For Chocolate Lovers...Answer and win

How to get two pounds of chocolate home from the store in a hot car??????

How far is home???


I am a chocolate dependant.

تماضــــــــر

ســـلام

البيت في الكلاكله القبه والمحــــل في الخوجلاب...يللا ورينا همتك والجائزه في إنتظارك...تحياتي

يا باش مهندز صباح الخير
يعني شنو
hot car

صباح الخير ياإيهاب

يعني العربية نار الله الموقده.. بس ورينا حلها كيف وأخد الجائزه

لكن يا نايل بعد ما ريالتي سالت تقول لي في الخوجلاب... لكن بااااااااااااالغت

صبـــاح الخير يا ميـــاده

أمال لو عرفتي الجائـــزه حتعملى شنو؟؟؟؟؟؟؟

In a Hot Car??????? where is the trick?

May be Hot Car is a brand name of a cooler!!!!

I don't eat chocolate. If I love chocolate, I will scratch my head to find the answer.

3alaik Alla what is the correct answer?

shinteer, the trick, my guess is in "chocolate home", and "hot car" usually means "hot" beautiful, lovely, attractive.


so the answer is:

عادى

يا تماضـــــــــر ويا شانتيــــر


ســـلام...و.....كضبا كاضب....الحكايه ما فيها ترك ولا حاجه...بالبلدي كدا....العربيه حاره نار...زي صاج حاجة بت المني ست الطعميه...والشوكولاته يادوب مارقه من التلاجه....والدكان في الخوجلاب والبيت في الكلاكله القبه وكمان في آآآآخر الكلاكله القبه...ولمعلوماتكم الدنيا صيف والساعه واحده نص النهار...والحر يقلي الحبه.......وإنتو ورطتو وإشتريتو الشوكولاته...وسيد الدكان تاني مابرجعها ويديكم قروشكم كان طرتو طيران.........تعمــــــلو شنــــــو؟؟؟؟؟؟؟تحلوها كيف؟؟؟؟؟؟

Quote: أمال لو عرفتي الجائـــزه حتعملى شنو؟؟؟؟؟؟؟

أمال دى طبعاً بضم الالف دى كلمه مصرية
ولمن ماهو اصلها
فرعونى
نوبى ولا مصرى؟
وبعدين ياباشمهندس شوكلاته تاكل شوكلاته كيف تجى دى؟
حياكم الله وبياكم

الشى العربية دى ما فيها اير كوندشن؟؟؟؟

خلاص عرفت الاجابة

اقولها بعد اعرف الجائزة شنو؟؟؟

تماضـــــر
الجائزه تختاريها بنفســـك....أي حاجه عاوزاها..بس جاوبي وأطلبي

الاجابة

يلحسو
ياكلو
يشربوا

المهم يشيلوا فى بطنو ويمشى

وعنو ما تنى

يللا ادينى ربع مليون دولارى القلتهم لي

أقول ليك حاجة يا نايل؟ الشكيولاتة دي مش حقتي و أنا حر فيها بعد اشتريتها؟ أها بوصلها البيت في العربية الساخنة دي و ان شاء الله تصل البيت موية .. أنا راضي بيها

أها ادينا جايزتنا بالله

يعني شيكولاتة في عربية ساخنة جدا في مشوار من الخوجلاب للكلاكلة القبة مؤكد حتصل شوربة شكولاتة
وبما اني من محبي الشكولاتة ادينا يا نايل ون خيارات ولو وقفة صغيرة في ابوحمامة
وبعدين محبي الشكولاتة ممكن ياكلوها حتى لو كانت سايحة

تماضــــر

إجابتك ما صـــاح لأنك لازم تحددي لحس...أكل وللا شراب وكمان الإجابه الصاح هي
Eat it in the store
يعني تكون بالإنجليزي لأنو السؤال كان بالإنجليزي...يعني لو كنتي ركزتي شويه كنتي جاوبتي بصوره قاطعه...هو صحيح إنه في النهايه حيشيل الآيسكريم في بطنو ويمشي بس كمان الطريقة اللي حينفذ بيها لازم تكون واضحه ومحدده يعني يا أبيض يا أسود..نحن الودر البلد ومرقنا منها غير اللون الرمادي شنو؟؟؟؟ عموما تقديرا لمحاولتك الكانت قريبه من الإجابه الصحيحه حنديك سؤال تاني...يعني توفيقي ولازم تركزي وتجاوبي صاح..يعني يا أبيض ..يا.. أبيض
If you've got melted chocolate all over your hands, what does that means???????
ركزي كويس وبطلي دروشـــه وخلى إجابتك قاطعه ومؤكده

أقترح الحلول التالية

يبرد العربية – اذا كان المقصود بـ هوت كار يعني حارة من الحرارة .
يوصل الشكولاتة (مكوناتها فقط) إلى البيت ويتم الباقي هناك
يجيب البيت جنب محل الشكولاتة أو ينقل المحل إلى قرب البيت
يوصلها في إناء حافظ – حفاظة يعني .

يا باش مهندز اجابتك زاتا ما صاح
يعني كيف الزول ياكل ليهو رطلين شوكولاته

تماضر ممكن اساعدك و تقسمي معاي
lOoOoOoOoOoLZ

IT MEANS THAT U R 3 YEARS OLD

إيهاب

والله أنا بعرف واحد كان بياكل صينية باسطه كامله ويشرب معاها 10 بيبسي



No, worong answer ya Eihab....try again

answer:

it means that I am ready to lick my hands, all over.


يا ناس ايهاب وشنتير واهل العوض

بلاش لبط

قالوا انا اجابتى صاح

يللا ناولونا الجايزة برانا مفلسين عيننا طالعة

تماضر
خلاس رضيانين
بس اقسمو لينا معاكم
قالو الكتير منو مضر
ونحن ما بنرضى ليك الضر

hahahahaaaaaa,
That means I ate it in the hot car.

give me prize, please.

سلام ياباشمهندس
بصراحه بصراحه انت متحامل على الاستاذه تماضر ودا شعور معادى للجنس اللطيف,اجابتها اكتر من صحيحه وانت ضيعت حقها في الجائزه,يعنى لو كان واحد من الشباب اللى جاوبوا كانت اجابته صح كنت حتعمل معاه كدا؟ اولا نشجب ونستنكر وندين بشده هذ الموقف غير العادل تجاه الاستاذه وثانيا نطالب بتسليمها الجائزه دون تاخير ثالثا الراجل بتاع الآيسكريم دا محله مش نضيف..وما تشتروا منه تانى
تحياتي للجميع

اها قلنا الزول بتاعك دا ضاير الصينيه بتاعه الباسطه بي جاي وولا بي جاي في المعده وكل المسالك المؤدية اليها
و افترضنا مثلا انو الصينيه دي كانت اصغر من المعتاد
اها العشره قزايز دي و داها وين
بي صراحـــــــــــه وااااسعه ياخي
دا اصلو شنو دا
المهم ما علينا
يبدو انو الحكايه هي السخنت موش العربيه و حا تنتهي بي كراثه
احسن تلحق نفسك و تتخارج
عشان ام احمد دي شكلها حا تتخذ اكشن
و احتمال ترفع عليك قضيه
وتبقى
WANTED
غير منظمات حقوق الانسان و المنظمات النسويه وغير النسويه
و المدنيه و غير المدنيه
و مكافحه العنصريه و غير العنصريه
و برضوبعد دا احنا ما راضيين تديها لي تماضر براها
اها البحلك شنو

يا نايل

مش سؤالك

كيف توصل رطلين شيكولاتة من المخزن او البراد الي البيت بسيارة موقدة نار

واديتنا المعطيات التالية

الدكان او مخزن الشيكولاتة=الخوجلاب
البيت=الكلاكلة القبة
الزمن=الساعة واحدة ونص الضهر والحر يقلي

وقلت الاجابة
بوصلها اذا اكلها في المخزن

انت ناسي زحمة الكباري الساعة واحدة ونص
وناسي كشات ناس الحركة البوقفوك ساعتين
وناسي المسافة ما بين الخوجلاب والكلاكلة القبة قدر شنو
وناسي قطعة البنزين
وناسي الناس الممكن تلاقيهم في الشارع وبتعرفهم ولابد ان توقف عشان تشيلهم معاك ووتوصلهم محل ما عايزين
وناسي بلاي معاك اب حمامة لو سمحت

والله صاحبك ده الا بطنو تكون ديب فريزر عشان يصل بي شيكولاتو دي الكلاكلة القبة

ده لو ما عرق نصها في شارع الحرية

يديك العافيه يا نزار

الراجل مجبر على أكل الآيسكريم يعني ما حياكله عشان يوصله الكلاكله..يعني حيوصله كيف بعد ما أكله..أصل الحكايه هو كان واعد أم العيال الكانت بتهاتي من قبل خمستاشر سنه لما كانت بتتوحم بي ولده البكر وكانت دايره إسكريم ووعدها لما الظروف تتصلح يجيب ليها الآيسكريم لكن المسكينه إتوحمت تاني زي سته مرات على الآيسكريم والظروف ما كانت مواتيه.. ولما العهد إزدهــر وقطعنا فاتورة السكر وبترولنا طلع وصنعنا العربات وإترفهنا..الراجل حب يبر بوعده...بس لما واجهته مشكلة آيسكريمو الحيسيح والراجل بتاع الدكان طلع غتيت ورفض يرجع الآيسكريم ويرجع ليهو قروشو قال أخير ياكلو قدام الدكان ويمشي......المهم..عندك فرصه تجاوب على السؤال التاني وتخطف الجائزه قبل ما تماضر وصاحبتها يجاوبو....

الأخ إيهاب

والله ولا واسعه ولا حاجه..إنت ما سمعت بي ناس عتاوله الواحد ياكل ليه خروف كامل براه وما يموت؟؟؟؟؟؟؟؟؟
وبعدين أم أحمد دي ليها زمن طوييييل ساكته أول ما جبيت سيرة تماضـــر نطت لى في حلقي وعاوزه تدول القضيه ..بعدين تعال عوافي عليك ياخي إنت مالك ماتقيف معاي ..بدل ما تزوغ وتقول لى البحلك شنو..أو على الأقل قول الحق...قول إنه تماضر إجابتهاأول حاجه ما محدده مرة تقول الآيسكريم يتلحس ومرة تقول ينشرب ومره تقول يتأكل..تاني حاجه السؤال كان بالإنجليزي وهي جاوبت بالعربي وبعد الدروشه دي كلها انا كنت معاهامتساهل جدا واديتها سؤال توفيقي لو جاوبته صــاح انا ملتزم أديها الجائزه..وهي تماضــر ذاتها كان ممكن تعمل مجلس أجاويد بدل ما تقوم ليها محاميه وتعقد الأمور وتبقي فيها حقوق إنسان وأمم متحده.. لكن انا لا زلت بميل للحل الودي..لو تماضـــر جاوبت على السؤال تكون المشكله إتحلت وإتكافينا شر المحامين...بعدين إنتي يا أم أحمد مادام بتدافعي عن حقوق الإنسان ما تدافعي عن محمد أحمد السلبوه أبسط حقوقه وقطعوا لسانو وباعوا ليهو الهواء..وبالله أسبكي لينا كيس نلحق بيه ناس تماضر والموصلي..بعدين قالوا سيد الحق راضي...شن دخل القاضي
منتـــدى النيـــــل

اقيفي معاي نشيل كتف الخروف الميل

في بطن صاحبك دا

loOoOoOoOoOOoLZ
قلتا كدا احسن
خلاص يا زول انا تماضر رسلتني ليك استلم المكافاءه عشان هي مشت مشوار وكدا
يلا خلصنا سريع قبل الجماعه ديل ما يجو و يعملو جوطه
وانا جايي لمتحتا اها العوضو معاهو يمكن حله كامله
اسمع انا غايتو اتغيل لي القزايز العشره دي براها اصعب من الخروف والباسطه زاتاااا

اسمع عشان ما تقول كلفتناك
الجلبطه دي معناها انو الزول محتاج يغسل يدو

إيهاب
إجابتك غلط..ممكن تتصل بصديق وبرضو ممكن تستعين بجمهور البورد

منتــدى النيــــل

ما دام غلط خلينا في الاقتراح الاول لانقاذ روح سيادتكم