Post: #1
Title: مابين حروفك وسكتي - صهيل الذكرى
Author: عبدالله وداعه الامين
Date: 02-10-2007, 11:18 PM
Parent: #0
ما بين حروفك وسكتي
ميلاد والفة وفرحي بيك
سميت حروفك هي المدى
وفضلتا في النوم اشتهيك
روحتا اثرك في الندى
روحتي روحي وكيف اجيك؟
وانا كنت رايح من زمان
جواك وسايب روحي فيك
رسيت حنينك في الفراش
الوردة هي الردت عليك
هتفت ونادت لي العبير
يفتح نوافير شوقي ليك
ويقول عليك انك اصل
كل الجمال والرقة ديك
وانك براك اصل الاصل
وانك اصل فرحي الوشيك
وانك كمان اصل الغنا
يا لحني من وين ابتديك
وانا كنت قايل هو الختام
جواي وناكر سر مجيك
دسيت ملامحك فيني بس
ورقدتا حاضن لي وشيك
ما بين نعاسي وخوفي جد
اخترتا خوفي معاي شريك
ونقزتا بيك شلتك معاي
جواي وقادل في مشيك
ما اصلو قلبك سكتي
وحرفك نهايتي ومنتهيك
يا سر صهيل الذكرى يوم
يا سري حتما مصطفيك
عبدالله وداعه الامين
لندن 10.02.2007
|
Post: #2
Title: Re: مابين حروفك وسكتي - صهيل الذكرى
Author: nashaat elemam
Date: 02-11-2007, 08:08 AM
Parent: #1
ما بين حروفك وسكتنا.. أكثر من الإلفة، وأجمل من الفرح..
كن بخير يا جميل المشاعر ، ويا أنيق الحروف
|
Post: #3
Title: Re: مابين حروفك وسكتي - صهيل الذكرى
Author: omer abdelsalam
Date: 02-11-2007, 07:02 PM
Parent: #1
Quote: ميلاد والفة وفرحي بيك
|
الحبيب / عبدالله وداعة ليك .. وحشة .وفرحنا بالطلة ..وشكرا على هذه الحروف الجميلة
|
Post: #4
Title: Re: مابين حروفك وسكتي - صهيل الذكرى
Author: حبيب نورة
Date: 02-11-2007, 10:51 PM
ود وداعة
ياخي جميل جدا
تسلم علي الكلام اللطيف دة
ربنا يديك العافية كمان
أها
ودعتك الله
|
Post: #5
Title: Re: مابين حروفك وسكتي - صهيل الذكرى
Author: عبدالله وداعه الامين
Date: 02-15-2007, 12:45 PM
Parent: #4
Quote: ما بين حروفك وسكتنا.. أكثر من الإلفة، وأجمل من الفرح..
كن بخير يا جميل المشاعر ، ويا أنيق الحروف |
الزول الجميل وانيق نشأت امام
الالفة ان تكون معي هنا
شكرا لك اخي نشأت ودمت انت كذلك بالف خير
ولحضورك هنا نكهة المحبة وطعم الدهشة
خالص التحايا والشكر النبيل
محبتي
|
Post: #6
Title: Re: مابين حروفك وسكتي - صهيل الذكرى
Author: تماضر الخنساء حمزه
Date: 02-15-2007, 01:04 PM
Parent: #1
إخترتا ريدك سكتي
وشلتا من عينيك أغاني
وياني دايماً ..برتجيك
ماقلتا شوقك..حرفتي
الكان بشتت فرقتي
عارفني برضك ..بصطفيك
يالإنتا أصلك روعتي
أتوسّدك بين المسام
وأتشابى كان ألحق مشيك
وإنتا بينات الدواخل
تزرع الحب بالتواصل
ويزهر الشوق اللي فيك
|
|