Post: #1
Title: ابداكي من وين؟ (2)
Author: عبدالله وداعه الامين
Date: 05-21-2005, 12:11 PM
انتي الخطاوي
الجايه مني..
وبرضو تسأل..
عن مجيك
سكة هواك..
يا حلوة وين؟
وريني
.. امكن شوق اجيك
او حتى مرسال من حنان
القاكي ..
واحضن ضفتيك
وابقاكي..
يا حسي الندي
زيك سكون..
وكمان شريك
اتمدى جواك
لون فرح..
ومحنة...
اتوسد عنيك
يا ست هواي...
ابداكي كيف؟
او
حتى من وين
انتهيك؟
يا خطوة الشوق القديم
ضميني بي فرحك عليك
عبدالله وداعه الامين
|
Post: #2
Title: Re: ابداكي من وين؟ (2)
Author: almulaomar
Date: 08-17-2005, 03:39 AM
Parent: #1
إنت إبتديت من حيث يجب أن تبدأ لكن لجمال الكلمة يجب أن لا تنتهي أو قل يجب أن تواصل ولا تختفي. شكراً لهذه الكلمات الجميلة وبرضو مشروع أغنية جاهزة ويا موصلي أصحي للون.
|
Post: #18
Title: Re: ابداكي من وين؟ (2)
Author: عبدالله وداعه الامين
Date: 08-19-2005, 05:12 AM
Parent: #2
الاخ الحبيب الملةعمر
لك ودي وتحياتي وسعيد بي مرمرك
وشكرا لاخراجك القصيدة من رحم الممات
لك الود والمحبة
عبدالله
|
Post: #3
Title: Re: ابداكي من وين؟ (2)
Author: waleedi399
Date: 08-17-2005, 09:35 AM
Parent: #1
الاخ الرائع /
عبد الله وداعة الأمين
تحية طيبة،،
حقيقة اعجبت جداً بهذه القصيدة
في منتهى الروعة والجمال الشعري والأدبي
متعك الله بالصحة والعافية ننتظـر
منك المزيد عزيزنا عبد الله وداعـة
في زمن عـلت في اصوات الغربان
تنعق بما لا يفيد وغابت عنه الشفافية
لك خالص شكري وتقديري واحترامي
وليـد
|
Post: #4
Title: Re: ابداكي من وين؟ (2)
Author: نادية عثمان
Date: 08-18-2005, 07:25 AM
Parent: #3
ابدانى من حيث الشروق
طلعت شموس الريد أكيد
من جوة جوف اللهفة قول
واحكى الهيام ملكك شديد
طول الغياب عنك عذاب
والطلّة دى اليوم السعيد
وينك مشيت تبكى وتنوح
ويجينى بوحك من بعيد
ابدانى من لون الغيوم
شايلة المطر خيرا بزيد
ادينى من حنك قليل
وارحمنى من هجرا عنيد
انا فى طريق قربك بقيف
مطلع هلالك أحلى عيد !!
|
Post: #20
Title: Re: ابداكي من وين؟ (2)
Author: عبدالله وداعه الامين
Date: 08-19-2005, 05:19 AM
Parent: #4
الاخت العزيزة جدا نادية
لكي تحياتي وحقيقي مشتاقين واسعدني مرورك وحلافك الانيق
مبدعة كما عهدناك ومرهفة الى حد اللاوصف
لكي ودي وعظيم امتناني وشكرا هطول
بجيكي راجع تاني
لكي الود
عبدالله
|
Post: #19
Title: Re: ابداكي من وين؟ (2)
Author: عبدالله وداعه الامين
Date: 08-19-2005, 05:15 AM
Parent: #3
الاخ العزيز وليد
شكرا لك ولمرورك الذي اسعدني واعجابك بالنص
لك مودتي وانبل الود
وشكرا مطر
عبدالله
|
Post: #5
Title: Re: ابداكي من وين؟ (2)
Author: ست البنات
Date: 08-18-2005, 08:57 AM
Parent: #1
وابدانى من لهفة محنتنا القبيل
ريحة جروفنا وعتمة الليل الطويل
لمحات حنانا وشوق سلامنا
وفرحة الجايى البعيد
أبدانى حنية ودعاش صبحا جديد
وأمل يفتح شبابيك المسرة
ويبقى للعشاق مسيد
ست البنات .
|
Post: #6
Title: Re: ابداكي من وين؟ (2)
Author: نادية عثمان
Date: 08-18-2005, 09:09 AM
Parent: #5
ابدانى من جرح اندمل
ومن لمّة جاتنا بعد غياب
خلينى اتبين خطاك
مرسومة من غير لون سراب
فرح البيوتات الرواكيب
والقطاطى بعد خراب
ادينى من وعدك أمل
نجينى من شر العذاب
ابدانى من شريان قليب
لاعاش خصام لابدور عتاب
الرشة من مطرك فرح
مسحت حزن عمرى اليباب
ابدانى اوعك تنتهى
وعلمنى معنى الاستلاب !!!
|
Post: #7
Title: Re: ابداكي من وين؟ (2)
Author: Kostawi
Date: 08-18-2005, 09:27 AM
Parent: #6
.
|
Post: #8
Title: Re: ابداكي من وين؟ (2)
Author: نادية عثمان
Date: 08-18-2005, 10:43 AM
Parent: #7
ابدانى من شوقى اللهيب
أطفى الحريق ساعة المغيب
صابحنى فى عتمة نهار
فرحنى فى ليلى المهيب
قول ليا سر الاندهاش
ماتسيبنى فى حلمى العجيب
ابدانى من قولة الف
الابجدية معاك نصيب
نبدأ الغرام من أولو
ونتلظّى بى عشق الحبيب
ابدانى بسم الرب سلام
رب السلام دائما قريب !!!
|
Post: #22
Title: Re: ابداكي من وين؟ (2)
Author: عبدالله وداعه الامين
Date: 08-19-2005, 05:28 AM
Parent: #7
الاخ العزيز كوستاوي
شكرا لك بلدياتي حد الزهول وسعيد بمرورك الذي اثلج صدري
لك كودتي وانبل الود والتحايا هطول
عبدالله
|
Post: #21
Title: Re: ابداكي من وين؟ (2)
Author: عبدالله وداعه الامين
Date: 08-19-2005, 05:25 AM
Parent: #5
ست النغم وكل البنات
لكي تحياتي وعظيم مودتي وشكرا لك ولحروفك الانيقة التي ادهشت حروفي
سعيد بك وينصوصك الرائعة وانتي تنطرلن سمائي بكل هذا الجمال
لكي التحايا وكل الود
يديكي تاني
التحايا مطر
عبدالله
|
Post: #9
Title: Re: ابداكي من وين؟ (2)
Author: ست البنات
Date: 08-18-2005, 10:45 AM
Parent: #1
أبدانى فى دفتر هواك
مكتوبة يالخط الجميل
محفوظة فى كل المدارس
ومن قبلو فى اللوح الأصيل
تلقانى فى فرحة طفل
لابس جديد يوم عيد وليل
تلقانى فى ود الحمام
منساب فى حب وانسجام
تفرد جناحاتها سوا
لمان تحلق فى الهوا
تتبع مسارات الحبيب
من غير دليل أو بوصلة
أبدانى حنية وفرح
نغسل همومنا وننشرح
ست البنات .
|
Post: #11
Title: Re: ابداكي من وين؟ (2)
Author: عبدالله وداعه الامين
Date: 08-18-2005, 11:16 AM
Parent: #9
سلام لي كل الاحباب
والله لما شفتا البوست اصابني الزهول دا كلو حصل وانا ما جايب خبر؟
القصيدو مرت كن زمن ومافي جد عبّرة وفجاه القى الحبان مالين اليوست بالكلام الجميل دا
لا لا والله يا نادية وست البنات جايكم بس خلوني اجيب عدة النجارة واجي لوووووووووووووووول
لكم مودتي ولااجع ليكم بي مهلة
لكم ودي و
ببداكي من حرفي النزف
واللسه في رحم الزحام
يا تبقي جواي الفرح
او يلبسك توب الملام
يا احلى من نفسي البقت
تتحسس الشوق في الغمام
تتلاهى بيك قبل المغيب
كان يشفى من روحا الضلام
يتحجي بيك قلبا سهى
واتلاشى في همس الكلام
عبدالله وداعه
|
Post: #41
Title: Re: ابداكي من وين؟ (2)
Author: Elmosley
Date: 09-10-2005, 12:28 PM
Parent: #9
عبد الله ناديه وست البنات
احبكم
ياست البنات مشاركاتك مميزه بس استاذنك
اتدخل شويه في الاخيره
==================
أبدانى فى دفتر هواك
مكتوبة يالخط الجميل
محفوظة فى كل المدارس
| Quote: وقبلو فى اللوح الأصيل |
تلقانى فى فرحة طفل
لابس جديد يوم عيد وليل
تلقانى فى ود الحمام
فى حب وانسجام
او
| Quote: منساب وفي حب وانسجام |
تفرد جناحاتها سوا
لمان تحلق فى الهوا
تتبع مسارات الحبيب
من غير دليل أو بوصلة
أبدانى حنية وفرح
نغسل همومنا وننشرح
|
Post: #10
Title: Re: ابداكي من وين؟ (2)
Author: ست البنات
Date: 08-18-2005, 11:14 AM
Parent: #1
أبدانى فى سيرة الهوى
بفرح معاك نمرح سوا
لا نشوف ألم لا اهة تهدم عشنا
نرسم مسارات الغرام
نهدى المحبين المنى
نمسح جراحاتنا العصية
ونملا دنيانا صفا
لو حتى يوم بتنا القوى
ماب ننهزم تب فى الهوى
نبنى الأمل ونعيش سوا
لا عيوننا تذرف للدموع
لا قلوبنا يكويها الجوى
ست البنات .
|
Post: #12
Title: Re: ابداكي من وين؟ (2)
Author: Saifeldin Gibreel
Date: 08-18-2005, 11:26 AM
Parent: #10
الاخ عبدالله انها قصيدة قمة فى الروعة أتمنى ان تتحفنا بالمزيد.
سيف
|
Post: #23
Title: Re: ابداكي من وين؟ (2)
Author: عبدالله وداعه الامين
Date: 08-19-2005, 05:32 AM
Parent: #12
الاخ العزيز سيف
الروعة منك تبتدي يا روعة لي كل الفصول
يا احلى من لون الفرح والفيكا احتارو العقول
لك عظيم مودتي وتشكراتي وسعيد بك وبمرورك الجميل
وشكرا لك على هذا الاطراء
ولك جميل الود وكل التحايا
عبدالله
|
Post: #13
Title: Re: ابداكي من وين؟ (2)
Author: ست البنات
Date: 08-18-2005, 11:30 AM
Parent: #1
ورينى كيف أبداك أنا ?
يا فرحة فى كل المدارات والدنا
يا نسمة فى عز الهجير
يا رنة الضحكة البريئة
الجاتنا فى عز الأنين
يا صولجان زى الأمير
يا دفء عز الزمهرير
يا أشرعة نجدة غريق
ورينى كيف أبداك أنا ?
ومن ويين أجيب ليك الكلام
واسرد تفاصيل الحكى
اللاب يبتدى ولاب ينتهى
وورينى كيف أبداك أنا ??
وورينى من ويين ابتدى ????
ست البنات .
|
Post: #14
Title: Re: ابداكي من وين؟ (2)
Author: ست البنات
Date: 08-18-2005, 11:59 AM
Parent: #1
حاشاى من توب الملام
درسنى أسباب الوصال
بشويش عليى
علمنى حل لغز الغرام
وكيفن بيدهمنا الهيام
ويهجر عويناتنا الكرى
وتنحل جسوم العاشقين
وتصبح مناجاة الحبيب
سبب السقم و سر الدوا
ست البنات .
|
Post: #15
Title: Re: ابداكي من وين؟ (2)
Author: ست البنات
Date: 08-18-2005, 12:26 PM
Parent: #1
أبدانى بى كل الحروف
يا ملهم الناس الغناء
أطرانى يا وطن الهنا
وتب ما نسيتك يوم أنا
مزروع فى طيات المسام
فى الذكريات والخاطرة
فتشت فى كل البلاد
راحة ومقيل
غفوة وهناء
لكين لقيت اخر المطاف
ضل نيمة من أرضك
تمثل كل اكسير الحياة
و جرعة من نيلك
بتغسل دمعة سايلة محدرة
ونسمة لو هبت بتطفى
نار بتلهب فى الجوى
وكلمة طيبة من لهيجك
تشفى للمرضان دواء
كضابة لو قلت الوطن
ليهو بديل فى الأمكنة
وبقدر أقول
من غير خجل
قدام جميع الناس عديل
بهواك أنا ...بهواك أنا .
ست البنات .
|
Post: #16
Title: Re: ابداكي من وين؟ (2)
Author: NASERELDIN SALAH
Date: 08-18-2005, 02:37 PM
Parent: #15
أبداكي يادوب !
ابداكي وانتي المن زمان
كملتي شوق الدنيا لي رجعتك
نبراك مكان ماتكون نجومك
ملتفه حولك في نار انتظار
لي هلتك
نزاحم في الخلوق كان
نظره منك تسكت الوجع الكبير
لي ضمتك ..............
ابداكي من وين !!!!!!!!!....................
أبداكي من صبحا مكان مايقبل
يضم في الورود
و يسكر ندي
والقي الفرح الشايلوا
في جواي سنين
فرهد بداء
زي الكان تايه سنين
رجع البلد ضم الاهل
و مع الحبيب الليهو منو
سنين
كمل و بداء ----
ابداكي من ويييييييييييييييييين !!!!!!
ابداكي من وين
ابداكي من وين
نصرالدين صلاح
|
Post: #24
Title: Re: ابداكي من وين؟ (2)
Author: عبدالله وداعه الامين
Date: 08-19-2005, 05:35 AM
Parent: #16
الاخ العزيز نصر الدين
لك مودتي وكل الود وشكرا للطلة الحلوة
سعيد بحرفك الندي وشكرا لكل هذه الروعة والاحاسيس الجياشة
يسلم حبيبنا ويديك الف عافية وشكرا هطول
عبدالله
|
Post: #17
Title: Re: ابداكي من وين؟ (2)
Author: altahir_2
Date: 08-18-2005, 06:35 PM
Parent: #1
عشان تعرف انى على حق لما اخترتها ولما اهديتنى ليها
|
Post: #25
Title: Re: ابداكي من وين؟ (2)
Author: عبدالله وداعه الامين
Date: 08-19-2005, 05:38 AM
Parent: #17
الاخ الحبيب ضياء
جد مشتاقين وليك في القلب وحشة
شكرا للمرور تاني ويديك الف عافية
تستاهل كل جميل وليت حروفي تضاهي روعتك وابداعك
لك ودي وكل المحبة
عبدالله
|
Post: #26
Title: Re: ابداكي من وين؟ (2)
Author: عبدالله وداعه الامين
Date: 08-19-2005, 05:58 AM
Parent: #25
ابداكي كيف.....؟
وانا في الارض....
لاموية لاحسا يطول
لاقدرة تديني الامل
لاحيلة تسند فيني طول
ابداكي بس بالله كيف؟
وريني يا حسي الخجول
لاهسه قادر ابتديك
لاجيتي سكتي الفضول
والغيمة ادتني الضهر
واطانشت فيني الحقول
واتشحتف روحي السهت
مشتاقة تسال كل زول
لو مرة شافك في النعاس
بتوضي بيك حسي الكسول
يا راكعة في الجوف اشتهى
تستنى في خشوعي الوصول
يتيمم البحر الحريق
والموية تغرقت في الزهول
مشروقة بيك حد السقف
والموج يكتح في السهول
***
اديني خاتر سكّتك
ببداكي منك وانتهيك
واتباهى بيك جوه الفرح
جواي وافضل اشتهيك
اعتزّا بيك زيك وهج
يا خوفي من وهجي البجيك
يتهجي بيك حرف الكلام
ويعلم الايام مشيك
قبال يتاتيها الخريف
والموية تشرب من وشيك
يا سكتي ودربي الندي
البتمنى ديمه يودي ليك
يبراكي زي ضلك تمام
ويودر الكون في يديك
يا سارقة عينين القلوب
وحنينة في بسمة عنيك
بالله كيفن اوصلك
وريني من وين ابتديك؟
لندن 2005-08-19
|
Post: #27
Title: Re: ابداكي من وين؟ (2)
Author: NASERELDIN SALAH
Date: 08-25-2005, 07:41 PM
Parent: #26
مكرر
|
Post: #28
Title: Re: ابداكي من وين؟ (2)
Author: NASERELDIN SALAH
Date: 08-25-2005, 07:42 PM
Parent: #26
يرفع
لعنايه صديقي
العريس
يونس حمدان
ليعم الفرح
|
Post: #29
Title: Re: ابداكي من وين؟ (2)
Author: عبدالله وداعه الامين
Date: 08-25-2005, 08:09 PM
Parent: #28
الاخ الحبيب نصر الدين شكرا ليك على رفع البوست وسعيدين بيك وبي طلتك
لك مني التحايا وكل الود والتحايا والتهاني موصولة للاخ العرسي يونس حمدان
وان شاءالله بيت مال وعيال
لك ودي والتحايا هطول
عبدالله
|
Post: #30
Title: Re: ابداكي من وين؟ (2)
Author: waleedi399
Date: 08-27-2005, 01:52 AM
Parent: #29
الأخ عبدالله وداعـة
ابداك نغـم
وابداك عشـم
ابداك قصيد
وابداك نظم
ابداك سماء
وابداك نجـم
ابداك من هـا هـنا..
أبداك من هذا القصـيد
وابداك من هذا الجمال
|
Post: #31
Title: Re: ابداكي من وين؟ (2)
Author: عبدالله وداعه الامين
Date: 08-27-2005, 01:42 PM
Parent: #30
الاخ العزيز وليد
ابداك حنبن
فرحة ومطر
ابداك دعاش
يحمي الخطر
وابداك محنة تجرتقك
يا اغلى من حسي الفتر
تسلم حبيبنا ويديك الف عافية
لك خالص الود
عبدالله
|
Post: #32
Title: Re: ابداكي من وين؟ (2)
Author: عبدالله وداعه الامين
Date: 09-10-2005, 00:10 AM
Parent: #31
فوق
|
Post: #33
Title: Re: ابداكي من وين؟ (2)
Author: نادية عثمان
Date: 09-10-2005, 08:09 AM
Parent: #32
ابداك وجع
ابداك نزيف
رشة مطر
ريحة خريف
ابداك غرام
سامى ونضيف
زفة فرح
لقمة رغيف
سيد الاسم
زولا شريف
ابداك عشق
زولى الوليف
قلبا حلو
مرهف شفيف
بكاى شديد
رقة ورهيف
ابداك كلام
سيل مابقيف
ابدانى بوح
خليك حريف !!!
|
Post: #34
Title: Re: ابداكي من وين؟ (2)
Author: عبدالله وداعه الامين
Date: 09-10-2005, 10:54 AM
Parent: #33
احترتا جد ابداكي كيف
ابديني بيك
ببداكي بي
لو يبدا بيناتنا النزيف
ونغرّق الكون في العشق
ونرقص الناس التقيف
تتشابى تسرق نظرتك
وتلامس التوب الرهيف
القلتي بستر دهشتك
وحلاوة الفرح الخفيف
يا سارقة ضي عين النجوم
وحنينة تتلقى الخريف
بي نشوة تديهو العمر
ومحنة تغلب كل طيف
لو مرة زارك في المنام
وكساكي من وهجو النضيف
برجاكي يا كل الامل
كان يبدى جواي الهفيف
واتنفسك وانتي الوطن
يا سكتي وحسي الشفيف
مسكونة بيك كل المسام
مشتاقة تسال كل ضيف
لو مرة طيفك في المنام
اتمسّى بيك حسو الظريف
يا حسي من قبل الوجود
ووجودي من زمنا وريف
بس كوني لي انتي الوطن
وابنيلي في جواكي قيف
لي دنيا تعشق دنيتك
وتشتت الفرح الوليف
جواي وافضل مشتهيك
يا ساده في دمي الرصيف
عبدالله وداعه الامين
لندن 09.10. 2005
|
Post: #35
Title: Re: ابداكي من وين؟ (2)
Author: نادية عثمان
Date: 09-10-2005, 11:36 AM
Parent: #34
Quote: احترتا جد ابداكي كيف
ابديني بيك
ببداكي بي
لو يبدا بيناتنا النزيف
ونغرّق الكون في العشق
ونرقص الناس التقيف
تتشابى تسرق نظرتك
وتلامس التوب الرهيف
القلتي بستر دهشتك
وحلاوة الفرح الخفيف
يا سارقة ضي عين النجوم
وحنينة تتلقى الخريف
بي نشوة تديهو العمر
ومحنة تغلب كل طيف
لو مرة زارك في المنام
وكساكي من وهجو النضيف
برجاكي يا كل الامل
كان يبدى جواي الهفيف
واتنفسك وانتي الوطن
يا سكتي وحسي الشفيف
مسكونة بيك كل المسام
مشتاقة تسال كل ضيف
لو مرة طيفك في المنام
اتمسّى بيك حسو الظريف
يا حسي من قبل الوجود
ووجودي من زمنا وريف
بس كوني لي انتي الوطن
وابنيلي في جواكي قيف
لي دنيا تعشق دنيتك
وتشتت الفرح الوليف
جواي وافضل مشتهيك
يا ساده في دمي الرصيف
عبدالله وداعه الامين
لندن 09.10. 2005 |
وهاك منى قول:
شيل الفرح
وابدأ الغنا
ابدانى قافية
مدوزنة
غيب كم شهر
او كم سنة
غيم الدموع
شايل منى
انت الولوف
بشهد انا
ببداك شهيق
زفرات عنا
حبك نصيب
شقا او هنا
المستحيل مادربنا
انت الامانى الممكنة !!!
|
Post: #36
Title: Re: ابداكي من وين؟ (2)
Author: عبدالله وداعه الامين
Date: 09-10-2005, 11:47 AM
Parent: #35
نادية انا لسه نفسي ما شلتو متين جيتي؟
يديك العافية وشكرا محنة
بجيك راجع
ودي
|
Post: #37
Title: Re: ابداكي من وين؟ (2)
Author: nashaat elemam
Date: 09-10-2005, 11:56 AM
Parent: #36
الراقي عبد الله وداعة
تساؤلاتك حول كنه البدايات.. فتح للهواجس الف باب وباب.. فبدأت
في قفل كل الابواب والمنافذ.. مستعيضاً على ذلك بهذا الخيال المتفرد..
اغنياتك جميلة.. وروعتها تكمن في هذا التفاعل الحي الذي رافق نصوصك..
وها هن يوصفن لك من أي الأبواب تلج.. جميل انت وزاهيات هن في هذا البوست
|
Post: #38
Title: Re: ابداكي من وين؟ (2)
Author: عبدالله وداعه الامين
Date: 09-10-2005, 12:12 PM
Parent: #37
Quote: الراقي عبد الله وداعة
تساؤلاتك حول كنه البدايات.. فتح للهواجس الف باب وباب.. فبدأت
في قفل كل الابواب والمنافذ.. مستعيضاً على ذلك بهذا الخيال المتفرد..
اغنياتك جميلة.. وروعتها تكمن في هذا التفاعل الحي الذي رافق نصوصك..
وها هن يوصفن لك من أي الأبواب تلج.. جميل انت وزاهيات هن في هذا البوست |
الحبيب نشأت
لك ودي وتحياتي
شكرا لك وشكرا على حلاوتك وحلاوة طلتك
شكرا لجمال روحك وروعتك وكلامك الندي
يديك العافية وليك القلب
تحيات سمان وشداد وشكرا هطول
لك محبتي
عبدالله
|
Post: #39
Title: Re: ابداكي من وين؟ (2)
Author: نادية عثمان
Date: 09-10-2005, 12:13 PM
Parent: #36
| Quote: نادية انا لسه نفسي ما شلتو متين جيتي؟ |
اووووووووووووووب على ياعبدالله !!
يااخوى الالهام ده الشئ الوحيد المتوفر عندى ماتقوم تسحروا تحيرنى !!!
قول ماشاء الله
|
Post: #40
Title: Re: ابداكي من وين؟ (2)
Author: عبدالله وداعه الامين
Date: 09-10-2005, 12:24 PM
Parent: #39
Quote: اووووووووووووووب على ياعبدالله !!
يااخوى الالهام ده الشئ الوحيد المتوفر عندى ماتقوم تسحروا تحيرنى !!!
قول ماشاء الله |
الاخت العزيزة نادية
ربنا يلهمك اكتر واكتر ويديك الصحة والعافية وجد حروفك مدهشة وبتعطش كمان
ادفقي وغتي الرفوف يا ستي غرقي للحروف
ودي وتحياتي
|
Post: #42
Title: Re: ابداكي من وين؟ (2)
Author: معتصم الطاهر
Date: 09-10-2005, 02:27 PM
Parent: #39
| Quote: يااخوى الالهام ده الشئ الوحيد المتوفر عندى ماتقوم تسحروا تحيرنى !!! |
كل شيى متوفر وبكثرة ..
والحمد لله
ما قالوا لينا .. شوف عين
وسمع أضان ..
طعامة كلمات
وزول وناس وودناس
و الخلقة تنافس الخلق
لو وصفت زيادة بدخل فى مواعين زول تانى ..
كفاية ولا أكتبها شعرا ..
|
Post: #43
Title: Re: ابداكي من وين؟ (2)
Author: نادية عثمان
Date: 09-10-2005, 03:28 PM
Parent: #42
الزول الجميل معتصم الطاهر عندنا ؟!!!
يابختا
ويادى الهنا
الف مرحب بمرورك الرائع يازول يانبيل ..
Quote: كل شيى متوفر وبكثرة ..
والحمد لله
ما قالوا لينا .. شوف عين
وسمع أضان ..
طعامة كلمات
وزول وناس وودناس
و الخلقة تنافس الخلق
لو وصفت زيادة بدخل فى مواعين زول تانى .. |
لاحولاااااااااااااااا
قدر ده ؟!!
والله بس عشان انت زول حلو قلبك وحلو لسانك وحلوة عينك شفتنى كده .. ووالله رفعت معنوياتى السماء هسة الله يبارك ليك فى عمرك يارب
| Quote: كفاية ولا أكتبها شعرا .. |
ياررررررررررريت تجادعنا شوية بى قوافيك الناضرة البهية والله تكون اسعدتنى جدا
وانا افديك الساعة لما تقول فينى شعر يازول يارائع ؟!!
|
Post: #44
Title: Re: ابداكي من وين؟ (2)
Author: عبدالله وداعه الامين
Date: 09-17-2005, 11:06 AM
Parent: #43
نادية وين ست البنات؟
|
Post: #45
Title: Re: ابداكي من وين؟ (2)
Author: عبدالله وداعه الامين
Date: 09-19-2005, 07:22 PM
Parent: #44
Quote: وهاك منى قول:
شيل الفرح
وابدأ الغنا
ابدانى قافية
مدوزنة
غيب كم شهر
او كم سنة
غيم الدموع
شايل منى
انت الولوف
بشهد انا
ببداك شهيق
زفرات عنا
حبك نصيب
شقا او هنا
المستحيل مادربنا
انت الامانى الممكنة !!! |
هاكي دي:
انتي الفرح وانتي الغنى
يااغلى من كل المنى
ببداكي منك وبنتهيك
يا كابة في روحي الهنا
واوصي ليك كل النجوم
لو جيتي تديك الغنى
وتجرتقك بين الدعاش
والنسمة والطيب الدنى
وتهني بيك ايدي البقت
مشغولة بين قلبك وانا
يا سكتي الخجلت تقول
مشتاقة ليك يا سوسنة
اشتقتى ليك يا روحي بس
وريني كيف اشتاق هنا
وانتي الهناك سقتي السفر
وانا روحي ريدك دوزنه
ابديني منك وامشي بي
كان يشفى من روحي العنا
عبدالله وداعه
لندن 20.09.2005
|
Post: #46
Title: Re: ابداكي من وين؟ (2)
Author: نادية عثمان
Date: 09-19-2005, 07:34 PM
Parent: #44
| Quote: نادية وين ست البنات؟ |
ياستو انتى ويييييييييييييييييييييييييييين ؟؟
تعالى بهناك عندى ليك شمار دقاااااااااااااقة ..!!
|
Post: #47
Title: Re: ابداكي من وين؟ (2)
Author: عبدالله وداعه الامين
Date: 09-19-2005, 07:37 PM
Parent: #46
نادية ازيك ومشتاقين ليك ولي ست البنات
يديك العافية وانتي تصارعي الحرف
ودي ومحبتي
عبدالله
|
Post: #48
Title: Re: ابداكي من وين؟ (2)
Author: نادية عثمان
Date: 09-19-2005, 07:58 PM
Parent: #47
Quote: انتي الفرح وانتي الغنى
يااغلى من كل المنى
ببداكي منك وبنتهيك
يا كابة في روحي الهنا
واوصي ليك كل النجوم
لو جيتي تديك الغنى
وتجرتقك بين الدعاش
والنسمة والطيب الدنى
وتهني بيك ايدي البقت
مشغولة بين قلبك وانا
يا سكتي الخجلت تقول
مشتاقة ليك يا سوسنة
اشتقتى ليك يا روحي بس
وريني كيف اشتاق هنا
وانتي الهناك سقتي السفر
وانا روحي ريدك دوزنه
ابديني منك وامشي بي
كان يشفى من روحي العنا
عبدالله وداعه
لندن 20.09.2005 |
وهاك من قول فى ساعتو وتاريخو :
قلبك أكيد زى قلبى ده
بكاى وخلقو الرب شقى
بتلقانى فى دمك بعوم
وفى روحى انت بتتلقى
درويش غرام يازول جميل
فوق الشرافة الحب نقى
فى ريدى متصوّف عشوق
شيخى الورع دائما تقى
** ** **
القاهرة هسة دى يوم عشرين الصبااااااااااح فجر !!
|
Post: #49
Title: Re: ابداكي من وين؟ (2)
Author: عبدالله وداعه الامين
Date: 10-22-2005, 10:19 AM
Parent: #48
ودي اول مرة اشوفه يا ناديه
|
|