Post: #1 Title: فلتخترق هذه الرسالة كل الحدود لتصل إلى السفاح عمر البشير Author: يحي ابن عوف Date: 07-07-2012, 08:38 AM Parent: #0
فلتخترق هذه الرسالة كل الحدود لتصل إلى السفاح عمر البشير
Post: #2 Title: Re: فلتخترق هذه الرسالة كل الحدود لتصل إلى السفاح عمر البشير Author: يحي ابن عوف Date: 07-07-2012, 10:40 AM Parent: #1
Post: #3 Title: Re: فلتخترق هذه الرسالة كل الحدود لتصل إلى السفاح عمر البشير Author: tmbis Date: 07-07-2012, 10:52 AM Parent: #2
الشاعر يحى ابو عـوف ..؟
وعامل لي فيها شاعر كمـان ..؟ يا زول إنت جادي ..؟
Post: #4 Title: Re: فلتخترق هذه الرسالة كل الحدود لتصل إلى السفاح عمر البشير Author: tmbis Date: 07-07-2012, 11:06 AM Parent: #3
حسع دا شعــر ..؟ هولاكو الجديد .. وشاويش وفررررفررر وهارون الرشيد؟؟ والله كلامك الخارم باارم دا .. انا اكتبو ليك حسع دي . ولا محتاج ليهو اي خلاطـة .. شعرك دا لزج جدا ... لو فاكر انو ح يسقط حكومـة ..؟ واللا مربوطـة ما يسقطـه .. وكمان شابكني نفرمك ونفرمك ..
انت كاتب بالتفعيلة واللا ضارب كلامك دا بالخلاطـة بتاعتي ..؟
Post: #5 Title: Re: فلتخترق هذه الرسالة كل الحدود لتصل إلى السفاح عمر البشير Author: يحي ابن عوف Date: 07-07-2012, 11:22 AM Parent: #4
الله يفرم راسك يارب دا لو عندك راس زاتووو
مادام الزيك بيطلع فى التلفزيون ليه لا مواد كلها فساد وكذب وتضليل ومحو للهوية الثقافية السودانية فرض ثقافة داخيله على المواطن السودانى
Post: #7 Title: Re: فلتخترق هذه الرسالة كل الحدود لتصل إلى السفاح عمر البشير Author: tmbis Date: 07-07-2012, 11:47 AM Parent: #5
Quote: مادام الزيك بيطلع فى التلفزيون ليه لا
انا ما بقول ليك الله يفرم راسك .. عارف ليــه ..؟ عامل راسك القاطعو من راسك دا بعدين لييه ما اطلع في التلفزيون انت دافع حاجة من عندك ؟؟ .. لو انا عارفك حاسد كدا كان جيت وسقتك وديتك التلفزيون إن شاء الله اظهرك في جنـة الأطفال .. أو بالميت كدا .. برنامج افراح أفراح .. اصلو نوعيتك الفرحـانة دي الواحد كان جا ماشي جمب البحر الجمب التلفزيون داك تلقاهو يتبسم زي نار القصب .. انا قاعد اكتب لي في قصيدة قاعد اجاري في قصيدتك دي .. بس لسة قاعد اخلط فيها في الخلاطـة ..
Post: #6 Title: Re: فلتخترق هذه الرسالة كل الحدود لتصل إلى السفاح عمر البشير Author: tmbis Date: 07-07-2012, 11:30 AM Parent: #4
انا مش قلت ليك انت من زمن يا ( تتي ) ..؟ الصورة القاشطة لينا في القصيدة بتاعتك العاملة زي الباب ابو ضلفتين دي .. صورة فيها لبط شديدة .. انت بتخم ساكت وما عارف الساعة كم وجاي عامل لينا فيها شاعر ومناضل .. وعامل فيها ( البحتـري )؟؟
الصورة دي القاليك تدخله هنا منو .. انت لسة من زمن قاعدين تلعبو لينا بالصور ..؟
Post: #8 Title: Re: فلتخترق هذه الرسالة كل الحدود لتصل إلى السفاح عمر البشير Author: يحي ابن عوف Date: 07-07-2012, 11:55 AM Parent: #6
الصورة دي من وان يا غارسيا ماركيز
ساهرتو بينا ... عندنا شغل بكره
Post: #9 Title: Re: فلتخترق هذه الرسالة كل الحدود لتصل إلى السفاح عمر البشير Author: tmbis Date: 07-07-2012, 12:04 PM Parent: #8
Quote: الصورة دي من وان يا غارسيا ماركيز
وانت يا ابو القاسم الشابي بتخم ساكت ما عارف الميت منـو ..؟ والله حقو الواحد يفتح فيك بلاغ ازعاج سلطات .. وسرقة صور عامة أو لفحان صور .. اها نوعيتك دي يا أحمد شوقي هي المغطسة حجرنـا .. الصورة دي تاكل فيها تراجي .. وياكل فيها بشاشا وياكل فيها استيف .. وتجي انت عايز تاكل فيها برضو .. بي قصيدتك الجعانة دي ..؟ وشابكني انا افرمك وانا الحكومـة .. ؟؟
Post: #10 Title: Re: فلتخترق هذه الرسالة كل الحدود لتصل إلى السفاح عمر البشير Author: tmbis Date: 07-07-2012, 12:16 PM Parent: #9
اجيب ليك القصيدة بتاعت الحلزونـة يمــه الحلزونــة ..؟ والله تدي قصايدك الاتنين ديل خمسة صفر ..
Post: #11 Title: Re: فلتخترق هذه الرسالة كل الحدود لتصل إلى السفاح عمر البشير Author: tmbis Date: 07-07-2012, 12:55 PM
رايك شنو اشتري منك القصيدة دي ؟؟ .. عندي فكرة بتاعت تلحين اليومين دي .. انت اكتب لي وانا اللحـن ليك .. ونجيب قريمــانيغني لينا .. عشان التلاتة يخمونـا يودونا الجنائية.
السؤال هـو .. علل؟؟! : الاداك الصورة دي منو عشان تجيبه هنا تاني بعدما تراجي لحمـه برد مني ..؟ يللا بسرعة خلينا نشوف لينا وهم تاني نتشبك معاهو قبال رمضان الدخل العضم دا .. يخموكم ساااكت ويكبوكم لينا في البورد دا ..
.. ( فريني ) صاحبنا كان اللجـن وتمتام واعمش .. واي حاجة: يوم قاعدين نشرب في قهوة الصباح .. قام زهجني .. خليتو قبل كدا وخمشت ليك خمشة من الجنزبيل المدقوق .. وكبيته في القهوة بلاي رقد بالكباية كلها كانو ما حصلت حاجة .. بعدما انتهى منها .. كورك لي بتاع القهوة قاليهو... دايرين (تتلونـا) ( تابين) لينا درونجاال في الدهوة ..؟
.. يللا حسع دا موت عديل كدا .. بكري جابك لينا بي قصيدتك الحامضة دي .. عايز تكتلنا ..؟ والله اقوليك حاجة حقو الشباب ديل لا يقومو مظاهرات ولا بمبان .. يقومو يسجلو قصايدك دي في (امبي ثريهات) ويشغلوها في ميدان المولد وينادو الرئيس .. صدقني بسقط .. بسقط مغشيا عليه واحتمال الشباب بتاعين الثورة ديل ذاتهم .. يسقطوا ..
Post: #12 Title: Re: فلتخترق هذه الرسالة كل الحدود لتصل إلى السفاح عمر البشير Author: عبدالعزيز حسين عبدالرحيم Date: 07-07-2012, 02:00 PM Parent: #11
ابداع يا أستاذ يحيى قصيدة معبرة وجميلة وفيها معاني وطنية وثورية قوية محملة بالأسى والحنين حاجه تمام بس ياخ الكاميرا زازت بينا شويه المره الجاية ثبت الكامير
لو واصلت على كدا إن شاء الله سنتين تلاته تاخد جائزة الطيب صالح بتاعت مركزعثمان مرغني
بس سوي فيها شويه بهارا نوع أثداء وافخاذ واللذي منه والجمهور بحب الحاجات دي
Post: #13 Title: Re: فلتخترق هذه الرسالة كل الحدود لتصل إلى السفاح عمر البشير Author: ABUHUSSEIN Date: 07-07-2012, 02:10 PM Parent: #12
تمبس إنت الليلة شارب حاجة ...؟؟؟؟
أمبارح أنا معاك كنت وااااااااااااااااااااااااااااعي
Post: #14 Title: Re: فلتخترق هذه الرسالة كل الحدود لتصل إلى السفاح عمر البشير Author: tmbis Date: 07-07-2012, 02:18 PM Parent: #13
Quote: أمبارح أنا معاك كنت وااااااااااااااااااااااااااااعي
دي القصايد دي يا ابو حسين .. سمعت الاولى والتانية .. والله العظيم حسع دي ماسكني صداع وهبوط .. يعني كان كتب ليهو واحدة تالتة الواحد ببلبع عديل كدا .. وممكن يعملو ليهو اورنيك تمنية