسـم الخاتـم عدلان.
|
Post: #21
Title: Re: حافية القدمين....ما بين..موت الخاتم...وسهـرة الكاظــم
Author: محمد عبدالرحمن
Date: 04-28-2005, 04:27 PM
Parent: #20
| Quote: الخاتم...... الدموع الاتكبت عليهو... تروي البطانة والعتمور ويسيل وادي المقدم تلاتين سنة لي قدام.....علا هو سافر ومشى في دربن ما برجعو منو البكا.....الخرتوم ترقص وتغني.....وجنازة الخاتم مكبّتة ومختوتة...في الغُربة.....ومرتو ووليداتو متمحنين جنبو.....ومسخانة عليهم حياة الدنيا...... ومسخانة علي الناس البيعرفوهو.... والمابيعرفهو......... الناس الكانو مخالفنو....قبال المتافقنو.....الخاتم ماهو الراجل البيرقصو ويغنو يوم بكاهو |
لن نغنى في مأتمهم، ولم ولن نشمت لاننا سودانيون ،ولكن لن نغفر ماارتكبوه
في حق الوطن وشعبه ..
شكرا دكتور سجيمان على هذه الدرس القيم ليتهم يستوعبون ..
|
Post: #22
Title: Re: حافية القدمين....ما بين..موت الخاتم...وسهـرة الكاظــم
Author: محمد اشرف
Date: 04-28-2005, 06:59 PM
Parent: #21
و الله اتلوموا تب يا سجيمان
غايتو السودان ده
ما عرف قساوة زى قساوتم دى
انا لله و انا اليه راجعون
|
Post: #24
Title: Re: حافية القدمين....ما بين..موت الخاتم...وسهـرة الكاظــم
Author: Farahat Sayed
Date: 04-29-2005, 11:17 AM
Parent: #22
الاخ سجيمان
تحياتي
تفتكر اتلومتوا دى كفاية
...ديل الوم متلفحين بيهو
|
Post: #33
Title: Re: حافية القدمين....ما بين..موت الخاتم...وسهـرة الكاظــم
Author: سجيمان
Date: 05-01-2005, 02:48 PM
Parent: #17
ممكونة
| Quote: للفقيد الرحمة...و لآله و ذويه الصبر و حُسن العزاء |
بارك الله فيكي.... نسال الله له الرحمة والمغفرة
|
Post: #28
Title: Re: حافية القدمين....ما بين..موت الخاتم...وسهـرة الكاظــم
Author: صديق الموج
Date: 04-30-2005, 06:24 AM
Parent: #1
Quote: د.ياسر
Quote: إنت طبعا جهاز الأمن عارفك، وسمعت أنك مصنف من أخطر الكتّاب.. ..
والله دي عوجة |
د. ياسر والله ده لا كلامى ولاحاجتين..الزول البوم ده هكرنى ساكت
لا ايدى ولا كراعى..هو معاى وانا كنت داخل وقام هو توش راح مرسل
دحين الكلام ده كان كعب انا اسف وكان سمح بختك
|
Post: #32
Title: Re: حافية القدمين....ما بين..موت الخاتم...وسهـرة الكاظــم
Author: mohamed osman bakry
Date: 05-01-2005, 10:23 AM
Parent: #28
كاظم الساهر ده
مـوصــلي ولا بـغـدادي?
|
|