يا مُزمِّل .. يا مُدثِّر .. لادِينك.. دِينك ((قيامة))

يا مدثر......... يا مزمل
يا مزمل صمتك .. أهتف ... أنسف كل سكاتك قول
عبِّي لهاتك و أعرف .... كيف كلماتك تبقي رسول

يا مدثر أنو ضراك الزيف ,,, بتخدع نفسك
قِيم الليل بي شاهق .... حسك
لسانك طهـِّر ..... أطرد منك معني بدسك
ماك مسيطر يا مدثر
يوم الخوف بي وجعوا ...... بمسّك

ما تتدثر و لا تتحسر
فاكر زيفك ما بتفسر ؟
فاكر الوهم الساكنك جوة
بفضل حاضنك وما بتكسر ؟
أكشف حال الزيف في السكة
أخسف أرض الخوف و أنفكّ
يا مدثر
ولست عليهم يوم بمسيطر !

يا مزمل أوعك تهمِل
أنوا غطاك الوعد الهسة
حاول جمِّل كل مداخلك
المارق منك ما بتدسّي
يا مزمل وهم الفكرة
ما تتغابي الشمس البكرة
و أفهم أنو صباحك لسة !

يا مدثر محلك غيمة
باكر تلقي المطرة نشاف
يا مزمل موجة و شيمة
بتحلم تبقي الموية ضفاف

يا متلحِّف وهمك
وهمك ظلمك
يا متخوِّف ألمك
زيفك ألمك
ما تتضارا ورا مقداف
شايف جُزراً ما بتنشاف

يا مزمل ........ يا مدثر

يا متوكل علي لادينك ... دينك
ما تتخيل أنو يقينك
مارد حرفاً باقي سجينك
يا متباكي علي ميتينك ... دينك
دينك ممشي و خطوة عديلة
دينك شعلة تبُق في سنينك

يا مدثر ......... يا مزمل
يا مزمل وهم الممشي
ما تتغشي
يا متوهِّم أنو المنية
كلام مصرور في قافية وغنية
تعتِّر ليك أنشاء الله القشة
لا بتجيك مبتسمة الدنيا
ولا فد غنية

ياخي تجيك أنشاء الله الكشة !

يا مزمل .......... يا مدثر

Quote: يا مدثر محلك غيمة باكر تلقي المطرة نشاف يا مزمل موجة و شيمة بتحلم تبقي الموية ضفاف

انت مبالغة والله يا شيخ ياسين؟

بهاء عيسي

كيفنك
كنت عايز أكتب في العنوان
(يوجد حلفانكو)

ياخي انت انسان جميل

تسلم والله
شكرن كتيرن

يا حبيب نورا ... انت عارف بالصورة دي اصبحت حبيب الكل و نورا ليها الله....

يا خي واصل والله مستمتعين لط

حافظ يا حفيظ

عامل شنو؟
أقعد باري لي في حبيب نورة دة
لحدي ما الجماعة يصنفوك
علي اليمين ممكن يوم يكفروك


مشكور ستة شهور

حبيب نورا

Quote: عامل شنو؟ أقعد باري لي في حبيب نورة دة لحدي ما الجماعة يصنفوك علي اليمين ممكن يوم يكفروك

هوي يا زول الموضوع جاب ليهو تصنيف و كفر كمان... اضانا في مكة ... يا خي انا قريت الكلام دا و عجبني شديد ... وبعدين ما تنسي مزمل و مدثر ديل تيمان اولاد جيرانا ما اكتر و ما اقل....

يلا فتك بعافية اكفر بعيد بعيد

حافظ يا حفيظ
مالك جريت يا أخوي
انا بمزح معاك ساكت


لكن في جماعة قالوا
حبيب نورة بتاع آيات شيطانية
علي وزن سلمان رشدي
وكدة

أها...

قامت وجات ...دخاخينا ألف...

نيرانا......

أمتعتني ...

مساك حريف وانا متقريف!

سلام لي عندك وغادي.

اااااااااه !!
جورجئذٍ تحدثُ أشواقها

Quote: مساك حريف وانا متقريف! سلام لي عندك وغادي

والله فعلاً قيامة
زمن ماشي
وزمن جايي
وزمن لسة

وتعرف كيف
ياأجمل طيف
ضيعنا سنين
و
سنين
و دنين
ما بنتقابل
و
أكيد
ح نتقابل

الرائع حبيب نورا سلامات

ولسه بتمارس الجنون دين

وتسلم يارائع

Quote: يا متوكل علي لادينك ... دينك ما تتخيل أنو يقينك مارد حرفاً باقي سجينك يا متباكي علي ميتينك ... دينك دينك ممشي و خطوة عديلة دينك شعلة تبُق في سنينك

جورجئذٍ تحدثُ أخبارها
يااااااه من ديك أيام
كنا بنمارس فيها لادينيتنا المستقيمة
وبنرتكب معصية الكلام النجيض

جورج المطرة النازلة
والبني آدم
أبوزر المطر
ذا رين
وأيام سكلبة الكيبوردات
في بكيات نقراتنا
علي وتر الروح



يااااااااااااه

دوسة يا حبيبو

ولادينك
دينك جية مركب نص الموج
ومرقة مطرة
تنادي الغيم

لا دينك دينك

حبيب نورا

لادينك دينك
غارق في
بحر الظلمة
حد الشوف
فارش مصلايتك
علي القيف
خضرة
خاشع في صلاتك
من الخوف
وساجدة الشمس قدامك
غنوة
لادينك دينك .. كيف ؟

حبيب نوره سلامات

لادينك دينك
وجلس الصباح بين رقعتين
ضؤ
وسبح بالرزاز قوس قزح


اسمع مشيت وين

Quote: اسمع مشيت وين

مشيت أفتش في الصلاة
القالوا بتنوح في البِرِش
شلت الوضؤ
و إبريق هواك
خميتوا من سمك القِرِش

Quote: لادينك دينك غارق في بحر الظلمة حد الشوف فارش مصلايتك علي القيف خضرة

لادينك
مركب بغشي الموج
بتلفّح غيمة ونيل
ودينك
حبّة رملة
تداعب القيف
العرقوا بسيل
لادين دينك
دينك
غناوي الليل
وجية سيل
ويقينك
أنت الشايلو قبيل
غناوي الفرح العمرو طويل

.

تشكرات أفندم

تشكرات

حبيب نورة ,,
ليس كل إقتباس من القرآن يجوز ,, ربما ادخلك ذلك فى من يتخذون آيات الله هزوا ,, الإبداع والشعر بحوره واسعة ولك ان تغرف منه ماتشاء ,, بس لازم
يكون عندك فلتر.
والله أعلم
تحياتى للأخ بهاء واسأل الله ان يتم نعمته عليه بكامل الشفاء.

يا جميل
تسلم يا زول
الاخ بهاء بخير
بالأمس كنت معه في البيت

اما بالنسبة للفلتر
فلتروا أنتوا
وكلٌ يغني علي ليلاه

أما بعد

تحياتك ح توصل حار حار

شكرن كتيرن!

من تقصد بمزمل ومدثر؟؟


اذا كنت تقصد بهما (محمد احمد السوداني) فهذان اسمان غير موفقان لأنك اقتبست بعض المعاني القرءانية وكأنك تشير الي المصطفى عليه افضل الصلاة والسلام وهذا امر استبعده كثيرا عنك (من باب حسن الظن)

Quote: يا مدثر أنو ضراك الزيف ,,, بتخدع نفسك قِيم الليل بي شاهق .... حسك لسانك طهـِّر ..... أطرد منك معني بدسك ماك مسيطر يا مدثر يوم الخوف بي وجعوا ...... بمسّك ما تتدثر و لا تتحسر فاكر زيفك ما بتفسر ؟ فاكر الوهم الساكنك جوة بفضل حاضنك وما بتكسر ؟ أكشف حال الزيف في السكة أخسف أرض الخوف و أنفكّ يا مدثر ولست عليهم يوم بمسيطر !

لا اعيب عليك سيدي الفاضل اقتابسك من النص القرءاني بقدر ما اعيب عليك (ريحة) الامر للمزمل والمدثر الصادرة(منك انت حبيب نورة) والمقتبسه هي اصلا من النص الكريم

وهذا قد يأخذ العقل العام الي فهم احد هذه المفاهيم:


1-انك انت(حبيب نورة) تأمر الرسول الاكرم المزمل المدثر
2-كثرة اقتباسك من النص القراءاني توحي انه يمكن ان تحول كلام الله الي شعر!!!
3-وفي كل الاحوال ربما يفهم العقل العام انك تسيء الادب مع الرسول الاكرم





وفي انتظار توضيحك





..

الأخ حبيب نورة
سؤال مباشر: هل لديك مشكلة مع رسول الله صلى الله عليه وسلم؟
أراك كثيرا ما تتكئ على أن النص الأدبي حمال أوجه،ويصعب القطع فيه بمراد الأديب، لتبث انتقاصا لرسول الله صلى الله عليه وسلم، وتبقي باب الرجعة مفتوحا لأن هذا نص أدبي، ومن أساء فهمه فلست مسؤولا عنه.
النص أعلاه ـ بعيدا عن: من المقصود بـ المدثر والمزمل؟ ـ في جملته لمن أراد الانصاف في رأيي يحمل انتقاصا لرسول الله صلى الله عليه وسلم.
هذا فضلا عن أن تعليقي هذا ليس منفصلا عن مشاركات لك سابقة كانت أيضا تحمل انتقاصا لرسول الله صلى الله عليه وسلم في نصوص أدبية.
ولا زال بوست:عزابنـا(من زمن راعي الاغنام أحمد والذي صار فيما بعد نبياً شهيراً) موجودا في الأرشيف.
هل أطمح في جواب مباشر على سؤالي؟

اللهم إني أشهدك أن هذا الكلام

قد آلمني

إبراهيم قناوي

ألا هل بلغت


اللهم فأشهد!!!

الدكتور نذار محمد عثمان

تحية طيبة واحترام موصول ..

أربأ بك يا دكتور ان تكون من المتعجلين او من مسيئ الفهم .. هذا النص والنص الذي قبله اسئت انت فهمهما الى حد كبير؛ اذ اصلا ليس هناك انتقاص لمدثر ومزمل ممن يخاطبهما حبيب نورة؛ لينصرف الانتقاص الى الرسول الكريم .

ارجو ان تراجع مداخلاتي في هذا البوست؛ وتراجع نفسك؛ حتى لا تأخذك الحمية في ظلم الناس ..

حوار مفتوح وعاجل مع المدعو حبيب نورة

لك ودي

الأخ عادل عبد العاطي

شكرن كتيرن!

الأعمال هنا
والحساب بيهناك

دكتور نزار

جاييك بيهناك

الأخ المدعو حزيفة
طالما فتحت شباك بيهناك
ما كان تجي تدنِّس لي أشيائي بيجاي
تشكر علي المرور الشجاع

كدي خليك بي غادي لمن يجي دور بي جاي





















...

Quote: كدي خليك بي غادي لمن يجي دور بي جاي

ودى منو البتحكم فيها كمان يكون هنا ولا بهناك?

Quote: ودى منو البتحكم فيها كمان يكون هنا ولا بهناك?

السيدة /امير


الكلام اعلاه لا يعنيك وليس موجها لكريم سخصكم




عذرا






...

يا جميل


معليش نتكلم في القاعة بيهناك

المسرح خليه للجمهور
يصفق من حقوا
يرميني بالبيض الفاسد
برضو من حقوا

أميرات

كدي خليني أتفرغ شوية
مشكورة شديد

Quote: إبراهيم قناوي ألا هل بلغت اللهم فأشهد!!!

الأخ حبيب نورة

لا تجدني الا شاكرا لك

تكبدك مؤونة الرد

ولا أملك إلا حق ابداء الراي

وردك يكفيني جدا

اسال الله ان يهديني واياك لما فيه الخير

شكرن كتيرن

الأخ عادل عبد العاطي
بعد التحية
رأيت مداخلتك في البوست الآخر ورددت عليها قبل أن أرى تعليقك هنا وأشعر أن ردي هناك مناسب للرد على ما تفضلت به هنا لذلك أنقله لك كما هو.
ــــــــ
الأخ عادل عبد العاطي
والبورداب الأعزاء
بعد التحية:
أولاً: اعترف أنني لم أقرأ كل المداخلات في هذا البوست، وهذا قصور فرضه واقع أشغال متتابعة، أرجو أن لا يؤثر على ما سأقوله.
ثانيا: أعلم تماما أن النص الأدبي حمال أوجه، وحصره في معنى واحد أمر قد يتعذر، لكن ذلك لا يجعل الفهم متعذرا خاصة إذا كانت هناك كتابات أخرى تعضد الفهم المعين، وكما يقول أهل الحديث (طرق ضعيفة يقوي بعضها بعضا).
ثالثا: ليس لدي مصلحة في تجريم الأخ حبيب نورة في قليل أو كثير بل أسعد جدا أن يصرح بما يعارض ما فهمته منه، وهل إلا إلى ذلك أسعى.
رابعا: في تعليقاتي السابقة كنت أستفسر وأسال حبيب نورة هل له مشكلة مع الرسول صلى الله عليه وسلم، وأكدت أنني حسب فهمي أراه انتقص رسول الله صلى الله عليه وسلم، ليقيني أنه سيأتي في هذا البورد من يقول إن هذا ليس انتقاصا، ويبقى لكل رأيه ومنطقه، ولحبيب نورة أن ينفي ويرد أو يتجاهل كما يفعل حتى الآن مع تعليقاتي
خامسا: لا زلت أرى أن وصف حبيب نورة لرسول الله صلى الله عليه وسلم براعي ألاغنام الذي أصبح نبيا شهيرا في ذلك السياق يعد انتقاصا لرسول الله صلى الله عليه وسلم، لأنه ورد عقب شخصيات مذمومة، كما أن فيه أيحاء بأن النبوة كسب بشري، وهي ليس كذلك فلن يبلغ إنسان باجتهاده منزلة النبوة بل هي اصطفاء من الله، ولا أدري لماذا جعل الأخ عادل قراءته هي العميقة وقراءتي هي العجلى.
سادسا: قال عادل عبد العاطي:

Quote: هل يملك احدا من كل هؤلاء القراء المتعجلين حسا فنيا او ادبيا ؟ ما الذي فهموه من هذين النصين الجميلين ؟؟

أحسبني أملك حسا أدبيا (مبحوحا) (:، ألا يؤهلني ذلك للتعليق على حبيب نورة؟
كذلك قلت:

Quote: وبافتراض ان حبيب نورة كتب نصا ساخرا عديل؛ وكان قصده مثلما فهم المتعجلون هؤلاء؛ هل يظن المدافعون عن الرسول وعن الله انهم اقوى من الله؛ وان الله لا يعلم ما هي نية حبيب نورة ؟؟ وانه عاجز عن عقابه لو اراد ؟ هل لو اراد الله ان يخسف بحبيب نورة الارض - ساي كدة - هو قادر على ذلك ام لا ؟؟ ايظن هؤلاء ان بالله عجزا حتى يأتوا للدفاع عنه وعن الرسول ؟؟ ام هي الشلاقة الكتلت اشراقة ؟؟ والتعجل الذي لا يفيد ؟؟

القول بأن الله موجود وهو من يحاسب حبيب نورة على كلامه ونيته، قول يبطل الحوار من أساسه، وإن كان الأمر كذلك فلم الاعتراض إذا على الأفراد والمؤسسات بل والحكومات مع علمنا أن الله يرى وهو قادر على حسابهم.
سابعاً: زعم الأح حبيب نورة أنه لا يرضى بغير المعاني البكر، وهذا زعم كبير يكذبه الواقع:
قال حبيب نورة:

Quote: فتجدني شغوفٌ بالجمل العزراء التي ( لم تمسسها شفة بشر ) ! فأجد ضالتي وغايتي في القــــرآن غير آبه بالمحاذير والجيوش الجرارة من حملة المصاحف الذين قد يكفرونك غالباً حالما أقتربت من القرآن !

هذا الكلام ليس صحيحا، فالأح حبيب نورة (استلف) عنوان موضوعه من الأخ طلال عفيفي بل (استلف) عبارة الأخ طلال عفيفي كاملة في بوست أخر ولم يجعلها بين معقوفتين ولم يشر إليه .
انظر إلى كلام الأخ طلال عفيفي:

Quote: أبي سوداني ، يعود أصله إلى أقوام حطت طيورهم قبل قرون على شباك الوطن.أمي نوبية مصرية ينحدر نسبها لصانع المراكب نوح ( والذي أصبح نبيا شهيرا فيما بعد )..

في الرابط: http:// لــمــن ، كـنـا صـغـار
وانظر إلى عنوان البوست المشار إليه سابقا عزابنا من زمن راعي الأغنام أحمد الذي أصبح نبيا شهيرا. بل وانظر إلى كلام الأخ حبيب نورة هذا:

Quote: لكن كنت بغير من المطرة عشان خايف ان يبلغ السيل الزّبي وانا في زمن لايوجد فيه صانع المراكب نوح والذي صار فيما بعد نبيّــاً شهيراً ! جاتني ليك عقدة المطر وفوبيا الهطول ,, ولما (ميكائيل) شعر أنو نورة قليبا معاي قرر أنو يخت الكورة واطـة .. ويقضي بقية عمرو في غابة أستوائية ,, أنا بقيت أسرح مع القماري ......

في الرابط:http://ميكائيل وخناس و أنا ونورة النسخة الهولندية!!
أليست هذه عبارة الأخ طلال عينها... وكلتاهما عندي جانبها التوفيق والتوقير لنبي من أنبياء الله.
لك شكري وعذري عن الإطالة.