أعتقال الفنان جعفر السقيد والشاعر حاتم حسن الدابى ابن الشاعر حسن محمد بخيت

أعتقال الفنان جعفر السقيد والشاعر حاتم حسن الدابى ابن الشاعر حسن محمد بخيت الدابي
قامت سلطات آمن النظام الفاشى منذ أسبوعين بأعتقال الفنان جعفر السقيد والشاعر حاتم حسن الدابى كما أدعت الحكومة الفاشية بأن الشريط الجديد الذى أنتاجه يكشف القناع عن وجوههم القبيحة تم أعتقالهم ومصادرت هذا الشريط وأيقافهم عن الغناء والشعر

الأخ ابن عوف

تحية

نعم.. تم التحقيق مع الشاعر حاتم حسن الدابي والفنان جعفر السقيد والسبب قصيدة لحاتم تنتقد النظام.. سأحاول الحصول على القصيدة اليوم أو غدا وانزالها في البوست.. جعفر السقيد لمن لا يعرفونه من فناني الطمبور الصاعدين.

مامان

أخى مامان لك التحية
يكون كتر خيرك ذاك الشبل من ذاك الأسد
الخذى والعار لأعداء الحياة والحرية

شكرا لك كثيرا اخي يحي وهذه المعلومة تضيف الجديد الي موضوع قتل الابداع في بلادي الرجاء الاطلاع علي بوست الجبهةومشنقة الإيداع

ياريت يا يحى تطلعنا عى القصيدة او الاغنية

واضح انها ذات مفعول

واين مساحة الحريه التي يتحدثون عنها
سبحان الله

نعم
ليس غريبا سماع هذا الخبر
أنهم الافة الملاحقة لكل مبدع وإبداع فى بلدى
لكن فوالله
لكم يوم
كل إنقاذى وإن طالت عمامته ** يوما تحت أقدام مديوس


تحياتى
ودسلفاب

حاتم الانسان الغارق في الابداع ولاغرو في ذلك فهو ابن الشامخ الاديب الذي رزق حلاوة التعبير والابداع وتملك ناصية اللغه والفن فله قاموسه الشعري الخاص النابع من منطقته طابعه المتناغم مع روح اهل الدار نهم بحب الجمال وحب الحياه مع مقدره فائقه علي التصوير والتجسيد
له مقدره لا تداني في الغوص علي المعاني النادره فيخرجها من مكامنها ويبرزها في اجمل الصور
الي القصيده مع الدابي الابن
....
بدر مدر يا رواسي نحن بعاد لحقنا القيفة
انت مدبج ونحن نقاسى فى برد امشير والموج والزيفة
مركبك الماليها مطارق تمشي تقيف تسرح بى كيفه
مرة مغارب ومرة مشارق وانت تخاف الريح وحفيفه
ساوها زينة وفوقها بيارق وانت مدبج توب وقطيفة
فيها المات والضاربه الفالق والسلمين فى حالة مخيفة
كل الناس ترزح في كفة وانت وناسك فوق الدفة
الدايشين والراسهم لفة والشاخصين فى المدى للضفة
صوف افضالك فوقهم جوة فوق الموية وريقهم جفة
من العطش النص اتوفى وباقى النص الفضل جيفة
....
ضاقوا المر والحال استعصى الشغال واللاحق الحصة
الواصال للرحم اتقصة والهداي مو لاقى الفرصة
الرساي سافر ما وصى خلى محمد واحمد وحفصة
الاطفال العرفو القصة سدت جوة حلوقهم غصة
من الجوع الدم اتمصة واصبح كل الحلم رغيفة
.....
كل الراكب شاف احلامه دون احساس ماتت قدامه
فن كتابه وكسر اقلامه لا الوالدين لا جار ما لامه
ناس الحلة القعدوا وقاموا اصر والح يمشى كلامه
هزموهو اخوانه البى الجوع نامو وكم خريج ما لاقى وظيفة
.......
يا الفكيتها وقلت لها سيرى وعارف انه الدنيا دميرى
لا فى ضفاف لا شفنا جزيرى لا فى الحيرى ولا في الطيرى
كسرت جناحها وقلت لها طيرى اتملكت الكانت ميرى
يا السودت الناصع وجيرى ايد الحق صابونى وليفة
......
قبلك كم متعلم وقاري عكس الريح فكولو الصارى
مشدوهين متعشى وحارى ريسها شلته والبحارى
كم سنوات علام البارى واقفى وهم شايفنها جارى
بقينا هلاك والقيف متضارى لا حجار لا دوحة وريفة
.....
حسك عينك ما تتمادى وتنسى الراكب عنده ارادة
الاهوال الشافها وخاضها كان فى مدرسة والا عيادة
شفنا الايد الكان اجوادة يا مبتورة يا شحادة
وياما رقاب كانت سدادة علمت الله من التعريفة
......
يا ريسنا قدر نديرك فك الدفة وادها غيرك
احفظ نفسك ترضى ضميرك وقف اوع تواصل سيرك
كان طاوعتنى شن بيضيرك عرض اكتافك وفك البيرك
لا هنى شكرا وكتر خيرك وكل انسان في الارض خليفة

وهكذا واستمرارا لنهج النظام في سياسه تكميم الافواه
واغتيال الابداع يقوم النظام باعتقال والتحقيق مع
شاعر الشباب ود الدابي والفنان السقيد
ولانستغرب ان تصادر اله الطمبور من قري القرير ونوري
وتصادر تسجيلات محمد جباره والسر عثمان الطيب وحميد
والحردلوا حيث اصبح الشعر رجسا من عمل الشيطان
ولا باس وعلي سبيل الترويح من سماع القيقم وشنان
لم يكن من المستغرب ان نضوب معيين الانقاز في مجال
الادب والفن وبؤس كسبها وضالاته بالرغم من الاغراءت
الماديه فايدولجيه النظام الظلاميه لايمكن ان تفرخ فنا
او فرحا بزور الابداع تكمن في تربه الحريه والضوء
مصادره القلم والربابه تذكرنا بالقرون الوسطي
حيث ترتجف عروش الطغاه من مجرد قصيده يظنونها ستطيح
بالحكم وتالب الرعيه وتشعل جذوه الثوره والغريب
ان ياتي في وقت يتشدق فيه النظام بالانفتاح والحريه
ويقوم فيه صلاح قوش بطرح سياسه جديده لجهاز
يدعي انها تقوم علي الشفافيه وبسط الحريات والغريب
ان قلم قوش هذا لم يجف بعد من كتابه قرار ايقاف صحيفه
الوطن ....ويغلب الطبع علي التطبع باعتقال
الدابي والسقيد ليفضح زيف دعاوي صلاح قوش ويخسر من
راهن علي تغير طوعي في سياسات النظام
واخيرا اقول..كم هو خاسرولمحاله من يظن انهn وبكسر
قيثاره مبدع اومصادره قلم شاعر واديب يمكن يخرس شعبا
ويكسر كبرياء امه

هلا هلا
هذا الشبل من ذاك الاسد
وشكرا علي القصيده

Quote: مركبك الماليها مطارق تمشي تقيف تسرح بى كيفه مرة مغارب ومرة مشارق وانت تخاف الريح وحفيفه

و الســاقية لسة مدورة
حيكومات تغور
(حميد)

الأخوان والأخوات الأعزاء

الطاهر

تماضر

الموصلى

ود سلوفاب

حسن

كمال عباس

اسامه الخاتم

معآ من أجل وطن حر ديموقراطى
معآ من أجل وطن بلاسجون بلاتعذيب بلاديكتاتوريا تنتهك حقوق الأنسان شكرآ جزيلآ لكل عاشقى الحياة

الخذى والعار لأعداء الحياة والحرية

عفارم عليكم حاتم و جعفر

لقد اضفتما لقيمكم الفنية قيم و طنية و انسانية

و الشكر ليحى و الحبيب الغايب حسن

سلام للجميع

يا ريت لو واحد من الفنانين المبدعين عندنا فى البورد ولا فى خارجو ؛ سجل الاغنية او جزء منها بلحن مقارب ؛ عشان نثبت لاوباش النظام انهم لا يمكن ان يعتقلوا الابداع

عادل

اشكرك اخي العزيز يحي علي هذه المبادره
حينما اطلعت علي هذه القصيده قبل ان يشدوا بها جعفر عرفت ما هو المصير الذي ينتظر حاتم ولكنه اكبر من كل المحن
من هؤلاء الناس الذين تخيفهم كلمه صادقه ومعبره خارجه من رحم المعاناه والالام اؤلئك الذين تخيفهم ذبابه
ان موعدهم الصبح اليس الصبح بقريب


العزيز الصديق الصدوق العريس نصار
سالني احد الاصدقاء قبل فتره ما هو اطول الشهور؟
فاجبت دون تردد شهر عسل نصار
كلما التفت اليك يحجبك القرمصيص عني
ولكن كما كنا نستمتع بطيب حديثك فالان نجد منك ريحا طيبا
فانتم السابقون ونحن اللاحقون
ساتصل بك قريبا لك تحياتي ومحبتي وللسيده الفضلي

الأستاذ نصار
لك التحية أينما كونت جرائم هؤلاء لا تعد ولا تحصا

الأستاذ عادل عبد العاطى
شكرآ جزيلآ على المداخلة القيمة فى الحقيقة نحن فى أنتظار الأخ مامان وعد بأنزال هذه الأغنية
التى ضربت هذا النظام فى أحشاءه لك التحية

الأستاذ حسن حببنا وحبيب الكل
فالتشتعل هذه الشرارة بدماء شهدائنا الذين استشهدوا من أجل هذا الوطن الغالى الذى لا يعرف معانيه أمثال هؤلاء المتاجرين بسم الدين لك التحية والأنحناء
الخذى والعار لأعداء الحياة والحرية

التحية لكل المبدعين

وهم يزرعون الامل لتنهض بزرة النضال
قوتا للوطن
التحية لجفر السقيد
وحاتم حسن الدابي والتحية لكم في هذا البورد
جميعا يامن تحسون حسيس الوجع الجواني في عضام الوطن



























اطلقوا سراح معتقلي زالنجي

شكرآ جزيلآ هد هد
وشكرآ لكل عاشقى الحياة والحرية

اخخخخخخخخخخخخخخ لمتين يابلد,,,,فترنا والله فترنا بالحييييييييييل من البوت الفى راسنا الا الصبر باكر بنفتش ليكم زقاق زقاق وساقية ساقية وحواشة حواشة وبنمرقكم زى السرطان من الجسم ,,الا السودانين ناس طيبيييييين وطيبتهم هى المضيعاهم ومافيهم شى ماخرهم ومضيعهم غير طيبتهم ,,نشيل تارنا ونتعافا بعداك

ان الشاعر ضمير امته وحادى ركبها
متى تعى اجهزة امن النظام ذلك
بعد ان قامت بجلدهم وتعذيبهم
فهاهو الشريط يوزع على نطاق واسع
بعد ان ارتفع سعره فى السوق
ورغم ذلك ازداد الطلب عليه
بعد قليل سيكون بيد كل سودانى ذو ضمير حى
ماعدا القتلة وهتيفة النظام
ان يوم الحساب قد دنى
يرونه بعيدا ونراه قريبا
العزيز حسن6
ايها المرهف
كانما كنت تقرا المستقبل
عندما انزلت البوست السابق عن ود الدابى
اهداء لى ولدبيب
وبعد مشاركات جمع من الاحبة
فقد تم فقد البوست كما هو معروف
التحية لاهل الحرف والنغم وهم يفزعون اجهزة امن النظام
التحية للشاعر ود الدابى
وللفنان السقيد

شكرآ عزيزى ود الديم
على هذه المداخلة القايمة معآ من آجل سودان جديد

الأستاذ عبد المنعم لك التحية
هذه هى النتيجة الطبيعية لما يحدث فى السودان من جوع وفقر وأعتقالات وتعذيب لأبناء هذا الوطن أصبحت جرائمهم لا تخفا على آحد فى الجنوب والشمال والغرب والشرق

التحية لك اخى يحى ابن عوف .. ..كنت اتمنى ان نقرأ القصيده التى بصددها تم اعتقال فنانا السقيدوشاعرناالكبير ود الدابى
التحية لك اخى منعم وللاخ العزيز حسن ستة .وصحيح اين البوست الخاص بى شاعرنا الدابى يا اخوان ؟؟؟.
التحية لكم جميعا

كم سنوات علام الباري
واقفي وهم شايفنها جاري
انا يبقالي البيت ده الخلاهم يعتقلوهم

افضل يا يحيي وعادل
ان ترسلو لنا الغنيه بصوت جعفر لنضمها الي شريط لصوص العصر
القادم

اطلقوا سراح الفنان جعفر السقيد والشاعر حاتم حسن الدابى وجميع الشرفاء. معا من اجل وطن حر ديمقراطي

الأستاذه سوما
الله يمتعك بالصحة والعافية
نحن فى أنتظار شباب الخليج لأنزال هذه الأغنية أما أنا ستصلنى فى الأيام القادمة لك التحية

الأخ الطاهر
هذا هو نظام الخرطوم الذى يدعى الديموقراطية وحرية الكلمة

الأستاذ الموصلى
لك التحية المزيد المزيد المزيد
من الحقائق

عزيزى سودانى
شكرآ على المداخلة الظريفة معآ من أجل وطن حر

الابداع مشنقة الفاشست نحى شعلة الفن والتى فشل الفاشست محاربتها ومحاصرتها امتداد منذ عازة الخليل الى رائعة حاتم الدابى وجعفر السقيد .. لن يموت الابداع والفن الثورى سوف يجاصركم ايها الفاشست فى احلال والمدن وكل ربوع السودان التحية لهذا الابداع الصامد
اطلقوا صراح الفنان جعفر السقيد والشاعر حاتم الدابى

كل الناس ترزح في كفه
وانت وناسك فوق الدفه
يجسد هذا البيت لب المشكله وهي احتكار الثروة
والسلطه وتهميش واقصاء الاخر ....تحكم اقليه في
كل شئ بينما تعيش الاغلبيه الجوع والحرمان ولكن
بالرغم من هذا لم يتحقق الامان للنظام ولايزال يخشي
غضب الشعب وثورته وهو ما يعبر عنه الشاعر ب
مره مغارب ومره مشارق
وانت تخاف الريح وحفيفه
وكيف لا يخاف الريح وحفيف وهو يصادر حق التعبير
يغتال الكلمه يصادر الصحف ويكمم الافواه يعتقل
فنان وشاعر يصادر الاغنيه...

العزيز عادل لك التحية
عزيزى كمال عباس
الموضوع صرخة برفض كل شكل الحكم أو ممكن نقول طرد
لك التحية


بدر مدر يا رواسي

نحن بعاد لحقنا القيفة

انت مدبج ونحن نقاسى

فى برد امشير والموج والزيفة

مركبك الماليها مطارق

تمشي تقيف تسرح بى كيفه

مرة مغارب ومرة مشارق

وانت تخاف الريح وحفيفه

ساوها زينة وفوقها بيارق

وانت مدبج توب وقطيفة

فيها المات والضاربه الفالق

والسلمين فى حالة مخيفة

كل الناس ترزح في كفة

وانت وناسك فوق الدفة

الدايشين والراسهم لفة

والشاخصين فى المدى للضفة

صوف افضالك فوقهم جوة

فوق الموية وريقهم جفة

من العطش النص اتوفى

وباقى النص الفضل جيفة
....
ضاقوا المر والحال استعصى

الشغال واللاحق الحصة

الواصال للرحم اتقصة

والهداي مو لاقى الفرصة

الرساي سافر ما وصى

خلى محمد واحمد وحفصة

الاطفال العرفو القصة

سدت جوة حلوقهم غصة

من الجوع الدم اتمصة

واصبح كل الحلم رغيفة
.....
كل الراكب شاف احلامه

دون احساس ماتت قدامه

فن كتابه وكسر اقلامه

لا الوالدين لا جار ما لامه

ناس الحلة القعدوا وقاموا

اصر والح يمشى كلامه

هزموهو اخوانه البى الجوع نامو

وكم خريج ما لاقى وظيفة
.......
يا الفكيتها وقلت لها سيرى

وعارف انه الدنيا دميرى

لا فى ضفاف لا شفنا جزيرى

لا فى الحيرى ولا في الطيرى

كسرت جناحها وقلت لها طيرى

اتملكت الكانت ميرى

يا السودت الناصع وجيرى

ايد الحق صابونى وليفة
......
قبلك كم متعلم وقاري

عكس الريح فكولو الصارى

مشدوهين متعشى وحارى

ريسها شلته والبحارى

كم سنوات علام البارى

واقفى وهم شايفنها جارى

بقينا هلاك والقيف متضارى

لا حجار لا دوحة وريفة
.....
حسك عينك ما تتمادى

وتنسى الراكب عنده ارادة

الاهوال الشافها وخاضها

كان فى مدرسة والا عيادة

شفنا الايد الكان اجوادة

يا مبتورة يا شحادة

وياما رقاب كانت سدادة

علمت الله من التعريفة
......
يا ريسنا قدر نديرك

فك الدفة وادها غيرك

احفظ نفسك ترضى ضميرك

وقف اوع تواصل سيرك

كان طاوعتنى شن بيضيرك

عرض اكتافك وفك البيرك

لا هنى شكرا وكتر خيرك

وكل انسان في الارض خليفة

الاحبة الاعزاء

نستمتع الان لهذه الاغنية من الفنان جعفر السقيد من كاست و سوف ينزلها الاخ انور كنج فى صفحته

سلام يا شباب جميعاً...
يلا الوصلة هنا...
http://www.anwarking.com/1/index2.html

وغداً نلحق بالركب... وتعملوا لينا بوست مخصوص برضو...


لكم منى كل الودّ
أنور





-------------------------
"النصح ثقيل فلا ترسله جبلاً, ولا تجعله جدلاً
الحقائق مرّة ,فأستعيروا لها خفة البيان"

ابو الانوار تسلم يا عزيز
كان رافقت حاتم الدابي صدقني ما حا تندم
وظلام السجون حا يتحول الي نور
علي الاقل ستجد منه كلمه طيبه وحنينه ومفيده
الله يحفظك يا حبيب والف شكر
مع محبتي

LOOOL...
ولو ما رافقتو يا أبو علي؟؟؟؟

والله العظيم اتا فى راي ما كان في داعى لي ود الدابى وجعفر لسقيد يدخلوا نفسن في حص بيص ويتشربكوا في
الملجة دي .كانوا بس يغنوا لينا غنانا الليل اهلتا داك وبس.هسع اليخموا ويصروا,يحليهم رب العالمين منها دي .
واللهالسودانين ديل اى زول داير يتكلم في لسياسة ,كان كل زول خلي بالوا في شقلتوا كان اخير.

هسع تانى لمتين نلقى لينا شاعر وفنان ذى ديل.
شكرن ليك اخ انور السمعتني طمبور اهلنا.

ود الدابي مالك ساكت
اه يا دابي مالك ساكت
ما شفته الجلا السواها
شال محبوبتي سافر بيها
لي بلدا بعيد وداها
ما بقدر اعيش لولاها
ما بتحمل حبيبتي الغربه لا لا وحاتي مو دايراها
لا تعاين بعيد وتفكر
ديك ياها وديك مو ياها
كان فات المحطات قبلي لابد القرير غاشاها
لا اسكت الله لك حسا يا خاتم

كل الرائعون

لكم الود


اكثر ما اثار ناس الانقاذ فى هذا النص هو انه يتحدث عن مركب او سفينة

ولعلنا نذكر فى بداية عهد النقاذ ليف انهم قد كانو يغنون

الليل ولى لن يعود وجاء دورك يا صباح
وسفينة الانقاذ سارت لن تبالى بالرياح

وهذا ما جعلهم يقولون انالسفينة المقصودة هى سفينة الانقاذ

رغم ان الشاعر اكد انه قد كتب هذا النص فى عهد النميرى

وانا شخصيا لا اعتقد ذلك من سياق النص


لكم التحيةمجددا

هل هنالك اي اخبار عن هؤلاء المناضلين

التحية لكم جميعا اولا
ولابداع بلادي ومبدعيه
ويااستاذنا يوسف
الاخبار ان ما اتلقت عندكم هنا تتلقي وين
نحن جوا البلد
لكن الاخبار اما تجينا في محلنا صدفة او نلقاها عندكم
الانقاذيون عادوا وقد تنسموا بانوفهم الحساسة نهايتهم مثلما عهدناهم اول مرة
تضييق على الاعلام بشكل لافت
لكن
هيهات
ويدي المنبر واهله وناسه العافية

والله يافتحي نحن محتاجين لاخبار تحت تحت دي اصلو في حاجات مابيعلن عنها كتيمي ساكت
لكن لو عندنا حاجه بنجيبها

صباحك زين يا يحيى وكل الحلوين المشاركين

نزلت نسخة معدلة من الشريط بعد ان تم سحب الاغنية منه واستبدالها باغنية اخرى
بس من يسحب احساس الشعب بالظلم والغبن والتهميش
لك الله يا وطني

شرووم

كويس الخبر ده ياشرووم لانو في بروفيسور
بتاع اثنوميزيكولجي استضافوه في السودان وجا قال مافي
مشكله هناك بالنسبه للفنانين وحريتهم مكفوله

up

الفنان الأستاذ يوسف الموصلي
الف شكر ياحبيبي وكل الشكر للذين ناشدوا حكومة الطغيان لأطلاق سراحهم بحمد الله أطلق سراح هؤلاء الشباب بعد أن تم سحب الشريط وأيقافهم عن الغناء والشعر لمدة اربعة سنوات