Post: #1
Title: يـا مـدهشـة -قصيدة-
Author: عبدالله وداعه الامين
Date: 01-09-2005, 08:01 PM
يــــا مــدهشــة
يا مدهشة......يامدهشة
يا مدهشة و رويانة من لون الفرح
ادي العصافير الصفات
ادي المواعيد ...الوسامة
الفيها يرتاح المرح
وادي الفراشات النبات
ادي النسيمات الرحيق
وسلافة الورد الجروف
ورهافة الحس السكات
و انشري في خاطر المدى
البتشابا لي صوتك نغم
و اديهو من وقعك حياة
و اديني من وهج الغنا
القلناهو في زمن الخريف
زغرودة لي زمن الشتات
و اديني من عشقك وطن
يرتاح علي خيوط الندى
ويتمدّا في كل الجهات
و اديني من شوقك عشم
يدي النجيمات الفضول
و يبدل الشقى اغنيات
و اديني من بعضك فصول
تجرح تباريح الذهول
تهدينا نبض الامسيات
يا مدهشة.......
و رويانة.....
بي حضور الغياب
تعالي نستنى اللفات
ادي الحضور من دفتر
احساسك سطر
وعبارة تحلم بي فتات
الفكرة في موكب فرح
رتب تسابيح المحنّة
وبلى ريق الذكريات
يا مدهشة
ادي السفر طعم القمر
والقمحة حتة شوق دفر
وادينا منك بعضيات
الالفة لي زمنا سخي
نرجاكي نستنى الربيع
ونحاكي مشيك في ثبات
اديني منك كل شيئ
اتهجى حرفين المشي
واتلاشى جواك امنيات
يا مدهشة
و رويانة من لون الفرح
معطونة في الزمن الشتات
يا مدهشة
يا مدهشة
عبدالله وداعه الامين
لندن 09.01.2005
|
Post: #2
Title: Re: يـا مـدهشـة -قصيدة-
Author: ود الشيخ
Date: 01-09-2005, 08:47 PM
Parent: #1
وأديني من حروفك حرف
امتع بيهو نظري
قدام اندهاشك الورف
وامنحني لحظة تأمل
اروي بها الفضُول
كلام حلو ما بقولو
كل زول الا عبد الله
وقولو احلى قول
|
Post: #4
Title: Re: يـا مـدهشـة -قصيدة-
Author: عبدالله وداعه الامين
Date: 01-10-2005, 04:49 PM
Parent: #2
الاخ الحبيب ود الشيخ
كل سنة و انت طيب , وشكرا لك على كلماتك الرائعه كروعة اهلي و بلدي وشكرا ثانية على المرور وحلاوة الطلة فمنك تاخذ العبارات بشائر الفرح وتسري الكلمات عذبة كصفاء روحك لك الود حيثما كنت و التحايا مطر.
وبديكا من حرفي الحروف
وهدية بديك الفصول
وان تكفي الاف الجروف
نديك و نستنى الوصول
ونرتب الفرح الحروف
بي شوقناقبال الرسول
يوصل بي موال الهنى
البنشيلو من وهجك سيول
تسلم ود الشيخ
عبدالله
|
Post: #3
Title: Re: يـا مـدهشـة -قصيدة-
Author: المعتمد
Date: 01-09-2005, 11:21 PM
Parent: #1
عبد الله يا جميل.
ما اروع هذه المقاطع المعبرة.
لك الشكر على هذا الابداع الذى جدت لنا به.
ولك الود
|
Post: #5
Title: Re: يـا مـدهشـة -قصيدة-
Author: Ash
Date: 01-10-2005, 04:59 PM
Parent: #3
سلام ...
عبدالله وداعة ;
والله لو أديت المواعيد ...
الوفاء ; بدلآ عن الوسامة !
لأعلنتك أميرآ للبورد ...
|
Post: #6
Title: Re: يـا مـدهشـة -قصيدة-
Author: عبدالله وداعه الامين
Date: 01-10-2005, 05:58 PM
Parent: #5
الحبيب و الزول الشفيف اشرف
كل سنة و انت طيب و ليك الشوق وشوق الشوق يا رائع , ولسه اسمك في دفتر الغياب.
شكرا لك نبع النغم وكل العشم وشكرا على المرور و الملاحظة
بس ابت المواعيد الوسامة و كرهت الوفا امنيات
و بقت تفتش في السراب زغرودة لي فرحاسفر
فتردميعاتي اللجات
مشتاقة لي صوت المطر
تتمنى منك بعض شيئ
او حتى منك ذكريات
شكرا لك حبيبنا ودمت لناوتهمئة على القوس اللعين لان لعنتكم ما انفكت تطاردني كشبح القدوم لك الود والشوق مطر.
|
Post: #7
Title: Re: يـا مـدهشـة -قصيدة-
Author: عبدالله وداعه الامين
Date: 01-10-2005, 08:25 PM
Parent: #3
المعتمد
كل سنة و انت طيب وربنا يحقق امانيك
وشكرا لك على كلمات التشجيع و شكرا على المرور و سلمت ايها العزيز لك الود والتحايا بروق.
|
Post: #8
Title: Re: يـا مـدهشـة -قصيدة-
Author: malamih
Date: 01-10-2005, 09:26 PM
Parent: #7
عزيزنا المبدع شوقي عبد الإله
لله درك ماذا لو جعلت هذه الكلمات تبدو كمثل
( وأدي الفراشات النبات
وأدي النسيمات الرحيق
وسلافة الورد الجروف
و رهافة الحس السكات)
أحسست بها هكذا إحساس من عرف التفاعل بهذه الكلمات الأنيقة
و دمت لنا إيها الرائع ...
نجيلة...
|
Post: #11
Title: Re: يـا مـدهشـة -قصيدة-
Author: عبدالله وداعه الامين
Date: 01-11-2005, 10:33 AM
Parent: #8
الاخ الحبيب ملامح لك التحية والاشواق وشكرا على المرور
انا على عجل وبرجع ليك يعدين
لك الود ز التحايا مطر
عبدالله
|
Post: #9
Title: Re: يـا مـدهشـة -قصيدة-
Author: ود الشيخ
Date: 01-10-2005, 09:30 PM
Parent: #1
عبدالله
أنا زول سُكري
ارويني
نقط لي حرف حرف
أغريني
غازلني وخلي دارك
عريني
املاها حرف وحرف
كده بتغريني
ما بفوتك بنجرف
وإيماني وديني
|
Post: #10
Title: Re: يـا مـدهشـة -قصيدة-
Author: Elmosley
Date: 01-11-2005, 03:58 AM
Parent: #1
يــــا مــدهش
Quote: يا مدهشة......يامدهشة
يا مدهشة و رويانة من لون الفرح
ادي العصافير الصفات
ادي المواعيد ...الوسامة
الفيها يرتاح المرح
وادي الفراشات السكات
ادي النسيمات الرحيق
وسلافة الورد الجروف
ورهافة الحس النبات |
|
Post: #15
Title: Re: يـا مـدهشـة -قصيدة-
Author: عبدالله وداعه الامين
Date: 01-11-2005, 06:27 PM
Parent: #10
حبيبنا و استاذنا الوفي يوسف يا موصلي
لك التحية والتجلة قدر روعتك و جمالك, و كل سنة انت و الاسرة الكريمة بكل خير, وشكرا لك حبيبنا علي حلاوة الطلة و دهشة العبور فمنك النغم يتوسد الفرح وتلبس الكلمات سماحة البريق وروعة التلاقي وفرحة العناق سلمت ودمت لنا و التحايا مطر و كل الود.
عبدالله
|
Post: #12
Title: Re: يـا مـدهشـة -قصيدة-
Author: Ana Zaty Omdur
Date: 01-11-2005, 12:32 PM
Parent: #1
اديني منك كل شيئ
اتهجى حرفين المشي
واتلاشى جواك امنيات
يا مدهشة
و رويانة من لون الفرح
معطونة في الزمن الشتات
يا مدهشة
يا مدهشة
و الله أنت المدهش ألف وألف مرة
بى مقدرتك على إختيار الكلمات بإ نسياب التعابير الموسيقيه والسحر
العزيز عبد الله دامت لك معزتى
|
Post: #13
Title: Re: يـا مـدهشـة -قصيدة-
Author: تراث
Date: 01-11-2005, 01:29 PM
Parent: #12
جميلة .
|
Post: #14
Title: Re: يـا مـدهشـة -قصيدة-
Author: محمد خليفة محمد جميل
Date: 01-11-2005, 05:00 PM
Parent: #13
عبدالله وداعة...
سلام يشبهك...
مدادك كله عطاء...يغيبنا في تضاريس المشاعر...ككل نرجس..
وكلماتك.......
Quote: رويانة من لون الفرح
معطونة في الزمن الشتات |
مازالت الاوراق تنزف هنا....وتدهشنا....!
والدهشة تترصد تدفقات الضوء بصورة..........."مدهشة"..
حروفها تشكل مع الابداع ثنائيا رائعا....
لتنطق نحو الشاهق من المعاني....
والمدهش...أقرؤك كــ نشيد مشكل الالوان...
وللروح أبدا مقعد حولك....
ولو طالت المسافة...
أترقب القادم من حرفك بكل شغف...
وللبوح دائما حكاية....وحكاية مدهشة...
سلملم....
|
Post: #19
Title: Re: يـا مـدهشـة -قصيدة-
Author: عبدالله وداعه الامين
Date: 01-14-2005, 08:44 PM
Parent: #14
الاخ الحبيب محمد خليفة
تسلم يا رائع وشكرا للمرور و الكلمات الرائعة فانت دوما رائع روعة حروفك و همسك الحلو يديك العافية يا مدهش انت و جد مشتاقين ليك والله وليك التحايا بروق ايها الجميل وسلام لي ناسنا الحنان لك الود
عبدالله
|
Post: #16
Title: Re: يـا مـدهشـة -قصيدة-
Author: عبدالله وداعه الامين
Date: 01-11-2005, 06:36 PM
Parent: #12
العزيزة والغالية جدا امدرمانية
لك التحية و كل سنة انتي و ماس البيت طيبين وربنا يحقق كل امنياتكم و يديكم الف عافية.
شكرا لكي عزيزتي على روعة الحضور و فخور بك و بكلماتك الرائعة, وشكرا لكلماتي التي ادهشتنا بحضورك الجميل و شكرا للتشجيع ايها الانسانة الرائعة كروعت نساء بلدي لكي الود كل الود والتحية والشوق مطر.
تخريمة
وين اختفيتي؟ حتي اوسلي السجم بقينا نشتاق ليهو و ما لاقنو. والله قام اتعزز الليمون لوووووووووووووووووووووووووووووووووول
ليكم ولي روقة وحشة والله حتى البال بقى مسيخ.
لكم الود و شكرا تاني
عبدالله
|
Post: #17
Title: Re: يـا مـدهشـة -قصيدة-
Author: عبدالله وداعه الامين
Date: 01-11-2005, 06:41 PM
Parent: #16
حبيبنا تراث
كل سنة و انت طيب وربنا يحقق امنياتك.
شكرا لك و شكرا على حلاوة الطلةو فمنك نستشف الجمال و ونطى مكامن الكلم و نتعلم النشيد دمت لنا و دام سحرك ايها الشفيف لك الود كل الود والتحايا بروق
عبدالله
|
Post: #18
Title: Re: يـا مـدهشـة -قصيدة-
Author: osly2
Date: 01-11-2005, 06:56 PM
Parent: #17
جد مدهشه
خليتى عبد الله الحبيب
ينسج خيوط حلو الكلام
يرسم جمالك بالحروف
منك يكون وحى الهيام
جد مدهشه
يا ساكنه فى جوف الولد
من دون ايجار
يا نجمه ضوت فى الغناء
عبد الله موسيقى النهار
يا مدهشه ويا مدهشه
شوقى لك الشوق
|
Post: #20
Title: Re: يـا مـدهشـة -قصيدة-
Author: Balla Musa
Date: 01-14-2005, 09:34 PM
Parent: #1
جد مدهشة....
خليتى من عبق الهيام
عطر حروف البورد غنا
و ينقرش الوتر الحنين
و يدوب موسيقى و دندنة
أنا و أوسلى قاعدين فى رجاك
زودنا من هذا الهنا
الحبيب شوقى تحية ليك من صديق قديم و منك التحية موصولة لقدامى مبدعى البالتوك أم در و ملامح و أوسلى المسيخيت.
بلة
|
Post: #21
Title: Re: يـا مـدهشـة -قصيدة-
Author: Balla Musa
Date: 01-16-2005, 09:15 PM
Parent: #20
UP
|
Post: #22
Title: Re: يـا مـدهشـة -قصيدة-
Author: osly2
Date: 01-16-2005, 09:36 PM
Parent: #21
يا بله قولك جد عجيب
فوق زول مسك درب الغناء
يتشابى فى موج الهيام
مستلقى فوق مركب منى
بالدهشه زولك تب كضم
اصبح معسـم بالعناء
من شوقو اشتاق الكلام
لى طله سمحه مزينه
|
|