منبر السودان الجديد - الحدود لغاية سجيمان وبس

منبر السودان الجديد أحد مكونات الإصدارة الثقافية منتدى النيـــل المنبر مفتوح للكل ..لا يتطلب دخوله كلمة مرور أو طلب عضوية ..هذا المنبر قديم جدا ولكن شروط الكتابة فيه لم تعجب البعض وإن كانت ميسرة جدا

سلوك الأطفال وتربيتهم .. ماذا نفعل إزائها برغم تغيير المكان
الزواج العرفى وسط طلبة الجامعات والآثار المترتبة عليه
ظاهرة الاوتوستوب
تأمُّلات امرأة مسلمة في مسألة "الجندر
منبر السودان الجديد
منتدى النيــــل

و....مرحبـــا بالجمبع

*

النيل

انا يعني معاهم ....و لاّ.... برااااا؟


خليني اعرف راسي من كرعي

سجيمان

العيد مبارك

والله ياخي ماعارف أقول لك شنو....إنت الوحيد البيتهبب لي بوستاتي..غايتو إن شاء الله يهببنك الحور العين (بس بلا شهاده ومسك)....إنت أكنك أمش شوف المنبر ..هو طبعا ماهو بهرجه وكبير زي دا.....طبعا..الحدود لغاية سجيمان..معناتا الزول إن بقى طالق زي طلقانك دا ولسانو متبري منو..بنقبلو...بس إن بقي زاد شويي بنمسح كلامو طوالى..إنت طبعا ما قعد تسب الدين ولا قعد تنعل زول نعل الفواتي المنطلقات الما عندهن أدب..وقعد تدغمر الكلام وما بتخفسوا..وزي الهواء ما فيك طرفا يتمسك..المهم خلنا نقول الإستاندر اللت الكتابه تكون( سجيمان إستاندارد)كحد أقصى...يعني زي مقياس الخواجه ريختر الليل الزلازل الله ينجينا وينجيكم من شرها..فهمت وللا داير تتغاتت أقوم ألف وأدور معاك ونخته قرض؟؟؟؟؟؟؟

الزاكي العزيز..

كل عام وانت وأسرتك بألف خير.. وعيدكم سعيد..

عااارفة روحي مقصرة مع النشرة.. سأعمل صادقة للمشاركة القريبة باذن الله.. وستجدنا عندكم في المنبر بالتأكيد..

..

سيجيمان ازيك..

تحياتي..

الأخت الغالية رجاء

لك الود والتحية

تجديد وعدك الذي ظل مخضرا على الدوام أثلج صدري..خاصة وأن الإصدارة أوشكت أن تلفظ أنفاسها الأخيرة إذ لم أجددها منذ أبريل الماضي...و..مهما طال إنتظارى لتشريفك ومساعدتي في إقالة عثرة الإصدارة الثقافية فانه يسعدني أن أظل مصلوبا على وعدك الندي المخضر دائما فمثل رجاء وفكر رجاء وقلم رجاء يستحق أن يكون الصبر والتفاؤل عربونه
لك كل التقدير ودمتي أختا عزيزة وصديقة صدوق...
تخريمــــه.... ما تتوسطي لي عند راويه وتخليها تشيل معانا شويه

***********************