!!!!المرأة المسرح تماضر ومسرح المرأة الواحده...حميد.....في الإنتظار على...؟

صدر عدد أبريل من الإصدارة السودانية الثقافية ..منتدى النيــل.. تقرأون فيه للمرأة المسرح تماضر..شاعر شعراء الشايقيه حميد..أحمد مطر..صلاح درار..فاطمه كرار..يحي بن عوف بكري هاشم..عادل محمود..محمد الغزالي..يوسف القرضاوي..والكثير..إلى جانب الصفحات المتخصصة

منتــدى النيـــل

نكرر الدعوة مرة أخري للجميع لمشاركتنا في إثراء الموقع

عذراً

الزاكى

ادعوك لقراءة الموضوع بعد النشر

يبدو ان هنالك شىء غير عادى

بدون تفصيل
ارجع واقرا الموضوع

لو سمحت

شكرا

تماضر يا روعه يا مســـرح
يا كوم إبداع جوانا بيسرح

شايفه ..كوم...دي طالعه من خشمي زي الدرابه كيف؟؟؟؟؟لا وكمان كلمة بيسرح دي..مش قد المقام...بس والله أنا ما قصدي زي سرحان الراعي بي غنمه أنا قصدي بيسرح يعني بينساب جوانا زي ما موية النيل بتنساب هاديه وحنينه وتروي الواطه وتملاها خضره وروعه وجمال..يعني داير أعبر..لكن تقولي شنو؟؟؟؟؟يا هو كلام الغبش الزيي....أي نعم مشينا مدارس...بس إنتي ما سمعتي بالصعيدي الدخلوه كلية الطب طلع ضابط؟؟؟؟

طبعا كل البكش دا عشان تماضر ما تزعل مني...ولك الحق تزعلي ولك العتبى حتي ترضين..والخطأ غير مقصود..وقالوا تشتغل كتير تغلط كتير..فما بالك وأنا شغال براي..ون مان شو...موقع الرجل الواحد....يعني زي مسرح المرأة الواحده..طبعا مع الفارق في إبداع وإتقان المرأه الواحده وتمكنها..وشغل الرجل الواحد المفتقد للإحترافية والمهنية...وسنبدأ فورا في تصليح الخطأ...ومعليش..وإن شاء الله تعيشي وتبدعي لينا..وتثري موقعنا وحياتنا بفنك الراقي...لك كل الود والتقدير

شكراً ليك يا نيل يا واحد .. انا عملت انكودِنق براى .. يعنى ناجرو من دقنوسى ده واستمتعت بتداعيات تماضر .. يعنى بديت جملة جملة من الشمال لليمين وبذلك حققت متعتين قراية تجربة تماضر وتحقيق الأثر الراجع للمجهود القدمتو فى توصيل الرسالة كما يصطلح علماء الاتصال
وتخطئ كتير تجوَّد اكثر وتشكر مجدداً

الأخ منعمشوف

لك كل الود والتحايا العطرة

لو كنت عارف الشغل الغلط دا حيكون مدخل جميل للتواصل معاك كنت من زمان لحقتها الزينين..بس معليش زي ما قالوا الجماعه إياهم ..كل وقت وليهو آذان...والمسأله وما فيها إني عامل زي سماسرة الأنديه أيام فك التسجيلات بدخل المواقع وأنشن على الكتاب واحد واحد ولما أقتنع بواحد أشوف طريقة أدخل بيها وأوجه له الدعوه..بصراحه في الفترة الأخيرة بقيت أتردد مليون مره قبل ما أتطفل على واحد لأني وجهت عدة دعوات من هنا وكانت النتيجه غير مشجعه..لكن برضي ما فترت لسع ساكي اللعيبه...ما عارف منو القال الغلط بيجيب الغلط...لا...الغلط بيجيب الصاح والدليل...آلولو...إنت وفرت على مش نص المشوار ..إنت وفرت على المشوار كله....وبعد
بعد كل الكلام الفات دا..أشوف لي واسطة وللا حتشرفنا براك؟؟؟؟حقيقه نحن محتاجين لكل الأقلام ولكل صاحب فكر وإبداع عشان ننهض بمستوي الموقع..وما حأقول أكتر من كدا......في إنتظار مشاركاتك لك كل الود


الزاكي عبد الله

الأخ ابو يســــرا
تحياتي
قرأت رسالتك...وبما أن ما طلبته عن حبوبتنا فاطمه ليس متوفرا لدي فقد ذهبت باحثا عنه قبل أن اعود وأرد عليك..وعندما عدت وجدتك قد حذفت رسالتك؟؟؟ارجو أن يكون الموضوع خير....عموما ذهبت لسمية حبوبتنا فاطمه بت نعمي..الأخت فاطمه محجوب كرار..وأتفقنا أن نبدأ في الكتابه عنها من العدد القادم...ونرسل لطلب أشعارها الموجودة طرف الأخت ساميه محجوب حتى نتمكن من الكتابة تحقيقا لرغبتك

سلام يأأستاذ..ياهندسه
أيه الحكايه؟كوم وغنم وراعي,معقول الألفاظ البلدي دي وإنت بتكلم أستاذه مبدعه زي تماضر؟بس نقول للأستاذه معليش سماح مادام العدد طلع حلو بس لكل مقام مقال شكرا على المجهود والاخراج الجيد والتحية والتقدير لتماضر

ام احمد

ضحكت والله وانا بقرا كلامك

يا ام احمد نحن البينا عامرة


والغين ما بتعلى على الحاجب


ولك منى التقدير والانحناء ،

ويا باشمهندززززز

القومة ليك

يا أم أحمد
دا شنو؟؟؟؟ ماتخليكي محضر خير..يعني يا تقولي خير ..يا......وفي ذمتك البلدي مالو؟؟؟؟أتحدي أي واحد يقول إنه سمن نباتي عنتر أحسن من السمن البلدي...وأهو أنا قدامك باسأل الأستاذه....أحسن السمن البلدي وللا الهولندي؟؟؟؟وأحسن الجداد البلدي وللا بتاع مزارع الدواجن الشبعان كيماويات؟؟؟؟..وأحسن بنات بلدي وللا البنات الأمريكاني؟؟وأحسن المجلس البلدي بتاع زمان وللا المجلس الوطـ....ياها دي تماضـــر خليها تجاوب ..وبصراحـــه..وبعدين الدنيا كلها بتحب البلدي....و...بلدي يا بلدي أنا عاوزه أروح بلدي...سمعتي غنوه بتقول عاوزه أروح مكان غير بلدي؟؟؟؟؟؟ أنا ماعاوز اقول ليك شوفي ليك محلب دقيهو....بس الأستاذه قالت البينا عامــــره..وإن شاء ربنا يخليك إنتي والأستاذه الأتنين وتدقوا المحلب لعيالكم وعيال عيالكم كمان..وليكم تحياتي ..و..برضو بالكوم

منتـــدى النيــــــــل

الزاكي
تحباتي ياتربال
ومين قال بلدي يابلدي مش عيز اروح بلدي
العدد جميل وربنا يعينك
اها الدور ده حرم مقالي جايي
وبعنوان احمد ربشه والريشه الرقيقه التي لم تذهب مع الريح

با حبيبي يا أبو محمود الله يجبر خاطرك
والله كنت زعلان منك زعل كان هبشوني أطرشق طاااااخ...ضربت ليكم في عيد الفطر الفات وقلت أعيد عليك واسمع صوتك فرش بعد سنوات من الفرقه لقيت تلفوتك محجور وحاولت اسجل ليك رقم تلفوني لكن الظاهر الرقم بتاعي مع كود البلد أطول من المدة المقرره للتسجيل رسلت ليك رقم تلفوني في تلات رسائل وقلت ليك تضيفه عندك عشان اقدر أكلمك بس ما جاني رد ولما ما رديت على قلت أصبر خليهو الأيام بتوريهو...وابو يوسف ماهو الزول البنقطع من أخوانه ويطنشهم..وبعدين إنت البخليك ما تكتب شنو؟؟؟؟؟مش حقو إنت كمان تتعنصر معاي عشان أولاد حله وتواظب على الكتابه..وإنت شايف الدنيل بقت كلها أحلاف وشلليه؟؟؟؟؟في إنتظار قلمك الرشسق
تحياتي للمدام والأولاد

أخوك/الزاكي

غريبه وانا كمان قلت الزاكي ده يمكن مشغول بي عمي الريال عشان كده ماسال مني ومن العيال
عموما معقوله الواحد يطتش الزيك ياخي ده مش ممكن ابدا زي ماقالت ام كلثوم
اها انا بديت افضي شويه ان شال مجلتك تقدر علي نضمي الكتير
تسلم ياحبوب الترابله

الأخ يوسف

والله عمي الريالات الظاهر عندو ناسات...أبي يمسكنا الله يستر علينا من عمى كباسه...بالمناسبه...عمى كباسه دا شنو؟؟؟؟العارف يقول لينا..منتظر مشاركاتك للعدد القادم وعندك من صفحه لمية صفحه بس شد حيلك..تحياتي للمدام والأولاد

ياجار الهنا الجميل
انا جاهز وراكز تب
وعلي فكره مشروع تخرجي حيكون مؤلف موسيقي اسمو نهر النيل
وهو علي شكل نهر مولداو او الفالتافا للمؤلف الموسيقي التشيكي
سميتنا وللاوركسترا السيمفوني
اها شفت بعد الرق النقير مشي وين
سلامك وصل للاسره وسلامي لاسرتكم