حوار مفتوح وعاجل مع المدعو حبيب نورة

قد نمى الي فهمي الذي قد يكون قاصرا" من باب (حسن الظن بك) انك تتعمد الاساءة والانتقاص الي جناب الرسول الاكرم


ولهذا قم بفتح هذا البوست حتى نفهم منك...!!!!!!!!










املائي


































..

Quote: يا مدثر......... يا مزمل يا مزمل صمتك .. أهتف ... أنسف كل سكاتك قول عبِّي لهاتك و أعرف .... كيف كلماتك تبقي رسول ..

Quote: يا مدثر أنو ضراك الزيف ,,, بتخدع نفسك قِيم الليل بي شاهق .... حسك لسانك طهـِّر ..... أطرد منك معني بدسك ماك مسيطر يا مدثر يوم الخوف بي وجعوا ...... بمسّك

يا مُزمِّل .. يا مُدثِّر .. لادِينك.. دِينك ((قيامة))

Quote: باب الأمل موجود ... لو كان الصباح مولود لو يبقي الظلم مفقود.... ( من زمن راعي الأغنام أحمد والذي صار فيما بعد نبياً شهيراً)

انتا احمد راعي الاغنام دا ود جيرانكم؟؟؟








شايفك خاتي الحالة بينك وبينو واحدة!!!





عجبي


..

Quote: باب الأمل موجود ... لو كان الصباح مولود لو يبقي الظلم مفقود.... ( من زمن راعي الأغنام أحمد والذي صار فيما بعد نبياً شهيراً)

انتا يا حلو احمد دا ود جيرانكم؟؟


شايفك ختيت الحالة واحدة معاهو؟؟؟؟








عجبي!

..

عزابنـا(من زمن راعي الاغنام أحمد والذي صار فيما بعد نبياً شهيراً)

( حتى نفهم منك...!!!!!!!!)

حقيقة يا ود الكباشى بصراحة بنمر على البوستات دى و كأنو على عينينا غشاوة ...
فعلا الكلام ما راكب عدلو ...



و فى انتظار حبيب نورة

حذيفه ود العم
تحايا واشواق متعدده
مداخله اولي للسلام والتحايا ولي عوده.

في انتظار حبيب نورة

Quote: حقيقة يا ود الكباشى بصراحة بنمر على البوستات دى و كأنو على عينينا غشاوة ... فعلا الكلام ما راكب عدلو ... و فى انتظار حبيب نورة

صدقت يا انور ...





















وفي انتظارك يا حبيب نورة

UP




















>>

فوق ..
حتي حضور حبيب نورة.

لا يؤاخذكم الله باللغو فى ايمانكم ولكن يؤاخذكم بما كسبت قلوبكم


صدق الله العظيم


هذا الرجل كثير الادعية والتعاويذ فرجائى دعوه يمض فى سلام لا ننا لا نعلم مافى جوفه

وليس لنا الحق ان نطالبه بتفسير ما عجزنا تفسيره !!


والله من وراء القصد

هل يعرف احدكم لماذا ومتى ضحك الله ؟؟؟



حبيب نورة لك التحية والاحترام ...

Quote: عن أنس بن مالك رضي الله عنه قال : كان رسول الله صلى الله عليه وسلم من أحسن الناس خلقاً فأرسلني يوماً لحاجة فقلت والله لااذهب وفي نفسي أن أذهب لما أمرني به نبي الله صلى الله عليه وسلم . قال : فخرجت حتى أمر على صبيان وهم يلعبون في السوق فإذا رسول الله صلى الله عليه وسلم قابض بقفاي من ورائي فنظرت إليه وهو يضحك . فقال : ياأنيس اذهب حيث أمرتك . قلت : نعم أنا اذهب يارسول الله قال أنس والله لقد خدمته سبع سنين أو تسع سنين ماعلمت قال لشيء صنعت لم فعلت كذا وكذا ولالشيء تركت هلا فعلت كذا وكذا . ضحك النبي صلى الله عليه وسلم من رجل يدخل الجنه عن عبدالله بن مسعود رضي الله عنه : عن النبي صلى الله عليه وسلم قال : إن آخر من يدخل الجنة رجل يمشي على الصراط فينكب مرة ويمشي مرة وتسفعه النار مره فإذا جاوز الصراط التفت إليها فقال : تبارك الذي نجاني منك لقد أعطاني الله مالم يعط أحداً من الأولين والآخرين قال : فترفع له شجرة فينظر إليها . فيقول : يارب أدنني من هذه الشجرة فأستظل بظلها وأشرب من مائها فيقول : أي عبدي فلعلي إذا أدنيتك منها سألتني غيرها . فيقول : لايارب ويعاهد الله أن لايسأله غيرها والرب عز وجل يعلم أنه سيسأله لأنه يرى مالا صبر له يعني عليه فيدنيه منها ثم ترفع له شجرة وهي أحسن منها . فيقول : يارب أدنني من هذه الشجرة فأستظل بظلها وأشرب من مائها . فيقول : أي عبدي ألم تعاهدني ؟ يعني أنك لاتسألني غيرها !. فيقول : يارب هذه لا أسألك غيرها ويعاهده والرب يعلم أنه سيسأل غيرها فيدنيه منها فترفع له شجرة عند باب الجنة هي أحسن منها . فيقول ربي أدنني من هذه الشجرة أستظل بظلها وأشرب من مائها . فيقول : أي عبدي ألم تعاهدني أن لاتسألني غيرها ؟! فيقول : يارب هذه الشجرة لاأسألك غيرها ويعاهده والرب يعلم أنه سيسأله غيرها لأنه يرى مالاصبر عليها فيدنيه منها فيسمع أصوات أهل الجنة . فيقول : يارب الجنة الجنة فيقول : عبدي ألم تعاهدني أنك لاتسألني غيرها ؟! فيقول : يارب أدخلني الجنة قال : فيقول عز وجل : مايصريني منك أي عبدي ؟ أيرضيك أن أعطيك من الجنة الدنيا ومثلها معها ؟ قال : فيقول : أتهزأ بي وأنت رب العزة ؟ قال : فضحك عبدالله بن مسعود حتى بدت نواجذه ثم قال : ألا تسألوني لم ضحكت ؟ قالوا لم ضحكت ؟ قال : لضحك رسول الله صلى الله عليه وسلم ثم قال لنا رسول الله صلى الله عليه وسلم : الا تسألوني لما ضحكت ؟ قالوا: لم ضحكت يارسول الله ؟. قال : لضحك الرب حين قال الرجل أتهزأ بي وأنت رب العزة . وفي رواية : (( قال الله تبارك وتعالى : إني لاأستهزئ بك ولكني على ماأشاء قادر ))

ذهبت وقرأت ما كتبه حبيب نورة ؛ والذي تعرض للقراءة العجلى ؛ حتى من طرف شخص مهذب ومثقف مثل الدكتور نزار محمد عثمان :

Quote: سوت شنو ياخ المحطات المسيخة ؟؟ شان تابي بي سكر وصولك؟؟؟ ( من زمن طيش حنتوب الذي صار فيما بعد رئيساً شهيراً) العتمة بانجقلي الصباح و مؤزن الحلة الفلاتي عايز يثبت لينا أنو بلال ود خالتو الحيطة بالحيطة وهو بهرد في لهاة الميضنة وبقول حي علي الفلاح حي علي السلاح والأزان في البلد دي مدفوع الأجر مقدماً يعني ممكن ناهد تمشي تجاهد ؟؟؟ علي فكرة ناهد دي اختي بس من بعيد كدة بيني وبينها تلاتة أخوات!! قدر المسافة بين قصور هارون الرشيد والعاصمة الاسبانية مدريد القلعوها حمرة عين من عرب الاندلس الكانو متفقين علي خلاف أيهما اجمل !! شعر أبن الرومي أم لحم الديك الرومي !!! سوت شنو ياخ المحطات المسيخة ؟؟ شان تابي بي سكر وصولك؟؟ ( من زمن أبن اللزينة (ود نفّاش) والذي صار فيما بعد حكواتي شهيراً) منو البقدر يشرط ورقة الزواج العرفي بين العسكر و الغبش ؟؟ والبلد مليانة أولاد حرام بدون أيي جناية بدون أيي غاية\ أو حتي حروف للسماية وحليلك!! حليلك بتسرق سفنجة وملاية وغيرك بيسرق خروف السماية تصدق في واحد بيسرق ولاية؟؟؟؟؟؟؟؟ سوت شنو ياخ المحطات المسيخة ؟؟ شان تابي بي سكر وصولك؟؟؟ ( من زمن بتاع البيض الصغير والذي صار فيما بعد رجل أعمالاً شهيراً) طوابير الجيــــــاع الحفــــــاة العـــراة واللسة واقفين في صف الأمل شان كسرة رغيف والشهادات المعلقة في حيطان الفشل البيروقراطي وروتين تعال بكرة العجيب وطلبات الوظايف النايمة في كهوف المسؤلين ! سوت شنو ياخ المحطات المسيخة؟؟ شان تابي بي سكر وصولك؟؟ (من زمن عسكري العمليات المغمور والذي صار فيما بعد بشيراً نزيراً)!! العتمة بانجقلي الصباح ..... في الضلمة حاج نور الأمام في الخطبة حي علي السلاح!! دايرين سعاد تمشي الجهاد؟؟؟ وكمان عبير تهتف تهلل للبشير! باب الأمل موجود ... لو كان الصباح مولود لو يبقي الظلم مفقود.... ( من زمن راعي الأغنام أحمد والذي صار فيما بعد نبياً شهيراً) شكرن كتيرن!

لو تمعن اصحاب القراءة العجلى في النص؛ وكانوا يحبون راعي الاغنام احمد الذي اصبح فيما بعد نبيا مشهورا؛ لشكروا حبيب نورة بدلا من ذمه ..

حبيب نورة اتى بكل الشخصيات الاولى في معرض زهج واحباط منهم وذم لهم ؛ عدا شخصية راعي الاغنام احمد؛ والذي كان دافعا للأمل رغم الظلم الطويل

أقرا النصوص

Quote: سوت شنو ياخ المحطات المسيخة ؟؟ شان تابي بي سكر وصولك؟؟؟ ( من زمن طيش حنتوب الذي صار فيما بعد رئيساً شهيراً)

Quote: سوت شنو ياخ المحطات المسيخة ؟؟ شان تابي بي سكر وصولك؟؟ ( من زمن أبن اللزينة (ود نفّاش) والذي صار فيما بعد حكواتي شهيراً)

Quote: سوت شنو ياخ المحطات المسيخة ؟؟ شان تابي بي سكر وصولك؟؟؟ ( من زمن بتاع البيض الصغير والذي صار فيما بعد رجل أعمالاً شهيراً)

Quote: باب الأمل موجود ... لو كان الصباح مولود لو يبقي الظلم مفقود.... ( من زمن راعي الأغنام أحمد والذي صار فيما بعد نبياً شهيراً)

فما اسخف القراءات العجلى ...

وهذا هو النص الثاني .. والفهم قسم ...

Quote: يا مدثر......... يا مزمل يا مزمل صمتك .. أهتف ... أنسف كل سكاتك قول عبِّي لهاتك و أعرف .... كيف كلماتك تبقي رسول يا مدثر أنو ضراك الزيف ,,, بتخدع نفسك قِيم الليل بي شاهق .... حسك لسانك طهـِّر ..... أطرد منك معني بدسك ماك مسيطر يا مدثر يوم الخوف بي وجعوا ...... بمسّك ما تتدثر و لا تتحسر فاكر زيفك ما بتفسر ؟ فاكر الوهم الساكنك جوة بفضل حاضنك وما بتكسر ؟ أكشف حال الزيف في السكة أخسف أرض الخوف و أنفكّ يا مدثر ولست عليهم يوم بمسيطر ! يا مزمل أوعك تهمِل أنوا غطاك الوعد الهسة حاول جمِّل كل مداخلك المارق منك ما بتدسّي يا مزمل وهم الفكرة ما تتغابي الشمس البكرة و أفهم أنو صباحك لسة ! يا مدثر محلك غيمة باكر تلقي المطرة نشاف يا مزمل موجة و شيمة بتحلم تبقي الموية ضفاف يا متلحِّف وهمك وهمك ظلمك يا متخوِّف ألمك زيفك ألمك ما تتضارا ورا مقداف شايف جُزراً ما بتنشاف يا مزمل ........ يا مدثر يا متوكل علي لادينك ... دينك ما تتخيل أنو يقينك مارد حرفاً باقي سجينك يا متباكي علي ميتينك ... دينك دينك ممشي و خطوة عديلة دينك شعلة تبُق في سنينك يا مدثر ......... يا مزمل يا مزمل وهم الممشي ما تتغشي يا متوهِّم أنو المنية كلام مصرور في قافية وغنية تعتِّر ليك أنشاء الله القشة لا بتجيك مبتسمة الدنيا ولا فد غنية ياخي تجيك أنشاء الله الكشة ! يا مزمل .......... يا مدثر

من هو مدثر المقصود هنا ؟؟ هل هو مدثر محمد ادم ؛ ام مدثر خميس طه؛ ام مدثر محمد علي؛ ام مدثر الفاضلابي؛ ام مدثر اخر يعرفه حبيب نورة وحده ولا نعرفه ؟؟

مدثر النص اعلاه ليس فيه شي من مدثر النص القرآني .. وان كان هناك تناص ما بين النصين - يا ناس النقد تعالوا ورونا تناص دي معناها شنو - ؟؟ طيب النص القرآني ذاتو هو نص ادبي؛ ويميل للتورية والبلاغة والتشبية الخ؛ ومن اراد فليرجع لواحد من اجمل كتب سيد قطب وهو " التصوير الفني في القران" .. فهل كان اسم الرسول الكريم مدثر حتى يناديه النص القرآنى بالمدثر ؟؟ وهل استخدم حبيب نورة هذا الاسم الا في طريق تناص؛ وهل مدثر حبيب نورة شخصية بغيضة الي حبيب نورة ام محبوبة له ؛ حتى نعرف ان كان يستهزأ بالمدثر القرآني وبالنص القرآني ام هو قد استغرق في الحب واستغرق في النص حتى تناصص معه ؟

مدثر حبيب نورة انسان ملآن بالتناقض؛ ولكن حبيب نورة يحمل تجاهه الكثير من العشم .. انظر اليه قائلا :

Quote: ما تتدثر و لا تتحسر فاكر زيفك ما بتفسر ؟ فاكر الوهم الساكنك جوة بفضل حاضنك وما بتكسر ؟ أكشف حال الزيف في السكة أخسف أرض الخوف و أنفكّ يا مدثر ولست عليهم يوم بمسيطر !

وانظر اليه كيف يخاطبه بحنو :

Quote: يا مدثر أنو ضراك الزيف ,,, بتخدع نفسك قِيم الليل بي شاهق .... حسك لسانك طهـِّر ..... أطرد منك معني بدسك ماك مسيطر يا مدثر يوم الخوف بي وجعوا ...... بمسّك

وهو يدعم مدثرا هذا ويريه ما لا يراه؛ من امل :

Quote: يا مدثر محلك غيمة باكر تلقي المطرة نشاف يا مزمل موجة و شيمة بتحلم تبقي الموية ضفاف

كما ان مدثره ومزمله هؤلاء لا دينيان؛ يبكيان على موتاهما ؛ ولكنه يسبهما ويقول لهما ان يقين الحادكم هذا لا يقين ؛ وان تبكيكم على موتاكم لا يفيد؛ وما يفيد هو كلمة الحق وهو الموقف الحق

Quote: يا متوكل علي لادينك ... دينك ما تتخيل أنو يقينك مارد حرفاً باقي سجينك يا متباكي علي ميتينك ... دينك دينك ممشي و خطوة عديلة دينك شعلة تبُق في سنينك

وعموما كل النص يمكن تفسيره بحب شديد ودعوة لاطلاق كلمة الحق التي تتحول رسولا؛ وكل مرسل من احد الى احد رسول؛ والكلمة لما ترسل للناس تكون رسولا :

Quote: يا مدثر......... يا مزمل يا مزمل صمتك .. أهتف ... أنسف كل سكاتك قول عبِّي لهاتك و أعرف .... كيف كلماتك تبقي رسول

اغلب من قرأ هذه النصوص ؤوانتقدها لم يفهمها؛ وهو أمر اعترف به صاحب البوست . والنص الادبي جزء متكامل لا يمكن ان نقرأه باجتزاء كلمات هي بعيدة عن المعنى الشمولي؛ على وزن " لا تقربوا الصلاة" - هذا هو التعجل الذي جعل ابو هريرة يتحدث بحديث " ما افلح قوم ولوا امرهم امرأة " - والعهدة على السيدة عائشة .

يبقى هنا السؤال: اذا كنت قرأت نصا ولم افهمه؛ هل من حقي التقعر والبحث عن اسؤا المعاني في ذهني ثم المجي ئ متحفزا لاخاطب شخصا معروف بالسماحة واللف بلقب "المدعو" ؟؟ هل يملك احدا من كل هؤلاء القراء المتعجلين حسا فنيا او ادبيا ؟ ما الذي فهموه من هذين النصين الجميلين ؟؟ ما هو السلبي في هذين النصين حتى ظنوا انه يسخر من الرسول الكريم او من القرآن ؟؟

ثم سؤال أخير:
وبافتراض ان حبيب نورة كتب نصا ساخرا عديل؛ وكان قصده مثلما فهم المتعجلون هؤلاء؛ هل يظن المدافعون عن الرسول وعن الله انهم اقوى من الله؛ وان الله لا يعلم ما هي نية حبيب نورة ؟؟ وانه عاجز عن عقابه لو اراد ؟ هل لو اراد الله ان يخسف بحبيب نورة الارض - ساي كدة - هو قادر على ذلك ام لا ؟؟ ايظن هؤلاء ان بالله عجزا حتى يأتوا للدفاع عنه وعن الرسول ؟؟ ام هي الشلاقة الكتلت اشراقة ؟؟ والتعجل الذي لا يفيد ؟؟

ولك مرة اخرى التحية والاحترام يا حبيب نورة

Quote: من زمن راعي الأغنام أحمد والذي صار فيما بعد نبياً شهيراً

Quote: من زمن طيش حنتوب الذي صار فيما بعد رئيساً شهيراً)

الاخ / حيدر الزين
تحياتي
الاستهتار واضح وصريح في سياق الكلام حسب تقديري على مقام سيدي رسول الله صلى الله عليه وسلم لذلك رجحت تقدير انه منكر فانكرته .

عمر ود فضل المولي
فضل المولي عليك كتير
نعم الآله علي العبادِ كثيرةً و أجلهن نجابة الأبناءِ

وانت تبارك الله
ولا كلمة !

Quote: الاستهتار واضح وصريح في سياق الكلام حسب تقديري على مقام سيدي رسول الله صلى الله عليه وسلم لذلك رجحت تقدير انه منكر فانكرته

يا مُستهتِر ..
يا مستهتر إنوا الكلمة
شرف و سلاح للظلمِ بكسِّر
يا مستهتر إنوا المعني
قيمة كبيرة و فكرة تسيطر
يا متلقِّح حِججاً بايرة
يا متبطِّح يا متبجِّح يا مستهتر


شكرن كتيرن!

ضحك الله تعالى ......... سبحانه وتعالى ..... الليلة



‏عن ‏ ‏أبي هريرة ‏ ‏رضي الله عنه: ‏
‏أن رجلا أتى النبي ‏ ‏صلى الله عليه وسلم ‏ ‏فبعث إلى نسائه فقلن ما معنا
إلا الماء فقال رسول الله ‏ ‏صلى الله عليه وسلم ‏ ‏من يضم أو يضيف هذا فقال
‏ ‏رجل ‏ ‏من ‏ ‏الأنصار ‏ ‏أنا فانطلق به إلى ‏ ‏امرأته ‏ ‏فقال أكرمي ضيف
رسول الله ‏ ‏صلى الله عليه وسلم ‏ ‏فقالت ما عندنا إلا قوت صبياني فقال
هيئي طعامك وأصبحي سراجك ونومي صبيانك إذا أرادوا عشاء فهيأت طعامها
وأصبحت سراجها ونومت صبيانها ثم قامت كأنها تصلح سراجها فأطفأته
فجعلا يريانه أنهما يأكلان فباتا طاويين فلما أصبح غدا
إلى رسول الله ‏ ‏صلى الله عليه وسلم ‏ ‏فقال ضحك الله الليلة أو
عجب من فعالكما فأنزل الله:
ويؤثرون ‏ ‏على أنفسهم ولو كان بهم ‏ ‏خصاصة ‏ ‏ومن يوق ‏ ‏شح ‏
‏نفسه فأولئك هم المفلحون ‏



رواه البخاري
* * *



‏وعن ‏ ‏إسحاق بن راشد ‏ ‏عن ‏ ‏امرأة من ‏ ‏الأنصار ‏ ‏يقال لها ‏ ‏أسماء
بنت يزيد بن سكن ‏ ‏قالت: ‏
‏لما توفي ‏ ‏سعد بن معاذ ‏ ‏صاحت أمه فقال النبي ‏ ‏صلى الله عليه وسلم
‏ ‏ألا ‏ ‏يرفأ ‏ ‏دمعك ويذهب حزنك فإن ابنك أول من ضحك الله له واهتز له العرش
رواه أحمد في مسنده
* * *



وفي صحيح مسلم كذلك من حديث أبي هريرة في قصة آخر من يدخل الجنة:
فلا يزال يدعو الله حتى يضحك الله تبارك وتعالى منه فإذا ضحك الله منه
قال ادخل الجنة فإذا دخلها قال الله له ‏ ‏تمنه فيسأل ربه ‏ ‏ويتمنى
حتى إن الله ليذكره من كذا وكذا حتى إذا انقطعت به الأماني قال
الله تعالى ذلك لك ومثله معه
* * *



‏وعن ‏ ‏أبي هريرة ‏ ‏رضي الله عنه: ‏
‏أن رسول الله ‏ ‏صلى الله عليه وسلم ‏ ‏قال ‏‏ يضحك الله إلى رجلين يقتل
أحدهما الآخر يدخلان الجنة يقاتل هذا في سبيل الله فيقتل ثم يتوب
الله على القاتل فيستشهد
رواه البخاري
* * *



فمن هذه الأحاديث وغيرها أخذ العلماء صفة الضحك لله تعالى.. ضحك يليق
بجلاله وعظمته..
فأحدنا يُتعب نفسه.. ويستخف دمه.. ليضحك البشر.. ويأتِ بالطرائف كيفما
اتفق.. ليضحك فلان أو فلان..!!
وإذا أعجبنا بشخص فنصفه بـ (دمه خفيف).. ونقربه في المجالس ونحبه..
فهو في نظرنا صافي البال.. لا يحمل حقدا ولا حسدا.. و و و..!!



فما بالكم إذا بمن يُضحك الله تعالى - تقدّست أسماؤه وجل ثناؤه -
فما بالكم بمن يُضحك الله من فوق سبع سماوات..
فما بالكم بمن يضحك اللطيف الخبير.. لا بطرفة ممجوجة.. ولا بحركة مقصودة..
بل بفعل يبتغي به وجه الله والدار الآخرة.. فيرضي به الله.. ويدخل به الجنة..

Quote: هل يعرف احدكم لماذا ومتى ضحك الله ؟؟؟

لماذا السؤال يا عادل؟؟

وفي انتظار حبيب نورة لتوضيح لماذا يسيئ الرسول (ص) والاسلام؟؟؟

اشرف مصطفي سلام ...

Quote: لماذا السؤال يا عادل؟؟

ساي كدا ..

البوست دا اصلو ما فيهو موضوع قلنا نعمل ليهو موضوع ..

Quote: وفي انتظار حبيب نورة لتوضيح لماذا يسيئ الرسول (ص) والاسلام؟؟؟

اها صاحب البوست قال لبهو فسر كلامك انت تسرعت طوالي حكمت عليهو انو بيسيئ للرسول والاسلام ؟؟


يا حبيب نورة لو بتعزني لا تجي البوست دا ولا توضح لي زول ولا تشتغل بي زول
وواصل الكتابة الجميلة ..

الاعرابي الذي يريد أن يحاسب الله :

Quote: بينما النبي صلى الله عليه وسلم في الطواف إذ سمع إعرابياً يقول: يا كريم فقال النبي خلفه: يا كريم فمضى الاعرابي الى جهة الميزاب وقال: يا كريم فقال النبي خلفه : يا كريم فالتفت الاعرابي إلى النبي وقال: يا صبيح الوجه, يا رشيق القد , أتهزأ بي لكوني اعرابياً ؟ والله لولا صباحة وجهك ورشاقة قدك لشكوتك الى حبيبي محمد صلى الله عليه واله وسلم . فتبسم النبي وقال: أما تعرف نبيك يا أخا العرب ؟ قال الاعرابي : لا قال النبي : فما إيمانك به ؟ قال : اّمنت بنبوته و لم أره وصدقت برسالته و لم ألقه . قال النبي : يا أعرابي , اعلم أني نبيك في الدنيا و شفيعك في الآخرة فأقبل الاعرابي يقبل يد النبي صلى الله عليه واله وسلم فقال النبي : مه يا أخا العرب لا تفعل بي كما تفعل الاعاجم بملوكها, فإن الله سبحانه وتعالى بعثني لا متكبراً ولا متجبراً, بل بعثني بالحق بشيراً ونذيراً . فهبط جبريل على النبي وقال له : يا محمد.. السلام يقرئك السلام ويخصك بالتحية والاكرام, ويقول لك : قل للاعرابي : لا يغرنه حلمنا ولا كرمنا, فغداً نحاسبه على القليل والكثير, والفتيل والقطمير فقال الاعرابي: أو يحاسبني ربي يا رسول الله ؟ قال : نعم يحاسبك إن شاء . فقال الاعرابي: وعزته وجلاله , إن حاسبني لأحاسبنه . فقال النبي صلى الله عليه و سلم : وعلى ماذا تحاسب ربك يا أخا العرب؟ قال الاعرابي : إن حاسبني ربي على ذنبي حاسبته على مغفرته , وإن حاسبني على معصيتي حاسبته على عفوه , وإن حاسبني على بخلي حاسبته على كرمه . فبكى النبي حتى إبتلت لحيته .. فهبط جبريل على النبي وقال : يا محمد, السلام يقرئك السلام , ويقول لك : قلل من بكائك فقد ألهيت حملة العرش عن تسبيحهم ، وقل لأخيك الاعرابي : لا يحاسبنا ولا نحاسبه فإنه رفيقك في الجنة .

ما موقع الله الذي يضحك ؛ والله الذي يتخلي عن الحساب؛ حتى لا يحاسبه الاعرابي؛ من العقل الذي يظن نفسه وصيا على الله وعلى البشر؛ ويظن نفسه افضل من الرسول الكريم نفسه؛ والذي خطابه القرآن بالقول (ذكر انما انت مذكر * لست عليهم بمسيطر ) ؛ واين هذه الصورة من القراءات العاجلة التي تترصد الكلمات ولا تفهم مجمل المعنى؛ وتخوض في دنيا الادب وهي لا تملك ادواته؛ وتدخل في ضمائر الناس لتجرمها وهي لا تعرفها ؟؟

سؤال تاني :



ما هي السبعة المثاني ؟؟

Quote: ساي كدا .. البوست دا اصلو ما فيهو موضوع قلنا نعمل ليهو موضوع ..

انت الما عندك موضوع
حسع موضوعك شنو القلت تعمله؟؟؟

Quote: اها صاحب البوست قال لبهو فسر كلامك انت تسرعت طوالي حكمت عليهو انو بيسيئ للرسول والاسلام ؟؟

انا قريت الكلام بتاني قبل ما اطالب الراجل يسال
بعدين انت قصتك معاي شنو؟؟؟

Quote: يا حبيب نورة لو بتعزني لا تجي البوست دا ولا توضح لي زول ولا تشتغل بي زول وواصل الكتابة الجميلة ..

الله ينتقم منك يا عادل دنيا واخرة اذا انا فهمت منك انك تسيئ للرسول (ص) او حتي تشجع الاساءة له
وانشاء الله نشوف معاداتك لربنا دي حا توديك لوين

Quote: يا حبيب نورة لو بتعزني لا تجي البوست دا ولا توضح لي زول ولا تشتغل بي زول وواصل الكتابة الجميلة ..

أضف لذلك إن المسلمين برمتهم هم من يسوؤون الى نبيهم قبل غيرهم جهارا نهارا ، وليس توارى خلف نصوص غير واضحة او لغة أدبية يستعصى فهمها على المنغلقين ...
دليل على ذلك الرسومات التي هاج وماج معها المسلمين في بقاع الأرض ، وتناسوا بان من رسم ذاك النبي تلكم الهيئة قد استنبط من وحي أفعالهم ولي من وحي خياله...
او بالاحرى من وحي دينهم!!!

*حبيب نورة اسمعني لا عندنا وقت ولا الموضوع بتساهل ، بداية من نداء عادل وعلاقتو بما يربطنا لا اكثر..
اسرح وراعى بقيدك على كيفيك...

اشرف مصطفي رد السلام موش برضو من الاسلام ؟؟

Quote: انت الما عندك موضوع حسع موضوعك شنو القلت تعمله؟؟؟

ضحك الله ومحاسبة الاعرابي له .. ممكن ؟؟

Quote: انا قريت الكلام بتاني قبل ما اطالب الراجل يسال بعدين انت قصتك معاي شنو؟؟؟

انت ما سألت انت حكمت .. راجع كلامك يا متأني ..

Quote: بعدين انت قصتك معاي شنو؟؟؟

ما عندي اي قصة معاك
ولو ما سألتني اصلا ما كنت حاتداخل معاك .

Quote: الله ينتقم منك يا عادل دنيا واخرة اذا انا فهمت منك انك تسيئ للرسول (ص) او حتي تشجع الاساءة له

ما عرفنا انت اسا فهمت ولا ما فهمت
شنو اذا انا فهمت دي ؟؟ ورينا فهمتا شنو وبعد داك مفروض تسألني اولا فهمك صح ولا غلط وهل انا قاصد ما فهمتو وبعد داك تدعي علي ..
مستعجل كدا مالك ؟؟

Quote: وانشاء الله نشوف معاداتك لربنا دي حا توديك لوين

اها يعني ما حبيب نورة براهو ؟؟ انا برضو معادي لي ربكم ؟؟
وتفتكر اسباب عدائي المزعوم دا تكون شنو ؟؟ عندي مشكلة معاهو لا سمح الله ولا حاجة ؟؟

Quote: باب الأمل موجود ... لو كان الصباح مولود لو يبقي الظلم مفقود.... ( من زمن راعي الأغنام أحمد والذي صار فيما بعد نبياً شهيراً

يا سلام يا عبدالعاطي ...



ياسلام عليك...


قلتا لي قريت كلام حبيب نورة قراءة متأنية


امانة مالقيت قراي يا العشا اب لبن


ياسيدي ربنا قال :
(لا تجعلوا دعاء الرسول بينكم كدعاء بعضكم بعضاً)



وصاحبك حبيب نورة دا ركب روحو مع السرسول في سرج واحد كأنو ود حلتم

Quote: فما اسخف القراءات العجلى ...

خلي قرايتك المتأنية تنفعك يا عشا البايتات




...

Quote: وهذا هو النص الثاني .. والفهم قسم ...

فعلا والله

الفهم قسم

Quote: يا مدثر......... يا مزمل يا مزمل صمتك .. أهتف ... أنسف كل سكاتك قول عبِّي لهاتك و أعرف .... كيف كلماتك تبقي رسول

يعني الزول دا قاصد منو بالكلام دا؟؟؟؟





هو بأمر السول الاكرم؟؟







..

يا حذيفة الكباشي .. التحايا يا حبيب ..

بالجد كدة راجع الكلام القالوا حبيب نورة في صياغو التام وما تورط نفسك في افكار آخرين .

يآخي ما بيستحق انك تفتح ليهو بوست ببساطة لاني مسلم زيك وبحب رسولي وربي وما شايف اي عوجة فيما كُتب ..

فابعدوا لينا بالله الدين دا من نهج طالبان ومحاكمات النوايا عشان نتموضع معاكم في حتة واحدة يآخ !

شنو اي زول شايل قلم التكفير وعاوز يطلع هو ود الرسول براهو ...؟

اللهم ما ذهب اليه حبيب نورة منكرا اني انكره واسال الله له الهداية
وصلى الله وسلم على رسولنا وحبيبنا وسيدنا محمد بن عبد الله وعلى اله وصحبه الابرار

الاخ عمر فضل المولي .. التحايا ..

ياريت تجيب ما قاله حبيب نورة المنكر دا وتخت لينا تحتو خطين عشان نفهم كلامو بالضبط ووجه
المنكر فيهو ..؟

زيدنا علماً رحمك ربي ..!!!

حذيفة سلام

Quote: فعلا والله الفهم قسم

كويس انو اتفقنا في نقطة ..

Quote: يعني الزول دا قاصد منو بالكلام دا؟؟؟؟

انا اعتقد قاصد مدثر ومزمل صاحبو / اصحابو ..
انت بتعتقد هو قاصد منو ؟؟

Quote: هو بأمر السول الاكرم؟؟

لا .. ما اعتقد هو بيأمر الرسول الاكرم
لأنو الرسول الكريم اصلا ما كان ساكت .. عشان يقول ليهو قول
واصلا هو كان رسول .. يعني ما محتاج يبقا رسول تاني ...

حذيفة ابراهيم سلام ..

اول حاجة كدي كلمنا - ما دام فهمت القصيدة - القصيدة دي عن شنو وعن منو وليه ؟؟

Quote: ياسيدي ربنا قال : (لا تجعلوا دعاء الرسول بينكم كدعاء بعضكم بعضاً) وصاحبك حبيب نورة دا ركب روحو مع السرسول في سرج واحد كأنو ود حلتم

انت ذاتك ما شايف كلامك عن الرسول الكريم فيهو عدم احترام؛ مرة تقول كانو صاحبو ومرة تقفول ود حلتم ؛ ومرة تقول ركبو في سرج واحد .. اها اسا دا كلام زول بيحترم زول ناهيك عن رسول ؟؟ وكمان شايل نقارتو ومهاجم كلام هو يقر بأنه ما فاهمو ؟؟

أها وين ركب الرسول الكريم معاهو في سرج واحد ؟؟ والسرج دا شنو ؟؟

Quote: خلي قرايتك المتأنية تنفعك يا عشا البايتات

اكيد بتنفعني؛ لأنه ليس فيها تحرش بالبشر ولا تكفير .

اين اختفى حبيب نورة؟؟؟؟؟!!!!!!!


























...

سيد عبدالعاطي


رجاء لا تحاول ان تنحرف بنا خارج الموضوع

وهدف هذا البوست ابعاد الغشاوة للمفاهيم التي اتى بها بتاع نورة (من باب حسن الظن المستحيل)


والي ذلك الوقت ننتظر حبيب نورة حتى يقارعنا حجة بحجة ومنطق بمنطق

















..

الاخ حيدر الزين



تحياتي ومودتي

Quote: فابعدوا لينا بالله الدين دا من نهج طالبان ومحاكمات النوايا عشان نتموضع معاكم في حتة واحدة يآخ ! شنو اي زول شايل قلم التكفير وعاوز يطلع هو ود الرسول براهو ...؟

لست طالبانيا يا سيدي ولا احاكم النويا ولا احمل قلم تكفير ولم اكفر احد فلا تقولني مالم اقله






انا هنا اريد تفسيرا فقط لكلام ظاهر


والاخذ في الدين بظواهر الاشياء

قال صلى الله عليه وسلم

(اذا رأيتم رجلا يرتاد المساجد فاشهدوا له بالايمان)


فأن لا اجيد قراءة الباطن ولا اريد الا تفسير الظاهر





..






محبتي




..

حذيفة الكباش .. لك كل التحايا

Quote: انا هنا اريد تفسيرا فقط لكلام ظاهر

إنت هنا فسرت وفتحت بوست ؟

ام لم تفهم وفتحت بوست لعدم فهمك ؟

دا الممكن يقودنا لطريقة نهجك بالتعاطي مع الظواهر وظاهر القول ....

الاخ الفاضل حيدر الزين



تحياتي...



لا ادعى كمالا في المعارف والمفاهيم ولا اترفع عن الاستنارة فيما جهلته من مكنونات الاشياء فقمت بتفسير كلام حبيب نورة حسب نصيبي من الفهم والفهم كما تعرف (قسم) واخت منهج الحكم بالظاهر وكما قلت لك الاصل في الدين الحكم بالظاهر ...

وقد اكون أسأت الفهم .. وخير من يدلني على الفهم الصحيح هو حبيب نورة لأنه هو الذي كتب ما كتب


قد اكون على خطاء وقد اكون على صواب وقد اكون مندفعا وقد وقد وقد...




















في انتظار حبيب نورة...





..

الاح حذيفة

Quote: لا ادعى كمالا في المعارف والمفاهيم ولا اترفع عن الاستنارة فيما جهلته من مكنونات الاشياء فقمت بتفسير كلام حبيب نورة حسب نصيبي من الفهم والفهم كما تعرف (قسم) واخت منهج الحكم بالظاهر وكما قلت لك الاصل في الدين الحكم بالظاهر ... وقد اكون أسأت الفهم .. وخير من يدلني على الفهم الصحيح هو حبيب نورة لأنه هو الذي كتب ما كتب قد اكون على خطاء وقد اكون على صواب وقد اكون مندفعا وقد وقد وقد...

كلام معقول

لم اذن الاصرار على الاساءة للاخ حبيب نورة مرة بوصفه المدعو ومرة بتاع نورة الخ
ولم لا تردع حملات التكفير التي بدأت في بوستك هذا تجاه الرجل ما دمت تطلب من حبيب نورة ان يدلك على الفهم مما يدلل على انك غير واثق من فهمك ؟؟

سيد حذيفة

Quote: رجاء لا تحاول ان تنحرف بنا خارج الموضوع

والموضوع هو شنو بالضبط ؟؟

Quote: وهدف هذا البوست ابعاد الغشاوة للمفاهيم التي اتى بها بتاع نورة (من باب حسن الظن المستحيل)

ما هو انت يا تقر انك ما فاهم وتنتظر حبيب نورة يجي يشرح ليك او اي زول تاني؛ وفي الحالة دي ما مفروض تسميهو المدعو وتبادر بسوء الظن؛ يا اما تتمسك بسوء الظن والظن لا يغني عن الحق شيئا وتسوق البوست انت واصحابك في اتجاه تكفيري وفي الحالة دي اصلا سبب ندائك لي حبيب نورة شنو ؟

بعدين ممكن تشرح لينا المفاهيم التي اتى بها حبيب نور - وليس بتاع نورة - ؟؟

Quote: والي ذلك الوقت ننتظر حبيب نورة حتى يقارعنا حجة بحجة ومنطق بمنطق

وين الحجة والمنطق في البوست دا ؟؟

انتم تسألون ولا تنتظرون الاجابة ؛ تقرون بعدم الفهم وتسرعون الى تجريم الرجل .

Quote: اين اختفى حبيب نورة؟؟؟؟؟!!!!!!!

وهو اصلا جاك هنا عشان يختفي ؟؟
حبيب نورة يكتب ما يشاء ويجي متى يشاء ويذهب متى يشاء ..

او في تناص اخر :
حبيب نورة يمشي وحده ويكتب وحده ويموت وحده ويبعث أمة وحده ..

سيد عبدالعاطي...

ممكن جدا وجودك يفيدنا ريثما يشرفنا حبيب نورة

Quote: ولم لا تردع حملات التكفير التي بدأت في بوستك هذا تجاه الرجل ما دمت تطلب من حبيب نورة ان يدلك على الفهم مما يدلل على انك غير واثق من فهمك ؟؟

كدي يا سيد يا جيد حتة حتة كدا ورينا التكفير الذي بدأتة على حد زعمك












..

Quote: سيد عبدالعاطي... ممكن جدا وجودك يفيدنا ريثما يشرفنا حبيب نورة

تسلم اخي حذيفة
شكرا للترحيب

Quote: كدي يا سيد يا جيد حتة حتة كدا ورينا التكفير الذي بدأتة على حد زعمك

قلتُ انها بدأت ولم اقل انك قد بدأتها

وهاك منها :

اشرف مصطفي:

Quote: وفي انتظار حبيب نورة لتوضيح لماذا يسيئ الرسول (ص) والاسلام؟؟؟

عمر عبد الله فضل المولى :

Quote: اللهم ما ذهب اليه حبيب نورة منكرا اني انكره واسال الله له الهداية

والنار اولها شرار ...

الأخ عادل عبدالعاطي ..

مالي أراك وقد أخذت تدافع بالوكالة عن حبيب نورة !!؟؟
الأخ حزيفة فتح بوست يطالب فيه حبيب نورة بتوضيح معاني يري هو فيها أنها تسئ للإسلام ولرسول الإنسانية محمد عليه الصلوات والتسليم ،
وأنا أتفق معه فيما ذهب إليه.

تجي سعادتك ناطي وخاشي توشك كدة !
سيب حبيب نورة يجي يدافع عن فكرتو بي نفسه وبلاش تتبني رأي عضو هنا وهو بكامل أهليته .

وبعدين ياخ لو إنت شايف حبيب نورة مابقدر يرد .. ويشرح مقاصده .. فدي مشكلتو وهو المفروض يحلها .



بإختصار دخولك بالإنابة عن حبيب نورة فيه تعدي علي فكرة البوست الأساسية،
ولو عايز حزيفة يتناقش معاك أمش أعمل ليهو بوست منفصل زي ماهو عمل مع نورة .


ـــ
غريبة بتدافع عن زول ماقادر يدافع عن أفكارو ،
وهو قايل الإساءة الي الرسول بهذه السهولة .

(*)

السيد السلمي سلامات

كونوا عادل عبدالعاطي يرد علي حذيفة ابداً دي ما فيها مشكلة لانو البوست عام و لو كان حذيفة قاصدحاجة خاصة ممكن يرسل لحبيب نورا في المسنجر و بعدين عندك يا أستاذ ما انت خشيت البوست دا في حد سألك؟


بعدين حبيب نورا راجل اديب يكتب ما يكتب و لو في حساب يحاسبوا ربنا .... و تعالوا انتو مين عشان تنصبوا انفسكم حراس نوايا و تفتوا دا يجوز و هذا لا يجوز يا خي عليكم الله ارحموا انفسكم

حافظ حسن سلام

Quote: بعدين حبيب نورا راجل اديب يكتب ما يكتب و لو في حساب يحاسبوا ربنا

المنبر دا عام لو عايز يكتب أي كلام ومافي زول يناقشو أو يعترض عليهو يمشي يكتب في الحيطة بتاعت الحوش حقهم ،
أديب علي عينا وراسنا .. أحترمو وأقدرو لكن خلوه يجي يوضح ويشرح كلامو البكتبو هنا ، وما أظن دي حاجة صعبة .

Quote: كونوا عادل عبدالعاطي يرد علي حذيفة ابداً دي ما فيها مشكلة لانو البوست عام

ياسيدي اي زول عندو راي حقو يوفرو شويه الي أن يأتي صاحب الفكرة ويوضح لينا فكرتو شنو ،
مش إحتمال هو مختلف مع عبدالعاطي ؟، ومش في إحتمال يكون قاصد حاجة تاني خالص ؟

في داعي للإحتمالات دي !؟
سيبو حبيب نورة يجي يقول رأيه للأخ حزيفة .. وبعدها لكل حادث حديث .

Quote: و تعالوا انتو مين عشان تنصبوا انفسكم حراس نوايا و تفتوا دا يجوز و هذا لا يجوز

ياخي زول ماقدر يفهم قصد الأديب .. قال ليهو تعال ورينا إنت قاصد شنو؟
تقول لي نوايا وتنصيب ويحزنون !

الأخوان الكرام

المتداخلون الأعزاء
السادة حماة العقيدة
والذين لولاهم لماتت راية الإسلام
سأعود لكم بي رواقة
وتراودني عن نفسي الآية القرآنية
( وما تلك بيمينك يا موسي )

!!!

Quote: كعهدي دائماً ... أقتبس من القرآن الكريم..... وذلك لأيماني القاطع باللغة القرآنية وقدرتها علي التحليق ... والغوص والتعمُّق .... فكان كثيراً ما ينتابني أحساس بالشك في أنني اتعمد السرقة من الآيات .. القرآنية حين تعجز بلاغة أحرفي عن الأبتكار والخلق والتجديد . فتجدني شغوفٌ بالجمل العزراء التي ( لم تمسسها شفة بشر ) ! فأجد ضالتي وغايتي في القــــرآن غير آبه بالمحاذير والجيوش الجرارة من حملة المصاحف الذين قد يكفرونك غالباً حالما أقتربت من القرآن ! و أليكم بعض النماذج التي أستعملتها في بعض نصوصي وهي مسروقة عمدا...: (حبيبتي) الياسمينة التي توضأ من شعرها صوت المغني وذهب ليصلي بالناس صلاة العطر ! أمذنبٌ أنا أذا عمداً ركعت!! صورها لي شيطاني ! ذات حلمٍ ورؤية وقال: يا بحر يا نهر يرفل في مأهولِ غريبِ الشعر فيسأل العطر ! يا أيها الملأ أفتوني في زهري!! (( من الآية الكريمة يا أيها الملأ أفتوني في أمري)) (حبيبتي) كانت المدخل العبثي الذي أخرجني من غيبوبتي وجعلني أسأل : كم لبثنا!!! ((من سورة الكهف)) أو كما قلت في بعض أشعاري: يا قميصاً قُدَّ من شوقٍ وأيدي تقطّع في كل الشرايين حين ترفعُ للسماءِ رجاءها أو تطوِّقَ عنقَ زهرةَ ياسمين ((من سورة يوسف)) كانت حبيبتي أنثي تغريك بأكلِ التفاحةَ ومن ثم ترفعك ألي أسفلِ سافلين!! ((من الآية ثم رددناهُ أسفل سافلين)) قررتُ ان أمزق صحيفة الهدنة المزعومة حتي وأن لم يتبقي منها غير بسمك اللهم ولكنها غادرتني وأنا علي شفا قبلة!! ((علي شفا حفرةٍ من النار))) ومن بوست للبروف معز بعنوان هل أتاك حديث عشقي (( أظنها مقتبسة من هل أتاك حديث الغاشية .. مثلاً )) ومن بوستي شوقئذٍ تحدثُ أخبارها ((يومئذٍ تحدثُ أخبارها بأن ربك أوحالها)) وقد كتبت أيضاً ألم ترَ كيف فعل حبك بياسين؟؟! ((من ألم ترً كيف فعل ربك بأصحاب الفيل))

السرقات الأدبية من القرآن هل تعتبر حرام شرعياً أم حلال أدبياً؟؟

الاخ السيد المسلمي

انا لا ادافع عن حبيب نورة ؛ فهو اقدر الفر مرة على الرد وليس على الدفاع
- يعني خلاص ختيتو في قفص الاتهام وتتعاملوا معاهو ومعاي كمدافعين ؟؟-

انا اعبر عن وجهة نظري واقدم قرائتي للنص في مواجهة القراءة المتعجلة ومن يظنون نفسهم اوصياء على الله

لك التحية

Quote: الأخ عادل عبدالعاطي .. مالي أراك وقد أخذت تدافع بالوكالة عن حبيب نورة !!؟؟ الأخ حزيفة فتح بوست يطالب فيه حبيب نورة بتوضيح معاني يري هو فيها أنها تسئ للإسلام ولرسول الإنسانية محمد عليه الصلوات والتسليم ، وأنا أتفق معه فيما ذهب إليه. تجي سعادتك ناطي وخاشي توشك كدة ! سيب حبيب نورة يجي يدافع عن فكرتو بي نفسه وبلاش تتبني رأي عضو هنا وهو بكامل أهليته . وبعدين ياخ لو إنت شايف حبيب نورة مابقدر يرد .. ويشرح مقاصده .. فدي مشكلتو وهو المفروض يحلها . بإختصار دخولك بالإنابة عن حبيب نورة فيه تعدي علي فكرة البوست الأساسية، ولو عايز حزيفة يتناقش معاك أمش أعمل ليهو بوست منفصل زي ماهو عمل مع نورة . ـــ غريبة بتدافع عن زول ماقادر يدافع عن أفكارو ، وهو قايل الإساءة الي الرسول بهذه السهولة .

المسلمي تشكر يا أخوي وياها المحرية فيك
ولا أريد أن أقول من أين أتي هؤلاء
ولكن ينبغي علي أن أقود الرسن
و أربط الأوتاد
و أنيخ جماح بعض الأفكار التي لم تحسن قراءتي

Quote: تجي سعادتك ناطي وخاشي توشك كدة ! سيب حبيب نورة يجي يدافع عن فكرتو بي نفسه وبلاش تتبني رأي عضو هنا وهو بكامل أهليته .

Quote: غريبة بتدافع عن زول ماقادر يدافع عن أفكارو ، وهو قايل الإساءة الي الرسول بهذه السهولة .

مولانا المسلمي
رضي الله عنهُ
أولاُ انت ما بتستطيع أنك تجيب أيي كلمة من كلامي دة
تقدر تقول فيها إسائة للنبي
واللا هو تكفير والسلام !
وبعدين حتة أني ما بقدر أدافع عن أفكاري المتبنيها
من قبل ما تبلغ الفطام السايبري
وتأتي ألي البورد بعد مخاض متعسر!
أنت فاكر الشغلانة أني بمثل أمام لجنة محاسبة
بالعكس أنا شايف أنو حوار يمكن تستفيدوا منو
لو طلعتوا من القوقعة و بطلتوا الإنغلاقية دي
ياباشا ناقص تودوني لي محكمة من أين لك هذا!
أنت فاكر إنوا الكتابة دي مجرّدشخبطة علي جدران مدرسة مراهقين
يتبوّلوا فيها و يتركوا زكرياتهم لحبيبةٍ ما
قد تحجُّ هذه الحوائط ؟؟
مرة سألني صديق!
عن الجنس الأدبي البكتب بيه
قلت ليه انا بكتب نيابة عن الجينات المتمردة جواي
لما تكون الدهشة بيضة ديك في مزرعة مرافعين
لا تتكرر مرتين!
وما مطالبت بتفسير لي كتابتي
اول حاجة انا ما بكتب في الفقه
ولا بعمل في فتوة
إذن فلتجتمع علي القبائل مجتمعة
ول يضربوني ضربة رجل واحد
فإني لا محالة خالدٌ

كلام حلو جدا يا سيد/عبدالعاطي


اذا دعنى نثبت بعض المفاهيم لكي يعذر بعضنا بعضا فيما اختلفنى فيه ولكي نمضي فيما اتفقنا عليه



اولا" انه ليس من حقنا ان نكفر احدا لأنه ليس هناك احد بيننا يحمل تفويضا الاهيا" وان اخر شخص لديه تفويض الاهي هو الرسول الاعظم عليه الصلاة والسلام

ثانيا ليس هناك تكفير للشخص المسلم ولكن هناك تكفير للفعل فانكار وجودالله سبحانة وتعالى هو كفر

ثالثا" ان من اوجب واجباتنا نحن كمسلمين انا وانت وحبيب نورة وغيرنا ان نوقر المصطفى صلى الله عليه وسلم


امتثالا لأوامر الله سبحانه وعالى اذ قال:

(يا أيها الذين آمنوا لا تقدموا بين الله ورسوله )

وقال تعالي

((يا أيها الذين آمنوا لا ترفعوا أصواتكم فوق صوت النبي ولا تجهروا له بالقول كجهر بعضكم لبعض أن تحبط أعمالكم وأنتم لا تشعرون)

وقال تعالي


(لا تجعلوا دعاء الرسول بينكم كدعاء بعضكم بعضاً)






فهل تتفق معي يا سيدي في هذه النقاط؟










...

Quote: بعدين حبيب نورا راجل اديب يكتب ما يكتب و لو في حساب يحاسبوا ربنا .... و تعالوا انتو مين عشان تنصبوا انفسكم حراس نوايا و تفتوا دا يجوز و هذا لا يجوز يا خي عليكم الله ارحموا انفسكم

يا واعي نحنا هنا من قبيل بنلت ونعجن في ظواهر مافي نوايا يا عشا البايتات











..

بدايةً
أنا أنسان بطرب لي سيرة النبي ولما أقول إنو في القرآن مادة أدبية
دسمة بكون ما جبت حاجة من عندي .. يوم من الأيام طرحت الموضوع دة
للنقاش ،، وما كنت بفتش في فتوة و اللا مداخلات تكسب كلامي دة شرعية
ولكن كانت محاولة تنويرية لي انا و للغير .

انت ما بتعرفني صاح
بي دليل عنوانك حوار مفتوح مع المدعو حبيب نورة
وقد يري الغير أن العنوان مفروض يكون
المدعو حزيفة الكباشي في حوار مفتوح مع حبيب نورة
إذا أفترضنا إنو السايبر دة معترف بي دورو كمنصة إنطلاق فكر وثقافة
في دي ما أختلفناانت شايفني نكِرة و أنا شايفك علم علي رأسه سيف
يدافع عن ذات النبي محمد صلي الله عليه وسلم
وما فضل ليك إلا تنصبني سلمان رشدي وتطالب بفتوة خمينية وتهدر دمي سايبرياً

دى مقدمة وبعد داك ربنا يقدرني أتناقش معاك بي موضوعية

اخيرا وصلت!!!


ابقى داخل


















..

Quote: بدايةً أنا أنسان بطرب لي سيرة النبي ولما أقول إنو في القرآن مادة أدبية دسمة بكون ما جبت حاجة من عندي .. يوم من الأيام طرحت الموضوع دة للنقاش ،، وما كنت بفتش في فتوة و اللا مداخلات تكسب كلامي دة شرعية ولكن كانت محاولة تنويرية لي انا و للغير .

لا يا سيد انا ما انا اختلافي معاك مافي لغة القراءن ولا في فكرة الاقتباس من لغة القراءن انا اعايزك توقع لي الاتي:

Quote: يا مدثر أنو ضراك الزيف ,,, بتخدع نفسك قِيم الليل بي شاهق .... حسك لسانك طهـِّر ..... أطرد منك معني بدسك ماك مسيطر يا مدثر يوم الخوف بي وجعوا ...... بمسّك ما تتدثر و لا تتحسر فاكر زيفك ما بتفسر ؟ فاكر الوهم الساكنك جوة بفضل حاضنك وما بتكسر ؟ أكشف حال الزيف في السكة أخسف أرض الخوف و أنفكّيا مدثر ولست عليهم يوم بمسيطر !

حبيب نورة الكلام المقتبس اعلاه في رأيي ليس اقتباسا فهو عندي وعلى حسب فهمي قد تجاوز الاقتباس الي ما يشبة

التحريف وربما اكون مخطيء فيما ذهبت اليه

ولكن!

من تقصد بمزمل ومدثر هنا؟؟




حتى تتضح المفاهيم؟؟




..

حكي لي واحد جدنا كدي
قال لي واحد من العرب جاء راكب فوق جملو شايل ليه بضاعة
وعشان يوزن الحمولة خاتي البضاعة فوق جيهة
وفي الجيهة التانية خاتيلوا رملة!
نزل في قهوة يتقوّت
في واحد من عرب البادية قال ليه يا اللخو سلام عليك
انت مالك شايل الرملة دي في الخُرُج!
قال ليه عشان أعدل بيها الميزانية!
صاحبنا قام قسم البضاعة علي جزئين
وكب الرملة في الواطــــة!
الزول سيد الجمل أستعجب
قال ليه تبارك الله دي عرفتها كيفن!
أنت زول مبروك وحاة شيخي
المهم بعديها ركب جملو و سافر مسيرة نص يوم
وتاني جا راجع القهوة
لقي زولوا قاعد
قال ليه ياأخوي انت عندك كم من ألبِل ؟
قال ليه ما عندي
سعلوا من السعية ومن الطين ومن القريشات
لقي ما عندوا الحبة
قام رجع البضاعة زي أول
ورجع الرملة في بكانا
قال ليه نان رايك فوق كم !!!

Quote: ولكن! من تقصد بمزمل ومدثر هنا؟؟

طيب ياخوي فاتح البوست دة فوق كم !!!
طالما ما عندك راي!!!؟

السيد حذيفة

اهو حبيب نورة ابا يسمع الكلام وجا داخل ليك بالتقيل .. غايتو اقدر على البستفة

Quote: اولا" انه ليس من حقنا ان نكفر احدا لأنه ليس هناك احد بيننا يحمل تفويضا الاهيا" وان اخر شخص لديه تفويض الاهي هو الرسول الاعظم عليه الصلاة والسلام

ما في زول اصلا عندو تفويض الهي ولا الرسول نفسو .. الم يخاطبه القرآن " ذكر فانما انت مذكر " ؟؟ الم يتوقف عن ذكر اسماء المنافقين مع انه كان يعلمهم ؟؟ تكفير ما في لان الله حسب الشريعة المدرسية هو الوحيد علام الغيوب ..

Quote: ثانيا ليس هناك تكفير للشخص المسلم ولكن هناك تكفير للفعل فانكار وجودالله سبحانة وتعالى هو كفر

شوف يا اخوي لا تكفير للمسلم لا للمسيحي لا لاي زول مات مقبول .. وما في حاجة اسمها تكفير فعل وعدم تكفير الفاعل .. اصلا ما التبس عليك رده الله اذا كنت مسلم .. القرآن قال للرسول انت لست مسيطر انت عايز تسيطر وتحدد حسب فهمك ان كان هذا الفعل او ذاك كفر او كان هذا الفعل او ذاك انكار . اها رأيك شنو في ناس بيروا انو من يثبت وجود الله هو ذاتو كافر لأنه اثباته ليه كأنما هو شك في وجودو .. نبقا في جنس دا ؟؟

Quote: ثالثا" ان من اوجب واجباتنا نحن كمسلمين انا وانت وحبيب نورة وغيرنا ان نوقر المصطفى صلى الله عليه وسلم

اولا ليس فقط المسلمين من يوقروا الرسول الكريم .. وانما عدد كبير من اصحاب الديانات الاخرى ومن اللادينيين .. وصاحب كتاب اعظم مائة شخصية في العالم وضع الرسول محمد على راس القائمة ولم يكن مسلما .. تفتكر ختاهو ليه ؟؟ كما ان واجبنا ايضا ان نوقر رسل الديانات الاخرى وان نحترمها ؛ وعلينا في كل ذلك ان نهتم بانفسنا لا بالاخرين؛ والا نفرض على الاخرين وصاية من اي نوع ..

Quote: فهل تتفق معي يا سيدي في هذه النقاط؟

قطعا لا اتفق لان نظرتي للامر اكبر من نظرة تكفير ولا تكفير ومسلم ولا مسلم ..

يا جماعة البوست ده مهكر و لا مهكر انا ؟؟؟

فى قائمة البوستات اقرأ ان عدد المداخلات 59 و اخرها لحبيب نورة ..
افتح البوست تجينى التسعة الاوائل بس ...




كدى ورونى ... كلكم كده ؟ و لا انا براى ؟؟؟

يعني انا كتبت
يا مدثر لادينك دينك ....

Quote: يا متوكل علي لادينك ... دينك ما تتخيل أنو يقينك مارد حرفاً باقي سجينك يا متباكي علي ميتينك ... دينك دينك ممشي و خطوة عديلة دينك شعلة تبُق في سنينك

دي زي ما يمكن أقول ليك
يا متوكل علي لافهمك .... فهمك
راعي فوارق الفهم ... الظلمك
ظلمك إنت الأفق الضيق
لا فهمك أنت الظلمك!

انا بقصد بي الرمزية دي إنو أيي زول بتوكل أو بتغطي بي اللادين
و يفترضوا دين ، دة شخص ناقص دينياً
والبتباكي و بزرف الدموع في سيرة الميتين
كزيارة ضرائح المشائخ والأولياء
يا الشيخ فلان تنجدني و تفزعني وتسوي لي
ويعمل حيطة بيني وبين ربوا
ويتناسي أنو ربنا قال
(فإني قريبٌ أجيبُ دعوة الداعي إذا دعانِ)
دة بزرع في الوهم الديني
بي وثنية متوهمة
ف انا ما ذنبي إنك باني جدار بينك وبين المدرسة الرمزية
وبتتوهم إنو القرآن والسيرة النبوية في حِرز أمين من الإقتباس
والنهل و التعاطي وناسي إنو اللغة متجددة و متحركة وغير جامدة

Quote: باب الأمل موجود ... لو كان الصباح مولود لو يبقي الظلم مفقود.... ( من زمن راعي الأغنام أحمد والذي صار فيما بعد نبياً شهيراً)

في الجزئية دي إعتراف صريح وغير قابل للنقاش في ذات
النبي و قدرتهُ علي رفع الظلم والغبن
ولا ينكر هذه الحقيقة إلا الذين في قلوبهم مرض
باب الأمل موجود+ الظلم مفقود+ الصباح مولود= وجوبية إنتظار حدوث
هذه الأشياء طالما بقيت سيرة الرسول (ًص) موجودة فينا
بالتالي إذا كانت السيرة النبوية منهلاً نغترفُ منهُ
فأنا أعتبر نفسي مجرد كوز وسط فوضي الفنطازات البتغرف من القرآن والسنة

الأخ حذيفة

كيف بتدعو زميل للحوار وبتصفه بالمدعو ؟ أي انه نكرة بالنسبة لك
هل الحوار مفروض عليه ؟ كسر رقبة مثلا ؟ هل هو استجواب ؟ استتابة ؟

وما السلطة التي تملكها لتفرض على زميل استجواب كهذا؟ هل منحك الله الحق بمحاكمة تفتيش النوايا هذه ؟


يا حبيب نورة لست مجبرا على التوضيح , ياخ الناس البستتبوهم في محاكمات الردة بسألوهم هل خرجت عن الإسلام لو رد قال لأ بسيبوه
وهنا لا يكفي انك تقول لأ , لازم يسألوك كتبت كدا ليه قلت كدا ليه , بالغصب كدا وكسر رقبة حتطلع ملحد بتسيئ للإسلام !

Quote: يا حبيب نورة لست مجبرا على التوضيح , ياخ الناس البستتبوهم في محاكمات الردة بسألوهم هل خرجت عن الإسلام لو رد قال لأ بسيبوه وهنا لا يكفي انك تقول لأ , لازم يسألوك كتبت كدا ليه قلت كدا ليه , بالغصب كدا وكسر رقبة حتطلع ملحد بتسيئ للإسلام !

Quote: يا حبيب نورة لست مجبرا على التوضيح , ياخ الناس البستتبوهم في محاكمات الردة بسألوهم هل خرجت عن الإسلام لو رد قال لأ بسيبوه وهنا لا يكفي انك تقول لأ , لازم يسألوك كتبت كدا ليه قلت كدا ليه , بالغصب كدا وكسر رقبة حتطلع ملحد بتسيئ للإسلام !

من المحتمل أنو يكون ساعي لي شهرة
عشان ناس قوقل ما يقولوا ليه حزيفة دة ببيع شنو يا عمك
أها أشتهرت !
أرتحت ؟؟؟

Quote: ( من زمن راعي الأغنام أحمد والذي صار فيما بعد نبياً شهيراً)

هذه المهنة أكتسبت قداستها لإرتباطها بالنبي
أهلنا يقولوا للشافع الحردان من الرعية
يقولوا ليه مالك مابي الرعية
دي مهنة النبي
يبقي ما مختلفين عليها
المشكلة أنوا في خيط رفيع ما بين الأدب
والكلام الدكاكيني
انت طابظ عينك بي أصبعك عشان ما تشوفا

الاخوة الكرام
رغم متابعتي لهذا البوست
والجدلية الحتمية فيه
الا انني كنت اتمني ان يكون الاخ حبيب
بعيدا عن التوضيح ليس ترفعا
ولكن علي الفنان ان يدلي بدلوه وعنده
فليسهر الخلق جراها ويختصموا
ابو العلا رمي بالزندقة عندما قال
في اللاذقية فتنة ما بين احمد والمسيح
قس يعالج جلبة والشيخ من حنق يصيح
كل يعزز دينه الا ليت شعري ما الصحيح
والان بعد اكثر من الف عام يعتبر ابي العلا
من فلاسفة العرب لا يختلف عليه اثنان....
حبيب نورة شخص مفعم بالتصوير البديع
ومخاطبتنا بلغة رفيعة
ليس في شعره فقط بل في نثره البديع
ارجو ان لا نغتال الفنان في دواخله
وليكن نقدنا لتجربته هادفا بعيدا
عن الزندقة والتكفير والتجريح
والنظر الي جماليات ما يتناوله
فليس لاحد حق ان ينصب نفسه وصيا
كل هذا ما ودي للمكاشفي ورواد البوست

أستاذ عادل عبد العاطي
لك العتبي حتي ترضي

Quote: لو بتعزني

والله ما قريت الجزئية دي إلا بعد ما بديت في الردود
لكن كمية من التلفونات هي الخلتني أفتح النيت
و أشوف قدر شنو في ناس فهما حبة!

فلك العتبي حتي ترضي

Quote: مالي أراك وقد أخذت تدافع بالوكالة عن حبيب نورة !!؟؟ الأخ حزيفة فتح بوست يطالب فيه حبيب نورة بتوضيح معاني يري هو فيها أنها تسئ للإسلام ولرسول الإنسانية محمد عليه الصلوات والتسليم ، وأنا أتفق معه فيما ذهب إليه. تجي سعادتك ناطي وخاشي توشك كدة ! سيب حبيب نورة يجي يدافع عن فكرتو بي نفسه وبلاش تتبني رأي عضو هنا وهو بكامل أهليته . وبعدين ياخ لو إنت شايف حبيب نورة مابقدر يرد .. ويشرح مقاصده .. فدي مشكلتو وهو المفروض يحلها . بإختصار دخولك بالإنابة عن حبيب نورة فيه تعدي علي فكرة البوست الأساسية، ولو عايز حزيفة يتناقش معاك أمش أعمل ليهو بوست منفصل زي ماهو عمل مع نورة . ـــ غريبة بتدافع عن زول ماقادر يدافع عن أفكارو ، وهو قايل الإساءة الي الرسول بهذه السهولة .

ياخ من الغرابة بمكان ان تخطط كلام اشك في انك راجعته قبل الارسال ..!!!
سيد المسلمي هل قمت بذلك فعلاً؟!؟
اذا كان عادل قام بالدفاع وكالة عن حبيب نورا ، واقوم انا ولا انكرها كذلك وقد يكون هنالك اخرون ، لا اعتقد ان هذا يخصك بقدر ما يخص حبيب نورا في تحديد من هو الموكل بالحديث عنه ...
المسالة تذهب اكثر من ذلك ، عن فكرة بعينها ، بعيد عن اطار دافعت عن فلان او وقفت بجانبه للوازم انه صديقك..
ياسيد فكرة الوصاية التي يتباها صاحب البوست ، وبدون حتى ادنى ان ينظر ما بين السطور وكانه رقيب او عتيد!!!
وقبل ان تتفق معه عليك انت ايضا قراءة مابين السطور...
مالكم تعتقدون مالا اعتقد او يعتق عادل في ان ، حبيب نورا لا يستطيع ان يدافع عن فكرته ؟!؟
قد لا يكون حاضراً او او
او حتى انه التزم بما طلبناه منه ان لا يتداخل ( هو الموضوع رجالة ولا استرجاء)!؟

الاساءة للرسول البتتكلم عنها دي انا وضحتها ليك (إن المسلمين برمتهم هم من يسوؤون الى نبيهم قبل غيرهم جهارا نهارا ، وليس توارى خلف نصوص غير واضحة او لغة أدبية يستعصى فهمها على المنغلقين ...
دليل على ذلك الرسومات التي هاج وماج معها المسلمين في بقاع الأرض ، وتناسوا بان من رسم ذاك النبي تلكم الهيئة قد استنبط من وحي أفعاله ولي من وحي خياله...)

انت كذلك ياحذيفة لا اضيف على مداخلة نهال ، تنادي الزول طيب شنو مدعو وماشابه!!!
خلاصة الموضوع تفتكر انا لو عايز اسئ عديل للرسول حاقعد انتظرك تحاكمني كده ، ولا مهازل !؟!؟

بوست غريب ...


انت ذاتك ياسين ماحلفوك قالوا ليك ماتخش ، يعني عملت شنو اسي ،هو ولا غيرو لو بيفهوا ماكان المسلمين ديل قاعدين لي اسي في الحضيض...
عليك دينك الواحد ماعندو زمن ، واتخارج خلينا نتخارج...

يا حبيبها اسمع تراجعت من كلامي ما دام انت دخلتا
اسمع البوست دا بي فهمك ورقيك علم الناس فيهو الادب والابداع وخليها تفهم ..

لو اي زول قلا ادبو عليك ادي في راسو وبستفو زي الكانو ما حصل شي
ولو تاكتروا عليك بننجدك ..

اخطرني الاخ حمور زيادة - له الشكر - ان الحديث عن الاعرابي ليس له سند رغم انه من الاحاديث المنتشرة في النت كما قال ..

هناك مع ذلك حديث قريب منه بنفس المعني اورده الغزالي في احياء علوم الدين؛ وفيه "أن أعرابياً قال لرسول الله – صلى الله عليه وسلم – يا رسول الله من يلي حساب الخلق يوم القيامة؟ فقال - صلى الله عليه وسلم-: الله - تبارك وتعالى-، قال: هو بنفسه؟ قال: نعم، فتبسم الأعرابي، فقال - صلى الله عليه وسلم-: ممَّ ضحكت يا أعرابي؟ قال: إن الكريم إذا قدر عفا، وإذا حاسب سامح.." إلى آخر الحديث .((إحياء علوم الدين 4/130))

رددت على الاخ حمور انني ملزم بايراد هذه المعلومة التي نقلها لي ؛ وها انا افعل .. مع ثبات موقفي ان صورة العجز من جهة والتجهم من الجهة الاخرى التي يفترضها البعض عن الاله وينطلقون منها لتكفير الاخرين ولفرض الوصاية على الله والبشر مرفوضة تماما؛ فوق انها لا تنسجم مع الفهم المدرسي للشريعة عن قدرة الله الكاملة وعن انه هو وحده العلام بما في الصدور وان ليس هناك من هو مسيطر علينا او من يحق له شق قلوبنا ليعلم ما فيها ..

قال ابن عربي فيما نُسب اليه ( حقيقة لم اقع للابيات اصلا في ديوانه او ما قرأته من كتبه) :

أنا القرآن والسبع المثـــــاني وروح الروح لا روح الأواني

فؤادي عند معلومي مقيــــــم يشـاهـدكم وعـندكم لســــاني

فلا تنظر بطرفك نحو جسمي وعُـدَّ عـين النِّـعـم بالمـــعاني

وغُصْ في بحر ذات الـــــذات تبصرْ عجائب ما تبدَّت للعيان

كدي يجي واحد يفسر لينا بعيدا عن القراءة المتعجلة ...

حبيب نورة...

مامطالب ابدا بكتابة نص وشرح مقاصدك وايجاد مبررات...
طيب من الاصل مافى داعى للنص مادام فى شرح موازى..










_____________________________________________________________
تانى الزول يكتب كلمتين فى سودانيز دى ينزل الشرح والاعتذار قبل ما يكتب

Quote: فأنا أعتبر نفسي مجرد كوز وسط فوضي الفنطازات البتغرف من القرآن والسنة

يعني بأعترافك طلعت كوز يا حبيبها








ياخي مش علي كيفي ... عايز افهم من كلامك انك كوز عديل كده

Quote: تانى الزول يكتب كلمتين فى سودانيز دى ينزل الشرح والاعتذار قبل ما يكتب

كلام اميرة صح




يعني المفروض تكتب نص اصلي مشفر
ونص موازي مشروح

سيد/ عبدالعاطي


اشكر لك مداخلاتك الثرة الجديرة بالنقاش التي قد تضيف الكثير لي وللجميع ولكنها قد تخرج من مسار (قضيتي انا ) التي طرحتها في هذا البوست بغية الوصول الي رؤية واضحة في حواري مع حبيب نورة...ولكني استأذنك سيدي

الفاضل ان تنقل افكارك هذه في بوست اخر حتى تتسنى لي ولك وللجميع الاستنارة والاستزادة من واسع معارفك


ولك شكرى مرة اخرى















..

السيد حذيفة

Quote: اشكر لك مداخلاتك الثرة الجديرة بالنقاش التي قد تضيف الكثير لي وللجميع ولكنها قد تخرج من مسار (قضيتي انا ) التي طرحتها في هذا البوست بغية الوصول الي رؤية واضحة في حواري مع حبيب نورة...ولكني استأذنك سيدي الفاضل ان تنقل افكارك هذه في بوست اخر حتى تتسنى لي ولك وللجميع الاستنارة والاستزادة من واسع معارفك ولك شكرى مرة اخرى

تسلم يا اخي ولكن هذه المساهمات هي في لب النقاش .. تتعلق بالقراءة المتعجلة وتصورنا اننا يمكن ان نكون اوصياء على الله والناس

اها لو سمحت انا حاواصل في طرح مداخلاتي وانتا واصل مع حبيبنا واخونا حبيب نورة ..

والله يا أستاذ عبد العاطي
انا في البداية لم أقرأ كلامك بخصوص عدم الخوض
مع الخائضين
لكن بعد أتبلبلت خليني أن نعوم
والله لن أتزحزح لو أنطبق علي الأخشبين
((وما تلك بيمينك يا موسي ))
وانا جاهز بي الكراكة من أجل زول كل العشوائيات الأسفيرية
وعايزين نعمل بكان بورداب عشش فلاتة
مدن فكرية و أدبية مسلحة
يعني انا ذنبي شنو في المراهقة الدينية المتأخرة دي
ديل كتاب منغوليين يا أستاذ
في جينات وراثية ناقصة دايرين يتموها بي شوية كروموسومات شبه دينية
خليهم يعلنوا الجهاد
و يهتفوا و يطبلوا
الدم أو يعود كليباً حيا!

الحبيب تروتسكي

Quote: انت ذاتك ياسين ماحلفوك قالوا ليك ماتخش ، يعني عملت شنو اسي ،هو ولا غيرو لو بيفهوا ماكان المسلمين ديل قاعدين لي اسي في الحضيض... عليك دينك الواحد ماعندو زمن ، واتخارج خلينا نتخارج...

يا حبيب هسة بتلقي بوست بي عنوان التولّي حين الزحف!
ويجيك واحد عايز يثبت لينا إنو حافظ سورة البقرة
ويعمل لينا البوست الأزهر الشريف

Quote: قد نمى الي فهمي الذي قد يكون قاصرا" من باب (حسن الظن بك) انك تتعمد الاساءة والانتقاص الي جناب الرسول الاكرم

نمي الي فهمي؟

من انت؟

بي ياتو صفة تفتش في الضماير ياظل الله؟

بطل ارهاب يامهووس.

ماانت الا بشر عادي ياكل الطعام ويتغوط كسائر الناس.

الأخ حبيب نورة

الرجاء عدم الرد على اي سائل .... وببساطة لنهم جميعاً افترضوا سوء النية قبل السؤال ....

ومليون مرة قلنا ..
الكاتب ليس ملزم بشرح ما كتبه .....

عليك الله خليهم في الفهم المقلوب ده .....

اخوك

ابوسولارا...

استاذ عادل عبد العاطي ..
تحياتي ..
دعني احاول ان اكون "اشترا " و اكسر حدة هذا النقاش الذي يسير متصاعدا محتقنا بدعابة حقيقية حدثت منذ سنوات عن الاحاديث المكذوبة.
احد مشايخ جماعة دينية كبيرة تحرص على نشر السنة و التصدي للاحاديث الضعيفة تم اتهامه في موضوع يتعلق بالتصرف في اموال دعوية و تدويرها لحسابة الخاص ثم رد رأس المال بعد ذلك الى جهاته الاصلية التي كان من المفترض ان يذهب اليها.
حاصروه بالادانة فقال محتجا : الرسول عليه الصلاة و السلام قال بارك الله في من نفع و استنفع.
فسأله احدهم : ده حديث يا شيخنا ؟
فقال في بجاحة : ده حديث سوق زي كلامنا ده .. يعني هسه موضوع السيخ و الاسمنت ده استدل ليو بصحيح البخاري ؟


ـــــــــ
حذيفة : انت متهم لحبيب نورة بشدة. مثلك لم افهم الابيات .. لكني لم اتهم حبيب نورة بالاساءه بل اتهمت نفسي بعدم الفهم.
حبيب نورة : رويدا على القران يا جميل. و قليل من مخاطبة الناس بما يعقلون.
البقية : ازيكم.

حبيبنا حمور زيادة سلامات

Quote: دعني احاول ان اكون "اشترا " و اكسر حدة هذا النقاش الذي يسير متصاعدا محتقنا بدعابة حقيقية حدثت منذ سنوات عن الاحاديث المكذوبة. احد مشايخ جماعة دينية كبيرة تحرص على نشر السنة و التصدي للاحاديث الضعيفة تم اتهامه في موضوع يتعلق بالتصرف في اموال دعوية و تدويرها لحسابة الخاص ثم رد رأس المال بعد ذلك الى جهاته الاصلية التي كان من المفترض ان يذهب اليها. حاصروه بالادانة فقال محتجا : الرسول عليه الصلاة و السلام قال بارك الله في من نفع و استنفع. فسأله احدهم : ده حديث يا شيخنا ؟ فقال في بجاحة : ده حديث سوق زي كلامنا ده .. يعني هسه موضوع السيخ و الاسمنت ده استدل ليو بصحيح البخاري ؟

لووول ..

السلفية ديل طبعا عندهم احاديث تجسيم كدا قاطعينها من راسهم ؛ وتلقاهم اشد الناس تحاملا على الصوفية فيما يتعلق بتدقيق الحديث
اها قعدو في جنس دا لمن جاهم اخونا هشام ادم ذاتو قال ليهم صحيح مسلم ذاتو ما صحيح ..

Quote: حبيب نورة : رويدا على القران يا جميل. و قليل من مخاطبة الناس بما يعقلون.

تعرف يا حمور .. حبيب نورة دا من احسن الناس البيكتبوا هنا
ومن اكثر الناس صدقا .. راجع بوستو عن الاقتباس من القرآن عشان تعرف الزول دا جميل كيف .. يجوا بعض اخواننا يقولوا ليهو يا زول انت عايز تسيئ للرسول وقاصد شنو في كلامك دا
ومدثر دا منو ؟؟

Quote: ياخ من الغرابة بمكان ان تخطط كلام اشك في انك راجعته قبل الارسال ..!!! سيد المسلمي هل قمت بذلك فعلاً؟!؟

بل ياسيدي الغرابة تكمن في مداخلتك هذه ،
أنا زاتي شاكي في إنك راجعت مداخلتك دي قبل الإرسال .. حاجة عجيبة جداً ،
وياخي من هنا ولي قدام أي مداخلة لي تأكد إني مراجعة ومذاكرة كويس ،

Quote: وقبل ان تتفق معه عليك انت ايضا قراءة مابين السطور

بالله عليك إنت ماعجيب !؟ أتفق معه ..أختلف معه.. دي حاجة بتخصني أنا ،
أقراء مستعجل ..أقراء متأني.. برضو بتخصني أنا ،
ودا مع إحترامي ليك .
ــــ
بعد دخول حبيب نورة هنا ،
فليس هناك مجال للمداخلات الجانبية ،


متابعين .

حبيب نوره إسمه يس وهو أصغر حاج مولود وهو إبن داعية ورع وتقى وباذل
وهو من أهل صلاح وتقى وهو من أقرب الناس إليكم عقيدة وقرابه فدعوا هذا الرجل وشأنه فهو مؤمن وسالك..................


منصور

Quote: يا متوكل علي لافهمك .... فهمك راعي فوارق الفهم ... الظلمك ظلمك إنت الأفق الضيق لا فهمك أنت الظلمك!

لوووولين
ما لووول واحد

المدعو حبيب نوره
او بتاعها ..

وقد اتاك حينا من الدهر اعلنوا عليك القيامه ..
ذا ستحشر .. ضمن من عشقوا ورقوا ثم صاروا حينما رضى الحبيب ملائكا

او كما قال عالم عباس

( زورا زعمت الشعر ينقذ ..
ما يضل وما يقود الى المهالك غير هذا الشعر . قدك .. فذق عذابك دونه
فذا ستحشر .. تلك ما جلبت يمينك
ضمن من عشقوا ورقوا ثم ذابوا ثم شفوا ثم صاروا كالاثير
غدوا هباء فى شعاع العشق
صاروا هالة .. وتوضأوا
فى حضرة المحبوب بالجمر النقى تيمموا ..
بالصبر والحرمان صلوا
ثم صاروا حينما رضى الحبيب ملائكا)

..

فيا يس .. قم لصلاتك راضيا مرضيا, ودعك من تلك الاثقال الارضيه

..
التعديل لاضافة الهاء لنور ( الحبيبه ) .. رغم ان محمد الحسن سالم حميد رضى الله عنه
وارضاه قد حزف هاء نوره واجازها كقوله

( يا نور قايمبك قاعدبك ) ..

يا حمور زيادة


عليك الله لو سمحت قول لينا علاقة (( ادرؤا الحدود بالشبهات)) ممكن تكون شنو بالعقل المتهجس التجريمي التكفيري ؟؟
الذي انتشر كثيرا في السنوات الاخيرة ...



بعدين العقل دا ذاتو بيكون جا من وين ؟؟

لا أبالي
بالذين يحاولن نصب مشنقتي
لا أبالي
سيحشرون عُمياً وصُماً وبُكماً
أكتب أنا
وهم يسهرون غيظاً طوال الليالي

لذا لن أبالي!!

ياخي
إنا أعطيناك الباسورد
لكي تنير و تستنير
أقل حاجة تصلي لربك شكراً أن جعلك من أهل الباسوورد

بالمناسبة أنا أعطيناك دي ما ليها علاقة بي صلاحية أملكها
تمشي تشكيني لي بكري
المدعو حبيب نورة
و حتي إن كان من الغاوين أو ضالّين السبيل إلي فكرة
يسهل عليك هضمها!
في حاجات لا يعلم سرها إلا خالقها
بتقدر تفسر لي ( ك ه ي ع ص )
نفس الشئ اللغة الأدبية ليست عصية علي الفهم
ولكنها تبقي محسوسة
مجرد محاولة لتفسيرها تفقدها روعتها
يعني مشيت خرقت القصيدة
هل خرقتها لتغرق أهلها!
أم لك في ذلك مآرب أخري !!
أدري أن لا تستطيع معي صبرا
ولكني أحاول أن ألملم شوية حاجات نسيتها
وما أنسانيها إلا الشيطان
و أظنهُ شيطان آخر غير ذلك المدعو بشيطانِ الكتابة !
ولكن أكيدٌ أن لغتك ضائعة سديً
طالما انك وضعت أصابعك في أذانك حزر الفهم !!
وجعلت ما بينك وبين الوعي سداً
و أني لتاركك حتي تبلغ الفطام
ومن ثم أرد لك بضاعتك
ويمكن أن أزيدك كيل بعيران
أنت و إخوتك
وانا سأكتفي برفقتي في الوعي
لا أدري كم عددهم
ربما يكونوا سبعةً ثامنهم فكرهم!

شكرا لهذا البوست
لا تستعجلوا علي فاليوم فقط عرفت حبيب نورة
كنت سابقا اقراء عنوانين بوستاته فاظن انه ( مخستك )
شوف الظلم الظلمتو ليك يا حبيب نورة ( بالعكس شوف الظلم الظلمتو لروحي )
وانا ما بقراء ليك ... شكرا الكباشي لتعريفي بحبيب نورة
( اكتب النص وفسره ) كانك تقدم عرضا مسرحيا وتخرج لتقول للجمهور انا قاصد
كده وانا قاصد كده اي بعد كل عرض او اي جنس ادبي نعمل نشرة جوية تقول انا
هنا كان كذا وهنا كان كذا
فشكرا لكم جميعا

ـــ
ليتك لم تفعلها يا حبيب المزمل .. ياالسالك في المسالك .



و لك تحياتي ...

صبراً آل نورة
فإن موعدكم التكفير !!

معليش يا ح نورة بس الداتاكارد خستكت شوية صلحتها وجيتك....



اها نبقى مارقين


حتة حتة


ـــــــــــــــــــــــــــ

Quote: يا متوكل علي لادينك ... دينك ما تتخيل أنو يقينك مارد حرفاً باقي سجينك يا متباكي علي ميتينك ... دينك دينك ممشي و خطوة عديلة دينك شعلة تبُق في سنينك

طيب يا حبيب نورة كلامك بتاع يامتوكل على دينك دا كلام جميــل وواضح جدا ومافيه لبس وانا قادر انط حيطان المدرسة الرمزية بتاعتو



ولكن!

Quote: يا مدثر أنو ضراك الزيف ,,, بتخدع نفسك قِيم الليل بي شاهق .... حسك لسانك طهـِّر ..... أطرد منك معني بدسك ماك مسيطر يا مدثر يوم الخوف بي وجعوا ...... بمسّك

اذا كانت كلمة متوكل في الاقتباس الاول يمكن ان تفهم على انو هذا المتوكل يمكن ان يكون زيد وعبيد وكوكو وحبيب نور لسبب بسيط انو ما تبعها من اشارات يمكن ان تكون عامة لأي شخص

ولكن كلمة مدثر ومزمل هنا بتتبعا اشارات الي شخصية واحده وهي المصطفى عليه الصلاة والسلام بدليل اقتباسك المتكرر لمصطلحات القراءان (مسيطر - طهر -قيم الليل)



فمن المقصود بهذه الرمزية؟؟؟؟



حبيب نورة


هل تحاول ان تجعل لنفسك خط رجعه؟؟ على حد قول د/نزار

Quote: الأخ حبيب نورة سؤال مباشر: هل لديك مشكلة مع رسول الله صلى الله عليه وسلم؟ أراك كثيرا ما تتكئ على أن النص الأدبي حمال أوجه،ويصعب القطع فيه بمراد الأديب، لتبث انتقاصا لرسول الله صلى الله عليه وسلم، وتبقي باب الرجعة مفتوحا لأن هذا نص أدبي، ومن أساء فهمه فلست مسؤولا عنه. النص أعلاه ـ بعيدا عن: من المقصود بـ المدثر والمزمل؟ ـ في جملته لمن أراد الانصاف في رأيي يحمل انتقاصا لرسول الله صلى الله عليه وسلم. هذا فضلا عن أن تعليقي هذا ليس منفصلا عن مشاركات لك سابقة كانت أيضا تحمل انتقاصا لرسول الله صلى الله عليه وسلم في نصوص أدبية. ولا زال بوست:عزابنـا(من زمن راعي الاغنام أحمد والذي صار فيما بعد نبياً شهيراً) موجودا في الأرشيف. هل أطمح في جواب مباشر على سؤالي؟

الاخ حبيب نورة

صدقني

اني احسن الظن فيك واعلم تماما انك لاتقصد التعريض بجناب الرسول الاكرم ولكن حجم التداخل الكبير والاقتباس الكبير
هو الذي وضعنا فيما نحن فيه



فلو امكن ان ترد على هذه الجزء حتى تعم الفائده






في انتظارك




...

Quote: ياخي إنا أعطيناك الباسورد لكي تنير و تستنير أقل حاجة تصلي لربك شكراً أن جعلك من أهل الباسوورد بالمناسبة أنا أعطيناك دي ما ليها علاقة بي صلاحية أملكها تمشي تشكيني لي بكري المدعو حبيب نورة و حتي إن كان من الغاوين أو ضالّين السبيل إلي فكرة يسهل عليك هضمها! في حاجات لا يعلم سرها إلا خالقها بتقدر تفسر لي ( ك ه ي ع ص ) نفس الشئ اللغة الأدبية ليست عصية علي الفهم ولكنها تبقي محسوسة مجرد محاولة لتفسيرها تفقدها روعتها يعني مشيت خرقت القصيدة هل خرقتها لتغرق أهلها! أم لك في ذلك مآرب أخري !! أدري أن لا تستطيع معي صبرا ولكني أحاول أن ألملم شوية حاجات نسيتها وما أنسانيها إلا الشيطان و أظنهُ شيطان آخر غير ذلك المدعو بشيطانِ الكتابة ! ولكن أكيدٌ أن لغتك ضائعة سديً طالما انك وضعت أصابعك في أذانك حزر الفهم !! وجعلت ما بينك وبين الوعي سداً و أني لتاركك حتي تبلغ الفطام ومن ثم أرد لك بضاعتك ويمكن أن أزيدك كيل بعيران أنت و إخوتك وانا سأكتفي برفقتي في الوعي لا أدري كم عددهم ربما يكونوا سبعةً ثامنهم فكرهم

طيب يا حبيب نورة انا لن انجر معك الي مهاترة او مكاواة او اي شغل بتاع ناس فاقدين المنطق خلينا يا حلو هسي في موضوعنا بعد ما نخلصو ممكن نهاتر ونتونس الي ما شاء الله هسي انتا بس رد علي حتة حتة وزي ما اديتوني الباسويرد بالقطارة وريني فهمك انتا(لوحدك) بالقطارة وخلينا نشوف اخرك





..

Quote: لن انجر معك الي مهاترة او مكاواة او اي شغل بتاع ناس فاقدين المنطق

منطق دي من نطق الجحش!
!!!
مجرد سؤال
ياباشا ياتو منطق عايزني أشرح ليك بيه!
وانت عايز توصل لي شنو يا سيدنا حذيفة؟
والله أنا لو دة الفهم
أحسن لي وربنا يعلم بمافي الضمائر
أن يتم تكفيري دينياً
ومافي زول يكفرني أدبياً
ما فرقت طالما فهمك شكلوا كدة
يا سيدنا حذيفة
انا بكتب والكلب ينبح
الزبد يذهب جفاء
ويبقي ما ينفع الناس
وبعدين قتل الشخصية دة تمارسوا مع أنسان ضعيف
وما مؤمن بي البعمل فيه
انا ضيعت معاك زمن لا تستحقه
وفعلاً القلم ما بزيل بلم

Quote: اني احسن الظن فيك واعلم تماما انك لاتقصد التعريض بجناب الرسول الاكرم ولكن حجم التداخل الكبير والاقتباس الكبير هو الذي وضعنا فيما نحن فيه فلو امكن ان ترد على هذه الجزء حتى تعم الفائده

والله انت لم تحسن الظن ولاتحسنه واجبرت على هذه اللهجة المخففة ...

يا أخى الكريم كان من الافضل ان تطلب توضيح ما لم تستطع فهمه وبصورة مهذبة بدون هذه اللهجة المستفزة ..

حبيب نورة .. اسجل حضور فى ديوانك البهى لتغنى خيالى بكل هذا الجمال ...

الأخوان حذيفة وحبيب نورة والجميع
السلام عليكم ورحمة الله.
النفس حار لكن شايف الناس اهل
ياحبيب نورة الرمزية مفهومة
ولكنى نبهتك فى البوست الأصلى الى ان الإقتباس لدرجة السرقة قد يوقعك فى المحظور دون ان تدرى ,, ونحن لنا بالظاهر والله يتولى السرائر ,, فان كنت مراجعا نفسك فراجعها فى حدود الإقتباس المسموح به ,,
وبعدين ياخى دى ماسرقات من القرآن وبس ده قلع عديل.
وزى ماقلت ليك الفلتر الفلتر.

حذيفة


التعديل لزوم السهو

مش في برضو سجود السهو!!

Quote: حذيفة قلنا بيهناك عشان انا قد أكون أملك من الزمن ولكن لا لأنفقهُ معك

معلش يا حبيب نورة بس مافهمتا



قصدك نمشي بي هناك؟ بي هناك وين؟


انتا عندك زمن وماعايز تضيعو معاي؟


دا قصدك


بس لأني بالجد ما فهمتا





..

طيب يا سيدي الكباشي
الحمد لله الذي لا يحمد علي مكروهٍ سواهُ
أول مرة يغلبني أرد علي زول
ياخي المساحة البين حاجاتي وحاجاتك شاسعة
انت من زمن كورة الشراب
أمل كتبت
وبدر قرأ
و أنا بحاول معاك شوية شوية
من أجل تجيير واقع أغبش
بس ما قدرت أفسر ليك إنو الوحي دة نزل لي شنو
ونزل كيف
وياتو ظرف نفسي كنت عايش فيه
ومتعايش معاه
قبيل قلت ليك يا متوكل علي لافهمك .. فهمك
لو قدرنا نعرِّي سوا الجزئية دي من دلاقينا
يمكن نقدر سوا نستر خواءك
لكن عينك فارغة ما بملاها إلا التراب
وانا ما بقول لي زول أحثو علي وجهه التراب
الكتاحة براها بتجيك رويداً رويدا
عليك الله دي أمة يكشحوا ليها باس وورد!!!


اللهم لا نسألك رد القضاء
ولكن نسألك اللطف فيه!

للأسف

عندما أخبروني تلفونياً بالبوست
أفتكرت أنوا ح ألقي محاور قوي
لكن انت محتاج تزاكر شوية
أقرأ ليك كلمتين تنفعك
وانا بمش
تعبتني في الفارغة والمقدودة ساهي

Quote: وبدر قرأ و أنا بحاول معاك شوية شوية من أجل تجيير واقع أغبش بس ما قدرت أفسر ليك إنو الوحي دة نزل لي شنو ونزل كيف وياتو ظرف نفسي كنت عايش فيه ومتعايش معاه قبيل قلت ليك يا متوكل علي لافهمك .. فهمك

كلام جميل ...

يعني انتا ما كنتا في حالتك المعتبر لم كتبتا يامزمل يا مدثر؟؟...

وانو على قول كبار المتصوفة انو المحبة بتطوي الادب؟؟

Quote: لو قدرنا نعرِّي سوا الجزئية دي من دلاقينا يمكن نقدر سوا نستر خواءك لكن عينك فارغة ما بملاها إلا التراب

مقبوووووووووولة منك يا حلو لن ارد علي اي مهاتره منك ما لم نخلص غرض البوست ومادام انتا قلتا:

Quote: بس ما قدرت أفسر ليك إنو الوحي دة نزل لي شنو ونزل كيف وياتو ظرف نفسي كنت عايش فيه ومتعايش معاه

طيب انا مقدر ظرفك النفسي النزل فيهو وحي الشعر الانتا كتبتو ولكني يا حبيب نورة لا ارى اي داعي للمكابرة ولا الزمك بأي اعتذار او اعرتراف بأي خطاء فأنا لست بمسيطر(شفتا اتعلمنا منك كيف) لكني لم احشر بقية المعاني الربانية الموجهه للمصطفى صلى الله عليه وسلم








كامل حسن الظن



...

ياخوي دي لغة قريبة من الله
نحن بنغرف من بحر ربنا
مش أولي!
قال نتشة وفعل زاردشت
وسيمون دي بفوار حلفت سارتر ما يخش عليها لوما أداها الرضوة
نحن ناس تربيتنا صوفية
قريبين من الله
ولو الغافل ظن إننا بعدنا

Quote: يعني انتا ما كنتا في حالتك المعتبر لم كتبتا يامزمل يا مدثر؟؟... وانو على قول كبار المتصوفة انو المحبة بتطوي الادب؟؟

انا ما دايرك تشرح لي كلامي
انا عايزك تهبب تفهموا
ولا بفتش لي فوق عذر
وقلمي ما بغير طريقتوا في الكلام ولا عطروا المفضل
ولا حتي أنواع ربطات العنق
أنا بكتب الحاجة البتعبر عني
وانت أقرأ حسب منظورك
وبعدين تعال انا قلت ليك أنا نبي!!
وانت لو شايف أنو حبيب نورة دة مثلاً بكتب في بيت دعارة
الجابك شنو ؟
خليك في الجامع!

Quote: كامل حسن الظن

كامل حسن الظن غصباً عنك
ياخي سوّك دواخلك دي بي حتة أراك
وطهر ثياب فكرتك
والرجز فأهجر
ما تقعد تسويها لي مغالطة
انا بغالط فيك لمدة مية و أربعتاشر سورة
لحدي ما تقول لي هل من مزيد!

Quote: ياخي سوّك دواخلك دي بي حتة أراك

هههههههههههههههااااااااااااااااايييييييي

لا والله حلوة


لكن برضو ما ببقى زيك وما بهاتر وانا والله لهاتااااااااار الا لمن براااااااااك تقول ما داير

Quote: يا مدثر......... يا مزمل يا مزمل صمتك .. أهتف ... أنسف كل سكاتك قول عبِّي لهاتك و أعرف .... كيف كلماتك تبقي رسوليا مدثر أنو ضراك الزيف ,,, بتخدع نفسك قِيم الليل بي شاهق .... حسك لسانك طهـِّر ..... أطرد منك معني بدسك ماك مسيطر يا مدثر يوم الخوف بي وجعوا ...... بمسّك ما تتدثر و لا تتحسر فاكر زيفك ما بتفسر ؟ فاكر الوهم الساكنك جوة بفضل حاضنك وما بتكسر ؟أكشف حال الزيف في السكة أخسف أرض الخوف و أنفكّ يا مدثر ولست عليهم يوم بمسيطر ! يا مزمل أوعك تهمِل أنوا غطاك الوعد الهسة حاول جمِّل كل مداخلك المارق منك ما بتدسّي يا مزمل وهم الفكرة ما تتغابي الشمس البكرة و أفهم أنو صباحك لسة ! يا مدثر محلك غيمة باكر تلقي المطرة نشاف يا مزمل موجة و شيمة بتحلم تبقي الموية ضفاف يا متلحِّف وهمك وهمك ظلمك يا متخوِّف ألمك زيفك ألمك ما تتضارا ورا مقداف شايف جُزراً ما بتنشاف يا مزمل ........ يا مدثر يا متوكل علي لادينك ... دينك ما تتخيل أنو يقينك مارد حرفاً باقي سجينك يا متباكي علي ميتينك ... دينك دينك ممشي و خطوة عديلة دينك شعلة تبُق في سنينك يا مدثر ......... يا مزمل يا مزمل وهم الممشي ما تتغشي يا متوهِّم أنو المنية كلام مصرور في قافية وغنية تعتِّر ليك أنشاء الله القشة لا بتجيك مبتسمة الدنيا ولا فد غنية ياخي تجيك أنشاء الله الكشة ! يا مزمل .......... يا مدثر

خلاص يا حبيب نورة في سؤال وااااااااحد اذا جاوبتني عليهو بعتقك وبفك دربك

Quote: ما تتدثر و لا تتحسر فاكر زيفك ما بتفسر ؟ فاكر الوهم الساكنك جوة بفضل حاضنك وما بتكسر ؟

ماهو الزيف الذي لا يفسر؟؟












كامل حسن الظن...


وغصبا عني



ورينا يا ح/نورة


..

Quote: وما بهاتر وانا والله لهاتااااااااار الا لمن براااااااااك تقول ما داير

لو الموضوع مهاترة
إنك لن تستطيع معي صبرا
ممكن أكمل ليك فهمك وبي الطريقة الأنت بتقترحا
أدب
فهم
وعي
فكر
ولو درتها صعلكة منتديات ( قلة أدب لكن بي أدب)
محل ما تدور أن بكضمك
قالوا الما عندوا لسان فقري و فلسان!
النقطة التانية و ياريت تكون الأخيرة عشان عملت لي ضغط

Quote: ماهو الزيف الذي لا يفسر؟؟

أول حاجة أحب أسألك
أنت جادي في كلامك دة !!
يعني بالجد كدة ما فاهم
غبي واللا بتتغابي
انا غايتو شايف أنك بتنكر ضؤ الشمسِ من رمدٍ
أنصحك بمراجعة طبيب العيون
مجمل القول
إنو الكلام موجه لشريحة معينة
تجاوزاُ عن إنزلاقات قد تفكك بنية النص
لا تشرخ ولا تفسر
المثقف مسؤول عن أيي جريمة تقع علي ظهر الأرض
ومن السخف أن تبحث في القاموس لمعاني معدة مسبقاً لما يكتبه قلم الشاعر
انت تارك ثور أفكارك يلف في حلقة مفرغة
وفاكرها ساقية بتعود بالنفع علي الناس
يعني بطريقتك دي ممكن تفتح بوست تكتب فيه مطالبة بتكفير ترباس
بصفتوا صاحب الغنية الشهيرة البعبدا
والتي حرفت ألي البعشقا
وتطالب بنصب مشنقة ليه
في ظل وعي أغبش بالطريقة دي ما مستغربة منك!
الزيف الما بتفسّر
يعني الزيف الما في ليه تبرير!!
بس كدة!!
ألا هل بلغت!

اللهم فأشهد !!!

في إنتظار فرقة حسب الله!!!


والصفقة وينااااااااااا

المدعو حبيب نوره....هل لديك اقوال اخرى؟؟

الأخ عادل عبد العاطي
والبورداب الأعزاء
بعد التحية:
أولاً: اعترف أنني لم أقرأ كل المداخلات في هذا البوست، وهذا قصور فرضه واقع أشغال متتابعة، أرجو أن لا يؤثر على ما سأقوله.
ثانيا: أعلم تماما أن النص الأدبي حمال أوجه، وحصره في معنى واحد أمر قد يتعذر، لكن ذلك لا يجعل الفهم متعذرا خاصة إذا كانت هناك كتابات أخرى تعضد الفهم المعين، وكما يقول أهل الحديث (طرق ضعيفة يقوي بعضها بعضا).
ثالثا: ليس لدي مصلحة في تجريم الأخ حبيب نورة في قليل أو كثير بل أسعد جدا أن يصرح بما يعارض ما فهمته منه، وهل إلا إلى ذلك أسعى.
رابعا: في تعليقاتي السابقة كنت أستفسر وأسال حبيب نورة هل له مشكلة مع الرسول صلى الله عليه وسلم، وأكدت أنني حسب فهمي أراه انتقص رسول الله صلى الله عليه وسلم، ليقيني أنه سيأتي في هذا البورد من يقول إن هذا ليس انتقاصا، ويبقى لكل رأيه ومنطقه، ولحبيب نورة أن ينفي ويرد أو يتجاهل كما يفعل حتى الآن مع تعليقاتي
خامسا: لا زلت أرى أن وصف حبيب نورة لرسول الله صلى الله عليه وسلم براعي ألاغنام الذي أصبح نبيا شهيرا في ذلك السياق يعد انتقاصا لرسول الله صلى الله عليه وسلم، لأنه ورد عقب شخصيات مذمومة، كما أن فيه أيحاء بأن النبوة كسب بشري، وهي ليس كذلك فلن يبلغ إنسان باجتهاده منزلة النبوة بل هي اصطفاء من الله، ولا أدري لماذا جعل الأخ عادل قراءته هي العميقة وقراءتي هي العجلى.
سادسا: قال عادل عبد العاطي:

Quote: هل يملك احدا من كل هؤلاء القراء المتعجلين حسا فنيا او ادبيا ؟ ما الذي فهموه من هذين النصين الجميلين ؟؟

أحسبني أملك حسا أدبيا (مبحوحا) (:، ألا يؤهلني ذلك للتعليق على حبيب نورة؟
كذلك قلت:

Quote: وبافتراض ان حبيب نورة كتب نصا ساخرا عديل؛ وكان قصده مثلما فهم المتعجلون هؤلاء؛ هل يظن المدافعون عن الرسول وعن الله انهم اقوى من الله؛ وان الله لا يعلم ما هي نية حبيب نورة ؟؟ وانه عاجز عن عقابه لو اراد ؟ هل لو اراد الله ان يخسف بحبيب نورة الارض - ساي كدة - هو قادر على ذلك ام لا ؟؟ ايظن هؤلاء ان بالله عجزا حتى يأتوا للدفاع عنه وعن الرسول ؟؟ ام هي الشلاقة الكتلت اشراقة ؟؟ والتعجل الذي لا يفيد ؟؟

القول بأن الله موجود وهو من يحاسب حبيب نورة على كلامه ونيته، قول يبطل الحوار من أساسه، وإن كان الأمر كذلك فلم الاعتراض إذا على الأفراد والمؤسسات بل والحكومات مع علمنا أن الله يرى وهو قادر على حسابهم.
سابعاً: زعم الأح حبيب نورة أنه لا يرضى بغير المعاني البكر، وهذا زعم كبير يكذبه الواقع:
قال حبيب نورة:

Quote: فتجدني شغوفٌ بالجمل العزراء التي ( لم تمسسها شفة بشر ) ! فأجد ضالتي وغايتي في القــــرآن غير آبه بالمحاذير والجيوش الجرارة من حملة المصاحف الذين قد يكفرونك غالباً حالما أقتربت من القرآن !

هذا الكلام ليس صحيحا، فالأح حبيب نورة (استلف) عنوان موضوعه من الأخ طلال عفيفي بل (استلف) عبارة الأخ طلال عفيفي كاملة في بوست أخر ولم يجعلها بين معقوفتين ولم يشر إليه .
انظر إلى كلام الأخ طلال عفيفي:

Quote: أبي سوداني ، يعود أصله إلى أقوام حطت طيورهم قبل قرون على شباك الوطن.أمي نوبية مصرية ينحدر نسبها لصانع المراكب نوح ( والذي أصبح نبيا شهيرا فيما بعد )..

في الرابط:http:// لــمــن ، كـنـا صـغـار
وانظر إلى عنوان البوست المشار إليه سابقا عزابنا من زمن راعي الأغنام أحمد الذي أصبح نبيا شهيرا. بل وانظر إلى كلام الأخ حبيب نورة هذا:

Quote: لكن كنت بغير من المطرة عشان خايف ان يبلغ السيل الزّبي وانا في زمن لايوجد فيه صانع المراكب نوح والذي صار فيما بعد نبيّــاً شهيراً ! جاتني ليك عقدة المطر وفوبيا الهطول ,, ولما (ميكائيل) شعر أنو نورة قليبا معاي قرر أنو يخت الكورة واطـة .. ويقضي بقية عمرو في غابة أستوائية ,, أنا بقيت أسرح مع القماري ......

في الرابط: http://ميكائيل وخناس و أنا ونورة النسخة الهولندية!!
.
أليست هذه عبارة الأخ طلال عينها... وكلتاهما عندي جانبها التوفيق والتوقير لنبي من أنبياء الله.
لك شكري وعذري عن الإطالة.

الأخ نزار

معليش جيت بس عشان أسجل حضور
عندي حمي وصداع كدة
انا قلت يكون من دعواتكم علي
أصلكم ناس واصلين
برد ليك علي حاجة تانية
أنا لما نزلت الموضوع بتاع من زمن راعي الأغنام
كان فيه بقية
ولو ملاحظ انا ما رديت فيه
في باقي الكلام كانت الفكرة الأساسية بتتكلم عن التحريض
والكلام البحرضك تكتب
وكان في شوية نمازج
من ضمنها الجميل عفيفي
بس لي ظروف كدة انا يمكن غتست فترة
لحدي ما أتأرشف الموضوع
باقي الكلام باكر!
شكرن كتيرن!

الأخوان الكرام

عودة ....
الحبيب نزار
طبعاً في حاجات انت لازم تفهما كويس أهماها
مهنة رعي الأغنام الأنت بتهمشا
دي مهنة مقدسة من فوق سبع سموات
انت لو شايف انها فيها تصغير و تقليل من شأن النبي
كان ربنا عمل من سيدنا محمد شهبندر تجار
وساواهو في الغني بي زوجتوا خديجة رضي الله عنها
او بي سيدنا عثمان بن عفان
لكن المهنة دي طالما أختارا المولي عز وجل لسيد الخلق أجمعين
دي بيعني أنها مهنة مقدسة و شريفة
يعني كلامك هو البقلل من شأن النبي
ما كلامي انا!!
الأنتقاص وين
والشخصيات المذمومة دي منو!
طيش حنتوب
دي حاجة قد نختلف حولها أو نتفق
وبعدين انت أهملت الجانب الأدبي
وخشيت لي في حصة التربية الاسلامية
يازول ندمتني علي الكلام البين كل سطر من سطورو
شعرة ممعوطة من راسي
وبعدين ياخ انت ما تمشي مجلس الأفتاء الشرعي
طالما شاطر في الدين كدة
ــــــــــ

أما بالنسبة لعبارة الجميل طلال
فأنا زي ما قلت ليك كانت مجاراة
والبوست ذاتو فيه باقي
بس لظروف كدة انا ما أكملتوا
ولو لاحظت انا ما رديت علي زول
ولو ما جبتوهو ما كنت عارف غطس وين
يعني انا أغرف من القرآن والسنة
ما أغرف من طلال
ـــــ

المهم يا اخ نزار
لو قلت كل يوم تقعد تكوس لي في روابط
وتقول حبيب نورة فعل وترك
أخير ليك تتعلم المشاط الأسفيري
انا دي طريقتي وما بغيرا عشانك
بديك روشتة صغيرة
ما تقرأ لي حاجة
الروشتة دي علي فكرة ممكن تستمر معاك طول الحياة
وبي كدة تكون أتحصلت علي صكوك الغفران
وخشيت الجنة بالمزيكة


شكرن كتيرن!

الأخ حبيب نورة
بعد التحية

Quote: مهنة رعي الأغنام الأنت بتهمشا

لم يحدث أن همشتها في هذا المنبر، قراءتك خاطئة، وما ترتب عليها بالتالي لا يلزمني.

Quote: وبعدين انت أهملت الجانب الأدبي وخشيت لي في حصة التربية الاسلامية

هل ترى السرقات الأدبية من مقررات حصة التربية الإسلامية؟

Quote: أما بالنسبة لعبارة الجميل طلال فأنا زي ما قلت ليك كانت مجاراة والبوست ذاتو فيه باقي بس لظروف كدة انا ما أكملتوا ولو لاحظت انا ما رديت علي زول ولو ما جبتوهو ما كنت عارف غطس وين يعني انا أغرف من القرآن والسنة ما أغرف من طلال

لا أرى أنك معذور بهذا الكلام، فأنت نقلت كلامة بالحرف ولم تضعه بين قوسين ولم تشر إليه.
تعرف أراك مثل طالب الإبتدائي الذي أعجب بكراس جاره فأخذه منه وكتب عليه اسمه، وعندما استدعاه المدرس بعد سنتين وقال له لماذا كتبت اسمك على كراس زميلك ولم تعده إليه قال له: كتب اسمي إعجابا بالكراس، وكنت أود رجاعه لكني نسيت.
قد يكون الطالب صادقا لكنه مخطئ لا محالة.

Quote: لو قلت كل يوم تقعد تكوس لي في روابط وتقول حبيب نورة فعل وترك أخير ليك تتعلم المشاط الأسفيري انا دي طريقتي وما بغيرا عشانك بديك روشتة صغيرة ما تقرأ لي حاجة الروشتة دي علي فكرة ممكن تستمر معاك طول الحياة وبي كدة تكون أتحصلت علي صكوك الغفران وخشيت الجنة بالمزيكة

هذا كلام متهافت،
وما قرأته من إنتاجك أقل من القليل، ولا يتعدى في تقدير 2% من كتابتك.
وبوست عذابنا من زمن راعي الأغنام، لوم لم يكن عنوانه مثيرا لما دخلته، ولا أذكر أني ابتدرت بوستا عنك فأربع على نفسك.
أما المشاط الإسفيري وصكوك الغفران ودخول الجنة بالمزيكة .. فهذا كلام أترفع عن الرد عليه.

لساتنا إنتظار للمزيد

ما في تهميش تاني أول إنتقاص لي ذات النبي

انا ما مركز معاك كتير عشان شوية زي ما قلت
ليكم دعواتكم المستجابة
أصابتني
ما يكون فيها الساحق والماحق

الدكتور نزار تحياتي ..

Quote: أولاً: اعترف أنني لم أقرأ كل المداخلات في هذا البوست، وهذا قصور فرضه واقع أشغال متتابعة، أرجو أن لا يؤثر على ما سأقوله.

أكيد بيأثر ..

Quote: ثانيا: أعلم تماما أن النص الأدبي حمال أوجه، وحصره في معنى واحد أمر قد يتعذر، لكن ذلك لا يجعل الفهم متعذرا خاصة إذا كانت هناك كتابات أخرى تعضد الفهم المعين، وكما يقول أهل الحديث (طرق ضعيفة يقوي بعضها بعضا).

في النصين محل النقاش وفي كل كتابات حبيب نورة ما يدحض ما رأيت بدلا من ان يقويه ..

Quote: ثالثا: ليس لدي مصلحة في تجريم الأخ حبيب نورة في قليل أو كثير بل أسعد جدا أن يصرح بما يعارض ما فهمته منه، وهل إلا إلى ذلك أسعى.

وقد صرح بذلك بمعارضة ما فهمته؛ فهل له حق الاعتذار عليك على سوء الفهم والاتهام ؟؟

Quote: رابعا: في تعليقاتي السابقة كنت أستفسر وأسال حبيب نورة هل له مشكلة مع الرسول صلى الله عليه وسلم، وأكدت أنني حسب فهمي أراه انتقص رسول الله صلى الله عليه وسلم، ليقيني أنه سيأتي في هذا البورد من يقول إن هذا ليس انتقاصا، ويبقى لكل رأيه ومنطقه، ولحبيب نورة أن ينفي ويرد أو يتجاهل كما يفعل حتى الآن مع تعليقاتي

حقيقة استغربت من رؤيتك يا دكتور وان لم استغرب من رؤية الاخرين؛ وذلك لما اعرفه عنك من تحقيق ومن معرفة لغوية؛ ولا ازال استغرب فهمك واعتقده ناتج من حساسية فائقة لم تنظر للنص في شموله ..

Quote: خامسا: لا زلت أرى أن وصف حبيب نورة لرسول الله صلى الله عليه وسلم براعي ألاغنام الذي أصبح نبيا شهيرا في ذلك السياق يعد انتقاصا لرسول الله صلى الله عليه وسلم، لأنه ورد عقب شخصيات مذمومة، كما أن فيه أيحاء بأن النبوة كسب بشري، وهي ليس كذلك فلن يبلغ إنسان باجتهاده منزلة النبوة بل هي اصطفاء من الله، ولا أدري لماذا جعل الأخ عادل قراءته هي العميقة وقراءتي هي العجلى.

هل كان الرسول الكريم راعيا للاغنام ؟؟ هل ينتقص هذا منه شيئا ؟؟ الم يقل انه ابن امراة كانت تأكل القديد في مكة ؟؟ هل لم يصبح نبيا مشهورا ؟؟ وهل اذ ورد بعد شخصيات مذمومة كان في نفس السياق ام في سياق اخر مغاير ؟؟ هل لم يكن النص عنهم ذاما والنص عنه مادحا ؟؟ هل اذا قلت ان نميري جبان والبشير سفاح ونزار محمد عثمان رجل محترم اكون قد ذممتك ام مدحتك ؟؟ رغم اني اتيت باسمك بعدهم ؟؟ واين الايحاء ان النبوة كسب بشري؛ ثم من قال انها ليست كسبا بشريا ؟؟ وما هو الفرق بين النبوة والرسالة ؟؟ وهل يكون النبي نبيا بالرغم منه؛ ام بفضل خصائص فيه ؟؟

اما جعلي لقرائتي هي المتمحصة فلاني لم انظر لمجرد وجود النبي احمد في النص مع ود نفاش وغيره وانما نظرت للسياق الذي جاء الكلام عنه فيه؛ وهو سياق ايجابي عكس السياق الذي ورد فيه ذكر الاخرين؛ وهو امر تجاوزته انت في عجالتك ..

Quote: أحسبني أملك حسا أدبيا (مبحوحا) (:، ألا يؤهلني ذلك للتعليق على حبيب نورة؟

نعم يؤهلك ولكن هل النقاش هنا ادبي ام هو نبش في الصدور ومحاولة للتجريم ومدخل للتكفير ؟؟

Quote: القول بأن الله موجود وهو من يحاسب حبيب نورة على كلامه ونيته، قول يبطل الحوار من أساسه، وإن كان الأمر كذلك فلم الاعتراض إذا على الأفراد والمؤسسات بل والحكومات مع علمنا أن الله يرى وهو قادر على حسابهم.

المؤسسات والحكومات نعترض عليها ونحاسبها ما دامت تعالج قضايا تتعلق بحياتنا من معاش وحقوق؛ ولكن هل تتعلق نصوص حبيب نورة بمعاشنا وحقوقنا ؟؟ وهبه كان كافرا عديل ؛ هل يؤثر مفره على حياتنا ام ننظر اليه من جانب "من شاء فليؤمن ومن شاء فليكفر" - اما من تملك امرنا وسرق مالنا وانتهك حقوقنا - مثلا - فيحق لنا الاعتراض عليه ..

هنا اذكرك يا دكتتور بما قاله الامام علي ابن ابي طالب للخوارج الذي كانوا يكفرونه ؛ وهو الامير؛ في اعتراف منه بحريتهم في الاعتقاد وفي تحديده لما تفرضه عليهم قواعد الاجتماع : (( لكم علينا ثلاث، لا نمنعكم مساجد الله أن تذكروا فيها اسم الله، ولا نمنعكم الفيء ما دامت أيديكم مع أيدينا، ولا نبدؤكم بقتال)) وقال لمن طالبوه بقتالهم (( دعوهم حتى يسفكوا الدم )) ..

الأخ عادل عبد العاطي
بعد التحية

Quote: وقد صرح بذلك بمعارضة ما فهمته؛ فهل له حق الاعتذار عليك على سوء الفهم والاتهام ؟؟

لا ليس له حق الاعتذار لأني لم اتهمه بشيء، أنا وجهت له سؤالا مباشرا، هل تريدني أن أعتذر عن سؤال؟ وهل يتطلب السؤال اعتذارا؟ السؤال محاولة للتأكد وتوثيق المعلومة وليس توجيها لاتهام، كل الذي قلته ـ ولم يعجبك ـ أنني سألت حبيب نورة هل لك مشكلة مع رسول الله، وأني حسب فهمي أراه انتقص رسول الله، وختمت بطمعي في الإجابة على هذا السؤال؟ فلماذا الاعتذار؟
إن كان السؤال يتطلب اعتذار فأنا أطلب منك هنا أن تعتذر لي عن سؤالك أعلاه لأنك ظننتني وجهت له اتهاما بينما الحقيقة أنني وجهت له سؤالا.

Quote: الم يقل انه ابن امراة كانت تأكل القديد في مكة ؟؟

وماذا في هذا، هل قلنا إن الرسول صلى الله عليه لم يرع الغنم، أو أن رعي الأغنام عيب، وانتقاص للنبي، فالكلمة مجردة من سياقها لا يكتمل معناها، وقد أقول الكلمة وتكون مدحاً في موضع، وأقولها وتكون ذما في موضع آخر، وما أحب الرجوع لتأويل النص خاصة أن كاتبه قال إنه لم يقصد الإساءة وهذا يكفيني ، مع أنه لا زلت أعتقد أن التعبير قد خذله في عنوان :عذابنا من زمن راعي الأغنام الذي أصبح نبيا شهيرا، ففي ظني أن بداية العذاب من زمن الرسول صلى الله عليه وسلم يحمل مضمونا سلبيا، كما أن السياق كله ليس مناسبا لمخاطبة الرسول صلى الله عليه وسلم ، لأن الله أمر الصحابة أن لا ينادو الرسول باسمه مجردا مثل ما ينادي بعضهم بعضا، فما الظن بمن يأتيه ويقول له يا راعي الأغنام الذي أصبح نبيا شهيرا، هذا السياق في لغتنا المعاصرة الآن يعد انتقاصا، لأنه كما قال الكباشي محمد صلى الله عليه وسلم ليس أخوه ولا ابن جيرانهم، وما المتداخلون الذين تداخلوا معترضين إلا لأنهم فهموا هذا الفهم.
والأمر في تقديري له علاقة برؤيتنا لرسول الله صلى الله عليه وسلم وللدين عموما، ولست أعجب أن لا ترى فيها انتقاصا للرسول، وذلك لاختلاف منطلقاتنا الفكرية فانت لا ترى الرسول كما أراه، لا أقصد حرفية أنا وأنت، بل أقصد العلماني أو الليبرالي لا يرى الرسول صلى الله عليه وسلم كما يراه الإسلامي، ولا الدين كذلك، وحوارنا السابق عن الزنا إذا حدث بالتراضي هل يعد جريمة أم لا يعطي مثال لاختلاف الرؤيا.

Quote: نعم يؤهلك ولكن هل النقاش هنا ادبي ام هو نبش في الصدور ومحاولة للتجريم ومدخل للتكفير ؟؟

يا عادل أنت من استنكرت أن يناقش حبيب نورة من لا يملك حسا أدبيا، ولم نقله نحن، فكيف تسأل هل النقاش أدبي أم لا؟ ، ثم من أين أتيت من كلامي بمدخل التكفير هذا؟

Quote: ولكن هل تتعلق نصوص حبيب نورة بمعاشنا وحقوقنا ؟؟

نعم تتعلق، وهذا الاختلاف في النظرة مردة أيضا للخلاف في الخلفية الفكرية، فعندي أنه من أحد أكبر أثرا في حياة المسلم من رسول الله صلى الله عليه وسلم، وكل كلام عنه فإنه من صميم شأن المسلم، ويؤثر عليه.
كذلك قصة الإمام علي مع الخوارج حجة عليك لا لك، وهل تراني حملت سيفا على حبيب نورة، ألم أفعل معه ما فعله الصحابة مع الخوارج،لأن الصحابة جادلوا الخوارج وناقشوا أفكارهم وأعادوا أعدادا كبيرة منهم إلى فكر أهل السنة والجماعة، مما يدل على أن حوار المخالف مطلوب، وليس في ذلك دليل على عدم مناقشتهم، وترك كل واحد وربه.
لك شكري.
التعديل لتصحيح معلومة

الاخ دكتور نذار تحياتي ...

Quote: لا ليس له حق الاعتذار لأني لم اتهمه بشيء، أنا وجهت له سؤالا مباشرا، هل تريدني أن أعتذر عن سؤال؟ وهل يتطلب السؤال اعتذارا؟ السؤال محاولة للتأكد وتوثيق المعلومة وليس توجيها لاتهام، كل الذي قلته ـ ولم يعجبك ـ أنني سألت حبيب نورة هل لك مشكلة مع رسول الله، وأني حسب فهمي أراه انتقص رسول الله، وختمت بطمعي في الإجابة على هذا السؤال؟ فلماذا الاعتذار؟ إن كان السؤال يتطلب اعتذار فأنا أطلب منك هنا أن تعتذر لي عن سؤالك أعلاه لأنك ظننتني وجهت له اتهاما بينما الحقيقة أنني وجهت له سؤالا.

نعم كان كلامك سيكون مقبولا لو لم تأت معه برأيك حيث استعجلت ولم تنتظر رده ..

Quote: وماذا في هذا، هل قلنا إن الرسول صلى الله عليه لم يرع الغنم، أو أن رعي الأغنام عيب، وانتقاص للنبي، فالكلمة مجردة من سياقها لا يكتمل معناها، وقد أقول الكلمة وتكون مدحاً في موضع، وأقولها وتكون ذما في موضع آخر، وما أحب الرجوع لتأويل النص خاصة أن كاتبه قال إنه لم يقصد الإساءة وهذا يكفيني ،

الا تعتقد انك ايضا جردت الكلمة من سياقها؛ وهو سياق ايجابي يبحث عن العدل في ذلك النص؟؟

Quote: مع أنه لا زلت أعتقد أن التعبير قد خذله في عنوان :عذابنا من زمن راعي الأغنام الذي أصبح نبيا شهيرا، ففي ظني أن بداية العذاب من زمن الرسول صلى الله عليه وسلم يحمل مضمونا سلبيا، كما أن السياق كله ليس مناسبا لمخاطبة الرسول صلى الله عليه وسلم ، لأن الله أمر الصحابة أن لا ينادو الرسول باسمه مجردا مثل ما ينادي بعضهم بعضا، فما الظن بمن يأتيه ويقول له يا راعي الأغنام الذي أصبح نبيا شهيرا، هذا السياق في لغتنا المعاصرة الآن يعد انتقاصا، لأنه كما قال الكباشي محمد صلى الله عليه وسلم ليس أخوه ولا ابن جيرانهم، وما المتداخلون الذين تداخلوا معترضين إلا لأنهم فهموا هذا الفهم.

هل اصلا القصيدة فيها مناداة للرسول ؟؟ ليس فيها .. واغلب المتداخلون لم يفهموا القصيدة وذهب ظنهم ان مدثر ومزمل الذين يخاطبهما حبيب نورة هما الرسول .. وهو ظن خاطئ كما يظهر من القصيدة ..

Quote: والأمر في تقديري له علاقة برؤيتنا لرسول الله صلى الله عليه وسلم وللدين عموما، ولست أعجب أن لا ترى فيها انتقاصا للرسول، وذلك لاختلاف منطلقاتنا الفكرية فانت لا ترى الرسول كما أراه، لا أقصد حرفية أنا وأنت، بل أقصد العلماني أو الليبرالي لا يرى الرسول صلى الله عليه وسلم كما يراه الإسلامي، ولا الدين كذلك، وحوارنا السابق عن الزنا إذا حدث بالتراضي هل يعد جريمة أم لا يعطي مثال لاختلاف الرؤيا.

نعم نحن نختلف فكريا وفي رؤانا؛ وان كان هذا لا يقلل من احترامي للرسول الكريم ؛ وهو احترام لا يدخل فيه التعصب او الحساسية ؛ واحسب ان ما طرح هنا فيه الكثير من التعصب والتسرع والحساسية .

Quote: يا عادل أنت من استنكرت أن يناقش حبيب نورة من لا يملك حسا أدبيا، ولم نقله نحن، فكيف تسأل هل النقاش أدبي أم لا؟ ، ثم من أين أتيت من كلامي بمدخل التكفير هذا؟

لااقصد كلامك تحديدا يا دكتور نذار وانما مداخلات العديدين هنا .

Quote: نعم تتعلق، وهذا الاختلاف في النظرة مردة أيضا للخلاف في الخلفية الفكرية، فعندي أنه من أحد أكبر أثرا في حياة المسلم من رسول الله صلى الله عليه وسلم، وكل كلام عنه فإنه من صميم شأن المسلم، ويؤثر عليه.

لم اتحدث عن اثر الرسول في حياة المسلم .. بل تحدثت عن علاقة القصيدة بحقوقنا ومعاشنا .. وهما فيما اعتقد موضوعان مختلفان ..

Quote: كذلك قصة الإمام علي مع الخوارج حجة عليك لا لك، وهل تراني حملت سيفا على حبيب نورة، ألم أفعل معه ما فعله الصحابة مع الخوارج،لأن الصحابة جادلوا الخوارج وناقشوا أفكارهم وأعادوا أعدادا كبيرة منهم إلى فكر أهل السنة والجماعة، مما يدل على أن حوار المخالف مطلوب، وليس في ذلك دليل على عدم مناقشتهم، وترك كل واحد وربه.

النقاش مطلوب يا دكتور ؛ ونهجك كان بالنسبة لي مقبولا؛ ولكن غير المطلوب التسرع في الادانة قبل سماع الناس والتعجل؛ وهو سمة كل هذا البوست ..

الاخ الكريم حزيفة لعلك بخير ..
أعترف أنني اعجز أحيانا في فهم نصوص الأخ حبيب نورة ويعتريني القلق من ظاهرها ..

اوردت انت :

Quote: والاخذ في الدين بظواهر الاشياء قال صلى الله عليه وسلم (اذا رأيتم رجلا يرتاد المساجد فاشهدوا له بالايمان)

وأورد حبيب نورة فيما أورد ردا عليك :

Quote: انا بقصد بي الرمزية دي إنو أيي زول بتوكل أو بتغطي بي اللادين و يفترضوا دين ، دة شخص ناقص دينياً والبتباكي و بزرف الدموع في سيرة الميتين كزيارة ضرائح المشائخ والأولياء يا الشيخ فلان تنجدني و تفزعني وتسوي لي ويعمل حيطة بيني وبين ربوا ويتناسي أنو ربنا قال (فإني قريبٌ أجيبُ دعوة الداعي إذا دعانِ) دة بزرع في الوهم الديني

Quote: في الجزئية دي إعتراف صريح وغير قابل للنقاش في ذات النبي و قدرتهُ علي رفع الظلم والغبن ولا ينكر هذه الحقيقة إلا الذين في قلوبهم مرض باب الأمل موجود+ الظلم مفقود+ الصباح مولود= وجوبية إنتظار حدوث هذه الأشياء طالما بقيت سيرة الرسول (ًص) موجودة فينا بالتالي إذا كانت السيرة النبوية منهلاً نغترفُ منهُ فأنا أعتبر نفسي مجرد كوز وسط فوضي الفنطازات البتغرف من القرآن والسنة

وشهد له من يعرفه من المتداخلين :

Quote: حبيب نوره إسمه يس وهو أصغر حاج مولود وهو إبن داعية ورع وتقى وباذل وهو من أهل صلاح وتقى وهو من أقرب الناس إليكم عقيدة وقرابه فدعوا هذا الرجل وشأنه فهو مؤمن وسالك..................

حزيفة : م الذي يمنع ان يؤخذ بالظاهر أعلاه؟

الاخوه المتداخلين
سلام
حتي لا ينحرف هذا البوست عن الهدف الاساسي له ونخوض في مهاترات تخرجنا عن النص
محور الحديث يدور حول استفهامات من حذيفه لحبيب نوره فهمها حذيفه من ظاهرها
وطلب من حبيب نوره التوضيح حتي تعم الفائده ويستفيد الجميع!!
فنرجو الا يضيع هذا في زحمة المدخلات .

هذا ما طلبه حذيفه يا حبيب نوره

Quote: قد نمى الي فهمي الذي قد يكون قاصرا" من باب (حسن الظن بك) انك تتعمد الاساءة والانتقاص الي جناب الرسول الاكرم ولهذا قم بفتح هذا البوست حتى نفهم منك...!!!!!!!! [/QUOTE ومن حق الاعضاء هنا ان يدعو لتوضيح ما يكتب في هذا المنبر لانه منبر يقرأه الجميع وليس مذاكرات شخصيه تكتب فيها ما تشاء.

---

Post: #115 Title: Re: حوار مفتوح وعاجل مع المدعو حبيب نورة Author: عبدالله وداعه الامين Date: 08-09-2009, 10:04 AM Parent: #114 حبيبا يا حبيب ما تحرت في موية و قيفها محيط محيط يبلع فهم الناس الشرقت طفحت ,, غرقت ولسة بتفهم بي التنقيط دين البفهم وما من دينو ولسة بيعمل فيها عبيط يا ياسين متزمل فهك ليه بتفسر طعم الموية وقد الابرة بكون من دبرا وديل قادين من دبر الخيط بابين وجهنم قدر الدنيا وباب لي النار من غير تبليط سجم الدين لو كان زي دينهم لو سجنوهوا بـ ها التحنيط

---

Post: #116 Title: Re: حوار مفتوح وعاجل مع المدعو حبيب نورة Author: نزار محمد عثمان Date: 08-09-2009, 12:48 PM Parent: #115 صحيح يا أخويا أنحن بنفهم بالتنقيط الثاء مثلثة والتاء مثناة .. جوّد شغلك أوعى من التفريط شان نبقى عباقرة متلكم لازم نمشي نشيلو مقاس أمخاخكم نزيدو شويه وننقص حتة ويعنى نبالغ في التزبيط ولمن نصلو تحل البركة.. عليهو نواصل في التقريط شغل افكاركم أصلو معقد عاوز ليهو حبة تبسيط بس بالله بدون هـا الحركة .. وهيك تمطيط

---

Post: #117 Title: Re: حوار مفتوح وعاجل مع المدعو حبيب نورة Author: Manal Mohamed Ali Date: 08-09-2009, 02:14 PM Parent: #116 والله ما طالبني حليفة يا المكاشفي اخوي مزمل ده ود خالتي سكينة حتى بالامارة ساكن في حلة الداخلة في عطبرة ____________

---

Post: #119 Title: Re: حوار مفتوح وعاجل مع المدعو حبيب نورة Author: عبدالأله زمراوي Date: 08-09-2009, 05:30 PM Parent: #117 المدعو حبيب نورة Quote: Quote: يا حبيب نورة لست مجبرا على التوضيح , ياخ الناس البستتبوهم في محاكمات الردة بسألوهم هل خرجت عن الإسلام لو رد قال لأ بسيبوه وهنا لا يكفي انك تقول لأ , لازم يسألوك كتبت كدا ليه قلت كدا ليه , بالغصب كدا وكسر رقبة حتطلع ملحد بتسيئ للإسلام !

---

Post: #127 Title: Re: حوار مفتوح وعاجل مع المدعو حبيب نورة Author: حبيب نورة Date: 08-10-2009, 01:06 AM Parent: #119 زمراوي نظام مررت من هنا واللا تضامناً

---

Post: #126 Title: Re: حوار مفتوح وعاجل مع المدعو حبيب نورة Author: حبيب نورة Date: 08-10-2009, 01:03 AM Parent: #117 منال سلام

---

Post: #125 Title: Re: حوار مفتوح وعاجل مع المدعو حبيب نورة Author: حبيب نورة Date: 08-10-2009, 01:01 AM Parent: #115 وداعة الجميل ياخي تسلم اخوك دعوات الناس دي رمتوا بكرة ببقي طيب وببقي قريب شكرن كتيرن

---

Post: #123 Title: Re: حوار مفتوح وعاجل مع المدعو حبيب نورة Author: حبيب نورة Date: 08-10-2009, 00:59 AM Parent: #114 آل الكباشي تشكرون انتوا وناس الكوثر و ساهرون

---

Post: #122 Title: Re: حوار مفتوح وعاجل مع المدعو حبيب نورة Author: حبيب نورة Date: 08-10-2009, 00:56 AM Parent: #112 عبد الله عثمان أشكر تفهمك

---

Post: #120 Title: Re: حوار مفتوح وعاجل مع المدعو حبيب نورة Author: حبيب نورة Date: 08-10-2009, 00:43 AM Parent: #110 Quote: المدعو حبيب نوره....هل لديك اقوال اخرى؟؟ أنت تابع لي شنو أول حزب الله واللا فرقة حسب الله!!

---

Post: #124 Title: Re: حوار مفتوح وعاجل مع المدعو حبيب نورة Author: سيف النصر محي الدين محمد أحمد Date: 08-10-2009, 01:01 AM Parent: #120 Quote: أنت تابع لي شنو أول حزب الله واللا فرقة حسب الله!! لا هذا و لا ذاك ... يا زول انا تبعك انت .

---

Post: #128 Title: Re: حوار مفتوح وعاجل مع المدعو حبيب نورة Author: حبيب نورة Date: 08-10-2009, 01:10 AM Parent: #124 تسلم يا جميل إذن إنت علي الطريقة الحبيبو نورانية بوركت

---

Post: #130 Title: Re: حوار مفتوح وعاجل مع المدعو حبيب نورة Author: عوض أبوجديرى Date: 08-10-2009, 10:53 AM Parent: #128 الأستاذ حذيفه بعد التحية والاحترام مدخل أول من الصعب جدا أن تحاكم مبدع بشوف متلقى قائم على التسليم والطاعة العمياء لإرث فقهاء السلطان التكفيرى الباطش ؟؟ ولنا فى التاريخ الاسلامى عبر وحكاوى يشيب لها الولدان !! مدخل ثانى على ضوء النص الابداعى للاستاذ حبيب نورة وإتهامه بإساءة الرسول فهذه قراءة تفتقر للادوات النقدية العميقة(خاصيتك) فى ربط النص بواقعنا المسمم بالبطش بأسم الله ورسوله.. دون معرفة حقيقية بماهية الرسول ودعوته ؟ أذن أستاذى حذيفه تحتاج لقراءة محايدة لهذا النص تخلو من قوالب العاطفه والحنان المفرط للدين ورسولنا محمد(ص). ولك منى التقدير والاحترام والسلام عوض أبوجديرى بعد غزوة الهكر الظالمة منذ يومين؟ وشكرا حبيب نورة للأبداع الخلاق.

---

Post: #131 Title: Re: حوار مفتوح وعاجل مع المدعو حبيب نورة Author: حبيب نورة Date: 08-11-2009, 02:14 AM Parent: #130 الحبيب عوض أبو جديري أشكر لك القراءة المتميزة شكرن كتيرن!

---

Post: #133 Title: Re: حوار مفتوح وعاجل مع المدعو حبيب نورة Author: حبيب نورة Date: 08-11-2009, 02:38 AM Parent: #131 الحبيب حذيفة رجعت ليك لي حكاية المدعو حبيب نورة وبتاع نورة ودي ممكن أرد ليك فيها بكافة الطرق والتي قد لاتخطر علي بالك وأمارس معاك صعلكة المنتديات ودي انا خبير فيها لكن عشان البوست أستنفد أغراضوا انا بنسي الفكرة وإن عدتم عدنا وإلي الملتقي كن بخير أنت و آل البيت

---

Post: #135 Title: Re: حوار مفتوح وعاجل مع المدعو حبيب نورة Author: حذيفه ابراهيم الكباشي Date: 08-11-2009, 07:02 PM Parent: #133 السيد ح/نورة والاخوة الافاضل رواد البوست تحية" واحتراما واعذر لكم عن غيابي في الايام السابقة وذلك نسبة" لظروف العمل الضاغطة ولكم العتبى ... مودتي .

---

Post: #140 Title: Re: حوار مفتوح وعاجل مع المدعو حبيب نورة Author: ثروت همت Date: 08-12-2009, 05:06 PM Parent: #135 1/عجبت لضعيف يدافع عن قوي!! ** 2/المدعو حبيب نورة.. إذا اردت مواصلة هذا الخيط..فهو خيارك,, ولكن أرجو أن تكف عن شرح ما وراء الحرف, فالكاتب غير مطالب بذلك. ** المهم:: ياسين..ياخ البوست ده خدمة إلهية نزلت عليك من السماء في وقت مناسب جداً..من الواجب شكر (كاتبه) علي فتحه:-)

---

Post: #141 Title: Re: حوار مفتوح وعاجل مع المدعو حبيب نورة Author: حبيب نورة Date: 08-13-2009, 00:49 AM Parent: #140 ثروت وينك ؟ الجاية من السما تتحملا الواطـة

---

Post: #142 Title: Re: حوار مفتوح وعاجل مع المدعو حبيب نورة Author: حبيب نورة Date: 08-13-2009, 00:59 AM Parent: #135 حذيفة ما مشكلة نحن قاعدين وراجينك ربنا يسهلا عليك محل ما تقبل ولسانا في بؤرة الضؤ