Post: #1
Title: ابداكي من وين؟ 3
Author: عبدالله وداعه الامين
Date: 08-19-2005, 05:59 AM
Parent: #0
ابداكي كيف.....؟
وانا في الارض....
لاموية لاحسا يطول
لاقدرة تديني الامل
لاحيلة تسند فيني طول
ابداكي بس بالله كيف؟
وريني يا حسي الخجول
لاهسه قادر ابتديك
لاجيتي سكتي الفضول
والغيمة ادتني الضهر
واطانشت فيني الحقول
واتشحتف روحي السهت
مشتاقة تسال كل زول
لو مرة شافك في النعاس
بتوضي بيك حسي الكسول
يا راكعة في الجوف اشتهى
تستنى في خشوعي الوصول
يتيمم البحر الحريق
والموية تغرقت في الزهول
مشروقة بيك حد السقف
والموج يكتح في السهول
***
اديني خاتر سكّتك
ببداكي منك وانتهيك
واتباهى بيك جوه الفرح
جواي وافضل اشتهيك
اعتزّا بيك زيك وهج
يا خوفي من وهجي البجيك
يتهجي بيك حرف الكلام
ويعلم الايام مشيك
قبال يتاتيها الخريف
والموية تشرب من وشيك
يا سكتي ودربي الندي
البتمنى ديمه يودي ليك
يبراكي زي ضلك تمام
ويودر الكون في يديك
يا سارقة عينين القلوب
وحنينة في بسمة عنيك
بالله كيفن اوصلك
وريني من وين ابتديك؟
لندن 2005-08-19
|
Post: #2
Title: Re: ابداكي من وين؟ 3
Author: نادية عثمان
Date: 08-19-2005, 06:56 AM
Parent: #1
سامحنى مابقدر أجيك
رسلتا شهوة شوقى ليك
شان بينا باعدت المسافات الطوال
بلد الضباب حجرت عليك
جواى بناضل وارسمك
حافراهو بالازميل وشيك
لون الملامح وغصة الروح
يوم وداعك ونار مشيك
*** ***
نادينى من حرقة نفس مليان حريق
ابدانى من رحلة مناضل
زول رفيق
خلينى دائما اشتهيك
واعد بروقا دون بريق
علمنى اتحدى البعاد
واعرف دهاليز الطريق
*** ***
اعذرنى وكتين اهجرك
واحضنى فى يومى البجيك ..!!
|
Post: #3
Title: Re: ابداكي من وين؟ 3
Author: Dr. Moiz Bakhiet
Date: 08-19-2005, 10:51 AM
Parent: #2
أبداها من حس الجمال والروعة فيك
أيداها من صوت الأصالة الطالي بي إحساس مجيك
أيداها بالفرح البسافر في دواخلك ومشتهيك
أبداها يا عيد الله بيك
يا أحلى غنية شوق يدت في اللحظة ديك
تشكر يا رائع على كلماتك الزاهية أيداً
|
Post: #8
Title: Re: ابداكي من وين؟ 3
Author: عبدالله وداعه الامين
Date: 08-20-2005, 08:37 PM
Parent: #3
حبيبنا الغالي معز
ببداها بيك انت الجمال
والروعة تقدل في مشيك
يا غالي زي كل الاهل
الدنيا تاخد من وشيك
البهجة والطبع السمح
والرقة في الفرح الوشيك
لك عظيم مودتي وكل الحب
شكرا لك ولزهو حضورك وانت تعبق سمائي بلون البنفسج
وشكرا لاحرفك الندية التى زرعت البهجة في وهج السحابة
لك تحياتي وكل الود
|
Post: #7
Title: Re: ابداكي من وين؟ 3
Author: عبدالله وداعه الامين
Date: 08-20-2005, 08:25 PM
Parent: #2
لو ما اسامحك ببقى زول
لا بهوى لا بسعد شريك
لا بشبهك وانتي الجمال
لامرة ساكت حسى بيك
وان جيتي ببداكي الفرح
يا اغلى من نفسي التجيك
مشحونة بي شوق العمر
ومحنة بتفتّر ا يديك
لو بينا باعدت الظروف
تلقيني ساكن ديمه فيك
اتنفسك وانتي المسك
جواي وافضل مشتهيك
ناديت عليك جواي وله
يا دافقة في ولهي الحريق
لاجيتي سكتي الدموع
لا مرة سديتي الطريق
يا قاطعة بي ليل الشجن
لو كنتي لي روحي الرفيق
بتوضى بيك فوق السحاب
اتوسدك وانتي البريق
اسقيك حنان كل الولف
كان اروى في روحي الشهيق
اتناسى بيك قدري الوقف
راجيكي يا كل الرحيق
عبدالله وداعه الامبن
لندن 21.08.2005
|
Post: #4
Title: Re: ابداكي من وين؟ 3
Author: altahir_2
Date: 08-20-2005, 05:39 PM
Parent: #1
اكتفى بالاستمتاع بالانتصات اليكم ايها الرائعون
|
Post: #5
Title: Re: ابداكي من وين؟ 3
Author: نادية عثمان
Date: 08-20-2005, 06:10 PM
Parent: #4
Quote: أبداها من حس الجمال والروعة فيك
أيداها من صوت الأصالة الطالي بي إحساس مجيك
أيداها بالفرح البسافر في دواخلك ومشتهيك
أبداها يا عيد الله بيك
يا أحلى غنية شوق يدت في اللحظة ديك |
قول نبدأ بيك
ياانت يافرح المهج وسر العذاب
فتشت ليك جوّة الوريد
وقفلت بابى على الضباب
ظنيت رويت من شوقى ليك
ومالقيت حداك غير الرهاب
جيت ابدأ بيك الق الفصول
ياكلمة الحب فى الكتاب
اسرج خيول مر الشتات
واطلق سراح نجم السحاب
انا ببدأ بيك صفحة حضور
ياغالى بس سيب الغياب !!
|
Post: #6
Title: Re: ابداكي من وين؟ 3
Author: عماد شمت
Date: 08-20-2005, 06:16 PM
Parent: #4
وانا معاك اخي الطاهر اكتفي بالاستمتاع انهم الحب..
هم الجمال .. فلنجلس تحت هذه الاشجار الوارفه نرتاح من
من عنا الحياة لهم ولك كل احترام وتلبسوا ثوب العافيه دائما
|
Post: #9
Title: Re: ابداكي من وين؟ 3
Author: عبدالله وداعه الامين
Date: 08-20-2005, 08:39 PM
Parent: #6
الاخ العزيز عماد شمت
لك ودي وكل الحب
شكرا لك حبيبنا وشكرا عى سماحة الطلة
نحن السعداء بحضورك ولك التحايا هطول
عبدالله
|
Post: #10
Title: Re: ابداكي من وين؟ 3
Author: عبدالله وداعه الامين
Date: 08-20-2005, 08:41 PM
Parent: #4
الحبيب ضياء
لك مودتي يا جميل
شكرا لك ونحن السعداء بي سماعك
لك ودي وعاطر التحايا
عبدالله
|
Post: #11
Title: Re: ابداكي من وين؟ 3
Author: altahir_2
Date: 08-22-2005, 12:19 PM
Parent: #1
فوق
وينكم نادية ومعز
منتظرين
|
Post: #12
Title: Re: ابداكي من وين؟ 3
Author: قرشـــو
Date: 08-24-2005, 06:33 AM
Parent: #1
ما اجملكم ايها الاحباب وانتم تنثرون حبات الفرح فى طرقاتنا
النشوة تملأؤنى وانا اقرأ هذه الروائع وتلك المساجلات
لعلنا نعود للعهود الذهبية للأدب من بوابة هذا البوست
واصلوا امتاعنا وتناسوا وجودنا
فنحن نسعد بتواصلكم
|
Post: #13
Title: Re: ابداكي من وين؟ 3
Author: نادية عثمان
Date: 08-25-2005, 01:21 PM
Parent: #12
من نشوة الروح باللقاء ببدأ النغم وحلو النشيد
جاياك محننة بالحبور متحدية الحزن العنيد
خلينى فى الخاطر دوام زى بسمة اليوم السعيد
انا لو مشيت وبعدت يوم برجع وأعود حتما أكيد
اتوشح الشوق والغرام شايلة الوله وجعا شديد
ابداك يافرح الوجود بداية الطفل الوليد
شايلاك فى الاعماق غرام وشايفاك حب ابدا وحيد !
|
Post: #15
Title: Re: ابداكي من وين؟ 3
Author: عبدالله وداعه الامين
Date: 08-25-2005, 08:54 PM
Parent: #13
Quote: من نشوة الروح باللقاء ببدأ النغم وحلو النشيد
جاياك محننة بالحبور متحدية الحزن العنيد
خلينى فى الخاطر دوام زى بسمة اليوم السعيد
انا لو مشيت وبعدت يوم برجع وأعود حتما أكيد
اتوشح الشوق والغرام شايلة الوله وجعا شديد
ابداك يافرح الوجود بداية الطفل الوليد
شايلاك فى الاعماق غرام وشايفاك حب ابدا وحيد ! |
يا نشوة الروح ارسي بي
ما تعزبي القلب الشريد
خليكي ساكنة معاي هنا
وابقيلي بسمة كل عيد
راجيكي بين قلبك وانا
مشتاق افتش في الوريد
لو القى حاجة بتشبهك
وتصحي في نفسي النشيد
يا حارسة عيني في المنام
والله بشتاق ليك شديد
بتفقدك وانتي القمر
جواي وقمرك هو الوحيد
علمني اقراك في النعاس
اتهجى بيك حرفي العنيد
وابداكي يا كل الغنى
من شهقة الوجع الشديد
كان ارسى بيك فيني المنى
واستنشقك زي كلي ريد
وادفي بيك فيني الحنين
واطمن القلب السعيد
عبدالله
لندن 26.08.2005
|
Post: #14
Title: Re: ابداكي من وين؟ 3
Author: عبدالله وداعه الامين
Date: 08-25-2005, 08:13 PM
Parent: #12
الاخ الحبيب قرشـــــو
لك الود بقدر جمالك وروحك الطيبة
شكرا لك حبيبنا ويديك الف عافية
سعيدون نحن بطلتك البهية ومرحب بيك
معانا على الدرب الاخضر
لك ودي وكل التحايا
عبدالله
|
Post: #16
Title: Re: ابداكي من وين؟ 3
Author: waleedi399
Date: 08-27-2005, 03:24 AM
Parent: #14
|
Post: #18
Title: Re: ابداكي من وين؟ 3
Author: عبدالله وداعه الامين
Date: 08-27-2005, 01:43 PM
Parent: #16
الاخ العزيز وليد
شكرا لك ثانية وسعيد بيك
لك محبتي ولك كل الورود يا ورد
عبدالله
|
Post: #17
Title: Re: ابداكي من وين؟ 3
Author: altahir_2
Date: 08-27-2005, 11:02 AM
Parent: #1
UP
|
Post: #19
Title: Re: ابداكي من وين؟ 3
Author: عبدالله وداعه الامين
Date: 08-27-2005, 01:46 PM
Parent: #17
الحبيب ضياء
ربنا يعلي مقامك ويسعد ايامك
لك ودي ومحبتي
ليك ما فيني فيك
عبدالله
|
Post: #20
Title: Re: ابداكي من وين؟ 3
Author: عبدالله وداعه الامين
Date: 09-10-2005, 00:11 AM
Parent: #19
فوق
|
Post: #21
Title: Re: ابداكي من وين؟ 3
Author: waleed500
Date: 09-10-2005, 00:24 AM
Parent: #20
راجيكي بين قلبك وانا
مشتاق افتش في الوريد
لو القى حاجة بتشبهك
وتصحي في نفسي النشيد
يا حارسة عيني في المنام
والله بشتاق ليك شديد
بتفقدك وانتي القمر
جواي وقمرك هو الوحيد
علمني اقراك في النعاس
اتهجى بيك حرفي العنيد
وابداكي يا كل الغنى
من شهقة الوجع الشديد
كان ارسى بيك فيني المنى
واستنشقك زي كلي ريد
وادفي بيك فيني الحنين
واطمن القلب السعيد
كلام مرتب .....يعطيك العافية
|
Post: #22
Title: Re: ابداكي من وين؟ 3
Author: نادية عثمان
Date: 09-10-2005, 06:50 AM
Parent: #21
اسن حد الالهام واجيكم
|
Post: #24
Title: Re: ابداكي من وين؟ 3
Author: عبدالله وداعه الامين
Date: 09-10-2005, 08:59 AM
Parent: #22
| Quote: اسن حد الالهام واجيكم |
مستني موج عشم الوصول
سنيني الهمي كل زول
|
Post: #23
Title: Re: ابداكي من وين؟ 3
Author: عبدالله وداعه الامين
Date: 09-10-2005, 08:56 AM
Parent: #21
وليد
العافية تلبس رقتك
وتوشحك طول العمر
ويديك كمان وشكرا محنة
عبدالله
|
Post: #25
Title: Re: ابداكي من وين؟ 3
Author: نادية عثمان
Date: 09-11-2005, 08:12 AM
Parent: #23
العافية تلبس بهجتك
ياراقى ياولد السمر
وبرجع اعود لى جنتك
واتهنا بى طول العمر
لاقينى فى الزمن القريب
حارقنى بعدك زى جمر
ادينى من وعدك امل
ولفّحنى بى توب الصبر !!
|
Post: #26
Title: Re: ابداكي من وين؟ 3
Author: نادية عثمان
Date: 09-16-2005, 07:46 AM
Parent: #25
سيد البيت انت ويييييييين ؟!!
|
Post: #27
Title: Re: ابداكي من وين؟ 3
Author: malamih
Date: 09-16-2005, 01:42 PM
Parent: #26
عزيزنا عبدالله ..
وأقرأ لك أبداكي من وين .. وقبل أن نستمسك بالبداية تقتحم نادية
عثمان النص لتضيف دهشة عليه فبل أن نستفيق نفاجأ بدكتور معز يضيف بريشته شيئا ثم يغوص .. لقد إكتمل الضياء .. عاشت الروائع التى تضيف شيئآ
للحياة..
صدق يا شوقي أول أمس كنت أتصفح بعض من أشعارك وكذلك لسوما وبشار كم أفتقدكم .. وقل للوجع الخرافي أنني أفتقد قصائدها إيضا ..
أما أنا فمازلت غارقآ في مأساة نيوأورليانز.. وقلت لنفسي( ديل جدودهم موليدين هنا يعني أمريكان جد أمال نحن السود الجينا هسع يعملوا فينا شنو)
شكرا على النص الإضائة..
وأقول للطاهر العزيز
عربدت بي هاجسات الشوق إذ طال النوي
وتوالت ذكريات عطرات بالهوي
والله يالطاهر نفتقدك إيضا وبشده .. فهلا أبنت الظهور!
|
Post: #28
Title: Re: ابداكي من وين؟ 3
Author: saif massad ali
Date: 09-16-2005, 01:58 PM
Parent: #27
لي فوق
|
Post: #29
Title: Re: ابداكي من وين؟ 3
Author: عبدالله وداعه الامين
Date: 09-17-2005, 11:04 AM
Parent: #28
ناديو وملامح وسيف بجيكم هسه دي
والله موجود يا نادية
مشوار وبجي
تسلموا كلكم ويديكم العافية
محبتي
عبدالله
|
Post: #31
Title: Re: ابداكي من وين؟ 3
Author: عبدالله وداعه الامين
Date: 09-17-2005, 05:25 PM
Parent: #28
الحبيب سيف مساعد
ربنا يعلي قدرك ويرفع اسمك فوق في السماء
لك محبتي وتحياتي وشكرا للمرور الذي اسعدني
تسلم حبيبنا ويديك الف عافية وودي
عبدالله
|
Post: #30
Title: Re: ابداكي من وين؟ 3
Author: عبدالله وداعه الامين
Date: 09-17-2005, 05:23 PM
Parent: #27
الحبيب عادل
ازيك يا ود نجيلة ويالملامحك من ملامحي
شكرا لك حبيبنا وجد ليك وحشة والله وينك يا رائع؟
جد البال والنافذة هنا وكل الجهات فاقداك اتمنى ان تكون والاسرة الكريمة على احسن حال
سعيد بيك حبيبنا وفخور بي كل كلامك الرائع في حق من تفتقدهم فانت دوما على البال ومنتظرين نسمعك يلا تعال شيل معانا كتف الغنى الميل
لك ودي وتحياتي ومحبتي
عبدالله
|
Post: #32
Title: Re: ابداكي من وين؟ 3
Author: عبدالله وداعه الامين
Date: 10-22-2005, 10:16 AM
Parent: #30
ناديه انا اتاخرتا مش؟
|
Post: #33
Title: Re: ابداكي من وين؟ 3
Author: نادية عثمان
Date: 10-22-2005, 03:50 PM
Parent: #32
زعلانة !!
|
Post: #34
Title: Re: ابداكي من وين؟ 3
Author: عبدالله وداعه الامين
Date: 10-22-2005, 08:28 PM
Parent: #33
نادية ليه زعلانة؟
الله لاجاب يوم زعلك
وجد فاقدنك
وعشان زعلانه بهديكي دي
ماقدر المقام بس قدر العندي
العين بصير وايد شعري قصيرة
جريت بي روحي اتشابا
واساسق في الدريب احلم
يدفي قليبي طيب لقياك
عشان يهدى اشتياقي الكان
مودر من سنين وسنين
وكايس بس يلاقي هواك
لانك اسمى من الناس
ومن روحي بالبتحلف بيك
وتعرف انو غير دنياك
بكون لي الدنيا لون تاني
وبتبقى الفرحة ما ياهه
وحتى غنايا ماهو غناك
وطعم الناس بكون امسخ
لانك انتا كل الناس
واجمل حتى في معناك
اريت الدنيا تسرقني
وتشيل اشواقي تمشيلك
عشان يا روحي بتمناك
وبحلم بيك وقت احلم
بشاير ماليا كل الكون
وانا الماليني حبي الجاك
يساسق فيكا من تاني
وما قادر يغالب الشوق
وما قادر يطوله سماك
عبدالله وداعه الامين
22.10.2005
|
Post: #35
Title: Re: ابداكي من وين؟ 3
Author: نادية عثمان
Date: 10-27-2005, 08:45 PM
Parent: #34
شايلة الهم عشان ياحب
بكرة مسافرة ماشة بعيد
للوطن العيونو كبار
ووشو كما صباح العيد
لى اشجانى ماشة اعييد
كت دايراكا تمشى معاى
عشان الشوق غلبنى شديد
خايفة بعادى يحرق فيك
اصلك زول رقيق غريد
عايزاك ياحبيبى هناك
بدونك وطنى ماهو سعيد !!!
|
Post: #36
Title: Re: ابداكي من وين؟ 3
Author: عنيده
Date: 10-28-2005, 01:35 AM
Parent: #1
((تخون اصابعي تأبي التجمع هكذا
فيلوح لي ضعفي وقلة حيلتي))
العزيز جدا عبدالله
ولجميع الحلوين,,,,
تخريمه واجبه
ياعبدالله
يابروف
ياندويه
ماتطولو الغيبه سمح
((نحنا وحاتكم منتظرين))
|
Post: #38
Title: Re: ابداكي من وين؟ 3
Author: بخاري بشير
Date: 10-28-2005, 07:55 AM
Parent: #37
تبداها كيف؟؟
وانت الفرح عم ّ الفصول
وانت العشم لما العشم
بين المحبين ناقشنو قول
تبداها كيف؟؟
وانت النجم وعلاك قريب
بس نحن ماقادرين نطول
وانت الصبابات القبيل
عاجبانا في وقت الاصيل
تبداها كيف؟؟
اصلو البداية معاك بدت
في شرقتك زمن الافول
ما انت اديت الدعاش نفس
المطر , وموية البحر
منك هطول..
يا منبع الريد الأكيد, يا
سكة الحالمين وصول
تبداها كيف؟؟
لو كان نهايتك مبتدأ
وانت العمر مغروس
على زهرة شتول
والشوق معاك غلبو الصبر
حتى الجمر حرقو الذهول
.,,,,,
..,,,,,,,,,,
....,,,,,,,,,,
...,,,,,,,,
أبداها لما الموج يداعب ضفتيك
لما الفرح لافينو بورق الهدايا
وقالو ليك..
أبداها وقتين القمر قال مشتهيك
يا مصدر الجفا والحنين,
يا مفجر الافراح أنين
أبداها قبال تنتهيك !!
أبداها يا ألق المدائن
والفنارات غايصة مابين لجتيك
أبداها في غبش الضباب والرؤيا
ما بينك اليك !!
ما إنت في مدن الضباب سهران
كتير ,,والهم يناقرك ويرتجيك
أبداها يازول من حمأ ,, خليها
تعشق مقلتيك,,
|
Post: #39
Title: Re: ابداكي من وين؟ 3
Author: عبدالله وداعه الامين
Date: 10-28-2005, 08:49 PM
Parent: #38
عنيدة تسلمي عزيزتي زشكرا على الطلة
فرحانة بيك كل القلوب ويديك الف عافية
دي هدية ليكي وعربون محبة
يا بنية من وهج الشمس
وحنينة زي وقع القصيدة
طاعمة زي نيل الفرح
للكل تقطّع من وريده
وتشتل الكون بالوفاء
وتنوّر الناس البعيدة
محبة تديهم عشق
ورهافة الحس السعيدة
بالجد نحبك ياوجع
ارواحنا لو تدينا ريدة
بيكي بنطول السماء
والضحكة تعرف انو عيدة
يوم تغازل ضحكتك
وعيونا تصرخ يا عنيدة
عبدالله وداعه
29.10.2005
|
Post: #40
Title: Re: ابداكي من وين؟ 3
Author: سارة حمزة
Date: 10-28-2005, 10:08 PM
Parent: #1
ابداع وروعة
تاني مافي كلام
|
Post: #41
Title: Re: ابداكي من وين؟ 3
Author: بخاري بشير
Date: 11-06-2005, 10:44 AM
Parent: #40
up
up
up
up
أين انت يا عبد الله
|
Post: #42
Title: Re: ابداكي من وين؟ 3
Author: عبدالله وداعه الامين
Date: 11-10-2005, 04:54 AM
Parent: #41
الاخ العزيز بخاري
كل سنة وانت طيب وربنا يحقق الاماني
مرحب بيك حبيبنا ويديك الف عافية
شكرا الى رفع البوست والسؤال
ما ناسيك بس مشاغل الدنيا
بجيك بعدين
كل التحايا والود
عبدالله
|
|