Post: #1
Title: بعد الغياب الطال- قصيدة-
Author: عبدالله وداعه الامين
Date: 10-23-2004, 08:30 PM
بعد الغياب الطال و الوحدة و البتقال انو المسافة سفر بتبدل الاحوال عاد بيا تاني الشوق و اتجددت أمال و عرفتى انو هواك يا سيدي شوق الشوق كتبوهو قبلي قبيل قبال اظن القاك قبال حروف الريد ترسم خطاوي رؤاك بين السفر و المد و اللسه في جواك قبال خيوط الند تدي الطبيعة شذاك يا سيدي مشتاق جد لو شوقي ببقى سند اسكن مرافي الروح اتوسدالخاطر قبال اجي المرسال و اتذكر انو كمان لو المسافة سفر جسر المحنة ظلال يا نبقى فيهو الشوق و نبدل الاحوال او تبقى توم الروح تدي العشم شبال او ابقى في جواك عطر المحنة الشال وادى الفرح بسمة تمزج عبيره السال يا روحي فرحان بيك و الله مشتاق ليك و ان قلتا بس مشتاق اشواقي ببقو قلال يا سيدي مد الشوق ايديكا يللا تعال
لندن 24.10.04
|
Post: #2
Title: Re: بعد الغياب الطال- قصيدة-
Author: Ana Zaty Omdur
Date: 10-23-2004, 11:19 PM
Parent: #1
رائع وجميل يا عبدالله كما عهدناك
ذدنا من هذا الجمال ذادك الله
|
Post: #3
Title: Re: بعد الغياب الطال- قصيدة-
Author: عبدالله وداعه الامين
Date: 10-25-2004, 05:59 PM
Parent: #2
العزيزة انتي ذاتك ام در شكرا لكي يا رائعة بقدر حروفك الندية و حسك المرهف و شكرا ثانية على المرور وبيكم نحنا نشيل الكلمة و نفتح باب الزيف العتمة
|
|