Post: #1
Title: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 07:40 AM
Parent: #0
| Quote: البعض يفضله: (سودانييز خور لاين) |
لا وانت الصادق !!
الكل يفضلهُ عكاكيز أون لاين!!
وبما أنو في ناس لسة بتمارس الضهب الأسفيري
بجهادية
وتفاني
وحميّة
وتقاتل كمن يطلب النصر أو الشهادة !!
فصبراً آل طارق
فأن موعدكم الصفحة التالتة!!!!
البوست دة زكرني قصة عشة دكوة
دي كانت ولية سباحة
علي وزن نباحة
عدلت للضرورة الشعرية
وراجلا آدم بصل
كان ببيع الطماطم في سوق العشش
كانت جوة البيت تحلف تقول الحمامة المجنحة
لكن برة لا حولا لا قوة
الساعة التردح ليك فوقوا
وكيلك الله القيامة تقوم في عشش فلاتة و العشوائيات المجاورة!!
بقوم بقول ليها
سبرِك يا أشة!!
أشة كبريت ؟؟؟ هيييييييييييي يكه!
وهياة ديني في البيت أطقطق هنانك ذاتو !!!
علي اليمين أنا كنت قايل البورد دة خططوهو
ووصلوا الكهربة والموية
ما قايل في أفكار بتولع بي لمبة حبوبة ونسيني
و لسة بتنشل الفكرة بي الدلو!!
جنس معاناة
أصلي ما بسألكم!!
يا جماعة انتوا بسط الأمن دة ما شغال
واللا يجيبوا ليكم قوة تدخل دولي !!
ــ
الفكرة
أنو أشة
ما تبقي أشة كبريت
ليه ما تبُق رتينة
وآدم بصل
ما يبيع الطماطم المفجخة
لو في امكانية صلصة !!
وردحي عشش فلاتة
والبوستات المجاورة
دة يخلوها
وبعدين غايظاني قصة البورداب المؤلفة بوستاتهم
والعاملين عليها
وفي الرقاب
ديل بستحقوا ذكاة العشر !!
علي اليمين البورد دة يدخلك الجنة بي مزيكة فرقة حسب الله
والملايكة يضربوا ليك تعظيم سلام
و أنتي يا المنططة عينيك
يا أشة
أعملي حسابك
عزرائيل عامل ليك كمين !!
|
Post: #2
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 07:57 AM
أمك!!
فقد المنتِق!!
تضامناً مع حالة الردحي والسبحي والنبحي
وتجاوزاً
لماورائيات الأشياء
الملكولة في القفا
بي شلوت الزمن المتواطئ مع الهم الردوم
فعليه..
وجب سرد قصة .. فلانة السيسبانة
زمان كانت فلانة البرتكانة
لكن لعوامل فيسيلوجية
وبارا سيكلوجية
وسادية بتمارس مازوسيشيتها علي نفسها
وعلينا
وبقيت زي اللاعب الكيشة
البعمل ضربة جزاء مع نفسو
انا غايتو لو في مكان الحكم
كان عديتها رمية تماس حرة مباشرة
وسير سير يا سمير
سمير دة كان صاحبي الحيطة بالحيطة
ما فرقتني منو
الا بت جيراننا الحلفاوية
والزمن داك
نورة كانت جغمة برتكان
ترطب حيرقان المسافات
حلم سغمبروتي
وقدر قدة كدة!!
كدة دي حسب مقاييس ناس الآيزو والمواصفات والجودة
رشحوها للدخول في موسوعة حسس للأرقام القياسية
في حجم الضهب!!
سمير
يا ود يا سمير يا صُغيِّر
مالك ياخوي
ياخي ما داير معاك أيي خوة!!!
في شنو يا ود أمي؟؟
ياخ انا امبارح قلت لي صاحبتك دي تعالي قابليني بعد صلاة العشاء وما جات!!
شوف البليد دة !!
في زول بواعد بعد صلاة العشاء؟؟
يعني لو الأمام بتاع جامعكم دة داير يثبت ليكم أنو حافظ سورة البقرة!!
يا عمك دة منظر جبان منك!!
يعني شنو ؟؟ انا حرضتها قلت ليها ما تجيك ؟؟
بتعملا انا عارفك حاقد علي!!
كان كدي أقول ليك حاجة , انا الزولة دي ناديتها وكلمتها في اضانها اليمين
قلت ليها لمن تمرقي وتحومي في عشش فلاتة
لو حصلت أيي مغارز البقيف معاك منو؟؟
وانت يا سمسم جنك حوامة في العشش!!
هسة دي ما نصيحة؟؟ لكن ما قلت لي الحصل شنو ؟؟
ياخي الدامة دي لقتني ليك قاعد في اللستك معاي الفِرد
شبكتني ليك شنو ما عارف!!!
لا كان كدي غلتانة
المفروض تكلمك في أضانك اليمين زي ما عملت أنت
عاد أتلوّمت لوم الخلا والشدر
المهم يا سمير يا خوي
نحن خوتنا خليها في بكانا
وسيبك من ناس فلانة
ـــ
حكمة العدد
يا هناية وهناية
أمسكو العصاية
المارسيدس وليكزس
وبكرة الهمر جاية
|
Post: #3
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 08:23 AM
Parent: #2
يا نورة
ما سمعت بي الشكلة القايمة في البورد؟؟
لا والله
يطرشني!!
يا زول حصل قبل ما البوست يمشي الخور
لكن انا من سنة ستين ما خشيت البورد دة !!!
يا زول علي اليمين سماحة شكلة.. هسة الجماعة جابوا ناس الأحتياطي المركزي عشان يطفوها
عليك الله شوف الحاقدين ديل
يعني دايرننا نستعرض عضلاتنا في شنو؟؟
هسة في جهود دبلماسية بتتحرك في عدة اتجاهات لضمان أستمرارية الخلاف!!
أسمعني والله في بوست بتكلم عن الأعجاز العلمي في القرآن
ما نمشي نقراهُ و نتناقش في مضمونوا
لالا لالالا
أبداً
بتاتاً
لا صوت يعلو فوق صوت المعركة!!
نحن لازم ننصر اخواننا في فلسطين و العراق والشيشان!!
ياخي شن جاب لجاب ؟؟
يا زول انت ما سمعت بي الجهاد الأكبر والجهاد الأصغر ؟؟
أها !!!
في مجموعة من علماء السايبر أفتت أنو النضال في البورد
هو الجهاد الأصغر !!
وحديث الذبابة ؟؟
يا زول ذبابة شنو أقول ليك جهاد!!
جهاد نصر شهادة
جهاد نصر شهادة
جهاد نصر ....
بلادة !!!!
الله أكبر ولا نامت اعين الجبناء
سنهزمهم
وندحرهم
ونشتت شملهم
ـــ
ياخي ما تختصر وتجيبوا قيقم وشنان وغيرو!!!
|
Post: #4
Title: Re: ألي بورداب عشش فلاتة والعشوائيات الأسفيرية!!
Author: د.نجاة محمود
Date: 07-09-2009, 08:37 AM
Parent: #2
ابو النسب
الله يرطب ليك ياخي
ذي ما بتفرحنا بكتابتك السمحة الكاشفة دي..
والله هوليلة وزيطة البورد لو صفت علي
كتابتك السمحة دي
لقلنا خير وبركة..
..
الله يطرى شيري هترشة مرة قالت البوورد حيطق ليه عرق
يارب بكري يشيل كورتو..
|
Post: #5
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 08:57 AM
Parent: #4
بيان هام
بما أني قاعد ألِت و أعجن ساكت
ومرات بسكت فوق راي
بس المديدة قاعدة تحرقني
عشان كدة قصدت أخت الفهم واطــة!
عدم الشغلة بتعلم المشاط
وعدم وجود القضية
بجيب نصايب زماناً أصلوا ما معروفة مرقت من وين
يعني شنو؟
وديل جبتوهم من وين؟
الله يطراك بالخير يا سودانيز
ياجماعة أكلينيكياً كدة
البورد بحتضر
مرات بتجيهُ لحظات سمحة
وبرجع تاني واحد من البكانات الفرايحي
لكن تاريها دي فجّة الموت !!
ـــ
دكتورة تلعب دورا
كيفنك
حقوا تكوني فهمتيني
أما بعد
برضو كيفنك!!
|
Post: #7
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 09:01 AM
Parent: #5
علي واحدة ونص!!
رأصني يا جدع!!
النهار دة نحن جايبين فرقة حسب الله
بس صفقة صفقة صفقة شديد
وألا دعوتُ عليكم
بالنقدة!!
نقدة نقدة نقدة شديد ياناس كرهت الريد
النقدة تضامناً
النقدة أصحاب أصحاب
النقدة يا ناس كنبة التلفزيون
وناس كنبة شكرن
وناس خطة مية غرب
ما سامعا!!
واللا واللا واللا!!
ـــ
نتوقف لمدة صولة
وماذال الردحي طفلٌ يحبو
ولمستمعينا في الأقاليم
مراعاة فروق البوست!!
|
Post: #9
Title: Re: ألي بورداب عشش فلاتة والعشوائيات الأسفيرية!!
Author: خالد المحرب
Date: 07-09-2009, 09:07 AM
Parent: #5
Quote: بي شلوت الزمن المتواطئ مع الهم الردوم
فعليه..
|
ننمحك الدكتوراه الفخريه
دا براه شنو اخر الاخبار ادينى التفاصيل
|
Post: #11
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 09:47 AM
Parent: #9
المحرب يا نبيل
ربنا يديك العافية
برجع بعد صنة بهترش تاني
ــ
اما بالنسبة للخبارات التانية
تلفون بحكي ليك الحصل كلو
شكرن كتيرن!
|
Post: #6
Title: Re: ألي بورداب عشش فلاتة والعشوائيات الأسفيرية!!
Author: اساسي
Date: 07-09-2009, 08:59 AM
Parent: #4
Quote: يا زول ذبابة شنو أقول ليك جهاد!!
جهاد نصر شهادة
جهاد نصر شهادة
جهاد نصر ....
بلادة !!!! |
ما تزال تمتلك ناصية بيان ونكهات عشش فلاتة يا صديقي
اخشي ما اخشاه عليك في غربتك الجديدة ان تشوب تلك النكهات ردحي ( بولاق الدكرور)
|
Post: #8
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 09:04 AM
Parent: #6
أساسي
Quote:
ما تزال تمتلك ناصية بيان ونكهات عشش فلاتة يا صديقي
اخشي ما اخشاه عليك في غربتك الجديدة ان تشوب تلك النكهات ردحي ( بولاق الدكرور) |
قالوا الما عندو لسان
فقري وفلسان!!
دة بما يعادل عشرة من ردحي بولاق الدكرور
ولكل حارة محطة الا أمبابة ليها مطار
و سياسة أشخُرلك
و أحَّ التخويفية!!
|
Post: #10
Title: Re: ألي بورداب عشش فلاتة والعشوائيات الأسفيرية!!
Author: أميرة فاروق عبد العال
Date: 07-09-2009, 09:44 AM
Parent: #8
| Quote: وبرجع تاني واحد من البكانات الفرايحي |
ده محل ما جاي إنت ده صاح؟
عليك الله ماتنادي الباقيين المعاك..
كان الله يلطف بالبورد ويرد فيه الروح من تاني..
والزول يقدر داخل بدون ما يحوقل ويستلطف..
يدنا وجعتنا ذاتها من شيلة الدرقة..
|
Post: #12
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 03:59 PM
Parent: #10
فاروقية
والله يا ريت
الفقرة الجاية
مخصوص عشان البوستات الرواكيب
المركبة مكنة فيللا رئاسية
|
Post: #13
Title: Re: ألي بورداب عشش فلاتة والعشوائيات الأسفيرية!!
Author: baha eassa
Date: 07-09-2009, 04:13 PM
Parent: #12
Quote: دة بما يعادل عشرة من ردحي بولاق الدكرور
ولكل حارة محطة الا أمبابة ليها مطار
و سياسة أشخُرلك
و أحَّ التخويفية!! |
والله ضحكتني شديد ..
|
Post: #14
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 04:25 PM
Parent: #13
بهاء عيسي
ياخوي انا متفرغ للكتابة
و أيي زول عندو أعتراض يجي يقولوا
المهم انت عامل شنو
شايفك منزل شغل جميل عن معسكر الهلال
قريتوا هنا وهناك
مبروك يا عمك
|
Post: #15
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 04:54 PM
Parent: #14
أما بخصوص البوستات الرواكبية
التي تعاني من دكاكينية الطرح
والبوستات المصنقرة في ضللة السايبر ومكوعة في ناصية مايكروسوفت
أسكت ما تعد!!
في مواهب في البورد دة
ياريت لو فضلت مدفونة!!
علي فكرة الكلام ليك يا المنطط عينيك
علي اليمين في نقاشات بتتعرض لمحاولة أن تدار علي طريقة دكان ود البصير
وبعد دة بتفشل
مع انها طريقة دغرية!
لكن نعمل شنو مع ناس زراعة الوهم بتقنية وتاكتيك عالي
وحرفية غريبة الوجه واليد واللسان
ولا حولا لاقوة
من أبو الطيب المتنبئ
الذي تحول بقدرة قادر
من مدح سيف الدولة أمير حلب
لي كافور الأخشيدي!!
حبيبي كسِّر لي
و أنا أكسِّر ليك
بالتلج الفيك
والبوست اللي
ما ليك أمان يا ذا الفلان
يا ليالي زمان يا طول حياتي أغني ليك آآآآآه
ــ
الفقرة الجاية
تحت شعار توجد صورة سمحة!!
|
Post: #16
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 05:00 PM
Parent: #15
ومن هؤلاْء النسوة المتشحات بالسواد والرماد !!
هل فيهن خولة بنت الأزور
رابعة العدوية؟؟
كونداليزا رايس
مدام كوري !!
إذن مالي أراكم تتكبكبون زرافاتاً و ثيرانا؟؟
أجابوا جميعاً
توجد صورة جميلة!!
لقد خسئتم ورب الكعبة
يا أيها القوم
أني لأري رؤوساً قد أينعت وحان قطافها
و إني لصاحبها
من القائل؟؟
بكري أبو بكر
الحجاج بن نورة
الحبيب بورقيبة
|
Post: #17
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 05:04 PM
Parent: #16
البوست دة مغارز
|
Post: #18
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 05:53 PM
Parent: #17
لو
لو قلنا مثلاً !!
انو بكري ابو بكر كتب بوست بعنوان
دجاجي يلقط الحب ويجري وهو فرحان
ناس فلان وفلانات بجوك جاريين و بناقشوا (نونية) بكري أبو بكر
وما بعيد يقرروا تعليقها في حوائط كعبة مايكروسوفت
ويأمنوا بنبوّة كاتبها و يعلنوا الولاء
لكن لو مهند الجيلي بادي
نزف رحيق أبداعوا هنا
ما مسكين ما عندوا ضهر
وحاتك يا غالي الكلام الكتبوا يمرق في بلاداص أصلوا ما معروفة وين
ودة السبب الطفش صاحبي دافي
وقبليه أمير التبلدي ( أبنوسي) زينة شباب البورد!
|
Post: #19
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 05:56 PM
Parent: #18
الأنحيــاز الواضح للجنس الناعم!!
تقول كل جنس ناعم بقول كلام طاعم!
مافي أخوات هنا برتكبن فاولات فنية وضرب تحت القاش
ثيردباك في هلال أم صفقاً عراض ما يعملا!
لكن ناس قريحتي راحت
يديهم العافية و يغطيهم
يجيبوا علب الشوكولا الفاخرة و صناديق البارد
و بنكسروا عند ناس المناسبة
وهي تكون سماية ساهي!!
وكيلك الله في ناس هنا بلاعين زمة بشكل غريب
أها يا احلام مستغانمي
نجيك في السمح وفي جديد وليداتك!!
|
Post: #20
Title: Re: ألي بورداب عشش فلاتة والعشوائيات الأسفيرية!!
Author: نوفل عبد الرحيم حسن
Date: 07-09-2009, 06:09 PM
Parent: #17
دا بأعترافك
عشان بعدين ما تدق جرس لما نجي نضرب بيهو المثل
حبيب نوره ازيك ياخ
|
Post: #21
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 07:02 PM
Parent: #20
نوفل يا حبيبي
سلام عليك يا مسكي وطيبي سلام عليك
Quote: دا بأعترافك
عشان بعدين ما تدق جرس لما نجي نضرب بيهو المثل
|
ايوة يا عمك
أنا الموقع ادناهُ أقِرُّ و أعترف
بكل ما ورد في البوست
وبتحمل المسؤولية
تاني في شنو!!
|
Post: #23
Title: Re: ألي بورداب عشش فلاتة والعشوائيات الأسفيرية!!
Author: نوفل عبد الرحيم حسن
Date: 07-09-2009, 07:11 PM
Parent: #21
تاني مافي شي ... الباقي خليهو علينا لوووول
هسي بجيك عكاز طاير من سكان عشش فلاته
غايتو استخدم الساتر يا مان
|
Post: #24
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 07:23 PM
Parent: #23
Quote: هسي بجيك عكاز طاير من سكان عشش فلاته
غايتو استخدم الساتر يا مان |
و أنا تربية وين؟؟
قاردن سيتي !!
|
Post: #22
Title: Re: ألي بورداب عشش فلاتة والعشوائيات الأسفيرية!!
Author: حامد محمد حامد
Date: 07-09-2009, 07:08 PM
Parent: #20
Quote: و أحَّ التخويفية!!
|
حبيبو
هى اح دى كلمة قبيحة ؟ ( سؤال برى)
اجمع وخليك قريب بكرة الوصول عشان نغوص اكتر فى العشوائيات
|
Post: #25
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 07:26 PM
Parent: #22
يا حامد
ياخوي جايي دي فترنا منها
كدي أنشوف آخرتا المرة دي
Quote: هى اح دى كلمة قبيحة ؟ ( سؤال برى)
|
و أنا أيش عرفني ؟؟
ما هو ردحي والسلام !!
|
Post: #26
Title: Re: ألي بورداب عشش فلاتة والعشوائيات الأسفيرية!!
Author: حامد محمد حامد
Date: 07-09-2009, 07:53 PM
Parent: #25
| Quote: ما هو ردحي والسلام !! |
يا ود يا اروبة ( كلام غير ردحى وانما فيومى)
اح والشخيرة ( الحركة الاسكندرانية ) من اقوى الكلام الردحى و.............
جاى والله جاى انشاء الله بكرة
|
Post: #27
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 08:33 PM
Parent: #26
حامد
منتظرنك
تعال وجيب معاك فيدرير
تنس ياباشا
ما شليل وين راح أكلو التمساح
|
Post: #30
Title: Re: ألي بورداب عشش فلاتة والعشوائيات الأسفيرية!!
Author: نادية عثمان
Date: 07-09-2009, 09:26 PM
Parent: #27
الولد الجنينة حبيب نورة
عارف ؟
عندي معاك مزاج نقة من بتاعة زمان
بفتح ليها طاقة براهافي الحوش الوراني
كان النور قطع جيب رتينتك وتعال سمح ؟
|
Post: #32
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 10:28 PM
Parent: #30
| Quote: الولد الجنينة حبيب نورة |
جنينة
وغفيرا نايم يا قصة
ولسة!!
أما بخصوص الفلاني
راجي الشبابيك الوساع
المهم!!!
|
Post: #28
Title: Re: ألي بورداب عشش فلاتة والعشوائيات الأسفيرية!!
Author: munswor almophtah
Date: 07-09-2009, 08:39 PM
Parent: #26
حبيب نوره ياخ إنت مجنون وحاضر
منصور
|
Post: #29
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 08:50 PM
Parent: #28
المنصور يا قريبي
يازول البلد جايطة والحال مايل
عليك الله قيامة الزئبق يشحدوا ليها شحدة
وشكلة صغيرة
تلم خلق الله كلهم ؟؟
ـ
اما بعد
كيفنك!!
|
Post: #31
Title: Re: ألي بورداب عشش فلاتة والعشوائيات الأسفيرية!!
Author: أبو ساندرا
Date: 07-09-2009, 09:38 PM
Parent: #29
Quote: وشكلة صغيرة
تلم خلق الله كلهم ؟؟ |
وشدولم سلك
التلفونات تتضارب
وتطاقش
أن أجمع ، أجمعوا
وتقاطروا ( ظرافاتآ وثيرانا )
إزيك يا حبيبها
يا دكين
تعال هنا
|
Post: #33
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-09-2009, 10:37 PM
Parent: #31
أبو ساندرا
ياخي جيبو تضامنا مع الناس المهرية مغسة
والناس الحالتهم بقت بي البلا
وعشان نمسح من خرايطنا
كتاحة هبباي العوالم القبيحة
Quote:
وشدولم سلك
التلفونات تتضارب
وتطاقش
أن أجمع ، أجمعوا
وتقاطروا ( ظرافاتآ وثيرانا )
إزيك يا حبيبها
يا دكين
تعال هنا |
عليك الله دي أمة
يكشحوا ليها باس وورد!!
أمانةً تهينك وتقطع دلاقينك
في كم مشاطة في السايبر دة
ياخي تضامناً كدة
ما نجيب ستونة مجروس
في ظل أزمة الحنانات دي
في عالمٍ يمّم شطرهُ تجاه أحتراف المشاط!!
معقولة؟؟
السودان قفل !!!
|
Post: #34
Title: Re: ألي بورداب عشش فلاتة والعشوائيات الأسفيرية!!
Author: سيف النصر محي الدين محمد أحمد
Date: 07-10-2009, 00:25 AM
Parent: #33
واصل يا حبيب و ادينا في التنك بالله و لا تأخذك بنا شفقة و لا رحمة .
اتفش و فشنا معاك.
|
Post: #35
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-10-2009, 08:07 AM
Parent: #34
سيف النصر
يعافيك انشاء الله
لكن انت عارف دة ما زمن كُتال طواحين الهوا
بي سيوف عُشَر
دة زمن كُتال زيف كل المعان الشينية
في الريف والحضر
عايزين نعيد تخطيط الحلم الطفيلي
ونبني مدينة للحب الشفيف!
كلنا سوا !
|
Post: #36
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-10-2009, 09:02 AM
Parent: #35
معاي منو لو سمحتي؟؟
معاك أشة!!
أشة كبريت ؟؟ هييييييييييييييكه
وضاربة من وين يا أشة؟؟
ضاربة من هنا دة !!
هنا دة وين ؟ أنتي جيتينا في البورد؟
لا وهياة ديني بورت سودان دي فيها ناس كلتوم جنا فيل وفنيِّة شخالات شاي في كسلا!
عليك الله .. وكيف هن يكونن في بورت سودان وشغالات في كسلا في نفس الوقت؟
ما ظروف يا أت!
لا كان كدي المحل بتاعن في بورت سودان يكون مهكور !!
لو سمهت انت لقيت نمرتي دي وين؟
كيفن عاد ؟ أنتي ما مسكلتي لي هسة ؟
لا يا أمّك انا دايرة أبد اللتيف!
يا لطيف منك !! أنتي دايرة عبد اللطيف و تمسكلي لي انا؟؟
وهياة ألله ناس أريبا ديل بتاعين مغارز ، أنا تلأت الرقم من شنطتي الهمراء دي
لا والله مطقمة مع فستانك الأخدر وشبطك لون زينب
(يوجد شمار)
أها وعبد اللطيف دة كنتِ عايزة لي شنو؟
صاحبك
قريبك
حبيبك (حباك برص)
وديني أنا كنت دايرة أطقطقوا لأنوا أمل مأي منظر ما دسيس!
طيب ما تمشي ليه في بيته وتتفاهموا
لا ياخ (السان) دة انا لازم أشيل هالو في الحلة كلها
(يشيلوكي الأربعة الخفاف)
طيب يا عشة انا مضطر أقفل عشان رصيدي خلص
أليك الله يا أنت ما تحول لي ألفين ؟؟!
والله أنا آسف يا أنتي لسة ما صرفت
خلاس أقتع وشك الواهد دة ، أقفل يقفل أينك
شوف الوهم دة!!
|
Post: #37
Title: Re: ألي بورداب عشش فلاتة والعشوائيات الأسفيرية!!
Author: malamih
Date: 07-10-2009, 09:55 AM
Parent: #36
Quote: أمك!!
فقد المنتِق!!
تضامناً مع حالة الردحي والسبحي والنبحي
وتجاوزاً
لماورائيات الأشياء
الملكولة في القفا
بي شلوت الزمن المتواطئ مع الهم الردوم
فعليه..
وجب سرد قصة .. فلانة السيسبانة
زمان كانت فلانة البرتكانة
لكن لعوامل فيسيلوجية
وبارا سيكلوجية
وسادية بتمارس مازوسيشيتها علي نفسها
وعلينا
|
لكن مانورة و حبيبة.. زي ميرنا و خليل ..
الله يخليكم..
|
Post: #39
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-10-2009, 10:17 AM
Parent: #37
ملامح الزمن الغنا
ياخي وينك
وكيفنك
ودة شنو
وعشان شنو!!
أسئلة ليست للأجابة!
كن بخير ونورة
|
Post: #38
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-10-2009, 09:56 AM
Parent: #36
الفقرة الجاية
لي أخوان نسيبة
نطوي ملف أشة مؤقتاً!!
|
Post: #40
Title: Re: ألي بورداب عشش فلاتة والعشوائيات الأسفيرية!!
Author: عمران حسن صالح
Date: 07-10-2009, 11:46 AM
Parent: #38
هوامش وشروحـــــــــــات :
| Quote: ودة السبب الطفش صاحبي دافي |
......
بعضاً مما كتب دافي :
حبيبي...علاء.....اننا طيفان..في حلم سماوي سرينا
.
.
حبيب نورة ..
أحبكـ الله ومتعكـ بما تريد ...
|
Post: #41
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-10-2009, 11:58 PM
Parent: #40
عمران يا حبيبو
وانا بموت فيك
وبلاقيك بيهناك
لي قدام
|
Post: #42
Title: Re: ألي بورداب عشش فلاتة والعشوائيات الأسفيرية!!
Author: الفاتح الصادق حامد
Date: 07-11-2009, 00:32 AM
Parent: #41
حبيبها وعين الله ترعاك
تبا لك ...
ياخى الشوق الذى كتل الورل من الشحتفة بانتظار اللوبيا
تانى برضو النقدة ..
تصدق نقدة مؤسسة وانا بتشهق فى حبر المنفى الشايلو فى مخلايتك .. اركع فى حرف الايد اليسرى فى صلايتك
بوست مجرتق بالمغسة واضان الفيل وضل الليل اب كراعا برة ..
احكى ليك مغرزة ..
قال ليه تشرب منقة ؟
رد عليه : ما بشرب .. لانها ما عاملة ماتشنغ مع البنطلون
اكتب ياخ .. طلع زيت الهم المالى الفجة
|
Post: #43
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-11-2009, 00:42 AM
Parent: #42
توحة
النبي كان ما أنتظرتني
بس عندي تي شريت في الغسالة
وكباية شاي
وسجارة من نفس اللون
وبرجع ليك!!
|
Post: #44
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-11-2009, 01:15 AM
Parent: #43
الفاتح
ثكلتك حبيبتك
ياخي متين الشوق كتل الورل لي اللوبيا
دة الجرف يا عمك
Quote:
تانى برضو النقدة ..
تصدق نقدة مؤسسة وانا بتشهق فى حبر المنفى الشايلو فى مخلايتك .. اركع فى حرف الايد اليسرى فى صلايتك
بوست مجرتق بالمغسة واضان الفيل وضل الليل اب كراعا برة ..
|
ياخ والله هي جنس مغسة!!
محلك سر
وانا هنا بمارس الفضيحة لي الزيف البحاول خداع القمرة
ديك ما ضُلُمّة ؟؟
داك ما نهار
تصدق وانا بخنق في كباية شاي
وبقبقب في سجارة مسكينة
لقيت الشوق قابض في زُمارة رقبتي
قلت الحنين بقي مشنقة؟!
واللا صدر علي حكم بإعدام فرحتي بي جيتك!!
و أنا بسمع في هذا المدعو مجازاً
بوب نورة
لقيتني متوكل علي ستاند أب قيت أب
من هنا لحدوت
دونت كيب أوف يور رايت!!
أنت متوكل معاي مقداف
واللا بتحلم بي جزراً ما بتنشاف !!
ــ
بين قوسين
تعال لي نملأ البوست مغسة!!
|
Post: #45
Title: Re: ألي بورداب عشش فلاتة والعشوائيات الأسفيرية!!
Author: Rawia
Date: 07-11-2009, 01:21 AM
Parent: #44
Quote:
فصبراً آل طارق
فأن موعدكم الصفحة التالتة!!!! |
صدق حدسك
__________
محلل إقتصادي سيادتك
|
Post: #46
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-11-2009, 01:36 AM
Parent: #45
راوياتي
Quote: صدق حدسك
__________
محلل إقتصادي سيادتك
|
لا طبعاً سيادتك!!
لكن لما شفت المعركة دايرة
بي الأسلحة الخفيفة والثقيلة
والمفاريك
والكُمش
والدقاشيم
وعرفت أنو البصل المسيل للدموع أستعمل كسلاح مضاد
جاني أحساس صفحة تالتة
دة منو البقول؟
صفحة صفحة البوست نعدوا
وانت لو عارف عوازلك
لما يهجموا وين بودوا !!
المهم في اللحظة دي جاني جبريل التوقع!
قلت أكيد دي رسالة من أنبياء الشر
المهم الله يجيب العواقب سليمة
ــــــــــ
الفقرة الجاية
أني لأري شجراً يسير
تحت رعاية محمود الكذاب
هجم النمر هجم النمر
|
Post: #47
Title: Re: ألي بورداب عشش فلاتة والعشوائيات الأسفيرية!!
Author: الفاتح الصادق حامد
Date: 07-11-2009, 02:07 AM
Parent: #46
بوب نورة
وانا بتذكر فى عمايل الاشتر
البورد الكابس جبة وجاى الاخطر
زقاقى مليتو جرى وسفنجاتى وديتا البنشر
عرفتك متدسى فى سعف الليل
وماسك فى ايدك قمرة ونيل ...
يااااا راحل وجواك المغسة تقول هى السيل
حبيبا ..
القال ليك منو انه المغرزة والورل ما بتلاقو
فى حتة كاشفة وبرطنو رطانة لا ايدنا فيها لا كراعنا جات ؟؟
تنفعك كباية الشاى البتساهر بيك
ونفسك قايم .. ماشى منك وجاى ليك ..
هل حصل انه الليل الماشى بدون كرعين وقف شان يلبس سفنجتو وينجهنا بالمغسة ؟
هو ليه العكاز الضابينو الناس الهنا ديل مكسر فوق راسنا ؟
ادينى معاك شاى ياخ
|
Post: #48
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-11-2009, 02:34 AM
Parent: #47
فتفوحي
ياخي انت بتغير في الباس وورد
والآي بي ادريس
وكل يوم لابس ليك فنيلة جديدة وعامل فيها أستايل سايبر!
معقولة؟؟
وانا أقعد اطارد فيك زي كديس
زوجتوا بتتوحم علي فار شاورمة!
Quote: تنفعك كباية الشاى البتساهر بيك
ونفسك قايم .. ماشى منك وجاى ليك ..
هل حصل انه الليل الماشى بدون كرعين وقف شان يلبس سفنجتو وينجهنا بالمغسة ؟
|
ياخي وانت مرمي زيي في منفي الأراضي المنخفضة
ما كنت عارف أنو شوقي ضارب العلالي ؟؟
ياخي هذا المدعو
بوب توحة
معسكر جواي
وقواتو الأستطلاعية
بتمشط في كل المناطق المجاورة
وما عايزة تسمح لي أيي كباية شاي
تمخمخ خارج الموقع
أديك كباية تانية ؟؟
|
Post: #49
Title: Re: ألي بورداب عشش فلاتة والعشوائيات الأسفيرية!!
Author: الفاتح الصادق حامد
Date: 07-11-2009, 02:56 AM
Parent: #48
| Quote: أديك كباية تانية ؟؟ |
حبيبا
ما انت عارف المنخفضة ما الارض ...
الناس كمان ماسكين بالحتة المدنكسة
ومعتلين معانا بلاد الفرنجة بدون ونش ..
والشوغ هنا مدرسة بمشو ليها بالباغة ..
ما باغة الموية .. زى ما قالت الفنانة .. شجرة شجرة تملأ الباغة
باغة ورود مشتاقة ليك ..
من ايد فرنجاية ملانة حنة وحطب ووجع
الغريبة يا بوب الشاى ما بساهر بى .. اعمل شنو ؟
تعال نمسك عصا الطاعة ونحتها قرض
ونتدارك معانى الوحشة الجايانا ..
وتمسك الكتف الميل فى العشش .. وتنده أشة تدينا امل
ولكن .. لازم تقيف لينا ونمشط راسا السودان فتح .. انت قافلو مالك ؟!
.. ادينى شاى وبالقليل حاجة بشربوها ما تكون منكر
|
Post: #50
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-11-2009, 03:03 AM
Parent: #49
تحاتيحو
ياخي جنس مشغوليةوجوعة
برجع ليك
بس أنتظرني لمدة ساندوتش طعمية
|
Post: #51
Title: Re: ألي بورداب عشش فلاتة والعشوائيات الأسفيرية!!
Author: الفاتح الصادق حامد
Date: 07-11-2009, 03:11 AM
Parent: #50
عارف انا صليت الصبح
وشربت اللبن ..
ومديت معابر شوقى ليك ..
وحاليا ما بين الحوقلة وسعة التمدد للارض
تلاقينى وتشمنى قدحة تانى ...
لكن الليلة .. او قول بعدييييين بستجدى العواطف وارن
3 ساعات من الان وبروكسل بلا هوادة ..
بالهنا .. وبجيب ليك معاى مارلبورو حصانو بدون راعى
|
Post: #53
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-11-2009, 06:27 AM
Parent: #51
جيتك بعد ما دقسني الكيبورد بي محاولة حلم فاشل
وانا في ضل شاشتي ال 17 بوصة أل جي
ما كنت قايل أنو كباية شاي حمراء
بتتواطأ مع الزمن البانجقلي
و بغلبني الكلام
في موسم الفرح المسيخ!
Quote: عارف انا صليت الصبح
وشربت اللبن ..
ومديت معابر شوقى ليك ..
وحاليا ما بين الحوقلة وسعة التمدد للارض
تلاقينى وتشمنى قدحة تانى ...
لكن الليلة .. او قول بعدييييين بستجدى العواطف وارن
3 ساعات من الان وبروكسل بلا هوادة ..
بالهنا .. وبجيب ليك معاى مارلبورو حصانو بدون راعى
|
وانا كمان
صلّيت العشم
وهرددت لهاتي بي الأحلام!!
جيت لقيتك بتمارس تهويماتك
بضغينة قديمة
و أوراق أعتماد
ضد ما كان يسمي بالحنين!!
راجيك شايل ولعة الأشياء
في أيدي الشمين!!
|
Post: #52
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-11-2009, 06:22 AM
Parent: #49
توحة
Quote: My Qولكن .. لازم تقيف لينا ونمشط راسا السودان فتح .. انت قافلو مالك ؟!
.. ادينى شاى وبالقليل حاجة بشربوها ما تكون منكر uote |
|
Post: #54
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-11-2009, 06:49 AM
Parent: #52
هجم النمر !!
الفقرة دي برعاية محمود الكذاب
بالتضامن مع سليمة بائعة اللبن
وتشرف عليها زرقاء اليمامة شخصياً
أني لأري شجراً يسير!!
ماذا تقولين يا آمرأة ؟؟
أفقدتِ عقلكِ ؟؟
تباً لك يا أبا لهب!!
فهي و أيم الله صادقة!!
ولكن يا أخا العرب كيف تسيرُ الأشجار ؟؟
نحن نصدقها في خبرٍ من سابع سما.. ولا نصدقها في خبرٍ من قوقل !!!
أشهدوا يا قوم!!
وأن الجن والأنس لو أجتعوا ، علي أن يزحزحوا مكانتها في قلبي
والله وتالله ( وبالله يا إتي) لما أستطاعوا أن يزحزحوني قيد أنمُلة!!
قدر دة يا إت!!
وحاة ديني يا صديقي لو أنطبق علي الأخشبين ، فإما النصر أو الشهادة
فإن عشنا ،، فننعمُ بالمجدِ والسؤدد ، وإن متنا فبكرة يا قلبي الحزين تلقي السعادة!!
هجم الهكر
هجم النمر
وروروووووووووك
وآمعتصاماه
أغثنا
هيع
أنا أبن طلاع الثنايا
أنا الذي نظر الأعمي إلي تكسير تلجي و أسمعت إيميلاتي من بهِ صمم
ــ
يسدل الستار علي الحملة الصليبية
بعد تلاتة صفحات لاغير
بما يعادل في السايبر
بباندويث يقطم رقبة بكري
ويعسِّم السيرفر
وفي رسالة ملولة
في المسينجر!
أها
شنوليكي؟
لقيتيني كيف!!
...
لقيتك زي الواطـــــــــة دي!!
يعني كان في داعي ما تكتب بين قوسين بعد إسمي
ست القصة وست الرصة!!!؟؟
|
Post: #55
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-11-2009, 07:19 AM
Parent: #54
أغتيال الشخصية
غايتو جنس حسادة
ما تخلوا سيرتي يا سادة
العيون الما بتشوف غير العايزة تشوفوا
دة منو البقول
ناس الدنيا الله يديهم بُنية!!
التصفية الأدبية
والأرهاب الفكري
والدموية الحوارية
والضرب تحت الحزام ( الحزام الناري أنشاء الله)
الركل في القفا
كتلوك ولاجوك جوك
دة غير تبنِّي القضايا الهزيلة
والمواقف الجعانة
و أنيميا الفكرة
وإستسغاء المواقف
وشيلني وبشيلك
وممارسة شتّي انواع الشفقة بي طريقة لم تخطر بي بال النملة الشفوقة ذاتة
( شفقة نفيسة الجو يطهروها لقوها حامل )
مالها كان صبرت!!
أسألوني تاني !!!
ــــ
ولسة!!!
|
Post: #56
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-11-2009, 07:29 AM
Parent: #55
التور كان وقع
بتكتر مداخلاتو
وفي رواية أخري لحفص
بتكتر بوستاتو!!
دة غير النبتات الطفيلية
وما جاورها من حشائش لا تفهم منطق ( الملُود)
ولا تعترف بسلطة الطورية
و هي تشهر سكاكينها
في وش أيي سنبلة بت حلال
يا أخواننا
ما قالوا علشان خاطر الورد
يتسقي العليق!!
لكن انا لو كنت مدير المشروع دة
كان بدل ما ألجأ لي سياسة الدورة الزراعية
بقول ليهم قطن شنو و قمح شنو وسمسم بتاع ميتينكم
علي اليمين أقفلوا
و أعمل في مكانو سبق الخيل
علي الأقل الخيل بقودوها من روسها (رؤوسها)
|
Post: #57
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-11-2009, 01:57 PM
Parent: #56
ساعود بعد فترة إ حمــــــاء
|
Post: #58
Title: Re: ألي بورداب عشش فلاتة والعشوائيات الأسفيرية!!
Author: أبوذر بابكر
Date: 07-11-2009, 03:09 PM
حبيب هـ ا
حبيب ن ا
والحبيب رئيس تونس
تونس الخدرا
خدرا الهنايه
هنايه السمحة
والسمحة شنو وشنو وشنو
مالك ياخ داير تقوم نفس خيلنا البركت
وبركة شيخنا داك يا حبيب
العاف الطعام سريع النهمة البلفا قوام
تلقا الدايرنو فى نيتك
وكذلك البرا نيتك
مغارزك أحرف من جكسا ورونالدينو وميسى فى الكورة
ومن عثمان عيون فى سلطة الأسود بالدكوة
بس مين يقول البغلة فى الإبريق
والبنية ديك البتنشف الريق
يا زول ودعتك
انا كان سرحت معاك كدى
يانى اللاحق الغوتس
هو الغوتس ديل منو يا حبيب ؟
تلقاهم هسه نحن ذاتنا
وما جايبين خبر
|
Post: #59
Title: Re: ألي بورداب عشش فلاتة والعشوائيات الأسفيرية!!
Author: Manal Mohamed Ali
Date: 07-11-2009, 04:40 PM
Parent: #58
فوق
|
Post: #61
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-11-2009, 04:55 PM
Parent: #59
منال
احيي الوقفة التضامنية الصامتة دي
|
Post: #60
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-11-2009, 04:53 PM
Parent: #58
المطر
الزول الغيم
ومنديل جدول
الخدار خداري
يا ناس خداري
ياخي وينك يا الحيب
الشوق لهيب والخوة والمطرة
مشتهي طولك
وما بنطولك
الفقرة الجاية
إهداء ليك شخصياً
|
Post: #62
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-11-2009, 10:04 PM
Parent: #60
قريباً من ذات المكان
تواعدنا جهراً
قال العشق قوموا ألي صلاتكم يرحمكم الله
فقمنا
كان صوتها ازرقاً مثل طعم الغيمة
حين تهم بعناق الطين
وينك يا أبازر يا مطر؟؟؟
|
Post: #63
Title: Re: ألي بورداب عشش فلاتة والعشوائيات الأسفيرية!!
Author: ناجية مصطفى
Date: 07-11-2009, 11:54 PM
Parent: #62
*
|
Post: #64
Title: Re: ألي بورداب عشش فلاتة والعشوائيات الأسفيرية!!
Author: Muna Khugali
Date: 07-12-2009, 00:05 AM
Parent: #63
لكن يا ربي ليه حالنا كده؟؟
|
Post: #65
Title: Re: ألي بورداب عشش فلاتة والعشوائيات الأسفيرية!!
Author: سيف النصر محي الدين محمد أحمد
Date: 07-12-2009, 00:25 AM
Parent: #64
يا حبيب
البورد ده مروا عليهو ناس كتبوا كتابة طالعة من جوة جواهم
و بذلوها للمتصفحين..هكذا مجانا زي سبيل ود عجيب..
علي اليمين ما في زوا هببوا ليهم
كتبوا UP
و فوق..
ختوا نقطة و مرات نجمة و برضك بوستاتهم تغطس سريعا..سريعا تقول رابطين فيها صخرة
في النهاية ملُوا و مشوا شافوا ليهم حاجة تنفعهم..
هسة في ذمتك قصيدة يكتبوا معاها توجد صور كيف؟؟
|
Post: #66
Title: Re: ألي بورداب عشش فلاتة والعشوائيات الأسفيرية!!
Author: Muna Khugali
Date: 07-12-2009, 00:31 AM
Parent: #65
| Quote: هسة في ذمتك قصيدة يكتبوا معاها توجد صور كيف؟؟ |
يكونوا مصورين بيت القصيدة..
|
Post: #67
Title: Re: ألي بورداب عشش فلاتة والعشوائيات الأسفيرية!!
Author: د.نجاة محمود
Date: 07-12-2009, 03:59 AM
Parent: #66
| Quote: هسة في ذمتك قصيدة يكتبوا معاها توجد صور كيف؟؟ |
شايف يا سيف النصر الناس دي غلطانة
بس عاين لعداد القراء وهذا ديديني
تنشر القصة وتعمل ابلما يصل القراء لي 2000 كدا
انت تمام...
اما مجاملات يا شفيف يا رائع لا تفيده في امره شئ
اي اديب اسفيري بكتب هنا عشان القراء
ما عشان الكتاب هنا...
عندنا ميدان اسفيري عاملنو لحافظ تعال شرفنا..
|
Post: #68
Title: Re: ألي بورداب عشش فلاتة والعشوائيات الأسفيرية!!
Author: ناجية مصطفى
Date: 07-12-2009, 01:20 PM
Parent: #67
وبركة شيخنا داك يا حبيب
العاف الطعام سريع النهمة البلفا قوام
تلقا الدايرنو فى نيتك
وكذلك البرا نيتك
سلام ومحبة
|
Post: #69
Title: Re: ألي بورداب عشش فلاتة والعشوائيات الأسفيرية!!
Author: Amira Elsheikh
Date: 07-12-2009, 02:42 PM
Parent: #68
حبيبنا..
خربانة ام بناية قش...
رغم انو القش سمح والعجب كان لقيت ليك قطية كدى وداقاها مطرة
اها الهمبريب على ريحة القش بردو الروح ..
وبعدين القش دا مابعوق ... كان يخلونا على القش بدل الحجار
والخرصانة السدن علينا منافذ الهواء
يقول ليك مدنية وعمران وشنو كدا ماعارفة
اسى فى داعى حبوبة تقول خربانة ام بناية قش ...؟
|
Post: #76
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-12-2009, 10:51 PM
Parent: #69
Quote: حبيبنا..
خربانة ام بناية قش...
رغم انو القش سمح والعجب كان لقيت ليك قطية كدى وداقاها مطرة
اها الهمبريب على ريحة القش بردو الروح ..
وبعدين القش دا مابعوق ... كان يخلونا على القش بدل الحجار
والخرصانة السدن علينا منافذ الهواء
يقول ليك مدنية وعمران وشنو كدا ماعارفة
اسى فى داعى حبوبة تقول خربانة ام بناية قش ...؟ |
أميرات
حمد الله ع السلامة
وما قطعني منك إلا الفقر
المهم شكلنا زعلانين من بعض
عموماً انا علي السماح
و إانتي وزعي الببسي!!!
حِسِّي ياخ!!!!!
|
Post: #75
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-12-2009, 10:46 PM
Parent: #68
Quote: وبركة شيخنا داك يا حبيب
العاف الطعام سريع النهمة البلفا قوام
تلقا الدايرنو فى نيتك
وكذلك البرا نيتك
سلام ومحبة |
الدايرو كلو
دعوتك دي
ربنا يديك قدر نيتك
اللهم آآآآآمين
|
Post: #74
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-12-2009, 10:44 PM
Parent: #67
نسيبتي النسخة الاسفيرية
سايبرياً كدة
ولحدٍ ما كلامك معقول
| Quote: عندنا ميدان اسفيري عاملنو لحافظ تعال شرفنا.. |
عندي حبوبتي كدة
جنها وجن الشباب العاملين فيها راستات
وناس الحلاقات
والقشرات
طوالي بتصرصر ليهم
المهم يوم جبت ليها واحد صاحبنا كدة
وهي انا عارفة بتعزني عشان كدة ما بتقول كلمة لي زول من طرفي
صاحبنا سلم عليها
وانا في طريقي للتلاجة
اجيب ليه موية يشربا
قالت ليه
شرفنا!!!
ولما شافتني دخلت المطبخ
قالت
وذاد قرفنا!!!
اها بالنسبة لي ناس ديلا
شرفنا وذاد قرفنا!!!!
|
Post: #78
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-12-2009, 11:19 PM
Parent: #67
| Quote: إلي بورداب عشش فلاتة والعشوائيات الأسفيرية!! |
|
Post: #89
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-13-2009, 10:41 PM
Parent: #67
up
|
Post: #73
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-12-2009, 10:37 PM
Parent: #66
Quote:
يكونوا مصورين بيت القصيدة.. |
لا وإنتي الصادقة!!
يكون مصورين ست القصيدة!!!
|
Post: #72
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-12-2009, 10:34 PM
Parent: #65
Quote: يا حبيب
البورد ده مروا عليهو ناس كتبوا كتابة طالعة من جوة جواهم
و بذلوها للمتصفحين..هكذا مجانا زي سبيل ود عجيب..
علي اليمين ما في زوا هببوا ليهم
كتبوا UP
و فوق..
ختوا نقطة و مرات نجمة و برضك بوستاتهم تغطس سريعا..سريعا تقول رابطين فيها صخرة
في النهاية ملُوا و مشوا شافوا ليهم حاجة تنفعهم..
هسة في ذمتك قصيدة يكتبوا معاها توجد صور كيف؟؟ |
سيف النصر
والله لو كتبوا قصيدة
توج معلقة
واللا يوجد عكاظ
السمح سمح
والعفن المركب مكنة سمح
بكرة بعفن و بنشم
وقع ليك!!!
|
Post: #71
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-12-2009, 10:30 PM
Parent: #64
| Quote: لكن يا ربي ليه حالنا كده؟؟ |
أستاذة مني
يعني تتوقعي شنو مع الخليات الإرهابية دي
|
Post: #70
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-12-2009, 10:28 PM
Parent: #63
أمي
..
ثم أمي
نعلك طيبة
أما بعد
فخلي بالك من صحتك
ربنا يخليكي يا رب
|
Post: #77
Title: Re: ألي بورداب عشش فلاتة والعشوائيات الأسفيرية!!
Author: filan
Date: 07-12-2009, 11:19 PM
Parent: #70
| Quote: هسة في جهود دبلماسية بتتحرك في عدة اتجاهات لضمان أستمرارية الخلاف!! |
حبيبها السلام جاك
|
Post: #79
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-12-2009, 11:23 PM
Parent: #77
فلان الفلاني
حبيبنا الأولاني
ياخي معقولة؟؟؟
كل تلتاشر شهر تظهر مرة!!!
|
Post: #80
Title: Re: ألي بورداب عشش فلاتة والعشوائيات الأسفيرية!!
Author: طارق جبريل
Date: 07-12-2009, 11:29 PM
Parent: #77
يا جماعة ختوا الكورة واطة
ازيك يا حبيبها
|
Post: #82
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-12-2009, 11:50 PM
Parent: #80
طارق
كيفنك يا اخوي
اها باركناها
عملنا ليها باراك اوباما
في كلام تاني !!!
|
Post: #81
Title: Re: ألي بورداب عشش فلاتة والعشوائيات الأسفيرية!!
Author: سيف النصر محي الدين محمد أحمد
Date: 07-12-2009, 11:40 PM
Parent: #70
يا حبيب "وقع ليك" دي شكّل شكّل كده .
غايتو زي كلام حبوبتك داك بتاع اتشرفنا و كده.
|
Post: #83
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-13-2009, 00:02 AM
Parent: #81
يا باشا
والله ما شكل
بس يمكن ما أتوفقت في التعبير
ويمكن عشان زعلة الكورة
تسلم يا الهميم تسلم
|
Post: #84
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-13-2009, 00:36 AM
Parent: #83
<a href="http://www.sudaneseonline.com/cgi-bin/sdb/2bb.cgi?seq=post&board=240&msg=1246704908&rn=53" target=_self>Re: حالـة اللـجوء .... إلتبـاس المصطلـح والمصالــح .
فهم 
|
Post: #86
Title: Re: ألي بورداب عشش فلاتة والعشوائيات الأسفيرية!!
Author: د.نجاة محمود
Date: 07-13-2009, 02:57 AM
Parent: #85
Quote: اها بالنسبة لي ناس ديلا
شرفنا وذاد قرفنا!!!! |
يا زول مالك عايز دقشمان
دا كلام دا؟
(ودهشة شديدة والله)
|
Post: #87
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-13-2009, 08:54 AM
Parent: #86
Quote: يا زول مالك عايز دقشمان
|
يا أمي والله جنس قرفة هي
وزهجة
خليها علي الله بس
المهم بنتفاهم في الجزئية دي
المهم هسة نعلك طيبة
ومافي عوجات
وح أرجع ليك
|
Post: #88
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-13-2009, 01:48 PM
Parent: #87
يا ود يا نورة
والله حاسي بي حيرقان وخمة نفس وإفلاس!!
دة كلو عرفنا
ممكن تبلع ليك حبتين قرِش من أقرب صيدلية
لكن ياخوي إفلاسك دة ما عندي ليهُ دوا
وبيني وبين انا ذاتي لما أفلس بقطع وشي شهرين تلاتة
لما أستعيد لياقتي الأسفيرية
وبجي راجع
لكن اقول ليك حاجة
ما تكتب في الكورة
ياخي بطولة سيكافا هدي نموزج حاضر
أيواااااااااااااا
والله خطير يا نورة
أنت راجل نابغة
بالله دي فاتت علي كيف
يازول أبري قلمك و بتلقي عشرمية بوست عن الكورة الأخيرة
تقوم تعمل الآتي
تقشط ليك عنوان
وتقد تلقط من هنا حتة ومن هنا حتة
وهنا أنت!!
أهاااا؟؟
أها شنو تاني
ما خلاس أتبوستة
دة أسمو الطريقة الحبيبو نورانية
لأقتحام المعارك الاسفيرية
وما تخاف طريقة مجربة
وماخدة شهادة آيزو
حسب الأستاندارد بتاع سودانيز!!
معاك سلامة
يا زول ماشي وين ؟
داير أمشي أحجر لي مكان في الصفحة الأولي
قبال ما يجوا مناضلين السايبر
يخلوا ليك البوست عامل زي أفغانستان!!
|
Post: #91
Title: Re: ألي بورداب عشش فلاتة والعشوائيات الأسفيرية!!
Author: حبيب نورة
Date: 07-16-2009, 07:14 PM
Parent: #90
أمك!!
فقد المنتِق!!
تضامناً مع حالة الردحي والسبحي والنبحي
وتجاوزاً
لماورائيات الأشياء
الملكولة في القفا
بي شلوت الزمن المتواطئ مع الهم الردوم
فعليه..
وجب سرد قصة .. فلانة السيسبانة
زمان كانت فلانة البرتكانة
لكن لعوامل فيسيلوجية
وبارا سيكلوجية
وسادية بتمارس مازوسيشيتها علي نفسها
وعلينا
وبقيت زي اللاعب الكيشة
البعمل ضربة جزاء مع نفسو
انا غايتو لو في مكان الحكم
كان عديتها رمية تماس حرة مباشرة
وسير سير يا سمير
سمير دة كان صاحبي الحيطة بالحيطة
ما فرقتني منو
الا بت جيراننا الحلفاوية
والزمن داك
نورة كانت جغمة برتكان
ترطب حيرقان المسافات
حلم سغمبروتي
وقدر قدة كدة!!
كدة دي حسب مقاييس ناس الآيزو والمواصفات والجودة
رشحوها للدخول في موسوعة حسس للأرقام القياسية
في حجم الضهب!!
سمير
يا ود يا سمير يا صُغيِّر
مالك ياخوي
ياخي ما داير معاك أيي خوة!!!
في شنو يا ود أمي؟؟
ياخ انا امبارح قلت لي صاحبتك دي تعالي قابليني بعد صلاة العشاء وما جات!!
شوف البليد دة !!
في زول بواعد بعد صلاة العشاء؟؟
يعني لو الأمام بتاع جامعكم دة داير يثبت ليكم أنو حافظ سورة البقرة!!
يا عمك دة منظر جبان منك!!
يعني شنو ؟؟ انا حرضتها قلت ليها ما تجيك ؟؟
بتعملا انا عارفك حاقد علي!!
كان كدي أقول ليك حاجة , انا الزولة دي ناديتها وكلمتها في اضانها اليمين
قلت ليها لمن تمرقي وتحومي في عشش فلاتة
لو حصلت أيي مغارز البقيف معاك منو؟؟
وانت يا سمسم جنك حوامة في العشش!!
هسة دي ما نصيحة؟؟ لكن ما قلت لي الحصل شنو ؟؟
ياخي الدامة دي لقتني ليك قاعد في اللستك معاي الفِرد
شبكتني ليك شنو ما عارف!!!
لا كان كدي غلتانة
المفروض تكلمك في أضانك اليمين زي ما عملت أنت
عاد أتلوّمت لوم الخلا والشدر
المهم يا سمير يا خوي
نحن خوتنا خليها في بكانا
وسيبك من ناس فلانة
ـــ
حكمة العدد
يا هناية وهناية
أمسكو العصاية
المارسيدس وليكزس
وبكرة الهمر جاية
|
|