Post: #1
Title: حارة المساخيت (2) ما ساعلين ولا فاضيين
Author: حبيب نورة
Date: 11-13-2009, 10:05 PM
Parent: #0
Quote: هبيش الزكري ... تسكع طيف الزول في شارع الروح
نور بيتنا و شارع الخاطرة التنده ليك!!
قرار أعتبرك أنتي نبيـّة بتهدي الناس للحنين المستقيم
ولا الضالين آمين الفكرة الباقية رسالة !!
أستغفر خاطرة بتلغي وجودك و تمحي حدودك!
تخلي مسامك منطقة نزاع قبلي و انا شوقي
جندي منزوع السلاح!
فرمانة
السختة هي قصقصة لجنحين الهضربة الطايرة و أبدالها
بالحلم المجنَّح !!
لمن الظروف تكون (نِبلة) في أيدين شافع ود لزينة!
تنقض مشاط أحساسك و تنكش شعورك
تعيد تسريحتك و تسريحك !!
يعرفها المساخيت بأنها في السكة جغمة برتكان
ترطب حيرقان المسافات !
أما أولاد الحرام يعتبرونها أعلان أستقلال لي كمين
حرف أتباعت في سوق نخاسة أطلق الحنين سراحا
بي الضمانة وقال ليها أذهبوا فأنتم الطلقاء
من دخل الكتاب الأخدر فهو آمن ومن دخل دار
بنت جيراننا الحلفاوية فهو آمن ... ومن شهد
الشهادة والعمل الطيب ..برضو آمن !
مدخل ساخط
ح نسب الدين لي زمناً كافر بيك وانا شوقي عقيدة
عديل يا زول
!!.......!!
بروتوكولات آل سخطون
نمرة واحد
معقولة بس دي تكون هضربة؟؟؟
راجعين....!!! |
|
Post: #2
Title: Re: حارة المساخيت (2) ما ساعلين ولا فاضيين
Author: حبيب نورة
Date: 11-13-2009, 10:07 PM
Parent: #1
مدخل ساخط
تفتكروا إبليس السارحة بناتو في نص شوارع
حلم الحلة .. ما بنات ناس ؟؟؟؟
إنتوا بورداب واللا مؤتمر وطني ؟؟
يا جماعة الراجل شدّة ما رباهِن وطبّعِن و شبّعِن
كمان علّمِن قيام الليل !!!!
انا غايتوا شايف إنوا السارح بي غنم إبليس
حقّوا يدوهوا جائزة الراعي المثالي من الدرجة الأولي
جنّي وجن غنماية الإشلاق !!
النهار كلوا حايمة تلقِّط في الورق زي المجنون
وساعة الحليب تلقاها عدمانة إسم النقيطة !!
قالوا في الأثر
بورداب إتنين إجتمعوا علي حب فلانة البرتكانة
شكلهم كدة عايزين يستنفذوا المخزون الإستراتيجي من باندويث
المشاعر بتاعا!
فقد حدثتني صديقي المرابطة خارج المضارب انها تعرّضت لحملة هكرز ضكر
نصحتها إنها تنزل في قلبها (أنتِي بورد)
|
Post: #3
Title: Re: حارة المساخيت (2) ما ساعلين ولا فاضيين
Author: حبيب نورة
Date: 11-13-2009, 10:08 PM
Parent: #2
حارة المساخيت
مساخيت سابّين الدين لي رمتالة الفكرة الغبشة
طالعين في نص الحصة
بي شبّاك الرفض
طًظ يا محكمة النقض
نحن بنعشق قولة لا .....
نتجاوز أيي رغيف معجون بي دقيق الزيف
وما ساعلين في أيي خريف
سارق كل ملامح الصيف
بنخمِّس سوا سجارة الوعد
ونقول يا لطيف
يا السالِّي السيف لي حلم الناس بي ضُل مترامي
من نخلة نبيلة وشجرة ليمون
باكر فاسك بكسِر راسك
يا كضاب من ساسك وراسك
أعرف باكر ليه عيون!
|
Post: #4
Title: Re: حارة المساخيت (2) ما ساعلين ولا فاضيين
Author: حبيب نورة
Date: 11-13-2009, 10:28 PM
Parent: #3
البت السمحة حلاتة
ما تشربي بي جبناتك وتحلّي بي قعداتك
في زيف جواك
أبقي حقيقة زمني الجاي
وغني معاي
دوّر بي حبيبي دوّر بي
ما تزيدي أساي
بدّيك قدوم في نص الشارع
تلقيني بصارع
إيقاع النبض البيك متسارع
بنادي عليا
تقوم بينا العربية تودينا للسادة
ناخد نفسين ....
وما تفتكري !
نحن الإتنين ادونا عين !!
نحن الصحرة الليها المطرة تصُب و تنقنِق
ونحن العتمة الليها الشمس بتشرق
ونحن
نحن الغنية الليها كراسي الحفلة تصفّق
والما بتصفق ما معانا
حنانا والصفقة ما مساعدانا!
|
Post: #5
Title: Re: حارة المساخيت (2) ما ساعلين ولا فاضيين
Author: حبيب نورة
Date: 11-13-2009, 10:31 PM
Parent: #4
التحية للجميل ياسر الصافي من السعودية
والأكثر جمالاً الأخ المحبوب من الامارات
علي مكالماتهم الجميلة
حقيقة أثلجتم صدري
|
Post: #6
Title: Re: حارة المساخيت (2) ما ساعلين ولا فاضيين
Author: عامر باضاوي
Date: 11-13-2009, 10:33 PM
Parent: #4
Quote: قالوا في الأثر
بورداب إتنين إجتمعوا علي حب فلانة البرتكانة
شكلهم كدة عايزين يستنفذوا المخزون الإستراتيجي من باندويث
المشاعر بتاعا! |
حلوه دي يا حبيب
تحياتي
|
Post: #7
Title: Re: حارة المساخيت (2) ما ساعلين ولا فاضيين
Author: حبيب نورة
Date: 11-14-2009, 01:52 AM
Parent: #6
باضاوي
تسلم يا جميل
حلوة
لكن تتصور مغسة شديدة
|
Post: #8
Title: Re: حارة المساخيت (2) ما ساعلين ولا فاضيين
Author: قاسم المهداوى
Date: 11-14-2009, 03:10 AM
Parent: #7
Quote: قالوا في الأثر
بورداب إتنين إجتمعوا علي حب فلانة البرتكانة
شكلهم كدة عايزين يستنفذوا المخزون الإستراتيجي من باندويث
المشاعر بتاعا!
فقد حدثتني صديقي المرابطة خارج المضارب انها تعرّضت لحملة هكرز ضكر
نصحتها إنها تنزل في قلبها (أنتِي بورد) |
يا عمك ولا يا شااااب ود نورة معزرة حبيب نورة ونورا
ههههههها بخ بخ بخ بخ ..... والله كنت فى غاية الضيق والزهج لكن وجدتنى اضحك
كما لم استمتع بالضحك من قبل ..... وفنزويلا والفوضى الخلاقة ,,, على وزن
الضحكة الفوضوية الجزابة .... ياخى مشتاقين يا يس ... وبس
قاسم المهداوى
هامش
قول لى فى الماسنجر ديل منو الاثنين ديل ؟؟؟ بتعاين البرتكانة الفرتكانة
|
Post: #9
Title: Re: حارة المساخيت (2) ما ساعلين ولا فاضيين
Author: حبيب نورة
Date: 11-14-2009, 03:38 AM
Parent: #8
| Quote: ههههههها بخ بخ بخ بخ ..... |
لا والله يا قاسم
الحركة بتاعة بخٍ بخٍ دي لذيذة
تشبه أبو الأمطار في حالة غيبوية ذهنية مؤقتة
Quote: هامش
قول لى فى الماسنجر ديل منو الاثنين ديل ؟؟؟ بتعاين البرتكانة الفرتكانة
|
لا دة يا عمك كان جبنا إسموا .. نقط نقط
المهم كدي خلينا هسة في الفوضي الخلابة
ياخي إنت!!
أدبك هبة وفيك موهبة وحسن الظبا وطبع الملوك
|
Post: #10
Title: Re: حارة المساخيت (2) ما ساعلين ولا فاضيين
Author: doma
Date: 11-14-2009, 03:48 AM
Parent: #9
Quote: يا السالِّي السيف لي حلم الناس بي ضُل مترامي
من نخلة نبيلة وشجرة ليمون
باكر فاسك بكسِر راسك
يا كضاب من ساسك وراسك |
|
Post: #11
Title: Re: حارة المساخيت (2) ما ساعلين ولا فاضيين
Author: حبيب نورة
Date: 11-14-2009, 04:47 AM
Parent: #10
ماما دومة ود حامد
يا ضو البيت
نعمل شنو مع بندر شاه الزمن
البخلي الفهم يهاجر من ٌأقصي الجنوب لأقصي الشمال
عوووووك
أنا مكتول في حوش بكري الزين
العرّس لي تمبوشتي
يحلّني من ديلا وديلا
|
Post: #12
Title: Re: حارة المساخيت (2) ما ساعلين ولا فاضيين
Author: قاسم المهداوى
Date: 11-14-2009, 06:01 AM
Parent: #9
عزيزى جدا
حبيب نورة
صباح جديد معبأ بكاسات الفرح الخرافى
ولكن :
| Quote: أدبك هبة وفيك موهبة وحسن الظبا وطبع الملوك |
ليه كدا .... عذبتنى حتى الثمالة
تعرف ... جاهدا احاول مكافحة الفوضى التى سكنتنى طوال اسابيع مضت ...
وها انا اتعافى ولكن ببط شديد ... واولى درجات التعافى هى الخروج صوب منتصف المدينة
تلك التى اضحت بلا مبرر ..... تقاطعات ذات الشوارع ومنعرجات الدروب التى كانت يوما ما تفضى
الى اهزوجة خلاقة او خلابة ....
حلات الاغماء والالتباس التى تسكننى واعيشها يوما بيوم وساعة بساعة لم تترك لى فرصة التامل
واكتشاف نصف الجمال الكامن جوه اسوار بعض الامكنة المعتادة .....
ثم ماذا بعد ؟؟؟؟!!!!! عذابات التلاقى وخرمجات النفس وفوضى الترابيز المشتتة هنا وهناك بلا سبب وجيه
قلنا ان اولى درجات التعافى هى اقتحام منتصف المدينة !!!!! عسى ولعل ان يفيض النيل باشكال تبدو مالوفة ولكنها لجد مختلفة
قاسم المهداوى
|
Post: #13
Title: Re: حارة المساخيت (2) ما ساعلين ولا فاضيين
Author: معاوية عوض الكريم
Date: 11-14-2009, 08:06 AM
Parent: #12
يا عمكـ
وين البخور والدلكه
الخلّن عقلي لكه ...!
|
Post: #15
Title: Re: حارة المساخيت (2) ما ساعلين ولا فاضيين
Author: حبيب نورة
Date: 11-15-2009, 04:24 AM
Parent: #13
Quote: يا عمكـ
وين البخور والدلكه
الخلّن عقلي لكه ...! |
معاوية الجميل
الدخاخين أظنها في إنتظار عودة أنثي محتملة
تحاول عبور ضجيج هؤلاء
|
Post: #14
Title: Re: حارة المساخيت (2) ما ساعلين ولا فاضيين
Author: حبيب نورة
Date: 11-15-2009, 04:22 AM
Parent: #12
Quote: ليه كدا .... عذبتنى حتى الثمالة
تعرف ... جاهدا احاول مكافحة الفوضى التى سكنتنى طوال اسابيع مضت ...
وها انا اتعافى ولكن ببط شديد ... واولى درجات التعافى هى الخروج صوب منتصف المدينة
تلك التى اضحت بلا مبرر ..... تقاطعات ذات الشوارع ومنعرجات الدروب التى كانت يوما ما تفضى
الى اهزوجة خلاقة او خلابة ....
حلات الاغماء والالتباس التى تسكننى واعيشها يوما بيوم وساعة بساعة لم تترك لى فرصة التامل
واكتشاف نصف الجمال الكامن جوه اسوار بعض الامكنة المعتادة .....
ثم ماذا بعد ؟؟؟؟!!!!! عذابات التلاقى وخرمجات النفس وفوضى الترابيز المشتتة هنا وهناك بلا سبب وجيه |
المهداوي
الكلام دة ملفوف بعناية معتبرة
ياخي دة لقطتوا من ياتو نفاج
وقول لي كيفن أدخلك؟
عارف
ذكرتني حاجات لابدة
أو مركونة تحت فوضي الترابيز المشتتة هنا
وهناك
حيث كنا نتساقي الهبة الربانية
في إحتياج
ولكنها كانت دائما توافقنا علي الرفض
بربك
من الذي ألهمها اللاءات الثلاث؟
|
Post: #16
Title: Re: حارة المساخيت (2) ما ساعلين ولا فاضيين
Author: قاسم المهداوى
Date: 11-15-2009, 06:39 PM
حبيب نورة
تحايا بحجم الكون واتساع الفضاء
Quote: لمهداوي
الكلام دة ملفوف بعناية معتبرة
ياخي دة لقطتوا من ياتو نفاج
وقول لي كيفن أدخلك؟
عارف
ذكرتني حاجات لابدة
أو مركونة تحت فوضي الترابيز المشتتة هنا
وهناك
حيث كنا نتساقي الهبة الربانية
في إحتياج
ولكنها كانت دائما توافقنا علي الرفض
بربك
من الذي ألهمها اللاءات الثلاث؟ |
تذكر ذات مساء طلبت منى ان اركز واترك التشتت جانبا ( الفوضى الجذابة ) وها انا افعل
برجع ليك فى زمن جااااى
قاسم
|
Post: #17
Title: Re: حارة المساخيت (2) ما ساعلين ولا فاضيين
Author: حبيب نورة
Date: 11-15-2009, 06:49 PM
Parent: #16
| Quote: ( الفوضى الجذابة ) |
وأنا راجيك
في الفوضي الخلاقة
!
ومعاي فلانة البرتكانة
|
Post: #18
Title: Re: حارة المساخيت (2) ما ساعلين ولا فاضيين
Author: ناصر احمد الامين
Date: 11-15-2009, 07:05 PM
Parent: #16
البت السارحة نزيف في خلق الله
و فوق خلق الله سحابة فقيرة و مطرة عويرة و غيمة ليل
غيمة الليل ما بتنشاف .. بس تنشم زي عشبة نيل
اعشاب النيل رويانة نضيرة .. بس النيل غدار .. لمن يخمخم وجع الناس
تبقي البت معجونة بوجعة ... و سارحة نزيف في موجة نيل.
حبيبنا .... تحياتي
|
Post: #19
Title: Re: حارة المساخيت (2) ما ساعلين ولا فاضيين
Author: حبيب نورة
Date: 11-15-2009, 07:11 PM
Parent: #18
Quote: البت السارحة نزيف في خلق الله
و فوق خلق الله سحابة فقيرة و مطرة عويرة و غيمة ليل
غيمة الليل ما بتنشاف .. بس تنشم زي عشبة نيل
اعشاب النيل رويانة نضيرة .. بس النيل غدار .. لمن يخمخم وجع الناس
تبقي البت معجونة بوجعة ... و سارحة نزيف في موجة نيل. |
ناصر الأمين
بتكون قاصد البت الدقّت باب الزمن الجاي
البت التصدح زي الناي
لكن علي فكرة
أنت شكلك بتحب نورا من وراي!
كلامك دة فيه تفاصيل خفيّة لي نورة ظاهرة علي آخر توقيعي
غايتو تتجازي وتاخد الإجازة
|
Post: #20
Title: Re: حارة المساخيت (2) ما ساعلين ولا فاضيين
Author: ناصر احمد الامين
Date: 11-15-2009, 07:33 PM
Parent: #19
Quote: ناصر الأمين
بتكون قاصد البت الدقّت باب الزمن الجاي
البت التصدح زي الناي |
بس ... ياها
لما تسمع كلام يخلعك في ونسة عادية. و تشيل افكارك و تسافر بيها ... يمين و شمال ترازي الرجعة.
لمن تكون متوقع شهقة و بسمة لذيذة .. تظهر فجأة في غير معناها. لما الهمسة تجيك مرمية بكل شتارة و ما فارقة معاها.
لمن يكون احساسك انك امير و متوقع صدمة عنيفة في اقرب لحظة ..... هي شنو ؟؟ ما عارف.
لمن تجيك تجرجر توبها الاكبر منها .. و سايله لعابها حلاوة. و تقول ليك : كيف بقيت الليلة؟؟؟
قعدت ...ختت يدها في جبهة حمي ... سخانة شديدة .... اتضايرتا تمهل قعدة.
ريحة مطرة و عجاجة خفيفة .. و باقي اكل و ريحة ريحة.
بس ... ياها
|
Post: #23
Title: Re: حارة المساخيت (2) ما ساعلين ولا فاضيين
Author: حبيب نورة
Date: 11-16-2009, 04:34 PM
Parent: #20
brb
masghooool
thanxxxx
|
Post: #21
Title: Re: حارة المساخيت (2) ما ساعلين ولا فاضيين
Author: ابراهيم الصغير
Date: 11-15-2009, 08:08 PM
Parent: #16
الرائع حبيب نورة...
والتاني ...
قاسم المهداوي ...
سخطونا معاكم ... وخليتونا (نهضرب)
|
Post: #22
Title: Re: حارة المساخيت (2) ما ساعلين ولا فاضيين
Author: ابراهيم الصغير
Date: 11-15-2009, 08:16 PM
Parent: #21
السختة هي قصقصة لجنحين الهضربة الطايرة و أبدالها
بالحلم المجنَّح !!
لمن الظروف تكون (نِبلة) في أيدين شافع ود لزينة!
تنقض مشاط أحساسك و تنكش شعورك
تعيد تسريحتك و تسريحك !!
............................
دي احلي يا حبيب .....
في انتظار هضرباتك ....
لحدي ما نجيك ب(هضرابتنا ) نحن
|
Post: #24
Title: Re: حارة المساخيت (2) ما ساعلين ولا فاضيين
Author: قاسم المهداوى
Date: 11-17-2009, 09:32 PM
Parent: #22
حبيب نورة
او يس
ومضات براقة تغريق السلام
Quote: المهداوي
الكلام دة ملفوف بعناية معتبرة
ياخي دة لقطتوا من ياتو نفاج
وقول لي كيفن أدخلك؟
عارف
ذكرتني حاجات لابدة
أو مركونة تحت فوضي الترابيز المشتتة هنا
وهناك
حيث كنا نتساقي الهبة الربانية
في إحتياج
ولكنها كانت دائما توافقنا علي الرفض
بربك
من الذي ألهمها اللاءات الثلاث؟ |
و... شاطىء اسكندرية
كيف انت
اتشارك ونصف حاجياتى شط استانلى واخر حتة فى افريقيا شمالا
البنيات يتفوضجن جئيا وذهابا ... واخر يهمس ( اكيد فى حالة عشق )
والبعض جاهرين ... ضحكات تعلو وتهبط ... ( الباحثين عن الحب واللاحب .. هكذا اتخيلهن
ولكن
ملفوف الكلام وغتغتة الحروف والمفردات
اشياء تعلمناها منذ نعومة الاظافر
انو قالو الحب حراااام ... ياخى معقولا بس فى ناس ذى ده
المجاهرة والمشاهرة ... قد تفضى بك الى التابوت الخشبى ... رقم
ده ممكن تخطب وتعرس او تتاهل اجتماعيا ... فلان عرس بت ناس فلانة ..!!!
وعزرا لهذا البوح
لمن كل هذا الجمال .... بسمة ... نظرة ... ولا ترحم حالى ؟؟؟؟ ثم اتكآآآءة على
حجر معسل او ما نسبتة عشر فى المائة ... وفوضى الحواس والرقب غائب عنا ...
اجمل ما فى الوجود انك تحب والبوليس يحرس حبك هذا ... لانك ببساطة تحب وبس ... ولا كيف
تحكى وتروى وتنبشك حتى تنفرج اساريرك وبياض انياب النمر ... بقية التمركز ...
واقتراب سويعات النصر ... وفاجأنى النهار رقم عتمة المكان ؟؟؟
ثلاث لا آآآت
لا ولن ولم ؟؟؟؟ لا وحبك ... لن اكون لك ... لم اجدك كما تخيلت ... او حضرت ولم اجدك
فى الغالب الاعم هى كذلك ...حضرت ولم اجدك ... وصعب انك تجبص لى فى محيط يتسابق فيه
الكل صوب انثى النمر .. كل عشرة يتسابقون ... او ما نسبته ثلاثة عشر الى واحد ...
والقيامة ربطت ؟؟؟ وكان شاطر تعال الاول ....
ده اسمو التعب الخرافى ذاتو ؟؟؟
ثلاث حلقات حلزونية الشكل والتكوين ... بلا مخرج اومنفذ .. للمخارجة
الخوف الطبيعى ... والخوف الموروث ... التخويف ... والتخوين ...
الكل هنا ... هكذا دون سابق معرفة او اكتشاف ... تلك هى القاهرة
السوداناوية ... او ناس القاهرة ...
وكمثال توضيحى ... حصل مرة سمعت احدهم يقول للاخر ياخى بطل حركات ناس القاهرة دى ...
داخل اطار الموضوع
قصة قصيرة واقعية :
ذات نهار كنت فى متتصف المدينة ...
عرجت صوب اللامكان ... المعبد البوذى ...
وكان الكلام على اللون ... تصافحنا وتعرفنا
تجمعنا افريقيا ... منتصف افريقيا شرق ووسط
ولكن :
حصل لى مقص ممن اعرفهم لامن انا ذاتى اتكيفت من المقص
ومذ ذلك اليوم ... والغزال ما زال شاردا ... دون اى اجابات
فيما بعد علمت بان الخوف او التخويف الموروث طغى على الخوف الطبيعى ..
وبرضو للانسانية مكان فينا وبيننا ... هنا الكل خبير فى تفكيك وتعرية الاخر
واصدار الاحكام ... بدون اى سبب وجيه فقط لانو مكجنك وبس ... تخيل وبرضو .. باكر ضواى
فيما بعد علمت من ذات الشرق ووسط افريقية بانها كانت مخدوعة وكانو بيستنتجو فيها ..
من انتاج ... منتج الفلم هو الذى يقوم بالصرف على الممثلين .. شوف كيفين الكمنجات
بيستنتجو فى بعض ... وبتشويه الاخرين ... فكرة ابسط من ان تتخيلها .. اولى اللاآآت
معزرة ياخى ممكن احتفظ بالباقى ... الفكة ....
قاسم
|
Post: #25
Title: Re: حارة المساخيت (2) ما ساعلين ولا فاضيين
Author: قاسم المهداوى
Date: 11-19-2009, 10:17 PM
Parent: #24
حبيب يا نورة اونورا
ابدا
وكتين يضيع عرق الجباه الشم
شمار فى مرقة آه يا نورة آآآه
ولكن
Quote: بربك
من الذي ألهمها اللاءات الثلاث؟ |
فى انتظار قدومك
وبس
ترى اين انت يا صديقى
قاسى المهداوى
|
Post: #26
Title: Re: حارة المساخيت (2) ما ساعلين ولا فاضيين
Author: الفاضل يسن عثمان
Date: 11-19-2009, 11:31 PM
Parent: #25
حبيب نورة
ابداعك مغلف بسلاسة مجضمة،ولغة مستخدمة مبسطة،وبناءك الدرامي
يمتلي حوارا وحضورا.
نحن نشتهي مثل هذا الابداع،واصل يا صديقي.
مودتي
|
Post: #28
Title: Re: حارة المساخيت (2) ما ساعلين ولا فاضيين
Author: حبيب نورة
Date: 11-20-2009, 04:23 PM
Parent: #26
الفاضل الفاضل
Quote: ابداعك مغلف بسلاسة مجضمة،ولغة مستخدمة مبسطة،وبناءك الدرامي
يمتلي حوارا وحضورا.
نحن نشتهي مثل هذا الابداع،واصل يا صديقي. |
ياخي كتّر خيرك يا عسل
تسلم والله علي المرور الجميل
شكرن كتيرن!
|
Post: #27
Title: Re: حارة المساخيت (2) ما ساعلين ولا فاضيين
Author: حبيب نورة
Date: 11-20-2009, 04:21 PM
Parent: #24
قاسم الذي كان فيما مضي مهداوياً يرتدي قبة خضراء
و أسطورة تدعي جلابية أنصارية
بعيداً عن ما يحدثه مرور الشارلستون في نفسية درويش مخضرم
سلام مؤقت
نص وصورة
أعجبني هذا البوح
الذي يتطاول ويتسامي
ويستعرض أشيائه مداً وجزراً
كما تحدثه آخر موجة تنزف من خاصرة أفريقيا
أسكندرية
التي تتسكع عارية علي شاطي البحر
ولا تبالي بآلاف العيون التي تحدق في جسدها
المبارك
الذي باركته لعنات اليابسة
حسداً لأنها لا تستطيع أن تستحم من البحر
كما تفعل
إسكندرية
مهداوي
يجب علينا الإستفادة من حالة الفوضي الذهنية
التي تحاصرنا
أنا حالياً في غيبوبة
لا تنتمي إلي
ولكنها مسروقة من التسكع مع هذا المسمي
مطر قادم
رد الله غربته!
بجيك راجع
|
Post: #29
Title: Re: حارة المساخيت (2) ما ساعلين ولا فاضيين
Author: قاسم المهداوى
Date: 11-21-2009, 06:12 AM
Parent: #27
سلامات
وسلامات احدى القبائل السودانية
ولكن
Quote: مهداوي
يجب علينا الإستفادة من حالة الفوضي الذهنية
التي تحاصرنا
أنا حالياً في غيبوبة
لا تنتمي إلي
ولكنها مسروقة من التسكع مع هذا المسمي
مطر قادم
رد الله غربته!
بجيك راجع |
عارف يا حبيب
جئت الى هذه الدنيا كما قيل لى بعد معاناة
... ولد ... بنت ... ولد ... بنت ... كانت حشراتى
مدسية ... ليه والله ما عارف .... من بعد اقتنعت بانى
كمنجاوى ... اعيش واعشق كل كمنجة جميلة ومتفردة ...
فوضجى ... متفوضج ... لا ادرى ما شئت سم وبس
معزرة
ممكن اجيك فى زمن تانى ....
فوضى النعاس تعبث بى ومعى وتحرضنى على مكافحة الجلوس والتعامل مع الكى بورد
وانا لها
يلا
يوم باكر
سلام مؤقت
قاسم
|
Post: #30
Title: Re: حارة المساخيت (2) ما ساعلين ولا فاضيين
Author: حبيب نورة
Date: 11-21-2009, 07:11 PM
Parent: #29
| Quote: فوضى النعاس تعبث بى ومعى وتحرضنى على مكافحة الجلوس والتعامل مع الكى بورد |
وانا تحاصرني فوضي الحضور
ونيكوتين المقهي الضيق
حسب ما تسمح به قوانين منتصف المدينة
برجع ليك أكيد
|
Post: #31
Title: Re: حارة المساخيت (2) ما ساعلين ولا فاضيين
Author: قاسم المهداوى
Date: 11-22-2009, 07:06 PM
Parent: #30
حبيب يا نورة
صباح الخير بالليل
| Quote: وانا تحاصرني فوضي الحضور |
كان الحضور انيقا ... ومزركشا
برازيلى الطابع احيانا ....
كانك فى شواطىء ريودى جانيرو .... عبر الخيال
لحظات الجلوس تهبط المدينة والشوارع .... حالات استرخاء علها تطول
ولكن :
اكره مقاطة التيلفونا ت ... السرد ... الحكى .... لعثمة فى مخارج الكلمات
من شنو يا ربى .....
عارف الكهرباء بوظت حتى الغناء ... ساوند سيستمر ... واى صوت منشز بيلاقى ليهو فرقة
زى ما بيقول الجماعة ... العولمة واثارها السلبية على بعض الانسانيات ... ونها العلاقات ..ز الاكثر خصوصية
.... خرمجة .... وبس
قاسم
|
Post: #32
Title: Re: حارة المساخيت (2) ما ساعلين ولا فاضيين
Author: حبيب نورة
Date: 11-22-2009, 11:04 PM
Parent: #31
Quote: كان الحضور انيقا ... ومزركشا
برازيلى الطابع احيانا ....
كانك فى شواطىء ريودى جانيرو .... عبر الخيال
لحظات الجلوس تهبط المدينة والشوارع .... حالات استرخاء علها تطول
ولكن |
قاسي
المساسقة ما بين هنا
وهناك
أو التسكع وسط طرابيظ الحرية
و ممارسة النفاق مع الكبابي والكاسات المسفوكة الخمر
جعلني في غيبوبة ذهنية
سأختار في المرة القادمة
طربيظة لا تذكرني بها
ولا تعيد حقني بأدرينالين إشتهاء ضحكتها المراوغة
هناك رفاق غارقين في فوضي الحرية
ينتظروني
سنعود أكثر لاوعياً
|
|