Post: #1 Title: يعني نحن ما ناسك يا مُحي الدين جبريل!؟ Author: حبيب نورة Date: 09-02-2009, 05:09 AM Parent: #0
الجميل مُحيِ الدين جبريل
إهداء حتة كدة!!
الزول البِفِش غبينة الصحرة خدار و بلاد المطر الكان من غير ميعاد
.... طريتك وصلاح الضي في صينية جغرافية المسافات واحد حنين و صلّحوا ! جبخانة الدموع تهنضب نوم عيونك سهر وحسّك بناغِم في شوقك للبنيّة الضحكة وهي مشغولة عنك بي حتّة كراميللا وبالونة تطرشق زي حلم منفوخ بي وهم كضّاب ....
كنا أتنين التالت كان جناح مطرة مفرور في سماك نخلة ولمّن جيت طارت فر قمرية عديمة شغلة مفتكرة إنو غراب سنة رابعة غافل من صوتها وهي بتمدح في نبي الغنا وتنقُر في طار ريش جناحا وتقول
نحن ما ناسك .. ما ناسك نحن ما ماناسك شبابك نحن ريدتك نحن ما عمرك نحن ما عمرك ....
تفتح في شباك عليك تعاين لي حلم أتعتَّر في شارع بتلفّت ليك زرّيت في نص السكة زازيت في آخر الخطوة شان تلقي الممشي والشارع حالف ما يتغشّي ... وانت تغالط في المنفي والبت الضحكة وتسأل نحن ما ناسك !! ما نحن الوعد الفرهد هسة !! ما نحن الحلم الما بتدسّي ؟؟ .... نحن ما ناسك !! مالك بتتغير يا شوق !! بتخلف الميعاد عشان قلت والله بحبوني ؟ عشان خاطرنا ترجع .. نحن ما ناسك !!
Post: #2 Title: Re: يعني نحن ما ناسك يا مُحي الدين جبريل!؟ Author: حبيب نورة Date: 09-02-2009, 05:11 AM Parent: #1
أبو آمنة حامد صلاح الضي نحن ما ناسك !
لو بتلقى زول بحبك زينا زول بشيلك في عيونو وفي ضلوعو وفي دموعو في ابتاسمتو وهناهو في شجونو ما بنعاتبك لو بتلقى ما بنعاتبك ياما جيناك وياما بابك لوبحس دقات قلوبنا كان حكالك كان بكالك نحن ما ناسك .. ما ناسك شبابك نحن ريدتك ونحن ماعمرك ليه بتهدم انت في لحظة تجنى البنيناهو في عمر مخضر طويل الدموع في عيونا تتحجر عشانك ما بتسيل وقدر ما نحاول نشيل همك بتتمرض قلوبنا وما بتشيل نحن ما ناسك .. ماناسك انت ما علمتنا الحب بسمة صافية فيها عزة وفيها بهجة بتسجير بعاطفة دافئة نحن عشناها بشعورنا وبعواطفنا الرحيبة انت ما ضيعت أرواحنا في صحارى التيه ما ترجع تجيبها لية تلوعنا وتسيبا ليه
Post: #3 Title: Re: يعني نحن ما ناسك يا مُحي الدين جبريل!؟ Author: حبيب نورة Date: 09-02-2009, 05:52 AM Parent: #2
يا جماعة بفتش في الغنية
وبي صوت الرائع الضي
ساعدونا
Post: #4 Title: Re: يعني نحن ما ناسك يا مُحي الدين جبريل!؟ Author: حبيب نورة Date: 09-02-2009, 06:21 AM Parent: #3
ياخي لسة ما لقيت الغنية يا باشا كدي أتصبّر بي دي لحدي ما نتصرف في القصة دي
مسدار المطرة الكبّت شو
ما دقت باب ما قالت كو المطرة مُلاح الباتن قو ما قالت كيف لا قالت لو بس كبّت شو بس مرقت شو لا بتفهم ريح لا بتعرف نو لا خافت ليل لا هابت ضو من إيد الرب القالِك سو
مسدار المطرة الكبّت شو
بتمد للمحل البنبح هو بتكيل للحر الساكن الجو بي برقاً شالع بضرب رو بي رعداً كاسر بضرب كو
مسدار المطرة الكبّت شو!
نمّت.. نظمت... مسدار قمحة
خطبت بالخير .. فاطمة السمحة حضنت غابة وروت الجو فهمك للدنيا نخيل وخدار رايك في النيل ما بتلولو مشوار النور في شارع الضي
مسدار المطرة الكبّت شو لا شحدت كسرة ولا صفقة ولا طنُّوب من لبن الضو مرقت حفيانة تقابل الضيف قدلت بي سيف مدّت ماعون .. وقدت كانون كيل يا مكائيل .. وافر بالحيل معطون في الخير
مسدار المطرة الكبت شو ما دقت باب ما قالت كو المطرة ملاح الباتن قو !!
تعديل إنطراري
Post: #5 Title: Re: يعني نحن ما ناسك يا مُحي الدين جبريل!؟ Author: saber alhawatti Date: 09-02-2009, 10:35 AM Parent: #4
العزيز / حبيب نوره
رمضان كريم
معليش المعزره جيت ناطى ..
عشان أقول ليك رمضان كريم
وأنا كنت فى زيارة القاهرة خلال أيام
عملية الأخ/ بهاء عيسى وفى الحقيقة أنا عرفت بالعمليه
من خلال البوست بتاعك ـ وقمت بزيارة الأخ/بهاء فى العناية بمستسفى إبن سينا ولسوء حظى عرفت
من بهاء إنا خرجت قبل عشرة دقائق ـ وعدنى الأخ/بهاء بترتيب لقاء معك بعد خروجه
من المستفى كماوعدنى بالإتصال لكنه لظروف لم يستطيع فعاودت الإتصال به مرة أخرى
للإطمئنان عليه و برضو وعدنى مرة أخرى لكن ظروفه لم تسمح
أخى حبيب تعارفنا أنت وبهاء وأنا والبقيه إسفيريا ويبقى أن نلتقيكم يوما من الأيام
الآن عدت لمقر عملى بالسعوديه وبإذن الله خلال الأسبوع القادم لنا عوده للقاهرة مرة أخرى
نأمل اللقيا تحياتى لك ولكل الإخوه
Post: #6 Title: Re: يعني نحن ما ناسك يا مُحي الدين جبريل!؟ Author: baha eassa Date: 09-02-2009, 10:47 AM
صابر الحواتي .. رمضان كريم وكل سنة وانت بالف خير .. .. النايم والعيان وخاصة الطالع من العناية مرفوع عنكم القلم عشان كدة لك المعذرة وكلمت حبيب نورة في حينه ولكن ظروفه وظروفي كانت مرتبكة وان شاء الله المرة القادمة تلقانا مع بعض في انتظارك خاصة واننـي والحمد لله الان خارج غرف المرض .. يعني في الشارع .. في انتظارك يا رجل ياجميل ..
------------------- حبيب نورة مالك فاتح طاقة حلوة للزول القامة محي الدين جبريل ؟؟ الزول دة والله يستاهل كتير .. ..
Post: #7 Title: Re: يعني نحن ما ناسك يا مُحي الدين جبريل!؟ Author: ممدوح أبارو Date: 09-02-2009, 11:36 AM Parent: #6
حبيبها سلام يغشاك متل كلامك الكبار كبار دا
بهاء حمداً لله علي سلامتك ياراجل
Quote: حبيب نورة مالك فاتح طاقة حلوة للزول القامة محي الدين جبريل ؟؟ الزول دة والله يستاهل كتير .. ..
محي الدين شهادتنا فوقو مجروحة تب
علا برضو ...............
كان ما رمضانك ده كان قلت ليك : خلي المسنوح في حالو طاقة تطقو في صنقورو)
Post: #11 Title: Re: يعني نحن ما ناسك يا مُحي الدين جبريل!؟ Author: حبيب نورة Date: 09-02-2009, 03:51 PM Parent: #7
ممدوح أبارو زول بيفتح الروح ضلفتين!
والغريبة بعد دة كلو.. شوقي ليك لسة ف محلو ومدّر مدّر يا رواسي..
Post: #12 Title: Re: يعني نحن ما ناسك يا مُحي الدين جبريل!؟ Author: محي الدين جبريل Date: 09-02-2009, 03:54 PM Parent: #7
Post: #9 Title: Re: يعني نحن ما ناسك يا مُحي الدين جبريل!؟ Author: حبيب نورة Date: 09-02-2009, 03:47 PM Parent: #6
بهاء الجميل او بهاء أخوي في رواية لبوردابية شهيرة
Quote: حبيب نورة مالك فاتح طاقة حلوة للزول القامة محي الدين جبريل ؟؟ الزول دة والله يستاهل كتير .. ..
ياخي الزول دة نفاج الزمن السمح عشان كدة بنفتح كل الطاقات عليه وبنمد في السكة
ومدّر مدّر يا رواسي...
Post: #18 Title: Re: يعني نحن ما ناسك يا مُحي الدين جبريل!؟ Author: محي الدين جبريل Date: 09-02-2009, 04:57 PM Parent: #6
بهاء عيسى شيخ السمحين فى القاهرة
أجمل حاجة الواحد إطمئن عليك ...
ربنا يخليك للولاد ديل
Post: #8 Title: Re: يعني نحن ما ناسك يا مُحي الدين جبريل!؟ Author: حبيب نورة Date: 09-02-2009, 03:38 PM
Quote: رمضان كريم
معليش المعزره جيت ناطى ..
يا حواتي
كل سنة وانت طيب ربنا يديك العافية ومالوا تجيني ناطي ..طوالي يا جميل أنشاء الله تنط لي في رقبتي مرحب بيك وفي إنتظار عودتك مرة أخري شكرن كتيرن!
Post: #10 Title: Re: يعني نحن ما ناسك يا مُحي الدين جبريل!؟ Author: محي الدين جبريل Date: 09-02-2009, 03:48 PM Parent: #1
حبيب نورا
ياااخ مالك ياااااخ ....
أنا لسة مندهش ، وما قادر أركز ...
لسة دهشة لمتكم الحلوة مسيطرة على ... تجى تتمها بكلامك دا ؟؟
وكمان معاه صالح الضى ؟؟
خاف الله علينا يااااخ ...
Post: #13 Title: Re: يعني نحن ما ناسك يا مُحي الدين جبريل!؟ Author: حبيب نورة Date: 09-02-2009, 03:58 PM Parent: #10
محي الدين خاف أنت دة! علي اليمين وانا بكتب وشوية نعاس يجرجر فيني لي إشتهاء سرير حسيت إني بكتب في مشروع حلم صاحي وحلفت الحروف كان تنيخ باقي الحاجات المدسوسة في حشا الفكرة جيتك مكتّح بي شوية ضريرة من باقي قيدومة فرح قديمة و تاكل حيلي علي جريدة نخل وبلوك في باقي غنية وسيّرو والعديلة عاملة فيها صولة في سلم الشوق الخماسي يعني دايرة تزعِّل مننا صلاح الضي ونحن من كم و أربعين سنة بنعاتب فيه وبنسأل! نحن ما ناساك ما ناسك نحن ما ناسك ما ناسك!
يعني عامل تقيل يا مطر!!!
بين قوسين مسعول من الخير!
الفاصل المداري هسة بكون وصل وين ؟
Post: #14 Title: Re: يعني نحن ما ناسك يا مُحي الدين جبريل!؟ Author: محي الدين جبريل Date: 09-02-2009, 04:13 PM Parent: #13
حبيب نورا ياااخ إنت والله قاصدنى عددييييييييل
بعد الجهجهة العملتها فينا دى تجى تتمها بالمجنونة دى يا مجنون ...
أصبر بجيك بصالح الضى هسى
ياااخ خليتنى أتنخج عديييييل
Post: #15 Title: Re: يعني نحن ما ناسك يا مُحي الدين جبريل!؟ Author: محي الدين جبريل Date: 09-02-2009, 04:17 PM Parent: #14
يلا ياحبيبنا
ما نورا براها
Post: #16 Title: Re: يعني نحن ما ناسك يا مُحي الدين جبريل!؟ Author: حبيب نورة Date: 09-02-2009, 04:41 PM Parent: #14
الظاهر دة أسبوع النجاض في البورد
عفيت منك يا محي الدين
بفضي و اديها نفضة وبجي احكي ليك شوية ذكريات عن الغنية
Post: #17 Title: Re: يعني نحن ما ناسك يا مُحي الدين جبريل!؟ Author: محي الدين جبريل Date: 09-02-2009, 04:47 PM Parent: #16
Quote: وبجي احكي ليك شوية ذكريات عن الغنية
حبيبو
راجيك وكلى إحتشاد...
Post: #19 Title: Re: يعني نحن ما ناسك يا مُحي الدين جبريل!؟ Author: يوسف الخضر Date: 09-02-2009, 05:01 PM Parent: #17
Quote: راجيك وكلى إحتشاد...
ياسلام عليك يامحي..
Post: #20 Title: Re: يعني نحن ما ناسك يا مُحي الدين جبريل!؟ Author: محي الدين جبريل Date: 09-02-2009, 05:07 PM Parent: #19
يوسف الخصر
ماتنسى إمام الجامع معاك
عليك البينى وبينك ....
سمح ؟
Post: #21 Title: Re: يعني نحن ما ناسك يا مُحي الدين جبريل!؟ Author: يوسف الخضر Date: 09-02-2009, 05:17 PM Parent: #20
سمح.. وحلو.. وزين.. وسوداني انت يامحي.
Post: #25 Title: Re: يعني نحن ما ناسك يا مُحي الدين جبريل!؟ Author: محي الدين جبريل Date: 09-03-2009, 02:43 PM Parent: #21
Quote: وزين.. وسوداني انت يامحي.
وأم تى أن
وكنار
وتبلدينا
وهالة حسن
يوسف : طمئنا على صحة الخالة
Post: #23 Title: Re: يعني نحن ما ناسك يا مُحي الدين جبريل!؟ Author: حبيب نورة Date: 09-03-2009, 03:53 AM Parent: #19
يا سلام شنو يا يوسف
انت ما تحتشد !!
او أنبثق أو أندفق!!
كوِّن نفسك ياخ
Post: #22 Title: Re: يعني نحن ما ناسك يا مُحي الدين جبريل!؟ Author: حبيب نورة Date: 09-03-2009, 03:51 AM Parent: #17
محي الدين أصبر لي
بس خليني أرفع العفش
والوعد بينا النجاض نجاض قبورة
Post: #24 Title: Re: يعني نحن ما ناسك يا مُحي الدين جبريل!؟ Author: محي الدين جبريل Date: 09-03-2009, 02:33 PM Parent: #22
حبيب نورا... والله إنت قاصدنى مع سبق الإصرار والترصد ...
وبعدين
Quote: والوعد بينا النجاض
نجاض أكتر من الحاصل ده ...
صورة البروفايل الجديدة دى ح تجهجه زعيم الحقد الطبقى سفيان نابرى
ح أمشى ليهو فى بوست المجنونة وود الموج
أحححححححححححححححححححححح
Post: #26 Title: Re: يعني نحن ما ناسك يا مُحي الدين جبريل!؟ Author: حبيب نورة Date: 09-04-2009, 02:22 PM Parent: #24
ود جبرين صورة البروفايل غيرناها باقي جابت لي الهوا لكن جناح ود شيقوق المنشق خلاس قرضناهو قرضو بلا
يخوي الليلة انت برة الملاعب مالك!
عسي ما شر!!!
Post: #27 Title: Re: يعني نحن ما ناسك يا مُحي الدين جبريل!؟ Author: محي الدين جبريل Date: 09-18-2009, 11:14 AM Parent: #26
حبيب نورة .... يافيروس المواجع ...
والله رسالتك وصلتنى أمس 4 صباحا بتوقيتنا طبعا...
إتخيلتك إنت والشلة نازلين من قهوة يعقوبيان ... وتيرمومترات الإنبساطة عندكم طالعة فوق فوق للسماء ..
